15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
لطميه للحسين ع وحال زينب ع
عجيبه / اخت تنضر لخوها وذابحينه
عجيبه / يون اكبالها وتسمع ونينه
لوكلب زينب حجر / جان يحسين انفطر
عجيبه عجيبه
............
ياصبر روحج صبر عجبتي الاكوان
عفيه وعيونج تصد ذباح الاخوان
معلك الراس وتشوفه براس الاسنان
والاخو غالي عله اخيته يم الاحزان
ايعين كلب الشافته / يوم حزو ركبته
عجيبه عجيبه
.............
شلون عينج شاهدت ذبحه وفعجته
شكلتي من جاه الشمر حز ابركبته
اضن صحتي بعبرتج ترحم بخيته
كلي اشصار الكلب شنهي جرعته
صاحت الحيل انهدم / ليش مابيكم رحم
عجيبه عجيبه
.............
شكالت اخته من دنت يم جثت اخوها
خويه صاحت روحي ابذبحك خذوها
شبيدها اختك ياولي وليه ولوها
بغربه لا يمها اهل لايمها ابوها
غدت تصرخ ياعلي / انذبحت اخواني وهلي
عجيبه عجيبه
..............
والله يمصاب الجرالج اه يزينب ماجره
صحتي عالتل وبجيتي وين امي الطاهره
صحتي ياحيدر يبويه حسين حزو منحره
وانه يم حسين احومي شفته كطعو خنصره
اركض ودمعي يصب / وذاب من عندي الكلب
عجيبه عجيبه
............
ابجو ياشيعه المصابي من تمركم قصتي
عينو كلبي الي تعذب وشاركوني بمحنتي
كولو شلونج يزينب من شفت ذبح اخوتي
يامصيبه الي شفتها وانه حرمه بغربتي
يااخت مثلي ابتلت / وذبح اخوها شاهدت
عجيبه عجيبه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه
/channel/um_zainab_kar telgram
نعي لسبي عن لسان حال زينب ع
تذكرني المحامل بيك والماي
وما هود عله فركاك والماي
من صاح الشمر لليسر والماي
تمنيتك عدل وتكوم ليه
............
يرد بيك الوكت ساعه تمنيت
اعاتب واكلك ليش مااجيت
ويانه فلت الخوه وتبريت
...........
اعرفك يبوفاضل طبع بيك
كلبك حنين ونعتب عليك
ماتخلف وعد عباس ادريك
..........
شنهي البدلك يابوالمحنه
مافززك صايحنه وعتبنه
حلالك يوالي النوم الجنه
..........
شلون الحمل عباس عفنته
نمت وعله الغربه شمرته
المثلك شلون ايعوف اخيته
..........
بيني وبينك عهد خوه
حسبالي تضل للدوم تجوه
دهري يخال ابني اسوه
..........
طبع الدهر عباس خوان
يهدم ابيوت ويأخذ اخوان
واخيار يتخير بالاحنان
..............
دهري صواب يوجع صوباني
طكني عله عيوني وعماني
اخذ مني الحنين وهداماني
عزيز الاخو ويوجع صوابه
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
جديد
اصدار ١٤٤٥هـ -٢٠٢٣
الماسي الزينبية ج ٦
الشاعرة ام زينب كربلاء
خاص بالسيدة رقية وبنات الحسن
والسجاد والحسن عليهم السلام
متوفر في مكتبة الغدير بغداد
لدينا توصيل لكافة المحافظات
للحجز
لاترسل صورة الكتاب ❌❌
الصورة عندي 😉😉
فقط ارسل اسم الكتاب والجزء ✅✅
واتساب
👇👇👇👇
07711395580
/channel/eheh10
نعي الزينب ع تعاتب اخوتها
خال الولد لضيج ردته
للضيم والعازه ذخرته
حكي من ابن امي طلبته
حك الاخت كله عالخوها
ويصير مثل امها وابوها
بس خوان زينب تيهوها
خال الولد للعتب يسوه
واطالبه بحك الاخوه
تعنه يخال الولد عنوه
اختك بعازه وحشمت بيك
حنين الكلب يالوالي تدريك
الغيره البراسك ماتخليك
الغيره تجيبك والمحنه
لوسمع بهظمه عمت ابنه
يشد حزام وعليها ايتعنه
تكله هله وايكول اجيتج
سمعتج نخيتي واعتنيتج
انتي عالبالي وما نسيتج
ليش الاخو من اخته ايتبره
واحنه رضعنه افرد دره
وادري الجابتك يحسين حره
امي رضعتك غيره ومحنه
ونطلب الاخوه بدرت امنه
وشوصتك من مشت عنه
عمت الولد وتريد حكها
ماصدك عيونه طبكها
زينب بحيره ومالحكها
........
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/um_zainab_kar telgram
نعي لسبي عن لسان حال زينب ع
شيعوده بعد وكت الجزاني
ترد هيبتي وجمعت اخواني
ويصيحون ياحادي تاني
............
