18546
Унутилган тарих — Тарихга бир назар! Реклама: https://t.me/joinchat/OvrSwxn2MsI3YzIy Каналдан пост олганингизда @unutilgan_tarix деб ёзинг! Мурожаат учун: @ad_ministrz Тестлар олами: @unutilgan_tarix_test
#retro_video
Бонни ва Клайд—1930 йиллар Америкасининг энг таниқли гангстерлари бўлиб, улар Буюк депрессиянинг 2 йили (1932-1934) мобайнида кўплаб банк ва машиналарни ўмаришган, камида 13 кишининг ҳаётига зомин бўлишган. Ниҳоят, 1934 йил 23 майда Луизианада 6 нафар полициячи Клайд Берроу ва Бонни Паркерни пистирмадан туриб, отиб ўлдиришган. Уларнинг "Ford V8" машинасига ҳаммаси бўлиб 167 та ўқ ёғдирилган, шундан тахминан 60таси Боннига, 50тачаси эса Клайдга теккан. Шу тариқа афсонавий жиноий жуфтликнинг фаолиятига чек қўйилган, бироқ уларнинг тарихи ҳанузгача турли кинофильмларда ёритилиб келинмоқда.
Депрессия даври фарзандлари бўлган Бонни ва Клайд шерифга қарата шундай деган: "Одамларингизга айтинг, биз қотиллар тўдаси эмасмиз. Шу лаънати Депрессиядан аранг омон чиқаётганларнинг ўрнига ўзингизни қўйиб кўринг."
🔎 @unutilgan_tarix
#bankrobbery
Жасур ўғри
Россия банкларида содир этилган энг машҳур талон-тарожлардан бири Пермда 2009 йил 25 июнда бўлган. Ўшанда Россиянинг "Сбербанк" банкига тегишли махсус инкассация машинасига ҳужум уюштирилган. Энг қизиғи, қароқчи 36 ёшли Александр Шурман ўша банкда инкассация ходими бўлган. Банкдан нақд пулни ҳисоб-китоб қилиш марказига пул олиб кетишаётганида у машинадаги ҳамкасбларига тўппонча ўқталиб, ҳайдовчига машинани ўрмонга буришни буюрган. Шундан сўнг қўриқчиларни зирҳли кабинага қамаб қўйиб, олдиндан тайёрлаб кўйган машинасига пул солинган сумкаларни юклаган ва у ердан ғойиб бўлган.
Ҳодиса натижасида ҳеч ким жабрланмаган, ўғирланган пуллар миқдори эса 250 миллион рублни ташкил этган. Ўғри уяли телефони орқали қидириб топилган ва беш кундан кейин ҳибсга олинган. Уни ўрмондаги кучадан, ўғирланган пулларни яқин атрофдаги омборхонадан топишган. Бу Россиядаги энг йирик ва энг кулгили банк талон-тарожлиги дея эътироф этилган— жиноятчи шунчалик тез қўлга олинганки, у ҳатто бир рубль сарфлашга ҳам улгурмаган. Суд собиқ инкассация ходимига нисбатан 8 йиллик қаттиқ режимдаги колонияда ўташ кўзда тутилган қамоқ жазосини белгилаган.
🔎 @unutilgan_tarix
1800 йилларда питбуллар ўзларининг ёш болаларга нисбатан кўрсатадиган ҳимоявий хатти-ҳаракатлари туфайли кўпинча "энага итлар" деб аталган.
