18546
Унутилган тарих — Тарихга бир назар! Реклама: https://t.me/joinchat/OvrSwxn2MsI3YzIy Каналдан пост олганингизда @unutilgan_tarix деб ёзинг! Мурожаат учун: @ad_ministrz Тестлар олами: @unutilgan_tarix_test
#uzb #tarixda_bugun
Хоразм Халқ Шўролар Жумҳурияти ташкил этилганига 103 йил бўлди
1920 йил 26-30 апрель кунлари Хивада Бутунхоразм вакилларининг биринчи қурултойи бўлиб ўтган. Ушбу қурултой якунида Хоразм Халқ Шўролар Жумҳурияти тузилганлиги эълон қилинган.
Жумҳурият қабул қилган биринчи конституцияда давлатнинг энг муҳим ишларини ҳал қилиш олий ҳокимият органи бўлган Умумхоразм халқ вакиллари қурултойига тегишли деб белгилаган. Ижроия органи сифатида 15 аъзодан иборат Халқ Нозирлари кенгаши ҳам тасдиқланган.
Хоразм Жумҳурияти маъмурий жиҳатдан 22 та туманга бўлинган (собиқ Хива хонлиги ҳудудлари). Ўрта Осиёда ўтказилган миллий-ҳудудий чегараланиш сиёсати натижаси ўлароқ 1924 йилда тугатилган.
🔎 @unutilgan_tarix
Тақдир кометаси
Ҳар 75 йилда сайёрамизга Галлей номли комета яқинлашади. 1835 йил 30 ноябрда ўша осмон жисми яна бир бор Ерга яқинлашганида таниқли америкалик ёзувчи Марк Твен (Сэмюэль Клеменс) дунёга келган. Ўшандан буён у ўз тақдирини сирли комета билан боғлаган ва айнан шу комета билан бирга ўлишини башорат қилган. Ажабланарли жиҳати шундаки, ёзувчининг башорати амалга ошган. У 1910 йил апрель ойида кометанинг Ер орбитасига яқинлашувидан бир кун ўтиб вафот этган.
🔎 @unutilgan_tarix
#retro_video
Ўғлим, овқатингни емайсанми?
"Маҳаллада дув-дув гап" фильмидаги энг кулгили кадрлардан бири. 1960 йил. Афсонавий ўзбек актёрлари Ҳамза Умаров (ўғил), Марям Ёқубова (она) ва Раҳим Пирмухаммедов (ота) иштирокида.
🔎 @unutilgan_tarix
#iqtibos
"Уйимнинг дераза ва эшикларини беркитиб ўтира олмайман, чунки тоза ҳаво кириши керак. Аммо ўша ҳавонинг довул бўлиб, оилам ва ўзимни янчиб ўтишига ҳам йўл қўёлмайман."Маҳатма Ганди
1987 йилда 15 ёшли Габи исмли немис овчарка ити ўзаро жангда Белград ҳайвонот боғидаги қафасидан қочиб кетган ягуарни мағлуб этган. Иккита қўриқчи итга эга бўлган хайвонот боғи қоровули тунда айланиб юрганида қоронғуда ягуарнинг қафаси бўш турганини пайқамай ўтиб кетган. Бироқ, Габи ёввойи мушукнинг ҳидини сезган ва иккинчи ит қўрқоқлик қилиб қочиб кетганига қарамай, ягуарга ташланган. Қоровул пайтдан фойдаланиб, полицияга хабар қилган, лекин улар ягуарни ушлай олишмаган ва одамларни хавфдан холи қилиш учун уни отиб ташлашга мажбур бўлишган. Габи ўзига кўп жароҳат етганига қарамасдан муваффақиятли кечган операциядан сўнг яна ҳайвонот боғидаги ишига қайтган.
🔎 @unutilgan_tarix
#uzb
Чорсуда ҳашар, тахминан 40-50 йиллар. Сурат олинган аниқ вақт маълум эмас.
🔎 @unutilgan_tarix
#article
Ислом оламининг йирик намоёндаси, улкан диний арбобимиз Шайх Муҳаммад Содиқ Муҳаммад Юсуф ҳазратларининг ҳаёти ва фаолиятига оид маълумотларни жамлаб, эътиборингизга ҳавола этишни лозим топдик
🔎 @unutilgan_tarix
https://telegra.ph/SHAJH-MU%D2%B2AMMAD-SODI%D2%9A-MU%D2%B2AMMAD-YUSUF-KIM-EHDI-04-28
Озодлик ҳайкали. Париж, 1886 йил. ( Сурат ҳайкал Франциядан Америкага олиб келингунича бўлган даврда олинган).
