15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
لطميه لجواد ع عن لسان حال الزهراء ع
على مصاب الجواد يهلن عيوني
جن اسمع الزهره تصيح عازوني
.............
عازوني بدمع وبنوح وبعبره
يشيعه بالجواد انفجعت الزهره
مكسوره عليه ام الحسن كسره
تنادي بهالمصاب اليوم فجعوني
............
فجعوني بمصابه والجمو ضلعي
عله المسموم ياشيعه يهل دمعي
اريد ابجي الشبابه وبالحزن انعي
عزه نصبو المصابه يالتحبوني
...........
ذكرو مصيبته وابجو عله حواله
يلوج الوحده وممرود دلاله
ماواحد كعد بالموت تجاله
يصيح ابلاذنب يازهره سموني
...........
سمو جبدتي وعيوني مجريه
يبس كلبي واريدن شربة اميه
ماكو احباب يمي والألم بيه
ظلموني العده يازهره ظلموني
...........
صحت يوم الجواد وفجعته وحاله
اسمعه من يلوج وعينه هماله
اذكرت جبد الحسين وجمر دلاله
ذاك الصاح ياهل الناس ارحموني
✍️ام زينب كربلاء غير مبرئ الذمه من يأخذ الكلام وينسبه له او يحذف الاسم والرابط
/channel/um_zainab_kar
لطميه وصية الحسين لام البنين بفاطمه العليله ع
شكال حسين من حمل بالاضعون
وصه ام البنين وتجري العيون
............
رد ليها ونده يم المحنه
ظلت فاطمه تبجي بنزلنه
تون وذوبت بالون كلبنه
من صاحت يابويه لاتبعدون
..........
لوصار العصر عينج عليها
أمسحي دموعها وسكتي بجيها
تراهي ناحله ولاحيل بيها
مريضه وشافت اخوتها يحملون
..........
اذا يمج شكت من نار الفراك
وتكلج لبوي الكلب مشتاك
حنيت عله شوفه والنفس ضاك
عزيز حسين كولي بفركته شلون
.............
يم عباس اذا طول غيابي
وعليه فاطمه ودت عتابي
انه بعيد وماتسمع جوابي
تضل مناطره طروش اليمرون
............
يكلها لو صل علمي ولفاها
وسمعت موتنه وكطعت رجاها
مسحي دموعها وسكتي بجاها
تضل بتكم امانه ولاتحسبون
.✍ام زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar
لطميه لم البنين عندما رحل ضعن الحسين ع
يالكاعده عله الباب تبجين
احبابج مشو والمن تتانين
ياعين عله الحملو تعمين
سهري اليالي ولاتنامين
نزلت الفزاعيه
عيوني عالمشو ماغمضت ليله
واعزاز الكلب شالو فرد شيله
.........
يوميه امر بالدار يوميه
اروح البابهم واشبع مهظميه
اصد عالنزل توحش مبانيه
ماواحد بكه وبضيم نشكيله
.........
ولج يادار حاجيني عله حبابي
رديلي الجواب وهودي صوابي
هم ترد عليه ضعون غيابي
وترد ذيج النشامه الراده العيله
........
ييمه هموم كلبي عدمن احجيها
ثكلانه الاحمول اوين اوديها
امر بدار وانشدها عله اهاليها
ودم دموع عيني كامت تسيله
........
الدار اخلافهم وحشه وتبجيني
ومن يوم ارحلو ماغمضت عيني
وره اضعون المشت ياهو اليوديني
وروحي بيوم شالو ضلت نحيله
.........
نحيله والدمع مانشف بعيوني
خلوني اون بالدار خلوني
هواي عتاب عندي يالنسيتوني
حمل امكم ثكل جاياهو اليشيله
.........
ثكلان الحمل وايريد شياله
وعلى ادياركم ردو يعياله
ودعت الضعن والعين هماله
كتلني حسين من حمل مداليله
.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس الماسي الفاطميه
/channel/um_zainab_kar telgra
#بطــــــاقة_تهنـــئــــــة
نرفع أسمى آيات التهاني والتبريكات لمقام مولانا صاحب الزمان (عج) ولمراجعنا العظام , وجميع شيعة أهل البيت عليهم السلام .. بمناسبة #ميلاد_السيدة_فاطمة_المعصومة سلام الله عليها ..
أسعد الله أيامكم بالخيرات والمسرات🌷🌷
#إشـــــــراقــة_حــزينــــــــــة
⚫️شهادة الإمام جعفر الصادق عليه السلام:
🕯إنّ مولانا الإمام جعفر بن محمّد الصادق عليه السلام: إشراقةٌ بلا غروب وشمسٌ دوّامة السطوع وصبحٌ لا يدركه الاُفول.
📚شوامخُ علم تتفاعلُ في عقول العارفين لتتفجّر براكينَ ثقافةٍ على شتّى المحاور والحقول.
