15778
هذه القناة مختصة بنشر شعر الشاعرة الموجة لآل بيت النبوة عليهم السلام 💎 ______ من لم يحفظ معلومات القصيده ______ ______ غير برئ الذمة امام الله تعالى ________ http://telegram.me/um_zainab_kar
فزاعيه او نزله للانصار ع
الحومه اليوم صارت ضغبره شبيها
أنصار حسين كالو هدو عليها
............
شبيها اليوم ياهالناس مرجونه
اليوم الحر نزلها ولعبت فنونه
والميدان لون احمر كلب لونه
زعلانه العقيله وراد يرضيها
..........
طب ليها الرياحي وصاح هذا انه
ذب حتى العمامه ونزل ميدانه
وصاح الروح دوم حسين رخصانه
هز كاع المعاره ونار شب بيها
.........
صار مسابك عله الموت ينصاره
والميدان دخن واشتعل ناره
نزلو فرد نزله وصارت الغاره
حزام تحزمو من طبو عليها
........
هدو بالطفوف ورفعو الهامه
هدو وابن ضاهر ذب العمامه
صاح اليوم ساعتكم يوهامه
هاي ارواحنه لحسين نفديها
..........
اسباع وخلو العدوان منكوبه
لن عابس نزلها وغدت مكلوبه
لاكه الكوم ملكه وشكك بثوبه
عابس وكفته التاريخ ارويها
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب المأسي الزينبيه الجزء الخامس عشر
........./channel/um_zainab_kar
فزاعيه او مربوعه لاولاد مسلم ع
ضعيت الولد واهل الشيم نومه
الكافل عالنهر وحسين بالحومه
............
ضيعت الولد وينه اليدليني
نحيله والنوايب روحت عيني
يافركه الاهل بالكلب جاويني
اونن ياهلي ونت المهظومه
...........
اونن عالولد واروح خلصانه
والاولي تعنه وادور ويانه
مايدري الحنين بضيم بلوانه
اخته من مرار الضيم مهدومه
...........
هدمني الزمان وضيع اولادي
من هم العليه انمردت افادي
مايدري الحنين عله اخته اسادي
فر مني الولد والروح مندومه
.........
مندومه عله ابني الراح ماجاني
يايوم المدلل غير اللواني
انخه وحشمت كومو يخواني
اخاف اليل طاهر غير رسومه
..........
جاوين الولي وجاوين هداته
مايدري الحنين بضيم اخياته
موذر مادرن بيه المضيعاته
طاهر بالمسيب سالت دمومه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثالث والعشرين
/channel/um_zainab_kar telgram
فزاعيه لشجاعة مسلم ع
اليوم هد سبع الزلم
واتمركز بميدانه
..........
حير الحومه بصولته
وتصيح غوث الكربته
مسلم حيود الربته
واعداه بكت حيرانه
........
حيرها ماوصلت اله
الحومه صاحت ياهله
نعمين منه ومن هله
حيد وثبت عنوانه
.........
هاي الحيود مجربه
وعله السيوف مدربه
والحيد بالملعب ربه
بيه ماثنت ذرعانه
........
خلاها محتاره الزلم
طوعه تحشم ياشهم
صايل وبيهم مايهم
بالملعب وفرسانه
.......
واكف وفنه اليوصله
شمرات سيفه مصلصله
خل يدري بيه المادره
ويعرف اصل شجعانه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الثاني
/channel/um_zainab_kar telgram
فزاعيه اومربوعه بدايتها نعي للعليلة ع
من شفت اهل كلبي يحملون
وانه متانيه باسمي يصيحون
يالماشين عني ضلتي شلون
الولي عافني وسدر بالاضعون
نزلت الفزاعيه
خلوني ومشو بدار وجعانه
بديار الاهل ضليت بس انه
.............
بيبان المحنه اليوم سداها
وعيني بسدت البيبان طفاها
يضعون النحبهم وين مسراها
جنها عشرتك وياي خلصانه
............
سد باب المحنه وحمل ضعونه
صاحت فاطمه والروح محزونه
خلصان الكلب يحسين تدرونه
صاحت ياهلي والعين جريانه
.............
