15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
نعي للام عن لسان الحوراء زينب ع
من شالت امي ا ودعتها
حملت بعيوني شفتها
سبعه من ضلوعي حنتها
..........
مبعد ضعنها وراح جنه
وشال ومشه بم المحنه
لخفن اجدامي والحكنه
.........
ريضي يشفجه خل احاجيج
وخليني اشم اتراب رجليج
دينج عليه وبيش اوافيج
.........
امي الحنينه و تطلب ديوان
ماوفي التعب لوانطي العيون
بروحي اشريج لوصح اليبدلون
............
بهونك صحت يالشايل امي
حط الجنازه وخلها يمي
شكايات هم الكلب ذني
.........
حط الوالد وابجي عليها
وخليني احبنها بديها
واشمن حنان الكون بيها
ياما اجفوفها لولت عليه
لمثل اليوم مريوده البنيه
تنعه الوالده بدمعه جريه
يالفاكده امج حيل وني
ذكري الربه وعليه حني
والعين خلها اليوم تعمي
ابجن دمه وهلن يالعيون
وذكري الزجيه ماتت شلون
مكسورة ضلع شالت بالضعون
........
وني عله زينب موش تنسين
وابجي عله محزوز الوريدين
وذكري البكه من غير تجفين
......
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
جديد
اصدار ١٤٤٥هـ -٢٠٢٣
الماسي الفاطمية ج ٣٣
الشاعرة ام زينب كربلاء
خاص للزهراء علية السلام
متوفر في مكتبة الغدير بغداد
لدينا توصيل لكافة المحافظات
للحجز
لاترسل صورة الكتاب ❌❌
الصورة عندي 😉😉
فقط ارسل اسم الكتاب والجزء ✅✅
واتساب
👇👇👇👇
07711395580
/channel/eheh10
لطميه لزهراء ع عن لسان حال زينب ع
ثكل همي واريد امي تمر وتنشد عليه
وين الكاج واحجي وياج يلكلج محنيه
وين الكه حنان امي وافل شوك الكلب يمها
ماعدها تجيه تصير كلمن ضيعتها ا مها
الدنيا لوجفتها بيوم عدمن تشتكي همها
الخلك لوضاك الج اشتاك والدمعات مجريه
..................
تعاي بساع لاتبطين وبتج نشدي عليها
تون وماتنام اليل افراكج حيل ماذيها
مانشفت ييمه العين دم عليج تجريها
وحك عيناج مر فركاج والفركاج مابيه
...............
مابيه عله فراكاج ييمه وياج حمليني
نتعاتب عتاب احباب يم حسين خليني
المن اشتكي همومي لورحتي ونسيتيني
اضل انعاج ماانساج عليج الروح مكضيه
.................
عليه اطول غيبتها واشبع من زماني هموم
عتابي ماتسمعينه اودي عتاب الج كل يوم
وحشه دنيتي بلياج وحزينه والكلب مالوم
الكلب يهواج اريد ارباج وعدمن عفتي البنيه
...............
لوثكلت علي دنياي المن اشتكي همومي
وفراكج ابد ميهون كتلني وغير ارسومي
خلصت العمر لوعات ما وصلنج اعلومي
خبر ماجاج واترجاج يوم الرحت مسبيه
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب الجزء الأول المآسي الفاطميه
/channel/um_zainab_kar telgram
والجزء الثالث والثلاثون يخص كذلك الزهراء ع
خاص للفزاعيات والنزله والشور والنخوات والهوسات بعدت عناوين
فزاعيه لزهراء ع
الساده بليل الاضلم حملو بيها
مكسورة ضلع حيدر اموديها
(بليل مغرب حاديها)
................
مشه بتابوتها والدمع بعيونه
ماراد الكسر ضلعج يشيعونه
والسطرو عيونج لايشوفونه
دفنها بليل عن عيون اعاديها
(الساده الفكدج مهظومه)
..............
