7103
إحنه غير حسين ما عدنه وسيله والذنوب اهـــواي چـفّـتـها ثجيله
ليلة ٢ محرم الحرام
الخدمة الحسينية المقدسة
ما أعوفك ... خدمتك هيّه الحياة
ما أعوفك ... يا ســـفيــنــة النجاة
أكتب بدمعي العهد ...
مــا أعــوفــك للأبد ... ما أعوفك
........................................................................................................
سجلت عمري يبعد العـمر بسمك
يا حسين وأمنية روحي تخدمك
بيقظتي والنوم ميفارگني رسمك
خادم إقبلني علــيـك الزهره أمك
ما أعوفك ... يا أمل روحي ومُناي
ما أعوفك ... يا نبض گلبي وهَواي
ربنا سبحانه شهد ...
مــا أعــوفــك للأبد ... ما أعوفك
........................................................................................................
بخدمتك يالغالي أريدن يگظي عمري
هيچي حباً بيك واعلـــه الزهره أجري
يا عشگ ويّــا الدمَـــه بشرياني يجري
الله وحده بهالعشـــــگ يحسين يدري
ما أعوفك ... أبقه خــــادم منبرك
ما أعوفك ... هاي روحي تناصرك
يلي مثلك مَنْوِجَد ...
مــا أعــوفــك للأبد ... ما أعوفك
........................................................................................................
إي يروح الروح يـا روح الزچيه
أدعي الله بخدمتك ترضه عليه
يالقضية ْ عاشرك أشـرف قضيه
يالهويـةْ خدمتــك أعظـم هويه
ما أعوفك ... سيدي طول الزمان
ما أعوفك... والله يا نــبـع الحنان
للخدم حُبك مدد ...
مــا أعــوفــك للأبد ... ما أعوفك
........................................................................................................
خادم وبسمك أصيح بعالي صوتي
امن المهد يحسين والميعــاد موتي
بيتي الحسينيــــه واللطامه إخوتي
أستــمــد مــنــك يبـو الأحرار قوتي
ما أعوفك ... الخدمتك روحي فديت
ما أعوفك ... العِبـــره والعَــبــره لگيت
إي وحق واحد أحد ...
مــا أعــوفــك للأبـد ... ما أعوفك
........................................................................................................
من يهل شهر المواجع يابو الأكبر
كلشي بيه يصيح يالخادم تحضّر
وبوسط گلبــي الك منصوب منبر
وبفجر عاشر يــنادي النبض حيدر
ما أعوفك ... يا أمــير الثائرين
ما أعوفك ... يا ملاذ العاشقين
هالعشگ لا ماله حد ...
مــا أعــوفــك للأبد ... ما أعوفك
........................................................................................................
بالسـواد أتوشـح وطفّـك مُصابي
گلب ولسان العهد مو بــس ثيابي
ناصرك والصرخـتـــك هذا جوابي
يا حسيــــن وبــيــدك توقّع كتابي
ما أعوفك ... خادم الكل الخدم
ما أعوفك ... يا وجود إبلا عدم
لحظه ما شوگي بُرد ...
مــا أعــوفــك للأبد ... ما أعوفك
........................................................................................................
هالشعائر نعـمــه مـن رب الجلاله
وهذا دربك بالفـــخــر ماكو مثاله
يا ضوه درب اليخدمـــك والدَلاله
ما أعوفك ... ولا أعوفن خدمتك
ما أعوفك ... عالي راسي بهيبتك
أدري من جَدَّ وَجَدْ ...
مــا أعــوفــك للأبد ... ما أعوفك
........................................................................................................
خادم الإمام الحسين عليه السلام
عمار هليل الواسطي
محرم الحرام/ ٢٠٢٣
السلام عليكم ورحمة الله وبركاته
أحبتي من الإخوة والأخوات الأفاضل
على بركة الله تعالى
سيتم نشر قصائد شهر محرم الحرام وصفر للعام الهجري ١٤٤٥ / ٢٠٢٣ ميلادي هنا في قناتكم بعد الإنتهاء من الإحتفال بعيد الغدير الأغر إن شاء الله تعالى.
وفقنا الله تعالى وإياكم في خدمة سادتي وموالي أهل البيت عليهم السلام
أخوكم
خادم الإمام الحسين عليه السلام
عمار هليل الواسطي
ذو الحجة/ ١٤٤٤ هجري
تموز / ٢٠٢٣ ميلادي
شهادة سيدي ومولاي أمير المؤمنين علي بن أبي طالب عليه السلام
الله يكون بعون أيتامك ... تــتــذكّـر ظـلّــت أيامك
بين الحسره وبين الذكره .. وداع يابو حسين
...................................................................................................................................
گظت عِشرت عُمُر ويّاك يا حـيدر
رحت عنهه وبقت يالغالي تتحسر
كلّك خــيــر بس للخـيــر تــتــذكر
منك يا أبوهـــه وطـــيّــب المعشر
كلهه اليوم اعليك تناشد ... ما كاسرلك خاطر واحد
حان اوداعك يابو الفقره .. وداع يابو حسين
...................................................................................................................................
أمل عدهه أمل چانــت تــرد ليهه
ومثل كل مره تجمعهه وتحاچيهه
منو بعدك يحيـــــدر ينشد اعليهه
يوالدهــه ويَغاليــهـــه ويَوالــيـهه
نعشك شال اگلوب أحبابك ... كملت يامولانه أسبابك
يَمْودّعهم بآخر نظره .. وداع يابو حسين
...................................................................................................................................
وحق جرحك علي وذاك النزف والدم
اليتامـــى اردود هـــاي الليله تـتـيـتـم
يا هَمْ المــثــل فـگــــدك بـعـــــد يا هَمْ
تودعك يا هواهه الچان أمس يـنْـشـــم
ترحل من عالم دنياهه ... بس ظلت روحك ويّاهه
هاي اطباعك يابو العتره .. وداع يابو حسين
...................................................................................................................................
على جروح الزمن جرح اليتم ينضاف
وسؤال امن اليتامـــه بجرح ما ينراف
معقوله الســـمــــه تنشال فوگ إچتاف
يبن كعبة البــــاري الكل سَـنـــه تنطاف
دارك ظلمه ونورك غايب ... كل گلب بأيتامك ذايب
ما تخمد بالروح الجمره .. وداع يابو حسين
...................................................................................................................................
إمودع بالله يا أجــمــل حلــم عدهـه
العلم لله المصاب شلــــــون ضاهِدهه
گــبــل العــيــــد تاركــهــــه يوالـــدهه
الْـچـــانـــت أول الـعــــالــم تعايـــدهه
مات العيد بكل خاطرهه ... غيرك ياهو اليتذكّرهه
وتتبدّل كل بسمه ابعبره .. وداع يابو حسين
...................................................................................................................................
تشتاگ الوجــودك والعـــذب صوتك
ودمعهه الي كتـــب لا ترحل امروتك
رحت وانكســــرت الما چانت اتفوتك
چنت ويّاهــــه تگســـم يا علي قوتك
وتصيح إمروتك لتهاجر ... دهرك لا ما ينصف باچر
ياهو المثلك ناذر عمره .. وداع يابو حسين
...................................................................................................................................
يبو الأيتام دونــك ضاگــــت الوسعه
فرض نفسه الظلام وطفت كل شمعه
وحگ چفك هذاك اليـمــســـح الدمعه
صعبه فَجعتك لَـــــنْ فجعه مِنْ فَجعه
الله يساعد كلمن حبك ... كل مظلوم الساكن گلبك
تبقه الذكره وتبقه الحسره .. وداع يابو حسين
...................................................................................................................................
خادم أمير المؤمنين علي عليه السلام
عمار هليل الواسطي
حان الأمر ليلة قدر نگظيهه بالنحيب
نصبح يتامه بالفجر ونودّع الحبيب
صرختنا تعتلي ... وداعاً يا علي
...........................................................
خيمتنه طاحت بالدمع ما يرجع اليروح
أرض وسمه جن وإنس هذا المسه تنوح
بهاي المصيبة الفاجعة يا مكثر الجروح
عند العلي روح الولي تروح وعظيمه الروح
بدار الولي بس الألم والحسره والعزاء
حيَّ على فرض الحزن والحرقه والبكاء
غصص ما تنجلي ... وداعاً يا علي
...........................................................
رايح أبونا ليا سفر هذا السفر بعيد
ما ننتظر عيد الفطر حيدر علي شهيد
كلنا يتامى وكل گلب بس حيدره يريد
هذا اليتم كلش صعب والدمعه ما تفيد
لو يرجع الراح بدمع نبچي دمع غزير
نبچي العُيُون وفدوه بس خل يرجع الأمير
يا دنيه رتّلي ... وداعاً يا علي
...........................................................
