-
Обзор и анализ текущих политических событий. Беларусь и Мир.
Сірыйскія паўстанцы ўзялі Пальміру.
Фактычна ў сірыі паўторваецца сцэнар Афганістану (2021 год), калі талібы за два тыдні паставілі крыж на 20 гадовых высілках ЗША і зараз аднавілі фундаменталістскі рэжым з якім Штаты распачалі змаганьне ў 2001.
Для рускіх, як і Ірану страта Сірыі будзе дэманстрацыяй слабасьці і звужэньне глабальных уплываў.
Але, як паказаў 2011 год, найбольшы палітычны патэнцыял знаходзіцца ў руках фундаменталістаў. Ці Захад, Турцыя і Ізраіль будуць ў стане кантраляваць палітычны працэс ў Сірыі пасьля таго, як рэжым Асада падзе? Рызыка ўзмацненьня ісламістаў і распаду дзяржавы застаецца, на маю думку, вельмі вялікім.
Які пафас, які слог, А.Лукашэнка:
Нам пока не удалось выйти на тот уровень самодостаточности и независимости нашего объединения, при котором мы могли бы осуществлять долгосрочное планирование своего развития и были бы защищены от внешней конъюнктуры и различных вызовов"
Пра інтэграцыю і не толькі. Пішыце вашыя пытаньні ў каментарах
https://www.youtube.com/watch?v=-rnn6fJjq8c
Палітычны крызіс у Паўдневай Карэі
Прэзідэнт Паўднёвай Карэі Юн Сок Ёль даволі цікавая і супярэчлівая фігура. У маладосьці выступаў супраць дыктаруры Чон Ду Хвана, змагаўся за дэмакратыю і свабоду. Стаўшы генеральным пракурорам у 2019 годзе павінен быў змагацца з карупцыяй, але сам стаўся аб'ектам абвінавачваньняў у фаварытызьме.
Пад час прэзідэнтскай кампаніі, як кажуць, выкарыстоўваў магічныя сымбалі і не цураўся паслуг шаманаў.
Найбольшую крытыку выклікалі ягоныя пазітыўныя выказваньні адносна палітыкі Чон Ду Хвана, а таксама прапановы зьняць абмежаваньні датычныя стандартаў бясьпекі спажывецкіх прадуктаў, каб бедныя маглі дазволіць сабе купляць танную ежу, нават калі яна якасана шкодная.
У лістападзе 2024 году разгарэўся скандал, асноўная прычына якога квазіпалітычная дзейнасьць жонкі прэзідэнта Кім Гон Хі, якая ў свае 52 гады выглядае менш як на 30. Згодна з рознымы ацэнкамі яе "цудоўны" выгляд вынік рэгулярных пластычных аперацый. Але апазіцыя абвінавачвае яе ў атрыманьні вельмі дарагіх парарункаў (напрыклад яна атрымала торбачку за 2.2 тыс., даляраў) спекуляцый з акцыямі, а таксама ўмяшальніцтвам у парламентскія выбары.
Парламент прызваў прэзідэнта да зьменаў у сваім атачэньні, прызначыць сьпецыяльнага інспектара да справаў карупцыі.
Фактычна пачалося супрацьстаяньне прэзідэнта і парламента, якое магло скончыцца імпічментам, каб гэтага не дапусьціць вырашыў арганізаваць вайсковы пераварот, абвінаваціўшы парламент ў сімпатыях да КНДР.
3 сьнежня сьпецназ уварваўся ў Парламент. Так проста, але верагодна ў вайсковага кіраўніцтва хапіла розуму спыніцца.
Хутчэй за ўсе палітычны крызіс скончыцца адстаўкай прэзідэнта, магчыма нават арыштам.
У структуру масавых стратаў, ад 600 да 800 тыс., уваходзяць габрэі, якія ў тыя часы пражывалі на тэрыторыі Беларусі.
То бок у выніку дзеяньняў дзьвух таталітарызмаў Беларусь згубіла некалькі міл'ёнаў чалавек. Разам з гэтым, у генацыде афіцыёз абвінавачвае выключна гітлерызм.
Што тычыцца калабарцыянізму з нямецкімі ўладамі, то падкрэсьлю, што гэта складаная праблема, якая датычла шмат якіх краінаў, якія знаходзіліся пад той, ці іншай формай каланіяльнага прыгнету. На прыклад, можна прыгадаць аднаго з вядомых барацьбітом за незалежнасьць Індыі супраць Брытанскага каланіялізму Чандр Боса, які з 1939 года актыўна супрацоўнічаў з Нямеччынай і Японіяй і ўзначаліў часовы ўрад, які быў створаны Японіяй у 1943 годзе на невялічкай часцы захопленнай тэрыторыі Індыі. Чандр Бос уваходзіць у адзін шэраг барацьбітоў за незалежнасць Індыя побач з Нэру і Гандзі.
