7103
إحنه غير حسين ما عدنه وسيله والذنوب اهـــواي چـفّـتـها ثجيله
يا حبيبي يا حسين...نور عيني يا حسين
الرادود الحسيني الحاج ملا باسم الكربلائي
ليلة ٢٨ محرم الحرام ١٤٤٧ هجري
قصيدة { سلم لمن سالمكم }
الرادود الحسيني الحاج ملا باسم الكربلائي
كلمات / عمار هليل الواسطي
ليلة ٢٠ محرم الحرام ١٤٤٧
خدمناك بكرامة
الرادود الحسيني الموفق الحاج ملا جليل الكربلائي
كلمات / عمار هليل الواسطي
الطور الكربلائي الأصيل
ليلة سيدتي ومولاتي أم البنين عليها السلام
الرادود الحسيني الحاج ملا باسم الكربلائي
كلمات / عمار هليل الواسطي
محرم الحرام ١٤٤٧ هجري
شهادة سيدي ومولاي الإمام علي السجاد عليه السلام
{ ما بين شام وكربله }
ما بين شام وكربله ... عشت المصاب بأكمله
يا فجعه تتحمل يزين العابدين
..........................................................................................................................
يرابــع شمـعــه من اشموع أهل البيت
خلص عمـرك نحـــيــب بكثر ما عانيت
مذبوحـــه اعله شِـفــتك كلمـــةْ اتهنّيت
رحت للطف علـــي بــــس يا علي ردّيت
شيّبت يا رابع جرح ... والأهل كل راس برمح
وامصيبتك زادت يزين العابدين
..........................................................................................................................
يــعــاشــر مــن مُـحــرّم گاطـــع آمالك
چم مصرع شفــت يا ســـيــــدي إگبالك
مــثــل نـــار الــمُــــخــيّـــم نــــار دلّالــك
يا عُــمـــر الـبَــعَـــد بالـــنــوح يحــلالــــك
عمرك حزن حسره ودمع ... عايش هضم محني الضلع
وشلون تتصبّر يزين العابدين
..........................................................................................................................
العِلم عـــنــد الله گــلــبــك چان يتفطر
جسد بالخيمه بــس الـــروح مـــــا تگدر
رِكْضَـــت ويّا ابــوك ابــطيـحـــــت الأكبر
تـشــوفـــه شلون يجـمـــع جسمه الموذّر
يا خويه چانت صيحتك ... طيحة رواسي طيحتك
ما تنخفي الونّه يزين العابدين
..........................................................................................................................
ولا يخــلــص نـحـيــب الـتـهـمــل ادمـوعه
شــفــت جــســـام لــمّــن طــفّــــو اشموعه
العرس عرس الشــهــــاده ورمــلــه مفجوعه
اعله چفّه اخــضـــاب دم مــو حنّه مطبوعه
عريس دمّه حنّته ... وارماد صارت خيمته
لشبل الحسن تنعى يزين العابدين
..........................................................................................................................
صـــرت كلّك دمـــع والعــمـــــر يتبدّه
وعمّك طـــيــحــتــه يا شِدّت الشِــدّه
إذا ظهر الحُسيـــن إنــكــسر من فگده
شــصـــار بحــال زينــب والضعن بعده
من خيمتك صحت بألم ... عمّي يشيّال العلم
طيحتك ضهدتني يزين العابدين
..........................................................................................................................
الأشد چانت عليـــك ودم تصـــب العين
من هدّت أُميـّه بكــــربـــلــــه صــوبيــن
من گام الشـــمـــر يطـْـبـــر بنحـــر الدين
وحوافر خيل سحگت صدر أبوك حسين
مشهد فِجَع گاع وسمه ... مذبوح ظنوة فاطمه
يا والدي تنادي يزين العابدين
..........................................................................................................................
جروحك يا عــلـــي الســجـــاد ما تــشـفــه
لأن ســـبـــي الحـــرم عــنــــد الشــهـم كلفه
يـــســــاره كل ربــيــبـات الخـــــدر تـصـفــه
الأشـــد بالســُــوگ باچـــــر للحَــرم وگــفــــه
كل نظره من شامت سهم ... كل خطوه مرسومه بألم
هيچي خلص عمرك يزين العابدين
..........................................................................................................................
خادم الإمام الحسين عليه السلام
عمار هليل الواسطي
قصيدة { نار الثأر }
ما تطفه بيّه النار دمعي اعله خدّي
ثار الحُسين يصيــح ويـنــك يمهدي
..............................................................................................................................
يا غيرة الله الـــروح حالتهـه حاله
هالفجعه ما تحتاج كشـــف الدلاله
سيفك يگص ارگاب روس النذاله
وحسابك المذخور ساعتهه يبدي
..............................................................................................................................
بسمك ينادي الثار يا صاحـب الثار
وبكل گلب مفجوع مستعره بي نار
كل السيوف اسيوف بس إنته فقّار
عهدي ودعائي اوياك وكل غالي عندي
..............................................................................................................................
حيره وتصيب إعداك يالخصمـك الشر
هــذا البــرز عــبـــاس لو هـــذا حيـــدر
أين المــفـــر هــنـــاك مــا يوســــع البَــر
أنصار الك أنصار بالغالي تفدي
..............................................................................................................................
يبن الحســـن معلوم عـنـــدك قـضــيّــه
وهــواي الــك ثــــارات بالـغــاضـــريــــه
رايتك مـــن عــبـــاس مــذخـــوره هـيّـه
إهتف أنا المحجوب والظامي جدّي
..............................................................................................................................
مرفوعه الك رايــات تنطر قدومك
يوم الظفر محسوم يالمهدي يومك
بيد الله أمـــرك صـــار محّد يلومك
غير الصبر للروح يا حسره تجْدي
..............................................................................................................................
أدعي الظهورك دوم ما أدري لي وين
وشّل دمــعــهــه العيـــن وتريدك العين
بصوتـــــك نداء يصيح يا ثار الحسين
أنتظرك وما گول لهنانه حدّي
..............................................................................................................................
كلمن حــچــاهـــه وگال عــنــك خرافه
أتجاهــلـــه وأنـــســاه وبْــلا حــســـافه
جـــدّك علــي حــرمـــوه حـــق الخـلافه
نفس الزمان يجيب حاله ويودّي
..............................................................................................................................
خادم الإمام الحسين عليها السلام
عمار هليل الواسطي
قصيدة { أدريك وفاي }
عباس أدريك وفّاي
لليوم موجود ويّاي
.................................................................................................................
معلوم كفّيت يا تـاج عالراس
كفّال خيّال وعيــون حراس
أنخاك ألگاك موجود إحساس
والماي ما چان فد يوم مقياس
معذور والروح تفداك
للشام ظليــت بحماك
ماريد لا جود لا ماي
.................................................................................................................