⚡️قطبُ الرحى ومعلّم الإنسانيّة.
⚡️منهلُ الشرعة المحمّديّة السرمديّة.
⚡️نورُ العصمة وربّان المسيرة الإلهيّة.
🏴أعظم المولى تبارك وتعالى اُجورَنا واُجورَكم في الخامس والعشرين من شوّال المكرّم ، يوم استشهاد الإمام الهمام أبي عبدالله الصادق عليه السلام.
فزاعيه لصادق ع
علوم الدين هذا اليوم حزنانه
وطلاب العلم تصرخ ابيبانه
...........
اجت عالباب وتهل الدمع عبره
وسفه تشيل ها ياسادس العتره
شمروها العمايم والدمع يجره
يبوالكاظم مصابك حيل اذانه
...........
اذانه مصابك يبن حاميها
والحوزات تنشد وين راعيها
شايل سورها ونور المضويها
وسفه تشيل عن دارك يمولانه
..........
حزينه اهل العلم واليوم منكوبه
بفراكك يوالي صواب مصيوبه
بجو والنار بدلال منشوبه
صاحو ياذنب سموه عدوانه
. ........
سمو جبدته مدري شيطلبونه
هذا ابن النبي وجن مايعرفونه
يلوج من السموم وتجري عيونه
ياشيعة تنصبو ماتم احزانه
..........
نصبو ماتمه ولطمو عله الهامه
شيعو ابن الزجيه وشيلو العمامه
ذكرو حسين جده وفجعة ايتامه
لاتنسون يومه وذبح رضعانه
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
قصيده مختصره تنقره ليلة الجمعه بعده دعاء الندبة ونسألكم الدعاء
اليلة جمعه ونقره ندبة اليلة
اليلة جمعه ونقره ندبة اليلة
اتوسل البارينه/ ايعجل المهدينه
ندعي للمهدي الفرج تعجيلة
..............
يله ياشيعة علي بصرخاتنه
بالخشوع اتوجهو ودمعاتنه
لبوصالح خنبث دعواتنه
ونندعي للمهدي ابأهاتنه
بالحسين وغربته / عجلنه طلعته
نريد من هذا الزمن نشكيله
ندعي للمهدي الفرج تعجيله
............
اليلة خن ارفع ادينه بدعاء
كلنه نتوجه الى رب السماء
ياالاهي بجاه غربة كربلاء
نقسم بحق التغسل بالدماء
لاتخيب اضنونه/خل تكر عيونه
سيدي بدمعت حزن ندعيله
ندعي للمهدي الفرج تعجيله
.........
بينه حسره وبالكلب نخفيها
انعبر بدمعاتنه النجريها
ماعرفنه الياوكته تاليها
نريد مهدينه يجي ونحجيها
نشتكي احزانه / لونشوف أمامنه
والدمع يبن الزجيه انسيله
ندعي للمهدي الفرج تعجيله
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
لطميه لهدم القبور عن لسان حال الزهراء ع
شنهي عذرك من محمد يالهدمت كبورهم
ذوله اهله الوصى بيهم وجان هوه ايزورهم
.................
شنهي عذره الهدماهم من تصير المحكمه
ويطلع بيوم القيامه موكب امهم فاطمه
تصيح ياكبر ابومحمد ياهو ياهو الهدمه
تسولف الربها بدمعها وتشكي كوم الضالمه
يالاهي وين حكي اولدي وين حكوكهم
..............
تبجي والدمعه عالخدها والكلب دامي وحزين
تخاطب الباري بدمعها وتشكي الالام السنين
تدعي عالهدم كبرهم بحسره وتعلي الونين
وين كبر الحسن كلهم وين كبر الزهره وين
مكبرتهم وحشه صارت مثل وحشة دورهم
..............
باجر بيوم القيامه تلتم الناس بجمعها
والرسول هناك يوكف وأم حسن يهمل دمعها
ساعه تبجي عله ظلمهم ساعه تتذكر ضلعها
ياجف الهدم كبرهم هوه نفسه الي دفعها
هوه هوه الي ضلمني والي حز نحورهم
.................
اه ياضلم الجرالي من بعد عينه الرسول
والحقد والعاده ولدي وكفته باجر تتطول
شلون عذره من محمد الحارب اولاد البتول
من ينشده السايه شنهي بله ياناس شيكول
ذكرو ياشيعه المصيبه وبالادموع ابجولهم
.............
صيحو ياهدم الكبور ويامصيبه الي جرت
من شفت هد المناره الحسره بيه تكسرت
حشمت وين ابوصالح والدموع اتناثرت
صحت راعي الثار وينه يطفي نيراني السرت
يبني كبر الحسن بيده ويهد بيده قصورهم
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/um_zainab_kar telgram
نعي ليالي العيد
ياعيد لاتجهب نزلنه
محزنين عالشالو بعدنه
وبدارهم ماهمه اهلنه
...................
