1889
إن اللّٰه لا يكسِرُ قلبَ مَن توسل بالزَهراءِ 💔
((ابوذيات نعي عن لسان زينب ع))
اشگد يبقه الگلب ينطر ويتنه😭🚩
ونيران الظمه اخــلافك ويتنه
الگوم استــوحدت بينه ويتنه
حرگو خيمتــــي وضــربو رقيه
اصيح امـن السناسل كمت حاداي
وبـــــد موسهل بي تدرون حاداي
رجع ضعن الحسين ابدون حاداي
وعيون الشمــــاته اتصــــــد عليه
النسه اتروح ابسبي بعدك .. يبوهه
والرض الشـــــام عالهـزل .. يبوهه
لون تدري اشجره ابسكنه .. يبوهه
متنهه احمر بقه امن اسيــاط اميه
اناشد عن اخوي حسين ونصار
اويـــاه ابليلة التـــوديع ون صار
بالطـف ضيعت اخـــوان ونصار
شحو شو فرد شحه علــــــــيه
كامل السعيدي
#السلام_على_سبع_الدجيل
يا جمره ما تبرد .. يم سيّد محمد
••••••
هـــا يالمنجرح والـــدنـــيـــا ماذيتك
ودخـــان المواجع يــلـــعــب ابريتك
تــعـــال .. ولا تحير ابتالي وضعيتك
يم سبع الدجيل .. هـــنـــاك عـافيتك
دكتورك المرقد .. يم سيّد محمد
••••••
مَدامك خادم ابشر مـا تطخ الــراس
دخـــان البريتك يصفه هيــل وياس
عـــوف النـاس واتعنه لطبيب الناس
(أبو الشاره) يسمونه و(أخو العباس)
تتسهّل التشتد .. يم سيّد محمد
••••••
نـــهـــر دمعك اذا ابواديّه يــتــحدّر
هـــم گلبك تغسله ويبرد اليــســعــر
ابغَمامه ايظلّلك وايـــورّد المــصـفـر
بعد (سبع الجزيره) وشبل من حيدر
جرح الگلب ينشد .. يم سيّد محمد
••••••
كريم ومــا يـــريـــد الــزاره يتوسّل
بس سلّم عليه كــل العـــقـــد تنحل
واذا تنعه اعله جـــده وتذكر المقتل
اذا تاخـذ ذهـــب شباچه هـــم يقبل
يا مَكرمة التنعد .. يم سيّد محمد
••••••
المره .. الشاب .. الچبير .. الجاهل .. العالم
السُود .. البيض .. كلهـــه ابصحنه تلگــاهــم
يحب أهـــــل الله والـفـقـره ونـــوايـــاهـــم
خـــصـــوصـــاً مـــن يسمونه بـ (أبو جاسم)
باب الله ما ينسد .. يم سيّد محمد
••••••
شتطلب منه اطلب ماكو بيها احــراج
أهـــم شيء مـــا يــريدك للبشر تحتاج
مـــن قُضبان هـــمّــك تطلع انت افراج
بس انخاه وصيح احضرني يـ (البعّاج)
لحظة ويجيك الرد .. يم سيّد محمد
••••••
(أبو البرهان) مثل الشمس بُرهانه
نذكره وحاشا عــمّ المهدي ينسانه
علينه شـــمـــا تجور ايـــام دنيانه
يمد چـــفه الكريم ويمسح ابچانه
ونار الگلب تخمد .. يم سيّد محمد
••••••
الشاعر أحمد هادي الشمري
ملاحظة:
الكلمات التي بين الأقواس هي أهم الألقاب التي عُرِفَ بها السيد محمد بن الإمام الهادي عليهما السلام
ليلة ٢٩ /جمادي الآخره /١٤٤٧
هجري الأحد 21 \12 \2025
ليلة استشهاد سيد محمد سبع
الدجيل عليه السلام
#قصائد1447
حامي ناسه وجاره
يفـــــــرح بـــزوّاره
............
سيـد محـمــد امـام ومايـرد وفّــاده
للبشر باب الحوائج الله خصّه وراده
لليزوره ويعتنيله بيده ينطي امراده
واليبغضه ومايحبه مايفيــده اعناده
ماطفت انواره
يفـــرح بزواره
................
هــذا ابن الهــادي هــذا يفــزع لطلّابه
مايرد ملهـوف حاشـه ومايسـد ابوابه
لقّبوه سبــع الدجيـل بوگفتـه لأحبـابه
توصل الشيعه وتزوره من يمر امصابه
مايعوف انصاره
يفـــــرح بـزواره
................
سيـد محـمـــد تعلّه بتقــوته وايمــانه
بالكرم معروف صيته وشتهر بحسانه
حسدته وسمّت فؤاده بالغدر عـدوانه
ستشهد بأوّل شبابه وماخفوا عنـوانه
والأمان بداره
يفــرح بزواره
..................
الله خصصله الكرامه يگضي يمه الحاجه
لأن سـار ابمنهـج الله الله حـب منــهـاجه
خلّه گبره يصير كعبـة وشيعتـه حجـاجه
واليحس مهموم گلبه يلگي يمه افــراجه
مايرد خطاره
يفـرح بزواره
..................
