رح نضيف هاشتاك جديد
لبقية الفقرات
مع #توعية و #تمريضي
بعنوان #صحة_نفسية
النا كممرضين
بوجود الممرض النفسي
وكمرضى بنفس الوقت وكبشر بشكل عام
والسبب شفت هواي قصص
حالات وفاة بسبب ضغط العمل داخل المجال الصحي
بغض النظر عن أهمية الدور النفسي للمريض
ولايخفى عليكم دور المجال النفسي بالحياة الشخصية
ودور الافكار الي هي اساسا المنشأ الحقيقي للسلوك
ومن باب زيادة الوعي النفسي
العلم يتطور كل يوم
ف الي جان بالأمس صح
ممكن اليوم خطأ
الطب ما چان متطور مثل اليوم، فهواي علاجات كانوا يستخدموها الناس بدون معرفة كافية
يعني مثل "ماي الغريب"هالدواء كان بمثابة علاج سحري لكل شي عند الامهات بخصوص اطفالهن ، من المغص للبطن وحتى للكحه
بالحقيقة اكو انواع قديمة منه چانت تحتوي مواد خطرة، مثل الكحول
فالمن تنطي الام ابنها فينام ويبتسم
هي تكول الغزيل يلاعبه
والاخ سكران 😅
هاي المواد ممكن تأذي الأطفال وتسبب إدمان أو مشاكل بالجهاز العصبي
فما عرف شلون قبل يتصرفوا وي المضاعفات
هسه النسخ الحديثة من ماي الغريب صارت أكثر أمان الشركات الحديثة شالت منه المواد الخطرة، وصار يعتمد على أعشاب خفيفة مثل اليانسون الي تهدّي البطن وتقلل الغازات عند الاطفال
بس الأطباء بعدهم ينصحون
لا تنطوا للطفل إلا بعد ما تستشير دكتور اطفال لأن حتى الأعشاب ممكن تسبب تحسس أو تفاعل دوائي وهم الجرع منها لازم تكون دقيقة
#تمريضي@two_stnursing
تخيل اكو علاج مستقبلي ماستغليه بعد
و مكتشفيه قبل اكثر من قرن
كلنا نعرف بالجسم مكون من انسجة والانسجة مكونة من خلايا
ولكل نسيج خلايا خاصة بيه
خلايا جلدية
عضلية
عصبية..الخ
لكن اكو نوع خلايا غير متمايزة
اسمها الخلايا الجذعية Stem Cells
وجودها انو اذا صار نقص بالخلايا الي ذكرتها فوك هي تعوض بمكانه
وتصير خلايا حسب الاحتياج
يعني اذا صار تلف بخلايا جلدك
تتحول هاي الخلايا لخلايا جلدية
يعتقد الباحثين اذا صار تطور وتقدم
انو ممكن من خلالها نكدر نسوي انسجة (نعالج بتر عضو، بعضو طبيعي مو طرف صناعي) لكن حاليا الها استخدامات وعلاجات محددة لان بيها اثار جانبية غير مسيطر عليها من قبل الباحثين .
وين موجودة؟
حسب انواعها
نوع اول
الخلايا الجذعية الجنينية (Embryonic Stem Cells)
تُستخلص من الجنين بعمر 3–5 أيام
(Pluripotent) تگدر تتحول لأي نوع خلية بالجسم تقريباً عصبية او عضليةاو كبدية...الخ
استخدامها الطبي محدود لان اكو مشاكل أخلاقية ومناعية
نوع ثاني
الخلايا الجذعية البالغة (Adult Stem Cells)
رح نلگاها بأنسجة الجسم بعد الولادة مثل نخاع العظم و الدم والجلد
نوع ثالث
الخلايا الجذعية المستحثة (Induced Pluripotent Stem Cells - iPSCs)
تُنتج بالمختبرات من خلايا بالغة (مثل خلايا الجلد) بعد "إعادة البرمجة" حتى تتصرف مثل الخلايا الجنينية
من خلال هاي الخلايا
نعالج امراض السكري
امراض العين والقلب وغيرها
حالياً لكن ننتظر تطور الطب حتى نستغل هاي الخلايا
#تمريضي@two_stnursing
شايف من تروح لصيدلية وتكله اريد علاج هذا
يكلك اكو شركة كذا وشركة كذا
وكلمن سعره ت
وتختار السعر الاغلى
ليش دوا نفس الاسم أو نفس المادة، بس السعر مالته يختلف بين شركة وشركة؟ وليش أكو ناس ترتاح لدواء معين، وتخاف تغيّره حتى لو أرخص؟
خل نوضحها ببساطة، بس على أساس علمي مدعوم بأبحاث من الـFDA والـWHO.
