15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
فزاعيه لام البنين ع بدايتها نعي وكذلك لتشيع
كون الاربعه يفزعون ليها
يشيعونها ويمشون بيها
اهل الزود لاتبطي عليها
الجنازه موحشه ورادت وليها
(نزلت الفزاعيه)
لايبطون هذا النعش يتناهم
هاي الحنينه التعبت عله ارباهم
...............
امهم تريد ارباها لايبطون
اسباع تمشي وياها لايبطون
وعباس لو زتاها لايبطون
عزاز عدها والكلب رادهم
............
امهم تدير عيونها لايبطون
رادتهم ايشيلونها لايبطون
تطلب بشيل متونها لايبطون
محلاه لو ويالنعش ممشاهم
............
محله الولد دفانه لايبطون
راد النعش وليانه لايبطون
وين السبع واخوانه لايبطون
اليوم وين الاربعه تنخاهم
............
ام عباس وين اولادها لايبطون
حاير صبح جنازها لايبطون
فزعت الكافل رادها لايبطون
ياحيف ماشال النعش يمناهم
.........
طارش يروح الكربله لايبطون
ينده بهالي المرجله لايبطون
اليوم المعاتب حله لايبطون
حنان ذوله والترب ظماهم
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء التاسع
/channel/um_zainab_kar telgram
موشح لم البنين ع عن لسان حال الحسين ع
اليوم كلب حسين يتناكط حنين
محزن ودمعه جره عله ام البنين
..............
اليوم محزن والدمع بعيونه
الموتت ام عباس غايب لونه
ايكول حالج يالوفيه شلونه
من لفاج الموت مايمج معين
............
كلبي يمه عليج يتناكط دمه
بريع دلالج وفيتي الفاطمه
الج موقف شهدته املاك السمه
حكي هذا اليوم اجهر بالونين
.........
ارد اون عليج ونات الحزن
واذكر ارباج واعله فكدج اون
يالحنينه وعله جلماتج احن
يوم كلتي الاربعه فدو الحسين
.............
انتي نبع من الوفه يالطاهره
يالفديتي جفوف سبع الكنطره
وعشتي بحزانج وحيده محيره
ارد اون عليج يم كلب الحزين
..........
اليوم وين اهل العزه ايواسوني
يومها ام عباس طفه عيوني
اشكد اعز ام الوفه اتعرفوني
الضحت بطف كربله اربع بنين
ام زينب كربلاء
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء التاسع الماسي الفاطميه
/channel/um_zainab_kar telgram
نعي لوفاة ام البنين ع
امك ونين الموت ونت
عتاب الك ياعباس ودت
لجمعاتكم هاليوم حنت
امك تريدك كوم ليها
اعدل غطاها ومد اديها
تون الوالده لحك عليها
امك يبوالغيره تريدك
تشيل النعش عباس بيدك
دفان بيها انته وعضيدك
هاي الربت وسهرت ليالي
صاحت ييمه بدمع هالي
الدفان غيرك ماحلالي
شمحله الولد بالنعش شيال
يميل عالمتنه النعش لومال
لورادت امه اتشد الارحال
العندها ولد ماتت بهيبه
ايشيلها وايوفي حليبه
وعباس لمه منين اجيبه
عباس عنها بعيد دربه
وعيونها الجيته تربه
الموته بلاولد ياناس صعبه
محله الولد لوللدفن راح
محزم براس النعش لواح
كلب الوالده بالموت يرتاح
ام عباس ونت وين ابنها
الوالده شعطلك عنها
عليك ديون واتوافي لبنها
امك ياسبع من طلعوها
وحشه الجنازه من خذوها
اضن الاربعه ما خبروها
الطارش تعطل ماوصلهم
خلي الاربعه ايفزعون لمهم
وحشه الجنازه ورايدتهم
تعطل شويه يالشلتها
براض خل تحضر ولدها
اسباع اربعه ام عباس عدها
كلولهم خافن يزعلون
عطلو الجنازه يالتدفنون
حنان وعله امهم عيب يرضون
ماضن يقبل المتروس غيره
امه وراسها بيده يديره
مهظومه والهظمه جبيره
هضمه هظمتج يم البنين
وين الاربعه وخامسهم حسين
ماحضروج من كمتي تونين
بعازت ولد خلاني دهري
وعباس بامه عيب يدري
مسدود عنج باب كبري
✍أم زينب كربلاء
غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
لطميه لزهراء ع عن لسان حال زينب ع
انه وانتي من الدهر ونينه
اثنينه جار الزمان علينه
جارت علينه اليالي
والجره بحالج جرالي
ثنينه جار الزمان علينه
..........