نِعم من سبع الدجيل ومن عطايا چفوفه
مرقـده بنوره اليلالـي عالي دوم انشوفه
علـه عنــاد الناصبيـــه نعتـنـي ونطــوفه
هــذا عهــد الرافضيــه للحشــر منعــوفه
مامحوا اخباره
يفــــرح بزوار
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر سيد زيد الفحام
ليلة ٢٩ /جمادي الآخره /١٤٤٧
هجري الاحد 21 \12 \2025
ليلة استشهاد سيد محمد سبع
الدجيل عليه السلام #نزله
#قصائد1447
رغم السده ورغم العده
هذا العزاء انجدده
سبع الدجيل مضلوم واجب علينه انذكره
»»»»»»«««»»
مجلس نسوي وهم نسوي اقرايه
رغم العده واهل الحقد و الغايه
نقسم قسم بجفوف راعي الرايه
حد الكبر طول العمر
رغم العده نحيي الامر
يابن علي ما ننساك حبنه الك عل فطره
»»»»»«««««
كلمن يحاول ما وصل للراده
نزيد المجالس احنه كد اعناده
الحيدر علينه هل عزاء وولاده
مهما وصل مهما حصل
هذا العزاء ثابت يضل
مجلس نسوي ابهل يوم وتحضر اويانه الزهره
»»»»»«««««
بيت الامامه القتل عدهم عاده
هذا الورث متوارثه امن اجداده
لا مو جديده هاي عند الساده
شايل صفه اهل الوفه
جرح المحب مابي شفه
سيد الرسل ناح اعليه وحيدر حنه اعليه ضهره
»»»»»««««
محمد مصابه مو سهل لا والله
اشلون النذل بالسم كدر يوصله
نعشه منو الينتحب يمه وصله
للغالين تدمي العين
ينحب بقه ركن الدين
بس بالعباده و اصلاح خلص حياته و عمره
»»»»»«««««
اول ظهور المهدي ياخذ ثاره
بعون اللاه اوقوته الجباره
الشيعه لزومن تجتمع بدياره
ليل الوحش شيل نعش
بمصيبته اهتز العرش
عرش السمه اهتز اعليه و للباري سلم امره
»»»»»«««««
الشاعر حسن صالح العيساوي
ليلـــه ٢٩/جمادي الآخره /١٤٤٧
هجري الأحد 21 \12 \2025
ليلة استشهاد سيد محمد سبع
الدجيل عليه السلام #ميمر
#قصائد1447
احبابك نصيــح سجلنــه زوار
شيعة واجيناك يانسل الاطهار
..............
سيـد محمـــد يبن عاشــر العتـره
يالمقــامـك نعجز نوصفه ونقدره
احنه احبابك اجينه ونجري عبره
نزورك تعنينـه ومصـابك نـذكـــره
نوصلك انزور مانخشه الاخطار
احبــابـك نصيــح سجلنــه زوار
...............
انت ابن الهادي ياروحــه وكيانه
لوله حكمـت ربك تصيـر ابمكانه
خصك الباري بشرف عزه وامانه
يالچنـت تمـلك علــم الله وبيـانه
آية المعبـود مخـزن للسرار
احبابك نصيح سجلنه زوار
..............
سيد محمــد قسم بالهـادي نقسم
احنه خدامك نظل للموت نخـدم
مانخـاف لمرقــدك كل عـام نقدم
بالصحن ننصب الك يالغالي مأتم
مصابك نذكره ونسيل الاعبار
احبــابـك نصيح سجلنه زوار
..................
انت ياسبع الدجيل الحامـي جـارك
تحمي كل خايف يجيك يزور دارك
والله مايتـأخّـــر وحـاضـــر قــرارك
لليجيـــك ينـدبـك بسـاحــة مـزارك
تنجي اليناديك ماعندك اعذار
احبــابـك نصيـح سجلنه زوار
.................
سيد محمـــد وحگ ضلـع الزچيه
غالــي عــدنه ومانعـــوفك للمنيه
وانت تدري بشيعتك اهل الحميه
التزموا بأمر النبي بحفظ الوصيه
للمهدي ويّاك مشبوحة الانظار
احبــابـك نصيـح سجلنه زوار
--------------------------------------------------
الشاعر سيد زيد الفحام
ليلة ٢٩ /جمادي الآخره /١٤٤٧
هجري الأحد 21 \12 \2025
ليلة استشهاد سيد محمد سبع
الدجيل عليه السلام
#قصائد1447
سبع الدجيل المظلوم جرحه ابـﮔلب سامره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
نجـــمه ابسماء الكون ݘان ايلالي
صوت النـياح الفـﮔــــده لابد عـالي
يهظم مصاب الغالي وابــــن الغالي
طبع العزيز امن ايغيب بحـــبابه يترك حسره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
بـﮔلب الإمام الهـادي ينبض حزنه
ݘني أشوفه ويجري مدمــع جفنه
ويذكّـــــــراوداع الحُســــين الإبنه
ولمن ذكر جده حسين هل لجــــــله دم العبره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
من ودع ابنه الهـــادي ظل يتصور
بأرض الطفوف أشلون حال الأكـبر
شاب اشحــــــــلاته وبالدماء امعفر
شبه النبي كوكب نور حسين ابهظيمه اينظره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
سبع الدجيل امصــــابه صح بالغربه
لاݘن أخوه حــــي وأبوهه ابـﮔــربه
اولوضامـي يـلـﮔـه يَمه ماي يشربه
ومن راح الاكبرعطشان وماحظه بمي لوﮔطره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
كـل الرزايا اتهــــون وي يوم الطف
محنتهه محنه وصعــــبه ماتتوصف
وبيهه الإمام الهادي حتــــماً أعرَف