دفنها بالحزن والنار بفاده
ون عالزجيه اونت الساده
يانار الهضيمه وتيهت اولاده
ماعنده كلب يمشي ويخليها
(تسيل دموم من عيونه)
............
هال اترابها وبالكلب حسراته
ذب عمامته ويجذب بوناته
لحسين وحسن يذرف بدمعاته
سمع صرخاتهم والعين يجريها
(ايجر ونات عله اولاده )
............
يجر ونات عالشالت بونتها
وسفه ام الحسن بليل دفنتها
مهظومه مشت بضلع كسرتها
شلون اكبال حيدر عالو عليها
(الكاسر ضلعج هد حيله)
...........
المأتم خن ننصبه بحزن بونه
ونعازي الصميده وحيل دكتنه
لساده تعازي وحيل صرحتنه
الزينب خن نون والونه عدليها
( اليوم عله امها انعازيها)
✍ام زينب كربلاء غير مبري الذمه من ياخذ الكلام وينسبه له او يحذف الاسم المآسي الفاطميه الجزء التاسع
/channel/um_zainab_kar telgram
فزاعيه اوكعده لزهراء ع
ننشد حيدر الكرار
ليش بليل شالاها
ننشد والدمع بالعين
هاي ام الحسن وحسين
وابوها سيد الكونين
بلا تشيع زتاها
............
ننشد جاشني الأسباب
ماخذها يداحي الباب
محزن والدمع سجاب
عليها العين هلاها
............
هلت دمعت الكرار
كوم الهجمو عالدار
وصابو فاطمه ابسمار
وكسر الضلع اذاها
............
صابوها وكضاها اللوم
وماعرفو قدرها الكوم
ماتت والدمع مسجوم
وروحي اليوم تنعاها
..............
وصت بآخر الونات
راحت تجذب الحسرات
ماريدن دفن شمات
وتشكي ضيم بلواها
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء الثامن عشر من المآسي الفاطميه
/channel/um_zainab_kar telgram
فزاعيه لديار عن لسان سكينه تخاطب ابيها الحسين
نعي
بيتك جهبته وحيل ونيت
جاوين ابوي بصوت ناديت
ماكام ليه بيوم طبيت
جلمه هله بالبيت ملكيت
(نزلت الفزاعيه تكله بويه )
ياجلمة هله بدار ماهيه
محد كالي ياهله بهالجيه
...........
محلاة الابو لوراد يحجيها
حلوه جلمته وروحي ترد بيها
بعد راحت البويه اوين الاكيها
جلمات المحنه بعدت عليه
..........
بعدت ماترد هيهات جلماته
لملاكه الابو اشتاكن بنياته
بعد شعودها بدار كعداته
جاوين الحنين تريده البنيه
.........
جاوين الحنين الجان هيبتها
بتك سايله بالعين دمعتها
خليانه الديار بيوم مرتها
صاحت ياهلي والروح مكظيه
........
خالي البيت بويه بيوم طبيته
ياذاك الملاكه وياك فكدينه
دمعي بالحزن والنوح هليته
اصدن عالنزل والعين معميه
...........
ياجلمة هله لاتضن انساها
اهلن بالدمع لويمر طرواها
شالت ويه ابونه اوين نلكاها
من مات الابو ماتت الحنيه
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء السادس عشر من المآسي الفاطميه
/channel/um_zainab_kar telgram
فزاعيه نخوه للعسكري ع
اليلة ننخه العسكري
وانريد منه مرادنه
.............
اليله اجينه الحضرته
وكل محب رايد حاجته
يالحسن نشف دمعته
راعي الكرم مارادنه
.........
ماضن يرد الكاصده
حاشاه بابه ايسدده
ننخاه واسمه انردده
ونحجيله ضيم الهادنه
............
نحجيله بهموم الكلب
ونحشمه بدموع التصب
مولاي تدري الهم صعب
وذوب يوالي افادنه
..............