مابيه الكلب ويودع احبابه
يابيت المحنه لاتسد بابه
عني حملو والعين سجابه
مر اوداعكم والروح نحلانه
............
حمل كل بناته وليش خلاني
يافركت هلي والبيت هداني
يحسين الكتلني وزود احزاني
زادت علتي دارك الخليانه
...........
ماتسوه المنازل عكب اهاليها
يمر اليل وتحن عله راعيها
يالعندك عليله لا تخليها
بفراك الاهل والمرض حيرانه
..........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
ابوذيه ونعي للعليله ع
رحل هيبة نزلها والفت الها
الضعن هذا التعده والفت الها
تصيح بصوت ريض والفت الها
يحداي الضعن ريض شويه
...........
بهداي امش ياضعن الاحباب
عدكم عليله ولازمه الباب
نحيله ومنتجيه عله الاعتاب
.........
ريضولها وسمعو عتبها
تره وداعكم مرد جبدها
ساعات فركاكم عمتها
.........
يابويه دير العين ليه
وتصيح ريضلي شويه
وبدار الك ضلت ابنيه
.........
شالو احبابي شلون شيله
خلوني وجعانه وعليله
وكلبي بعد مانام ليله
.........
شالو هلي والعين تربه
ابوي وعليه شكال كلبه
ياشيلت الاحباب صعبه
........
ضعون النحبهم وين شالت
لحكت الضعن والعين سالت
يرواحهم عني شكالت
اعتب عله المانشدو عليه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الثامن
/channel/um_zainab_kar telgram
لطميه نزول كربلاء
ذني مدللات حسين والعباس جاباهن
نزلن بالطفوف اليوم والهم نزل وباهن
............
نزل كل خواته ودك صواوينه
وضعن اخته العقيله حاطه بعينه
يكلها اخوج جا شنهي التأمرينه
بنات حسين هاي الروح تفداهن
...........
اجه حسين ويكله ياكمر هاشم
دك خيمة بناتي وخيمة القاسم
انه ادريك انته عله الوفه عازم
اخوك بشاربك يا سبع خلاهن
..........
اريدك زينب بجفك تنزلها
وبيدك ياوفي تنوخ محاملها
تدك صدرك يراعي الزود وتكلها
تراهن خايفات تروح ولياهن
...........
يخويه أمن بناتي الرعب ماخذها
وسكينه العزيزه روح سكتها
يكله لمت الجيمان رعبتها
امسح ياشفيه دموع عيناهن
............
اجه العباس يم زينب يحاجيها
ويكلها خيمتج حراس تحميها
وحمولج يخويه تكفلت بيها
شحده اليوصل خيامج ويدناهن
...........
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
فزاعيه بدايتها نعي لنزول بكرلاه
نعي
هذا حسين وعياله وغواليه
جدم والضعن عباس حاديه
بله شصاح بيها ابنج يبدويه
نزلت الفزاعيه
صاح انه العباس ياطف كربله
كال نزلي بهيبتج يمدلله
.............
نزل اخته وكام هز الرايه
انه اسمي سبع المسنايه
انه راضع درت الوافيه
والضعن بيده ابوفاضل نزله
..............
نزل الحره وكف بخيامها
وبيرغ العباس رف جدامها
صاح والجفين ذني ايامها
زامطي يم عون وزماطج حله
............
يرعد بصوته ويهز برايته
محله الريشات فوك عمامته
صاح هذا حسين جايب عيلته
فنه اليدناه واليوصل اله
............
انه ابوفاضل وسبع الكنطره
خله يدري اليوم بيه المادره
نزل بيج حسين واخته مخدره
بالج تخونين بعياله وهله
...........
خويه ياعباس منك ونعم
الك يحله الزود ياسبع الزلم
الخدر لايذ بيك تسلم ياشهم
لايذه بحماك هاي العايله
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الزينبيه الجزء الأول
/channel/Um_Zainab_Kar
نعي للهلال عن لسان المعزين والزهراء ع
ابوذيه
يهلال الغدر بحسين واهله
بمصايب وبحزن رحب واهله
اريد اسجب دمع عيني واهله
عله الفكدت اخو وراحت سبيه
.............
