-
Обзор и анализ текущих политических событий. Беларусь и Мир.
Парадокс дзяржавы
Нацянальная дзяржава і яе суверэнітэт з’яўляецца абсалютнай каштоўнасьцю гістарычнага развіцьця народу. Але, ці існаваньне дзяржавы можа быць больш каштоўным, чым жыцьце чалавека?
(Пытаньне, якое заўседы было вуглавым камянем у разважаньнях пра дзяржаву і нацыянальны інтарэс).
Без дзяржавы агульнапалітычная дзейнасьць не мае сэнсу. Без дзяржавы няма і палітыкі.💥
Але мы, беларусы, 👉 сутыкнуліся з пэўным парадоксам, калі адбылося зліцьце паняцьця дзяржавы (як суверэннай незалежнай тэрыторыі) і рэжыму Лукашэнкі. Калі дзяржава і яе інстытуты гарантуюць існаваньне панаваньня Лукашэнкі і існаваньня злачыннай палітыкі. Без аслабленьня дзяржаўнасьці, яе суверэнітэту, па сутнасьці не магчыма (на дадзены момант - 2024 год) аслабіць і зьнішчыць рэжым.
Адсюль узьнікае парадаксальнае і нават экзыстэнцыйнае пытаньне. Ці патрэбна такая дзяржава, ды і сама ідэя дзяржавы, калі ею кіруе Лукашэнка і клан?
Навошта бараніць дзяржаву, нацыянальныя інтарэсы, калі пленамі (уладай) карыстаецца рэжым? ☝️Я ўпэўнены, што ёсьць шмат тых, хто фізычна і маральна пацярпелі (і працягваюць зназодзіцца пад рэпрэсіямі) ад дзеяньняў рэжыму, фактычна дзяржавы. І дапускаю, што для йх рэжым Лукашэнкі - абсалютнае зло, якое павінна быць зьнішчана, нават калі будзе зьнішчана дзяржава.☝️
👉Менавіта такі падыход зараз да Расеі і рэжыму Пуціна, які і я сам падтрымліваю. Розьніца толькі ў тым, што Беларусь нават пры Лукашэнку не была крыніцай экспансіялістскіх пагроз для суседзяў і сьвету. Рэжым Лукашэнкі быў пагрозай выключна для ўласнага грамадства.☝️
Зразумела, што той боль людзей, якія прайлі праз пакуты перакладаецца у якасьці прысуду на ўсю дзяржаву. І думаю, што частка грамадства не была б супраць, калі гібель Беларусі як дзяржавы, прывяла б да гібелі Лукашэнкі. Ці наадварот, калі дэмантаж сістэмы прывеў да заняпаду дзяржавы. 👈
Нават у 2020 годзе, пад час спрэчак з тымі, хто падтрымліваў "апазіцыю", я зьвяртаў увагу пра ўплывы Масквы і магчымыя рызыкі ўтраты суверэнітэту. На што атрымоўваў адказ: "ну і што, галоўнае пазбавіцца Лукашэнкі, любым коштам, нават калі прыдзе Расея. Пазбавімся яго, потым разбярэмся з Расеяй". Мяне ў той час гэта проста ўводзіла ў ступар.
❌️(Але справядлівым будзе папрок, што ж гэта за дзяржава, калі падзеньне рэжыму прывядзе да яе гібелі. На жаль, гэта парадокс паразіта, які так прысмактаўся да арганізму, што яго выдаленьне прыводзіць да гібелі ўсяго арганізму).
Але думаю зараз, такія пачуцьці (любым коштам) ў грамадстве толькі ўзмоцніліся. Дзяржава, народ атаясамліваецца з рэжымам, а не з нейкай уласнай выключнай каштоўнасьцю, бо мы ею не валодаем, а калі не валодаем, то яе існаваньне не мае значэньня. Няхай згіне разам са злодзеем.💢
Ці ўсе ж, нават у такіх умовах, калі дзяржава прыватызавана і яе інстытуты працуюць супраць грамадства, (фактычна дзяржава-бандыт) - варта каб яна захавала хаця б рэшткі, атрыбуты незалежнасьці? Нават калі Лукашэнка рэалізуе сваю ўладу?
Бо атрымоўваецца, што калі нехта кажа пра дзяржаўны інтарэс, пра нейкую незалежнасьць, у той час калі ўсе пад кантролем Лукашэнкі - то ен выказваецца ў падтрымку рэжыму. Бо ўмацаваньне і стабільнасьць дзяржавы - азначае, па факце, умацаваньне і стабільнасьць рэжыму ☝️
Бо, як бы, хто не хацеў, цалкам развесьці і адасобіць рэжым ад дзяржавы - немагчыма. ❗️
Той жа дзяржаўны бюджэт і падаткі ідуць як на ўтрыманьне рэпрэсіўных ворганаў, прапаганды, войска, чыноўнікаў, так і на заробкі простых грамадзян, пенсіі, шпіталі і школы. У сваю чаргу, сістэма адукацыі намагаецца выхаваць паслухмяных абыватэляў, але разам з гэтым адукаваных, актыўных маладзенаў, якім будаваць краіну будучага. Тое ж датычыць і сістэмы аховы здароў’я.
Дарэчы, і да 2020 і нават па сёньняшні дзень шмат хто сваю працу на сістэму/рэжым апраўдваў тым, што працуе на агульны дзяржаўны інтарэс, а не на Лукашэнку. ☝️
❌️І тут мы сутыкаемся ў іншай праблемай, як жа правесьці тую мяжу: дзе скончваецца дзяржаўны/нацыянальны інтарэс і пачфнаецца інтарэс аўтарытарнага рэжыму.
