سن منی بو قدر گؤزلتمه‌میشدین
بئله قویمامیشدین گؤزومو یولدا
بو قدر اؤزونو گیزلتمه‌میشدین
گیزلن پاچ اوینایان واختیمیزدا دا
هایانا گئتسن ده دؤنموشدون یئنه
قاییدیب گلمیشدین منسیز داریخیب
بو دفعه بیلمیرم نه اولوب سنه
گئدیبسن، قاییتماق یادیندان چیخیب
قالیب ائویمیزده پالین_پالتارین
تله‌سیک گئدنده کیمه دئییبسن؟!
قاپینین آغزیندا، باشماق تایلارین
یولدا آیاغینا بس نه گئییبسن؟!
سولوب پیانونون اۆستونده گۆللر
تزه پرده‌لری یاندیریب‌دیر گۆن
سنین پیشیردییین او موراببالار
ایچیلیب قوتاردی؛ هارداسان اؤزون؟
بو آخشام غریبه بیر حس کئچیردیم
نه تئز عمر اؤتدو، یاش اللی اولدو
سنین آد گۆنونو سنسیز کئچیردیم
شکیلین، یگانه تسلّی اولدو
شیرین صحبتیندن اولماییب دویان
چاغیر قونشولاری! دویونجا گۆلک:
«منسیز گؤردونوزمو دؤزمور نریمان؟»
سنه قوربان اولوم، سن گؤرمه‌دین تک...
نریمان حسن‌زاده
@turkmilleti
مفتونی اولماییب کؤنلوم هئچ کسه
آی خومار باخیشلی سندن ساوایی
سیغیندیم عشقینه بیر پای گؤرمه‌دیم
دومان دان ساوایی چن‌دن ساوایی
قایتار عشق هاواسی چالان گۆنلری
عقلیمی باشیمدان آلان گۆنلری
عمر دن سایمیرام قالان گۆنلری
اودونا یاندیغیم گۆندن ساوایی
هانی هاواسینا دۆشدوگوم او سس
عشقه دۆشمه‌ینلر دردیمی بیلمز
ترک ائتدین راسیمی دئمه‌دین‌می بس
یوخدور بیر کیمسه‌سی سندن ساوایی؟
راسیم کریملی
@turkmilleti
#دنیانین_اؤلئیدی_بالاسی_بئله
بیر ائوده یاس قونوب، بیر ائوده تویدو
بیری قارا گئییر،بیری آغ گئییر
کیمین اوغلون آلیب اوغولسوز قویدو
کیمینه هله‌لیک بالامسان دئییر
دنیا وئردیگینی آلاسی بئله
دنیانین اؤلئیدی بالاسی بئله
هر نه‌یین باغریندا چارپاز بیر یارا
هر نه‌یین بیر دردی غمی آی تاری!
عُمرلر عینی دیر، نه آغ نه قارا
آنجاق کیمه دئمک بو ناغیللاری؟
دنیانین قورتارمیر بالاسی بئله
دنیانین اؤلئیدی بالاسی بئله
نئجه باشا سالیم، نئجه دئییم من؟!
