953
ماوفي فضل حسين ماوفي دينه بس بلكي من انموت يقبل علينه ام زين العابدين اللامي، _إلهَي شُكراً علىٰ الحُسَيِن🌻🤍"
لا تكن طيباً دوماً
كي لا تتحول إلى جسر للمشاة .
ميضيع وياك التعب يالراضع بدرالوفه
✍️ام زين العابدين اللامي،
محرم ١٤٤٢
#العليله.. مقدمه
مر طعم الفراگ ،، عالگلبه يشتاگ
عالگلبه يشتاگ ،، مر طعم الفراگ
/////////////
الـــفرگه الــطويله عـذبــتني
زغــيره بــــعدني وشيـــبتني
مـحرومه مـن سبـاحة الروح
الـــغاظـريه امـــنين اجـــتني
راح الــگبل چان ،، بـگليبي بستان
يـدري البعد نار ،، عالگلبه يــشتاگ
////////////
راح العـــــزيـز وفــــارگيـــــته
عــافني وحـدي وعـاف بـــيته
مــشتاگه اشمـن عـطره ياناس
بـــحــلامي ادوره ومــــالگـيته
كل ضنتي ايعود ،، من سفرته اردود
جـمر الغضه ايزود ،، عـالگلبه يشتاگ
/////////////
فـارگني ابوي الــجان خـيمه
والــدنيـــه ما ترحــم يــتيمه
تعرض صورهم وسط العيون
وذكـــرهم وابــچي ابــهظيمه
مـن بـــعـد العزاز ،، جـــيبولي جــــناز
والله ارحــم الموت ،، عـالگلبه يشتاگ
////////////
والله الــهجـــــر ذوب دلـيلي
ابـــسيل المدامع اگضي ليلي
ســهم الــحجر ياناس چــتال
مـا بــيـــه اگـومـن باد حــيلي
تخنگني الانفاس ،،،، امن اذكر العباس
والـوسعه اتضيگ ،، عــالگلبه يــشتاگ
///////////
مــن الــزغر عاشرني شــيبي
وآنــه والـيتم اصبح نــصيبي
راحــت اويـاهم راحــت البال
مــن ســافرو اهـلي وحــبيبي
مـا بطـــلت نـوح ،،،،،، دلالـي مــذبوح
وحشه اصبح اليل ،،،، عالگلبه يشتاگ
////////
تم بعون الله والامام المهدي عج
بقلم ام زين العابدين اللامي
من يرغب يقرا القصيده من الاخوه الرواديديذكر هذا
(زين العابدين الزبيدي،)
والله ولي التوفيق
اسـالكم الدعاء لي والوالديه
الفاتحه الى روح والدي ووالدتي 💔💔
#العليله ع
محرم١٤٤٢
اليوم بنت حسين مدمعها يصب
طبت المحـــراب وتشم بـالكتب
¢¢¢¢¢¢¢
معلعله وما بيـها حيـل اعله الهجر
تطــلع اوتربـي ابـدربهم كل فــجر
للحــــزن بيها الزمان اصـــبح يجر
اخلاف اهلها اتعيش مكسورة گلب
¢¢¢¢¢¢¢¢
العليله الــــــــــيوم امــــست نايحه
ادگـول كـون اويه الفواطـــم رايحه
ارموش عيني اويع المدامع طايحه
اعـزاز اخوتي افراگهـم كلش صعب
¢¢¢¢¢¢¢¢
اتنام بحظان الحســــــــين امعلمه
راح عــــــزوتها وبقـــت متــــــألمه
ابحــيره ظلت عگب أهل الموزمه
وبالگلب چـــم مأتم الهـــم ينصـب
¢¢¢¢¢¢¢¢
مگابله الـمحراب والدمعه جرت
والـــجروح ابنص كلبهه جودرت
بالكتــب ضـلت تــــشم وتحيرت
بــــعد للمحراب حــلفت ماتطب
¢¢¢¢¢¢¢¢
على افــــــراگ الاهـل الله يعينهه
راحـــت وياهم الحلوه ســـــنينهه
الدنيه صارت هسـه ضلمه بعينهه
وبگلبــــــــها النار عالوالــد تشــب
¢¢¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
#لـشهر#مـحرم ١٤٤٠هــ
لـسان حـال الـعليله بــنت الـحسين عـليهما السلام
شــما بــيچن دمـع يـعيوني عــيـنني
أهــلي حــمـلوا كــلــهم مــشوا. عـني
/////////////