Адзінай структурай, якая б магла дапамагчы беларусам у такіх абставінах мог быць Полк Каліноўскага, ды іншыя беларускія дабраахвотнікі, сумесна з блізкімі да йх палітычнымі структурамі. Пры гэтым канешне, павінны быць:
👉 Каардынаваньне дзеяньняў добраахвотнікаў (план і стратэгія дзеяньняў);
👉Палітычнае разуменьне і падтрымка/суправаджэньне (у тым ліку вайсковая) з боку Украіны. Недапушчэньне ўсталяваньня прарасейскага вайсковага рэжыму ў Беларусі;
👉Разуменьне і хаця б маўклівая падтрымка (адабрэньне) дзеяньняў беларускіх дабраахвотнікаў па супрацьстаяньні адкрытай расейскай агрэсіі;
👉Прызнаньне ўсімі беларускімі палітычнымі структурамі ролі і значнасьці ПКК і іншых беларускіх дабраахвотнікаў у рэалізацыі гэтай задачы, аказаньне поўнай палітычнай падтрымкі.
Канешне, невядома ў якім стане будуць тыя ці іншыя палітычныя і вайсковыя структуры, агульная сітуацыя вакол Беларусі, але неабходна разуменець вынікі і эффект тых, ці іншых палітычных і геапалітычных захадаў.☝️
❗️Ініцыятыва па вытворчасьці FPV-дронаў для Палка Каліноўскага
Беларускія майстры валантэры, сябры Руху “Вольная Беларусь” наладжваюць у Варшаве вытворчасьць дронаў FPV, так неабходных на фронце (падтрымаць сродкамі можна тут — https://zrzutka.pl/7hcp5x).
На гэты момант за свае сродкі беларусы закупілі камплектуючыя, сабралі і адправілі некалькі дронаў. Сабраныя дроны атрымалі ваяры батальёна “Літвін” і батальёна “Волат”.
Яшчэ два дроны былі перададзены ваярам ПКК асабіста лідарам Руху Вольная Беларусь Зянонам Пазьняком.
Ініцыятыва па зборцы дронаў зараз толькі на пачатку свайго развіцця, валантэраў натхняе вялікая матывацыя дапамагаць ваярам.
Далучаймася да ўзбраеньня нашых адважных герояў!
Пераходзьце па спасылцы (https://zrzutka.pl/7hcp5x) ці скануйце QR-код (у відэа) ды ахвяруйце, хто колькі зможа!
Таксама ёсьць магчымасьць папоўніць валантэрскі шэраг і далучыцца да вытворчасьці.
Набліжайма нашую Перамогу!
Слава Украіне!
Жыве Беларусь!
Збор сродкаў: https://zrzutka.pl/7hcp5x
Кантакт: ruchvb_drones@proton.me
https://www.youtube.com/watch?v=2Uoe4uba3Hw
https://youtu.be/2Uoe4uba3Hw?si=rWkvXlap5C_Ibrwx
Санкцыі "працуюць" і прыносяць даволі парадаксальны эфект.
Фактычна на дадзены момант гаспадарка Беларусі працуе на ваенную машыну Расеі.
Ці гэта эффект санкцый - між іншым. Ці гэта трэба браць пад увагу і разумець? Так. Ці штосьці можна выправіць. Думаю,.што зараз гэта амаль не магчыма.
Ва ўрадзе Расеі паведамілі, што з сакавіка 2022 да 31 жніўня 2024 году падпісалі 6758 зьнешнегандлёвых кантрактаў зь беларускімі прадпрыемствамі.
Як адзначаецца ў агульны кошт кантрактаў складае каля 180 мільярдаў расейскіх рублёў (прыблізна 2 мільярды даляраў у эквіваленце. — РС).
«Некалькі тысяч прадпрыемстваў абедзьвюх дзяржаў уключаныя ў сыстэмы каапэрацыйнага ўзаемадзеяньня, ажыцьцяўляюць узаемныя пастаўкі сыравіны, матэрыялаў і камплектуючых».
Маніпуляцыі і вайна са здаровым сэнсам
Даўно вядома, што адным з простых механізмаў маніпуляцый у сучасных СМІ з’яўляюцца скандальныя загалоўкі. Яны будуюцца з вырваных з катэксту цытат публічных асоб.
У сваю чаргу чытачы з большага не маюць часу, ці не жадаюць чытаць (слухаць) увесь тэкст. "Правільна" сфармуляваны і паданы загаловак адразу фарміруе "патрэбнае" меркаваньне і хуткія рэакцыі аўдыторыі. Хаця сам арыгінальны тэкст скіраваны на зусім адваротныя праблемы і пытаньні.
Чым скандальней загаловак, тым больш клікаў і ўвагі, эмоцый і рэакцый, галоўным чынам негатыўных. І тым менш жаданьне і сіл 👉 удумліва чытаць увесь тэкст (і так усе зразумела).
Часам такія трукі проста звычайная камерцыя (nothing personal, just business), 💥 але з большага за гэтым скрываецца мэтанакіраваная маніпуляцыя:
☝️дыскрэдытацыя чалавека- паліьыка, ідэі, дзеяньня, стварэньне эмацыйнага напружаньня і канфлікту ў супольнасьці, перанакіраваньне ўвагі і гэтак далей.
За два апошнія дні, пакуль Зянон Пазьняк і я знаходзімся ў Кіеве, у "выданьні" НН 👈 з’явіліся два маніпуляцыйных загалоўкі (узятых з тэксту і інтэрв’ю Пазьняка) якія проста разарвалі беларускую інтэрнэт супольнасьць шквалам негатыўных, эмоцый.
👇
Зянон Пазьняк:
- Калесьнікава - палітычнае нішто.
- Хто можа замяніць Лукашэнку? Рэальна — ніхто.
( Ніхто-Нішто) 💥
Калі чалавек не прачытае ўсяго тэксту, (арыгіналу), то такія загалоўкі, без сумневу выклічуць (выклікалі) не тое, што адмоўную рэакцыю, але ненавісьць.
І гэтую першую рэакцыю ніякія доказы, пазіцыі, кантэкст, разважаньні, якія знаходзяцца ў самім тэксьце ўжо не пераб’юць і не зьменяць. ❌️
Ды і чытач не будзе нават глядзець тэкст. А эмоцыі застануцца ў падсьвядомасьці.
Аўтар маніпуляцыі ў НН не ставіў мэтай інфармаваць грамадства, але мэтанакіравана ўздзейнічаць на эмоцыі супольнасьці, узбуджаць ненавісьць і канфлікт.
Менавіта так дзейнічае лукашэнкаўская і расейская прапаганда.
