95859
Ta'lim nazorati (yangiliklar, muammolar, tahlillar) Savollar bo‘yicha: @Uztdibot Hamkorlik bo‘yicha: @Uztdihamkorbot
⚡️ Chet tili imtihoni natijalari e’lon qilindi
✅ 2023-yil 25-noyabrdan 7-dekabrga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.
👨🏻💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.
Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.
❕ Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (15-17-dekabr) my.gov.uz sayti orqali apellatsiya shikoyati berishlari mumkin.
👉 @Oylikhisoblaydigan_bot
✅Ta’lim nazorati rasmiy kanali
⚡️ Chet tili imtihoni sanalari e’lon qilindi
✅ Chet tilini bilish darajasini aniqlash bo‘yicha dekabr oyida bo‘lib o‘tadigan test sinovi sanalari e’lon qilindi.
📆 Unga ko‘ra test sinovining yozma qismi 16-17-dekabr kunlari, gapirish ko‘nikmasini baholash imtihonlari esa 18-23-, 25-29-dekabr kunlari bo‘lib o‘tadi.
👨🏻💻 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.
🗓 Talabgorlardan test sinovi o‘tkaziladigan hududga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.
Test sinovi o‘tkaziladigan joylar va ularning joylashuvi (geolokatsiya): https://telegra.ph/Chet-tili-12-13
❕ Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada e’lon qilinadi.
✅Ta’lim nazorati rasmiy kanali
⚡️13-dekabr kuni reja-grafik bo‘yicha boshlang‘ich ta’lim o‘qituvchilari uchun diagnostika testi o‘tkaziladi
Boshlang‘ich ta’lim o‘qituvchilari uchun hududlar bo‘yicha diagnostika testlari quyidagi vaqtlarda o‘tkaziladi:
Qoraqalpog‘iston Respublikasi va Toshkent shahri — 9:00-10:00 ga qadar;
Andijon viloyati — 10:00-12:00 ga qadar;
Buxoro viloyati — 12:00-13:00 ga qadar;
Jizzax viloyati — 13:00-14:00 ga qadar;
Qashqadaryo viloyati — 14:00-17:00 ga qadar;
Navoiy va Sirdaryo viloyatlari — 17:00-18:00 ga qadar;
Namangan, Samarqand, Surxondaryo, Toshkent, Farg‘ona va Xorazm viloyatlarida 14 dekabr kuni o‘tkaziladi.
👉 Diagnostika testlarida ishtirok etmaydigan pedagog xodimlar toifasi
👉 Diagnostika testi bo'yicha call-markazi raqamlari
✅Ta’lim nazorati rasmiy kanali
👩🏻🎓 Talaba bo‘lishga hech qachon kech emas!
Fursatni boy bermay, harakatni boshlang!
➖ Ortiqcha to‘lovlarsiz;
➖ Toshkent shahrida joylashgan;
➖ Davlat litsenziyasiga ega;
➖ Toshkentdagi eng arzon kontrakt — 9 mln so‘m;
➖ Davlat universitetlari diplomi namunasidagi diplom.
Ta’lim yo‘nalishlari:
✅ Buxgalteriya hisobi va moliya
✅ Axborot tizimlari va texnologiyalari
✅ Iqtisodiyot
✅ Maktabgacha ta’lim
✅ Pedagogika va psixologiya
✅ Tarix
✅ Soliqlar va soliqqa tortish
✅ Moliya va moliyaviy texnologiyalar
✅ Bank ishi va auditi
✅ Menejment
✅ Turizm
Sirtqi ta’lim va o‘qishni ko‘chirish ham mavjud.
☎️ +998501033913
☎️ +998501083933
☎️ +998339992409
☎️ +998501033923
✅Ta’lim nazorati rasmiy kanali
⚡️Talabalar uchun poyezdlarga chegirmalar eʼlon qilindi
Respublika Oliy taʼlim muassasalarida tahsil olayotgan talabalarga qishki taʼtil mobaynida mahalliy yoʻnalishdagi qatnovlar uchun “Oʻztemiryoʻlchi” AJ tomonidan poyezd qatnovlariga chegirmalar eʼlon qilindi.
2023-yilning 25-dekabridan 2024-yilning 7-yanvariga qadar davom etadigan ushbu chegirmalar oʻrnatilgan tartibda barcha mahalliy yoʻnalishdagi yoʻlovchi poyezdlarning temir yoʻl hujjatining toʻliq qiymatidan 50 foiz miqdorida amal qiladi.
Chiptalarni sotib olish uchun pasportingiz bilan temir yo‘l kassalariga tashrif buyurishingiz yoki elektron tarzda chipta xarid qilishda eticket.railway.uz saytidan foydalanishingiz mumkin!
Chegirmalar SV /VIP klass vagonlari va yuqori tezlikda harakatlanuvchi “Afrosiyob” elektropoyezdlariga nisbatan qoʻllanilmaydi.
✅Ta’lim nazorati rasmiy kanali
#qonunchilik_yangiliklari
Texnikumlarda kredit-modul tizimi bosqichma-bosqich joriy etiladi
Hukumat qarori (648-son, 07.12.2023-y.) bilan texnikumlarda kredit-modul tizimida o‘quv jarayonini tashkil etish tartibi to‘g‘risidagi nizom tasdiqlandi
Nizomga ko‘ra texnikumlarda kredit-modul tizimida o‘quv jarayoni kredit to‘plash va ko‘chirishning Yevropa modeliga (European Credit Transfer and Accumulation System – ECTS) muvofiq tashkil qilinadi.
Kredit-modul tizimi joriy etiladigan ta’lim dasturlari Oliy ta’lim, fan va innovatsiyalar vazirligi tomonidan belgilanadi.
O‘quv yili davomiyligi ta’lim dasturi asosida belgilanadi. Akademik davr davomida o‘quvchi tomonidan to‘planishi lozim bo‘lgan kreditlar miqdori o‘quv rejasida ko‘rsatilgan majburiy va tanlov fanlarni o‘z ichiga oladi.
O‘quvchi bir o‘quv yilida kamida 60 kredit to‘plashi zarur. Texnikumlarda o‘quv yuklamasining hajmi o‘quv rejasi asosida belgilanadi.
Kredit-modul tizimida 1 kredit o‘rtacha 25-30 akademik soat hisobidagi o‘quv yuklamasiga teng qilib olinadi.
Bunda o‘quvchi muayyan fandan tegishli kreditlarni to‘plashi uchun belgilab olingan miqdordagi o‘quv yuklamasini o‘zlashtirishi zarur.
O‘quv yuklamasi auditoriya soati va mustaqil ta’lim soatiga bo‘linadi. Ta’lim dasturi o‘quv yili uchun o‘quvchi tomonidan qoida tariqasida, bir semestrda 30 kredit, bir o‘quv yilida 60 kredit to‘plashi inobatga olinib ishlab chiqiladi.
✅Ta’lim nazorati rasmiy kanali
⚡️ Bugun ro‘yxatdan o‘tishning soʻnggi kuni
✅ 2023-yil 4-dekabr kuni matematika hamda rus tili va adabiyot fanlaridan milliy sertifikat imtihoni uchun talabgorlarni ro‘yxatga olish boshlangan edi.
📱 Ro‘yxatga olish my.uzbmb.uz saytining “Milliy sertifikat” bo‘limi orqali amalga oshirilmoqda va 10-dekabr (to‘lov qilish 11-dekabr) ga qadar davom etadi.
❗️ Shu sababli test sinovida ishtirok etish istagini bildirgan talabgorlar uchun bugun roʻyxatdan oʻtishning soʻnggi kuni ekanligini eslatib o‘tamiz.
📆 Ro‘yxatdan o‘tgan talabgorlar uchun test sinovlari 2023-yil 24-dekabr (yakshanba) kuni barcha hududlarda bo‘lib o‘tadi.
✅Ta’lim nazorati rasmiy kanali
AQShga ketishning 101 yoʻli haqida yagona kitob!
❔ Nega odamlar AQShga ketishni istaydi?
❔ Kimlar vizasiz ham keta oladi?
❔ Timsohlarga yem boʻlmasdan, xavfsiz va qonuniy yoʻllar bilan ketishni xohlaysizmi?
Yuqoridagi savollarning barchasiga ushbu kitobda javob bor:
“Amerika orzusi yoki AQShga viza turlari” kitobida:
➖ viza turlari, talablari, kuchli tomonlari, viza berish yoki rad etilishi tartibi, rasmiylashtirish uchun ketadigan vaqt va boshqa toʻliq maʼlumotlar berib oʻtilgan.
“Amerikaga faqat grin-kard orqali ketish mumkin” degan tasavvurlaringizni parchalab tashlaydigan va AQShga ketishning 101 yoʻli haqidagi tavsiyalar qo‘llanma.
Kitobni Uzum ilovasi orqali xohlagan viloyatingizda xarid qilishingiz mumkin:
https://uzum.uz/ru/product/amerikanskaya-mechta-ili-826262
2023/2024-oʻquv yili uchun Prezident va nomli davlat stipendiyalarining gʻoliblari eʼlon qilindi.
Bu haqda Oliy taʼlim, fan va innovatsiyalar vazirining buyrugʻi eʼlon qilindi.
Unga koʻra, stipendiya tanlovlari gʻoliblaridan tashqari oliy taʼlim muassasalari tomonidan talabgor nomzodlarning hujjatlarini stipendiya.edu.uz tizimiga kiritilishida masʼul boʻlgan xodim va talabalarning ilmiy rahbarlari belgilangan tartibda bir oylik maoshi miqdorida;
Oʻzbekiston Respublikasi Prezidenti davlat stipendiyasi tanlovida ishtirok etib, tanlovning suhbat bosqichiga tavsiya etilgan ammo sovrindor bоʼlа olmagan magistratura bosqichi talabalari bazaviy stipendiya miqdorining 5 baravari miqdoridagi bir martalik pul mablagʻlari;
Oʻzbekiston Respublikasi Prezidenti davlat stipendiyasi tanlovida ishtirok etib, tanlovning suhbat bosqichiga tavsiya etilmagan magistratura vа bakalavriat bosqichi talabalari oliy taʼlim muassasasi rektоri (direktori) tomonidan tasdiqlangan sertifikat hamda bazaviy stipendiya miqdorining З baravari miqdorida;
nomli davlat stipendiyalari tanlovlarida ishtirok etib, sovrindor boʻla olmagan talabalar oliy taʼlim muassasasi rektori (direktori) tomonidan tasdiqlangan sertifikat hamda bazaviy stipendiya miqdorining 2 bаrаvаri miqdoridagi bir martalik pul mablagʻlari bilan Talabalarni ragʻbatlantirish jamgʻarmasi hisobidan ragʻbatlantiriladi.
✅Ta’lim nazorati rasmiy kanali
PISA 2022 tadqiqotida, O‘zbekistondagi 15 yoshli o‘quvchilar matematika fanidan jami 364 balni qo'lga kiritdi
Mazkur yo‘nalishda o‘g‘il bolalar qizlarga qaraganda balandroq, maktablar joylashuvi bo‘yicha tahlil qilinganda shahar maktablari qishloq maktablaridan yaxshiroq natija qayd etdi.
PISA 2022 tadqiqotida matematika ustuvor yo‘nalish etib belgilangan.
O‘zbekistonning PISA 2022 tadqiqoti natijalariga bag‘ishlangan xalqaro ilmiy-amaliy konferensiyani kirish so'zi ochib bergan vazir Hilola Umarova ushbu tadqiqot ahamiyatiga to'xtalib o'tdi:
– Prezidentimiz tomonidan zamonaviy ko‘nikmalarga ega, keng dunyoqarashli zamonaviy kadrlar tayyorlash hamda ta’lim tizimini takomillashtirishdagi xalqaro integratsiya masalalariga alohida e’tibor qaratib kelinayotganligi barchaga yaxshi ma’lum.
Bugun e'lon qilingan O‘zbekiston ta’lim tizimining PISA tadqiqotlaridagi ilk natijalarini oldimizga qo‘ygan maqsadlarga erishishdagi keyingi qadamlarimiz uchun juda muhim omil bo‘lib xizmat qilishiga ishonaman.
Albatta, sohada yutuqlarimiz qatorida ba’zi muammolarimiz ham bor, buni yashirmaymiz. Ammo niyatimiz ham, maqsadimiz ham shuki, biz bu kamchiliklarni bartaraf etish uchun barcha imkoniyatlarni ishga solganmiz. Buning uchun malakali mutaxassislarimiz, mehnatkash ustoz-o‘qituvchilarimiz bilimi va salohiyatiga suyanamiz.
Eslatib o'tamiz, 2022-yilning aprel – may kunlari mamlakatimizning turli hududlaridan tanlab olingan 202 ta maktabda ilk marotaba PISA xalqaro tadqiqotlari oʼtkazilgan edi.
✅Ta’lim nazorati rasmiy kanali
Talaba-o‘quvchilar uchun aviachiptalarga chegirmalar e’lon qilindi
“Uzbekistan Airways” AJ tomonidan qishki ta’til arafasida o‘rta maxsus, professional va oliy ta’lim muassasalari talaba-o‘quvchilari uchun mahalliy yo‘nalishlar aviachiptalari tarifidan 50% chegirma beriladi. Chegirma 2023-yil 23-dekabrdan boshlab 2024-yil 7-yanvariga qadar amalga oshiriladigan aviaqatnovlar uchun amal qiladi.
Aviachiptani 50% chegirma bilan hoziroq aviakompaniya agentlari va Toshkent shahri, Yakkasaroy tumani, Shota Rustaveli ko‘chasi, 9-uy manzilida joylashgan Uzbekistan Airways Sales filialida xarid qilishingiz mumkin.
✅Ta’lim nazorati rasmiy kanali
⚡️1-kurs va o‘qishini ko‘chirishga tavsiya etilganlar uchun toʻlov-kontrakt mablagʻlarini toʻlash muddati 25-dekabrga qadar uzaytirildi
Davlat komissiyasining tegishli bayoni bilan, ko‘pchilik abituriyentlar va ularning ota-onalari hamda oliy taʼlim muassasalari rahbarlarining murojaatlarini inobatga olib, 2023/2024-o‘quv yilida oliy taʼlim muassasalari bakalavriati va magistraturasiga to‘lov-kontrakt, jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar, o‘qishi ko‘chirilgan (ko‘chirib tiklangan) va qayta tiklangan talabalar o‘qishi uchun to‘lov haqini o‘tkazish hamda talabalar safiga qabul qilishni rasmiylashtirishning so‘nggi muddati 2023-yilning 25-dekabri (shu kuni ham) etib belgilandi.
Eslatma: amaldagi tartibga ko‘ra, ikkinchi va undan yuqori bosqich talabalar kontraktini to‘lash muddati OTM rahbari tomonidan uzaytirilishi mumkin.
✅Ta’lim nazorati rasmiy kanali
Ertaga, 5-dekabr kuni 9-sinf o'quvchilari uchun Konstitutsiya bo'yicha onlayn olimpiada bo'ladi
O‘zbekiston Respublikasi Konstitutsiyasi kuni munosabati bilan Davlat va huquq asoslari fanidan "Konstitutsiya-bosh qomusimiz" nomli onlayn olimpiada tashkil etilmoqda.
Olimpiadada 8-9-10-11-sinf o‘quvchilari ishtirok etishi mumkin.
9-sinf o‘quvchilari uchun - 5️⃣-dekabr;
10-sinf o‘quvchilari uchun - 6️⃣-dekabr;
11-sinf o‘quvchilari uchun - 7️⃣-dekabr kunlari soat 10:00 dan 19:00 ga qadar oo.uzedu.uz tizimiga kirib ushbu onlayn olimpiadada ishtirok etishlari mumkin. 20 ta test topshirig‘ini bajarish uchun 1 soat vaqt beriladi.
📥Olimpiada natijalari va QR-kodli ishtirokchi sertifikatlarini o‘quvchilar soat 22:00 dan keyin tizimda ko‘rishlari va yuklab olishlari mumkin bo'ladi.
Onlayn olimpiadalarda ishtirok etish uchun ro'yxatdan o'tish shart! https://oo.uzedu.uz/Account/SignIn
Ushbu onlayn olimpiadada reyting shakllantirilmaydi.
‼️Onlayn olimpiadalarda ishtirok etish mutlaqo bepul.
✅Ta’lim nazorati rasmiy kanali
⚡️“Chet tilidan yozish va gapirish ko‘nikmalarini baholash” bo‘yicha malaka oshirish kursi uchun talabgorlarni ro‘yxatga olish boshlandi
Malaka oshirish kursi 36 soatga mo‘ljallangan bo‘lib, 13-20-dekabr kunlari onlayn tarzda bo‘lib o‘tadi.
Unda tinglovchilarga chet tilidan yozish va gapirish ko‘nikmalarini baholash bo‘yicha nazariy va amaliy mashg‘ulotlar (o‘zbek tilida) o‘tkaziladi.
Malaka oshirish kursini muvaffaqiyatli (portfolio hamda chet tilini bilishi haqida C1 darajadagi sertifikat talab qilinadi) tamomlagan talabgorlar shartnoma asosida Bilimni baholash agentligiga ekspert sifatida jalb etilishi mumkin.
Malaka oshirish kursida ishtirok etish istagini bildirgan talabgorlar 11-dekabr kuniga qadar my.uzbmb.uz sayti orqali onlayn ro‘yxatdan o‘tishlari mumkin.
☎️ Murojaat uchun telefon: (95) 515-68-68, (95) 507-70-72.
✅Ta’lim nazorati rasmiy kanali
Chirchiq shahrida M.Auezov nomidagi Janubiy Qozogʻiston universitetining filiali tashkil etilishi mumkin
Normativ-huquqiy hujjatlar loyihalari muhokamasi portaliga "M.Auezov nomidagi Janubiy Qozogʻiston universitetining Chirchiq shahridagi filialini tashkil etish toʻgʻrisida”gi Hukumat qarori loyihasi joylashtirildi.
Filialga 2024/2025-oʻquv yili boshlangunga qadar M.Auezov nomidagi Janubiy Qozogʻiston universiteti bilan birgalikda filial professor-oʻqituvchilarining tarkibi yuqori malakali, jumladan, 40 foiz M.Auezov nomidagi Janubiy Qozogʻiston universiteti professor-oʻqituvchilari bilan toʻldirilishini, kutubxona fondini zamonaviy adabiyotlar bilan shakllantirishni taʼminlash vazifasi belgilanganadi.
Loyihaga ko'ra:
➖filialga qabul parametrlari Oliy taʼlim, fan va innovatsiyalar vazirligi bilan kelishilgan hamda manfaatdor vazirliklar va idoralarning mutaxassislarga boʻlgan ehtiyojini inobatga olgan holda, Filialning vasiylik kengashi qaroriga binoan tasdiqlanadi;
➖filialning har yilgi qabul parametrlarining 5 foizdan kam boʻlmagan qismini ijtimoiy himoyaga muhtoj oilalarning qobiliyatli va iqtidorli talaba boʻlgan farzandlari orasidan tanlov asosida abituriyentlarni Filial mablagʻlari hisobidan bepul oʻqishga qabul qilish uchun ajratadi;
➖kadrlarga boʻlgan ehtiyoj asosida bakalavriat taʼlim yoʻnalishlari va magistratura mutaxassisliklari boʻyicha barcha darajadagi mutaxassislarni tayyorlash, qayta tayyorlash va ularning malakasini oshirishni, shu jumladan, ilmiy-pedagogik kadrlar tayyorlashni amalga oshiradi;
➖abituriyentlarni qabul qilish va bitiruvchilarni attestatsiyadan oʻtkazish Filial hamda Oliy taʼlim, fan va innovatsiyalar vazirligi bilan kelishilgan holda Filial tomonidan belgilanadigan talab va tartibga muvofiq amalga oshiriladi;
➖bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan belgilangan namunadagi Universitet diplomi beriladi.