🔎 @unutilgan_tarix
#kun_tarixi
1️⃣3️⃣ ФЕВРАЛЬ САНАСИДА СОДИР БЎЛГАН МУҲИМ ТАРИХИЙ ҲОДИСАЛАР
⚖️ 1633 йил — Римда Галилео Галилей устидан инквизиция суди бўлиб ўтган;
🔫 1692 йил — Гленкода (Шотландия) Макдоналд тўдасининг 70 дан ортиқ аъзолари азалий душманлари бўлган Кемпбелллар томонидан шафқатсизларча ўлдирилган, уйларига ўт қўйилган. Ушбу қотиллар аслида Макдоналд тўдаси бошпана берган меҳмонлар бўлишган. Қирғинга Макдоналд аъзоларининг зудлик билан янги қирол Уилям Оранскийга содиқликларини эълон қилишмагани асос бўлган;
⚔️ 1739 йил —Эрон шоҳи Нодиршоҳ Афшар Ҳиндистонга бостириб кирган ва Деҳли яқинида империя қўшинларини мағлуб этган;
⚔️ 1840 йил — Рус генерали Перовский даштдан қўшинларни қайтариш тўғрисида буйруқ берган ва шу тариқа Хивага қилинган қишки юриш муваффақиятсиз тугаган;
📌 1858 йил — Инглиз тадқиқотчилари Ричард Бартон ва Жон Спек Африкада олиб борилган экспедиция пайтида Марказий Африканинг шарқий қисмидаги Танганика катта кўлини кашф этишган;
⛓ 1917 йил — афсонавий жосус Мата Хари Парижда ҳибсга олинган;
⚔️ 1945 йил —Иккинчи жаҳон уруши: Дрезден инглиз-америка самолётлари томонидан бомбардимон қилина бошланган;
⌨️ 1946 йил — АҚШ ҳарбийлари Маучли ва Эккертнинг биринчи рақамли компьютерини (ENIAC) яратганлиги тўғрисида эълон қилишган;
🚫 1974 йил — СССР Олий Кенгаши Президиумининг фармони билан ёзувчи А.И.Солженицин СССР фуқаролигидан маҳрум қилиниб, мамлакатдан чиқариб юборилган;
📌 1975 йил — Шимолий Кипр Туркия Федерал Давлати дея эълон қилинган;
📌 1988 йил— Степанакертда бўлиб ўтган илк учрашувда Тоғли Қорабоғ Республикасининг Арманистонга қўшилиши талаби қўйилган;
⚔️ 1996 йил — Непал Коммунистик партиясининг Непалдаги қирол ҳокимиятига қарши "Халқ уруши" бошланган;
💣 2004 йил —Доҳада (Қатар), суиқасд натижасида Чеченистоннинг Ичкерия Республикаси Президенти Зелимхон Яндарбиев ўлдирилган. У Доҳадаги марказий масжидда жума намозидан уйига қайтаётганда, машинаси портлатилган пайтда ҳалок бўлган.
🔎 @unutilgan_tarix
Дизайнер Бенжамин Боуден ўзи яратган "Spacelander" велосипеди билан. Лондон, 1946 йил. Режага кўра, ушбу велосипедда шиша толали ёпиқ корпус, амортизаторли вилка, чироқлар учун махсус аккумулятор, овоз сигнали ва радио бўлиши керак эди. Бу ғояларнинг барчаси соҳада йирик янгилик бўлганлиги учун бирорта ҳам инглиз компанияси бундай велосипедларни ишлаб чиқаришга журъат эта олмаган.
🔎 @unutilgan_tarix
#retro_video
Ғани Аъзамов ижросидаги "Сартарош Али" қўшиғи. "Мафтунингман" филмидан, 1958 йил.