عــلـيهم واللــه لــعــمـيچن يــالـعــيون
ابـــوي حــسين حــمل كـل الــضــعـون
گــصـدو كــربــله ومــاظــن يــرجـعون
عـــافــونـي وحــيده وخــيـبوا. ضــني
//////////
عــيـنـني بــدمــعـچن صَــبــن اهـــواي
خــالـي الــبيت مــنهم مــحــد أويـــاي
كــاتــلــني هـــجـرهــم ذوب اچـــلاي
يـافــرگـه الأحــبـهم واللــه عـــذبـــنـي
/////////
عــــيني عــالـدرب مـــزروعـه مـتـنــام
ومــن تــغـفـه تــشـاهـد منـضر سـهــام
واشــاهــد جـن ضـعن وتـحيطه ضلام
حــمــلت اهـموم دهـري مـن زغـر سني
/////////
اشــــتـاگ عــالـحضــنه وذكـــر اربــــاه
يــامــحــلااللـــيالي الــخلـصـن أويــــاه
يــــتـفـطـر دليـــلــه لــو صـــحــــت. آه
يــقــبلني أبــخدي ويــرجـع يـــشـــمني
/////////
وطـوفـه والـحچي هـم شـايل احساس
ودمـعتـي امـحـزمه ابـيرغ بـالانـفـاس
لـــحـدمـا گـــــالي يــــرجـعـلي عـــبـاس
لــو للـــكبـــر يــجــيـني ويـنـتهي ونـــي ..
//////////
تــم بـــعون اللــه تـــعالى وبــركـاة الامــام الـــمـهدي عـــج
✍🏻ام زيــن الــعابــديــن الــلامــي
اســــــالـكــم الـــدعـاء الــي والوالديه،
الفاتحه الى،روح والدي،ووالدتي،💔💔
قصيده بحق العليله ع
اخذني وياك بويه زيدت همي
ما اگدر اعيش وانته مو يمي
&&&&&&&&&
اصـيح بصوت بـويه والضعن گوطر
وركــض حــافيه وبـــهدومي اتـــعثر
اخــذني ويــاك بـويه عــالبعد مگدر
يــاشريان قــلبي الــيجري بي دمي
&&&&&&&&&
ســـوده الـدنيه صــارت كله بعيوني
وبـــاد الــحيل مني ونــخطف لـوني
مـــن سـافرتو كـلكم واني،عــفتوني
صـار الــموت هوه غايتي وحلمي
&&&&&&&&&&
مــخنوگه بــغيابك ونتــــظر جيه
ولاواحـــد يــمرني ويعرف اشبيه
لاطــارش يــجيني ولا يمــــر بيه
ولاجـــــاني الخبر لا رد ألي عـمي
&&&&&&&&&
أبــقه امــناطره وعــالدرب مــــزروعه
مــزن عــين التـصب والونه المسموعه
ونـــــت ثــــاكله وبــــالولد مــــفجوعه
بـــچي امــوات مــن اتـــخيل ابن امي
&&&&&&&&&
رشــيت الـدمع مــن طــوح الــحادي،
وراكــم مــو مـــيه وداعـــت الــهادي،
وبــروحي احـس صوت الحزن بادي،
اتــنطرج فـاجعهه ضمي الدمع ضمي،
&&&&&&&&&
تم بعون الله تعالى وبركاة الامام المهدي،عجل اللهم فرجه
✍ام زين العابدين اللامي
👤اسـالـكـم الـدعـاء لي والـوالديه
الفاتحه الى روح والدي،ووالدتي،💔💔
ليلة استشهاد الإمام جعفر الصادق عليه السلام ٢٥ /شوال /١٤٤٥هج السبت 4 \5 \2024 بصوت خادمكم الرادود ابو هاشم الربيعي
Читать полностью…
لسان حال العليله ع
علَــي طالت المــده وطــال {وعداه}
وگمت احسب الطول السفر {وعداه}
يجيــني شلون عمي الگمــر {وعداه}
صــابو عيــــنه وچفــــــــوفه رميــه
بعد ماذا تقول مولاتي العليله👇
آنه الهجــــر كاتلـــني وهظـمني
وترى ســــود الليـــــالي عـذبني
هسه أتخيـــــلك يمي وتظمــني
وبالهفـة گلـب بويه تشــــــــمني
ترى اسـهام المـــوادع وموتـتني
ابحال الما يسر خاطر عفتــــني
ظلمه الدار وحشه وخوفتـــــني
وحس غيبت ضعنكم مرمــرتني