انتي جفنتي النبي بس دموعج جاريه
وانه خليت الحسين واجفنوه بالباريه
يمه هظم المر عليه بيه انتي الباديه
انتي متي من المصايب
وانه كتلتني الخرايب
والدهر مارحم بيج وبينه
ثنينه جار الزمان علينه
..........
انتي بسوط انظربتي وانكسر ضلعج يزهره
انه عاينت الحسين وشفته من كسرو صدره
انتي بليل اندفنتي ومهجتج برماح نحره
انتي دمعاتج جريه
وانه جم صواب بيه
خن نسولف يم حسن خلينه
ثنينه جار الزمان علينه
.................
انتي سطروج عله عينج والضلع يمه انكسر
وانه مجتوفه عالناكه ومتني طكاه الشمر
يمه يازهره هظمنه ايفتت اجبال الصخر
انتي وناتج شجيه
وانه وناتي خفيه
يمه من جور الدهر سلينه
ثنينه جار الزمان علينه
.............
انتي منعوج البجه وبالجفن حبسو دمعتج
لوتشوفين الجرالي والسده يمه عله بتج
ضلت ابصدري عبرتي مثل ماحبسو عبرتج
ثنينه حبسو دمعنه
ومارحم بينه وكتنه
والجروح البالكلب تاذينه
ثنينه جار الزمان علينه
................
نار شعلوها عله بابج ونار شعلوها بنزلنه
بس فرق بيني وبينج احنه عالغبره زلمنه
انتي داحي الباب يمج واحنه عالشاطي الكفلنه
هاي قصتنه الحزينه
يالتحب ابجي علينه
اذكر مصاب الجره اواسينه
ثنينه جار الزمان علينه
✍أم زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب الماسي العلويه الجزء الاول
/channel/um_zainab_kar telgram
هوسات لزهراء ع عن لسان حال زينب ع
اليله شالت امي وركدت حيلي
بعد ماطاب نومي ولاخلص ليلي
هنا يالفاكده امج بله ونيلي
(أتريد مكابل بالون / بت المهيوبه )
..........
اليلة النوح والونات ويزينب يشيعيه
وسعي ساحة الميدان والهوسه بعداليه
وني عله البجت وتصيح يمي الكاطعت بيه
(الونه تلوك عله امي / وعينيني عليها)
.............
اريد اليوم ونه من كلب مجمور
وصيحن حيل وسفه يمضلع مسكور
شلتي بليل ضلمه وتيهيتي الدور
(الدار خلاف عيونج / وحشه وحزنانه)
..............
حملتي ومشيتي وصحت يالكرار
وين تريد بأمي وبكت ظلمة الدار
فلت عشرت امي والموادع صار
(محمل ضعن الزهره/وحيدر غرب بيه)
..........
يمحبه تعاي وياي خن ننصب تعازينه
الشالت والضلع مكسور تستاهل بواجينه
اليلة انكابل اخت حسين بالونات خلينه
(اليله انعاون زينب / ونون وياها )
✍أم زينب كربلاء غير مبري الذمه من ياخذ الكلام وينسبه له اويحذف الإسم من كتاب الجزء الأول المأسي الفاطميه
/channel/um_zainab_kar telgram
فزاعيه لخدام الحسين ع تعازي لسيد الفالي رحمه الله واسكنه فسيح جناته
ماردنه المثل ذوله يشيلون
خليها الفكدهم تبجي العيون
............
موهينه نضيعكم يطيبين
محتاز المثلكم منبر حسين
بزمان الضاع بيه العدل والزين
خله تصير بينه من يرحلون
...........
تشيلون ونكل للموت لاله
محتاجين لليحجي بعداله
نريد الي عرف حك الرساله
ينورون المجالس من يكعدون
...........
عالمنبر تصير هواي خله
مهله يادهر خايب نكله
ياشيلت الخادم موش سهله
والمنبر يون وعليه محزون
............
نبجي عليه والدمعه جريه
يساده هواي عاتبنه المنيه
ذني ايام امه الفاطميه
يافكدتك علينه موش بالهون
............