🔎 @unutilgan_tarix
#iqtibos
"Ҳаётда фақат икки кун муҳим: ёруғ дунёга келган кунинг ва нима учун туғилганингни тушунган кунинг"Марк Твен
#bankrobbery
Ницца шаҳридаги Societe Generale банкини ўмарган қувноқ қароқчилар
Ўғрилик ташкилотчиси собиқ ҳарбий хизматчи Алберт Спажиари бўлган. Нафақага чиққанидан сўнг, у фотографлик қилишга ўтган ва Ниццада кичикроқ ателье очган. Миясига жиноят қилиш ҳақидаги фикр келгач, махсус хизматдаги собиқ ҳамкасблари билан боғланган. Ўғриликдан кейин Албертнинг ўзидан бошқа ҳеч кимнинг ҳибсга олинмаганлигини уларнинг профессионаллиги билан изоҳлаш мумкин. Хуллас, шериклар банкнинг омбори шаҳар чиқинди қувурлари коллекторидан атиги бир неча метр масофада жойлашганлигини аниқлашган. Шундан сўнг 8 метрли туннель қазишга ва бир метр узунликдаги темир-бетон деворни ўйиб, сейфларга кириш учун махсус ҳимоя металл конструкцияларни бузишга қарор қилишган. Бундан ташқари, сигнал тизими олдиндан тебраниш ва товушга сезгирлиги учун синовдан ўтказилган: тўда аъзоларидан бири сақлаш камерасига механик будильникни топширган. Кечаси сигнализация ўчган, лекин будильник ишламаган.
2 ойлик тайёргарликлан кейин 1976 йил 16 июлда, одамлар Бастилия куни шарафига шовқин-сурон билан тантана қилаётган бир пайтда жиноятчилар ишга киришган. Банкка кириш силлиқ кечган ва ўғрилар қўшалоқ байрамни ўша ернинг ўзида нишонлашган. Кейинчалик полиция жиноят содир бўлган жойдан ичимлик идишлари, овқат қолдиқлари ва маҳаллий машҳурларнинг ахлоқсиз фотосуратларини топишган. Маълум бўлишича, улар банкдан 50 миллион франк (замонавий пулда 30 миллион евро) пулни ўмариб, кетишда ўзларининг кейинчалик машҳур идорага айланган дастхатларини ҳам қолдиришган: "Sans armes, ni haine, ni violence" ("Қуролсиз, нафрат ва шафқатсизликсиз"). Ўғриликдан бир неча ой ўтгач, полиция Алберт Спажиарини ҳибсга олган, аммо у ҳам суд залидан қочиб қутулишга муваффақ бўлган. У ҳакамлар ҳайъатини код ёзилган ёзув билан чалғитиб, деразадан сакраб тушган ва шериклари томонидан тайёрлаб қўйилган мотоциклда жуфтакни ростлаган. Уни шундан сўнг ҳеч ким кўрмаган.
🔎 @unutilgan_tarix
#uzb
Туркистон Автоном Совет Республикасининг қизил байроғининг кўтарилиши. Тошкент, 1918 йил. Ундан олдин байроқ ўрнида К.П.фон Кауфман ҳайкали бўлган.
🔎 @unutilgan_tarix
#kun_tarixi
1️⃣1️⃣ ФЕВРАЛЬ САНАСИДА СОДИР БЎЛГАН МУҲИМ ТАРИХИЙ ҲОДИСАЛАР
⚔️ 1573 йил — Гугенотлар уруши: католик кучлари Ла-Роҳелни қамал қилган;
📌 1626 йил — Эфиопия негуси Сусниёсе ва Патриарх Алфонсо Мендес Эфиопия православ черковининг Римга бўйсунишини таъкиллаб, католикликни давлат дини деб эълон қилишган
