15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
لطميه للعباس ع رجوع الحسين الى المخيم
رد حسين لخته وصاح الها بعبرته
يزينب مات اخونه
.......
رد محني الضهر ويصيح يختي
تلكيني انطفت بالطف شمعتي
انكسر ضهري وبعد راجت تجوتي
وراح الكالج طلعي عله بختي
وجرت عالخد بدمعته / رد احسين لخته
يزينب مات اخونه
.............
وصل يم الخيم يسحل بالاجدام
ذب عمامته وايلطم عله الهام
يزينب مات اخيي والعكل هام
عافنه الحنين و عالنهر نام
وانكطعت يمنته ردحسين لخته
يزبنب مات اخونه
.............
طلعت من خيمها شلون طلعه
صاحت صوت للمرمر تصدعه
صدك عباس مات وماله رجعه
اريد اصيحله وصوتي ايسمعه
مااحمل فركته رد حسين لخته
يزينب مات اخونه
............
كعدت عل الثره وهالت بالاتراب
وحك عباس كلبي من الحزن ذاب
جنها اليوم شالت كل الاحباب
وانه اوياك غربه ابين الاجناب
ياكلبي وكسرته رد حسين لخته
يزينب مات اخونه
.............
اجت يم الحنين ولطمت الراس
صدك يحسين عني نام عباس
ضلت خيمتي من دون حراس
تهت يحسين وحدك بين الارجاس
وعضيدك فكدته رد حسين لخته
يزينب مات اخونه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram
فزاعيه لشجاعة ابوالفضل ع
خذاها بزود هذا ابنج يبدويه
كلب ميدانها وصكر الحربيه
(ايكول الملعب يحلالي)
.............
حلف بعيونه ودر المربيته
راس المايطخ يم عون طخيته
والملعب يرج هاليوم خليته
(وداعت زينب بجيته)
...........
هذا الزود الك يالرافع الهامه
لف بيها يكافل لف العمامه
والملعب يريد ازلام وهامه
(الملعب رايد صكاره)
..............
يصكار الزلم يربات جيدومه
تمركز يبوفاضل واكلب الحومه
اليوم حدود زينب بيك ملزومه
(الكلفه اتنخت راعيها)
..............
لكظ اعنانها واكلب ضواحيها
الحومه بس الي وماكربو ليها
ذب عمامته واتمركز عليها
( تموج وترتج خلاها )
.............
ياسبع الزلم يربات عياله
كوم بهدتك طشر الخياله
طك هرش الحميه والعزم شاله
(الرايه عله الحد دكاها)
................
علك رايته وهوس بميدانه
لزم حد الحسين وصاح هذا انه
كامت تلعب ويالسيف ذرعانه
(مسجل بالطف تذكاره)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الرابع والعشرين
/channel/um_zainab_kar telgram
نعي الإمام الحسين ع ينعى أخيه العباس ع
ابد مامر عله المخلوك ضهري
صاح بصوت يم الخدر ضهر ي
عافاني اخوي وكسر ضهري
انحنيت ولابكه كل حيل بيه
.............
بيمن يهد الخالي الضهره
فاكد اخو ومكسور كسره
كسر الاخو محد يجبره
............
اسوه وياي ياعباس دهري
ياتوجتي واحزام ظهري
خليتني بالهم يذخري
..............
سهم الاخو لوصاب يكتل
جمره وعله الدلال تنزل
فراكه يهد الحيل وايشل
.................
يحني الضهر لوحمل وشال
وهمه يناس بثكل الاجبال
جاوين اودي حمول الاثكال
............
هم الكلب ياهو اليشيله
حمولي يبوفاضل ثجيله
روحي عله فكدت نحيله
.............
حزامي اليشد الضهر طايح
فاكد اخو والحيل رايح
صاحت الكوم وعله الصايح
............
بيمن يهد الراح أخيه
خالي الضهر مامن تجيه
واخوانه صفو فوك الوطيه
.............
استوحد حسين ودارو عليه
راح العضيد الينزمط بيه
حامي الثنيه مافزع ليه
.............
نعي عن لسان حال زينب ع تخاطب أخيها
شسويلها روحي الحنينه
وخال الولد يكتل ونينه
انريد الاخو الينشد عليه
...............
تريد الاخو وتريد يومه
كلب الأخت كثرة همومه
ياموت خالد ولد سومه
..........
سوم الاخو وتشريه اخيته
وتحن عله الكعده وعشرته
محله الاخو ومحله جلمته
........
جا كون بالتبديل يرضون
وبالموت ويانه يبدلون
ابدلك يخال ابني بالعيون
..........
