95859
Ta'lim nazorati (yangiliklar, muammolar, tahlillar) Savollar bo‘yicha: @Uztdibot Hamkorlik bo‘yicha: @Uztdihamkorbot
#Bilasizmi
✅ Ehtiyojmand oilalardagi xotin-qizlarga oliy taʼlim muassasalari kirishda davlat granti asosidagi qabul doirasidagi tanlovda ishtirok etish uchun tavsiyanoma beriladi.
Tavsiyanoma quyidagi mezonlar asosida beriladi:
➖ kam taʼminlangan oilalardagi xotin-qizlar;
➖ toʻliqsiz oilada tarbiyalanayotgan, yaʼni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;
➖ turmush oʻrtogʻi vafot etgan, voyaga yetmagan farzandini yolgʻiz tarbiyalayotgan ijtimoiy himoyaga muhtoj ayollar;
➖ nogiron farzandi bor ehtiyojmand oilalardagi xotin-qizlar;
➖ 2 va undan ortiq farzandini tarbiyalayotgan, qarindoshlaridan alohida yashayotgan yolgʻiz ayollarning qiz farzandlari;
➖ ota-onalaridan biri yoki har ikkisi ham I yoki II guruh nogironi boʻlgan ehtiyojmand oilalardagi xotin-qizlar.
☑️ Tavsiyanoma olish uchun tuman (shahar) mahalla va oilani qoʻllab-quvvatlash boʻlimlariga elektron shaklda murojaat qilinadi.
Kanalga ulanish:👇
/channel/uztdi
Talabalar uchun davlat tashkilotlarida ish haqi toʻlanadigan stajirovka tizimi joriy qilinadi
Prezident raisligidagi yig‘ilishda 1-iyundan boshlab “yoshlar daftari”ga kirgan talabalar uchun davlat tashkilotlarida ish haqi toʻlanadigan stajirovka tizimini joriy qilish topshirildi.
Yoshlar oʻrtasida IT, reklama, kino, arxitektura, dizayn, marketing, hunarmandchilik, rassomchilik kabi yoʻnalishlarga qiziqish ortib borayotganini hisobga olib, viloyat hokimlariga yil yakunigacha bittadan “Kreativ park” tashkil etish topshirildi. Ularda IT park rezidentlariga berilgan imtiyoz va yengilliklar qoʻllanadi.
Bu maqsadlar uchun “Yangi Oʻzbekiston yoshlari tashabbuslari” jamgʻarmasi va elektron platformasi tashkil qilinadi. Jamgʻarmaga 100 million dollar yoʻnaltiriladi. Bu mablagʻlar iqtidorli yoshlarning eng yaxshi gʻoya, startap va loyihalariga qulay va yengil shartlarda, zarur boʻlsa, foizsiz va garovsiz ajratiladi.
Kanalga ulanish:👇
/channel/uztdi
⚡️ Huquqni muhofaza qilish akademiyasining bakalavriatiga qabul
🔰 2023-yil 6-aprel kuni Vazirlar Mahkamasining “O‘zbekiston Respublikasi Huquqni muhofaza qilish akademiyasida oliy ta’lim va oliy ta’limdan keyingi ta’limga qabul qilish va o‘qitish tartibini belgilash chora-tadbirlari to‘g‘risida” 143-son qarori qabul qilindi.
📌 Mazkur qarorda Akademiyaning “Tergov faoliyati” bakalavriat ta’lim yo‘nalishiga nomzodlarni ro‘yxatga olish Bilimni baholash agentligi tomonidan amalga oshirilishi belgilangan.
✅ Shu sababli Bilimni baholash agentligining my.uzbmb.uz saytida “O‘zbekiston Respublikasi Huquqni muhofaza qilish akademiyasi” bo‘limi ochilib, talabgorlarni ro‘yxatga olish imkoniyati yaratildi.
🖥 Huquqni muhofaza qilish akademiyasining “Tergov faoliyati” yo‘nalishi bo‘yicha talabgorlarni ro‘yxatga olish 2023-yil 3-may kuniga qadar onlayn tarzda amalga oshiriladi.
🔗 Qabul bo‘yicha to‘liq ma’lumot bilan quyidagi havolada tanishishingiz mumkin: https://lex.uz/pdfs/6425532.
Kanalga ulanish:👇
/channel/uztdi
Boshlangʻich sinflarda bir kunda 3 yoki 4 tagacha nazorat ishlarini oʻtkazish mumkinmi?
📘Maʼlumki, boshlangʻich sinflar alohida fiziologik xususiyatga ega boʻlib, ularni o'qitishda sanitariya qoidalari va normalarida belgilangan meyorlarga rioya etish talab etiladi. Sogʻliqni saqlash vazirligining “Oʻrta taʼlim maktablarda taʼlim shartlari va tashkil etilishiga qoʻyilgan sanitar-epidemiologik talablar” toʻgʻrisidagi hujjatida boshlangʻich sinflarda yozma ishlar olish tartibi belgilab qoʻyilgan.
📌Unga ko'ra, oʻquv kuni davomida bittadan ortiq nazorat ishini oʻtkazmaslik hamda nazorat ishlarini 2-4- darslarda oʻtkazish tavsiya etiladi.
Boshlangʻich sinflarda qoʻshaloq darslar oʻtkazilmaydi. Shuningdek, 1-sinflarda bir kunda 4 soatdan ortiq dars oʻtish mumkin emas, 2-4-sinflarda esa bu eng koʻpi bilan 5 soat etib belgilangan.