Частка беларусаў пабачыла ў нямецкай экспансіі на Ўсход, магчымасьць адраджэньня Беларусі. І калабарцыянізм не быў маргінальнай з’яваў у часы акупацыі. Каля 100 тыс., чалавек удзельнічалі ў тых ці іншых формах супрацы з нямецкай адміністраці, намагаючыся адраджаць культуру і нацыянальную ідэю.
Канешне, няма ніякіх сумневаў адносна таго, што сталася б з Індыяй, ці Беларусьсю, калі краіны Осі перамаглі. Нацысты, як і камуністы выкарыстоўвалі нацыянальныя рухі, як інструмент барацьбы, а потым распачыналі вынішчэньне. Камунізм прадэманстраваў аб’емы рэпрэсій “пераможцаў” і камуніст-нацыяналістаў у Азіі і Афрыцы.
У такой сітуацыі, што нам рабіць з беларускім калабарцыянізмам. Перш за ўсе, трэба разумець, што савецкія ўлады выкарысталі факт калабарцыянізму дзеля таго, каб цалкам дэскрыдатаваць саму ідэю нацыяналізму і незалежнасьці Беларусі, зраўняць яе з фашызмам. Менавіта гэтым сёньня займаецца неасавецкі рэжым Лукашэнкі. Пры гэтым цалкам адмятаецца факт генацыду беларусаў савецкім рэжымам.
Я лічу, што супраца беларусаў з гітлераўцамі з’ява не адназначная і складаная – спроба захаваць нацыю, развіваць яе, ва ўмовах вайны, пасьля таго, як вялікая колькасьць беларусаў пабачыла, чым есьць камунізм і сталінізм.
Менавіта ў гэтым трагізм нашага народу і беларускіх нацыянальных эліт. Магчыма адзінай значнай розьніцай было тое, што беларусы ў савецкім войску і партызнаскім руху не змагаліся за Беларусь як такую, але толькі за вялікі адзіны Савецкі Саюз, Сталіна, а калабарцыяністы ў той, ці іншай ступені намагаліся змагацца за праект незалежнай Беларусі.
Хутка станаўлюся вядомым палітолагам-крымінальнікам. Не пасьпела астыць першая справа (арганізацыя дзяржаўнага перавароту), на падыходзе другая.
Кішэнныя сталіністы і пуціністы Лукашэнкі вельмі няровова адржагавалі на мае апошнія разважаньні на Еўрарадые. Шпакоўскі, Гігін ды іншыя неасталіністы пабачылі ў маіх выказваньнях пра трагізм беларусаў пад час Другой Сусветнай вайны і падвойнай акупацыі Беларусі двума таталітарнымі сістэмамі "апраўданьне нацызму" і адмову "генацыду беларускага народу". Як раз, я сьцьвярджаю пра тое, што сістэмны генацыд распачвўся з часоў расейскай акупацыі ў XVIII стагоддзі і набыў неверагодны ўзровень пасьля 1918 году.
Шпаковский: В связи с заявлениями "эксперта" Усова, направленными на реабилитацию гитлеровских прислужников - коллаборационистов, будет направлен соответствующий запрос о возбуждении уголовного дела в Следственный Комитет Республики Беларусь.
Гигин:
Попытка реабилитации гитлеровских прислужников - то же самое предательство. И таких "реабилитологов" нужно преследовать по закону.
А чего ещё можно было ожидать от Усова? Он известный "эксперт": когда-то прославился разглагольствованиями про "десять ноевых скрижалей".
Праўда не разумею, пры чым тут 10 ноевых скрыжалей? Нешта ў галаве Гігіна намяшалася. Ці магчыма ён яшчэ мяне абвінаваціць ў сусветным патопе?
Кэлін Джорджэску, фаварыт прэзідэнтскай кампаніі ў Румыніі.
Адзін з ланцужкоў расейскага сьвету і ўплываў.
Прыхільнік плыні змаганьня з глабалістскай змовай. Вельмі добра ставіцца да Пуціна, "чалавек, які любіць сваю краіну", а вось Украіну назваў "штучна створанай".
Вялікае "ФЕ"
Зліцьце размовы Лукашэнкі з Прыгожыным. Калі гэта праўда і калі гэта зрабілі самі расейцы. А хутчэй за ўсе так, то мне падаецца гэта форма псіхалагічнага ціску на Лукашэнку ў працэсе "выбарчай кампаніі".
Вялікі брат усе бачыць і ўсе чуе. Можна дапусьціць, што Маскву пачвлі раздражняюць "сьмелыя" паводзіны дыктатара і Крэмль вырашый прыгадаць яго палажэньне і статус, пасьля 2020, Сочынскія дамоўленасьці. І выглядае, што гэта толькі пачатак.