لايام الصدر والجمعه حنيت
عاتبت الدهر هاليوم وابجيت
ولك ياموت من عدهم شخليت
ذوله الجانو عله الحك يدلون
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/um_zainab_kar telgram
فزاعيه لزهراء ع من كتاب الجزء التاسع الماسي الفاطميه
يمنه معدله واتريد هوسات
موش بليل زتوها بعرضات
.........
زتوها بهيابه يالتشيعون
تسوه النوح وعليها شتكولون
وين اهل العراضه خل يطلعون
الج ميدان هوسه وبيه رايات
............
الج بيرغ يزهره كون ينشال
بسكته دفتنج ماهي عله البال
يابت النبي وتربات الارجال
يزهره بس الج لاكت الونات
...........
الف ياحيف ضعنج غرب بليل
عليج اتحسفو ركابت الخيل
حيدر حملاج ومدمعه ايسيل
حطاج عالمتنه والجدم مات
..........
شالها علي والحيل خلصان
وتسعر بالدليل عليج نيران
الف ياحيف يابت سيد الاكوان
لاصايح وراج والامشيعات
..............
تريد اليوم ونه يم الاطهار
شالت بضلع نابت البسمار
هاي معدله واربات الاخيار
تسوين العزه بت الهيابات
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgra
نعي ابوذيه لزهراء ع
عيوني من الدمع ماضل بهاماي
كضيت ومحد اليدري بهاماي
شحلات الدار من جانت بهاماي
اجيها ومرحبت كل ساع بيه
نعي
وين الهله وجلمة اليمه
جيت ولكيت الدار ضلمه
ون الدليل وثكل همه
ضاك الخلك واريد ليها
شتاكيت لشفجه وحجيها
ياهو الانشدنه عليها
اثاري الموت للمضلم خذها
وين انشوفها ونكعد وياها
والله فراكها عيني عماها
ياضعن هذا الشال مني
عليمن اونن ناشدني
الشالن اعزاز الكلب ذني
علمين اون وثكل همي
ياتبوت هذا الشال يمي
هاي الحنينه الوالده امي
بتابوتها مرت عليه
ونت اونتها شجيه
الله وياج صاحت يالبنيه
الله وياج كالت واسمعتها
سوده علي ماعطلتها
ليلة اتبات ويانه ردتها
سدر الحادي وشال بيها
وعيوني دم هلن عليها
صحت يالوالده بنيتج خذيها
صحتلها والاردت عليه
اركض ودمعاتي جريه
لزمت النعش بثنين اديه
لزمته وكلت ريض يجناز
حط الحنينه اتودع الاعزاز
بعده الكلب للمشت محتاز
انه بعوز كعداتج بعدني
حبيبات وياجن اخذني
تعدن على بابي وجزني
حنينات شنهي الغيراهن
والوصل كطعنه شجاهن
اخلص الكلب بالون وراهن
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب المآسي الفاطميه
/channel/um_zainab_kar telgram
نخوه لذكرى وفاة القاسم بن الكاظم ع
القاسم باب حاجه وارد اندبنه
بالمسجون هذا اليوم احلفنه
................
احلفه بالسجين وذيج لوعاته
الضل الوحده يجذب بوناته
اكله بجاه ابوك وجاه دمعاته
تهل دمعات عيني من اذكرنه
.............
يالقاسم عليك الروح حزنانه
وعيني الغربتك مولاي جريانه
تريد مرادها روحي الحيرانه
منك يالكريم مرادي اريدنه
............
محتازه فزعتك يبن المروه
اهلك بالشدايد ذوله اهل نخوه
يمك يبن حيدر ذابه الشكوه
اسولف محنتي يم ابن المجنه
............
يالقاسم طلبتي تحيرت بيها
يبن الجود يمك ارد اخليها
الحاجه الماكضت جفك اليطيها
القاسم شاع جوده وسولفو عنه
...........
هذا باب حاجه وشايع بصيته
خايب ماترد يامن تنخيته
وانه عليك هم الكلب ذبيته
مني سال دمعي واطلبت منه
............
احلفه بغربته اوحشة لياليه
اريد اليوم عينه تنضر عليه
يهد بهدته ويكول مكضيه
يبن المايرد كصاد التعنه
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/um_zainab_kar telgram
مربوعه للوالده والمواسات بزينب ع
عازه عازت امي ودوم اريدنها
الدنيه شماتضيك عليه اذكرنها
لوضاكت الدنيه وصغرت بعيني
لمي الغاليه وين اليوديني
واعاتبها واكلها ليش عفتيني
بعد دمعات عيني مايردنها
..............
