1889
إن اللّٰه لا يكسِرُ قلبَ مَن توسل بالزَهراءِ 💔
يعمي النواظر فكد الاحباب ،، ليش النحبهم جوه الاتراب
حكي اعثر بدربي ،، دافن اهل كلبي
يا فكد الأحباب
1-
تنام الناس وانه الليل ما نمته
جادر فاتحه وما لحضه نزلته
رجيج الشوف دربي منين ضيعته
انه العمره خلص ويده اعله خاصرته
المايدري شنهي البيه معذور ،، عمري اعله حبل الضيم مشرور
ما ينوصف تعبي ،، دافن اهل كلبي
يا فكد الاحباب
2-
دفنت احبابي ومشي اعله الجرح كوه
من اطب للمكبره ولوحدي اتلوه
وين البي محنه وعشرته حلوه
دافن انه وين الغالي واليسوه
ويه التحبه تروح جناز ،، تثكل مشيته اليفكد اعزاز
بس رحمتك ربي ،، دافن اهل كلبي
يا فكد الاحباب
3-
يهل كلبي الصور ما ترضه ننساكم
ذكرنه ايامنه الحلوه وذكرناكم
تره حيدر علي ما غافي بچفاكم
مو بتراب باليشوفن دفناكم
يالزهره كعدينه وذكرناچ ،، للبيت اجينه وما لكيناچ
بچه الصور حبي ،، دافن اهل كلبي
يا فكد الاحباب
4-
بعد ما تحله ويه الناس سالفتي
البيت اشلون ادخله وماكو بي انتي
فاتحتچ كضت بس تبدي فاتحتي
وهاي المكبره البيها انتي مكبرتي
يصعب علينه هواي فركاچ ،، ننسه الدليل وما نسيناچ
عايش مثل مسبي ،، دافن اهل كلبي
يا فكد الاحباب
5-
انه الجرحه غميچ وكثرت اهمومه
انه الثكلت عليه يا فاطمه اهدومه
صوركم بالجفن يحبابي مرسومه
بعدكم وين اروح وروحي مهضومه
دافن عزيز وكلبي مشلوع ،، غير البچي ماعندي موضوع
بس الصور كربي ،، دافن اهل كلبي
يا فكد الاحباب
حسين عبد الجليل
#نعـي
حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره
يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره
يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره
تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره
الشاعر رعد الجريخي
#اللهـم_عجـل_لوليـك_الفـرج
قصيده لسيدتي ومولاتي فاطمة الزهراء عليها السلام
لو تفارگلك محب
البعد كلش صعب
روح چنت بروح عيشتنه سوه
من جفه الزهراء فارگت الهوه
البعد كلش صعب
✿✿✿✿✿《 1 》✿✿✿✿✿
انه ضيعت الهوه وروحي والحساس
متت وياها لمن فارگت الانفاس
گمت اكتم حزني ماوضحنه لناس
ولو بيتي منهدم ومفلش الساس
والدمع من دم يصب
البعد كلش صعب
والفرح فارگته عاشرت الحزن
ونت المجروح يوميه اون
البعد كلش صعب
✿✿✿✿✿《 2 》✿✿✿✿✿
انه اضمن دمعتي محد نظرها
الزهره مو هين اسمعنه خبرها
بسيفي اسطر للاجه يمها وسطرها
اتعجبو گالو علي شو ماحضرها
ترجف الگاع من اطب
البعد كلش صعب
كلها گالت وين سيفك ياعلي
وام حسن من غير شخصك تنولي
البعد كلش صعب
✿✿✿✿✿《 3 》✿✿✿✿✿
ياحبيب اليشبه الزهره الحنينه
حان الوداع الزچيه ماتجينه
نسمع القرأن منها اتعودينه
ومن تسبح تشفه كل الآم بينه
هيه اعذب من عذب
البعد كلش صعب
والعمر هاجرني وياها وجفه
المحنه راحت ويالعاطفه
البعد كلش صعب
✿✿✿✿✿《 4 》✿✿✿✿✿
طفت شمعاتي وعشت ايامي ظلمه
حسين المني اسمعه يصيح يمه
اليفارگ ماترك فد يوم همه
ماتشوف عيونه نور تشوف ظلمه
بعد ميشوف الدرب
البعد كلش صعب
ماتكف احزاني وتكف حسرتي
انه من الهجر بلوه بلوتي
البعد كلش صعب
✿✿✿✿✿《 5 》✿✿✿✿✿
الناس تسأل ليش حماي الحمه
اغله من الروح عندك فاطمه
ليش عايفها بحزن متألمه
اجو للدار العصابه المجرمه
شتم شافت والضرب
البعد كلش صعب
بلايه ام الحسن ماريد العمر
دنيتي ماحبها بالهم تستمر
البعد كلش صعب
✏ الشاعر الحسيني فرحان البزوني
"حَبيبَة گلبُ الحُسِينْ"سَلامَ اللّٰه عَليهَا"…❤️🩹!
#ياام_البنين
#ياباب_الحوائج🤲🌿
شوط كربلائي
عدنا الي يموت نروح نعشه لحيدره نزَوره
بس ام الحسن يا ناس حيدر زاير الزهرة
ــــــــــــــــــ
من عادتنا وي المات نمشي نشيع بنعشه
عند المغتسل والناس كلها لاجلة متجمعه
وما ندفن بدينه انسان حدنا لقبره ونودعه
بس حيدر دفنها وناح
وظل اعله القبر ماراح
تبجيلة الأرض من صاح
قلبة من الوجع والاه جنة تفجر بصدرة
ــــــــــــــــــ
من بعد الحزن جم يوم عالحايط يظل صورة
شمعه و تنطفي من البيت لو ميت هدم سورة
بس الزهرة كل الكون اظلم ورتحل نوره
ظل مثل الرماد الكون
فگد ام الحسن ميهون
ماتت واليظل شلون
يصبر يا قلب مشتاگ بي غصة والف حسرة
ــــــــــــــــــ
تقديراً وره التابوت ودام تمشي متكلفة
وتودع الجنازة الناس حتى المحد يعرفة
بس الزهرة نص الليل بالسر تندفن وسفة
نعش ام الحسن من راح
لليل وماكو كل مصباح
لا خلف الجنازة صياح
تتشيع غريبة بليل هاي وصية الحرة
ــــــــــــــــــ
تاريخ اليموت يعود كل عام ويرد يومة
من ظمن الثوابت هاي كل احبابة ملمومة
موعد لاجلة داير حول بس الزهرة مظلومة
شما دارت سنة وتنعاد
موعدها عصف برماد
موعد يوم الاستشهاد
مو بس الگبر يا ناس منها تختفي الذكره
ــــــــــــــــــ
للگاضي العمر موجوع راحة الموت اله ورحمه
والعمره جبير ومات عايش بالعمر نعمه
بس اثمنطعش وتموت وعمر الورده تتسمه
قتلوها بغدر ظلام
ذبحوا سنة الاسلام
ولها جفت الاقلام
ونرفعت صحف والكون ما طايح عجب امره