⚔️ 1659 йил —Дания ва Швеция уруши: шведлар Копенгагенга муваффақиятсиз ҳужумни бошлашган;
⚔️ 1695 йил — Польша-Туркия уруши: буюк ҳукмдор Станислав Ян Яблоновский татарларнинг Лвовга қилган босқинини қайтариб, Шебас-Гирай татар қўшинларини бутунлай мағлуб этган;
🚬 1697 йил — Пётр I томонидан Россия империясида тамаки сотилишига рухсат берилган;
⚔️ 1727 йил —Англия-Испания уруши: Гибралтарни қамал қилиш бошланган;
🛳 1809 йил —Роберт Фултон пароход учун патент олган;
🏢 1826 йил —Лондон университети коллежи Лондон университети сифатида ташкил этилган. Бу Лондондаги биринчи университет бўлган;
🗡1829 йил —Россиянинг Теҳрондаги элчихонасида худкушлик содир этилган;
📌 1873 йил —Испания қироли Амадеус I кескин ижтимоий инқироз туфайли тахтдан воз кечгач, Кортес томонидан Биринчи Испания Республикаси эълон қилинган;
📜1889 йил — Японияда Пруссия услубидаги конституциявий монархияни ўрнатган Мейжи ҳокимиятида Конституция қабул қилинган. Конституция қабул қилингандан кейин Японияда Осиё қитъасида биринчи парламент ташкил этилган;
📌 1921 йил —Грузиянинг советлаштирилиши: Грузиянинг Борчали ва Ахалкалаки туманларида 11-армия қўмондонлиги билан келишилган ҳолда маҳаллий коммунистлар исён кўтаришган ва шахарларни эгаллаб олишган;
🌡 1922 йил — Фредерик Бунтинг инсулинни кашф этган;
🤝 1929 йил — Муссолини бошчилигидаги Италия давлати ва Муқаддас Тахт ўртасида Латеран битими имзоланган;
🚀 1943 йил —Сталин атом бомбасини яратиш бўйича СССРда иш бошлаш тўғрисидаги қарорни имзолаган;
🚫🇨🇳 1978 йил —Хитойда Аристотел, Шекспир ва Диккенс китобларини ўқишга қўйилган тақиқ бекор қилинган;
🇮🇷 1979 йил —Эронда ислом инқилоби: Теҳронда муваққат ҳукуматга содиқ бўлган қўшинлар билан уч кунлик кўча жангларидан сўнг Оятуллоҳ Хумайний тарафдорлари шаҳар устидан назоратни қўлга киритишган;
🇪🇬 2011 йил — Миср инқилоби: Миср президенти Ҳусни Муборак истеъфога чиққан ва ҳокимият Қуролли Кучлар Олий Кенгашига ўтган.
🔎 @unutilgan_tarix
#uzb
"Алишер Навоий" кинофильмининг суратга олиш жараёнидан. 1947 йиллар.
🔎 @unutilgan_tarix
#retro_video
Саудия Арабистонидаги ҳаёт, 1920 йиллар.
🔎 @unutilgan_tarix
#iqtibos
"Пасткаш мақтангани билан буюк бўлмас, эчки югургани билан кийик бўлмас."Алишер Навоий
Энг қадимги сюжет—айбдор кўринишдаги уй ҳайвонлари ва ағдарилган ваза. Ушбу мозаика 1993 йилда Мисрдаги Искандария Янги кутубхонаси қурилиши пайтида топилган бўлиб, у мил.авв.II-I асрларга оиддир.
🔎 @unutilgan_tarix
#retro_video
Бугун, 9 февраль, улуғ шоир ва давлат арбоби Ҳазрат Алишер Навоийнинг (1441-1501) таваллуд куни. Мазкур видеода Навоийнинг Кобул шаҳридаги мақбараларининг аҳволи ҳақида ҳикоя қилинади. 2000 йиллар, Афғонистон.