Маніпулятар з усяго тэксту Пазьняка ад 20 верасьня ў ФБ, не ўзяў словы: "Усе палітвязьні павінны быць вызвалены". Падкрэсьлю - УСЕ. Менавіта ў гэтым быў галоўны сэнс тэксту.
Паказаць, што не гледзячы на крытычны падыход да палітычных пазіцый - жыцьце і свабода чалавекай найбольшая каштоўнасьць! Гэта канструктыўная, пазітыўная думка, але ці яна патрэбна маніпулятару?
Ці варта яе прасоўваць? Не.
А вось пра палітычнае нішто - гэта сенсацыя, гэта эмоцыі, ненавісьць, зьнявага, канфлікт. І менавіта ў гэтым задача, якая і была дасягнута, спарадзіўшы не толькі хвалю абурэньня ў публікі, але і вельмі прымітыўныя ганебныя рэакцыі у сеціве.
Другі маніпулятыўны загаловак больш яскрава паказвае тэхнікі дэструкцыі. Сутнасьць яго ў тым каб стварыць з Пазьняка прыхільніка рэжыму Лукашэнкі, ледзь не яго лабіста.
Рэакцыя публікі была імгненнай: Пазьняк падтрымлівае Лукашэнку, для Пазьняка Лукашэнка гарант незалежнасьці, Пазьняк працуе на рэжым і г.д.
Хаця сэнс тэксту (інтэрв’ю З.П.зусім пра іншае), але ж хто будзе гэта чытаць і тым больш думаць.
Але прывяду цытату: 👇
«Хто можа замяніць? Рэальна — ніхто. Гледзячы якая будзе сітуацыя. Калі ён раптам, скажам, паляціць у космас, то замена будзе яшчэ горшай.
"Калі гэта ўпадзе (рэжым), і калі Расія будзе ў сіле — хаця б такой, як цяпер, — гэта значыць, што мы можам страціць незалежнасць. І на поўнач ад Украіны будуць расійскія войскі, расійскі рэжым».
Пазьняк разважае пра сытуацыю і сцэнары верагодных падзей ва ўмовах, калі Расея застаецца моцнай і кантралюе стратэгічную прастору Беларусі.
У выніку ягонай сьмерці, пры такой сітуацыі (на 26.09.2024 году) аб’ектыўна, хто можа зьмяніць рэжым, замяніць Лукашэнку? І тым больш вывесьці Беларусь са стану акупацыі?
Магчыма ОСТ-АПК-КР трыма дывізіямі на150 джыпах ўварвецца ў Беларусь з 3-х накірунках? (Але там нават стратэгіі ніякай няма).
Гэта азначае,што такімі расейскімі ўплывамі як зараз, сьмерць, ці зыход Лукашэнкі па факце нічога для краіны не зьмяняе, бо кантроль застаецца ў руках Масквы. Ці гэта трэба прынімаць у разлік? Так, трэба. Ці трэба пра гэта казаць? Так.
Путин: "Кроме того, РФ оставляет за собой право применить ядерное оружие в случае агрессии против России и Беларуси как участника Союзного государства. Эти вопросы согласованы с беларусской стороной и лично с Александром Лукашенко.
В том числе если противник, используя обычное оружие, создает критическую угрозу нашему суверенитету.
То бок па факту, Расея ўжо зараз можа сягнуць па ядзерную зброю і нанесьці некалькі ўдараў. Бярэм пад увагу баявыя дзеяньні украінцаў у Курскай вобласьць (часткі Херсонскай, Запарожскай вобласьці, Данецкая і Луганская таксама абвешчаны тэрыторыяй расеі). Павялічэньне інтэнсіўнасьці ўдараў па тэрыторыі расеі.
Да гэтага, Масква можа адмыслова арганізаваць правакацыю ў памежным рэгіене Беларусі і Украіны, з тым каб менавіта ядзерны запуск адбыўся з мяжы Беларусі.
У дадзенай сітуацыі ўсе "чырвоныя і не чырвоныя" лініі перасечаны. Навошта такія заявы, якія ўжо гучалі, але зараз больш артыкуляваныя:
-Для ўнутранага спажыўца і джманстрацыі рашучасьці, бо нават Салаў’еў загаварыў пра магчымасьць адхіленьня галоўнакамандуючага. Не думаю, што ён асьмеліўся б казаць такія словы без "адмысловага даху";
- Падняць градус неўпэўненасьці ў Еўропе для ўзмацненьня прамірнай рыторыкі, як таксама і ў ЗША;
- Не дазволіць заходнім краінам даць зяленае сьвятло Кіеву выкарыстоўваць іх узбраеньні для ўдараў па тэрыторыі РФ;
- Змусіць Захад спалохацца і прытрымаць актаўнасьць Кіева ў дзеяньнях і атаках дронаў;
Ці пойдзе Пуцін на ўдар. Мне падаецца ў выніку пагроз для ягонай улады і ў крытычны для сябе момант - так. Але мне падаецца, што выкарыстае дзеля гэтага Беларусь у першаю чаргу.
Размова. Слухайце, задавайце пытаньні
https://www.youtube.com/watch?v=adhlCj2LfGI
План Трампа, make a deal.
У леньце раней былі ўжо дыскусіі "хто лепшы для Украіны, Трамп, ці Харыс". Я стаўлюся скептычна да абодзьвух варыянтаў. Дэмакраты прадбачныя ў сваей павольнасьці і двузначнасьці. Рэспубліканцы (Трамп) непрадбачныя ў сваей непрадбачнасьці і адсутнасьці пазіцыі.
Прыхільнікі Трампа лічаць, што ў Трампа ёсьць план і ен будзе больш эффектыўны ў сваіх дзеяньнях.
Але такія выказваньні на жаль сьведчаць пра адваротнае.
Чамусьці пад час сваіх выступаў Трамп не выказваецца ясна і дакладна пра тое, што будзе падтрымліваць Украіну і будзе давіць на Пуціна, а дарадцы і сьпецыялісты ад міжнародных зносін не могуць паўплываць на ягоную пазіцыю.
Такія выступленьні і выказваньні з пэўным неукраінскім ухілам не дадаюць упэўненасьці.
