18546
Унутилган тарих — Тарихга бир назар! Реклама: https://t.me/joinchat/OvrSwxn2MsI3YzIy Каналдан пост олганингизда @unutilgan_tarix деб ёзинг! Мурожаат учун: @ad_ministrz Тестлар олами: @unutilgan_tarix_test
1890 йилга оид циркнинг ушбу реклама афишасида фил одамни ямламай ютишга шайдек турибди, одамнинг юз ифодаси эса унчалик ҳам қувонарли ҳолда эмас.
🔎 @unutilgan_tarix
Тиббиёт коллежида фаррош бўлиб ишлаган Ҳэрриет Коул исмли аёл ўлимидан сўнг ўз танасини фанга топширишга қарор қилган. 1888 йилда, олимларнинг олти ойлик ишларидан сўнг асаб тизими танадан олиб ташланган ва бебаҳо ўқув қўлланмасига айланган.
🔎 @unutilgan_tarix
Америкалик аскарлар "Қиролича Елизавета" кемасида Нью-Йоркка қайтиб келишмоқда. 1945 йил.
🔎 @unutilgan_tarix
#kun_tarixi
2️⃣4️⃣ ИЮНЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
🌎1497 йил— Жон Кабот Канадани (Ньюфаундленд) кашф этган;
📜 1793 йил— Францияда биринчи демократик конституция қабул қилинган, лекин ҳеч қачон кучга кирмаган. Унда Франция республика деб эълон қилинган;
⚔️1812 йил— Наполеон армияси Неман дарёсидан ўтиб, Россия империяси ҳудудига бостириб кирган;
⛹️♀️ 1894 йил — Пьер де Кубертен ташаббуси билан чақирилган Париждаги конгрессда ХОҚни тузиш ва Олимпиада ўйинларини ҳар тўрт йилда бир марта ўтказиш тўғрисида қарорлар қабул қилинган;
🖼1901 йил — Парижда 19 ёшли рассом Пабло Пикассонинг биринчи кўргазмаси очилган;
⛓ 1925 йил —Берлинда Рейхстаг биносини Германияда урушдан кейинги гиперинфляция пайтида маблағларидан айрилган кўплаб омонатчилар эгаллаб олишган;
📌1934 йил — Украина пойтахти Харковдан Киевга кўчирилган;
🎥 1940 йил —биринчи марта сиёсий воқеани ёритиш учун телевизион камералар ишлатилган: АҚШдаги президентлик сайловига ўз номзодини илгари сураётган республикачилар ундан фойдаланишган;
📣1941 йил — Совет Ахборот бюроси ҳарбий ҳаракатлар тўғрисида хабарлар беришни бошлаган;
🎖1945 йил—Қизил майдонда ғалаба паради бўлиб ўтган. Парадни Совет Иттифоқи маршали Г.К.Жуков олиб борган;
🚫1948 йил —Ғарбий Берлин Совет Иттифоқи томонидан блокада қилина бошланган;
📺1951 йил — Рангли телевизион тижорат эшиттиришлари бошланган;
🎞 1963 йил— Лондондаги BBC студиясида биринчи марта видеомагнитафон намойиш этилган;
📌 1963 йил — Москвада Бутунжаҳон аёллар конгресси очилган;
❌1973 йил —Леонид Брежнев АҚШга расмий ташрифи давомида Совуқ уруш тугаганлигини эълон қилган;
🇺🇿🇰🇿1992 йил— Туркистон шаҳрида Ўзбекистон-Қозоғистон давлат раҳбарларининг учрашуви бўлиб ўтган;
🇦🇺 2010 йил —биринчи марта аёл Австралиядаги ҳукмрон Лейбористлар партиясининг янги раҳбари ва мамлакат бош вазири сифатида аёл киши— Жулиа Гиллард сайланган.
🔎 @unutilgan_tarix
Кўчаларда юриб оёқ кийим сотувчи аёл. Англиядаги савдогарларнинг типик вакили. 1925 йил.