شنو الفرق الحقيقي؟
المادة الفعّالة تكون نفسها بالضبط ، سواء الدواء أصلي أو "مُعدل " (يعني مقلد علميا بعد ما تنتهي براءة الاختراع).
الفرق بس بالمكونات الثانوية، مثل اللون، الطعم، أو المواد الحافظة، وأحيانًا بطريقة التصنيع.
يعني من ناحية التأثير الطبي، هو نفسه تقريبا.
حسب الـFDA، لازم الدواء المُعدل يثبت أنه يوصل لنفس مستوى الامتصاص بالجسم، بنفس الوقت تقريبا، وبنسبة اختلاف ما تتعدى ±20%.
زين ليش الأسعار تختلف؟
الشركة الأصلية تصرف فلوس هواي على البحث والتجارب والإعلانات، ولهذا سعرها أعلى.
أما الشركات الثانية تجي بعدين، تاخذ التركيبة الجاهزة، وتسويها بجودة قريبة، فتكلف أقل وتنزل للسوق بسعر أرخص.
يعني الي يبيع ارخص يجي ع الجاهز ياخذ التركيبة الدوائية وكبل يبيع
عكس الي يبيعوا اغلى يحسبوا تكاليف ابحاثهم ووو ..الخ
منظمة الصحة العالمية (WHO) وضّحت أن الأدوية المُعدلة ممكن تكون أرخص من الأصلية بنسبة 60 إلى 90%
بس شنو التأثير النفسي؟
الجانب الاهم بالموضوع هذا
هنا يدخل العامل النفسي، واللي يسموه العلماء تأثير البلاسيبو (Placebo Effect).
يعني المريض إذا حس إن الدواء غالي أو من ماركة معروفة، يقتنع إنه أقوى، ويحس بتحسن أسرع حتى لو التركيب نفسه.
وهذا مو خيال أكو دراسة بمجلة JAMA سنة 2008 ثبتت إن المرضى اللي أخذوا دواء گالولهم إنه غالي حسوا بتحسن أكثر من غيرهم رغم إن الدواء كان نفسه بالضبط
هم المريض اللي متعود ع ماركة معينة يخاف يبدّلها، وهذا الخوف أو الشك ممكن يأثر ع التزامه بالعلاج
(صارت وياي لحد ما عرفت هذا الموضوع بتفاصيلهه).
#تمريضي@two_stnursing
سامعين باختيار الحساسية الي تسوويه مرات او شفتوه بالتدريب الصيفي لمن يوصفوا مضاد حيوي للمريض
الحساسية هواي اسبابها وحالات كثيرة ادت للوفاة للاسف
لذا اكو شي اسمه
اختبار الحساسية (Allergy Test)
رح يعرف الطبيب من شنو جسمك يتحسس (دواء، طعام، تراب ..الخ
أنواعه منها
اختبار الجلد: ينقط الطبيب مواد على الجلد ويخدشه شوي، إذا صار احمر المكان أو ورم او صار اي شي مو طبيعي يعني عندك حساسية.
اختبار الحقن: يحقن كمية صغيرة من المادة تحت الجلد للتأكد أكثر
فحص الدم: يسحب دمك ويشوف إذا جسمك ينتج أجسام مضادة (IgE) ضد مواد معينة
الطبيب رح يكلك شنو المواد اللي لازم تتجنبها وأحيانا ينطيك بطاقة توضح حساسيتك.
لذا لا تاخذ أي مضاد حيوي أو دواء جديد قبل ما تكول الطبيب بحساسيتك، لأن حتى جرعة حيل قليلة ممكن تسبب ردة فعل قوية.