اليلة منك طلبتي
جيتك امامي بدمعتي
ويمك اذبن حاجتي
والكلب ليكم جابنه
............
جيناه واندك ابابه
لا ما يرد طلابه
أدير النضر لحبابه
رد ابفخر كصادنه
.✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar
فزاعيه بدايتها نعي للعليله ع لما رجع ضعن الحسين ع إلى المدينه
نعي
يوم الرجعت الحره للوطان
طلعت فاطمه والحيل نحلان
يعمه وين ابوي اوين الاخوان
بله سولفي يم كلب حزنان
نزلت الفزاعيه
سولفيلي حال ابوي شلونه
شلون طاح وداسو عالمتونه
................
اصار كليلي يبت الطاهره
صدك فوك ارماح شالو منحره
عمه جم حافر بصدره وكسره
والعطش يم عون غير لونه
............
صدك عطشان ويبس منه الجبد
والخيول تروح بضلوعه وترد
عمه من الماي جبده مابرد
شلون كالت روحج المحزونه
..........
شلون كلتي يوم عاينتيله
من وصلتي المصرعه شكتيله
صدك جرح البالكلب هد حيله
وصدك عباس السهم بعيونه
...........
سولفيلي ولاتضمين الخبر
صدك فوك العلكمي طاح الكمر
شمر الجفين زينب واعتذر
وكافل الخدر كطعتي ظنونه
.............
جواب زينب ع
لطمت عالراس وتهل الدمع
كابليني وخل ندك عالضلع
من مصاب الصار كلبي منكطع
عمه ابوج حسين ضل بكونه
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء الأول من المآسي الزينبيه
/channel/um_zainab_kar telgram
:
فزاعيه لرسول ص
اليوم وين ايريد جد الساده
عليه ون حيدر علي اولاده
..................
شيعوه وكامو ايودعونه
المثل جدهم بيمن يعوضونه
شلون صوب المكبره يزتونه
والوكت ليهم بعد ماعاده
................
مايعود ولاترد ايامه
شيعوه ولطمو عله الهامه
وحيدر الكرار شال اعلامه
وفتت افراك الرسول افاده
............
ذاب كلبه من الحزن والوعه
شايله وعالخد تهل دموعه
بيش اصبر فاطمه المفجوعه
يعينج الله يالزجيه وناده
...........
كومو يولادي نشيل الهيبه
منين بويه حسين بعد انجيبه
حلت اعلينه بغيابه مصيبه
والغدر كثر ونيني وزاده
...........
اوداع ابوالزهراء هدم حيلنه
ريت ويضعنه الرسول يشيلنه
بعد مايبطل يبويه ونينه
وماتنام العين فوك اوساده
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي لرسول الله صلى الله عليه وآله
عن لسان الزهراء ع
راعي المحنه اتكول وينه
راح وخله الزهره حزينه
عافني الابو وغمضت عينه
شلت وين يالكل محنه
وخليتني اجذب الونه
وعليك الدمع ماابطلنه
عالفركتك مافل الاحزان
وحيلي يبوابراهيم خلصان
اصبحت خاليه منك الديران
اضل بالحزن وعليك ادادي
ياهيبتي وهيبت اولادي
يصير البجه والنوح زادي
يابويه عدمن ودعتني
والامه خلافك مارعتني
حركت باب داري وروعتني
الزهره عالبوها ساعدنها
عزيز الابو وعليه ونها
وساعات الموادع عمنها
...........
✍ام زينب كربلاء غير مبري الذمه من ياخذ الكلام وينسبه له
/channel/um_zainab_kar
لطميه لوداع الرسول صل الله عليه واله
وداعا يارسول الله وداعا
بدمعات الحزن نادي وداعا
.............
الزهره نادت بالحزن هاي المسيه
وبرحيل المصطفى سيد البريه
ياوداعك جمره بضلوعي سريه
للحزن ياوالدي عفت الزجيه
بويه او يانضر عيني وداعا
وداعا يارسول الله وداعا
.......