واعظم مصاب المذبوح من القفه انحز نحره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
لاݘــــــن يظل امــصابه جرح ويدي
وبي لازم انـــعزي الإمـــــام المهدي
يادمعـــتي لمــصـــــابه سيلي بخدي
واسي الإمام الموعود وامــــه الزݘيه الزهره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر حيدركريم جارالله الكربلائي
ليلة ٢٩/جمادي الآخره /١٤٤٧
هجري الاحد 21 \12 \2025
ليلة استشهاد سيد محمد سبع
الدجيل عليه السلام #نزله
#قصائد1447
لا حول الله احسين انطك
لا حول الله احسين انطك
ـــــــــــــــــــــــــــــــــ
مصباح الاكشر ياعلي طاح والينه
ونريد نشرد والزلم ما تـخـلـيـنـه
حسين بالحافر طحين طحنوا اضلوعه
يابويه وندور ستريستر علينه
يبو حسين لحكونا طفل يسحك طفل
تكوم المجتوفه ويعثرها الحبل
زلم ماكو ويانه ويه هاشم تفزع
واحشم بخواني ولاواحد عدل
ــــــــــــــــــــــــــــــــــــ
لا حول الله احسين انطك
لاحول الله احسين انطك
ـــــــــــــــــــــــــــــــــــ
الله واكبر كربلاء انهبت اخيامي
والنار بذيال العبي وخيل كدامي
لحسين للطگ للركض المن يصيرن
الله ولحد يا هلي تعبت اجدامي
عساه كون لا صبح عليه هذا الصبح
عشيره من الساده كضت كلها ذبح
شفتهم بلحافر يسحكون جسمه يلجمون براسه ويهزون الرمح
ـــــــــــــــــــــــــــــــــــــــــــ
لاحول الله احسين انطك
لا حول الله احسين انطك
ــــــــــــــــــــــــــــــــــــــــــ
ياراكضت اطشرن خلي او صيچن
فرن وكل وحده بكتر شدن اعبيجن
بس هي ما تنفع بعد هدت الوادم
ميتات ميتات وعلي خلاف راعيجن
ــــــــــــــــــــــــــــــــــــــــ
لا حول الله احسين انطك
لا حول الله احسين انطك
ــــــــــــــــــــــــــــــــــــــ
الرادود : سيد فاقد الموسوي
الرادود الذاكر : حسن الشامي
قصيدة : يادار ابونا
الرادود : سيد فاقد الموسوي
الشاعر: احمد المشرفاوي
ــــــــــــــــــــــــــــــــــــــــــــــــــــــ
يا بيت بعدك ماطحت ماتنهدم شمتاني
ماتدري بحسين انذبح واعله الرمل خواني
ماتدري علنوك الدهر بين الغريب مشاني
جم واحد طكني وطحت جم واحد الشافاني
جم واحد طكني وطحت جم واحد الشافاني
➖➖➖➖➖➖➖
لو شايف ابن امي اعله ذيج الحالة
غط الرمل من سحكته الخيالة
شايف ابن امي اعله ذيج الحالة
غط الرمل من سحكته الخيالة
واحنه الخيم لمن دوت فرينه
عكب الاهل بس حرم ضلينه
عكب الاهل بس حرم ضلينه
(يا دار ابونه بلهضم لاكينه)
(يا دار ابونه بلهضم لاكينه)
➖➖➖➖➖➖➖➖➖
يا بيت احجيلك صدك ماجاي احجيلك حلم
ماسولفلك اعله امتوني بس لوشفتهن تنهدم
يا بيت احجيلك صدك ماجاي احجيلك حلم
ماسولفلك اعله امتوني بس لوشفتهن تنهدم
(عاميني دخان الخيم )
( عاميني دخان الخيم )
➖➖➖➖➖➖➖➖➖
ماوجد انشدمن والم ماكام عباس شعجب
شافني بوليت زلم يا بيت احجيلك صدك ماجاي احجيلك حلم
ماسولفلك اعله امتوني بس لوشفتهن تنهدم
( عاميني دخان الخيم )
( عاميني دخان الخيم )
ماوجد انشدمن والم ماكام عباس شعجب
شافني بوليت زلم تبده عفاف الخيمه من حركوهاا
ولمنشافت بل النظر ذبحوهاا تبده عفاف الخيمه من حركوهاا
ولمانشافت بل النظر ذبحوهاا......
➖➖➖➖➖➖➖➖➖
وعيونه اجانب وين ماصدينه
عكب الاهل بس حرم ضلينه يا دار ابونه بلهظم لاكينه
يا بيت احجيلك بعد من رجونه اعدانه يتمايلن فوك الهزل الدهر نسوانه
يا بيت احجيلك بعد من رجونه اعدانه يتمايلن فوك الهزل الدهر نسوانه......
والحادي بلكوفه الظهر بين الزلم فرانه
والحادي بلكوفه الظهر بين الزلم فرانه
وحده اعله وحده اتجومن من طبن الديوانه
والحادي بلكوفه الظهر بين الزلم فرانه
➖➖➖➖➖➖➖➖➖
وحده اعله وحده اتجومن من طبن الديوانه ديوانه
كامل كله فاهي علينه ويزين راس حسين بيني وبينه
كلما سكتنه يضربه وبجينه عكب الاهل بس حرم ضلينه يا دار ابونه بلهظم لاكينه
يا بيت تذكر من جنت محد يشوف خيالي يا بيت هسه تغيرت
شوفوني عكب الوالي يا بيت تذكر من جنت محد يشوف خيالي
كلشي اعله بالي تصورت بس وحده موش ابالي
كلشي اعله بالي تصورت بس وحده موش ابالي يضرب
سكينه ابن النذل يشتم ابوهاا كبالي.........
➖➖➖➖➖➖➖➖➖
(حسين حسين)
( حسين حسين)
كلشي اعله بالي تصورت بس وحده موش بالي
يضرب سكينه ابن النذل يشتم ابوهاا كبالي
كتله اشتكي لعباس كال اشكيله
واعله المتن بلصوط طكني بحيله.......