نمشي ونسمع الصايح ورانه
حس عباس ينده بالخذانه
يالحملت بيهن توانه
............
ريض يحادي النوك بيهن
كلهن فزع عباس ليهن
اجه هادود عالعالو عليهن
.............
كون البجه ايرد اليموتون
ويسمعون صيحتنه ويكعدون
جا فز السبع من صاحت ام عون
..............
كثر النوح مارجع الميتين
لا فززتهم دمعت العين
ولاردو الصايح من تصيحين
............
يروحي بعد ليج شيردهم
ماسمعو الصايح من صحتهم
جتفني الشمر وتعديت يمهم
............
شلون عالجثث يحسين مريت
ونه من الدليل عليك ونيت
وعله اجسادكم بالعين صديت
عميه وماتشوف الدرب عيني
.............
مر الضعن من يم الاخوان
واصيحن رايحه عنكم يوليان
التكود بناكتي يحسين عدوان
...........
اليكود بناكتي مابيه محنه
مرنه عله الولي وماريضنه
هذا الوداع حسين صحنه
............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram.
هذه القصيده من كتاب المآسي الفاطميه الجزء الرابع عشر والله يهدي الناس على طريق الحسين ع
Читать полностью…
توفر الان الأجزاء السادس والسابع من كتاب المآسي الزينبيه واسأل الله ان يتقبل مني ومنكم صالح الأعمال
Читать полностью…
نعي لسبي عن لسان حال زينب ع
حمام الدوح وني ماتونه
شكثر غالين عدنه ماتونه
لون عباس يسمع ماتونه
وحتى الموت ماكضه عليه
...........
الهظمات تكتل وين اهلنه
ياطبت المجلس عمتنه
بينه ماسمع عباس جنه
............
يطارشي تكصد لخونه
ذب العتاب عله ابن ابونه
يعباس عنك ناشدونه
...........
يكولون جاوين الكفلجن
نام الولي وتيه ضعنجن
جاليش عله الغربه شمرجن
..........
شبعي هظم يالمالج خوان
والمات ماينفض التربان
الحرمه يهلنه تريد وليان
..........
كون اليموت ايكوم ساعه
وايرجع لبوفاضل اذراعه
خال الولد واعرف اطباعه
........
المحنه البخونه ماهي بناس
ويرف شاربه من اكول عباس
الغيره البخونه تارسه الراس
..........
كون الولي يسمع نخوتي
يفز من نومته وايصيح يختي
من زعلج وانتي بركبتي
...........
ياهو الزمخ بختي وهظمها
وياهو البجاها وشتمها
وياهو الاحها وعور متنها
..........
من نزل ادموعج وبجاج
يعمت الولد من زعلاج
من هد عليج ونحل اعضاج
.........
كلينه بالعايل عليج
من جتفاج واعور اديج
ياهو الهاظمج ياهو المبجيج
.........
سالت عينها وباسمه تنخت
يعباس زينب وين كعدت
مجتوفه وعله الديوان طبت
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
:
لطميه لسبي وزينب ع تخاطب الحسين ع وهي على ضهر الناكه
بحر الشمس يحسين تمشي السبايه
وجهي اوجهن صار لون العبايه
..........
حرالشمس ياخوي حركت بناتك
ضيم وهظم وهموم حملن خواتك
اشسوه الشمر يحسين بمدللاتك
بعينه ريته يشوف صاحب الرايه
..........
بحر الضهر والنوك هزله وتعبنه
سوط النذل يحسين ورم متنه
نتنخه بالعباس كلما شتمنه
عطلت راعي الجود عنه المنايه
..........
ريته يشوف الحال لمن خذونه
والمجلس ابن ازياد من طببونه
طبينه لجلسات وي راس اخونه
ماتنعد الوعات صارت هوايه
..........
يالوالي اتمنيت جيت و شفتني
اصوره لوجاي جا ما عرفني
تراب الخيم والنار والهم كتلني
ماضل دمع بالراس نشفت مايه
..........
ماضل دمع بالراس من كثر نوحي
درب السبي كل ساع يلجم جروحي
تعبانه من الضيم يبن امي روحي
ماحسبيت احساب بايامي هايه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السادس والعشرين
/channel/um_zainab_kar telgram
نعي لدفن الاجساد الطاهره
قريض
يا نازلين بكربلاء هل عندكم
خبرٌ بقتلانا و ما اعلامها
ماحال جثة ميتٍ في أرضكم
بقيت ثلاثاً لا يُزار مقامها
بالله هل رُفعت جنازته و هل
صلى صلاة الميتين إمامها
أفديك أنت على التراب موزعٌ و عليك تختبط الخيول لِئامها
ابوذيه
صبح حيلي عله الخوان من شال
جرح كلبي يخويه عليك من شال
اريد انشد علي السجاد من شال
بيمن جفن اوصاله الرميه
..........