مین دیری گؤز تاپمیر آنجاق کور تاپیر
کیمینسه تؤکولور یاغی یاغ اۆسته
کیمیسه بیر اوووج قورو شور تاپمیر
آی آناسی بئله، خالاسی بئله
دنیانین اؤلئیدی بالاسی بئله
زمانه بیر بؤلوک حق سؤیله‌نی
بوجاق دا بیره یه ، بیته یئدیردیر
بیری بالاسینا یئدیرتمه‌دیگینی
بیری ائوینده کی ایته یئدیردیر
آی آدامی بئله، تولاسی بئله
دنیانین اؤلئیدی بالاسی بئله
نامردلیک آت چاپیر، مردلیک باسیلمیش
خیانت ، رذالت هئی جولان وئریر
مین دۆز بیر یالانلا داردان آسیلمیش
بابکین یاراسی هله قان وئریر
چوخونون آلینیب قالاسی بئله
دنیانین اؤلئیدی بالاسی بئله
آی لاچین! اوچماغا چوخدا تلسمه
قاپیلار قیفیللی یوللار باغلیدی
آی کؤنول! یاز دئییب یارپاق تک اسمه
کیمی بؤینو بۆکوک کیمی داغلیدی
بنؤوشه سی بئله، لالاسی بئله
دنیانین اؤلئیدی بالاسی بئله
#نادر_الهی
@turkmilleti
💢💢💢
⭕️⭕️اوشاقلاری سئویندیرمک
مَلک‌لری سئویندیرمکدیر
🔷دومین دوره جشنواره #اردبیل‌خوانی
🔷اردبیل اوْخونوشو یاریشماسی‌نین ایکینجی دوره‌سی
🔸استان اردبیل از نگاه کودکان و نوجوانان
✍️موضوع:
توصیف استان اردبیل اعم از شهرها روستاها و مناطق مختلف این استان: و مناظر دیدنی‌اش اعم از طبیعی، تاریخی و ...
معرفی مفاخر علمی ،ادبی، هنری، دینی و.... آن.
🟢شرایط:
کودکان و نوجوانان عزیز میتوانند آثار خودشان را در قالبهای؛ شعر، داستان خاطره - دلنوشته، نقاشی و دکلمه به این
جشنواره ارسال فرمایند.
🟢 شرط سنی:
*از ۶ الی ۱۶ سال میباشد.
*حداکثر اثر ارسالی هر عزیز ۵ اثر میباشد.
*در بخش نوشتاری آثار نوشتاری میتوانند به یکی از زبانهای ترکی و فارسی باشند.
*کودکان سایر استانها نیز میتوانند آثارشان را به شرط ارتباط با موضوع جشنواره یعنی استان اردبیل از نگاه کودکان
و نوجوانان به این فستیوال ارائه فرمایند
* این جشنواره مجازی میباشد.
🟢مهلت ارسال اثر:
از اول خرداد تا ۱۵ تیرماه سال ۱۴۰۴
🟢نحوه ارسال:
*عزیزان شرکت کننده آثار خودشان را صرفاً از طریق شماره ۰۹۳۵۸۰۱۷۹۶۷ به واتساپ و تلگرام
انتشارات یایلیق بفرستند.
🔴🔴نکات مهم:
>در صورت امکان در بخش نوشتاری عکس اثر اصلی هم ارسال گردد تا در تهیه کتاب از آنها استفاده شود.
◀️آثار منتخبان گرانقدر به صورت کتاب توسط انتشارات یایلیق چاپ و منتشر خواهد شد. به منتخبان گرامی هدایای نفیس، فرهنگی همراه با لوح تقدیر اهدا خواهد شد.
✅️از والدین گرانقدر خواهشمندیم در کنار راهنمایی به هنر و خلاقیت عزیزان کودک و نوجوانمان اعتماد کرده و اجازه دهند آنها خودشان به خلق هنرهایشان اقدام نمایند.
🟡اسامی داوران این دوره؛
خانم دکتر ابراهیمی، خانم دکتر صارمی .....
🟢استان اردبیل شامل شهرهای:
اردبیل - اصلاندوز - بیله‌سوار - پارساباد -
جعفر آباد - گرمی - مشگین‌شهر (خیاو) - خلخال - سرعین - نیر - نمین - هیر - اُنگوت - کیوی و ... میباشد.
🟣گروه کودک و نوجوان انتشارات یایلیق
#ایمگه‌لر_کانالی
✔️✔️✔️
👇👇👇
/channel/imgalar
یاندی جانیم هجر ایله، وصل رخ یار ایسته رم
آغدام، موغام مرکزی
@turkmilleti
Bəlkə bu yerlərə bir də gəlmədim,
Duman, salamat qal, dağ, salamat qal.
Dalımca su səpir yoxsa buludlar? --
Leysan, salamat qal, yağ, salamat qal!
