293
يا صاحب الزمان ❤ ___________________________________ المعرف : @AhmedBDRE
انا لله وانا اليه راجعون
ولا حول ولا قوة الا بالله العلي العظيم
#جديد
#شور
تنادي كربله جروحي
وعليها بدعمتي أوحي
اريدن يم اخوتي هناك
غريبة وما هده نوحي
يا هلي بغربة وهوسة الشام
يم كبري اشم عطاب الخيام
جا وين هاشم وين الزلام
وين ابو فاضل وين الاعلام
انحب يخوتي بهدوة اليل
لا يم زاير لا اكو دخيل
واحفاد أمية ردت تعيل
يردون كبري منهم يشيل.
جا وين خواني.... جا وين خواني
//////////////////////////////////////////
منّتظرة خواني وهلي
لا أمي يمي ولا علي
يمي رقية وتنتحب
وتنادي ما رد كافلي؟
عكب الكفلني نفكت حلوگ
واذكر بجت من حسرتي النوگ
وتاج الحسين نباع بالسوك
للمالة حض وبخت ميلوك
جفوف ابو فاضل ضلن هناك
كتله شعجب شو ما هن وياك
يالواعدتني ابقة بحماك
امنيتي جانت موتتي احذاك
جا وين خواني... جا وين خواني
//////////////////////////////////////////
يخواني تلّ الزينبي
تّرسهن تراب العبّي
ممشة العدو صار بعجل
وانه وبناتي احبي حبي
اخذوني عن خواني الغروب
ويم الشريعة ناحت گلوب
يا هلي منين اندل الدروب
وقمصانكم رفعوها مگلوب
راس الحسين اليمشي وياي
كلما عطشت اشمر علي ماي
ما سلهمت لحضات عيناي
ولا ضلي بال وتاية الراي
جا وين خواني... جا وين خواني
//////////////////////////////////////////
#السيد_احمد_النوري
#ياعلي
علي يا علي..... علي يا علي
//////////////////////////////////////////
علي اغله من الهوة..... وأعز من روحي صرت
علي يا أجمل دوة .... مدار بكلبي درت
يمن ليامي ضوة.... ولجل حبك من عشت
شايل اسمك باللوة .... وما اخاف ولا خفت
تايه وحبك نجم
يا اهم من كل مهم
انت يا رب الزلم
علي يا علي.... علي يا علي
//////////////////////////////////////////
يالضلام شما خفت.... الهج اسمك وانتصر
وبالدرب كلما طحت.... يا علي وما انكسر
بيك انه كلما سرت.... ما تضيك وانعصر
تحيرت بيك وحرّت .... تعّبر وما تنّعبر
لمن يدور الزمن
بيك نعبرها المحن
حضرتك أجمل وطن
علي يا علي.... علي يا علي
//////////////////////////////////////////
لمن ادخل حضرتك... يمك وبس ليك احن
راجي بس مروتك .... بالكبر من اندفن
هناك تحضر رايتك .... بروحي ينزاح الحزن
ماكو كد محنتك .... بيك نعبر كل محن
يا كمر يضوي الدرب
ماي ذكرك ينشرب
وطن والباقي غرب
علي يا علي.... علي يا علي
علي يا علي..... علي يا علي
//////////////////////////////////////////
يا أمير المؤمنين.... يا سراج التايهين
يا حبل لله المتين.... يا نفس طة الأمين
انت حرز الله الحصين.... يا أمير المسلمين
يا رعب للمارقين.... وفرحة انت لكل حزين
يالي ما همك عدد
رغم ما عندك سند
يالي تحضر بالشدد
علي يا علي..... علي يا علي
//////////////////////////////////////////
السيد أحمد النوري
علي طبروك ما يدرون فزت بجنة الرحمان
يا اول بشر ما شفنه مثله إنسان
علي يالما ردت للناس تبقه اصنام
سكّت الكفر بسوالف القرآن
علي نعمه الولايه البيك يا ابو حسين
گضيت العمر بليل نص اردان
متنكّ گام يهدل من كثر ما بيه
رايح راد تنگل للذي جوعان
علي وسط الحرب من تدخل اعله اعداك
نسمع بس رجيف الگوم والفرسان
سيفك من تسّله الناس كلها اصيح
احبسو انفاسكم والموت ها قد حان
علي وسط الحرب ما يمس گلبك غيض
تدخل للحرب متمندل اتمندل
قالع باب خيبر بس چنت جوعان
اذا شبعان بس تندارله بالّضل
ابن ملجم تركته يضربك بغايات
ردت أدير وجهك بس گلت يفشل
يالعقلك حكيم وبي منابع نور
أعوج لو لفاك بفّكرته يعدل
أصل أدام تُراب وما عرفنه بهاي
قريناها ومشينه اعله الطريق الزل
#السيد_احمد_النوري
يا ربّ اليل..... طولي اليل
بس يم الباب..... اطيني الحيل
يا ربي بجاه الزهره
خليني اوصل الفقره
اطيني الحيل.
#########################
عيالك يا إلهي الفقرة بلباب
يا ربي التحبهم ذوله الاحباب
رادولي سبب عن هذا الغياب
ما يدرون راح اسكن بالتراب
والمحمل طال..... وجروحي ثگال
صافن محتار..... مشدوه البال
وانحب بدموعي الحمره
خليني اوصل للفقره
اطيني الحيل
########################
من الباب اسمعه عالي الونين
وسألوني شعجب كل هاي السنين
متخفي علينه ها يبو حسين؟
يابو الفقره لتعوف المساكين
جا وين نروح.... يا روح الروح
نخلص والله..... بعدك بالنوح
ترحل يا روح الخضره؟
خليني اوصل للفقره
اطيني الحيل.
