15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
فزاعيه لديار الحسين ع
ولج يادار لاتحجين بالزود
راعيج بكه عله الكاع ممدود
لاتحجين يادار بهيابه
يدار الشيدج حدر الترابه
مايرجع بعد مسدود بابه
راعي الزود نايم حدر للحود
............
ضلي بالحزن ماعاد راعيج
وني ياونينج لايك عليج
مايرجع بعد ياطور اهاليج
حزني وهيبتج ماضنه يعود
........
دكي اعلام يادار عله العتاب
لون اسود عليهم صبغي الباب
نشريها بحزن لغياب الاحباب
مشت ذيج الزلم ماردت اردود
........
مشو زلم الهيابه مايردون
بعد هيهات يم بابج يمرون
ولج يادار شيرد اليموتون
لاكت عالحياده هدومنه السود
..........
ضل الزود يمهم والمعالي
وديوانج يضل يادار خالي
شنهي لذتج مابيج والي
نايم بالكبر والباب مسدود
..............
(هوسات جنوبيه لديار )
يادار النحبهم ليش وحشه وهدميتنه
ترد ديارهم وتكول ماموجود راعينه
زودج شال يخت حسين ماضن بعد تلكينه
(الزود انشال وياهم / والعز ضيعتيه)
.............
اريد اكعد ابابج وانعه عالخوان
واصيحن صوت عالي ايهدم الحيطان
عماني بيت اخوي الساد البيبان
(هنا يالجاببته امج / نام سد بابه )
............
عليه تبجي الثنيه ويون باب الدار
هجم بيته الزمان ويخوتي غدار
ضيع كل هلي وشملي غده طشار
(البين الطشر شملج / جري عتاب وياه )
.............
طشر جمعتي وصعبه من المنها
مشت يجوه اهلنه وين اشوفنها
بعد كعدات اخوتي شلون اردنها
(المات شلون انرده / وداره تكيف بيه )
............
جذب يادار طور اهلي عليه ايعود
كولي منين اجيبه البالثره ممدود
وعباس الكفلني بكه بغير ازنود
(الطف شماخذ منج / عميات عيونه)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس عشر المآسي الفاطميه
/channel/um_zainab_kar telgram
نعي للاربعين عن لسان حال زينب ع
لماوصلت إلى كربلاء صاحت
زينب بيوم الوصلوها
من الهزل ما نزلوها
طاحت وشبكت كبر اخوها
............
ماريضت والنوك ناخت
يحسين خويه حيل صاحت
فوك الكبر صرخت وطاحت
............
بكثر شوكها وضيم العليها
بيحال من وصلت وليها
اكعد وكل لختك شبيها
............
اكعد تلكه الجاياتك
ونزل ضعون مدللاتك
يحسين خطارك خواتك
..............
ناشدني وكلي احجيلي
كعدي عله راضه سولفيلي
اكلك كضيت وباد حيلي
.............
تمنيت كبرك بيه بيبان
اكعد وادكن باب الاخوان
وابدي المسامر وياالاحنان
............
اذكر حالها والدمع هالي
ضلت ام عون اتلث ليالي
وتروح من الغالي الغالي
...........
ياحالها من وصلت الهم
يعزاز كعدولي تكلهم
تره من نومهم ما فززتهم
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه للاربعين بدايتها نعي
عليك اختاض عني من تسد بابك
اجيتك ناحله وبكلبي اصوابك
اريدك يبوفاضل تنفض اترابك
واريد اكعد ابراضه وابدي اعتابك
فزاعيه
كلوله ابوفاضل لايسد بابه
متعنيه العقيله وجايبه اعتابه
...............
ازعل من يسد الباب خال ابني
لوصحته يخويه ومايجاوبني
لوماكام ليه ولو تعذرني
اجر امعاتبي بدموع سجابه
............
كلوله اجت زينب المسبيه
من ضيم الدهر عباس محنيه
دخيلك لاتكول الخوه مكظيه
تعنه اليوم كلبي ورايد احبابه
...........
هاي الغاليه خطارك اليلة
كوم الها يكافل والترب هيله
تعبانه العقيله وروحه نحيله
تلكه عمت ابنك يابو الهيابه
..........
سوالف عدها ياعباس تحجيها
مكسوره الخاطر لا تخليها
واجب يابو المروه تلاكيها
وتبرد نارها البالكلب لهابه
.........
فك الباب ليها وكول حياها
تنسه الظيم لوعباس لاكاها
تسولفله الحنين ويكعد وياها
وتشكيله المرار وتسمع اجوابه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الثامن المآسي الفاطميه
/channel/um_zainab_kar telgram
فزاعيه للاربعين عن لسان حال زينب ع
كون بيه باب الكبر
واتعاتب انه وياهم
اكعد واجر اعتابي
بلجن تفز احبابي
واتلاكه وي غيابي
وبراظه اكوم انعاهم
...........
