إحنه غير حسين ما عدنه وسيله والذنوب اهـــواي چـفّـتـها ثجيله
قصيدة (( كرار الطف))
مولاي أبا الفضل العباس ع.. (( نزلة))
طب للحومه كرار الطف
.........................................................................................................
ملك الموت عذراً لا تجي اوياي
ماحاجه الوجودك واني موجود
بأمر الله أصفي خابط اعداي
أگلك روح روح تعاود إتعود
واگف وأنتظر يم شاطي الماي
وسيفي وخزرتي والرايه والجود
موش إفراده الصف ابصف
طب للحومه كرار الطف
.........................................................................................................
يأمرني أمر مو يطلب حسين
حيهم لو سمعته بكربله صاح
گايلهه گبل خازرهه صوبين
أخو زينب أنا خطاف الأرواح
بعضهم من بعض من هسه ميتين
بعدني ما بديت وكلمتي اسلاح
ماي ابگيظه شو دمهم جف؟؟
طب للحومه كرار الطف
.........................................................................................................
رفت رايتي والحومه حياك
صاحت والنعم منك يكفال
وازنهه الأرض ريض بممشاك
تره قطب الوجود بمشيتك مال
انته ابن الفحل گالتلي بحماك
والخيّال جان بظهر خيّال
يلا إمحيهه لا تتلطف
طب للحومه كرار الطف
.........................................................................................................
مامونه الخيم متريد حراس
عفت آثار جدمي وما يعبرون
مگطوع الهوه ويا خيمه تنجاس
إذا عدهم زلم خلهم يهجمون
آني لو گلت عباس عباس
أخو خيته البعد يتناشد شلون
لو يبقالي بس إصبع چف
طب للحومه كرار الطف
.........................................................................................................
آني إبن الفلا ثنّه اعله الارگاب
مثل عصّات موسى مطوّع السيف
منو بيهم فحل طاريه ينجاب
اشوفه انجومهه بظهرية الصيف
اليسلم بالمفر لو شفته ما تاب
يجي سيفي بمنامه ويذبح الطيف
من احدودي والزامط كف
طب للحومه كرار الطف
.........................................................................................................
خادم الإمام الحسين عليه السلام
عمار هليل الواسطي
قصيدة (( لبيك يا حسين))
سادتي أنصار الحسين ع.. (( نزلة))
لبيكَ لبيكَ يا حُسينْ
لبيك لبيك يا حسين
......................................................................................................
كتبنا العهد لن نخشى منَ الكفرِ
ومن قومٍ لهم في المكرِ والغدرِ
حسينٌ أنت عشقٌ في مدى الدهرِ
كما القرآنُ يهوى ليلةَ القدرِ
لبيك لبيك يا حسين
لبيك لبيك يا حسين
......................................................................................................
جنونُ العِشقِ قد أبكى مآقينا
لمحبوبِ النبي الطهرِ هادينا
قطعنا العهدَ أن تعلو مواضينا
لنصرِ اللهِ ذاك النصرُ آتينا
لبيك لبيك يا حسين
لبيك لبيك يا حسين
......................................................................................................
أبا الأحرارِ نبقى فيك أحرارا
وللإسلامِ ثواراً و أنصارا
قطعنا في بقاعِ الأرضِ أمْصارا
وما منا خذولٌ شاءَ إدبارا
لبيك لبيك يا حسين
لبيك لبيك يا حسين
......................................................................................................
تركنا الأهلَ والدنيا لنلقاكا
كذا واللهُ يدري كم عشقناكا
فلن نحيا بهذا الدهرِ لولاكا
يشاءُ اللهُ أن نحيا لنهواكا
لبيك لبيك يا حسين
لبيك لبيك يا حسين
......................................................................................................
حسيناً لم نغالي في مدى الوصفِ
ولم نأتي لغيرِ اللهِ في الطفِ
محالٌ أن نبالي اليومَ بالحَتفِ
فلن يكفي بأن نفديكَ لن يكفي
لبيك لبيك يا حسين
لبيك لبيك يا حسين
......................................................................................................
خادم الإمام الحسين عليه السلام
عمار هليل الواسطي
قصيدة (( طوعه))
مولاي مسلم بن عقيل ع.. (( نزلة))
يمسلم بالدمع مولاي حشمتك
وهذا البيت بيتك وآنه خادمتك
.......................................................................................................
يمسلم وآنه طوعه وأبقه عد عيناك
لو جار الزمان اعليك روحي اوياك
يبن عم الحسين بهالمسه أترجاك
ترد إعداك وإنته الحيد عارفتك
.......................................................................................................
هذا السيف بيدك رد مفاخرهه
مراجل حيدر الكرار كررهه
بصولات الأمير اليوم ذكرهه
وادم خانتك وآنه اعرف بقصتك
.......................................................................................................
أمن واطمئن يا مسلم بداري
من گلبي أگولن والدمع جاري
راعي البيت إنته وموش خطاري
يبن بيت النبوة وعهد عاهدتك
.......................................................................................................
إدعيلي بصلاتك وارفع چفوفك
أدريبك بمحنه وفاهمه اظروفك
ما عوفك عهد للموت ما عوفك
حلم بعيوني يا مولاي راسمتك
.......................................................................................................
عهدي اوياك حد الموت ماعوفه
عدوك لا تهمك كثرت اسيوفه
الكوفه وما أدراك ما الكوفه
خانت بالولي واليوم خاينتك
.......................................................................................................
تنطيني العذر لو شفت أي تقصير
خادمتك أنا وكل التريده يصير
رد إعداك لو رادت عليك اتغير
راويهه المراجل يا گلب أختك
.......................................................................................................
يمسلم والعهد لحسين كاتبته
فداك الروح وانه العمر ناذرته
مو آني المهم إنته المهم إنته
وأتمنه أوافي اوياك ما عفتك
.......................................................................................................
خادم الإمام الحسين عليه السلام
عمار هليل الواسطي
قصيدة (( البعد طال))
مولاتي أم البنين ( ع).. (( نزلة))
البعد طال والآمال سالم ترد يحسيني
....................................................................................................
أتانيك يمولاي شو طولت بغيابك
الفضا ضاگ بالاحزان روحي حزينه ببابك
ضوه العين رحت وين أسأل أريد اجوابك
بالعيون هالظنون والكربله توديني
البعد طال والآمال سالم ترد يحسيني
....................................................................................................
مراسيل بالدموع تبعثهه الك أنفاسي
أتانيك والجروح تلچم صفت احساسي
يباريك ردت عود يبن الولي عباسي
أحاچيك وأتانيك وأتأمل تحاچيني
البعد طال والآمال سالم ترد يحسيني
....................................................................................................
مواعيد للجروح تلچمني وأعرف بيهه
بالآهات والظنون محتاجه من يشفيهه
يالحسين والحسين ما غيرك يداويهه
الگلب ذاب والغياب يتعبني ويأذيني
البعد طال والآمال سالم ترد يحسيني
....................................................................................................
إذا اتعود على الروح هذا النذر يالغالي
هالدروب بالورود أزرعهه الك من تالي
العمر ضاع بلاياك وحشه ومكانك خالي
حزن زاد ولافاد دمعي وثگيل اونيني
البعد طال والآمال سالم ترد يحسيني
....................................................................................................
يرجواي اذا يوم مرني وتضاعف وني
شنو اتگول والفراگ رايد يبعدك عني
خذ الروح يمولاي أهديهه وإقبل مني
نذر هاي يمولاي روحي وجميع اسنيني
البعد طال والآمال سالم ترد يحسيني
....................................................................................................
يمولاي والعيون تترقبك بالدمعه
تره الروح على نار مشتاگه يبن البضعه
يسلواي تأذيت مر الهجر شيجرعه
ولا حيل على الليل عندي وردت توفيني
البعد طال والآمال سالم ترد يحسيني
....................................................................................................
خادم الإمام الحسين عليه السلام
عمار هليل الواسطي
قصيدة (( طال الغياب))
مولاتي العليلة (ع).. (( نزلة))
طال الغياب يفرحة عيني
غير الطيوف منو يحاچيني
يبويه.... يبويه
......................................................................................................
ما كافي البعد يا بويه ما كافي
مشتاگه يغالي الحضنك الدافي
كل ليلي سهر والجفن ما غافي
عدا إسمك أبد ما تنطق شفافي
أحسب أيام يبهجت روحي
نفس الحساب أعد بجروحي
يبويه.... يبويه
......................................................................................................
تجيني وأحچي آني اوياك أتخيّل
يماي وروحي ورده بغيبتك تذبل
شيرجعك بعد يا قدر يتبدل
لي وين الصبر لي وين أتحمل
أگظي بالروح نهاري وليلي
ولا خبر لاح وأشد بي حيلي
يبويه.... يبويه
......................................................................................................
وحق نبرات صوتك لو صحت بسمي
أظل أحيا وأموت وإنته مو يمي
عليله والضهدني وزادلي همي
إخويه ما إجاني ولا حضر عمي
العمي عباس واخويه الأكبر
أحسب ظنون وأگول اتصبر
يبويه.... يبويه
......................................................................................................