🔎 @unutilgan_tarix
#kun_tarixi
1⃣4⃣ ФЕВРАЛЬ САНАСИДА СОДИР БЎЛГАН МУҲИМ ТАРИХИЙ ҲОДИСАЛАР
📌 842 йил— француз тилининг туғилган куни: немис Луи II ва Карл II қадимги француз тилида Страсбург қасамёдини қилишган;
🔥1349 йил — Қора ўлим: ўлатни тарқатишда айбланган 2000 га яқин яҳудийлар Страсбургда ўлдирилган, улардан 900 нафари тириклайин ёқиб юборилган;
🤴📝 1483 йил— Буюк шоир ва Темурийлар сулоласидан чиққан машҳур давлат арбоби, Ҳиндистондаги йирик Бобурийлар империяси асосчиси Заҳириддин Муҳаммад Бобур туғилган;
🗡 1779 йил — денгизчи Жеймс Кук Гавайи ороллари аҳолиси томонидан ўлдирилган (баъзи маълумотларга кўра ейилган);
⚔ 1804 йил— Усмонийлар ҳукмронлигига қарши Георгий Петрович бошчилигидаги сербларнинг биринчи миллий озодлик қўзғолони бошланган;
📢 1834 йил —Лионда тўқувчиларнинг умумий иш ташлаши бошланган, биринчи марта ишчиларнинг инқилобий курашининг рамзи сифатида қизил байроқ кўтарилган;
☎️ 1876 йил— Александр Грехем Белл АҚШ ҳукуматидан "нутқ ва бошқа товушларни телеграф орқали электр тўлқинлари ёрдамида узатиш аппарати", яъни телефон учун патент олган;
📆 1918 йил — Совет Россияси Грегориан тақвимига ўтган;
🔫 1929 йил — Чикагода Валентин куни қирғини. Аль Капоне мафиозлари ўзларининг рақиблари бўлган ирландларнинг Моран тўдасининг 7 нафар аъзосини отиб ўлдиришган;
✈️ 1945 йил — Германия қўл остидаги Чехословакия пойтахти Прага АҚШ ҳаво кучлари томонидан бомбардимон қилинган. Натижада 700дан зиёд киши ҳалок бўлган ва 1184 киши яраланган, уларнинг барчаси оддий фуқаролар бўлган;
🇺🇸 🇦🇫 1979 йил — АҚШнинг Афғонистондаги элчиси Адольф Дубс гаровга олинган ва кейинчалик ўлдирилган. Бу воқеа АҚШнинг Афғонистонга нисбатан сиёсатини кескин кучайишига олиб келган. АҚШнинг Афғонистондаги элчиси лавозими 2002 йилгача бўш қолган;
💻⛓ 1995 йил —афсонавий хакер Кевин Митник АҚШ ҳукумати томонидан ҳибсга олинган;
⏯ 2005 йил — YouTube ишга тушган;
⚔ 2011 йил — Араб баҳори: Баҳрайнда қўзғолон бошланган.
🔎 @unutilgan_tarix
Тасодифий илҳом
Валентин Серов деган рус рассоми Оқпошшо Николай IIнинг портретини анча вақтгача чиза олмай юрган. Император сурат тайёр бўлса, уни рафиқаси Александра Федоровнага тақдим этишни ният қилганди. Ниҳоят, кўп иккиланишлардан сўнг рассом императордан кечирим сўраган ва бу иш қўлидан келмаётганлигини айтган. Николай бундан хафа бўлган, у рассомни нафақат моҳир рассом сифатида, балки инсон сифатида ҳам яхши кўрган, унинг олдида салтанат ташвишларини унутиб, таскин топган.
Серов суратни чиза олмаслигини айтгач, Оқпошшо қўлларини чалиштириб столга ўтирган. Шу тоб рассомнинг хаёлига ярқ этиб бир фикр келган— ахир, императорнинг бу ҳолатда ўтириши у излаётган образ-ку! Эгнига оддий ҳарбий мундир кийган Николайнинг кўзларида оғриқ, қўрқув, шум тақдирни англаш, ўтмиш ва келажакдаги бахтли дамлар учун миннатдорчилик ифодаси акс этарди. 1900 йилда чизилган ушбу портрет сўнгги императорнинг энг яхши тасвири саналади.
🔎 @unutilgan_tarix
#retro_video
Нацистлар Германияси ва иттифоқчи давлатлар ўртасида кечган ҳаво жанглари. Иккинчи жаҳон уруши.