🔎 @unutilgan_tarix
#retro_video
YouTube асосчиларидан бири Жавед Карим Сан-Диего ҳайвонот боғида, 2005 йил.
"Me at the zoo" деб номланган видео платформада пайдо бўлган биринчи видеодир.
🔎 @unutilgan_tarix
#iqtibos
"Санъаткорларга, фоҳишаларга ва извошчи аравакашларга тегинманг, чунки улар хар қандай хокимиятга хизмат қилаверадилар."Адмирал Колчак
Китоб муқовалари маъно акс эттирганда: Эдвард Гиббоннинг 7 томли "Рим империясининг таназзули ва қулаши" китоби, 1947 йил.
🔎 @unutilgan_tarix
#retro_video
Акасига тор шим, синглисига калта юбка, ўлган бувисига янги кафанлик...
Эргаш Каримов ва ўзбек кино санъатининг бошқа дарғалари иштирокидаги "Замбаракнинг ўқи" киноминиатюрасидан парча: Тўй маслаҳати. 1972 йил.
🔎 @unutilgan_tarix
Дунёдаги илк автомобиль, у 1769 йилда Никола Жозеф Кюньо томонидан яратилган.
🔎 @unutilgan_tarix
"Бу йигитлар Atabrineни қабул қилишни унутишган" - безгакка қарши доринининг кўргазмали рекламаси. Папуа-Янги Гвинея, ўтган аср 40-йиллар боши.
🔎 @unutilgan_tarix
#kun_tarixi
2️⃣6️⃣ АПРЕЛЬ САНАСИДА СОДИР БЎЛГАН МУҲИМ ВОҚЕАЛАР
⚔️ Мил.авв 1457 йил —Мегиддо жангида фиръавн Тутмос III қўшинлари Шимолий Сурия ва Фаластин шоҳлари иттифоқини мағлуб этган;
🌎 1607 йил — дастлабки инглиз кўчманчилари Америкадаги Генри бурнига (Виржиния) тушишган;
🎶 1783 йил— ўн уч ёшли Людвиг ван Бетховен Бонн шаҳридаги сарой оркестри учун клавиатурачи этиб тайинланган;
⚔️ 1798 йил —Франция Женева Республикасини қўшиб олган;
⚔️ 1865 йил — Америка фуқаролар уруши: Конфедерация генерали Жозеф Жонстон армияси билан иттифоқ генерал Уилям Шерманга таслим бўлган;
📌 1920 йил — Хоразм Халқ Совет Республикаси эълон қилинган;
🏍 1921 йил — Лондон кўчаларида биринчи мотоциклда патруль хизмати пайдо бўлган;
🗳 1925 йил— Фельдмаршал Гинденбург Веймар республикасининг президенти этиб сайланган;
✈️ 1937 йил— Испания фуқаролар уруши пайтида Германия ва Италия самолётлари томонидан Герника бомбардимон қилинган;
📝 1954 йил— Ўзбекистон халқ шоири Муҳаммад Юсуф таваллуд топган;
🇺🇿 1966 йил —8 балли Тошкент зилзиласи юз берган;
💣 1986 йил —инсоният тарихидаги энг йирик техноген фалокатлардан бири Чернобиль АЭСида авария содир бўлган;
🇺🇿 🎖1996 йил— "Амир Темур" ва "Буюк хизматлари учун" орденлари, бир қатор фахрий унвонлар( "Ўзбекистон Республикаси халқ артисти") таъсис этилган;
🇺🇿 1997 йил— "Инсон ҳуқуқлари бўйича вакил (Омбудсман) тўғрисида"ги қонун қабул қилинган;
💻 1999 йил — Чернобиль компьютер вируси дунё бўйлаб ярим миллионгача компьютерни зарарлаган;
🇺🇿🇮🇷 2002 йил— Эрон президенти Саййид Муҳаммад Ҳотамий Ўзбекистонга расмий ташриф билан келган.
🔎 @unutilgan_tarix
Генри Форд ўзи яратган "Ford Model T" автомобили билан. 1921 йил.
🔎 @unutilgan_tarix
#uzb
Чимён йўли. Ўзбекистон, 20-30 йиллар. Макс Пенсон олган сурат.