غفت عين الحنينه وزودت همي
وين اشكي الهظايم بعد عين امي
انسه الضيم كله لواجت يمي
غطاها التراب اوين اشوفنها
............
ضليت بدليلي حابسه همومي
من هم العليه ثكلن هدومي
وهموم الكلب تلتم وكت نومي
وحسرات الكلب بهداي اجرنها
...........
اجرحسرات يمي وتكتل الحسره
صبح مكسور كلبي محد يجبره
محتامه عليها واسجب العبره
مريضه الروح والونات ياذنها
...........
تحن الروح ويزود االالم بيها
واكول ام الخدر الله اليكويها
الدنيه غايبه امها وجارت عليها
من يوم ام حسن مابطلت ونها
✍ام زينب كربلاء غير مبري الذمه من يأخذ الكلام وينسبه له اويحذف الإسم كتاب الجزء الاول المآسي الفاطميه
/channel/um_zainab_kar telgram
اعلان "-----""""" اعلان الئ الاخوات والملايات العدها مجالس وماعدهن قصائد تراسلني خاص وادزلها مجالس كامله مجانا التواصل عبر الرقم 07806772872. مكتبة الحسن المجتبئ ع نسالكم الدعاء هذا العرض خلال يوم واحد
Читать полностью…
فزاعيه بدايتها نعي زهراء عليه السلام
هاي ام الحسن والزود عاليها
الدنيه اتاسست الها ولهاليها
علويه ويشيل الراس طاريها
نزلت الفزاعيه
هله يالبيج زود وهيبت الساده
الكون الخاطر اهلج دكو اوتاده
...........
هلج والدين بيهم ثبت اركانه
عليج اهل العرش هاليوم حزنانه
شلتي من الضلع ياحيف وجعانه
( شالوها /بليل اضعونج)
............
شلتي والصميده هلت عيونه
ودنيانه عليج اليوم مرجونه
واملاك السمه ونت ومحزونه
(مرجونه /الدنيا اليومج )
..............
نون مانسينه الضلع وصوابه
اليومج غيمت يابت الهيابه
عرش الله نعاج بعين سجابه
(اهتز كونه/اليوم عليج )
...........
شلون بليل حملتي يمهيوبه
رحتي معوره وبضلع مصيوبه
حيدر شيعاج بعين مسجوبه
(عالمتونه /جن شال الكون )
...........
هاي معنونه ومعروف ماضيها
هيبه من يمر عليج طاريها
شلون تشيل والبسمار ماذيها
(ومهظومه /شالوها بليل )
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر
/channel/um_zainab_kar telgram
لطميه لزهراء ع تخاطب زينب ع
ضلعي مكسور يزينب ضلعي مكسور
وكلبي مفطور عليكم كلبي مفطور
كربت ايام الرحيل / وباجر اضعوني تشيل
ضلعي مكسور يزينب ضلعي مكسور
..............
كربت ايام الموادع يالحبيبه
اه يزينب والضلع مابيه طيبه
عمري يايمه كضه وكرب مغيبه
تحسرت ودموعها عالخد سجيبه
.
وذايب عليج الدليل / باجر ضعوني تشيل
ضلعي مكسور يزينب ضلعي مكسور
..............
بجت زينب والكلب زايد ونينه
يمه مالي فراك منج يالحنينه
ياوداع امي المرد روحي الحزينه
وياج يازهره العمر ماخلصينه
نعيش بعدج مستحيل / باجر ضعوني تشيل
ضلعي مكسور يزينب ضلعي مكسور
............
ردت الزهره عليها بكل صراحه
اليله يخلص ليلنه ون ونياحه
ما هي امج والفجر لوطر صباحه
بليل ترحل والكلب تكثر جراحه
يضل سلواج العويل / باجر ضعوني تشيل
ضلعي مكسور يزينب ضلعي مكسور
............
يمه اسمعي ارد اوصيج بوصيه
صيري لخوانج يبعد امج تجيه
كعدي يمهم لوكرب وكت المسيه
مسحي دمعات الحسن لو ون عليه
ودمعت حسين التسيل / باجر ضعوني تشيل
ضلعي مكسور يزينب ضلعي مكسور
.............