📍Filial taʼlim faoliyatini Toshkent viloyati, Chirchiq shahrida oʻz hisobidan ijara shartnomasi asosida yuritishi belgilanadi.
📩 Qoʻshimcha savollarni Telegram botimiz (@uztdibot)ga yuborishingiz mumkin.
✅Ta’lim nazorati rasmiy kanali
So‘nggi kunlarda ijtimoiy tarmoqlarda turli asoslanmagan va yolg‘on xabarlar ko‘payib bormoqda.
Buning oldini olish uchun esa mediasavodxonlik juda muhim.
Bu borada sizlarga @faktcheck_uz kanalini tavsiya qilamiz.
Ushbu kanal orqali Siz
👉 Tarmoqlarda keng tarqalayotgan xabarlarning rost yoki yolg‘on ekanligini bilib olish;
👉 Yolg‘on axborotlarning qanday tarqatilishi mumkinligi haqida ma’lumotga ega bo‘lish;
👉 Rost xabarlarni yolg‘onlaridan ajratishni o‘rganishingiz mumkin.
Kanalga ulanish uchun havola: /channel/faktcheck_uz
Talabalar uchun chegirmalarni hisobga olgan holda, qo‘shimcha aviaqatnovlar joriy etiladi
O'zbekiston havo yo'llari OTM, professional va kasb-hunar talabalari uchun taqdim etilgan chegirmalarni hisobga olgan holda, qo‘shimcha aviaqatnovlar joriy etilishini ma`lum qildi:
• Toshkent – Buxoro – Toshkent – 23, 25, 26, 29-dekabr;
• Toshkent – Nukus – Toshkent – 23, 24, 29-dekabr;
• Toshkent – Termiz – Toshkent – 23, 25-dekabr;
• Toshkent – Farg‘ona – Toshkent – 25-dekabr;
• Toshkent – Urganch – Toshkent – 25, 26, 27, 28, 29-dekabr;
• Toshkent – Qarshi – Toshkent – 27-dekabr;
• Toshkent – Namangan – Toshkent – 29-dekabr.
"Uzbekistan Airways Sales filialida, aviakompaniya agentlaridan va veb-saytda parvozlar jadvali bilan tanishishingiz hamda aviachiptalarni xarid qilishingiz mumkin. Talabalar uchun mo‘ljallangan chegirmali aviachiptalarni xarid qilish uchun Uzbekistan Airways Sales filialiga yoki aviakompaniya agentlariga murojaat qilishingiz va davlat universitetida o‘qiyotganingizni tasdiqlaydigan hujjat yoki QR kodga ega bo‘lishingiz kerak." - deyiladi kompaniya axborotida.
✅Ta’lim nazorati rasmiy kanali
✅ Qonunchilikka ko'ra, ob-havo sharoitidan kelib chiqib, o'quvchilar maktab formasining nimchasini yoki kostyumini, ko'ylakning yengi uzun yoki kalta shaklini ixtiyoriy ravishda kiyishlari mumkin.
❗️ Shuningdek, qishki o'qish davrida o'quvchi qizlarga yagona maktab formasiga mos shim kiyishga ruxsat beriladi.
✅Ta’lim nazorati rasmiy kanali
Chegirmali chiptalar uchun poyezdlarga qo‘shimcha vagonlar ulanadi – “O‘ztemiryo‘lyo‘lovchi” AJ
“O‘ztemiryo‘lyo‘lovchi” AJ “Toshkent — Urganch”, “Toshkent — Nukus”, “Toshkent — Samarqand”, “Toshkent — Qarshi” yo‘nalishida qo‘shimcha yo‘lovchi poyezdlar qatnovi joriy etilishini ma’lum qildi.
Qo‘shimcha yo‘lovchi poyezdlarga qo‘shimcha vagonlar ham ulanadi.
Talabalar qishki ta’til uchun chegirmali chiptalarni elektron tarzda xarid qilishlari mumkin.
СУ «Экспресc» tizimida profilaktika ishlari olib borilishi sababli 2023-yilning 12-dekabr kuni soat 12:00 dan 13:00 gacha eticket.railway.uz sayti va barcha chiptaxonalarida texnik tanaffus e’lon qilinadi.
Tizim 13:00 dan keyin yana ishlashda davom etadi.
✅Ta’lim nazorati rasmiy kanali
⚡️ Biologiya hamda qoraqalpoq tili va adabiyot fanlaridan milliy sertifikat natijalari e’lon qilindi
📣 2023-yil 19-noyabr kuni o‘tkazilgan biologiya hamda qoraqalpoq tili va adabiyot fanlaridan bo‘yicha milliy sertifikat imtihoni natijalari e’lon qilindi.
👨🏻💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.
📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.
✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:
🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;
🔹 86 foiz va undan yuqori — maksimal ball.
❇️ Shuningdek, milliy sertifikatga ega abituriyentga tegishli majburiy fan bo‘yicha eng yuqori ball beriladi.
✅Ta’lim nazorati rasmiy kanali
#Сўраган_эдингиз
❓Ona tili fani o‘qituvchisiman. 27 yildan buyon maktabda dars beraman, 2027-yilda nafaqaga chiqishim kerak. Hozirda malaka toifam oliy, sertifikatim muddati 2026-yilda tugaydi. Shunda men ham 2026-yilda majburiy attestatsiyaga jalb etilamanmi?
✅ O‘zbekiston Respublikasi Vazirlar Mahkamasining 17.09.2021-yilda "Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora-tadbirlari to‘g‘risida"gi 572-sonli Qarori kuchga kirgan.
Mazkur Qaror bilan tasdiqlangan Nizomning 6-bandiga muvofiq, jumladan quyidagilar navbatdagi majburiy attestatsiyaga jalb etilmasligi belgilangan:
➖ pedagogik faoliyat bo‘yicha 25 yil va undan ko‘p ish stajiga ega bo‘lgan pedagog xodimlar;
➖yoshga doir pensiyaga chiqishi uchun 5 yildan ko‘p bo‘lmagan vaqt qolgan pedagog xodimlar.
Ushbu Nizomning 7-bandida esa "Navbatdagi majburiy attestatsiyaga jalb etilmaydigan pedagog kadrlarning amaldagi malaka toifalari (lavozimlari) saqlanib qoladi hamda ularga ta’lim tashkilotlarida ishlagan davrida mazkur malaka toifasi (lavozimi) bo‘yicha haq to‘lanishi belgilab qo‘yilgan.
❗️Yuqoridagilarni inobatga olgan holda, Siz navbatdagi majburiy attestatsiyadan ozod qilinasiz va Sizning amaldagi toifangiz umrbod saqlanib qolinadi.
✅Ta’lim nazorati rasmiy kanali
⚡️Avval test ishlab, keyin qayerda o‘qish tanlanadi – 2024 yildan abituriyentlar qabuli o‘zgaradi
Keyingi yilgi qabuldan OTMga hujjat topshirgan abituriyentlar avval kirish imtihonlarida qatnashib, so‘ngra to‘plagan balliga qarab yo‘nalishlarni tanlashi mumkin bo‘ladi.
Bilim va malakalarni baholash agentligi xodimi bu haqida Kun.uz ga intervyu berdi:
"Keyingi yildan yangi tartib ishga tushsa, ro‘yxatdan o‘tish 2 bosqichdan iborat bo‘ladi. Birinchi bosqichda abituriyentlar agentlik tizimiga o‘zining shaxsiy ma’lumotlari bilan birgalikda faqatgina test topshirish fanlari, test topshirish tili va joyini tanlaydi. Lekin OTMlar va yo‘nalishlarni tanlamaydi. Dastlabki ma’lumotlar abituriyentlarning test sinovida ishtirok etishi uchun yetarli bo‘ladi xolos. So‘ng abituriyentlar imtihonga kirib chiqadi. Mana shundan keyin abituriyentning qo‘lida o‘z to‘plagan balli bo‘ladi va u prognoz qila oladi.
Masalan, abituriyent imtihonda 120 ball to‘plagan va u tibbiyot oliygohlariga kontraktga o‘tish balli 150 dan kam bo‘lmasligini biladi. Tibbiyot yo‘nalishlarini tanlasa, kira olmasligi ehtimoli yuqori. Buni oldindan to‘la prognoz qilib bo‘lmasligi mumkin, biroq oldingi yillardagi o‘tish ballariga asoslanib, ancha aniq qaror qabul qilish mumkin. Shunda abituriyent balli pastroqligini hisobga olib, bir yil yo‘qotmaslik uchun biologiya yo‘nalishini tanlashi mumkin.
Yoki teskari holat ham bo‘lishi mumkin. O‘zim abituriyent bo‘lgan vaqtda bir kursdoshim poytaxtdagi OTMga grantga kira olmayman deb viloyatdagi OTMga hujjat topshirgan. Lekin u juda yuqori ball to‘plagandi va balli bemalol Toshkentdagi OTMlarga grantga yetardi.
Yangi tizimda abituriyent avval imtihon topshirib, keyin yo‘nalish tanlasa, bu kabi abituriyentlar to‘g‘ri tanlov qila olishi mumkin."
✅Ta’lim nazorati rasmiy kanali
Onlayn olimpiadalar davom etadi
📚 Joriy yilning 15-26—dekabr kunlari Matematika, Fizika, Kimyo, Biologiya, Ingliz tili va Ona tili va adabiyot fanlaridan onlayn olimpiadalarga start beriladi.
🔰 Onlayn olimpiadalarda kun davomida soat 10:00 dan 20:00 ga qadar ishtirok etish mumkin.