يهلال اشوفك اسود اللون
صديت الك وتهل العيون
جريت حسره وصحت يم عون
.............
جريت من الكلب حسره
وجني اسمعت ونت الزهره
اسمع صوتها صاحت بعبره
.............
صاحت وهلت دمعت العين
وجن حشمت وين المحبين
وين اليصيح بصوت يحسين
............
وينه البجه وايهل الادموع
يذكر مصابه وكسر الاضلوع
ويعيني عله ام كلب مفجوع
............
جابت اخوها ودمع تجريه
تدري الموت لبن امها يتانيه
كلبج ييمه اشكد صبر بيه
............
(اتكول الزهره ع تخاطب المعزين)
العدها اخو وتعرف غلاته
وحنين ومافارك خواته
غيور عله اخيته وطيبه ذاته
.............
العدها اخو وكله محنه
ومايوم فارك عمت ابنه
يمر عله اخيته بغير منه
...........
العدها اخو كل عمر يمها
يمعوض ابوها وشوفت امها
كل ساع ينشدها عله همها
.............
شتكول زينب عن وليها
واهي للموت جايبته بديها
شلون عدله وروح بيها
.............
كون المنيه مبادل تصير
تخلي الاخو وعله اخته أدير
عزيز الاخو بفراكه اتحير
............
همومج يزينب من يحملها
للموت جابت كل اهلها
جابت ابن امها والكفلها
...........
طول الدرب تنظر عليهم
كل ساع وتدير العين ليهم
ياكلب وين تريد بيهم
وين تريد بعزازك يكلبي
.............
✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثاني والعشرون
/channel/um_zainab_kar telgram
لطميه للقاسم ع عن لسان حال رمله ع
مانامت اليل مانامت اليل
ياناس الي المضية الولد مانامت اليل
وايركد الحيل وايركد الحيل
الفراك تكتل حسرته وايركد الحيل
............
ياناس المضيعه ولد شنهي صبرها
لوراح من عدها ومشه شلها بعمرها
واعتاب ماينفع بعد قاسي دهرها
والمدمع ايسيل والمدمع ايسيل
مكسورة الخاطر تضل والمدمع ايسيل
...............
مكسور كلبي يالولد ياهوه اليجبره
وتدري الكلب من ينكسر مايبره كسره
حزنانه وتكضي العمر حسره عالحسره
اعليمن اتميل اعليمن تميل
والوالده خلاف الولد واعليمن اتميل
.............
عليمن تذبين الحمل لويثكل اوطاح
لاينفع الون والبجه ولاينفع اصياح
والراح من عدها ولد لا تضن ترتاح
لورايد ايشيل لورايد ايشيل
ايحمل اضعون الوالده لورايد ايشيل
لوراح من عندج ولد ماتطفى ناره
سهمج يضل بس البجه ولاغيره جاره
وحزنج ابد ماينكضي ودمعتح تجاره
نارج بالادليل نارج بالا دليل
ماتطفى يارمله بعد نارج بالادليل
..............
شلون يطبكلي جفن من بعد جسام
والله يعين الفاركت لاتغفه واتنام
شيعود دهري بالولد واترد الايام
يوليدي ادخيل يوليدي ادخيل
وياك اخذني لورحت يوليدي ادخيل
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السابع
/channel/um_zainab_kar telgram
نعي للمسير عن حال زينب ع
كلبي اليوم عله الخوان بيداي
اجيت وايد راعي الشيم بيداي
ركبني ويكود الضعن بهداي
ميلي ايكول يازينب عليه
.........
اخوي المايعوضه الولد لامال
لا هو تعباه الدرب لامال
عله متنه يميل الحمل لامال
من يمشي يريض الجدم ليه
.........
نعي
يمشي ويدير العين ليه
يعمت الولد ميلي عليه
يمتروس غيره ومحنيه
.......
شمحله الرفج عباس وياك
تعبانه واتجه عله يمناك
ويه الأخت بدرب محلاك
.........
رفج الاخو ياناس جنه
ومحلاه رفج البيه محنه
يمشي عله نكلت جدمنه
.........
بعيد الدرب بس شحلاته
بيه حسين والحلوه صفاته
يمن فدو يروحله خواته
..........