🔎 @unutilgan_tarix
Қиролича Виктория давридаги (1837-1901) цирк труппаси аъзолари. 1891 йил.
🔎 @unutilgan_tarix
#kun_tarixi
2️⃣3️⃣ ИЮНЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
🤝1724 йил — Константинополда Россия империяси ва Туркия ўртасида битим имзоланган, унга кўра Россия Каспий қирғоғини сақлаб қолган, Туркия эса Тифлис ва Эреванни қўлга киритган;
🛳 1803 йил —Роберт Фултон Сенда илк буғ кемасини намойиш қилган;
🇺🇸 1860 йил— АҚШ махфий хизмати тузилган;
⚔️ 1865 йил — Америкада фуқаролар уруши тугаган;
⌨️ 1868 йил— Висконсинлик Кристофер Латҳам Скоулз ёзув машинкасини патентлаган;
⚽️ 1894 йил —Пьер де Кубертеннинг ташаббуси билан Парижда Халқаро Олимпия Қўмитаси (ХОҚ) ташкил этилган;
📌1917 йил— Украина Россия таркибидаги мухторият дея эълон қилинган;
📌 1919 йил— Украина ССР Халқ Комиссарлари Кенгаши Киев шаҳар музейини миллийлаштирган;
📌 1941 йил —СССР Қуролли Кучлари Бош қўмондонлигининг штаб-квартираси ташкил этилган;
⚔️ 1944 йил —Совет қўшинлари томонидан Белорусия ва Литванинг муҳим қисми озод қилинган;
📜1947 йил —АҚШда ишчиларга қарши Тафт-Хартли қонуни қабул қилинган. Қонун касаба уюшмаларининг ҳуқуқларини кескин чеклаб кўйган ва иш ташлашнинг айрим турларини тақиқлаган;
🇪🇬 1956 йил — Жамол Абдул Носир Миср президенти этиб сайланган;
💷 1972 йил - валюта захираларини сақлаб қолиш учун Буюк Британия ҳукумати фунт стерлингни вақтинча музлатган;
🛩 1985 йил — Air India Boeing 747 самолёти террорчилар томонидан Атлантика океанида портлатилган ва оқибатда 329 киши ҳалок бўлган. Бу тарихдаги энг йирик самолёт портлаши ва 11 сентябр воқеаларигача юз берган энг йирик теракт дея эътироф этилган;
🇲🇩 1990 йил — Молдавия ССР Олий Кенгаши республиканинг давлат суверенитети тўғрисида декларация қабул қилган;
📌 1990 йил — сургундан қайтган татарларни Қримга жойлаштириш бошланган;
🏆1993 йил — ХОҚ раиси Хуан Антонио Самаранч ташаббуси билан Лозаннада Олимпия музейи ташкил этилган;
🧬 1998 йил —дунёдаги биринчи инсон мия ҳужайралари трансплантацияси амалга оширилган;
🌡 2004 йил — Япония ҳукумат комиссияси тадқиқот мақсадида инсон эмбрионларини клонлаштиришга рухсат беришга қарор қилган;
🗳2016 йил — Буюк Британия фуқаролари миллий референдумда қиролликни Европа Иттифоқидан чиқишини ёқлаб овоз беришган.
🔎 @unutilgan_tarix
АҚШнинг Франциядаги 46-пиёда бўлинмаси, 1918 йил.
@unutilgan_tarix
Хеч қандай из қолдирманг
💼 Офисда ишлайсизми? Унда иш жойингизга ўзгаларнинг киришини чекланг. Эҳтимол, кимдир сизнинг фаолиятингиз тўғрисида маълумот олишни ва уни сизга қарши ишлатишни хоҳлаб қолар. Қандай қилиб ўзингиздан из қолдирмаслик кераклигини қуйидаги маслаҳатлар орқали билиб олинг:
1️⃣ Компьютерингиз ва мобил телефонингизга пароль ўрнатиб қўйинг;
2️⃣ Иш столингизда ҳеч қандай ҳужжатлар, эслатмалар ва стикерлар қолдирманг;
3️⃣ Офисдан чиқиб кетаётганингизда курсорни ҳар доим экраннинг маълум бир жойида қолдиринг. Агар қайтиб келганингизда у бошқа жойда бўлса, демак, кимдир офисга кирган! Бу усул бармоқ изларини олишдан осонроқку, тўғрими? Муаммоларнинг оқибатлари билан курашиш доимо қийин, шунинг учун уларнинг олдини олишга ҳаракат қилинг!