وداعت الله يابعد عيني ونظرها
زينب امج بعد ما يشفه كسرها
رايحه الربها وتسولف عن صبرها
هناك يمه تشتكي جف السطرها
واحضه بملاكه الخليل / باجر ضعوني تشيل
ضلعي مكسور يزينب ضلعي مكسور
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر
/channel/um_zainab_kar telgram
يتوفر في مكتبة الحسن المجتبئ ع
للحجز واتساب 07806772872. بابل / الحله / شارع ابو القاسم يوجد توصيل لكافة المحافظات
#جديد_2023_2024
ديوان المآسي الفاطميه
👈الجزء الثاني والثلاثين
خاص للزهراء عليها السلام
لشاعرة اهل البيت ع
ام زينب كربلاء
اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش
للطلب او الاستفسار
07832535076
07830861950
/channel/hrmrm7
نخوه لام البنين ع وكذالك لسفره
كلمن طايحه بشده / تكوم البيرغ اتعكده
ودمع عيونها تسيله/ عليها تشمر الشيله
كلمن طايحه بشده
...........
وين الي عليها هموم خل تكصد البدويه
تندبها وتصيح دخيل ديري عيونج عليه
متعنيه وجيت اليوم يالبشدد منخيه
الج شان والج وكفات بيج الحاجه مكضيه
العدها داخله اليلة / عليها تشمر الشيله
كلمن طايحه بشده
................
هاي الماترد كصاد جيت اليوم اندبنها
لم الاربعه اتعنيت الشيله عليها اذبنها
جبت ضيم الوكت وياي وبيبانج ادكنها
وفيه والكرم غاطيج غيره البيج اعرفنها
وين الجايه دخيله / عليها تشمر الشيله
كلمن طايحه بشده
.............
كومي يالعليج هموم لم عباس حشميها
كلمن طالبه الحاجات وضيم الوكت موليها
تنخه الوافت ويحسين وحاشه ماتخليها
لو حرتي بهظم دنياج بالمذبوح حلفيها
هم الجايه تشيله/ عليها تشمر الشيله
كلمن طايحه بشده
............
انخيها شماكثر بلواج طلبي وشدي الرايه
هاي راية العباس وعليها غاليه هوايه
التعكدها وتهل العين وتكلها جيت شكايه
تدري باليلوحه الضيم يتيه من الحزن رايه
لومال الوكت ميله / عليها تشمر الشيله
كلمن طايحه بشده
..............
عكدي بيرغ العباس وخلي العين مجريه
ذكري العل شريعه يلوج والجفين مرميه
ماونت عله الويلاد من حزنت البدويه
ونها عله البكه المطروح والزينب المسبيه
بحك الراحت نحيله / عليها تشمر الشيله
كلمن طايحه بذده
✍أم زينب كربلاء غير مبري الذمه من ياخذ الكلام وينسبه له من كتاب التاسع عشر المآسي الفاطميه
/channel/um_zainab_kar telgram
فزاعيه لم البنين ع
مر طاري الشجاعه وسولفو بيها
واسم ام السباع امفصل عليها
..............
بديوان طاريج يجيبونه
يم الاربعه واسمج يذكرونه
بالكعدات ماضيج يعيدونه
هيبه وتفتخر يالجبت طاريها
............
طاريها شرف والزود و الهيبه
يالجابت ولد نسوان متجيبه
ربت بالسبع واحسنت ترتيبه
دره وصافيه وعالراس اخليها
...........
عليها اشماكلت بالوصف موهيه
هاي ام البنين اربات نشميه
الها اصكور رضعتهم البدويه
انشد كربله وتشرح معانيها
.........
معاني هواي لم عباس كالوها
هاي ام الوفه والطيب سموها
شكالت من اجو بحسين خبروها
هالصوره تضل لدوم نرويها
............
يكلها عظم اجرج كالت احجيلي
خبرني بعزيزي هدمت حيلي
انه مانشدك عن بدر ليلي
زينب وين والمهيوب واليها
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه لم البنين ع
ضعن ام السبع حمل بظهريه
لاشاله ولد لا صرخت بنيه
...........
ماعدها ولد ياهو المشه بيها
وحيده ولا بنيه ونت عليها
وين الاربعه من شال حاديها
وحشه اجنازتج شالت يبدويه
...........