📥 Olimpiada natijalari va QR-kodli ishtirokchi sertifikatlarini o‘quvchilar soat 23:00 dan keyin tizimda ko‘rishlari va yuklab olishlari mumkin bo'ladi.
📊 Ushbu onlayn olimpiadada reyting shakllantirilmaydi.
✅ Onlayn olimpiadalarda ishtirok etish mutlaqo bepul.
👉 olympiad.uzedu.uz
✅Ta’lim nazorati rasmiy kanali
⚡️ 2024-yilning 1-yarmida bo‘lib o‘tadigan milliy sertifikat imtihonlari
✅ 2024-yilning 1-yarmida ona (o‘zbek, rus, qoraqalpoq) tili va adabiyot, fizika, matematika, kimyo, biologiya, tarix va geografiya fanlaridan milliy sertifikat imtihonlari tashkil etiladi.
👨🏻💻 Test sinovida ishtirok etish uchun talabgorlarni ro‘yxatga olish my.uzbmb.uz sayti (“Milliy sertifikat” bo‘limi) orqali onlayn tarzda amalga oshiriladi.
📍 Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.
📆 Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar yuqoridagi rasmda keltirilgan.
❕ Izoh: hukumat topshiriqlari va talabgorlar sonidan kelib chiqqan holda test sinovi o‘tkaziladigan sanalarga o‘zgarishlar kiritilishi mumkin.
✅Ta’lim nazorati rasmiy kanali
Talabaga hisoblangan stipendiyalar haqida my.gov.uz portali orqali maʼlumot olish imkoniyati yaratildi.
📌 Buning uchun my.gov.uz portaliga kiring!
🗂 "Ta'lim" bo'limidan "Stipendiya haqida ma'lumot" xizmatini tanlang.
🗓 Kerakli davrni tanglang va ushbu davr bo'yicha hisoblangan stipendiyalar haqidagi ma'lumotga ega bo'ling.
✅ Shuningdek, ushbu xizmatdan talabalar HEMIS axborot tizimi orqali ham foydalanishlari mumkin.
❗️ Eslatma: Ushbu xizmat faqat hozirda tahsil olayotgan talabalar uchun mo'ljallangan. O'qishni tugatgan yoki talaba bo'lmagan shaxslar uchun stipendiya ma'lumotlari mavjud emas.
Stipendiya ma'lumotlari Iqtisodiyot va moliya vazirligining UzASBO tizimi orqali olinmoqda.
✅Ta’lim nazorati rasmiy kanali
Ayni damda Maktabgacha va maktab ta’limi vazirligi tomonidan tashkil etilgan pedagog kadrlarga malaka toifalari berishning yangi tizimining tajriba-sinov jarayonlariga start berildi.
Bugun ushbu jarayonlar Toshkent shahridagi maktab o’qituvchilari uchun bo’lib o’tadi.
Test sinovlarining 1-smenasi soat 11:00 da boshlandi.
2-smena jarayonlari soat 14:00 da o’tkazilishi rejalashtirilgan.
👉 Malaka toifasi berishning yangi tartibi tajriba-sinovdan o‘tkaziladigan manzillar ro‘yxati
✅Ta’lim nazorati rasmiy kanali
Ertaga PISA tadqiqoti natijalari e’lon qilinadi
Ertaga 5-dekabr kuni Toshkent vaqti bilan 15:00 da PISA xalqaro tadqiqoti natijalari e‘lon qilinadi.
2000-yildan beri Iqtisodiy hamkorlik va taraqqiyot tashkiloti (OECD) butun dunyo boʻylab 15 yoshli bolalarning bilim va koʻnikmalarini hamda real hayotiy vaziyatlarga qay darajada tayyor ekanliklarini Xalqaro baholash dasturi - PISA tadqiqoti orqali baholab keladi.
Tadqiqotlarda dunyoning 81 mamlakatidan 690 000 nafarga yaqin 15 yoshli o'quvchilar ishtirok etgan.
Ta`kidlash joizki, 2022-yilda o'tkazilgan tadqiqotda O'zbekistonlik o'quvchilar ham ilk marotaba ishtirok etgan edi.
2022-yilda o‘tkazilgan tadqiqotlarda asosiy e’tibor matematikaga qaratildi. Aksariyat o‘quvchilar bir soat matematika savollariga javob bergan bo‘lsa, yana bir soat davomida esa o'qish savodxonligi, tabiiy fanlar yoki kreativ fikrlashga doir topshiriqlarni bajarishgan.
PISA natijalari eng samarali va tez rivojlanayotgan ta’lim tizimlarida o‘quvchilarning imkoniyatlarini ko‘rsatib beradi.
Tadqiqot natijaalari, shuningdek, raqamli ta'lim, ota-onalar ishtiroki, zo'ravonlik va boshqa muammolar tendensiyalari, gender tafovutlari, ijtimoiy-iqtisodiy nomutanosibliklar va ta'lim xarajatlari va natijalarga oid ma'lumotlarni ham o‘zida aks ettiradi.
