0️⃣0️⃣0️⃣ 📺📺

OʻzDJTU Ingliz tili birinchi fakulteti Ingliz tilini integrallashgan holda o'qitish kafedrasi o'qituvchisi, “El-yurt umidi” jamg'armasi stipendianti, Buyuk Britaniyaning Reading universiteti magistranti Muqaddas Bo'taboyeva O'zbekston telekanalining "Biz birgamiz" ko'rsatuvi mehmoni bo'ldi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

👩‍🏫 2024 yil 18-oktabr kuni Tarjimonlik fakulteti Roman-german tillari tarjimashunosligi kafedrasi katta o‘qituvchisi Usmanova Nodira Ikkinchi chet tili (fransuz tili) fanidan TING-2201 guruhi bilan ochiq dars o‘tkazdi.

💠 "Les vêtements" hamda "Faire les achats" mavzularidagi ochiq dars zamonaviy texnologiyalar va metodlar asosida yoritib berildi, shuningdek darsni mustahkamlash uchun qiziqarli oʻyinlar, boshqotirmalar va ajoyib sahna koʻrinishi namoyish etildi.

♻️ Ushbu ochiq darsda Tarjimonlik fakulteti dekani U.R.Yoʻldoshev, Roman-german tillari tarjimashunosligi kafedrasi professor-o‘qituvchilari, shuningdek guruh tyutori Tursunova Shohida ham ishtirok etdilar.

🎤 Dars davomida fransuz tilidagi ijro etilgan qoʻshiqlar dars kuzatuvchilariga ko‘tarinki kayfiyat bag‘ishladi. Faol talabalar dars davomida sovgʻalar bilan ragʻbatlantirildi.

📍/channel/RGTT_TF

Читать полностью…

2️⃣2️⃣2️⃣

18-oktyabr kuni OʻzDJTU 1-TTJ va 2-TTJ da Oʻzbek tiliga davlat tili maqomi berilganligining 35 yilligi munosabati bilan tadbir tashkil etildi.

Tadbirda barcha talabalar bilan she'riyat kechasi uyushtirildi.
Xalqaro jurnalistika fakulteti talabasi Umida Umarova oʻzi yozgan sheʼrlarini talabalar bilan baham koʻrdi.

Tadbir davomida tashkilotchi M.Saburova til bayrami bilan talabalarni tabriklab, ona tiliga sadoqat, tilni asrab-avaylash haqida nutq soʻzladi.

“Oʻzbek tili-jonu dilim" nomli tadbir namoyishi "Guzar" MFY
bilan hamkorlikda tashkil etildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

0️⃣0️⃣0️⃣

16-oktyabr kuni OʻzDJTU huzuridagi Muvofiqlashtiruvchi kengashda tayanch doktorant, doktorant, stajyor-tadqiqotchi, mustaqil izlanuvchilarning dissertatsiya mavzularini koʻrib chiqish, muhokama qilish, tahlil etish va tasdiqlash boʻyicha 13.00.02 – Taʼlim va tarbiya nazariyasi va metodikasi ixtisoslik kengashining yigʻilishi boʻlib oʻtdi.

Dastur Muvofiqlashtiruvchi kengash raisi, professor Laylo Tolibjonovna Axmedova raisligida tashkil etildi.

Yigʻilish davomida Kengash aʼzolari tomonidan tadqiqotchilarning mavzulari, ilmiy ishlarning dolzarblik darajasi, bugungi kundagi oʻziga xos ahamiyati haqida gapirilib, kerakli mulohazalar berildi.

Tadqiqotchilar mazkur Ilmiy muvofiqlashtiruvchi kengashda oʻz mavzularini muhokamadan oʻtkazishdi, oʻzaro fikr almashib, zarur bilim-koʻnikmaga ega boʻlishdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣1️⃣1️⃣

Oʻzbekiston davlat jahon tillari universiteti tomonidan Adiblar xiyobonidagi Aleksandr Faynberg haykali atrofida sport tadbirlari tashkil etib kelinmoqda.

Atoqli adiblarning haykallari poyida 2024-yil sentyabr-oktyabr oylarida oliy taʼlim muasssalari tomonidan ommaviy sport musobaqalari boʻyicha tadbirlarni tashkil etish reja-jadvaliga muvofiq,

18-oktyabr kuni Adiblar xiyobonidagi Aleksandr Faynberg haykali oldida Ingliz filologiyasi fakulteti Yoshlar bilan ishlash boʻyicha dekan muovini Sh.Eshto‘xtarov, tyutorlar hamda faol talabalar ishtirokida “Sport va salomatlik — orzu-umidlarimiz, kuch-qudratimiz manbai” shiori ostida ommaviy sport tadbiri oʻtkazildi.