مايدري الحنين وخل يخبرونه
يلحك بالنعش غربه اليزتونه
عن امه الحنينه نامت عيونه
تعال ابساع يمصكر الحربيه
............
يصكار الزلم لمك تعناها
وانشد ياسبع ياهو الشالاها
موتدري الجنازه تريد ولياها
يوحش لومشه بيد المجيريه
...........
ضعن امك يكافل كاطع البيده
ما وياه حبايب ونت بهيده
محتازه الولد جنازها اتريده
لمه ما حضر ونت التاليه
...........
يم الاربعه والكول تسوينه
يلوك الون عليها من تونينه
وكت الموت والكافل تعتبينه
غفت عينه الحنين ومالحك بيه
..........
✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي ليلة رحيل الزهراء ع
ازيح الموت لوصح ودعنها
يكول بعيد ضعنج ود عنها
شلون عيون عندي ودعنها
عساهن عمن بوداع الزجيه
.............
اليلة الموادع يهدم الحيل
وامنه الحنينه ناويه تشيل
صار اوداعنه بليل بليل
..............
صار الموادع والدمع سال
وضعن النحبها حمل وشال
يزهره دهرنه شلون ميال
............
لاوين عن بتج تشيلين
ونصيح يمه او ما تسمعين
ردي يزهره وسكتي حسين
...........
اليوم الزجيه ودعتنه
عله الباب يحبيبه وكفنه
يمه يزهره حيل صحنه
...........
شيال تابوتج جزانه
تعد ه بنعشها ولاتوانه
ويه الزجيه ماخذانه
كفت اليمه وهاي هيه
...........
يجلمة اليمه اليوم كفت
وروحي عليها حيل ونت
بتج للحزن والنوح ضلت
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء الثاني والثلاثين
/channel/um_zainab_kar telgram
فزاعيه لزهراء معازات لزينب ع
اليلة ويزينب نون
عالحملت مصيوبه
................
ننصب عزانه عليها
ودمعة حزن نجريها
بيوم امها انعازيها
ياونت المهيوبه
..............
اليوم نبجي وياها
يوم الحنينه اذاها
وأم الحسن ننعاها
بدموعنه المسجوبه
..............
زينب تجر وناتها
كامت تهل دمعاتها
جاوين المعزياتها
ونن عله المنكوبه
..............
ونن عله امي بدمع
صيحن يمكسورة ضلع
احاه يكلبي المنفجع
وناري غدت منشوبه
.............
وياي وين الي تون
والابسه هدوم الحزن
كل الدموع الي جرن
عد ام حسن محسوبه
✍ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الفاطميه الجزء التاسع والعشرون
/channel/um_zainab_kar telgram
فزاعيه لزهراء ع
صدك مكسور ضلعج
يم الحسين
...........
صدك باالباب طحتي
يبويه بصوت صحتي
عله المحسن صرختي
يزهره والجنينج هلت العين
..............
عله المحسن بجيتي
وبحيدر نخيتي
وعله الباب انتجيتي
مفجوعه وصرختي يامسلمين
.............
اليومج مانسينه
ولمصابج بجينه
حزن وهموم بينه
عليج تنوح يازهره المحبين
.............
يهل بالعين دمعج
ننسه شلون ضلعج
نون كلنه عله ونج
الج ماتم حزن واحنه المعزين
.............
الج ماتم نصبنه
وعله المحسن لطمنه
يمظلومه وصرخنه
نعازي المرتضى وسيد الكونين
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء الثامن عشر
/channel/um_zainab_kar telgram
فزاعيه بدايتها نعي لزهراء ع
كون اليوم نتعنه المحمد
وبابه نصيح الله ولحد
كبر بتك علينه ضاع وابعد
نزلت الفزاعيه
مشونه اليوم نكصد كبر ابوها
نكله فاطمه وين ادفنوها
...........
مشونه انروح يم كبره ونكله
ودمع العين يم بابه نهله
ليش بلا كبر بته نسأله
علينه يامحمد ضيعوها
...........
مشونه نكعد اليله عله الاعتاب
ونكله يامحمد رد الاجواب
ليش بليل سدر داحي الباب
بلاتشيع غاليتك خذوها
..........
هاي الغاليه الوصيت بيها
ماعدها كبر ونمر عليها
نجيب اعلامنه ونروح ليها
بمواكب والبيارغ علكوها
.........