🔎 @unutilgan_tarix
#kun_tarixi
2️⃣2️⃣ ИЮНЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
👑 1377 йил— Ричард II Эдвард III дан кейин Англия қироли бўлган;
📌1633 йил— авлиё Минерва монастирида Галилео Галилей тиз чўкиб, ўзининг дунёнинг гелиоцентрик тизими ҳақидаги доктринасидан воз кечган. Айнан ўша ерда Жордано Брунога ўлим жазоси эшиттирилган эди;.
⚔️ 1671 йил —Туркия Ҳамдўстликка қарши уруш эълон қилган;
🔭 1675 йил— Англия қироли Чарлз II Гринвич расадхонасига асос солган;
📜1815 йил — Наполеон Бонапарт Ватерлоодаги мағлубиятдан кўп ўтмай тахтдан воз кечган;
📌 1876 йил— Испания конституцияси қабул қилинган;
👵 1889 йил — Германия Европада биринчи бўлиб кекса ёшдаги фуқаролар учун нафақа бериш тизимини жорий қилган;
⚔️ 1915 йил — Австрия ва Германиянинг иттифоқдош кучлари Лвовни эгаллаб олишган;
📜 1919 йил— Антантадан келган ультиматум муносабати билан Германиянинг Веймар таъсис йиғилиши немислар учун қуллик сифатида қабул қилинган тинчлик шартномасини имзолашга рози бўлиб овоз берган;
📜 1940 йил —Компиегне шаҳрида Франциянинг Германияга таслим бўлганлиги тўғрисидаги шартномага имзо чекилган (1918 йилда Германия таслим бўлган вагонда);
⚔️ 1941 йил —фашистлар Германияси Совет Иттифоқига ҳужум қилган;
⚔️ 1944 йил —Совет қўшинларининг Белоруссиядаги операцияси бошланган;
💰1948 йил —СССР Шарқий Германияда пул ислоҳотини ўтказган;
📌1960 йил —СССР ва Хитой ўртасидаги муносабатларда расмий танаффус юз берди. Бунинг сабаби миллий коммунистик партиялар раҳбарлари ўртасида ҳақорат алмашинуви эди. Хрушчев Мао Цзедунни сталинист деб атади, Цзедун эса бош котибни ревизионист деб атаган;
🇺🇳 1973 йил — ГДР ва ГФР БМТга қабул қилинган;
⚽️ 1986 йил —аргентиналик футболчи Диего Марадона Мексикадаги ФИФА Жаҳон чемпионатида Англия дарвозасига "аср голи" деб аталган голни урган;
🤝1994 йил - Брюссельдьа Тинчлик учун Ҳамкорлик дастури доирасида Россия ва НАТО ўртасидаги ҳамкорлик асослари тўғрисидаги Протокол имзоланган;
📌2002 йил — Ғарбий Эронда Рихтер шкаласи бўйича 6,5 балли зилзила 260 дан ортиқ одамни ҳаётдан олиб кетган;
🔫 2009 йил — Ингушетия Президенти Юнусбек Евкуровнинг ҳаётига суиқасд қилинган ва у жароҳат олган.