(حسين حسين)
(حسين حسين)
➖➖➖➖➖➖➖➖➖
يا بيت تذكر من جنت محد يشوف اخيالي
يا بيت هسه تغيرت شوفوني عكب الوالي
كلشي اعله بالي تصورت بس وحده موش بالي
يضرب سكينه ابن النذل يشتم ابوهاا كبالي
كتله اتشكي لعباس كال اشكيله واعله المتن بلصوط
طكني بحيله و لتمت لمابيهاا غيرة علينه
➖➖➖➖➖➖➖➖➖
عكب الاهل بس حرم ضلينه يا دار ابونه بلهظم لاكينه
غربه وكتلنه المستحه ومن السياط انحيله
وبعيوني ينضرني النذل الامن هلي الاشكيله
لو كالو اخوانج بطوو عنج شريد احجيله
لو كالو اخوانج بطو عنج شريد احجيله
خاف احجي ويطكني النذل خافن تطيح الشيله
خاف احجي ويطكني النذل خافن تطيح الشيله
➖➖➖➖➖➖➖➖➖
والمانشافت بلنظر ذبحوهاا
تبده عفاف الخيمه من حركوهاا ولمانشافت
بل النظر ذبحوهاا تبده عفاف الخيمه من حركوهاا
قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت تذهب اسيره بدل السيده زينب عليها السلام
اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات
*-----*-----*-----*-----*
دمعي أسيله يــالعقيلـه بـأعتــذاري
حسره عمري ناري تسري أه ينــــاري
ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله
ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد
*-----*-----*-----*-----*
لا كفيلـچ وحشــه ليلـچ يمـــه زينب
والظلامه بس يتــامــه كلها تنحب
اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم
يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد
*-----*-----*-----*-----*
والله حيره يـالامــيــره بهل الرزيه
بلا عشيره أنتي أسيره من ال اميه
كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي
كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد
*-----*-----*-----*-----*
اه يوسفه والله كلـفــه والله بـلــوه
يــا ألمها شكبره همها الفگدت أخوه
حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر
والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد
*-----*-----*-----*-----*
يا مصابه بالخرابه شكبره صبرچ
والرزيه من رقيه حسره عمرچ
والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات
تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد
*-----*-----*-----*-----*
الشاعر
موسى البديري
(( #مدرسة_الوفاء ))
……………………………………………………………
خل ندخل ابمدرسة ابو فاضل
المنها تخرج للـخدر كافل
ام البنين .. ام البنين
……………………………………………………………
هالدعوه من رب النِعم
الكل واحد ابـ آل الخدم . وايسجل اسمه
في مدرسة عز وفخر
اسم المديره ام الگمر . و هي المعلمه
لازم تجيب اربع صور . في مجلس ابن الزهره
وحده ابلطم وحده ابدمع . واثنين ونه وحسره
وتأييد تسكن بالعزا . امن المنبر انت اتحضره
والگلب جنسيتك يهل خادم
ينبض يريدونه ابعشگ فاطم
نبضه الگمر .. نبضه الحُسين
ام البنين .. ام البنين
……………………………………………………………
وضعت شروط المدرسه
المابيه ابد مندرّسه . اخلاص وعقيده
واللي تكبر عالخدم
يعتبر هاجم عالخيم . حارگها بيده
عالباب ام المدرسه . كتبت عباره اچبيره
ما يدخل الـ بالشهره هَم . وبس بالرياء تفكيره
نستقبل اليشتم وفه . وبي عالشعائر غيره
نحنُ نرحب بالكثر نوحه
السحگ الحوافر تنزف جروحه
مثل البچت .. طول السنين
ام البنين .. ام البنين
……………………………………………………………
والمنهج وما بيه حذف
امن الالف للياء ينعرف . عنوانه الحسين
ظلمه الجهل نور العلم
واستاذتك تحمل اسم . الحره ام لبـ نين
لو شرحت الطف تنگلب . ارض وسمه احسينيه
واتعيشك ابنص الخيم . وتسمع بواجي ارقيه
من كثر ما تفهم تظل . كل درس تاخذ ميه
والمجتهد تكريم إله اتقدمه
اتعلگ وسام ابموضع اللطمه
امن ام الوفه .. و گلب الحنين
ام البنين … ام البنين
……………………………………………………………
ما بيها عطله و معلنه
لا نص سنه واخر سنه . دوم الخدامه
بالجمعه هم واجب حضر
تندب المهدي المنتظر . نور الامامه
تبتدي ابعاشور النحر . و الخدمه لو مشايه
وامحرم الباب وضلع . اثلثتشر كلها اقرايه
وبرجب لم عون الذكر . و الموسى نرفع رايه
ولكل امام المجلس انعيده
ذكر الحسين ايدوم تجديده
منها الوفاء .. امعلمين
ام البنين .. ام البنين
……………………………………………………………
تتخرج امن ام الگمر
ابرتبة امير اعل البشر . اتعيشك ابجنه
ابموكبها وتسجلك عضو
ام وحضنها اقدس دفو . ام المحنه
لا مو خرافه ولا حجي . و لا شعر صار ابالي