خوفي من زماني لو گطع بيه
عيوني اعله الدرب واتنطر الجيه
ليليه اعله هذا الحال ليليه
حياتي بيا هضم يابويه مگظيه
أشكي الهموم أزورن جدي
گلبي معذور عليله ووحدي
يبويه.... يبويه
......................................................................................................
يسباح الگلب والگلب ظل صابر
كل يوم وأگول تعود إلي باچر
معميه النواظر والگلب حاير
وبنار الوداع بكل وكت شاجر
للأمل عود شعلت اشموعي
تالي الشموع طفت بدموعي
يبويه.... يبويه
......................................................................................................
عندك لو گلت يبنيتي ما راجع
عليله اعله الدرب بعيونهه تباوع
محتاره بغيابك والجفن دامع
گلبي اويا الضعن يا والدي طالع
شيب الأحزان طلع بسنيني
واسع الكون يضيق بعيني
يبويه.... يبويه
......................................................................................................
خادم الإمام الحسين عليه السلام
عمار هليل الواسطي
قصيدة (( خادم منبرك))
الخدمة الحسينية.. (( نزلة))
خادم منبرك يتسمّه بسمك
هنياله يبو اليمه اليخدمك
حبيبي يا حسين.. حبيبي يا حسين
......................................................................................................
هنياله النذر عمره ورخص لجلك حياته
يحسين ومنال الخدمه أغلى أمنياته
ما دام اعله فطره الشوگ حبك ملك ذاته
توگفله يبو السجاد في ساعة مماته
تشفعله بمماته والقيامه
دنيه وآخره يعيش بكرامه
حبيبي يا حسين.. حبيبي يا حسين
......................................................................................................
درب الخدمه يجمع كل محبينك يغالي
والينوي يخدمك باليبغضك ما يُبالي
غاية كل محب خدمتك يا أول وتالي
وبعاشور يتجسد عشگ حزن الليالي
كل ادموع خدامك يمحبوب
چنهه شموع بيهه تضوي الدروب
حبيبي يا حسين.. حبيبي يا حسين
......................................................................................................
يبو الأكبر يظل عاشور بينه ويا الانفاس
نعيش الفاجعه ياذينه لجلك جرح الاحساس
ملايين التخدمك يا ملاذ الكون والناس
رافع روسهه ومرفوع الك فوگ الرمح راس
أجيال وخذت منك درسهه
عاشت شامخه بعزت نفسهه
حبيبي يا حسين.. حبيبي يا حسين
......................................................................................................
مواكب بسمك نجدد عهدنه وهذا عاشور
لأن نحرك قضيتنه نقدم لجلك انحور
يسور الدين من يجسر ويگدر يعبر السور
لولا ثورتك دين الله أبد ما يبصر النور
مدد للدين دمك يا فخرنه
مطلوبين الك وبكل عمرنا
حبيبي يا حسين.. حبيبي يا حسين
......................................................................................................
چبيره لليخدمك بيهه يشعر ياضوه العين
من الناس تندهله بأسم خادم للحسين
وين ينال هاي المفخره بلا خدمتك وين
دنيه وآخره ربحان ضامن فوز دارين
هوه العنده مثلك بعد شيريد
وبلا خدمتك كل شغله ميفيد
حبيبي يا حسين.. حبيبي يا حسين
......................................................................................................
نخيتك وآنه واحد من ملايين التخدمك
توفقني بطريقك سيدي من فدوه لأسمك
عليك أقسم بضلع الطاهره المظلومه أمك
أشد حيلي بقبولك سيدي وبزود عزمك
اذا تقبلني خادم يبو السجاد
فخر يا سيدي بكل عمري يزداد
حبيبي يا حسين.. حبيبي يا حسين
......................................................................................................
خادم الإمام الحسين عليه السلام
عمار هليل الواسطي
قصيدة (( أول جرح))
هلال محرم الحرام.. (( نزلة))
أول جرح لو شافتك عيني
أكتب عهد بدموعي لحسيني
ما تغمض العين.. يا شهر الحسين
.......................................................................................................
مطلع أحزاني أكتبه بالمدامع
من أشوفك بالسمه يهلال طالع
مدري أنحب مدري ألطم من أباوع
يا شهر عاشور يا شهر المواجع
كل ليله منك قصه مكتوبه
دمعة حبيب يواسي محبوبه
وين الصبر وين .. يا شهر الحسين
.......................................................................................................
ليله ليله وآنه أحسبلك وأتاني
تكبر الحسرات وتموت الأماني
مره يهلال الحزن صير بمكاني
شوف گلبي شگد ينوح شگد يعاني
آني بغلات حسين ما عندي
خادم من ( المهدِ إلى اللحدِ)
مهما گصه البين .. يا شهر الحسين
.......................................................................................................
عشره عشره تنكسر بيك الخواطر
الغير أبو السجاد ما تحچي الحناجر
لا تعاتبني إذا ظليت أناطر
آني ناصر والحسين يريد ناصر
أتخيل وجمر الحزن يلهب
شتگول هسه بشوفتك زينب
بالمهجه نارين .. يا شهر الحسين
.......................................................................................................
اثيابي من لونك خذت لون المصايب
وشعري من لونك مشيبه وگلبي ذايب
تدري يهلال بقدومك عالأطايب
ينجرح گلب الإمام البعده غايب
لمن يشوفك دمعته بخدّه
ينعى الإمام المنذبح جدّه
بعيونه الإثنين .. يا شهر الحسين
.......................................................................................................
حسين يجمع شمل خِدّامه سويه
بكل زمن والأجر من أُمه الزچيه
والليالي من ليالي الغاضريه
ألف هنياله الخدم هاي القضيه
يتشرف بهذا العزا اليحضر
يكفي شرف تتواجد الكوثر
ويوفّي بالدين .. يا شهر الحسين
.......................................................................................................
دمعتي تكتب مواجع ليله ليله
من طلوعك للسبي حسبه طويله
تبدي بالحسرات أيامك ثگيله
چن وداع حسين بعيون العليله
يهلال جرحي وحسرتي ونوحي
لا تمشي خل تشبع حزن روحي
تتحصل إمنين .. يا شهر الحسين
.......................................................................................................
خادم الإمام الحسين عليه السلام
عمار هليل الواسطي
منهاج ذكرى استشهاد الإمام جعفر الصادق عليه السلام
هالنار ... بالدار ومَـتُـطفه بدمعــةْ العين
هالنار ... أنظرهه وأشوف خيام الحسين
………………………………………………………………………………………………………………………………………………
كل فاگد يلچمه الحـزن ... للذكـــرى تدمع عينه
بالأخص لو فارگ محب ... يسوه العمر واسنينه
بلسانه بس كــلـمه تظل ... أحـاه يَـكِـلـمــةْ ويـنه
والذكرى آني ودمْـعِـتي ... الطَــفْ كربله اتودِينَه
أعبار.. ترجع بالسنين الگَـطْـعَت البين
هالنار ... أنظرهه وأشوف خيام الحسين
………………………………………………………………………………………………………………………………………………
يدروني جدّي المنذبح ... عـطـشـان ويعــادوني
والحرگ الخيام بحقد ... بـهـذا الفـعــل رجعوني
من إسمعت صوت الحرم ... تـصـــرخ تغيّر لوني
چن شفت زينب عمّـتـي ... وداعت علي بعيوني
أحتار... صحت منواچ يا أم الخدر وين
هالنار ... أنظرهه وأشوف خيام الحسين
………………………………………………………………………………………………………………………………………………
عالدار من جمعوا حطب ... نار الحقد مضرومه
إسْتذكرت واشچم جرح ... بي مُـهْـجـتي مهمومه
إسمين صحت بحسرتي ... وبـنـبـــرتي الملچومه
يـحـسـيـــن مره وثانـيه ... يا فاطمــــه المظلومه
أقدار... دارت بالعكـس عايشهه مرتين
هالنار ... أنظرهه وأشوف خيام الحسين
………………………………………………………………………………………………………………………………………………
اللّه اليساعد مُـهجتك ... يا جــدّي يــوم الـعاشـر
بس اعله نيران الخيم ... مـعـذور يِـعــمَه الناظـــر
لا طفلي ذبحوه بين إدي ... لا صدري داسه الحافر
شيسوي گلبي اشما صـبـر ... مو مـثــل گلبك صابر
آثار ... مكتوب بدمع ما بين گلبين
هالنار ... أنظرهه وأشوف خيام الحسين
………………………………………………………………………………………………………………………………………………
أيامي ما شافــن فرح ... كلهن حــــزن مِتواصل
حتى الليالي بلا ضوه ... من حد خسوف الكافل
عمري طـفـوف وكربلـه ... بُـعد الزمـــن مـو فاصل
عايش محرّم والدمع ... ترْجم عــذابـــي الحاصل
تذكار ... شايف هالمسه ما بين نارين
هالنار ... أنظرهه وأشوف خيام الحسين
………………………………………………………………………………………………………………………………………………
أيامي مـعـدوده صـفـت ... حزني وصَـف أيـامـي
لا دمعه گطعت حسرتي ... لا دوه يـفـيــــد الآمي
نار الّي بالدار إسعرت ... رســمــت خـيـــم گدامي
آني أدري بالسم أنكتل ... بس ردت أموتن ظامي
إيثار ... روحي ومهجتي وعيوني الاثنين
هالنار ... أنظرهه وأشوف خيام الحسين
………………………………………………………………………………………………………………………………………………
أنفاسي خطــوات الأجل ... ما نشف جفني الدامع
كل دمعه صوره من هلي ... هيچ الوحـيـــد يباوع
يقترب مـوتــي وأنـتـظر ... لأحبــابــي راجع راجع
بلكت تــهـوّد حـسْـرتــي ... ويرحل ونيــني الفازع
للثار ... جرحي وكربله بالروح جرحين
هالنار ... أنظرهه وأشوف خيام الحسين
………………………………………………………………………………………………………………………………………………
خادم الحسين عليه السلام
عمار هليل الواسطي
منهاج ذكرى هدم قبور أئمة البقيع عليهم السلام
باچر يـــرد الثـــار والمهدي قائد
بأرض البقيع نشوف أربع مراقد
محسوم... هذا النصر
مـعـلـوم... هذا النصر
.....................................................................................................................................