شلون عيده الشالو اهله
بس المناحه عليه تحله
وعيدك مبارك لا تكله
...................
الفاكد عزيز شلون عيده
محتام ملكه اهله يريده
مشو وايام ملاكهم بعيده
..................
شيعودهم صارو بعيدين
واحنه عالفراكهم محزنين
حسره الشوفهم والدمع بالعين
.................
ليمت يرد الوكت بيهم
عزاز ونريد انروح ليهم
ندك بابهم وانطب عليهم
................
ياناس جان العيد محلاه
ويه الحنين وذاك ملكاه
فاركنه الفرح من فاركيناه
.................
الفاكد احباب يلوكله النوح
شيطيب دليله بجرح مجروح
والبيه جرح للمكبره يروح
................
يروح ويكلهم حيل مشتاك
عنيتو علينه والكلب طاك
ردونه وكافي من الفراك
.................
الفاكد يون وينوح خليه
تره العيد من يجبل يبجيه
يذكره بهله يوم اليمر بيه
...............
✍أم زينب كربلاء غير مبري الذمه من ياخذ الكلام وينسبه له اويحذف الإسم
/channel/um_zainab_kar telgram
مربوعه اوفزاعيه للعيد عن لسان حال زينب ع
شال العيد وياكم يهالينه
وين العيد عكب اهلج تعيدينه
..............
يالمالج اهل والدار خليانه
وبيت البيه محنه غلك بيبانه
شلج بالعيد والديران حزنانه
طور اهلج مشه وجاوين تلكينه
............
بعد راحت هذيج ايامنه الحلوه
يزينب حس هلج بدار ماهوه
حزينه وبفكدهم كلبج اتجوه
بعد ذاك الوكت ماضن تعيدينه
..........
هيهات الزمان يعود بحبابي
بعد ويه المشو ماينفع عتابي
ولك ياعيد لاتوكف عله بابي
جرح افراكهم بروح جاوينه
.........
المفارك اهل وبعيد ملكاهم
شيردهم بعد واعيد وياهم
حك الفاكد الاحباب ينعاهم
يذكر عشرة اهله ويذكر سنينه
..........
والفاكد اهل خل تبجي عيونه
شلون النايم بكبره يعيدونه
يزينب واليحبج خابت ضنونه
يرد عليج حيدر لاتنطرينه
.........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الخامس والثلاثين
/channel/um_zainab_kar telgram
:
نزله ليلة الوفاة للامام علي ع
امودع الله ياعلي
........
اتصيح وتون الحزينه
ويه ابونه اتوادعينه
وين شايل ياولينه
تصيح والدمع ايهلي
..............
بويه ياحامي الحميه
ياوداع الماله جيه
ضلت ديارك خليه
خلص كلبي يا ولي
...........
ياعلي اوداعك عماني
ويوم فكدك نخلاني
اه يمصاب الفاني
شلون صبري ياهلي
..........
شلون صبري اودعيته
غالي ابوي وفاركيته
وين يبن امي خذيته
ريت هالموته الي
...........
اليوم خنصرخ وياها
يوم ابو الحمله عماها
فاكده عزها وحماها
تصيح بدنيه شلي
..........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الخامس والثلاثين
/channel/um_zainab_kar telgram
لطميه للامام علي ع
شفت النعش بعيوني من صحت ماتانوني
اصرخ واصيح بعبرتي ويالحنين خذوني
..............
خذوني ويه جنازته ارد ارفك الدفانه
واصرخ يبويه ياعلي لو هالو بتربانه
اكعد براضه وانتحب لو سددو بيبانه
راسي احطه عله الكبر اه يخوتي خلوني
.............
اكعد اشمن ريحته وعالراس اهيل ترابه
جاوين اشوفنه بعد والكبر سدو بابه
صاحت يبويه ياعلي ونار الكلب لهابه
مابيه حيل الفركتك يابوالحسن يدروني
.............
يدرون بيه معلمه عليه تمر يوميه
واتمر عله بابي بعد لو هاي الفراكيه
اسمع الصايح ياعلي ورد الجواب عليه
عتابي وياكم حله يالبالهظم عفتوني
............
ياريتها العين انعمت يوم المشه بتابوته
اصرخ يشيال النعش كلبي كطعت بتوته
انده يخواني علي هم يرد واسمع صوته
يادهرضيعت الولي ومنه كطعت ظنوني
...........
جاوينها العدها دمع ويالعقيله تسيله
غاطيها الهم والحزن ومضيعه ابوها اليله
نعازيها بمصاب الولي ماهي عليه نحيله
وتصيح ياشعية علي بفكد الابو واسوني
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه السابع والثلاثين
/channel/um_zainab_kar telgram
لطميه ليلة الجرح عن لسان الإمام الحسين عليه السلام
كومي يزينب كومي جابو علي مصوبينه
وحسين صاح ام الحزن بالمعصب تلكينه
يومي عليج بايده/ شدي الصواب بهيده
جابو علي مصوبينه
...............