مجروحه باء البسمله وبعد الجرح مصاب
معقوله أبو تراب الأبو يندفن بالتراب
أيتامه تسأل بالحزن وينه أبونا غاب
نعش الولي من يرتفع يتوضح الجواب
زينب يتيمه والحسن ناح وبچه الحسين
يسأل دمع راعي الفضل رايح أبونا وين ؟
أبو اليمه الولي ... وداعاً يا علي
...........................................................
جبريل صاح بطبرته من باطن السماء
إنْهدمت أركان الهدى حيَّ على العزاء
دم أحمر بهيئة دمع من السمه البكاء
اللهُ أكبر يا علي مكتوبة بالدماء
لون السواد لفجعتك ويغطي كل مكان
راح الأمان وشيعتك تعتبرك الأمان
ننادي ما يلي ... وداعاً يا علي
...........................................................
يا غربه أصعب يا جرح نتأمله يطيب
گال الطبيب بحسرته ما يرجع الحبيب
ما نشتكي والمشتكى للخالق المجيب
بس بوداع المرتضى كل شي صفه غريب
نتصوّر بعبره وشجن زينبنا من تنوح
من بعد فگد أم الحسن أبو الحسن يروح
صيحتها يا هلي ... وداعاً يا علي
...........................................................
حان الرحيل بكل زمن يتجدد الرحيل
نحيي مصاب المرتضى دم الدمع يسيل
ونواسي إبنه المنتظر ندري الحزن ثگيل
ندعي الله يرجع بالفرج صار السفر طويل
يا غيرة الله وبالگلب جمرة حزن تفور
بهذا عزائك سيدي أدركنا بالظهور
بغيابك نبتلي ... وداعاً يا علي
...........................................................
خادم الإمام الحسين عليه السلام
عمار هليل الواسطي
شهر رمضان المبارك/ ١٤٤٤ هجري
منهاج ذكرى ولادة سيدي ومولاي كريم أهل البيت عليهم السلام الإمام الحسن المجتبى عليه السلام.
القصيدة
ليلة فرح نحييهــه نحييهه نحـييهه
بسم الحســن نبديهه نبديهه نبديهه
.............................................................
ليلة أفراح وسعادة والمحب صدره إنشرح
هذا ميلاد أبو محــمـــــد يعني ميلاد الفرح
هل علينه الليله نوره بالسمــه هلاله وضح
كل حزن ممنوع هسه من قواميسه انمسح
هالنعمـــه مــن باريهه باريهه باريهه
بسم الحســن نبديهه نبديهه نبديهه
.............................................................
هذا سبط النبي الهادي وإبن حماي الحمه
أنــعــم وأكـــرم بأصــلــــه هذا أمه فاطمه
صوت تغريد البلابل يوصل السابــــع سمه
رابع أصحاب الكساء الليله نحيي مَـقْدَمه
السبط النبي هاديهه هاديهه هاديهه
بسم الحســن نبديهه نبديهه نبديهه
.............................................................
بالفرح دار أبو اليمه شعشعت هالليله نور
حتى أملاك السماء الليله عد حيدر حضور
فرحت الأكوان كلهه عاشـــت الليله بسرور
نذرت الميلاده بالحب والأمل أحلى النذور
تهــنــئ علــي واليهه واليهه واليهه
بسم الحســن نبديهه نبديهه نبديهه
.............................................................
للكرم والجود فرحه يا هلا بأصل الكرم
ما يرد محتاج باچر لو كبــر نسل النِعم
كلمن يدگ بابه باچــــر يأخذ امراده نعم
من كرم بيت النبوة الطاهره وبيت القيم
كل حاجتك يگظيهه يگظيهه يگظيهه
بســم الحســــن نبديهه نبديهه نبديهه
.............................................................
للبقيع أجمـل تحـيـــه الليله نبعثها بأمل
بيهه أفراح وتهاني بعيد إبن خير العمل
وندعي للباري تعالى لصاحب الطلعه العَجَل
يأسس الحق والعداله ويحكم الكل الدول
دار الحســـــن يبنيهه يبنيهه يبنيهه
بسم الحســن نبديهه نبديهه نبديهه
.............................................................
خادم الإمام الحسين عليه السلام
عمار هليل الواسطي
شهر رمضان المبارك/ ١٤٤٤ هجرية
قصيدة في ذكرى وفاة سيدتي ومولاتي خديجة الكبرى عليها السلام
قصيدة { حزناً عليكِ }
لولا سيف المرتضى وأموالها
هالنــبــــوّة ما وصل مرسالها
.......................................................................................................................
والنعم من عدهه أم المؤمنين
كفّت ووفّت لجل حرمة الدين
نذرت شما تملك وعدهه يقين
هالرساله تنحيي آمالها
.......................................................................................................................
شاء رب العرش سبحانه العلي
مدد تصبــح والمكائــــد تنجلي
وبالشدايد لو حضر سيف الولي
والله من إسمه تفر إرجالها
.......................................................................................................................
كملت وهــاي الرســاله إمن القدير
وصلت وديـــــن الله أبد ماله نظير
كل مصير أعداءه حتمــــاً بالسعير
الله سبحانه يقاضي أفعالها
.......................................................................................................................
من بده عام الحزن أول مصاب
رادت الفجعه تدگ عالهــادي باب
يودع أم المؤمنيــــــن وگلبه ذاب
ينحب ويذكر جزيل أفضالها
.......................................................................................................................
حاشه أبد ما قصّرت ويّا الرسـول
نفس وگفت حيدره فحل الفحول
الليله ترحل بس توصــــي بالبتول
والنفوس الخاتمه بآجالها
.......................................................................................................................
ساعد الله الليله گلب المصطفى
لا نشف دمعـــه ولا جفنــــه غُفه
شلون عام وبيـــش بالله انوصّفه
والعزيزه قررت ترحالها
.......................................................................................................................
من بعدهه اشراح أبو القاسم يشوف
عام كله أحــزان وبأصــعــــب ظروف
هالمنايا بغير مـــوعـــد من تــطــــوف
هيه دنيا وهذا واقع حالها
.......................................................................................................................
خادم الإمام الحسين عليه السلام
عمار هليل الواسطي
قصيدة في ذكرى وفاة سيدي ومولاي أبو طالب عليه السلام
قصيدة { من كفيل الكفيل }
من كفيل الكفيل نلگه معنى الوفاء
ذاكه عهد الرسول هــذا طف كربلاء
..........................................................................................................................
نبدي من مؤمن قريش ومن خصاله
كافل المحــبـــوب سبحــانـه وتعالى
يعني أسّـــس بالوفــــــه نهج الكفاله
شلون كافر يُــتـّهــم هـــاي إستـحاله
هالأمر مستحيل ليـــش هذا الجفاء
ذاكه عهد الرسول هــذا طف كربلاء
..........................................................................................................................
يا سلام الله على الظــل گلبه صابر
اتحمّل بعــهــد النبي أنواع المخاطر
أبو طالــب يعــنـــي تاريـــخ المفاخر
يكفي والد حــيـــــدره بـــيــهه يفاخر
هذا شـــي مو قليل خصّه رب السماء
ذاكه عهد الرســــول هــذا طف كربلاء
..........................................................................................................................
لو نعرّج والــزمــن تحـصـيـــل حاصل
للوفه اتـفـــــرّع غصــن غصن البواسل
أبو طالب صـــار بالطــف أبــو فاضــــل
والضعن ضــــعـــن النبي بذيچ المحامل
وبحفــيـــده السبيل بيده رافع لواء
ذاكه عهد الرسول هــذا طف كربلاء
..........................................................................................................................
هالكــفــالــه تــلــوگ لگــلــوب النظيفه
لا مــطامـــع لا مــنــاصـــب لا سقــيـفه
تلوگ للچـــف الأبــــد مـــا خـــان سيفه
تلوگ للمُهجه الصــــدگ حــــرّه وشريفه
واليريد الدليــل يقـــره أصل الفداء
ذاكه عهد الرسول هــذا طف كربلاء
..........................................................................................................................
چان أبو طالـــب حضــن دافي لمحمد
اتلاشه إحــســاس اليتم والباري يشهد
رغم جمر الحـــزن ما فـــد لحظــه يبرد
والسبب باليكـــتـــب التاريـــخ الأســـود
حقد من هالقبيل وللإمامه العِــداء
ذاكه عهد الرسول هــذا طف كربلاء
..........................................................................................................................
أبو طالـــب خـلّــه بعــيــونــه نبـيـنـه
ضحّه عمره لخاطـــر الاســـــلام دينه
وأبو فاضل لجل زيــنـــب ضحّه عينه
وضحّه روحه الدينه وايســاره ويمينه
هالوفه إبلا مثيل من نسل أصفياء
ذاكه عهد الرسول هــذا طف كربلاء
..........................................................................................................................