اقرب مثل اضرب الك . تشييع سيد الفالي
ابقم والنجف و بكربله . تابوته يفتر عالي
والقبله سيد جاسم و صيته
وي الحسين اندفن تاليته
عدها ادرسوا .. همه الثنين
ام البنين ... ام البنين
……………………………………………………………
يا اخت فاطم والوعد
نمشي اعل دربج للابد . مانترك حسين
تسعر تظل نار الذبح
وصورة شمس فوگ الرمح . مرسومه بالعين
انظل ننذبح لمن نصد . كاروك لو ترچيه
باذانه جمرة صده . من جلمة المسبيه
ماننسه سوط المنطبع . في متن چم علويه
والماي يجرح لمن انشوفه
بي صورة الگطعوهن أچفوفه
وبخيمته .. متجمعين
ام البنين ... ام البنين
……………………………………………………………
✍️ ( سيد خضر الزاملي )
وصيت الدفان ... عن هذا الموضوع
يقرالي اعله حسين ... بيه هواي دموع
مجلس عالعطشان // من اتهيل التربان
/////////////////////////////////
انه ام البنين الهاجت اوجاعي
اودي الكربله امنيتي بشر ساعي
يهل الطف اگعدو استقبلوا الناعي
بواچي امكم عليكم حانيه اظلاعي
تابوت امكم ضال ...فوگه الوحشه ادور
والماعنده اچفوف ....لا يحضر معذور
خل يقرا القرآن // من اتهيل التربان
/////////////////////////////////
گبلي للگبر تنزل ردت دمعه
على الحافر يجيبه وحافر يرجعه
گالولي يون ومحد يسمعه
كل ما گام لخته واحد يدفعه
ماخذ فكري احسين...بالطف مدري شصار
المن الحافر مات...يرموه ليش احجار
تارس گلبي احزان// من اتهيل التربان
/////////////////////////////////
اعله گبري ما يرش الماي اريدنه
لأن حسين مات وما شرب منه
امن المتانيته يحضر اگطع الضنه
والمگطوع راسه ما يجي چنه
يادفاني ارجوك...لترش گبري بماي
فشله من المذبوح...لضل بلايه فياي
گبري بلا عنوان// من اتهيل التربان
/////////////////////////////////
انه عندي يقين بهاي مو فطره
بكل مجلس حسيني تحضر الزهره
ردت عباس قصيده على الگبر يقره
ومجلس ياحلاته وزينب تحضره
هنا حيل ارتاح ...وينزل دمع العين
من يقرا العباس ...مجلس عن حسين
ولطمه بلا ذرعان// من اتهيل التربان
/////////////////////////////////
انه المنتظره غالي خلصت عمري
مثل ظهره على اخيه منكسر ظهري
اموت الليله ما معقوله ما يدري
امنيتي اگباله كون بكربله گبري
والفارگله اعزاز ... گبله من يموتون
امنيته بكل يوم ... لو يمهم مدفون
حلمي هذا الچان// من اتهيل التربان
/////////////////////////////////
تمت ____ علاء الزيـــدي
▪︎بكاء السيدة أم البنين عليها السلام
قال في ثمرات الأعواد: وأما أم البنين أم العباس فإنها كانت ترثي الحسين عليه السلام وترثي أولادها وتندبهم بأشجى ندبة، وكانت تخرج إلى البقيع كل يوم، فيجتمع الناس لسماع رثائها فيبكون لشجى ندبها ومن رثائها:
لا تدعونّي ويك أمَّ البنين
تُذكروني بليوثِ العرين
كانت بنونٌ لي اُدعى بهم
واليومَ أصبحت ولا من بنين
أربعةٌ مثلُ نسور الرُبى قد واصلوا الموتَ بقطع الوتين
كانت أم البنين تصنع من التراب قبورا خمسة أربعة لأولادها والخامس لأبي عبد الله الحسين عليه السلام ثم تبكي عند كل قبر بعض الوقت وتساوي القبر مع الأرض وتقول هذا فداء للحسين إلى أن تأتي على القبور الأربعة وتبقي القبر الذي صنعته للحسين عليه السلام فتفرغ عليه دموعه.
ولما رجع موكب السبايا إلى المدينة دخلت السيّدة زينب سلام الله عليها دار الإمام الحسين عليه السلام بعد قتل الحسين ، والرجوع من السبي والتقت نظراتها بنظرات أمّ البنين فصاحت : وا أخاه ! وا عباساه !
فأجابتها أمّ البنين : وا ولداه ! واحسيناه
اعظم الله اجوركم 💔
اللهم صباحً يُشبهُ أمنيات قلوبنا
في هذا الصباح
اللهم خفِّف عنّا ما لا نُحسنه قولًا، واجبر ما كُسر فينا صمتًا، واغفر لنا ما مضى، وبارك لنا فيما أتى، واكتب لنا من الخير ما لا يخطر لنا على بال.
يا رب، مع أول خيط نور…
اجعل في قلوبنا سكينة، وفي دروبنا تيسيرًا، وفي أيامنا فرحًا يُنسي تعب الأمس.
اللهم إشراقًا لا غروب بعده، وفرحًا لا حزن بعده، ورزقًا لا فقر بعده، وقربًا لا بُعد بعده..!!
#صباحكم خير وطمأنية🌸🌿.
🌿دعاء عند كل صباح 🌿
🌷🦋🌷🦋🌷🦋🌷🦋
:⠀( قال الامام علي( ع🍃
--من أصبح ولم يقل هذه الكلمات خيف عليه فوات الرزق ،وهي :
(( الحمد لله الذي عرفني نفسه ولم يتركني عميان
القلب ،الحمد لله الذي جعلني من أمة محمد
(صلى الله عليه واله وسلم),الحمد لله الذي جعل
رزقي في يده ولم يجعله في أيدي الناس ،الحمد
لله الذي ستر عورتي ولم يفضحني بين الناس .