🔎 @unutilgan_tarix
"Леночка" —ХХ асрнинг 60 йиллари бошида "Советское фото" журналидан олинган расм. Сураткаш Александр Геринас саккиз ойлик қизини суратга олиб, уни янги қандолат ўрами учун танловга юборган ва шу тарзда биз билган "Аленка" пайдо бўлган.
🔎 @unutilgan_tarix
#uzb
Комсомолское кўли бўйидаги Пионерская станциясига поезд келиши. 1957 йил, Тошкент архивидан олинган сурат.
🔎 @unutilgan_tarix
#kun_tarixi
1️⃣2️⃣ ФЕВРАЛЬ САНАСИДА СОДИР БЎЛГАН МУҲИМ ТАРИХИЙ ҲОДИСАЛАР
⚔️ 1429 йил— Юз йиллик уруш: Орлеанни қамал қилиш пайтида инглизлар Руврай қишлоғидаги жангда французларни мағлуб этишган;
📌 1429 йил —Шампан ва Лотарингия чегарасидаги Домреме қишлоғидан келган 17 ёшли қиз Жанна д'Арк инглиз-француз урушига қўшилган;
🚫 1502 йил — насронийликни қабул қилмаган маврлар Кастилиядан қувиб чиқарилган;
📌 1541 йил — Испания конкистадори ва Чилининг биринчи губернатори Педро де Валдивия Сантяго де Чили шаҳрига асос солган;
📜 1810 йил— Наполеон Бонапарт янги жиноят кодексини тасдиқлагвн, ушбу кодекс 1994 йилгача амал қилган;
🤝 1899 йил — Испания Германияга Каролина ва Мариана оролларини, шунингдек, Палаунинг шимолий қисмини сотиб юборган;
🚘🏁 1908 йил — Нью-Йоркда дунёдаги илк автопойга бошланган;
📌 1925 йил —Қозоғистон АССР таркибида Қорақалпоғистон автоном вилояти тузилган;
🐦 1958 йил — Хитойда Буюк сакраш сиёсати доирасида зараркунандаларга, айниқса, чумчуқларга қарши кенг кўламли кампания бошланган;
⚖️ 2002 йил —Гаага шаҳридаги собиқ Югославия раҳбарининг ҳарбий жиноятлари бўйича халқаро трибунал Югославия Федератив Республикасининг собиқ президенти Слободан Милосевичга қарши ҳарбий жиноятлар бўйича айбловлар бўйича суд жараёнини бошлаган;
🔎 @unutilgan_tarix
Фарзандингиз телефонга борган сари қарам бўлиб қоляптими!?
Унақада унинг қизиқишларига инновацион ечим бизда!
Инновацион мини проектор — фарзандизнинг ижодий қобилятларини юзага чиқаришга ёрдам беради!
АКЦИЯ НАРХИ: 129.000✅
ЕТКАЗИШ БЕРИШ МАВЖУД! Тўлов махсулотни қўлингизга олганда қиласиз
📃БАТАФСИЛ👈📞
БУЮРТМА БЕРИШ 🚛
Кингстондаги Квинс университети талабаси Илон Маск. Канаданинг Онтарио шаҳри, 1990 йиллар.
🔎 @unutilgan_tarix
Совет Иттифоқида яратилган РДС-37 водород бомбасининг синовдан ўтказилиши, 1955 йил 22 ноябрь. Семипалатинск полигони.
🔎 @unutilgan_tarix
Нега уч йил мобайнида немис футболчисига ўйинчоқ уйлар совға қилинган?
Ҳужумчи Жузеппе Рейна 1996 йилда "Арминия" ФК билан уч йиллик шартномани имзолаган. У шартномада ноодатий банд бўлишини талаб қилган ва унга кўра, клуб ҳар йили футболчига янги уй қуриб бериши керак эди. "Арминия" вакиллари унга эътироз билдиришмаган ва ушбу бандда аниқ шартлар йўқлиги сабабли ҳар йили Рейнага болалар дизайнери ясаган уйларни тақдим этишган.