شلون عام الحــزن يتوصّف مصابه
شلون يوم الطف ختم بالـــدم كتابه
كل سؤال اليــوم يحــتــــاج الجوابه
والجـــواب ابــثــار المــطــــوّل غيابه
صحنه كيف السبيل لأبو صالح نداء
ذاكه عهد الرسول هــذا طف كربلاء
..........................................................................................................................
خادم الإمام الحسين عليه السلام
عمار هليل الواسطي
متباركين بذكرى ولادة سيدي ومولاي قمر العشيرة أبي الفضل العباس عليه السلام
القصيدة
بميلاد الگمر تضوي ليالينه
بميلاد الگمر تضوي ليالينه
.................................................................................................
يوم أربعة من شعبان يا هالناس
ميلاد الوفه وأصل الوفه العباس
صواني للشمع والحنّه ويا الياس
رفعنه وللگمر نبعث تهانينه
بميلاد الگمر تضوي ليالينه
.................................................................................................
گلب أم البنين وگلب حامي الجار
فرحوا هالمسيــــه وشعّــت الأنوار
خطار الفرح يا محــلـــــى هالخطار
للعباس خط أجمل عناوينه
بميلاد الگمر تضوي ليالينه
.................................................................................................
من خده گمرنه بالسمه يلالي
مصدر كل ضوه عباسنه الغالي
شبيه المرتضى الكرار والوالي
أخذ شمرة علي وتشهد ميادينه
بميلاد الگمر تضوي ليالينه
.................................................................................................
زينب هالمسيه الفرح واصلهه
بشّرهه علي الكل عـمـره دللهه
يعلم يــنــولد هالليلــــه كافلهه
قبّلهن اچفوفه وقبّل اجبينه
بميلاد الگمر تضوي ليالينه
.................................................................................................
سر بأسرار الله وصعب تفسيره
سلطان الوفه والنخــوه والغيره
إگصد مرقده وما تبقى كل حيره
يگظيهه وحق ايساره وايمينه
بميلاد الگمر تضوي ليالينه
.................................................................................................
خادم الإمام الحسين عليه السلام
عمار هليل الواسطي
٢ شعبان ١٤٤٣ هجرية
متباركين بذكرى ولادة سيدي ومولاي الإمام الحسين عليه السلام
الهوسات
فطرس راد توبه وربنا اليـحاچي
گله إهبط لمهد حسين وانطخ بي
كرامه للحســـــــيـــن ولازم اتهني
وبفضلك ردن جنحانه
............................................................................................
سفينة للنجاة وحــبك الغايه
يا آيــه وأبـــوك وأمـــك الآيه
بسمك جنة الخالـــق امسمايه
لوما حبك ما سواهه
.............................................................
..............................
الليله بحضرتك يحسين ملتمين
وبعيد الولادة الطيـــــبة فرحانين
أمانينا بصحيفة حبك امسجلين
متفضّل من تقبل بينه
............................................................................................
خادم الإمام الحسين عليه السلام
عمار هليل الواسطي
٢ شعبان ١٤٤٣ هجرية
متباركين بذكرى ولادة سيدي ومولاي الإمام الحسين عليه السلام
الأبوذيات
الگلب من خدمتك يحسين ما مل
وعن دربك يــروح الـــروح ما مل
بشفاعة حـضــرتك بالحشر ما مل
توصله الجنّة الباري الزهيّه
الباري عـقــد وي شخصـك وصلنه
بخدمــتــك للـقـــمــم والله وصلنه
إجينــــه بــيــوم مــيــلادك وصلنه
للحضره وفرحنه بهالمسيّه
خادم الإمام الحسين عليه السلام
عمار هليل الواسطي
٢ شعبان ١٤٤٣ هجرية
عظم الله تعالى أجورنا وأجوركم بذكرى شهادة سيدي ومولاي الإمام موسى بن جعفر الكاظم عليه السلام
قصيدة ( اجنازتك )
اجنازتك فوگ الجسر .. يا إمامي
والخواطــر تــنـكســر .. يا إمامي
والأهل وين ..
يا ضوه العين .. يا إمامي
………………………………………………………………
اجنازتك جا وين اهلهه يا غريب الكاظميه
عشت كل عمرك مواجع والمنيه بهالمسيه
بالسجن خلصت حياتك وسفه يا ابن الزچيه
يا ضوه بغداد نورك حيف ظل مسجون ضيّه
يا غريب بلا أهل .. يا إمامي
يا إبن خير العمل .. يا إمامي
بيّه نارين ...
يا ضوه العين .. يا إمامي
………………………………………………………………
ما نصف وياك دهرك حيف ياطود الأكارم
كاظم الغيظ بصفاتك وللمواجع كلهه كاظم
عذّبك هارون تدري شكد حكم هارون ظالم
لكن وداعت حياتك ما رضيت انته تساوم
عشت آهات وحزن .. يا إمامي
غربه وبوسط السجن .. يا إمامي
تخلص امنين..
يا ضوه العين .. يا إمامي
………………………………………………………………
غربه وسنينك يغالي بين أحزان ومواجع
تدري هالناس التحبك الهه لا ما تظن راجع
من يمر إسمك عليهه تبدي تنحب بالمدامع
امصابك الليله فجعهه وما خلص حد الفواجع
هواي ظلت تنتظر .. يا إمامي
نفذ من عدهه الصبر .. يا إمامي
ولو گصه البين ..
يا ضوه العين .. يا إمامي
………………………………………………………………
للرضا ياهو اليخبره عن مصابك يا إمامي
هم گلت للهوه بلغ إبني هالليله سلامي
لو عرف بالصار يحضر والگلب بالفجعه دامي
يا نبع طيب ومحبه واليحبك بعده ظامي
يا إمام الرافضه .. يا إمامي
بالقهر عمرك گظه .. يا إمامي
مرت اسنين ..
يا ضوه العين .. يا إمامي
………………………………………………………………
عالجسر ظلت غريبه اجنازتك والله حسافه
كلهه تسأل وينك انته صعبه هالحاله وكلافه
وين موسى ابن جعفر ياهو من الناس شافه
واعدتهم يا غريب والبدر تم إنخسافه
واعدتهم من حچيت .. يا إمامي
بالنعش تالي إجيت .. يا إمامي
للملايين ..
يا ضوه العين .. يا إمامي
………………………………………………………………
بهالزمن لو شفت گبرك كعبه ويطوفه اليزورك
يا شمس بغداد واللّه ما حجب غربيل نورك
وين هارون ونظامه ما عبر يالغالي سورك
شيعتك وياك ظلت ما نست لا والله دورك
هالملايين التطوفك .. يا إمامي
باب للحاجه تشوفك .. يا إمامي
للموالين ..
يا ضوه العين .. يا إمامي
………………………………………………………………
يابو طلبه واليندبك چفه لا مايرد خالي
حاجتي يمك الليله وانته تعرف ضيم حالي
والجوابك أبقه أتاني أعرف تجاوب سؤالي
اليوم متعني الحضرتك انته يامولاي غالي
ما ترد كلمن يطلبك .. يا إمامي
غالي وسط الروح حبك .. يا إمامي
أوفي بالدين ...
يا ضوه العين .. يا إمامي
………………………………………………………………
خادم الحسين عليه السلام
عمار هليل الواسطي
متباركين بذكرى ولادة سيدي ومولاي أمير المؤمنين علي بن أبي طالب عليهما السلام
أبوذيات المولد العلوي المبارك
بنعم عاهدنه داحي الباب مولاه
وكل عاشگ بحبــــه اليوم مولاه
ربح من گال حيـــــدر علي مولاه
ينال المكرمه إمن الله ونبيّه
.....
هــل دمـــع الفـــرح نـــوّر وجَنّه
لأن حــــــب حيــدره جُنّه وجَنّه
حضرنه بمــولــــده الليله وجينه
نقيم أفراح هالليله سويه
...
خادم أمير المؤمنين علي بن ابي طالب (ع)
عمار هليل الواسطي
١٢ رجب ١٤٤٣ هجري
متباركين بذكرى ولادة سيدي ومولاي أمير المؤمنين علي بن أبي طالب عليهما السلام.
قصيدة ( مولد فتى الإسلام )
مولد فتــى الإسلام والينه والينه
حيدر علي الضرغام والينه والينه
نتناقل البشرى ... ونجدد الذكرى
يا علي ... يا علي
.........................................................................................................