الأخت لو عالو عليها
تاخذ ضيمها وتمشي الوليها
تسولف للولي ويسمع حجيها
..........
غير الأخت تمشي لخوها
لومرت الهظمه او ولوها
تذب حمولها عله الدللوها
..........
يالمالج اخوه وين ترحين
والمن بضيم الكلب تحجين
وتمرج العيله وتسكتين
..........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الرابع والعشرين
/channel/um_zainab_kar telgram
نعي للانصار ع
الدهر وانصار ابواليمه حياهم
نخت زينب وعركو من حياهم
يوم الهدوا وصاحت حياهم
وفيتو حسين يصحاب الحميه
............
نعي
زينب بيوم الحشمتهم
عله صوتها وهلو دمعهم
لطمو عليها وبجو كلهم
................
ينصار هذا حسين حاير
وحيد وعليه الجيش داير
روحي عله ابن امي تكابر
...............
صاحت حبيب اليوم يومه
تره مفجوع كلبي لاتلومه
ومحزمه عله حسين كومه
..............
صاحو يزينب لاتحشمين
انروح فدو لاسم الحسين
بينه نفس وشلون تبجين
...............
للموت اجينه اليوم عنوه
ولتراب اخوج انروح فدوه
صاحت هله بأهل الامروه
...............
احاه يبن امي وغربته
شلون لوخلصو صحبته
شلون بيه شلون بخته
...............
.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثاني والعشرين المآسي الفاطميه
/channel/um_zainab_kar
مربوعه اوفزاعيه للعليله ع
ضعون الحملت ماجلبت بيها
خلتني ومشت بدار اهاليها
............
خلتني اون بدار ليليه
اناطر بالظعون البعدت عليه
كاتلني المرض كل روح مابيه
نحيله والمشو مانشدو عليها
..........
اضعون الحملت ماعطليناها
بيدي جلبت وحسين هداها
تحسر والدموع بحزن هلاها
يبويه دورب صعبه ماتحمليها
..........
خن ابجي واهل العين خلوني
عله اهلي الحملو بدار عافوني
لضعون الحبايب شابحه عيوني
يدار الخاليه عيني عميتيها
.........
يونات المشو للحيل هدنه
سره ضعن الاحبهم وايست منه
مابيه اون بس دمعي اهلنه
اريد اكعد عله العتبه واتنايها
..........
اتاني اضعونكم مرو يغيابي
ردولي خبر من يوصل عتابي
لوحن الكلب ويريد لحبابي
الروح تحن لهلها بيش اسليها
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
نعي لنزول في كربلاء
شفت كربله وانخطف لوني
واصيح يهلي اتلاحكوني
يردون اخوتي ايودوعوني
عليمن يخوتي الجمع ملموم
قلة يخوتي وكثرت الكوم
يردون حز راسك يمظلوم
عفيه عليه وحيل بيه
طبيت لرض الغاضريه
وخال الولد جبته بديه
خويه يبعد اصبي العيون
نيتكم تعوفوني وتنامون
يعباس كلي بزينب شلون
لوغمضت عينك يكافل
ياهو الكفيل ابها المحامل
صدالها ودمع العين هامل
جواب العباس ع
الموت مايصعب عليه
بس عيني عله زينب جريه
خاف تروح من بعدي سبيه
يحسين باصرني عله اختنه
لو عالثره يحسين نمنه
عدمن تضل مدللتنه
خافت عليها الشامت ايعيل
ياخذ ضعنها ويسرج بليل
اليركبها منو لرادت اتشيل
يحسين لوكرب وعدنه
بوليت ايزيد اتضل اختنه
لوجتفوها واعاتبتنه
جواب الحسين ع
بحجيك مرد كلبي يعباس
اختنه تروح بوليت ارجاس
ويه الشمر واترافك الراس
هاي المصيبه البيها اهمن
بناتي تضل عباس عدمن
ويه الغريب اشلون يمشن
سولف والحجي مرد دليله
زينب تضل هيه الكفيله
والحمل بت امي تشيله
حسين ون وهلت العين
يعباس نصبر والصبر زين
بيد الله انودع النساوين
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
:
هوسات لنزول في كربلاء
اليوم حسين طب والبيه الكفايه
نزل بارض الطفوف وعلك الرايه
ودك اخيامها وصاح الزلم هايه
(كيعان الطف دم ارويها)
.............
هله يربات هاشم يومكم معروف
هله يهل المراجل ماعرفتو الخوف
هاي الغاضريه وعين عدها اتشوف
(عنوان الهم شاهد بيها)
...........
صاح حسين بيهم صيحت اسرافيل
جينه ابامر بارينه وعن الحك ابد ماميل
الحياة بذل يكللهم جنها السكن وادي الويل
(هيهات الكم ماطخ هامه)
..............