🌷🦋🌷🦋🌷🦋🌷🦋🌷
ليلة ٢٩/جمادي الآخره /١٤٤٧ هجري الأحد 21 \12 \2025 بصوت خادمكم الرادود ابو هاشم الربيعي ليلة استشهاد سيد محمد سبع الدجيل عليه السلام #قصائد1447
Читать полностью…
ليلة ٢٩/جمادي الآخره /١٤٤٧ هجري الاحد 21 \12 \2025 بصوت خادمكم الرادود ابو هاشم الربيعي ليلة استشهاد سيد محمد سبع الدجيل عليه السلام #نزله #قصائد1447
Читать полностью…
ليلة ٢٩/جمادي الآخره /١٤٤٧ هجري الأحد 21 \12 \2025 بصوت خادمكم الرادود ابو هاشم الربيعي ليلة استشهاد سيد محمد سبع الدجيل عليه السلام #ميمر #قصائد1447
Читать полностью…
ليلة ٢٩/جمادي الآخره /١٤٤٧ هجري الاحد 21 \12 \2025 بصوت خادمكم الرادود ابو هاشم الربيعي ليلة استشهاد سيد محمد سبع الدجيل عليه السلام #قصائد1447
Читать полностью…
ليلة ٢٩/جمادي الآخره /١٤٤٧ هجري الأحد 21 \12 \2025 بصوت خادمكم الرادود ابو هاشم الربيعي ليلة استشهاد سيد محمد سبع الدجيل عليه السلام #قصائد1447
Читать полностью…
أربع ولد مثل الورد
كبروا عشگ بعيوني
أفرح چنت لو عاينت
بوجوه اليشبهوني
صحت الگمر قبل السفر
ما أقبل تودعوني
لم الحُسين متاعه ماعنده أُم لوداعه
ــــــــــــــــــــــــــــــــــــــــــــــــــــــــــــــ
كلمن صعد مهره ومشى
وعيوني ضلت شابحه
عباس بس لا يلتفت
و يشوفها أُمه الطايحه
توهم مشوا بس وعلي
مشتاگه من البارحه
والكاتلك گبل الهجر
مرات تبدي الفاتحه
راح راح ظعن التحبهم ياگلب
راح راح يتطشرون على الترب
راح راح توليهم الناس الغرب
ضاگت سما ﷲ وگاعه لم الحُسين متاعه
ــــــــــــــــــــــــــــــــــــــــــــــــــــــــــــــ
تنشدني جيراني شكثر
ليش شعجب ما ماشيه؟
ولدچ تسد عين الشمس
والنوگ خير و كافيه
چا ما خذوچ لكربله
چا خذوا بس العافيه
جامد على هدومي الدمع
مثل الشموع الطافيه
وين وين؟ ولدچ صفه بيها الوكت
وين وين؟ نشدوني يمه و دنگت
وين وين؟ لا راجعين ولا متت
ليش الموادع ساعه لم الحُسين متاعه
ــــــــــــــــــــــــــــــــــــــــــــــــــــــــــــــ
الماتلها واحد بالحرب
تقنعها كلمن يومه؟
وتنطي بثواباته الهِدم
للوادم المحرومه
بس ياهو البطول الگمر
خاطر أنطيله هدومه
أتخايله بعينه السهم
بس ما مخرب ارسومه
ذاك ذاك أتخيل حسين أنهدم
ذاك ذاك كض ظهره من طاح العلم
ذاك ذاك شامت يأشر عالخيم
چف دوّر على ذراعه لم الحُسين متاعه
ــــــــــــــــــــــــــــــــــــــــــــــــــــــــــــــ
وصيتهم قبل السفر
خل يسمع الما سامع
تردونها أُمكم تنّسي
لو صيتها يضل طالع؟
موتوا أربعتكم تنذكر
أُمكم " بيوم الرابع "
عباس گلّي أتدللي
توصل أخبار السابع
وين وين؟ شجاب الأرض يم السما
وين وين؟ و شجابني آنه لفاطمه؟
وين وين؟ أُمكم مجرد خادمه
ماعندي غير الطاعه لم الحُسين متاعه
ــــــــــــــــــــــــــــــــــــــــــــــــــــــــــــــ
أدخل وأشم عطر الغرف
كل واحد أعرف عطره
وأتذكر أحبابي المشوا
من نلتم على السفره
هنا صلّوا وهنا سولفوا
وهنا عمايم خضره
وأغفى و أنام من البچي
وأحلم جثث متطشره
ليش ليش؟ أحلم مشوا ولدي برمح
ليش ليش؟ من غبشه طلعوا للذبح
ليش ليش؟ ينزف المحبس والجرح
ﷲ يعثر الباعه لم الحُسين متاعه
ــــــــــــــــــــــــــــــــــــــــــــــــــــــــــــــ
- اربع ولد
الرادود | سيد فاقد الموسوي
الشاعر | سعد شميل
الكاتب | الميرزا محمد المياحي
آنه أسولف قبل لا تسأل سؤال
آنه اسولفلك تعال
ولو يمحمد شگول
مات ابو وجه الحلال
آنه زينب آنه هاي
العايفه حسين بوراي
أعرفني خليني استراح
وجيب لختك طاسه ماي
أجيتك گوه مدري شلون
غريبه وعنّك أتنشّد
عمة بزرك آنه أُم عون
صافن بيه يمحمد
ماتعرفني أخوك حسين
وصلّني لهذا الحد
شخبرك يامحمد عالجره والصار
جسم حسين تل صار من الحجار
ماتدري تعبنا هواي
ماتدري كتلنا الماي
ـــــــــــــــــــــــــــــــــــــــــــــــــــــــــــــــــ
كبال عيني حسين طاح
صحت خويه و صوتي راح
راد اليَّ يگوم اخوي
وركضوا عليه بالرماح
هذا لازم حيل ايديه
وهذا يذبح جايبي
وآنه فوگ التل أشوف
الجيش كله التم عليه
ركضنا من الخيم حفاي
ولكينا حسين بس موزين
شگلك ياجرح بحسين
يمحمد خطية حسين