1-sinfda oʻqiyotganlar uchun eng qiyin fanlar 2-darsda,
2-4-sinfda oʻqiyotganlar uchun – 2-3-darslarda,
5-9-sinfda oʻqiyotganlar uchun – 2-4-darslarda oʻtkazilishi kerak.
Boshlangʻich sinf oʻqituvchilaridan ushbu, chorak oxirlagan ayni kunlarda mazkur talabga rioya qilishlarini soʻrab qolamiz.
Respublika ta’lim markazi
Kanalga ulanish:👇
/channel/uztdi
Ona tili va adabiyot, tarix hamda geografiya fanlaridan talabgorlarni ro‘yxatga olish davom etmoqda
Ona (o‘zbek, rus, qoraqalpoq) tili va adabiyot fanidan milliy sertifikat imtihonida ishtirok etmoqchi bo‘lgan talabgorlar 10-apreldan 24-aprelga qadar (shu kuni ham) ro‘yxatga olinadi.
🖥 Shuningdek, 21-may kuni bo‘lib o‘tadigan tarix va geografiya fanlaridan milliy sertifikat imtihoni uchun talabgorlarni ro‘yxatga olish ham 10-apreldan 24-aprelga qadar amalga oshiriladi.
✅ Talabgorlar my.uzbmb.uz saytining “Milliy sertifikat” bo‘limi orqali ro‘yxatga olinadi va ro‘yxatga olishning so‘nggi kuni 24-aprel (to‘lov qilish — 25-aprel) kuni hisoblanadi.
👉Milliy sertifikat natijalari qanday hisoblanadi?
👉 Milliy sertifikat imtihonlari bo‘yicha asosiy ma’lumotlar
Kanalga ulanish👇
/channel/uztdi
#bilasizmi
O‘rganish uslublari qachondan paydo bo‘lgan?
O‘rganish uslublarining kelib chiqishi miloddan avvalgi 334-yilga borib taqaladi, o'shanda Aristotel "Har bir bola o‘ziga xos iste'dod va ko‘nikmalarga ega" deb ta'kidlagan edi. Aristotel bolalarda bu farqlar borligini tan olgandan so‘ng, o‘rganish uslublari tushunchasi shakllangan.
Eng ko‘p qabul qilingan nazariyalardan biri 1987-yilda Nil Fleming tomonidan ishlab chiqilgan. Fleming
➖ ko‘rib tushunish
➖ eshitib tushunish
➖ o‘qib tushunish
➖ amaliyot orqali tushunish ma'nolarni anglatuvchi VARK qisqartmasini ishlab chiqqan.
Fleming har bir o‘quvchi o‘zining qaysi usul orqali yaxshi o‘rgana olishini bilishini juda muhim omil deb hisoblagan.
Kanalga ulanish👇
/channel/uztdi
⚡️ БУГУН ОНЛАЙН ТЕСТ! ЮТУҚ: 700 МИНГ СЎМ!
📆 Бугун, 9 апрель куни Oliygoh.uz платформасида барча фанлардан Республика миқёсидаги 34-ДИАГНОСТИК ИМТИҲОН бўлиб ўтади.
➖ Онлайн имтиҳон Давлат имтиҳон стандартлари асосида ташкил этилиб, барча фанлардан кириш имтиҳонлари андозасида 5 БЛОКЛИ тест саволлари тақдим этилади.
❗️Иштирок этиш бепул!
👉 Имтиҳонда иштирок этиш
🤩 Соврин: 700 минг сўм
📊 Ғолиблар сони: 14 нафар
📚 БЛОК ТЕСТ барча фанлардан бўлиб ўтади. Ўзингизга мос йўналишни танланг:
👉 Ҳуқуқ + Инглиз тили
👉 Инглиз тили + Математика
👉 Инглиз тили + Она тили
👉 Кимё + Биология
👉 Математика + Инглиз тили
👉 Математика + Она тили
👉 Математика + Физика
👉 Она тили + Инглиз тили
👉 Она тили + Математика
👉 Она тили + Тарих
👉 Тарих + География
👉 Тарих + Инглиз тили
👉 Тарих + Она тили
👉 Биология + Она тили
👉 Биология + Кимё
👉 Кимё + Математика
👉 География + Математика
👉 Бошқа йўналишни танлаш
— Имтиҳон афзалликлари:
✅ Пул ютиб олиш имконияти;
✅ Давлат стандартидаги саволлар;
✅ Барча фанлардан блок тест
✅ Асосий фан + мажбурий фанни танлаш
✅ Тест якунида махсус сертификат
✅ Тўғри жавоблар таҳлили каби имкониятлардан фойдаланиш мумкин.
❗️Энг муҳими, имтиҳон якунлангандан кейин натижалар ҳамда жавоблар платформада умумий мандат шаклида эълон қилинади. Шунингдек, абитуриентлар қайси олийгоҳга кириши мумкинлиги ҳақида таҳлилий маълумотларга эга бўлишади.
👨🏻💻 Тестда иштирок этиш:
👉 @OLIYGOH_TEST_BOT
👉 @OLIYGOH_TEST_BOT
⚡️ Huquqni muhofaza qilish akademiyasi bakalavriatiga qabul tartibi tasdiqlandi
Hukumat qarori (143–son, 06.04.2023-y.) bilan huquqni muhofaza qilish akademiyasi bakalavriatiga, magistraturasiga va oliy taʼlimdan keyingi taʼlimga qabul qilish va oʻqitishni tashkil etish tartibi toʻgʻrisida nizomlar tasdiqlandi.
➡️ Akademiyada oʻqishga qabul “tergov faoliyati” bakalavriat taʼlim yoʻnalishi (taʼlim olish muddati 3 yil) hamda yurisprudensiyaning boshqa bakalavriat taʼlim yoʻnalishlari boʻyicha tashkil etiladi.