طبو كربله وجيش انكلب صوبين
واخوان العقيله بزود مبتسمين
جنه الموت عيد وليه متعنين
(الموته بعز يامحلاها)
.............
لجن زينب اخت والاخت مثل الام
عرفت دنه الموت وكثر بيها الهم
اجت بهمومها وصاحت يالمشيم
(الموت بجفكم سالمتوه)
............
سالمتو المنيه وبالكلب جمره
ملتمه الجيوش تريد حز نحره
مابيه اشوف حسين عالغبره
(ياموت اجبل كبل خواني)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
نعي للعليلة ع
المسافر شهر وايعود لدار
انه احباب الكلب طول سفرهم
عديت الليالي وصارن اشهور
وما ملت يعيني مناطرتهم
اذا صار الصبح تنظر عله الباب
اوكت الليل مايكطع دمعهم
مشتاكه العيون الملكه الاحباب
ونذرت انذور لو عود ظعنهم
رمش العين افرشنه عله الدروب
اذا صار الملاكه اويه النحبهم
نعي
بويه الردتك منذوره العيون
يطشن دمع يوم اليبشرون
المبشر يكلي هاي الاضعون
..................
حس المبشر لوسمعته
كلبي كبل جدمي نكلته
شحلات الابو وتتلكاه بته
.................
محله الملاكه بعد الغياب
تفيض المحنه بملكه الاحباب
وتعود وكفتهم عله الباب
............
ليمت تجي وكلبي ايتلكاك
اكلك هله واتسامر وياك
واتصيحلي وافرش مصلاك
..................
تصيح بويه واتسمعني
واكلك يبعد اليوجعني
بشوفك يروح المرض مني
..............
جن اشوفهم عالباب وكفو
عليه وعلى الديران نشدو
ون الكلب وايكول بعدو
..........
كطعي الرجه وبالج تنشدين
عله شالو يروحي لاتعتبين
جا ما عاتبيتي لون تدرين
............
لون تدرين بمصاب الدهاهم
ضلو عالثره وتجري دماهم
هلج عله الكاع محد غسلاهم
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
نعي للهلال عن لسان المعزين والزهراء ع
ابوذيه
يهلال الغدر بحسين واهله
بمصايب وبحزن رحب واهله
اريد اسجب دمع عيني واهله
عله الفكدت اخو وراحت سبيه
.............
يهلال اشوفك اسود اللون
صديت الك وتهل العيون
جريت حسره وصحت يم عون
.............
جريت من الكلب حسره
وجني اسمعت ونت الزهره
اسمع صوتها صاحت بعبره
.............
صاحت وهلت دمعت العين
وجن حشمت وين المحبين
وين اليصيح بصوت يحسين
............
وينه البجه وايهل الادموع
يذكر مصابه وكسر الاضلوع
ويعيني عله ام كلب مفجوع
............
جابت اخوها ودمع تجريه
تدري الموت لبن امها يتانيه
كلبج ييمه اشكد صبر بيه
............
(اتكول الزهره ع تخاطب المعزين)
العدها اخو وتعرف غلاته
وحنين ومافارك خواته
غيور عله اخيته وطيبه ذاته
.............
العدها اخو وكله محنه
ومايوم فارك عمت ابنه
يمر عله اخيته بغير منه
...........
العدها اخو كل عمر يمها
يمعوض ابوها وشوفت امها
كل ساع ينشدها عله همها
.............
شتكول زينب عن وليها
واهي للموت جايبته بديها
شلون عدله وروح بيها
.............
كون المنيه مبادل تصير
تخلي الاخو وعله اخته أدير
عزيز الاخو بفراكه اتحير
............
همومج يزينب من حملها
للموت جابت كل اهلها
جابت ابن امها والكفلها
...........
طول الدرب تنظر عليهم
كل ساع وتدير العين ليهم
ياكلب وين تريد بيهم
وين تريد بعزازك يكلبي
.............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
رابط قناة #مكتبة الدعاء
العنوان -بصرة-العشار-شارع المطاعم-قرب شارع الكويت-مقابيل عطور الاخلاص-
تتوفر لديهم جميع الكتب والدولوين الحسينية لجميع الشاعرات باسعار مناسبه
يوجد لديهم خدمة توصيل لكافة محافضات واقضية العراق
#رقم المكتبة
07716860773
واتساب-اتصال
/channel/dahadert
نعي للمسير عن لسان حال زينب ع
شحلات الجفوف الركبني
بتعب الدرب ما حسسني
جف الرايته وجف عله متني
............