انعه واهلن بالدمع
وانوب ادك عالضلع
احاه يكلبي المنفجع
بيه شوك لملاكاهم
..........
الشوك فتت جبدتي
حنيت لملاكه اخوتي
يادهر حن الحالتي
سل الكلب فركاهم
............
افراكهم فت الكلب
وكاطعه عليهم درب
وليان فركاهم صعب
والاخت ماتنساهم
............
مليت خويه من الصبر
جاكون بيه باب الكبر
وكسر الخواطر ينجبر
اخواني يوم الكاهم
...........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السادس والعشرين
/channel/um_zainab_kar telgram
نعي للاربعين لما جن اليل على زينب ع
اكعد وخن نبدي عتبنه
ونذكر ليالينه وسمرنه
حلوه الكعده بين اهلنه
خلينه نكضي اليل حسرات
ونذكر وكتنه الراح والفات
ليالي الكضن وياك حلوات
تدري بروح اختك حنينه
من دره يخال ابني ربينه
طش الشمل واتفاركينه
اريد ابجي عله خال ابني براحه
اكضي اليل يم كبرك نياحه
و انحب لمن ينطر صباحه
هاليلة يفلش الصخر حالي
وادور من والي الوالي
ياهو الاجهبه اصيح غالي
كلهم عليه اعزاز غالين
ياهو الاكصده تدمع العين
تعمه اذا رديت لحسين
ساعه اروحن يم الاكبر
وساعه اصيحن يالمحسر
صحت عباس كلب اختك تفطر
افتر وارد لحسين واكعد
انعى عله خال ابني واعدد
نكضي وطر وانكوم وانرد
كل ساعه اكللهن امشن
نكعد شويه احذه الكفلنه
نشم يم الكبر ريحت محنه
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء السادس عشر من المآسي الفاطميه
/channel/um_zainab_kar telgram
فزاعيه للاربعين بدايتها نعي
نعي
اجته الحنينه وشوك بيها
ماهي جايه الشوفت وليها
يراعي المحنه كوم ليها
نزلت الفزاعيه
اشتاك كلبي اليمنتك والرايه
جيت ياعباس ليك عنايه
.............
اشتاك كلبي والحنين ايريده
جايتهم والدروب بعيده
رايده اينزل المحامل بيده
وانه ادري بخوته الوفايه
...........
ارد اشوفن خال بزري بعيني
يكوم ليه برايته ايلاكيني
اخوي وبجلمة هله ايحيني
وانه اعرفه الحيد بيه كفايه
............
حيل مشتاكه الاخت لجفوفه
جايه وروحي عليه ملهوفه
كاطعه هاي الدروب الشوفه
وارد اكله ضيم كلبي هوايه
...........
والله حنيت عله لذت خوته
وحيل مشتاكه لخوي وكعدته
كون يوكفلي وترفرف رايته
ياهله بختي الاجت شكايه
............
عاونيني ولطمج شديها
انه روحي من الهظم مابيها
فدو اروح الرايته وراعيها
حيل هدني يوم المسنايه
.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس عشر المآسي الفاطميه
/channel/um_zainab_kar
لسان حال الحوراء (ع) كأني بالحوراء تنعى اخيها الحسن وهي في خربة الشام
: أقمتُ "ذكرى المُجتبى" مرَّ الزَّمَنُ
مع الحسين دَمعُنا يتلو الشجن
واليوم في الشاماتِ لا أرض الوطن
في خربة أبكي حسيناً والحَسَن
….....
كلبي اتذكر اعزازه وبجه لهم
كضو ماضل من اخواني بجه الهم
شلون الموت ما مرني بجه الهم
ولاضليت ميسوره وسبيه
..........
شالو وعدمن ودعوني
وياهم اعزازي ماخذوني
المن بعد يربن عيوني
...........
اعاتب الموت الماخاذاني
ماشلت من شالو اخواني
اسوه يبومحمد زماني
اعمن عليهم ياعيوني
............
اسوه الدهر ياناس بيه
اخذ وين اليحن كلبه عليه
من الخوان ماضلت بجيه
............
شلي بعمري وشوف العيون
وبدار اضلن ضلتي شلون
اواحد بعد واحد يحملون
...........
كبل اوداعهم ياروح موتي
ولامر عليه يوم اخوتي
اصيحن يخويه بعالي صوتي
..........
مر الهظم بيه وصحتهم
نيام ماكعدو لختهم
مايدرون هضمو غاليتهم
لحكو عليه الوكت اخذني
...........