تكله يبعد الولد والعين
روحي الأخت تفداك يحسين
مدري يخويه شضاملي البين
...........
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الزينبيه الجزء الاول
/channel/Um_Zainab_Kar
#جديد_2025
المآسي الزينبية الجزء 18
للشاعرة أم زينب كربلاء
متوفر في مكتبة السيد الهاشمي
# يوجد لدينا توصيل لكافة المحافظات
#للحجز والاستفسار📮📮
#مراسلةواتساب
07732026735
الرد السريع @AlHashim32173Bot
/channel/Almuamal5
#جديد_2025
المآسي الزينبية الجزء 16
للشاعرة أم زينب كربلاء
متوفر في مكتبة السيد الهاشمي
# يوجد لدينا توصيل لكافة المحافظات
#للحجز والاستفسار📮📮
#مراسلةواتساب
07732026735
الرد السريع @AlHashim32173Bot
/channel/Almuamal5
#جديد_2025
المآسي الزينبية الجزء 14
للشاعرة أم زينب كربلاء
متوفر في مكتبة السيد الهاشمي
# يوجد لدينا توصيل لكافة المحافظات
#للحجز والاستفسار📮📮
#مراسلةواتساب
07732026735
الرد السريع @AlHashim32173Bot
/channel/Almuamal5
لطميه لخدام الحسين ع
خدمناك حسين محله خدمتك
خدمناك انلوذ كلنه بحضرتك
................
واليخدمك سيدي وصفه النوايه
يفوز دنيا واخره وانته الحمايه
غير حبك والخدم ماعندها غايه
واليخدمك ومايطخ حد المنايه
خدمناك كون نعرف غايتك
خدمناك حسين محله خدمتك
.............
كون كل خادم يعرف الي بذلته
اه يا طف كربله بدمك رسمته
متت ضامي والعذب لاماشربته
ونحر عبدالله يبوسكينه نظرته
خدمناك درس صارت ثورتك
خدمناك حسين محله خدمتك
.............
ياقضيتك بيها اشكال المعاني
بيها خوه وبيها عزه والتفاني
اشكر الله الخدمتك لمن هداني
وانعه زينب بالمجالس وفقاني
خدمناك ايزيل همنه بدمعتك
خدمناك حسين محله خدمتك
...............
جلمة الخادم تمر تكسر خواطر
لوتمر عله البشر تجرح مشاعر
ياحسين وخدمتك بيها التفاخر
تاج يلبسها الصعد فوك المنابر
خدمناك وهيبته من هيبتك
خدمناك حسين محله خدمتك
..............
بيك نتفاخر نضل حد المنيه
وشايلين وسام جدام الزجيه
بالقيامة تعتني وتكظ اديه
تكول ابشر يالنعيت عله السبيه
خدمناك هناك ننطر فزعتك
خدمناك حسين محله خدمتك
..............
.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب العام الماضي المآسي الفاطميه الجزء الثالث والعشرين
/channel/um_zainab_kar
مربوعه اوفزاعيه نخوه للعليله ع
عله مصاب العليله اليوم ونينه
نكلها البيه مرض انتي تشافينه
.............
نكلها البيه مرض ناخيج هاليله
عليج المعتني بالعين صديله
عليج حسين ابوج وكافل العيله
الصاح دخيل بالمجلس تنضرينه
...........
جينه نطلب الحاجات عنايه
نحلفج بالحسين وراعي الرايه
الج يافاطمه اتعنت الشكايه
والمعلول بجفوفج تمسحينه
...........
جفوفج تمسح الوجعان ردناها
نون ودموعنه يمج جريناها
جينه اليوم والحاجه طلبناها
والماله دوه انتي التداوينه
..........
وين الطالبه الحاجات نضريها
الكصدت مجلسج والعين تجريها
حيرانه التعنت لا تخليها
والصايح دخيلج ماتردينه
............
بعد عدنه طلب عندج يعلويه
نريد ام الحسن تقبل التعزيه
تسجل فاطمه كل عين مجريه
عليج بدمعة المضلوم حضرينه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
نعي لاولاد مسلم ع عن لسان الوالده
الدهر دومه يهدمني وانه ابني
اطالب بربه اوليدي ولبني
كل غالي بكتر امه وانه ابني
تفرهد ياخلك من بين اديه
ماطول اخونه موش موجود
صاحت علينه الخلك فرهود
لزمو الهيمه المالهم عود
..........