🔎 @unutilgan_tarix
1937 йилда АҚШда марихуана истеъмол қилиш тақиқланган. Бунга бир неча олимларнинг ушбу гиёҳванд модда таъсирида оқ танли аёллар қора танли эркаклар билан яқинлик қилишни истаб қолишини исботлашлари сабаб бўлган.
🔎 @unutilgan_tarix
#kun_tarixi
1️⃣0️⃣ февраль санасида содир бўлган муҳим тарихий ҳодисалар
📖 1074 йил— Маҳмуд Қошғарий туркий тилдаги илк луғат— "Девони Луғотит-турк"ни ёзиб тугатган;
⚔️ 1258 йил —Ҳулоку қўмондонлигидаги мўғул қўшинлари ва уларнинг иттифоқчилари Аббосийлар халифалигининг пойтахти Бағдодни эгаллаб олишган. Босқиндан кейин Бағдод талон-тарож қилиниб ёқиб юборилган, юз минглаб аҳоли ўлдирилган;
⚔️ 1354 йил— Оксфорд университети талабалари ва шаҳар аҳолиси ўртасида икки кун давом этган йирик муштлашув бўлиб ўтган ва кейинчалик 63 нафар талаба ва 30 га яқин шаҳар аҳолисининг ўлимига сабаб бўлган қуролли тўқнашувга айланиб кетган. Охир оқибат талабалар мағлубиятга учраган. 1955 йил 10 февралда университет расман шаҳарни "кечирган".
📜 1763 йил— Парижда етти йиллик урушга нуқта қўйган тинчлик шартномаси имзоланган;
⚔️ 1814 йил — Наполеоннинг олти кунлик уруши: Шампоберт жангида Наполеон Олсуфиев қўмондонлиги остида рус қўшинини мағлуб этган;
🇨🇦 1841 йил —Британия Қуйи ва Юқори Канаданинг қонунчилик институтларини бекор қилган ва ушбу мустамлакалар ўрнига янги сиёсий бирлик — Канада провинцияси ташкил этилган;
⚔️ 1939 йил— Испанияда фуқаролар уруши: Генерал Франко қўшинлари Каталонияни эгаллаб олган;
📺 1940 йил — "Том ва Жерри" мултфилми илк марта намойиш этилган. У энг яхши анимацион қисқа метражли фильми номинацияси бўйича 7 та Оскар мукофотига сазовор бўлган;
⚔️ 1986 йил — Эрон-Ироқ уруши: Эрон кучлари "Wall Fire 8" операцияси давомида Ироқни Форс кўрфазига кириш йўлидан деярли узиб қўйган Фао ярим оролини эгаллаб олишган. Фао ярим оролидаги Ироқ кучлари қўмондони Бағдодга чақирилиб отиб ташланган. Ироқликлар Фао ярим оролини фақат 1988 йилнинг апрелида қайтариб олишга муваффақ бўлишган;
⚖️ 1986 йил — Сицилия мафияси устидан энг йирик суд жараёни бўлиб ўтган;
🤝 1990 йил — Совет Иттифоқи раҳбари Михаил Горбачёв Москвада Германия канцлери Гелмут Кол билан ўтказилган учрашувда Германияни бирлаштиришга розилик билдирган;
💪 1996 йил —IBM Deep Blue суперкомпютери ва Гарри Каспаров ўртасида илк маротаба шахмат ўйини бўлиб ўтган ва унда Каспаров 4: 2 ҳисобида ғалаба қозонган;
🚀 2005 йил — КХДР Ташқи ишлар вазирлиги биринчи марта мамлакатда ядро қуроли яратилишини эълон қилган.