🔎 @unutilgan_tarix
Бошсиз аёл
"Бошсиз аёл" кўзбойлоғичларнинг машҳур иллюзияларидан бири бўлиб, 1940 йиллардаги шоулар репертуаридан мунтазам равишда жой олган. Томошабинларни кўпроқ Ольга исмли ўша кўзбойлоғич аёлнинг танасига уланган симлар шодаси ва боши йўқ бўлса ҳам яшашда давом этиши ҳайратга солган. Ушбу ақл бовар қилмас манзарани ҳосил қилиш учун кўзгулар тизимидан фойдаланишган. Қайсидир дақиқада аёл бошини тескари ўгирган ва ўшанда манзара баттар даҳшатли тус олган.
🔎 @unutilgan_tarix
Ҳибсга олинган талабаларни кузатиб бораётган аскарлар. Кореянинг Кванжу вилояти,1980 йил май ойи.
Жанубий Кореянинг Кванжу шаҳрида талабаларнинг оммавий тартибсизликлари бошланган. Бу мамлакатда ҳарбий ҳолат эълон қилиниши, таниқли диссидент Ким Дэ Жунгнинг ҳибсга олиниши, шунингдек, ҳар қандай намойиш ва митингларни тақиқловчи 10 сонли фармон туфайли юзага келган. Тартибсизликлар сиёсий хусусиятга эга бўлганлиги учун воқеаларни оммавий ахборот воситаларида ёритишда қатъий цензура ўрнатилган.
🔎 @unutilgan_tarix
#retro_video
Америкалик гигант одам Альберт Йохан Крамер (Albert Johan Kramer) 1897 йил 15 июнда Амстердамда туғилган. Унинг 2 синглиси ва бир укаси бўлган. 7 ёшидаёқ бўйи 2 метрга, 21 ёшида эса 2 метр 28 смга етган. Крамернинг ҳақиқий бўй кўрсаткичи 237 смни, вазни 165 кгни ташкил этган. У Нидерландия, Германия, Буюк Британия ва АҚШ театрларида ишлаган. Британияда Lofty лақаби билан, Европанинг қолган давлатлари ва АҚШда Jan van Albert номи билан фаолият юритган. Альберт Крамер 1976 йил 4 апрелда вафот этган.
🔎 @unutilgan_tarix
Мактаб ўқувчиларининг норозилик намойиши, Лондон, 1972 йил.
Плакатда "Йўқолсин таёқлар!" деб ёзилган. 1972 йил 17 май куни 10,000 дан ортиқ лондонлик мактаб ўқувчилари бемаза таомлар, жисмоний жазолар ва форма кийишга қарши намойишга чиқишган. Намойишлар тез орада бостирилиб, ташкилотчилар жазоланган бўлса-да, 1974 йилда Лондонда, 1986 йилда мамлакатдаги давлат мактабларида, 1998 йилда Англия ва Уэлсдаги барча мактабларда жисмоний жазо тақиқланган. Бироқ мактабларнинг 90% дан ортиғида мактаб формаси ҳали ҳам талаб қилинади.
🔎 @unutilgan_tarix
Майда жиноятлар учун жиноятчиларнинг бўйинларига тақиладиган канга. Хитой, 1910 йил.
Канга — бу кенглиги 4 ёки 5 қарич бўлган, ўртасидан тешик очилган катта қалин тахта. У одамнинг бўйнига қўйилган ва устига икки варақ қоғоз ёпиштирилиб, уларнинг биттасида маҳкумнинг жиноятлари, иккинчисида у олиши керак бўлган жазолар санаб ўтилган. Ҳар куни тонгда бўйнига тахта тақиб, жиноятчиларни олиб чиқиб, энг гавжум жойларга олиб чиқишган ва омма уни масхара қилган. Баъзида жиноятнинг оғирлигига қараб, бу турдаги жазо 30 кунгача давом этган.
🔎 @unutilgan_tarix
Суратда кўриб турганингиздек, Хеллоуин байрамини нишонлаш қадим тарихга бориб тақалади. Нью-Жерси, 1925 йил.