ودعيتك يالرحت عني بامانك
بعد لاصوتك يمرني والااذانك
ياضوء البعيونه مظلم مجانك
بويه مااسمع بعد جلمة حنانك
وراحت جلمة البويه وداعا
وداعا يارسول الله وداعا
...........
الدنيا بضعونك يبويه ودعتها
اه يوم الي رحت روحي خذتها
فاركت كل الفرح من فاركتها
بتك بياحال ضلت لو شفتها
عليك اتنادي الزهره وداعا
وداعا يارسول الله وداعا
.........
بجت املاك السمه الزهره ابجاها
والحسن وحسين تصارخ وراها
حيدر ابهل الحال دمعاته جراها
والجنازه بالحزن والهم خذاها
صاحو والدمع يجره وداعا
وداعا يارسول الله وداعا
...........
اليوم حلت فاجعه بيت الرساله
بجت الزهره وبجه عرش الجلاله
والوصي ماينوصف هالساعه حاله
يسمع الزهره تنادي بيوم شاله
دنيا الماهو بيها انته وداعا
وداعا يارسول الله وداعا
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
:
هوسات لرسول الله صل الله عليه واله
اليوم الدين محزن والعرش مرجون
وجثمان ابوالزهره بالترب مدفون
وأولاد الزجيه عله النبي يبجون
(الجان عليهم ينشد / شال وسد بابه)
.............
سد بابه وبعد ماينشد عليهم
شال اليوم يافي المغطيهم
يصرخون وعلي يبجي البواجيهم
(الشايل يسوه الونه / وهلي العين عليه )
............
ياحال الزجيه بيوم سد العين
صاحت اه يبويه والكلب نصين
حط نعش الحنين هنا يبوالحسنين
(هذا الهيبه وتاج الراس / تريض بيه تريض)
................
بجت كل الاكوان اليوم لمصابه
وحزنان الوحي وتصارخ احبابه
الزهره اتصيح شال البيه الهيابه
(حزنان الكون عالمصابه)
............
مصابك يامحمد كدر الزهره
شايل وين ابوي الايذه بكتره
اليوم بدار ابوها وهلت العبره
(يادار انريد الربانه)
.............
يابويه الحنانك كلنه متعلمين
المن بعد يكصد من تروح حسين
نصيح وياه نريد وتهل دمع العين
(انريد انشيل ويه الهيبه)
............
نشوف الضيم كله من بعد عيناه
ابونه وماحلت دنيانه ابلياه
اليشكي همومنه يحسين مانلكاه
(شيال الهم نامت عينه )
............
ياريته يجي ويشوف بيه الصار
يفزعلي الحنين ويجي الباب الدار
يصد عينه عليه وينضر البسمار
( يشوف اصواب البضلوعي)
.........
ماحفضت وصيه وخانت الاصحاب
تعال واشوف ياهي الطايحه عالباب
واسمع يامحمد صرخة الاحباب
(هليت العين عله اولادي)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس عشر المآسي الفاطميه
/channel/um_zainab_kar telgram
فزاعيه اومربوعه لسبي زينب ع
يزينب موش الج جلمة المسبيه
وانتي اتلوك الج جلمة العلويه
..............
الهظمه شلون يازينب حملتيها
سبيه وجلمت الشامت سمعتيها
وانذال الزلم رحتي ورفكتيها
ماشيتي الدروب الموش ممشيه
.............
ياهو الكالج يامن عمت عينه
ماعندج ولي وبيمن تردينه
وصكار الحرايب هوت جفينه
ماكلتي يخويه عالو عليه
.............
عمت الزمان وعين غدراته
زينب والشمر صابج بجلماته
صرخ عباس مات وجتفو اخياته
ورحتي عله نياك العين مجريه
.............