بينه الخلك فرهود صاحت
مدري ابناتك وين راحت
وام الولد ونت وناحت
........
الوالده لوراح ابنها
كولن شلون ايهيد ونها
ونات المدلل حننها
..........
يحني الظهر يايوم الاولاد
وكلب الفكدهم بعد ماهاد
عونه الولد يم عون ينراد
..........
لنها تصيح اتلاحكيني
ضيعت يازينب جنيني
وياهو العليهم يدليني
..........
وين التجي لوجلجل اليل
وشلون اطر الزلم والخيل
مني ومنج راكد الحيل
..........
نحشم بهلنه مايكعدون
ضنهم بنومتهم يطولون
ضيم عله اختهم عيب يدرون
..........
نعي لاولاد مسلم ع
ياولد جن حسك ندهني
اسمع مناده يصيح يمي
يريتج حضرتي اليوم يمي
.........
فزيت من نومي نحيله
حتى الهدم مابيه اشيله
ونيت والونه ثجيله
..........
شيهود الكلب وتنام العيون
وكلب الحنينه ايهود شلون
ردو عله امكم موش تبطون
..........
امك كاعده وكل عين نامت
حزينه وروحه عالولد هامت
مفجوعه وتدك عالراس كامت
..........
عله دروبكم عيني ربيه
بكلي الزمان ايحن عليه
طاهر يرد ويعود ليه
.........
تره الوالده ضلت بونها
لاهادت ولا طبك جفنها
ماهي الحنينه تريد ابنها
.........
كاعده والعين تجري
وين الدهر وداك مدري
يريت الولي بالحال يدري
..........
ونيت ودموعي سجيبه
تدري بحال امك غريبه
طاهر عله امه من يجيبه
..........
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم من كتاب المآسي الفاطميه الجزء الخامس عشر
/channel/Um_Zainab_Kar
فزاعيه لاولاد ام البنين ع
حله الميدان بس الكم يخياله
وزينب زامطت بيكم يعياله
...................
اولاد ام البنين بيوم نزلوها
ماجت كربله وتروج خلوها
كيعان الحرب برؤس فرشوها
(اكبال الحد دكو ثايه )
............
فزعو وبفزعهم رجو الحومه
محد كرب الها اليوم ملزومه
بيها اسباع واتوسط الجديومه
( البيرغ بيده وهزاها)
..............
يكوم الكابلت ردت وحيرانه
من عباس طبها وحشم خوانه
وبرؤس الزلم يشمر بذرعانه
(لخيام اخته ايشمر بيها )
...............
صاح بعون وبجعفر ينشميه
هزو يخوتي ساحه الحربيه
الهذا اليوم ربتكم البدويه
(يعظاي بزود اتعنوها )
...........
خلوها ترج يعظاي خلوها
اختكم ياربات الزود شيموها
الحومه عالجفتاف اليوم شيلوها
( الطف رايدكم فزعوله)
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الثالث والعشرين
/channel/um_zainab_kar telgram
هوسات لم البنين ع عندما ودعت ضعن الحسين ع ماذا اوصت اولادها
حزام اليوم يولادي ارد احزمكم
بدر الي رضعته اليوم احلفكم
هذا حسين يمه وهاي اخيتكم
(الطف رايدكم / كومو اتعنوله )
..............
وكفت والعيون يسيل مجراها
الخوه تريد حكها وبجت عيناها
انهض ياسبع والطف تعناها
(براس الحد / دكلك ثايه )
...........
عله احدودك يكافل علك الرايه
تراهي متانيه كاع المسنايه
دك عله الشريعه ياسبع ثايه
(عنوان الخوه / اكتب بيها )
..............
صاحت صوت يولادي ينشميه
الهذا اليوم ذخرتكم البدويه
كلولي وحك عيناج مكضيه
( يالكافل حل / يوم النيبه )
..........