اليوم الكلب رايد احبابه
تعبان ومخزن اصوابه
ومحد دره بضيم الخرابه
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي للحسن ع عن لسان حال زينب ع
ونيت والونه كضتني
وديران خال ابني عمتني
جتال يوم الجابت امي
...........
يوم الاخو للحيل هده
لوشال دلالج يمرده
كفت خوته والباب سده
.........
عزيز الاخو ماكو ابمعزته
لوشال يكسر خاطر اخته
تهد الحيل خال ابني فركته
..........
صديت لن وحشه المباني
وخال الولد شال وجزاني
واصيح يبن امي اتناني
..........
جنه يكلي الموت ردي
انعي عله ابن امج وكعدي
ياريت جبدك بعد جبدي
..........
ونيت والونه اسمعتها
اويه الاخو ماجاسمتها
اونات خال ابني شلتها
............
ايس يكلبي من اهاليه
مكطوع كلبي ونفس مابيه
اعتاب للاخوان اوديه
...........
اودي العتب واذكر الخوه
تاه الكلب وايريد تجوه
وادور عله البيهم مروه
..........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السابع والعشرين
/channel/um_zainab_kar telgram
لطميه للحسن المجتبى ع عن لسان حال زينب ع
فاركتهم فاركتهم
راحو اخواني من اديه وفاركتهم
ضيعتهم ضيعتهم
الاعز من روحي عليه ضيعتهم
الحسن سمو جبدته
حسين حزو ركبته
فاركتهم فاركتهم
..........
الدهر شيريد مني عذب احوالي
يوميه اوودع يا خلك غالي
جاشلها بعمرها الفكدت الوالي
ضل بيت المحنه من الاخو خالي
العشت وياهم سوه
الجانو أغلى من الهوه
فاركتهم فاركتهم
...............
منين ابدي عتابي ولوعتي وهمي
الحسن وحسين لونشدو وجو يمي
من شوف اجوهم جني اشوف امي
مشو عني وبكه بس الحزن سهمي
شنهي صبرك ياكلب
فراك خواني صعب
فاركتهم فاركتهم
..............
بعد المن يكلبي يشتكي احزانه
وابومحمد خلت وتنوح ديرانه
شلون عيون عندي وتنظر مجانه
وجهه غاب عني وغابت اللوانه
منين اجيبنه الصبر
العشت وياهم عمر
فاركتهم فاركتهم
...........
صحت احاه يروحي صبرج شلونه
شبكه بالروح من راحو يدفنونه
شفت نعش الحسن بسهام يرمونه
حسين ايشيع اخوه ويجرن عيونه
وكلبي تسعر جمرته
ابن امي توجع فركته
فاركتهم فاركتهم
...............
انشدوني يشيعه اشاهدت بالعين
وراواني زماني ياخلك طشتين
واحد بيه جبد والثاني راس حسين
شيبرد جمرته الضل بلا جفين
وبعد لجمة بالادليل
اه يفراك الكفيل
فاركتهم فاركتهم
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السابع والعشرين الذي يخص النبي صلى الله عليه وآله والائمه
ع
/channel/um_zainab_kar telgram
مربوعه لسفرة رقيه ع
اجينه السفرتج والعين نجريها
نريد امرادنه والحاجه تكضيها
...........
رقيه السفرتج هاليوم كصاده
وكلمن معتنيج ورايد امراده
عند اهلج وعندج هالكرم عاده
يبت المايرد كصاد ندريها
............
بت حسين ذاك العزب بروحه
الضل عله الوطيه تنزف جروحه
عزب بالرضيع بركبه مذبوحه
فده روحه الحنين ومابخل بيها
...........
بحك هذا الكرم جينه بحلفها
ونريد مرادنه هاليوم من جفها
بت حسين ماخاب اليطالبها
ترحب بالكصد والحاجه تكضيها
..............
كصدناها ونريد مراد من عدها
كريمه والتعنت ماضن اتردها
هايه فاطمه امها والنبي جدها
المهظومه التعنت ما تخليها
.............
صيحي يارقيه بعين مجريه
دخيل الجاي يم سفرة العلويه
يرد بطلبته والحاجه مكضيه
اطلبي وحاجتج مكضيه حسبيها
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الثامن
/channel/um_zainab_kar telgram
فزاعيه بدايتها نعي الرقيه ع
تعالن نون ويه الغرايب
وتريد عونه ام المصايب
ينار اخوانها ونار الخرايب
نزلت فزاعيه
لمصيبة رقيه اليوم
وين الونت ويانه
.............
وين الطمت عله العين
وصاحت اه يبت حسين
وين اهلج مشو لاوين
من صحتي يحزنانه
............
عالصرخت توالي اليل
صاحت والدموع تسيل
ياعمله التهد الحيل
عليها تريد عوانه
.........