فائزي
كلي شلون جفنته يسجاد
هم جريت منه سهم الافاد
.........
كلي بيش لقيته ودفنه
نحره طاب لوتنزف ركبته
..........
كلي شلون من لميت الاضلوع
وهم دورت خنصره المكطوع
.........
يعينك الباري هنا يعمه
شلون من شلت ابواليمه
صدك بالباريه جفنت جسمه
.........
هم رحت للكافل وشفته
وبيدك يضي عيني عدلته
ورديت لذراعه يمنته
.........
كلبك بعد حيلي تفطر
عمه شكلت من شلت الاكبر
وعله الاخو ظهرك تكسر
........
يالخلص حيلك من الالام
شلون الرضيع شلون جسام
حطيتهم وادك عله الهام
...........
لما رجع الامام السجاد من دفن الاجساد
نظرت زينب ع اليه وقالت عمه ماهذا التراب الذي وجهك وثيابك قال لها
كنت عندي الحسين ودفنت الاجسان
ورجعت بقدرة الله ومشيته
صاحت
كلي بخال ابني شلونه
سمع عمته وهلت عيونه
ماينوصف يم عون لونه
.............
بله ارد انشدك رد الاجواب
وسولف يعمه عن الاحباب
عليهم ياعلي من هلت الاتراب
..........
يوم الدفنته شكال عني
هم نشد عني وهم ذكرني
ليش ام عون ماحضرت بدفني
..........
ماكتله عله الناكه خذوها
وبديوان زينب كعدوها
طكو متنها او جتفوها
يوليان حال الضيم حالي
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الجزء الخامس
/channel/um_zainab_kar telgram
نعي لعلي الاكبر ع
عيوني الوالده ماغمضت يوم
وتكعد بتالي اليل تنعاك
تذكر رباها وتعب الاسنين
وتكول اطلبك دين برباك
شلون تعوفها المانامت اليل
وتغمض عليها جفون عيناك
من حملت وانويت لبعيد
غير الوالده تاخذها وياك
المن ضاله يكتلها الفراك
وتحن روحها الطولك وملكاك
ابوذيه
ياربي الكلب عالونات عينه
غير الولد لمه ايصير عينه
صبرها شلون لوغمضت عينه
تون للموت والونه شجيه
حضني ييمه سنين رباك
شحلاته ياموتي وياك
فدوه الطولك والتهياك
فدوه الطول الولد فدو
شباب وخذاها الموت كوه
يافركة الشبان بلوه
ام الولد ماهاد ونها
ماهي والده وتحن لبنها
ماطبك عله فراكك جفنها
تمنيت ويه الولد ميته
ولاشفته من مالت ركبته
جويه وبجفوفي عدلته
ليمت اشوف ارسوم وجهك
واحطك على صدري واضمك
هجم بيتها ماماتت امك
عدله وضل النفس بيها
اوجه الولد مبعد عليها
تضل بالحزن لمن تجيها
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثاني عشر
/channel/um_zainab_kar telgram
فزاعيه لشجاعة علي الاكبر ع
الاكبر ياسبع واربات خياله
خذيت الزود من اهلك العياله
...........
برز يبن الهيابه وصاح هذا انه
انه ابن الحسين اكبال عدوانه
ابوي البالخلك معروف عنوانه
صول بالمعاره والعزم شاله
...........
انه ابن الشيم واهل الفروسيه
ابن المرتضى المعروف ماضيه
غارت مهرتها ورجت الحربيه
سيفه بيمتنه وياهو التدناله
............
ياهو الكربه ماسلم من سيفه
طراها المعاره وبيها اخذ حيفه
هذا ابن النشامه والحرب كيفه
تخوف هدته والسيف يحلاله
............
الاكبر بالشجاعه من يوصفونه
اله موقف شرف لمن يذكرونه
تباها حسين بيه وكرت عيونه
شجاع وسولف التاريخ بفعاله
............
يربات السباع اوالدك هيبه
هله يالماثنيت بساعت النيبه
رباه السبط واحسن بترتيبه
شسوه لبن غانم من تدناله
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثاني عشر
/channel/um_zainab_kar telgram
نعي لرضيع ع
انه واحضاني اسولف
من يجن اليل بينه
انه انشده ليش خالي
مناغه ابني ذاك وينه
رد جواب وخله تركد
تلوج ياروحي الحنينه
رد جوابه الحضن ليه
وكال اسكتي ياحزينه
مايجي الحضنج اوليدج
و اشيرده الذابحينه
الحضنج مايعود الولد هيهات
بطلي من البجه مايرجع المات
تونين واشتنفع الونات
صاحت ودم يجري من العيون
ماينحمل فركه الزغيرون
الفكدت ولدها اتهود شلون
مانام متعوده على ابني
بتالي اليل حسه ويفززني
اكعد واشوفن خالي حضني
ياحضن عبدالله ارد احاجيك
عكب الولد جاشنهي احط بيك
خالي اوحش كلما اصد ليك
يزغيرون يومك هدم الحيل
وجنك تجيني بتالي اليل
حطيني عالصدرج يمي دخيل
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram
هوسات للعباس ع عن لسان الحوراء زينب ع عندما راءت اخيها برز الى ميدان
صاحت
بعد جفي يكافل طشر الجيمه
تره تراب المعاره وصل للخيمه
اشوف الزلم ركضت لزمت الهيمه
( اسمع صيحتها / وشديت احزامي )
...........