صوت البقيع يصيح يبن الأطايب
عندك بقت أحبـــاب جوّه الترايب
گلبك على المهدوم كل عمره ذايب
تبنيهه لابد يوم والباري شاهد
محسوم... هذا النصر
مـعـلـوم... هذا النصر
.....................................................................................................................................
تبنيهه لابد يــــوم وترجّــــع الثار
جوّه الترب ميصير تنحط الأقمار
ينكشف ليل إعداك من تطلع إنهار
شمسك تزيح الليل ليل المكائد
محسوم... هذا النصر
مـعـلـوم... هذا النصر
.....................................................................................................................................
يالمــهــدي وبـيمـنــاك راية محمد
مرتفعه بيهــه تلـــوذ جـنّــة الغرقد
تبنيهه يالمحجــــوب ما بعد تِـنْـهـد
أربع مناير ليك ظلت تناشد
محسوم... هذا النصر
مـعـلـوم... هذا النصر
.....................................................................................................................................
غصبن على العادوك ثارك تِرَجْعه
حتى الأذان هناك بصوتك ترفعه
جمعتك يا مولاي هاي أغلى جمعه
من تظهر اعله الناس للحق تساند
محسوم... هذا النصر
مـعـلـوم... هذا النصر
.....................................................................................................................................
ما يبقه هذا الحال بس إنته مذخور
ما ترضه يا مولاي مهدومـــه الگبور
الله اليريد تــثـــور والشيعتك سور
يوم الظهور يصير چي الله رايد
محسوم... هذا النصر
مـعـلـوم... هذا النصر
.....................................................................................................................................
وين المــفــــر وتروح ناس التعاديك
يا حجة الله ودوم نصر الله يحميك
عالــدنــيــــه قائــد عام ربك يخليك
حسبةْ وكت وتصير هاي الشواهد
محسوم... هذا النصر
مـعـلـوم... هذا النصر
.....................................................................................................................................
صبرك جميل يكون وآني اعله صبرك
أنتظر يگظـــــي الليل ويمرني فجرك
هاك إخذ يامـــولاي عمري اعله عمرك
وعيوني تنطر يوم النورك تشاهد
محسوم... هذا النصر
مـعـلـوم... هذا النصر
.....................................................................................................................................
هذا النصر محسوم من الله أمره
يا منقذ الأطهــــار ما تبقه حسره
شگد ما بقه الطغيان هم يگظي عمره
والنصر للوالاك يبن الأماجد
محسوم... هذا النصر
مـعـلـوم... هذا النصر
.....................................................................................................................................
خادم الحسين عليه السلام
عمار هليل الواسطي
منهاج جرح وشهادة أمير المؤمنين علي بن أبي طالب عليهم السلام
آخر أَذان بصوتـك تسمـعه اليتامه
حان الرحيل وهالجرح أوّل علامه
………………………………………………………………………………………………………………………………………………
صوتك أَمان لكل محب عاش بأمانك
نبراتـك البــيــهــن طعم يشبه حنانك
أيتام تدري تـعـوّدَتْ تـــســمــع أَذانك
حتى الفرض يحزن إذا يفــرغ مكانك
دمع اليتيم بهالمسه يشرح كلامه
حان الرحيل وهالجرح أوّل علامه
………………………………………………………………………………………………………………………………………………
بعيونهم مــات الضــوه وبالروح حرگه
يمـفارگ أحـبـــابـــك تره هالفرگه فرگه
بــاب الفــقــيـر اتـعـوّد بـچـفّـك تـــدگّه
ملگاك هالــلـيـلـه جـــرح واشـلون ملگه
حتى الهوه الليله إختنگ مختل نظامه
حان الرحيـــل وهالجـــــرح أوّل علامه
………………………………………………………………………………………………………………………………………………
رحت الجرح تدري جرح يكتب قضيّه
قصةْ عَـــدِل حاكـــــم فلا خان الرعيّه
لهذا السبب گاع وسمه مفجــوعه هيّه
تعرف بجرحك يــنــفــتـــح باب المنيّه
أحداث جرحك تشبه أحداث القيامه
حان الرحيل وهالجـــــرح أوّل علامه
………………………………………………………………………………………………………………………………………………
مو بس تصب دم الدمع تعمه النواظـر
يالما كسرت بدولــتـــك للنــاس خاطر
أيتامك تريدك تجي شـيـصـيــــر باچر
لو تدري عنــهــــه للأجــل نيتك تسافر
دعوتهه يا ربنا علي يگوم بسلامه
حان الرحيل وهالجرح أوّل علامه
………………………………………………………………………………………………………………………………………………
يم بابك الليله قصص تكــتــب يتاماك
عن ذكرياتك يا علي العاشــتـهــه ويّاك
حتى الاملاك إتواجدت بالمدمـــع هناك
ما شافتك طايح أبد مـعــذوره الأملاك
مو حيلك الليله تعب حيل الإمامه
حان الرحيل وهالجرح أوّل علامه
………………………………………………………………………………………………………………………………………………
من تسأل حسين وحسن حسرتهه بالروح
تگلهم أبونه بــيــا بخــت هالليله مجروح
تصرخ دخيلك يا علــــي لا تمشي وتروح
أنفاسهه حــســره وألــم يم بابــــك تنوح
معقوله دين اللّه إنطبر هالليله هامه
حان الرحيل وهالجرح أوّل علامه
………………………………………………………………………………………………………………………………………………
آخر أَذان ومِــن بــعــد تسـبــيح الالام
نيران تــتــوجـــر حزن بگلوب الأيتام
بعد النبي بيا فاجعه ينـصـــاب الإسلام
كلشي نعاك بطيحتك ناســـــك و الأيام
شهر اللّه وكتابه وفرض حرمةْ صيامه
حان الرحيــل وهالجـــــرح أوّل علامه
………………………………………………………………………………………………………………………………………………
خادم أمير المؤمنين علي (ع)
عمار هليل الواسطي
منهاج جرح وشهادة سيدي ومولاي أمير المؤمنين علي بن أبي طالب عليهم السلام
مضيتُ نحو غايتي ... فُزْتُ وَربِّ الكعبَــةِ
………………………………………………………………………………………………………………………………
روحي راحت للشهاده وما يخيب احساسي
هـــاي أيامــي الأخـيــره وتنـگـطـع أنـفـاسي
شيعتي وغالين عــنــدي إنــتـو أقـــرب ناسي
روســكــم مرفوعـــه بيّه وبيكم أرفع راسي
وهذهِ أُمْـنِـيَتي .... فُزْتُ وَربِّ الكعبَــةِ
………………………………………………………………………………………………………………………………
يلّي تـعـتبـروني أبـوكـم واللّه أفـخـر بـيكـم
ولــدي هالإسلام ذمّــه وخالـقـي اليحمــيكم
هالله هالله باليـــتــامــه وبـعـد مــا أُوصيكم
يلّي ما تنــســوني لحـظــه آنــــي ما ناسيكم
يا شيعتي يا شيعتي ... فُزْتُ وَربِّ الكعبَــةِ
………………………………………………………………………………………………………………………………
كل مجالسـكـم بـعـيـني وكل عزاء إمصابي
دمعه دمعه احفظهه عنـدي واللّه يا أحبابي
والندب إسمي أَحضْره وچـفّه لو دگ بابــي
حاجِـتَه مگظيّه عندي والسؤالـــــه إجوابي
وأَنْــتُـمُ في مُـهْجَتي ... فُزْتُ وَربِّ الكعبَــةِ
………………………………………………………………………………………………………………………………
كل موالي يحمل إسمي ونهجي واضح كلّه
يعمل بنفــس العقــيــده كل هــدف يوصلّه
والأهــــم نفســــه عزيــزه ومــا يريــد الذلّه
لا يـســـــاوم عالـقـضـيّــــه والـدرب يـنــدلّه
وهوَ طريقُ عِـتْـرَتي ... فُزْتُ وَربِّ الكعبَــةِ