عينن زينب بهاليوم
نادت والكلب مهظوم
اسوت ويرقيه الكوم
عليها ام عون نحلانه
..........
يوم الونت عالراس
وكامت تجذب الانفاس
زينب حشمت عباس
كون تعود ذرعانه
..........
شيرده عليه اردود
وكتي بالإخوان ايعود
جاكون الاخو موجود
يشوف اسوت اعدانه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الثامن
/channel/um_zainab_kar telgram
نعي لرقيه ع
عادات اليتيم الناس ترعاه
والوادم عله حاله يحنون
اذا شافو دمعته رحمو الحال
يسكتونه وعله راسه يمسحون
صيحوليش بس ايتيمت حسين
بيمن سكتوها الما يرحمون
سمعوها تصيح بتالي اليل
براس حسين سكتها الملعون
..........
الملعون بيمن سكتاها
وبراس ابوها روعاها
لاحن عليها ولارعاها
.........
مشتاكه البنيه لبوها
تبجي عليه وماخذوها
ونت وبيمن سكتوها
..........
تدرون اليتيم يريد رحمه
الفاكد ابوه ايزيد همه
وبت حسين من صاحت يعمه
..........
سالت عينها وبليل فزت
والشوفتك يحسين حنت
تفلش المرمر يوم ونت
........
اريدن والدي كومي اخذيني
ماترضى تنام اليل عيني
اذكرت الولي وزايد ونيني
..........
مكبل كضنه اليل ونات
وبصوتهن سمعت الشمات
ويلاه ياحال الغريبات
.........
اسوه النذل لمن سمعها
ودالها الراس وفعجها
هروش الكلب منها شلعها
........
من شافته صرخت ييابه
وصارت مناحه بالخرابه
وعالراس هالن بالترابه
..........
يابعد روحي حسين صاحت
ومن ضيمها عالراس ماتت
شافت دماه والروح شاغت
......
اما حال زينب ع
وني اوزينب كابليها
وهمومها زادت عليها
حطت رقيه بين اديها
........
كامت بهومه وعدلتها
والعين مشبوحه لكتها
معاتب حبايب عاتبتها
..........
تدريني عمه نحيله
وثوب العلي مابيه اشيله
اليل اليمر مانمت ليلة
........
الموته يعمه مو وكتها
روحي المصايب نحلتها
جم لوعة يكلبي جارعتها
........
ياحيرتي يحسين حيره
المن بعد هالبال اديره
ارد اعاتب المتروس غيره
.......
ارد اعاتبه والعتب بلوه
وجر ويخوي عتاب خوه
اختك غريبه بغير تجوه
مايدرون بالضيم العليه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثامن والعشرين
/channel/um_zainab_kar telgram
هاي القصيده بالجزء السابع من المآسي الفاطميه
Читать полностью…
هذا الموسوي سارق القصيده ويريد الدعاء مايدري ان الله أقرب إليك من حبل الوريد
اسأل الله الهدايه ونور الإيمان يارب غفرانك وانته غفار الذنوب
فزاعيه اومربوعه لدخول زينب ع لشام
صدك يحسين زينب طبت الشام
صعبات عله اخيتك ذني الايام
............
شلون الحال زينب ناشدوها
بياديوان اختكم كعدوها
هدو حيلها من دخلوها
مهظومه وغطاها الضيم للهام
...........
غطاها الهظم من شافت ايزيد
نحلانه وكضاها درب البعيد
خويه اليوم روحي تريد وتريد
وتريد الغفه عله المشرعه ونام
.........
تريد الجان من تندب يجيها
ويهز الكون من يسمع بجيها
مايدري الحبل شدوه بديها
وبذيال العبايه مجلبه الايتام
.........
تفز ساعات كون عيون عباس
وتشوف عله زينب تنضر الناس
وبمحضر يزيد وجابو الراس
بعد جرح العقيله شلون يلتام
........
بهذا اليوم زينب هزت الكون
كالت يوم اخوتي موش بالهون
متت ييزيد واخواني يضلون
دوم الهم تضل مرفوعه الاعلام
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
هوسات رجوع زينب ع الى الدار
المثل زينب ترد لدار شلها
وتشوف الدار خليانه من أهلها
من تنشد عله الوالي شتكلها
(يادار اهلج / سكنو بيده)
.............
عافوج وبعد ماضن يرد الراح
ولج يادار حزني عمد بيتج طاح
ضليتي مظلمه وانطفه المصباح
(طفوها / يادار شموعج)
..............
اريد انحب ابابج واجذب الونات
عله اعتابج اصيحن واهمل الدمعات
اذكر جمعت اهلي والزمان الفات
(وانعاها / اذكر لمتهم )
............