صاحو بصوت الفاجعه يم الحزن كوميله
نلتم عله الوالي سوه وخل نكعد اتنجيله
ياخويه صعبه حالته وراكد يزينب حيله
كلينه شلون الصبر ويلوج ابونه اليله
طبرت ولينه مجيده / شدي الصواب بهيده
جابو علي مصوبينه
............
كومي يخويه بمعصبج والهامته شديها
تكوي يزينب عالصبر بالعين لوشفتيها
ودمومه عالخد سايله وبيمنتج مسحيها
ادريج حيل مدوهنه وروحج بعد مابيها
يومي عليج بايده / شدي الصواب بهيده
جابو علي مصوبينه
.........
يومي عليج بيمنته ومابيه يجر وناته
من سمع حيدر ونتج ون وجرن دمعاته
بهداي حاجاني علي وجن اعرفت جلماته
يحسين صبرام الخدر وجر الابو بحسراته
يمرها الهظم ماريده/ شدي الصواب بهيده
جابو علي مصوبينه
.........
طلعت بهومه ونادبه ياريت عميه عيوني
يناس دلالي انكطع يوم اخوتي صاحوني
يحنان سوولي درب واصرخ وادك خلوني
اصرخ دخيلك ياعلي لا لا تخيب ضنوني
عتاب الحنين تزيده / شدي الصواب بهيده
جابو علي مصوبينه
..........
هاليلة هلي دمعتج ونصبي العزه وياها
مفجوعه بمصاب الولي ودهر الغدر صاباها
شلون حيدر شافته وصدت عليه عيناها
وياها صيحن ياعلي زينب كثر مبجاها
جن مايكمل عيده / شدي الصواب بهيده
جابو علي مصوبينه
*
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الرابع والثلاثين
/channel/um_zainab_kar telgram
نعي ليلة استشهاد أمير المؤمنين عليه السلام
من ودع علي ماضل وراحل
يضيم الرووح عيوني وراحل
يوم الشال ابوي بليل وارحل
اصيحن ياعلي ولارد عليه
...........
شال النعش بالعين شفته
لاخفيت جدمي ولالحكته
والجناز ماريض البته
.........
يجنازهم ريض بممشاك
يالماشي بعزازي انترجاك
يدفان عندي عتاب وياك
........
اسمع عتب كلبي يدفان
والخاطري ريض بالاحنان
حيلي بفكد ابوي خلصان
.........
بويه علي اسمع نحبتي
وكول التصيح بصوت بتي
وكلي بهالشيله انهظمتي
........
كلبي انكسر والهظم لاحه
فاكد علي وزايد نياحه
عكبك بعد ماشفت راحه
........
اليوم دم العين اهلها
اواليوم روحي بأن ذلها
تشبع هظايم عكب اهلها
........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه السابع والثلاثين
/channel/um_zainab_kar telgram
نعي للامام علي ع عن لسان زينب ع
كلبي لاتظن يركد ويامن
بناتك ودعن نعشك ويامن ويومن
بويه عيدنه انعيده ويامن
واديار الابو وحشه وخليه
راعي العيد ماهوه بمجانه
والبيت خالي من حنانه
ياعيد وانته مو ويانه
ياعيد هذا الي نعيده
وابوي باب الكبر سده
نعيد شلون ومعيد بلحده
بويه علي لوصبح العيد
روحي تحن لحبابها اتريد
تريدهم واحبابها بعيد
تريدهم وتحن عليهم
تتمنه عدلين واتجيهم
تدك بابهم وتروح ليهم
زماني بالاحبهم بعد مارد
وانه كلبي عله الونه تعود
من كثر حسراته تمرد
...............
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
لطميه زينب ع تنادي امها الزهراء ع
خل تلحك عليه/ وين أمي الزجيه
وبونت المذبوح نتكابل سويه
................
ييمه تعاي ليه وشوفي حالي
غريبه وصوبت كلبي اليالي
باد الحيل من ونت الوالي
ضلت عالثره جثت الغالي
بأرض الغاضريه / وين أمي الزجيه
...............
الحكيني صحت يم المحنه
نشد جرح الولي ونعدل الونه
بلكي حسين يكعد لوسمعنه
وننشده ياجروح اليوجعنه
ويدير العين ليه / وين أمي الزجيه
................
اسولفله الهظم وانوب انشده
ياجرح المضهدك خل اشده
ندير عله الولي يمه اونجعده
واشكي هضمتي والضيم عنده
واكله شلون بيه / وين أمي الزجيه
..............
نتكابل سوه والنوح نوبات
ندك عالراس ونشد الصوبات
عد راس الولي نجذب الونات
وكليلي ييمه الكلب مامات
عفيه ونفس بيه / وين أمي الزجيه
............