لا عاش لا صار من گال أنساك
بالعين عبرات مــوجـــود ألگاك
وچفوف وفّـــــاي وتشيل الواك
بضعـــونــي اهنا وبالطف اهناك
فد روح ونعيش جسمين
وبــروح الـــروح حسيــن
يا سور من جور دنياي
.................................................................................................................
يا راس مــرفـــوع للدوم متبـوع
عالگاع برمــــاح مرفــوع مرفوع
إحساس بي صوت وفّاي مسموع
ويّـــاي والعــيــن تقـــراك ادموع
الگاك يا خــوي بالروح
ماگول فد يوم مذبوح
موجود يا ماي عيناي
.................................................................................................................
ضي عين عالعين ما يوم محجوب
موجود نبــضـــات وتعيـش بگلوب
عباس والصـــار مـعــــلــوم مكتوب
الـعــاداك لليـــوم مــهــزوم مرعوب
مهيوب واعداك تخشاك
بالنـــوم كابـــوس تلگاك
حمّاي يربات حمّاي
.................................................................................................................
عباس وفّيت والروح قربان
أدريك للطيــب للزود عنوان
چفين جزئين وحسين قرآن
والعين ترتيل نبرات عطشان
محــفــوظ قـــرآن محفوظ
بس حيف بالخيل مرضوض
عباس شتريد إعداي
.................................................................................................................
حسرات مأسات من يوم عاشور
واليوم برمـــاح تــنــشــال انحور
ينــگــاد بحــبـــال بـيــت المعمور
قــربـــان للديـــن وفّــيـــت انذور
حراس والدين مضمون
للشــــام وياي تمشـــون
إخوان بالراح والجاي
.................................................................................................................
عباس چم حيد بالموت مولود
لو غاب عالعين بالروح موجود
مذخور مضــمـــوم لَـيّام السود
ناديت عــبـــاس للشـــام مريود
آمال أحيـيت آمال
عباس للموت كفّال
حيّاك للدوم رجواي
.................................................................................................................
خادم الإمام الحسين عليه السلام
عمار هليل الواسطي
قصيدة { روحي يمك }
يبن أمي وحگ كل قطــره من دمّك
من عنك رحت روحـي البـقــت يمّك
..........................................................................................................................
يا خويه درب السبي ... عذبني كلش صعب
ثكلى وكفيلة ضعــن ... حرمه وأسيرة حرب
موجود شفت الحقد ... والناس كلهم غُرب
بكل خطوه يعثر جرح ... وشطوله صار الدرب
وبوسط الگلب ما ينوصــــف همّك
من عنــك رحت روحي البقت يمّك
..........................................................................................................................
سألــونــي عـنــك نعـم ... حـچـي الشماتـه قهر
گالولي بس كل حرف ... مـنـهــم سهـــم بي أثر
سألوني وين السبط ؟ ... سألـــــوني وين الگمر ؟
حسّـــيــت بيّه النَفَس ... بالنَسمه طاح وعثر
كل حرف ابجرح خويه وحق إسمك
من عنــك رحت روحي البقت يمّك
..........................................................................................................................
آنــي الأمـيــره چـنــت ... من قبل طف كربله
هسه الأسـيـره أنسَبـي ... مــوش آنــه المْدللـه
رمـــح اليشيل بحـقــد ... راســـك يـبـو العايله
چن شال گلبي ومشه ... يا ضيم أتحمّله
كل هذا الدرب بس روحي يم جسمك
من عنــك رحت روحي البقت يمّك
..........................................................................................................................
حيرني دهري بدرب ... غير الله محّد إلي
حقد الخذوني سبي ... بغضاً لٱبويه الولي
أكبر دليل الحصل ... وأحزانه ما تنجلي
يشتموني وآني مَرَه ... يشتموني چي بت علي
راسك عالرمح واليشتــــم ايلچمك
من عنــك رحت روحي البقت يمّك
..........................................................................................................................
يحسين عگب الگمر ... ابدور الكفيله صرت
أجمع يتامى وحرم ... يا خويه حيره حرت
وبطول درب السبي ... من الهوا اتكدّرت
يمنعون حتى البچي ... لو حتى ليك انظرت
أغلى امن الهوا وما نگدر انشمّك
من عنــك رحت روحي البقت يمّك
..........................................................................................................................
آني وعليلي وجرح ... والعامل المُشترك
ليليه خِفْيه ابدمع ... يا خويه نتذكّرك
لا ما نسينه الحصل ... وشلون نتصّورك
خيل العده سِحْـگِـتك ... نبچي على منظرك
ما أقصد عتب ومعاتبي يهضمك
من عنــك رحت روحي البقت يمّك
..........................................................................................................................
فوگ الهزيله اركبت... مهمومه متحيّره
ثق من هوان الدهر ... يسبون بت حيدره
بالناگه يحدي زجر ... يزجرني واني مَرَه
شتشوف عيني بعد ... من هالسبي يا ترى
مطلع هالدرب بعيوني ظل رسمك
من عنــك رحت روحي البقت يمّك
..........................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
فداك الأربعه يحسين وأتمنى بعد عشره
أريد بوجه الأبيض غاد ألاگي أُمّك الزهره
............................................................................................................................
قليل شما أقدّملك فداك أولادي واني أمهم
لو عندي بعد عشره وحــــق إسمك أقدّمهم
فداك الروح وانته الروح أخوهم وانته سيدّهم
هديتي وهذا قرباني ... وأم الوفه عنواني
شرط واحد وره الثاني
گدّامك يماي العين تطيح اولادي عالغبره
............................................................................................................................
هذوله إربات داحي الباب مثلك يا شبل حيدر
خاف جيوش أميه تعيل يقلعوهم مثل خيبر
شيّال العلم بيهم كفيل الحره يتصدّر
غيور ويعرف احساسك ... والعباس عباسك
گبل ما تاخذ أنفاسك
يگلب كربله اعله الجيش يخلي اليمنه عاليسره
............................................................................................................................
وحقّك يلسكنت الروح أقسم بالزچيه أمّك
تمنيت أرحل بضعنك وأظل بكربله يمّك
أبد ما شلت هم ولدي شلت بگلبي بس همّك
لذلك باچر الأولاد ... عد عينك يبو السجاد
موعد كربلائك غاد
توگف عد مصارعهم وبيهم أبقى مفتخره
............................................................................................................................
ما يسوه العمر دونك يبن المرتضى الوالي
شما غالين أولادي لجــلــك يرخص الغالي
عليهم عاقده بالطف يبو السجاد آمالي
أتنطر خبر عنهم ... كلهم فدوه الك كلهم
ما يرجع إلي منهم
شهاده وهذا موعدهه خبرهم وآنه منتظره
............................................................................................................................