كون اليوم يم كبره ونعازيه
نصيح بصوت يازهره ونبجيه
شاف ضلوعها من ردت عليه
شكت يمه عله كوم العذبوها
........
عله بتك يامحمد حركو الدار
وضل بسمارها للموت تذكار
وماعدها كبر لليوم ينزار
عكب عيناك بتك لوعوها
.....
✍ام زينب كربلاء غير مبري الذمه من يأخذ الكلام وينسبه له اويحذف الإسم جديد من كتاب الجزء الثاني والثلاثين الخاص بالفزاعي والهوسات
/channel/um_zainab_kar telgram
فزاعيه بدايتها نعي نخوه لم البنين ع
ثكل هم العليه وجايتها
ذبيت حملي وعاتبتها
توكف وكفت الوالي ردتها
عله العالو عليه حشمتها
نزلت الفزاعيه
عالو عليه وجيت احشم بيها
وادري جف ام السبع يكضيها
..............
عليج جف عباس ردي العيله
زامطت بالما ترد دخيله
رايده ام عباس راسي تشيله
وشامر ه ضيم الزمان عليها
.............
اليوم يم بابج شمرت حمولي
واكفه وحشمت بيج بطولي
تعني يم ام السبع كالولي
هموم كلبج للكريمه احجيها
.............
وانه اجيت اليوم الج عنايه
وهلت عيوني وعكدت الرايه
ذبيت همي وصحت يالوفايه
دخيل عندج شكوتي سمعيها
............
ارداسولفلج عذابي ومحنتي
جايه البابج واهلن دمعتي
بداعت العباس سمعي شكوتي
العيله يم الاربعه رديها
............
عليج بجفوف الكفيل ويومه
لاتردين الاجت مهظومه
ليج كصدت روحي المالومه
السولفت ضيم الكلب شكيها
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء الأول مأسي ام البنين ع
/channel/um_zainab_kar telgram
فزاعيه بدايتها نعي لزهراء ع
حك الوالده يكثر بجيها
وأهل الدمع من دم عليها
امي محنه وطيب بيها
هاي المسحت دموعي بديها
نزلت الفزاعيه
امي الدللتني وسهرت اليل
شلون تعوفني بالضيم وتشيل
...........
شلون اتعوفني وتغمض العين
أمر وانشد عليها حملت وين
هاي الدللتني سنين واسنين
اوداع امي كتلني ونزل الحيل
............
نزل حيلي عليها ولكدر اكوم
ريت اندار فدو الذيج الارسوم
بعد المن اروحن واشكي الهموم
حبيبه والدمع لفراكها ايسيل
.........
شالت والدمع يجري من العيون
اكضي اليل كله شلون بشلون
اصيح بصوت من راحو يدفنون
يدفان الحبايب ريض دخيل
.........
دخيلك لاتسد باب الحنينه
هاي التعبت وسهرت علينه
اضل بضيم والفكدتج حزينه
عكب عين الحنينه دنيتي تميل
..........
عدلي ونتج وابجي عله مبجاي
وين الفاكده امها تنحب وياي
عزيزه امي عليه وطفت عيناي
الوكت عكب الزجيه بينه ايعيل
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر الماشي الفاطميه
/channel/um_zainab_kar telgram
نعي كرناوي لزهراء ع
جذب يالكال جرح كلوبنه يطيب
يضل الجرح يدي وينزف دموم
الفاكد دنيته ومدفونه بالكاع
شلون تفاركه الحسره والهموم
المضيع حنانه وكاطع الياس
الدمعه بطرف عينه ودوم مالوم
يحاجيها ويكلها عليج مشتاك
مري وخل اشوفنج ولو يوم
يعاتبها الدليل ويجذب الاه
تعاي الخاطري يالغيبتج دوم
تعاي وشوفي حالي يم الحسين
عيوني بفركتج ماضاكت النوم
.....
ابوذيه
المشت من نار فركاها حنينه
يجينه اليل وعله امنه حنينه
يطبع الوالده كلش حنينه
ومثل جلماتها مامر عليه
.....
✍ام زينب كربلاء غير مبري الذمه من يأخذ الكلام وينسبه له اويحذف الإسم
/channel/um_zainab_kar telgram
فزاعيه لزهراء ع
شويه اتريضي يالشايله بليل
خن نشبع موادع كبل الارحيل
.......