بعد عندي طلب يمي الحنينه
امشي وياي للكطعو يمينه
نضمد هامته ونمسح جبينه
نبجي الخوته ونعدل ونينه
وانواسي الوفيه / وين أمي الزجيه
✍️ام زينب كربلاء غير مبرئ الذمه من يأخذ الكلام وينسبه له او يحذف الاسم والرابط
القصيده من كتاب المآسي الفاطميه الجزء السادس والعشرون
/channel/um_zainab_kar
✨
*• لذلك سمي الرّضَا ؟!💚*
روي عن أحمد بن محمّد بن أبي نصر البزنطيّ، قال: قلت للإمام الجواد عليه السلام: إنّ قوماً من مخالفيكم يزعمون أباك إنّما سمّاه المأمون الرضا لما رضيه لولاية عهده؟
فقال الإمام الجواد عليه السلام: كَذَبُوا وَاَللَّهِ وَفَجَرُوا، بَلِ اَللَّهُ تَبَارَكَ وَتَعَالَى سَمَّاهُ اَلرِّضَا؛ لِأَنَّهُ كَانَ رِضًى لِلَّهِ عَزَّ وَجَلَّ فِي سَمَائِهِ وَرِضًى لِرَسُولِهِ وَاَلْأَئِمَّةِ مِنْ بَعْدِهِ صَلَوَاتُ اَللَّهِ عَلَيْهِمْ فِي أَرْضِهِ.
قال الراوي: فقلت له: ألم يكن كلّ واحد من آبائك الماضين عليهم السلام رضًى لله تعالى ولرسوله والأئمّة عليهم السلام؟
فقال الإمام: بَلَى
فقال الراوي: فقلت: فلم سُِمّيَ أبوك من بينهم الرضا؟
فقال الإمام: لِأَنَّهُ رَضِيَ بِهِ اَلْمُخَالِفُونَ مِنْ أَعْدَائِهِ، كَمَا رَضِيَ بِهِ اَلْمُوَافِقُونَ مِنْ أَوْلِيَائِهِ، وَلَمْ يَكُنْ ذَلِكَ لِأَحَدٍ مِنْ آبَائِهِ عَلَيْهِمُ السَّلاَمُ، فَلِذَلِكَ سُمِّيَ مِنْ بَيْنِهِمْ اَلرِّضَا عَلَيْهِ السَّلاَمُ.
- 📚 عيون أخبار الرضا: ج١، ص١٣، علل الشرائع: ج١، ص٢٣٦.
لطميه عتاب للعباس ع عن لسان حال زينب ع
بيني وبينك عتاب
يالغفيت اعله التراب
يبو فاضل يبو فاضل
..........
شلون نامت عينك وتنسى وعودك
خويه لا رديت الي ولا رجع جودك
ليه يالكافل زماني هم يعودك
وارد مهيوبه يبوالغيره بوجودك
الخاطري رد الجواب
يالغفيت عله التراب
يبو فاضل يبو فاضل
................
رد جوابك يابعد عيني ونظرها
تدري روحي عليك مايوجد صبرها
ياذخر زينب وياهيبت خدرها
وياك تبدي اعتاب كل هضمه التمرها
عكبك اشافت عذاب
يالغفيت عله الترب
...........
تعاتبك واعتابها وياك يحله
خويه كوم الخاطري والنوم خله
يالكلت حبل الاخوه ما افله
ياعزيزي النوم عوفه او مومحله
روحي عذبها المصاب
يالغفيت عله التراب
يبوفاضل يبوفاضل
.........
والمصاب البيه روحي عذباها
ترضه جتالك عله الناكه خذاها
غير تنفض لثره وتفزع وراها
والشمر عكبك يكافل ركباها
زمخ بيه وما يهاب
يالغفيت عله التراب
يبوفاضل يبوفاضل
...........
بيني وبينك عتب حد المنيه
وياك اعاتب من يهيج الجرح بيه
من خذوني مجتفه عله العلكميه
وانته غافي عالنهر يابو الحميه
رحت وبكلبي الصواب
يالغفيت عله التراب
يبوفاضل يبوفاضل
........