✅ PISA natijalari taqdimotida qatnashish: https://bit.ly/3T59goP
💻 Onlayn kuzatish: https://bit.ly/3uEZ1x7
✅Ta’lim nazorati rasmiy kanali
⚡«ЙИЛ ТАНЛОВИ – 2023»
«2023 йилнинг энг намунали олий ўқув юрти» деб сиз қайси таълим даргоҳини айта оласиз?
Мазкур номинация Олий таълим, фан ва инновациялар вазирлиги билан ҳамкорликда ўтказилмоқда.
➖«2023 йилнинг энг намунали олий ўқув юрти»(Университет)
Овоз бериш:➡️( I қисм | II қисм)
➖«2023 йилнинг энг намунали олий ўқув юрти»(Институт)
Овоз бериш:➡️( I қисм | II қисм)
➖«2023 йилнинг энг намунали олий ўқув юрти» (Нодавлат ОТМ)
Овоз бериш:➡️( I қисм | II қисм | III қисм)
(Танлов ҳақида батафсил)
Эслатма: Ўқув юртларининг номлари қисқартирма шаклида берилган.
Каналга уланиш:✏️/channel/uzdiplomat
⚡️Quyidagi pedagog xodimlar diagnostika testlarida ishtirok etmaydi
✅ Xabaringiz bor, Maktabgacha va maktab ta'limi vazirining tegishli buyrug'i bilan o‘qituvchilar 4–15-dekabr kunlari o‘zlari dars beradigan asosiy fan bo‘yicha test topshirishadi.
❕Maktabgacha va maktab ta'limi vazirining 2023-yil 14-noyabrdagi 540-sonli buyrug'iga muvofiq tashkil etiladigan diagnostika testlarida quyidagi toifadagi pedagog xodimlar ishtirok etmaydi:
➖Maktab direktori;
➖Direktorning ma'naviy-ma'rifiy ishlar bo'yicha o'rinbosari;
➖Direktorning o'quv-ishlari bo'yicha o'rinbosari;
➖Shuningdek, boshqa toifadagi rahbar xodimlar;
➖Maktabda dars berayotgan talabalar;
➖Jismoniy tarbiya fani o‘qituvchilari
➖Tojik, Qozoq, Qirg'iz, va Turkman tili va adabiyoti fani o'qituvchilari.
❗️CHQBT rahbarlari – Chaqiruvga qadar boshlang‘ich tayyorgarlik fani o‘qituvchisi sifatida ushbu diagnostika testida ishtirok etadi. Shuningdek, maktab amaliyotchi psixologlari ham ushbu testga jalb etiladi.
Maktabning rahbar xodimlari (direktor, direktor o‘rinbosarlari va boshqalar ...) agarda o‘zlarining mutaxassislik fani bo‘yicha dars soatlari mavjud bo‘lganda ular ham amalda dars o‘tadigan fanlari bo‘yicha diagnostikadan o‘tishlari kerak.
📞 Diagnostika jarayonlari haqida qo'shimcha ma'lumot olish uchun 55-508-0667 (1) call-markaziga murojaat qilishingiz mumkin.
➖ Shuningdek, hududlar kesimida ham Diagnostika bo'yicha savollar uchun mas’ullar biriktirilgan.
@oylikhisoblaydigan_bot – oylik hisoblash uchun bot
✅Ta’lim nazorati rasmiy kanali
Hurmatli ustozlar!
☎️ Diagnostika testi bo'yicha call-markazi ishga tushirildi
Maktab o‘qituvchilarining malaka oshirishga bo‘lgan ehtiyojlarini aniqlash maqsadida o‘tkazilayotgan Diagnostika testlari bo‘yicha yuzaga kelishi mumkin bo‘lgan savollarga tezkor javob berish maqsadida, A.Avloniy nomidagi milliy-tadqiqot institutining yagona call-markazi ishga tushirildi.
Savollaringiz bo'lsa, 55-508-0667 telefon raqamiga murojaat qiling va Diagnostika murojjatlari bo‘yicha 1 (bir) raqamini tanlang.
✅Shuningdek, hududlar kesimida ham Diagnostika bo'yicha savollarga javob beriladigan telefonlariga mas’ullar biriktirildi.
Quyida hududlar kesimida bog‘lanish uchun telefonlar:
1.Toshkent shahri — (99)181 80 98
2. Navoiy viloyati — (94)680 94 49
3. Andijon viloyati — (99) 647 15 04
4. Buxoro viloyati — (95) 083 30 33
5. Jizzax viloyati — (99) 077 54 34
6. Qashqadaryo viloyati — (95)727 55 58
7. Namangan viloyati — (93) 705 13 19
8.Samarqand viloyati — (99) 629 68 06
9.Surxondaryo viloyati — (90) 372 65 80
10.Sirdaryo viloyati — (90) 000 80 78
11.Toshkent viloyati — (93) 973 08 19
12. Farg‘ona viloyati — (95) 414 55 58
13. Xorazm viloyati — (90) 808 84 87
14. Qoraqalpog‘iston Respublikasi — (97)357 79 76
✅Ta’lim nazorati rasmiy kanali