جف عباس ماتيه متوني
حنين الاخو ويفدنه عيوني
وانه بعباس ماخابت ضنوني
............
وياي الولي براضه مشيته
يحط ايده عالراسه لونخيته
ترد الضعن يالبيدك خذيته
.............
خدرج يبت عودي عله الراس
مادام بيه روح وانفاس
سالم اخوج وعيب ينجاس
.............
يكلها عالراسي الحمل ذبيه
وروحج يزينب لاتهم بيه
يخويه بشاربي وانه الاباريه
..........
وحك خوتي البيني وبينج
حرام الدمع ينزل ابعينج
انه اوفي الخوه واسد دينج
............
يزينب تضلين بغلاتج
شحده الهوه ايمر بعباتج
امشي يبت عودي برهاتج
............
انه العباس واختي تماشيني
عله الكاع فارش رمش عيني
من تميل تجوتها يميني
............
عندي وعد ويه الهاشميه
ما مال محملها البديه
كون اوفي العهد بالغاضريه
............
يكون العهد وياج اوفيه
ويومي يزينب ينحلف بيه
يكولون الوفه عباس راعيه
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
سلامي لخواتي بنات العماره ...توفرت كل الأجزاء من المآسي الزينبيه في محافظة ميسان مجمع القلم رقم الهاتف موجود بالصوره ان شاءالله الحسين يوفقكم
ووفق جميع خدام الحسين ع أسألكم الدعاء
هذا النعي فوك بالقناة واني طابعته بكتاب العليله ع حورت بعض الأبيات والله حرام هيج وصارت بلا ملحه موشعر واحساس وصدق مع الاسف
Читать полностью…
نعي عن لسان حال زينب ع
ياعشرتك وياي كفت
جلمة البويه اليوم فلت
يادارنه بالحزن ضلت
............
خليه الديار وحزن بيها
شلون العيد من يجبل عليها
دارك نسدها لو تجيها علي يابويه
.............
ويه الاحباب العيد جنه
لو صبح نسير لهنه
خالي البيت ومضيع المحنه
..............
خليان صبح بيت ابونه
وخليان من شوفت عيونه
مضيعين وندور الدللونه
..............
صديت عيني الباب بيتك
هل الدمع واتذكريتك
كعديت عالعتبه ونعيتك
............
تجيت راسي بعتبة الباب
ردو المنازلكم يالاحباب
ماعيدت روحي يغياب
.............
الفاكده ماحست بعيد
كلما يمر ها احزانها تزيد
الفرحه ويه اهلها شالت بعيد
..............
فزاعية
شايل ياعلي الكرار
زينب حالهه شلونه
تبچي والگلب جمره
اتون وتجري العبره
وينچ يمه يازهره
اريدن منچ العونه
نتگابل سوه الليله
انعي وانه ابچيبله
على اليتم مداليله
اوياه نروح خلونه
نادت ياحسن يحسين
رايح منه نور العين
طايح ياعمود الدين
جن وانس يبچونه
رايح ياعزيز الروح
مابطل عليك النوح
اونن والگلب مجروح
عليك عيوني عميانه
دارك اصبحت ظلمه
بيهه انت چنت نعمه
ابونه يلحلو اسمه
خليه وموحش مچانه
بعد هيهات نتلاگه
حانت ساعة فراگه
نار اوداعه حراگه
اللطمه اليوم شديهه
ولزينب دعينيهه
الليله راح واليهه
عليه الحره محزونه
ام احمد الساعدي
لتعجيل الفرج
نسألكم الدعاء 🙏🏻🙏🏻🙏🏻
#اللهم_عجل_لوليك_الفرج
◇◈◇⇩..تابعونا..⇩◇◈◇
🌐قناة القصائد الملحنه🌐
♦️❄️عشاق الحسین❄️♦️
👇👇👇👇👇
🆔/channel/ashaghalhossein
🌐قناة القصائد النسائیة🌐
👇👇👇👇👇
🆔/channel/ghsahdhossinyat
🌐قناة خاصة للنعي🌐
👇👇👇👇 👇
🆔/channel/ashaghalhossein4
🌐قناة خاصة الأبوذیة🌐
👇👇👇👇 👇
🆔 /channel/ashaghalhossein3
🌐قناة خاصة للمواليد🌐
👇👇👇👇👇
🆔/channel/ashaghalhosseinn
🌐قناة قصايد فارسية🌐
👇👇👇👇👇
🆔/channel/madahifarsii
🔻کروب للتلحین قصاید📝
👇👇👇👇
🆔 /channel/ashaghalhossein2
📲Whatsapp
00989381599023🇮🇷
*من باب احترام حقوق الآخرين*
*نرجو عدم تغيير روابط الخدمه*
نعي وابوذيه للعليلة ع
جفاني ليش ضعن اهلي ولاحن
المصايب ودرن عيني ولاحن
اكبالي اضعونهم جنها ولاحن
سراب اتخيله واصفك بديه
شفت الولي محمل وشايل
اتناني صحت والدمع سايل
ياروحي ودعتي الحمايل
حموله بكبرها ودعتها
سدرت بعيوني شفتها
تتريضي شويه صحتها
تتريضي يضعون اهلنه
لحكيت الضعن ماريضنه
ليش الولي من ضعونه عزلنه
يالضعن الجزء تريض شويه
اتعاتب عودها تريد البنيه
يالشلت الظعون التفت ليه
انجان نيتكم تشيلون
حملو العزيزه من تحملون
اخذوني يبويه ولاتقصرون
خذوني وياكم يالمرحلين
شسوي ضاله بدار يحسين
وحشه وخليه وتعمي العين
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه او مربوعه لاولاد مسلم ع
ضعيت الولد واهل الشيم نومه
الكافل عالنهر وحسين بالحومه
............