ييمه تعطلي خن احجي وياج
اريد اعاتبج واسمع حجياج
بعدني مشبعت من لذت ارباج
حبيبه اويوم فكدج نزل الحيل
.......
راح الحيل من كمتي تودعين
شديتي الضعون اوين تردين
ها يالوالده يم كلب الحنين
ودعت النعش والمدمع ايسيل
.........
من شال النعش روحي خذاها
وضل البيت خالي من ضواها
روحي بفركت الزهره اشكواها
عمتها عيونه من رادت اتشيل
.......
يمه الخاطري ردي عله الدار
لاتبطين عنهم عندج ازغار
صحنه هنا ييمه وبالكلب نار
يوم الشال بيها حامي الادخيل
.......
يمه تريضي يابعد الاعيون
واسمعي ونت اولادج يونون
ازغار وعله افراكج مايصبرون
يزهره عليج بتج صاحت الويل
✍ام زينب كربلاء غير مبري الذمه من يأخذ الكلام وينسبه له اويحذف الإسم
/channel/um_zainab_kar telgram
نعي لزهراء ع عن لسان حال زينب ع
ابوذيه
ياحزن الطحن روحي وذراها
الدهر كطع شراييني وذراها
ادور وين سد امي وذراها
كشع سد العلينه وزال فيه
..........
عليمن نذب الحمل ونميل
والوكت هدنه وركد الحيل
ضعون النحبها شالت بليل
............
شال وبعد وجه النوده
وياهو النشكي الحال عنده
ذاك الوكت كولي شيرده
............
كثر ضيمنه والمن نوديه
وضعن الحبايب مبعد عليه
ضيم العليه عدمن احجيه
............
المن يضيمج تاخذينه
بالدار ماهيه الحنينه
دهر الخذاها تعاتبينه
.............
زايد ضيمنه وكثران همنه
وينه اليودينه عله امنه
نشكي الهظم لم المحنه
............
نامت عيونج ما دريتي
صحتلج يزهره ومااجيتي
ضلت خاليه وتنحب ثنيتي
............
ضلت خليه دار الخوان
وبتج عليها الضيم كثران
وتكبعة بالهم والاحزان
............
ضلت خاليه دار النحبهم
مامات كلبي من فكدهم
اخبرج راحو الخوان كلهم
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر
/channel/um_zainab_kar telgram
فزاعيه لزهراء ع بدايتها نعي
نعي
حن الكلب وايريد ليها
وينه اليوديني عليها
مشتاك للكعده وحجيها
نزلت الفزاعيه
اريد امي عليها اليوم حنيت
ذكرت ام المحنه وحيل ونيت
اريد امي الحنينه
الكلب زايد ونينه
الحدر فيها ربينه
شالت وبجفاها مظلم البيت
...........
عليها حنت الروح
اشتاكت والمن تروح
تون مافادني النوح
يادهري عليه ماتوانيت
............
عني شالت بساع
وجهج ضمته الكاع
يازهره الصبر ضاع
ابيتج يالحنينه شلون ضليت
.............
صعب يكتل جفاها
احن واذكر رباها
اريد امشي وراها
يادهري جرح بالروح خليت
..........
جرحج بيش اداويه
وكلبي شلون اسليه
عليج الشوف لعميه
تره من النوح سليت
✍ام زينب كربلاء غير مبري الذمه من يأخذ الكلام وينسبه له اويحذف الإسم من كتاب الجزء التاسع عشر
/channel/um_zainab_kar telgram
#جديد_2023_2024
ديوان المآسي الفاطميه
👈الجزء الثالث والثلاثين
خاص للزهراء عليها السلام
لشاعرة اهل البيت ع
ام زينب كربلاء
اصدار مكتبة حسن الطريحي للطباعه والنشر والتوزيع
#النجف_الاشرف_سوق_الحويش
للطلب او الاستفسار
07832535076
07830861950واتساب
/channel/hrmrm7
#اصـدار جديد
ديوان المآسي الفاطمي
خاص بالسيدة فاطمه الزهراء
أجزء // الثاني والثلاثون
أجزء //الثالث والثلاثون
خادمة أهل البيت عليها السلام
للشـاعره الملة ام زينب كربلاء
يوجد لدينا توصيل
#للحجز والاستفسار📮📮
#مراسلةواتساب 07860850008