شديت الاحزام وكلت مافله
عسه جفك يكافل دوم مايبله
هاي عليك ياسبع الزلم سهله
(ابن البدويه / وحار الملعب بيه )
..............
سكنه اليوم عمج لعبت فنونه
كلب كاع الطفوف وغدت مرجونه
ضل البيرغ ايرف بيه لحد ماطاحت متونه
بيوم الطاح البيرغ / طاح الجف وياه
.............
يزينب كلنه انواسيج بيوم الحيد ومصابه
صعب يوم الحنين عليج حيل ويوجع اصوابه
ضليتي بحزن وبنوح يوم الغفه عله اترابه
(الكافل يسوه / ويحله النوح عليه)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram
فزاعيه للعباس ع عندما ذهب إلى نهر العلقمي
شنهي الماي وأم عون مني تريده
اليوم وعيونج لروي البيده
............
حشمت وانه اسمعت نخواها
تصيح خويه واومت بيمناها
دخنت عيني وحك عيناها
(اكلب كاع الطف /واسكيها)
.............
غار اخوها ورايته بذرعانه
وداعت اختي البالخيم عطشانه
اليوم اخلي المشرعه ندمانه
(حراس الشط /اله افنيها)
...........
كلو لختي اتزامط بعباسها
غاليه ام عون وحلفت براسها
اليوم اخبطه بدمه حراسها
٥
(اليوم اخبط/ ماي البيها)
.............
لومااجيب الماي شلعي عيوني
كون ارد وجربتي عله متوني
انه سبع الكنطره ايسموني
(وزماط اخته / وحامي الثايه )
..........
شمراها وصاح يابت عودي
اليوم ارد بالماي واترس جودي
العذر لوطاحت يخويه ازنودي
(لوطاح الجف / عذري بهايه)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram
فزاعيه العباس ع عن لسان حال زينب ع
بدايتها نعي
واريد اعاتبك ياصاحب الجود
جفوفك الزندك ردهن اردود
شلون اتنام وانته اليوم مريود
نزلت الفزاعيه
نايم كفيلي النوم مايحلاله
لخيام زينب هدت الخياله
............
عليك عتبي لاتطول النومه
لاتخلي ام الخدر مهظومه
اكعد ورد الخيل ياجيدومه
بيش ازامط والاخو عالارماله
.............
بيش ازامط يكفيل العيله
والحمل عباس ياهو اشيله
عالو عليه ومن يرد العيله
مال الحمل هاليوم ياشياله
.............
شلون نايم ارد اكثر عتابه
والزلم وصلت لحد اطنابه
ضنه ابوفاضل ثجيل اصوابه
مايطيب ولايرد لعياله
............
ارد اندهنه واحلفه بخوته
الخاطري عباس ترجع هدته
ويرد ذاك السيفه وترد يمنته
اكعد يكافل عالت العياله
...........
الكوم وصلت للخيم فزاعه
منين اجيبن كافلي وذراعه
مريود ياعباس هاي الساعه
اسوت يخويه دنيتي المياله
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
جديد
اصدار ١٤٤٥هـ -٢٠٢٣
الماسي الزينبية ج ٧
الشاعرة ام زينب كربلاء
خاص بالرسول ص والاربعين
والرجوع الى الديار والرضا ع
متوفر في مكتبة الغدير بغداد
لدينا توصيل لكافة المحافظات
للحجز
لاترسل صورة الكتاب ❌❌
الصورة عندي 😉😉
فقط ارسل اسم الكتاب والجزء ✅✅
واتساب
👇👇👇👇
07711395580
/channel/eheh10
نخوه الرقيه ع
الحاجه اذبها يم رقيه
وعيني اصبها يم رقيه
........
يابت الكريم المايسد الباب
طبع باهلج ابد ماردو الطلاب
احلفج يارقيه بداعت الاحباب
نخيتج ياكريمه و الدمع سجاب
ودمعه اهلها يم رقيه
الحاجه اذبها يم رقيه
.........
صحت دخيل عندج لاتخليني
هظم عندي واريدنج تشكيني
احجيلج رقيه ودمعتي بعيني
بله اوياي اندبي يالتسمعيني
التشكي همها يم رقيه
الحاجه اذبها يم رقيه
...........