اذكر من جنت اكبل عله البيان
وجلمات المحنه وملكه الاخوان
وجه حسين اذكره وجف كمر عدنان
(لعميها / عيوني عليهم )
.............
طبيت المباني واصرخت صوتين
صوت عله الكفيل وصوت اه يحسين
خويه الصبر ضاع منين اجيبه منين
(عله اخواني / الدار انشدها)
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
هوسات للاربعين
يبوفاضل اجت زينب تلكاها
كوم وهوس الها اكبال عيناها
الرايه هواي مشتاكه عالملكاها
كوم وخل تشوفك شايل الرايه
تعبانه اجت وهمومها هوايه
كطعت هالدروب عليك شكايه
اتكول اتمنه ايعود / شيال الرايه
...........
خويه بدرب تتمنه اخيتنه
توصل كربله وتشوف وكفته
نحيها واهي بشوك حيتنه
تتمناك انته اتكوم وتكلهم
ياهو العايل عليها تناشدهم
تاخذ حيفها عباس وتذلهم
وين العالو بختي/ وبجو عيناها
..............
الدرب كله حلمها انته تلاكيها
شايل رايتك واختك تحيها
زينب هاي ياهو العايل عليها
وهيه تكول هذا الحرك خيمتنه
وهذا الاح متني وشتم هيبتنه
وهذا البالخرايب امر كعدتنه
هذا الشال المنحر / هذا الهوس بيه
..........
يكلها لو ترد اردود جفيني
ويازينب تطيب من السهم عيني
ياخويه ويرد السيف ليميني
وحك ضربت متونج وحك نيشانه
كلمن زمخ بيجن اكطع السانه
الشدج بالحبل ماخلي ذرعانه
ازلام الاحت متنج / كليلي عليها
حلم هذا يزينب كعدي من عنده
اخوج الضمته التربان شيرده
بعد هيهات يكعد نايم بالحده
...........
اجيتي للكبر باب الكبر مسدود
والميت يزينب مايرد اردود
حكج لونعيتي واهلج اهل الزود
ابن امج هيبه / وحك تبجين عليه
..........
حكج لونعيتي ولو بجيتي ادموم
صعبه من رجعتي والكلب مالوم
يابت الزجيه والله يومج يوم
نحيله من اجيتي والهظم وياج
ولاواحد من اهلج كام وتلكاج
صحتي يابن امي ودم تهل عيناج
اليوم اختك متعنيه / وملكاك تريده
.............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الثامن المآسي الفاطميه
/channel/um_zainab_kar telgram
قصيده للاربعين مالت العام
يبوفاضل اجت زينب تلكاها
كوم وهوسلها اكبال عيناها
نعي للاربعين عن لسان حال زينب ع
اشتاكيت للملكه واجيته
جبت ضيم كلبي وعتنيته
وحلفت خال ابني بخويته
............
لوسمع حس اخته تحاجيه
وبياهله ضعني يلاكيه
اخته الحنينه اشتاكت عليه
.............
يكوم ويكلي هله بملكاج
يزينب اعله التعب كواج
اشتاكيتلج وارد اكعد وياج
............
كون الوكت ساعه يحن الي
وميت هله الكافل يكلي
يتلكه بضعوني ويهلي
..........
.
شيعوده وكتنه الراح والفات
ومسامر الخوان هيهات
يا صايحي مافزز المات
............
انه جيت وهمومي جبتها
نومه اخوتي او ما فززتها
جلمه لبوفاضل كلتها
............
كتله كوملي بحك الاخوه
وانخاك ياعباس نخوه
جاوين الحميه والمروه
.........
تعبان كلبي واعتناله
ذاكر خوته وذاكر دلاله
نسيان لوحطني عله باله
...........
انه جايه لطيبه ذاته
وماكام حيه مدلالته
ولافززه صايح خواته
كفي العتب بسك يكلبي
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه للاربعين لشموخ زينب ع عندما رجعت منتصره
بيارغ كون بت حيدر تلاكيها
اجت والشام كلبتها عله اهاليها
............
هله بالجايه وعلت رواياها
ياهيبة علي ونصيح حياها
بهوسات وبيارغ خن تلاكاها
هاي الشيمت بالزود واليها
..........
الها الزود زينب بت الهيابه
حطت تاجها بشدت العصابه
ضالم وبحزنها هدت اعتابه
هيبه وكل اهلها تشيمو بيها
...........
ردت مواسيره ورافعه الهامه
زينب بت ابوها واخت وهامه
هزت عرش اميه وذلت ازلامه
يكون برايته الكافل يحيها
...........