#########################
هاي (٣) ليالي ماكو ما جيت
وحسينه بخطر من ما تعنيت
جينه نشوف طولك ضاوي بلبيت
تالي منجرح ما ندري ضليت
والصدمة بهاي.... جينه وما جاي
ضل هوسه البال..... من راي لراي
ياهو البعدك ننتظره؟
خليني اوصل للفقره
اطيني الحيل
#########################
محتار وشسوي بهذا أمري
شيبت الصبر من عاش عمري
ما ضل بي صبر ضل يبجي صبري
لمن حظروا گدامي گبري.
حاجاني بصوت.... المثلك ميموت
يا سر الكون.... يشيلك تابوت
وشلون اطمك حفره
خليني اوصل للفقره
اطيني الحيل
#########################
ذوله احبابك وأنت ادره بالحال
ما باقي أنه وچم لحظه وانشال
ما رايد تركنه بإذني تنگال
ضعفان وگمت اشبه للخيال
ودمعي بطولي..... وضّل يحجولي
ابقى ولتروح.... شگد گلولي
خنشوفك آخر مره.
خليني اوصل للفقره
اطيني الحيل
#########################
#احمد_النوري
4شعبان
ولادة الإمام الحسين عليه السلام
#متباركين
#ياعلي
علي يا علي..... علي يا علي
//////////////////////////////////////////
علي اغله من الهوة..... وأعز من روحي صرت
علي يا أجمل دوة .... مدار بكلبي درت
يمن ليامي ضوة.... ولجل حبك من عشت
شايل اسمك باللوة .... وما اخاف ولا خفت
تايه وحبك نجم
يا اهم من كل مهم
انت يا رب الزلم
علي يا علي.... علي يا علي
//////////////////////////////////////////
يالضلام شما خفت.... الهج اسمك وانتصر
وبالدرب كلما طحت.... يا علي وما انكسر
بيك انه كلما سرت.... ما تضيك وانعصر
تحيرت بيك وحرّت .... تعّبر وما تنّعبر
لمن يدور الزمن
بيك نعبرها المحن
حضرتك أجمل وطن
علي يا علي.... علي يا علي
//////////////////////////////////////////
لمن ادخل حضرتك... يمك وبس ليك احن
راجي بس مروتك .... بالكبر من اندفن
هناك تحضر رايتك .... بروحي ينزاح الحزن
ماكو كد محنتك .... بيك نعبر كل محن
يا كمر يضوي الدرب
ماي ذكرك ينشرب
وطن والباقي غرب
علي يا علي.... علي يا علي
علي يا علي..... علي يا علي
//////////////////////////////////////////
يا أمير المؤمنين.... يا سراج التايهين
يا حبل لله المتين.... يا نفس طة الأمين
انت حرز الله الحصين.... يا أمير المسلمين
يا رعب للمارقين.... وفرحة انت لكل حزين
يالي ما همك عدد
رغم ما عندك سند
يالي تحضر بالشدد
علي يا علي..... علي يا علي
//////////////////////////////////////////
السيد أحمد النوري
يايمة... يزهراء.... يا يمة..... يزهراء
////////////////////////////////////////////////
زينب انه يا يمة
جيتج مسرعة بهمة
گبرج ردت أنه اشتمة
هضمه روحتج هضمة
صورة ضلت بالي .... نيران وحرگ عالي
واسمع فضة أدركيني.. وطاح المحسن الغالي
يا يمة.... يزهراء..... يا يمة... يزهراء
////////////////////////////////////////////////
ليل فراگج بروحي
زيّد همي وجروحي
عگبج ما هده نوحي
واحزاني الج توحي
اعاين كل مسه علباب ... واتنطر يجوني احباب
لا امي ولا محسن... راحوا والگلب عطاب
يا يمة... يزهراء... يا يمة... يزهراء
///////////////////////////////////////////////
أفگد طولج بكل ليل
شيصبره العزيزة يشيل
يا حيل اليشد الحيل
شلال الدمع ويسيل
اشتم شيتلج يمة ... لچمة بالگلب لچمة
يا حزن الكلب ما هاد.. من ضلعج نزف دمة
يا يمة... يزهراء.... يا يمة... يزهراء
////////////////////////////////////////////////
يمة لطولج اشتاكيت
يالطولج يحلي البيت
احن لكعدتج وبجيت
تانيت شكثر تانيت
كسرة ضلت بروحي ... زادت همي وجروحي
معقولة بلا تشييع؟ .... يكون ولا هده نوحي
يا يمة.... يزهراء.... يا يمة...... يزهراء
////////////////////////////////////////////////
علباب اوكف بتعبي
وعيني عالدرب تربي
نار ومشتعل كلبي
ادعي بكل مسه ربي
بلكت لن حلم موتج .... واسمع زينب بصوتج
ولا اكو عصره لا نيران... ولا ينشال تابوتج
يا يمة... يزهراء.... يا يمة.... يزهراء
//////////////////////////////////////////
الشاعر السيد احمد النوري
بين سيد الشهداء وعلي الاكبر عليهما السلام .