يالعندج هموم وحيل ثكلانه
من هم العليج هواي تعبانه
انخي الماتت عالحسين لهفانه
امل بيها وابد ماتكطع ارجانه
روحي املها يم رقيه
الحاجه اذبها يم رقيه
...............
انه اتاملج ومرادي اريدنه
الج جاه العظيم السولفو عنه
يبت المايرد كصاد التعنه
جبت هم الكلب وعليج اذبنه
همومي كلها يم رقيه
الحاجه اذبها يم رقيه
.............
اقسم بالمصاب الماجر والاصار
بجفوف الجوتهن يارقيه النار
بحك حزن الزجيه وحيدر الكرار
وين الكاصده ومنها الكلب محتار
تشكي المها يم رقيه
الحاجه اذبها يم رقيه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثامن والعشرين
/channel/um_zainab_kar telgram
لطميه للحسين ع عن لسان حال زينب ع
عشره وكضت وياك . يبن امي وين الكاك
شيردك اردود خويه شيردك اردود
...........
ماضن عليه تعود ويرد شلمنه
كلب اليضيع اخوان شيفيده ونه
خال الولد لوراح والجابته امنه
نذكر ربينه وياه واحنه بزغرنه
ضل بالكلب ذكراك . يبن امي وين الكاك
شيردك اردود خويه شيردك اردود
......................
ذكرى الكضت وياك دوم عله بالي
محلاها خويه حسين ذيج اليالي
الكعده حلوه تصير ويه الغوالي
ومحله ابني يتلكاه وايكله خالي
ومنين اجه فركاك . يبن امي وين الكاك
شيردك اردود خويه شيردك اردود
................
فركه الاخو جتال وايروح العيون
غالي عله اخته هواي وبغيبته شلون
فركاه يعذب الروح وايهد المتون
يطول افراك الموت وتخيب الاضنون
كلب الأخت يهواك . يبن امي وين الكاك
شيردك اردود خويه شيردك اردود
..............
ضل الكلب محتار وتسجب دمعته
يذكر حنان البيه ويذكر عشرته
فراك الاخو جتال لوفارك اخته
حيل الأخت يحسين وياك أخذته
وين الدهر وداك..يبن امي وين الكاك
شيردك اردود خويه شيردك اردود
................
يامن فكدتي اخوان وني عله وني
ساعات ابوالسجاد كلفه وكضني
من كلي كطعي الياس ياخويه مني
فلت عشرتي وياج وليج شيردني
لاتضن يوم انساك . يبن امي وين الكاك
شيردك اردود خويه شيردك اردود
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السادس والعشرين
/channel/um_zainab_kar telgram
لطميه لسبي
ياهي الراكبه وتبجي عله النوك
ومتروسه العبايه تراب وحروك
كالو هاي زينب / فوك النوك تنحب
ياهي الراكبه وتبجي عله النوك
..........
هاي مدللة حيدر واخوها
شلون عله المهازل ركبوها
وين البيه محنه وابن ابوها
ضنه مادره بزينب خذوها
ونار الكلب تلهب .. فوك النوك تنحب
ياهي الراكبه وتبجي عله النوك
.............
مجتوفه عله ناكه وعينها تسيل
نحيله والمحامل بيها اتميل
تنادي ياهلي ماضل بعد حيل
جاوين اهلي خل تسرج بليل
كلبي بنار عطب / فوك النوك تنحب
ياهي الراكبه وتبجي عله النوك
...............
كالو هاي زينب يالتنشدون
موش اخوانها البالضعن يحدون
مجتوفه بحبل ومورمه المتون
شابت من حزنها هدب العيون
يهلنه الكلب شيب / فوك النوك تنحب
ياهي الراكبه وتبجي عله النوك
..............
تنحب عالهزل ومفاركه احباب
سلتها الهظيمه ورفج الاجناب
عبايتها عليها حروك واتراب
تعتب والأهل ماسمعو عتاب
عالوليان تعتب / فوك النوك تنحب
ياهي الراكبه وتبجي عله النوك
.............
ويه عباس جني اسمع عتبها
تجر اعتاب والدمعه تصبها
اخته بلاولي ويصعب دربها
من ضيم الدهر ذايب كلبها
ونت والدمع صب / فوك النوك تنحب
ياهي الراكبه وتبجي عله النوك
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السادس والعشرين
/channel/um_zainab_kar telgram
فزاعيه لختاتمة المجالس زينب ع
وين سويتي العزه
يالراكبه عله الناكه
...........
جاوين نحتي عالخوتج
وانتي يسيره بغربتج
ضلت بكلبج جمرتج
ونار الاخو حراكه
..............
فوك النياك والاطمه
جاوين ننصب ماتمه
ياريت حضرت فاطمه
وبالطم صار املاكه
.............
ياضيم كلبج ماسده
عفتي الاجساد امدد
رحتي سبيه ويالعده
والظعن شمر الساكه
............
شلون دكيتي الصدر
ومجتفه بحبل الشمر
واسوه وياج الدهر
وعله اخوتج مشتاكه
............