І ў пазіцыі make a deal, не хапае вельмі шмат дэталяў.
Калі цікава, дыскусія на тэму "галоўнага кандыдата" на "выбарах" 2025 году.
https://m.youtube.com/watch?si=43kpQjsyeJmX55ZS&v=8mm6JYgOml4&feature=youtu.be
"Святлана Ціханоўская намінуе на пасаду прадстаўніцы па сацыяльнай палітыцы Аб’яднанага Пераходнага Кабінета Вольгу Зазулінскую". Зазулінская з’яўляецца кіраўніцай фонду "Страна для жизни".
Агульнае: Медиа-канал Тихановского - Страна для Жизни (200 тыс., подписчиков);
Фонд Страна для Жизни. Быў пад кіраваньнем блізкай да Ціханоўскай асобы М.Мароз. У выніку канфлікту з’ехала ў Варшаву дзе займаецца бізнэсам.
Зазулінская: былы прадпрымальнік (гандаль), кіраўнік фонду ў Беларусі, валанцер. Зараз пазіцыянуе сябе як праваахоўніца.
Якія высновы:
- Ніякіх рэформаў кабінэту і паляпшэньня яго структурна-інстытуцыйнай эфектыўнасьці;
- Абсалютная прывязка да ОСТ. Замацаваньне карпаратыўнасьці. Магчыма яшчэ і таму, што ніхто паза набліжаных да групы Ціханоўскай у Кабінет ісьці не хоча. Хаця як заяўляюць працоўнікі кабінету рэгулярна падаюцца дзесятак заявак на працу ў АПК + сотні людзей прашлі праз праграму кадравага рэзэрву, а людзей ужо няма;
- Абарона карпаратыўных інтарэсаў;
- Недапушчэньне альтэрнатыўных думак і падыходаў, унутранай крытыкі. Вольга Гарбунова была самастойным чалавекам у сваіх поглядах і падыходах, таму і сыйшла.
- Ідэалагічнае забясьпячэньне санкцыйнай палітыкі. Санкцыі любым коштам;
Нешта мне падказвае, што можа паўтарыцца сцэнар Зарэцкай.
Але зараз гэта ўжо не мае ніякага значэньня.
Жывая нацыя
Якім чынам спраўдзіць, ці нацыя мертвая, ці жывая? І хто можа паставіць такі дыягназ? Толькі гісторыя. Жыцьце, ці сьмерць нацыі, яе развіцьце, ці стагнацыя гэта настолькі складаны фенамен, які можна параўнаць з квантавай фізікай. Але чамусьці людзі з легкасьцю гавораць пра сьмерць цэлых нацый, але неяк не адважваюцца паразмаўляць пра тэорыю струн.
З большага, людзі так кажуць, пра нешта мертвае, ці жывое, сыходзячы з уласнага самапачуцьця, ведаў і досьведу.
Аб’ектыўна пакажчыкам існаваньня нацыі, народа з’яўляюцца матэрыяльныя і духоўныя дасягненьні.
Базісам і дасягненьнем любога народу з’яўляецца незалежная дзяржава.
Беларусы змаглі атрымаць незалежнасьць не гледзячы на амаль 300 гадовую русіфікацыю і саветызацыю, дзьве сусветныя вайны, калектывізацыю і рэпрэсіі.
Гэта азначае, што ў народа заставаліся ўнутраныя сілы і энэргія каб нарадзіць і выхаваць тых людзей, якія адстойвалі ідэю нацыі і незалежнасьці.
Урэшце рэшт, высілкі матэрыялізавалася ў незалежнасьць 25 жніўня 1991 году.
Так, безумоўна выхад з савецкага мінулага даваўся цяжка, але 30 год панаваньня аўтарытарнай улады - гэта не "паміраньне нацыі" але яе перманентнае адраджэньне.
Калі людзі не цікавяцца гісторыяй, мінулым і сучасным сваей краіны, то ў йх ўяўленьні нацыя не існуе, ці яна памерла, бо проста, мала, альбо нічога не ведаюць.
І гэта рэальнасьць, бо вакол нас міл’ены людзей, але яны для нас не існуюць, бо мы зь ймі не сутыкаемся і ніколі не сутыкнемся, і мы мертвыя для йх.
Так і з нацыяй - для кагосьці яна памерла, бо чалавек жыў, ці жыве па-за яе рэчаіснасьцю, па-за яе гісторыяй.
Я вельмі добра памятаю 90-я і пачатак 00, калі напрыклад для заходнікаў Беларусі не існавала, "чорная дзірка Еўропы", бо проста яны нічога пра краіну яны не ведалі, terra incognito. Але і для немалай колькасьці жыхароў Беларусі, краіна была невядомай прасторай. Для некаторых яна застаецца такой і сёньня.
І тады, як і зараз, шмат хто хацеў піхнуць народ і краіну нагой, паставіць крыж, пахаваць яе, альбо прыдумаць нейкі эпітэт пагучней, каб абвесьціць пра неясны стан грамадства, аля: неданацыі, "памерлы народ", рускіх са знакам якасьці.
І гэтыя "сэнтэнцыі" тыражаваліся нават незалежнымі СМІ ў барацьбе за "клікі" і ў пошуках сэнсацыі, без крытычных заўваг і без нейкай моцнай пазіцыіі нацыянальнага гонару.
Было, шмат культурна-палітычных некралогай і вельмі мала публікавалася доказаў жыцьця, бо апошняе заўседы ўспрымалая як рэч зввчайная.
Вяртаючыся да паказчыкаў існаваньня нашай нацыі. 300 год: войны і падзелы, тры паўстаньні, БНР, Рэспубліка Беларусь, вялікая колькасьць дзеячоў: Багушэвіч, Багдановіч, Купала, Колас, Караткевіч, Быкаў, Гілевіч, Луцкевічы, Скірмунт, Дэпутаты Незалежнасьці, некалькі рэвалюцый і масавых пратэстаў 1996, 2006, 2010, 2011, 2017, 2020 - ці гэта не доказы жыцьця нацыі? Сам той факт што Лукашэнка не можа спыніць рэпрэсіі і вымушаны апірацца на Маскву есьць доказ жыцьцевай энэргіі беларусаў, бо памерлых не мае сэсу трымаць у кайданах.