➖ “Tergov faoliyati” yoʻnalishida oʻquv jarayoni taʼlimning kunduzgi shaklida tashkil etiladi.
➖ Yurisprudensiyaning boshqa bakalavriat taʼlim yoʻnalishlarida oʻquv jarayoni taʼlimning kunduzgi, kechki, sirtqi va masofaviy shakllarida tashkil etilishi mumkin.
📑 Akademiyaga qabul qilishda hujjat topshirgan abituriyentlarning muayyan toifalariga boshqa OTMga kirish uchun nazarda tutilgan imtiyozlar tatbiq etilmaydi.
➡️ Oʻqitish davlat grantlari va toʻlov-kontrakt asosida tashkil etiladi.
🗓 “Tergov faoliyati” boʻyicha bakalavriat bosqichiga nomzodlarni tanlash va oʻqishga qabul qilish uchun tanlov qabul yilining 1-fevraligacha (istisno tariqasida, 2023/2024 oʻquv yili uchun – 2023-yil 15-aprelgacha) eʼlon qilinadi.
🔖 Batafsil ma'lumotga ega bo‘lish uchun Nizom bilan tanishib chiqing!
Kanalga ulanish👇
/channel/uztdi
Toshkent texnologiyalar universiteti faoliyatini boshladi
Ta'lim shakllari: kunduzgi va sirtqi.
Yo'nalishlar:
💻 Axborot texnologiyalari:
• Axborot tizimlari va texnologiyalari
• Kompyuter injiniringi
• Dasturiy injiniring
🤝 Biznes texnologiyalari:
• Iqtisodiyot
• Bank ishi va auditi
• Yurispudentsiya (Biznes huquqi)
💡 Ta'lim texnologiyalari:
• Psixologiya
• Texnologik ta'lim
• Boshlang'ich ta'lim
🌐 Til texnologiyalari:
• Xorijiy til va adabiyoti
• O'zbek tili va adabiyoti
• Ijtimoiy ish
📄 Litsenziya 062346-son, batafsil bu yerda
👉 Obuna bo'ling va qabulni o'tkazib yubormang: @ttu_uz
#qiziqarli
Kalkulyatorga qarshi namoyish
1966-yil aprelda boshlangʻich sinf matematika fani oʻqituvchilari kalkulyatordan foydalanishga qarshi namoyishga chiqqan.
Ular oʻquvchilarning kalkulyatordan erta foydalanib, matematika qoidalarini oʻrganmay qoʻyishidan xavotirlanishgan.
📰 “Daily mail” gazetasida chiqqan surat
Kanalga ulanish👇
/channel/uztdi
“OpenBudjet“da 921 ta taʼlim muassasalariga oid tashabbuslar gʻolib boʻldi
1,6 trln soʻm mablagʻni qayerga sarflashini bevosita fuqarolar hal etishiga qaratilgan “Tashabbusli byudjet” loyihasining 2023-yil 1-mavsumi yakunlandi.
Unda taʼlim muassasalariga oid jami 17795 ta tashabbus ilgari surilgan boʻlib, ulardan 921 tasi eng koʻp toʻplay olgani uchun gʻolib deb topilgan.
Xususan:
umumtaʼlim maktablari boʻyicha 10346 ta tashabbusdan 689 tasi;
maktabgacha taʼlim muassasalari boʻyicha 4404 ta tashabbusdan 91 tasi;
musiqa va maktabdan tashqari ta’lim yoʻnalishida 360 ta tashabbusdan 11 tasi;
boshqa taʼlim muassasalari (kasb-hunar maktabi, kollej, texnikum va boshqa) boʻyicha 1061 tadan 61 tasi;
sport muassasalari boʻyicha 1514 tadan 39 tasi;
oliy taʼlim muassasalari boʻyicha 110 ta tashabbusdan 22 tasi gʻolib boʻlgan.
Shuningdek, bolalar maydonchalari yoʻnalishiga joylashtirilgan maktablar hududiga maydoncha qurish boʻyicha 8 ta tashabbus tasdiqlangan.
🏅Gʻolib tashabbuslar roʻyxati:
➡️ Umumtaʼlim maktablari
➡️ Maktabgacha taʼlim muassasalari
➡️ Oliy taʼlim muassasalari
➡️ Musiqa va maktabdan tashqari ta‘lim
➡️ Sport muassasalari
Saytda hududni tanlab filtrlash orqali oʻzingiz izlayotgan muassasani osonroq topa olasiz.
👉 Кирилда ўқиш
Kanalga ulanish👇
/channel/uztdi
#Қонунчиликдаги_янгиликлар
Мактаб ва олий таълим муассасаларида футбол бўйича янги мусобақалар ўтказилди
"Оммавий ва профессионал футболни ҳар томонлама ривожлантиришнинг қўшимча чора-тадбирлари тўғрисида"ги Президент қарори қабул қилинди.
🔰Қарор билан футболни янада оммалаштириш ва ривожлантиришнинг қўшимча йўналишлари белгиланди.
▶️ Қарорга кўра, ҳар йили қуйидагилар ўтказилади:
▫️март-июнь ойларида маҳалла ёшлари ҳамда қизлари ўртасида “Оммавий футбол” дастури доирасида футбол фестиваллари;
▫️10 декабрь – Бутунжаҳон футбол куни муносабати билан аҳоли ўртасида оммавий “флешмоб” тадбирлари;
▫️сентябрь-май ойларида умумий ўрта таълим мактабларида “Мактабларда футбол” дастури доирасида футбол мусобақалари, маҳорат сабоқлари ва фестиваллари;
▫️сентябрь-май ойларида ОТМда “Талабалар лигаси” дастури доирасида 3 босқичли республика футбол мусобақалари.