Цікава, якая будзе рэакцыя Лукашэнкі? Паедзе ў Маскву.
NYT. Байден разрешил Украине ударить дальнобойными ATACMS по России
Калі гэта падцьвердзіцца сітуацыя можа цалкам зьмяніцца.
Ну вот, подсветили одну из целей "визита" - показать "человеческое" лицо "главы государства", окно открывшихся вощможностей. И конечно же важность, роль Протасевича в новой информационной кампании властей.
Читать полностью…
У чым галоўная задача аўтарытарнай сістэмы ў межах планаванага інжэнірынгу? Не толькі ў тым каб зламаць чалавека, але і дзеля таго, каб зьніччыць пазіьыўныя вобразы герояў у вачах, тых хто падтрымліваў і верыў у іх.
Робіцца гэта праз сістэмнае ўздзеяньне на захаваньне чалавека, прамыўку мазгоў, стварэньне неабходных вобразаў у чалавека адносна атачэньня.
Як мы бачым метадаў перашыўкі сьвядомасьці вельмі шмат (Саўчанка, Пратасевіч), калі ў момант "герой" якога ўзносілі да нябесаў, у момант станавіўся антыгероем і выкарыстоўваўся дзеля дэзарыентацыі грамадства.
Што ўлады намагаюцца.дасягнуць маніпуоюючы лесам Марыі Калесьнікавай?
1. Стварэньне напружаннасьці і атмасферы дэўінфармацыі. Калі напачатку транслюецца думка пра тое, штоткалесьнікаву забіваюць, яна галадае, знаходзіцца ў цяжкім стане. Сітуацыя драматычная, тржба яе ратаваць любымі спосабамі. І тут раптоўна (былы герой Пратасевіч) выкладвае здымкі Калесьнікавай (параўнаць з Зенковічам ці з Палінай Шарэндай-Панасюк). Стан зусім адваротны.
Напружаннасьць спадае, як і агулам невіліруюцца лесы іншых зьняволенных і йх сітуацыя, яны адыходзяць на другі план. Бо з сьпецыфіка чалавечай сьвядомасьці у пераносе вобразу калектыву, на канкрэтную вядому асобу. Калі яна ў больш менш добрым стане, то не ўсе так кепска, як кажуць іншыя. Да гэтага, спрычыняецца задача, не стварыць "сакральнай ахвяры", што вельмі важна для гульні з Захадам.
2. Ці спрабуюць "перапрашыць" Марыю Калесьнікаву, па прыкладу Пратасевіча. Упэўнены, што так. Абсалютна так. Зь яе шмат хто зрабіў сымбаль пратэстаў 2020 году і нават назвалі "творцай нацыі", ператрансфармацыя яе вобразу фундаментальная задача сістэмы. Можна толькі ўявіць, які будзе эфект, калі Марыя Калесьнікава скажа, што трэба перагарнуць старонку (ці нешта падобнае). Дасягнуць такога стану - звышзадача сістэмы. Можна ўявіць, што адчувае Марыя, калі яе каля года утрымоўваюць у ізаляцыі, а потым даюць магчымасьць сустрэцца з бацькам.
Як дадатковы эфект - робяць з гэтага сенсацыю.
Ці здолее Марыя супрацьстаяць масіраввнаму псіхалагічнаму ціску - не ведаю. Як і не ведаю, што ей паказваюць і як на яе ўзьдзейнічаюць.
Ясна адно, што перад выбарамі будуць іншыя неспадзяванкі і, што ўлады перайшлі на новы ўзровень гульні.
Не ведаю як ацэньваць гэтыя апытаньні і павялічэньне пазітыўнай дынамікі прыхільнікаў міру коштам ўласнай тэрыторыі? Няўжо запускаецца працэс "уміратварэньня Украіны"?
Нагадаю, што для Расеі мір - гэта працяг вайны, толькі іншымі сродкамі, ды падрыхтоўка да новай вайны.
Вахлярская палітыка Лукашэнкі
Яе мэта перазапусьціць палітычны кантракт з грамадствам не зьмяншаючы працэсу ўнутраных рэпрэсій і чыстак. То бок людзей будуць адной рукой сістэмы душыць, а іншай выпускаць. Каб вызваленьні палітычных вязьняў не выглядала як адліга і не справакавала нейкай актыўнасьці, але з іншага боку, каб узмацнялася надзея ў грамадстве, на паляпшэньне сітуацыі.
Як мы бачым, зараз западрабаваньне нават не на адлігу, а на зьмягчэньне палітыкі рыжыму ўнутры краіны, як і за мяжой, даволі вялікае. Людзі стаміліся, як мы памятаем у 2020-2022 былі моцныя спадзяваньні на хуткі сыход Лукашэнкі, зараз на - ўмоўную перазагрузку.