І зараз беларусы працягваюць адраджацца, колькі зь йх ведалі пра сучасную гісторыю краіны, пра незалежнасьць пакуль не сутыкнуліся з рэчыіснасьцю 2020? Шмвт для каго было адкрыцьцем, што ў Беларусі вялікая гісторыя, што Дзень Незалежнасьці гэта не 3 ліпеня, што есьць і дзень Волі, і 27 ліпеня. Ці гэта было сьведчаньнем таго, што нацыя "памірала" гэтая гады? Ці ўсе ж, што гістарычна па-за межамі нацыі існавала частка грамадства?
Але, "абудзіўшыся", гэтыя людзі сталі часткай нацыі, то бок ажылі і будуюць нацыю зараз.
Так, што Нацыя гэта тое што ты есьць сам, нацыя ствараецца людзьмі, грамадзянамі, яна жыве пакуль грамадзяне ўстане падтрымліваць полымя жыцьця: думаць, дзенічаць, размаўляць на роднай мове, тварыць, памятаць вучыць, будаваць. Менавіта праз такую нацыянальную, грамадскую дзейнасьць, і ў тым ліку праз ахвяры адбываецца існаваньне нацыі.
І асабліва праз ахвяры - ніхто не будзе ахвяраваць свам жыцьцем і шчасьцем, сваёй будучыняй за тое, чаго няма, чаго не існуе, ці амаль памерла.
Пра галоўныя і важныя тэмы. Санкцыі, палітыка рэжыму, контр-дзеяньні апазіцыі
https://www.youtube.com/watch?v=MwirTCexWco
Вось такая "перамога"...
Байпол, на чале з Азаравым распрадае на OLX сьпецыяльную экіпіроўку, якая была закуплена для плану "Перамога", а таксама для падрыхтоўкі харугваў і структур паспалітага рушаньня.
"Самый дорогой лот — спутниковый телефон Iridium 9555. За него продавец просит более 900 евро. Почти за такую же цену он продает большой монитор. Также на продажу выставлены телевизор, микрофон, ноутбук, принтер, сейф и другое офисное оборудование.
Особое внимание привлекли товары военного назначения: тактические жилеты, сумки и ремни, карманные ножи, защитные очки, бандаж, кобура".
Агульны кошт 50 тыс., злотых.
Пры гэтым, чальцы харугваў увесь час скардўіліся на недахоп патрэбнай экіпіроўкі. Байпол сьцьвярджае, што частку маемасьці перадалі ПКК ды іншым структурам.
Так што рэвалюцыя адмяняецца. На пачатку, план Недамога, быў выкарыстаны для правядзеньня "выбарчай аферы", а зараз распрадаецца маемасьць, якая не была набыта на ўласныя грошы Азарава і Ко. І напэўна маглі б быць прыдатнымі ў будучым для беларусаў. Нават проста перадаць у АПК пад адказнасьць Кабанчука і Кабінету, бо гэта не ўласнасьць Байполу, ці асобных людзей.
Але Азараў дзейнічае па прынцыпу, "дык не застанецца нікому", а грошы пойдуць на новыя ўласныя праекты.
Вось такая рэвалюцыя і рэвалюцыянеры. Гэта яшчэ адзін прыклад сістэмнай праблемы - хто і як будзе кіраваць краінай пасьля сыходу Лукашэнкі.
Пакуль што мы назіраем, што новаапазіцыйны праект інстытуалізацыі дэмакратычнай супольнасьці праваліўся.
Лукашэнка ў Вітэбску на сустрэчы са студэнтамі заяўляе: Беларусь должна в ускоренном формате провести новую научно-техническую революцию".
А ў сваю чаргу, рэктар Вітэбскага дзяржаўнага ўніверсітэта дорыць яму кнігу: "Сучасная палітэканомія" у якой асноўнае мейсца адводзіцца вывучэньню марксіска-ленінскіх прынцыпаў кіраваньня.
Як мне падаецца гэта чарговае інтэлектуальнае і палітычнае дасягненьне сістэмы.
Але нават Лукашэнку гэты "падарунак" пакаробіў. Ен жа і яго атачэньне асноўныя ўласьнікі і "капіталісты" у краіне. А капіталістаў і ўласьнікаў марксісты не любілі.
Але ў чарговы раз "інтэлектуальныя высілкі бюракратаў паказалі, што трэба выхоўваць ідыетаў, каб захаваць сістэму. Замарозіць краіну на дзесяцігоддзі. Сваімі словамі Лукашэнка паказаў, што Беларусь знаходзіцца пры яго кіраваньні ў далекай індустрыяльнай эпохе.
Для НТР у Беларусі, перш за ўсе патрэбна палітычная рэвалюцыя, каб пазбавіцца цемрашальцаў, якія выкідаюць дзяржаўныя рэсурсы на неурамантыю і ўваскашэньне марксізма-ленінізма.
Бо ж напэўна цэлы ўніверсітэт над "кнігай" працаваў.
Запрашаю на размову ўжо зараз.
https://www.youtube.com/watch?v=gfnE0fNoX5A
Мадэль абвалу сістэмы праз санкцыі
Прапаную разгледзіць і прааналізаваць сцэнар разьвіцьця падзей, які прадугледжвае зьнешне-палітычны ціск і ізаляцыю Беларусі.
👇
Логіка санкцый і зьнешнепалітычнага ціску/ізаляцыя закладае, стварэньне такіх умоў пры якіх палітычны рэжым (у дадзеным выпадку рэжым Лукашэнкі) аслабне альбо абваліцца. Адным з важных кампанентаў такіх дзеяньняў таксама з’яўляецца стварэньне цяжкіх сацыяльна-эканамічных умоваў для насельніцтва краіны: спыненьня працы прадпрыемстваў, павелічэньня безпрацоў’я, сістэмныя запазычаннасьці па выплаце заробкаў, пенсіяў, рост коштаў, праблемы з працай сацыяльных інстытутаў (школаў, шпіталёў). Гэта азначае сістэмны крызіс, які павінен прывесьці да росту незадаволенасьці, унутранай сацыяльнай напружанасьці і выбуху. 💥
Ізаляцыя ў сваю чаргу (закрытые межы на выезд), каб незадаволеныя не выязжалі на працу (эканамічная эміграцыя) павінна стварыць эфект унутранага сацыяльнага ціску і прысьпешыць выбух і рэвалюцыю ў краіне, які прывядзе (як закладаецца) да зьмены палітычнага рэжыму. 💥
А гэтая зьмена, як закладаецца, павінна прывесьці да ўсталяваньня дэмакратычнай улады ў Беларусі і разгортваньне яе ў бок Захаду.👈
Не будзем зараз аналізаваць, ці магчыма дасягнуць такой мэты ва ўмовах калі рэжым Лукашэнкі абапіраецца на фінансавую і эканамічную дапамогу Расеі, але дапусьцім, што прамежкавая мэта дасягнута.