✅ Шунингдек, Ёшлар сиёсати ва спорт вазирлиги тизимидаги футбол маҳорат мактаблари Ўзбекистон футбол ассоциацияси тасарруфига ўтказилиб, футбол академиялари сифатида қайта ташкил этилади.
📌 Қорақалпоғистон Республикаси, вилоятлар ва Тошкент шаҳрида Ўзбекистон футбол ассоциацияси ҳузурида футбол мактаблари ташкил қилинади.
🗓 2023 йил 1 июлдан:
🔸нодавлат футбол муассасалари учун Ўзбекистон футбол ассоциацияси аъзоси бўлиши талаби ўрнатилади;
🔸Ўзбекистон футбол ассоциацияси томонидан нодавлат футбол муассасаларининг рейтинги юритилади.
🏢 Ўзбекистон футбол ассоциацияси ҳузурида юридик шахс мақомига эга бўлмаган Ўзбекистон футболини қўллаб-қувватлаш жамғармаси ташкил этилади.
🗒 2023/2024 ўқув йилигача халқаро тажриба асосида Ўзбекистонда футболчиларни тайёрлаш модели ишлаб чиқилади.
Каналга уланиш:👇
/channel/uztdi
#savol_javob
Men umumta’lim maktabida matematika fanidan dars beraman. Menga har oylik ustama to’lanadi. Ustama olayotgan o‘qituvchilarga ham mukofot puli beriladimi?
Mazkur savolga Maktabgacha va maktab ta’limi vazirligi Yuridik bo‘limi xodimlari javob berdi:
✅ O‘zbekiston Respublikasi Vazirlar Mahkamasining 30.09.2019-yildagi 823-son Qarori bilan tasdiqlangan "Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida" 1-ilovaning 9-bandiga ko‘ra, pedagog, psixolog va kutubxona xodimlarining bazaviy tarif stavkasiga har oylik ustama belgilash umumta’lim muassasalari xodimlarini mukofotlash va ularga moddiy yordam berish umumta’lim muassasalaridagi tashkil etiladigan ishchi guruh qarori bilan ochiq muhokama orqali hamda umumta’lim muassasasining pedagogik kengashi fikrlarini hisobga olib, Jamg‘armada nazarda tutilgan mablag‘lar doirasida amalga oshiriladi.
Nizomning 29-bandida umumta’lim muassasalari xodimlari, shu jumladan rahbar xodimlari faqat “1-oktabr— O‘qituvchi va murabbiylar kuni” munosabati bilan Jamg‘armaning mavjud mablag‘lari hisobidan mehnatga haq to‘lashning eng kam miqdorining 50 foizigacha miqdorida mukofotlanishi mumkinligi ko‘rsatilgan.
Bundan tashqari, Nizomning 32-bandida Prezident maktablariga tanlov asosida qabul qilingan har bir o‘quvchi uchun tegishli umumta’lim muassasasining mos (tanlov, musobaqa, imtihon fanlari) fan o‘qituvchisi mazkur Nizomning 29-bandidan tashqari Jamg‘arma mablag‘lari hisobidan bazaviy tarif stavkasining ikki baravari miqdorida bir yo‘la mukofot puli to‘lash yo‘li bilan rag‘batlantirilishi mumkin. Umumta’lim muassasasi xodimlarini mukofotlashda adolat va xolislik prinsiplariga amal qilinadi.
Kanalga ulanish👇
/channel/uztdi
"Profi"da KASTING!
Aktyorlikka qiziqasizmi?
Kamera qarshisida o‘zingizni sinab ko‘rishga nima deysiz?
"Profi University" jamoasi talabalar hayotiga oid serialga tayyorgarlik ko‘rmoqda.
Agar yoshingiz 16-25 yosh oralig‘ida bo‘lsa, Sizlarni mamnuniyat bilan kastingga taklif qilamiz!
Darvoqe, san'at yoki kino sohasida tahsil olgan bo‘lishingiz shart emas. Shunchaki ko‘zingizda ishtiyoq va aktyorlikka qiziqishingiz bo'lsa bas!
Sizdan nima talab etiladi?
✅ O‘zingiz haqingizdagi ma'lumotlar va nega aktyorlik sohasiga qiziqishingiz haqida xat tayyorlaysiz.
✅ Shu xatga qo‘shimcha ravishda turli rakurslardan olingan 10 ga yaqin suratlaringiz bo‘lishi lozim.
✅ Xat va suratlaringizni @univerjonserial telegram profiliga jo‘natishingiz kerak.
❗️ Ha, aytgancha, "konfetlar" bezovta qilmasin. Bizga faqat ISTE'DODLILAR zarur!
Kastingda uchrashguncha!
Bizni ijtimoiy tarmoqlarda kuzatib boring👇
🌐 Web-site|🌐 Telegram|📱Facebook|📱 Instagram | 📺 profiuniversity906">Youtube
OTB hisoboti: O‘zbekistonda ko‘proq umumta’lim maktablari va sifatli ta’lim zarur
Osiyo taraqqiyot bankining (OTB) “Osiyo taraqqiyoti istiqbollari” nomli yangi hisoboti e’lon qilindi.
Hisobotda qayd etilishicha, aholi soni yiliga 2 foizga o‘sayotgan O‘zbekistonda ko‘proq umumta’lim maktablari va sifatli ta’lim zarur.
O‘rta taʼlim, jumladan, kasb-hunar maktablari 2022-yilda taʼlimga davlat xarajatlarining qariyb 72,3 foizini o‘zlashtirgan.