Спадзяваньні на перазагрузку безумоўна будуць зьвязаны з "выбарамі", вынікі якіх акрэсьляць далейшы ўнутраны працэс.
Для мяне, пакажчыкам зьмены падыходу (пра гэта пісаў раней) будзе рэгістрацыя Канапацкай.
Суправаджацца гэта будзе новымі вызваленьнямі палітычных вязьняў, а пасьля "выбараў" (калі на думку Лукашэнкі, яны пройдуць добра) працэс паскорыцца.
Пачуцьце "народнай любові" можа прывесьці і да знакавых вызваленьняў. Дапускаю, што менавіта гэтымі надзеямі і пачне гандляваць Лукашэнка і яго атачэньне ўнутры грамадства.
Пра выбары, дэмакратыю і шмат іншага - https://www.youtube.com/watch?v=HuNFHGS0GG8
Читать полностью…
Папулізм. Палітыка. Дыктатура.
Кароткі аналіз небясьпечных папулістычных лозунгаў, якія шкодзяць тым, хто бяздумна іх агучвае.
Ніколі так не рабіце, гэта сьведчыць, пра тое, што чалавек не задумваецца над сэнсам сваіх словаў. Вось адзін з такіх прыкладаў.
Святлана Ціханоўская: «Мая каманда – гэта ўсе беларусы»
Гэта цытата, якая вынесена ў падзагаловак відые на канале Ціханоўскай.
Што гэта азначае, акрамя прэтэнзій на палітычны ўніверсалізм і ўласную выключнасьць?
Калі ЎСЕ беларусы ў камандзе Ціханоўскай, то згодна з логікай такога сьцьвярджэньня, тыя хто зараз прыгаворвае людзей да доўгіх тэрмінаў зьняволеньня, тыя хто катуе і забівае беларусаў і фальсіфікуе выбары - каманда Ціханоўскай (бо робяць гэта нажаль грамадзяне Беларусі, звычайныя беларусы). Атрымоўваецца - каманда, на чале якой стаіць Ціханоўская забівае беларусаў.
Тыя з беларусаў, хто падтрымлівае Пуціна ў вайне з Украінай таксама ў камандзе Ціханоўскай.
Генералы лукашэнкаўскага МВД і КДБ, ГУБАЗіКУ - каманда Ціханоўскай. Гайдукевіч, Чамаданава, Марзалюк, Шпакоўскі ў камандзе Ціханоўскай. Як і Тур з Азаронкам.
Што ў ж тут хаваць, сам Лукашэнка і яго сям’я ў камандзе Сьвятланы.
Добрая атрымалася каманда, таму няма што здзіўляцца той сітуацыі ў якой мы ўсе знаходзімся.
Магчыма Кубракоў і Церцель і ў камандзе Ціханоўскай - не ведаю, але я дакладна ведаю, што ні я, ні Пазьняк, ні сотні тысяч беларусаў і блізка не ў камандзе Ціханоўскай.
Гэтая рыса абагульняць, казаць ад імя ўсіх, прыпісваць сабе бязьмерную падтрымку ЎСІХ без выключэньняў - характэрна толькі для аўтарытарных асоб.
Думаю, шмат хто чуў ленінска-сталінскі бальшавіцкі лозунг: "хто не з намі, той супраць нас".
Дык вось, тэзіс Ціханоўскай таксама можа інтэрпрытаваць такім чынам, "калі ў маёй камандзе ўсе беларусы, то тыя хто не ў маёй камандзе, той не беларусы".
Але звычайна, калі кажуць усе, то па факце азначае - ніхто.
А вось дамова пра гарантыі бясьпекі можа стаць вельмі сур’ёзным выклікам для Беларусі:
"Договор определяет взаимные союзнические обязательства по обеспечению обороны, защиты суверенитета, независимости и конституционного строя России и Беларуси, целостности и неприкосновенности территорий и внешней границы Союзного государства. Причем с задействованием всех имеющихся сил и средств".
"Тэрытарыяльная цэласнасьць "саюзнай дзяржавы" ужо па логіцэ, парушана (Курская вобласьць). Што ў гэтай сітуацыі зьбіраецца рабіць Лукашэнка?
Сірыйскія паўстанцы працягваюць прасоўвацца ў глыбь краіны. Ў бліжэйшы час можа быць заняты Хомс Ні Асад, ні Масква пакуль што не могуць арганізаваць эфектыўнае супрацьдзеяньне.
Відавочна, што Крэмль ня быў гатовы да такога павароту (сітуацыя вельмі прыгадвае эфект Прыгожына).
Для Масквы ў любым выпадку гэта моцны гепалітычны ўдар, які падкрэсьліць слабасьць яе палітыкі.
З іншага боку здача Сірыі можа быць нейкай уступнай гульнёй (саступкай) перад пачаткам магчымых перамоў па Украіне.