مشتاك كلبج عالولي
صحتي الحكو ياهلي
حسين نايم بالخلي
وياج ماكو ارفاكه
...........
.✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الرابع عشر المآسي الفاطميه
/channel/um_zainab_kar
نعي لسبي عن لسان حال زينب ع
شيعوده بعد وكت الجزاني
ترد هيبتي وجمعت اخواني
ويصيحون ياحادي تاني
............
نمشي ونسمع الصايح ورانه
حس عباس ينده بالخذانه
يالحملت بيهن توانه
............
ريض يحادي النوك بيهن
كلهن فزع عباس ليهن
اجه هادود عالعالو عليهن
.............
كون البجه ايرد اليموتون
ويسمعون صيحتنه ويكعدون
جا فز السبع من صاحت ام عون
..............
كثر النوح مارجع الميتين
لا فززتهم دمعت العين
ولاردو الصايح من تصيحين
............
يروحي بعد ليج شيردهم
ماسمعو الصايح من صحتهم
جتفني الشمر وتعديت يمهم
............
شلون عالجثث يحسين مريت
ونه من الدليل عليك ونيت
وعله اجسادكم بالعين صديت
عميه وماتشوف الدرب عيني
.............
مر الضعن من يم الاخوان
واصيحن رايحه عنكم يوليان
التكود بناكتي يحسين عدوان
...........
اليكود بناكتي مابيه محنه
مرنه عله الولي وماريضنه
هذا الوداع حسين صحنه
............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram.
لطميه للعباس (ع) زينب (ع) تخاطب ابو الفضل (ع) عندما حضروا النياق الى السبي
الشمر حضر ناكتي وشد الحبل بيميني
وشد الحبل بيميني
عباس نزلت دمعتي وعالنهر دارت عيني
وعالنهر دارت عيني
يالنايم انته براكه
شلون اركب عله الناكه
وعالنهر دارت عيني ٢
******
يالنايم براك النهر اكعد وعاين حالي
ياهو اليركبني صحت ياهو اليركب اطفالي
ريتك تشاهد منظري والشمر من صاحالي
الناكه هزله ومتعبه وبجفوفي شد احبالي
ونار الكلب حراكه
شلون اركب عله الناكه
وعالنهر دارت عيني ٢
***
جريت حسرة من الكلب والنار سعرت بيه
حيرانه بثنين اصبحت عيني بكت مجريه
بركبت الناكه اتحيرت وبجلمة المسبيه
تمنيتها عيوني طفت وي عينك المطفيه
ولاشمر ضعنك ساكه
شلون اركب عله الناكه
وعالنهر دارت عيني ٢
**
من جدم انياكه الشمرلوتدري بيه شحسيت
واكف اكبالي برايتك واسمع ونينك ونيت
انه كفيل ام الخدر ويم النياك ادنيت
توميلي خويه بيمنتك وتكلي يازينب جيت
الجف كافلي مشتاكه
شلون اركب عله الناكه
وعالنهر دارت عيني ٢
******
من شوك كلبي ليمنتك ونت الروح بهيده
روحي عليك اتحسرت جف الكفاله تريده
واجابني لازم يجي وذاك الزمان يعيده
محد يكرب ناكتي غير الكفيل وايده
منين اجاني افراكه
شلون اركب عله الناكه
وعالنهر دارت عيني ٢
***
عباس منك ايست وسلمت امري الباريك
مريت صوب المشرعه وعيوني هيه تحاجيك
يالنابت بعينك سهم وشلون الاعتاب عليك
جاشني كلب ام الخدرفوك الشريعه تخليك
والدرب راد ارفاكه
شلون اركب عله الناكه
عالنهر دارت عيني ٢
✍ الشاعره ام زينب كربلاء
غير مبري الذمه من يأخذ الكلام وينسبه اليه من كتاب الماسي الفاطميه الجزء الثالث عشر
/channel/um_zainab_kar
لطميه لسبي على طور ياعيد الفطر المن بعد جاي
مشينه عله الهزل ويهل دمعنه
عفنه عله الوطيه أجساد اهلنه
ودعت الاعزاز ونور عيناي
رديت الضعن ماردو وياي
.............
من ودعتهم وارحلت .. حاجيت اخوتي بدمعات
واتمنه صوتي ونحبتي .. ويسمع بواجيي المات
يحسين اخيتك غربت... لاكن تجر بالحسرات
شلون يغفه عله الثره .. العنده يناس بنيات
خويه وداعتك ماضلت عيون
بناتك عالهزل ومورمه المتون
وديت العتب واصرخ يولياي
رديت الضعن ماردو وياي
...........
حكي من اعاتب يخوتي .. ضيم الجره هد الحيل
عالناكه واصرخ ياهلي .. لو جلجل علينه اليل
تبجي البنات من الرعب. وسكينه مدمعها يسيل
ياهو اليعدل محملي ... لوبالدرب عمه يميل
عكب جف الكفيل ورفعت الراس
حدينه وبالضعن ماهوه عباس
عدمن نشتكيه وضيمنه هواي
رديت الضعن ماردو وياي
.............
