27554
ODUULE VOA AFAAN OROMOO [Irraa kan odeffannedha malee kan studeo irraa darbuu miti ] hubadhu. 🅿 Yaada @admiinii_bot
Waliigaltee Somaaliyaa fi Itiyoophiyaan Tolfatan Simachuu Isaa Gamtaan Afrikaa Beeksise
https://www.voaafaanoromoo.com/a/waliigaltee-somaaliyaa-fi-itiyoophiyaani-simachuu-isaa-gamtaan-afrikaa-beeksise-/7899176.html
Booranatti Sababaa Caamaatiin Loon Kum Afurii Ol Dhuman, Jedhame
https://www.voaafaanoromoo.com/a/booranatti-sababaa-caamaatiin-loon-kum-afurii-ol-dhuman-jedhame-/6266503.html
Godina Booranaatti roobi waqtii lamaa yeroon roobuu dhabuurraa ka ka’e loon fi horiin kaan du’aa jiraachuu jiraattonni dubbatan.
Akka jiraattonni kun jedhanitti ta’een kun erga mullatuu jalqabee ji’a tokko yoo tahu, kanaanis loon kumaan lakkaawaman horsiise bultoota jelaa du’aa jiruu jedhan.
Waajjirri Qabeenya Beeyladaa ka Godina Booranaas ta’een kun jiraachuu himee haga yoonaa loon Booranaa kum Afurii ol du’uu mirkaneesse.
Ogeessonnii Diinagdee 3 badhaasaa Noobeelii Moo’an
https://www.voaafaanoromoo.com/a/ogeessonnii-diinagdee-3-badhaasaa-noobeelii-moo-an/6266333.html
Beektonii Diinagdee lammiilee Yunaayitid isteets 3 badhaasaa Noobelii baranaa moo’aniiru.
Beektonii kun dhimmi galii ykn kaffaltii gadi aanaa hojjattootaa , dhimmi godaantotaa fi baruumsaa dinagdee irratti faayiidaa inni qabu tilmaamudhaaf akkaataa ykn mala kanaan duraa hojii irra olaa ture karaa Saayinsiidhaan degerameen qoratanii dhiheesuu isaaniitiif badhaasa kana kan moo’uu danada’an jedhameera.
Badhaasa guyya har’a labsame kana kan moo’an Yuuniversitii Kaalifoorniyaa Berkileyi irraa Deevid Kaard, Jooshuwaa Angriist Insititiyuutii Tekinoloojii masaachuseet irra yemuu ta’an, Gu’ido Imbeens immoo universitii Staanfoord irraa akka ta’e beekameera.
Mannii maree nageenyaa mootummoota gamtoomanii guyyaa kaleessaa dhimmaa Itiyoophiyaa irrati marii taasisee ture
https://www.voaafaanoromoo.com/a/mannii-maree-nageenyaa-mootummoota-gamtoomanii-kaleessa-geggeeffame-/6261752.html
Mannii maree nageenyaa mootummoota gamtoomanii guyyaa kaleessaa dhimmaa Itiyoophiyaa irrati marii taasisee ture.
Walgahiin sun waamame brreessaa muummee mootumoota gamtoomanii Antooniyoo Gutereziin. Sababni isaamoo Wa’ee hojjatoota gargaarsa namoomaa Mootumaan Itiyoophiyaa torban darbe biyyaa akka bahan taasiseedhaa.
Walgahii kana irratti Itiyoophiyaa dabalatee bakka bu’oonnii biyyootaa 13 hirmaataniiru . keniyaan Niijer, fi biyyi Karibiyaa tokko ( A3+1) Tuniziyaadhaan bakka bu’anii yaada isaanii dhiheesan.
Biyyoottan biroo miseensonii mana maree nageenyaa darabee darabeedhaan yaada isanii kennaniiru.
Itiyoophiyaan Ragaa Badii Dalagamee Naaf Haa Dhiyeessitu: Muummicha Barreessaa Tokkummaa Mootummootaa
https://www.voaafaanoromoo.com/a/itiyoophiyaan-ragaa-naaf-haa-dhiyeessitu-antoniyoo-guteeres/6261206.html
Muummichi barreessaan tokkummaa mootummootaa mootummaan Itiyoophiyaa angawoonni gargaarsa namoomaa torba biyyattii keessaa baafamuuf kan itti himataman galmee mul’isu ykn ragaa qabatamaa akka dhiyeessu roobii kaleessaa gaafatanii jiran.
Erga ambaasaadderri Itiyoophiyaa Tayyee Atsqesillaasee, lakkoobsa namoota gargaarsa barbaadanii miliyoona tokkoon ol guddisan, du’a namootaa hin dhaqqabne gabaasan himannaa jedhu dabalatee waahiloota isaanii irratti himannaa dhiyeessanii booda, Antooniyoo Guteres gola naga eegumsaa kan tokkummaa mootummootaa duratti dhiyaachuu dhaan haala kana dura hagas hin barataminiin mul’inatti ibsa kennanii jiru.
Kana irratti oduu dhaa booda gabaasa bal’aa qabna.
Kaanadaan Baqattootaa Afgaanistaan simachaa jirtti
https://www.voaafaanoromoo.com/a/kaanadaan-baqattootaa-afgaanistaan-simachaa-jirtti/6259899.html
Mootummaan biyya Kaanaada baqattootaa Afgaanistaanii buqa’anii biyyatii keessa qobachaa jiran hooteelotaa keessaa boqochiisaa akka jirttu hangaa’onii biyyatii ibsaniiruu.
Akka haanga’onni jedhanitti, Yeroo amma dhibeen Kooviid 19 dambalii Afuraffaan waan kanadaa keessatii baballachaa deemaa jiruuf baqattoota Afgaanistaanii iraa kaanadaa seenaa jiran hawaasatti makuun hin barbaadamne.
