Bosh prokuratura

19 Jul 2023 17:16

Мажбурий ижро бюроси Тошкент вилояти бошқармаси ва унинг ҳудудий бўлимлари томонидан болаларнинг моддий таъминоти ва алимент тўлови билан боғлиқ 37 031 та ижро ҳужжатлар мавжуд бўлиб, шундан 8 336 таси тамомланган.

Хусусан, вояга етмаганлар фойдасига 176,9 млрд. сўм алимент қарздорликлари ундирилган.

Олиб борилган тушунтириш ишлари натижасида, 4 003 та оилалар яраштирилган.

Алимент тўлашдан бўйин товлаб келган 529 нафар қарздор шахсларга нисбатан маъмурий ишлар қўзғатилиб, мазмунан кўриб чиқиш учун судларга юборилган.

Қўлланилган маъмурий жазодан тегишли хулоса чиқармай, алимент тўлашдан бўйин товлаган 97 нафар қарздор шахсларга нисбатан Жиноят кодексининг 122-моддаси билан жиноят ишлари қўзғатилиб, суриштирув ҳаракатлари олиб борилган.

Бундан ташқари, “Алимент тўловлари жамғармаси” ҳисобидан болалар фойдасига 1 млрд. сўмдан ортиқ зарарлар қоплаб берилган.

Бу борадаги ишлар давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

19 Jul 2023 13:49

Тошкент шаҳар прокурори Эркин Юлдашев бошчилигида “Ғалаба боғи” мажмуаси таркибидаги “Шон-шараф” давлат музейида шаҳар прокурорига бириктирилган 29 нафар ёшлар иштирокида учрашув ўтказилди.

Мазкур учрашувнинг асосий мақсади - ёшларнинг бўш вақтларини мазмунли ўтказиш ҳамда юртимизнинг қўрқмас, мард ва жасур матонатли саркардалари, жангчиларидан фахрланиш, жасоратларидан доимо ибрат олиш, дунёдаги энг буюк халқлардан бири эканлигимизни хис қилдиришга қаратилди.

Тадбир доирасида шаҳар прокурори томонидан бир дастурхон устида ёшлар билан мазмунали суҳбат ўтказилиб, уларнинг муаммо ва таклифлари эшитилди.

Тадбир якунида барча ёшларга китоблар жамланмаси ва бошқа совғалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

19 Jul 2023 11:06

Бош прокурор раҳбарлигидаги ишчи гуруҳ аъзолари томонидан Сирдарё вилоятининг Ховос, Сирдарё, Мирзаобод туманлари ва Янгиер шаҳридаги маҳаллаларда мавжуд муаммолар, уларни бартараф этиш бўйича "маҳаллабай" тамойили асосида амалга оширилган ишлар аҳволи ўрганилди.

Хусусан, масъуллар Сирдарё тумани "Ширин" маҳалласида жойлашган умумий ётоқхонага бориб, фуқаролар учун яратилган шарт-шароитларни ўрганишди, шунингдек, муқаддам жиноят содир этган шахс билан профилактик суҳбат ўтказилди.

Сўнгра, "Тинчлик", "Ширин", "Адолат", "Темур Малик", "Давлатобод", "Янгиҳаёт" ва "М.Улуғбек" маҳаллаларда жиноятчилик ва ҳуқуқбузарликларни олдини олиш, аҳолининг ижтимоий-иқтисодий муаммоларини ҳал этиш борасида қилинган ишлари аҳволи ўрганилди ва масъулларнинг бу борада қилинган ишлар бўйича ҳисоботлари тингланиб, танқидий муҳокама қилинди ва криминоген вазиятни барқарорлаштириш борасида тегишли тавсиялар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 15:21

​​Ўрнатилган тартиб ва ўзаро шартномага кўра фуқаро ёки тадбиркор ажратилган маблағдан мақсадли фойдаланиши ва белгиланган мажбурият асосида тўлов жадвали асосида қайтариш талаб этилади.

Бироқ, айрим жисмоний ва юридик шахслар томонидан бу мажбурият бажарилмагани оқибатида иш мажбурий ҳаракатларга бориб етмоқда.