✍الشاعره ام زينب كربلاء غير مبري الذمه من ياخذ الكلام وينسبه له او يحذف الاسم القصيده من كتاب المآسي الفاطميه الجزء الثالث عشر
🔮✨زيارة الإمام جعفر الصادق عليه السلام:
✋السَّلامُ عَلَيْكَ أَيُّهَا الإِمَامُ الصَّادِقُ . السَّلامُ عَلَيْكَ أَيُّهَا الوَصِيُّ النَّاطِقُ . السَّلامُ عَلَيْكَ أَيُّهَا الفَاتِقُ الرَّاتِقُ . السَّلامُ عَلَيْكَ أَيُّهَا السَّنَامُ الأَعْظَمُ . السَّلامُ عَلَيْكَ أَيُّهَا الصِّرَاطُ الأَقْوَمُ . السَّلامُ عَلَيْكَ يَا مِفْتَاحَ الخَيْرَاتِ . السَّلامُ عَلَيْكَ يَا مَعْدِنَ البَرَكَاتِ السَّلامُ عَلَيْكَ يَا صَاحِبَ الحُجَجِ وَالدَّلالاتِ . السَّلامُ عَلَيْكَ يَا صَاحِبَ البَرَاهِينِ الوَاضِحَاتِ . السَّلامُ عَلَيْكَ يَا نَاصِرَ دِينِ اللَّهِ . السَّلامُ عَلَيْكَ يَا نَاشِرَ حُكْمِ اللَّهِ . السَّلامُ عَلَيْكَ يَا فَاصِلَ الخِطَابَاتِ . السَّلامُ عَلَيْكَ يَا كَاشِفَ الكُرُبَاتِ .
السَّلامُ عَلَيْكَ يَا عَمِيدَ الصَّادِقِينَ . السَّلامُ عَلَيْكَ يَا لِسَانَ النَّاطِقِينَ السَّلامُ عَلَيْكَ يَا خَلَفَ الخَائِفِينَ . السَّلامُ عَلَيْكَ يَا زَعِيمَ الصَّالِحِينَ . السَّلامُ عَلَيْكَ يَا سَيِّدَ المُسْلِمِينَ . السَّلامُ عَلَيْكَ يَا كَهْفَ المُؤْمِنِينَ . السَّلامُ عَلَيْكَ يَا هَادِيَ المُضِلِّينَ . السَّلامُ عَلَيْكَ يَا سَكَنَ الطَّائِعِينَ . أَشْهَدُ يَا مَوْلايَ أَنَّكَ عَلَمُ الهُدَى ، وَالعُرْوَةُ الوُثْقَى ، وَشَمْسُ الضُّحَى ، وَبَحْرُ النَّدَى ، وَكَهْفُ الوَرَى ، وَالمَثَلُ الأَعْلَى ، وَصَلَّى اللَّهُ عَلَى رُوحِكَ وَبَدَنِكَ . وَالسَّلامُ عَلَيْكَ وَعَلَى العَبَّاسِ عَمِّ رَسُولِ اللَّهِ صَلَّى اللَّهُ عَلَيْهِ وَآلِهِ وَرَحْمَةُ اللَّهِ وَبَرَكَاتُه..
....................
#صـــادق_أهـــل_إلبيـت (ع)
⁉️من هو الإمام جعفر الصادق (عليه السلام) ؟
📚فيما يلي نذكر بعض المعلومات الخاطفة حول الإمام جعفر الصادق (عليه السَّلام):
◾️إسمه ونسبه: جعفر بن محمد بن علي بن الحسين بن علي بن أبي طالب (عليهم السَّلام).
◾️أشهر ألقابه: الصادق ، البار ، الامين.
◾️كنيته: أبو عبد الله.
◾️أبوه: الإمام محمد الباقر (عليه السَّلام).
◾️أمه: فاطمة ـ المكناة بأم فروة ـ بنت القاسم بن محمد بن أبي بكر.
◾️ولادته: عند طلوع الفجر من يوم الاثنين أو الجمعة (17) شهر ربيع الأول ، أو قبل شهر رجب سنة (83) هجرية.
◾️محل ولادته: المدينة المنورة.
◾️مدة عمره: (65) سنة.
◾️مدة إمامته: (34) سنة ، أي من (7) ذي الحجة سنة (114) وحتى (148).
◾️شهادته: مضى شهيداً في شهر شوال سنة: 148 هجرية.
◾️نقش خاتمه: اللهم أنت ثقتي ، الله خالق كل شيء.
◾️زوجاته: من زوجاته: حميدة البربرية أو المغربية بنت صاعد ، أم ولد وتلقّب بـ " المصفاة ".
◾️سبب شهادته: السم من قبل المنصور الدوانيقي ، في أيام خلافة المنصور.
◾️مدفنه: جنة البقيع / المدينة المنورة.
🔮✨الصّلاة على الإمام جعفر بن محمّد الصادق (عليه السَّلام) :
🙏اَللّـهُمَّ صَلِّ عَلى جَعْفَرِ بْنِ مُحَمَّد الصّادِقِ ، خازِنِ الْعِلْمِ ، الدّاعي اِلَيْكَ بِالْحَقِّ ، النُّورِ الْمُبينِ ، اَللّـهُمَّ وَكَما جَعَلْتَهُ مَعْدِنَ كَلامِكَ وَوَحْيِكَ وَخازِنَ عِلْمِكَ وَلِسانَ تَوْحيدِكَ ، وَوَلِيَّ اَمْرِكَ وَمُسْتَحْفِظَ دينِكَ ، فَصَلِّ عَلَيْهِ اَفْضَلَ ما صَلَّيْتَ عَلى اَحَد مِنْ اَصْفِيائِكَ وَحُجَجِكَ اِنَّكَ حَميدٌ مَجيدٌ.