Tadbirda sogʻlom turmush tarzini shakllantirish, ayniqsa, yosh avlodning jismoniy tarbiya va ommaviy sport bilan muntazam shugʻullanishi uchun zamon talablariga mos shart-sharoitlar yaratish, sport musobaqalari orqali yoshlarda oʻz irodasi, kuchi va imkoniyatlariga boʻlgan ishonchni mustahkamlash, mardlik va vatanparvarlik, ona Vatanga sadoqat tuygʻularini kamol toptirish, shuningdek, talaba-yoshlar orasidan iqtidorli sportchilarni saralab olish ishlarini tizimli tashkillashtirish hamda jismoniy tarbiya va ommaviy sportni yanada rivojlantirishga yoʻnaltirilgan keng koʻlamli ishlarni amalga oshirish koʻzda tutilgan.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦

18-oktyabr kuni O‘zDJTUda 21-oktabr “O‘zbek tiliga davlat tili maqomi berilgan” kuniga bag‘ishlangan “Qonunda qo‘riqlangan qo‘rg‘onim ona tilim” deb nomlangan bayram tadbiri tashkil etildi.

Tadbir avvalida Insholar tanlovidan videolavha namoyish etildi. Tadbirni O‘zDJTU rektori Ilxomjon Tuxtasinov tabrik nutqi bilan ochib berdi hamda insholar tanlovida g‘olib bo‘lgan talabalarni tashakkurnoma va esdalik sovg‘alari bilan taqdirladi.

Tadbir mehmoni Professor Xadicha Muxitdinova so‘zga chiqib, yig‘ilganlarni bayram bilan tabrikladi. O‘zbekiston Respublikasi filarmoniyasi san’atkorlari tomonidan bayramona qo‘shiqlar ijro etildi.

Bayram dasturidan universitetda faoliyat yuritayotgan chet ellik ustozlar tabrigi asosida tayyorlangan videorolik namoyishi va talabalarining chiqishlari o‘rin oldi.


🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦

17-oktabr kuni "Kitobxonlik targ‘iboti" haftaligi doirasida O‘zDJTU ARM direktor o‘rinbosari M. Muxamedjonova, Roman-german filologiyasi fakulteti tyutori K. Mamadaliyeva va 1-kurs talabalari bilan birgalikda mashhur nemis yozuvchisi Iogann Volfgang Gyotening "Yosh Verterning iztiroblari" asari yuzasidan davra suhbati o‘tkazildi.

Suhbatda tyutor K. Mamadaliyeva yozuvchining hayoti, ijodi va "Yosh Verterning iztiroblari" asari uning mashhur asarlaridan biri ekanligi, bu asar hajman kichik bo‘lsa ham, biroq mazmunan keng qamrovli ekanligi haqida gapirib o‘tdi.

Suhbatda 24-11 guruh talabalari Sh. Bektashova va Sh. Xasanovalar "Yosh Verterning iztiroblari" asari qahramonlarining ruhiy olami, sevgi iztiroblari, inson va jamiyat orasidagi ziddiyatlar to‘g‘risida so‘zlab berdilar.

Suhbatda faol qatnashgan talabalarga Axborot-resurs markazi tomonidan badiiy adabiyotlar sovg‘a qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

#jarayon

Joriy yilning 17-oktabr sanasida O‘zDJTU 5-sonli talabalar turar joyiga tashrif amalga oshirildi.

Universitet psixologi Z.Xayrullayeva, Ingliz filologiyasi fakulteti xotin-qizlar masalalari bo‘yicha dekan maslahatchisi Z.Bannopova, tyutorlar E.Chulliyeva va D.Toshxodjayevalar tomonidan sharoitlar o‘rganildi.

Shuningdek, Pedagog tarbiyachi O.Rahimov bilan hamkorlikda talabalar holidan xabar olish, ijtimoiy-psixologik muhitni o‘rganish maqsad qilib qo‘yildi.

Talabalar yashash tarzini o‘rganish va kuzatish jarayonida psixologik tavsiyalar berilib, ularning fikrlari tinglandi. Bunday profilaktik tadbirlar keng miqyosda amalga oshirish davom etadi.

Bizning rasmiy sahifalarimiz:
Telegram | Instagram

Читать полностью…

0️⃣0️⃣0️⃣

17-oktabr kuni Toshkent shahar "Barkamol avlod" bolalar maktabida "Ingliz tili" yo‘nalishi bo‘yicha “Language learning” respublika ko‘rik-tanlovining Toshkent shahar bosqichi o‘tkazildi.

Musobaqada O‘ZDJTU Ingliz tili birinchi fakulteti Ingliz tilini o‘qitish metodikasi 1-kafedrasining professor-o‘qituvchilari Iroda Babayeva va Feruza Tursunovalar hakam sifatida ishtirok etishdi.

Ko‘rik-tanlov Toshkent shahridagi "Barkamol avlod" bolalar maktablaridan saralab olingan eng kuchli 14-15 yosh toifasidagi ingliz tili to‘garak a’zolari o‘rtasida bo‘lib o‘tdi.