Maktabga qabul qilishni yana 1,2 million o‘quvchiga oshirish uchun hukumat taxminan 1 961 maktab qurishi yoki ikki smenali darslarga ruxsat berish uchun o‘quv kunini qisqartirishi kerak.
OTB o‘rta ta’lim sifati tashvishga solarli darajada ekanini va O‘zbekiston o‘rta maktab taʼlimi sifatini qiyosiy baholash uchun hali ham Xalqaro talabalarni baholash dasturini o‘tkazishi kerakligini qayd etgan.
Hisobotda O‘zbekiston iqtisodiyotini diversifikatsiya qilish uchun ilm-fan, texnologiya, muhandislik va matematika (STEM) bo‘yicha ko‘nikmalarga ega bo‘lgan malakali ishchi kuchiga ehtiyoj borligi ta’kidlangan.
👉Batafsil
Kanalga ulanish👇
/channel/uztdi
Oliygoh rektorlari futbol, voleybol, basketbol, shaxmat, stol tennisi kabi sport turlari boʻyicha oʻz klublarini tashkil etadi
Prezident matbuot kotibi xabariga ko‘ra Toshkent shahrida Anhor va Boʻzsuv, Nukusdagi Doʻstlik, Urganchdagi Shovot, Fargʻonadagi Margʻilonsoy kanallari boʻyida yoshlar ijod koʻchalari tashkil etiladigan boʻldi. Bu yerda rassomlar, haykaltaroshlar, adiblar, sozandalar va ularning muxlislari uchun sharoit yaratiladi.
Har bir oliygohda kovorking, teatr studiyalari va raqs maydonchalari boʻlishi kerakligi taʼkidlandi. Oliygoh rektorlari futbol, voleybol, basketbol, shaxmat, stol tennisi kabi sport turlari boʻyicha oʻz klublarini tashkil etadi. Bu klublar Talabalar sport ligalariga birlashib, doimiy turnirlar oʻtkazib boradi.
Qoʻshimcha 300 ming yoshlarning xususiy markazlarda til oʻrganish xarajatlariga 100 milliard soʻm subsidiya ajratiladi.
Yurtimizdagi 206 ta oromgoh yil davomida ishlaydigan tizimga oʻtkazilib, har yili 100 ming nafar yoshlar qamrab oladi.
Tuman markazidan uzoqdagi mahallalarda sport, madaniyat va sanʼat yoʻnalishlarida toʻgarak ochgan murabbiylarga zarur jihoz uchun 15 million soʻmgacha subsidiya beriladi.
Kanalga ulanish:👇
/channel/uztdi
Yoshlarni ishga qabul qilish tizimi tubdan qayta koʻrib chiqiladi
Prezident raisligida yoshlar bilan ishlashning yangicha tizimini joriy etish borasidagi dolzarb vazifalar yuzasidan yigʻilish boshlandi.
Oʻtgan yili 11 ta davlat oliygohining 11 mingdan ziyod bitiruvchilaridan 6,5 ming nafari ishga joylashmagan. Yoki grantda oʻqigan 3 ming talaba ham ishga kirmagan. Professional taʼlimda ham, oʻtgan yili kollej va texnikumlarni 143 ming nafar yoshlar bitirgan boʻlsa, shundan 30 ming nafari ish topa olmagan.
Shu munosabat bilan bundan buyon har bir vazir tarmogʻidagi kasblarga malaka talabini oʻzi belgilashi, bunda 70 foiz kasblarga oʻrta maxsus, 30 foiziga oliy maʼlumot talab etiladigan tizim boʻlishi taʼkidlandi.
Shuningdek, vazirliklar oliygoh va kollej-texnikumlarga buyurtma berish bilan birga ularning oʻquv dasturlarini ishlab chiqishda ishtirok etadi.
Har bir vazir va viloyat hokimi yil boshida oʻzining Yoshlar bandligi dasturlarini ishlab chiqib, aholiga eʼlon qilishi va yil yakunida natijalari boʻyicha jamoatchilikka hisobot berishi belgilandi.
Kanalga ulanish:👇
/channel/uztdi
Navbatdagi fanlar bo'yicha malaka oshirish kurslariga start berilmoqda
🗓 11-aprel soat 14:00 dan boshlab Maktabgacha va maktab taʼlimi vazirligi, A.Avloniy nomidagi milliy-tadqiqot institutining "Uzluksiz kasbiy ta'lim" platformasida 2023-yil uchun navbatdagi 3 ta fan bo'yicha malaka oshirish kurslari boshlanadi:
➡️ Umumiy o'rta ta'lim maktablari amaliyotchi psixologlari
➡️ Yordamchi maktab va maktab internatlari texnologiya fani
➡️ Yordamchi maktab va maktab internatlari tabiiyot va geografiya fani
📄 Qolgan fanlar bo'yicha malaka oshirish kurslari ham qisqa fursatda bosqichma-bosqich asosda faollashtiriladi.Kanalga ulanish:👇
/channel/uztdi
🔵 PREZIDENT TOPSHIRIG'I: "Tashabbusli budjet" jarayonlarining 2023-yil 1-mavsumida ishtirok etib, har biri 2 mingdan ortiq ovoz to‘plagan, lekin g‘olib deb topilmagan 1 309 ta loyihani amalga oshirish uchun qo‘shimcha 1,3 trln. so‘m mablag‘ ajratiladi.
🇺🇿Bunda, qo‘shimcha 1 182 ta mahalla bo‘yicha 4,3 mln. nafar fuqaro ovoz bergan loyihalar amaliyotga tatbiq etiladi.