المن يخويه نشتكي .. وضيم الوكت هدانه
اختك قسه وياها الدهر.. ومن فركتك نحلانه
وشصار ياصبر الكلب .. وراسك رفيج ويانه
شحجي وشسولفلك بعد..عن روحي الحيرانه
مصاب المر عليه ماسده وصار
ماضل من هلي واحبابي تذكار
انه الما جره عله الناس بلواي
رديت الضعن ماردو الضعن
..............
مامر مصابي ولاجره .. ياكلب صبرك جندوب
هم شفت اخت وفاكده.. راحت بحيل المتعوب.
جتال اهلها ويالضعن.. حملت هظايم وادروب
لا ولد ردت لااخو ... والدمع عالخد مسجوب
خايب يا دهر ماعندك انصاف
طول الماتشوف الناس ينشاف
ياريت ابوفاضل يسمع ابجاي
رديت الضعن ماردو اوياي
................
ياخويه من رد الضعن .. دارت عيوني اونيت
يرجع زماني بخوتي .. وايامي ترجع ياريت
يامن تكود بناكتي .. جاوين جفك ناديت
جاوينها اعزازي صحت.. خليانه منهم رديت
بس حزن الكلب والهم صفالي
مشيت ميسره وماعندي والي
ماضل عد اختكم فكر لاراي
رديت الضعن ماردو وياي
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السادس والعشرين
/channel/um_zainab_kar telgram
فزاعيه بدايتها نعي يوم الحادي عشر
اليوم الشمر جدم نياكه
والدرب رايدله رفاكه
ياهظم كلبي اليوم ضاكه
نزلت الفزاعيه
اليوم اختك عله الهزل مشو بيها
عطلها يكافل لا نخليها
............
راحت عالهزل والعين مجريه
صاحت يبوفاضل لحك عليه
اختك حملت عالنوك مسبيه
حملها الشمر ويرؤس اهاليها
..............
حملها ومشت عالنوك مجتوفه
يوم الصاح زينب ريتك تشوفه
يكلها مايكوم الكطعو جفوفه
بعد بياهو التحشمه المات واليها
...........
صد ليها ويكلها ها يمهظومه
مايفزع عليج الطول النومه
زينب حشمت والروح مالومه
كوملها يكافل وافزع عليها
...........
كوم وشوف زينب وين ودوها
تون وجفوفها بحبال شدوها
صوب العلكمي عباس مروها
مايرضيك جتالك يباريها
...........
ماترضه اروح برفج عدواني
اكبال العين علك روس خواني
يكافل لوصحت بسوط طكاني
سدر بالضعن والعين نجريها
..........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الجزء الخامس
/channel/um_zainab_kar telgram
هوسات لعلي الاكبر ع
تريد اذكر علي وبزود اسولف بيه
شسولف شرد اكول حسين المربيه
يامدح النكوله ايلوك كله عليه
(اربات الملعب / وابن الخياله)
..........
بس الهم حلت جلمة الخياله
كل واحد المنهم شهدت افعاله
علي الاكبر برز والحومه تحلاله
(من ذاك العم / ماخذ زوده)
...........
طب ليها ويكلها هنا يهل الحومه
انه ابن الوكف بالحرب جيدومه
انه ابن الصميده الشايعه علومه
(طب ليها وصاح / ابن الهيبه)
............
توسط ساحته وفنهم يلاكونه
ثلث تنام يبن العابره عيونه
القادة اتحيرت هاليوم بفنونه
(من حاطو بيه / فرها بسيفه)
...........
افهمك زود الا كبر يلي مافاهم
عجز جيش الاعادي اوده ابن غانم
لان محد كرب سيفه ورجع سالم
(من صار مكابل / حز راسه)
..........
حز راس ابن غانم واعتنه عالحسين
ثلث تنام منك خلفت الطيبين
كرة بيك يالاكبر اليوم العين
(واليوم الطف / بيك اتباها )
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثاني عشر
/channel/um_zainab_kar telgram
نعي جديد:
فزاعيه لرضيع ع
خالي المهد مابيه حس وليدي
خالي المهد بجاني
وغير ييمه اللواني
بيك الدهر فجعاني
ياروحي عني وهيدي
...........
شلون اهيد جروحي
وعليك شاغت روحي
كثرت همي اونوحي
يهلال عزي وعيدي
...........
ماهو الولد بمجانه
وامه عليه حزنانه
ياروحي الخلصانه
عليه بالون زيدي
............
كلما ادير بعيني
جن ابني ايناغيني
ويكول يمه اخذيني
وبراضه شدي اوريدي
...............