🔎 @unutilgan_tarix
#kun_tarixi
3️⃣0️⃣ АПРЕЛЬ САНАСИДА СОДИР БЎЛГАН МУҲИМ ВОҚЕАЛАР
🇺🇸 1789 йил —Жорж Вашингтон бир овоздан АҚШнинг биринчи президенти этиб сайланган;
🤝 1803 йил —АҚШ Луизианани Франциядан бир акр учун 4 центдан тўлаб сотиб олган;
📌 1838 йил—Никарагуа Марказий Америка Федерациясидан ажралиб чиққан;
🚉 1854 йил — Бразилияда биринчи темир йўл очилган;
🇺🇸 1900 йил— Гавайи Қўшма Штатлар томонидан қўшиб олинган;
📜 1905 йил— Россия императори Николай II дин эркинлиги тўғрисидаги фармонни имзолаган;
🇺🇿 1920 йил— Хоразм Халқ Совет Республикаси ташкил топган;
⚔ 1945 йил— Берлин операцияси пайтида Совет қўшинлари Рейхстагга ҳужумининг бошланган;
⛓ 1945 йил—Совет қўшинлари томонидан Равенсбрюк аёллар концлагеридаги маҳбуслар озод қилинган;
📌 1945 йил — Адольф Гитлер бункерида ўз жонига қасд қилган;
🇭🇹1958 йил — Гаитида давлат тўнтаришига уриниш бўлиб, президент Франсуа Дувале томонидан шафқатсизларча бостирилган;
🎖1961 йил — Куба раҳбари Фидель Кастро Ленин номидаги тинчлик мукофотини олган;
💍🔫 1961 йил —Минскда америкалик Ли Харви Освальд ва Марина Прусакованинг тўйи бўлиб ўтган. 2 йилдан сўнг Освальд АҚШ президенти Жон Кеннедини ўлдиришда айбланган;
⚔ 1970 йил —Вьетнам уруши: АҚШ қўшинлари Камбоджага кириб келган;
⚔ 1975 йил — Вьетнам уруши Сайгонни Шимолий Вьетнам қўшинлари томонидан босиб олиниши билан якунланган;
🇮🇱 1979 йил — Исроил давлати пайдо бўлганидан бери биринчи марта унинг кемаси Сувайш канали орқали ўтган;
🇺🇿 1990 йил— "Эрк" демократик партиясининг таъсис қурултойи бўлиб ўтган;
🇦🇲 1991 йил — Қорабоғдаги арман қишлоқлари аҳолисини оммавий равишда депортация қилиш бошланган;
🌐 1992 йил —Женевада инглиз Тим Бернерс-Ли томонидан ишлаб чиқилган World Wide Web технологияси ҳамма учун бепул бўлиши эълон қилинган;
📌 1992 йил— Ўзбекистон Европа тикланиш ва тараққиёт банкига аъзо бўлган;
🇧🇷 🇺🇿1993 йил— Ўзбекистон ва Бразилия ўртасида ўзаро дипломатик муносабатлар ўрнатилган;
🇺🇿🇰🇿🇰🇬 1994 йил— Марказий Осиё Иқтисодий Ҳамжамияти ташкил топган; Чўлпонота шаҳрида Ўзбекистон, Қозоғистон ва Қирғизистон ўртасида ягона иқтисодий макон тузиш тўғрисида уч томонлама шартнома имзоланган;
🇺🇿 1998 йил— "Виждон эркинлиги ва диний ташкотлар тўғрисида"ги, "Чет эл инвестициялари тўғрисида"ги, "Марказий сайлов комиссияси тўғрисида"ги ва "Фермер хўжалиги тўғрисида"ги қонунлар, "Оила кодекси" қабул қилинган;
🚀 2002 йил— Обнинск шаҳрида дунёдаги биринчи атом электр станциясининг реактори тамоман ўчирилган;
🇦🇿 2009 йил — Озарбайжон давлат нефть академиясида қатлиом юз берган, 12 киши ҳалок бўлган. Отишма қурбонлари орасида талабалар, ўқитувчилар ва академия ходимлари бор бўлган.
🔎 @unutilgan_tarix
Бир қарашда бу Кубадаги оддий сигарета ишлаб чиқариш заводида лол қолгудек ҳеч нарса йўқдек туюлади. Стол устида ўтириб газета ўқиётган бир кишидан ташқари ҳамма тиним билмай ишламоқда. Хўш, бу одам бошлиқ бўлмаса, унда ким?