ودموع العتب جمــره وعمتــني
بعد شدگول
تگله بويه
اذكرك يالابو ابوگت المســيه
امن افرشــلك الســـجاده بديه
ترى وجهك يبـــويه عن علــيه
بعد هيهات ترجعــلي وشــوفك
وبد ما فارگن جفـني طيــــوفك
ابدمع العين گمت اكتب حروفك
◾◾◾◾◾
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي،ووالدتي 💔💔
#جديد
#لسان_حال_ابن_لشهيد💔😭
مـــن نومتك يابويه كافي
ارجـــــع وخنذب الچفافي
انـــه ادري حدر الگاع مدفون
يلــي جــــنت بالگلب غــــافي
¢¢¢¢¢¢¢
كسرت ظهري يالعفتني وطولي حدب
واللـه بـفـراگك يبــــــويه الراس شيب
تـــــــدري المفارگ حبيبه حاله يصعب
امگابل اصــــــورك اخلص اليل ونحب
كل ليلي يخلص ما انامه
بخدي الدمع تــارك علامه
ذبلن اعــيوني امــــن البواچي
وشــــــعر ضواهن بويه طافي
¢¢¢¢¢¢¢
أخ يا جمر الهجــــــر يچوي ابدليلي
حسره ودموع وعذاب امگضي ليلي
حيل ماضل بيه اخـــــبرك باد حيلي
وناري مستـــــعره ولا يبــــرد غليلي
كل الوكت وانتـــــه اعله بالي
من امشي اشوفك وي خيالي
اجـــــــــــروحي بس انته دواها
بــــــــس كلمه من عندك تشافي
¢¢¢¢¢¢¢¢
مــــــــن مـــــتت لليوم بيه الف ونه
ونلچم مــــــن اذكر ايــــــام المحنه
شـــمحلا ايام الدلال اوياك چــــــنه
هــسه مـن عگبك يبويه الذله شفنه
ارجــــــــع يبويه فاگدينك
البيت فاهي اخلاف عينك
ارجــــــع ورجـــــع ذيچ الايام
بــــــس الحزن ضـــل اليوافي
¢¢¢¢¢¢¢¢
گلي شيـــــقنعه الگلب للملگه محتام
اشـــــلون المفارگ حبيـبه يكدر ينام
كل جـــرح ليليه يكبر چـن فطر جام
مــــن درت وجــهك عليه دورة ألثام
يابويه موتك موش وكته
ابنك عــــزيزك ليش عفته
خـليته بــــــعده بعازت ارباك
مــوطبعك ويــــــاي التجافي
¢¢¢¢¢¢¢¢
لـــــيش عايفلك ولد مخنوگ بالبيت
كافي ارجـــعلي يـروحي الك حنيت
مـــرن ايام اشـكثر بس انته ماجيت
اشــــكد رسايل عتب بيه الك وديت
يابويه صبر اهواي ينراد
عيني تصد عالراح والراد
اصفن وكل الروحي هم عود
يــــــرجع ابوي الحضنه دافي
¢¢¢¢¢¢¢¢
#تم_بعون_الله_تعالي
بقلم ام زين العابدين اللامي
من يود يقرا القصيده يذكر هذا
الاسم (#زين_العابدين_الزبيدي)
والله ولي التوفيق
اسـالـكم الـدعاء لي والـديه
#الفاتحه_الى_روح_والدي،ووالدتي 💔
القلوب الطيبة لاتؤذي أحداً أبداً
فصداقتها أمان .. ونيتها صفاء ..
وحين تُقبل عليها تفتح لك مائة باب..
وباب ..
وحينما تبتعد تجد الوفاء..
ما اجملها
ياربي انا مـومعترض بــس گــوه عني
✍️أم زين.العابدين اللامي
لا تقهر أحد لتسعد نفسك .. ولا تظلم شخص لتبرر اخطائك.. حاول دائماً بناء سعادتك بعيد عن الم الناس.
علي الطنطاوي .📗
مامن شخص يكيد لأخيه أو يُخذله أو يُعين ظالماً عليه إلا أصابه الله بسوء عاقبة ذلك في نفسه وماله فاحذروا من فواجع الزمان وتغير الأحوال "ولا يحيق المكر السيء إلا بأهله"
Читать полностью…
جلسة تفكّر بنعم الله عليك كفيلة بشحن دوافع الإشراق فيك. ✨
Читать полностью…
"إن الذي يسير بين الناس بلا قناع،
عليه أن يدفع الثمن غالياً."