🔎 @unutilgan_tarix
Ўтган асрнинг 70 йилларида пайдо бўлган жинси клёш шимлар ҳам йигитлар, ҳам қизлар орасида жуда машҳур бўлган. Албатта, ўша пайтларда жинси шимлар кўпчилик учун деярли эришиб бўлмайдиган орзу ҳисобланган, лекин совет ёшлари ўз ихтиёридаги нарсалардан фойдаланиб бўлса ҳам урфдан қолмасликка ҳаракат қилишган. Оддий шимни ҳам клёш усулида тикиб кияверишган. Тикиш мобайнида қоидага қатъий риоя қилиш муҳим бўлган: тизза остидаги кенглик 21 см, тўпиқда эса 23 смни ташкил этиши шарт бўлган
🔎 @unutilgan_tarix
#retro_video
Теннис бўйича жаҳон чемпиони Жан Рене Лакосте теннис тўпининг ишлашини кўрсатиб бермоқда. Айнан шу одам таниқли спорт кийимлари бренди бўлган "LaCoste" (логотипи тимсоҳ кўринишида)нинг асосчисидир.
🔎 @unutilgan_tarix
Совет аскарлари ва зобитлари Берлиндаги рейхстаг олдида. 1945 йил 3 май.
🔎 @unutilgan_tarix
1930 йилларда Будапештда "Табассум клуби" ташкил этилган бўлиб, унда одамлар табассум ёрдамида ўз жонига қасд қилиш истагини енгишга ҳаракат қилишган. Гап шундаки, ўшанда шаҳарни ўз жонига қасд қилишни истаганлар босиб кетган, шу боис ташкилотчилар "Ўз жонига қасд қилувчилар шаҳри"ни "Табассумлар шаҳри"га айлантиришга ҳаракат қилишган эди.
🔎 @unutilgan_tarix
#retro_video
Мудофаага киришган Совет армияси, 1941 йил июнь. Бутун Вермахтнинг 80% харбий кучлари (3 миллиондан ортиқ армия) СССРга қилинажак кенг кўламли ҳужумга йўналтирилган. Собиқ Иттифоқ раҳбари Сталин Гитлернинг ҳужумга ўтаётгани ҳақидаги миш-мишларга охирги дақиқагача ишонмаган, шу сабабли Қизил армия мудофаага тайёргарлик кўришга улгурмаган. Илк куниёқ немисларнинг "Лютваффе" қирувчи самолётлари мингдан ортиқ Совет ҳарбий самолётларини йўқ қилган.
🔎 @unutilgan_tarix
Адольф Гитлер кўзгу олдида туриб нотиқликни машқ қилмоқда. 1925 йил.
🔎 @unutilgan_tarix
Дунёдаги энг машҳур хакер
Бу одамнинг исми Кевин Митник бўлиб, у 16 ёшида компьютерда ишлашни ўргангач, Пентагон ва Колорадо штатининг ҳаво ҳужумига қарши тармоқларини бузиб кирган.
Хакерлик жинояти учун беш йил қамоқда ўтириб чиққан Митник ўзининг қамоқ муддати ҳақидаги маълумотларни давлат рўйхатидан ўчириб ташлаган ва унга суд ҳукмини ўқиб эшиттирган судьянинг ҳисобидаги барча пулларни ечиб олган. Ҳозирда Митник қонуний асосда ахборот хавфсизлиги билан шуғулланмоқда.
🔎 @unutilgan_tarix
#retro_video
Ўзбекистоннинг уруш домига тортилиши
1941 йил 22 июнь санаси Иккинчи жаҳон урушининг энг муҳим воқеликларидан, Германиянинг Совет Иттифоқига уруш бошлаши билан эсланади. Совет Иттифоқи таркибига кирган кўплаб республикалар қатори Ўзбекистон ҳам ўзидаги катта моддий ва маънавий ресурсларни урушга, ғалабага йўналтирган.
🔎 @unutilgan_tarix
Албинизм — тери, соч, кўз қорачиғи ва кўзнинг пигментли мембраналарига ранг берувчи меланин пигментининг йўқлиги билан боғлиқ туғма касаллик. Ҳозирги кунда албинизм мода саноатида урфга кирган, аммо илгари одамлар албиносларга ғалати мавжудот сифатида қарашган. Уларнинг жойи циркда деб ҳисоблашган. Сурат 1899 йилга оид.