Ну вось вам шаноўные, спадарства, рознакаляровая рэклама выбараў Лукашэнкі з выразным заклікам у йх паўдзельнічаць.
Яшчэ і грошы атрымалі каб па мазгам вашым прыгожа прайсьціся. Вынік амаль 5 гадовай барацьбы і мноства ахвяраў. Ну каб не так сумна было.
А колькі было маніпуляцый, апраўданьняў, што йх не так зразумелі, што офіс, КР, АПК да ўдзелу не заклікаюць.
Што кожны "выбірае" па сітуацыі.
Яшчэ ніколі ў палітычнай гісторыі Беларусі не было такіх маніпулятыўных структур, якія так эфектыўна выкарыстоўвалі грамадскія чаканьні, трагедыі дзеля ўласных інтарэсаў, дзеля папулістычнага выжываньня.
Чарговы прыклад таго, як з прыемнай усьмешкай, разважаючы пра будучыню Беларусі, гэтую будучыню прыгожа зьнішчаюць.
Зьнішчаюць не сам факт магчымасьці пераменаў, але тое, што няма каму гэтыя перамены ажыцьцявіць для інтарэсаў краіны і народу.
А вы думалі. Вось яна вялікая руская літэратура, якая вучыць глыбіні і духоўнасьці:
Но главное: сказка учит ребенка, что наши деньги самые лучшие, самые надежные и честные; наша страна самая сильная – ею надо гордиться и верить в то, что мы можем быть самой крепкой державой. Наши дети – это будущее России. Давайте расскажем им о том, что мы живем в великой стране! И тогда, повзрослев, они будут заботиться о ее процветании.
Бальшывізм і фашызм ў Беларусі
Калі я ўжо стаўся кандыдатам на новую крымінальную справу як нібы асоба, якая “адмаўляе” генацыд Беларускага народу, вырашыў параўнаць палітыку зьнішчэньня беларусаў дзьвума акупацыйнымі сістэмамі: бальшывізмам і фашызмам.
Варта зазначыць, што ў масавай сьвядомасьці нашага грамадства бальшывізм, як і савецкі лад, не ўспрымаецца як працэс акупацыі і вынішчэньня беларушчыны. Адна з прычын у тым, што савецкая інжынерыя стварыла з гэтага акупацыйнага рэжыму "свой", "наш", "пераможны", з вялікай культурай і развіцьцем - рэжым. Ен даў беларусам тое, чаго яны ніколі не мелі: "дзяржаву", "школу", "тэатр". Забываючы пры гэтым, што напачатку гэтая сістэма забрала ўсе, што намагаліся беларусы стварыць і стварылі, знішчыла ўсіх ты, хто спрычыніўся да гэтага працэсу, а потым "абдарылі наш" народ вялікімі падарункамі. Разам з гэтым, сістэма рабіла ўсе каб грамадства выхоўвалася без памяці і веданьня ўласнай гісторыі. Вынік гэтага, сёньняшні лукашэнкаўскі рэжым у Беларусі, які працягвае змагацца з ўсім беларускім. Як вынік, мы сёньня не маем ніводнай беларускай школы, дзе хаця б гуманітарныя прадметы выкладаліся па беларуску. А такія людзі як Гігін, Шпакоўскі, Азаронак прасоўваюць ідэі расейскага міру і ганьбяць усе нацыянальнае.
Гісторыя ўжо паказала, што камуністычная сістэма была патворнай і антыгуманнай. Па розных зьвестках ахвярамі розных тыпаў камуністычных сістэм сталася каля 100 млн., чалавек. Разма з гэтым камунізм у гібрыдных палітычна эканамічных формах працягвае існаваць у Кітаі, ПКНА, Расеі, Беларусі, на Кубе і г.д. І працягвае зьбіраць ахвяры. А як мы ведаем, гэтая ідэалогія павінна была прынесьці шчасьце і дабрабыт сьвету. У Другой Сусветнай вайне загінула каля 75 міл'енаў чалавек.
Але вернімся да Беларусі:
Камуністычная сістэма ў нашай краіне агулам існавала з 72 гады. Часткі ўсходняя Беларусі ўваходзілі ў склад РСФСР з 1919 па 1926 год. (Фактычна не ведаем, якую палітыку частак праводзіла там расейская ўлада), Заходняя Беларусь заставалася пад кіраваньнем Польскай дзяржавы да 1939 году.
Сталінскія рэпрэсіі, калектывізацыя найбольш закранула Цэнтральную і Ўсходнюю Беларусь. Бо йх пік як раз прыходзіцца на 1933 - 1938 год.
Як зазначаюць афіцыйныя крыніцы, у Беларусі з 1917 па 1953 год па ПАЛІТЫЧНЫМ ПРЫЧЫНАМ" было рэпрэсавана каля 150 тыс., чалавек. Хаця напрыклад толькі за 1937-1938 было арыштавана 54 тысячы грамадзянаў Беларусі, і растраляна 27 тыс., чалавек.