#تمريضي@two_stnursing
للممرضين الي مايحبوا يقروأ مصادر طبية ضخمة
وبالتالي تغيب عنهم امور مهمة
النشرة الداخلية لاي علاج هي خارطة رسمية للعلاج تبين شلون يشتغل، شلون ينأخذ، وشلون لازم يتخزن.
تنطيك صورة كاملة عن المخاطر والفوايد: يعني مو تاخذ الدواء وانت ما تدري شراح يسوي بجسمك
تعلمك الأعراض الجانبية المحتملة حتى إذا صارت عندك أو عند غيرك تعرف تربطها بالدواء.
تخليك واعي للتداخلات مرات أكو أدوية أو أكل إذا أخذتهم سوا يسببون مشاكل
وتزيد ثقافتك الطبية بحيث تصير تعرف تميز بين المعلومة الصحيحة والإشاعة المنتشرة عن الأدوية
#تمريضي@two_stnursing
📢 إعــــــــــلان
تدعو عمادة كلية البوليتكنك – القادسية الطلبة الأوائل (20%) إلى مراجعة شعبة شؤون الطلبة يوم الأحد الموافق 21 / 9 / 2025، لغرض استلام الكودات الخاصة بالتقديم على الجامعات.
♦️ملاحظة مهمة:
🔹️حضور الطالب شخصياً للتوقيع على استلام الكود.
🔹️اصطحاب البطاقة الوطنية الموحدة.
والله ماتنعرف ندخل للرابط منصة اور ماتلكي لا كلية تمريض ولا تقني تمريض ولا اي شي خاص بالتمريض
الافضل الكم تنتظروا التعيين الخاص بالصحة
تبقى اكو تعليمات نقابة غيرها ماعرف
#عاجل_جدا
نرفق لكم الاختصاصات المطلوبة في تعيين وزارة التربية / المدارس الأهلية
طبيب عام ، طبيب اسنان ، صيدلاني
تقني صحة مجتمع
رابط التقديم على التعيين
https://ur.gov.iq/index/show-eservice/51729/24/org
المستمسكات المطلوبة :-
البطاقة الوطنية
بطاقة السكن
وثيقة او تأييد التخرج مع رمز QR-code
/channel/Medical_cours1
العام اني مشيت على النظام هذا
هو متعب بصنع الفلاش كاردز بس اني استغليت الذكاء الاصطناعي وهم سكرينات للسلايد بدل ما اكتب
ومفيد كلش لنظام الكورسات بالمراجعة اليومية بحيث ماتتراكم المادة عليكم
منشور لطلاب المراحلة الثانية الي هنا
او لكل طالب وهم اي شخص لازال يتعلم
اكو تطبيق مجاني للاندرويد ومدفوع لجماعة الايفون
قبلها نشرح شنو هالبرنامج وفكرته
دماغنا ينسى المعلومات بسرعة إذا ما نراجعها بانتظا
. أكو عالم ألماني اسمه إبِنغهاوس طلع فكرة "منحنى النسيان"، يعني كل ما يمشي وقت بدون مراجعة، المعلومة تبدي تروح.
أنكي يستغل هالشي ويذكرك بالمعلومة قبل لا تنساها بالضبط، حتى تترسخ بدماغك.
Anki برنامج
يعتمد على مبدأ اسمه التكرار المتباعد (Spaced Repetition Syste– SRS)، وهو مستمد من علم الأعصاب وعلم النفس التربوي.
الحل
إعادة المعلومة في أوقات مدروسة قبل أن ينساها الطالب هذا يقوّي الترابط العصبي Synaptic connections ويحول المعلومة من الذاكرة قصيرة المدى إلى طويلة المدى
بما انو حاليا تحت التخدير الموضعي خلنستغل الحدث ونقدم شرح شلون يشتغل التخدير الموضعي
الأعصاب بجسمنا مثل وايرات الكهرباء، تنقل الأحساس من مكان الألم للدماغ
هاي الوايرات تشتغل بتيار قليل (شحنات كهربائية) يمشي بداخلها عن طريق شي اسمه قنوات الصوديوم
لمن الدكتور يجي يطيك إبرة تخدير موضعي (مثل بالأسنان أو خياطة جرح)، الدوا يدخل جوه العصب ويسد هالقنوات.