Прыпусьцім, што санкцыі і ізаляцыя раптоўна прывялі да імгненнага падзеньня вытворчасьці, інфляцыі, агромнага дэфіцыту ў бюджэце.👇 Настаўнікі, лекары, працоўныя, пенсіянеры на працягу некалькіх месяцаў не атрымоўваюць ні заробкаў, ні пенсій, у крамах назіраецца недахоп прадуктаў харчаваньне.
👇
Узьнікаюць стыхійныя мітынгі на працоўных мейсцах і пры будынках гар і аблвыканкаму, і аднога дня людзі масава выходзяць на плошчы і вуліцы. Адбываецца спантанная рэвалюцыя, рэжым не ведае як рэагаваць і супрацьстаяць новай хвалі сацыяльнай рэвалюцыі.
❗️Якія могуць быць і павінны быць дзеяньні асобных актараў? Паспрабуем прааналізаваць сыходзячы сеньняшніх рэаліяў.
👉Відавочна, што першым гульцом, які зарэагуе на такія падзеі ў Беларусі будзе Расея, дзеля таго, каб не дапусьціць зрынаньня рэжыму і перамен (што азначае магчымы разварот краіны ад Расеі ў бок Захаду), яна ўвядзе войскі, пачне падаўляць пратэсты і ўсталюе свае вайсковае кіраўніцтва, паставіўшы краіну пад свой прамы кантроль.
Дзеля таго, каб не дапусьціць такога развіцьця падзей, неабходны хаця б базавы план контр-дзеяньняў з боку апазіцыі і Захаду.
❗️Было б лагічна, каб краіны Захаду ў момант разгортваньня гуманітарнага крызісу, задэкларавалі гатовасьць увесьці свае вайсковыя адзінкі ў Беларусь з мэтай абараніць насельніцтва ад расейскага захопу. На гэта павінны акцэнтаваць сваю ўвагу і “дэмакратычныя структуры”, якія візітуюць заходніх партнераў і заклікаюць да новых і новых санкцый. 💢Без другой часткі “санкцыйнага плану” самі санкцыі безсэнсоўны. Але, я чамусьці ўпэўнены, што заходнія краіны нават не зварухнуцца каб аказаць вайскова-гуманітарную дапамогу беларусам, якія выйдуць на вуліцы і пачнуць змаганьне з рэжымам.
👉Таксама невядома, дзе і як будзе паводзіць сабе тыя струткуры, які прэтэндуюць на палітычнае прадстаўніцтва беларусаў за мяжой? Хутчэй за ўсе чакаць.
СУМЫ
Зараз у СУМАХ разам з Зянонам Пазьняком і нашымі хлопцамі.
Заехалі да мейсца дзе ўчора рашысты ўдарылі шахедамі.
Шпіталь даволі моцна пашкоджаны: папаленыя машыны хуткай дапамогі, знішчаныя рэнтгенапараты.
Побач пашкоджаныя будынкі жытловых дамоў. Рэшткі шахедаў на спаленых дрэвах.
Уявіце, спакойны, звычайны дворык, з хрушчоўкамі зараз пабіты вайной.
Я ўжо шмат што бачыў: Бучу, Ворзель, Бахмут, Днепр але спакойна глядзець на сьмерць і хаос, які сее Масква - немагчыма.
Але, ці гэта азначае, што трэба падтрымлівацт Лукашэнку? Канешне НЕ❗️❗️❗️
Тады навошта маніпуляваць? Адказ вельмі просты.
👉Трэба каб людзі не чыталі, не думалі, не аналізавалі. І ў выніку не займаліся палітыкай. Бо калі не чытаеш, не аналізуеш, як ты можаш займацца палітыкай і разумець палітычнае? 💥
👉Каб йх розум быў у палоне створаных і скіраваных эмоцый;
👉 Каб яны рухаліся ў заданым маніпулятарам накірунку, вузкім шляхам неразуменьня;
👉 Каб зрабіць з грамадства масу, знішчыць пачаткі дэмакратычнай культуры і рацыянальнасьці, захаваць аўтарытарную ментальнасьць
Таму, шаноўнае спадарства, вельмі важна:
1. Не фарміруйце свае меркаваньне па загалоўках і тым больш не рэагуйце эмацыйна;
2. Прачытайце ўвесь тэкст, і што важана, у арыгінале. Нават калі з’явіліся эмоцыі, знайдзіце сілы і прачытаце тэкст, удумліва.
3. Не дазваляйце каб нехта кіраваў вашымі думкамі і эмоцыямі і захаваньнем, праз вельмі прымітыўныя маніпуляцыі.
У сваю чаргу, калі людзі, якія лічаць сябе журналістамі, займаюцца падменай сэнсаў і думак, то наўрацьці яны спрыяюць дэмакратызацыі беларускага грамадства.
Паразмаўлялі пра гарачую фазу халоднай вайны
https://youtu.be/oSxIkrKq22g?si=nRDskA7KT2Q-jbNH
Настрыфікацыя
Насколькі я ведаю, праблема прызнаньня беларускіх дыпломаў за мяжой (у прыватнасьці ў Варшаве) сістэмна не вырашана. З 1 кастрычніка пачынаецца акадэміцкі год, а шмат студэнтаў з Беларусі застаюцца ў падвешаным стане. Паступіўшы ў ВНУ пачаць вучобу не могуць, бо не праходзяць працэдуру настрыфікацыі. Не магу сказаць, ці беларусы сутыкнуліся з гэтымі праблемамі ў іншых краінах? (Калі так - пішыце).