- جبرا إبراهيم ।📓
شگدحلوه خدمتك حيل مملوحه
✍️ام زين العابدين اللامي
#مـحرم١٤٤٣هــ
#لسانحالالعليله__ع
جــــنك نويت تعوفني
وانـه العليله اتشوفني
يابــويه تـدريني امـن امس،،،،
وجـهي اصـفر بلون الشمس،،،،
بويه يحسين،،،،،بويه يحسين
////////////
مـن أمس لليوم بويه،،،،،،ذاب كلبي مـــن الونين
بالمدامع ســاعه اصبر،،،،،،ساعه مـــــن ام البنين
عيني نـزلت ويه دمعي،،،،،،بـــويه ماضلتلي عين
بويه فدوه عين گلبي،،،،،،،يعينه ربي شگد حزين
والـحزن بـــيد حيلي
اشلون بيه احچيلي
مــــــن كلشي مخنوگه احس،،،،
وجهي اصفر ابلون الشمس،،،،
بويه يحسين ،،،،، بويه يحسين
///////////
المرض والفرگه يـــــبويه،،،،،گلي شتحمل شصير
زغيره اني أعـــله النوايب،،،،،بويه ومصابك جبير
تيتمت و بــــزغر ســـــني،،،،،،صــعب يايتم الزغير
بحزن وبـــهم يگضي عمره،،،،،وبزمانه يضل يحير
اخ الحجي الــعد كلبي
يفتهمه.كـلب المــسبي
كــلشي حـــلوصـــايرعكس،،،،،
وجهي اصفر ابلون الشمس،،،،،
بويه يحسين،،،،،بويه يحسين
////////////
لـــــيش نـاوي تـروح عـني،،،،،وشاد ارحــال السفر
جــدمت هاي المحامل،،،،،جاي اشـوف الكل حضر
أعزازگلـبي كلهه صعدت،،،،،،خاطري شوفه انكسر
گـاعـده وأيـدي اعله خـــدي،،،،،،،بس أعـاين بالنظر
فــاض الجــــرح بعيوني
عــل راحـــــووعـــافوني
بصدري الهوى ضل ينحبس،،،،
وجهي اصفر ابلون الشمس،،،،
بويه يحسين،،،،،،بويه يحسين
///////////
لـيش،عايف وطن جدك،،،،،ماخــــذاهلي وراحلـين
ماگــلت عـندي عليله،،،،،،، اتـضل وحـيده بلا معين
ما معودني اعله هجرك،،،،،طـــول كل هاي السنين
أشــلون قررت انتفارگ،،،،،،،شغيرك وأنــته الحنين
يـــابوالحــنان الـدافي
چــاليش ناوي اتجافي?
موانــته لگـــليبي ونــــــس،،،،،
وجهي اصفر ابلون الشمس،،،،،
بويه يحسين، ،،،،،بويه يحسين
//////////
تبيد كل اعـضاي ورجف،،،،،من خبر طاري الوداع
أرتــجف رجفت الرايه،،،،،مـني اشعر كلشي ضـاع
السفينه شـــلون تبحر،،،،،،ونكسر مـــــــنها الشراع
انحني ودمعي يسولف،،،،وي حزني ابـدي بصراع
بدمــعاتي ابدي اعتابي??