اذا عباس مات ونامت عيونه
الج شيعه يزينب دوم ممنونه
هوسات والج بيرغ يشيلونه
هله بالجايه والزود عاليها
...........
بيج تفاخرت يازينب الشيعه
تمشي كل سنه وتجدد البيعه
يابت الصميده وبت الوديعه
وتفوز الخدم لو سجليتيها
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء السادس عشر من المآسي الفاطميه
/channel/um_zainab_kar telgram
لطميه للاربعين بطور بحر الطويل
مشتاك الكلب يحسين يمته ايزور اهاليه
واصل يم عزيز الروح وانصبله اربعينيه
..................
الدرب طول يخال ابني/ وعليه زادت الالام
وانه افاركه الوليان /الي شهر وعشر تيام
عيني ماغفت ليله / ولاطبك جفنها ونام
شلون اينامن عيوني/ وراسك يالولي جدام
ليل انهار اجر حسرات / والدمعات مجريه
.............
وحكك ياضوه عيوني/ ماغمضت ابد عيناي
شلون اتضوك خويه النوم /وراسك يالحنين وياي
يبن امي واجر صفنات / واكولن ماجره بلواي
مااهجع وانام اليل/ وراس حسين بيد اعداي
لمن ارجع عله الوالي /وارد راسه عالراعيه
.............
اريد اوصل خوال ابني / ويمهم اشتكي همي
وانشد وين ابوفاضل / واخوي الجابته امي
واكله اصار بغيابه / ضل بس الدمع سهمي
بلكت ينفض اترابه / واسولف لوكعد يمي
واكله من مرار اعداك / روحي اصبحت مكضيه
..........
هم اوصل واشم اثراه/ واشتم ريحت الخوه
مشتاكه عله ملكاهم / وذيج ايامنه الحلوه
وياهم ابدي اعتابي/ واكلهم وين الامروه
عفتوني بهظم وبظيم/ ودهري يالولي اسوه
جم ديوان طبيته / وجم شامت زمخ بيه
..........
اريد انصب عزاك اليوم/ واكعد عالكبر ونعاك
ادك والطم على عيوني / واجر معاتبي وياك
وكلك من رحت يحسين / يسيره ومانصبت عزاك
اريد ابجي عله امصابك / وعالراسي اهيل ثراك
تريد اتزوركم وتروح / بت امك المسبيه
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء الثامن من المآسي الفاطميه
/channel/um_zainab_kar telgram
هوسات للحسن ع موسات لزهراء ع ولزينب ع
عن لسان الزهراء ع
نصبو ماتمه وبنوح عازوني
اليوم عله الحسن ماشوف بعيوني
اذا تنسون يومه جن نسيتوني
(الصوب ضلعي اتذكرونه)
..........
تره صواب الحسن بالضلع صاباني
حزينه والطم عالراس خلاني
جاوينه البجه وبالنوح واساني
( تريده معدل ميدانه)
.........
معدل والمناحه انريدها ويانه
هذا الماخله من الضيف ديوانه
والكاصد يرد والحاجه خلصانه
(التارس جفها ومطيها)
.............
ذكري جبدته البطشت كطعوها
وذكري اجنازته البسهام صابوها
وزينب بالمناحه اليوم خلوها
(مكابل دكن وياها)
...........
يشيعه اليوم كلبي بونته وهمه
اكول شلون زينب من اجت يمه
صدت لطشت متروس من دمه
(الونه عله اختك خليها)
...........
عن لسان زينب ع
اخوي الشلع عيني بيوم سد العين
نحل حيلي واصيح هنا يهل ماشين
شلعتو هروش كلبي وانجسم نصين
(يعزاز الروح تريضولي)
............
شال الحسن عني والكلب شالاه
وتمنيت المنيه حملتني وياه
خال ابني عزيز وماردت فركاه
(احاه يبن امي ويصوابه)
..........
خال ابني واعز من الهوه اليسري
هوه حزام ضهري وللوكت ذخري
جريت العين يمه وعاتبت دهري
(اشعنده البين ويخواني)
.........
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء السابع والعشرين
/channel/um_zainab_kar telgram
نعي للحسن ع عن لسان حال زينب ع
يايوم خال ابني عماني
براس الضلع جمره وجواني
يفكد ابومحمد هدماني
..........
وحشه يخال ابني ثنيته
مريت اشوفه ومالكيته
غايب اخوي اوحش بيته
...........
اجيت للبيت وانشدته
جريت بجدامي وكصدته
خال الولد ماكام لخته
...........
اجينه وكعدنه عالترايب
يابيت جاوين الحبايب
انشده ويكلي اخوج غايب
............
صديت لن وحشه المحاري
وشبت براس الكلب ناري
غياب اهلها الدار ثاري
..........