Qıy vuran qartallar yox oldu çəndə,
Nərgizlər saraldı şehli çəməndə.
Ey qaragöz pəri, dalımca sən də
Boylan, salamat qal, bax, salamat qal!
Gəldim, qarşıladı güllər-çiçəklər,
Gedirəm, əl edir boz biçənəklər.
Nidamı çaylara dedi küləklər:
Bulan salamat qal, ax -- salamat qal!
Dağların pələngi, şiri də sənsən,
Şairi də sənsən, şeri də sənsən.
Varı, bərəkəti, xeyri də sənsən --
Çoban, salamat qal, sağ-salamat qal!
1962
@turkmilleti
ائشيتديم اول قارا گؤز دلبريم ساغرپرست اولموش،
مي ايچميش مجلس اغياردا بيهوش و مست اولموش.
او سنگين دل الينده سؤيله‌نير كيم شيشه گؤرموشلر،
بو معنادان پوزولموش خاطريم، كؤنلوم شكست اولموش.
نه افسون ائيله‌ميش بيلمم، رقيب اول سرو رعنايا،
كي دۆشموش دام تزويرينده محكم پاي بست اولموش
نيگارا! اؤلدورور بو درد باالله عاشقِ زاري،
كي سؤيلر مردمِ عالم «: فيلاني مي !پرست اولموش »
شراب آلماغا سندن اؤترو تنده نقدِ جانيم وار،
گمان ائتمه كي بو بيچاره سید تنگدست اولموش.
سید عظیم شیروانلی
@turkmilleti
گئده‌نه یالوارما گئدیرسه گئتسین
نه‌ییمه گَرَکدیر داها قالماغی
حَتی بو حَیاتین قانونو بودور
آغاج دا ساخلامیر دۆشن یارپاغی
اَگَر کی عقلینده واردیرسا گئتمک
نه واختسا گئده‌جک او اَوّل-آخر
ائله بالیق وار کی ،بالیقچینین دا
دایانمیر، سۆروشوب اَلیندن چیخیر
گؤر سَنی گئدرکن نه گۆنه قویدو؟!
دانیشا بیلمیرسن، گۆله بیلمیرسن
حَیاتیم یازیردین هَمین انسانا
ایندی هئچ سالام دا یازا بیلمیرسن
بَلکه‌ده اونودوب هاردان بیله‌سن؟!
دۆشونمور گئجه‌لر سَنی، یاتاندا
سَن گیزلی نمره‌دن گیزلی زَنگ ائدیب
هَر گئجه سَسینه قولاق آساندا
هارداسا سَسله‌نن حَزین موسیقی
یادینا سالارسان، اونا باخ بئله
تَصادف، هارداسا گؤررسن اونو
گَزیر باشقاسییلا، توتوب اَل-اَله
اؤزون ائشیدرسن او اؤزگه‌سینه
یانیندان اؤته‌رک جانیم سؤیله‌دی
سَن اوندا بیلرسن، او آن انسانین
دنیاسی باشینا داغیلماق نه‌دی
گؤزلریم یورولدو یول گؤزله‌مکدن
مَن خَسته دۆشموشم، هاردان بیله‌سن؟!
خَیالین او قَدَر گؤزومدن کئچیب
حَکیملر دئییر کی ضَعیف گؤرورسن...