Akka gaabasi dhimmi irrati bahe jedhuuti erga ji’a Hagayya darbee Taalibaan Afgaanistaaniin qabate as yeroo jalqabaatiif baqattoonni magaala Toorontoo galan guyyaa 14 fi hoteelota 5 keesaa akka turan taasifamaniiru.
Guyyaa 14 booddee talaallii fudhatanii hawaasatti akka makaman taasifamu jedhameera.
Kaanaadaan namoottan Afgaanistaan irra buqqa’n 40,000 akka fudhattu beeksisuun ishee gabaasameera.
Qondaallii Mootummaa Sudaan Kibbaa miidiyaa irratii dhaadatan
https://www.voaafaanoromoo.com/a/qondaallii-mootummaa-sudaan-kibbaa-miidiyaa-irratii-dhaadatan/6259860.html
Yaadin haanga’aan mana maree mootummaa Sudaan Kibba tibbana kennan Mirga gaazexxeesota biyyatii kan ukaamsuudhaa jechuudhaan gareen mirga midiyaa Sudaan Kibbaa balaaleffateera.
Mana maree mootummaa sudaan kibbaati koree dhimma odeeffannoo nammi hoggananu, kan Paul Youane Boonjuu jedhaman, hojjattoonnii midiyaa biyyatti mindaa miseensota caffee biyyattii dabalatee baasii mana maree irratti, ittu mootummaan tole hin jedhin Yoo gabaasan eeyyamin hojii isaanii harkaa fudhatamuu qaba jedhaniiru.
Miseensonni garee miidiyaa biyyatti jechaa kan balaalffatan akka jedhaniitii yaadin Paul Youane Boonjuu, uummanii waa’ee mootumma odeeffanno akka hin arganne waan taasisuudha jechuudhaan qeeqaniiru.
Maayikil Duukuu daarekteerrii waldaa guddina midiyaa Sudaan Kibbaa dhimma kana irratti yaadaa kennaniin, miseensonnii mana maree, dhimma isaanii irratti gabaasa dhihaatu dhaabsisuu hin danda’anu jedhaniiru.
Sudaan kibbaa keessatii yeroo ammaa gaazexessoonni 3 hidhamanii buufannii raadiyoo tokko haanga’ota mootummaatiin cufameera.
Akka madaallii walabummaan preesii adduunyaa bara 2021 tti karaa walabummaa preesiitin biyyi Sudaan kibbaa biyyiittan 180 keessaa 139ffaa irratti argamti.
Marii Angaawota Amerikaa Fi Farnsaayii
https://www.voaafaanoromoo.com/a/marii-angawota-amerikaa-fi-farnsaayii-/6258240.html
Ministeerri hajaa alaa Amerikaa Antonii Bliinkan, gara Faransaayti eega imalanii booda, Kibxata har’a Prezidaantii Fransaayii Immanuel Makron waliin hariiroo jiru foyyeessuu irratti dubbatan.
Kunis Amerikaa Briteen fi Awustraaliyaan miichooma nageenyaa tolfachuun isaanii falmii eega kaasisee booda.
Angawaan Amerikaa tokko oduu gabaastootaaf akka ibsanti, walgahiin isaanii kun sagantaa Bliinkan irra kan hin turree fi daqiiqaa 40 kan fudhate ta’u fi lameenuu projeektii waliin qabaachuuf malan kan dhuma baatii kanaa prezidaant Maakroon fi prezidaant Baaydiin yeroo wal argan labsuuf deeman irratti mariin kun dubbachuun ibsamee jira.
Bliinkan dursanii gaafa Kibxataa ministeera haajaa alaa Faransaayii fi gorsaa waa’ee nageenyaa kan Farnsaayii waliin dubbatanii turan.
Jaarmayaa walta’iinsa dinagdee fi misoomaa, walgahii kaawunsilii ministeerootaa Paariis keessatti qabu, Bliinken dura teessummaan kan gaggeessanii fi haasawaa kan dhageesisan ta’uun beekamee jira.
Gargaarsa Nyaataa Afaarii fi Amaaraatti Kan Raabsiine Ta’uus Kan Tigraay Keessaa Amma Iyyu Danqamaa Dha: WFP
https://www.voaafaanoromoo.com/a/gargaarsa-nyaataa-namoota-amaaraa-fi-afaar-keessaa-buqahaniif/6258202.html
Jaarmayaan Sagantaan nyaata addunyaa kan Tokkummaa Mootummootaa(WFP) bulchiinsa naannoo Afaar fi Amaaraa keessatti namoota sababaa walitti bu’iinsii baballachuun rakkataniif gargaarsa nyaataa marsaa duraa raabsu xumureen jira jedha.
Ta’uus garu, gargaarsa dhala namaa bulchiinsa naannoo Tigraay dhaqqabsisuuf sochiin ta’u, amma iyyu danqaan waan jiruuf jecha raabsii gargaarsaa iddoo sanatti gaggeeffamuu qabu duubatti akka hafuu gochaa jira jedha sagantaan nyaata adduyaa.
Erga Hagayya 15 bara 2021 jalqabee bulchiinsa naannoo Affaarii fi Amaaraa keessatti namoota kuma 300 ta’aniif jaarmayichii nyaata raabsee jira.
Tigraay keessatti erga caamsaa 27 jalqabee gargaarsii nyaataa marsaa lammataa uummata Miliyoona 2.4f kanneen Tigraay Kaaba-dhiyaa fi Tigraay Kibbaa keeessaaf raabsamuun ibsamee jira.
Gabaasaaleen mirkanii hin qabnee kan kutaalee sadeen irraa argaman akka jedhanti, dhabamuun wabii nyaataa dabalaa kan jiru yoo ta’u, kunis maatiin manaa fi qe’e isaanii barbadoofnaan dheessuu isaaniin akka ta’e, sagantaa nyaata addunyaa keessatti, Daayreekteera biyyoota kutaa Afrikaa Bahaa kan ta’an Maaykil Daanfoord ibsanii jiru.
Baatii waxabajjii dabree akkuuma tilmaamamee, uummanni kuma 400 yeroo ammaa kanatti haallii beela fakkaatu akka isaan mudatuu kan beeksisee yoo ta’u, gargaarsa nyaataa ga’aa dhaqqabsisuuf yaaliin jiraatuus haallii jiru amma akkaan yaaddeessa ta’a deemuu beeksisee jira.
Bulchiinsa naannoo Afaarii fi Amaaraa keessattis uummanni kuma hedduun manaa fi qe’e ofii irraa godaanuu fi qabeenyaan isaanii barbada’uun ibsamee jira.
Maraafu jedha jaarmayaan sagantaa nyaata addunyaa, walta’iinsaa fi deggersa guutuu paartilee walitti bu’iinsa kana keessaa harka qaban biraa argannee, uummata gargaarsa barbaaduu mara hatattamaan dhaqqabuun dadhabamnaan, Itiyoophiyaa gama kaabaa balaa hamaatu eeggata jedha.
Dhukkubni Saree Maraachu Itiyoophiyaatti Waggaatti Namoota Kumaan Lakkaawaman Ajjeesa, Jedhame
https://www.voaafaanoromoo.com/a/dhukkubni-saree-maraachu-itiyoophiyaatti-waggaatti-namoota-kumaan-lakkaawaman-ajjeesa-/6258031.html
Dhukkubi saree maraachu waggaatti namoota kumaan lakkaawamu akka ajjeesu Giddugalli Qorannoo Fayyaa Hawaasaa Itiyoophiyaa beeksise. Giddu-galichatti qorataa ta’an Dookter Yimer Mulugeetaa, dhukkubi saree qalbii fuudhu kun waggaatti lammilee Itiyoophiyaa kuma lamaa fi dhibba torbaa ol ajjeesaa jedhan. Dhukkuba Kanaan Itiyoophiyaan Afriikaarraa sadarkaa lammataarra ka jirtu tahuu himanii kanaaf sababaan namni hubannoo dhabuudha jedhan. Ministeerri Qonnaas dhibee kana to’achuuf hojiittan jira jedhaa. Gabaasaa guutuu caqasaa.
Waa’ee Mootummaa Itiyoophiyaa Haaraa Hundeessamee Yaada Uummata Keessaa Walitti-qabame
https://www.voaafaanoromoo.com/a/yaada-uummata-keessaa-walitti-qabame-/6256979.html
Mootummaan Itoophiyaa Ministira Muummee Abiyyi Ahmadiin akka geggeessamu labsame, dargaggootaaf carraa hojii uumuun, rakkoo qaala’iinsa jireenyaa furuu fi nagaa eegsisuun biyyattiin jireenyaaf mijooftuu akka taatu gochuu qaba jedhan, dargaggootni magaalota biyyattii gama Laxaa irraa Sagaaleen Ameerikaa dubbise tokko tokko.
Magaalaa Amboo, Naqamteefi Asoosaarraa yaada dargaggoota kan gabaasaan keenya walitti qabee erge caqasaa.
Muummichi Ministaraa Abiyyi Ahmed fi Paarlaamaan Itiyoophiyaa Bulchiisa Marsaa Haaraaf Kakuu Fudhatan
https://www.voaafaanoromoo.com/a/itiyoophiyaa-bulchiisi-marsaa-haaraaf-kakuu-fudhatan-/6256934.html
Itoophiyaan har'a mootummaa haaraa har'a hundesssitee jirti. Obbo Taaggasee Caafoo Afyaa'ii mana maree bakka bu'oota ummataa, Aaddee Loomii Baadhoo itti aantu afayaa'ii mana maree bakka bu'oota ummataa ta'uun muudamaaniru.
Dr.Abiy Ahmad Ali muummee minisitira Itoophiyaa ta'uun muudaman. Obbo Aganyew Tashaagar Afayaa'ii mana maaree federeeshinii fi Aadde Zahaaraa Umad itti aantuu Afyaa’ii mana maree federeesiinii ta'uun muudamanii jiru.
Gareen Mirga Dhala Namaaf Falmuu Waa’ee Itiyoophiyaa Ibsa Kenne
https://www.voaafaanoromoo.com/a/gareen-mirga-dhala-namaaf-falmuu-waa-ee-itiyoophiyaa-ibsa-kenne-/6253560.html
Itiyoophiyaa keessatti mootummaa haaraan ituu hin hundeeffamiin dursee, dhiittaa mirga namoomaa fi miidhaa Tigraay keessatti dhaqqabe jedhame irratti dubbachuuf jecha gareen mirga dhala namaaf falmuu Hiyumaan Raaytis Waach(HRW) Kamiisa kaleessaa tuuta oduuf ibsa kenneen jira.
Kaayyoon waltajjii kanaas mootummaa haaraan Itiyoophiyaa keessatti ituu hin hundeeffamiin dura, hogganoonni biyyaa kanneen Finfinnee keessatti wal ga’an, dhaqqabaa jiru kan jedhman diittaa mirga namoomaa hubachuu akka danda’an akkasumas, Hiyumaan Raaytis Waach, mootummaan Itiyoophiyaa bulchiinsa naannoo Tigraay irra ugguura ka’ee jira jechuun kan himataa ture gargaarsaa akka hin dhaqqabnee marsanii turuu sana akka kaasuuf, hogganoonni biyyootaa mootummaa Itiyoophiyaa irratti dhiibbaa akka godhan gaafachuuf akka ta’e ibsee jira.
Gareen mirga dhala namaaf falmuu kun dursee ibsa barreeffamaan baaseen, Itiyoophiyaa gama kaabaa keessatti walitti bu’iinsii gaggeeffama jiru mallattoo qabanaa’uu agarsiisaa hin jiru jedhee jira.
Dhuma Baatii onkolooleessa darbee kaasee looltoota Itiyoophiyaa fi Ertraan gaggeeffamee kan jedhamee, gocha gara jabinaa fi namoota walitti qabuun ajjeesuu, humnaan gudeeddii bal’inaan gaggeeffamee, bu’uura misoomaa sivilootaa irratti beekaa haaleellaa gaggeessuu, akkasumas milishoota Tigraay keessa sosso’aniin baqattonni Ertraa gudeedamuu gabaasaa kan ture kan ibsee Hiyumaan Raaytis Waach, jaarmayoonni gargaarsaa akkaan barbaachisaa ta’an kan akka nyaata, boba’aa, dawaalee, akka Tigraay hin dhaqqabneef mootummaan Itiyoophiyaa beekaa marsee eeguu itti fufee jira jedha.
Kana malees walitti bu’iinsii kun gara bulchiinsa naannoo Afaarii fi Amaaraatti eega baballatee booda, miidhaan dhala namaa irra ga’e gabaasaaleen itti fufee ba’uuf akka jiran kan ibsee ta’uus, gocha kanaaf itti gaafatamaa ykn shakkamaan eenyu akka ta’e garu hin ibsinee.
Mootummaan Itiyoophiyaa shoroorkeessaa jechuun kan ramadee HIWHAAT kan hogganan Dr.Dabratsiyoon Gabra Mikaa’eel dhuma torban dabree tuuta oduuf ibsa kennan irratti, hidhattonni isaanii siviiloota irratti haleellaa kan hin gaggeessine ta’u kan dubbatan yoo ta’u hogganoonni HIWHAAT kanneen biroonis himata irratti dhiyaate soba jechuun qaama walabaan qorannoon akka gaggeeffamu ennaa gaafatan dhaga’amu.
Gama kaaniin rakkoo gargaarsa dhala namaa Tigraay keessa jiruuf HIWHAAT itti gaaftamaaadha jechuun kan himatu mootummaan Fedeeraalaa, ibsa adda addaa kennee irratti HIWHAAT daandilee cufuun, midhaan gargaarsaa fi dhiyeessii kanneen biroo akka saamuu, kokolaataan gargaarsa geessan deebi’anii akka hin galle ittisuu dubbatu.
Dhiyeessii gargaarsaa jiru haala salphaan dhaqqabsisuuf ulaa sakata’aan duraan turan 9 irraa gara 2tti gad busuu dabalatee, tarkaanfii fudhatamees ni ibsan.kana malees Tigraay keessatti dhaqqabe jechuun himannaan dhiyaatan,garee yakkamaa ittiin jedhan HIWHAAT fi deggertoonni isaanii uumanii kan odeessan fakkii sobaati jedhuun itti aanaa mummichi ministeera Itiyoophiyaa Dammaqee Mokonniin kora waggaa 76faaa kan tokkummaa mootummootaa irratti sambata dabree dubbachuun isaanii ni yaadatama.
Motummaa haaraa kan Itiyoophiyaa Wiixata dhufu hundeeffama jedhamee egama.
Nagaa Kan Ilaaleen Dubbataa Jirra :Dr. Dabratsiyoon Gabra Mikaa’eel
https://www.voaafaanoromoo.com/a/nagaa-kan-ilaaleen-dubbataa-jirra-dabratsiyoon-/6249163.html
Jiloota Yunaaytid Istees kan Awuroopaa fi Gamtaa Afrikaa waliin waa’ee nagaa dubbataa jirra kan jedhan Dr. Dabratsiyoon Gabramikaa’eel prezidaantii Amerikaa Joo Baaydiin waamicha nagaaf dhiyeessan kan simanneef uummata keenyaaf bu’aa waan qabuuf jedhan.
Sababaa deelaan lakkoobsii namoota Tigraay keessatti du’anii dabalaa adeemuu isaa ibsanii kanneen gargaarsii akka hin seennee karaa cuufan humnaan bansisuuf tarkaanfii fudhachuu qabna jedhan.
Bulchiinsa naannoo Afaarii fi Amaaraa keessatti akka jecha isaanti, humnootiin Tigraay namoota nagaa ajjeesan jechuun oduun dhaga’amu soba jechuun fudhatama dhabsiisanii qaama walaba ta’een akka qoratamuuf ni ehamna jedhan.
Deebii gama mootummaa Itiyoophiyaas dabalatee gabaasa ergame caqasaa.
Maqalee Keessatti Hiriirri Geggeessame
https://www.voaafaanoromoo.com/a/maqalee-keessatti-hiriirri-geggeessame/6248934.html
Hawaasi Yuniversitii Maqalee kumatti hedamu sambata jechuun Fulbaana 15/2014 magaalaa Meqeleef gargaarsi midhaan nyaataa fi dawaan akka ergamu hiriira gaafatu gggeessanii jiran. Hiriirtonni kun Tigraay keessatti kan uumame beela harki namaa fide ta’uu isaa tuqanii, gaaffii isaanii gamasitti kan argaman hawaasa sadarkaa addunyaaf xalayaa isaanii galfataniiru.
Hiriira sana irratti kan argaman keessaa tokko Dr. Kaashisaa Taaddelee ti. Dr. Kaahisaan Yuniversitii Maqaleetti barsiistuu fi qorattuu dhimma qabeenyaa beeladaalee ta’uutti dabalee, Yuniversitii sana keessatti daayiiktera waaltaa dhimmootii saalaa ti. Kaayyoo hiriira sanaa akkas jechuun ibsan.
Akeeki hiriira kanaa inni ijoon sagalee uummata keenyaa dhageessisuu dha. Tigraay keessatti waan uumame ni argina. Beelli harki namaa fide jira, hanqinni dawaa jira. Haala kanaan attamiin sagalee keenya dhageessisna. Tokkummaan mootummootaas furmaata kallattii akka kennu jechuu dhaan sagalee hawaasichaa dhageessisuuf baane jedhan. Haala beelli harki namaa fideen ijoolleen, dubartoonni du’aa waan jiraniif furmaanni hatattamaa akka kennamu gaafachuufi jedhan.
Hiriirtonni hawaasa yuniversitii Maqalee xalayaa isaanii waajjira baqattootaa kan tokkummaa mootummootaatti kan galfatan yoo ta’u, bakka bu’aan sagantaa nyaata addunyaa hiriira sana irratti argamuu dhaan xalayaa sana harkaa fuudhaniiru jechuun Alem Fissehaa Meqelee irraa gabaaseera.
Gama biraan gargaarsa midhaan nyaataa erguu gama ilaaleen kana dura dura ibsa kan kennan itti gaafatamtuun kutaa presii kan waajjira muummicha ministeeraa Billenee Siyyuum Rakkooon deggersi dhaqqabuu yoo jiraate, gaaffiin dhiyaachuufiin kan irra jiraatu qaama rakkoo sana uumaa jiruuf jedhanii turan.
Uummata Tigraayiin gargaarsi akka hin dhaqqabne gochaa kan jiru, saamicha kan raawwataa jiruu fi dhiyeessii midhaan nyaataa butee waraansaaf oolchaa kan jiru TPLF jedhan. Ministriin nagaa Mufriyaat Kamiil, torbee VOAf ennaa ibsan, naannoo Tigraayiif gargaarsa ittiin ga’uuf adeemsi jiru mijataa akka jiru ibsaniiru. Konkolaattonni gargaarsa fe’atan, keellaa sakatta’aa isaan irra dhaabatan fakkeenyaaf sagal irraa gara lamaatti gad siqeera jedhanii turan jechuun isaanii ni yaadatama.
Tiraamp Filannoo Prezidaantummaa Kan Yunaayitid Isteetis Injifatan
https://www.voaafaanoromoo.com/a/7853551.html
Booranatti Sababaa Caamaatiin Loon Kum Afurii Ol Dhuman, Jedhame
https://www.voaafaanoromoo.com/a/booranatti-sababaa-caamaatiin-loon-kum-afurii-ol-dhuman-jedhame-/6266502.html
Yunaayitid Isteets fi Taalibaan marii taasisan
https://www.voaafaanoromoo.com/a/yunaayitid-isteete-fi-taalibaan-marii-taasisan/6266243.html
Egaa U.S Afgaanistaanii baatee gareen Taalibaan biyyattii deebisee qabatee as yeroo jalqabaatiif Yunaayitid isteet fi Taalibaan Kaataar keessatti wal arganii marii taasisaniiru.
Dubbi himaan garee Taalibaan Suhail Shaheen walga’ichaan dura akka jedhanitti, walti dhufeenya Diplomaasii fooyyesuudhaaf dhimmoottan faaydaa qabeessa ta’an iftoominaan akka ka’n dubbataniru.
Dubbi himaan Ministeera dhimma alaa yunaayitid isteets Niid Praayis ibsa dilbata kaleessaa kennaniin akka jedhanitti, mariin Taalibaanii wajjin taasifame ifa qabeessaa fi beekumsaa irratti kan hundaa’edha jedhaniiru.
Taalibaan hojii isaatiin malee haasaa isaatiin madalamuu hin qabu kan jedhan Niid Praayis, dhimmi nageenyaa fi shororkeessumaa, akkasumas waa’een lammiilee U.S fi froottan isaanii Afgaanistaanii baasu , waa’een mirga namoomaa dhimmaa mirga dubartootaa fi ijoollee durbaa ijoo marii akka ta’e himaniiru.Yeroo ammaa ijoolewwan Miiliyoona tokko ta’an akka balaa beelaatiif saaxilamuuf deeman U.S ibsitee jirti. Walgahiichii kan jalqabee sambataa darbe maagaa Dohaa keessatti.
Dhibeen Dheengee Jedhamu Naannoo Dirree Dhawaa Keessatti Ka’e
https://www.voaafaanoromoo.com/a/dhibeen-dheengee-jedhamu-naannoo-dirree-dhawaa-keessatti-ka-e/6261214.html
Magaalaan Dirree Dhawaa faca’inni dhibee qaama ho’isu kan Dheengee jedhamu Itiyoophiyaa gama bahaa keessatti ka’uu gabaasee jira. Hooggantuun biiroo eegumsa fayyaa bulchiinsichaa Lemlem Bezaabih VOAf akka ibsanitti magaalaa Dirree Dhawaa keessatti dhibeen kun argamuu mirkaneessaniiru.
Bara 2017 fi 2018 keessa dhibeen kun Itiyoophiyaa gama bahaa keessatti ka’ee ture. Lemlem akka jedhanitti faca’ina dhibee kanaa to’achuuf hojjetamaa jira.
Golli Naga-eegumsaa Har’a Waa’ee Itiyoophiyaa Irratti Dubbachuuf Jira
https://www.voaafaanoromoo.com/a/golli-naga-eegumsaa-waahee-itiyoophiyaa-irratti-dubbachuufi-/6259903.html
Itiyoophiyaan aangawoota gargaarsaa gameeyyii kan Tokkummaa Mootummootaa 7 biyya ofii keessaa baasuu ishee kan ilaaleen barreessaa dureen Tokkummaa Mootummootaa Antoniyoo Gutarrees har’a gola naga eegumsaaf ibsa kennu.
Mootummaan mummicha ministeeraa Abiyyi Ahmad Fuulbaana 30 hojjattonni gargaarsaa 7sa’atilee 72 keessatti biyyatti akka gadhiisanii ba’an eega labsee booda, Gollii naga eegumsaa waa’ee Itiyoophiyaa irratti ennaa wal ga’u torban tokko keessatti inni ammaa kun yeroo lammataaf ta’u isaati.
Hojjattoota gargaarsaa kana baasuun, haala gad adeemaa jiru keessatti kallattii sirrii hin taanee qabachuuf tarkaanfii dabalataa fudhatamee jechuun tokkummaa mootummootaatti Ambaasaaddarri Ayeer Laand Jeraaldiin Byrne Naason kan dubbatan yoo ta’u mootummaa isaanii bakka bu’uun walgahiin kun akka gaggeeffamu gaafatan.
Isaanis akka jedhanti, aangawoota gargaarsaa kana iddoo isaanti deebifamuun barbaachisaa ta’u, akkasumas hariiroon tokkummaa Mootummootaa fi itiyoophiyaa gidduu iddotti deebi’uu qaba jedhan.
Kun hariiroo akkaan barbaachiisaa dha jechuun oduu gabaastotaaf ibsanii,wanni uumamee haala yeroo ammaa keessa jiraachuu feenu miti jedhan.Falmiin haala hin jirree keessatti gargaarsa dhala namaa dabaluun danda’amu ilaaluuf jirra jedhan.
Itiyoophiyaan hojjattoota koo biyya ishee keessaa baasuuf deggersa seeraa hin qabdu jedha Tokkummaan Mootummootaa.
Ministeerri Dhimma alaa U.S waa’ee walgahii Faransaayi keessati taasifame dubbatan
https://www.voaafaanoromoo.com/a/ministeerri-dhimma-alaa-us-waahee-walgahii-faransaayi-/6259891.html
Walgahii ministeerotaa Dhaabbata walta’iinsaa fi Misooma diinagdee isa biyya Faraansaay keessatii deemaa ture irrati kan hirmaatan Ministeerrii dhimmaa alaa Yunaayitid Isteets Antonii Bilinken walga’iichii dhimma irratii maryachaa ture keessa waa’een vaayiresii Koroonaa, waa’een haala jijjirama qileensaa fi itti fayyadama tekinoloojii ammaayaa ijoo akka ta’an dubbataniiru.
Ergaa walga’ichii guyya hara’a xumuramee booda Antoonii Biliinken Ministeeraa dhimma alaa Itaaliyaa Lu’iijii Di Maa’iyoo, ministeera dhimma alaa Speeyin, Josee Manu’eel Albaares fi itti aantuu presidaantii fi ministeera dhimma alaa Kolombiyaa Maartaa Luciyaa Raamireez wajiin dhuunfaadhaan marii taasisuun isaanii gabasameera.
Dubbi himaan miisteera dhimaa alaa yunaayitid Isteets Niid Praayis akka jedhaniitti Antoonii Bilinken dhimma filanno Sadaasa dufu Liibiyaa keessatii taasisamuu fi , waa’ee rakkinaa siyaasaa fi namoomaa Itiyoophiyaa keessa jiru irratii Ministeera dhimma alaa Itaaliyaa wajjin marii tasisaniiru.
Sochii namoottan afgaanistaanii baasu keessatti gahee Itaaliyaanii fi Ispeen taphataniif Antoonii Bilinkeen galata dhiheessu isaanii gabaasameera.
Caffeen mootummaa Itiyoophiyaa Muudamaa Ministeerota 22 raggaasiseera
https://www.voaafaanoromoo.com/a/muudamaani-ministeerota-raggaasisifame/6259829.html
Muumeen ministeeraa Mootummaa Itiyoopiyaa Abiyyi Ahimad namootta 22 kaabinee mootummaa isaaniitiif flatan mana maree ykn caffee biyyattitti dhiheesanii muudama isaanii raggaasifataniiru.
Miseensota kaabinee kana keessaa miseensonnii paartilee mormitootaa itti makamaniireu. Akkuma kanaan Doktoor Biraanuu Naggaa partii IZAMA irra ministeera Baruumsaa,
Obbo Bellexee Molla paartii ABIN Irraa Ministeera Inooveshiini fi tekinooloojii, Obbo Qajeelaa Mardaasaa dhaaba Adda Bilisumma Oromoo irraa Ministeeraa Aadaa fi Ispoortti ta’anii Muudamaniiru.
Bulchaa mootummaa yeroo nannoo Tigiraay kan turaan Doktoor Abrahaam Balaay Ministeeraa itisaa ta’anii akka hojjatan muudhamaniiru.
Gabaasin kun oduu booddee baldhinaan dhihaata.
Libiyaa Keessatti Yakka Waraanaa fi Gocha Gara Jabinaatu Gaggeeffame: UN
https://www.voaafaanoromoo.com/a/yakka-waraanaa-liibiyaa-keessaa-/6258226.html
Erga bara 2016 kaasee Libiyaa keessatti yakka waraanaa fi gocha gara jabinaatu dhala namaa irratti rawwatamuu qorannaa Tokkummaan Mootummootaa Wiixata kaleessaa baasee hubachiisee jira. Gama kaaniin ijoollee looltummaa irratti bobbaasuu gaggeeffamaa jira jedhe.
Dhimma Libiyaa keessaa qorachuuf kan hundeeffame gareen walabnii kaawunsilii mirga dhala namaa kan Tokkummaa mootummootaan kan hundeeffame akka jedhutti, godaantonni Awurooppaa dhaqqabuu fedhan bakka itti hidhaman keessatti dararaan akka irra ga'u, kana malees namoota seeraan ala nama deddebisan harkatti akka dararaman ibse.
Yeroo hidhaa keessa turfamanis, haallii achii keessa jiru sukanneessaa fi dararaan kan irra ga’u ta’u ibsee jira. Libiyaa keessatti yakkii waraanaa gaggeeffamuu isaaf amanuu haallii nama dandeesisuu akka jiran, kunis hidhaa keessatti hokkarri gaggeeffamuu keessumaa godaantoota irratti, yakki gara jabinaa dhaqqabuu agarsiisa jechuun qorannaan kun ibsa baaseen hubachiise.
Kana malees ijoollee looltummaaf funaanuu fi wal waraansa keessatti akka hirmaatan gochuu, akkasumas dubartoota bebbekamoo ta’an eessa butee isaanii dhabamsisuu fi seeraan ala ajjeesuun gagggeeffamaa ture jedha gabaasnii ba’e.
Gareen kun bara 2019 hundeeffame.
Tokkummaa Mootummootaa Angawoonni Isaa 7 Itiyoophiyaa Gadhiisanii Ba’uu Mirkaneesse
https://www.voaafaanoromoo.com/a/tokkummaa-mootummootaa-angawoonni-7-itiyoophiyaa-ba-uu-mirkaneesse/6258188.html
Angawoota gargaarsa dhala namaa kan Tokkummaa Mootummootaa 7 kanneen Itiyoophiyaan biyya ishee keessaa akka ba’an jette yeroo ammaa ba’u isaanii jaarmayichii addunyaa Wiixata kaleessaa mirkaneessee jira.
Hojjattoonni Tokkummaa Mootummootaa torba Itoophiyaa dha akka bahan murteeffamuu ilaalchisee deebiiwwan qaamonni adda addaa kennan
Nageenya isaaniif jecha achii baafamuu isaanii dubbii himaan Tokkummaa Mootummootaa Faaraah Haaq kan ibsan yoo ta’u, dhimmi ilaalacha duraa itti laannuu hojjatonni keenyaa nagaan gara hojii isaanii deemuu danda’uu isaanii mirkaneessuu akka ta’e oduu gabaaastoota biraa gaaffii dhiyaateef deebii kennan.Kana gochuu hin dandeenyu taanaan, tarkaanfii kanneen biroo fudhachuu qabna jedhan Haaq.
Kamiisa darbee mootummaan Federaalaa kan Mummicha ministeeraa Abiyyi Ahmad akka biyya gadhiisanii ba’aniif yeroo sa’atii 72 ykn guyyaa 3 kennuun isaa ni yaadatama.Kanaafis sababaan kennamee dhimmi biyyatti keessa seenana akkasumas himannaalee kka biroo irratti dhiyaatan keessaa gargaarsaa fi meeshaa qunnamtii Adda Bilisummaa Uummata Tigraay(TPLF) kennan kan jedhu ture.
Waa’ee Mootummaa Itiyoophiyaa Haaraa Hundeessamee Yaada Uummata Keessaa Walitti-qabame
https://av.voanews.com/clips/VAO/2021/10/04/e02b7f13-26f1-4831-b0c1-98ffff3f4cdb_48k.mp3
Irreecha Finfinneetti Ayyaaneffamerratti Kanneen Mormii Dhagessisan “Ergamtoota Shanee ti’ Jedha Mootummaan
https://www.voaafaanoromoo.com/a/kanneen-mormii-dhagessisan-ergamtoota-shaneeti-jedha-mootummaan-/6256947.html
Irreechaa Hora Finfinnee fulbaana 22 bara 2014 kabajaame irratti namoonni miliyoonaan lakkawamaan hirmataniiru jedhan qophessitoonni sagantichaa.
Kabajaa ayyaanaa Irreechaa Hora Finfinnee kana irratti sagaleen mormii fi mootumaa biyyaa bulcha jiru balalleffatu dhagahamaa ture.
Gabaasaa guutuu caqasaa.
Hojjattoonni Tokkummaa Mootummootaa torba Itoophiyaa dha akka bahan murteeffamuu ilaalchisee deebiiwwan qaamonni adda addaa kennan
https://www.voaafaanoromoo.com/a/hojjattonni-un-7-itoophiyaa-keessa-akka-bahan-itti-himame/6253817.html
Mootummaan Itiyoophyaa hojjettoota gargaarsa namoomaa kan tokkummaa mootummootaa torba biyya isaakan baasu ta’uu beeksise. Mootummaan, angawoonni kun dhimma keessoo kan biyyattii jidduu seenan jechuun himate. Muumichi barreessaan tokkummaa mootummootaa himannaan kun kan isana rifachiise ta’uu dubbatanii, hojjettoonni kun hojii isaanii akka itti fufan gochuuf Itiyoophiyaan akka eeyamtu mootummaa waliin dubbataa jiraachuu ibsan.
Mootummaan Itiyoophyaa karaa ministeera ofii kan alaa kaleessa angawoota ol aanoo kan dhaabolii gargaarsaa kan tokkummaa mootuummootaa torba biyyattii keessaa baasuu beeksise.
Ibsa bal’aa utuu hin kennin, mootummaan hojjettoonni gargaarsaa kun dhimma keessoo jidduu seenan jechuun himate. Kanneen biyyattii dhaa baafaman keessaa jarmayaa gargaarsa daa’immanii kan tokkummaa mootummootaatti bakka buutuu damee Itiyoophiyaa kan ta’an Adele Khodor, waajjira komiishina mirga namaa ol aanaa kan tokkummaa mootummootaaf hoogganaa garee to’attootaa kan ta’an Sonny Onyegbula fi angawoota shan kan waajjira gargaarsa qindeessu kan tokkummaa mootummootaa, fi gorsa dhimma nageenyaa fi misoomaa Kwesi Sansculotte ti.
Ministriin dhimma alaa Yunaayitid Isteetis Antonii Bilinken angawoonni tokkummaa mootummootaa Itiyoophiyaa keessaa baafamuu ilaalchisuun ibsa kennanii jiran.
Mootummaan Itiyoophiyaa aangawoota tokkummaa mootummootaa 7 biyya isaa keessaa baasuuf karoorafachuu isaa kan jabinaan balaaleeffatte yunaaytid Isteetes, murtiin kun battalumatti akka keessa deebi’amu gaafattee jirt jedhan.
Dhimmi kana irratti mootumaan naannoo Tigraay inni ABUT-n ogganamu ibsa guyyaa ar’aa baaseen haryatamuun ojjattootaa gargaarsaa seera adduunyaa kan gargaarsa namoomaa fi kan mirgaa namoomaa waan cabsuudha jechuudhaan balaaleffateera.
Ibsii fuula tiwuutaraa dubbi- himaa Adda bilisummaa uummata Tigraay Geetachoo Radda irratti manxanfame kun , akka mootummaan Itiyoophiyaa adeemsa gargaarsaa danqaa jiru ibsee ,kanaan duras jarmiyaalee gargaarsaa kan akka Mediisin San Froontees (MSF) , Noorwejiiyaan refiwuujii kawunsil (NRC) fi Al Maaktoom Faawundeshiin jedhaman akka biyyaa baasan himeera.
Gochaa mootummaan Itiyoophiyaa raawwate kanaaf manii maree mootummoota gamtoomanii murtoo lakkoofsa 2417(2018) akka iiratti dabarsuus gaafateera ibsii mootummaa naannoo Tigraay kun.
Seerrii mana maree kun seera warren ykn biyyoottan namootta beelessuu akka meeshaa waraanatti fayyadaman ittiin adabamanuudha.
Itiyoophiyaan aangawoonni dhaabbata Tokkummaa Mootummootaa toorba biyyattiidhaa akka bahan murteessite
https://www.voaafaanoromoo.com/a/itoophiyaan-hojjattoota-mootummaa-tokoomani-torba-biyaa-akka-bahan-jette/6252071.html
Itiyoophiyaan aangawoonni dhaabbata Tokkummaa Mootummootaa toorba sa’atii 72 keessatti biyyattii keessaa akka bahan murteessuu ishee Ministarri Dhimma Alaa Itiyoophiyaa beeksisee jira
Dubbi-himaan Ministirichaa ibsa har’a baasaniin, Itiyoophiyaatti itti-gaafatamtoota waajiraa dhaabbata gargaarsa daa’immanii yokaan UNICEF fi kan dhimnma gargaarsa namoomaa jaarmayichaa, akkasumas itti-gaafatamaan garee waajjjira qindeessa dhimma mirga namoomaa jaarmayichaa dabalee namoota toorba irratti, “dhimma Itiyoophiyaa keessa harka galfatan” jechuun, mootummaan murtii “Persona Non Gratta” yokaan “namnoota fudhatama hin qabne” jedhu irratti baasuu isaa beeksise.
Ministeerri Haajaa Alaa Ertaa Kora Waggaa Tokkummaa Mootummootaa Irratti Kaleessa Haasawaa Dhageesisan
https://www.voaafaanoromoo.com/a/ministeerri-haajaa-alaa-ertaa-haasawaa-dhageesisan/6249126.html
Sagalee dursee waraabamuun kaleessa koran waggaa kan Tokkummaa Mootummootaa irratti dhiyaate kanaan addunyaan yeroo ammaa rakoo gurguddaan qabamtee akka jiru kan ibsan ministriin dantaa alaa Ertraa Osmaan Saalee.
Isaanii weerara dhukkuba KOOVIID-19 , jijjirama qillensaa fi addunyaa irratti gama Humna qabaachuun jijjirama jiru maqaa dhahaan.
Waa'ee hidha laga Abbayyaa kan ilaaleen Itiyoophiyaa Masrii fi Sudaan gidduu fedhii fi amantii gaarii jiruutu fura malee gidduu seensa addunyaa miti jedhan.
Amerikaa fi Awuroopaan wal taatoota isaanii waliin akka jecha isaanii gocha balaa'amaa ABUT rawwtuuf deebiin kennan Ertraan hin fudhattu jedhan.
Gabaasa Guutuu Caqasaa
Aadde Adaanech Abebee Kantiibaa Magaalaa Ta’uun Filataman
https://www.voaafaanoromoo.com/a/aadde-adaanech-abebee-kantiibaa-magaalaa-ta-uun-filataman/6248926.html
Manni maree bulchiinsa magaalaa Finfinnee har’a hundeeffamee jira. Kan haaraa hundeeffame bulchiinsi magaalattii aadde Adaanech Abebee kantiibaa gochuun filatee jira.
Kantiibaa bulchiinsa magaalaa Finfinnee ta’uu dhaan miseenosta mana maree magaalattii 138n sagalee guutuun kan filataman aadde Adaanech Abebee, mana maree sana duratti hirbuu erga seenanii booda haasaa dhageessisaniin, manni maree haaraan kan hundeeffame filannoon akka hin geggeessamne gochuuf kan ture jiddu seeniinsa alaa dura dhaabbachuun adeemsa filannoo ta’eni jedhan.
Waggoota shanan itti aananiif carraa Finfinnee bulchuu kan argate bulchiinsi isaanii, damee qiyyaafata itti kennu ijoo keessaa, malaammaltummaa ittisuun tokko ta’uu kantiibaan kun tuqanii jiru.
Hawaasichaaf qormaata kan ta’e qaala’ina jireenyaa ittisuu gama ilaaleen hiyyeeyyii irratti hojii fuuleffatee fi dargaggootaaf hojii uumuu irratti qiyyaafati kan itti kennamu ta’uu aadde Adaanech ibsaniiru.
Manni maree haaraa hundeeffame, paartii badhaadhinaaf afaan yaa’ii ta’uun kaadhimummaan kan dhiyeesse, aadde Buzeenaa Alqaadir afaan yaa’ii, dubree Faayizaa Mahaammad itti aantuu afaan yaa’ii gochuun kan filate yoo ta’u filatamtoonni kunis hirbuu seenuun hojii jalqabaniiru.
Waxabajjii 14 bara 2013 filannoo geggeessameen boordiin filannoo kan ibse bakka bu’oota mana maree uummataa 425 keessaa barchuma 410 kan injifate jpaartiin badhaadhinaa bulchiinsawwan magaalaa fi naannoo hundeessuu kan jalqabe yoo ta’u, guyyoota hanga tokko booda immoo mootummaa federaalaa hundeessuuf qophii irra jira.