◀️Shuningdek, taʼlim, sog‘liqni saqlash, sport muassasalarini taʼmirlash va moddiy texnika bazasini rivojlantirish hamda boshqa yo‘nalishlar bo‘yicha har biri 1,5 mingdan ortiq ovoz to‘plagan, lekin g‘olib bo‘lmagan loyihalar tahlili o‘tkazilib, 2024-yil uchun budjet so‘rovida ularni ta’mirlash, jihozlash va xarid qilish xarajatlarini ro'yxatga kiritish ko'zda tutiladi.
☑️Natijada, respublikamizdagi 164 ta maktab, 30 ta bog‘cha va 32 ta tibbiyot muassasalarida ta’mirlash, jihozlash va boshqa loyihalarda belgilangan ishlarni amalga oshirish uchun 304,6 mlrd. so‘m qo‘shimcha mablag‘ ajratiladi.
Kanalga ulanish:👇
/channel/uztdi
Ўқитувчилар, тадқиқодчи олимлар, талабалар ҳамда барча ёшлар диққатига!
Бир қанча давлат ва нодавлат ташкилотлар ҳамкорлигида профессор-ўқитувчилар, педагог ходимлари, талабалари ва тадқиқотчиларини қўллаб-қувватлаш ҳамда рағбатлантириш орқали уларда таълим ва илм-фанга қизиқишларни янада ошириш мақсадида “Янги Ўзбекистон маърифатпарвари” номли илмий-маърифий мақолалар танловини эълон қилади.
Ғолиблар ташкилотчилар томонидан эсдалик кўкрак нишони, илмий ишлари чоп этилган тўплам ва сертификат билан тақдирланади.
Батафсил маълумотлар телеграм каналда /channel/yumtanlov
Мурожаат учун: @kenjaeva_xurshida
@rahimboyev_rustam
#Bilasizmi
🔰 2023/2024 oʻquv yilidan pedagog kadrlar tayyorlovchi oliy taʼlim muassasalarining qoʻshma taʼlim dasturlarida taʼlim olayotgan talabalarning hamkor xorijiy oliy taʼlim muassasasida oʻqish davri uchun toʻlov-kontrakt qiymatini Davlat byudjeti mablagʻlari hisobidan qoplab berish tartibi joriy etilgan.
Kanalga ulanish: 👇
/channel/uztdi
#tadqiqot
Boshlangʻich sinfdagi oʻqituvchi bilan munosabat bolaning kelajagiga taʼsir koʻrsatishi isbotlangan
Boshlangʻich sinfda oʻqituvchi va oʻquvchi oʻrtasidagi oʻzaro munosabatlar sifati oʻquvchining kelajakdagi muvaffaqiyatiga sezilarli taʼsir koʻrsatishi mumkin.
2014-yil AQShda oʻtkazilgan “Child Development” jurnalida chop etilgan tadqiqotga koʻra, boshlangʻich sinf oʻqituvchilariga ijobiy munosabatda boʻlgan bolalar yuqori sinflarda ham yaxshiroq oʻqishga moyil boʻlishi isbotlangan.
Shuningdek, AQShda oʻtkazilgan yana bir tadqiqotga koʻra, boshlangʻich sinf oʻqituvchisi oʻquvchining kelgusida matematikadagi muvaffaqiyatiga katta taʼsir koʻrsatishi mumkin.
Yaxshi boshlangʻich sinf oʻqituvchisi boʻlgan bolalar yuqori sinflardagi matematika testlarida tajribasiz va motivatsiyasi past oʻqituvchilar oʻqitgan bolalarga qaraganda yaxshiroq natijalarga erishgan.
Kanalga ulanish👇
/channel/uztdi
Kanalimizda “El-yurt umidi” jamgʻarmasi direktori oʻrinbosari Javohir Ahmedov bilan onlayn muloqot tashkil etilgan edi.
E'tiboringizga ushbu muloqotning to‘liq variantini havola etamiz.
👉 00:01 “El-yurt umidi” jamgʻarmasi haqida ma'lumot
👉 18:06 O‘qituvchilar uchun jamg‘armadan nechta kvota ajratiladi?
👉 20:20 Magistraturada o‘qishimda "El-yurt umidi" jamg‘armasining stipendiati bo‘lishim uchun ikki yil ish staji kerakmi?
👉 22:50 Men o‘qiyotgan universitet 300 talik xalqaro reytingda yo‘q bo‘lsa ham stipendiat bo‘lishim mumkinmi?
👉 25:00 Ikki yillik ish tajribam yo‘nalishimda emas yoki yaqin sohada bo‘lsa ham stipendiat bo‘lishim mumkinmi?
👉 25:36 Ba'zi universitetlarning kontrakt miqdori yuqori, Jamg‘armada har bir talaba uchun beriladigan stipendiya miqdori chegaralanganmi?
👉 28:58 Doktoranturada o‘qishim uchun B3 darajada ham stipendiat bo'lishim mumkinmi?
Kanalga ulanish👇
/channel/uztdi
#savol_javob
Sirtqi taʼlimda oʻqib dars berayotgan pedagoglar ham mukofot puli olishi mumkin
“Men oliy taʼlim dargohlarining birida sirtqi taʼlim asosida oʻqiyman. Shuningdek, maktabda dars ham beraman. Direktorimiz mening ham oʻqib, ham ishlayotganimni sabab qilib mukofot puli bermayapti. Shu qonunan toʻgʻrimi?”