………………………………………………………………………………………………………………………………
كل طريق الحق رسمـتـه للـتِـبَـع خطواتـي
واليريــد يـفـوز بــاچــر هــالأمــــر كـالآتـي
يفتدي الدين بحياتــــه ومـنْـهَجَــه كلماتي
واليصافح چـفّـه ظالم يطعــن بكل ذاتــي
هذا شِعارُ دوْلَتي ... فُزْتُ وَربِّ الكعبَــةِ
………………………………………………………………………………………………………………………………
للعدل لا شك بقـيـّه والـفـرج من يـبـدي
كل أماني الناس تِحصَل والأمل من ولدي
رايتي مــذخـــوره تبـقـه للإمـام المهدي
ضامن الجنّه الينصره واليضحّي ويفدي
لأجلِ هذا صَرخَتي ... فُزْتُ وَربِّ الكعبَــةِ
………………………………………………………………………………………………………………………………
أشـفـعلكـم بالقـيـامـه والأمر من ربـنا
واليحب عترة محمّد يفــتهــم مطلبنا
ما تمسّه النار كلمن گلبه شايـــل حبنا
هذا يا شيعتنا هوّه مختصــــر واجبنا
وقُلْتُها مُذْ لَيْـلَتي ... فُزْتُ وَربِّ الكعبَــةِ
………………………………………………………………………………………………………………………………
خادم أمير المؤمنين علي عليه السلام
عمار هليل الواسطي
منهاج جرح وشهادة سيدي ومولاي أمير المؤمنين علي بن أبي طالب ع
ضجّت الدنيه وچبيره أحزانها
أُمّـــــة الـهــادي إنطـبـر قرآنها
………………………………………………………………………………………………………………………………………………
جرحــــه ظل يــســيــل آيات وسور
بطبـــرةْ الكــــرار ديــن اللّه إنطــــبـر
إنفصمت العروة وفرض نفسه الخطر
والسفينه إحتاجت الربّانها
………………………………………………………………………………………………………………………………………………
علي شـــافـــع كل شــريـــف بأُمّـتـه
حيــف لن دمّـــه اليخــضـــب هامته
عجــبــه ما صــارت قـيـــامه بطبرته
رحم بالوادم لطف رحمانها
………………………………………………………………………………………………………………………………………………
عجبه سيف اللّه العظيم يطبره سيف
حيف ويطيح الصمــيـــده والله حيف
صار جرحه الضيف واليكــــرم الضيف
روحه ما تعرف تسد بيبانها
………………………………………………………………………………………………………………………………………………
لچمه صعبه وچم جـــرح بــيـهه إنلچم
واليشد الحــيـــل أســـف حيـــله إنهدم
صَـــرِح ديـــــن اللّه وحــــق اللّه إنــثـلم
خيمةْ الفقره هُوَت عمدانها
………………………………………………………………………………………………………………………………………………
آه واويــــلاه عالـشـــيــب الخـضـيــب
بلسم جـــــروح الخـلــگ رايـــد طبيب
تسمع بكل بــيــت حــســــرات ونحيب
والحزن شيعة علي عنوانها
………………………………………………………………………………………………………………………………………………
زيــنــــب بيا حـــال والـمــدمـــع دمــه
گـــعـــدت وگابــلــت حــمّـــاي الحـمــه
يا علــــي تصــيــح وتــــرد يا فــاطـمـه
وتنتظر زينب فَگد وليانها
………………………………………………………………………………………………………………………………………………
واليتــامــه الواگــفــه إبْــاب الولــي
إتشاركت بالحــــســـره والهَم يعتلي
تصيح مفــزوعــــه دخــيـلك يا علي
والجرح ساكن تره بوجدانها
………………………………………………………………………………………………………………………………………………
خادم أمير المؤمنين علي عليه السلام
عمار هليل الواسطي
الأبوذيات
للإمام الحسين عليه السلام
دليلي بلهفته يحسيـــن حيّاك
يكعبة شوگ والمبخوت حيّاك
مو كربله بوســط الروح حيّاك
أخدمك والأمل ترضه عليه
للإمام العباس عليه السلام
ينور الما يدركه الشـوف بدراك
الملاك اعليك لزمت سره بدراك
إكتمل يوم أربعه بشعبان بدراك
وسطع عالسبعه يا عباس ضيّه
للإمام السجاد عليه السلام
سلام الله اعله جيتك يوم حلّيت
السعاده بگلب أبوك حسين حلّيت
يباب إمـــراد للصــعـبــــات حلّيت
عليل وتشفي كل علّه خفيّه
إلى سيدي ومولاي علي الأكبر عليه السلام
يمن تشبه طبـــع وأوصــاف يدّاك
ولا ينــگــص عطاه بــــيــوم يدّاك
طلب منك يالأكـــبـــــر ردت يدّاك
باچر عالصراط تكض إديه
للإمام الحجة المنتظر روحي له الفداء
الليالي بإنــتـظــارك يتّمني
ولعب بالروح دونك يتّمني
شكو علــــه بدليلي يتّمني
متى ميعادها الطلعه البهيّه
بقلم خادم الحسين عليه السلام
عمار هليل الواسطي
هوسات منهاج ولادة بطل الإسلام
مباهلة بين الكعبة وفاطمة بنت أسد
بت أسد ظلت تباهل كعبة الله وتفتخر
حقهه والمولود حيدر ربنه رايد هالأمر
بلحظه صوت الكعبه گلهه امباركه بهذا الذخر
ها .. بس حيدر محسوب اوليدي
@@@@@@@@@@@@@@@@@
فاطمه إتشكرت منهه الكعبه إنتي والنعم
خلي نتشارك سويه ونفرح بوالي العزم
قسم بالسواچ قِبله چانت إمنيتي وحلم
ها ...حققهه اوليدي بميلاده
@@@@@@@@@@@@@@@@@
الكعبه گالت إي تعبتي والسهر جاب الأمل
لشوفتچ مو فقط بابي إي وحق خير العمل
روحي أفتحهه وجداري فدوه كون الحق وصل
ها ....ياهوه الگبلي مسويهه ؟؟؟
@@@@@@@@@@@@@@@@@
فاطمه شالت إبنهه والگلب بيهه ابتشر
شافت إمن المست ظهره چن خيال اعله الظهر
شافت أنوار الإمامه وفوگهن شمس وگمر
وشصاحت ؟؟ يا محلى أحفادي
@@@@@@@@@@@@@@@@
عمار هليل الواسطي
قصيدة (( طف القارعة))
قمر العشيرة أبا الفضل العباس عليه السلام
لوما مشيئة خالقك سويت بالطف قارعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
يوم العلت راية علي بيدك يحماي الضعن
صرت الملاذ الآمن لزينب وللخدّر وطن
مو شي عجيب وهمتك تندب بقت يابه الحسن
للدين ناذر مهجتك وبسيفك تموت الفتن
بحمايتك خدّر علي هالعهد إنته اموقعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
وقعت عهدك يالگمر عن لا يجن ليل السبي
إلا بأمر الله إذا راد السبي لآل النبي
فرسان إجتك غايره ردت لجن ردت حَبي
زينب تنادي يالگمر نوماسي إنته ومعصبي
زينب تحشم غيرتك والماي جودك موضعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
يا مشرعه الترفض أمر بحر الكرم لو يانهر
صوت المنادي بطبتك للحومه صاحلهم حذر
للحومه طب ياهالزلم صگاركم طب الخطر
وانته ابن قالع خيبره وبسيفك تأمره القدر
واعداك شردت والذعر بيبانه عدهه امشرعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
عد زينب الكبرى المهم معلوم بس شوف الأهم
سالم ترد خله الظمه وأطفال منتظره العلم
مسودن الجيش الحاربك يتدنه راد امن الخيم
چا غير إنته بكربله وتحودهم حود الغنم
سور ورسمته بصارمك قانون عزمك شرّعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
دارت رحاهه المعركه الخسران گلك مادره
طبيت جيش الوحدك بي ميمنه وبي ميسره
تتغاضى معقوله الكتب والنهر شاف المجزره
سيفك الموت اعله الرگب خله العده تلزم سره
رجعت روس بلا جسد واجساد كلهه مگطعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
خليني أسولف يالگمر علّي هوت والماهوت
الهوت عدوانك نعم والرايه عالچف اعتلت
والغيره بالرايه بقت بس غيره عدهم مابقت
ياهوه گال اعله الارض طاحت وهالرايه انتهت
بدمك تراهه للسمه صعدت وللعالي علت
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
ما طاح من زينب ستر ستر الله زينب لبسته
معصبهه معصب فاطمه عرش الله ياچف لاحته؟
كافلهه انته يالگمر والضعن بعدك كفلته
عباس لو عندك أمر تگلب الكون ابرمّته
صرح المجد وانته المجد والمجد بيدك صانعه
ما حاجه أوصفلك طبع كل طبع حيدر منبعه
عباس يا عباس...