#ساحل_رضایئو
@turkmilleti
داغدان گیزلین کنده قاچیب آنامی
قورخویا سالدیغیم گۆنلر اولایدی
بئش ایل یوخ اون ایل یوخ بئش اون دیقه لیک
مقصر اولدوغوم گۆنلر اولایدی
گیلئیلی گذارلی سؤز یازا - یازا
کۆسئیدیم چکدیگیم اؤزومو نازا
تاختایا سيم قوشوب او یازیق قیزا
کرمی چالدیغیم گۆنلر اولایدی
گؤزۆم قالدی او سئودانین دالینجا
کاش یادیمدا قالمایایدی قالینجا
شانلی مکتوب یازیب جواب آلینجا
نگران اولدوغوم گۆنلر اولایدی
گزیرم تاپمیرام آرانی داغی
کؤنول ایتگین دۆشوب عمرون اوُچاغی
قَپیک- قَپیک ییغیب بیر بوْیون‌باغی
یادگار آلدیغیم گۆنلر اولایدی
" شجاعتم "غم آغارتدی باشیمی
فلک آتدی زندانلارا داشیمی
تزه یولا سالیب اوْن‌دؤرد یاشیمی
اوْن‌بئشه دولدوغوم گۆنلر اولایدی
شجاعت احمد‌اف
@turkmilleti
اوخونمور تقویمده بیزیم یازیمیز،
ایندی فصللرین قیشی چوخالیب.
حقّ-ه، یئییلمه‌یه داد-دوز ووروبلار،
باطل-ین آج‌قارین دیشی چوخالیب.
چوخالیب دردلرین آلچاق- اوجاسی،
نئچه‌سین یئمیشیک، قالیب نئچه‌سی.
بیزیم سنگک‌لرین باجا- بوجاسی،
سیزین سنگک‌لرین داشی چوخالیب.
نه دئییم قارغیمیش بو کائناتدان؟
قوش‌جیغاز کؤنلوموز چکیر قاناددان
هئچ نه دَییشیلمیر بیزیم حیاتدان،
یالنیز، قفسلرین قوشو چوخالیب.
باشینا بوشلاییب بیزی، قورتولوب،
دانیشمیر بیز ایله، سؤزو قورتولوب.
بیزه کی اۆز وئرمیر، اۆزو قورتولوب،
بلکه ده تانرینین ایشی چوخالیب.
بو ناغیل اوزون‌دور، اوزوندان اوزون.
گۆلسک ده گۆلموشوک هئی حزین- حزین.
بیز کی آغلامیریق؛ گؤزلریمیزین-
بس نییه بوقدر یاشی چوخالیب؟!...
#آیدین_باخیش
@turkmilleti
سؤز: بختیار وهاب زاده
سس: ائلدوست بایرام
@turkmilleti
مَن کی سؤز وئرمیشدیم اونودوم سَنی
بَس نییه دورمورام سؤزومون اۆسته؟!
جَسارت ائتمیرم گؤزومو قیرپیم
هَله ده یئرین وار گؤزومون اۆسته
شَرابلا دوست اولدوم سَن گئدن آخشام
ایچیب باده-باده ، اونودوم دئیه!
شَراب قاریشدیقجا دامارلاریما
سَنی اۆره‌ییم‌ده قوُرودوم دئیه!
دَردیمدن ایچیرم، منی گؤرنلر
ایچکی دۆشگونودور بو سَرخوش دئیر
قوواردیم بئینیمدن خَیاللاریمی
قورخدوم ائشیدنلر باشی بوش دئیر
مَنی سَرخوش گؤروب یانلیش آنلاما
شَرابدا دَردیمین دادین دویورام
سَنین گئدیشینه اۆزولمورم کی
اؤلموش اومودلرین یاسین توتورام...
#صددام_لاچین
╭━━━ ◉ ✦ ◉ ━━━╮
│ @poemistic 🌱 │
╰━━━ ◉ ✦ ◉ ━━━╯
@turkmilleti
اولان اولوب، کئچدی دئییب
سنی یئنه باغیشلادیم.
سنی سئودیم بیرجه کره
دؤنه-دؤنه باغیشلادیم.
باغیشلادیم سنی یئنه
باغیشلادیم دؤنه-دؤنه
سنی تانری وئرن گۆنه،
سئون گۆنه باغیشلادیم.
بیر یئرلرده کئچدیییمیز،
دیللندی او جیغیر، او ایز.
بیر یئرده آند ایچدیییمیز،
آیا-ایله باغیشلادیم.