Ёсьць пэўныя выключэньні для студэнтаў якія пацярпелі ад рэпрэсій, ці паходзяць з сем’яў рэпрэсаваных. Ці гэты механізм працуе дасканала, я не ведаю.
Па ідэі, прадстаўнікі "кабінэту" нейкім чына павінны трымаць гэтае пытаньне на кантролі і рэгулярна інфармаваць пра сітуацыю, пры неабходнасьці пільна сустрэцца з міністрам адукацыі.
Калі есьць нейкія рашэньні, дамоўленасьці, механізмы пераадоленьня праблемы, то інфармацыя пра гэта павінна быць і абнаўляцуа кожны дзень на "афіцыйных старонках кабінетаў і офісаў, на розных каналах.
Справа канкрэтная і датычыць інтарэсаў маладых беларусаў, асабліва хлапцоў, для якіх гэта адзіная магчымасьць не трапіць у лукашэнкаўскае войска, ды пад расейскую прапаганду.
Стварэньне умоваў для выезду і навучэньня беларусаў - гэта супольны інтарэс. Асабліва, калі Еўропа праводзіць палітыку санкцый ды ізаляцыі Беларусі і беларусаў, хаця ў заявах дэкларуюць, што падтрымліваюць беларускае грамадства.
У гэтай сітуацыі, калі "кабінет, рада, офіс", якія надзялілі сябе прадстаўнічымі функцыямі, не можа вырашыць праблему, і калі патрэбны дадатковыя высілкі, прапаную:
палітычным і грамадскім структурам беларусаў у Польшчы, а йх дзесяткі (таксама іншых краінаў) - супольна зьвярнуцца да міністра адукацыі, прэм’ер міністра Польшчы з прапановай хуткага і пазітыўнага вырашэньня птыньня прызнаньня дыпломаў, не гледзячы на разрыў дамоўленасьці па агульнаму прызнаньню дыпломаў.
Ніколі больш?
Зеркало ўзяло вялікае інтэрв’ю ў Васкрасенскага (!). Я так разумею, гэта звычайны меркантыльны падыход, "аб’ектыўнай журналістыкі і журналістыкі па-за палітыкай".
Але як жаж прынцып "ніколі больш", ігнор усім калабарантам сістэмы і г.д.
Урэшце, мы вяртаемся да пытаньня, "а чаму ж, сістыма трывала 30 год і трывае зараз?"
Адказ просты, "таму што вялікі сэгмэнт журналістыкі не быў нацыянальным, не быў незалежным, не быў палітычна прынцыповай (мы пляцоўка для ўсіх), была кан’юнктурнай (трэба выжваць, і нарошчваць прагляды, а ўжо потым мы станем нацыянальнымі і прынцыповымі). А як жа інакш, бо калі мы будзем іншай: нацыянальнай і прынцыповай, то страцім нашых чытачоў і аўдыторыю,бо ей пляваць на нацыянальнае і на прынцыпы? Таму мы будзем на расейскай мове і праводзіць расейскія наратывы, бо так добра для аўдыторыі, а значыць і для нас.
Таму ці павінна здзіўляць факт адсутнасьці нацыянальнага лідэрства і разуменьня нацыянальных інтарэсаў, ды ўвогуле разуменьне нацыянальнага. Як раз гэтыя чаты гады, электаральны імпэт трэба было выкарыстоўваць для перафарматаваньня яго ў нацыянальнае, і для ўмацаваньня палітычнага этасу.
Але, як бачым, усе вяртаецца да старых практык.
Мінула 4 гады, імпэт прынцыповасьці мінуў, ўзмацняецца настальгія па канфармізму і мягкай убудаванасьці ў сітэму і ідэадогію дзяржавы Лукашэнкі.
Зараз інтэрв’ю з Васкрэсенскім, заўтра з Мел’янцовым, потым з Эйсмант, Рыжанковым і Пяткевіч. А потым глядзіш: парадак і стабільнасьць.
Зараз, мы, з Зянонам Станіслававічам у Кіеве. Завезьлі машыну ад беларускай дыяспары ў Бельгіі, іншую дапамогу і ахвяраваньні для ваяроў Палка імя К.Каліноўскага ад беларусаў замежжа. Плануецца шэраг сустрэч з беларускімі дабраахвотнікамі. Галоўная мэта падтрымаць пазітыўныя перамены ў ПКК, кансалідаваць рэсурсы скіраваныя на яго развіцьце. Таксама запланаваны шэраг іншых важных палітычных сустрэч.
Сеньня, дзякуючы прадстаўнікам ПКК наведалі Нацыянальны музей Украіны, паразмаўлялі з дырэктарам Юрыем Саўчуком. Вельмі шмат важных сучасных ваенных экспазіцый у тым ліку па Курскаму рэгіену.
Як мне паведамілі. Кіраўніком Фонду СдЖ, зяўляецца С.Ціханоўская, як і Кіраўніком фонду Аб’яднаны Пераходны кабінет.
Памочніца Ціханоўскай "віцэсьпікер" КР.
Сваякі, фаварыты, супрацоўнікі ва ўсіх новапалітычных структурах.
З аднаго боку, гэта прыватызацыя палітычнай сьферы, а з іншага - палітычная карупцыя.
Так памерла беларуская дэмакратыя.
- Расчараванасьць грамадства і, а ў далейшым і Захаду ў апазіцыі. Грамадства будзе ўбудоўвацца ў новую рэчаіснасьць, Захад - шукаць кантактаў з Лукашэнкам ў абыход пазіцый і меркаваньняў апазіцыі;
Рэальнасьць наступная: санкцыі не прывядуць да вызваленьня палітычных вязьняў і зьмены сітуацыі ў краіне, не прывядуць да аслабленьня рэжыму. Гэта проста трэба разумець. Калі нехта кажа, што санкцыі працуюць, калі Лукашэнка выпусьціў 30 хворых, псіхалагічна і псіхічна вычэрпаных да стану зомбі, людзей гэта маніпуляцыя. Палітычныя сьпекуляцыі на гэтую тэму, патрэбны выключна, для захаваньня ўласных палітычных пазіцый і прыдуманай значнасьці і ні ў якай ступені не палепшаць сітуацыі тых, хто зараз церпіць у вязьніцах.