Адначасова кіраўніцтва Сіблага ГПУ (1930-1931) стварыла працоўныя камендадтуры ў якіх знаходзілася больш за 250 тыс,, чалавек. 60 тыс., гэта былі БЕЛАРУСЫ (!!!), і гэта яшчэ да Вялікага Тэрорру і толькі Сіблаг.
Разам з палітычнымі рэпрэсіямі былі эканамічныя: раскулачваньне, калектывізацыя, голад. Да 1930 году ў Беларусі (Усходняя частка). Было раскулачана 15 тыс. гаспадарстваў.
Агулам, у выніку барацьбы з "кулацкім элементам" з 1929 па 1932 год у Сібір было саслана звыш за 100 тыс., беларускіх семьяў. (Агульная колькасьць насельніцтва тагачаснай Беларусі складала каля 5 міл'енаў чалавек). У выніку калектывізацыі ў Беларусі ў 1932-1933 распачаўся голад. У выніку чаго памерла каля 70 тыс., чалавек. (Голад паўтарыўся ў 1946-1947 годзе, ад яго пацярпела больш за 300 тыс., чалавек.
З прыходам бальшывікоў у Заходнюю Беларусь, камуністычныя ўлады распачалі будаваньне "сьветлай будучыні". Дзесяткі тысяч беларусаў і палітычных дзеячоў іншых нацыянальнасьцяў былі забіты, у тым ліку Антон Луцкевіч, лідэр БУНДУ Хэнрых Эрліх.
У выніку дэпартацыі з тэрыторыі Заходняй Беларусі ў Сібір было высялена больш за 170 тыс., чалавек.
Такім чынам, як сьцьвярджаюць розныя дасьледчыкі ад палітыкі бальшывікоў у Беларусі магло пацярпець каля 1 міл'ена чалавек. Дапускаю, што палітычка вынішчэньня працягвалася б надалей, калі б не пачалася вайна ў 1941 годзе.
Пад час гітлераўскай акупацыі, 1941-1944 год, Беларусь страціла каля 2 млн., чалавек. У тым ліку, 400 тыс, было вывезена ў Нямеччыну на прымусовы працы, дзе загінула каля 100 тыс., чалавек.
Пра фантомныя і ілюзорныя фобіі Лукашэнкі, які ўмацняюць і аслабляюць яго ўладу
https://www.youtube.com/watch?v=mEyypQXg8PE
Абсурдны абсурд
Адчыняю ленту навінаў незалежных СМІ, ці блогераў-палітыкаў і першае, што трапляецца:
"Лукашнка хворы"
"Лукашэнка прайграў"
"Лукашэнка баіцца"
"Лукашэнка слабы"
І гэта на фоне таго, што тысячам беларусаў няма дзе прытуліцца, якія не маюць абароны, ці "пагражаюць бясьпецы" некаторым краінам ЕЗ.
На фоне таго, што КДБ арганізавала правакацыю і арышт В.Верамейчыка, які як разумею, апынуўся ў безнадзейнай сітуацыі.
Вось такі вось страх Лукашэнкі, які ўзмацняе ягоную ўладу і штурхае дзяржаўную машыну на падаўленьне грамадства.
Вось бы апазіцыя так баялася і была такой жа эфектыўнай у абароне інтарэсаў беларусаў.
Паразмаўляем зараз. Важныя тэмы.
https://www.youtube.com/watch?v=oGclzGSYZxU
Белсат бывай
Белсат як адзінае фармальна незалежнае беларуская тэлебачаньне перастае існаваць і пераўтвараецца ў частку Цэнтра Замежных Медыяў польскага тэлебачаньня. Кіраўніком беларускай "рэдакцыі" прызначылі Аліну Коўшык!
З логікі падзей (памкненьне ОСТ-АПК уплываць, ці кантраляваць амаль усе медыя) вынікае, што "рэдакцыя" стане выключна прапагандысткім інструментам у руках Офіса Ціханоўскай, з узмоцненай цэнзурай і разбурэньнем мала-мальскі палітычнай аўтаноміі рэдакцыі
Прызначэньне Коўшык - рашэньне выключна палітычнае і ў гэтым сэньсе небясьпечнае для беларускай дэмсупольнасьці.
Прыгадаю, што яна сыйшла з Белсату ў 2022 годзе, далучылася да Кабінету Ціханоўскай, адказвала за "нацыянальнае адраджэньне".
Калі паглядзець на сістэмныя дасягненьні кабінету: вайсковы праект, план Перамога, пашпарт, універсітэт - вынікаў 0.