🔎 @unutilgan_tarix
Ирқий айирмачилик ҳақидаги қонунни бузганлиги учун ҳибсга олинган болалар. Улар қора танли болалар ўйнаши тақиқланган ҳудудга киришган эди. АҚШ, Алабама штати, 1963 йил.
🔎 @unutilgan_tarix
Адольф Гитлерни қўллаб-қувватлаш учун Нью-Йорк кўчаларига чиққан Германия-Америка иттифоқи паради иштирокчилари. 1939 йил. Германия қўшинлари Польшага кирган йили минглаб намойишчилар свастика тасвири туширилган жигарранг кўйлакларда Нью-Йоркдаги Парк-авеню бўйлаб юриб ўтишган.
🔎 @unutilgan_tarix
#kun_tarixi
2️⃣1️⃣ ИЮНЬ САНАСИДА СОДИР БЎЛГАН МУҲИМ ТАРИХИЙ ВОҚЕАЛАР
⚔️1582 йил— Акечи Митсухиде хоинлик билан ўз хўжайини Ода Нобунага ҳужум қилган. Кучлар тенг бўлмаган ва Нобунага қўлга тушмаслик учун ўзини ҳаракири қилган;
📌1633 йил— Галилео Галилей инквизицияга учраб, қамоққа ташланган;
📌1749 йил— Канадада Галифакс шаҳрига асос солинган (ҳозирги Чебукто);
⚔️1788 йил —рус-швед уруши бошланган. Уруш Буюк Британия, Голландия ва Пруссия томонидан қўллаб-қувватланган Швеция томонидан Россия билан олдинги урушлар пайтида йўқотилган ҳудудларни қайтариш мақсадида бошланган;
🧪1804 йил — Смитсон Теннант Лондон Қироллик жамиятига иккита янги метал: иридий ва осмийнинг топилиши тўғрисида ҳисобот тақдим этган;
🇺🇸1898 йил — Гуам АҚШ ҳудудига айланган;
🛩 1913 йил —биринчи марта аёл самолётдан парашютда сакраган. Ўн саккиз ёшли америкалик Жоржия Бродвик беш килограммли ипак парашютидан фойдаланиб, Гленн Мартин бошқарган самолётдан 305 метр баландликдан сакраб сакраб, Гриффит Филд аэродромига (Лос-Анжелес, Калифорния) етиб келган;
⚔️ 1940 йил —Иккинчи жаҳон уруши: Палмира қатл этилиши - Польшанинг юқори ижтимоий қатламларига қарши акция давомида фашистлар 2 кун ичида Варшава яқинида 360 дан ортиқ одамни отиб ташлашган;
⚔️ 1941 йил —Иккинчи жаҳон уруши: Германия қўшинлари Барбаросса режасига биноан 22 июнь куни СССРга қарши ҳарбий операцияларни бошлаш учун олдиндан тайёрланган ҳаракатлар амалга оширила бошланган. Германия кучлари СССР ҳудудига кира бошлаган;
💰 1948 йил— Германияда янги валюта - немис маркаси муомалага киритилган;
🛰 2004 йил — дунёдаги биринчи хусусий бошқариладиган космик кемаси SpaceShipOne биринчи марта космосга чиққан;
2004 йил — Шомил Басаев бошчилигидаги жангарилар Ингушетияга қуролли ҳужум уюштиришган.
🔎 @unutilgan_tarix
"Испан пандемияси" даврида юзига ниқоб тақмаганлиги учун қўлга олинган киши. Сан-Франциско, 1918 йил.
🔎 @unutilgan_tarix
Велосипедга боғланган кўчма ёқилғи қуйиш шохобчаси. У Коннектикутдаги кучли бўрондан кейин электр таъминотисиз қолган ҳудудда фаолият юритмоқда. 1938 йил.
🔎 @unutilgan_tarix