Калі нехта выступае за санкцыі, добра - вашая справа і вашая адказнасьць, але не кажыце, што яны прыносяць рэальны эфект. Санкцыі маюць толькі маральнае вымярэньне, "мы з тэрарыстамі не гандлюем", што па факце азначае ахвяраваньне (а не ратаваньне) жыцьцямі закладнікаў. То бок, "палітыкі" якія выступаюць за перапыннасьць ціску і "no trading with regime", павінны сказаць, што жыцьці людзей і йх здароў’е прыносіцца ў ахвяру працяглай барацьбе з невызначыным вынікам.
Калі гаворка вядзецца пра ратаваньне жыцьцяў і калі ёсьць магчымасьць вызваліць не дзесяткі, а сотні (пры гэтым рэжым не адмовіцца ад рэпрэсій), то чаму не паспрабаваць выкарыстоўваць іншыя падыходы і стратэгіі, прынамсі сыходзячы з аб’ектыўнай ацэнкі сітуацыі, што супрацьстаяньне з рэжымам Лукашэнкі можа зацягнуцца на некалькі год, і што за гэтыя гады "войска" апазіцыі цалкам зьнікне, а "лідэраў" будуць нелюбіць таксама моцна, як і Лукашэнку.
А за 300 і 30 год беларусы ахвяравалі шмат чым і працягваюць ахвяраваць - ці гэтага мала. Пра такія рэчы трэба казаць часьцей.
Так што, не гледзячы на цяжкасьці і нішчэньні Нацыя жыве і будзе жыць.
А між іншым, абмежаваньні для беларусаў пашыраюцца.
Еўрапейскія палітыкі заяўляюць пра падтрымку беларусаў, але йх палітыка паказвае, што яны ўжо ўнесьлі беларускіх грамадзян у катэгорыю пагрозаў.
І чым больш пагаршаецца сітуацыя ў Беларусі, тым больш абмежаваньняў з боку еўрапейскіх краін.
Сейм Латвии поддержал в первом чтении поправки к закону "О дорожном движении", которые предусматривают с 1 ноября ввод запрета на нахождение в стране транспортных средств, зарегистрированных в Беларуси (!).
Согласно поправкам, транспортные средства, зарегистрированные в Беларуси, которые сейчас находятся на территории Латвии, должны быть вывезены или зарегистрированы в Латвии до 31 октября.
Расея, на працягу апошніх дзен нанесла цэлую серыю ракетных удараў скіраваных менавіта ў цывільную інфраструктуру, Палтава, Львоў, Харкаў, Запарожжа.
Мэта не толькі максімальнае вынішчэньне і спроба кампенсаваць праблемную для сябе сітуацыю ў Курску і Белгарадзе, але і стварыць крытычную сацыяльную, эканамічную, а таксама энэргетычную сітуацыю ва Украіне ў восенькі і зімовы перыяд, магчыма выклікаць новую хвалю ўнутранай і зьнешняй эміграцыі.
Падаецца, што Масква імкнецца давесьці сітуацыю ва Украіне да перанапрежваньня сістэмы ў палітыцы і на фроньце, у тым ліку на міжнароднай арэне ў адносінах з Захадам, і праз гэта дясягнуць выгадных для сябе ўмоў для "міру".
Калі сыходзіць з апошніх вынікаў апытаньняў, якія зладзіў Chatham House, то дзейнасьць ОСТ+АПК можна назваць неэффектыўнай. І гэта яшчэ мягка кажучы.
Палітыка "больш санкцый любым коштам" і стратэгія ізаляцыі прывяла да абмежаваньня Беларусі і беларусаў у йх кантактах з Еўропай, а таксама фарміраваньню негатыўнага вобразу. Да вонкавай ізаляцыі спрычынілася інфармацыйная дамінацыя Расеі ў беларускай прасторы.
За апошнія 5 год толькі 22% беларусаў (жыхароў гарадоў) наведалі еўрапейскія краіны. (Цікава, колькі наведалі Расею?). Канешне візы + кошты падарожжа абцяжарваюць. Віза есьць толькі ў 7%. За мінулы год беларусы атрымалі 158 тыс., віз.
Зустм не зразумелае пытаньне: "Сувязь з Заходняй Культурай і яе ўплыў". Хацелася б запытацца, а што "дасьледчыкі" ўкладаюць у паняцьце Заходняя Культура. Увогуле, што гэта такое "Заходняя культура". (Рым, Грэцыя? Каталіцызм ці Пратэстантызм? Законнасьць? Правапарадак? Моцарт? Шылер? Дюма? Ван Гог ці Галівуд?) А ў спрошчанац сьвядомасьці "рускамірцаў" гэта ЛГБТ. Я думаю дасьледчыкі і самі не ведаюць, ды і такога ўніверсальнага паняцьця "заходняя культура" не існуе.
Агульна, згодна з апытанкамі, праеўрапейскім можа лічыцца 30-35%. Гэта і шмат (з улікам абставін) і мала. Бо лічба антыеўрапейцаў таксама складае каля 35-36%.
Але па самапачуцьцях, то аж 57% упэўнены, што Беларусь патрэбна толькі Расеі.
У сваю чаргу 62% бапытаных сьцьвярджаюць, што санцыі благія, несправедлівыя і шкодзяць простым грамадзянам.
Рыторыка некаторых апазіцыйных структур "больш санкцый", як мы бачым не адпавядае чаканьням большасьці грамадзян.
Па-сутнасьці, атрымоўваецца, што інфармацыйныя і палітычныя рэсурсы, зрухі ў 2020 не паўплывалі на масавую сьвядомасьць. Бо аснова праеўрапейскай, празаходняй супольнасьці ў Беларусі заўсёды сягала 40%.
Фактары перамен
Аналіз розных сцэнароў і магчымых падзей у Беларусі і вакол.
https://youtu.be/TdBc3vcOHlY?si=Jen3lUBXM444DeGf