.صديت مهدك خالي
عبدالله يبني الغالي
الدهر شل احوالي
مذبوح شلتك بيدي
.............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram
لطميه لرضيع ع عن لسان الرباب ع
زغيرون بعدك عالذبح عبدالله يبني
زغيرون ماتحمل جرح عبدالله يبني
يوليدي ما تجرع الم
جا وينك اوين السهم
عبدالله يبني عبدالله يبني
.............
يانارك بكلبي اسعرت يابعد العيون
خلاك دهري يالولد ويه اليونون
وانته مجانك بالمهد ويه اليرضعون
مذبوح بكماطك متت اه يالزغيرون
نحرك ييمه ماسلم
جاوينك اوين السهم
عبدالله يبني عبدالله يبني
..............
ترفه ركبتك يالولد ماتحمل اسهام
عبدالله يابعد الكلب ماتجرع الالام
مدري اعاتب عالدهر مدري عله الايام
والله يعظم مصيبتك منها العكل هام
والباري عله امك حكم
جاوينك اوين السهم
عبد الله يبني عبدالله يبني
..............
عبدالله من ربنه انكتب هذا الجرالي
اكعد واهزن بالمهد والمهد خالي
مناغه حسك يالولد دوم عله بالي
حظنك يريدك والدهر عذب حوالي
وياي دهري مارحم
جاوينك اوين السهم
عبدالله يبني عبدالله يبني
............
جاليش ماعندك رحم خايب يدهري
كلما يمر جرح النحر يوجعني نحري
ياريت صاباني السهم كبلك يذخري
اطلع اكماطاتك وون جاشني صبري
مفجوعه بكماطك واشم
جاوينك اوين السهم
عبدالله يبني عبدالله يبني
.............
لوجاني ليلي يالولد مايبطل النوح
مناشد وانشدك عالجرح يبني يمذبوح
يوليد من جاك السهم وشكالت الروح
زغيرون يالب الكلب ماتحمل جروح
بسهم المنيه وانفطم
جاوبنك اوين السهم
عبدالله يبني عبدالله يبني
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثاني والعشرون
/channel/um_zainab_kar telgram
هوسات للعباس ع عندما وصل الى شاطي الفرات
وصل للماي اخوج وبيرغه ايرف بيه
يجرف الماي اكتب عله ولي وماضيه
احجي بزود عنه من يمر طاريه
(ياجرف الماي احجي بزوده)
................
احجي واكول عنه شماردت تحجيه
شما تمدح خصاله هذا كلهن بيه
هذا اسم الشجاعه فصلوها عليه
(اتلوك عالسمك كل زينه)
.............
هذا سبع الكون شبل الحيدره
لعمر سبع اسنين كض الكنطره
بزود سيف الحيد سد المعبره
(عجبها بزغره البيه هيبه)
...............
لورايد تسولف عن الامروه
اكل خوان تركع يم ابوالخوه
تبصر زين شوف بكربله شسوه
(للخوه انطه جفوفه وعينه)
................
مر عله الوفه وتحتار بوصافه
اشكال بيوم جريان النهر شافه
ذب الماي من ايده وهوه يابسه شفافه
(وشلون اشرب كبل حسيني)
.............
موقف من تذكره تهيج نيرانه
ترس جوده وكصد لخيام نسوانه
يوم الكطعو الجفين شال الجود بسنانه
(لخيام اخته ايوصل جوده)
................
ايس من تبده الجود اوودع دنيته العباس
هل الدمع دم وماي يوم الطاح ابوالنوماس
هنا يالرايده اتهوسين خلي الطم فوك الراس
(هوسات الزين عله الهامه)
...........
اريد احجي واسولف عالمحنه البيه
يوم الطاح واسهام الغدر تاذيه
كله حسين كوم وياي دمع العين هل جاريه
(وشلون امشي وطايح جودي)
..............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الثالث عشر
/channel/um_zainab_kar telgram
:
فزاعيه للعباس ع زينب تخاطب المعزيه
اخوي يسوه وعالصدر دكيله
حيل شدي لطمته وهوسيله
............
هذا اخوي الزامطيت بجاله
عليه دكي والطم يحلاله
شكاي همي وللحمل شياله
همج وهمي الغيور ايشيله
............
راعي الامروه وعليه مندومه
خل تزامط وينها المهظومه
الجان كلبج ذاب من همومه
راعي الكلفات كولي دخيله
............
حيل دكي وساعديني بونته
هذا اخوي الماكو منها خوته
رجي الميدان تحله لطمته
عدلي ميدان السبع وابجيله
............
اخوي يسوه النوح لاتنسينه
حيل لطمي لوذكرتي ايمينه
كولي عليمن شمرها العينه
ياغيور الماغفه عله العيله
.................
هذا اخوي الماغفت نعايته
تحلف الوادم اخوي بشارته
راعي النخوات عكدن رايته
وذبن الحاجات يمه اليلة
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الرابع والعشرون
/channel/um_zainab_kar telgram