O‘quvchilar speaking, reading, writing, listening yo‘nalishlarida o‘z bilimlarini sinovdan o‘tkazishdi. 1-o‘rinni egallagan ishtirokchi Respublika bosqichida ishtirok etish yo‘llanmasini qo‘lga kiritdi.

#fakultet_yangiliklari
@first_faculty_official

Читать полностью…

#tanlov

16-oktabr kuni O‘zDJTU Ingliz filologiyasi fakultetida "Balli, qizlar" ko‘rik-tanlovi bo‘lib o‘tdi.

Tanlov fakultet tyutori Sh.Boʻstonova tashabbusi bilan tashkil etilib, unda fakultetning faol, bilimli hamda chaqqon talaba-qizlari ishtirok etishdi.

Tanlovni xotin qizlar masalalari bo'yicha dekan maslahatchisi Zulhumor Bonnopova kirish so‘zi bilan ochib berib, barcha ishtirokchilarga omad tiladi. Ishtirokchilar berilgan shartlar xususan, tanishtiruv, salat tayyorlash hamda erkin mavzu asosida o‘z iste’dodlarini namoyon etishdi.

Dasturdan Xon atlas liboslari namoyishi, iqtidorli yoshlar tomonidan kuylangan qo‘shiq va raqslar ham o‘rin oldi. Hakamlar hay’ati a’zolari tomonidan adolatli baholandi.

Yakunida har bir nominatsiya sohibasi qimmatbaho esdalik sovg‘alari hamda maqtov yorliqlari bilan taqdirlandi.

Bizning rasmiy sahifalarimiz:
Telegram | Instagram

Читать полностью…

1️⃣2️⃣3️⃣4️⃣5️⃣

2024-yil 17-oktabr kuni Pokiston Islom Respublikasining O‘zbekistondagi elchisi Ahmed Farooq janoblari bilan uchrashuv tashkil etildi. Uchrashuvda elchi bilan birga elchixona 2-kotibi Tuba Asif xonim ishtirok etdi.

Muloqot chog‘ida O‘zDJTU rektori I. Tuxtasinov universitet faoliyati, chet tillarini, jumladan urdu tilini o‘qitish borasida olib borilayotgan ishlar, xalqaro hamkorlik aloqalari to‘g‘risida qisqacha ma’lumot berdi.

Elchi Ahmed Farooq ikki mamlakat o‘rtasida savdo va investitsion faoliyat rivojlanib borayotganligini ta’kidlab, Panjob, Karachi va boshqa yetakchi universitetlar bilan aloqalarni o‘rnatishda yordam berishi, talaba va o‘qituvchilar almashinuvini yo‘lga qo‘yish va ilk bosqichda Urdu tili markazini ochib, uni darslik va o‘quv adabiyotlari hamda malakali o‘qituvchilar bilan ta’minlashda ko‘maklashishi mumkinligini ma’lum qildi. Shu bilan birga, urdu tilini o‘rganayotgan talabalar uchun davra suhbatlari, turli to‘garaklar tashkil qilish, Pokistonning mashhur yozuvchi va shoirlari bilan uchrashuvlar tashkil qilish choralarini ko‘rishini aytib o‘tdi.

Bundan tashqari, urdu va ingliz tilini o‘rganayotgan talabalar uchun yozgi lagerlar tashkil qilish talabalarga mamlakatlarimiz tarixi, madaniyati va an’analari bilan yaqindan tanishish imkoniyatini berishini e’tirof etdi.

Uchrashuvdan so‘ng mehmonlar universitetda talabalar uchun yaratilgan sharoitlar, axborot-resurs markazi va sinxron tarjima xonalari bilan tanishtirildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🪐Joriy yilning 16-oktabr kuni O‘zDJTU 5-TTJ Ma’naviyat va ma’rifat zalida 6- sonli talabalar turar joyida yashovchi talabalar bilan navbatdagi majlis o‘tkazildi.

Ushbu yig‘ilishda yotoqxona tarbiyachi pedagogi Ibadullayeva Zulfiya Haydarovna hamda Roman-German filologiyasi fakultetining yoshlar ishlari bo‘yicha dekan muovini Mallayev Abdug‘ani Qayumovichlar tomonidan talabalarga bir qator tushuntirish va targ‘ibot ishlari olib borildi.

Jumladan yig‘ilishda:

1.Universitet talabalari bilan ochiq suhbat bo‘lib, tashrif buyuruvchi tomonidan muhim mavzularda tushuntirish ishlari;

2.Talabalar turar joyida istiqomat qilish tartib-intizomi va qoidalari;

3.Salomlashish va odob axloq qoidalari,

4.Sport sog‘lik garovi,

5. 5 ta muhim tashabbusga talabalarni jalb qilish;

Va shunga o‘xshash qator mavzularda suhbat qilindi. Tadbir so‘ngida yoshlar uchun pianino chalish bo‘yicha master klass bo‘lib, kichik musiqiy namoyish taqdim qilindi. So‘ngra ushbu yig‘ilish davomida talabalarning bir qancha muammo va kamchiliklari tinglanib, ijobiy yechim berilishi ta’kidlandi.