من گد الطعن والخيل
ماندري النزف من وين
گعدنا نمسح بوجهه بعبينا
ولهسه رجفة العاشر بأدينا
لا ضل بي نفس لاصوت
يباوعلي و يرد يموت
ـــــــــــــــــــــــــــــــــــــــــــــــــــــــــــــــــ
هناك كون انت و تشوف
كلشي دم وكلشي خوف
حسين ضل وحده وغريب
ودارت عليه السيوف
ثگل جسمه من السهام
وبالترابه حسين نام
من سمعني ابچي عليه
دار وجهه على الخيام
الشمر تعبني خويه هواي
صور ما تمشي من بالي
تربّع فوگ أخوي و گال
هذا حسينچ الغالي
يحرگ گلبي ضل بحسين
حزّه من الگفى گبالي
نفس ماضل عنده وبالتراب نام
الهوى مايكدر يطبله من السهام
شلع گلبي الوداع وياه
يمحمد حلم وأنساه
ـــــــــــــــــــــــــــــــــــــــــــــــــــــــــــــــــ
الهوى كلش چان حار
مسومر وجوه الصغار
وآنه يمحمد شصير
منين ما التفت نار
وكت أمر بهيج يوم
بس بواچي وماكو نوم
حلّف الگاع الوراي
أجدامي ترجف من أكوم
شوف شسوه بيه حسين
أسمي ما أكوله أگدر
حچايه و چم نفس ضليت
شلونچ من تكلّي أعثر
مو بس هذا بيه الصار
أكثر و أكثر و أكثر
يمحمد گعدنا بنص خرابات
وراس حسين يمنه عالرمح بات
يمحمد عشت مو حال
يمحمد بچيت أشكال
ـــــــــــــــــــــــــــــــــــــــــــــــــــــــــــــــــ
قصيدة: انه زينب
الرادود: سيد فاقد الموسوي
يا ابا الفضل صحتك يعم
گالوا الي عمج وگع
شد حيلك وارجع الي
خدي بدمع عمي نگّع
يالتسوة اطلع بالفلة
لو طارش يگلي رجع
حسين اجانه وضهره يميل
بينه يعمي الناس تعيل
ترجعلي صحتك عمي دخيل
حرگوا خيامك وين نروح
گلبي لرجعتك ضل ينوح
مذبوح اخيك يالمذبوح
____
جابوا هزيلة مكشّفة
لا هودج وكافل خيم
واحنه ركضنه اعله النهر
اتمنيته بس ما رف علم
ترضاهه امشي بهازلة
من عينك و جر السهم
همومي ثگيلة وجفي زغير
ارفعلك ايدي وگلبي يحير
مثلي اسيرة اشلون تصير
اجيتك يعمي وعفت حسين
تسحگه الحوافر من صوبين
جسمة يعمي صار اثنين
__
يلحگني يا فارس اجه
يطگني ما يرحم بنت
جروا تراجي امن الاذن
وين الولي وكافل صحت
لحگتني عمتي بالفلة
وينج رقية ادوهنت
گوة صعدت الناگه شيول
اخلص أقلهه من خيول
و اصبح غريبة ما معقول
اللهُ اكبر هاي طفوف
عالناگه اميلن من الخوف
بحبالي اروحن كلهه تشوف
____
تالي بخرايب نومتّي
وحارسنة يا عمي الشمر
ومتعلّگه الروس برمح
ومن النحر تبچي بكسر
ضيعتنة بالشام وغرب
ورادونه ندخل للقصر
عالهزله ندخل سوگ الشام
خدر العقيلة بين ازلام
عيد وفرحهم واحنه ايتام
حنتله روحي وصاحت ليه
جابولي طشت وشفت البيه
يحسين اموت ومتت اعليه
#محمد فرج الحريشاوي
بصوت الرادود الحسيني
ملأ ستار الصالحي
بصوت الرادود الحسيني
ملأ ستار الصالحي
بصوت الرادود الحسيني
ملأ ستار الصالحي
دعم شيـعة عـلي
الزيادة 100 عضو حقيقي مجاناً
دعم سريع ومضمون
القبول من 1k فما فوق
اقل حسب تفاعل القناة
للمُشاركة بالدعم : @ZaiH_20bot
سيدة وهبت حياتها واولادها لله ونصرة الامام الحسين (عليه السلام) فأصبحت باباً للحوائج
ام_البنين ام_الشهداء عليها السلام
💫🌹خير ما نفتتح به نهارنا🌹💫
📗دعاء الفرج
🌹اللهم صل على محمد وآل محمد وعجل فرجهم🌹
آلَلَهّـمً کْنِ لَوٌلَيکْ آلَحًجّـةّ آبًنِ آلَحًسِـنِ صّـلَوٌآتٌـکْ عٌلَيهّ وٌعٌلَﮯ آبًآئهّ فُـي هّـذِهّ آلَسِـآعٌةّ وٌ فُـي کْلَ سِـآعٌةّ وٌلَيآ وٌحًآفُـظُآ وٌقُآئدٍآ وٌنِآصّـرآ وٌدٍلَيلَآ وٌعٌينِآ حًتٌـﮯ تٌـسِـکْنِهّ أرضًـکْ طِوٌعٌآ وٌتٌـمًتٌـعٌهّ فُـيهّـآ طِوٌيلَآ بًرحًمًتٌـکْ يآ أرحًمً آلَرآحًمًينِ
آلَسِـلَآمً عٌلَﮯ بًقُيةّ آلَلَهّ
✨🌹آلَمًهّـدٍي🌹✨
✋آلَسِـلَآمً عٌلَيکْ يآ حًجّـةّ آلَلَهّ
أَللّهُمَّ إِنِّي أُجَدِّدُ لَهُ فِي صَبِيحَةِ يَوْمِي هٰذَا، وَمَا عِشْتُ مِنْ أَيَّامِي، عَهْداً وَعَقْداً وَبَيْعَةً لَهُ فِي عُنُقِي، لا أَحُولُ عَنْهَا وَلا أَزُولُ أَبَداً.️
🕊🌹وَهَبْ لَنا رَأفتهُ وَرَحمتهُ وَدَعوتهُ ودُعائهُ وَخيرُه ما نَنالُ بِهِ سَعَة مِنْ فَضلِكَ وَفوزاً عِندَكَ يا كريمُ 🌹✨
🌹اللَّهُمَّ عَرِّفْنِي نَفْسَكَ فَإِنَّكَ إِنْ لَمْ تُعَرِّفْنِي نَفْسَكَ لَمْ أَعْرِفْ نَبِيَّكَ ,
اللَّهُمَّ عَرِّفْنِي رَسُولَكَ فَإِنَّكَ إِنْ لَمْ تُعَرِّفْنِي رَسُولَكَ لَمْ أَعْرِفْ حُجَّتَكَ .