ــــــــــــــــــ
للميت گبر معروف يندله اليجي زيارة
واسمه ينكتب فوگاه يصبح مرقده وداره
وبكاع النجف موجودضيف الحيدره وجارة
يم المرتضى ومدفون
وأهله من يجي يزورون
كبرة لاجلة من يبجون
گبر الزهرة ما معلوم يمن نسجب العبرة
ــــــــــــــــــ
من طاحت ورگته فلان صار جنازة عنوانة
بصحن المرتضى نوديه ونصلي اعله جثمانة
ونطوف الضريح يزور ونشيعة اعله بيبانة
ونصلي صلاة الموت
والوحشة على التابوت
ونودعه برفيع الصوت
مامر كل نعش بالكون يشبه فاطمة الحرة
ــــــــــــــــــ
كل شيعي امنيات يزور گبر ام الحسن قلبة
مشهد فاطمة الزهراء يم حيدر علي وقربة
يعني اربع مناير كون گبة مجاورة لگبة
رب العالمين وشاء
هذا مرقد الزهراء
يمها المحسن وأسماء
أدخل يالتزور تريد طفي بدمعك الجمرة
ــــــــــــــــــ
الليالي الفاطمية
الشاعر زين العابدين الشمري
يا غاية خلق الاكوان ... يا زهراء
وبأسمچ ضوّة القرآن ... يا زهراء
***
يا بنت المختار ويا ام المعصومين
يا حجة اعله الحجج وصار حبچ روح الدين
يامن لو فرحت والله يفرح رب الكون
ويغضب رب الكون بيوم يالزهره اتغضبين
لكل مؤمن حبچ عنوان ... يا زهراء
***
هالليله اتعزي التوراة ايات التنزيل
وشفنه ادموع الحزن اتسيل بعيون الانجيل
انّا اعطيناك الكوثر كلمة رب الكون
عالخاتم باسمچ ايات بلّغهن جبريل
يا دمعة كل الاديان ... يا زهراء
***
سبّح نورچ للرحمن قبل الكون وصار
ثمرة جنّه وراده الله سر من الاسرار
ويالزهره بليل المعراج الهادي اتبشر بيچ
وهاي الثمره ابأمر الله اتناولها المختار
يا تفاحه من الرحمن ... يا زهراء
***
اسمچ معنىٰ اصول الدين وافروعه بمعناچ
أُم ابيها ونبي للناس ما يُبعث لولاچ
لهل السمه مثل النجمات من الارض اتضوين
ولذلك بأسم الزهراء ربچ هالسمّاچ
وبسابع سمه نورچ بان ... يا زهراء
***
لو رحمة ربچ انسان بين الناس اتصير
چان بشكلچ صاغ الله هالرحمه بتدبير
كل ايات الذكر ايام بسنينچ تنشاف
وصبرچ واخلاقچ والطيب ينكتبن تفسير
يا رحمة بصورة انسان ... يا زهراء
***
الشاعر سعد هادي الشمري
شوط كربلائي
عدنا الي يموت نروح نعشه لحيدره نزَوره
بس ام الحسن يا ناس حيدر زاير الزهرة
ــــــــــــــــــ
من عادتنا وي المات نمشي نشيع بنعشه
عند المغتسل والناس كلها لاجلة متجمعه
وما ندفن بدينه انسان حدنا لقبره ونودعه
بس حيدر دفنها وناح
وظل اعله القبر ماراح
تبجيلة الأرض من صاح
قلبة من الوجع والاه جنة تفجر بصدرة
ــــــــــــــــــ
من بعد الحزن جم يوم عالحايط يظل صورة
شمعه و تنطفي من البيت لو ميت هدم سورة
بس الزهرة كل الكون اظلم ورتحل نوره
ظل مثل الرماد الكون
فگد ام الحسن ميهون
ماتت واليظل شلون
يصبر يا قلب مشتاگ بي غصة والف حسرة
ــــــــــــــــــ
تقديراً وره التابوت ودام تمشي متكلفة
وتودع الجنازة الناس حتى المحد يعرفة
بس الزهرة نص الليل بالسر تندفن وسفة
نعش ام الحسن من راح
لليل وماكو كل مصباح
لا خلف الجنازة صياح
تتشيع غريبة بليل هاي وصية الحرة
ــــــــــــــــــ
تاريخ اليموت يعود كل عام ويرد يومة
من ظمن الثوابت هاي كل احبابة ملمومة
موعد لاجلة داير حول بس الزهرة مظلومة
شما دارت سنة وتنعاد
موعدها عصف برماد
موعد يوم الاستشهاد
مو بس الگبر يا ناس منها تختفي الذكره
ــــــــــــــــــ
للگاضي العمر موجوع راحة الموت اله ورحمه
والعمره جبير ومات عايش بالعمر نعمه
بس اثمنطعش وتموت وعمر الورده تتسمه
قتلوها بغدر ظلام
ذبحوا سنة الاسلام
ولها جفت الاقلام
ونرفعت صحف والكون ما طايح عجب امره
ــــــــــــــــــ
للميت گبر معروف يندله اليجي زيارة
واسمه ينكتب فوگاه يصبح مرقده وداره
وبكاع النجف موجودضيف الحيدره وجارة
يم المرتضى ومدفون
وأهله من يجي يزورون
كبرة لاجلة من يبجون
گبر الزهرة ما معلوم يمن نسجب العبرة
ــــــــــــــــــ
من طاحت ورگته فلان صار جنازة عنوانة
بصحن المرتضى نوديه ونصلي اعله جثمانة
ونطوف الضريح يزور ونشيعة اعله بيبانة
ونصلي صلاة الموت
والوحشة على التابوت
ونودعه برفيع الصوت
مامر كل نعش بالكون يشبه فاطمة الحرة
ــــــــــــــــــ
كل شيعي امنيات يزور گبر ام الحسن قلبة
مشهد فاطمة الزهراء يم حيدر علي وقربة
يعني اربع مناير كون گبة مجاورة لگبة
رب العالمين وشاء
هذا مرقد الزهراء
يمها المحسن وأسماء
أدخل يالتزور تريد طفي بدمعك الجمرة
ــــــــــــــــــ
الليالي الفاطمية
الشاعر زين العابدين الشمري
(( قضية وثار ))
راياتك ترف يمته العجل يبن الحسن والله
قيح اگلوبنه انترست القضية وثار ماننساه
بيدك تصلب الجبتين الدفع باب أمك الزهراء
قضية فاطمة ثار وجرح ومصاب
حاشى انجامل الدافع عليها الباب
لأخير أنفاس نبقه نلعن الشيّخيَن
القتلوا فاطمة ابلايه ذنب وسباب
يمته ياراعي الحمية تظهر وبيدك فقار
وتاخذ ابثار الزچية وتعتلي قبة ومزار
الوحَا ثم الوحَا ثم البدار البدار
تظهر واللسن مولاي تنگص
الطويلة والحدر رجليك ترخص