ضيعت الولد وينه اليدليني
نحيله والنوايب روحت عيني
يافركه الاهل بالكلب جاويني
اونن ياهلي ونت المهظومه
...........
اونن عالولد واروح خلصانه
والاوالي تعنه وادور ويانه
مايدري الحنين بضيم بلوانه
اخته من مرار الضيم مهدومه
...........
هدمني الزمان وضيع اولادي
من هم العليه انمردت افادي
مايدري الحنين عله اخته اسادي
فر مني الولد والروح مندومه
.........
مندومه عله ابني الراح ماجاني
يايوم المدلل غير اللواني
انخه وحشمت كومو يخواني
اخاف اليل طاهر غير رسومه
..........
جاوين الولي وجاوين هداته
مايدري الحنين بضيم اخياته
ميت مادرن بيه المضيعاته
طاهر بالمسيب سالت دمومه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثاني والعشرون
/channel/um_zainab_kar telgram
فزاعيه بدايتها نعي للعباس ع زينب ع تخاطب الموت
كون الموت يسمع من احاجيه
واكله اخويه ابعد لاتمر بيه
يمزامط خواته ارجوك خليه
نزلت الفزاعيه
ولك ياموت هذا زماط عياله
هيبه والخوات اتزامط بجاله
.................
هذا ازماط نيبه وراس حربيه
يملاوي الركاب الموش ملويه
طبع بالموت يتخير نوينيه
(ازلام الصلفه / استنكاها )
.............
هذا البالحرايب عابره عيونه
بيوم الضيج والكلفه يندهونه
يطيح شلون جف المايلاوونه
( جفوف العايل لاواها)
.............
اخويه الموت يختل لوتدناله
الحد عباس ماكربت الخياله
عمت عين الدنيه شلون مياله
(الحاوي الزينه تميل وياه)
..............
ياموت الزلم يوم اليلاكيها
ركاب الماتظخ عباس لاويها
العايل ماكرب لحدود واليها
(اشطاع الحيد عله نومه)
..........
كون اتناشده والموت حاجاها
واختك يبوفاضل سولف وياها
يرد ازماط اخيته وبيه تتباها
(يزماط اخته / بيوم النيبه)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الرابع والعشرين
/channel/um_zainab_kar telgram
نعي كرناوي المسلم ع عتاب حميده ع
هاليوم هل دمعي من العيون
مشتاكه عله شوفتكم يالاحنان
ويه الحنين شمحله الاعتاب
توديه بدمع وبحيل خلصان
كطعت الوصل وياي جاليش
وانه كلبي عله ملكاك عطشان
جبت الدرب ونات ونات
بحسره يبويه ودمع جروان
مروني عله درب البيه ونيت
صحت بويه عليك الكب لهفان
شلونك يبعد عيوني الاثنين
اخافنك من الطعن وجعان
................
نعي
شلونك بعد بتك شلونك
مشتاكه عله شوفت عيونك
لوني تغير وحك لونك
...........
اسمع يمسلم صوت بتك
اشتاكت عله لذت جلمتك
راحت جلمة البويه وفكدتك
..........
ياجلمة البويه شحلاها
ومحلات ابونه لوحجاها
مامات كلبي الضيعاها
..........
مريت بويه عله المحاري
وشبت براس الكلب ناري
هذا حسين جدم بحواري
..........
هذا ابوسكينه جاب الاضعون
حاير يبويه أدير العيون
اكعد يمسلم نومك شلون
...........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الثاني
/channel/um_zainab_kar telgram
لطميه كعده للعليله ع
اكظي اليل بالحسبات وتمر صوره احبابي
ابخيالي ترسم صوره ابوي حسين دك بابي
...................