بمجرد ما تنسد، التيار الكهربائي ما يمر، يعني الإشارة ما توصل للدماغ
فالدماغ ما يستلم رسالة "أكو ألم" تحس المنطقة نامت أو خَدّرت.
النتيجة شنو
ما تحس بالوجع
مع العلم تبقى صاحي وواعي وتحس بالجزء المخدر لكن ماكو الم
بعد شكم ساعة الدوا يروح من الدم وترجع الأعصاب تشتغل طبيعي
#تمريضي@two_stnursing
اكو جهاز اختصاره AED
شنو هذا ال AED؟
هو جهاز اسمه بالإنكليزي Automated External Defibrillator يعني جهاز مزيل الرجفان القلبي الخارجي
وظيفته ينطي صدمة كهربائية مضبوطة للگلب إذا وگف فجأة أو صار بيه رجفان.
وين نلگاه؟
هالجهاز يخلوه بالأماكن العامة: مطارات، مولات، ملاعب، مكاتب جبيرة… حتى الناس العادية تگدر تستخدمه مو بس الممرضين.
شلون يشتغل؟
1 أول شي تشغّل الجهاز.
2 يحچي وياك صوتياً خطوة بخطوة (مثلاً: "الصق اللصقات عالصدر").
3 تلصق الـ Pads (اللصقات) عصدر المريض مثل ما يبين بالرسم الموجود بالجهاز
4 الجهاز يقيس نبض/نشاط القلب ويقرر إذا يحتاج صدمة كهربائية لو لا
5 إذا يحتاج، يكلك اضغط زر الصدمة، والجهاز يطلق الشحنه.
ليش مهم؟
لأن المريض الي يصير عنده توقف قلب مفاجئ، كل دقيقة تمر من غير إنعاش أو صدمة كهربائية تقلل فرصة بقاءه حي. الـ AED يزيد فرصة إنقاذ حياته بسرعة قبل لا يوصل الإسعاف
للمعلومة هذا ما يغني عن CPR
لان AED مخصص ينطي صعقة كهربائية منظمة للقلب حتى يعيد نشاطه
اما CPR يحافظ على امرين مهمين
وصول الدم والاوكسجين بشكل طبيعي للقلب والاعضاء
اذا اشتغلوه سوية كلش افضل ومهمات لأنقاذ الحياة
#تمريضي@two_stnursing
قال النبي محمد صل الله عليه وآله و سلم : إنَّ الشمس والقمر آيتان من آيات الله، لا ينخسفان لموت أحد ولا لحياته، فإذا رأيتم ذلك فادعوا الله، وكبروا،وصلوا،وتصدقوا
اللهم ارحمنا إذا برق البصر وخسف القمر وجمع الشمس والقمر، اللهم اجعل خسوف القمر هذا رحمة لنا ولا تؤاخذنا بذنوبنا ولا تنزل غضبك علينا واغفرلنا وارحمنا
الضغط النفسي
أغلب الناس من نكول “مالي خلك او ضايج” يتخيلها مجرد ضوجة أو ملل عشوائي، بس بالحقيقة الطب النفسي يفسّرها على إنو هي حالة نفسية داخلية ناتجة من تراكم الأفكار والمشاعر السيئة .
يعني مو مجرد عرض طارئ بدون سبب
لا هذا شي حقيقي يأثر على كيمياء الدماغ بالتالي يسبب النا خمول او تعب أو حتى صداع بدون سبب عضوي واضح
الجسم والعقل يرتبطون سوية وإذا النفسية تعبت الجسم هم راح يبين عليه التعب
شلون تصير؟
من كثرة التفكير السلبي، التوتر المستمر المقارنة بالناس، أو البقاء ويا أشخاص متعبين نفسياً ( ماترتاح وياهم)
هاي الأمور تغير مستوى هرمونات السعادة (مثل السيروتونين والدوبامين)، وتزيد هرمون الكورتيزول المسؤول عن التوتر
وشلون نتخلّص منها حسب الطب النفسي؟
هنا حسب كل شخص والاعتياد مالته
اكو يخلص منها بطريقة ايجابية
وبيهم مايعرف يتخلص منها بطريقة صح
لكن النتيجة تكون مرضية نوعا ما
افضل من كتمها
ف تختلف حسب:
الي تكون بصلاة وتريد الاذكار
اكو بالطلعة بره لحديقة او السوك او كوفي
اكو بالبكاء ( عند البنات)
او الصياح او تكسير الاشياء (عند الشباب)
اكو بالتدوين اليومي (ترتيب الافكار) وتفريغ القلق .