اللَّهُمَّ عَرِّفْنِي حُجَّتَكَ فَإِنَّكَ إِنْ لَمْ تُعَرِّفْنِي حُجَّتَكَ ضَلَلْتُ عَنْ دِيني..
✋السلام عليك يا من تراني و لا أراك..
✋السلام عليك يا صاحب الثار..
✋السلام عليك يا يوسف الزهراء.. يا مولاي يا ابا صالح🌹
🌹اللهم اجعلنا من انصاره واعوانه والمستشهدين بين يديه امين يارب العالمين 🌹
🌲 دعاء اليوم 🌲
💠 دعاء يوم الخميس 💠
بِسمِ الله الرَّحمنِ الرَّحيمِ
🌾 الحَمدُ للهِ الَّذي أذهَبَ اللَّيلَ مُظلِماً بِقُدرَتِهِ ، وَجاءَ بِالنَّهارِ مُبصِراً بِرَحمَتِهِ ، وَكَساني ضيائَهُ وَأنا في نِعمَتِهِ .
🌾 اللهُمَّ فَكَما أبقَيتَني لَهُ فَأبقِني لأمثالِهِ ، وَصَلِّ عَلى النَّبيّ مُحَمَّدٍ وَآلِهِ ، وَلا تَفجَعني فيهِ وَفي غَيرِهِ مِنَ اللَّيالي وَالأيامِ بِارتِكابِ المَحارِمِ وَاكتِسابِ المَآثِمِ ، وَارزُقني خَيرَهُ وَخَيرَ ما فيهِ وَخَيرَ ما بَعدَهُ ، وَاصرِف عَنّي شَرَّهُ وَشَرَّ ما فيهِ وَشَرَّ ما بَعدَهُ .
🌾 اللهُمَّ إنّي بِذِمَّةِ الإسلامِ أتَوَسَّلُ إلَيكَ ، وَبِحُرمَةِ القُرآنِ أعتَمِدُ عَلَيكَ ، وَبِمُحَمَّدٍ المُصطَفى (صلّى الله عليه و آله) أستَشفِعُ لَدَيكَ ، فَاعرِفِ اللهُمَّ ذِمَّتي الَّتي رَجَوتُ بِها قضاء حاجَتي ، يا أرحَمَ الرَّاحِمينَ .
🌾 اللهُمَّ اقضِ لي في الخَميسِ خَمساً : لا يَتَّسِعُ لَها إلاّ كَرَمُكَ ، وَلا يُطيقُها إلاّ نِعَمُكَ : سَلامَةً أقوى بِها عَلى طاعَتِكَ ، وَعِبادَةً أستَحِقُّ بِها جَزيلَ مَثوبَتِكَ ، وَسَعَةً في الحالِ مِنَ الرّزقِ الحَلالِ ، وَأن تُؤمِنَني في مَواقِفِ الخَوفِ بِأمنِكَ ، وَتَجعَلَني مِن طَوارِقِ الهُمومِ وَالغُمومِ في حِصنِكَ ، وَصَلِّ عَلى مُحمَّدٍ وَآلِ مُحَمَّدٍ ، وَاجعَل تَوَسُّلي بِهِ شافِعاً يَومَ القيامة نافِعاً ، إنَّكَ أنتَ أرحَمُ الرَّاحِمينَ .
🌸 زيارة يوم الخميس 🌸
💠وهو يوم الحسن بن علي العسكري (ع)
💡فقل في زيارته (ع) :
✋🏻السَّلامُ عَلَيكَ يا وَليَّ الله السَّلامُ عَلَيكَ يا حُجَّةَ الله وَخالِصَتَهُ ، السَّلامُ عَلَيكَ يا إمامَ المُؤمِنينَ ، وَوارِثَ المُرسَلينَ ، وَحُجَّةَ رَبِّ العالَمينَ .
صَلّى اللهُ عَلَيكَ وَعَلى آلِ بَيتِكَ الطَّيِّبينَ الطَّاهِرينَ ، يا مَولايَ يا أبا مُحَمَّدٍ الحَسَنِ بنَ عَليٍّ ، أنا مَولىً لَكَ وَلآلِ بَيتِكَ ، وَهذا يَومُكَ وَهُوَ يَومُ الخَميسِ ، وَأنا ضَيفُكَ فيهِ وَمُستَجيرٌ بِكَ فيهِ ، فَأحسِن ضيافَتي وَإجارَتي بِحَقِّ آلِ بَيتِكَ الطَّيِّبينَ الطَّاهِرينَ .
🍃تـعـويــذة يــوم الـخـمـيــس
بسم الله الرحمن الرحيم
اللهم صل على محمد وآل محمد
(( أعيذ نفسي وولدي وجميع مارزقني ربي وما أنعم به عليّ وجميع إخواني المؤمنين والمؤمنات بالله الأعز الأكبر * وأعيذها بالله الأجل الأرفع وأعيذها بالله رب المشارق والمغارب من شر كل شيطان مارد وقائم وقاعد وحاسد ومعاند وأعيذها بقدرة الله وعزة الله وعظمت الله وسلطان الله وجلال الله وكمال الله وبجمع الله وبرسول الله صلى الله عليه وآله وبولاة أمر الله من شر ما أخاف وأحذر وأشهد أن الله على كل شيء قدير ولا حول ولا قوة إلا بالله العلي العظيم وصلى الله على سيدنا محمد وآله وسلم تسليما وحسبنا الله ونعم الوكيل "
┈┉┅━❀🍃🌸🍃❀━┅┉┈