"" "" "" "" "" "" "" "" "" "" "" "" ""
دم المحسن المضلوم يرد من تنتهض للثار
وتعلم أهل السقيفة اشلون حرگوا عالزجية الدار
قليلة ابحقهم الشيّخيَن عليهم لو گلت فُجار
حدر رجليك تسحگها الشبآه ارجال
بالأسماء محسوبين ماعدهم حرام افعال
يامولاي بچفوفك امربع يرد الثار
مابيهم فحل ولد النِزع سروآل
ابطلعتك أهل السقيفة تصطلي ابنار اللضى
وللسيادة اتنادي ماكو بس علي المرتضى
هاشم أسياد الخليقة اعلى الرضى والمارضى
ودم المحسن البالروح يسعر
ابطلعت فقارك حقه يظهر
"" "" "" "" "" "" "" "" "" "" "" "" ""
قضية فدك والزهراء جريمة واضحه امنِ ازمان
غدرهم والنوآيا السود على اگصصهم صفت عنوان
الزلمة يگابل الزلمة مو زلمة على النسوان
العلى الزهراء رفعوا للضلامة اچفوف
تجي ابچفك تعيشهم عذاب وخوف
الزلم صارو على النسوان يامولاي
العمر كلّه ماكضوا بدين اسيوف
اظهر ابشمس الحقيقة وقطع الشك باليقين
وشلع اجذور السقيفة وصرخة اصرخ للسنين
يالثآرات الزچية ويالثآرات الحسين
اظهر عالضلم بچفوفك الخير
ودولة مهدويه الهاشم اتصير
"" "" "" "" "" "" "" "" "" "" "" "" ""
جشعهم والغدر ظهروا على بنت النبي المختار
منها سلبوا المحسن ونبت وسط الضلع مسمار
ابقصاص ابن الحسن باچر الهم ماتفيد اعذار
يجي المهدي ويراويهم عذاب الله
الغصبوا حق أمه فاطمة الزهراء
امام الكل باچر يصلب الجبتين
ويرد ثاره وينشفها الدموع وياه
ويندفن دين السقيفة ودولة الباطل تموت
واللسن يگطع كلها وللسقيفة ماكو صوت
ويعتلي صوت الحقيقة ويسكت الباطل سكوت
وتنخص الافراح ابرجعت الثار
الشيعة فاطمة وشيعة الكرار
"" "" "" "" "" "" "" "" "" "" "" "" ""
خادم السلطان
سيد محمد الياسري
اويــــــلاه يـــــفاطم اويــــــلاه
علي ابـ آه بـــــدونچ علي ابـ آه
جمر دمعـه
على البضعه
أويلاه
ـــــــــــــــــــــــــــــــــــ
يم گبر فاطم تعنه حيدر وخانگته عبره
تعثر ابكل خطوه جدمه والنَفَس كل شهگه حسره
منحني ومو مثل الاول منكسر وايده اعله ضهره
يم حسن بشريني گلها ضلعچ ابيا حاله كسره
تشـافه عسنَّه تشـافه
وسافه خسرتچ وسافه
قهر ينعه
على البضعه
أويلاه
ـــــــــــــــــــــــــــــــــــ
سلّم اعليها ابنحيبه وناده يافاطم بدونچ
عيني ما ناشف دمعها ساعة الغُمضت عُيونچ
جيت اناشد يلحبيبه عن أثر شفته ابجفونچ
ازرگ امن السطره لونه ذبّل امن القسوه لونچ
بالــعيون سطرتچ بالعيون
والجفون يورمن والجفون
أثر صفعه
على البضعه
أويلاه
ـــــــــــــــــــــــــــــــــــ
يالحد گبر الوديعه ام حسن طمّنّي عنها
هوّدت ونّتها يمّك فاطمه لو بعده ونها
ينلچم متن البتوله هذا كل خوفي ابچفنها
يالحد شحچي وشسولف عن سياط الألمنها
نحيبي اشيبطل نحيبي
نصيبي أفارگ نصيبي
علي اشوضعه
على البضعه
أويلاه
ـــــــــــــــــــــــــــــــــــ
فاطمه وشاغلي بالي هلسؤال اشما اجيلچ
شوغة البسمار خفّت لو بعدها ابنص دليلچ
اچفوفچ امچوايه لَسَّه لا تگليلي دخيلچ
رحتي زعلانه وحزينه ما طفت جمرة غَليلچ
جريَّه دموعچ جريَّه
عليَّه تخافين عليَّه
بچه اتسمعه
على البضعه
أويلاه
ـــــــــــــــــــــــــــــــــــ
فاطمه الباب امن اصده علخدود ادموعي تجري
يلبتول وچن عصرتچ ينعصر بحزانه صدري
مُختصر وضعي ابغيابچ بالجزع راح اگضي عمري
تفارگيني ابسرعه قدرچ وانفجع بيچ انه قدري
غـــريبه يروحي غــريبه
الحبيبه جفتني الحبيبه
مثل شمعه
على البضعه
أويلاه
ـــــــــــــــــــــــــــــــــــ
راح ارد لدياري ميت ويه روحچ تبقه روحي
أرد اسمع اهل المگابر للمشت مظلومه نوحي
فاطمه اشكي لمُحمد علجرالچ هسه روحي
طه خيـضمد جروحچ مو مهم تنزف جروحي
الاگيه يجي ويوم الاگيه
احاچيه على الصار احاچيه
ذبل فِرعه
على البضعه
أويلاه
ـــــــــــــــــــــــــــــــــــ
سيد علي عبدالزهره الناجي
( گعديه جناس ) لاستشهاد الزهراء عليها السلام
هذا الجره وصار. هذا الجره وصار
البيت طفَّوا شمعته. الغَدَّار هوه وزمرته
هجموا على الدار
★★★★★
ابزود ابوها الامه صارت بالمجد ترفع علمها
وارتفع شأن البريه. بدار شع الهم. علمها
بهل بيته تخون تالي احمد الوادم. علمها
أولها جافوه الشرع
وثانيها كسروه الضلع
وگلب الوصي ضل منصدع وزينب الونت علمها
يلرايد اخبار. يلرايد اخبار
حسين بجرح قاسي امتحن
ومذهول من شاف الحسن
هجموا على الدار
★★★★★
وضع ماينحمل أصبح حل عليه الشر وساده
خوفهم چان ورعبهم. تنثني الحيدر وساده
وينبني الدين وَتعمره. اطياب من حيدر وساده
بياداعي ومنين الأمر
المارادوا الحق يستمر
تحكم سلاطين الكفر. وقاده علوادم وساده
والزمن غدار. والزمن غدار
اشعمل بآل المصطفى.
واهل السقيفه والجفه
هجموا على الدار
★★★★★
ابحكم واحد دنيا صارت بالهزل حكمت وجدها
بفاطمة وبيت النبوة المصطفى تغدر وجدها
الزهره بعد اغياب طه. الشوفته زايد وجدها
بعد الحبيب المصطفى
هلناس مابيهم وفه
كلهم حقد كلهم جفه. النهج والدها وجدها
يردون الاشرار. يردون الاشرار
علباطل اترد العرب.