جنه اسمع يدك بابي عليله وجيت اشوفنج
وانه الخاطرج رديت بويه من اسمعت ونج
عليله وحشت الديران والحسرات كتلنج
وهل دمعي عالمتونه واجر ويه الابو عتابي
................
حلم لومن صدك مريت بويه وتنشد اعليه
هله وكل الهله املكاك وميت هله بهالجيه
تنسيني الم علتي واطيبن من تمر بيه
يبويه وافرح املكاك وانسه لوعه امصابي
................
افز من نومي مرعوبه اصدن لنزل خالي
ثاري من الحلم فزيت اصيح حسين يالغالي
اروح وانتجي عالباب ودمعي اعله الوجن هالي
يروحي بأمل جيتهم تعود وترد غيابي
.................
صار ايام مامريت و شبحت عالدرب عيني
اناشد ونشد الديران وبس الصده يحاجيني
صبري شلون بويه اعليك يالفركاك ياذيني
بعد ماطاب يالاحباب حزني ولا شفه صوابي
.................
كلي شلون جرحي ايطيب ولا واحد بكه امن اهلي
عكب وجهك يابو السجاد يبويه بالعمر شلي
يروحي نوحي عالشال ومن نوحج عليه سلي
اصيحن ياهلي ردو ومحد يسمع اجوابي
................
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي العلويه الجزء السادس
/channel/um_zainab_kar telgram
الرادود ظاهر الخيكاني /قصيده روحي اشلون محرم 1445 ميسان ناحيه الخير
https://youtube.com/watch?v=bxMIcL3nTnU&feature=share
لطميه ثقيله لنزول في كربلاء
عليمن هالفزع ملتم
اعرفه حسين مايسلم
عليك محزمه الصوبين ..حاجيني ينور العين
* عليمن هالفزع ملتم*
............
اشوفن كربله يحسين ضجت كل ضواحيها
واشوف الجيش باللاف دارت ياولي عليها
رجف كلبي يبوالسجاد من هالارض والبيها
جنها ماتعرف الضيف وتخون وياك تاليها
محتار الكلب يحسين / حاجيني ينور العين
*عليمن هالفزع ملتم*
..............
من طبت لاراضي الشوم هلت زينب العبره
صدت للولي وتصيح اه يمدلل الزهره
علامات الشر امبينات وكامت تجذب الحسره
دك اخيامها العباس واجته وكعدت بكتره
هنا ياخلفت الطيبين / حاجيني ينور العين
*عليمن هالفزع ملتم*
.................
انشدك ياضوه عيوني واحجيلي شتريد الكوم
يخويه شرايدين اعداك وبرد كلبي المهموم
كاللها ودموعه تسيل هاي ارض الكدر والشوم
يازينب جموع الخيل تطلب منحر المظلوم
صاحت والكلب نصين / حاجيني ينور العين
*عليمن هالفزع ملتم *
.................
يخويه بهل الأمر حسيت ودليلي بنار يتجوه
ترحون واتضل نسوان غربه ولاتضل تجوه
واختك ياعجيد الكوم عكبك تبتلي بلوه
تخلص عشرتي وياك وتنفل جلمة االخوه
ويشتت شملنه البين / حاجيني ينور العين
*عليمن هالفزع ملتم *
................
راحت يم اخوها حسين صاحت ياضوه عيوني
كثره الكوم يبن امي شفتها وغيرت لوني
يزينب هالزلم والخيل كصد عدهم يطلبوني
براضي كربله مكتوب يبت امي يذبحوني
وانتي عله الهزل ترحين / حاجيني ينور العين
*عليمن هالفزع ملتم*
.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثاني والعشرين المآسي الفاطميه
/channel/um_zainab_kar
فزاعيه لنزول ال هاشم في كربلاء
الكم بهاليوم شهدت كربله
رفت الرايات لهل المرجله
............
شهدت الكم وانكتب عنوانها
كربله بحسين رفعت شانها
اطهرت ببن النبي تربانها
بدم ابوالسجاد يالصيتج عله
............
ال هاشم علكت راياتها
ازلام صلفه وسجلت وكفاتها
بهل الرجال اتباهت وصولاتها
وبيرغ العباس بجفوفه حله
...........
حيد والبيرغ يرف بجفوفه
دك خييمه والعيون تشوفه
يوم شاف جموعهم مصفوفه
مايهمه الجيش ابن عقد الوله
............
يالطفوف ايصيح وايهز رايته
انه ابوفاضل التشهد صولته
كربله بهاليوم سجلي وكفته
اتحزم وبيده ينزل القافله
............