يجمع شملنه اليوم بالبهجه حيدرنه
نجدد عهــــدنه اوياه والفرح يغمرنه
والينه أبو الأمجاد بســمــــه تفاخرنه
بالجنه يــوم الديــــن هـــوّه اليبشرنه
بالكعبه أشرف دار ميلاده ميلاده
يا هــــلا بالـكـــرار ميلاده ميلاده
للحق نذر عمره ... ونجدد الذكرى
يا علي ... يا علي
.........................................................................................................
هالليله كل إنسان حُب حيدر بگلبه
يـفـرح بهالمــيــلاد للمرتضــــى حبه
حيدر يظل نبراس للعاشــــگ بدربه
واليعشگ الكرار قطــعـــاً عشگ ربه
حب الولي عنوان للباري للباري
بي طاعة الإنسان للباري للباري
ربنا الوضع سره ... ونجدد الذكرى
يا علي ... يا علي
.........................................................................................................
روح إقرأ التاريخ بالماضي والحاضر
بالمرتضى شيگول ظل الوصف حاير
بأسم العلي مقرون إسمه وعلي يفاخر
بهذا الشرف والصيت النا الظـفــر باجر
بحبر المجد مكتوب تاريخه تاريخه
أرض وسمه مهيوب تاريخه تاريخه
بالأولى والأُخرى ... ونجدد الذكرى
يا علي ... يا علي
.........................................................................................................
محله الفرح هاليوم يا شيعة الوالي
طير السعد فرحان رف جنحه بالعالي
غالي على الطيبين حب الولي غالي
وبأجمل الأشكــــــال هالفرح متوالي
كل البشر مسرور هالليله هالليله
بميلاد نـور النــور هالليله هالليله
عالمرتضى أجره ... ونجدد الذكرى
يا علي ... يا علي
.........................................................................................................
ندعي الله هذا اليوم وبجاه أبو اليمه
يظهر أملنه الــغــاب مهــديــنـــه للأمه
يسود العدل والطيب ما تبقى كل غمه
يا مرحبــــا ابطــرواه كل الهلا بأســمـه
توحدنه بسمه صفوف مهدينه مهدينه
بجاه الامــيــــر نشوف مهدينه مهدينه
يشملنا بالنظره ... ونجدد الذكرى
يا علي ... يا علي
.........................................................................................................
خادم أمير المؤمنين علي بن أبي طالب ( ع )
عمار هليل الواسطي
١٢ رجب ١٤٤٣ هجري
قصيدة (( ثاني منية ))
ذكرى وفاة سيدتي ومولاتي زينب بنت أمير المؤمنين علي بن ابي طالب عليهم السلام.
هالمنيـّه ... تنحســب ثاني منيّه
هالمنيـّه ... بين شام و غاضريّه
هالمنيـّه ... اتأخّرت كلش علـيّـه
…………………………………………………………………………………………………………………………………………
ميته من عاشر محرم موتي الاصعب
بين آه وحسره عمـــري اشـگــد تغرّب
صابره وشـفـت الصـــبــر منّي تعجّب
آني زينب يلـتلــطــمــون اعلـه زينب
حسره حسره ... خلّصت لحظات عمري
حسره حسره ... بين حزني وبين صبري
حسره حسره ... تنختم هاي المسيّه
………………………………………………………………………………………………………………………………………
هالسنه ونص عادِلَت عمري وحياتي
طُفَتْ شمعي بروحي دفْـنَت أمنياتي
ذكـــرياتي ومِــنْ أگـــولــن ذكــرياتي
يعني اثر نــار الخــيـــم بعـده بعباتي
صوره صوره ... هالمسه بعيوني ترجع
صوره صوره ... نار ما يطْـفـيهـه مدمع
صوره صوره ... جددت كل حزن بيّه
………………………………………………………………………………………………………………………………………
ما نسيـت الطــف وحــق دم الأطايب
عيون تبچي وروح تنـعـه وگلب ذايب
كلشي راواني الدهـــر دهــر العجــايب
منين تبدي وتنتهي بروحــي المصايـب
چم مصيبه ... منهه غصن الروح يذبل
چم مصيبه ... إخيامنه لو وگــفــةْ التل ؟
چم مصيبه ... بت علي وأمشي سبيّه
………………………………………………………………………………………………………………………………………
عفيه روحي وماخلص بـيـهـه صبرهه
والحزن بيهـــه إبــتـده وخلّص عمرهه
أول سنــيــني وسـكــن بـيـهه قـهـرهه
ومثل كسرت ضــلــع أمــي رد كسرهه
كل حياتي ... ما ضوت بسنيني شمعه
كل حياتي ... تگظي دمعه وتبدي دمعه
كل حياتي ... والرزيه بصف رزيه
………………………………………………………………………………………………………………………………………
الليله آخر لـيـلــه بــس عـازتـهـا عـازه
وين إخوتي تحـضـر تـشـيـــل الجنازه
گلبي ظل إمناطـــر وچـــم جرح حازه
أنعم الله اعله الصــبـــر بيش إيتجازه
وين إخوتي ... هالســؤال الزاد ونّــي
وين إخوتي ... بلكت يحضرون دفني
وين إخوتي ... ولا جواب يرد إليه
………………………………………………………………………………………………………………………………………
بگاع غربه أندفـــن وبگلــبــي قهري
هذا أمـــره وفوّضـــت للبــاري أمري
گلبي راد بكربلـــه ينــخــتـــم عمري
راد بيـــن الحرمــيــن يصــيــر گبري
يم الحسين ... ويم أبو فاضل كفيلي
يم الحسين ... طول صبحي وطول ليلي
يم الحسين ... أستظل بكتر فيّه
………………………………………………………………………………………………………………………………………
ثاني موت وكلشي بيه الليله حاضــر
هواي مشتاگــــه أشـوفــن أهلي باچر
هاي آخــر مــرّه بــســنـيـنـي أســافــر
بچم سفر گبله چنت مكسوره خاطر
هذا حدهه ... روحي وتناطر أجلهه
هذا حدهه ... أمر مــن اللّه وصـلهه
هذا حدهه ... للعمر ماظن بقيّه
………………………………………………………………………………………………………………………………………
خادم العقيلة زينب عليها السلام
عمار هليل الواسطي
حافظ على أوقات صلاتك مع حقيبة المؤمن.
يضم حقيبة المؤمن أوقات الصلاة الدقيقة, منبه الأذان, تلاوة القرآن الكريم, الأدعية و الزيارات, التقويم الهجري, إمساكية شهر رمضان, بوصلة القبلة, الإستخارة الإلكترونية, المسبحة, الخلفيات و النغمات الإسلامية والمزيد.
حمل التطبيق من خلال الرابط التالي: https://bit.ly/3qNj209
ليلة ١ محرم الحرام
هلال الشهر
يشهر الفاجـعــه تاذيني ذِكـراك
يا شوغت گلب ما تگظي بلواك
وهلالك جــــرح مرسوم بسماك
......................................................................................................
أعدلك يا شـــهـــر عاشور يلما تگظي آلامك
فاتــحــــة الحزن تبــــدي كلها جروح أيامك
أصيرن كلّي دمعة عين وأوگف جرح گدامك
نهار وليل يا عاشـــور تكــــدّر روحي أنسامك
دنيا وبالفــعــل ظلت عجيبه
مصيبه تنتهي وتبدي مصيبه
تاخذ روحي لمن تبدي ويّاك
......................................................................................................
تجدد كربله همومي وتفزز كل جرح بيّه
وأرد للواحد وستيـــن من السنه الهجريه
أرد ولگه دمع طاهــــر محمد يبچي ليليه
يواسي المرتضى حيدر والراضيه المرضيه
ناحت أنبيــــاء اللـه الحزينه
على الصار بأبو اليمه وبنينه
أسود للحِداد يرفرف الواك
......................................................................................................
مصيبه بكل گلب مفجوع والهَم ما يسد بابه
تلگه بكل مكان الصوت آه يحسين وامصابه
أنوح وأذكر الظامي ودمعتــي بخدي سچابه
المثلك يا شهر عاشور گلبي حاسب احسابه
شجازي من الغريب وسبي الضعون
لون أبچي المصــابــه دموع وعيون
ملگه الفاگد أهله بروحي ملگاك
......................................................................................................
مجالس للحزن عيني تشاهد والمدامع دم
كل مجلس عزا يواسي خيـمه من المْخيّم
نهارك أظلم وليلــك بأحــــزان السبط خيّم
فرض سادس فرض حزنك كل الخلگ تتيتم
أنــحــب واللطــم ليليـه سلواي
على روح الغريب الماشرب ماي
هاك إخذ الگلب شوف الحزن هاك
......................................................................................................
جيل الجيل يتوارث شعائر الله ما تخلص
ملايين التون لحسين دوم تزود ما تنقص
عشگ فطري وحزن فطري هيچ الحال يتلخص
وهنيال اليوافي حسين ويظل الخادم الأحرص
ما تخلــص أبد هاي القضيه
إلى أن تبتدي الطلعه البهيّه
ويرد ثاره الأگله آني بحماك
......................................................................................................
ثار ومن يرد الثــــــأر غــيــر القائـــم المهدي
والله اليعلم بگلــبـــي وشگــــد الحزن عندي
أشوفه وهاي أمنيتي ويشاهد دمعتي بخدي
وأنصره ابثــورتـــه الكبرى لمن بالعـدل تبدي
الله يعين گلبه بهاي الأيام
يا شهر الحزن يا شهر الآلام
ينعه حسين جدّه شما تلگّاك
......................................................................................................
أشوف هلالك ومدري يحمل چم خبر مو زين
أتخيّل گلب زينب وأعيش احساس فگد حسين
مسيرة هضم ما خلصت أحاه من گطعهه البين
حرارة دمعتي طفله وخيم محترگه جفن العين
هيچ بكل سنه عندي المشاعر
لأن حسيــــن عايش بالضمائر
علا صوت الحزن وبحرگه ناداك
......................................................................................................
خادم الإمام الحسين عليه السلام
عمار هليل الواسطي
محرم الحرام/ ٢٠٢٣
شهادة سيدي ومولاي أمير المؤمنين علي بن أبي طالب عليه السلام
زينـب واليـتم يوميـه هاضـمـهه
أخذ منهـــه أبوهـــه من بعد أُمهه
بعد من يا عزيز الدنــــيه تحرمهه
.....................................................................................................................................
من أول سنين العمر ... والحسره تــتــبع حسره
من دَفعة الباب وكسر ... ضلع الزچيـــه الزهـره
ويّا الحزن عِشرة عُمُر ...بس صعبه هاي العِشره
صار اسم زينب ينذكـــر... ونذكــر اوياه العبره
ما تخلص أبد للموت حسرتهه
هيّه اعيونهه عالضيم فِتحتهه
تصبر والدهر كل فتره ظالمهه
.....................................................................................................................................
ربّاهه أبو اليمه علـــــي ... عالصـبـــر حتى تكابر
يدري التشوفه امن الزمن ... يحتاج گلب الصابر
ظلت عزيزه امدللـه ... بــوجــــود أبوهه الحاضر
يحرسهه حتى امن الهوه .... خافن يكدر الخاطر
كلـــهـه امدللت حـــيـدر تسمّيهه
هذا أجمل اسم من بين أساميهه
على خير الصفات الوالي علّمهه
.....................................................................................................................................
بهاي السنين اترَعرِعت ... كل الفضائل بيهه
بنت الولي ونعم الولي ... ويا نعم المْرَبّـيـهه
شگد بأبوهه اتعلّقت ... تاريخ خل يحچيهه
من عنده أخذت كم صفه ... هاي الفخر يدريهه
صار المرتضى كلشي بنظر زينب
مو بس الإمام ولاهــــو بس الأب
والجَـنّـه منو اليوصف معالمهه
.....................................................................................................................................
عام أربعين الهجــري حل ... بس يا مصايب جايب
برمضـــــــان وبلــيلـــة قدر ... تنطر قدرهه الغايب
يتأمــــــل بزيــنــــب علي ... اشينطر گلبهه الذايب
وشكاتب اعليهه اليتــــــم ... والعــلـــم لله اشكاتب
يتأمل علي وما تنشف ادموعه
باچر زينبه يدريهــــه مفجوعه
عن هذا الأمر دمعه اليكلّمهه
.....................................................................................................................................
ليله انرسم بيهه الأجل ... جفن السمه دموعه اشگد
للفرض يتعــنّــه الولي ... وفـــرض الشــهـــاده اتحدد
وبسيف ابن ملجم وسف ... طاح الفرض دمعه ابخد
الزينب منو يودّي الخبر ... هذا المصير اتحدد
رد ينزف دمه الكرار من جرحه
ليل اسود يزينب لا طلع صُبحه
وبهذا الخبر ضجّت عوالمهه
.....................................................................................................................................
محتاره گعدت يم علي ... يا بويه فدوه اسنيني
هاك العمر كله فـــده ... بــس يالأبــو حاچــيــني
يلبيك أشد حيلي شعجب ... حيلك تعب يا عيني
ريت المنيه ولا شفت ... جرحك لأن ياذيني
ويلي ومن علي غمضهن اعيونه
زينب لونهه أمــــســى مثل لونه
راح ومن جديد الزمـــن يـتّـمـهـه
.....................................................................................................................................
قصة ابتدت من فاطمه ... وفگد الولي والدهه
باچر على افراگ الحسن ... هم الزمن يضهدهه
اللهُ أكبر كربله ... لو حلّت بموعدهه
عد يا عزيز تهل دمع ... يحفر دمعهه بخدهه
عاشر من محرم بالحزن عاجل
يحرم زينب امن حسين والكافل
يسبيهه وترد الحسره تلچمهه
.....................................................................................................................................
خادم الإمام الحسين عليه السلام
عمار هليل الواسطي
شهادة سيدي ومولاي أمير المؤمنين علي بن أبي طالب عليه السلام.
هُنا يا ليلةَ القَدرِ ...وما أدراكِ ما يجري
سَيُحييْ اللهُ للقُرانِ مأتم
وأركان الهدى فجراً سَتُهدمْ
وما أدراكِ ما يجري
...................................................................................
يا ليلة قدر مثل البدر لو وزّع النور
سبحان الآله الفضّلچ عن كل الشهور
بيچ اتنزّل الذكر الحكيم كتاب مسطور
في رَقّ ٍ على صدر النبي البالرحمه منشور
عُقودٌ تَحمِلُ الحسرة ... هي الأربعُ للهجرة
بخطبٍ يفجعُ الإسلامَ تُختَمْ
وأركان الهدى فجراً سَتُهدمْ
وما أدراكِ ما يجري
...................................................................................
إلى عام أربعين الهجري عن كل الذي صار
خل نرحل سوه ونترك زمنّه وكل الاخبار
أفرضهه جدل عندي أسئلة والعقل محتار
أطمع في جوابج يا قدِر عن ذيچ الأقدار
ظلامٌ بالأسى يُطبَقْ .. وما قد يجري لا يُنطقْ
فمن للجُرحِ والمقتولُ بلسمْ
وأركان الهدى فجراً سَتُهدمْ
وما أدراكِ ما يجري
...................................................................................
من قبل الفرض قبل الفجر هم شفتي الأكوان
چنهه اتغيرت صارت مثل مصدر للأحزان
نسمات الهوه ما خبرتچ عن جرح قرآن
بوجوه اليتامه بكوفتج متغيره الالوان
هدوءٌ يسبِقُ أمْرا ... فسبحان الذي أسرى
بذاك َ الأمر ِوالرَحمنُ أحْكَمْ
وأركان الهدى فجراً سَتُهدمْ
وما أدراكِ ما يجري
...................................................................................
يا ليلة قدر ليش السكوت ووين الجواب
ردت أعرف شعورچ ساعة الدين النبي انصاب
شظنج ماني عارف ياهو طاح گبال محراب
غير اني اليتيم النذر عمره العمر أبو اتراب
لكِ في صَمْتُكِ عُذري .. فقطعاً أنتِ لا تدري
فما قد حل بالدنيا لَمُبهَمْ
وأركان الهدى فجراً سَتُهدمْ
وما أدراكِ ما يجري
...................................................................................
مبهم من يصدگ يهوى طايح ليث الإسلام
وتشوف اليتامى بالنهايه وجه أبو لثام
صدمه لكل محب يعرف علي وبالذات الأيتام
صدمه لگلب زينب ياجفن بعد الولي ينام
فكلُّ الكونِ مصدومُ ... ومحزونٌ ومهمومُ
وكلٌ كان بالمولى مُتَيّمْ
وأركان الهدى فجراً سَتُهدمْ
وما أدراكِ ما يجري
...................................................................................
من هذا سكوتچ أفتهم كل المعانات
چانت دمعتج ذاك الوكت يا ليلة آيات
تنعين الولي قبل الجرح مثل الحمامات
وبمطلع فجر طيحة علي صارت المأسات
جواباً صُغتُ مُعناهُ ... مُحيّاكِ مُحيّاهُ
وبالطبعِ فإنّ اللهَ أعلمْ
وأركان الهدى فجراً سَتُهدمْ
وما أدراكِ ما يجري
...................................................................................
خادم أمير المؤمنين علي عليه السلام
عمار هليل الواسطي
منهاج ذكرى ولادة سيدي ومولاي كريم أهل البيت عليهم السلام الإمام الحسن المجتبى عليه السلام.
الأهازيج
مولاي الحسن جيناك إذا تحسبنه أنصارك
فرحنه بمولـــــدك هاليوم وبالميلاد نتبارك
باچر نحتفل بالعيد لمن تنبني دارك
والمهدي القائم يبنيهه
🌹🌹🌹🌹🌹🌹🌹🌹🌹🌹🌹🌹🌹
گالوا ساومت عالحق يبن المرتضى حاشاك
إنته الي حميت الدين والشيعه بثباتك ذاك
غصبن على كل حاقد يظل مرفوع دوم الواك
كل ظالم حاقد ذلّيته
🌹🌹🌹🌹🌹🌹🌹🌹🌹🌹🌹🌹🌹
يالمهّدت درب حسين للطف والنصر مولاي
يلي حكمتك ثـــــــــوره يا ثابت يقين وراي
مولاي الحسن للموت كل اعداك همه اعداي
أتفاخر خادم خليني
🌹🌹🌹🌹🌹🌹🌹🌹🌹🌹🌹🌹🌹
وغلاتك سيدي ومولاي ميلادك فرح واعياد
أعرفك بالكرم والجود تنطي لكل محب امراد
چانت أمنيه بروحــــــي أزورك يم أبو السجاد
وثالثكم شيّال الرايه
🌹🌹🌹🌹🌹🌹🌹🌹🌹🌹🌹🌹🌹
خادم الإمام الحسين عليه السلام
عمار هليل الواسطي
شهر رمضان المبارك/ ١٤٤٤ هجرية
منهاج ذكرى ولادة سيدي ومولاي كريم أهل البيت عليهم السلام الإمام الحسن المجتبى عليه السلام.
الأبوذيات
ملكهه گلوبـنه بحبـــه فرحنه
وميلاده الحسن جدد فرحنه
للمــحــفــل تعنّـــينــه فرحنه
نهنّي صاحب الطلعه البهيّه
🌹🌹🌹🌹🌹🌹🌹🌹🌹🌹🌹🌹🌹
المحب من باب جوده اليوم جدّاه
الشـفــاعه وبـذل للمجـــتبــى جدّاه
الرسول المصطفـــى المختــار جدّاه
وأبوه المرتضى وأمه الزچيّه
🌹🌹🌹🌹🌹🌹🌹🌹🌹🌹🌹🌹🌹
خادم الإمام الحسين عليه السلام
عمار هليل الواسطي
شهر رمضان المبارك/ ١٤٤٤ هجرية
قصيدة في ذكرى وفاة سيدتي ومولاتي خديجة الكبرى عليها السلام
قصيدة { عام الحزن }
يبتدي عام الحزن من هالمصيـبه
من حبيـب الله يودعـهـه الحبيبه
....................................................................................................................................
هذا عام الحزن والحسبـه ثگيله
الله اليساعد حبيب الله وخليله
مو قليله هـمـــوم گلبه مو قليله
هالمسيّــــه يودع الحرّه الجليله
هذا حال الموت والراح اشيجيبه
من حبيـب الله يودعـهـه الحبيبه
....................................................................................................................................
يصبر ويا جفن عند الهادي يسهد
يا سلام الله اعله صبرك يا محمد
يودع الليله خديجـــه والله يشهد
نار المــوادع بــعــد هيــهــات تُبرد
هذا جرح اوداع لا ماصح طبيبه
من حبيـب الله يودعـهـه الحبيبه
....................................................................................................................................
ساعة اللاحـــت علامــات المنيه
حارت أم المؤمنـــيـــن بيا قضيه
نادت أسماء وتوصيهـــــه بوصيّه
تگلهه يا أســمـــاء عينچ عالزچيه
فاطمه الليله گلبهه أعلن نحيبه
من حبيـب الله يودعـهـه الحبيبه
....................................................................................................................................
آخ يا عام الحـــزن عـام المواجع
لا جرح يبره ولا تنشــــف مدامع
من نبي الرحمه يشاهد هالفواجع
چم عزيز يروح منه وماهو راجع
شگد يعيش هموم بالدنيا العجيبه
من حبيـب الله يودعـهـه الحبيبه
....................................................................................................................................
راحت ودين الله ما ينسـه المآثر
تبرعت بٱموالها عن طيــب خاطر
حتى يبقه الدين متهزمه المخاطر
بيهه وبسيف الولي حتمـــــاً يفاخر
يا سلام الله على الروح النجيبه
من حبيـب الله يودعـهـه الحبيبه
....................................................................................................................................
يا سلام الله على وگفتهه للدين
هاي أم المؤمنيـــن أم المـــوالين
واجب الليله ذكرهــــه يا محبين
نواسي بيهه المصطفى وآله الميامين
مو غريبه بينه عاشت مو غريبه
من حبيـب الله يودعـهـه الحبيبه
....................................................................................................................................
للرسول الهادي خطّينه بدمعنه
هالمواسات ورحيل أُمنا فجعنه
أصدق دموع بتعازيــنـــه رُفعنه
للإمام الغائب الحاضــــر جَمِـعنه
بينه جمر الشوگ ما يخمد لهيبه
من حبيـب الله يودعـهـه الحبيبه
....................................................................................................................................
خادم الإمام الحسين عليه السلام
عمار هليل الواسطي
قصيدة في ذكرى وفاة سيدي ومولاي أبو طالب عليه السلام
قصيدة { مؤمن قريش}
تبقه يا مؤمن قريش أول كفيل
ومن رسول الله محمد هالدليل
..........................................................................................................................
يا كفيل المصطفى الهادي الرسول
وادم العادتــــك ما تمـــلــك عقول
شلون كافر وانته أبو فحل الفحول
والنبي يشهدلك بشكره الجزيل
..........................................................................................................................
ليل أحـقــــاد اليكــرهــــك ينجلــي
ويبقه صــــرحـــك للمفاخــر يعتلي
امن الفخر يكفيك صــــار ابنك علي
هواي عند الله وحياتك مو قليل
..........................................................................................................................
أســـود الـتــاريــخ إذا ما ينْصِفَــك
والمــواقـــف بالبــطـــولـه اتوصِّفَك
هاي مــشكلــتـــه الــــذي ما يعْرِفَك
واليبغضك يبغض الرب الجليل
..........................................................................................................................
أسَّست نــهــج الكفالـــه ومصدره
صار مـــيــراث البــــدور الزاهـــره
لن حــفــيـــدك صــار سبع الگنطره
أعني أبو فاضل وابن حامي الدخيل
..........................................................................................................................
كافل الهادي النبي بأصعب ظروف
هذا واقــع عَـمـَت عينه الما يشوف
يابو طالـــــب وحـــدك تعادل إلوف
أشرف امن الگطع بالهادي السبيل
..........................................................................................................................
إنته أشـــرف مـنــهــم وأعلى مقام
نــــاس باطل حرّفـــت كــــل الكلام
يلّي من صــلــبـــك طـلــــع أول إمام
هاي بيهه تنفرد مالك مثيل
..........................................................................................................................
شلون عام الحــزن أظلم عالوجـود
فجع گلب المصطفى وفاق الحدود
يا دمع يرســم فــواجــع عالـخِــدود
بآخر أنفاسك يلن حان الرحيل
..........................................................................................................................
خادم الإمام الحسين عليه السلام
عمار هليل الواسطي
متباركين بذكرى ولادة سيدي ومولاي قمر العشيرة أبي الفضل العباس عليه السلام
الأبوذيات
زينب غير شخصك من كفلها
وميادين المراجــــل من كفلها
كل الدنيــــه كـــفــه من كفلها
وكفّه الوحدّك يابو الحميّه
الليله شع على الأكوان بدراك
يمن كل اليحبك عشـگ بدراك
سره مصطفّه هالأمـــلاك بدراك
وتهني المرتضى بهاي المسيه
خادم الإمام الحسين عليه السلام
عمار هليل الواسطي
٢ شعبان ١٤٤٣ هجرية
متباركين بذكرى ولادة سيدي ومولاي الإمام الحسين عليه السلام
القصيدة
عيدك مبارك يريحانة نبينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
غالي واغلى من النفس مولانه يحسين
بيوم ميـــلادك ســعـــادة وفـــرح دارين
وين مثلك نلگه يا معنــــى العشگ وين
والله ربحان اليخـــدمــك يا ضوه العين
عيدك مبارك يربان السفينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
يا حبيب گلوبــنـــه وغيــرك منختار
من فضل الله ووجودك صرنه أحرار
بمولدك طير السعد بجــنــــاح الأنوار
رفرف وبشّر بـجــيــتــك كـــل الأبرار
عيدك مبارك يبن حيدر علينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
مو فقط گاع وسمه بل كل الافـــلاك
شع ضواهه من جبينك حتى الأملاك
مثل حيــــدر والـــدك باريـــنــه علاك
رحمة والكل البــشـــر يحسيــن خلاك
عيدك مبارك شمع عيدك بدينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
يا شريك أرواحنه وصوت المحب صاح
بيوم مــيـــلادك نذرنــــه ليــــك الأرواح
فطرس بــمــهــــدك تـــبارك ردله الجناح
لو تصير الدنـــــــيـــه ظلمه إنته مصباح
عيدك مبارك يغاية كلشي بينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
هل شهر شعبان بسمك والمحب گال
من ضوه خدك تشعشــــع ضي الهلال
فدوه الك يالغالــي والله الأهل والمال
كلشي فوضى وبس محبتك راحة البال
عيدك مبارك ضوه وشع بالمدينه
عيدك مبارك يريحانة نبينه
بتلاثه من شعبان نادينه ...