/channel/rgffaculty

Читать полностью…

🟦🟦🟦🟦🟦🟦

17 oktyabr kuni O‘zbekiston «Adolat» SDP Uchtepa tumani kengashi tomonidan O‘zbekiston davlat jahon tillari universitetida saylov oldi targ‘ibot tadbiri tashkil etildi.

Unda O‘zbekiston Respublikasi Oliy Majlisi deputatligiga 71-okrugdan tavsiya etilayotgan Tashlanova Nazokat  Rustamvona, Xalq deputatlari Toshkent shahar kengashi deputatligiga nomzod Qosimov Shohujaxon Beshimboy o‘g‘li, Xalq deputatlari Uchtepa tuman kengashi deputatligiga 19-Farxod saylov okrugidan ko‘rsatilgan nomzod, O‘zDJTU rektori Tuxtasinov Ilxomjon Madaminovichning yoshlar bilan uchrashuvi bo‘lib o‘tdi.

Nomzodlar saylov oldi dasturidan alohida o‘rin olgan yoshlar masalalariga katta e’tibor qaratishdi. Shuningdek, ishtirokchilar Adolat” partiyasining 2025-2029-yillarga mo‘ljallangan “ Teng imkoniyatlar va adolatli jamiyat sari!” shiori ostidagi muhim tashabbuslarga boy saylovoldi dasturining mazmun-mohiyati haqida batafsil so‘z yuritdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦

16-oktabr kuni O‘zbekiston davlat jahon tillari universitetida 2-Talabalar turar joyida yashovchi talabalar bilan Rektor va yoshlar uchrashuvi tashkil etildi.

Uchrashuvda universitet rektori Ilxomjon Tuxtasinov, Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sadiyev, Moliyaviy-iqtisodiy ishlar bo‘yicha prorektori Suyun Abdullayev, universitet rahbariyatining boshqa vakillari, TTJlar muvofiqlashtiruvchi bo‘limi xodimlari, tarbiyachi-pedagoglar hamda 2-Talabalar turar joyida yashovchi  talabalar ishtirok etdi.

Uchrashuvni universitet rektori I.Tuxtasinov ochib  berdi va universitet faoliyati, undagi yaratilgan shart-sharoitlar, o‘quv dasturlari, to‘g‘risida ma’lumot berib o‘tdi. Hozirgi kunda dolzarb bo‘layotgan kiber jinoyatlar, turli xil oqimlar, diniy ekstremizm  g‘oyalaridan ogoh bo‘lishga chaqirdi. Talabalar turar joyida yashovchi talabalarni muammolarini eshitib, ularni bartaraf etish bo‘yicha mas’ullarga topshiriq berdi.

Dastur ochiq muloqot tarzda davom etib, talabalar  tomonidan savollar takliflar berildi.

Muloqot davomida universitet rektori 2-TTJda  "Eng toza xona" bo‘yicha o‘tkazilgan tanlovining 1-2-3-o‘rin g‘oliblarini tashakkurnoma bilan taqdirladi. Shuningdek, 2-sonli TTJ talaba-yoshlarining yoshlarning bo‘sh vaqtlarini mazmunli o‘tkazish maqsadida tashkil etilgan tanlovlarda faollik ko‘rsatgan hamda eng yaxshi video roliklar tanlovida faol ishtirok etgan talabalarni tashakkurnoma bilan taqdirladi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

0️⃣0️⃣0️⃣

OʻzDJTU Marketing va talabalar amaliyoti bo'limi xodimlari Toshkent shahrida joylashgan bir qator maktablarga tashrif buyurdi.

Mazkur tashrif tadbiri talabalarning amaliyot jarayonini nazorat qilish maqsadida tashkil etilgan.

Dastur davomida amaliyot jarayoni mobaynida talabalarning universitetda olgan nazariy bilimlarini amalda qo'llab, ularning o'quvchi-yoshlar bilan ishlash mahorati yana-da oshirildi, kasbiy va malakaviy ko‘nikmalari shakllantirildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦

18-oktabr kuni  O‘zDJTUda Toshkent shahar prokuraturasi, Ichki ishlar bosh boshqarmasi va Favqulodda vaziyatlar boshqarmasi rahbar va xodimlari bilan uchrashuv tashkil etildi.

Uchrashuvda universitetning Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sadiyev, Toshkent shahar Uchtepa tumani Ichki Ishlar organlari faoliyatini muvofiqlashtirish boshqarmasi  boshlig‘i o‘rinbosari, podpolkovnik Abdurashid Ochilov, Toshkent shahar Uchtepa tumani Favqulodda vaziyatlar bo‘limi boshlig‘i o‘rinbosari mayor Zafar Zufarov, Uchtepa tumani Prokuraturasi mas’ul xodimlari hamda talaba-yoshlar ishtirok etdi.