والهواشم هوسو جدامه
والكفيل بزود شد احزامه
صاح وين البالحرب وهامه
بيوم الملاكات صاحو ياهله
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
موشح للهلال عن لسان حال زينب ع
كون مايطلع اهلاله ولاتشوفه عيوني
يغيب لوكرب محرم يستحي من متوني
..............
يدري زينب تنفجع من طلعته
من تصد بالعين تذكر فجعته
يامصابي وياحسين اوذبحته
بيك اتذكر ليالي ويوم غير لوني
.............
كون يخجل مايهل هذا الشهر
يدعي ربه ايغيب ويذاك الكمر
الخله عينه انطفت يم راك النهر
يالخذت عزي ودلالي وخيبيت اضنوني
...........
ياشهر عاشور واحنيت الضلع
زينب تخاطب اهلالك بالدمع
يالبيك حسين دامي ومنصرع
مصابك ايألم دليلي وشيعتي ايعازوني
...........
تلبس اثياب الحزن بهلالك
وناعي يهلال بحزن ينعالك
اه يحسين وايسبي عيالك
ياذبيح الطف ينادي وانه ايذكروني
..............
ياهلال و يبدي وياك العتب
بيك ابوالسجاد ضامي وانسلب
بيك زينب عالهزل كطعت درب
مانسو يوم المصيبه وعالجره ايواسوني
...............
تدري يهلال المصايب من تهل
ترد مأساة السبي وشد الحبل
دهر حزنك ياهلال اومايزل
بيك مجتوفه ويسيره وعالهزل مشوني
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه بدايتها نعي لخروج الحسين من المدينه
اليوم اعزازنه شدو ضعنهم
وشالو اهل كلبي بجمعهم
وشدو احزام الموت كلهم
وعلك رايته كافل حرمهم
نزلت الفزاعيه
اليوم عله المحامل رفت الرايه
متوزم باخيته البيه الكفايه
..............
طلعو واضعون بفخر شالوها
اهالي الزود والكلفه تعنوها
شالو والحزم للموت شدوها
(الرايه ترف/ بيد الهيبه)
............
علك رايته المهيوب بمتونه
وكال بشاربي ركبي يخاتونه
وحك عيناج حدك مايكربونه
(جفوف المن / كاصد بيها)
..........
منذوره الج يم عون جفيني
شسوي بكربله بالعين شوفيني
لشمرها الطفوف بشمرة ايميني
(اكلب كاع الطف / والبيها)
.............
كاصد لطفوف وكاطع دروبه
ونيران بدليلي عليج منشوبه
انه الجايبج بيدي يمهيوبه
(الكاد المحمل / جف غيره)
..............
رفت رايت العباس بجفوفه
هذا الخوته بالكون معروفه
شهدتله الطفوف وكتبت حروفه
(تاريخ الطف / يحجي بيومه)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
فزاعيه لتبديل الرايه
صيح زينب من تبدل الرايه
واذكر الركضت عل المسنايه
..........
اذكر الركضت تجر بذيالها
تنذبح بارض الطفوف ارجالها
والخدر يمشي ويبين اخيالها
تشوف اخوها وجثته مدمايه
...........
اه يزينب صيح يامظلومه
يالبكيتي بلاولي ومهضومه
شلون طريتي الزلم والحومه
ومايضل الهل حرم حمايه
...........
كربت ايام الحزن والوعه
وينه اليسجب عليج دموعه
ياغريبه وبالاخو مفجوعه
جايه الموت الاخوان اعنايه
...........
شلون متعنيه واجت بخوانها
باجر الدنيه تغير اللوانها
بيها ماترحم ابد عدوانها
خاليه تضل الخيم والثايه
...........
صيح ويلي يالتبدل رايته
كول اه يحسين اه ياغربته
كطعو اوريده وسحكو جثته
النهر يجري وماشرب من مايه
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي وابوذيه للعليلة ع
جفاني ليش ضعن اهلي ولاحن
المصايب ودرن عيني ولاحن
اكبالي اضعونهم جنها ولاحن
سراب اتخيله واصفك بديه
شفت الولي محمل وشايل
اتناني صحت والدمع سايل
ياروحي ودعتي الحمايل
حموله بكبرها ودعتها
سدرت بعيوني شفتها
تتريضي شويه صحتها
تتريضي يضعون اهلنه
لحكيت الضعن ماريضنه
ليش الولي من ضعونه عزلنه
يالضعن الجزء تريض شويه
اتعاتب عودها تريد البنيه
يالشلت الظعون التفت ليه
انجان نيتكم تشيلون
حملو العزيزه من تحملون
اخذوني يبويه ولاتقصرون
خذوني وياكم يالمرحلين
شسوي ضاله بدار يحسين
وحشه وخليه وتعمي العين
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgra
لطميه ثكيله عن لسان للعليلة ع
بسلامه / تعود ياضعن الحبايب بسلامه
بسلامه / وترجع عليه يغايب بسلامه
بسلامه بسلامه
................