عباس يا عباس...
.......................................................................................................
خادم الإمام الحسين عليه السلام
عمار هليل الواسطي
قصيدة (( لا نبالي بالممات))
سادتي أنصار الحسين ع
لا نُبالي بالمماتْ... إنّما الموتُ حياةْ
للفداءِ سعيُنا.. نحن أنصار الحُسينْ
.......................................................................................................
عن عقيدة ومبدأ النفس الأبيه
صار موعدنا اعله أرض الغاضريه
بالدمه نكتب عهد لأبن الزچيه
اوياك كلنا اوياك متهمنه المنيه
للفداءِ سائرينْ... بالمصيرِ مؤمنينْ
ونداءُ الثائرين .. نحن أنصار الحُسينْ
.......................................................................................................
عابس وجون وحبيب ابن مظاهر
بالوفه نقدم لمولانه المناحر
من يحين الموعد نباهي ونفاخر
وبمحرم كلنه ثوره بيوم عاشر
ثورةٌ ضد الطغاة... مع إكسيرِ النجاة
ثورةٌ شعارها .. نحن أنصار الحُسينْ
.......................................................................................................
ترفرف الرايه ويشاء الباري تعله
بيد أبو فاضل گمرنه الرايه تحله
بالكرامه العاش من يگدر يذلّه
واليساومنه اعله حب حسين خَلّه
إنما العشقُ جنون... ما الرزايا والمَنونْ
في الوغى نحنُ لها .. نحن أنصار الحُسينْ
.......................................................................................................
خل تأمن زينب بنوماس الأحرار
إحنه غير حسين أبد ما يوم نختار
صحنه يا أم الخدر أنصارچ أنصار
دمنه يكتبلچ عهدنه لو زمن دار
ونداءٌ يعتلي... نحنُ فرسانُ علي
والوفاءُ أصلنا .. نحن أنصار الحُسينْ
.......................................................................................................
خلها تشهد كربله بعاشر محرم
تشوف جيش الله على الظالم تقدم
البواتر يوم تصعد يكتب الدم
ملحمة تاريخ عدنا وربنا يعلم
وعقيدةُ الإباءْ... في منايا كربلاء
صرخة نحو العلى .. نحن أنصار الحُسينْ
.......................................................................................................
هالخيم والخدّر الموجودة ذمه
نصونها وكل واحد يرخصلهه دمه
إي وحق الصاغ رب العرش إسمه
إحنه أنصار السبط كلمتنا كلمه
بأمانٍ وسلامْ... نحنُ سورٌ للخيامْ
ولها أرواحنا .. نحن أنصار الحُسينْ
.......................................................................................................
خادم الإمام الحسين عليه السلام
عمار هليل الواسطي
قصيدة (( نصر دمك))
مولاي مسلم بن عقيل (ع)
نصر دمك نصر دينك
كتبته بثورة حسينك
تدگ صدرك لإبن عمك..
تضحي بروحك ودمك..
كتبته بثورة حسينك
......................................................................................................
على مد الزمن اسمك بقه نبراس للأحرار
يمسلم جيل يتبع جيل صغت دستور للثوار
سفارة لاگت لشخصك الك بالمرجله أدوار
شجاع وفارس ومهيوب مثل عمك علي الكرار
سفير حسين أبو الأكبر
مهمه وإلهه تتحضر
تسجل بالفخر إسمك..
تضحي بروحك ودمك..
كتبته بثورة حسينك
......................................................................................................
عقدت النيه للكوفه سفر بي نصرة الإسلام
وادم رادت الإصلاح بعد ما عبدت الحكام
بسم الله وصلت الهم حشود ورفعت الاعلام
اوياك اوياك يامسلم كلهه تصيح هالأيام
حشود تريدك اوياهه
بحضورك كلهه تتباهه
يهيبه وللنصر عزمك..
تضحي بروحك ودمك..
كتبته بثورة حسينك
......................................................................................................
يشهد مسجد الكوفه وراك شگد زلم صلت
توعيهه وتدليهه بدربهه شگد قبل زلت
الطاغي من عرف أمرك الوادم عنك اتخلت
حميه وغيره ماعدهه بفعلهه الباطل انذلت
الأمس كل همهه توصلهه
إلك واضح تخاذلهه
وحيد إنته عشت همك..
تضحي بروحك ودمك..
كتبته بثورة حسينك
......................................................................................................
يمسلم وادم الكوفه طبع بيهه الغدر أصبح
قبلك غدرت الكرار ولا عدهه عقل يرجح
من الموت ما خايف لأن تستشهد وتربح
خسارتهم چبيره هواي هاي الناس ماتنصح
وفت وياك فقط طوعه
البقيه أرواح مبيوعه
بطل والموت ميهمك..
تضحي بروحك ودمك..
كتبته بثورة حسينك
......................................................................................................
على قصر الإمارة شلون من فوگه هوه جسمك
تفيض الروح للباري ملائكة السمه تضمك
عطر دمك شهاده يفوح بس الطاهر يشمك
بقيت إنته وگظوا هُمه بقيت بصبرك وعزمك
محال إعداك تتصدر
يوارث من عزم حيدر
سطع أعلى السمه نجمك..
تضحي بروحك ودمك..
كتبته بثورة حسينك
......................................................................................................
انكتب تاريخ وبدمك كتبته وللأبد خالد
وعلى العاداك وصمة عار تظل مرسومه عالحاقد
أول دم نزف دمك عليك الباري ظل شاهد
رساله من يوديهه لأبو الأكبر منو يساعد
يخبره الصار بالكوفه
ذمم بالعار موصوفه
المفاخر تفخر برسمك..
تضحي بروحك ودمك..
كتبته بثورة حسينك
......................................................................................................
خادم الإمام الحسين عليه السلام
عمار هليل الواسطي
قصيدة (( ما عندك خبر))
مولاتي أم البنين (ع)
يا ليل ما عندك خبر من الحبايب
يا ليل مو تدريني عندي هلال غايب
وين وين دار الزمن بحسين
.......................................................................................................
آه يا ليل الحزن يا خبر عندك
تدري بيه أنتظر عالجمر ردك
هم تشوف حسين ها يا ليل بعدك
هم بجيت انجومك دموع اعله خدك
أحزان وبروحي انتظار العطش للماي
أحزان يا ليل وتشارك همي ويّاي
وين وين دار الزمن بحسين
.......................................................................................................
ودعت صفوة هلي بضعن الكرامه
أنتظر يمته يجوني بالسلامه
طبع باليشتاگ ليله ما ينامه
رايده يا ليل من عندك علامه
أخبار منهم ما إجت ودموعي بالعين
أخبار وآنه كل سؤالي عن الحسين
وين وين دار الزمن بحسين
.......................................................................................................
چم جرح بالروح تعرف صار عندي
أسهر وسلواي دمعاتي اعله خدي
آنه من راح الضعن وصيت ولدي
لا تقصرون اويا أخوكم هذا عهدي
عباس كفّال الضعن گلي ييمّه
عباس گلي حسين روحي انطاني كلمه
وين وين دار الزمن بحسين
.......................................................................................................
شگد ردت وياهم أمشي بالضعينه
حسين گلي يُمه إبقي بالمدينه
شافني اتكدرت بالحال وحزينه
گلي صبرچ يالحنينه وناطرينه
چم دوب أصبر وأنتظر واتهدم الحيل
چم دوب دمعاتي اعله خدي تجري ياليل
وين وين دار الزمن بحسين
.......................................................................................................
عالدرب مشبوحه يا ليل النواظر
وآنه هم حرمه چبيره وگلبي حاير
أمنية روحي لأبو اليمه تسافر
مدري چم باچر بعد وأنتظر باچر
يا حيل عندي وأنتظر حسراتي حسرات
يا حيل واني أگعد وأعدهن بيه حسبات
وين وين دار الزمن بحسين
.......................................................................................................
أحسب انجومك وأگولن ها يالنجوم
تشاهدن ضعن الكرامه وگلبي محروم
أنتظر يرجعلي سالم أدعي كل يوم
اعيوني من يوم الرحيل وعافن النوم
حسبات تاذيني بسبب هاي المصايب
حسبات من عدهه دليلي يبات ذايب
وين وين دار الزمن بحسين
.......................................................................................................
خادم الإمام الحسين عليه السلام
عمار هليل الواسطي
قصيدة (( دمعة ورسالة))
مولاتي العليلة (( ع))
رساله من گلب كل لحظه يشتاگ
يبويه وتدري بي ما يحمل افراگ
كتبت هموم روحي بدمعة العين
رساله..
..........................................................................................................