هالموقف نذكره وابد ماننساه
هذا اليوم ربك مدرسه خلاه
الوفه واخلاص هنياله العرف معناه
(بدويه اسمج / رفعت هامه)
............
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
فزاعيه للعليلة ع
دار الخاليه من حسين
بيها شلون ضليتي
.............
شنهي ضلتج بالدار
ولهلج مابكه تذكار
شال ازغارها واكبار
وعل وليان ونيتي
...........
ياونه التهد الحيل
شكلتي عالمشو بليل
صحتي ودموع تسيل
بعالي الصوت ناديتي
..........
هنا يالمضعن ترجاك
توحش دارنه بلياك
بويه حسين اريد وياك
حسره عليه جريتي
..........
ضعنه من جزاج وراح
فص العين خر وطاح
صحتي ومايفيد صياح
الداره شلون صديتي
...........
يامن عمت عيني عليج
عليلة والمرض ماذيج
ودار الخاليه تعميج
وخط عتاب وديتي
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
لطميه للعليله ع
احاجي الدار كليلي هلي وين
بكيت مكابله بس الحياطين
اصيح شلون بيه
ومحد رد عليه
بكيت مكابله بس الحياطين
..........
اصيحن ياهلي وماردو اجواب
شنهي ضلتي من عكب الاحباب
ساعه انعه وون والدمع سجاب
وساعه شابحه عيوني عله الباب
وما ودو وصيه
محد مر عليه
بكيت مكابله بس الحياطين
...........
اكل لروح كليلي شتنطرين
واحباب الكلب صارو بعيدين
لاطارش يمر بيج وتنشدين
اضنج مادريتي بعملت البين
اروح اليانويه
ومحد مر عليه
بكيت مكابله بس الحياطين
............
بكيت الوحدي وايدي عالخدي
لا والي وله حبيبات عندي
الوج بعلتي ياناس وحدي
يبويه من الفراك انمرد جبدي
بكت داري خليه
ومحد مر عليه
بكيت مكابله بس الحياطين
...........
احاجي دياركم وتهل العيون
وروحن للمجان البيه تكعدون
اصيحن ياهلي ليمت تردون
يالعدكم عليله شلون تبطون
وغيبتكم بطيه
ومحد مر عليه
بكيت مكابله بس الحياطين
..........
اكل لدار عازيني عليهم
المشو ماضن زماني يعود بيهم
عزاز ونشف دموعي بجيهم
بعد ماضن يجوني ولااجيهم
بكت ناري سريه
محد مر عليه
بكيت امكابله بس الحياطين
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الثامن
/channel/um_zainab_kar telgram
من كتاب المآسي العلويه الجزء الخامس
لطميه لنزول الحسين ع في كربلاء
نزلو بالطفوف وهوسو بيها
ترف رايت حسين بزود راعيها
ترف بزود ابوفاضل وجفينه
وصفوف الزلم ماهيه بعينه
صاحت ياهله وحياك يالعينه
صد عينه عله اخته وعاين عليها
............
صد عينه ويكله اليوم اريدنه
من زغري يزينب جنت اتمنه
تطيح عالشريعه اليسره واليمنه
لعيونج يحره اتمنه اضحيها
..........
روايات الفخر هاليوم علوها
رجو كربله وبزود شالوها
اسباع اولاد هاشم من تعنوها
اراضي كربله وبالدم نرويها
.......
هله بعضن الهواشم نازل بزوده
اسباع وهاي الكم تضل مشهوده
دارت عين ابواليمه لبن عوده
وتتباها العقيله اليوم خليها
.......
اسباع وهوسو من وصلو الثايه
اهلها اسباع نيبه وكلهم كفايه
وتاريخ اليسجل والذكر هايه
شالت راسها الطف من اجو ليها
✍ام زينب كربلاء غير مبري الذمه من يأخذ الكلام وينسبه له او يحذف الاسم
/channel/um_zainab_kar telgram
نعي لنزول في كربلاء يوم الثاني من المحرم
لم أنسَ إذْ وَقَفَ الجوادُ بكربلا
بابنِ البتولةِ والعدى حَفَّتْ بِهِ
يَا مُهْرُ لِمْ لا سِرْتَ عن وادي البلا
والكربِ خوفاً من بلاه وكربِهِ
أَوَهَلْ إليك اللهُ أَوْحَى أَنَّ في
واديه مَصْرَعَهُ ومصرعَ صَحْبِهِ
ابوذيه
المحامل جدمت بالطف واناخت
بجت زينب عله اخوتها واناخت
يدهري ام الخدر انه واناخت
سبع الگنطرة وحامي الثنيه
نصاري
طب كربله بضعن الفواطم
الموت اخوتي بانت علايم
عكلي عله الاخوان هايم
اعرفه الدهر يحسين خوان
...........