Гап шундаки, радио ва фонограмма сингари технология ютуқлари ҳали яратилмаган пайтларда фабрикаларда ишчилар уззукун давом этувчи оғир ишларидан чарчаб, ақлдан озиб қолмасликлари учун уларга газета ёки китоб ўқиб берадиган махсус ходим бўлган.
🔎 @unutilgan_tarix
Мегалодон балиғининг жағи, 1909 йил.
Мегалодон умуртқали ҳайвонлар тарихидаги энг улкан ва энг кучли йиртқич балиқлардан бири бўлган. Скелет қолдиқларини ўрганиш натижасида ушбу балиқнинг узунлиги 22 метр ва оғирлиги 50 тоннага етганлиги маълум бўлган. Тишлаш кучи ҳар квадрат сантиметр учун 25-30 тоннани ташкил этган. Мегалодон озиқ-овқат занжирининг юқори қисмида жойлашган энг йирик йиртқичлардан бўлган.
🔎 @unutilgan_tarix
#kun_tarixi
2️⃣9️⃣ АПРЕЛЬ САНАСИДА СОДИР БЎЛГАН МУҲИМ ВОҚЕАЛАР
⛓ 998 йил — Муқаддас Рим императори Оттон III буйруғи билан Папа Грегори Vга қарши қўзғолон раҳбари, патриций Жон Кресенций қатл этилган;
🌏 1770 йил —инглиз денгизчи сайёҳи Жеймс Кук биринчи марта Австралияга қўнган;
🚃 1882 йил— Берлинда Siemens томонидан қурилган дунёдаги биринчи тажриба-синов троллейбус линияси иш бошлаган;
👩🎓 1884 йил— Оксфорд университети аёлларни ўқишга қабул қилишга рози бўлган;
🧑🔬 1897 йил — инглиз физиги Жозеф Томсон Лондон Қироллик жамияти йиғилишида нутқ сўзлаб, электронни кашф этганлигини эълон қилган;
💰 1909 йил —Буюк Британия молия вазири Ллойд Жорж ўзининг "Халқ бюджети"ни тақдим этган. Мудофаа ва ижтимоий таъминотга харажатларни кўпайтириш учун ер эгаларига ерларни сотиш учун солиқ, шунингдек, юқори даромадлиларга супер солиқ жорий этилиши кўзда тутилган;
📺 1931 йил — СССРда биринчи тажриба-синов телеузатиш ўтказилган;
⚔️ 1941 йил — немис қўшинларининг кучли босими остида инглиз экспедиция кучларини жанубий Юнонистондан эвакуация қилиш тугалланган;
⚔️ 1945 йил — иттифоқчилар томонидан Дахау концлагери озод қилинган;
⚔️ 1975 йил — Вьетнам урушида Сайгондан америкаликларни эвакуация қилиш бошланган;
🇨🇳 1982 йил — Хитой аҳолиси бир миллиарддан ошган;
🔥1986 йил —Лос-Анжелес марказий кутубхонасидаги ёнғин оқибатида 350 минг китоб зарар кўрган;
🌊 1991 йил — Бангладешдаги циклон натижасида 138,000 киши ҳалок бўлган;
🏰1993 йил —Елизавета II Букингем саройи биринчи марта сайёҳлар учун очиқ бўлишини ва кириш чипталарини сотишдан олинган йиғим ёнғинда зарар кўрган Виндзор қалъасини таъмирлашга йўналтирилишини эълон қилган;
🇺🇿 1996 йил— "Ўзбеккино" давлат акционерлик компанияси ташкил этилган;
📌 1999 йил — Фаластинликлар 1999 йил 4 майда Исроилдаги сайловлар яқинлашаётганлиги муносабати билан ўз давлатларини эълон қилишдан бош тортган;
👸🤴 2011 йил — Кембриж герцогиняси Кетрин ва Кембриж герцоги шаҳзода Уильямнинг никоҳ тўйи бўлиб ўтган.
🔎 @unutilgan_tarix
#uzb
Тошкент давлат педагогика университети талабалари. Тошкент. 1945 йил
🔎 @unutilgan_tarix
#uzb
Мытищинский заводи мутахассислари Тошкент метрополитени ходимларига янги метро поездларини топширмоқда. 1977 йил 3 май.