Хусусан, Мажбурий ижро бюросининг Қорақалпоғистон Республикаси бошқармаси ва унинг ҳудудий бўлимлари иш юритувида жорий йилнинг 1-ярмида банклар фойдасига ундирувлар билан боғлиқ 916,8 млрд. сўмлик 12 мингдан ортиқ ижро ҳужжатлари мавжуд бўлиб, 6 мингга яқин ижро ҳужжати ижроси тамомланди ва 175,4 млрд. сўм қарздорлик ундирилиб, банклар фойдасига ўтказилиб берилди.

1 июль ҳолатига иш юритувда 6 801 та ижро ҳужжатлари қолдиқда бўлиб, ижро ҳаракатлари олиб борилмоқда.

Ушбу қолдиқдаги банклар фойдасига ундирувлар билан боғлиқ ижро ҳужжатлари ижросини таъминлаш мақсадида 134,9 млрд. сўмлик 314 та мол-мулклар хатланган. Шундан, 77,2 млрд. сўмлик 189 та мол-мулклар электрон савдоларга чиқарилган.

Бу борадаги ишлар жадаллик билан давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 14:31

Военной прокуратурой Республики Узбекистан проведено мероприятие по поддержке женщин-военнослужащих

🌐 Присоединяйтесь к страницам Генеральной прокуратуры в социальных сетях!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 13:40

Расмий баёнот

Жорий йилнинг 12 июль куни Андижон вилояти ИИБ ЖҲХ ЙҲХБ ходими ўз хизмат вазифасини олиб бораётган вақтида, 47 ёшли эркак ҳайдовчилик гувоҳномасиз автомашина бошқаргани учун автомобилларни вақтинча сақлаш майдончасига жойлаштираётган вақтда фуқаро К.В. ходимнинг ҳаракатларига фаол қаршилик кўрсатиб, қўли билан ходимнинг юз қисмига бир марта уриб, тан жароҳати етказган.

Мазкур ҳолат юзасидан К.Б.га нисбатан Жиноят кодекси 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш) билан қўзғатилган.

Гумон қилинувчи процессуал тартибда ушланиб, унга нисбатан “қамоққа олиш” тарзидаги эҳтиёт чораси қўлланилган.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 12:50

Андижон вилоятида "Дарахтга нафас беринг" акцияси

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 12:05

Навоий вилояти прокурори Бахтиёр Ахмедов бошчилигида ҳуқуқни муҳофаза қилувчи органлар фаолиятини мувофиқлаштирувчи Кенгашнинг навбатдаги йиғилиши бўлиб ўтди.

Унда вилоят прокуратураси, вилоят ИИБ, ДХХ, Миллий гвардия, Департамент ва Бюронинг вилоят бошқармалари раҳбарлари, туман (шаҳар) прокурорлари, уларнинг ўринбосарлари, ИИБ бошлиқлари ва бошқа ташкилот раҳбарлари иштирок этишди.

Йиғилишда ҳуқуқбузарликлар профилактикаси ва жиноятларнинг олдини олиш борасида амалга оширилган ишлар билан бир қаторда, соҳалар кесимида йўл қўйилаётган хато ҳамда камчиликлар танқидий таҳлил қилинган ҳолда муҳокама қилинди.

Шунингдек, фуқароларнинг ўзини ўзи бошқариш органлари билан ҳамкорликда профилактик тадбирларни мунтазам равишда ўтказиш, терговга қадар текширув, суриштирув ва тергов ҳаракатларини олиб боришда қонунийликни таъминлаш юзасидан зарур топшириқлар берилди.

Бундан ташқари, хизмат вазифасига юзаки ва масъулиятсизлик билан қараб, қонунбузилиши ҳолатларига йўл қўйган ходимларга нисбатан қатъий чоралар кўрилиши лозимлиги таъкидланди.

Кўрилган масалалар юзасидан тегишли қарор қабул қилинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 19:03

Фарғона вилояти прокуратураси ҳайъат мажлиси бўлиб ўтди.

Ҳайъат мажлисида жорий йилнинг 6 ойида қонунийликни мустаҳкамлаш, фуқароларнинг ҳуқуқ ва эркинликларини муҳофаза қилиш, жиноятчилик ва ҳуқуқбузарликларнинг олдини олиш борасидаги фаолият натижалари танқидий муҳокама қилинди.

Ўтган даврда ўтказилган тадбирлар натижаси бўйича мингдан ортиқ прокурор назорати ҳужжатлари қўлланилиб, 30 мингга яқин 29 жисмоний ва 5 мингдан ортиқ юридик шахсларнинг бузилган ҳуқуқлари тикланди.