والي بالنوم والابتعاد عن المصدر المسبب
هواي امور يكدر يستخدمها الممرض
اثناء عمله او حياته الشخصية
ذكرت الطرق الصحيحة الايجابية
والطرق السلبية لكن مثل ماكلت افضل ما يكتم هاي المشاعر لان ع الاثر البعيد تكون مضرة جداً
#صحة_نفسية
🔴وزارة الصحة
الفئات المشمولة بحمل وحيازة السلاح
١/الدرجات الخاصة [مدير عام فما فوق]
٢/لاطباء الاستشاريون
٣/الاطباء الاختصاص
#خبر
التمريض وباقي التخصصات الطبية يدافعوا عن انفسهم باللابكوت لو يطبقوا مقولة( الشردة نص المرجلة )😐
نقيب التمريض: وجه رئيس الوزراء بتاريخ 6/10/2025 بإضافة مخصصات 20% تضاف تخصيصاتها ضمن موازنة 2026 بعد متابعات واجتماعات لم نعلن عنها للخصوصية وحساسية الموضوع
#خبر
لم اكن ذا حمية جاهلية
ذو تعصب متطرف
وحبٌ بجهل
اللهم الا في حب هذا الوطن
بكل اقطابه المتضاده
هذا البلد الذي تساقطت على أرضه قطرات دماء الانبياء والاولياء الزكية
وشارك هوائه نفسهم الطاهر ليوم الدين
يتجدد حب هذه الارض التي وصف من يقُتل دفاعاً عنها شهيد عند الله!
في محافل كثيرة
في مسابقات دولية دينية ودنيوية
في مهرجانات محلية
في رياضات كثيرة
في شدائد كبيرة
اذاً في السلم وفي الحرب
في السر والعلن
اليوم يقف العراقيون متابعة لمحفل بسيط من محافل هذا البلد العظيم ماضياً ومستقبلاً
اما حاضراً فها نحن اليوم
نشجع منتخبنا وبلدنا معهم في الخسارة والفوز
رعد عبد الله
#مع_العراق
إياك أن تتوقف عن القراءة،
فإن فعلتَ، ستأكل من الحرام، وستكون أموالك حراما!
هل ترضى أن يأتيك ميكانيكي ليصلح سيارتك،
وسيارتك فيها نظام جديد لا يعرفه،
ثم يعمل بها ويأخذ منك أجرًا؟
هل يكون المال الذي أخذه حلالًا؟
بالطبع لا، بل هو حرام.
وأنت تعمل مع البشر!
تتعامل مع وصفات طبية وأدوية،
وتقول: "يا جماعة، أنا لا أعرف ما به المريض، اطلبوا له أي أشعة أو تحاليل"،
فهذا أيضًا حرام.
حتى وخزة الإبرة، ستُسأل عنها:
لماذا شُكّ هذا المريض دون سبب؟
أرجوكم يا أبنائي، لا بد أن نقرأ.
ما دمنا اخترنا مهنة الطب أو أي مهنة أخرى،
فعلينا أن نقرأ، أن نقرأ، ونستمر في القراءة!
— الدكتور علي حسيب
#توعية
بالاضافة لمعرض الكتاب الدولي
معرض ومؤتمر الصحة الدولي
اغلب شركات الادوية العالمية متواجدة
الي بمجال الصحة هالمؤتمر كلش مفيد
السلبي بالموضوع وقتهم
اقل من وقت معرض الكتاب
الايجابي بهيج معارض رح تلتقي بشخصيات دولية عربية واجنبية سواء كنت من عامة الناس او شخص مختص هلشي مهم حتى تكدر تبني شبكة علاقات ولو بسيطة ولو بطريقة عفوية
قد تبدي بسؤال شخص الك وين بوابة الخروج
هتسمع لجهة مصر ،تونس ،ولكنات بريطانية بمكان واحد ( بغداد_المنصور)
1- زهراء محسن عبد
2- بنبن راجح طرار
3- زينب حبيب ضاهر
4- أحمد علي حظي
.