Mazkur savolga Maktabgacha va maktab ta’limi vazirligi Matbuot kotibi javob berdi:
Vazirlar Mahkamasining 2019-yil 30-sentyabrdagi 823-son qarori bilan tasdiqlangan nizomga koʻra umumtaʼlim muassasalarida tashkil etiladigan tegishli ishchi guruh tomonidan direktorlar jamgʻarmasi mablagʻlari hisobidan pedagog, psixolog va kutubxona xodimlarining bazaviy tarif stavkasiga har oylik ustama belgilash, umumtaʼlim muassasalari xodimlarini mukofotlash va ularga moddiy yordam berish belgilangan.
Umumtaʼlim muassasalari xodimlariga mukofot puli mazkur jamgʻarma hisobidan 1-oktyabr “Oʻqituvchi va murabbiylar kuni” munosabati bilan mehnatga haq toʻlashning eng kam miqdorining 50 foizigacha berilishi mumkin. Mazkur nizom talablarida sirtqi taʼlim asosida faoliyat olib borayotgan pedagoglarga mukofot puli belgilanmasligi qayd etilmagan.
Kanalga ulanish👇
/channel/uztdi
Hozirgi kunda MATEMATIKA ustozlari uchun eng muhim va og'riqli bo'lgan mavzulardan biri haqida gaplashamiz!
Bu 👨🎓 GMAT sertifikati! Ammo,
✅ Juda ko'pchilik ustozlarimiz INGLIZ TILIdan yetarli bilimga ega bo'lmaganligi uchun ham bu imtihonni topshirishdan qo'rqib turishadi
Nima uchun ushbu sertifikat hozir aktual deyapman? Keling, agar siz MATEMATIKA fani o'qituvchisi bo'lsangiz nima uchun ushbu sertifikat sizda bo'lishi kerakligi haqida gaplashamiz.
✅ Ushbu sertifikat imtihonida siz maksimal 51 balldan 37 ball va undan yuqori ball to'playdigan bo'lsangiz, 3 yil davomida har oylik oyligingizga qo'shimcha 50% miqdorida ustama olishingiz mumkin bo'ladi
✅ Sizda ushbu sertifikatning borligi, qolgan jamoadoshlaringizdan 1 qadam oldinda ekaningizni bildiradi va sizga chet el adabiyotlaridan masalalar yechish qiyin bo'lmay qoladi
✅ O'quvchilaringizga eskirib ketgan va siyqasi chiqqan masalalarni emas, balki kundan-kunga yangilanib borayotgan masalalarni oson usullari bilan o'rgata olasiz
Agar sizning ham INGLIZ TILIni bilish darajangiz yetarli bo'lmasa, ammo, ushbu sertifikatni 2 oy ichida olishni xoxlasangiz sizni bir necha xalqaro olimpiadalar g'olibi hamda GMAT imtihonida 51 balldan 50 ball olgan Abbosxon Sayliev tomonidan 15-16-17-aprel kunlari bo'lib o'tadigan mutlaqo BEPUL MASTERKLASSga taklif qilamiz.
Ushbu MASTERKLASS orqali siz o'zingizni qiynayotgan barcha savollarga javob topishingiz mumkin ✅
GMAT SIRLARI kanaliga qo'shilish uchun havola: 👉 /channel/+IzzOaiUSYjtlMWFi
P.S. Agar siz ushbu xabarni 3 ta matematika ustozlari bor guruhga yuborib, skrinshotini @easygmat adminiga yuboradigan bo'lsangiz GMAT imtihoniga oid 1-repetitsion TEST savollari sovg'a sifatida tashlab beriladi ✅
Prezident Shavkat Mirziyoyev Guliston shahrida Halima Xudoyberdiyeva nomidagi ijod maktabini borib ko‘rdi
Tashrif chog‘ida Prezident maktabga kiraverishdagi Halima Xudoyberdiyeva haykaliga gul qo‘ydi. Shoira hayoti va ijodiga bag‘ishlangan mo‘jaz muzeyni ko‘zdan kechirdi. O‘quvchilar Halima Xudoyberdiyeva she’rlaridan namunalar o‘qib berdi.
Ijod maktabida umumta’lim fanlari bilan birga, ona tili va adabiyot chuqur o‘rgatiladi. Ayni paytda 7-11-sinflarda 180 nafar iqtidorli yigit-qiz ta’lim olmoqda. Sinflar, kompyuter xonasi, laboratoriya, sport zali va yotoqxona zamonaviy jihozlangan. Maktab kutubxonasida 3 ming 500 dan ziyod badiiy adabiyotlar jamlangan.
Muallim va ziyolilar bilan suhbatda ta’lim sifati, sohadagi islohotlar haqida so‘z bordi.
- Biz birinchi kundan ta’lim sifatini yaxshilashga, muallimlarning maqomi va obro‘sini ko‘tarishga harakat qilyapmiz. Bu haqdagi me’yorlarni Konstitutsiyaga ham muhrlayapmiz. Ko‘ryapsizlar, zamon murakkab bo‘lib ketyapti. Qachon biz bu raqobatga munosib bo‘lamiz? Bilimli bo‘lsak. Shuning uchun ta’lim mazmunini isloh qilib, yoshlarga sharoit yaratyapmiz. Zamonlar o‘tadi, muhit o‘zgaradi. Bugungi poydevor natijasini xalqimiz albatta ko‘radi. Yoshlarimizdan yana ko‘plab Buxoriylar, Beruniylar, Ulug‘beklar chiqadi, - dedi Shavkat Mirziyoyev.
Ijod maktablarini universitetlarga biriktirish, viloyatdagi maktablar bilan aloqasini kengaytirish, iste’dodli yoshlarning kitoblarini chop etish bo‘yicha ko‘rsatmalar berildi.