🔎 @unutilgan_tarix
#kun_tarixi
2️⃣8️⃣ АПРЕЛЬ САНАСИДА СОДИР БЎЛГАН МУҲИМ ВОҚЕАЛАР
📖 1686 йил —Исаак Нютон ўзининг шоҳ асарининг биринчи жилди– "Табиий фалсафанинг математик асослари" ни Қироллик жамиятига тақдим этган;
🇺🇸 1788 йил — Мериленд АҚШнинг 7-штати бўлган;
📌 1908 йил —Бутунжаҳон эсперанто ассоциацияси (WEA) ташкил топган;
📌 1914 йил— АҚШда кондиционер патентланган;
🇦🇿 1920 йил —Озарбайжон ССР ташкил топган;
🚫 1930 йил— АҚШ тарихида биринчи марта эмиграция коэффициентлари иммиграция кўрсаткичларидан ошиб кетган. Бунга иқтисодий инқироз ва мамлакатга киришда қатъий чекловлар сабаб бўлган;
⚔ 1945 йил— Қизил Армия бўлинмалари Рейхстагга ҳужумни бошлаган;
⚔ 1945 йил — Америка қўшинлари Аугсбургни жангсиз эгаллаб олишган;
🇮🇹 1945 йил— Италия диктатори Бенито Муссоллини ва унинг маъшуқаси Клара Петаши қатл этилган;
⛓ 1953 йил — Василий Сталин ҳибсга олинган;
🚫 1967 йил — америкалик боксчи Кассиус Клей (бўлажак Муҳаммад Али) АҚШ армиясида хизмат қилишдан бош тортгани сабабли жангларда қатнашиш ҳуқуқидан маҳрум қилинган;
📺1969 йил — Режиссёр Леонид Гайдайнинг "Бриллиант қўл" комедияси намойиш этилган;
🇫🇷 1969 йил — Шарл де Голл Франция президентлигидан ихтиёрий равишда истеъфога чиққан;
📌 1988 йил — М. Горбачёв Кремлдаги Москва ва Бутун Россия Патриархи Пимен билан учрашувда черков диний биноларга қайтишини эълон қилган;
🇹🇷🇺🇿 1992 йил— Ўзбекистонда Туркия, Туркияда Ўзбекистон ваколатхонаси очилган;
🇩🇪🇺🇿 1993 йил— Ўзбекистоннинг биринчи президенти И.Каримов Германияга ташриф буюриб президент Рихард фон Вайзенкер ва канцлер Гелмут Кол билан учрашган;
💣 1997 йил —Пятигорскда террористик ҳаракат содир этилган;
🛢 2000 йил — Туркия, Озарбайжон ва Грузия Каспий нефтини Россияни четлаб ўтиб етказиб бериш учун нефть қувури қуриш тўғрисида битим имзолашган;
🚀 2001 йил —илк космик сайёҳ америкалик Деннис Титонинг парвози бошланган.
🔎 @unutilgan_tarix
#uzb
Туркистон халқ университети 104 ёшда!
1918 йил 21 апрелда Туркистон ХКСнинг қарори билан Ўрта Осиёда биринчи бўлиб рус олий таълими асосидаги Туркистон халқ университети очилган.
Университет дастлабки йилларда 3 ташкилий тузилма: олий курс, ўрта ва қуйи босқичлардан иборат бўлган. Шунингдек, олийгоҳ таркибида Мунавварқори Абдурашидхонов ташаббуси билан 1918 йил 12 майда ташкил этилган Мусулмон халқ дорилфунуни ҳамда Туркистон халқ кутубхонаси (ҳозирги Ўзбекистон миллий кутубхонаси), Туркистон халқ музейи (ҳозирги Ўзбекистон санъат музейи), Туркистон халқ консерваторияси каби муассасалар ҳам бўлган.
1920 йилда ушбу ўқув юрти негизида Туркистон давлат университети ташкил этилиб, кейинчалик Ўрта Осиё давлат университети (1923 йилдан), Тошкент давлат университети (1960 йилдан) дея номланган. Университетга 1995 йилда Мирзо Улуғбек номи ва 2000 йилда "Миллий" унвони берилган (ҳозирги Мирзо Улуғбек номидаги Ўзбекистон Миллий университети).
🔎 @unutilgan_tarix
Ҳиндуларнинг болалари уларнинг оналари ишлаётган вақтда шунақа йўргакларда ўтиришган.