Прокуратура аралашуви билан 2 483 та ноқонуний ҳужжатлар қонунга мослаштирилди.

Қўпол қонунбузилишлар юзасидан 350 та жиноят ишлари қўзғатилди.

Прокурор текширишлари ва жиноят ишлари терговида ундирилган жами зарар миқдори қарийб 72,5 млрд. сўмга етди.

Ҳайъат йиғилишида департамент ҳамда бюронинг вилоят бошқармаларида фаолият самарадорлигини ошириш борасида аниқ  вазифалар белгилаб берилди.

Кўрилган масалалар юзасидан тегишли қарор қабул қилинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 14:45

Табиатни асраш ҳар биримизнинг бурчимиз!

Ўзбекистон Республикаси Президенти Шавкат Мирзиёев томонидан эълон қилинган "Яшил макон" умуммиллий лойиҳаси доирасида юртимизда йилига 200 миллион туп дарахт ва бута кўчатларини экиш ва бу орқали республикамизда яшил майдонларни кўпайтириш борасида кенг кўламли ишлар амалга оширилмоқда.

Шунга қарамасдан, айрим шахслар томонидан дарахт ва буталарни ноқонуний кесиш, нобуд қилиш ҳолатлари жуда тез-тез учрамоқда.

Хусусан, 2023 йилнинг 6 ойида мамлакатимизда дарахт ва буталарни ноқонуний кесиш билан боғлиқ жами 3,6 млрд. сўмлик 2 мингдан ортиқ ҳуқуқбузарлик аниқланган.

Аниқланган қонунбузилиши ҳолатлари юзасидан 7 та жиноят иши ва 2 055 та маъмурий ишлар қўзғатилиб, 1,7 млрд. сўмлик зарар ундирилган.

Мазкур ҳолатларни олдини олиш мақсадида Бош прокуратура томонидан видеоролик тайёрланди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 13:29

Бухоро вилояти прокуратураси, вилоят ИИБ ЖҚБ Ер ресурслари талон-торож қилинишига қарши курашиш бўлинмаси ҳамда ҳуқуқни муҳофаза қилувчи орган ходимлари билан ҳамкорликда тезкор тадбир ўтказилди.

Тадбир жараёнида фуқаро Х.Т. Бухоро тумани ҳокимлиги захирасида бўлган 1,5 гектар боғдорчилик йўналишидаги ер майдонини 42 минг АҚШ долларига сотишга келишиб, танишлари орқали ерга оид тегишли ҳужжатларни расмийлаштириб беришни ваъда қилиб, келишилган пулдан 10 минг АҚШ долларини ариза муаллифидан фирибгарлик йўли билан олаётган вақтида ашёвий далиллар билан ушланган.

Мазкур ҳолат юзасидан Жиноят кодексининг 25,168-моддаси 4-қисми “а” банди билан жиноят иши қўзғатилиб, дастлабки тергов ҳаракатлари олиб боришга киришилган.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 12:57

Ўзбекистон Республикаси Ҳарбий прокуратурасида Бош прокурор ўринбосари — Ўзбекистон Республикаси Ҳарбий прокурори Ботир Кудратходжаев раислигида навбатдаги ҳайъат йиғилиши бўлиб ўтди.

Йиғилишда маҳкама ва барча ҳудудий ҳарбий прокуратуралар прокурор-тергов ходимлари иштирок этди.

Дастлаб янги таҳрирдаги Конституция, бошқа қонун ва қонуности ҳужжатлари, жумладан, Ўзбекистон Республикаси Президентининг 23.12.2022 йилдаги “Ўзбекистон Республикаси Қуролли Кучлари тизимида қонунийликни таъминлаш бўйича қўшимча чора-тадбирлар тўғрисида”ги Фармони асосида амалга оширилган ишлар қатнашчилар эътиборига етказилди.

Шундан сўнг, муҳокамаларда ҳарбий прокуратура органларининг Қуролли Кучларда қонунийликни мустаҳкамлаш, ҳарбий хизматчилар ҳамда фуқароларнинг ҳуқуқ ва эркинликларини муҳофаза қилиш, жиноятчилик ва ҳуқуқбузарликларнинг олдини олиш борасида жорий йилнинг 6 ойидаги фаолияти сарҳисоб қилинди ҳамда келгусидаги вазифалар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 07:02

Андижон вилоятида энергия тизимлари самарадорлигини таъминлаш

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 07:02

Тошкент вилоятида болажонларнинг ёзги таътили мароқли ўтмоқда

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

14 Jul 2023 16:36

Юқоричирчиқ туманида аҳолини ижтимоий муҳофаза қилиш борасида амалга оширилаётган ишлардан лавҳа

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

19 Jul 2023 14:50

Самарқанд вилояти прокуратураси ҳайъатининг навбатдаги мажлиси бўлиб ўтди.