ارد الطم عليها والطم عونه
علويه وهلج كل كول يسوونه
يبت حيدر علي ذاك اليندبونه
اذكر ونتج والروح مكضيه
..............
علويه والج صيت الحجوعنه
يشيل الراس اسمج من اذكرنه
ماننسه مصابج يخت المجنه
يبت الشرف الكونين ماضيه
.............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الخامس المآسي الزينبيه
/channel/um_zainab_kar telgram
نعي عن لسان حال زينب ع تخاطب دار الحسين ع
رديت لديران شلكه
لابيها هله ولابيها ملكه
جاياهو اليلاكيني وشبكه
..........
يرتاح الكلب ويزيح همه
وعطر الاخوه من اشمه
يداوي جرح كلبي ويلمه
جاوينهم يادار اهلنه
..........
يانار كلبي العيب تبرد
والحزن كل ساعه يتجدد
ذاك الوكت يحسين مارد
...........
مايرد وكتي وبيش ارده
والمات مايكعد واكعده
شعوده البكه مكطوع زنده
...........
بعد ماضن يرد بيه زماني
والبيه محنه ايتلكاني
شيعودها جمعت اخواني
..........
يادار نشري سود الاعلام
ماضن ترد ياذيج الايام
ارد اكابلج والطم عله الهام
..........
يادارهم مامر صبح بيج
جنه ضلام وحزن غاطيج
جاوين نور الكبل ضاويج
..........
ارد اكابلج والدمع مسجوب
وتهدين حيلي وكت الغروب
علينه الحزن يادار مكتوب
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram.
علماً الاجزاء تكون واحد مكمل للثاني
الجزء 32 يتظمن :
القصائد الثگيله + والاحاديث
الجزء 33 يتظمن :
الفزاعيات + نعي + الهوسات
ولاتنسونا من صالح دعائكم
جديد
اصدار ١٤٤٥هـ -٢٠٢٣
الماسي الفاطمية ج ٣٢
الشاعرة ام زينب كربلاء
خاص للزهراء علية السلام
متوفر في مكتبة الغدير بغداد
لدينا توصيل لكافة المحافظات
للحجز
لاترسل صورة الكتاب ❌❌
الصورة عندي 😉😉
فقط ارسل اسم الكتاب والجزء ✅✅
واتساب
👇👇👇👇
07711395580
/channel/eheh10
نعي لزهراء ع عن لسان حال زينب ع
روحي يالشلت بامي شلتها
جميع اعضاي يالحادي شلتها
مشت وبدارها ضلت شيلتها
اشمها من تعن امي عليه
نعي
بس شيلتج بالبيت ضلت
روحي بتوالي اليل حنت
اشم ريحتج والروح ردت
عليه ييمه من تعنين
يهمل دمه مودمع بالعين
وين الكاج يايمه بعد وين
وين الكاج وايعود وكتنه
وترد المحنه ويرد فينه
تعود اليالي بكعدت امنه
تعودين والكعدات تحله
والبيت يزهي من نطبله
وفي الوالده نكعد بظله
تعودينه والكسر يجبر
يخيمه التحت ضلها انتستر
يحاميه من البرد الحر
فيه الوالده لوكشع وشال
ايطش الشمل واتيه العيال
يفكد تجيته الحمل لومال
والماله ام بالبيت تكعد
مثل غريب ايروح وايرد
ضعن المحنه عليه مبعد
ون حيل يالفاكد حنينه
واتذكر الضلت الحزينه
وجه الزجيه اتكول وينه
بالباب تكعد كل مسيه
يمه اتصيح والدمعه جريه
وحشه البيت ردي يالزجيه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء التاسع
/channel/um_zainab_kar telgram
بفضل الله وآل بيته الطيبين الطاهرين قريبا سيصدر
كتاب المآسي الفاطميه الجزء الثاني والثلاثون يحتوي من الثقيل والمحاضرات والنعي بعدت اطوار
واسألكم الدعاء
لطميه لزهراء ع
بليل شالوها بضعة المختار
سالت من العين دمعت الكرار
..........