.
.
.
مُبارك الكم طلابنا فخر التمريض 👏🏻🤍
#عاجل_جدا
وزارة التربية تعلن إطلاق رابط تعيين خريجي المجموعة الطبية دفعة 2023 و دفعة 2024 ودفعة 2025 في المدارس الاهلية / وحدة الصحة المدرسية
رابط التقديم :
https://ur.gov.iq/index/show-eservice/51729/24/org
الاختصاصات المطلوبة في وزارة التربية :-
▪︎ طبيب عام ، طبيب اسنان ، صيدلاني
▪︎تقني طبي صحة مجتمع
المستمسكات المطلوبة اضغط هنا
/channel/Medical_cours1
شرح البرنامج
https://youtu.be/FeWH16a_Vnk?si=mQhC3r7hr3fhVHdt
تحميل البرنامج للاندرويد
https://play.google.com/store/apps/details?id=com.ichi2.anki
نصف الوعي اخطر من الجهل
اليوم صادفني موقف بين اطفال
عن موضوع معين (ترند) الاهل محذريهم منه بطريقة غلط
ماحجي عن الترند وتفاصيله لأن عندي مبدأ
للامام علي عليه السلام
"اميتوا الباطل بالسكوت عنه "
يعني لطششوه بنقلكم تجاهلوه
ف الاطفال كلامهم عن الترند كان تخويف من الاهل بطريقة مغلوطة وتبني فكر مغلوط عند الاطفال
الاطفال كلش واعيين وبيهم اذكياء بالفطرة فلمن تعلموهم ع شيء معين خاطبوهم كانما واعيين لكن بطريقة مبسطة بمفردات سهلة
مو تعلموهم شي غلط
وهاي المعلومات سواء كانت دينية تربوية ...الخ
لتعلموهم غلط بقصد التحذير وتخوفوهم بطريقة غلط
#توعية
فيديو توضيحي لاستخدام هالجهاز
https://youtu.be/6RxvavdxJv4?si=dQ0mAO0xoTl0aBjr
يكلك اذا تريد تعرف نقطة ضعفك
شوف شنو اليستفزك
هواي اشوف عركات بالانستا او تيك توك
لمن يكولوا كلمة (مضمد)
بعيداً عن اصل التسمية
وهم بعيداً عن الي يكولها بقصد او بغير قصد ( لأن الناس كلمن ابن بيئة وثقافة ومعلومة معينة)
لكن لمن تحاول تبرر نفسك انو انت الممرض كذا والحاصل ع شهادة كذا
لاي حدد يكلك مضمد، كابتن، وحتى لمن يمدحك ويكلك دكتور ايضا لتتأثر
انت لمن تحاول تدافع عن شيء معين ( وهالشي حقيقة ثابتة) رح تكون بموقف ضعف
انت مو مجرد مسمى وظيفي فقط، انت انسان بالوظيفة وخارجها
والحياة لازم تشمي بتغافل
مو كل كلمة لازم نبررها ونفكر بيها
وايضا من باب الاولوية لتتغيرر المفاهيم الدارجة الخاطئة
تحاول تنشر هيج معلومات
عن كونك (الممرض ) ويوجد ممرضين بمعلوماتهم ينافسوا اطباء اختصاص!
هنا انت تثبت احترامك وجدارتك مو بالكلام ورفع الصوت والرد على اي احد
الرد يكون بالفعل والعلم بالاختصاص الخاص بيكم ❤️
ولا نخفي انو نحتاج:
محاضرات وورش عمل بالمدارس والجامعات عن دور الممرض.
برامج تلفزيونية وإذاعية تستضيف ممرضين يشرحون شغلهم.
محتوى بالسوشيال ميديا (فيديوهات قصيرة، صور، بوستات) تبين أن الممرض هو خط الدفاع الأول بالصحة.
وهذا دور الممرضين (دوركم)
#توعية @two_stnursing