Ҳайъат мажлисида жорий йилнинг 6 ойида қонунийликни мустаҳкамлаш, фуқароларнинг ҳуқуқ ва эркинликларини муҳофаза қилиш, жиноятчилик ва ҳуқуқбузарликларнинг олдини олиш борасидаги фаолият натижалари танқидий муҳокама қилинди.

Қайд қилинганидек, қонунга зид бўлган мингдан ортиқ ҳужжатлар бекор қилинди, қонунни бузган 3 мингдан ортиқ шахсларнинг жавобгарлик масаласи ҳал қилинди, жиддий қонун бузилиши ҳолатлари юзасидан 400 та жиноят иши қўзғатилиб, 4 630 нафар шахснинг бузилган ҳуқуқлари тикланди.

Текширишлар ва тергов давомида қарийб 195 млрд. сўмлик зарар ундирилиши таъминланди.

Прокурор секторларида яшовчи қарийб 19 мингга яқин муҳтож оиланинг муаммолари ҳал қилинди. Натижада, “Темир дафтарга” киритилган оилаларнинг 96 фоизи эҳтиёжмандлар рўйхатидан чиқарилди. Қарийб 2 500 нафар тадбиркор ва инвесторларга муаммоларини бартараф этилишида кўмаклашилди, 1 940 нафарининг бузилган ҳуқуқлари тикланди, шунингдек,690 та тадбиркорлик субъекти ташкил этилди, 584 та тадбиркорларнинг фаолияти тикланиб, 1 132 та янги иш ўринлари яратилди.

Ҳайъат йиғилишида Департамент ҳамда Бюронинг вилоят бошқармаларида фаолият самарадорлигини ошириш борасида аниқ вазифалар белгилаб берилди.

Кўрилган масалалар юзасидан тегишли қарор қабул қилинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

19 Jul 2023 13:36

Сирдарё вилоятидаги қурилиш объектларида прокурор назорати кучайтирилмоқда

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 17:37

Бухоро вилояти прокурори Махмуд Истамов томонидан Бухоро шаҳри ва Когон туманида инвестиция лойиҳалари ҳамда давлат ва ҳудудий дастурлари бўйича инвестиция лойиҳаларини амалга ошириш жараёни юзага келаётган муаммолар ўрганилди.

Дастлаб, шаҳарда фаолият юритаётган “Leichter kamalak textilien” МЧЖ томонидан хорижий ҳамкор "OTW OSTHESSISCHE TEXTILWERKE GMBH & CO KG” компанияси билан (Германия) қиймати 15,0 млн. АҚШ доллари бўлган матони бўяш лойиҳасини амалга ошириш жараёни кўздан кечирилди.

Шундан сўнг, Когон туманида қурилиш ишлари амалга оширилаётган “Liya tekstil” МЧЖ томонидан қиймати 6,4 млн. АҚШ доллари бўлган матони бўяш лойиҳасини амалга ошириш ишларини кўриб чиқилди.

Бундан ташқари, “Buxoro city”да хорижий ҳамкор "Niagara" МЧЖ (Тожикистон) томонидан қиймати 5,0 млн. АҚШ доллари бўлган замонавий уй-жой ва бизнес-марказ қурилиши лойиҳасини амалга ошириш жараёни ўрганилди.

Ўрганишда аниқланган муаммолар юзасидан ваколатли идора ходимларига тегишли топшириқ ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 14:40

Жиззах вилоятида хизмат қилувчи ҳарбий аёлларнинг ижтимоий ҳимояси борасида амалга оширилаётган ишлар

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 14:31

Фарғона вилоятида суд қарорлари ижроси таъминланмоқда

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 12:51

​​Туризм кушандалари ёҳуд сайёҳлар дарди....

Прокуратура органлари томонидан туризм салоҳиятини ошириш ва туризм инфратузилмасини кенгайтиришга доир вазифалар ижроси устидан тизимли назорат тадбирлари ўтказиб келинмоқда.