بلباب من شعلوا حطب
هجموا على الدار
★★★★★
بالغضب سَعَّر الباري. نار لهل الشر حملها
للْكْسَر ضلع الزچيه. وبالرفس طَيَّح حملها
من الخلگ مافزع واحد. ولابشر منهم حملها
السكته علامات الرضا
الشافوا ضلوع مرضرضا
وحافظ وصيته المرتضى من النبي طه حملها
البيت اشتعل نار. البيت اشتعل نار
ابكل حقد أشباه الزلم
هجموا على بيت العلم
هجموا على الدار
الشاعر حسن لعيبي الحريشاوي
#نعـي
مولاي الحسين يسأل مولاي الحسن روحي لهما الفداء
توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*
*ميرزا عادل أشكناني*
قم المقدّسة
#اللهـم_عجـل_لوليـك_الفـرج
من اذكرنك علي عباده
::::::
بيدك الفلك يدور انت إنجيل وزبور
انت بأذن الله اكيد تحيي كل هاي القبور
انت چفينك عطاء نجف انت وكربلاء
ومن اصيحن يا علي بيك ينزاح البلاء
وادم ومـــا عــــدها حيـــدر تنولــــي
شعدها ذيچ الناس عدنه احنه علي
يبقه حبك علــــــــي حبـــي الازلي
علي قائد بس اله القياده
::::::
انت سلطان الزمان من اذكرنك امان
ولئن بي اسمك اشوف يا علي حلو الاذان
انت بيت الله العتيق بيك تنحل من تضيق
علي حبل الله المتين علي يم الله الطريق
ماكو مثلك حيدره ابيت الله صار
السيوف وتنحني يـــــــــم الفقار
الهـــــــــدوم ان علي اجمل شعار
العرش اعلن الك حداده
:::::
انه ما شايف امير لا حمايه ولا وزير
وين اكو مثلك رئيس عمره يفتر عالفقير
تنطي بس لابس لثام لا صور لا اي كلام
مثلك ابدن ما يصير علي وتحب السلام
اليتم ويـــم علي عايش سعيد
علي ما يلبس حرير ولا جديد
علي مـــا عنده ابد كلمة عبيد
تنطي للي يطلبك زياده
:::::
انت قالع خيبره ما تلد مثلك مره
بس علي بالكون اكيد عنده سبع الگنطره
انت صفين وبدر بس الك يحله الشعر
بلا عدد معروفه هاي شلون ينعد الصفر
تسهل الصعبه اذا چفك حضر
علي ودخيلك مـــن ايام الدهر
ابد ما ينمسح نص الكعبه طر
الموته وبحبك علي سعاده
:::::
لا ابد مالك مثيل يا علي حامي الدخيل
واحنه من نهتف علي كالجبل لا ما نميل
منك تخاف السيوف خلها لو تكثر الوف
چنت وحدك وانت جيش رغم ما يمك طفوف
چان جدهم عنده ثوب وينزع
وعــــدنه الكرار ما يلبس درع
بظلام وتفتد نــــــــــور الشمع
نريد منك يا علي الشهاده
:::::
علي جبار الكعبي
الفاتحه لوالدي
▪️▪️▪️▪️▪️
حيدر عجب ما حانت منيته
لمّن باللحد وسّد ام بيته
امتعّبته المصيبه بفراگ الحبيبه
▪️▪️▪️▪️▪️
ايساعد الله گلُب حيدر من دِفن فاطمه الزهره
نُفض چفّه امن التُراب او ناح والدمعات حمره
اتبيّن ابوجهه فگدها او بَينت ابصفنِته الكسره
وسّدها روحه بالگبُر
بيّن عله الحِيد الكسُر
والفحل بفراگ الطهُر
الهوه ابريته صار حسره
كسروا ظهره بالزهره ابقتلها
حرموا منها الف وسفه بعلها
يتعاله نحيبه بفراگ الحبيبه
▪️▪️▪️▪️▪️
گعد فوگ الگبر حاسر ينحب ابهاي الرزيّه
او علي لو ما صبُر گلبه يندفن يم الزچيّه
القبِل چانت تجلي همّه حرمته منها المنيّه
هيهات يرتاح او دِفن
جوّه التراب ام الحسن
والراحه والفرحه مِشن
امن ايد حمّاي الحميّه
صارت ظلمه بعيونه حياته
من ودّع علي كل امنياته
روحه اضحت غريبه بفراگ الحبيبه
▪️▪️▪️▪️▪️
چان يرجع من حروبه اسهام متصوّب تصدّه
ينكسر گلْب الوديعه الحالتِه او تگعد تضمده
راحت الچانت تعزّه ضل ابو الحملات وحده
چف اليداوي حيدره
محروگ شافه ابنظاره
او زرگه چفوف الطاهره
من سياط الردي او عَبده
من غسّلها ابو الحمله تحسّر
شاف السطره والضلْع التكسّر
ما يخمد لهيبه بفراگ الحبيبه
▪️▪️▪️▪️▪️
علي ما تنعد جروحه او گلبه من الحزن ذايب
النعش شاله ابچتفه گوّه منهدم ليث الحرايب
شعره أسود طلع بيها او رجع من الدفن شايب
ودّعها بالهم والقهر
ناحل او مكسور الظهر
يشبه اهِلال اوّل شهر
صوّبت چبده النوايب
همّه اجبال ما تگدر تحمله
والبسمار لوعه ابگلبه خلّه
بس موته طبيبه بفراگ الحبيبه
▪️▪️▪️▪️▪️
علي شاف البيت وحشه صار من ماتت زهرته
راحت الچانت تسنده او توگف اوياه ابمحنته
الفاطمه مكسور ظهره او بُگه الكرّار ابغربته
من فتح بابه المرتضى
اتذكّر ضلوع امرضرضه
بالمدمع الخد فيّضه
صعب تتوصّف كسرته
مهموم الوصي والراس حاسر
شاف اولاده مكسورين خاطر
حالتهم عجيبه بفراگ الحبيبه
▪️▪️▪️▪️▪️
ابو الحسن الوائلي
▪️▪️▪️▪️▪️
كسرة الضلع
منها منفجع
واهمل الدمع عالزچيّه
▪️▪️▪️▪️▪️
انه المهدي او عله خدّي الدمع يجري
عله السطره عله الكسره انحنه ظهري
فلا اغفه او فلا يطفه جمر صدري
كل وكت أوِن
وانحب ابحزِن
چلمة الـ وإِن سهم بيّه
▪️▪️▪️▪️▪️
اعتله ونّي بِأرض حزني الجنِح خفّگ
اشكبُر همّي وجه اُمّي البتول انطگ
الصعب هوّه الطهُر گوّه الهوه تشهگ
حگها تنجرح
كل نفس رمح
كل مسه او صبح تون هيّه
▪️▪️▪️▪️▪️
ثجيل امره الضلع صدره اذا ورّم
يون سكته الهوه حتّه صعب يشتم
الدمع ساجم ابضلع فاطم يسيل الدم
منها يا بشر
كسروا الظهر
اتصوّروا القهر بهالرزيّه
▪️▪️▪️▪️▪️
ابظهر محني يرن بذني احس ونها
أمُر يحزن وگع محسن ابرفِس منها
الدمع يهمي خيال اُمّي صفت چنها
يا خلگ صعب
الزهره تنضرب
ضل أثر ضرب للمنيّه
▪️▪️▪️▪️▪️
أواسيها الصفه ليها الدمع سلوه
او توِن حگها لأن طگها الفلا يسوه
انحِنت كِلها الجدار الها غِده تچوه
الزمره بالعلن
آذوا ام حسن
اتحاربت لأن رافضيّه
▪️▪️▪️▪️▪️
الگبُر مخفي عله چفّي غداً يطلع
انتقم ليها او أخلّيها الگبب تلمع
أشِب ناري وكت ثاري الرگب تركع
للذبح سره
قبْل الآخره
الثاني حبتره اتحرگه اديّه
▪️▪️▪️▪️▪️
ابو الحسن الوائلي
اريد انخاك يبن المايرد الناس
يالشابع عطش لاجن توزع حساس
احلفك ياحُسين بغيرت العباس
بهاي ذنوبي تتقبلني يا مولاي
،،،،،،،،،،،،،،،،،،،،،،،،،،،،،،،،،،،،،،،،
يالمعلمني احبك وانه احبك دوم
يا اول جرح بحساسي ضل مرسوم
يالمضحي بطفل من العمر مفطوم
ومضحي بخيم حسره عليها الماي
،،،،،،،،،،،،،،،،،،،،،،،،،،،،،،،،،،،،،،،،،
اضلم عمري بس الخدمة مصباحه
وبس وياك احسن بالتعب راحه
طير انه وخدمتك صارت جناحه
تدري هواي احبك واكثر من هواي
،،،،،،،،،،،،،،،،،،،،،،،،،،،،،،،،،،،،،،،،،،
يالشابع طعن ومفرهده هدومك
وصحاري الغاضريه مغيره رسومك
انسه ايامي كلها والطم اليومك
عايش ياحبيبي انه برحمتك هاي
،،،،،،،،،،،،،،،،،،،،،،،،،،،،،،،،،،،،،،،،،
ما انسى الخيم والغربه والعاشر
ومن فوگ المهر لمن طحت حاير
صدرك رحمة الله وداسك الحافر
واختك عالهزيله اتريد خوه وراي
ابوفايز الرافضي
#نعـي
مولاي الحسين يسأل مولاي الحسن روحي لهما الفداء
توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*
*ميرزا عادل أشكناني*
قم المقدّسة
#اللهـم_عجـل_لوليـك_الفـرج
🥀🥀فراق الزهراء ع🥀🥀
اداء ملا امير الصبر
كلمات الشاعر فرحان البزوني
نعي المولاتي فاطمه الزهراء ع
حال السان مولاتي زينب ع
فزيت وصحت فاطم يمه وينج
وشلـون عن عيناي غـفت عينج
انه شلون انــساج ونسه ونـينج
راح الحنان وخلص يمه حنينج
شتكلها بعد مولاتي زينب عليها السلام
يمه جا بعـد تخلص شلـون دنياي
وانه بعــدج صــرت فاجـده الراي
يمه وين انطي الوجه وين منواي
وعليــــج ما يخـلص أبد مبــجاي
شتكلها بعد مولاتي زينب ع
يــــمــه
شلون اكــضي اليل وأصــبح شلـون
يمــه وغيـــابج يـــعـميــها الــعـيون
ســـبابي الحزن وبــيه تــغير الــون
انـه ما ضــنيت احـــبابي اليــشيلون
مــو عل البـال. والله يمه غيابج. .مو عل البال
صبح جتال. انه مدري زماني. صبح جتال
يمــه والحال ولاينوصف بعدج .يـمه والحال
دمعي هــمال صبح ومسيه. .دمعي هــمال
شتكلها بعد مولاتي زينب ع
يمه
موش حلوات اليالي بدونج مــوش حلوات
يايــمه مرات. ســود وصفن. يايــمه مــرات
ونات ونات. اكضي العمر. يايـــمه ونـات
صحت هيهات مـالج عوده. وصحت هيهات
كلمات الخادم
مرتضى مكطوف الموالي
دفـن بـيـده علي الزهره
رجع محني نكسر ظهره
شكبرها هالمصيبه .. دفن بيده الحبيبه
نكسر ظهره.