سالت دموعه من مشه بيها
يسمع اولاده تبجي عليها
الزهره بجفوفه علي ايوديها
للكبر ياحيف وبدليله النار
..........
للكبر راحت ماترد اردود
واليموت شلون لديار ايعود
صاح ابوالحسنين والكلب ممرود
الزهره يازينب ماترد للدار
..........
ماترد امج اشلون ردتها
ولاتصد العين بعد شوفتها
بالكبر واسمع عليج ونتها
صبر الحره ياعلي عله الصار
..........
ياعلي اوصيك من ترد ليهم
اعزازي يتباجون لا تخليهم
ينلجم ضلعي من بواجيهم
واليتم جتال وانه ولدي ازغار
..........
ونو ياشيعه عله المشت بليل
صواب مصيوبه والدموع تسيل
ساعدو زينب الركد منها الحيل
توجع الفركه والكلب محتار
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه نخوه لبوفاضل ع
زامطي بعباس يالمالج ولي
كولي احشم بيه مااحشم هلي
.................
كولي احشم بيك ياسبع الزلم
يمه اذب الضيم والذل والهظم
والتزامط بيه صدكن ماتهم
هذا ابوالهدات بيه هبيت علي
.............
من يمرج ضيم روحي اشكيله
عليه بالكلفات شمري الشيله
جف ابوفاضل يرد العيله
يزيج ضيم البيج والهم ينجلي
.............
من يمر بيج العسر والعازه
حلفي ابوفاضل بذيج اعزازه
كولي انه الفزعتك محتازه
البابك تعنيت والدموعي اتهلي
...........
صيحي ياعباس ضيمي هوايه
واعتنيت الحضرتك شكايه
صبت دموعي وعكدت الرايه
يابو الفزعات دير العين الي
............
مزامطه بعباس للوادم كلت
غير بابك يابوفاضل مارحت
المالها وليان تمشيلك صحت
تحلفه بالحارت وتاهت بالخلي
✍ام زينب كربلاء غير مبري الذمه من ياخذ الكلام وينسبه له او يحذف الاسم الجزء الرابع من المآسي الزينبيه
/channel/um_zainab_kar telgram
نعي للامام العسكري ع عن لسان حال الإمام المهدي ع
ياشيلتك صعبه عليه
شلون اودعك هالمسيه
عيني عله فراكك جريه
.............
وشضل بعد منكم يهلنه
خلت دارنه واضلم نزلنه
ليش الوكت شتت شملنه
..............
الموت ماينرد وارده
ماصح دوه الممرود جبده
يومك كلف والحيل هده
............
ناده يبويه بدمع سجاب
خله دارنه منكم يالاحباب
جرحكم بنص الكلب ماطاب
..............
ودعت ابوي وباد حيلي
وصواب مصيوب بدليلي
يطول الحزن ويطول ليلي
..............
المهدي جر ونه عله عوده
اليله الدمع حافر خدوده
بويه الوكت بينه شيعوده
..............
شايل يكلبي هموم وهموم
ولابس هدوم الحزن لليوم
ينار المنذبح والمات مسموم
.............
ولليوم جرح الكلب يدي
وتسعر ماطافت يانار جدي
وماكطعت الدمعه عله خدي
...............
وينه البجه وياي وينه
ويذكر مصاب السامينه
اليلة الروح بوداعه حزينه
.✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar
فزاعيه اومربوعه للامام الحسن العسكري عليه السلام
هذا اليوم بجه عيون مهدينه
يوم المات ابوه وغمضت عينه
...............
هلت دمعته وايجذب بوناته
مكسور الكلب وتسيل دمعاته
ودع وجه ابوه ويجرحسراته
يلوج عله الوساده ويسمع ونينه
..............