Афсуски, ушбу соҳадаги вазифалар нақадар долзарблиги ва соҳада берилаётган турли имтиёзлардан мақсадли фойдаланиш лозимлигини ҳамма ҳам бирдек тушуниб етмаяпти.

Жумладан, сайёҳлар, айниқса, зиёратчилар учун шаҳар ва туманларда етарли замонавий санитар-гигиеник шохобчалар (СГШ (биотуалетлар)нинг мавжудлиги муҳим аҳамият касб этади.

Шу муносабат билан Давлат раҳбарининг тегишли қарори билан ҳудудларда СГШлар қуриш учун ер майдонларини имтиёзли шартларда мақсадли ажратиш белгиланган.

Маълумотларга кўра, республика бўйича 200 га яқин замонавий СГШлар барпо этиш учун ер майдонлари ажратилган.

Бироқ, ўтказилаётган назорат тадбирлари биотуалетлар учун ажратилган ер майдонларидан бошқа мақсадларда фойдаланиш ҳолатлари мавжудлигини кўрсатмоқда.

Хусусан, Ангрен шаҳар қурилиш ҳамда кадастр бўлими мансабдор шахслари томонидан замонавий СГШ қуриш учун ажратилган ер майдонларида овқатланиш шохобчалари ташкил этилишига йўл қўйилиб, фуқаро Н.Ж. ва А.П.ларга ноқонуний тарзда кадастр ва бошқа эгалик ҳуқуқини белгиловчи ҳужжатлар тайёрлаб берилган.

Шу каби, Олмалиқ шаҳар, А.Темур кўчасида фуқаро Б.М.га ажратилган ер майдонида хам қарор талабларига зид равишда савдо дўкони ташкил этилиб, кадастр ҳужжатлари тайёрлаб берилганлиги аниқланди.

Мазкур ҳолатлар юзасидан Ангрен ва Олмалиқ шаҳар кадастр ҳамда қурилиш бўлимлари мансабдор шахсларига нисбатан жиноят иши қўзғатилиб, дастлабки тергов ҳаракатлари олиб борилмоқда.

Назорат тадбирлари давом этмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 12:05

​​Мажбурий ижро бюроси Навоий вилояти бошқармаси қидирув шўъбаси ходимлари томонидан қидирувдаги қарздор шахслар ва уларнинг мол-мулклари турган жойини аниқлаш, уларга қонун устуворлигини таъминлаш мақсадида мамлакат бўйлаб самарали ва тезкор қидирув тадбирлари амалга ошириб келмоқда.

Хусусан, жорий йилнинг ўтган даврида жами 230 нафар жисмоний шахслар топилиши таъминланган.

Ҳозирда 79 нафар қарздорни қидириб топиш чоралари кўрилмоқда. Ушбу шахсларнинг 485 нафари Республика ҳудудида яшириниб юрганлиги, 31 нафари эса чет элга турли мақсадларда чиқиб кетганлиги аниқланган.

Мисол учун, Конимех туманида яшовчи фуқаро Б.А. алимент пулларини ўз вақтида тўлашдан бўйин товлаб, ўз манзилини ўзгартирганлиги сабабли унга нисбатан қидирув эълон қилинган эди.

Олиб борилган тезкор тадбирлар давомида қарздор Чирчиқ шаҳридан ушлаб келиниб, унга нисбатан қонуний чора кўриш учун тўпланган ҳужжатлар жиноят ишлари бўйича туман судига юборилиб, қарздорга нисбатан 15 сутка маъмурий қамоқ қўлланилди.

Ҳозирда, ижро ҳужжатлари талабларини бажаришдан бўйин товлаб келаётган қарздор жисмоний шахсларни қидириб топиш борасидаги тезкор-қидирув тадбирлари давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

18 Jul 2023 08:39

Расмий баёнот

Бухоро вилояти Қоровулбозор туманида 13 июль куни 2 нафар фуқаролар ов қилиш қоидаларини қасддан бузиб, Ўзбекистон Қизил китобига қиритилган “Жайрон” кийикларини овлаётган вақтида уларни тўхтатмоқчи бўлган экология бўлими ходимига ов милтиғидан ўқ узиб тан жароҳати етказганлиги бўйича Қоровулбозор тумани прокуратураси томонидан Жиноят кодексининг 25, 202 (Ҳайвонот ёки ўсимлик дунёсидан фойдаланиш тартибини бузиш) ва 219 (Ҳокимият вакилига ёки фуқаровий бурчини бажараётган шахсга қаршилик кўрсатиш) моддалари билан жиноят иши қўзғатилди.