Tadbirdan ko‘zlangan asosiy maqsad huquqbuzarlik, jinoyatchilik, giyohvandlikni, hamda pirotexnika vositalaridan noqonuniy foydalanishni  oldini olish, favqulodda vaziyatlar hamda yong‘in xavfsizligini ta’minlash  choralarini kuchaytirish giyohvandlikka qarshi kurash choralarini yoshlar o‘rtasida keng targ‘ib qilish va ularni sog‘lom muhitda tarbiyalash, shuningdek is gazi haqida tushuntirish ishlari olib borildi.

Talabalar tomonidan berilgan savollarga mutaxassislar tomonidan batafsil javob berib o‘tildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦

18-oktabr kuni O‘zbekiston davlat jahon tillari universitetida 4-Talabalar turar joyida yashovchi talabalar bilan Rektor va yoshlar uchrashuvi tashkil etildi.

Uchrashuvda universitet rektori Ilxomjon Tuxtasinov, Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sadiyev, universitet rahbariyatining boshqa vakillari, TTJlar muvofiqlashtiruvchi bo‘limi xodimlari, tarbiyachi-pedagoglar hamda 4-Talabalar turar joyida yashovchi  talabalar ishtirok etdi.

Uchrashuvni universitet rektori I.Tuxtasinov ochib  berdi va universitet faoliyati, undagi yaratilgan shart-sharoitlar, o‘quv dasturlari, to‘g‘risida ma’lumot berib o‘tdi. Talabalar turar joyida yashovchi talabalarni muammolarini eshitib, ularni bartaraf etish bo‘yicha mas’ullarga topshiriq berdi.

Dastur ochiq muloqot tarzda davom etib, talabalar  tomonidan savollar takliflar berildi.

Muloqot davomida universitet rektori  4-TTJda  "Eng toza xona" bo‘yicha o‘tkazilgan tanlovining 1-2-3-o‘rin g‘oliblarini tashakkurnoma bilan taqdirladi. Shuningdek, eng namunali qavat, shu eng yaxshi qavat rahbarlarini e’tirof etdi.

Undan tashqari, talabalar she’rlar o‘qib, dutorchi qizlar chiqishlarini namoyish etishdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

18-oktyabr kuni Oʻzbekiston davlat jahon tillari universitetiga Birlashgan Arab Amirliklari vakillari tashrif buyurdi.

Tashrif doirasida rektor Ilxomjon Tuxtasinov hamda Birlashgan Arab Amirliklari Oliy taʼlim ishlari boʻyicha eksperti Hasan Al-Hashimiy bilan uchrashuv tashkil etildi.

 
Shuningdek, dasturda OʻzDJTU Xalqaro hamkorlik boʻyicha prorektori A.Nasirov, Xalqaro hamkorlik boʻlimi boshligʻi X.Yuldashev, Tarjimonlik fakulteti dekani U.Yoʻldoshev, Arab tili kafedrasi mudiri K.Qodirova ishtirok etdi.

Uchrashuv davomida Birlashgan Arab Amirliklari OTMlari bilan hamkorlik aloqalarini oʻrnatish, talabalar uchun yozgi/qishki lagerlar tashkil qilish, BAA jamgʻarma va fondlari mablagʻlari hamda grantlarini jalb qilgan holda:
✅ Arab tili oʻqituvchilarining malakasini oshirish;
✅ Ilmiy tadqiqot sohasidagi loyihalarni amalga oshirish;
✅ Arab tili boʻyicha darslik va oʻquv qoʻllanmalarni olish, hammualliflikda darsliklar yaratish;
✅ Arab tili mutaxassislarini OʻzDJTUga jalb qilish kabi tomonlarni qiziqtirgan boshqa masalalar muhokama qilindi.
 
🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

4️⃣4️⃣4️⃣

Iqtidorli talaba-yoshlarning maqsadli faoliyatini tizimli tashkil etish hamda ularni yangi marralar sari yo‘naltirish maqsadida “Yilning eng faol talabasi” respublika tanloviga arizalar qabul qilish jarayoni boshlangani haqida xabar bergan edik.

ℹ️ Eslatib oʻtamiz, “Yilning eng faol talabasi” tanlovi uchun ariza topshirish 2024-yilning 20-oktyabrigacha davom etadi.

Tanlovda qatnashish istagidagi talabalar! Shoshiling! Imkoniyatni qoʻldan boy bermang!

🖥 Tanlovlar nizomi bilan tanishish

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

Rossiyaning Tyumen davlat universiteti Mintaqaviy xalqaro hamkorlik instituti direktori, professor Telegina Galina Valentinovna O‘zDJTUga tashrif buyurdi.

Tashrif doirasida oliygoh rektori Ilxomjon Tuxtasinov hamda mehmon bilan uchrashuv tashkil etildi. Uchrashuvda, shuningdek, Ilmiy ishlar va innovatsiyalar boʻyicha prorektor O.Yusupov, Xalqaro hamkorlik masalalari boʻyicha prorektor A.Nasirov, Lingvistika va ingliz adabiyoti kafedrasi mudiri M.Galiyeva ishtirok etdi.