من شافه يلوج وغايبه اللوانه
يكله شيوجعك يانور دنيانه
رد ليه الحسن والعين جريانه
هذا اليوم عودك خلصت سنينه
............
يبوصالح يبويه مودع الباري
يلجم بالجرح يا دمعك الجاري
يبني وبونينك هيجت ناري
نضوك ايام صعبه مسجل علينه
...........
جم لوعه الدهر جم اه راوانه
الدنيه من الزجيه بدت ويانه
منهد كسر الضلع والنار بحشانه
جرح حسين يدي وفكد اهالينه
..........
وصاه الحسن والدمع بعيونه
اجدادك وامتك يومك يتانونه
يوم الثار يالمهدي ينطرونه
وتطلب ثار دمنه ودم ابوسكينه
.✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar
نعي لرسول الله ص عن لسان حال الزهراء ع
راعي المحنه اليوم شايل
وجن شايله عني الحمايل
ودعت الحنين بدمع هامل
شال الحنين الجآن الي سور
مشت هيبتي ونامت بالكبور
صبح خاطري عالمشو مكسور
كلبي انكسر كسره عالفركاك
انه معلمه دوم عله الملكاك
جاوين اشوفك واكعد وياك
جد الولد حمل بالاضعون
حمل وخله الحيل مرهون
اوالادي بعد المن يكصدون
يابيت من عكبك يجونه
صعبه وحنانك يفكدونه
حسين عليك دم سالت عيونه
عينه بجت وايريد جده
ارد اخذه الكبرك واكصده
غالي يبويه شكثر عنده
ياباب من عكبك ندكه
ومثلك يبويه وين نلكه
ابيتك بعد يابوي شلكه
ياكسرتك كسره جبيره
يضل العلينه والعشيره
عفتنه ويناس بغير غيره
لوتدري بالسادي عالبتك
هظموني يوم انزلت لحدك
وين الكاك بالهظمه واكلك
اوكف شويه بعتبت الباب
ياهي الطاحت يم الاعتاب
اسوت يبويه شوف اصحاب
ياضلع خلف الباب كسروه
وعزيزك علي محتار خلوه
وحكي يبوابراهيم غصبوه
لوتدري بيه اصار واشحل
حتى الدمع من الراس وشل
عله اغيابك يبويه بكثر ماهل
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه بدايتها ابوذيه لرسول ص
نحن الشوفتك كل ساع ونريد
لبونه الراح منه اليوم ون ريد
نروح عليه متعلمين ونريد
شال وضلت دياره خليه
نزلت الفزاعيه
وين ايريد شايل هيبت الزهره
ومكسوره عليه كسره
.................
شال وحمل ضعونه
وحيدر هلت عيونه
يزهره حالج شلونه
ضلت بالكلب حسره
...............
حمل وابعد الهيبه
بويه الراح شيجيبه
وحيدر زايد نحيبه
شاله والدمع يجره
...............
شال البيه مهيوبه
عليه صواب مصيوبه
روحي أصبحت منكوبه
وجرح الكلب مايبره
............
ضلت تجذب الونات
موحسره تجر حسرات
يحسين اليحبكم مات
غاب وفركته مره
..............
عليه اليوم حزنانه
شال وغلك بيبانه
عليه ارتجت اكوانه
حمل والد العتره
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجديد الجزء السابع المآسي الزينبيه
/channel/um_zainab_kar telgram
لطميه لرسول الله ص ع عن لسان حال الزهراء ع
ودعنه الحبيب بالون ونحيب
صاحت فاطمه
انه الزهره اوداع الغالي اذاني
من يوم الرحل والدي او خلاني
حزن ماينكضي ولاطفت نيراني
وصار النوح سلوه ابيت احزاني
وجرحي مايطيب ودعنه الحبيب
................
جرح بالروح مايشفى بعد عيناك
والايبطل دمع عيني واضل انعاك
موتدري شكثر هذا الكلب يهواك
وضلمه اتصير دنية فاطمه بلياك
لوصار المغيب ودعنه الحبيب
............