بويه اضل ادعي الك ليلي ونهاري
وبصلاتي ادعي ربي بدمع جاري
ربي عندك اشتكي ضيمي ومراري
راحو احبابي ومشو واظلمت داري
بسلامه / اندعي والكلب ذايب بسلامه
بسلامه / تعود ياضعن الحبايب بسلامه
..............
اندعي ياربي ردهم خل يعودون
ناذره عيوني اطشها لو يردون
يرد ياظعن النوده اكبال العيون
وافرح بجيت هلي يوم اليطبون
بسلامه / والدمع بعيوني ساجب بسلامه
بسلامه / تعود ياضعن الحبايب بسلامه
..........
الدمع بعيوني يهل ماكطع مجراه
لمن يعود زماني اوجهك الكاه
حسين يرجع للمنازل واكعد وياه
اشتاك كلبي وعنت عليه حجاياه
بسلامه / ايعودكم دهر النوايب بسلامه
بسلامه / تعود ياضعن الحبايب بسلامه
............
يادهر رووف عله حالي ورجع اهلي
المرض سلاني وبعد وحشت محلي
هم تلم جمعاتهم بالنزل كلي
والله صعب غيابهم ياروحي سلي
بسلامه / وماتشوفون المصايب بسلامه
بسلامه / اتعود ياظعن الحبايب بسلامه
............
سالم اترد يابعد عيني ونظرها
مساهره وجياتكم كلبي نطرها
العين ذبلت يالاحبايب من سهرها
تموت روحي لوصل منكم خبرها
بسلامه/اسم الله من نوم الترايب بسلامه
بسلامه / تعود ياظعن الحبايب بسلامه
............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي العلويه الجزء السادس
/channel/um_zainab_kar telgram
هذا النعي الي ومامبريه الذمه الي كتبته ونسبته الها وكافي والله عيب حتى من الحسين ع
Читать полностью…
لطميه لم البنين ع عندما ودعت ضعن الحسين ع
انطر الكلب نصين من ودعتهم
لاني عميت العين لاني اتبعتهم
...............
من حملو ماشوف راحت عيوني
ضليت اهل العين من ماخذوني
شلي بعد بالدار لو تيهوني
كليلي يم عباس وشكلتي عنهم
.............
اباب النزل ضليت اومي بديه
شفت الضعن من راح وابعد عليه
كتله يماي العين ريض شويه
شلي بعد بالبيت مابيه ذكرهم
............
لاولد ضل بالدار ويرد وحشتي
والضعن يوم الشال صبت دمعتي
تسعر بنص احشاي ضلت جمرتي
احباب الكلب غياب شلي بنزلهم
..........
ياكلبي ون عالراح هوه وحريمه
مااطب بيت حسين واسكن الهيمه
لعمي العيون عليك والنوح اجيمه
لمن عليه اتعود لمت شملهم
...........
منين الدرب ياناس وامشي وراهم
لوطالت الايام واكطع رجاهم
يعزازي لوحنيت الريحت هواهم
اعتب واكولن ليش كطعو وصلهم
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرين
/channel/um_zainab_kar telgram
فزاعيه بدايتها نعي معازات لزينب ع
شبيه الكلب يجذب بالونين
يجر حسرته والدمع بالعين
حزنان كلبي عله اخت الحسين
نزلت الفزاعيه
حزن كلبي وذكر يوم الغريبه
يوم الحملت حرمه وسليبه
..........
حزنانه ودمعتي تارس العين
واكل العين هلي ولاتبطلين
وني وكابليها الفكدت حسين
شاب الراس من هاي المصيبه
...........
يومج من يمر زينب عليه
من اسمج تضل عيني جريه
ادكن عالصدر بثنين اديه
يزينب قصتج صعبه عجيبه
..........
ذكرها بيوم شالت ويخوها
عزيزه وغالية عد ابن ابوها
طبت كربله ويه الدللوها
تدير العين والدمعه سجيبه
..........
كل احبابها نامو بالاتراب
ضلت حايره مابين الاجناب
محد كابلاها وفاكد احباب
جن اصيح اخوي منين اجيبه
.........
جنها اتصيح عينني عله بلواي
يمن عونه الذكرني وناح وياي
ذكرت حسين والطايح عله الماي
كلبي عليج مايبطل نحيبه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram