95859
Ta'lim nazorati (yangiliklar, muammolar, tahlillar) Savollar bo‘yicha: @Uztdibot Hamkorlik bo‘yicha: @Uztdihamkorbot
⚡️“Chet tilidan yozish va gapirish ko‘nikmalarini baholash” bo‘yicha malaka oshirish kursi uchun talabgorlarni ro‘yxatga olish boshlandi
Malaka oshirish kursi 36 soatga mo‘ljallangan bo‘lib, 13-20-dekabr kunlari onlayn tarzda bo‘lib o‘tadi.
Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.
Malaka oshirish kursini muvaffaqiyatli (portfolio hamda chet tilini bilishi haqida C1 darajadagi sertifikat talab qilinadi) tamomlagan talabgorlar shartnoma asosida Bilimni baholash agentligiga ekspert sifatida jalb etilishi mumkin.
Malaka oshirish kursida ishtirok etish istagini bildirgan talabgorlar 11-dekabr kuniga qadar my.uzbmb.uz sayti orqali onlayn ro‘yxatdan o‘tishlari mumkin.
☎️ Murojaat uchun telefon: (95) 515-68-68, (95) 507-70-72.
✅Ta’lim nazorati rasmiy kanali
Chirchiq shahrida M.Auezov nomidagi Janubiy Qozogʻiston universitetining filiali tashkil etilishi mumkin
Normativ-huquqiy hujjatlar loyihalari muhokamasi portaliga "M.Auezov nomidagi Janubiy Qozogʻiston universitetining Chirchiq shahridagi filialini tashkil etish toʻgʻrisida”gi Hukumat qarori loyihasi joylashtirildi.
Filialga 2024/2025-oʻquv yili boshlangunga qadar M.Auezov nomidagi Janubiy Qozogʻiston universiteti bilan birgalikda filial professor-oʻqituvchilarining tarkibi yuqori malakali, jumladan, 40 foiz M.Auezov nomidagi Janubiy Qozogʻiston universiteti professor-oʻqituvchilari bilan toʻldirilishini, kutubxona fondini zamonaviy adabiyotlar bilan shakllantirishni taʼminlash vazifasi belgilanganadi.
Loyihaga ko'ra:
➖filialga qabul parametrlari Oliy taʼlim, fan va innovatsiyalar vazirligi bilan kelishilgan hamda manfaatdor vazirliklar va idoralarning mutaxassislarga boʻlgan ehtiyojini inobatga olgan holda, Filialning vasiylik kengashi qaroriga binoan tasdiqlanadi;
➖filialning har yilgi qabul parametrlarining 5 foizdan kam boʻlmagan qismini ijtimoiy himoyaga muhtoj oilalarning qobiliyatli va iqtidorli talaba boʻlgan farzandlari orasidan tanlov asosida abituriyentlarni Filial mablagʻlari hisobidan bepul oʻqishga qabul qilish uchun ajratadi;
➖kadrlarga boʻlgan ehtiyoj asosida bakalavriat taʼlim yoʻnalishlari va magistratura mutaxassisliklari boʻyicha barcha darajadagi mutaxassislarni tayyorlash, qayta tayyorlash va ularning malakasini oshirishni, shu jumladan, ilmiy-pedagogik kadrlar tayyorlashni amalga oshiradi;
➖abituriyentlarni qabul qilish va bitiruvchilarni attestatsiyadan oʻtkazish Filial hamda Oliy taʼlim, fan va innovatsiyalar vazirligi bilan kelishilgan holda Filial tomonidan belgilanadigan talab va tartibga muvofiq amalga oshiriladi;
➖bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan belgilangan namunadagi Universitet diplomi beriladi.
📍Filial taʼlim faoliyatini Toshkent viloyati, Chirchiq shahrida oʻz hisobidan ijara shartnomasi asosida yuritishi belgilanadi.
📩 Qoʻshimcha savollarni Telegram botimiz (@uztdibot)ga yuborishingiz mumkin.
✅Ta’lim nazorati rasmiy kanali
Hurmatli ustozlar!
Xabaringiz bor, joriy yilning 4-dekabr sanasidan diagnostika test jarayonlari boshlanadi.
4-dekabr kuni quyidagi fanlar bo'yicha diagnostika testi o'tkaziladi:
👉 Ona tili va adabiyoti
👉 Qoraqalpoq tili va adabiyoti
👉 Rus tili (o'zbek va qardosh tillardagi sinflarda)
Hurmatli ustozlar, test jarayonlari boshlangunga qadar "Uzluksiz kasbiy ta'lim" elektron platformasidagi (onlinedu.uz) akkauntlaringizni tekshirib qo'yishingizni so‘raymiz!
💻 Platformadan foydalanish bo'yicha videoyo'riqnoma
✅Ta’lim nazorati rasmiy kanali
Fizika va tarix fanlaridan milliy sertifikat imtihoni bo‘lib o‘tdi
🇺🇿 2023-yil 3-dekabr kuni barcha hududlarda fizika va tarix fanlaridan milliy sertifikat imtihoni bo‘lib o‘tdi.
📍 Imtihonlar talabgorlarga qulay bo‘lishi uchun Qoraqalpog‘iston Respublikasi, viloyatlar va Toshkent shahrida tashkil etildi.
✅ Unda jami 4,6 ming nafardan ziyod talabgor ishtirok etdi va 5 nafar talabgor tartib-qoidani buzgani uchun test sinovidan chetlatildi.
📆 Test sinovi natijalari yigirma ish kuni ichida hisoblanib, e’lon qilinadi va eng yuqori ballning kamida 60 foizini to‘plagan talabgorlarga elektron sertifikat beriladi.
✅Ta’lim nazorati rasmiy kanali
🔥Preparatory Courses at Central Asian University
⠀
Take your chance to receive an excellent education and a confident start in university life!
⠀
Apply for admission today on our website and join the CAU family!
⠀
Direct number of the Admissions Department: 71 208-12-34
⠀
___________
⠀
🔥Central Asian Universiteti Tayyorlov kurslari
⠀
A’lo darajadagi bilimlarni va universitet hayotiga ildam qadam qo‘yish imkoniyatini qo‘ldan boy bermang!
⠀
Saytimizda o‘quv kursiga kirish arizasini bugunoq to‘ldiring va CAU oilasiga qo‘shiling!
⠀
Abituriyentlar bilan ishlash bo‘limining to‘g‘ridan-to‘g‘ri raqami: 71 208-12-34
👉 https://www.centralasian.uz/preparatorycourses
⚡️Mustaqil izlanuvchilik(PhD, DSc) uchun chet tili sertifikati talab etilmaydi
Innovatsion rivojlanish agentligi direktorining 2023-yil 28-noyabrdagi (01-03/4248-sonli) xatiga koʻra:
Oliy taʼlimdan keyingi ta ʼlim ixtisosliklari uchun oʻtkaziladigan tanlovlar davlat byudjeti mablagʻlari hisobidan ajratilgan qabul kvotalari doirasidagi taʼlim turlarida (tayanch doktorantura, doktorantura, maqsadli tayanch doktorantura va maqsadli doktorantura) kirish imtihonlari yaʼni tanlovlar oʻtkaziladi. Bunda, filologiya yoʻnalishlari boʻyicha kamida C1 darajadagi, nofilologik yoʻnalishlari boʻyicha esa B2 darajadagi milliy yoki unga mos darajadagi xalqaro sertifikat talab etiladi.
Oliy taʼlimdan keyingi taʼlim institutlarining tanlovlar shakllariga (mustaqil izlanuvchilik) hujjat topshirishda esa talabgorlardan milliy yoki unga mos darajadagi xalqaro sertifikat talab etilmaydi.
✅Ta’lim nazorati rasmiy kanali
Ta’lim muassasalari hududidagi elektr qurilmalarining xavfsizlik talablari hamda texnik holati o'rganilmoqda
Toshkent shahri Mirzo Ulug‘bek tumanidagi 99-maktabning 8-sinf o‘quvchisi muassasa hududida tok urishi natijasida vafot etgani yuzasidan jinoyat ishi qo‘zg‘atildi. Bu haqda Bosh prokuratura matbuot xizmati xabar qildi.
Ta’kidlanishicha, Jinoyat kodeksining 186- va 207-moddalari (xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish hamda mansabga sovuqqonlik bilan qarash) moddalari bilan jinoyat ishi qo‘zg‘atilib, tergovga kirishilgan.
Maktabgacha va maktab ta’limi vazirligi esa tizimdagi mavjud ta’lim muassasalari hududida joylashgan elektr taqsimlovchi punkt, transformatorlar soni, balansda saqlovchisi, ularning xavfsizlik talablari hamda texnik holati bo‘yicha o‘rganish ishlarini olib borayotganini ma’lum qildi.
Qayd etilishicha, vazirlik hududiy bo‘linmalari va tegishli mahalliy tashkilotlar bilan hamkorlikda elektr taqsimlovchi punktlarning barcha zarur xatlov ishlari tashkil etilgan.
✅Ta’lim nazorati rasmiy kanali
⚡️ O‘zbek tili va adabiyot fanidan o‘qish tavsiya etilgan adabiyotlar ro‘yxati
Oliy taʼlim, fan va innovatsiyalar vazirligi huzuridagi Bilimni baholash agentligi tomonidan umumta’lim fanlaridan, jumladan, o‘zbek tili va adabiyot fanidan milliy sertifikat imtihonlari o‘tkazib kelinmoqda.
O‘zbek tili va adabiyot fanidan milliy sertifikat imtihonida ishtirok etish istagini bildirgan talabgorlar test sinoviga puxta tayyorgarlik ko‘rishlari uchun mustaqil o‘qish tavsiya etilgan adabiyotlar ro‘yxati e’lon qilindi.
Unda 40 ta badiiy adabiyot ro‘yxati keltirilgan bo‘lib, ushbu adabiyotlar 2024-yilda o‘tkaziladigan o‘zbek tili va adabiyot fanidan milliy sertifikat imtihonlariga tayyorgarlik ko‘rish uchun tavsiya sifatida taqdim etilgan.
Mustaqil o‘qish uchun tavsiya etilgan badiiy adabiyotlar ro‘yxati bilan yuqoridagi 👆 rasmda tanishish mumkin.
✅Ta’lim nazorati rasmiy kanali
Hali ham tibbiyot xodimi bo‘lishga ishtiyoqingiz balandmi? Unda Med invest'ga keling!
👩💻 Chunki Med invest tibbiyot texnikumida qabul hali yakunlanmadi.
✅ Imkoniyatdan foydalaning, malakali kadr bo'ling!
😉 Texnikumda sizni zamonaviy sharoitlar, qiziqarli darslar va yangi do‘stlaringiz kutib qolishdi.
📚 Biz sifatli ta’lim va yuqori darajadagi amaliyotni kafolatlaymiz.
📌 Aytgancha, boshqa viloyatdan kelganlar uchun yotoqxona mavjud.
☎️ Biz bilan bog‘lanish:
Operator1 |+998339992409
Operator2 |+998501033923
“Education” maslahat markazi — Sizga ishonchli hamkor!
Telegram | Instagram
Malaka toifa berishning yangi tartibi tajriba-sinovdan o‘tkaziladi
Tajriba-sinov jarayonlari 2022-yilgi attestatsiyada nisbatan past ko‘rsatkichlarni qayd etgan tuman va shaharlarda o‘tkazilishi belgilagan.
Umumtaʼlim muassasalarida faoliyat ko‘rsatayotgan pedagoglar uchun toifa berishning yangi tartibi asosida o‘tkaziladigan tajriba-sinov jarayonlari 5-7-dekabr kunlari quyidagi tuman va shaharlarda o‘tkaziladi:
1. Xorazm viloyati – Hazorasp tumani;
2. Buxoro viloyati – Olot tumani;
3. Navoiy viloyati – Konimex tumani;
4. Farg‘ona viloyati – Oltiariq tumani;
5. Namangan viloyati – Yangi Namangan tumani;
6. Toshkent shahri – Yangihayot tumani;
7. Samarqand viloyati – Urgut tumani;
8. Qoraqalpog‘iston Respublikasi – Qorauzak tumani;
9. Andijon viloyati – Andijon shahri va Paxtaobod tumani;
10. Surxondaryo viloyati – Boysun va Sherobod tumanlari;
11. Sirdaryo viloyati – Sayxunobod va Sirdaryo tumanlari;
12. Jizzax viloyati – Baxmal va G‘allaorol tumanlari;
13. Toshkent viloyati – Bo‘ka va Ohangaron tumanlari;
14. Qashqadaryo viloyati – Qamashi va Chiroqchi tumanlari.
Qayd etish joizki, malaka, sinov aprobatsiyasi natijalaridan test topshiriqlari va tajriba jarayonlari tahlili uchun foydalaniladi.
✅Ta’lim nazorati rasmiy kanali
❗️Talabalar uchun qishki ta’til muddati belgilandi
Oliy taʼlim, fan va innovatsiyalar vazirligining buyrugʻiga koʻra, barcha oliy, o‘rta maxsus va professional ta’lim (davlat, nodavlat, xorijiy) muassasalarida qishki ta’til 2023-yilning 25-dekabridan boshlanib, 2024-yilning 7-yanvariga qadar davom etadi.
Darslar 8-yanvar, dushanbadan boshlanadi.
✅Ta’lim nazorati rasmiy kanali
"Konstitutsiya-bosh qomusimiz" onlayn olimpiadasi
O‘zbekiston Respublikasi Konstitutsiyasi kuni munosabati bilan Davlat va huquq asoslari fanidan "Konstitutsiya-bosh qomusimiz" nomli onlayn olimpiada tashkil etilmoqda.
Olimpiadada 8-9-10-11-sinf o‘quvchilari ishtirok etishi mumkin.
8-sinf o‘quvchilari uchun - 4️⃣-dekabr;
9-sinf o‘quvchilari uchun - 5️⃣-dekabr;
10-sinf o‘quvchilari uchun - 6️⃣-dekabr;
11-sinf o‘quvchilari uchun - 7️⃣-dekabr kunlari soat 10:00 dan 19:00 ga qadar oo.uzedu.uz tizimiga kirib ushbu onlayn olimpiadada ishtirok etishlari mumkin. 20 ta test topshirig‘ini bajarish uchun 1 soat vaqt beriladi.
📥Olimpiada natijalari va QR-kodli ishtirokchi sertifikatlarini o‘quvchilar soat 22:00 dan keyin tizimda ko‘rishlari va yuklab olishlari mumkin bo'ladi.
Onlayn olimpiadalarda ishtirok etish uchun ro'yxatdan o'tish shart! https://oo.uzedu.uz/Account/SignIn
Ushbu onlayn olimpiadada reyting shakllantirilmaydi.
‼️Onlayn olimpiadalarda ishtirok etish mutlaqo bepul.
✅Ta’lim nazorati rasmiy kanali
⚡️ DXX akademiyasiga nomzodlarni saralash test sinovi natijalari e’lon qilindi
✅ 2023-yil 18-noyabr kuni o‘tkazilgan Amir Temur nomidagi O‘zbekiston Respublikasi Davlat xavfsizlik xizmati akademiyasiga nomzodlarni saralash test sinovi natijalari e’lon qilindi.
👨🏻💻 Test sinovida ishtirok etgan nomzodlar o‘z natijalarini my.uzbmb.uz saytining “Davlat xavfsizlik xizmati akademiyasi” bo‘limidan bilishlari mumkin.
📌 Vazirlar Mahkamasining 2021-yil 27-apreldagi 241-son qarori bilan tasdiqlangan nizomga muvofiq eng yuqori ballning kamida 30 % ini to‘plagan nomzodlar saralab olish tadbirlarining keyingi bosqichlarida qatnashish huquqiga ega bo‘ladi.
▶️ Ya’ni, test sinovi natijalariga ko‘ra 74,7 va undan yuqori ball to‘plagan nomzodlar saralashning keyingi bosqichlarida ishtirok etishlari mumkin.
✅Ta’lim nazorati rasmiy kanali
⚡️ Chet tili imtihoni sanalari e’lon qilindi
✅ Chet tilini bilish darajasini aniqlash bo‘yicha noyabr oyida bo‘lib o‘tadigan test sinovi sanalari e’lon qilindi.
📆 Unga ko‘ra test sinovining yozma qismi 25-26-noyabr kunlari, gapirish ko‘nikmasini baholash imtihonlari esa 27-30-noyabr va 1-, 4-7-dekabr kunlari bo‘lib o‘tadi.
👨🏻💻 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.
❕ Talabgorlardan test sinovi o‘tkaziladigan hududga belgilangan vaqtdan kamida bir soat oldin pasport yoki ID-karta bilan kelishlari so‘raladi.
Izoh: Test sinovi natijalari imtihonlar yakunlangandan so‘ng bir haftada e’lon qilinadi.
✅Ta’lim nazorati rasmiy kanali
Oliy taʼlim, fan va innovatsiyalar vazirligi hokim oʻrinbosari obuna rejasini bajarmagan kollej direktorini kaltaklagan holatni keskin qoralaydi va majuriy obunaga mutlaqo qarshi
Kun.uz saytida eʼlon qilingan maqolada Bogʻdod tumani pedagogika kolleji zimmasiga yuklangan 2024-yilgi gazeta va jurnallar obuna rejasini bajarolmagan muassasa direktori tuman hokimining oʻrinbosari tomonidan kaltaklangani aytilgan. Voqea 14-noyabr kuni Fargʻona viloyati Bogʻdod tumani hokimligi yigʻilishida roʻy bergan.
Oliy taʼlim, fan va innovatsiyalar vazirligi professional taʼlim tizimiga masʼul sifatida holatni tashvishli deb baholaydi va keskin qoralaydi. Vazirlik hokim oʻrinbosarining xatti-harakatiga huquqiy baho berilishi va bu kabi holatlar qayta takrorlanmasligi uchun zarur choralar koʻrilishi kerak deb hisoblaydi.
Shuningdek, vazirlik gazeta va jurnallarga majburiy obuna tashkil etilishiga mutlaqo qarshi boʻlib, bunday holatlarga qarshi kurash, oldini olish maqsadida oliy va professional taʼlim muassasalari, professor-oʻqituvchilar, oʻquvchi-talabalar hamda boshqa xodimlar oʻrtasida doimiy tushuntirish ishlari olib borilishini maʼlum qiladi.
Agar taʼlim muassasalarida gazeta-jurnallarga majburiy obuna holatlari aniqlansa, qonun doirasida zarur choralar koʻrilishi haqida ham ogohlantirilgan.
Taʼlim muassasalari oʻz imkoniyatlaridan kelib chiqib, muassasaga mazkur maqsadlar uchun ajratilgan mablagʻlar doirasida istagan va zarur deb hisoblagan bosma nashrlarga ixtiyoriy ravishda obuna boʻlishlari mumkin. Bunda professor-oʻqituvchilar, xodimlar va oʻquvchi-talabalarni majburiy obuna qildirish qatʼiy taqiqlanadi.
Hozirda yuqoridagi holat yuzasidan tuman prokuraturasi tergovga qadar surishtiruv ishlarini olib bormoqda.
✅Ta’lim nazorati rasmiy kanali
⚡️Quyidagi pedagog xodimlar diagnostika testlarida ishtirok etmaydi
✅ Xabaringiz bor, Maktabgacha va maktab ta'limi vazirining tegishli buyrug'i bilan o‘qituvchilar 4–15-dekabr kunlari o‘zlari dars beradigan asosiy fan bo‘yicha test topshirishadi.
❕Maktabgacha va maktab ta'limi vazirining 2023-yil 14-noyabrdagi 540-sonli buyrug'iga muvofiq tashkil etiladigan diagnostika testlarida quyidagi toifadagi pedagog xodimlar ishtirok etmaydi:
➖Maktab direktori;
➖Direktorning ma'naviy-ma'rifiy ishlar bo'yicha o'rinbosari;
➖Direktorning o'quv-ishlari bo'yicha o'rinbosari;
➖Shuningdek, boshqa toifadagi rahbar xodimlar;
➖Maktabda dars berayotgan talabalar;
➖Jismoniy tarbiya fani o‘qituvchilari
➖Tojik, Qozoq, Qirg'iz, va Turkman tili va adabiyoti fani o'qituvchilari.
❗️CHQBT rahbarlari – Chaqiruvga qadar boshlang‘ich tayyorgarlik fani o‘qituvchisi sifatida ushbu diagnostika testida ishtirok etadi. Shuningdek, maktab amaliyotchi psixologlari ham ushbu testga jalb etiladi.
Maktabning rahbar xodimlari (direktor, direktor o‘rinbosarlari va boshqalar ...) agarda o‘zlarining mutaxassislik fani bo‘yicha dars soatlari mavjud bo‘lganda ular ham amalda dars o‘tadigan fanlari bo‘yicha diagnostikadan o‘tishlari kerak.
📞 Diagnostika jarayonlari haqida qo'shimcha ma'lumot olish uchun 55-508-0667 (1) call-markaziga murojaat qilishingiz mumkin.
➖ Shuningdek, hududlar kesimida ham Diagnostika bo'yicha savollar uchun mas’ullar biriktirilgan.
@oylikhisoblaydigan_bot – oylik hisoblash uchun bot
✅Ta’lim nazorati rasmiy kanali
Hurmatli ustozlar!
☎️ Diagnostika testi bo'yicha call-markazi ishga tushirildi
Maktab o‘qituvchilarining malaka oshirishga bo‘lgan ehtiyojlarini aniqlash maqsadida o‘tkazilayotgan Diagnostika testlari bo‘yicha yuzaga kelishi mumkin bo‘lgan savollarga tezkor javob berish maqsadida, A.Avloniy nomidagi milliy-tadqiqot institutining yagona call-markazi ishga tushirildi.
Savollaringiz bo'lsa, 55-508-0667 telefon raqamiga murojaat qiling va Diagnostika murojjatlari bo‘yicha 1 (bir) raqamini tanlang.
✅Shuningdek, hududlar kesimida ham Diagnostika bo'yicha savollarga javob beriladigan telefonlariga mas’ullar biriktirildi.
Quyida hududlar kesimida bog‘lanish uchun telefonlar:
1.Toshkent shahri — (99)181 80 98
2. Navoiy viloyati — (94)680 94 49
3. Andijon viloyati — (99) 647 15 04
4. Buxoro viloyati — (95) 083 30 33
5. Jizzax viloyati — (99) 077 54 34
6. Qashqadaryo viloyati — (95)727 55 58
7. Namangan viloyati — (93) 705 13 19
8.Samarqand viloyati — (99) 629 68 06
9.Surxondaryo viloyati — (90) 372 65 80
10.Sirdaryo viloyati — (90) 000 80 78
11.Toshkent viloyati — (93) 973 08 19
12. Farg‘ona viloyati — (95) 414 55 58
13. Xorazm viloyati — (90) 808 84 87
14. Qoraqalpog‘iston Respublikasi — (97)357 79 76
✅Ta’lim nazorati rasmiy kanali
#YÕRIQNOMA
Diagnostika testiga ilk tayyorgarlik: “Uzluksiz kasbiy ta’lim” elektron platformasidan roʻyxatdan oʻtish boʻyicha YOʻRIQNOMA
➡️ Xabaringiz bor, joriy yilning 4-15 dekabr kunlari oʻtkaziladigan diagnostika jarayonlari “Uzluksiz kasbiy ta’lim” elektron platformasi orqali onlayn ravishda tashkil etiladi.
Unda o‘qituvchilar o‘zlarining ish joylarida va qulay sharoitlarda testlarni topshirishlari mumkin.
💻📲Testlarni barcha gadjetlar, ya’ni, kompyuter, telefon, planshet, noutbuklar yordamida topshirish imkoniyatlari yaratilgan.
Maktab o‘qituvchilarining malaka oshirishga bo‘lgan ehtiyojlarini diagnostikadan o‘tkazishdan asosiy maqsad, o‘qituvchilarning kasbiy bilim va ko‘nikmalarga bo‘lgan ehtiyojlarini aniqlash orqali malaka oshirish kurslarini tashkil etishdir.
“Uzluksiz kasbiy ta’lim” maxsus elektron platformasidan ro‘yxatdan o‘tish bo‘yicha
📜YO‘RIQNOMA matn shaklda
✅ Eslatib o'tamiz, platformadan ro'yxatdan o'tgan pedagoglar to'g'ridan-to'g'ri diagnostika testlarida qatnashishlari mumkin.
✅Ta’lim nazorati rasmiy kanali
Malaka toifasi berishning yangi tartibi tajriba-sinovdan o‘tkaziladigan manzillar ro‘yxati
Avval xabar berganimizdek, joriy yilning 5-7-dekabr kunlari Respublikamizning 20 ta tuman (shahar)larida pedagoglarga malaka toifasi berishning yangi tartibi tajriba-sinovdan o‘tkaziladi.
👉 Qoraqalpog‘iston Respublikasi
6-dekabr kuni Qorauzak tumanidagi 26-maktab
📍Qora‘zak tumani, Yesim MFY, Bereket ko‘chasi, 1-uy
👉 Qashqadaryo viloyati
6-7-dekabr kunlari Pedagoglarni yangi metodikalarga o‘rgatish hududiy markazi
📍Qarshi shahar Olimlar ko‘chasi 2-uy
👉 Buxoro viloyati
6-dekabr kuni Pedagoglarni yangi metodikalarga o‘rgatish hududiy markazi
📍Buxoro shahar Piridastgir ko‘chasi 15-uy
👉 Navoiy viloyati
6-dekabr kuni Navoiy shahridagi 8-umumta’lim maktabi
📍 Navoiy shahri G‘alaba shohko‘chasi 129-uy
👉 Jizzax viloyati
6-7-dekabr kunlari Jizzax shahridagi 8-umumta’lim maktabi
📍Jizzax shahri Uchariq mahallasi O‘zbekiston ko‘chasi 48-uy
👉 Andijon viloyati
6-7 -dekabr kunlari Pedagoglarni yangi metodikalarga o‘rgatish hududiy markazi
📍 Andijon shahri Istiqlol ko‘chasi 8-uy
👉 Namangan viloyati
6-dekabr kuni Yangi Namangan tumanidagi 86-umumta’lim maktabi
📍Yangi Namangan tumani, Yoshlik MFY, 2-Tabarruk ko‘chasi 10-uy
👉 Surxondaryo viloyati
6-7-dekabr kunlari Termiz shahridagi 26-umumta’lim maktabi
📍 Termiz shahri Farovon massivi
👉 Samarqand viloyati
6-7 dekabr kunlari Urgut tumanidagi 154-umumta’lim maktabi
📍Urgut tumani Mergancha massivi Mergancha MFY
👉 Sirdaryo viloyati
6-7 dekabr kunlari Sayxunobod tumanidagi Ixtisoslashtirilgan maktab 📍 Sayxunobod tumani, Shodlik mahallasi Ravonlik ko‘chasi 249-uy
👉 Xorazm viloyati
6-7-dekabr kunlari IT PARK Xorazm viloyati filiali
📍Urganch shahar, Tinchlik ko'chasi, 6a uy
* Manzillar ro‘yxati to‘ldirilmoqda
✅Ta’lim nazorati rasmiy kanali
Diagnostika oylik maosh, toifa yoki mehnat faoliyatga ta’sir ko‘rsatmaydi
Abdulla Avloniy nomidagi milliy-tadqiqot instituti rektori Abduvali Ismailov Matbuot anjumanida maktab o‘qituvchilarining malaka oshirishga bo‘lgan ehtiyojlarini diagnostikadan o‘tkazish jarayonlari haqida ma`lumot berdi:
✅ Ta'kidlash joiz, diagnostika natijalari o‘qituvchilar uchun hech qanday moliyaviy va huquqiy oqibatlarni keltirib chiqarmaydi. Ularning oylik maoshlari, toifalari yoki mehnat faoliyatlariga ta’sir ko‘rsatmaydi.
Mazkur test jarayonlari malaka oshirish kurslari samaradorligini oshirishga yo‘naltirilgan ilmiy-tadqiqot maqsadida o‘tkazilayotganini ta’kidlash mumkin bo‘ladi.
Diagnostika natijalari e’lon qilinmaydi va faqat ehtiyojlarga asoslangan holda malaka oshirishni tashkil etish maqsadida foydalaniladi.
Ta’kidlash lozim, 2023-yilning 4-15-dekabr kunlari maktablarda faoliyat ko‘rsatayotgan barcha o‘qituvchilarning bilim va ko‘nikmalari onlayn diagnostikadan o‘tkazilishi haqida avval xabar bergan edik.
✅Ta’lim nazorati rasmiy kanali
⚡️ Nostrifikatsiya bo‘yicha navbatdagi test sinovlari 4-5-dekabr kunlari o‘tkaziladi
📆 2023-yil 4-5-dekabr kunlari xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha navbatdagi test sinovlari bo‘lib o‘tadi.
✍️ Test sinovida ishtirok etishi belgilangan talabgorlar ro‘yxati, test topshiriladigan fanlar va test topshirish hududi bilan yuqoridagi pdf faylda tanishish mumkin (my.gov.uz sayti yoki Davlat xizmatlari markazlari orqali ro‘yxatdan o‘tishda topshirgan ariza raqami orqali).
✅ Test sinovlari talabgorlarga qulay bo‘lishi uchun ularning doimiy yashash hududiga yaqin bo‘lgan respublikaning 4 ta hududida tashkil etiladi.
📍 Test sinovi o‘tkaziladigan joylar: https://telegra.ph/Nostrifikatsiya-12-01
❗️ Talabgorlar imtihon o‘tkaziladigan binoga belgilangan vaqtdan kechikmagan holda shaxsini tasdiqlovchi hujjat (pasport yoki ID-karta) bilan kelishlari lozim.
✅Ta’lim nazorati rasmiy kanali
⚡️ Fizika va tarix fanlaridan milliy sertifikat imtihoni uchun ruxsatnoma berish boshlandi
📆 2023-yil 3-dekabr (yakshanba) kuni bo‘lib o‘tadigan fizika va tarix fanlaridan milliy sertifikat imtihoni uchun ruxsatnomalarni berish boshlandi.
📱 Test sinovida ishtirok etadigan talabgorlar ruxsatnomani my.uzbmb.uz saytining “Milliy sertifikat” bo‘limidan olishlari mumkin.
📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.
✅ Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 08:30 dan boshlab (test sinovi 10:00 da) kiritiladi.
❗️ Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.
✅Ta’lim nazorati rasmiy kanali
Maktab o‘qituvchilarining bilim va ko‘nikmalari onlayn diagnostikadan o‘tkaziladi
2023-yilning 4-15-dekabr kunlari maktablarda faoliyat ko‘rsatayotgan barcha o‘qituvchilarning bilim va ko‘nikmalari onlayn diagnostikadan o‘tkaziladi.
Bunda o‘qituvchilar o‘zlariga qulay joy va belgilangan vaqtda diagnostikaga doir topshiriqlarni onlinedu.uz platformasi orqali bajarishlari mumkin bo'ladi.
Diagnostikada pedagog kadrlarning mutaxassislik fani va kasb standarti bo‘yicha bilim darajasi hamda pedagogik mahorati test topshiriqlari asosida sinovdan o‘tkaziladi.
Diagnostika natijalariga ko‘ra, o‘qituvchilarning kasbiy bilim va ko‘nikmalarga bo‘lgan ehtiyojlari aniqlanadi. O‘qituvchilar tabaqalashgan taʼlim dasturlari asosida kasbiy ehtiyojiga mos malaka oshirish kurslariga jalb etiladi.
Tabaqalashgan taʼlim dasturlarida malaka oshirish kurslarining mazmuni o‘qituvchilarning metodik tayyorgarligini rivojlantirishga yo‘naltiriladi.
2024-yildan boshlab, yuqori natija ko‘rsatgan o‘qituvchilar onlayn (masofaviy) taʼlim shaklidagi malaka oshirish kurslariga jalb etiladi, past natija ko‘rsatgan o‘qituvchilar offlayn (anʼanaviy) shakldagi malaka oshirish kurslariga yuboriladi.
Qayd etish joizki, diagnostika jarayonlari kasbiy ehtiyojlarni aniqlashga qaratilgan bo‘lib, uning natijalari o‘qituvchilarning mehnat faoliyatiga hech qanday huquqiy va moliyaviy taʼsir ko‘rsatmaydi.
Quyida fanlar kesimida o‘qituvchilarning diagnostikadan o‘tish reja-jadvali bilan tanishishingiz mumkin.
✅Ta’lim nazorati rasmiy kanali
⚡️Davron Vaxabovga “Faxriy professor” unvoni berildi
Dual ta’limni rivojlantirish maqsadida tashkil etilgan Xalqaro anjumanda to’qimachilik, yengil sanoat va ta’lim sohalarini rivojlantirish yo’lida qilgan beminnat mehnatlari va qo’shgan ulkan hissasi uchun Toshkent to’qimachilik va yengil sanoat instituti rektori – Davron Vaxabovga G.V.Plexanov nomidagi Rossiya Iqtisodiyot Universiteti tomonidan “Faxriy professor” unvoni berildi.
D.Vaxabov o’z unvonini G.V.Plexanov nomidagi Rossiya Iqtisodiyot Universiteti direktori, akademik – Qalandar Xadjayev qo’lidan qabul qilib oldi.
🖼 “Hurmatli Davron Abdujalalovich, Sizni O‘zbekiston Savdo-sanoat palatasi butun jamoasi nomidan ushbu yuksak unvon bilan chin dildan muborakbod etamiz. Ilm yo’lidagi izlanishlaringiz bardavom bo’lsin! “- deyiladi Savdo-sanoat palatasi xabarida.
🕊Telegram 📱Instagram 📱Facebook 📺Youtube
Prezident farmoniga asosan, quyidagi imtihonlar Internet tarmog‘ida to‘g‘ridan-to‘g‘ri uzatiladi:
➖ falsafa doktori (PhD) va fan doktori (DSc) ilmiy darajasini olish uchun ilmiy kengash tomonidan o‘tkaziladigan dissertatsiya himoyasi (yopiq ilmiy ishlar bundan mustasno);
➖o‘rta-maxsus va professional ta’lim muassasalarining, (shu jumladan, “Temurbeklar maktablari” harbiy-akademik litseylarining) test sinovlari hamda Prezident, ijod va ixtisoslashtirilgan maktablarga kirish imtihonlari;
➖oliy ta’lim muassasalari bazasidagi harbiy ta’lim fakultetlariga (harbiy kafedra) qabul qilishdagi saralash tanlovlarining quyidagi bosqichlari:
➖umumjismoniy tayyorgarlikni baholash;
➖chaqiriqqacha boshlang‘ich tayyorgarlik dasturi bo‘yicha bilim darajasini baholash.
✅Ta’lim nazorati rasmiy kanali
Raqamli texnologiyalar vaziri Sherzod Shermatov ingliz tilini o‘rganishda so‘zlashish (Speaking) ko‘nikmasini yaxshilash uchun ChatGPT ilovasining bepul versiyasidan foydalanishni maslahat berdi.
"ChatGPTni xabarlar yuborish bo‘yicha foydalanish vaqtida cheklovlari bor.
Cheklovga uchragan vaqtda, to‘xtab, boshqa foydali ish bilan shug‘ullanib, bir necha soatdan keyin qaytadan foydalansa bo‘ladi.
Ba’zan serverlari ham katta yuklamaga uchragan vaqtda ulanishida muammo bo‘lishi mumkin.
Shunga AQSH va Yevropada ish vaqti bo‘lmagan vaqtda foydalangan ma’qul."– deydi vazir.
🛒 ChatGPT Google Play'da: https://play.google.com/store/apps/details?id=com.openai.chatgpt
🛒 ChatGPT AppStore'da: https://apps.apple.com/us/app/chatgpt/id6448311069
✅Ta’lim nazorati rasmiy kanali
❔ O‘qishingizni ko‘chirish (Перевод) uchun yaxshi universitet qidiryapsizmi?
Education maslahat markazi Sizga bu borada yordam beradi!
O’qishni ko’chirish (Перевод):
➡️ davlat oliy ta’lim muassasalari;
➡️ nodavlat oliy ta’lim muassasalari;
➡️ qo’shma ta’lim dasturlaridan;
➡️ xorijiy, xususan, MDH davlatlari oliy taʼlim muassasalaridan mumkin.
Bunda Siz quyidagi sifatlarga ega oliygohda o‘qish imkoniga ega bo‘lasiz:
➖ Hech qanday to‘lovlarsiz;
➖ Toshkent shahrida joylashgan;
➖ Davlat litsenziyasiga ega;
➖ Toshkentdagi eng arzon kontrakt — 9 mln so‘m;
➖ Namunadagi diplom.
☎️ Yanada batafsil ma’lumotga ega bo‘lish uchun hoziroq Biz bilan bog‘laning:
Operator1 |+998339992409
Operator2 |+998501033923
Operator3 |+998501033913
Operator4 |+998501083933
✅Ta’lim nazorati rasmiy kanali
Xorijiy va nodavlat OTMdan o‘qishni davlat universitetiga faqat yozda ko‘chirish mumkin
Nodavlat yoki xorijiy oliy taʼlim tashkilotlaridan mamlakatimiz davlat OTMga oʻqishni koʻchirish amaldagi tartibga muvofiq, faqat iyul-avgust oylarida tashkil etiladi.
Qishki davrda esa faqat davlat OTMlari uchun 2 ta uzrli sababga koʻra oʻqishni koʻchirishga ruxsat beriladi:
➖talaba oila qurishi munosabati bilan turmush oʻrtogʻi doimiy yashaydigan hududdagi oliy taʼlim muassasasiga oʻqishini koʻchirish uchun;
➖ davlat organlarining xodimlari ish joyi oʻzgargan taqdirda uning turmush oʻrtogʻi yoki voyaga yetmagan farzandi oʻqishini koʻchirish uchun (tegishli vazirlik (idora) rahbarining tavsiyasi asosida).
Uzrli sabablarga koʻra oʻqishni koʻchirish toʻgʻrisidagi arizalar 20-dekabrdan 20-yanvar kuniga qadar hududiy Ishchi guruhlar tomonidan qabul qilinadi.
✅Ta’lim nazorati rasmiy kanali
⚡️ O‘zbek tili va adabiyot fanidan milliy sertifikat natijalari e’lon qilindi
📣 2023-yil 29-oktabr kuni o‘tkazilgan o‘zbek tili va adabiyot fani bo‘yicha milliy sertifikat imtihoni natijalari e’lon qilindi.
👨🏻💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.
📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.
✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:
🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;
🔹 86 foiz va undan yuqori — maksimal ball.
❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.
✅Ta’lim nazorati rasmiy kanali
⚡️Yo'llar bo'yida joylashgan maktablar oldida qoidabuzarliklarni aniqlovchi maxsus foto-video qayd etish vositalari o'rnatiladi
Prezidentning “Avtomobil yo'llarida inson xavfsizligini ishonchli ta'minlash va o'lim holatlarini keskin kamaytirish chora-tadbirlari to'g'risida”gi PQ–190-son qaroriga kiritilgan o'zgartirishga ko'ra, yo'llar bo'yida joylashgan maktablar oldida, kamida to'rt tasmali yo'llardagi piyodalar o'tish joylarida hamda yo'l-transport hodisalar o'choqlarida belgilangan tezlikni oshirish, piyodalarni o'tkazmaslik va fuqarolarning yo'lni belgilanmagan joydan kesib o'tishi kabi qoidabuzarliklarni aniqlovchi maxsus foto-video qayd etish vositalari o'rnatiladi.
Eslatib o'tamiz, “Yoʻl harakati qoidalari”ga Oʻzbekistonda maktablar va maktabgacha taʼlim muassasalari atrofidagi yoʻllarda transport vositalarining tezligi 30 km/soatdan oshmasligi kerak.
✅Ta’lim nazorati rasmiy kanali