____
من غمض فاطم جفنها. سودت الدنيه عله حيدر
احـلامـه كـلـهن وامنياته صـارن اتـراب وتـناثر
يعينه الله علـه المـصـيبه كـلشي بعيـونه تغـير
حـيدره مـو ذاك الاول. بالـهـوى گـام ايـتـعـثر
أسـد خـيـبر نهـدم ركنه
على الزهره شكبر حزنه
ولا بطـل نحـيـبه .. دفن بيده الحبيبه
نكسر ظهره.
____
رجع والحسره شكبرها. الدمعه دم تجري عله خده
فـراگ فاطم هـدله حـيله خـلافها ياهـو اليسـنده
وهـاي اول مـره بيـهـا حـيدر ايحـس هـو وحـده
حــار ياهـو اللـي يصبـره گـلبه لــو لوعـات ولـده
نفطر گلبه نفجـر دمعه
سمع طفله بهضم تنعه
بقت زينب غريبه .. دفن بيده الحبيبه
نكسر ظهره.
____
الــدار من طبـها يعـاين بكل ركن شاهد صورها
انفـاس فاطـم لسـه بيـها حـيدر يشـم بعـطرها
هنانه چان الزهره تگعد تحيي چان اهنا ذكرها
وبـالرحـى اهـنانه چـانت تطحـن ولله شكـرها
شكثر هايه. الرحى تحبها
تـفــر بـيـها. بــذكـر ربـهـا
وصفت هسه كـئـيـبه .. دفن بيده الحبيبه
نكسر ظهره.
____
تذكر ايامه الجميله. العاشها وياها بسعاده
ايام چانت بالمحبه. تگـضي كلها وبالعباده
شلون تتلگـاه ذكـرها. لمن ايـرد من جهاده
چانت تخيط جروحه. وهي تتولى ضماده
مشت عنه. وبقـه بغـربه
منو يداوي. جـرح گـلبه
ألــه چـانت طبيبه .. دفن بيده الحبيبه
نكسر ظهره.
____
عاين الحيطان حيدر. واثـر باقي شاف دمها
هذا دم من عين فاطم طفر من چفه لطمها
شاف عالغبره تراچـي شالـهن گـام ويشـمها
من لطمها افلان طاحن من تعده وماحشمها
ثگيله هواي. علي احزانه
نظـر دمـها. عله حـيطانه
الصبر راح شيجـيبه .. دفن بيده الحبيبه
نكسر ظهره.
____
وعاين الــباب المـأسي. وچـانت بعبراته غـصه
هنانه لضلوع الزچيه ويّ الكسر چان الها قـصه
هنانه من رادت سـترها مانطـاهـا افـلان فرصه
چان ذبح الزهره عنده بكل سهوله من يرخصه
سَـفك دمـها. سهـل عـنده
لذبح فاطم . رخص عبده
وجـره دم النجـيـبه .. دفن بيده الحبيبه
نكسر ظهره.
عقيل الحسناوي..
#وزن_الفايزي
#استشهاد_السيده_الزهراء_ع_
.
.
.
لتهبي يا نسمة ليالي الفاطميه
شمة الهوى لا تلچم اضلوع الزچيه
***
يا نسمه حقچ ما دريتي المر عليهه
صار النفس يلچمهه لو مريتي بيهه
بهداي لو هبيتي لا يثگل بچيهه
بهداي بهداي وتره امصوّبه الريه
***
الچان النبي ايشم ايدهه تلچمهه شمّه
والعايشه نسمه لعلي تجرحهه نسمه
بت رحمة الله الواسعة وابلايه رحمه
يعصرهه خلف الباب چف الجاهلية
***
نار وجمر باعتابه يا بيت ام ابوهه
ودار الامامه بحطب فتنه ايحوطوهه
طف گبل طف حسين بس وحده اتركوهه
ماخذو بت النبي هالزمره سبيه
***
بيت ومحمد چان يستأذن ابابه
وابلا أذن بسيوفهم عبروا اعتابه
من البدايه اعداء ما چانوا صحابه
الجبتُ والطاغوت ما بيهم حميه
***
گالوله بالدار الزچيه و وأن ردّد
ونيران حقده اعله النبي ما يوم تبرد
لله نتقرب ابلعنه الضَد محمد
ولعن اليضد العتره دين الرافضيه
***
بعيون حيدر دمعة الحرگة اتشضّه
ويستشعر الموت بدليله نبضه نبضه
مستحيه بِسمه ما تنادي، اتنادي فضه
يا فضه الحگي وينظر الزهره برزيه
***
ويلاه على الشمة الهوى تلچم گلبهه
وعالدار ابن صهاك نيرانه يشبهه
وقنفذ يأمره النذل وبچفه ضربهه
ومن وگع محسن علت نار الناصبيه
***
الشاعر سعد هادي الشمري
الا بذكر الحسين تطمئن القلوب
&&&
انــــــه اجيتك سيدي وذنبي بديه
اقبلني يا ابو الاكبر اعليك الزجيه
ولو طرفت عين بس عينك عليه
مغــــــريات الدنيا ومحــــد اليه
الا بذكر الحسين ما تظل الذنوب
&&&
الحر قبلته ورغم جعجع في خيامك
انـــــه مذنب سيدي واگــــف امامك
كون گــــدامك درع واحظن سهامك
ايقوم هذا الكون اعرف وي قيامك
وانه مثل الجليد تعرف اشگد اذوب
&&&
مالــــي غيرك سيدي وذنوبي كثره
عشــــره احنه وياك مو ايام عشره
يا حسين وهــــالذنوب بدربي عثره
انت صـــــح عريان والخادم تستره
انت سر وامان من تصير الحروب
&&&
كلشي ما املك فقط املك خدمتك
انــــه يا مولاي عايش نص نعمتك
سيدي مذنب اجيت اطلب رحمتك
انه مـــــو بالعين بس بگلبي شفتك
رحمتك يا حسين صعبه هاي الدروب
&&&
انه ما موجود واسمك سر وجودي
شنهي انه وسحگتك خيل اعله مودي
ذنوبي كثره وصارت بچفي قيودي
ساعه اتوب وساعه اتعــــده حدودي
انه اتوب الصباح بس ارد الغروب
&&&
سوده يا مولاي معروفه الصحيفه
ادري ساعات الگبــــر کـــلش مخیفه
كثرن ذنوبي وگلت تخلص خفيفه
روحي تدخل مجلسك تصبح نظيفه
مالك ابدن مثيل وحديت الشعوب
&&&
علي جبار الكعبي
الفاتحه لوالدي
عالعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
❤️قُنِأَةَ َآلْﯙلْأَيُهُ فيُ حَبَ أَلْأَمَأَمَ عُلْيُ
@alwellaiafehupamamiallialeehials
الاستاذة الشاعرة هبه الموسوي
🌹 @hepaam