ويـاك يــــــــغله احبابي
والــفاجـــعه بأذني تهمس،،،،،
لوني اصفر ابلون الشمس ،،،،،
بويه يحسين، ،،،،،بويه يحسين
//////////
تم بعون الله تعالي
✍️بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔 💔
قصيده بحق مولاتي العليله بنت الامام الحسين ع
اعـتب عالاهل شـالـو وعـافـوني
مـواني الـعليلـه شـلـون خـلونـي
/////////
عــافـوني ومـشـو خـلوني مـهـظومـــه
يــفـراگ الاهــل كـلش صـعب يــومـــه
عـــافـوها الـمنـازل ســكنـو الـحـومـــه
مـــن ســدو نــزلــهـــم حــيـل اذونـــي
////////
تـــبـچـيـني الــمـبـاني خـالـيـه اعـلـيـه
راح الــچـان خـيـمـه وگـاعــده بــفـيـه
بــيـتي مــن مـشو مـضلم طـفـه ضيـه
غــريـبـه بـدارهــم مـابــعـد يــلـفـونـي
////////
شــالـو كـل هـلـي ومــحـد بـقى يــمــي
لاعــــــبـاس لا زيــــــنــــب ولا امـــــي
والســـجــاد بـــفــراگــه كــثـــر هـــمــي
حــــت الـبـل مـهــد بـفـراگـه لـچـمـوني
///////
خــذوا مــن الـرضـيــع وعــذبـوا حــالي
وانــظـر للـمـهد يــاوســفـه ضــل خــالي
بـقـت بــس صـورته مـتـفارگ اخــــيالي
عــذبـنـي غــيــابـه وهــلـن اعــيـــونــي
///////
اعــــايـن للــمـهــد نـــوبـــه اصـــد للــدار
عــليـله ونـاحـلـه مــنـي الـگـلب مـحـتـار
شـــگــلـه عالاهــل لـو نـاشــــد الــخـطـار
مـــــن گــد الــبــواچـي شايبه اچــفـونـي
///////
تـم بـعـون اللــه وبــركـاة الامــام الـــمـهدي عــــــج
✍ام زيــن الــعـابــديـن الــلامـي
اسالكم الدعالي والوالديه
الفاتحه الى،روح والدي ووالدتي 💔💔
للشاعرة ام زين العابدين اللامي
بصوت ستار الصالحي
"عاشِر أصيلاً إذا جارَ الزمانُ عليك يجودُ."
Читать полностью…
الليالي الجعفريه شهادة الامام الصادق عليه السلام قصيده سريع
الـله يعـيـن گلبه شـلـون
بــيـده يـغـمـض اعيونـه
//////////
شـحـال الـكـاظـم الليــلـه
يـشـــوفـه يـودع الـعيلـه
يـوصي ومـدمـعه يسلـه
واجـو كلـهم يـودعـــونـه
///////////
گـاعــد يــمـه ويـحــاچـيـه
وسـاعـه ايـقبـله ابـرجلـيـه
دمـعـه عـالوجـن يـجــريـه
الـعـمـر مـيفـيد مــن دونـه
//////////
بـخـده حـفـرن الـدمـعات
صـابـن گـلـبـه الـچـمـــات
بــيــده غــمـضـاه ومــات
بـگه يلـطم عـالـمـتـــونــه
//////////
شــمـه وسَـبـل أيـديـــــنه
امن المدمع عمـت عــينه
بـالـه سـرح بحســـــــينـه
مــــن رادو يـدفـنــــونـه
///////////
اذكر جــده الســــــــجاد
بيوم الرجـــع للأمجـــاد
لگاهه امطرحه الأجساد
منهم خابت اضـــــنونـه
////////////////////
✍✍✍الشاعره الاخت ام زين العابدين اللامي
ليلة استشهاد الإمام جعفر الصادق عليه السلام ٢٥ /شوال /١٤٤٥هج السبت 4 \5 \2024
#
قصيده بحق مولاتي السيده فاطمه العليله
ما ينحمل فرگاهم ،، ياروحي موتي اوياهم
الـــــمن باقــــــيه چا ما تموتيـــن
حسين وكل هلچ بالطف مطاعين
ياروحي
/////////////
يا روحـي المشـو عن عينـچ اعزاز
مــوتي اولا تضــلين
اليغيب حسين عنه سنينه شتفيد
مره اتصــير السنين
عمر وبلايه ابوي اعتــبره خلصان
وانتي بحالي تدرين
ابچي اعله الجفاني اشما تملكين
مـن ادمـــوع ياعين
حسين الاخذ آمالي ،، بس هوه عندي الغالي
وانتي ابهالأمر ياروحي تدرين
المـن باقــــيه چا ما تموتيـــــن
ياروحي
//////////////
بقيت اتبــع أثرهـــــم حـد الاغروب
خفـت واليل چلـــچل
اديرن وجهـي المــن والوكت خوف
زغيــره ومعرف الحل
صـــــعبه الدنيا صـــارت كلها وياي
بعد يا شــــــده تسهل
الگمر فارگني مو بس والدي الراح
وجسمي اعليهم انحل