Жиноят иши тергови устидан прокурор назорати ўргатилган.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 18:39

Муқаддам Бош прокуратура томонидан Ўзбекистон давлат хореография академиясида ўрганиш ўтказилиб бир қатор қонун бузилиши ҳолатларига йўл қўйилганлиги хабар қилинган эди.

Ўрганиш натижаси Бош прокуратуранинг Спорт, маданият, маданий мерос ва туризм соҳаларида қонунчилик ижроси устидан назорат бошқармаси прокурори Ж.Даминов, Маданият ва туризм вазири биринчи ўринбосари Б.Ахмедов, Академия барча ходимлари, шунингдек, вазирлик тизимига кирувчи барча олий ва ўрта махсус таълим муассасалари раҳбарлари ҳамда профессор-ўқитувчилари иштирокида муҳокама қилиниб, масъул шахсларга тегишли топшириқ ва кўрсатмалар берилди.

Шу билан бирга, йиғилишда ўқишга қабул қилиш жараёнлари, талабаларга таълим олиш учун шарт-шароитлар яратиш ҳамда битирувчиларни иш билан таъминлаш масалаларига алоҳида эътиборни кучайтириш ҳамда ходимлар ўртасида коррупциявий ҳолатларни олдини олиш лозимлиги алоҳида таъкидланди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 14:27

Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясининг Наманган вилоятидаги тадбиркорлик субъектлари фаолиятида юзага келаётган долзарб муаммоларни муҳокама қилиш ва ҳал этиш, шунингдек вилоятга хорижий инвестицияларни жалб этиш борасида олиб борилаётган ишлар муҳокамасига бағишланган йиғилиши бўлиб ўтди.

Йиғилишда, Бош вазир ўринбосари - Ҳукумат комиссияси раиси Ж.Ходжаев, Бош прокурорнинг биринчи ўринбосари Б.Валиев ҳамда вазирликлар, идоралар, тармоқ бирлашмалари, тижорат банклари раҳбарлари, маҳаллий ҳокимият вакиллари ва 100 дан ортиқ тадбиркорлар иштирок этишди.

Тадбирда ишбилармон доира вакилларининг фаолиятида юзага келаётган муаммоли масалалар юзасидан 73 та мурожаатлар қабул қилиниб, шундан 16 таси жойида ҳал қилинди, ўрганиш талаб этиладиган 57 та масалаларни қонуний кўриб чиқиш ва ҳал этиш юзасидан мутасадди вазирлик ва идоралар раҳбарларига тегишли топшириқлар берилиб, ижроси устидан назорат ўрнатилди.

Шу билан бирга, кун тартибидаги иккинчи масала юзасидан вилоят ҳокимлиги ва вилоят даражасидаги бошқа ташкилот ва идоралар раҳбарлари, шунингдек, вилоятга бириктирилган мутасадди вакиллар иштирокида инвестиция дастурлари ижроси танқидий муҳокама қилиниб, келгусидаги вазифалар юзасидан чора - тадбирлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 12:58

Бош прокуратура томонидан Сурхондарё вилояти Узун туманида каврак ўсимлиги кесиб ташланлиги ҳолати ўрганилди.

Маълумки, Президентнинг 18.02.2023 йилдаги "Яйловларни муҳофаза қилиш ва улардан оқилона фойдаланишни таъминлашга доир қўшимча чора-тадбирлар тўғрисида"ги ПФ-24-сон Фармонида Ўзбекистон Қизил китобига киритилган тожик кавраги ўсимлигининг табиий популяцияси, такрор кўпайиши ва қайта тикланишини таъминлаш мақсадида ушбу ўсимликдан фойдаланишга уч йил муддатга мораторий эълон қилинган.

Шунга қарамасдан, вилоятнинг Боботоғ тизмаси ҳудудида фаолият юритувчи “У.О.М.А.” МЧЖ қўшма корхонасига бириктирилган тоғ ва тоғ олди ҳудудларида табиий ҳолда ўсувчи тожик кавраги ўсимлигининг 2 421 таси картонлаш орқали димланган ва 81 таси эса ширасини олиш мақсадида кесилган.