🖤قناة للقصائد الحسينيه
🌹 @tyyuuiiopp
السديم الروحي
❤️ @hhali2008
{ رفـع •اللّـہ رايه العبــاس ؏ } ³¹³
@Zzzzzzaaaaaiiiiiinnnaaaabbbbb
القصاید المکتوبه للرادودين حسن الصالحي و محمد الجنامي
❤️ @alradodeinpoems
الممهدون لدولة الامام المهدي( عج)
❤️ @almaweudo
قــنـاة صاحبـــة العـــزاء🪶
❤️ @QSA_ED
⚡️قناة أهل البيت (ع) للمواليد
❤️ @ahlulbayta
إرشاد القلوب
❤️ @shjgbbgdsju
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (ع)عبادة
❤️ @qwpaslzmx
ادعية ايام الاسبوع
❤️ @dsjjdgsb
قناة فقه ومعارف ال البيت ع
❤️ @Feqh_Maaref_alulbayt
عشاق ملاباسم الكربلائي
❤️ @rrrhz34
اجمل صور
❤️ @Afubxev
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
فاضَ الاسى مِمّا جرى يوم الباب
والقلبُ مُنذَ الدفعِ يهوى الاعتاب
لم يستقرْ هوَ منكسرْ حتى شاب
حُزني على الزهراءِ حُزنَ الاحباب
صـاحَ عَـليٌّ مـن لقلبي بـعـدها
خاطبتُ قَلبيّ كيف أُخفي سِرها ؟
دارت على نفسي المصائب كُلّها
ها قَد مشى شملُ الديارِ وأهلُها
شلون اكضي الليل عكبچ
حيـدر بالـضيـم بعـدچ
كاضيها نياح
بس تمنيـت ترجـع
وذاك البسمار يطلع
وترد لفراح
البسمار الكسر ضلع الزچية
كسرني ودهور احوالي عليه
……………………………………………
أمّا جنينُ البابِ طفلٌ مُستترْ
لـم يـنـولـدْ لكنّـه سَيـنْـتـظر
حُكمُ القضا من عندِ رَبٍّ مُقتدرْ
فحينُها سَينتقمْ طولَ العُمر
لا لَم يرى من عُمره أي لحظةٍ
حَبْ أنْ يكونَ للحُسينِ مُهجةٍ
ويـسـتعـدْ لـكـربلا بـعـزيمةٍ
لـكنّـهُ ماتَ بـأي شـريـعـةٍ
غير المفروض يكبر
وبحبال بكربله ينجر
والمُحسن مات
يصير النيشان نحـره
والخيل ادوس صدره
فوك اللچمات
البسمار الكسر ضلع الزچية
كسرني ودهور احوالي عليه
…………………………………………….
يُـخـفي عـليٌّ دمـعـه كـي لا يُـرى
مازال لـم يتـخـطى ظُـلمَ مـاجـرى
ثُـمَّ تـسـائـلَ حـيـدرٌ لِـمَ لا تَـرى ؟
من صفعةِ الملعونِ عَينُها مُحمرى
شـاهـدتُ احـلامـي تـتلاشـى معاً
أقصى ظروف الهجر روّانـي الزمنْ
صارت جروحـي لا يُـقـاومها وطـن
وا كســرتا مـاتـتْ إذنْ أُم الحـسن
والعِشرة وياچ حلوة
البيت بليّاچ بلوة
وحشه وحسرات
متنچ للبيت عونه
مو بالباب يعصرونه
وكل حيلچ مات
البسمار الكسر ضلع الزچية
كسرني ودهور احوالي عليه
……………………………………………
مُنذَ الشبابِ حيدرٌ حتى الكهلْ
يُدرِكُ إنَّ فـاطِـمٌ عِـشـقَ الأزلْ
فَمُـنـذَ دفعِ البابِ حيدرُ لا يَزلْ
يُـنادي يـاربِّ ألا حـانَ الأجـلْ
بسمارها المشئوم هيّجَ أدمُعي
في كُـلِّ يومٍ ظلّـه يُمـسي معـي
وصوته قَدْ صارَ بيـتَ مسـمعي
لم يكتفِ بل جاءني في مضجعي
ياربي الحيل ليّه
وهواي جروح بيه
والليل ايعيل
شَيّب فركاچ راسي
بالكوّة تصير أنفاسي
ماضل كل حيل
البسمار الكسر ضلع الزچية
كسرني ودهور احوالي عليه
✍🏻: منتظر حيدر الركابي
يَا أَيُّهَا الْمِسْمَار
اُقْصُصْ لَنَا الْأَخْبَار
وَاحْكِ الْرَزايَا الْمُؤْلِمَة
فَالْيَوْمَ يَوْمُ الْمَحْكَمَة
والثأرُ حَان
ــــــــــــــــــــــــــــــــ
من بعد الظلم والجور ابو صالح بزغ نوره
لچنها ابريِّـته الانفاس لُـمَّـه الزهره مجموره
للصار ابهجوم الدار ينصب محكمه ابدوره
والبسمار يستدعيه شاهد يشرح الصوره
قُمْ وَاشْرَحِ الْأَنْبَاء
عَنْ قَاتِلِ الزَّهْرَاء
تَبَّتْ يَدَاهُ الْآثِمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
بسمار البتول ابصوت يحچي وفاطمه الموضوع
يَسائل علجره اعليها حضُّر للمصيبه ادموع
حين الهجمو الأرجاس چنت متخفي بين اجذوع
ومن دفعو عليها الباب لُـمَّـك كسّروها اضلوع
ذَنْبِي بِدَفْعِ الْبَاب
لَمْ أَمْنَعِ الْأَعْرَاب
أَرْجُو لِحَالِي الْمَرْحَمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
الباب المستعر بالنار أحر من جمره سواني
ومن دفعو على امك حيل دم مُهجتها طفاني
ابگلبها اتشم لون دخان إعرف هذا دخاني
ومن گلب امك اتعديت لگليب الجنين آني
لَوْ كَانَ لِي سُلْطَان
لَفَتَكْتُ بِالشَّيْطَان
أَفَهَلْ تَرَى لِي مَكْرُمَة
فَالْيَوْمَ يَوْمُ الْمَحْكَمَة
ـــــــــــــــــــــــــــــــــ
يبو صالح واذا تسأل علصار ابهذاك اليوم
واحد سطر خد اُمَّك ونزَّل من جفنها ادموم
واحد زرگه من السوط خلاها ابمتنها ارسوم
واحد بيها ظل يرفس وبقت ما بيها حيل اتگوم
سَلْ قُرْطَهَا الْمَنْثُور
عَنْ خَدِّهَا الْمَسْطُور
سَلْ ضِلْعَهَا عَنْ هَاشِمِه
فَالْيَوْمَ يَوْمُ الْمَحْكَمَة
ـــــــــــــــــــــــــــــــ
كل هذا الجره اعليها وما حشمت داحي الباب
عينيني يفضه اتصيح بالبسمار صدري انعاب
ومحسن صگط من عندي يفضه ومرمي بالاعتاب
محسن والضلوع اتهون ولا ينهتك خيط احجاب