Dastur davomida OʻzDJTU hamda TDU o‘rtasida fan, ta’lim, ilmiy-tadqiqot sohalarida hamkorlik aloqalarini mustahkamlash hamda hamkorlikda qator loyihalarda ishtirok etish, anjumanlar, seminar-treninglar tashkil qilish, professor-o’qituvchilar va talabalar almashinuvini yo‘lga qo‘yish masalalari yuzasidan kelgusida tuziladigan hamkorlik shartnomasi muhokama qilindi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦🟦

16-oktabr kuni O‘zbekiston davlat jahon tillari universiteti Roman-german filologiyasi fakulteti Ispan tili nazariy fanlar kafedrasi 3-bosqich talabalari BRMning 4-bandi "Sifatli ta’lim" bandiga ko‘ra mavzu yuzasidan videolavha tayyorladilar.

"Bizga ta’lim berishda qilayotgan mehnatingiz va jonkuyarligingiz uchun rahmat, aziz ustozlar! "

Videolavhani tayyorlash jarayonida talablar 1-oktabr "Ustoz va murabbiylar kuni" munosabati bilan sifatli ta’lim berishga bel bog‘lagan, o‘z kasbining ustasi bo‘lish uchun o‘z ustida ishlayotgan jonkuyar ustozlar, professor-o‘qituvchilarga o‘z minnatdorchiliklari va yaxshi tilaklari orqali bayram tabrigi yo‘lladilar.

📌Roman-german filologiyasi fakulteti.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

📣📣📣📣📣

🎓 Diqqat, aziz talabalar! 🎓

🌟 Siz faolmisiz? Tashabbuskormisiz? Xalqaro loyihalarda ishtirok etishni istaysizmi? Unda bu ajoyib imkoniyat aynan siz uchun!

📊 Xalqaro reytinglar bilan ishlash boʻlimi sizlarni oʻz koʻngillilar guruhiga taklif etadi!

Bu yerda siz:
🌍Universitetimizning xalqaro reytinglardagi oʻrnini koʻtarishda ishtirok etasiz.
📊Xalqaro hamkorlik va reytinglar boʻyicha noyob tajriba orttirasiz.
💡Yangi bilim va koʻnikmalarga ega boʻlib, ularni kelajakdagi faoliyatingizda qoʻllay olasiz!

Nima uchun bu qiziq?
👥 Yaxshi jamoada ishlash va yangi doʻstlar orttirish imkoniyati.
🎯 Qimmatli amaliy malaka, kelajakdagi muvaffaqiyatli karyeraga qadam!

Biz sizdan nimani kutamiz?
⏰Har hafta 3-5 soat vaqtingizni ajratish.
📊Maʼlumotlarni tahlil qilishga qiziqish va masʼuliyatli yondashish.

Qanday ariza topshirish kerak?
📍Rektorat binosi, 5-qavat, 518-xonaga keling;
✉️ Telegram orqali @SDG_UZSWLU ga yozing.

🚀 Bizning jamoaga qoʻshiling va universitetimizning xalqaro maydondagi nufuzini birga koʻtaring! 🚀

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦

O‘zbekiston davlat jahon tillari universiteti rektorining talabalar turar joyida yashovchi talabalar bilan uchrashuvi davom etmoqda.

17-okatabr kuni Rektor va yoshlar uchrashuvi universitetning 3-TTJda yashovchi talabalar bilan tashkil etildi.

Uchrashuvda universitet rektori Ilxomjon Tuxtasinov, Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sadiyev, Moliyaviy-iqtisodiy ishlar bo‘yicha prorektori Suyun Abdullayev, universitet rahbariyatining boshqa vakillari, TTJlar muvofiqlashtiruvchi bo‘limi xodimlari, tarbiyachi-pedagoglar hamda 3-Talabalar turar joyida yashovchi  talabalar ishtirok etdi.

Uchrashuvni universitet rektori I.Tuxtasinov ochib  berdi va universitet faoliyati, undagi yaratilgan shart-sharoitlar, o‘quv dasturlari, to‘g‘risida ma’lumot berib o‘tdi. Hozirgi kunda dolzarb bo‘layotgan kiber jinoyatlar, turli xil oqimlar, diniy ekstremizm  g‘oyalaridan ogoh bo‘lishga chaqirdi. Talabalar turar joyida yashovchi talabalarni muammolarini eshitib, ularni bartaraf etish bo‘yicha mas’ullarga topshiriq berdi.

Dastur ochiq muloqot tarzda davom etib, talabalar  tomonidan savollar takliflar berildi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

⚖️👨‍💻👩‍💻💬

Oʻzbekiston davlat jahon tillari universitetida xalqaro ilmiy-amaliy anjuman boʻlib oʻtdi.