اعرفه الدهر يغدر بالاحباب
واضلن غريبه ابين الاجناب
وكفيل الضعن مايسمع عتاب
يموت ويضل بغير ذرعان
نعي لزينب عندما سمعت الحسين ع يردد بهذه الكلمات
يَا دَهْرُ أُفٍّ لَكَ مِن خَليلِ ** كمْ لك بالإشرَاقِ والأصيلِ
خويه ياخويه
ضنك تريد تروح عني
جلمات الموادع هذني
شسوي ضاله وياك اخذني
..........
طبت كربله وشافت نزلها
والعين لبن امها تهلها
اضن خوتي رايد تفلها ياابن امي
.........
تفل خوتي يحسين رايد
للموت بعد العين كاصد
مني الدهر كلي شرايد
..........
محزم يخال ابني دهرنه
انته البجية من اهلنه
تشيل واتشيل المحنه
..........
يحسين حيل اختك تهدم
بعيني اشوف الجيش ملتم
ياهو بضعن زينب توزم
..........
جاليش ماترضه المنيه
ونشيل يبن امي سويه
مافاركك وشلون بيه
...........
طبيت لطف وشفتها
وسبعه من ضلوعي حنتها
حاجي الاخت يركبتها
..........
صدت العباس واتكله
رد للأخت والموت خله
ثجيل الحمل وبعوز اهله
...........
حطيت حملي وكلت خليه
الجاب حملج مايرد بيه
وصل حد الافراك وهاي تاليه
..............
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الخامس عشر
/channel/um_zainab_kar telgram
فزاعيه للهلال
يهلال بيك ام الحسن
نصبت عزاها الليله
..........
نصبت عزاها وثاكله
تبجي وتنوح وناحله
وتصيح عملت كربله
خلت الروح انحيله
...........
نحلانه واتجر بالجدم
تعنت التبديل العلم
لطمت اباب اهل الشيم
والدمع دم اتسيله
..........
جر الكلب وناته
من بدلو راياته
المهدي علت صرخاته
على الرضو مفاصيله
...........
راحت تون عالنهر
وتصيح يانار الكمر
ماتنطفي طول الدهر
تبجي الكفيل العيله
...........
اليوم سعرت جمرتي
واسمعت صرخت شيعتي
لحسين سالت دمعتي
وكلمن بجاله ادعيله
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الحادي عشر
/channel/um_zainab_kar telgram
لطميه لبداية محرم لزهراء ع
يلجمني الضلع يحسين يلجمني
مفجوعه واصيحن ياولد يبني
..............
يايمه الكلب وجيت نيرانه
وانه بحيرتك يحسين حيرانه
يبني تنذبح والجبده عطشانه
وايام المصيبه حيل اذني
..............
اكصد للمجالس دمعتي بعيني
الناعي لونعاك يكثر اونيني
ادك عله الضلع والضلع ياذيني
كلي شلون ابطل ونتي وحزني
.............
يحسين المصابك يبجن عيوني
يايمه عله ضلعي صواب صابوني
فجعه ياوليدي بيك فجعوني
ياعمله العمتني وكثرت وني
...........
ياعمله العمتني وزادت الامي
ليش الماي يجري وتنذبح ضامي
وتضل فوك التراب موذر ودامي
عذبني مصابك حيل عذبني
...........
يومك عذباني وللكلب سله
وبزينب مصابك يبني شخله
حملت ضيم فكدك والهظم كله
وتنادي يازجيه الدهر دولبني
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
فزاعيه او مربوعه بدايتها نعي لم البنين ع
نعي
اليوم ام الوفه جرت الونه
صاحت من رحل ضعن المجنه
رضعتك ياولد غيره ومحنه
واعرفك غيور وبيك ضنه
نزلت الفزاعيه
رضعتك ياسبع غيره ومحنيه
يضل بحماك خدر اختك العلويه
............