قَدْ قَدَّمَتْ ضِلْعَيْن
كَيْ لَا تَرَاهَا الْعَيْن
ثَأْراً لِتِلْكَ الْعَالِمَه
فَالْيَوْمَ يَوْمُ الْمَحْكَمَه
ــــــــــــــــــــــــــــــــــ
يمهدي ام الحسن صارت خيال وچنها سعفه ابريح
وساعه من بعد ساعه عليها ينغشي واتطيح
ترفع بالدعاء بس أيد گوّه اتمِّم التسبيح
ماتت ناقمه اعليهم تعتيم الگبر تلميح
مَا الْحُكْمُ يَا سُلْطَان
هَلْ يُصْلَبُ الْجِبْتَان
بِئْساً لِأَهْلِ الْمَشْأَمَة
فَالْيَوْمَ يَوْمُ الْمَحْكَمَةِ
ــــــــــــــــــــــــــــــــ
سيد علي عبدالزهره الناجي
يحسين لو ماخدمتك اكسر الخاطر ابقه
جن كسرت الفلاح اذى گدامه يذبل رزقه
ويتوسع بروحي الحرگ طيحت جمر عالورقه
يا ارقه من لون السمه ومن كلشي مولاي ارقه
حبيتك وروحي التهت
بالخدمه يالكلك بخت
وعيوني المصابك طفت
دخيلك ياغريب دخيلك ياسليب
،،،،،،،،،،،،،،،،،،،،،،،،،،،،،،،،،،،،
من زغري بيك تعلقت يالخيمت بضنوني
شايل براسي محبتك هدلت شبيها متوني
عميه العيون من البجي يالخذت روحي ولوني
لو هسه يدعيلي نبي هم ما يفك اعيوني
عميان دمعه اعله الخيم
خليني اريد اشبع الم
ضوگني لجمه من الخيم
دخيلك ياغريب دخيلك ياسليب
،،،،،،،،،،،،،،،،،،،،،،،،،،،،،،،،،،،،
اتعاجز ابيتي اشكثر كل شغله ابعد عنها
كلش ثگيله الريشه احس بجفوفي لو شيلنها
بس امن اطب الموكبك اركض الرايه احضنها
يرجعلي حيلي واستلذ والگاع كلها ارجنها
ياحيلي يالكلك عذب
مال اتعب بحبك جذب
يالطحت ضامي ومنسلب
دخيلك ياغريب دخيلك ياسليب
،،،،،،،،،،،،،،،،،،،،،،،،،،،،،،،،،،،،
يالشابع سهام وطعن ليش العطش ماعافك
صارن مثل موگد جمر من گد ضماك شفافك
ماعرفتك اختك لأن شربت الگاع اوصافك
من اهد ماطاح الگمر مايل الهسه اجتافك
يحسين تذبح غربتك
والترب خرب كشختك
عالرمح نص من رگبتك
دخيلك ياغريب دخيلك ياسليب
،،،،،،،،،،،،،،،،،،،،،،،،،،،،،،،،،،،،
من شافتك فوگ الرمح الله اليعين الزهره
تباوع خواتك عالهزل مفتوحه عينك حمره
الماطالعه گبال الكفر رگضت وسحگت جمره
شريانك ابرمحه يبس حين المشت متيسره
حته ابمماتك هم حرت
جنك غصن يابس صرت
جم موته بالغربه متت
دخيلك ياغريب دخيلك ياسليب
العبد ابوفايز الرافضي
لا فتــى الا علــي
لا فتــى الا علــي
:::::
علي اول مو اخير علي بس انت الامير
يا علي ذكرك عباده للبشر
بس علي خير العمل علي حل للماله حل
علي حبك دائمي مو كم شهر
ما تهمنه المرتبه نحبك علي
فدوه احنه نروحلك انه وهلي
يبقة حبك علــي هــو الازلي
لما يحبك هذا غلطان شكثر
انت يا حيدر علي ليلة قدر
الشفاعه نريدها بيوم الگبر
لا فتــى الا علــي
:::::
بيك نعبر عالصراط اليبغضك عنده انحطاط
الما يحبك عنده خله من العرگ
انت باء البسمله الما هل انت هله
يا علي للموت ابد ما نفترگ
الما يحبك هـــذا لازم ينقرض
الفرض وبدون ذكرك مو فرض
باچــر الاعمال يمــك تنعرض
انت من ادگوم تنطق يا اسم
بيا علي الكرار تصبح بالعزم
هذا ابو الحسنين شيخ اعله الزلم
لا فتــى الا علــي
:::::
قبل من تدخل حرب درب ما الهم درب
أقوياء بالعنزه ما يبقه الهدم
ياهو قالع خيبره لو علي لو حيدره
بهاي يا ابو حسين تشهدلك زلم
من طلع عمر ابن ود محد برز
صار بيدك سبحه ومطشر خرز
انت بيدك يا علي كلشي أنجز
تبقه وحدك يا علي انت الامير
يا رئيس الدوله يگعد عالحصیر
الما يصير ويم علي حتمآ يصير
لا فتــى الا علــي
:::::
علي صاگرهم صگر بالصلاه ما ينعبر
اسد غالب يا علي يرهم الك
علي سر ما ينحرز بس علي صدر وعجز
الملك حبك يا علي كلشي ملك
احنه من دونك نهر وبلايه ماي
وانه اشمنك علي ما شهم هواي
بيدك يدور الفلك ارض وسماي
انت يا حيدر رئیس المعجزات
بيك تنحل يا علي النايبات
علي بفراش النبي بس هو بات
لا فتــى الا علــي
:::::
علي حيرت العقول يا علي فحل الفحول
يا روايه تكفي يا كاتب قصص
علي دور عالفقير علي ما يلبس حرير
ندري غيرك يا علي يدور حصص
عدنه اسمك احنه احلى من العسل
يطلـع يخبـل بأسمــه المستهـل
الدين يا حيدر علي بيدك كمل
الأحاديث شكثر مــا تنوصف
انت يم الباري يا حيدر عرف
چنت وحدك يا علي تنعد بألف
لا فتــى الا علــي
:::::
علي جبار الكعبي
الفاتحه لوالدي
▪️▪️▪️▪️▪️
بداية الويل ابضلع المنكسُر
ابواب الآلام فِتح باب الطهُر
▪️▪️▪️▪️▪️
باب ام حسن صار باب الكل جرِح
من عدها الاحزان تبدي او تنفتِح
طبرة علي الحِيد والسَم والذبِح
كلهِن يصبّن ابجرِح زينب ملِح
ويّاهن اتعيش بالهَم والصبُر
ابواب الآلام فِتح باب الطهُر
▪️▪️▪️▪️▪️
باب ام الْحسين ناره اموجّره
والشاهد ام عون گلبها عالجره
طفله تصد موت امها الطاهره
واتشوفه مطبور ابوها حيدره
والدها ينشال تشوفه للگبُر
ابواب الآلام فِتح باب الطهُر
▪️▪️▪️▪️▪️