Не ведаю, ці сыдзе Аліна з "кабінету", бо нібы павінна (хаця ніякія правілы ў дэмакратычнай супольнасьці не працуюць), гэта нічога не зьмяняе. Але таксама сьведчыць пра тое, што справы кабінету не вельмі добрыя, калі міністры шукаюць больш салодкіх мейсцаў.
Канешне, я магу памыляцца, і Аліна абярэ большь значную палітычную місію - працаваць у кабінеце для справы адраджэньня Беларусі.
Лічу, што для застаўшыхся структур Белсату Аляксей Дзікавіцкі быў бы найлепшым кіраўніком з пункту гледжаньня прафесіяналізму. Мне падаецца беларусы замежжа павінны выступіць у яго падтрымку.
Глядзіце антрапалітычны аналіз
https://www.youtube.com/watch?v=5FISupQMAeQ
Улады паказалі сьвету Марыю Калесьнікаву. Такім чынам ствараюць дадатковую дэкарацыю перад выбарамі.
Думаю, такіх "падзей" будзе болей.
Ці можа Лукашэнка пайсьці на вызваленьне Калесьнікавай пасьля "выбараў"? Не выключаю. Калі гэта і адбудзецца, то ў межах нейкай асобнай "інфармацыйнай" кампаніі, якая павінна будзе замацаваць "перамогу" Лукашэнкі і падрыхтаваць умовы для "новага" палітычнага кантракту.
Інтэрвью Алексіевіч патрабуе асобнага аналізу (зраблю машчыма заўтра). Вялікі пласт для аналізу паліьычнага антраполага.
Тут трэба пахваліць НН, якая нежадаючы таго паказала "творцаў беларускай духовасьці". Агульна гэта комплекс савецка-рускіх міфаў і светапогляду на "маленькую- правінцыйную" Беларусь, дзе нічога няма, нават сваёй гісторыі барацьбы за незалежнасьць. Мы бедныя і забітыя.
Але, што мяне больш за ўсе абурыла, так гэта яе словы, што ўсе павінны "пакланіцца Ціханоўскай".
Усьцяж трансляцыя нейкага каленапакланеньня.
Вельмі.сумна, што погляды Алексіевіч на Беларусь і сьвет шмат у чым павярхоўныя, на жаль, могуць адлюстроўваць погляды большасьці беларусаў. Калі гэта так, то наша грамадства чакае яшчэ доўгая дарога ад вызваленьня з палону "красного человека".
Сізіфава пракляцьце
Калі Сізіф сказаны на бясконцае цяганьне камяню ў гару, то беларусы, відаць сказаныя на бясконцае галасаванье.
Што мяне здзіўляе ў прасоўвальнікаў ідэі "галасаваньня" дык гэта неабмежаваны палёт фантазіі. Яны гатовы прыдумляць любыя канструкцыі, любыя фантастычныя гісторыі дзеля таго, каб надаць сэнсу сваёй стратэгіі галасаваньня на 2025 год.
Часам гэта прыгадвае наўпрост палітычнае шарлатанства.
Апошняе, што я чуў так гэта тое, што факт галасаваньня супраць усіх у 2025 годзе будзе фактарам сілы ў працэсе перамоваў за круглым сталом".
То бок, не падзеі 2020 году, не беларускія добраахвотнікі, не сілавы ціск рэвалюцыі, а менавіта "галасаваньне супраць усіх" будзе прадумовай палітычнай сілы апазіцыі на перамовах. Гэта як і на якіх перамовах ізноў. Ці яны не адбыліся ўжо ў 2020 і 2021 годзе?
Па-першае, нідзе, ніхто і ніяк не зафіксуе колькі і якіх было галасоў. І фактарам ціску на любых перамовах (уявім сабе такую фантастычную карціну) з’яўляецца толькі сіла;
Па-другое, для людзей якія будуць у камісіях нейкіх маральных прынцыпаў не існуе, есьць толькі адданасьць. Бо інакш яны ў камісіі не патрапяць. Я калісьці ў 2006 годзе сьпецыяльна пайшоў назіраць у сваю школу ў Магілеве. Пад час дыскусіі са сваім былым настаўнікам адносна сітуацыі ў краіне, ен мне сказаў: "такія як вы развалілі Савецкі Саюз, але мы не дадзім вам разваліць Беларусь". Пры чым, гэта быў не самы дурны чалавек.
Наіўныя спадзяваньні, што людзі ў камісіях дазнаюцца праўду і пераменяцца (ці КДБ, і чыноўнікі) мяне не проста здзіўляюць, а ўводзяць у шок. Калі людзі не зьмяніліся пасьля масавых фальсіфікацый, катаваньняў і забойстваў, яны не зьменяцца нават калі сам Хрыстос загадае нефальсіфікаваць выбары. (гл., Вялікі Інквізітар).