اذا جن ليل حزني وكثرة الالمي
واشوفن صورتك يابويه جدامي
جن دنياني ضلمه اوسود ايامي
اصيحن ياحبيبي والكلب دامي
غايب ماتجيب ودعنه الحبيب
.............
بعد ماكو جواب اليخمد الجمره
ولاتسمع نحيب وصرخة الزهره
ماتدري شجره ياوالد العتره
بوداعك صار كسر الباب والعصره
هالموقف رهيب ودعنه الحبيب
...............
موقف لوتشوفه يالابو عيونك
طحت عالباب واولادي يندبونك
يجدي بصوتهم كامو ينادونك
تعال واشوف ضلع امنه يحشمونك
ومدمعهم سجيب ودعنه الحبيب
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه لرسول ص
حزنان عرش الله ويون
شال الرسول اليلة
...........
الأملاك ضجت بالسمه
ووياها تلطم فاطمه
نادت بعين الساجمه
ودمع العيون تسيله
...........
هلت دمعها وانحبت
واملاك عرش الله بجت
ارض وسماها اتكدرت
وأم الحسين نحيله
.........
الزهره تون لمصيبته
اه يالرسول وفجعته
الكرار ذب عمامته
من راد نعشه يشيله
.............
صايح علي بدمعاته
وحدر الضلع حسراته
تفت الصخر وناته
وعليه ناحل حيله
............
اليوم اضلمت دنيانه
الامه عليه حزنانه
الدين طاح اركانه
ياعين دم ابجيله
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس عشر المآسي الفاطميه
/channel/um_zainab_kar telgram
لطميه لرسول عن لسان حال الزهراء ع
ويه البيه محنه تفاركينه
نريد وياك يالروحك حنينه
...........
بويه اوياك اريدن لاتخليني
مابطل عزاي ويكطع ونيني
شنشف يبويه دمعي البعيني
وهيهات الكلب يبطل ونينه
.........
عله فراكك ابد مابطل الونه
عيوني معلمه كل ساع اشوفنه
اتذكر حنانه ودمعي اهلنه
شايل واكطعت يابويه بينه
.........
نمت العين بويه واكطعت ظني
حزينه واليالي بيك فجعني
وبيت الحزن زاد وكثر وني
وحسين عالفكدت بجت عينه
...........
ضلينه بحزن وهموم دنيانه
وماتدري اليالي شسوت ويانه
دهرنه مارحم بينه وتولانه
بحيره وجارت الدنيه علينه
.........
يبويه اعداك ماحفضو وصيه
هظموني ولا جني الزجيه
ينار الباب والمحسن سريه
يبويه الغير شخصك ماشكينه
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس والعشرين المآسي الفاطميه
/channel/um_zainab_kar telgram
فزاعيه لرسول ص وكذلك للاب
من كتاب المآسي الفاطميه الجزء السابع والعشرين
هيبه الابو وتزامطين بجاله
شال عنها الراد العياله
.............
الراح منج ماضنج تعوضينه
رداد حكج مابعد تلكينه
وين همج لومشه تشكينه
(بيوم العوز تريدينه)
...........
بعد عينه من يرد العيله
والحمل لومال ياهو يشيله
لوكثر هم الكلب تشكيله
(الضيم خلافه تحملينه)
...........
شيال همج مايرد مظنونه
تشوفين ذله من تنام عيونه
حال المضيع الحنين شلونه
(تحن الروح الكعداته)
...........
اليوم عدلي لطمته اوناته
الراح منج ماترد كعداته
اندفنت وحدر الترب جلماته
(الشايل عودج ونيله)
.........
اليوم خلينه نون لزاجيه
حيل تاذيها الديار الخاليه
عليه عدلي ونتج يالناعيه
(اليوم عله الون عينيها)
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السابع والعشرين
/channel/um_zainab_kar telgram