🔎 @unutilgan_tarix
Филиппиннинг пойтахти Манилада қарийб 11 миллион киши истиқомат қилади, уларнинг аксарияти уй-жой етишмовчилигидан азият чекади. Шу боис шаҳарнинг энг камбағал аҳолиси яшаш учун тўғри келган жойларни танлашга мажбур бўлишади. Масалан, Маниладаги энг катта Шимолий қабристонда ҳозирда 3000 дан ортиқ тирик одамлар узоқ вақтдан бери истиқомат қилиб келишмоқда.
Қабристонда кўнгилдагидек ҳаёт учун зарур бўлган барча нарсалар: фаст-фуд емакхоналари, баскетбол ўйнаш учун зарур халқалар, караоке, ресторанлар ва ҳаттоки интернет-кафелар ҳам мавжуд. Шу билан бирга, вафот этганларни ушбу қабристонга дафн қилиш ишлари ҳамон давом этмоқда, у ерга йилига 80га яқин марҳум қабул қилинади.
🔎 @unutilgan_tarix
Лос-Анжелесдаги ғалаён пайтида ўз дўконларини талончилардан ҳимоя қилишга шай турган гиёҳванд модда сотувчилари. АҚШ, 1992 йил.
🔎 @unutilgan_tarix
#kun_tarixi
9️⃣ ФЕВРАЛЬ САНАСИДА СОДИР БЎЛГАН МУҲИМ ТАРИХИЙ ҲОДИСАЛАР
📝 1441 йил— Ҳирот шаҳрида шоир, мутафаккир ва давлат арбоби Низомиддин Мир Алишер (тахаллуси Навоий) туғилган;
👑 1654 йил — Швеция қироличаси Кристина тахтдан воз кечган;
⚔️ 1695 йил —Морай уруши: Иноуссес ороллари яқинида денгиз жанги бўлиб ўтган ва дуранг билан тугаган. 10 кундан кейин жанг яна давом этган ва турклар Венеция флотини мағлубиятга учратган;
⚔️ 1788 йил —Австрия Туркияга қарши уруш эълон қилган;
🤝 1801 йил —Луневил шаҳрида Франция ва Австрия ўртасида тинчлик шартномаси имзоланган. Франция томонидан Жозеф Бонапарт, Австрия томонидан ташқи ишлар вазири Кобензл имзолаган. Шартнома французларга қарши иккинчи коалициянинг тугатилишига сабаб бўлган;
📌 1849 йил — Миллатлар баҳори: Жузеппе Гарибалдининг таклифига биноан Италия республика деб эълон қилинган;
🇯🇵 1889 йил — Япония Конституцияси кучга кирган;
✈️ 1920 йил — инглиз мустамлакачилари қўшинлари Дервиш давлатининг пойтахти Талеҳга кириб келишган. Дервиш қўшинлари биринчи марта самолётларга дуч келиб, қочиб кетишган;
📌 1924 йил —Озарбайжон ССР таркибида Нахичеван АССР ташкил топган. (1990 йил ноябрдан — Озарбайжон Республикаси таркибидаги Нахичеван Автоном Республикаси).
🤝 1929 йил —Москвада СССР Ташқи ишлар халқ комиссари ўринбосари Максим Литвиновнинг ташаббуси билан СССР, Польша, Руминия, Латвия ва Эстония ўртасида миллий сиёсат воситаси сифатида урушдан воз кечиш тўғрисида битим имзоланган;
🇮🇷 1979 йил — Эронда Паҳлавийлар сулоласи ағдарилган;
⛓ 1990 йил — Нельсон Мандела озодликка чиққан;
💣 1998 йил —Грузия президенти Эдуард Шеварднадзега қарши суиқасд уюштирилган. Тбилисининг марказида унинг автоуловига граната улоқтирилган ва автоматлардан ўққа тутилган. Бироқ, зирҳли Мерcедес унинг ҳаётини сақлаб қолган;
📌 2016 йил — Гравитация тўлқинлари кашф этилган.
🔎 @unutilgan_tarix