Па-трэцьцяе, калі няма ніякіх механізмаў фіксацыі вынікаў галасаваньня супраць усіх, то як галасавальшчыкі зьбіраюцца даказваць, што супраць усіх прагаласавала 10, 20, 30, 50%. Будуць браць лічбы са столі і прыдумляць новыя фантастычныя гісторыі?
Па-чацьвертае, калі галасавальшчыкі патрабуюць (невядома навошта і дзеля чаго) нейкіх новых доказаў актыўнасьці грамадства, гэта азначае, што для йх недастаткова тых доказаў і ахвяраў, якія прынесьлі беларусы ў 2020 годзе. Большасьць грамадзянаў выказалі сваю пазіцыю і йм няма патрэбы яшчэ раз камусьці нешта даказваць. Гэта Сізіфава пракляцьце
Бандарэнка, Зэльцэр, Тарайкоўскі, Пушкін, Ашурак і дзесяткі іншых даказалі і паказалі ўсе сваім жыцьцем.
Навошта ОСТ-КР-АПК нейкія доказы, што яны зочуць ад беларусаў, якой актыўнасьці і што ОСТ-КР-АПК будуць зь ею рабіць? Прадаваць на заходніх базарах?
Гэтае галасаваньне ніякага сэнсу для Беларусі і беларусаў мець не будзе.
Асабіста для мяне пазіцыя беларусаў ясная, прынцыповая і нязьменная.
1. Лукашэнка нелегітымен;
2. Выбараў у Беларусі няма;
3. У краіне пануе тэрор і палітычнае безладдзе;
4. Большасьць грамадзян чакае перамен, але вымушвна скарыцца пад прыгнетам;
5. Ніякае галасаваньне не зьменіць замацаванага факту непрыняцьця сістэмы. Самы лепшы варыянт не ўдзельнічаць у рытуале;
6. Удзел прывядзе да яшчэ большага расчараваньня беларусаў;
Можаш - НЕ ІДЗІ І НЕ ГАЛАСУЙ;
НЕ МОЖАШ НЕ ІСЬЦІ - ІДЗІ І ЗНІШЧАЙ БЮЛЕЦЕНЬ;
НЕ МОЖАШ ГЭТАГА ЗРАБІЦЬ, ТО СТАЎ КРЫЖЫКІ ЯК ЗАЎГОДНА І ДЗЕ ЗАЎГОДНА, АЛЕ ПАМЯТАЙ - ЛІЧЫЦЬ БЮЛЕЦЕНІ НЕ БУДУЦЬ, АГУЧАЦЬ ТОЕ, ШТО ПАТРЭБНА.
Перамога дэмакратыі
Адное ясна, што ў ЗША перамагла дэмакратыя. Варта прыгадаць, як 4 гады назад Трамп і ягоныя прыхільнікі абвінавачвалі дэмакратаў у фальсіфікацыі выбараў, у падтасоўцы вынікаў галасваньня, укідах і г.д.
Што спрычынілася да яго паразы.
Гаварылася пра панамерыканскі загавар дэмакратаў супраць Трампа і рэспубліканцаў.
Тагачасны прэзідэнт Трамп заклікаў сваіх прыхільнікаў да Капітолія. Адбыўся штурм. (Цікава, ці Трамп памілуе ўсіх тых, хто ўдзельнічаў у штурме 2021 году?).
Калі б прыхільнікі загавара і фальсіфікацый мелі рацыю, то Трамп сеньня б не перамог у прынцыпе. Ды ен бы ня быў бы зарэгістраваны як кандыдат. Дарэчы дэмакраты, трэба аддаць йм патрэбнае, не кажуць пра нейкую змову і не заклікаюць да радыкальных дзеяньняў сваіх прыхільнікаў.
Як бы там не было, але дэмакратыя ў ЗША працуе, як і механізмы зьмены ўлады. І дэмакратыя застаецца пакуль адзінай і найлепшай формай кіраваньня.
Можна не сумнявацца, што "пераможцам" у галасаваньні 2025 году дакладна будзе Лукашэнка. А вось прайграе ўся дэмакратычная апазіцыя і грамадства, бо рэальнага агульнага контрдзеяньня (акрамя галасаваньня) прапанавана не было. Гэта датычыць перш за ўсе і дэаспары. Чаму?
1. Няма нічога, што можга было прапанаваць;
2. Разуменьне, што ўсе прапановы будуць дыяспарай праігнараваны. Атрымоўваецца, што нават ў серадовішчы дыяспары ўселякія ініцыятывы не ўспрымаюцца сур’ёзна.
3. "Галасавалка" паглыбіць крызіс даверу да апазіцыйных структур. Сітуацыю пагоршыць самапрызначэньне Ціханоўскай на "пасаду".
4. У 2025 годзе новая апазіцыя верніцца ў стан старой да 2020.Гэта ў сваю чаргу пашырыць магчымасьці рэжыму ў адносінах з Захадам.