📚بحار الأنوار (الجامعة لدرر أخبار الأئمة الأطهار (عليهم السلام):91 / 76
..................
تابع قناة مكتبة ابو محمد ناصرية في واتساب: https://whatsapp.com/channel/0029Vb6A6ihAzNc1GqvN7F2I
Читать полностью…
نعي لهدم القبور الائمه ع
نار البقيع وهدم الاكبور
مثل الجمر وكلوبنه تفور
شيعوده وكتنه ونرجع انزور
.............
بصحن الحسن نقره الزياره
ونكعد تحت في المناره
نبث شوكنه بدمع التجاره
..............
ليمت يدك الباب ضيفه
ونوكف عله عتبة مضيفه
نكصد عله الخطار كيفه
..............
الذبه الزمان وكصت دنياه
والعوز هده ونحل اعضاه
يمشي لبومحمد وينخاه
..............
كلب اليحبكم خلص صبره
غير اليروح ايريد حضره
يدك بابهم والدمع يجره
...............
نكله يبوصالح ليا حد
ليمت اكبور اهلك تجدد
ويكصد عليها الراح والرد
.............
بالكلب مايبرد جمركم
وندعي عله الهدم كبركم
اناطر يرد يايوم حكم
..............
تمنيت لسجاد كبه
والدمع يم بابه نصبه
ونبجي عله المكسور كلبه
..............
جاكون للباقر ضريحين
لصادق تهل لودارت العين
نسلم ونرجع لم البنين
................
ازورهم واكصد عليها
واخذ بيرغ العباس ليها
هاي المافتر ساعه بجيها
................
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي للعيد عن لسان حال زينب ع
ترجيت الوكت يرجع ولاعاد
بعد لا احسب ايامه ولاعاد
ولاكعده التسر كلبي ولاعاد
يمرني وتلتم احزاني عليه
...........
العيد لو مر عله بابي
اذكر اهلي وكعدت احبابي
اويه الدهر يكثر عتابي
...........
العيد لومرني واجاني
اذكر هلي وتكثر احزاني
وين الاحبهم يازماني
...........
غير اليعيد بين احباب
والعيد يحله بدكت الباب
ونلتم سوه وترجع الغياب
...........
ياعيد لومريت بيهم
اخذ السلام وروح ليهم
كلهم عمه عيوني بجيهم
...........
يرتاح كلبي لاتحسبون
لاهيه روحي من اليعيدون
الغياب اهلها عيدها شلون
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
نعي للامام علي ع
اليلة علي حمل ضعونه
اليله عافني وغمض عيونه
اليلة الكلب ياحيدر شلونه
.............
البويه كضت وايست منه
شلون العزيز اوادعنه
وكلبي يحيدر خاب ضنه
..........
اليله المناحه تلوك إليه
وشيلت علي تصعب عليه
فلت البويه وهاي هيه
..........
ليلة فراك شلون ليله
ونصيح ضعنك لاتشيله
بتك عله فركاك نحيله
..........
ريضولي شويه يالتحلمون
يحنان بضعنكم وين تردون
تشيلون حيلي من تشيلون
...........
اليلة ام الحزن ياهم غطاها
اوفراك حيدر هد ماها
بجه الكون صايحها وبجاها
...........
زينب قسه وياها دهرها
و مفاركه عزها او ذخرها
اليله شلون ياحيدر صبرها
..........
اليلة تصيح بدمع همال
اوداعك يداحي الباب جتال
هدني الابو من حمل وشال
...........
زينب عله الون ساعدوها
ثكل نوحها بفراك ابوها
يصعب اوداع الفاركوها
يم عون تبجيلج عيوني
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
........
فزاعيه بدايتها نعي للامام علي ع
تعازي للعلويات
يالمضيعات حيدر حيل ونن
عكب عين الابو بيمن تزمطن
شال ومن بعد عينه تذلن
نزلت الفزاعيه
يعلويات وين ازماطجن شال
بعد ياهو التندهنه عله العال
(العياله / ايعور يوم)
............
ذاك السوه بالملعب عجايب
يحيد وتشهد بزوده الحرايب
وسفه اينام واتضمه الترايب
(ونيله / الشال ازماطج)
............
ونن والونين الحيد يسواه
يمخوف الزلم من يمر طرواه
شلون الموت كربله وتدناه
(من خياله / ايخاف الموت )
...........
يالشال السبع بيمن تزمطين
مثل حيدر يزينب وين تلكين
اليوم انشال عودج وشتكولين
(تفكدينه / شلون المثله)
............
يازينب هلج لنوح يسوون
ذوله البالحرايب مايثنون
عياله وعليهم يشهد الكون
(عن ذوله / الملعب يشهد)
..........