Konferensiya 17-oktyabr kuni OʻzDJTU Roman-german filologiyasi fakultetining Ma‘naviyat va ma‘rifat markazida “Koʻp madaniyatli makonda til ta’limi” (“Sprachliche bildung im multikulturellen raum”) mavzusi doirasida tashkil etildi.

Dasturni oliygoh rektori Ilxomjon Madaminovich ochib berdi. Soʻng anjuman mehmonlari – Shveysariyaning Toshkentdagi elchixonasi Diplomatik aloqalar bo‘limi boshligʻi Alexander Schärer va Toshkentdagi Goethe-Institutining ta‘lim sohasida hamkorlik bo‘limi boshlig‘i G’ayrat Khafizov nutq soʻzladi.

Konferensiya davomida 20 dan ortiq spikerning har biri ma’lum belgilangan mavzu yuzasidan mulohazalar taqdim etdi.

Anjuman ishtirokchilari mazkur seminardan oʻzlari uchun zarur bilim-koʻnikmalarni oʻzlashtirishdi, oʻzaro fikr almashildi, savol-javoblar ham taklif etilib, har bir ishtirokchi tomonidan taqdim qilingan fikr-mulohozalarga munosabatlar bildirildi.

📍 Roman-german filologiyasi fakulteti

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🟦🟦🟦🟦🟦🟦🟦

17-oktabr kuni O‘zbekiston davlat jahon tillari universitetida  Xalqaro jurnalistika fakulteti hamda Rus filologiyasi fakulteti talabalari bilan Rektor va yoshlar uchrashuvi bo‘lib o‘tdi. Uchrashuvda universitet rahbariyati xodimlari, fakultetlarning professor-o‘qituvchilari, tyutorlari hamda 1-kursga qabul qilingan talabalar ishtirok etdi.

Uchrashuvni universitet rektori Ilxomjon Tuxtasinov ochib berdi. Talabalar uchun yaratilgan sharoitlar va imkoniyatlar haqida gapirib o‘tdi. O‘quv tizimi yuzasidan talabalarning fikr-mulohazalar, savol va takliflarini tingladi.

Shuningdek, uchrashuvda 27-oktabrda O‘zbekistonda bo‘lib o‘tishi kutilayotgan muhim siyosiy jarayon Oliy Majlis Qonunchilik palatasi va mahalliy kengashlar deputatlar saylovi jarayonlari haqida yig‘ilganlarga batafsil ma’lumot berib o‘tildi. Ishtirokchilarni mazkur saylovda faol ishtirok etishga chaqirdi.

Uchrashuv so‘ngida talabalarning o‘qishlariga muvaffaqiyatlar tilab, o‘qib-izlanishdan hech qachon to‘xtamaslikka chaqirdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

1️⃣2️⃣3️⃣4️⃣5️⃣

17-oktabr kuni Britaniya Kengashining O‘zbekistondagi vakolatxonasi direktor o‘rinbosari Jamilya Gulyamova hamda Ingliz tili dasturlari direktori Maykl Konnolli bilan uchrashuv bo‘lib o‘tdi.

O‘zDJTU rektori I. Tuxtasinov mehmonlarga universitetni rivojlantirish strategiyasi doirasida amalga oshirilayotgan ishlar, xususan ingliz tili bo‘yicha malakali mutaxassislar tayyorlash borasida olib borilayotgan samarali faoliyat hamda Britaniya Kengashi bilan hamkorlikda bajarilayotgan muhim loyihalar to‘g‘risida batafsil ma’lumot berdi.

O‘z navbatida, o‘tgan 20 yildan ortiq muddatda universitetni qo‘llab-quvvatlab kelayotganligi uchun Britaniya Kengashi rahbarlariga minnatdorchilik bildirdi.

Shuningdek, Britaniya OTMlarining boy tajribasidan foydalangan holda mustaqil ta’limni rivojlantirish, baholashning samarali mexanizmlarini joriy etish maqsadida turli loyihalar ishlab chiqish va ularni Britaniya Kengashi bilan hamkorlikda amalga oshirish kabi takliflarni berdi.

Jamilya Gulyamova “Uzluksiz kasbiy malakani oshirish” (Contunuing Professional Development) va Inkluziv ta’limga alohida e’tibor qaratish, “Universitet Boshqaruvi” loyihasini amalga oshirish hozirda Britaniya Kengashi tomonidan amalga oshirilayotgan muhim loyihalar ekanligini ta’kidlab o‘tdi.

Maykl Konnolli ingliz tili o‘qituvchilarini malakasini oshirish jarayonida Britaniya Kengashi tomonidan ishlab chiqilgan elektron resurslar, online platformalar va mobil ilovalardan bepul foydalanishlari mumkinligini ma’lum qildi. I. Tuxtasinov O‘zDJTU huzuridagi Pedagog kadrlarni qayta tayyorlash va malakasini oshirish tarmoq markazi tinglovchilari uchun Maykl Konnolli va hamkasblari tomonidan tavsiya etilayotgan resurslar va materiallar bo‘yicha taqdimotlar o‘tkazish orqali ularni xabardor qilish yaxshi natija berishini aytib o‘tdi.