يالكلك محنه ومنترس الغيره
من زينب اريدن بالك اديره
ييمه اعاتبك لوضلت بحيره
وصيه هاي من امك البدويه
.............
نذرتك من زغر عباس يالوالي
عله حسين وخواته ماغله غالي
اريدن بيك راس امك يضل عالي
تضل خيمه عله اختك دوم مبنيه
.........
يبني بشارك خدر اختك الحره
هاي ام الخدر وعزيزت الزهره
ياراضع وفه من صافي الدره
من تنخاك زينب كول مكضيه
.........
توكف ياسبع والكلفه تكضيها
مهظومه العزيزه لاتخليها
ذمه بركبتك زينب يواليها
بشري وطلبتج ماتصعب عليه
........
بشري بهاي يمه ولا توصيني
يم عباس خدر الغاليه بعيني
مايحتاج لعضيدي تحشميني
توصلج علومي وسولفي بيه
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الاول
/channel/um_zainab_kar telgram
#جديد_2025
المآسي الزينبية الجزء 17
للشاعرة أم زينب كربلاء
متوفر في مكتبة السيد الهاشمي
# يوجد لدينا توصيل لكافة المحافظات
#للحجز والاستفسار📮📮
#مراسلةواتساب
07732026735
الرد السريع @AlHashim32173Bot
/channel/Almuamal5
#جديد_2025
المآسي الزينبية الجزء 15
للشاعرة أم زينب كربلاء
متوفر في مكتبة السيد الهاشمي
# يوجد لدينا توصيل لكافة المحافظات
#للحجز والاستفسار📮📮
#مراسلةواتساب
07732026735
الرد السريع @AlHashim32173Bot
/channel/Almuamal5
فزاعيه لخوة العباس ع
مثل عباس ماكو اخوان بالكون
حنين وخله اخيته بنص عيون
..........
حنين وعالأخت ينكط محنه
المثل عباس شتكولين عنه
حكها من تزامط عمت ابنه
سبع وبخوته الوادم يحلفون
............
كلها بخوته تتحالف الناس
ياهيبة خواته وشايل الراس
بزينب من يمر اسمك يعباس
تكول اندار فدو الذيج المتون
...........
بوجود الاخو محد هظمها
لأمر ضيم لا هلت دمعها
محتازه وتريده لو سمعها
يكول بشاربي شتردين يم عون
...........
خوة زينب وعباس حلوه
غيور وعالاخت ينكط امروه
طيب ذات ما يحتاج نخوه
الله ايعينها من فكدته شلون
..............
مثل عباس اخوه جاوين تلكين
والنخوة خواته ذب اليمين
الاخت ماعافاها لمن غفه العين
صارت مدرسه وبيها يدرسون
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء الرابع والعشرين
/channel/um_zainab_kar telgram
قصيده موشح او شور للمسير
طلع عباس الضعن يبراله
وزينب آيات الحفظ تقراله
..............
عوذيتك بالله وبجدي الرسول
بحيدر الكرار وبجاه البتول
ينخمش كلبي يزينب من تكول
يحفظ الله البيرغ اوشياله
............
ريت ربي ايدوم اخوي ورايته
سالم وضعنه يرد بحمايته
يكول خويه ويسر كلبي بجلمته
مدلله طول المسير بجاله
...........
وياه ماحسيت بالدرب الطويل
جفه يعدل بالهوادج من تميل
عليه خويه ادللي وانه الكفيل
فدوه اروح الشوفته وخياله
...........
لكن عيوني دمعها ما كطع
من شوف حسين بضعونه طلع
احس دلالي عله ابن امي انشلع
يوم حمل عله النياك عياله
..........
هنا كمر هاشم نده يمخدره
خويه شتضنين سبع الكنطره
حي اخوج ودمع بعيونج جره
والعذر لونام فوك ارماله
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الزينبيه الجزء الثامن
/channel/um_zainab_kar telgram