خذتني الدنيا يمك ،،،، ردت بجروحي اشمك
اجيتك لأن ادري.. ما تجيني ما تجيني
___
اجيتك والحزن بحساسي يجري
غيرك مالي يبني بروحي تدري
يالاكبر من طحت هدمت عمري
حرگه بدمع عيني وناري تسري
خذت وياك روحي ،،، زدت همي وجروحي
خلص يوليدي صبري.. ما تجيني ما تجيني
___
يسلوت مهجتي وكل الحبايب
عفتني او وّلا عافتني المصايب
من مصرعك يبني الگلب شايب
اتركتني ليش ،، نمت اعله الترتيب
عفتني ورحت سكته،،،، يالاكبر ترد يمته
خذت وياك عمري ،،، ما تجيني ما تجيني
٠___
نمت يمك ردت اسمع انفاسك
وحضنتك لا هوه يجرح احساسك
ردت احميك بس العدو داسك
وبعد لحظات فوك الرمح راسك
امن ارد للخيمه محني ،،، يجرحي انته ويحزني
ارد ودموعي تجري... ما تجيني ما تجيني
___
حرت ما بين اشيلك بين اخليك
علي يبني امن اعوفك شمس تجويك
واذا شافتك امك موت تبجيك
حيرة يا علي وشلون ابقيك
اذا رد ماكو انته ،،،، ليلى تموت سكته
لمّك شنو عذري ... ما تجيني ما تجيني
___
رجعت اعله الخيم بس جرحك وياي
تركتك وحدك وعطشان للماي
الك عازل مكان بكلبي هواي
رحت مني وبقيت متيه الراي
يالبحضاني رابي ،،، عفتني يا مصابي
رحت وختنگ صدري... ما تجيني ما تجيني
___
#السيد_احمد_النوري
وينك يا علي يبني..... خلص وني
يغالي.
____
اركض وحدي بالهيمه بكلب يسعر وانادي
ما يحمل تره بدونك يضل يلهب فؤادي
وينك يا علي الأكبر
جسمك سالم موذر
اوكف لحظه لحظه اعثر
كون اوصل الك
بدموعي وجيت اركض... كلب ينبض... يوالي
____
ضيعتك مثل وركه بوسط غابه واتاني
ترجعلي بأمل باقي وكَلت روحي الثواني
ضليت بأمل ترجع
مو ماي انت لا منبع
يالبسمك جبل يركع
يا أعظم رزق .
عتني لمصرعك شوكي .. يمعشوكي... يعالي
__
شفتك يبني عالغبرة وطريح انت بدمائك
نايم عالترب وحدك والك حزنت سمائك
شفتك والهوه بصدري
ضاگ وما بعد يجري
يمك ما ردت عمري
واتمنيت اموت
نزلت دمعت عيوني .... وطفه لوني .... اليلالي
_ ____.
توسدت وصرت يمك واحس خلصت حياتي
من شفتك طريح انت تمنيته مماتي
معقولة هذا انت
حاجيتك بس سكته
جرحك انه ما رفته
بيا جرحي ابتدي
يمك وافرك براحي... وعله مناحي... شبكالي
__
خلصت الحجي بكربك. عجب ساكت يبابا
عمتك يبني اذا ارحل يخلوها بخرابه
صعبه يا علي صعبه
باجر عمتك بغربه
عيني اعله الخيم تربه
بلا والي الحرم
ويشتد الضمه بروحي ... يمذبوحي.. اعله حالي
___
السيد أحمد النوري
عليل اوياي طاحت حيل ،،، صحتاه
احتركت خيمتي وعباس ،، صحتاه
بقه نايم أو من السوط ،،، صحت اه
وحرت شلزم علي تاهت رقية
###########
أنگطع بيه الهوه امن اجفاك،،، عريت
ابروحي، وللسمه امن الشوغ،، عريت
روحي لمصرعك عباس ،،، عريت
وكبل شوفك تمنيت المنية
########
اعاين عن بعد ولكيت،،، مرماي
الكافل،،، گتله هم بطيف،، مَر ماي
جاوب گلي عگبج حيل ،، مرّ ماي
منهد ما وصل حرك اخيام إلية
#احمد_النوري
انصارك مجانين يدري الما دره
نالوها الشفاعة دنيا وآخره
___
واحدهم يتنومس ،،،، لو طب للحربَّ
يخليها بالحومة ،،،،،، ما تهدة التربَّ
من ينزل مو واحد ،،،، تنظرّله سربَّ
العادوهم لو صحره ،،،، يتيهون الدربَّ
راحوا وبّلا خوف ما رجعوا وره
نالوها الشفاعة دنيا وآخره
___
چن گمرة يضوولك ،،،، يا خير البشر
قسموا بسم الزهرة ،،،، ميمسك خطر
وگبالك يفدولك ،،،،، مولاي النحر
چي وياك وگربك ،،،،، ما همهم سفر
ركظوا عالمنية ما لزموا سره
نالوها الشفاعة دنيا وآخره
___
وجهك بي چم أية ،،،،، يا أجمل ورد
شافوك وما همهم ،،،، لا حر وبرد
الحَّب عينك وبگربك،،،شيقنعه ويرد...؟
يملك دنيا بروحه ،،،،،، وياك الفرد
هنياله البقه وياك مرضاتك شره
نالوها الشفاعة دنيا وآخره
_
أنصاري بيمينك ،،،، صارولك لّوة
لجروحك لا تهتم،،،، تلگاهم دوة
لو مسك وبنسمة ،،،، يقطعونه الهوة
الما ضايگها الگطره ،،،، بعيونك روة
انصارك يمولاي هيبة ومفخرة
نالوها الشفاعة دنيا وآخره
___
هد بيهم للحومة ،،،، لا تهتم بعد
ميهمهم لا جيش ،،،، ولا كثره وعدد
تلگاهم يم صدرك ،،، چن درعك سند
ما دامك وياهم ،،،، ميطيح العمد
واحدهم فداءً قدم منحرة
نالوها الشفاعة دنيا وآخره
___
#السيد_احمد_النوري
لسان حال حبيب بن مظاهر صلوات الله عليه.
انصارك.. انصارك... كلهم وفه
---------------------------------------
هذا كلامي... ذّبت وبأمامي... انه أصبح هيامي... حبيبي حسين
أبد مالي غيره... ترس كلبي غيره... صرت انه أسيره
حبيبي حسين
مجنونك يمولاي... وعابر حد الجنون
ما وصلوا هيامي... ابداً عابس وجون
لجروحك.. لجروحك... صاروا شفه
---------------------------------------
هذي سجيتي... گبلك منيتي... وانه هويتي
الخادم حبيب
حبيب ومضاهر... فدائك يطاهر... أبد مو مضاهر
الخادم حبيب
اني وأهلي نفداك.. ها يبن الزجية
ما دام انه وياك... ما هاب المنية
بديكم... بديكم... عمري صفه
---------------------------------------
وهب علميته... يخوف منيته... ترك خلفه بيته
لأنك إمامه
هتف عالي عابس... ألا من منافس... وخرّج مدارس
لأنك أمامه
طلكنه احنه دنيا... ما ردناها دونك
واطمن يمولاي... ما بينه اليخونك
أحبابك ....أحبابك .... كالعاصفه
—--------------------—---------------
اعقلنه مجنون ... وشاهد الك جون .. مو بس بالعيون
يضحي بدمائة
يحرس جناحي ... الحر الرياحي ... بلسم جراحي
يضحي بدمائة
مسلم ويه هاني ... افدولك مناحر
وبموته سعاده... نافع عمره ناذر
انصاره.... انصاره.... غيره وعفه
---------------------------------------
أنس بيمينك ... عابس بعينك ... وكفوا لدينك
أبد ما يهمون
برير بحياته.... نذرلك مماته... لأنك رباته
أبد ما يهمون
نبشر بالمنايه ... منخاف الثجيلة
ما دام احنه وياك .. موتتنه قليلة
عدوانك... عدوانك .... منه نازفه
---------------------------------------
#السيد_احمد_النوري
ياهو اليفهمها.. ويفسرها.. هاي القضية
زينب لا أبو .. وبلا أخو ... تمشي سبية
زينبكم غريبة ... الله شمصيبة
هاي ام الخدر
___
كسر ضهري الحجي هذا الي ما كلته
منو اليرضاها للغربه تروح اخته
يهاشم كعدوا هذا النوم مو وكته
مشت بتكم غريب او انتوا شو سكته
منكم ما فزع واحد.. ولا شاهد .. اجاها
وسنين الغرب.. وي الدرب .. زينب حناها
هم حرمه وسليبه... الله شمصيبه
هاي ام الخدر.
___
خذتني الغربة والمدمع حجالي
على العاشت غريبه بلايه والي
اطلعت من الخيم تصرخ يغالي
يعباس الغرب شافت خيالي
يابو الحمله شو صارت .. علي دارت .. مصايب
يابو الغيرة الي .. ما ضل ولي .. وكليبي ذايب
عباس شيجيبه.. الله شمصيبه
هاي ام الخدر
___
اطلعت والوادم تعاين عليها
وعلى الراس اشبجت زينب اديها
وحيده وبالغرب ياهو اليجيها
ينوح الصخر من يسمع بجيها
بدموع الحزن تحجي.. وتضل تبجي.. اعله اخوها
بالوادم ولا رحمه.. أصبحوا نقمه... وحنوها
بارض الطف تريبة... الله شمصيبة
هاي ام الخدر.
___
كبل جانت اميره اعله السبوها
عليها استفحلوا من مات اخوها
عجب هالدنيا دارت ما رعوها
هضموها، وحنوها، وروعوها
نزلت دمعتها.. بس لخوتها.. أهل الحمية
خلص بيها العمر. ضيم وهجر .. آآ يالمنية
عجيبة شكد عجيبة ... الله شمصيبة
هاي ام الخدر
___
لمن حركوا خيمها حيرة حارت
وهاي الدنيا كلها اعليها دارت
مثل وركة بخريق الحرة صارت
ما جاها الكفلها بدمعة سارت
بدموع العين تنادي .. هنا يالحادي.. دتاني
ما تانه اليحدي... وحول ضدي .. بسوطه رماني
مو طاهر حليبة... الله شمصيبة
هاي ام الخدر
___
احمد النوري
وصلني حديثاً كتاب (في حضرة النص) لعدة مؤلفين بمختلف الأعمار والطاقات والإبداع المتناثر بين سطور هذا الكتاب.
كان نصيبي من الكتاب(4) نصوص متنوعه قريبه من القلب وكالأتي:
1_ العارف
2_ هكذا رأيت الحسين
3_مزاد الرّق
4_فقدت الذاكرة.
سعيد بهذه المشاركة الرائعة وشكراً لهذا الإلهام على طباعة ما يدور في خاطرة القلم، وترجمته إلى واقع ملموس جزيل الامتنان والتقدير للدار ولصاحب الدار وكل من أشرف على أن يخرج هذا السفر الأدبي بهذه الحلة الجميلة والأنيقة.
القادم أفضل إن شاء الله.
#مودتي 💙
زواج النورين
امير المؤمنين
من السيدة الزهراء عليهم السلام.
#متباركين_أحبتي
احمد عرب.
#ياعلي_بن_موسى_الرضا.
#شور.
مرة بحلم چني بصحن ،، لا أعرفه ولا شايفه
وعيوني ضلت تلتفت،، عالگبة بالهم طايفة
لحظه وتبين شو هذا انت
من الصدمة گلبي ضلّ يبجي سكته
والصعبة لمن بعيوني شفته
متت ... متت
گلولي صعبة ودربك مخاطر
شبسرعة يمك صرت انه حاظر
ما بيه اعيش ولا بيه اناطر
متت ... متت
يمولاي بضريحك حگه اليموت
يا يونس نجاتي والوكت حوت
ضريحك كلبي كطع بيه البتوت
........................................................
بذاك الحلم ما ردت افز .. لكن قدر ربك جره
من حلمي فزيت ابأسه .. وعالخد دمع عيني جره
ضليت انوح ودمعي يسيل
ما عندي والي ولا من خليل
بس عينك انت لدربي دليل .... هيام
شلون اليعوفك يكدر يرد
وانه اعله شوفك يومية اعد
رايد اجيلك كافي البعد ......هيام
يكلبي لا تبطل بالك تهيد
عليمن بارد وعن الرضا بعيد
كل يوم اشتياقك رايد يزيد
..........................................................
عنك بعيد وهالأمر .. كاسرلي كلبي هواية
امنيتي اجيلك سيدي.. شايل بچفي الراية
أمنيتي اشوفن ذيج المنارة
ربحي امن اجيلك وابقى خسارة
راح ابقى اتاني حلمي الزيارة... واجيك
تعبني حزني وشوكي الجبير
وتدريبه عمري بدونك گصير
اضمني يمك رايد اصير .... واجيك
صدلي يا أنيسي بنظرة وارتاح
أسير ومالي رجوة دمعي السلاح
نزل دمعي لضريحك والترب لاح
........................... ...............................
يعصر هوه بصدري البعد .. والمثلي عايش عُجبة
يومية افز من نومتي.... مشتاك اروح الدربة
يومية افز او ابجي اعله حالي
ما عندي صاحب لا عندي والي
امنيتي اغفه بصحنك يغالي ... وهيم
هذا انه وحدي بدونك غريب
اضمني يمك ها يالحبيب
انت لجروحي وحدك طبيب.... وهيم
اليعيش بلايه شوفك طير محتار
واذا وي موتي كالوا اطلب اختار
اوديلك سلامي او وي الهوه الحار
.................................................................
احساسي مو يعكوب ابد.... هل ما اشمك بالهوه
من البجي اعليك الدمع .... فاض وصحاري الهم روه
وشلته دمعي وما ضلي ماي
حاير بدونك وبلايه راي
كدامي انت والكل وراي... عشت
لو ذكروا اسمك ليش انحني
عايش بدونك بس مو هني
كل هذا بس ما صرت الدني .... عشت
بعد مره أريدك تلفي ليه
بحلم لا مو حقيقة مر عليه
مشه بكلبي غرامك مو بديه.
...................................................................
#السيد_احمد_النوري
الوداع يا حيدر ..... الوداع يا حيدر
بسلامه يا علينه بسلامه
راح ترحل ياهو الي يضل لليتامه
اليفكد المثلك فلا ليله ينامه
يالي بجفوفك غفت حته الحمامه
الوداع يا حيدر ...... الوداع يا حيدر
____________________
ياهو عكبك يا علي ايعيش الفقير
عكبك اضيع اليتامه الكل تحير
بحضنك اينامون ادفه امن الحرير
هسه نامو علترب ها يالأمير
الوداع يا حيدر ....... الوداع يا حيدر
___________________
زينب تناديك ياهو ايضل الي
عكبك بهالدنيه يا بويه شلي
فاطمه من يمي راحت يالولي
لا تضن اصبر عله افراكك علي
الوداع يا حيدر....... الوداع يا حيدر
___________________
غوركت عين الحسن ودموعه نزلت
طاحت امن اعيونه دمعاته وتبدت
كله احس نار بدليلي أو روحي شبت
روحتك يا بويه لجمه بكلبي ضلت
الوداع يا حيدر...... الوداع يا حيدر
___________________
الوداع وكلشي راح يروح وياك
يا علي يا ابو الحسن كل احنه بحماك
كمت اشوف الطير وحده بغصنه ينعاك
احنه كلي شلون نحمل بويه فركاك
الوداع يا حيدر...... الوداع يا حيدر
___________________
#العبد_أحمد_النوري _
لحن قصيدة (يا رب اليل)
ملا عقيل الناصري
اهواز.
سلامُ عليكَ بقلبٍ لهوف
متى اراك لأنهي الفِراق
هلمّ واجمع هذا الشُتات
بأرض حسينٍ أرضُ العِراق
مبارك اكولن لو متى؟ بهذا اليوم
حيرة شكبرها بداخلي وما تنّحَلْ
أهلا بميلادك ولكن يا يوم؟
يبزّغ نهارك ع الضلام ويُفّتَل
ساعي بريدك سيدي طال هواي
منقوص كلشي وجيتك بي تكّمَل
وديتلك وي الهوا دمعه وشوك
وگلبي بمتى؟ يحرگ دليلي ويسأَل
يا مشعل اهل البيت والدنيا اليل
يا خائف ويا مرتقّب بَل أعزَل
ما غاب نورك جن شمس خلف الغيم
وغيمك عفّهَ يمطر على الما يخّجَل
غيبتك يوسف وبوسط ذاك البير
يعكوب انه وضيعيتك شنّدَل؟
ناديتلك حد ما خفت بيه الصوت
ميت وطولك من اشوفنه اعّدَل
وي مولدك خضر العنبر والياس
بنورك نشوف الدرب وبلا مشّعَلْ
غربيل هاي الدنيا واليفطن كون
وياك يبقى او أبد ما يتغربَل
والعف ضميره يدير وجها أمن الزور
والما يعف من غيرتك يتبلل
مرفوع راسه العاش وياكم طير
ومهبوط كلمن على البشر يتذّلَل
يا قائم آل البيت فرحانه الناس
حبك بداخل كل محب متغلغل
ولو شافتك هالعين فد يوم بليل
تسبح بوجهك وابد ما ضن تغّفَل
والتمت اليوم الخلك بالأفراح
وقامت لميلادك أماسي ومحّفَل
والحزن ما دك بابنه بهذا اليوم
وكلنالها الأحزان بابج مقّفَل
#السيد_احمد_النوري
#جديد
#شور
تنادي كربله جروحي
وعليها بدعمتي أوحي
اريدن يم اخوتي هناك
غريبة وما هده نوحي
يا هلي بغربة وهوسة الشام
يم كبري اشم عطاب الخيام
جا وين هاشم وين الزلام
وين ابو فاضل وين الاعلام
انحب يخوتي بهدوة اليل
لا يم زاير لا اكو دخيل
واحفاد أمية ردت تعيل
يردون كبري منهم يشيل.
جا وين خواني.... جا وين خواني
//////////////////////////////////////////
منّتظرة خواني وهلي
لا أمي يمي ولا علي
يمي رقية وتنتحب
وتنادي ما رد كافلي؟
عكب الكفلني نفكت حلوگ
واذكر بجت من حسرتي النوگ
وتاج الحسين نباع بالسوك
للمالة حض وبخت ميلوك
جفوف ابو فاضل ضلن هناك
كتله شعجب شو ما هن وياك
يالواعدتني ابقة بحماك
امنيتي جانت موتتي احذاك
جا وين خواني... جا وين خواني
//////////////////////////////////////////
يخواني تلّ الزينبي
تّرسهن تراب العبّي
ممشة العدو صار بعجل
وانه وبناتي احبي حبي
اخذوني عن خواني الغروب
ويم الشريعة ناحت گلوب
يا هلي منين اندل الدروب
وقمصانكم رفعوها مگلوب
راس الحسين اليمشي وياي
كلما عطشت اشمر علي ماي
ما سلهمت لحضات عيناي
ولا ضلي بال وتاية الراي
جا وين خواني... جا وين خواني
//////////////////////////////////////////
#السيد_احمد_النوري
#يا_علي
ليل المغرب... كاسر ضهري
ليل المغرب... شيب عمري
وضل ينزف جرحي الدامي
ماتت زهرة ايامي
ليل المغرب
////////////////////////////////////////////////
يا أول كسر بالروح غيرني
يالطيفچ يمر كل ليل ما هدني
دموعي بغيبتچ ما تنضم بردني
عجيبة شلون شالج ما هدل متني
وانه الحالي... وليل جروحي
وانه الحالي... ياهو الروحي
صارت باسمج أحلامي
ماتت زهره ايامي
ليل المغرب.
////////////////////////////////////////////////
رافگت الصحاري بغيبتچ عني
يالمنچ نفس وانتي نفس مني
على كبرچ يفاطم ما هده وني
وعله مصابچ منو غيرچ يساعدني
وبصف البير...اصرخ فاطم
وبصف البير... ما رد سالم
وانهض كوه اعله جدامي
ماتت زهره أيامي
ليل المغرب
////////////////////////////////////////////////
اسولف عالكبر بس ما يجاوبني
جا ليش الزمن رايد يتعبني
سكوتك يا حبيبي ما يطمني
يا جرحي الغميج ويا اعز حزني
وبگرب الباب ... انظر طولچ
وبگرب الباب... ابجي بدونچ
ضلموچ وياهو يحامي
راحت زهره أيامي
ليل المغرب
////////////////////////////////////////////////
حيره روحتچ يام الحسن حيرة
غربة وموحشة بدونچ تره الديرة
يأم العاطفة ويا منبع الغيرة
رحيلج مو سهل لا معضله جبيرة
يالچنتي وياي... أجمل بلسم
يالچنتي وياي... زهره وتنشم
لكن ماتت كدامي
راحت زهره أيامي
ليل المغرب
////////////////////////////////////////////////
شاغت روحي لمن كسروا ضلوعچ
خفيتي علية ودري بلچمة متونچ
يَعّين (الله) ولكن سطروا عيونچ
يبت طه شعجب ربعه يكرهونچ
سطروا عينچ.... والكون اهتز
سطروا عينچ.... والحايط نز
يا جرحي ويا ألامي
راحت زهره أيامي
ليل المغرب
////////////////////////////////////////////////
السيد احمد النوري
فَلَمّا انْقَضَتْ أَيّامُهُ أَقامَ وَلِيَّهُ
عَلِيَّ بْنَ أَبِي طالِبٍ صَلَواتُكَ عَلَيْهِما وَآلِهِما هادِياً إِذْ كانَ هُوَ المُنْذِرَ وَلِكُلِّ قَوْمٍ هادٍ،
فَقالَ وَالمَلاَ أَمامَهُ:
مَنْ كُنْتُ مَوْلاهُ فَعَلِيُّ مَوْلاهُ، اللّهُمَّ وَالِ مَنْ وَالاهُ وَعادِ مَنْ عاداهُ وَانْصُرْ مَنْ نَصَرَهُ وَاخْذُلْ مَنْ خَذَلَهُ،
وَقالَ: مَنْ كُنْتُ أَنا نَبِيَّهُ فَعَلِيُّ أَمِيرُهُ، وَقَالَ: أَنَا وَعَلِيُّ مِنْ شَجَرَةٍ وَاحِدَةٍ وَسائِرُ النَّاسِ مِنْ شَجَرٍ شَتّى.
وَأَحَلَّهُ مَحلَّ هارُونَ مِنْ مُوسى
فَقالَ لَهُ: أَنْتَ مِنِّي بِمَنْزِلَةِ هارُونَ مِنْ مُوسى إِلاّ أَنَّهُ لانَبِيَّ بَعْدِي، وَزَوَّجَهُ إِبْنَتَهُ سَيِّدَةَ نِساءِ العالَمِينَ، وَأحَلَّ لَهُ مِنْ مَسْجِدِهِ ما حَلَّ لَهُ، وَسَدَّ الابْوابَ إِلاّ بابَهُ ثُمَّ أَوْدَعَهُ عِلْمَهُ وَحِكْمَتَهُ
فَقالَ: أَنَا مَدِينَةُ العِلْمِ وَعَلِيُّ بابُها فَمَنْ أَرادَ المَدِينَةَ وَالحِكْمَةَ فَلْيَأْتِها مِنْ بابِها. ثُمَ قالَ: أَنْتَ أَخِي وَوَصِيِّي وَوَارِثِي، لَحْمُكَ مِنْ لَحْمِي وَدَمُكَ مِنْ دَمِي وَسِلْمُكَ سِلْمِي وَحَرْبُكَ حَرْبِي،
وَالإيْمانُ مُخالِطٌ لَحْمَكَ وَدَمَكَ كَما خالَطَ لَحْمِي وَدَمِي،
وَأَنْتَ غَداً عَلى الحَوْضِ خَلِيفَتِي وَأَنْتَ تَقْضِي دَيْنِي وَتُنْجِزُ عِداتِي،
وَشِيعَتُكَ عَلى مَنابِرَ مِنْ نُورٍ مُبْيَضَّةً وَُجُوهُهُمْ حَوْلِي فِي الجَنَّةِ وَهُمْ جِيرانِي،
وَلَوْلا أَنْتَ ياعَلِيُّ لَمْ يُعْرَفِ المُؤْمِنُونَ بَعْدِي.
وَكانَ بَعْدَهُ هُدىً مِنَ الضَّلالِ وَنُوراً مِنَ العَمى وَحَبْلَ الله المَتِينَ وَصِراطَهُ المُسْتَقِيمَ لايُسْبَقُ بِقَرابَةٍ فِي رَحِمٍ وَلا بِسابِقَةٍ فِي دِينٍ وَلا يُلْحَقُ فِي مَنْقَبَةٍ مِنْ مَناقِبِهِ، يَحْذُو حَذْوَ الرَّسُولِ صَلّى الله عَلَيْهِما وَآلِهِما وَيُقاتِلُ عَلى التَأوِيلِ وَلا تَأخُذُهُ فِي الله لَوْمَةُ لائِمٍ ؛ قَدْ وَتَرَ فِيهِ صَناديدَ العَرَبِ وَقَتَلَ أَبْطالَهُمْ وَناوَشَ ذُؤْبانَهُمْ فَأَوْدَعَ قُلُوبَهُمْ أَحْقاداً بَدْرِيَّةً وَخَيْبَرِيَّةً وَحُنَيْنِيَّةً وَغَيْرَهُنَّ، فَأَضَبَّتْ عَلى عَداوَتِهِ وَأَكَبَّتْ عَلى مُنابَذَتِهِ حَتى قَتَلَ النَّاكِثِينَ وَالقاسِطِينَ وَالمارِقِينَ.
#دعاء_الندبة
لحن قصيدة (وينك يا علي يبني ) .
عقيل الناصري
اهواز
يمه عنك يا علي شكد دورت
عدل بعدك ها يالكبر لو متت
بصدرك انته الخيل
يبني داست حيل
ولذالك عالأرض ما بينت
__________
انه طريت الدرب وابحث عليك
ردت اشوفك يمه اشرلي بديك
تدري من كد ما انه متعلقه بيك
اجدامي مو هنه الكلب جاباني ليك
من وصلت أو انه اجيت الجثتك
تستحي ونزلت عللخد دمعتك
والخيول أبليل
يبني داست حيل
ولذالك عالأرض ما بينت
__________
اهواي شفت أثار يمه اعله التراب
وحده منهن چنك ادور شراب
أو ما لكيت ألماي يمك بس سراب
اهنانه نور الله بعيونك يمه غاب
او غابت اوياك الشمس من السمه
شافتك عالغبره فايض بالدمه
امن الفرس يا ويل
يبني داست حيل
ولذالك علأرض ما بينت
__________
يمك ولوليت حد ما صوتي راح
عاري جسمك وانته ابد ما مستراح
يبني غطيتك يالاكبر بالوشاح
ليش ما فزيت لمن دمعي طاح
يمك ودنيت اسمعك من حجيت
اتكلي ما وفيت ابوي اشكد بچيت
فاح منك هيل
يبني داست حيل
ولذالك علأرض ما بينت
__________
وسفه يبني وهيج يفتر الزمان
اشجابك اشخلاك انته بهالمكان
ما اصدك باليكول الدنيه امان
يا امان وهالكفاك اكبالي بان
كلشي بعدك انه يالأكبر تركته
منهد ما بطف كسر ضلعك سمعته
ابچي من اسيل
يبني داست حيل
ولذالك علأرض ما بينت
__________
بحضني متعود چنت لمن تنام
وهسه علتربان نايم بضلام
راح اغطيك انه يبني بهالسهام
وبعدك انه اقره علدنيه السلام
ضاگت الدنيه علي لمن رحت
سالم وترجع الي يبني ردت
ما الك تبديل
يبني داست حيل
ولذالك علأرض ما بينت
__________
احمد النوري
شال بيده الرايه .... وكال بس احجايه
اله امحيها.... اله امحيها
_______
نزل للحومه ابو فاضل شايل بجفه العلم
اخو زينب صاح بيهم اله اموتها الزلم
كلها نادت ياابو فاضل هذا واقع لو حلم
كطع الروس بيمينه ياهو للروس اليلم
بيده دك الثايه..... وكال بس احجايه
اله امحيها.... اله امحيها
_______
هد عليهم مثل حيدر من يطب اعله الحرب
ناس غرباً ناس شرقاً ضيعو حته الدرب
من نزل صاحت الوادم هذا صكار العرب
هاي كلها أو ابو فاضل مايه ماضاكه وشرب
للنهر رد مايه ..... وكال بس احجايه
اله امحيها .... اله امحيها
_______
الناس ما شافت الكافل شافت بوجه علي
من نزل للحومه فار ودمه ضل يغلي غلي
وصل يم الماي ناده خيتي يا روحي وهلي
راح اجيب الماي الكم وانتي خويه ادللي
الماي هوه الغايه .... وكال بس حجايه
اله امحيها.... اله امحيها
_______
كل بشر بلحومه بيهم آخر انفاسه شهك
زلمه عاين لبو فاضل رجف وبوحده عرك
راد يبلع ريجه لكن صدله وبريجه شرك
كون اليشوف ابو فاضل شاد بزنوده علك
هوه وحده اهوايه.... وكال بس احجايه
اله امحيها .... اله امحيها
_______
نزل للحومه ابو فاضل ما مفكر بلعدد
ابد ما همه العمود أو أبد ما همه الزند
ناده ياهو الزلمه بيكم خل يجي عليه يهد
انه احبنه اليقابل ما احبنه اليرد
ياهو يخلف رايه ..... وكال بس احجايه
اله امحيها.... اله امحيها
_______
السيد احمد النوري
نعي للسيدة الزهراء عليها السلام
يوليدي عاري شلون أمر بيك
وين الغطه يبني اليغطيك
ما مش دوه يبني واداويك
انصب مناحه وانحب عليك
هذا علي هل جاي وياي
وبجفه فايض كوثر الماي
عطشان يبني ادريبك هواي
انهض ييمه واكعد حذاي
جا وين اخوك او وين الزلام
وينه حبيب او وينه جسام
معقوله كافل زينب ينام.؟
جرحك صعب ما ضنه يلتام
رحلة إيمان .. مبدأ قرآن .. ما ضلّ حيران
چي حبّ حسين .... چي حبّ حسين
-----------------------------
من طب مسلم للكوفة ... جان اباله
غير حسين بهالدنيا ... ما يحلاله
جانت أمنيته يشوفه... كون كباله
ويحضنه مثل مثل الفاكد ... كل عياله
صح ما شافاه .. بس روحه وياه .. صامد ما لان
جي حب حسين .. جي حب حسين
--------------------------------
سألوا مسلم كلوله ... عن حبه منين
كللهم كون العاشك ... ميحب ثنين
وأنه الحبيته بروحي .. وبنص العين
طلكت العالم وأهله ... من شفت حسين
بدموعه وطاح ... سلم وارتاح ... أعظم قربان
جي حب حسين... جي حب حسين
----------------------------------
آخر لحضاته بنادم .... بعياله يحير
ياهو اليحرسهم بعده ... يكتله التفكير
مسلم جانت أمنيته ... بدموعه يسير
ويموت كبال حسينه ... وبحضانه يصير
عطشان هواي ... بس مو للماي ... للضل عطشان
جي حب حسين... جي حب حسين
------------------------------------
جن يوسف وي اخونه ... مسلم ربعه
عافوه بنص الكوفة ... ويصعب وضعه
ناده بكل صلب الوادم ... مامش فزعه
كل شارب دنك راسه ... وفزعت طوعه
وفت كل دين ... طوعه او يحسين... للماله أخوان
جي حب حسين... جي حب حسين
-------------------------------
سلم من قصر الكوفة ... بدمعه ولهفه
وكلالي الوادم ماتت ... بيهم عفه
يحسين الكالوا أقبل .... بذبحك تشفه
من ادور ما ضن تلكه ... بيهم رأفه
يحسين الناس .. ما عدها احساس .. طاح او ربحان
-------------------------------
السيد احمد النوري
لحن قصيدة (طاحت خيمة من بيتك ) .
عقيل الناصري
اهواز .