كل الهلا بـمـيــلاد غالينه ...
......................................................................................................
خادم الإمام الحسين عليه السلام
عمار هليل الواسطي
٢ شعبان ١٤٤٣ هجرية
عظم الله تعالى أجورنا وأجوركم بذكرى شهادة سيدي ومولاي الإمام موسى بن جعفر الكاظم عليه السلام
( ما يعوف أحبابه )
حاجتك مهما تصير إحچيهه
موسى بن جعفر إلك يگظيهه
إنته بس دگ بابه ..
ما يعوف أحبابه..
********
الدنيه لو ضاگت بعينك لا تحير
ماكو شي عند الله ربك ما يصير
بجاهه أبو طلبه إندبه وٱستجير
وسولف القصه بدمع إبديهه ..
يسجلك بكتابه ..
ما يعوف أحبابه..
********
ربنه گال اليسر من بعد العسر
حلّفه بالباقي نعشه اعله الجسر
الكاظم الينطيك مفتاح اليسر
صفي نيتك والزياره إنويهه ..
وبالأخص بمصابه ..
ما يعوف أحبابه..
********
هواي حاجات الفلا تحصه بعدد
كم مريض وصارله الكاظم ضمد
ومدري كم محروم ذرية وگصد
كلهه تخلص إنته بس تانيهه ..
تاخذ إنته اجوابه ..
ما يعوف أحبابه..
********
الكاظميه وزحفت الوادم زحوف
إلهه روح بعينك وشاهد وشوف
ما يظل بيهه حمل يهدل چتوف
وهاي مو رؤيا وحلم أرويهه ..
واقع بأسبابه ..
ما يعوف أحبابه..
********
باب للحاجات إبن جعفر يظل
يحيي بالمايوس نفحات الأمل
راهب العتره اليشافيهه العلل
ماكو عله اليعجز يشافيهه
إي وحق إترابه ..
ما يعوف أحبابه..
********
إلزم الشباچ وإدعي لكل صعب
وكون تبچي بحضرته بحرگة گلب
گله يمك وانته كشاف الكرب
علتي يا سيدي تداويهه ..
حاسبك بحسابه ...
ما يعوف أحبابه..
********
والنعم منه وكفو من وگفته
الما خذل زاير إجاه بطلبته
الليله يا من جاي تحيي ذكرته
بدمعتك كل حاجتك خليهه ..
والتبوس أعتابه ..
ما يعوف أحبابه..
********
الشاعر عمار هليل الواسطي
عظم الله تعالى أجورنا وأجوركم بذكرى شهادة سيدي ومولاي الإمام موسى بن جعفر الكاظم عليه السلام
قصيدة ( جوابي )
قصائد ذكرى إستشهاد سيدي ومولاي الإمام موسى بن جعفر عليه السلام
يلّي رايـد كتـابي
راح أفسّر غيابي
الجُمعه تعرف جوابي
…………………………………………………………………………………………………………
هالسَلام الكل مُحب يسأل عليّه
ينتظر منّـي بـَعــد هالغيـبـه جَيّه
گلّه راح اعله الجسر نِلـتـم سويّه
هَمْ لقاء وهَمْ وداع ايصــيــر إليّه
بَـلّـغ الگلبــه هايــم
يحضر الجُمعه لازم
يدري وين إغترابي
الجُمعه تعرف جوابي
…………………………………………………………………………………………………………
آني من هذا السجن بالجُمعه طالع
والفرج كلش قريب امن المواجــع
واليــســألك ياهــو گلّك گـلّه باوع
بهالخبر موسى ابنَ جعفر گلّي راجع
عالجسر خل يجيني
مِثلـــه زايـــدْ حنيني
ما أجرحه ابعتابي
الجُمعه تعرف جوابي
…………………………………………………………………………………………………………
بس ثلث تيام يصبر وآني حاضر
خل يحضّرلي الخواطر والمشاعر
گلبي صابر واني أعرف گلبه صابر
يسكت وبس بالدمع تحچي النواظر
ينـتـظر دمعه دمعه
والبقت عدنه جُمعه
حاسب آني ابحسابي
الجُمعه تعرف جوابي
…………………………………………………………………………………………………………
هانَتْ وظل القليل وكلشي حاصل
راح أودّع هالـظــلام وهالـسلاسـل
يرجع اويا أحبابي كل ذاك التواصل
والأمر للبـــاري أدري الأمـــر واصل
أدري مشتاگه العيون
أدري مزدحمه الظنون
تبقه مفتوحه بابي
الجُمعه تعرف جوابي
…………………………………………………………………………………………………………
كل غريب ايريد ناسه وكل صُحُـبْـتَـه
بلكت اتهوّن عــــذابــه وهَــمْ غُــرُبــتَه
اشگد بقه مشتاگ گلبي اشگد حَسرتْه
عمري شمعه وكرّبت تطفه شَمِــعْـتـــه
أدري مهمومه ناسي
بالحـــزن والمــآسي
بدَمْــعِتي وإنتحابي
الجُمعه تعرف جوابي
…………………………………………………………………………………………………………
كل گلب ملــهـوف إبْــعَـثلَه ســلامي
خل يجيني بموعد الجمعه الختامي
والنهايــه گرّبــت مَـقْـصَــد كــلامــي
الشوفت أحبابي تراني گلبي ظامي
خاتمت عمري حسره
والعــمــر يبقه ذكــره
بسجني خلّص شبابي
الجُمعه تعرف جوابي
…………………………………………………………………………………………………………
ليل يتبع ليـل كل عــمــري گظيته
ما وصل مرسال من أهلي وقريته
عمري بالغربه جَــرح ينــزف لگيته
كل حزن محتار يلگه بروحي بيته
خاتمــت هالرزيّه
تگظي بالكاظميه
لا تـتـاني اعله بابي
الجُمعه تعرف جوابي
…………………………………………………………………………………………………………
خادم الحسين عليه السلام
عمار هليل الواسطي
متباركين بذكرى ولادة سيدي ومولاي أمير المؤمنين علي بن ابي طالب عليهما السلام
الهوسات
هلا بميلاد أبو اليــمـــه كلنــــا الليله نادينه
علي الغالي علي العالي علي الوالي يغالينه
شعلنا شموع فرحـتـــنـــه هلا بميلاد والينه
وبحيدر كلنا تباهينه
................................................................................................
تباهينه بعشگ حيدر قسيم النار والجنّه
رجب يا هلا بشـــهـــر الخير ويوم ١٣ منّه
فرحنه الليله بالمولود وبحب الولي صحنه
كل عمره الحق إيدك بيده
..................................................................................................
الهي بجاه داحي الباب عجّل فرج مهدينه
هاي سنيــن منتظريـن يمته نشوف غالينه
بحق هالليله يا ربــنــا غايــبــنـــه يمر بينه
بالمولد يفرح ويانه
......................................................................................................