🔎 @unutilgan_tarix
#kun_tarixi
2️⃣7️⃣ АПРЕЛЬ САНАСИДА СОДИР БЎЛГАН МУҲИМ ВОҚЕАЛАР
⚔️ 1289 йил — Мамлуклар султони Калауннинг Триполини қўлга киритиши натижасида Триполи графлиги тугатилган;
🚢 1521 йил — Филиппинда маҳаллий аҳоли томонидан португалиялик денгизчи Фернанд Магеллан ўлдирилган;
🌾1644 йил — Канадада биринчи марта буғдой экилган;
🍵 1773 йил— Буюк Британия парламенти "Чой қонуни" ни қабул қилган. Бу банкротлик ёқасида турган Ост-Индия компаниясига деярли ярим миллион фунт чойни Шимолий Америка мустамлакаларига олиб киришга имкон берган;
🌎 1825 йил — инглиз утопик социалисти Роберт Оуэн Америкада "Янги Гармония" деб аталган давлатга асос солган. Кўчманчилар хайрихоҳликдан йироқ бўлиб чиққан ва 1828 йилда Оуэн ҳаммасига чек кўйган;
🛳 1865 йил —Мемфис яқинидаги Миссисипи дарёсида инсоният тарихидаги энг катта кема ҳалокати содир бўлган. "Султана" кемасининг бортидаги 1200 га яқин одам ҳалок бўлган;
📰 1870 йил— Туркистондаги илк даврий матбуот, рус истилочилари томонидан ташкил этилган дастлабки газета— "Туркестанские ведемости" газетасининг илк сони нашр қилинган;
⛹️♀️1908 йил — Лондонда IV ёзги Олимпия ўйинларининг бошланган, 31 октябргача давом этган;
📌 1922 йил —Якутск вилояти РСФСР таркибига кирган;
🤝 1959 йил — СССР ва Миср Асван тўғонини қуриш тўғрисида битим имзолашган;
📌 1961 йил — Серра-Леоне Буюк Британиядан мустақилликка эришган;
🇨🇺1963 йил— Куба инқилобининг етакчиси Фидел Кастро биринчи марта СССРга келган;
📌1965 йил — АҚШда биринчи марта памперс патентланган;
🚗 1975 йил —Формула-1 пойгасида тарихда биринчи ва охирги марта аёл қатнашиб очко жамғарган;
🇦🇫 1978 йил —Афғонистондаги давлат тўнтариши юз берган. Бугунги кунга қадар давом этаётган фуқаролар урушининг бошланган;
🚎 1986 йил —Чернобыль АЭСидаги авария туфайли Припять шаҳри аҳолисини эвакуация қилинган 3 соат ичида 40 минг киши шаҳардан эвакуация қилинган;
💱1992 йил— Ўзбекистон Халқаро валюта фондига аъзо бўлган;
🇺🇿🇫🇷1994 йил— Франция президенти Ф.Миттеран Ўзбекистонга расмий ташриф билан келган;
💣 2012 йил — Днепропетровск (Украина) марказида бир қатор терактлар содир бўлган;
🌬2020 йил— Бухоро вилояти Олот ва Қоракўл туманларида юз берган оғир табиий офат 38 мингдан зиёд аҳоли хонадонлари, 847 та ижтимоий соҳа объектларига, экин майдонларига зарар етказган.
🔎 @unutilgan_tarix
Малика Елизавета (бўлажак қиролича Елизавета II) 13 ёшини мафтункор от билан нишонламоқда. 1939 йил 21 апрель.
🔎 @unutilgan_tarix
#retro_video #tarixda_bugun
Бугун ЎзССР халқ артисти, таниқли хонанда, рассом ва актёр Ботир Зокировнинг (1936-1985) таваллуд топган куни. У ўзбек замонавий эстрадасининг асосчиси хисобланади. Мазкур видеода Ботир Зокиров ижросидаги "Мафтун бўлдим" таронасини сизга тақдим этмоқдамиз.
Жон! Ёру жоним, меҳрибоним, жон!
Жон! Сенда доим фикру ёдим, жон!
Мафтун бўлдим, мафтун бўлдим.
Гўзал бир жононга!
Мафтун бўлдим, жондан азиз,
Хумор кўз жононга.
Джан! Птица счастья, дорогая, ты, моя!
Джан! Встреч с тобою ожидая, пою я!
Очарован, очарован я тобою лишь одной!
Где ты, где ты? Где-то рядом!
Дорогая, ты со мной!
Мафтун бўлдим! Мафтун бўлдим!
Гўзал бир жононга!
🔎 @unutilgan_tarix
Ушбу музлаткични америкалик ихтирочи Альберт Маршалл яратган бўлиб, унга 1899 йил 8 августда патент берилган.
🔎 @unutilgan_tarix