Kanalga ulanish👇
/channel/uztdi
Taʼlim va fan sohasi tashkilotlaridan chiqadigan rasmiy hujjatlarga apostil qoʻyish bo‘yicha asosiy ma‘lumotlar
Apostil nima? – hujjatni imzolagan shaxsning imzosi haqiqiyligini va hujjatni tasdiqlagan muhr yoki shtamp bosma izi haqiqiyligini tasdiqlaydigan, rasmiy hujjatga chet elda foydalanish uchun qoʻyiladigan maxsus shtamp;
Rasmiy hujjatlarga elektron hamda anʼanaviy tarzda apostil qoʻyish joriy etilgan.
Apostil qoʻyish uchun quyidagi hujjatlar taqdim etiladi:
a) ariza.
b) ariza beruvchining shaxsini tasdiqlaydigan (pasport) hujjatning nusxasi.
v) taʼlim va fan sohasi tashkilotlaridan chiqadigan rasmiy hujjat.
g) apostil qoʻyilganligi uchun bazaviy hisoblash miqdorining 20 foizi miqdorida yigʻim toʻlanganligi toʻgʻrisidagi hujjat.
Ariza beruvchining xohishiga koʻra apostil qoʻyish uchun hujjatlar asl nusxalarda yoki notarial tasdiqlangan nusxalarda topshirilishi mumkin.
Rasmiy hujjatga apostil qoʻyish toʻgʻrisidagi arizani koʻrib chiqish muddati 2 ish kunidan ortiq boʻlmasligi kerak.
Agar imzo namunasini va apostil qoʻyish uchun taqdim etilgan rasmiy hujjatni imzolagan aniq mansabdor shaxsning imzo qoʻyish vakolatlarini tasdiqlash yoki rasmiy hujjat chiqadigan tashkilot muhri bosma izi namunasini talab qilish zarur boʻlgan taqdirda 10 ish kunidan ortiq boʻlmasligi kerak.
Shuningdek, oʻz arizasida maxsus belgi qoʻyilgan taqdirda apostil qoʻyish boʻyicha arizaning koʻrib chiqish natijasini murojaatchiga yetkazish, uning xohishiga koʻra pochta xizmatlari orqali ham amalga oshirilishi mumkin.
Apostil qo‘yish bo‘yicha 3 xil usulda ariza berish mumkin:
1️⃣ Bilimni baholash agentligiga kelib.
2️⃣ Davlat xizmatlari markazlariga borib.
3️⃣ Yagona interaktiv davlat xizmatlari portali (my.gov.uz sayti) orqali onlayn.
Bilim va malakalarni baholash agentligining taʼlim toʻgʻrisidagi hujjatlarga apostil qoʻyishga mas`ul boʻlimi telefon raqami:
☎️+998712344683
Kanalga ulanish👇
/channel/uztdi
TIMSS xalqaro baholash dasturi bo‘yicha test namunalari
Maktabgacha va maktab taʼlimi vazirligi huzuridagi Taʼlim sifatini baholashning xalqaro tadqiqotlar milliy markazi tomonidan 4- va 8-sinf oʻquvchilarining matematika va tabiiy fanlardan savodxonligini baholovchi TIMSS xalqaro baholash dasturi bo‘yicha test namunalari e’lon qilindi.
Ushbu topshiriqlar Ta’lim sohasidagi yutuqlarni baholash xalqaro assotsiatsiyasi (IEA) tomonidan o‘tkaziladigan TIMSS xalqaro tadqiqoti doirasida foydalanilgan materiallar asosida tuzilgan.
Quyida TIMSS test topshiriqlari namunalarini yuklab olishingiz mumkin:
👉 4-sinf o‘quvchilari uchun matematika fanidan
👉 8-sinf o‘quvchilari uchun matematika fanidan
👉 4-sinf o‘quvchilari uchun tabiiy fanlardan
👉 8-sinf o‘quvchilari uchun tabiiy fanlardan
Eslatib o‘tamiz, joriy yilning aprel-may oylarida mamlakatimizdagi 166 ta maktab TIMSS 2023 dasturida ishtirok etadi.
Kanalga ulanish👇
/channel/uztdi
🗓 7-aprel – Butunjahon salomatlik
kuni
1950-yildan beri 7-aprel dunyo hamjamiyati tomonidan Butunjahon salomatlik kuni sifatida nishonlanadi.
Bugun Jahon sog‘liqni saqlash tashkiloti (JSST)ga asos solinganiga 75 yil to‘ldi (1948-yil 7-aprel).
Har yili kun uchun alohida shiorlar tanlanib, turli marafonlar, tadbirlar uyushtiriladi. Bu yil esa "Salomatlik barcha uchun" shiori ostida o‘tkaziladi.
Kanalga ulanish👇
/channel/uztdi
⚡️ Chet tili imtihoni sanalari e’lon qilindi
✅ Chet tilini bilish darajasini aniqlash bo‘yicha aprel oyida bo‘lib o‘tadigan test sinovi sanalari e’lon qilindi.
📆 Unga ko‘ra test sinovining yozma qismi 8-9-mart kunlari, gapirish ko‘nikmasini baholash imtihonlari esa talabgorlar soni ko‘p bo‘lgani uchun 13-14-, 17-21-, 25-29-aprel va 1-5-may kunlari bo‘lib o‘tadi.
📍 Test sinovlari barcha hududlarda, jumladan Qoraqalpog‘iston Respublikasi, viloyatlar va Toshkent shahrida tashkil etiladi.
👨🏻💻 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.
📌 Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat va ruxsatnoma bilan kelishlari so‘raladi.
❕ Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada (12-may kuni) e’lon qilinadi.
Kanalga ulanish👇
/channel/uztdi