خادم أمير المؤمنين علي بن ابي طالب (ع)
عمار هليل الواسطي
١٢ رجب ١٤٤٣ هجري
قصيدة بحر طويل
ذكرى وفاة سيدتي ومولاتي زينب عليها السلام
حاضر لو چنت يحسين تشوف شذبّل اعيوني
يبن أمي ولحّد الموت زراگ اسياط بمتوني
………………………………………………………………………………………………………………………………………………
……………………………
چنت منك يضي عيناي بطيوفي أنتظر جيّه
وأسمع صوتك يگلي گواچ الله يا خيّه
غريبه ووحشه گاع الشام واتنطرك ليليه
واكولن خويه الف يا حيف
اشوفك كمت بس بالطيف
أفك گلبي وعذابي الضيف
أكرم ضيفي بدموعي لحد ما تذبل جفوني
………………………………………………………………………………………………………………………………………………
……………………………
ذبلن والدمع يحسين نهار وليل دم يجري
مره أنحب على فرگاك مره الضيعتي وخدري
بهذا اليوم يامظلوم يوم الينختم عمري
عيوني رادت تشوفك
وتغمضهه بچفوفك
بين ظروفي وظروفك
گوض حيلي يا سلواي محد ينشد شلوني
………………………………………………………………………………………………………………………………………………
……………………………
سنه ونص والحزن يحسين ظل بمهجتي حاضر
كل يوم اليمر خويه أعيش الصار بالعاشر
الهوه الأتنفسه يغثني يشبه دوست الحافر
بالضيم انترس گلبي
وبحزنك صفه مسبي
عيوني الكربله تربي
عيوني اعليك تنشدني وأكلهه إعزازي ماجوني
………………………………………………………………………………………………………………………………………………
……………………………
ردت عباس والعباس مشتاگه شكثر روحي
عفت اعله الشريعه عيون موش دموعي وجروحي
يعرف ما يرد الراح لكن ما خلص نوحي
والينشد تره اعليه
أنا زينب المسبيه
صرت زينب المنسيه
الشام وآه من الشام خويه هواي أذوني
………………………………………………………………………………………………………………………………………………
……………………………
يبعد العين خويه حسين ردتك حاضر بدفني
باعدنه الزمن خويه ثگل نوحي بسبب ونّي
بعد السبي شحچيلك شسولف يالأخو عنّي
ما يگظي بدمع ليلي
غريبه ومنهدم حيلي
أصيح بدمعتي سيلي
على الراحوا غصب عني بديرة غرب خلوني
………………………………………………………………………………………………………………………………………………
……………………………
يحسين الجرح ما طاب گلبي الذاب بمصابك
أنا الميته امن اهد عاشور من عفتك على اترابك
لذلك ما گلت للموت يموتي بهالمسه اشجابك
منيتي اتأخرت عنّي
سنه ونص ما خلص ونّي
تراه السوط هد متني
واحمولي الثجيله أيتام بس عنك ينشدوني
………………………………………………………………………………………………………………………………………………
……………………………
خادم السيدة زينب عليها السلام
عمار هليل الواسطي
قصيدة (( وداعاً ))
ذكرى وفاة سيدتي ومولاتي زينب بنت أمير المؤمنين علي بن ابي طالب عليهم السلام.
وداعاً ... يا زينبَ العَقيلة
وداعاً ... سَيدتـي الجَليلة
…………………………………………………………………………………………………………………………………………
يا سلام اللّه اعله صبرچ يلّي ما مثله صبر
ما نشف فد يوم دمعچ عالوجن ينزل جمر
يالغريــبــه بكل حـياتــچ آه يــا أم الخـــدر
يا شمس عترة محمد يا شمس تغفه بگـبــر
وداعاً ... يا مُنتهى الوسيلة
وداعاً ... سَيدتـي الجَليلة
…………………………………………………………………………………………………………………………………………
شچانت أمنيتچ يزينب من گرب يوم الأجــل
فاطمة تريديهه يـمّــچ لو علــي خــيــر العمل
صعبه من تبقين وحــدچ يالغريــبــــه بلا أهل
آخ من شام المــواجـــع چم غـصــن بيهه ذبل
وداعاً ... جِراحكِ الثقيلة
وداعاً ... سَيدتـي الجَليلة
…………………………………………………………………………………………………………………………………………
أربع حروف بلسانچ من سألتي أحبابـي ويــن
أغلى إسمين اعله گلبچ هالمســــه ذنّي الثنين
مرّه يا عباس صحتي ومرّه صحتي يا حسـين
ها يخوّاني بفـگــدكــم ما غـفـتلي بـيـوم عين
وداعاً ... أحزانكِ الطويلة
وداعاً ... سَيدتـي الجَليلة
…………………………………………………………………………………………………………………………………………
ما نسيتي الطف يحرّه ولا سكت بـيـچ الألــم
حَسْرتچ فاقــت يزينب حــتــــى نيران الخيم
يا كفيلي يصيح جرحــچ وين ما شفــتي علم
ذكريات الطف حزينـه ودمــعــة الملچومه دم
وداعاً ... لروحكِ العليلة
وداعاً ... سَيدتـي الجَليلة
…………………………………………………………………………………………………………………………………………
ظلت عـيــونــچ عليـهه كــربــلائج بالمـصــاب
بيهه كل إعزاز گلــبــچ غــافــيــه جـوّه التراب
وين عن موعد مـنـيـتــچ چم عزيز الليله غاب
گلتي معذورين إخوتي وما صِــدَر منــچ عتاب
وداعاً ... ساعـاتُــكِ قليلة
وداعاً ... سَيدتـي الجَليلة
…………………………………………………………………………………………………………………………………………
هـنّـه مو شـهـريـن صـارن بل عُـمُـر ينبض قهر
شافت عيونــــچ مــصـايــب ويّا عاشور وصُفَر
هذا أمر اللّه وحكمته ولا اعــتـراض اشما صِدَر
خاتــمــةْ حــزنــچ منــيّــه جــار ويّــاچ الــدهــر
وداعاً ... والحُزْنُ ذا دليله
وداعاً ... سَيدتـي الجَليلة
…………………………………………………………………………………………………………………………………………
عالمحب يصـعـب مـصــابــچ يبت حمّاي الدخيل
يالكفيله ويوم مــوتـــچ صار بس مــوتـــچ كفيل
إلچ يا زينب الكــبــــرى حســره سكـنــت بالدِليل
من يجازي الليله تعــبـــچ كلـشـــــي گدّامچ قليل
وداعاً ... أيّتُها الأَصيلة
وداعاً ... سَيدتـي الجَليلة
…………………………………………………………………………………………………………………………………………
خادم السيدة زينب عليها السلام
عمار هليل الواسطي
أجمل التهاني والتبريكات أتقدم بها إلى مقام سيدي ومولاي الإمام المهدي المنتظر عجّل الله تعالى فرجه الشريف والعالم الإسلامي ومراجعنا العظام والإنسانية جمعاء بذكرى ولادة سيدتي ومولاتي الصديقة الطاهرة فاطمة الزهراء عليها السلام داعياً المولى عز وجل أن يشملنا بشفاعتها في الدنيا والآخرة بفضله وبفضل الصلاة على محمد وال محمد الطيبين الطاهرين .
قصيدة (( مولد النور ))
بميلادج هادينه إتبشّر ...
سبحان الخالق وشصوّر...
عنوان المولد هالليله ... إنا اعطيناك الكوثر
************
كَلب الهادي إنسر وإتبشر محلاهــــــه الليله الأفراح
وكلمن حبج يا مولاتي غرد باللحــــــــــــــن الصداح
حتى العالم شفته إتهندم شال اسمج يالزهره اوشاح
صار أشبه بالوردة وعيدج ظل عطر الوردة الفواح
بكل العالم نورج أزهر ...
وللتالي الشانيء ظل أبتر ...
عنوان المولد هالليله ... إنا اعطيناك الكوثر
*************
شايلهه بشارات الفرحه ويتلكَه الهادي الخطار
سيرت كل أفلاك الدنيا يم مصــــــدر كل الأنوار
ومن آدم حد عيسى سلام الله عليهم كلــهــم زوار
والباري اختار يعزبهم حيدرنه الوالــــــي الكرار
قدرة رب الكون الأقدر ...
وهادينه يصليله وينحر ...
عنوان المولد هالليله ... إنا اعطيناك الكوثر
*************
يا رحمة لكل هاي الأمة يا نعمة رب الأكوان
يا معجزة الباري الكبرى من بعد أيات القرآن
شرف وعفه أخلاق وسيره يالزهره وهذا البرهان
تصدرتي بأمر من الخالق ترتيبه لخير النسوان
هنيال الهادي ومن يفخر ...
حقه وانتي الطهر الأطهر ...
عنوان المولد هالليله ... إنا اعطيناك الكوثر
كون بهذا الزمن نشاهد درس أخلاقج مصدر هام
والما تنجح بي ما تنجح من تدخل دين الأســــلام
التتحجب معناهه تحبج يالسترج كعبــــــــة إحرام
ومثلج زينب كعبة عفه غصبن عالشمر وعالشام
حب الدين بحبج يكبر ...
والما يقبل خل يتكتر...
عنوان المولد هالليله ... إنا اعطيناك الكوثر
***********
أشعلهه شموعي وأتبارك وخلي دموع الفرحه تسيل
شلون أصبر وآنه المن قبلي هلت دمعـــــة جبرائيل
نص المولد واضـــــــــــــح جداً ما يحتاج لكل تأويل
مو بس بالقرآن أتجســـــــــــــــد بالتوراة وبالإنجيل
وبأحرف من نور تسطر ...
غير إسمج بي طبعاً يفخر...
عنوان المولد هالليله ... إنا اعطيناك الكوثر
***********
خادم السيدة الزهراء عليها السلام
#عمار_هليل_الواسطي
#عيد_الغالية