وشل دمعها اعيوني ،، الراحو دمه يبچوني
راحو كل هلي وماضلي امعين
المن باقـــــــــيه چا ما تموتين
ياروحي
///////////////
شــد ضعن ارحيل وســـافر ابعـيد
ابوي وعــــــذباني
اخــذ كل الاهل حـتى النســــاوين
اوياهم ما خذاني
بقيت ادعــي يلاهي تعجل الموت
عگــب الفــارگاني
كحل اعيوني ابوي ابشوفته ارتاح
وحارب بي زماني
بس يمه تنسر عيني ،، راح الذي يسليني
نحيله وضاله بس تهمل العين
المن باقـــــيه چا ما تموتـــين
ياروحي
///////////////
كل لحضه التمر بيه اشتهي الموت
من تعرض صورهم
هلي وعـزاز عنــــدي ازغـار واكبار
فدوه آني الذكرهم
بچيــت اشـگد بچيت وما يردون
اويا دمعه التردهم
اتبـــعي آثار ضــعن الاهل ياروح
وموتي اويالنحبهم
صح الدروب ابعيده ،، بس روحي ابوي اتريده
ماريد العمر من بعد الحسين
المن باقــــيه چا ما تموتيـــن
ياروحي
//////////////
الچ گالوا نرد مـن بعد الاغياب
بقيت اشگد اســائل
لا الأكبــر أجه ولاجـاني عباس
يطمنوني ابرســائل
غير الدمع والحسـرات والنوح
ما امــــــلك وسائل
يهيد شلون ها ياروحي وينام
العنه اگليببه شـايل
حسرات يخلص ليلي،، وكل لحظه ينهد حيلي
وراهم عدله گولي شگد تضلين
المـــن باقــــيه چا ما موتيــــن
ياروحي
////////////////
تم بعون الله تعالى
بقلم خدمة اهل البيت ع
الشاعره ام زين اللامي
والشاعر ضياء الكناني
نســالـكم الـدعـاء
لا تطمح أن تكون أفضل من الآخرين ..
اطمح أن تكون أفضل من نفسك سابقاً، فإن العقول تصغر عندما تنشغل بالآخرين، وتكبر عندما تنشغل بذاتها
عن رسول الله صلى الله عليه وآله وسلم:
ذو الوجهين في الدنيا يأتي يوم القيامة وله وجهان من نار.
المصدر:ميزان الحكمة ج٤ ص٣٣٤٣
-إنَّ الأحزان تعطي الإنسان قدرة مُذهلة للتعبير عمّا يدور بداخله، الحُزن هو محبرة الكاتب .
-
" المزاجيّون لا يصلحون للحياة ."
- شكسبير I
اللهُم أجعلنا خير أصحاب لأصحابنا.
Читать полностью…
#همســة_مــودة ✍️❤️
سيموت في عينك أشخاص أحياء، وستأسف على أشخاص أموات .. ستتبدَّل مقامات الناس في قلبك .. وستُدرك أن العبرة ليست بالكثرة .. وأن خلاصة البشر الأوفياء تكمن في البقاء بجوارك أينما كنت، وكيفما كنت
القصيدة ردن على النواصب الذين يدعون اننا اهل البدع والخرافه عندما يرونا نبكي وننصب المئاتم على مصيبة الحسين ع
يالتلوم احنه عوابس ابد منعوف المجالس
واحسيناه واحسيناه
////////////////
هايه صرخه تعتلي لحد السماء
ياحســـين انصيح ونلبي النداء
احـنه شيعه ونفخـر بهذا الولاء
نبقه حد آخر نفس نحيي العزاء
ماتهزنه اهل السقيفه حسين مانترك مضيفه
واحسيناه واحسيناه
///////////////
شبيك متحسس علينه ومنقهر
ضايج ومقهور من لطم الصدر
أليضد حســـين من ربع الشمر
وبجهنم ينصلي ابيوم الحشـر
يخسر الحارب نهجنه جنه حب حسين عدنه
واحسيناه واحسيناه
//////////////
كافي مامليت مـن هـذا العناد
كافي تطعن بالشعائر والسواد
هالمجالس للخلد بيهه امتداد
ومجلسك وقصوركم صارن رماد
ليت اشياخك تشاهد انمحو وحسين خالد
واحسيناه واحسيناه
//////////////
حسين حبل الله المتين وقبلته
عالصـــراط اتجوز باجر شيعته
الـف هنيـــاله اليـنول امحـــبته
حسين جنه وكلنه نعشگ جنته
حسين عنوان العقيده … النه ضحه ابدم وريده
واحسيناه واحسيناه
/////////////
احنه عدنه حسين كعبه وليه نحج
بـأربـعـيـنـه نـعـتـنـي مـن كُـل فـج
مـانـجـازي الضـحـه دمـه والمـهـج
ونـدعـي بـالـلـهـم عـجـل بـالـفـرج
ويضهر الحق بضهوره ويترس الدنيا ابعطوره
واحسيناه واحسيناه
/////////////
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