امن العصره لمصاب حمّاي الحمه
چبْد الحسن حيف جعده اتسمّمه
او زينب لاخوها ابجرحها اتكلّمه
السَم خويه خطّار ابچبدك تكرِمه
اصواب الحسن ذاك صوّبها غدر
ابواب الآلام فِتح باب الطهُر
▪️▪️▪️▪️▪️
من عملة الباب ما كَف الوجع
بالباب بسمار رمح بالطف رجع
حافر صدر بي سِر الله انوضع
هم راس الْحسين فوگاه انرفع
وام عون الْخيام عليها تستعر
ابواب الآلام فِتح باب الطهُر
▪️▪️▪️▪️▪️
قبل الخيم چان اكو باب احترگ
بي تلهب النار او عالزهره انطبگ
طاحت عالْتراب ضلِع من عدها طگ
واحسين بالخيل من طاح انسحگ
ابحافرها مطبوع دم امن الصدر
ابواب الآلام فِتح باب الطهُر
▪️▪️▪️▪️▪️
زينب عله الصار باهلها شاهِده
او ورثتها الجروح من الوالِده
صارت للاحباب كِلهم فاگِده
وآخرها بحبال يسبوها العِده
وگفوها بالسوگ او بقصور الكفر
ابواب الآلام فِتح باب الطهُر
▪️▪️▪️▪️▪️
ابو الحسن الوائلي
▪️▪️▪️▪️▪️
ابداعة دمعتي إبريها ذمتي
يا علي موتي قريب
اوداعة الله يالحبيب
▪️▪️▪️▪️▪️
علي يا نسمة هوه اتمر اعله صدري
محني ظهرك والسبب أدريهْ كسري
من اشوفك منقهر يزداد قهري
هواي تعّبتك بهاي الفتره ادري
ليلي او نهاري بيّه تداري
يالصرت لجلي طبيب
اوداعة الله يالحبيب
▪️▪️▪️▪️▪️
أنعه نفسي يا علي راح امشي عنّك
هيّه چم ليله او تشيّعني اعله متنك
هذا أمْر الباري وآني امقدره حزنك
مو كسر ضلعي علي يلچمني ونّك
ابدمعك يحيدر گلبي تفطّر
اهوايه ياذيني النحيب
اوداعة الله يالحبيب
▪️▪️▪️▪️▪️
لا يهمك حالي يا حامي الحميّه
فدوِتك ضلعي علي والصار بيّه
حتّه لو چوّت النار چفوف اديّه
المهم انته بخير يالغالي عليّه
سهله المنيّه افراگك رزيّه
للحجر حزنك يذيب
اوداعة الله يالحبيب
▪️▪️▪️▪️▪️
لو متت غسّلني بچفوفك يحيدر
وابظلام الليل إدفنّي او لتجهر
لا يشيّعني اللي خلّه خدّي أحمر
إخفي گبري ما أريده گبري يظهر
الطفّه شمعتي اشعنده ابدفنتي
لا يجي ابدفني الغريب
اوداعة الله يالحبيب
▪️▪️▪️▪️▪️
يمّك اولادي يماي اعيوني خلهم
يا علي ايّام هيّه او امشي عنهم
لا تحسّسهم يتامه او مَيته امهم
اصغار ولدي واليتم يجرح گلبهم
واوصيتي بيهم عينك عليهم
آنه عنكم راح اغيب
اوداعة الله يالحبيب
▪️▪️▪️▪️▪️
اوداعة الله والاله ايعظّم اجرك
او ملتقانه من ابن مُلجم يطبرك
بآخر اللحظات تبقه ابهذا عمرك
بشيلتي جرحك اشدّه من احضرك
وابموتك انحب وابچي اويه زينب
اعرف الموقف رهيب
اوداعة الله يالحبيب
▪️▪️▪️▪️▪️
ابو الحسن الوائلي
🔶بعد رجوع مولانا أمير المؤمنين
تكلمهُ السيده زينب عن حال و كيف دفنت امنا الزهراء ع🔶
ها بويه قلّبك طاوعِك تدفنْ الزّهرّه أبيدك
بهل سرعه تُرجع يا علي ؟ قلبي يگلَّي تريدك
دلالي بويه اندفنْ يمّها
ابنيّه و زغيّره و ماتت امّها
زينب انه …. زينب انه
1@
شصار وياك بويه بدفنة الزهره
شو خيط النهار اتأخر بفجره
چم عبرة اطلعت يا بوية چم عبره
منّ شفت الضلِع متهشم بكسره
رديت محنّي و تنتِحب و مكسوره احِس اضلوعك
و من غسلت امنّه اضّنْ الماي من ادموعك
فرگة الأم بويه اشعظمها
ابنيّه و زغيره و ماتت امّها
2@
يا حيد الزلم يا زلمه لي-يلوحك
من فرگة الزهره تنّزف اجروحك
رفعت اجنازة امّنه بدمعك و نوحك
صح راجع عدل بس شيعتْ روحك
ارواحنا طلعت علي وي روحك الملچومه
الأم اذا راحت يضلّ البيت وحْشه ارسومه
الفرحه بعد صعبه افتهمّها
ابنيّه و زغيره و ماتت امّها
زينب انه … زينب انه
3@
زينب بويه شحچي و جاوب اونيني
امن انهلّ التراب انهلّت السنيني
رشيت الگبر بدموع من عيني
و منّ عنّها مشيت اسمع تناديني
(الحال) لا ما ينوصف زينب شوصّف حالي
بچفوفي كملّت الگبر و كمت ادفن بدلالي
اليهضم بخدها ضلّ دمعها
ابنيّه و زغيره و ماتت امّها
4@
نومه اعلى الضهر صعبه بضلع مهشوم
كلّ هذا و گبُر بــي يستحال النوم
فاطم يا خلگ ميّته بقلب ملّچوم
لأن محسن أبنها بلا ذنب مَظلوم
البسمار نابت بالضِلِع و وليدها المحسن مات
ماتت و مكسوره قلب الما زعّلتـنّـا بكلمات
بكد الجره و اكبر هضُمُها
ابنيّه و زغيره و ماتت امّها
@5
يا موقف يبويه ايجرحك و مكسور
تشوف اجنازه امنّه و الگبُر محفور
لو لحضة رجوعَك منّ صفت بگبور
الجانت منها حتى الشمس تطلب نور
الجانت اذا تبدي بفرض نشتم عطرها الجنّه
راح اندفن ذاك الحضن بحب و حنان ايلمنّه
البـاب فرگـتها رسـمـها
ابنيّه و زغيره و ماتت امّها
@6
يا كسر الضِلع لا طـاب و اتجبّر
و احس هاي المشاهد بينّه تتكرر
اشوف احسين طايح و الشمُر يفتر
و من دوس الحوافر صدّره يتوذّر
نفس الكسر ما يتخِلف البسمار نَفس الحافِر
هل مرّه باب و يندفع و خيول تسحْك باچر
يا كربـله اليصعـب المّـها
ابنيّه و زغيره و ماتت امّها
خادم الزهراء الشاعر | مصطفى ثامر الحلفي
( في صباح هذا اليوم )