باچر من تغير إعداك والحومه تضج فرسان
تلگه أولادي گدامك فزعت زلم بالميدان
وحق عباس أبو الغيره باچر ترجف العدوان
زلزال الغضب ولدي ... من المعركه تبدي
حومه تجيب وتودّي
يرعبون العده بالطف نفس شمرت علي الشمره
............................................................................................................................
عهد ويّا أمك الزهره أريد بولدي أوافيهه
وبيوم الحشر لمّن تواسيني وأواسيهه
أگلهه الأربعه فدوه هديه ومني اقبليهه
هذا العهد يحسيني... دائم بينك وبيني
أوافي اوياك خليني
أنتظره ترد اردود ليل وشوفتك گمره
............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
فرض الحـزن هـذا مُحرّم
والعاف درب حسين يندم
...........................................................................................................
يلّا النــشــامى يــا مُــوالــيـن
كلنا اعله درب حسين ماشين
إحيــو الشــعائــر يا مُحـبـيـن
عاشور يعــنــي ثــــورة الدين
من كربلاء الواعــي يفهم
والعاف درب حسين يندم
...........................................................................................................
ننشر ســواد أحــزان الگلوب
ما عدنه غير حسين محبوب
بهاي المصيبه اگلوبنه تذوب
فرض الخِدامه هسه مطلوب
رب العرش بالخادم أعلم
والعاف درب حسين يندم
.............................................................................................................
إي والرُفـــع بالطـــف لواءه
للمـــوت ما نــتـــــرك عزاءه
كل يـــوم يتجـــدد ولاءه
كل أرض هــيّــــه كــــربلاءه
كل خادم امن السبط مُلْـهَم
والعاف درب حسين يندم
...........................................................................................................
يالتـخـدم إحـــذر لا يـغيروك
بالخدمه تبــقــه مـــا يريدوك
عوف النقد عــــوف الينقدوك
شد حيلك وخـلـهــم يشوفوك
ظل عالي صرحك ما تهدّم
والعاف درب حسين يندم
...........................................................................................................
بهذا الطريق أجيـال وأجيـال
من هالمجالس نعقد آمال
غايبنه يظهر والبُـعد طال
كل الخدم أقوال وأفعال
والعاف درب حسين يندم
...........................................................................................................
لو هَــل محرم نجري الدمــوع
لهاي المصيبه نحـــنــي الضلوع
نذوب بألمنه مـــــثــل الشموع
كل گلب بينه يبقه مفجوع
والدمع مو من ماي من دم
والعاف درب حسين يندم
...........................................................................................................
هــاي اللـيـالــي بدمــعـــة العين
نــتــقــرّب الربــنـــا بالحــســيــن
إبــدي العــزا ولتــگـلّــي بعــديــن
هـــاي النِــعــم تـتـحــصّــل امنين
بحسين ربنا اعلينه أنْـعَـمْ
والعاف درب حسين يندم
...........................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
بالعيون ... مرسومه لمصابك صور
بالعيون ... دمــعـــةْ مُحرّم وصَفَر
..............................................................................................................................
يحسين كلنا ابخدْمتك بعدنه
نكتبلك بدمـــع الوفـه عهدنه
يا روح روح التسكن بجسدنه
كل عـــام أكــثـر يرتفع عددنه
بالعيون ... تلگه الحزن تارك أثر
بالعيون ... دمــعـــه المحرّم وصُفر
..............................................................................................................................
خدمه بكرامه ما رضينه الذلّه
فـــدوه الك هذا عُمــرنه كلّه
بهاي الشعائر للمــجــد نوصلّه
والما تعــجــبـــه هالشعائر خَلّه
بالعيون ... من مستهل هذا الشهر
بالعيون ... دمــعـــه المحرّم وصُفر
..............................................................................................................................
شهرين بيهن چم جرح يكابر
بنوح العــوالـــم كربله نسافر
بحزن الليالي ترسم المشاعر
من هسه نبدي والنهار العاشر
بالعيون ... چم حسره من هذا السفر
بالعيون ... دمــعـــه المحرّم وصُفر
..............................................................................................................................
وبكل محرّم وصفر مواجع
والـنــار شيطفّيهه بالمدامع
بكل عين يصغر هالفضاء الواسع
وبكل گلب عاف الحزن منابع
بالعيون ... نوح وصدى وصفنة قدر
بالعيون دمــعـــه المحرّم وصُفر
..............................................................................................................................
عاشور يرفع للمجالس رايه
بيك البدايه وعندك النهايه
حد ما تجيك الكربله المشّايه
وفّايه يحسين الخدم وفايه
بالعيون ... إنته المقر والمُستَقر
بالعيون دمــعـــه المحرّم وصُفر
..............................................................................................................................
من الطفوله وما تركنه دربك
والترضى عنّه يعني يرضي ربك
شگد غالي عدنه وبينه ثابت حبك
تسكن گلبنه وكلنه فدوه الگلبك
بالعيون ... فوگ الرمح صرخة نحر
بالعيون دمــعـــه المحرّم وصُفر
..............................................................................................................................
تخلص سنه ونحسب سنه العاشورك
يبن الولي ونور الله مــصــدر نورك
غصبـــن على العــاداك عالي سورك
ونزورهه الجنّه إذا نزورك
بالعيون ... ننطر أملنه المنتظر
بالعيون دمــعـــه المحرّم وصُفر
..............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة أنصار الحسين عليهم السلام
كلمة شرف ننطيك يبن الزچيه
والموعد بعــاشـــور بالغاضريه
..................................................................................................................................
بالحومه ما تحتار عد عينك إحنه
بسمك يبو السجاد يالغالي صحنه
گد ما خذانه الشوگ عالفطره رحنه
إحنه لجل عيناك نهوى المنيّه
..................................................................................................................................
يتراجف الميدان من يجي العاشر
وعدوان أُميه تحير عدهه العساكر
سعفه بمهب الريح حالتهه باچــــر
أين المفر نصيح يا آل أُميّه
..................................................................................................................................
والرُفع سبعه اشداد نگلبهه بيهم
باچر تميل الگـــاع لمّــــن نجيهم
بعون الله بالميدان يسكت حچيهم
باچر نرد صفين والخيبريه
..................................................................................................................................
بعيونك بعاشور يبن الولي تشوف
حيَّ اعله نصرك غاد نتحزم صفوف
شبه الرجال إعداك لازمهم الخوف
عدنه الشجاعه أنواع مثل السجيّه
..................................................................................................................................
من راية العــبـــاس ناخـذ عزمنه
حي الله أبو النوماس رافع عَلَمنه
وشما تكون إعـــــداك لا ما تِـهِمنه
عدنه الشهادة اوياك أكبر قضيّه
..................................................................................................................................
نقسم قسم للموت كل إحنه أنصار
غيرك يبو الســجـــاد ثق لا مَنختار
عشنه بكرامه اوياك وبفضلك احرار
تفديكم الأرواح يهل الحميّه
..................................................................................................................................
لا ما نطخ الراس لو ضدنه صوبين
بغيرك يبو الأمجاد ما تنملي العين
نبض الگلوب يصيح عونك يالحسين
ونقدّم الأعمار لجلك هديّه
..................................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة القاسم بن الحسن عليهما السلام
عرس الشــهاده بكربلـــه بعاشر محرم
يالقاسم شموع العرس تتحنّـــه بالدم
........................................................................................................
كربلاء وموعد الحومه يناطر
الك يا شبل الحسن لو صار عاشر
من وصية والدك تقراهه باچر
توفي عمك ما تهاب امن المخاطر
عندك مهمه بكربله والباري أنعم
يالقاسم شموع العرس تتحنّـــه بالدم
........................................................................................................
من طلعت امن الخيم عمّك تگله
ارخصني عمي يلّي ما ترضالي ذله
تودعك رمله وبچت معذوره رمله
لو بچت دم هالمصيبه ماهي سهله
امودّع تگـلّـك بالسلامه النَصرت العَم
يالقاسم شموع العرس تتحنّـــه بالدم
........................................................................................................
فارس وللموت طالع ما يهمّك
كثرت العدوان لو تلگاهه يمك
اترخصت من الحسين وصاح عمك
هلا يا شبل الكريم ودمّه دمّك
ناوي الشهاده وبالشـــهاده دوم تحلم
يالقاسم شموع العرس تتحنّـــه بالدم
.......................................................................................................
ابعمرك وخل يفتخر كلمن بعمرك
للشباب إنته مثال وعالي قدرك
تفتدي هاي القضيه وهذا نصرك
رايح العرس الشهاده تفدي نحرك
ولكل جَرح تدري الحُسين يصير بلسم
يالقاسم شموع العرس تتحنّـــه بالدم
........................................................................................................
ساعة الصارت عليك اعداك صوبين
منك اقتربت منيتك يا ضوه العين
سلّمت آخر سلام بگطعة البين
وبالدمع رد السلام اعليك الحسين
ودموعه من عينه جرت ساعت السَلّم
يالقاسم شموع العرس تتحنّـــه بالدم
.....................................................................................................
للشهاده دروس يلدمّك كِتبهه
ألف هنياله البذل نفسه بدربهه
نعم أمك ذاب بالحسره گلبهه
بس وصية والدك هذا طلبهه
عطر الشهاده إمن النحر يالغالي ينشم
يالقاسم شموع العرس تتحنّـــه بالدم
........................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
يا موت إخذ روحي ... حتى الگه مذبوحي
مشتاگه لحسين
.............................................................................................................................
آني أم البنيــن وهالطلب منّـي
طال الإنتظار وما خلـص ونّـي
أرحّب بيك أنا يا موت صدّگني
ما دامك تجي ولحسين تاخذني
من تاخذ اسنيني ... توصّلني لحسيني
وسنيني لحسين
.............................................................................................................................
صبرت وكابرت والشوگ مو عابر
يگظي اليــوم أگولــن أنتظر باچر
مشه ضعن الأحبّة وگلبي ظل صابر
على جمر الحزن صبـح ومسه يناطر
كل عمري أنتظره ... حسره بعد حسره
حسراتي لحسين
.............................................................................................................................
مو بس أربعة لو عشرة أولادي
أنذرهم سوه الريحانت الهادي
چانت شوفته آمالـــي ومْرادي
الدنيه بوادي كلها ودمعتي بوادي
أزرع ورد دربه ... لن فرگته صعبه
كل نذري لحسين
.............................................................................................................................
نعم يا موت نار بمهجتي الأشواگ
إخذ روحي الگظت من كثر ما تشتاگ
شحسبهه الجروح جروحي كلها اغماگ
مل مني الصبر والكون الأوسع ضاگ
من سافر الغالي... حال الحزن حالي
أحزاني لحسين
.............................................................................................................................
خلهه تموت روحي وما تظل اتنوح
من عاشر محرم ميته بيّه الروح
عشت بس الجسد ومناطره المذبوح
أنفاسي مواجع وانتظاري جروح
من تنتهي ايامي ... تاخذني للظامي
أيامي لحسين
.............................................................................................................................
تقرّبني يموتي لو إلك جيّه
من العاف أكثر من جرح بيّه
حسين وبالدمع أنعاه ليليّه
عزيز الطاهره الراضيّه المرضيّه
يا موتي نمشيله ... والموعد الليله
ملهوفه لحسين
.............................................................................................................................
چانت أُمنيه لو گبري يم گبره
نسيم الهاب منّه يزورني بعطره
حسين العنده ظلّت بالگلب حضره
شگد مشتاگه أشوفه هواي منتظره
ما ترجع ظنوني ... لو شفته بعيوني
وعيوني لحسين
.............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الوداع
هالليله يحسين اوياك ... باچر اشيحمل فرگاك
تحاچيني يا ماي العين
هالليله بس باچر وين ... باچر اشيحمل فرگاك
................................................................................................
يبن أمي هالليله بدمع نتوادع ومن يدري
باچر يخويه بكربله شيصير يا ضي عمري
أصبر واشوفك يا شهم توصيني خويه بخدري
تدريني أظل امحيره صبرك تشد بي صبري
ريت الصبح لا مرني ... ينگطع باچر ظني
يا خويه تحصلّي منين
هالليله بس باچر وين ... باچر اشيحمل فرگاك
................................................................................................
مكفوله جيت الكربله براعي الفضل يدروني
هاي اخت عباس الگمر وامدللـه ايسموني
وعيونه تربي المحملي سهرانه لجل عيوني
شيصير بيه لو شفت مكطوعه منه ظنوني
باچر تغمض عينه ... ويتكطعن چفينه
محلاهه ذيچ الچفين
هالليله بس باچر وين ... باچر اشيحمل فرگاك
................................................................................................
بين الخيم يا مهجتي شفتك وگلبي تفطر
تتفگد الليله الأهل وللمعركه تتحضر
طالت يخويه صفنتي بس بالصبر أتصبر
لحظة الشفتك يا شهم گاعد تحاچي الأكبر
يحچيلك وتحچيله... والليله آخر ليله
والموت ينطر روحين
هالليله بس باچر وين ... باچر اشيحمل فرگاك
................................................................................................
أصعب بعد يا سلوتي شفت الرباب بعيني
تناغي الطفلهه بالمهد چن هاجسي يحاچيني
باچر النبله بمنحره بينه تحول وبيني
شيصبر أمه عالبعد العبد الله فدوه سنيني
هذا الرضيع شذنبه... والعطش فطّر گلبه
وبيا بخت يگصي البين
هالليله بس باچر وين ... باچر اشيحمل فرگاك
................................................................................................
عادت الأم اعله الولد هيه التنشف دموعه
رمله لعد جاسم إجت تعلگ لعرسه شموعه
ما تدري باچر حنته دمه وتظل مفجوعه
ونتهه باچر عالابن مخفيه ما مسموعه
گعدت الليله يمه ... اتقبّله واتشمّه
ليل وجمع هالگلبين
هالليله بس باچر وين ... باچر اشيحمل فرگاك
................................................................................................
يا خويه هالليله بقت يمي وأشوفك حاضر
خل تشبع عيوني بعد ويصبر دليلي الشاجر
باچر مثل هذا الوكت المن الروح تباصر
أحاه يفراگ الأخو أحاه يفجعة باچر
وياك گلبي الليله ... باچر منو يشد حيله
يمي وأشوفك يحسين
هالليله بس باچر وين ... باچر اشيحمل فرگاك
................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصيدة عهد الغيارى ( المشاية )
الرادود الحسيني ملا حميد التميمي
١٤٤٧ هجري/ ٢٠٢٥ ميلادي
قصيدة { يخلص عمر الشموع }
من أقرب القصائد إلى قلبي والتي كتبتها بحق سيدي ومولاي الإمام المهدي المنتظر عجّل الله تعالى فرجه الشريف
راحة التعب
الرادود الحسيني الحاج محمد الوائلي
محرم الحرام ١٤٤٧ هجري
قصيدة { دليلي إحتار }
الحاج ملا باسم الكربلائي
كلمات/ عمار هليل الواسطي
محرم الحرام ١٤٤٧ هجري
قصيدة { المشاية }
ميراث الوفه من صاحب الرايه
جينه امن البحر للنحـــر مشّايه
..................................................................................................................................
مشّــايه إجيــنـــه بغـيرة الكافل
جدّدنه العهد والعهد مِـتْـــواصل
تعلمّنه الوفه بمدرسـة أبو فاضل
كلنه ابخدمتك يحسين وفّايه
..................................................................................................................................
رايات الوفه بكل صوب منتشره
مشينه ومستهلنه كتبته البصره
قصيده للوفه مكتوبــــه بالعبره
كل خطوه حرف نقراهن اقرايه
..................................................................................................................................
يبن المرتضى وما عدنه شي يصعب
وبيوم اربعينك فرض يتوجّب
نستقبل ضعن أم الخدر زينب
نمشي الكربـلائــك والمشي آيه
جينه امن البحر للنحـــر مشّايه
..................................................................................................................................
آيات الـــوفـــه بدمــــوع نكتبهه
وخطوات المشي للجنّه نحسبهه
ملايين التزورك گلبك يحبهه
ولأجلك غدت للموت شرّايه
..................................................................................................................................
وحق راية كفيل الطاهره وجوده
ويّاك المحــب ما يخلـــف اعهوده
نوصلّك مــشـــي والسُفره ممدوده
مواكب بالكرم والجود عطّايه
..................................................................................................................................
على طول الدرب مَد المواكب صار
وتـــنــادي يــزايــر أبـــد لا تحــتــار
نوصل حَضْرتـــك يا ســيّــد الأحرار
والقله القليله صارت اهوايه
..................................................................................................................................
الك سمعاً وطاعه وكلنه عد عيناك
مشايّه وفدائك كلمن اتعنّاك
لا حَر لا برد يمنعنه عن ملگاك
يا أول عطش فاق وهزم مايه
..................................................................................................................................
خادم الإمام الحسين عليه السلام
عمار هليل الواسطي
قصيدة { مو عالشريعة }
مو عالشريعه بروحي موجود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
وحق عهد الكفاله البينك وبيني
من عاشر محرم تبچي دم عيني
عشت إحساس بيّه وداعت حسيني
وسكنت بروح روحي ودم شراييني
صَبري اعله حزنك فاق الحدود ... يا أبو فاضل
ما قـصّرت يا صاحــب الجــــود ... يا أبو فاضل
.............................................................................................................................
شهم يربات حيــــــدر ذاك والدنه
يرجـــع مُلـتـقــــانــه اشما تباعَدنه
على الفطره الوفه والمكرمه عدنه
يخويه والشــهــاده هيّــه شاهِدنه
كلّك وفه واچفوفك اشهود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
وحق أربع حروفك خويه يالكافل
على درب السبايا وعهدي متواصل
شغف گلبي وحياتك يالگمر واصل
مره حسين ينبض مره أبو فاضل
تكتب دموعي فوگ الخدود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
ضوه دمّك يخضّب وجهك الغالي
راسك فوگ رمحه وبعده يبرالي
راسك أعلى منهم يبقه للتالي
هو العالي يبقه بكــل وكت عالي
إنته الگمر وانجومك اجنود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
أنا يا مـــاي عـيــنــي زينب الكبرى
حسرتي واشتياقي ترســــم العبره
رغم بالروح عايش تبقه كل فتره
بس تجــــرح دليلي كلمة الذكرى
كلما أذكرك أكثر تزود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
صعب ليل الخرايب والجرح يكبر
ويعرفوني الشماته امْدلّلت حيدر
يسألوني عليك وگلـــبـــي يتفطر
حتى امن النســيــــم الهاب اتكدّر
أصبر يخويه وهذا مريود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
عشت بعيوني دمعه والدمع راسم
بخيالي كل جروح الماضي والقادم
غيور وما عفتني وترعـــب الظالم
راســك كلّه غِـــيـــره يا گمر هاشم
واعله الضعن ظل راسك يذود ... يا أبو فاضل
ما قـصّرت يا صاحــب الجود ... يا أبو فاضل
.............................................................................................................................
خادم الإمام الحسين عليه السلام
عمار هليل الواسطي
قصيدة { حي ميت بدمي حسين }
حي ميّت بدمّي حسين بي للحشر أتباهه
.............................................................................................................
دم الحُسين الكتب نهج الثوره
عاشر محرم بي تحقـــق نصره
واتكفّلت بعــــده العقيله الحرّه
فصل السبي وفوگ إرماح روس الزلم ويّاها
.............................................................................................................
واهم الظن هالملـحـمـــه تتلاشه
نصر الحسين إويا الزمن يتماشه
دين الله ثــــورة كربـــلــه إنعاشه
سر البقاء بعاشور وربنا الذي يرعاها
.............................................................................................................
شوف الخلود المن صُـفــه بالتالي
وينه يزيـــد ووين قصره العالي
ما قارنت بـــس الحُســـيــن الغالي
وشگد كريم ومهيوب للباري روحه انطاها
.............................................................................................................
عرّج على درب السبايا الأصعب
ذاك إبتدت مـنّــــه حكاية زينب
تلگه النصر هوّه الجواب الأنسب
كلّه بسبيل المعبود قربان عترة طه
.............................................................................................................
فوگ الرمح بس كلّه غِيره الوفّاي
أكبر عزم من مسألة جـــــود وماي
عباس واحد بس وحــق الله هواي
كل الصفات الطيبات راعي الفضل معناها
.............................................................................................................
كلشي بسبيل الله توجّه للشام
روس النشامه والحرم والأيتام
رغم الحزن رغم القــهــر والآلام
كلمة شرف گال حسين وبهالنصر وفّاها
.............................................................................................................
أجيال بعد أجيال والدنيا اتدور
تروي البطولة من وقائع عاشور
صرختها ترفض كل عناوين الجور
هيهات للذلّه تصيح والذلّه مِنْ يرضاها
.............................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة القاسم بن الحسن عليهما السلام
ربّيتك الهذا اليوم بيك الحسن وصّاني
………………………………………………………………………………...........................
ربيتك وردتك تعوضلي ارباي
وينك يسبّاح القلب يا رجواي
متوذر ومحروم من شرب الماي
عرس الشهادة بكربله يا وفّاي
شمعة شبابك بدماك تطفه وتهيج احزاني
………………………………………………………………………………............................
نيران شبت بالگلب والصيوان
طفّوا شمعتك والعرس صار أحزان
متحنّي بالدم مرمي فوگ التربان
يا روح روحي بگلبك الظل عطشان
بفگدك ييمه جسام ثكلى صرت خلّاني
……………………………………………………………………………..................................
بالحومه يا نبض الگلب تتوذر
والنار بعدك بالخيم تتوجر
آنه امك وبعدك يعيني أتيسر
للشام نطلع كل گلب يتفطر
من كربله لگاع الشام دمع الفگد أذّاني
………………………………………………………………………………................................
حسره اعله حسره الروح عاشت چم هم
معذوره بفراگك إذا أتألّــم
كل جرح منك جفني ظل ينزف دم
باچر سبي يا جاسم وما أسلم
بس الدمع بس الآه ظل يالولد عنواني
………………………………………………………………………………............................ ....
يا يمه ودّعتك بگلبي المتعوب
روحي بغيابك ياضوه عيوني اتذوب
شفت آنه المگدّر عليّ والمكتوب
آنه أمّك وإنته العزيز المخضوب
ثكلى وسبيّه جرحين واحد أشد من ثاني
………………………………………………………………………………..................................
مر الصبر بعدك جرعته بنوحي
هيهات ما تشفه يغالي اجروحي
لو ردت روحي هاك اخذهه روحي
عريس ردتك بس صرت مذبوحي
أتمنى ياخذني الموت يمّك أروحن آني
………………………………………………………………………………......................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي فاطمة العليلة عليها السلام
طيفك لو يــمـــر عينــي ... يمّك خــل يودّيـني
عليله وما خلص نوحي ... وينك بويه يحسيني
.........................................................................................................................
من آخر وداع وروحي محتاره
والفارگهــه أبوهه تنطر أخباره
عليك الگلب يسأل ما طفت ناره
بملامح وجهي حزنك تارك آثاره
دمع عيني على خدّي ... بده بقصةْ يتم يبدي
عليله وهذا إحساسي ... وينك بويه يحسيني
.........................................................................................................................
شگد أحسب ليالي وأنتظر ترجع
أصبر بلكي روحـــي بالصبر تقنع
أريد بصوتك إسمي اتردّده أسمع
جسد والروح تهوى الكربله تطلع
قَسَم وبأربع احروفك ... أموت إنچان ما شوفك
دخيلك يا ضوه عيوني ... وينك بويه يحسيني
.........................................................................................................................
وحشه البيت دونك يا ضوه بيتي
يعافــيــتــي بغيابك ماكو عافيتي
صحت يا كربله ابحالتي شسويتي
عند الله العِلم چم جرح خليتي
بقت تشتاگ الك روحي ... يبويه وبلسم جروحي
حياتي صعبه من دونك ... وينك بويه يحسيني
.........................................................................................................................
مكانك خالي بويه وحسرتي حسره
زغير هواي عمري وحزنك اشكبره
تشبّـــهنـي چنــت بالطاهره الزهره
بدت سود الليالي وشوفتك گمره
نهاري أظلم وحق عينك ... سؤالي بكل وكت وينك
غيابك ذبّل اجفوني ... وينك بويه يحسيني
.........................................................................................................................
هم ترجـــع بـعــد يا والدي الغالي
هم نگعد ســــوه والوكت يحلالي
يا يـــوم اليــمــــر تتلاشــى آمالي
بس طيف الحزن من أغفه يبرالي
وحشه بغيبتك دارك ... يبويه انگطعت اخبارك
وحدي لا تخليني ... وينك بويه يحسيني
.........................................................................................................................
أردد كــل وكــت يا والــدي بأسمك
روحي بكل مسه تشتاگ وتكلمك
عشت وحدي غريبه وشايله همّك
عــبــد الله ورقــيّـــه اثنينهـم يمّك
ما واحد بقه يمّي ... شلت وحدي ثگل همّي
بعيد الدرب يالغالي ... وينك بويه يحسيني
.........................................................................................................................
ختاماً يا أعز من روحي مهمومه
ما متعوده منـّك أبـقـــه محرومه
جفني ما غمض وجروحي ملچومه
عليله والدهـــــر خلاني مهضــومــه
كل عمري الك فدوه ... إنته للگلب سلوه
صحت والصدى جاوبني ... وينك بويه يحسيني
.........................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
طول الدهر عاشوراء تتخلد بمعناها
.............................................................................................................
دم الحُسين الكتب نهج الثوره
عاشر محرم بي تحقـــق نصره
واتكفّلت بعــــده العقيله الحرّه
فصل السبي وفوگ إرماح روس الزلم ويّاها
.............................................................................................................
واهم الظن بيوم ننسه المظلوم
أصلاً محرم عدنه باقي بكل يوم
بحسين هذا العمر بالخدمه يدوم
سر البقاء ومعناه دين الله بي يتباها
.............................................................................................................
شوف الخلود المن صُـفــه بالتالي
وينه يزيـــد ووين صــوتــه العالي
ما قارنت بـــس الحُســـيــن الغالي
وشگد كريم ومهيوب للباري روحه انطاها
.............................................................................................................
عرّج على درب السبايا الأصعب
ذاك إبتدت مـنّــــه حكاية زينب
تلگه النصر هوّه الجواب الأنسب
كلّه بسبيل المعبود قربان عترة طه
.............................................................................................................
فوگ الرمح بس كلّه غِيره الوفّاي
أكبر عزم من مسألة جـــــود وماي
عباس واحد بس وحــق الله هواي
كل الصفات الطيبات راعي الفضل معناها
.............................................................................................................