دوغما، عزیز بیر کوچه‌یه،
سنسیز اؤتن هر گئجه‌یه،
بوینو بۆکوک بیر چیچه‌یه،
سولان گۆله باغیشلادیم.
بو دنیادا اونو بیل کی:
سن عشقیمین سونو، ایلکی
سندن باشقا کیمیم وار کی؟!
سنی، سنه باغیشلادیم؛
سنی، سنه باغیشلادیم
#بابا_وزیراوغلو
@turkmilleti
امضا کنید: کارزار درخواست اصلاح ماده ۲۰ قانون ثبت احوال در خصوص تضمین حق والدین در انتخاب نام فرزندان
https://www.karzar.net/210559
🎶 تونزاله آغایئوا 🎶🎷🎶
2012 _ Jazz World of Tunzale Solo Konsert
سؤزلر: گول‌آغا تنها
➖➖➖➖➖➖➖➖➖➖➖
أینین‌دن سویونوب قارانلیقلاری
قده‌رین حؤکموندن آیریلیب گلیر
پروانه جان آتیر شام ایشیغینا
گئجه‌نین ایچین‌دن سییریلیب گلیر.
نئجه معجزه‌دیر، ایلاهی، گؤرن(گؤره سن)؟؟
اؤلومه گلنلر بئله‌دیر گلیر
اجلی گیزلنیب قانادلاریندا
عؤموردن سییریلیب اؤلومه گلیر
اوجاق دئیک دونیانین دردینی داشییانلارا..
نور دئیک پروانه عؤمرو یاشییانلارا..
سئوگی‌سی عؤموردور بو سئوگیسیله
تک گلیب دونیایا جاهانا تنها
پروانه‌لیک وار خیصلتین‌ده
تنها پروانه‌دیر، پروانه تنها
نئجه معجزه‌دیر، ایلاهی، گؤرن؟؟
اؤلومه گلنلر بئله‌دیر گلیر
اجلی گیزلنیب قانادلاریندا
عؤموردن سییریلیب اؤلومه گلیر
اوجاق دئیک دونیانین دردینی داشییانلارا..
نور دئیک پروانه عؤمرو یاشییانلارا..
📺☕️🎼🎹🎷
.
.
@turkmilleti
گئدیرسن گئت
گئدیرسن گئت ، گلایه م یوخ ،غمین سندن قالان قالدی
آداخلاندیم بو درد ایله بو درد سندن نشان قالدی
واراقلاندیم بو دفتر تک ایچیم بوش قالدی آخیرده
یازیب پوزدون صداقتدن ،صداقتدن یالان قالادی
گئدیرسن گئت ، دونوب باخما گئدرگیدین بیلردیم من
سن اود ووردون بو اورمانه ،بو اورماندان دومان قالدی
شرابین کهنه سی خوشدور چاخیر سیندیرما سؤیله ردیم
ووروب سیندیرمادان سوزدو شرابیم تک زامان قالدی
دوداق تیکدیم شکایت دن بیلیردیم دادرس یوخدور
گئدیرسن گئت سنین ظولمون نهانیمدا عیان قالدی
منه آند ایچدین ای دلبر کی اؤلسم دونمرم سندن
گئت ایندی اوز چئویر مندن کی شاهد بیر قران قالدی
خزل وورموش بو گولزاره یاراشماز بولبول آوازی
ساری بولبول بوغازیندا بو دردلردن فغان قالدی
گئدیرسن گئت گلایه م یوخ پناهین تانریمیز اولسون
گؤروشمک لر زمانیندان قولاغیمدا اذان قالدی
الیم بوشدور جانیم یالقیز ییخیلسام سویله مم قالخیز
گئت اما ساخلا خاطیرده کی حوا باغری قان قالدی
لادن اسکندانی"حوا"
@turkmilleti
گلدیک بو دنیایا بیرگه بوی آتدیق
سئویب سئویلمه‌گین یاشینا چاتدیق
عشقه محبته هوس اویاتدیق