يالجايه عليهم تنشدين
غياب اخوتج لاتمرين
ضلت خاليه اوحشه الدواوين
...............
اباب ديوانك واحاجيه
مسدود بابه اوين راعيه
حسك يخال الولد مابيه
.............
يانارهم جوت دليلي
وباد عالخوان حيلي
ياعين عالعافوج سيلي
............
وني وذكريهم يروحي
الجانو دوه وبلسم جروحي
شالو وخلوني ابنوحي
.............
من شال حاديهم وغرب
واوداعهم عالاخت يصعب
الكلب من فركاك شيب ياابن امي
.............
صبح اليوم الكلب خلصان
كثران همه وافاكد خوان
جاوين ابو محمد يديران
.............
وين الاودنه او يودني
خال الولد مانشد عني
بعد مافاد يالخوان وني
............
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه بدايتها نعي الرقيه ع
تونين واهلج مادرو بيج
لاحج هظم وابعاد اهاليج
واهل الحميه مااجو ليج
نزلت الفزاعيه
مايدرون ونت غاليتهم
ماتت بالخرابه مدللتهم
...........
بتهم ونت بليل .. مايدرون
دمع عيونها يسيل . مايدرون
جاهدو عله الخيل.. مايدرون
شافوا حال بتهم
...........
وينه الراح عناي .. مايدرون
للماشربو الماي .. مايدرون
ياهاي الحشمت هاي .. مايدرون
هاي ام عون اختهم
.........
وين اليكصد حسين .. مايدرون
رقيه غمضت العين .. مايدرون
لحكوها يطيبين . مايدرون
ردت طارش يكلهم
.........
كضت بين الغرايب .. مايدرون
ودمع العين ساجب .. مايدرون
اندفنت بالخرايب.. مايدرون
اليوم انه ردتهم
........
يوم الي افجعوها.. مايدرون
شافت راس ابوها .. مايدرون
وزينب حيروها .. مايدرون
تصيح واحشمتهم
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه السادس عشر
/channel/um_zainab_kar telgram
:
فزاعيه اومربوعه الرقيه ع ومحنة زينب ع
يزينب بالخرايب حيرتج حيره
من شوغ رقيه ناقص الغيره
محتاره وعليج الدهر شد حيله
وعينج ماغفت لاغمضت ليله
ماعندج ولي وبالضيم تشكيله
هنا يالفاكده الخوان وايسيره
..........
تحشم بالحنين وعلت صيحتها
اختك ماجرت بالكون محنتها
ياضيم العليها وهظم غربتها
والمن يبو فاضل بالهه اديره
..........
من فزت رقيه تصيح ياعمه
مرعوبه وتكلي وين ابواليمه
عاد هنا كلبي اتلوع ابهمه
بهالساعه يخويه محنتي جبيره
........
كلي شلون اسكتها يخال ابني
تدري باليسر والدرب تعبني
اثاريه الدهر كل يوم لاحكني
ضل بس العليل وما النه غيره
...........
حيرني العليل الشاف اخياته
مايكدر يكوم وجذب وناته
محتار برقيه وتصب دمعاته
جاياهو اليحشمه وياهو اليجيره
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الثامن
/channel/um_zainab_kar telgram
:
لطميه الرقيه ع عن لسان حال زينب ع
جاوين الزجيه خل تدفن رقيه
ماتت بالخرايب / وبعازت حبايب
جاوين الزجيه
.........
ييمه اليوم وياي تمنيتج حضرتي
احتاريت برقيه يوم الودعتني
يم حسين يمه ابموتتها افعجعني
اصيح تعاي ليه .. خل ندفن رقيه
...........
تعاي انشيلها عن منحر حسين
ونتكابل سوه وانزيد الونين
نغمض عيونها وانمد الايدين
عزيزه شكد عليه . خن ندفن رقيه
.............
بمصاب الغاليه روحي خذوها
بجت وشلون يمي سكتوها
طلعت روحها يم راس ابوها
صحت يهل الحميه .. خن ندفن رقيه
.............
كولي شصار يوم الكلبتها
ميته والدمع يجري عله خدها
بحضاني يزهره مدد تها
بعد ماحيل بيه .. خن ندفن رقيه
...........
بتالي اليل ماتت وانه أكلها
يبت حسين روحي الضيم سلها
ياهو اليشيلها وغياب اهلها
تعاي بساع ليه .. خن ندفن رقيه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الثامن
/channel/um_zainab_kar telgram
لطميه لرقيه ع عن لسان حال زينب ع
ضيم الخرايب ضيم الخرايب
عدمن بعد نشكيه ضيم الخرايب
فوك الترايب فوك الترايب
نامن بنات حسين فوك الترايب
............