كلشي بسبيل الله توجّه للشام
روس النشامه والحرم والأيتام
رغم الحزن رغم القــهــر والآلام
كلمة شرف گال حسين وبهالنصر وفّاها
.............................................................................................................
أجيال بعد أجيال والدنيا اتدور
تروي البطولة من وقائع عاشور
صرختها ترفض كل عناوين الجور
هيهات للذلّه تصيح والذلّه مِنْ يرضاها
.............................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي فاطمة العليلة عليها السلام
يسألـني گـلبـــي والگلـــب دارك
يا بويه ليش انگطـعــت أخبارك
..................................................................................................
أحسب أيام وليالي إنتظاري الشوفتك
تدري مشتاگه يغالي روحي هسه رادتك
بويه تدريني عليله ليش طالـــت غيبتك
عيوني عالباب وأتاني بيّه شوگ الرجعتك
ظلمه حياتي بغير أنوارك
يا بويه ليش انگطـعــت أخبارك
.....................................................................................................
طيف لو منك لفاني شلون اشوفه بيا جفن
ما غمض لحظه بغيابك والگلب تدري يحن
يگظي بالحسره نهاري وأبقه كل ليلي أون
وحشه كل ليلي يبويه صعب كلش من يجن
وسط الگلب ما تنطفي نارك
يا بويه ليش انگطـعــت أخبارك
..................................................................................................
عادت المشتاگ يسأل من حنينه يبتدي
المن أسأل وآني طفله حايره يا والدي
عمري الك فدوه يغالي بكل سنينه أفتدي
لا تخليني أتاني بالمدينه الوحّدي
وحشه بغيابك ظلت اديارك
يا بويه ليش انگطـعــت أخبارك
..................................................................................................
كل مسافات البعيده تختصر شوگي الك
عن بُعد يا روح روحي هالمسيه أسألك
ما وصل مرسال منك لاني أگدر أوصلك
دوّرت حتى بصفنتي من بقيت أتأملك
بهذا السفر ما أعرف أسرارك
يا بويه ليش انگطـعــت أخبارك
..................................................................................................
تجرح خدودي دمعتي حيلي كله ينهدم
ما أظن ينصفني دهري والأماني تبتسم
هسه إحساس الغمرني چنّه إحساس اليتم
كلشي ميهمني بدونك انته بس انته المهم
حتى بمنامي أتبع آثارك
يا بويه ليش انگطـعــت أخبارك
..................................................................................................
حتى ريح الهاب أسأله وبلكت يرد بالخبر
ما دريت شصار بالطف لكن أشعر بالخطر
واليتم إحساسه واضح دمع وهموم وقهر
بس گلت لا سامح الله وما عرفت آنه القدر
بس الله يعلم حال أقدارك
يا بويه ليش انگطـعــت أخبارك
..................................................................................................
كل مسه ومصباح أدعي خالقي بهذا الدعاء
ترجع امن السفر سالم هذا بس هذا الرجاء
كلّش هواي المسافه شلون أوصل كربلاء
بويه تعّبتي غيابك هذا أصعب إبتلاء
شاء الآله بحكمه يختارك
يا بويه ليش انگطـعــت أخبارك
..................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة أنصار الحسين عليهم السلام
لا تحتار ... كلنا أنصار ... يابو الأكبر
...............................................................................................................................
وحياتك ما يهمنه الموت فدوه ارواحنه الإسمك
كل الدنــيـــا عفناهــــه عَزمنــه من فضل عَزمك
العمر دونك فلا يـــســـوه وحــق الطاهـــره أُمّك
عهد مكتوب الك بالـــدم فداء الگطــره من دمّك
دمك نور ... وإحنه السور ... يابو الأكبر
...............................................................................................................................
حياة الذل فلا نهوى إجينه ونصرك الغايه
كرامتنه بشــــهادتـــنــه نظل للموت وفّايه
باچر كربلــه تــشــهـــد شما بيد الگمر رايه
نصير اليوث بالميدان وحق السورة والآيه
تميل الگاع ... كلنا اسباع ... يابو الأكبر
...............................................................................................................................
حبيب ونافع وعابس زهير وكل شهم حاضر
نراوي إعداك بالحومه أصل المرجله باچـــــر
يبو الأكــبـــر ولا تهــــتــم نتاني بشوگ للعاشر
الك سمعاً وطاعه نگـــول وإنـــته القائد الآمر
إحنه جنود ... بيك نذود ... يابو الأكبر
...............................................................................................................................
رساله للخيم توصل يبو السجاد من عدنه
إذا مولاتنا زيــنـــب تســـــأل هذا كل ردنه
العقيله تطمئن ويّاك الگطع النَفَس واحدنه
حومةْ كربله تشهد تره وعاشــــور موعدنه
عد عيناك ... كلنا اوياك ... يابو الأكبر
...............................................................................................................................
الحياة بغير حبك موت نقسم قسم بعيونك
كل واحد يبو السجاد شافك صار مجنونك
شلون نعيش لا منعيش نموت بكربله دونك
الكرامه اوياك ضگناهه شلون نخون ماعونك
صرنه أحرار ... وإنته الثار... يابو الأكبر
...............................................................................................................................
يبن الوالـــي حبـيـنــاك حُب الزرع للمَطره
مو حُب مصلحه ودنيا يماي العين عالفطره
لآخر نفس منعوفـــك لو بالــــدم بقت گطره
النصر من الله سبحانــــه والتوفيق والقُدره
سهل الموت ... صحنه بصوت ... يابو الأكبر
...............................................................................................................................
وگفنه بكربله إستعداد ونـــدري المدد ربّاني
فدوه أعمارنه يحسين الك واحد وره الثاني
كل واحد يصيح بصوت آني حسين عنواني
كل واحد يصيح الروح لأبو السجاد قرباني
والقربان... بالشجعان ... يابو الأكبر
...............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
روحي تصيح بســمـــك وانتـــه غاليهه
حبيبي حـســــيــــن آخـر كلمه أحچيهه
..............................................................................................................................
آني أم البنــيــــن وما نفذ صبري
بــس رب العــبـــاد بحالتي يدري
خلص عمري بغيابك يا بعد عمري
هيچ الروح ظلت حيل ما بيهه
..............................................................................................................................
وحق ذاك الـوداع البينــك وبيني
أعز من ولدي كلهم يا ضوه عيني
أتاني طيوفك وبلــكــت تحاچيني
صعبه شوفتك بطيوفي أتانيهه
..............................................................................................................................
طحت يبني گبل ما دمعتي طاحت
أحس روحي حزينه وشكـثـر ناحت
رحت عنهه ومشيت وهيّه ما راحت
ظلت تنتظر ترجع يغاليهه
..............................................................................................................................
على حــر الجـمــر ظليــت منتظره
غدت أنفاسي حسره وتدفع بحسره
فداك أربـــع بنــيــني طالت الفتــره
حزن أيامي والحسره لياليهه
..............................................................................................................................
محتاره بـغــيابــك والدمــع من دم
إجاني بيا مصيـبــــه بشر ابن حذلم
نِعَـه الأولاد وآنـــي اعـــليـــك أتألم
نعاك وخلّه روحي القهر سابيهه
..............................................................................................................................
وحق دمع العـقــيله الفگــدت الكافل
ما قـصّـر تگـلـي اويــــــاي أبو فاضل
گلت أولادي فدوه حسيــــن يستاهل
لو عشرة الوِلد لجلك أضحيهه
..............................................................................................................................
على افــراش المـنــيّـه وروحي تنتظرك
فـــده عــمــري وحياتي سيـــدي العمرك
آنه امنــيــتــي گــبــري يـــجــاور الگبرك
ذابت مهجتي وماتت أمانيهه
..............................................................................................................................
خادم أم البنين عليها السلام
عمار هليل الواسطي
قصائد محرم الحرام للسنة الهجرية ١٤٤٧
يوم العاشر
هالله هالله حسين وينه بالسيوف امگطعينه
....................................................................................................................
ليلة اوداع الحبايب والشمل هالليله ملتم
عدهه موعد للمنايه باچر بعاشر محرّم
بالخيم قرآن تقره ونور ساطع بالمخيم
كلمن يودّع حبيبه بنبرة اموادع حزينه
هالله هالله حسين وينه بالسيوف امگطعينه
....................................................................................................................
آخ يا ليلة العاشر من گبل يوم الهضيمه
حسين ظل يمر عليهم هالمسيّه خيمه خيمه
والعطش نيرانه تلهب دار غربه وگاع هيمَه
كل گلب للباري يدعي ويّا ريحانت تبينه
هالله هالله حسين وينه بالسيوف امگطعينه
....................................................................................................................
چم وداع الليله عدنه هنانه ليلى وعلي الأكبر
غاد رمله تشوف جاسم چن بدر بالخيمه أزهر
والرباب تناغي ابنهه وتدعي ربنا الطفل يكبر
والسبط حاضن رقيه والگمر ودّع اسكينه
هالله هالله حسين وينه بالسيوف امگطعينه
....................................................................................................................
وگفوا أنصار العقيده استعرضوا والفوز باچر
لجل أبو السجاد ترخص بالحرب كل المناحر
اگبال خيمة العقيله هوّست بيض البواتر
والعهد لحسين باقي واحنه بالدم كاتبينه
هالله هالله حسين وينه بالسيوف امگطعينه
....................................................................................................................
آخ من حسبات باچر آخ من الغاضريه
مصرع الأكبر بدايه بكربله أول منيّه
باچر يوذرون جسمه بالمعاره آل أُميّه
حسين يتمدد ابطوله وبعد ما يخلص ونينه
هالله هالله حسين وينه بالسيوف امگطعينه
....................................................................................................................
شمعه العريس جاسم تطفه ويثكلوهه أمّه
ينكسر من هالمصيبه گلب أبو السجاد عمّه
حنته تنداف باچر هالبطل من فيض دمه
بيا ذنب يا ناس جاسم آل أميه ذابحينه
هالله هالله حسين وينه بالسيوف امگطعينه
....................................................................................................................
عالشريعه الدنيه باچر تنگلب واضح قهرهه
تطيح راية گمر هاشم آه يا طيحت گمرهه
بالسهم تنصاب عينه والعمد هامه يطرهه
أبو فاضل عالشريعه گطعوا ايساره ويمينه
هالله هالله حسين وينه بالسيوف امگطعينه
....................................................................................................................
والرضيع شلون نبلت حرمله تختمله عمره
والحسين شلون بعده لو يظل حاير بأمره
والمثلث صاب گلبه والشمر يطبر بنحره
والحرم وأطفال تركض والمخيم حارگينه
هالله هالله حسين وينه بالسيوف امگطعينه
....................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة سيدي ومولاي علي الأكبر ( عليه السلام )
ليلى تخاطب المعبود يا من تدري المگدّر
يمفرّح گلب يعگوب سِر گلبي بعلي الأكبر
.......................................................................................................................
يا رب الجلاله أدعوك وبگلبي الجروح هواي
وبجاه الحسين اليوم أريدك تستجب دعواي
هذا عاشر امــحـــرم وهــاي الغاضـــريه هاي
خيل ونايبه وعسكر ... سيوف ارماح ترس البر
بيدك أدري المگدّر
بحبيبك أشبه الوادم برز والحومته اتصدّر
.......................................................................................................................
طلع من خيمــتــه وگلبي طلع ويّاه يا ربي
آني الوالده وهوّه اوليدي وتچْوتي بدربي
ودّعني ومشه ومن راح أخذ روحي وأخذ گلبي
دعيت ومهجِتي طلبت ... وهاي عيوني دم صبت
الأشد اعليك ما صعبت
علي وفدوة رحت لٱسمه أريد اتحفظه من كل شر
.......................................................................................................................
آلهي وسيدي ومولاي يا من تقضي الحاجات
أريد إبني علي منك وأريد الليله يمي ايبات
تاخذني وترجّعني ابوادي كربله الحسبات
أريدن يطمئن بالي ... وإنته التعلم بحالي
وتعرف بالولد غالي
نخيتك والأمر أمرك بعونك روحي تتصبّر
.......................................................................................................................
آني بخيمتي وأسمع صليل سيوف بالميدان
وما أدري شنو شصاير بس أدري علي عطشان
أخافن هالعطش ياذيه من ايطب على الفرسان
فَتْ گلبه العطش بالطف ... وگدّامه العده تصطف
يربي أدعوك تتلطف
ويرد إبني عليّه اردود أريد وگلبي يتبشّر
.......................................................................................................................
يا رب العرش بحماك عبدك وانته انته الرَّب
ممكن كل وداع يهون بس فگد الإبن يصعب
أدعوك بگلب لهفان هيچي إفراگ ما جَرّب
تجلّت قدرتك يا رب ... كلشي اعليك ما يصعب
آلهي وعندك المَطْلب
ماي اعيوني إبني وراح وأشوف برجعته اتأخّر
.......................................................................................................................
ناحت والدمع جاري تدعي الخالق العالِم
صاحت يا آله الكون يامن وجهك الدايم
يا رب اتْعَبت برباه رَجّعلي علي سالم
بقيت اعله الجمر أنطر ... أدعي وأرتقب واصبر
يا كاشف شرور الضر
إكشف كربي يا الله وإنته بالدعاء أجدر
.......................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