بديت ومن بديــت إنتهت كلماتي
لهذا الحد وصــل همـّـي ومعاناتي
يمن ساكن بگلبي ومهجتي وذاتي
مو كلـمــاتي ذنّــي ذنّٓــي حسراتي
عليله والأشد من علتي كلهه
إذا منك خلص روحـي أملهه
يبويه وشوفتك تتحصل إمنين
رساله..
..........................................................................................................
أباري اعله الدرب وعيوني مشبوحه
مثل فاگـــدلــه روح وينــتـظر روحه
إشوكت ترجع دليلي زادت اجروحه
ولا لحــظـــه بغيابـــك ينگطع نوحه
يجن الليل آخ شمصعـــب الليل
ينطيني السهر بس ياخذ الحيل
لي وين إنتظاري گلي لي وين
رساله..
..........................................................................................................
بعد شكتب يغالي والجفن ساهر
يگظي اليوم حسره وأنتظر باچر
بقيت الوحّدي مكـسـورة الخاطر
والمثــلــي عـلــيــلـــه بيمن تكابر
عدا بس الحــــزن ما مرني كل ضيف
چنت محتاجه أشوفك حتى لو طيف
المرض وغياب شخصك بيه جرحين
رساله..
..........................................................................................................
غيابك يالعــزيــز هواي أذاني
ولا تطفه بدمع يابويه نيراني
بصغر سني وزماني كلشي راواني
بچيت وشوف دمعي وين ودّاني
أخذني الكربله نسمه اعله الخيام
والأعجب صار عندي إحساس الأيتام
دخيلك رد لهفتي بويه يحسين
رساله..
..........................................................................................................
لا مرسال منك وأعرف اظروفك
لا من عيني تغفه وألتقي طيوفك
لو أدري تغيــب إهــواي ما عوفك
الذبلت من دمعهه رايده إتشوفك
أصبّر بيش گلبــي ووين الآمال
عفتني ومني راحت راحة البال
ما مرتاح بالي بگطعة البين
رساله..
..........................................................................................................
أنا الزاد إشتيــاقي وضاعـــت آمالي
شلـــون أگـــدر أشوفك بويه يالغالي
أسولـفـلـك أريــد شــصــايــر بحـالي
هنا يالـصـــورتــك ما فــارگـــت بالي
يضي عيني وحق أربع احروفك
گبل موتي أريــــدن بس أشوفك
الله لا يفارگ بين گلبين
رساله..
..........................................................................................................
مشتاگه وأريـــدك والدمع يجري
يبويه والمرض ظل ياكل بعمري
ما أدري أشوفــــك وين ما أدري
دگ بابي اليتم يا والدي بصغري
گلت لا سامح الله شگد هضيمه
بصغر سنّـــي وأصيـر آني يتيمه
حنيني وذكرياتك بيه نارين
رساله..
..........................................................................................................
خادم الإمام الحسين عليه السلام
عمار هليل الواسطي
قصيدة (( ولي النعمة))
الخدمة الحسينية
شكراً جزيلاً يا ولي النعمه
كلش عظيمه نعمة الخدمه
ما قصّرت وياي.. وفقني يا مولاي
......................................................................................................
بس خدمتك عزت نفس والباقي ذلّه بذلّه
من أملك آني امحبتك أملك العالم كلّه
يالوصلتني بهالدرب للما چنت واصلّه
عطفك غمرني وبالحشر أرتاح أني بظلّه
يحسين إخذ كل العمر فدوه
يا ماي عيني وللگلب سلوه
يا مهجتي وسلواي .. وفقني يا مولاي
......................................................................................................
والنعم منك والدي منك خذت تربيتي
منبرك شمعة دنيتي يالخدمتك عافيتي
هذا السبب وآنه الگلت كل موكب أصبح بيتي
بأمر الله منك حصلت يبن الولي تزكيتي
يا رحمة الله شكبر هالرحمه
يانور عمري البدّد الظلمه
شفتك شمس دنياي .. وفقني يا مولاي
......................................................................................................
أعظم شرف يا سيدي أتسمه لجلك خادم
من زغري أملك هالحلم كل العمر بي حالم
عاقد آمالي ومُنيتي والشاهد الله العالم
كل غالي يرخصلك يمن تملك گلوب الوادم
الثوب الخدامه بكل فخر لابس
مجنون بيك ومعجب بعابس
إنته العقل والراي .. وفقني يا مولاي
......................................................................................................
دمعي الجره لمصيبتك من باب جفني ورمشي
نور بطريقي سيدي وانه بضواه گمت أمشي
تقبل قليل بخدمتك وانطيت اليه كلشي
أمنيتي مجلس الك يحسين يطلع نعشي
كلش قليل أنذرلك اسنيني
ما منطي كلشي وكلشي تنطيني
والدمعتي شرّاي .. وفقني يا مولاي
......................................................................................................
هنيالي لو تنظر إلي يا سيدي ليليه
تجمع ادموع امصيبتك الراضيه المرضيه
سنين وبقت روحي الك ملهوفه ظلت هيه
تطمع بنظره لمجلسك منك يصافي النيه
بس نظره منك يا أبو الأكبر
معناهه أمك فاطمه تحضر
وشگد چبيره هاي .. وفقني يا مولاي
......................................................................................................
يستغني عن كل البشر كلمن حظه بمرضاتك
بخطواته كل خادم تبع ممشه وأثر خطواتك
يحفظ على گلبه بشرط يحسين كل كلماتك
يشعلّك اسنينه شمع يرخصهه ذاته الذاتك
كلشي بحياتي أصبحت إنته
دمعي اليهل والحسره والسكته
جرحي النزف وادواي .. وفقني يا مولاي
......................................................................................................
خادم الإمام الحسين عليه السلام
عمار هليل الواسطي
قصيدة (( عن عيني بعيد))
هلال محرم الحرام
عن عيني بعيد... من روحي قريب
تذكرني تريد... بفراگ الحبيب
..................................................................................................
كل ذكرياتي بشوفتك.. بجروحي مرسومه صور
ما ناسيه بس من تجي.. تعذّبني يهلال الشهر
ظهرك مثل ظهري إنحنى.. گلي شعفت يم النهر
تكمل واذا تطلع گمر.. تذكرني تدري بيا گمر
أصبر والونين... ياكل بالسنين
ودموعي اشتفيد ... بفراگ الحبيب
..................................................................................................
نجماتك بوجه السمه.. نزلن دمع فوگ الأرض
تتذكر اوياي اشحصل.. من كمّل حسين الفرض
گبلك شفت أصعب ظهر.. مو طبعي الومن واعترض
أمر الله يهلال الكدر.. خله الحزن ويّا النبض
ليلك والعذاب... أبدي بيا مصاب
وجروحي تزيد ... بفراگ الحبيب
..................................................................................................
بيا نجمه تعتز والحزن.. من تطفه هم تتجرعه
كل النجوم بكربله.. تنطفي وكلمن مصرعه
شمس الصبح گبل المسه.. أنوارهه متضعضعه
كل الگمر عندي انخسف.. من طاح يم المشرعه
خل نار الخيام... تشرح هالكلام
وتنطيك المُفيد ... بفراگ الحبيب
..................................................................................................
هليت وآنه توقعت.. ما تهل والنور إنخسف
ماگول هليت الدمع.. هوه الدمع يمته نشف
كل صفنه عندي كربله.. والگلب كل نبضاته طف
لكن وحق رب الضوه.. كل جسمي من شفتك رجف
من دمعي يهل... شيلم الشمل
ظل گلبي وحيد ... بفراگ الحبيب
..................................................................................................
يهلال واشما تبتعد.. من الوريد أقرب إلي
لابد سمعت بمحنتي.. من فارگوني كل هلي
يا فاطمه بدمعي صحت.. مره أصيحن يا علي
لو شاهدت روس إخْوتي.. فوگ الرماح وتعتلي
كل هالذكريات.. بعيوني تبات
للعاشر تعيد ... بفراگ الحبيب
..................................................................................................
لو نجمه ضاعتلك أظن.. تفگدهه والضيْ ينكتل
تبقه تناشد بالسمه.. ومهموم تطلع من تهل
بهذا الشعور اتحيرت.. معذوره لمن أنذهل
اعيال الحسين بذمّتي.. وياي كل طفله وطفل
نيران الزمان... حرگت كل مكان
حزني مو جديد ... بفراگ الحبيب
..................................................................................................
من أول أيامك أظل.. أحسب وكل ذكرى بجرح
لو عشره تكمل بالشهر.. أنذبح چم مره أنذبح
باب المصايب والألم.. بمفتاح دمعي ينفتح
كل عمري چن فوگ الرمح.. مو راس أخوي اعله الرمح
لوعات وحنين... حزن امسافرين
يا گلب اليهيد ... بفراگ الحبيب
..................................................................................................
خادم الإمام الحسين عليه السلام
عمار هليل الواسطي
زيارة الامام جعفر الصادق عليه السلام
بِسْمِ اللّهِ الرَّحْمـَنِ الرَّحِيمِ
اللَّهُمَّ صَلِّ عَلَى مُحَمَّدٍ وآلِ مُحَمَّدٍ وعَجِّلْ فَرَجَهُمْ وسَهِّلْ مَخْرَجَهُمْ والعَنْ أعْدَاءَهُم
السلام عليك يابن رسول الله السلام عليك يابن امير المؤمنين السلام عليك يابن فاطمة الزهراء السلام عليك يابن الحسن والحسين السلام عليك ايها الامام الصادق السلام عليم ايها الوصي الناطق السلام عليك ايها الفائق الرائق السلام عليك ايها السنام الاعظم السلام عليك ايها الصراط الاقوم السلام عليك يامصباح الظلمات السلام عليك يادافع المعضلات السلام عليك يا مفتاح الخيرات السلام عليك يامعدن البركات السلام عليك ياصاحب الحجج والدلالات الواضحات السلام عليك ياصاحب البراهين الصافحات السلام عليك ياناصر دين الله السلام عليك ياناشر حكم الله السلام عليك يا فاصل الخطابات السلام عليك ياكاشف الكربات السلام عليك ياعميد الصادقين السلام عليك يالسان الناطقين السلام عليك ياخلف السابقين السلام عليك يازعيم الصادقين الصالحين السلام عليك يا سيد المسلمين السلام عليك ياكهف المؤمنين السلام عليك ياهادي المضلين السلام عليك ياسكن الطائعين السلام عليك ياعالم آل محمد.اشهد يامولاي انك علم الهدى والعروة الوثقى وشمس الضحى وبحر الندى وكهف الورى والمثل الاعلى صلى الله على روحك وبدنك.
والسلام عليك ياسيدي ومولاي يااباعبدالله ياجعفر بن محمد الصادق وعلى العباس عم الرسول صلى الله عليه واله وسلم ورحمة الله وبركاته
منهاج ذكرى هدم قبور أئمة البقيع عليهم السلام
بإنتظارك ... عيوني تربي وگلبي حاير
بإنتظارك ... والـبـقـيـــع ابــلا مــنــايـر
بإنتظارك ... إنــتـه غايـــب وآني صابر
………………………………………………………………………………………………………………………………………………
بأربع حــروفــك نـخـيـتك هـالمـسـيّـه
تـفــزع لأربــع كـــواكـــــب هـاشــمـيّـه
هَدّمــــوهَـه إگــبـورهــم يـبـن الزچـيّـه
والنواصــب ذيــل والــراس آل أُمـيّــــه
هَدِّموهه ... وانهدم وياهه حيلك
هَدِّموهه ... وحشه صارت مثل ليلك
هَدِّموهه ... دم نزل دمع النواظر
………………………………………………………………………………………………………………………………………………
الليله تنصب مأتمك والگلـــب ذايب
بالبقيع ومِحْــــزن بدهـــر المصـايب
روحك اشتحمل عتب ماريد اعاتب
فدوه اروح لدوســت إجدامك يغايب
دمعه دمعه ... عيونك تسولف مصابك
دمعه دمعه ... عايــش بـغــربــةْ غيابك
دمعه دمعه ... بكل وكت مكسور خاطر
………………………………………………………………………………………………………………………………………………
لو فــرضـــت لكل گـبـر گُـبّـه ومـنـاره
يبقه گلب الناصــبــي ما تُـطـفـــه ناره
اتخيَّلِت حجم المـــخــاوف والخسـاره
ترعب صــفــوف الـعــدو كلمــــةْ زياره
كل زياره ... ما تنام اعيـــون حاقد
كل زياره ... وأربعين حسين شاهد
كل زياره ... ذاكه ماضي وهذا حاضر
………………………………………………………………………………………………………………………………………………
روحــــك بـهـدم الگــبــور يألّـمــوهــه
گبوركم مـعـنــاهه ثــوره يترجـمــوهه
الهالسبب أصـــدرو فـتــوه وهدّمــوهه
چـــن هـــديّـــه لآل أمـيّــه ايقدّمــوهه
خوف بيهم ... يدري كل حاقد وظالم
خوف بيهم ... من ثره گبور الهواشــم
خوف بيهم ... زرْعِته حيود و بواتر
………………………………………………………………………………………………………………………………………………
هاجس الخــوف بـخصومك دوم بـيهم
خاف باچــــر بالــنـــدم تســــمع بچيهم
لا تصـــدّگ ســيـّدي بنــبــــــرة حچيهم
كل حقدهـــم كل فـــعـلهـــم مــن إديهم
يا ضماير ... عدهم أصحاب السقيفه
يا ضماير ... والنـــوايــــــا مـو نظيفه
يا ضماير ... ذوله ما عدهم ضماير
………………………………………………………………………………………………………………………………………………
هــوّه صـــح تــراب لــكــن كـلّـه غـيره
عطره بي نفحت عطر بــدر العـشــيـره
يخاف منّه الناصبي ويـعـرف مـصـيـره
طلعتك يا سيــدي الـفــرصــه الأخــيره
يبدي يومك ... واليضدّك يگظي يومه
يبدي يومك ... فارس ودنيــــاك حومه
يبدي يومك ... يمحي ليله بفجر زاهر
………………………………………………………………………………………………………………………………………………
تظـهــر وميظــل أثر ظالم وحاقد
وبوجودك يـعـلـه بنـيـــان المراقد
خلفك نصلّي جماعــه بگلب واحد
أُمنيـــةْ نـــاس التحـبك اللّه شاهد
يابو صالح ... عهدي باقي وما تركته
يابو صالح ... بالدمـــع والـــدم كتبته
يابو صالح ... مو بعيد هواي باچر
………………………………………………………………………………………………………………………………………………
خادم الحسين عليه السلام
عمار هليل الواسطي
منهاج جرح وشهادة أمير المؤمنين علي بن أبي طالب عليهم السلام
يا قالِع البــابْ ... سِدْ بابْ الجرح
يفـجع يـتامــاك ... لـمّـن ينـفـتـح
……………………………………………………………………………………………………………………
شهر اللّه ناداك يا روح الفرض
خــاف السمـوات بعدك تنقبض
جرحك إذا صار شيْكُضّ الأرض
أحزان الاكــوان لجْلك تـنـتـفض
راسك الينصاب ... لو فرض الصبح
يفـجـعْ يــتـامــاك ... لـمّـن ينـفــتـح
……………………………………………………………………………………………………………………
يصعب غيابك يبو حسين وحسن
يلّـي بـرحيـلك غُـربــه بكــل وطن
يا علـي ومـعــروف گـظّـاي المِحَن
هالمحنه متهون على طول الزمن
دمْ إمن العيون ... باچر ينسفح
يفـجعْ يـتامــاك ... لـمّن ينفـتح
……………………………………………………………………………………………………………………
طالَعتْ النجـوم وتواســي السِمه
عندك علامـــه المــوتـــك مَـقْدَمه
أُولادك تعـيـش فَـجـعـت فـاطـمـه
تـتـيـتــم إردود يا حـامي الحـمـه
جرحك يتانيك ... يالگلبك سمح
يفـجـعْ يـتامـاك ... لـمّـن ينـفـتح
……………………………………………………………………………………………………………………
بعيون الايتام حـســرات وألــم
من هسه والحيل يالوالي إنهدم
موعدهه الأحزان من هالليله تم
كلــنــه فدايــاك يا نـــبــع الشيم
كل هامت ايتيم ... مثلك تنجرح
يفـجـعْ يـتامـاك ... لـمّـن ينـفـتح
……………………………………………………………………………………………………………………
شيظل بالعيون من يگظي الدمع
والفاگد يصــير چن عُـمـر الشمع
يخلص بالدمـــوع عُمره وينفجع
يا علي ومعذور لو يحْني الضلـع
جرحك يبو حسين ... برهان الشرح
يفـجـعْ يـتامـاك ... لـمّـن ينـفـتح
……………………………………………………………………………………………………………………
گلب اليتانيك يـحـتاج الصبـر
إدعيـلــه مولاي لو حــان الأمر
عبرات الأحباب سالت من جمر
والعمرك يــروح فدوه كل عُـمُـر
ما باقي ساعات ... كل شي يتّضح
يفـجـعْ يـتامـاك ... لـمّـن ينـفـتح
……………………………………………………………………………………………………………………
من جرحك ويوم نزفه وموعِدَه
واتـهــدّمـت بي أركـــان الـهُــده
دار الزمن حيف واهواي العِـــده
جرح العمر حان والليله إبتده
چم مرّه هالروح ... بعدك تنذبح
يفـجـعْ يـتامـاك ... لـمّـن ينـفـتح
……………………………………………………………………………………………………………………
خادم أمير المؤمنين ع
عمار هليل الواسطي
منهاج جرح وشهادة أمير المؤمنين علي بن أبي طالب عليهم السلام
تدعي الموت مو يدعيك ترخّص هالمسه وزارك
تفتح هامتك للسـيـف حـسبـــت السيف خطّارك
………………………………………………………………………………………………………………………………………………
وجود الكون والمضمون أصبح يا علي بچفّك
والموجود كلّه يعود وصفـــه إمطابق الوصفك
كيان الدين يا بو حسين واگف هالمسه ابصفّك
لحظات وهمست بصوت
يحيدر من دعيت الموت
إجاك برهبه راد ايفوت
ترخّص منك ومرخوص گتله وأمّن بدارك
………………………………………………………………………………………………………………………………………………
يسيف إتهاب منه إرگاب كلهه إتصيحله ادخيلك
حيلك ينـهـــدم والنــاس شــدّت حــيـلهه بحيلك
راح الراح من مـصــبــاح باچـــر وإنـخـتـــم ليلك
نظام الدنيه يتغيّر
سماهه تصب دمع أحمر
كلهه تصيح يا حيدر
دخيلك لا تفارگنه عليك بجوهر أسرارك
………………………………………………………………………………………………………………………………………………
أرد للبيت وشخليت رحيلك يا علي الأصعب
الحسن وحسين مجره العين دم وخدهم تخضّب
زينب يتّماهه البين أحاه يا هضم زينب
بثوب أسود تلاگي العيد
بس يا عيد وإنته ابعيد
هضيمه وحيف يا صنديد
جمر حزنك فلا يخمد وأبد ما تنطفي نارك
………………………………………………………………………………………………………………………………………………
خضيب الهام والأيتام يم بابك تجر حسره
تودعك يا علي الليله نار گلوبهــــه أموجره
عليهم آخر اللحظات چانت يا علي النظره
توصّي أُولادك إعليهم
يتامه وإنته واليهم
صعب لمن تخليهم
حميت الدين والأيتام بكل سنينك وجارك
………………………………………………………………………………………………………………………………………………
يحامي الجار وشتختار أمرك نافذ وصاير
ملك الموت إجه اعله الصوت واگف يمك وحاير
گلتله اتوكل اعله اللّه وإخذ روحي بگلب صابر
أمر اللّه وعَلَيْ واجب
أنفذ والگلب حاسب
لهذا اليوم وامراقب
أفوض أمري للباري روحي بأمره تتبارك
………………………………………………………………………………………………………………………………………………
يعالي الهام والإسلام نعاك بعالي حسراته
والقرآن يالقرآن يمك يبچي آياته
الليله أنبياء اللّه كلمن عاش مأساته
حضرت كلهه أحبابك
وگفت يا علي إبْابك
مدمع دم على اخضابك
بچت وإختنگت بعبره وأمست مظلمه إديارك
………………………………………………………………………………………………………………………………………………
القيامتهه وتظل النار بگلوب الخلگ يا نار
ما تطفه بدمع جاري وحق طيحتك يا كرار
طبرتك جدّدت بيهه نار الضلع والبسمار
إمودّع يا علي الوالي
يضي نجومهه العالي
الغالي ويفگد الغالي
مو عجبه لون للموت بي يلهب وگد نارك
………………………………………………………………………………………………………………………………………………
خادم الحسين عليه السلام
عمار هليل الواسطي
يا أَيُّهَا النَّاسُ أَنْتُمُ الْفُقَراءُ إِلَى اللَّـهِ وَ اللَّهُ هُوَ الْغَنِيُّ الْحَمِيدُ
فاطر - ١٥
www.firstcause.net/quran-arabic/
الهوسات
أهازيج الفرح بسمك كتبناهه
يالمهدي وإلك بدموع صغناهه
يغايب شوفتك كل إحنه نهواهه
ما نحمل بُعدك تدرينه
……………………………………………………………
طال الإنتظار وللصبر مقياس
يمهدينه وظهورك إلنه رفعة راس
نحلفك هالمسيه بعمّك العباس
إظهر يالغالي ومر بينه
……………………………………………………………
تعّبنه الصبر بس إحنه ما نتعب
واليوم الظهور بشوگ نترقب
الليله بكربلاء الفرح يتوجب
نفرح للغالي وندعيله
……………………………………………………………
مالت غير چفك منو اليعدلهه
فرحتنه بظهورك يلا كمّلهه
يا خاتم العتره وفخر أوّلهه
وبچفك راية والينه
……………………………………………………………
خادم الزهراء عليها السلام
عمار هليل الواسطي
قصيدة مولد سيدي ومولاي علي الأكبر عليه السلام
الليله الكون إتبشّر .. بمـــيــلادك يالأكبر
يا محلاها أنوارك ... وتهوّس أنصارك
الناس بعيدك فرحانه
……………………………………………………………………………………………
الشافك شاف الهادي .. طه وظل ينادي
سبحان الله شصوّر .. ردد صوته وجهجر
أوصافك تشبه أوصافه
……………………………………………………………………………………………
يفرح مولانا حسين .. يفرح ويگر العين
تنزل حتى الأملاك ... وتنادي الي والاك
إفرح يالتحضر ميلاده
……………………………………………………………………………………………
تضوي اشموع الفرحه .ليل ووجهك صبحه
والنورك كلمن شاف .. ناده الأجمل أوصاف
سبحان الخالق سبحانه
……………………………………………………………………………………………
شهر أعياد العتره ... بشرى تقدم بشرى
والأنصار يحضرون .. للمحفل وينادون
هالليله الأكبر شع نوره
……………………………………………………………………………………………
ما خاب الوالاكم ... خسران العاداكم
عاشگ عاشگ للموت وبگلبي نبض الصوت
لولاكم ما أريد اسنيني
……………………………………………………………………………………………
بقلم خادم الحسين عليه السلام
عمار هليل الواسطي
متباركين بذكرى مولد بطل الإسلام والفتى الهمام أمير المؤمنين وسيد البلغاء والمتكلمين علي بن أبي طالب عليه السلام ..
القصيدة
أبو اليمه صلاتي وكل الفروض
والله بلا علي يرفض صلاتي
علي القران والمِلّه ....
علي الإسلام والقبله ... أبو حسين
********************
أمدحه وخاف أقصّر وادري الأبيات
ما توصل عشر مو من خصاله
شيوصفه علي مو قصدي والله
آني أقصد صعب أوصف خياله
أصعب إمتحان بهيچي موضوع
الفطحل بالشعر يترك مجاله
أخاف أرسب ..شريد أحسب ..شضيف لحيدر وأنسب ؟
يشع نوره..بوصف دوره ..لازم آيه لو سوره
شلي بدنياي لو ما بيهه أبو حسين
اموت أحسن بعد شلّي بحياتي
عجزت آنه بوصف ظله ..
علي الإسلام والقبله ... أبو حسين
********************
من الكعبه راح أبدي الكرامات
شافت فاطمه غمرتهه فرحه
وخافن بت أسد بالموقف تحير
ملائكة السمه الموقف تشرحه
من عرفت إجت حامل بٱبو حسين
الجدار بــ((يا علي )) گدرت تفتحه
إنفتح لحظه ..إنطبگ لحظه ..انولد دين النبي وفرضه
البقت تطلگ ..تجيب الحگ ..اليشگ حلگ المعاجز شگ
علي ويكفيني أجاور مرقده بيوم
حياتي تبتدي بلحظة وفاتي
برغد أگظي العمر كله ...
علي الإسلام والقبله ... أبو حسين
********************
گالوا عالشجاعه إقرالنه أبيات
گلت ممنون والميلاد كبّر
گلتلهم علي من يطب ميدان
الطلع من ظهر أبوه ضده إيتكتر
وإلا إگبال حيدر يوگف شلون !!!!
بهوا إيده إنقلع ....مو بيده خيبر
علي بكيفه ..العده بسيفه ..يردهه الما يرد ضيفه
علي العالي ..علي الوالي ..بسبعتهن گمر عالي
علي بفن الشجاعه يخرّج فحول
أميري وقبلتي وكل أمنياتي
اليضده بالعمر شلّه ...
علي الإسلام والقبله ... أبو حسين
********************
تعالوا ٱوياي يا كل الموالين
نطالع شجره طيبه بكل الأغصان
إبن عم الرسول وأبو السبطين
وهيبة فاطمه وريحة القرآن
شفيع الناس ساقي الكوثر هناك
بحشرهه وكلهه حدره الإنس والجان
يوافيهه ..يجازيهه ..بأمر من الله باريهه
الوصف عنه ..أقل منه ..قسيم النار والجنه
ألف عالخير ميلاد البطولات
الف عالخير يا ذخري ونجاتي
الميعجبه الحچي خله ...
علي الإسلام والقبله ... أبو حسين
********************
ضويت سنين عمري بعيدك شموع
يا حيلي ووگفتي ويا ضوه العين
صارت واهلية عيدك دموع
وهذن هلّن فرح لجلك يبو حسين
خادم وٱفتخر من ألفي للياء
وين آنه ...وحضرتك سيدي وين !!!
وحق ربك ..على دربك ..أموت وبالگلب حبك
يمي عيني ..فده سنيني ..غصبن عاليعاديني
بفضلك دوم يبقه الراس مرفوع
وعدوانك أردهه بمشتهاتي
شعار الصام والصلّه ...
علي الإسلام والقبله ... أبو حسين
********************
عمار هليل الواسطي