-
شێعر، پەخشان، گۆرانی کوردی وتەی ناوداران بابەتی زانستی و کۆمەڵایەتی کاناڵێکی کوردانە بۆ گەشەپێدانی بیر و هزری ژنان و دایکانی نیشتمان
"سەردار"
سەمای ورە
و
پێکەنینی
دەمی مەرگی سەربەرزانەی،
بوو بە چقڵی چاوی جەللاد!...
✍️✍️✍️: "ج.م.هەڵبەست
@varzi_avin
پەروەرێنم ...
دڵانێک هەن لە ئازاردان...
دڵانێک هەن لە پەژارە و ناڕەحەتیدان..
کەسانێک هەن کە لەناو ئازار و نەخۆشی و ناخۆشیدان..
دەرگای پڕ لە ڕەحمەتی خۆت بە ڕوویاندا بکەوە و ئارامی و هێمنی و خۆشی ببارێنە بەسەریاندا
ئێمەش لە پەنای ئەوان بێبەش مەکە
یا ئەرحەمەڕڕاحەمین🌺🌺🌺
@varzi_avin
چرۆ دەکا خەیاڵی من!
شیعرم دەگرێ باڵی فڕین!
کە دەبینم جەژنی "نەورۆز"،
پشکووتووە بە گڕ و تین!
گڕی باوەڕ!
تینی هیوا!
زاخاو دەدەن بەژنی تاسەم!
لە پێنووسم بەهار دەپژێ
و
ژین دەزێتە نێو هەناسەم!
باڵا دەکا شکۆی خاک
و
هەڵپەڕینی ئەم جارەی گەل،
وا دەبێژێ: دەلیڤەیە!
"نەورۆز" گۆڤەندی ڕابوون
و
چۆپیی کاوەی ئەم سەدەیە!....
#جەماڵ_مەریوانی_هەڵبەست
@varzi_avin
کوردم و لە ڕێی کورد و کوردستان
سەر لە پێناوم گیان لەسەر دەستان
بە کوردی دەژیم بە کوردی دەمرم
بە کوردی دەدەم وەرامی قەبرم
بە کوردی دیسان زیندوو دەبمەوە
لەو دونیاش بۆ کورد تێ ھەڵدەچمەوە
#مامۆستا_هەژار
@varzi_avin
دنیا هەر ڕۆژە ڕەنگێ ئەنوێنێ
هیچیشی لەسەر بارێ نامێنێ
ڕۆژێ هاوارە باران نابارێ
کە باریش ئەڵێن غەرق بووین بەجارێ
هەر کەسە لەسەر هەوای خۆیەتی
تەنها هەژارە باوکەڕۆیەتی
دەوڵەمەند وا ڕێی خۆی گرتوەتە پێش
هەندێکیش بوونە یابووی سنگهەڵکێش
لەگەڵ هەوساریان لەسەر داماڵا
لەگەڵ جەردەدا ئەکەن بە ماڵا
گۆزە و دیزەمان تێکڕا ئەشکێنن
ئاشنا و دۆستمان لێ ئەڕەنجێنن
ئەڵێن مارانگاز گوێچکەی شل دەکا
لە خشەی مار و مێروو سڵ دەکا
ئێمە دوای ئەوەی مار پێوەی داوین
ئەنجا بۆ دووپشک زۆرتر بەتاوین
ـــــــــــــ
پیرەمێرد
@varzi_avin
"بڕیار بوو"
بڕیار بوو پێشێل بکەم دڵداریت
پچڕکەم، تەلی سۆزی یادگاریت
تا تێکەڵ گیانی یەزدان نەبمەوە
بۆ نێو پەرستگای چاوت نەچمەوه
بڕیاربوو كه وا ئاگرێكی خۆش
پەیامەكانت، گشت بگرێته كۆش
بەڵام، تنۆكه فرمێسكی ئەمڕۆت
وای كرد گۆرانی بڵێمەوه بۆت
له جاران مەستتر، بەندەی جوانیت بم
هەستیاری بزەی كامەرانیت بم
#عەبدوڵڵا_پەشێو
@varzi_avin
سەدای های هیلال ڕۆزەدارانەن
مانگ دڵتەنگی بادەخارانەن
کوورەی تەراوێح سۆفیان گەرمەن
سەدای چەنگ و نەی ڕەندان وە نەرمەن
مزگیان مەعموور وازەن دەروازان
زاهیدان وە زیکر وێشان مەنازان
مەیخانە وێران دەرگا نەبەستەن
مەستان جام ساف مەیشان وە دەستەن
هاوارمەن، مانگم لێ نادیارەن
نە ژێر پەردەی تاردا پێوارەن
یەک سیا هەورێ ڕووش گرتەن وە تەم
برج ئەو برجمەن نمە گنۆم وە چەم
ساقی سا جە قین پەرهێزگاران
پیاڵەت پڕ کە جە مەی چون جاران
تۆ بەیۆ پیاڵەی مەست دوو دیدەت
بنمانە هیلال ئەبرۆی خەمیدەت
نیگا دەر وە ناز وە یارانەوە
بڕێزە وە دەم مەی خوارانەوە
مورید و سۆفی خەرقەی ڕیا پۆش
من و دامنەی پاک پیر مەی فرۆش
هەرکات چەنی دۆس وێمان نە مەحشەر
وە سەد ئارەزوو سەر بارین ئەو بەر
بزانین کێمان ڕاگە گوم کەردین
کێمان مایە پووچ کێمان سوود بەردین
مەولەوی گیان
@varzi_avin
کەرەستەی ژن
بۆ کوردستان
هەژار
خوای گەورە جارێک سەردەمی بەهار
لە کارگەی ژیان دەستی کرد بە کار
لە کۆتر قونە و خەت وخاڵ لە کەو
سرتە لە شنە، هێمنی لە شەو
لە باڵداری چووک، نەرمی پەڕی مل
گمە لە کۆتر، ئاواز لە بولبول
هاڕە لە تاڤگە و ناڵە لە بلوێر
ترسی کەروێشک و ئازایەتی شێر
ئاونگ لە بەیان، ئاوڕی ئاسکی سڵ
گرژی لە خونچە و پێکەنین لە گوڵ
لە کارمامزباز ، لە باز، تیژی چنگ
فیز لە تاوس و جوانی لە پڕشنگ
بارین لە هــەور و لـە با واز وازی
لە ڕێوی و مەیموون فێڵبازی و بازی
مەندی لە زەوی و ڕەوانی لە ئاو
ڕەشی لە شەو و ڕووناکی لە تاو
تاڵی لە کەکرە و تام و بۆی هەنگوین
لە بەفر سەردی و لە جەهەننەم تین
ڕەقی لە ئەڵماس، تورتی لە پەنیر
لە لافاو لێڵی و بێگەردی لە شیر
هێنای و شێلای لێکیدان تەواو
کردی بە ژنێک بۆ هاودەنگی پیاو
#هەژار
@varzi_avin
کچەکە گیان
پێش چاوی تۆ گەلێ چاوی ترم دیوە
ماسی خۆزگەی نیگاکانم
ڕووباری زۆر نیگای تریشی ناسیوە
بەڵام هیچیان هێندەی چاوە نەرمەکانت
لەکاتی خوێندنەوەی شێعری دڵداریتا
گەرم نەبوون
کانگای حەیا و شەرم نەبوون
پڕبەناخی دایکایەتیم
خۆشم ویستی
ئەوکاتەی وا شەرمێکی جوان
لێوی گەستی.
#ژیلا_حوسێنی
@varzi_avin
من لە کوورەی فیرقەتا،
ناکەم خەیاڵی غەیری تۆ
ئارەزووی باغی بەهەشتە،
دائیمەن ئەهلی عەزاب
✍️زیوەر
@varzi_avin
عەشق بە سادەیی جوانە
عەشق یانی لەتکردنی ژیان
لەتێک پێکەنین بۆ تۆ
لەتێک گریانیش بۆ من
#بەختیار_عەلی
@varzi_avin
"خەمی خاکمان"
چەمکی چاوت،
دەنووسمەوە،
تا ڕامانی گوڵەکانی بەر پەنجەرە!
تیشکی نیگات دەهۆنمەوە،
تا دیمەنی
دەرکەوتنی یەکەم بەهار!
هەودای خەیاڵ داوێمە دوور!
ئەمجارەیان ئاشناترم
بە خەمی "خاک"!
گوڵە جوان و
بۆنخۆشەکەی باخی سروور!
.....هەر دێ و دڵت!
هەر دێ و دڵم!
ترپە ترپە تەژی دەبن،
لەو خەمەی وا،
نەک هی من و تۆ بێ تەنێ!
هی ئەوەشە کە بە خەمیش پێدەکەنێ!
#ج_م_هەڵبەست
@varzi_avin
کێ دەتوانێ
لەم وڵاتە
ڕێ لە باران
و
گوڵ
بگرێ
@varzi_avin
کورد گوتوویە سوار هەتا نەگلێ قەت نابێ بە سوار
ئێستە چابوک سوارە، چون زۆر گلاوە سواری کورد
فێری زۆر دەرسی بەکەڵک و باشی کردین تێشکان
جا ببینە ڕاپەڕین و شۆڕشی ئەمجاری کورد
✍ماموستا هێمن
@varzi_avin
گرەومان کرد من و هەوری بەهاری
کە کاممان دڵپڕین بۆ شین و زاری
دەبینم ئەو ئەگەرچی ماڵی بەرزە
کوڵ و کۆشی بەگوێرەی کات و وەرزە
ئەمن چوار وەرزە بێ وەستان دەبارم
هەتا نێڵە و بڵێسەی دڵ وەشارم
#ڕەسووڵ_سوڵتانی
@varzi_avin
• شیعری «خەوەبەردینە»
• هۆنراوەی سوارە ئیلخانیزادە
• خوێندنەوەی عەلی خزری
ئەزانێ ئەبێ هەر بژێ و باژوێ، تا بژی تا بمێنێ
هەناوی بە هەنگاوە، نەسرەوتنە کوولەکەی ڕووحی ئاوە.
@varzi_avin
لە من غافڵ مەبە
کە
من
بۆ تۆ
لە جیهان غافڵم.......
#مەولانای ڕومی
@varzi_avin
ڕەفیقان ڕۆژی کوردانە، بەهارە جێژنی نەورۆزە
بە دڵ لێتان دەکەم لەو ڕۆژەدا من جێژنە پیرۆزە..
✍#هێمن
@varzi_avin
سڵاو هاوڕێیان ڕۆژتان باش و تاعات و عیبادەتتان قەبووڵی بارەگای حەق بێ،
هاوڕێیەک داوای نێوی ئەو گۆرانیبێژەی کردووە زەحمەت نەبێ گەر دەیناسن نێوەکەیمان پێ بڵێین🙏🙏
چاوەکەم، ئەوڕۆ لە گوڵشەن گوڵ بە عیشوە خۆی نواند
نەک نمەکگیر بم،بە چاوی تۆ قەسەم، هیچ نەمدواند
@varzi_avin
*جیهانی بێ ئافرەت، وەک چاوی بێ گلێنە و باخی بێ گوڵ و خۆری بێ تیشک وایە...!
"بەختیار عەلی"
#8ی_مارس
ژن، بەشی تەواوکەری کۆمەڵگە، یەکەم مامۆستای زمان، یەکەم بارهێنەری مرۆڤ و کۆدی کردنەوەی دەرگا نهێنییەکانی ژیانە.
پیرۆز بێت #8ی_مارس ڕۆژی جیهانی ژن لە هەموو ئافرەتانی کوردستان کە هەردەم لە هەوڵ و تێکۆشاندان بۆ گەیشتن بە ئازادی و یەکسانی 🌺🌹
@varzi_avin
بە ماچی لێوی موستەغنی لە ئەنواعی مەزەی کردین
#وەفایی
@varzi_avin
ئاخ
کە چەند خوێڕی گرە
ئەم عەرزە
✍سوارە ئیلخانیزادە
@varzi_avin
شڕۆڤەی شێعری کچی بەیان
شاعیر: سوارە ئیلخانیزادە (١٩٣٧-١٩٧٦)
شرۆڤەکار :شەماڵ ئیسماعیل‌پوور
من ئەڵێم:
پەپوولەیەک فڕی بە باڵی سەوز و سوورەوە
من ئەڵێم:
گوڵێ بە دەم شنەی شەماڵەوە بزەی بزووت
تۆ ئەڵێی:
چ بوو پەپوولەیەک فڕی
یانە سوورەگوڵ، زەردە کەوتە لێوی ناسکی
من ئەڵێم:
ھەتا ھەتایە دەوری جوانییە
ئەمڕۆ گەر ھەتاو کەسیرەیە نەماوە ئاگر و گڕی
مێرگی ئاسمان بە سووتمانی ھەوری لۆکەیی نەزۆک
پڕ لە خاڵ و قۆپەنە
جەنگەڵێ کە جێ ژوانی پۆلەپۆڕی باڕییە
جێگە مۆڵی کەمتیار و گورگ و ڕێوییە
شۆڕەبی کە بۆتەداری چاکی بێ نەشە و شنە
زەلکە گەر تەیاری تێر و قۆشەنە
خۆشەویستەکەم
لە پەنجەرەی نیوەتاکی بوومەلێڵەوە
چاوی من لە دیمەنی کچی بەیانییە
لە حەنجەرەی زەمانەوە
گوێم لە زەمزەمەی زوڵاڵی خیزە وردەکانی کانییە.
باسی شەو مەکە نە شایەری شەوم
باسی خەو مەکە لەلای ھومێدێکەوە فێرە سەر ڕەوم
بەو دەمەت کە بۆنی سەد بەھاری لێوە دێ
بۆنی دەشتی بەختیاری باوەشی چیای، بەدەستی با
بە گوڵ چناوی، لێوە دێ
بۆنی سەرسەکۆی بە کاگڵی، بە ئاوپژاوی، لێوە دێ
پێم مەڵی کە داکەوم
پێم مەڵێ کە ئاڵی زاڵی شەو، چاوی بێخەوی چڕە
پێم مەڵێ نەھاتنەوە ئەوەی کە چوون
مەگری بۆ خەساری بێ گەڕانەوە
ڕێگەمان دوور و سەخت و قاقڕە
خۆشەویستەکەم
ئێمە نوێنەری خەباتی ڕۆژھەڵات
ڕۆژھەڵاتی سووری ئاگرین
فێر نەبووین بەزین و دابەزین
ڕانەھاتووە
چاوی قارەمانی کورد
بە شەونمی گرین
خۆشەویستەکەم
لە پەنجەرەی نیوەتاکی بوومەلێڵەوە
چاوی من لە دیمەنی کچی بەیانییە
لە حەنجەرەی زەمانەوە
گوێم لە زەمزەمەی زوڵاڵی خیزە وردەکانی کانییە.
خۆشەویستەکەم!
ئێمە نوێنەری خەباتی ڕۆژهەڵات،
ڕۆژهەڵاتی سووری
فێر نەبووین بەزین و دابەزین!
ڕانەهاتووە چاوی قارەمانی کورد،
بە شەونمی گرین...
#کچی_بەیان
#سوارە_ئیلخانیزادە
@varzi_avin
✍🏼 چـەنـد بـاوەڕی هـەڵـە سـەبـارەت بـە "ڪـوردی" نـووسیـن:
1ـ دەڵێن: «ڪورد بوون بە ڪوردی نووسین نییە»
ئەی بە چییە؟ دەبێ بتبەنە تاقیگە، نموونەت لێ هەڵگرنەوە، بزانن لە چ ڕەگەزێڪی؟ یا هەموو جارێ ناسنامەڪەت دەربێنی بڵێی ئەوەتا ڪوردم؟ وەڵڵا خۆ ڪورد بوون بە وتن و نووسینی «با افتخار ڪوردم»✌️ و «kurd & proud»یش نییە! بە دروشم و قسەی زلیش نییە.
2ـ دەڵێن: «تا تەواو فێر نەبم، ڪوردی نانووسم»
تا نەنووسی چۆن فێر دەبی؟ ئەمە لە خۆیدا پارادۆڪسە، هیچ شتێك تا ڕانەیەی فێری نابی و ڕاهاتنی نووسینیش، بە نووسینە! هێندە هەڵە بنووسە تا فێری دروست نووسین دەبی! بەڵام بە مەرجێك وردە وردە و ڕۆژ لەگەڵ ڕۆژ باشتر دەبی ئیدی هەرڪەس وتی وا مەنووسە، بڵێ پێوەندیی به تۆوە نییە و سەرت بە ڪاری خۆتەوە بێ !
3ـ دەڵێن: «ئەوە نییە ڪوردی دەنووسم، ڪێشەی چییە تەختەڪلیلەڪە ڪوردی نییە؟»
هەرڪات ئینگلیزییەڪتان دیت بە تەختەڪلیل و ئەلفو بێی ڪوردی، ئینگلیزی نووسێ، ئەگەر فارسێڪتان دیت بە ئەلفوبێ و تەختەڪلیلی چینی، فارسی نووسی، ئێوەش فەرموون ڪوردی بە تەختەڪلیلی فارسی یا ئینگلیزی بنووسن! ئەمە زۆر زۆر ناحەز و نادروستە و لە ڪەسێ ژیر و ئاگا ناوەشێتەوە.
4ـ دەڵێن: «تەختەڪلیلی {ڪیبۆرد} ڪوردیم نییە.»
ئێستا بۆ هەموو پلەتفۆرمێك تەختە ڪلیلی ڪوردی هەیە، ئەپڵ بە فەرمی دایناوە، گووگڵیش بە فەرمی لە تەختەڪلیلی خۆیدا جێگیری ڪردووە، مایڪرۆسافتیش لە سەر ویندۆوز دایناوە. تەختەڪلیل نە بە پووڵە، نە لە ڪێوی قافە، نە ئەژدیها پاسەوانی لێ دەڪا !
تا ڪاتێك دووچەرخەت نەبێ، فێری لێخوڕین نابی؛ چۆن دەتەوێ بێ تەختەڪلیل، فێری ڪوردےنووسین بی؟!
5ـ دەڵێن: «ڪوردیمان نەخوێندووە و فێر نەڪراوین.»
باوەڕ بفەرموون ئەوانەش ڪە دەینووسن و دەیزانن، بە سەریاندا نازڵ نەبووە، بە ڪوردییان نەخوێندووە یا شەوێ لە خەودا پێیان ئیلهام نەڪراوە! هەموو وەك تۆن. هەموو بۆخۆیان فێر بوون! تۆش فێر به!
6. دەڵێن: «هاوڕێی غەیری ڪوردم هەیە.»
ئەگەر بەمە بێ، هەموو ڪەسێك لێرە هاوڕێیەك، ئاشنایەك، هاوڪلاسییەڪی غەیری ڪوردی هەر هەیە. دەی ڪەواتە با فاتحایەك بۆ زمانی ڪوردی بخوێنین؛ چون هیچ ڪەس نابێ ڪوردی بنووسێ ! نەخێر، بەپێچەوانەوە بۆ تۆ فەڕزتریشە؛ چون تۆی ڪورد دەبێ نیشان بدەی خاوەن زمان و ڪەلتوور و مێژووی خۆتی! بۆ هەمیشە تۆ دەچییە سەر خواستی ئەوانی دیڪە؟ بۆ زمانی خۆت بۆ ئەوانی دیڪە دەفەوتێنی؟ ئەوان ئامادەن ئەم ڪارە بڪەن؟
7ـ دەڵێن: «پێداگری لە سەر زمان، دەمارگرژییە واتە {تەعەسۆب}
ئاخۆ دەمارگرژییە داوات لێ بڪەن وەك هەر مرۆڤێك بە زمانێك بنووسی ڪه هی خۆتە و مێژوویە ڪە لەگەڵتە و زمانی دایك و باوڪتە، زمانێڪە پێی گەورە بوویی و ئاوێتەی ڕۆح و گیانت بووە؟ واتە هەموو دنیا موتەعەسیبن ڪە هەموو بە زمانی خۆیان دەنووسن و تەنیا تۆ ڕووناڪبیری ڪە زمانەڪەت فڕێ دەدەی ؟!
{ئەبێت هەموو مرۆڤێ بە ئەرڪی سەر شانی خۆی بزانێت زمانەڪەی تێ بگات، وەڵام بداتەو، بخوێنێتەو، بنووسێت.}
✍نەناسراو
@kamildavari
@varzi_avin
ئاواتێکم لە دڵ دایە
کە پێک نایە
بە ئاسانی
خۆزگە بووکی
تاراسووری بەختەوەریش
چەشنی مەرگ
دەرکی ماڵی
گشت مرۆڤی
ئەم دونیایەی
پێ دەزانی
#تینوو_کۆکەیی
@varzi_avin
✅ زمانی فەرمی ئەو هەورە منم
دارێک؛
لە قەراغ رێگای سبەینێ
بەهار دێنێتەوە بیری رێبواران.
زمانی فەرمی من دارە
سەوز و بەرز
هەموو وەرزەکانی ئەوینیش بێژ دەکا
گەڵا گەڵا
چۆمێک؛
بە پەنجەی چاوەڕوانی وڵاتدا
دەبێتە ئاوێنەی ئاسمان.
زمانی فەرمی من چۆمە
روون و رەوان
گشت هەرێمەکانی جوانیی
دەنگ دەدەنەوە لە شەپۆلی سروودیدا
شەپۆڵ شەپۆل
باڵێک؛
رۆژئاوا دەپێوێ
باڵێکی دیکە، رۆژهەڵاتی زانیوە.
زمانی فەرمی من باڵە
دەفڕێ بەسەر جوغڕافیای خۆرەتاودا
تا جەغزەکانی رووناکی
بەرینتر کاتەوە بۆ ژووان
پەیتا پەیتا
پرچی واتاکان رستە رستە دادێنێ.
بێشکەی تەنیایی هەموو مەلێک
شەوانە
بەکاوەخۆ رادەژێنێ.
لایە لایە بۆ خاک دەکا و
نوێژەبارانە بۆ دڵتەنگی کات.
زمانی فەرمی من ژنە
جوانی دەژی و
ژان دەناسێ
روو دەکاتە وەرزی تازە و
پیتەکانی ئاسمان دووپات دەکاتەوە.
هەورێک بەرە بەرە دەخوشێ
لەنگەر دەگرێ
لەسەر لاپەڕەی ئەو شێعرە و
چاوێک پڕ دەبێ لە وشە
نمە
نمە
زمانی فەرمی من بارانە
لەمەودوا.
✍ مامۆستا یۆنس ڕەزایی
🆔 @younesrazaie
🆔 @fzkbeyan
@varzi_avin