شال ازماطجن دكن عله الهام
شيال الكلافه غمض ونام
بيجن ينغدر وتخون الايام
(تحشمينه / بيوم الضيج)
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الخامس والثلاثين
/channel/um_zainab_kar telgram
فزاعيه لشجاعة الإمام علي ع
شنهي الموت حس اهلج يخوفونه
علي لوله المكدر مايكربونه
............
هز الكون صيت اهلج يعلويه
كل واحد يشيل الراس طاريه
وعودج بالخلك مشهود ماضيه
(ايام العودج مشهوده)
.........
يسوون العزه ولراس شياله
ابوج الحيد ومرجف الخياله
يابت السبع واهلج العياله
(الموت ملاكه ايلاكونه)
.........
يهاب الموت منهم مايهابونه
ابوج اليشهد الميدان بفنونه
ذو الفقار سيفه ومايكدرونه
(اركاب الشمخت لاواها)
........
احجي بزود عن البيه الكفايه
يكنوز العلم ومفسر الايه
علي وعليه مانامت النعايه
(المثله شلون تعوضينه)
............
لاكن هذا المكدر يمهظومه
بالمحراب حيدر سالت دمومه
غالي يالابو وماينحمل يومه
( الشايل منج وني عليه )
✍أم زينب كربلاء غير مبري الذمه من ياخذ الكلام وينسبه له اويحذف الإسم من كتاب المآسي الفاطميه الجزء واحد وعشرين
/channel/um_zainab_kar telgram
نعي للامام علي ع عن لسان زينب ع
الكعده وياك روحي ماتملها
متت وعليك نصبت ماتملها
يبويه اليوم بتك مات املها
ولاترجه بعد لدار جيه
............
الدار لو ما بيها الاحباب
نجيها والدمع يهمل عله الباب
ونحاجي الدار ماردو الغياب
...............
تكلي الدار شالو مايجونج
ماتنفع بعد دمعت عيونج
البويه ماتجي وجلمة شلونج
..............
نشدت دارهم والعين سالت
شالو هلج يادار كالت
وجلمة البويه وين شالت
............
من الحنين الياس كطعيه
والدهر شله وياج نشديه
جرحج بعد ماينفع دوه بيه
.............
جرح الكلب ماضنه ايتداوه
جرحج ويجرح حيدر تساوه
وياج الدهر يازينب تلاوه
✍أم زينب كربلاء غير مبري الذمه من ياخذ الكلام وينسبه له او يحذف الاسم
/channel/um_zainab_kar telgram
فزاعيه بدايتها نعي للامام علي ع
يالمضيعه علي عليه شتكولين
عزيز اونته مومثل الاونين
والفكدت ابو مومثل ابوحسين
نزلت الفزاعيه
لبوج اليوم ياون التونينه
بعد ذاك المزامط وين تلكينه
(والهيبه / مضيعه ازماطج )
...........
عنج شال حيدر اه يمحزونه
يوليج الهظم لونامت عيونه
شلونج يوم شال وحمل ضعونه
(شكتيله / بيوم الشال )
...........
كتيله يبويه تريض شويه
خلافك من يرد العالو عليه
يمزامط بناتك هم الك جيه
(زامطناه / العايل بيكم)
..........
كليلي عليه شلون ونيتي
جم حزام عالمهيوب شديتي
نياشين الطم بالصدر خليتي
(موغيره / الشايل حيدر )
..........
ابوج البالخلك ماصحت امثاله
يخلاس الزلم وزماط عياله
زينب هذا ابوج الشامخه بجاله
(تابوته / اليوم مغرب)
.........
شكلتي من طلع للكبر تابوته
غالي حيل ابوج وهدمج موته
ذاك اليرهب العدوان من صوته
( العياله / احا من يوم )
..........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الثاني عشر
/channel/um_zainab_kar telgram
فزاعيه بدايتها نعي المعالجه
حيدر راح حيله يابعد حيلي
يكل لحسين بويه اكعد وتجيلي
يحل يوم الموادع لوخلص ليلي
نزلت الفزاعيه
مايكدر يون وحسين تجاله
ناوي عالرحيل وجمع عياله
.............
بهيد ويجذب انفاسه
مال من الوجع راسه
وصاح بصوت عباسه
صد عله العقيله بعين هماله
............
كلهم يابعد لوني
اوداع الموت ودعوني
بويه اليلة واسمعوني
كرب يوم الاجل وترادت الحاله
...........
نده عباس المجنه
ويريد العهد منه
كض ايده ويجر ونه
اتزامط بيك لوعالت العياله
...........
الزينب دارت عيونه
وصاح الها يمحزونه
حسينج من يغدرونه
تسحك عالصدر حافر الخياله
........
صاحو لا ياوالينه
لا تمشي وتخلينه
فراكك يصعب علينه
ويميل الحمل لوغاب شايله
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الخامس والثلاثين
/channel/um_zainab_kar telgram