آنجاق وصال اوچون وئرمه‌دیک قرار
سن ده گناهکارسان من ده گناهکار
نه منده دیل اولدو نه سنده جرات
نه منده اۆز اولدو نه سنده مروت
آخر کؤنلوموزه یول تاپدی محنت
ایندیسه قلبیمیز آلیشار یانار
سن ده گناهکارسان من ده گناهکار
گیزلی ساخلادیقدا اؤز سّریمیزی
لیلی مجنون ساندی گؤرنلر بیزی
اؤزگه‌دن سورشدوق بیر بیریمیزی
سؤیله بوندان آرتیق قباحت‌می وار؟
سن ده گناهکارسان من ده گناهکار
افسانه صحبت‌دیر، بوراندی قاردی
کؤنلو یار ایسته‌ین داغلار آشاردی
سئوه‌نه اوتانماق نه یاراشاردی
دئیب دانیشماغی عار ائیله‌دیک عار
سن ده گناهکارسان من ده گناهکار
کئچن خاطره‌نی اویاداق باری
سهوین یاریسیندان قاییداق باری
گۆلسون کؤنلوموزده عشقین باهاری
گۆل دَرَک عمردن بار ایسته‌یک بار
نه سن گناهکار اول نه من گناهکار.
راسیم کریملی
@turkmilleti
مندن قاچدیغینی آنلادیم بوگۆن.
مندن قاچديغينى آنلاديم بوگۆن،
ساچينا اله‌نن ياغيشام، قارام.
سيليب گؤز ياشين‌لا خاطره‌لرى،
عمرون قاطارينى چتين ساخلايام.
مندن قاچديغينى آنلاديم بوگۆن،
قلبينين هر يئرى يارا، قاچيرسان.
سيخيب گؤزلرينه من لى گۆنلرى،
سن اؤز طالعيندن هارا قاچيرسان؟
مندن قاچديغينى آنلاديم بوگۆن،
نه ايميش مقصدين، نه اولدو قصدين؟
سن منيم قلبيمدن كدَره سۆرگون،
من سنين عمرونده عادى هوَسديم.
مندن قاچديغينى آنلاديم بوگۆن،
نه ائتديم، يولوندا دورا بيلمه‌ديم.
كيمسه‌سيز آغاجدا كؤچه رى قوش‌تک،
قلبينده بير يووا قورا بيلمه‌ديم...
#گۆنل_سالمانلى
@turkmilleti
💢💢💢
"پروانه‌یه آزادلیق
پنجره‌م قوشا لایلی... صاف شوشه‌لر اوز-اوزه،
آراسیندا پروانه، - آغ قانادلی مؤعجوزه.
دار قفسه گؤره‌سن هاردان دوشوب بو یازیق؟
قاباق شوشه، دال شوشه... ایره‌لی ده بارماقلیق.
هئی دارتینیر یوخاری... قالخیر-قالخیر، سوروشور.
دوشور بیر ده آشاغی... قانادلاری بوزوشور.
پروانه چیخا بیلمیر بالاجا، دار قفسدن.
بو چیخیلماز گوشه ده دوشوب یازیق هَوَسدن.
نه‌یه گلیر گومانیم؟ عادی آشیق ساپینا.
گؤتوردوم بیر آغ ساپی، توللادیم کمند اونا.
آنلادیمی؟ آغ ساپین آغ اوجوندان یاپیشدی.
بیر داها جهد ائله‌دی، غفیلدن قاناد آچدی.
اوچدو گؤزل پروانه‌م بارماقلیق آراسیندان.
اوچدو، آغ شکلی قالدی گؤزومون قاراسیندا.
اوچ، سئویملی پروانه‌م، عکسین گؤزومده قالدی.
دونیا دوستاقلاریندان بو گون بیری آزالدی.
"#موسکووا، لئفورتووو زندانی،
جمعه، 23 فئورال 1990"
✍#خلیل_رضا_اولوتورک
#ایمگه‌لر_کانالی
✔️✔️✔️
👇👇👇
/channel/imgalar