Мазкур ҳолат юзасидан жамиятнинг масъул шахсларига нисбатан Жиноят кодексининг 192-11-моддаси (Нодавлат тижорат ташкилотида ёки бошқа нодавлат ташкилотида мансабдор шахслар томонидан ўз ваколатларини суиистеъмол қилиш) ва 202-моддаси (Ҳайвонот ёки ўсимлик дунёсидан фойдаланиш тартибини бузиш) билан жиноят иши қўзғатилди.

Бош прокуратура томонидан мазкур жиноят иши тергови устидан назорат ўрнатилган.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 12:57

Навоий вилояти прокурори Бахтиёр Ахмедов бошчилигида Навоий шаҳрида амалга оширилаётган қурилиш ва таъмирлаш ишлари аҳволи жойига чиққан ҳолда ўрганилди.

Дастлаб, “Олтин водий” маҳалласидаги 4-сонли умумий ўрта таълим мактабини реконструкция қилиш ва 880 ўринли янги ўқув блоги қурилиши ишлари ўрганилди.

Сўнгра, “Тинчлик” кўчасидаги кўп қаватли уйлар ва 4-сонли ётоқхонанинг канализация тизимини яхшилаш учун оқова сув тозалаш иншооти қурилиши ва канализация тармоғини тортиш ҳамда Пушкин, Ибн Сино ва Навоий кўчаларидаги кўп қаватли уйларнинг иссиқлик тизими тармоқларини таъмирлаш ишлари ўрганилди.

Объектларда олиб борилаётган қурилиш-таъмирлаш ишларини белгиланган муддатда сифатли якунлаб, фойдаланишга топшириш бўйича пудрат ташкилотлари ва масъулларга тегишли кўрсатма ва топшириқлар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

17 Jul 2023 07:02

Наманган вилояти прокуратураси масъуллари томонидан ўтказилган сайёр қабулда аҳоли муаммолари ҳал этилмоқда

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

15 Jul 2023 13:59

Бугун, Бош прокурор Ниғматилла Йўлдошев раҳбарлигида прокуратура органлари, шу жумладан, Ҳуқуқни муҳофаза қилиш Академияси, Бош прокуратура ҳузуридаги Иқтисодий жиноятларга қарши курашиш департаменти ва Мажбурий ижро бюроси ходимлари иштирокида Бош прокуратура ҳайъатининг навбатдаги йиғилиши бўлиб ўтди.

Видеоселектор тарзида ўтказилган ҳайъат мажлисида Ўзбекистон Республикасининг янги таҳрирдаги Конституцияси қоида ва нормаларини сўзсиз ижро этилишини таъминлашнинг долзарб масалалари бирма – бир кўриб чиқилди.

Батафсил

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook

Bosh prokuratura

14 Jul 2023 14:10

​​Бош прокуратура ҳузуридаги Мажбурий ижро бюроси Бухоро вилояти бошқармаси ва ҳудудий бўлимлари иш юритувидаги ишга тиклаш ва иш ҳақи ундириш билан боғлиқ ижро ҳужжатлар алоҳида назоратга олинган.

Жорий йилнинг ўтган даврида ишга тиклаш билан боғлиқ жами 38 та ижро ҳужжатлар иш юритувга келиб тушган, шундан 33 тасининг ижроси тамомланган, 5 таси бўйича ижро ҳаракатлари давом эттирилмоқда.

Шунингдек, иш ҳақи ундириш билан боғлиқ жами 7 млрд. сўмга яқин 542 та ижро ҳужжатлари келиб тушган бўлиб, 400 та ижро ҳужжатлари ижроси тамомланиб, 3,7 млрд. сўм ундирилган.

Мисол учун, Ўзбекистон Республикаси Олий суди фуқаролик ишлари бўйича судлов ҳайъатининг 20.06.2023 йилдаги ижро ҳужжатига асосан олиб борилган ижро ҳаракатлари давомида қарздор “Бухоронефть базаси” МЧЖдан ундирувчи фойдасига мажбурий прогул кунлари учун 216 млн. сўм иш ҳақи ва маънавий зарар учун 15 млн. сўм ундирилди.

Иш юритувдаги ижро ҳужжатлар бўйича ижро ҳаракатлари давом эттирилмоқда.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | user-vs9yb6uq6e">YouTube | Facebook