Uchrashuv juda mazmunli va har tomon uchun manfaatli tarzda o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

#saylov_2024 #targ‘ibot #chorlov

Biz oʻz kelajagimizga befarq emasmiz!

✅Bizni kuzatib boring:
📱Telegram | 📱Instagram

Читать полностью…

🟦🟦🟦🟦🟦🟦🟦

O‘zbekiston davlat jahon tillari universitetida talabalarning darsdan keyingi bo‘sh vaqtlarini mazmunli tashkil etish yuzasidan muntazam ravishda "Besh muhim tashabuss doirasida" turli xil ma’naviy-ahloqiy va tarbiyaviy tadbirlar tashkil etib kelinmoqda.

15-oktabr sanasida Ingliz tili 3-fakulteti tyutori M.Allamova biriktirilgan 1-kurs talabalari bilan birga mohir pazandachilik sirlari, jamoa bo‘lib ishlash va guruhda birdamlikni ta’minlashga qaratilgan tadbir tashkil etildi.

Talabalarda katta taassurot qoldirgan mazkur tadbirda ishtirokchilar tomonidan o’zbek milliy taomlari, salatlar va shirinliklar tayyorlandi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

2️⃣2️⃣2️⃣

15-oktyabr kuni OʻzDJTU Ingliz tili 3-fakulteti tomonidan “Jadidlar izidan” haftaligi doirasida britaniyalik shoir va tarjimon Endryu Staniland bilan ijodiy uchrashuv tashkil etildi.

Tadbir Ingliz tili amaliy fanlar №3 va Ingliz tili integrallashgan kursi №3 kafedralari o’qituvchilari tomonidan “O‘tgan asrlar she’riyati zamondosh shoirlar qalamida” mavzusi doirasida oʻtkazildi. Dasturni universitetning Ilmiy va innovatsiyalar prorektori O.Yusupov rasman ochib berdi.

Tadbir mehmoni Endryu Staniland so‘zga chiqib, o‘z ijodiy faoliyati haqida ma’lumot taqdim etdi hamda o’zbek adiblari Nodira, Uvaysiy, Usmon Nosir, Abdulla Qodiriy she’rlarini ingliz tilidagi tarjimalaridan namunalar o’qib berdi.

Uchrashuv qizg‘in savol javob ko‘rinishida olib borildi, talabalarning muallif ishlariga bo‘lgan qiziqishlarini ko‘rgan Endryu Staniland kelgusida OʻzDJTU talabalari va ustozlari bilan hamkorlikni yo‘lga qo‘yib, o‘z asarlarini o‘zbek tiliga tarjima qilish niyatini bildirdi.

Iqtidorli talabalar tomonidan tayyorlangan ijodiy sahna ko‘rinishlari, jozibali o’zbek raqs chiqishlari ijodiy uchrashuvni yana ham mazmunli o’tishiga hissa qo‘shdi. Bu kabi ijodiy uchrashuvlar talabalarning adabiyotga va kitobxonlikka bo‘lgan qiziqishlarini yanada kengaytirishga xizmat qiladi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…

🏆🏆🏆

Oʻzbekiston davlat jahon tillari universitetining 11 nafar talabasi “El-yurt umidi” jamgʻarmasi tomonidan oʻtkazilgan 2024-yilgi 1-ochiq stipendiya tanlovida “Jamgʻarma stipendiati” deb e’tirof etildi:

⭐ Karimova Farangiz Sirojiddin qizi — Reading universiteti, Buyuk Britaniya;
⭐ Siddiqjonova O‘g‘iloy Ibrohimjon qizi — Lester universiteti, Buyuk Britaniya;
⭐ Axmatova Munisa Orif qizi — Reading universiteti, Buyuk Britaniya;
⭐ Rustamova Yulduz Sherzod qizi — Michigan davlat universiteti;
⭐ Sharipova Zukhra Rustam qizi — Reading universiteti, Buyuk Britaniya;
⭐ Xakimova Dilshoda Oybek qizi — Glazgo Universiteti, Shotlandiya;
⭐ Bobosherov Qodirbek Pardayevich — Birmingem universiteti, Buyuk Britaniya;
⭐ Ikromjonova Nazokatxon Baxodirjon qizi — Viskonsin-Madison universiteti, AQSh;
⭐ Xasanov Jahongir Bahodir o'g'li — Universtity of Еxeter;
⭐ Ergasheva Gulisarahon Ilhomovna;
⭐ Matmusayeva Fotimaxon Sirojiddin qizi.

🎆 Universitet rektori Ilxomjon Madaminovich mazkur bilimdon talabalarimizni erishgan ulkan muvaffaqiyati bilan samimiy tabrikladi.

🌐 Biz ijtimoiy tarmoqlarda:
Telegram | Instagram | Facebook | Sayt

Читать полностью…