المن بعد اشكيه ضيم العليه
سمعوني يالوليان جم ونه بيه
فوك الهظم يحسين ماتت رقيه
ياخويه اصيح بصوت لحك عليه
دلالي ذايب دلالي ذايب
من الهظم والضيم دلالي ذايب
............
ذاب الكلب يحسين لمن شفتها
مات الجدم ماكوم يوم اسمعتها
من صاحت عالراس روحي خذتها
شبحت عليهه العين من كلبتها
ماكو حبايب ماكو حبايب
بديرة غرب ضليت ماكو حبايب
...........
دمعي جره من العين والون كتلني
ليش اليالي السود وليه ولني
فوك الهظم يحسين بتك كضتني
تعبانه ماضل حيل وين الكلفني
من المصايب من المصايب
راح النظر ماشوف من المصايب
...............
والبيه محنه ايكوم يحضر خواته
وشكثر عندي عتاب لطيبه ذاته
عباس كل لحسين ماتن بناته
ردته يغطي اليوم ارقيه بعباته
ياكلبي خايب ياكلبي خايب
من جيت الاخوان ياكلبي خايب
.............
وين التحب اليوم تبجي المصابي
تبجي الرقيه وياي وتذكر عذابي
بديرة غرب ضليت راحو احبابي
من شفت راس حسين وجر اصوابي
حال الغرايب حال الغرايب
بجه الصخر ياناس حال الغرأيب
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب
المآسي الفاطميه الجزء الثامن والعشرين
/channel/um_zainab_kar telgram
هذه القصيده قبل أربع سنوات ومطبوعه ادورها بالاجزاء وارسلها اني موعلى القصيده ان شاءالله مسجله بسجل الزهراء لاكن هذا باطل والله مارضى بيه
Читать полностью…
لطميه لخميس الحسين ع عن لسان زينب ع
اليلة جمعه اوين اسوي اقرايه
ورايده الخال الولد نعايه
........
اليلة جمعه وارد انوح الوالي
وجمره ضلت لخوتي بدلالي
وانته تدري يبوسكينه بحالي
ميسره وضيم العليه هوايه
.......
ارد انوح عليك ولطم عالصدر
شلون كلي والكلب موجر جمر
والاحبال بجفي شداها الشمر
ومادره العباس راعي الرايه
.......
مادره العباس بيه مادره
وانه فوك النوك رحت محيره
والدمع بهداي عالوجنه جره
من البجي والراس ناشف مايه
........
وين اسويلك عزه وابجي بدمع
اليلة جمعه ورايده اشعل شمع
وناعيه التنعه عله كسر الضلع
عالذبيح وجثته مداميه
.......
اليلة جمعه وارد اسويلك ثواب
وناعيه تنعه عله الضل عالتراب
ياحسين وحيل هدمني المصاب
سار ضعني و مااله حمايه
كلمات ابو علي. الموسوي دعاكم لنا
لطميه لدخول زينب ع الى الشام
طبت الشام عمتني طبت الشام
ضيم الايام كضاني ضيم الايام
المن اشكيها المصايب
والحنين عله الترايب
طبت الشام عمتني طبت الشام
............
حيره حيرني الوكت واهلي نسوني
وين رحتي ابياكتر ما ناشدوني
ريت ميته والا الجاتلك خذوني
خويه للمجلس يسيره اوطببوني
مجتفه واحبال بيدي
وانه اكل لروح هيدي
طبت الشام عمتي طبت الشام
...........
خويه اشيكيلك هظم يوم الخذونه
اباب ساعات الحزن من وكفونه
وحده اتصد عله وحده وين اخونه
كون اهلنه بهل مصيبه ايشاهدونه
احنه وي راسك وكفنه
والشمس حركت وجهنه
طبت الشام عمتني طبت الشام
..............
من الدرب يحسين تعبانه بناتك
لوتجي وتشوفها حالت خواتك
والشمس حركت اوجوه امدلاتك
الحك اختك كوم يالحلو صفاتك
خلي ابوالغيره يجينه
ايشوفنه شلون انولينه
طبت الشام عمتني طبت الشام
.............
وين اخوي وكافلي واعتابي وياه
خل يجيني بساع مشتاكه التهاياه
ريت ينضر بالعقيله اسوت اعداه
كبل عيني والنذل يضرب ثناياه
شفته بعيوني ضربهن
وسكنه وارقيه شعبهن
طبت الشام عمتني طبت الشام
..........
بعد ششكيلك هظم كلبي وعذابه
اه يكلبي واه ياهمه وامصابه
اسعرت بدلال يا نار الخرابه
اصار كلي يوم نمنه عالترابه
يخوتي باليلة رقيه
انه ماضل حيل بيه
طبت الشام عمتني طبت الشام
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram