7103
إحنه غير حسين ما عدنه وسيله والذنوب اهـــواي چـفّـتـها ثجيله
قصائد شهادة سيدي ومولاي الرسول الأكرم محمد صلّى الله عليه وآله وسلّم
قصيدة ( حزن الفراق )
يالمُصطفى دموع العين لمصيبتك همّاله
...................................................................................................................
ضاگ الفضا وناحت عليك الأكوان
وانگطع عنّـا اليوم وَحيِ الرحمن
أرض وسمه لبســت ثياب الأحزان
كل محب لجلك مفجوع مگطوعه حيف آماله
...................................................................................................................
الله اليساعد فاطمه بهذا اليوم
ثاني يتم يفجع گلبهه المهضوم
بعدك يبو القاسم جرحهه ملچوم
سود الليالي ابفرگاك يبدي الحزن مِنواله
...................................................................................................................
مكسور ظهر المرتضى من بعدك
حيدر وما عـافــك بيوم الوحْدَك
هالليله بچفـوفــه يوسـدك لِحدك
بس الحزن والآلام حيدر علي تبراله
...................................................................................................................
ما تـنــشـف الليلـه مـدامــع كل عين
بالأخص يالمصطفى دموع الحَسنين
يصيحون يا جَـدنه رحـت عــنّـه وين
ريحانتك وينوحون هالحاله أصعب حاله
...................................................................................................................
شيصـيــر بعدك يا رسول الرحمه
والســبــب من أشرار هاي الأُمّـــه
تبدي السقيفه تخطط أول هجمه
أول ضحيّه الزهراء وأهل الغدر چـتّـاله
...................................................................................................................
بعد الزچيه والغـــدر وأسبابه
حيدر علي يتخضب بمحرابه
ينطبر راسه ويبدي حزن امصابه
بغضاً الك يالمختار والحقد هيچ افعاله
...................................................................................................................
چبد الحسن بالسّمْ تره يتفطّر
من إيد جُعده والمصاب الأخطر
حيــث الحســيــن ابكربله يتوذر
تطحن اضلوعه بعاشور وتسحگ عَشر خَيّاله
...................................................................................................................
خادم الإمام الحسين عليه السلام
عمار هليل الواسطي
ذكرى شهادة سيدي ومولاي الإمام علي بن موسى الرضا عليهما السلام
قصيدة (( ثامن جروح الآل ))
يوم المنيه وينطوي عمرك كتابه
ما نشفت دموعك على حسين ومُصابه
يالرضا ودمعك همّال
يا ثامن جــروح الآل
على حسين ومُصابه
على حسين ومُصابه
.................................................................................
أحاديثك يبو محــمـــد قريناها
بفضل النوح عالمذبـوح شفناها
بحياتك ما نسيت الطف مناياها
مناياها بوســط گلــبــك لگيناها
حتى بمنــيـتك ما نسيت
تبچي على الظامي بقيت
چم لوعه بيك وچم جرح يبن الإمامه
من كربله وگلبك تفطّر عاليتامه
يلشايل جروح اثگال
يا ثامن جــروح الآل
على حسين ومُصابه
على حسين ومُصابه
.................................................................................
رغم سم التگطع منه كل چبدك
لكن دمعتك ما فارگت خدك
على حسين الغريب المنذبح جدّك
بعدك عايش بطف كربله بعدك
كل لحظه تجري بيهه عين
تصرخ حبيبي يا حسين
لوعة مصابك گرّبت يوم المنيه
يبن الغريب ودمعتك ظلت سريه
مگطوعه عندك آمال
يا ثامن جــروح الآل
على حسين ومُصابه
على حسين ومُصابه
.................................................................................
شرايد منك الدس بطعامك سَم
يبو محمد هضيمه اليوم تتألم
دموعك بالنيابه اعليك تتكلم
غدروك وبقه بنص الگلب مأتم
آه إعله فگدك يالغريب
آه اعله حزنك يالحبيب
يالماترد كلمن يگصدك يبو محمد
الدنيه كلهه اعليك لبست ثوب الأسود
حزنك يهد ضيمه اجبال
يا ثامن جــروح الآل
على حسين ومُصابه
على حسين ومُصابه
.................................................................................
ما ناسي الحسين بلحظه من عمرك
تلهج بإسمه حتى بموت اليحضرك
يا شمس الشموس وينكسر ظهرك
يطفه الليله نورك بس يظل ذكرك
شمس الشموس وهاللقب
يفتخر بيك وبالنسب
مفجوعه أرواح التودك من مصابك
هالليله أملاك السمه كلهه اعله بابك
يا حال تبقه بيا حال
يا ثامن جــروح الآل
على حسين ومُصابه
على حسين ومُصابه
.................................................................................
غريب بطوس وتواسي غريب الطف
بيا حاله المنيه اعليك تتوصف
حكمة الله هاي وبيهه الله أعرف
بس أرواحنه بهالألم تتحسف
حيف اعله حالك يالرضا
سم الغدر تتمضمضه
چبدك تگطع يا غريب الله أكبر
ويلي اعله هضمك يا إبن موسى بن جعفر
يا محنه بعدك تنزال
يا ثامن جــروح الآل
على حسين ومُصابه
على حسين ومُصابه
.................................................................................
تنعاك السمه والگاع مهضومه
موتك هالمسه حان ووصل يومه
الله يساعدك يا أخو المعصومه
بينه جروح هاي الليله ملچومه
وبمشهد الليله العزاء
خطاره أملاك السماء
بصحنك تقيمه واللطم هاي المسيه
يذكر غربتك وي غريب الغاضريه
حزنين ما ظن تنشال
يا ثامن جــروح الآل
على حسين ومُصابه
على حسين ومُصابه
.................................................................................
خادم الإمام الحسين عليه السلام
عمار هليل الواسطي
قصائد شهادة سيدي ومولاي الإمام الرضا عليه السلام
Читать полностью…
منهاج شهادة سيدي ومولاي الإمام الحسن المجتبى عليه السلام
القصيدة الثانية { نعش الحسن }
نعش الحسن كله اسهام واضح حقد عدوانه
..........................................................................................
شتــريـد منـه الظالمه وتتعدّه
ما كافي بالسَّم إنمرد كل چبده
واضح غدرهم واليحرّض جعده
أصله السقيفه ومعلوم يعني الغدر عنوانه
..........................................................................................
هذا الحسن جدّه نبينا الأطهر
حيدر أبوه وأُمــه هيّه الكوثر
بغضاً لهم شفنه العده تتجسر
لا ذمه ذوله ولا دين كلمن تبع شيطانه
..........................................................................................
يم جدّه رفضوا يندفن يا وسفه
وابمـقـتــله الأشــرار ما تـتـكـفّـه
هذا جزاء الحـفـــظ دينه ووفّه
نعشه يراموه اسهام گدام عين اخوانه
..........................................................................................
والله العلي لو عنده رخصه العباس
ما چان جسرت عالنعش شبه الناس
چا يملي گاع الله بجثث هالأرجاس
يا زلمه يوصل عباس ويگابله ابميدانه
..........................................................................................
لكن أمر مفروض من عند حسين
خله الگمر يتراجع ويعرف زين
ميريد بحر الدم يغطّي الصوبين
سمعاً وَطاعه ينادي يكتم فرض أحزانه
..........................................................................................
تالي البقيع احضنت قبر المعصوم
ومن ذاك وكت أهل الضلاله ولليوم
قبر الحسن يا حيف لن ظل مهدوم
أقبح خلف بالتاريخ لأقبح سلف خوّانه
..........................................................................................
هذا الحقد معروف أصبح دوره
بغضاً بآل البــيــت يفرض جوره
بس دولة المهدي تظل منصوره
ياخذ بثار المعصوم سيفه يخط برهانه
..........................................................................................
خادم الإمام الحسين عليه السلام
عمار هليل الواسطي
٢ صفر الخير ١٤٤٨ هجري
قصيدة { جرح العليل }
عشت البقه بحياتي ... تلچمني ذكرياتي
ما بين شام وكربله ..قصة حزن طويله
................................................................
آني العليل وقصتي ...تبدي بالجروح متگظي بدمعتي
بس الله يعلم حالتي ... وبگلبي چم آه تسولف محنتي
غريبه .. روحي بوداع أهلي غريبه ويا صبر روحي
غريبه .. نوحي وعذابي اليا مصيبه وما خلص نوحي
چم حسره چم مصيبه
دنيه صدگ عجيبه
كل القهر أتحمّله ..قصة حزن طويله
................................................................
شذكر بعد من كربله .. ودعت الاحباب بالدموع سويه
حال اليفارگ كل هله .. حالي وتمنيت تجيني المنيه
سفر موت .. راحوا أبويه وكل إخوتي بكربله راحوا
سفر موت.. صاحوا مشينه وما نعاود يا علي صاحوا
وسط الگلب حزنهم
عذبني وبدفنهم
أدفن أقمار العايله ..قصة حزن طويله
................................................................
الله يا درب السبي .. من دفن الأجساد فجعني ودهاني
متحيّر بموكب عبي .. بروحي الألم زاد واكابر واعاني
سبيّه .. عمتي العقيله ودمعي يجري ويا حزن عمتي
سبيّه .. علتي الطويله وربنا يدري بمحنتي وعلتي
بحرمنه واليتامى
للحسره چم علامه
مفجوعه كل القافله ..قصة حزن طويله
................................................................
ليل الخرابه وقصّته .. ودموع الأيتام تسولف عذابه
شعنده الغريب بغربته .. يصبر والهموم تدگ اعله بابه
رقيّه .. رادت أبونه يرد عليها والصعب رادت
رقيّه .. ماتت حزينه بالفجيعه والقهر ماتت
طيف انتهى بمنيّه
طفله وبعد سبيّه
اتلگاهه أبويه بيا هلا .. ..قصة حزن طويله
................................................................
چم ذكرى شايلهه الگلب .. وحساب الجروح يطول وأكابر
كل ذكرى تأخذني بدرب .. وبعالم هموم أظل وحدي حاير
منيتي .. چنهه قريبه وگلي گلبي گرّبت چنهه
منيتي.. ونهه بدليلي وهذا حزني يستمع ونهه
والراحه بالمنيه
لو گرّبت عليه
أمر الله واني استقبله ..قصة حزن طويله
................................................................
قصة صبر قصة جرح .. كتبتهه الدموع عشتهه بعذابي
ليليه بالطيف أنذبح .. ناري بالضلوع ميخلص مصابي
أتاني .. موتي ونهاية عمري حانت يا هلا بموتي
أتاني .. صوتي وأثر حزني بنبرتي وبصدى صوتي
قصة حزن عشتهه
وبدمعي سطّرتهه
عادِلَت عمري بأكمله ..قصة حزن طويله
................................................................
خادم الإمام الحسين عليه السلام
عمار هليل الواسطي
محرم الحرام/ ١٤٤٨ هجري
قصيدة { سبية وفارگوني }
إلــچ يا كــربله هـاي الوصيّه
عِفتْ بَرضچ كواكب هاشميّه
سبيّه وفارگوني ... سبيّه وفارگوني
.......................................................................................................................
أوصّيـچ ابدمــع ما فــارَگ العين
إخت عباس آني وإخت الحسين
إخوتي وفارگوني ابْگَطْعَت البين
يگاع الطف مثلهم يحصَل امنين
غيارى وروسهم طِلعت اويــانه
عِفت أجْـسـامـهـم يـمّـچ أمانـه
سبيّه وفارگوني ... سبيّه وفارگوني
.......................................................................................................................
أميره امْدلّـلـه چـنـت ابْحِـمـاهُـمْ
ابضعن ينْدَل طريقه من ضُواهُـمْ
نـشـامــى والفـخــر يتـبـع وراهمْ
مِـنْـهُــمْ والنِـعمْ روحــي فِــداهـمْ
إخوتي وماي ذنّـي اعيوني الاثنين
وحده الگمر هاشــم وحـده لحسين
سبيّه وفارگوني ... سبيّه وفارگوني
.......................................................................................................................
شعجب مرّت سريـعـه اهواي الايام
أمس چانــت زلم تحـــرس عالخيام
بس عاشر مـــحــرّم لَـحْـظِتَــه ابْعام
صُفَتْ شوفَت اخوتي بـس بالاحــلام
على اتــرابــچ أثــر مــن نــزف دَمـهـم
يـگاع اجروحــهــم غــطّــت جِـسـمـهم
سبيّه وفارگوني ... سبيّه وفارگوني
.......................................................................................................................
مِـن عـــاشــر مـحــرم ذابَــت الـروح
وتمنّـيـت اويا اخوتــي بگاعچ اتروح
ولا صوب الشريـعــه الگـــمـر مذبوح
كفيلي الچان بَـلـسـم يشـفي الجروح
عِـفــتـهــه جِـثّــتَـه حالـتـهـه حـالــه
هضيمه انگطــعــت اچـفـوف الكفاله
سبيّه وفارگوني ... سبيّه وفارگوني
.......................................................................................................................
إجاني حسين يركـــض بــس الإحساس
كـسـر گـلـبـي اوْغِدَت محبوسه الأنفاس
گـمــت بـثـنـيــن ادَيْ ألـطـم عـلى الراس
مـــن گــلّــي يــزيــنـــب راح عــبــاس
بفراگـ الگــمـر صَـوّبــنــي دهري
كِسَر ظهر الحُسين وكِسَر ظهري
سبيّه وفارگوني ... سبيّه وفارگوني
.......................................................................................................................
بـعــد يا كربـلـه الحـسـره اعله حـســره
وَحــيــد حـسـيــن ظل ومِـنْ ينــصــــره
أنا شـفــت الـشــمــر يگــطــع ابـْـنــحـره
وعشره اخــيـــول سحگت فــوگ صدره
يـَگاع الطــف وحـقّـچ گلـبـي مـشـلوع
وصل للخيـمـــه صـوت الكسْرِ الضلوع
سبيّه وفارگوني ... سبيّه وفارگوني
.......................................................................................................................
بـعــد حَــرگ الخـيـم والصـار بـيّـه
أســيــــره اليــوم يــردوني وسبيّه
أســـف بـحــبــال مچتوفات إدَيّــه
المـراجــل مـو طـــبــعــهم آل أُميّه
أمانــه الراحــوا بـعـاشــر مُـحــرّم
فوگ اتـرابــچ وخضّبهم الدم
سبيّه وفارگوني ... سبيّه وفارگوني
.......................................................................................................................
خادم الإمام الحسين عليه السلام
عمار هليل الواسطي
محرم الحرام/ ١٤٤٨ هجري
قصيدة { دار الزمن }
بينه دار الزمـن يا بو المحنّـه
خويه هيهات بعد يلتم شملنه
يا ضوه العين ... خويه يحسين
يا بو المحنّـه
.......................................................
محلاهه لمّتنه سوه يا خويه وصْبَي عيني
بحماك إنته وكافلي يا مهجتي يحسيني
من المدينه الكربله تباصرني وتباريني
باعدت تالي كربله بينك يخويه وبيني
صعبة من نفترگ والحسره بيه
إنته فوگ الثره وآني سبيّه
صبري لي وين ... خويه يحسين
يا بو المحنّـه
.......................................................
بليل هدعش ذاب الگلب بس صورتك گدّامي
محتاره بيتام وحرم ما تنوصف الآمي
نارين شبت بالگلب افراگك ونار اخيامي
والعالم الله بيا هضم أگظيهه باقي أيامي
هذا درب السبـــي عذّب دليلي
وراسك اعله الرمح يسمع عويلي
بين الإثنين ... خويه يحسين
يا بو المحنّـه
.......................................................
لو تدري يا خويه اشحصل روحي الك ملهوفه
حضروهن احبال السبي وإختك مشت مچتوفه
ناگتي يحديهه زجر عگب الگمر واچفوفه
سب وشتايم للأسف بيهن وصلت الكوفه
يشتّمون الولي وأمنا الزچيه
وآني يا مهجتي شيصح بديّه
بحچي الموزين ... خويه يحسين
يا بو المحنّـه
.......................................................
بس العليل اويايه ظل والونّه هم يخفيهه
چم سچّه عالنوگ الهزل ننجبر من نمشيهه
وعيون شمّات العده يا خويه شنحاچيهه
كل ديره أتحمل هضم أشبع قهر تاليهه
هذا حال الگلب أشرح مصابه
ومن يجن عالضعن ليل الخرابه
أخلص امنين ... خويه يحسين
يا بو المحنّـه
.......................................................
يالعالي راسك عالرمح يحسين ويظل عالي
كلما أصد الهامتك أحچيلك اشيجرالي
ينشاف طولي وموش أنا المحّد يشوف اخيالي
شافوني كل نظره سهم بس ربنا يدري بحالي
يالأخو زينبك ظلت غريبه
والمصيبه السبي والطف مصيبه
ذنّي جرحين ... خويه يحسين
يا بو المحنّـه
.......................................................
درب السبي ما ينحمل بي ينكسر چم خاطر
چم ثكلى ناحت عالولد وشچم يتيمه تناطر
هاذي رقيه بكل مسه تنشد وريتك حاضر
چم باچر تظل تنتظر لو گِلهه ترجع باچر
طفله من تنتظر تنتظر جيّه
ومن يعودك بعد يابو رقيه
گطعت البين ... خويه يحسين
يا بو المحنّـه
.......................................................
خادم الإمام الحسين عليه السلام
عمار هليل الواسطي
محرم الحرام/ ١٤٤٨ هجري
قصيدة ليلة العاشر
الوداع الوداع يا أبا عبد الله
الملا باسم الكربلائي
عمار هليل الواسطي
ليلة ١٠ محرم الحرام ١٤٤٨ هجري
هذه الليلة
فتحة عزاء ليلة أنصار الحسين عليه السّلام
الرادود الحسيني الحاج ملا باسم الكربلائي
كلمات / عمار هليل الواسطي
القصيدة الرئيسية
( گلبي والاك )
گلبي والاك ... روحي تهواك
علي علي علي
إي يبو حسين ... يا ضوه العين
علي علي علي
والفرحة شيعية ... عيد الغديرية
............................................................................................
بعالم الــذر وهُويــتــك يا إمام
شاء ربي وأصبحت قصة غرام
يلي دونك أقره عالدين السلام
يا علي وبمحبتك يحلى الكلام
قالع الباب ... يا أبو تراب
علي علي علي
ربنا يرعاك ... بسمه سمّاك
علي علي علي
والفرحة شيعية ... عيد الغديرية
............................................................................................
آني أعلن بيـعــتـــك يوم الغدير
غصبن اعله الناصبي إنته الأمير
واليبغضك حصّته بئس المصير
علي إنته الشوگ والحب الچبير
شگد غلاتك ... يا حلاتك
علي علي علي
طيبة ذاتك ... بكل صفاتك
علي علي علي
والفرحة شيعية ... عيد الغديرية
............................................................................................
شال چفك أغلى چف بهالوجود
چف نبي الرحمة كسر كل القيود
نور شايــل نــور عابــر كل حدود
يوم يوم امحـبّــتــك أكــثــر تزود
إنته الاحساس ... رفعة الراس
علي علي علي
واليكرهون ... ما يربحون
علي علي علي
والفرحة شيعية ... عيد الغديرية
............................................................................................
يا أبو الحسنــيــن تاريخــك منار
والشجاعه لكل نصر رسمت مسار
والله من يبدي يسولــف ذو الفقار
الچــبــير إنــتــه تــره وكلهم ازغار
سيفك الموت ... يكتم الصوت
علي علي علي
الخيبري وين ... صار نصّين
علي علي علي
والفرحة شيعية ... عيد الغديرية
............................................................................................
يا علي ما أجملك وانته الشفيع
غالي حــبــــك ما أساوم ما أبيع
صرت للإســـلام بنــيانــه المنيع
مبغضك يا بو الحسن حتماً يضيع
نبض الگلوب ... أغلى محبوب
علي علي علي
بيك الآمال ... يابو الابطال
علي علي علي
والفرحة شيعية ... عيد الغديرية
............................................................................................
يا غلات المـاي يا شَــمّ الهوه
الما يحبك هوّه والماكو سـوه
لكل جرح يا سيدي حبك دوه
ماكو ظلمه شما بقه وجهك ضوه
بالحشر غاد ... كل الأمجاد
علي علي علي
ساقي كوثر ... وإنته حيدر
علي علي علي
والفرحة شيعية ... عيد الغديرية
............................................................................................
خادم الإمام الحسين عليه السلام
عمار هليل الواسطي
ذو الحجة ١٤٤٧ هجري
حزيران ٢٠٢٦ ميلادي
قصيدة ( توكلنا على الله)
خاصة بمشاية أربعينية الإمام الحسين عليه السلام
نتوكّل وحسين الغايّة ... گوّاهم الله المشّاية
..................................................................................................................
بسم الله ورسوله نبدي رحلتنه
چــف المنــتـظــر رافعهه رايتنه
راس البيشة نـقــطــة انطلاقته
حيَّ عالمشي وحسيـــن غايتنه
من چَفْ الچَفْ هاي الراية ... گوّاهم الله المشّاية
..................................................................................................................
حل سادس فرض وگلوب منتظره
لن عِشرة عُمر محلاهــــه هالعِشره
كل خطوة بألف حجّــة وألف عَمره
يســتــاهــل تعــبــنــه ظنوة الزهره
كل روح بإسمه امسمايه ... گوّاهم الله المشّاية
..................................................................................................................
ملايين النشامى اعله الدرب صارت
وعقول الـنـاس كلــها بيهم احتارت
أنظار الدول صـــوب المشي اندارت
ثورة شوگ عــشّــاق الســـبــط ثارت
كلنه اعله الموعد وفّايه ... گوّاهم الله المشّاية
..................................................................................................................
حي ّ الله المواكــب حـلــوه غيرتهم
تـطــب اگلوبهم مــن قــبـل موكبهم
ممدودة ابـكــرم وبطــيــب سُفرَتهم
ذولـــه أبــطال ويّ الله تجــارتــهــم
كل موكب كاتبله احچايه ... گوّاهم الله المشّاية
..................................................................................................................
لبّــيــنــه النـــداء وأبــد مــا نتعب
مشايّه ويهون الصعــب والأصعب
كلنه نــروح نــتــلگّه ضعــن زينب
مشيــنــه نصرةً للديـــن والمذهب
عشاگ ودگّينه الثايه ... گوّاهم الله المشّاية
..................................................................................................................
لا حــر لا بـــرد يمـنعــنــه منبالي
غالي حسين لجله يرخص الغالي
خـطّـيــنــه العـهـــد والعهد للتالي
للزهرة الزچـيـــة وحــيــدر الوالي
للموت بحبهم شَرّايه ... گوّاهم الله المشّاية
..................................................................................................................
ندري بالزيـاره المــهــدي يحضرنه
بالفـتــح القـــريــــب يظل يبشّرنه
شيعه وذاك ماضي وهذا حاضرنه
غصــبــن عالنواصــب الله ينصرنه
بالصَّفْ انذكرت هالآية ... گوّاهم الله المشّاية
..................................................................................................................
خادم الإمام الحسين عليه السلام
عمار هليل الواسطي
١٤٤٨ هجري/ ٢٠٢٦ ميلادي
قصيدة ( راحت رقية )
ليلة شهادة سيدتي ومولاتي رقية عليها السلام
إنْـتي لعيوني ضوه ... أغلى مِنْ شم الهوه
نلتقي ونرحل سوه ... يا شَــبــيهـةْ فاطمه
……………………………………………………………………………………………………………………………
أدري گلبچ باقي يَـبْـنَـيـتي عليّه
من أهد عاشـــر مـُحــرّم يا رقيّه
شگد مسافه الشام عن الغاضريّه
بگدْهه ظلّت حسْرتي والبيّه بيّه
نلتقي بهذا المِسـه ... گلبي يم گلبچ رِسَــه
بجاه سَيّدةْ النِسه ... يا شَــبــيهـةْ فاطمه
……………………………………………………………………………………………………………………………
شفت بالطفّ العطـــش يبّس لهاتچ
وجمر من نار الخـــيم ظل بعباتــچ
بويه شفتچ من فِزَعتي وي خواتچ
ذاكه أصعب يوم مَـــر بيچ بحياتچ
نار شبّـــت بالخيــــم ... وآنه گلبي اعله الحرم
طحنه من طاح العلم ... يا شَــبــيهـةْ فاطمه
……………………………………………………………………………………………………………………………
ما عفتكم بالسبي أمشي ابْمشيكم
عالرمح راسي وبقت عيني عليكم
إنتي والظَل بالضعن أسمع بچيكم
أمر ربــنــه ولا بديّـــه ولا بـديــكم
خطوه خطوه بهالدرب... أدري هالموقف صعب
غربه وابديرةْ غرب ... يا شَــبــيهـةْ فاطمه
……………………………………………………………………………………………………………………………
يا شبــيــهـةْ فاطمــه إلْــهَــه مـعانـي
يعني شفت أم الحسن لو شفتچ آني
هنّه جرحيـــن وگِصــه بــيّــه زماني
من مصاب أُمي ومصابچ راح أعاني
أمي مكسورةْ ضلع ... إنتي صفناتچ دمع
واني گلبي الينفجع ... يا شَــبــيهـةْ فاطمه
……………………………………………………………………………………………………………………………
يا ترافةْ ورده عــطـرچ بَــعـده زاچــي
بس ذبلتي اهــــواي من گـــد البواچي
الليله أسأل گلبــچ وبدمـــوعي أحاچي
ليش خــدّچ أحمــر وويــن الــتــراچي ؟
خــــــدّچ إلّي لاطمه ... جَــدّه لاطم فاطمه
هم نزف منهه الدِمه ... يا شَــبــيهـةْ فاطمه
……………………………………………………………………………………………………………………………
گلبچ العاش المصايب خل يكابر
يعتقد سافرت عنّه وبَـعـده صابر
الموعد الليله وأبد ما گــول باچـر
رؤيا وحده ومنهه يا روحي نسافر
راح أمرْلچ بالحلم ... ينمحي حزن اليتم
للشمل نرجع نِلِم ... يا شَــبــيهـةْ فاطمه
……………………………………………………………………………………………………………………………
من تشوفيني بحلم يا ماي عيني
يا رقيه الرؤيا معــنــاهــه تجيني
بگد حَنــينــچ زايد بروحي حنيني
فدوه الچ عمري وحياتي وكل سنيني
الليله بالجنّه الوَعَد ... لا مَـنتفارگ بعد
وبأمر واحد أحد ... يا شَــبــيهـةْ فاطمه
……………………………………………………………………………………………………………………………
خادم السيدة رقية عليها السلام
عمار هليل الواسطي
١٤٤٨ هجري / ٢٠٢٦ ميلادي
قصيدة ( خدامك يا أبا عبد الله)
ممكن أن تُقرأ في أي ليلة من ليالي محرم وصفر
بسواد اهدومـنــه يحسين اجيناك
نريد بوجه الأبـيــض نطلــع اوياك
.......................................................................................................................
شـكــراً يا حُسين ابكُبـر هالنعـمـه
تجمـعنـه ابمحبتك خيمة الخدمه
كل عام وجرحنه امصابك يلچمه
كل همــنه رضــاتك يا أبو اليـمّــه
خدمــنــاك بــكرامـــه مـن هويناك
نريد بوجه الأبـيــض نطلــع اوياك
.......................................................................................................................
على طول السنــة نتبع أثر دربك
مو شــهــريــن حبّـك للأبد حبّــك
ياساكن گلـبــنــه ونسـكــن ابگلبك
شنْجازيك وانته الرحمـــه من ربك
لگــيــنــه أرواحــنــه لمّن خدمناك
نريد بوجه الأبـيــض نطلــع اوياك
.......................................................................................................................
كل خدمــه مَذلّــه احساس كل نادم
الوحيد إنته خدمـــتــك فخر للخادم
رفــعـــة راس بـيهـــه الطلعــت القائم
ما دام الــعــزاء بــكــل گلـــب دايــم
رحـــمـــة للبــشــر باريــنــه خلّاك
نريد بوجه الأبـيــض نطلــع اوياك
.......................................................................................................................
لامونه وبــعــد خـلــهــم يلومونه
يبو الأكــبــر وحــقّــك ما يغيرونه
نبچيلك دِمَــه مـــو دمـــع يدرونه
والما يبچي لـجـلك شِـلّـــه بعيونه
بِـعـنـه أعــمــارنه وبيهه اشتريناك
نريد بوجه الأبـيــض نطلــع اوياك
.......................................................................................................................
مو بــس باللطم والنــوح وفّايه
رَبـْعَـك عالسواتر گــــد الحچايه
لأن مرفوعه بسمك عاليــه الرايه
وإذا يخلص لطمنه انروح مشّايه
يَـمْــسايِـــر دِمانه شــلــون ننساك
نريد بوجه الأبـيــض نطلــع اوياك
.......................................................................................................................
ابخدّامك أملنــه قانــع وقابــل
ونْمشّي عليك چفوف أبو فاضل
النَفَس إنته بصدرنه صاعد ونازل
تـتـكـفّـل عُـمــرنه إنــتـــه والكافل
عرفــنــه الدين كلّــه مِــنْ عرفناك
نريد بوجه الأبـيــض نطلــع اوياك
.......................................................................................................................
حد آخــر نَـفَــس خِــدّام ونفاخــر
لَطُمنه نواسي صدرك هشّمه الحافر
مشينه نواسي زينب من تجي باچر
ما نتركهه أبد مكسورت الخاطر
يحســيـن بگلب صــافـــي تبعناك
نريد بوجه الأبـيــض نطلــع اوياك
.......................................................................................................................
خادم الإمام الحسين عليه السلام
عمار هليل الواسطي
١٤٤٨ هجري/ ٢٠٢٦ ميلادي
قصيدة ( الشهادة )
ليلة شهادة سيدي ومولاي الإمام علي السجاد عليه السلام.
طوّل غـيــاب المــوت كلش عليّه
يا ريت إجـــه بعاشـور بالغاضريه
....................................................................................................................
ريــت العــمــر لا دام لا شـافته العين
ما شفت راحه بيوم من راح الحسين
خلّصته بالحسرات من گطعت البين
كل لحظه منّه تصير چنهه المنيّه
....................................................................................................................
من عاشــر الأحـــزان ما هــادت الروح
من شفت أبوي حسين عالغبره مذبوح
ظل گلبي من الآه بــس ينبض اجروح
راحت بنفس اليوم كلهه امن اديّه
....................................................................................................................
حيلــي إنـهــدم بالنــوح وگلبــي تفطّر
الـعــبــد الله مـــرّه ينــوح مــرّه للأكبر
بالمُــهــجــه ظلّـت نــار للتالــي تسـعــر
تشبه خيمنه بيوم حرگوهه أميّه
....................................................................................................................
بعيوني شــفــت شلـون من العلم طاح
طاح الگــمــر عــبــاس گلت الأمل راح
لحظتهه گلبي إنصاب چن صابته ارماح
بالگوّه أشد الحيل وهمومي بيّه
....................................................................................................................
آني العليل العاش عـمــره اويا الدموع
محني الظهر معلوم چي گلبي مفجوع
للقاســــم ابعـــبرات طـفّـيــت الشموع
والعرس أصبح نوح فجعه ورزيّه
....................................................................................................................
من راحــوا الأحـبــاب ساعتهه ناديت
ياخذ حـيـــاتــي المـــوت والله تمنّيت
يا موتي تدري الحال لن وحدي ظليت
يا دنيه تسوه اخلاف أهل الحميّه
....................................................................................................................
آخر نـفــس والعــيــن عالفاجعه تنام
طف كربله العبرات والحسره بالشام
جرحي وفـــلا أنــســاه من گد الآلام
بدرب السبي تنگاد عمتي سبيّه
....................................................................................................................
خادم الإمام الحسين عليه السلام
عمار هليل الواسطي
١٤٤٨ هجري/ ٢٠٢٦
قصيدة ( دمعة عتاب )
لسان حال مولاتنا زينب عليها السلام
دمعة عــيـوني عتاب ... أسأل وأطلب جواب
يا گمــر جــوّه التراب ... يندفن ضيّه
......................................................................................................................
آنه زينب يا كفيلي عــيــوني محتاجه ضواك
ليلي مظلم يابو فاضل وانته غايب عن سِماك
من بعد عاشـــر مـحــرم ما شفــت راحه وراك
وآنه عالنـاگــه الهزيلــه اتذكّــرت هـيــبــة لواك
حايره ودربي بعيد ... وإنته كفّالي الوحيد
كلمة وحدة وما أزيد ... إختك سبيّه
......................................................................................................................
أقسم بعـهــد الكــفاله الك وحشــه بكل گلب
لأن خالي من وجودك كلشي ما يسوه الدرب
گــمـر بالعليا مكانــك لـيــش نــــايــم عالترب
خويه مشتاگه وحياتك حرمه والوادم غُرُب
أبچي من أذكر لواك ... يا قدر مني خذاك
ريت لو ميته وراك ... وين المنيّه
......................................................................................................................
گلبي بعدك يابو فاضل جرح مشدود بجرح
والنهار اظلم يخــويه ومات بعيوني الصبح
تدري كلمات الشماته شــلــون تذبحني ذبح
وآني من أسمعهه أنظر الراسك الفوگ الرمح
يا گمر بالدم خضيب ... كلمة الشامت تصيب
گلبي مو راسي يشيب... شيصح بديّه
......................................................................................................................
واصله بزودك أميره وطالعه بدرب اليسر
بغربه محتاره وسبيّه وحتى حسراتي جمر
يا ضوه المدفون گبلك حتــــى تنضم بالگبر
مو سهل كسر الخواطر وآنه گلبي المنكسر
ظلمه معتازه ضواك ... روحي يالكافل فداك
إنكسر گلبي وما نساك ... مَتعود إليّه
......................................................................................................................
چنت مكفوله بوجودك إنته وحسين الشهيد
ليش حتى الطيف منك صــار يا خويه بعيد
تگصر سنيــنــي بغيابك لمّن اهمومــي تزيـد
كلشي بيّه يصيح وينك غير صوتك ما أريد
صوتك الكلّه أمان ... غاب من دار الزمان
من مكان أمشي المكان ... والبيّه بيّه
......................................................................................................................
من على الناگــه وأعايــن يا كـفـيــل العايله
وتبتعد عن شوف عيني كل مـلامـــح كربله
لكن وداعت حــيــاتــك بالقـهــــر گلبي إنْمَله
وكربله بگلبي بــعــدهـــه هــيّــه گلبي بأكمله
وتبقى بعيوني الثنين ... إنته و الغالي الحُسين
إنته عين وهوّه عين ... ضيكم سويّه
......................................................................................................................
شما تصد للسمه اعيوني وبالمدامع ناظره
يا گمر أفگد مكانــك لــيــش غايب يا تُرى
تنفرد بين الكــواكــب حــالـــــه جداً نادره
إنته أول گمر عالي يندفن جوّه الثره
أسهر وليلي طويل ... ونسأل آني والعليل
ليش ما هوّه الكفيل ... فوگ الثريّه
......................................................................................................................
خادم الإمام الحسين عليه السلام
عمار هليل الواسطي
١٤٤٨ هجري / ٢٠٢٦ ميلادي
قصائد شهادة سيدي ومولاي الرسول الأكرم محمد صلّى الله عليه وآله وسلّم
قصيدة ( رحيلك ) بحر طويل
برحيلك يا حبيــب الله هـذا الصار بالعتره
مصايب بالأفق لاحت بدت بمصيبةْ الزهره
..................................................................................................................
مجرد ما كِـمَـل دفنك واضــح أصــبــح العنوان
هدف صاروا أهل بيتك هضيمه وحيف للعدوان
معـروفه النــوايا الســود والصحبان مو صحبان
بعدك يا نبي الرحمه ... عرفنه اشرار هالأُمّــه
لا موقف ولا كلمه
خانوك وفلا طاعوك وبعدهه تربتك خضره
..................................................................................................................
وِصـيـتَــك مِــنْ يـنـفـذهه بس العِرَفْ تضحيتك
والچــانــوا أمـس أصـحـــاب ما حصّلوا تزكيتك
لا حِفظَوا كــتــاب الله ولا رِحـمَــوا أهــل بـيتك
والخان العهد يغدر ... عنّك گال ظل يهجر
على أم الحسن يجسر
حاقد والأدلّه الباب والبسمار والعَصره
..................................................................................................................
على البضعه هضيمه شلون هجمت زمرة الأشرار
كسروا ضـلع من بـنـتـك وشـبّــوا على الباب النار
والمحسن سگط منهه ابدفع الباب والبسمار
لا حُرمِتَك حفظوهه ... ولا فاطمه رِحموهه
بعدك حيل ظلموهه
بغضاً بالولي الكرار كل حاقد فُرَض غدره
..................................................................................................................
يخاتم أنبياء الله ومن بعــد الزچيه امصاب
وصيّك حيدر الكرار انطبر يالهادي بالمحراب
مغدور انخضب بدماه والينه ابشهر رمضان
يا ليلة قدر يا هَمْ ... لون السِمه ابلون الدم
كل العالم اتْــيــتم
أركان الهدى انهدمت وصارت فاجعه كبرى
..................................................................................................................
وصل دور الغدر والجور بعد امصيبةْ الوالي
السبطك يالنبي وعندك نعلم بالحسن غالي
بالسَّــم انمـرد چبده وجُـعــده الغدرته تالي
راح المجتبى مسموم ... والعتره تعيش اهموم
هذا الصار بالمعصوم
ومن بعد الحسن حانت على آلك أشَد فتره
..................................................................................................................
حانت كربله وعاشور وإنــته الصار بي أدره
حبيبك يا حبيب الله عطشان اگْطعوا نحره
عشر اخيول يالهادي ابحوافرهه اسْحِگت صدره
ثلث تيام عالتربان ... مرمي ومنذبح عطشان
والأيتام والنسوان
سِبوهه وزينب الكبرى مشت للشام متيَسره
..................................................................................................................
يبو القاسم وحق إسمك ما تشفه وتطيب اجروح
راحوا كل أهل بيتك لو مـسـمـوم لو مذبوح
باقي الأمل بالمهدي حفيدك والأمل مَــيروح
يظهر غيرة الله اردود ... والحق يبو الزهره ايعود
ندعي الخالق المعبود
يعجّل فرج مهدينا وحتماً ينكتب نصره
..................................................................................................................
خادم الإمام الحسين عليه السلام
عمار هليل الواسطي
ذكرى شهادة سيدي ومولاي الإمام علي بن موسى الرضا عليه السلام
قصيدة ( ثامن البدور )
ثامن بـدر بالـبــدور ... تأذن لي أدخل أزور ؟
هنياله من بزيارتــك حِظه
زاير واجيتك سيدي الرضا
.................................................................................
قاري بأمالي الصدوق .. عن أبي الصلت الأمر
اليربح ازيارتك .. يحصّل عظيم الأجر
وبميةْ حجة تصير .. لو مرة بس بالعمر
ومية ألف واحد شهيد .. أكسب أجرهم ذخر
يا سمي الوالي علي ... أتمنى تأذن إلي
مهموم ما يوسعني هالفَضا
زاير واجيتك سيدي الرضا
.................................................................................
تشفعلي يبن الكرام .. منك أنال المُراد
مذكورة إلك بالبحار .. عن الإمام الجواد
تنصبلي يا سيدي .. منبر بيوم المعاد
بصف منبر المصطفى .. ينذكر بي خير َ زاد
التهذيب وبمصدره ... يمك يزوره تره
ريت العمر بزيارتك گظه
زاير واجيتك سيدي الرضا
.................................................................................
چن گلبي شد الرحال .. لو عن بعد يالحبيب
بإذن الله كل الدعاء.. ربنا إلي يستجيب
واتسطّرت بالخصال .. من اليزورك قريب
ما دام إجه الغربتك .. بالقبر ميظل غريب
تأنس هنانه النفوس ... سيدي شمس الشموس
تقره الطلب ريت وتِلاحِظَه
زاير واجيتك سيدي الرضا
.................................................................................
يبن الأطايب نخيت .. بختك وانا بحضرتك
عتبت الجنّه أشوف .. لو قبّلت عتبتك
ابشباچك ألزم وأصيح .. لو دمعتي ندبتك
إقبلني خادم أصير .. يا سيدي بخدمتك
أتشرف بهاللقب .. ياسيدي والتعب
راحه إذا شخصك عَلَيْ رِضا
زاير واجيتك سيدي الرضا
.................................................................................
سالت دمعتي وأكيد .. حَصّلِت شرط القبول
ابحضرتك ميظل صعب .. موجوده كل الحلول
أقسم عليك بعلي .. وبالزهره أمنا البتول
توفقني في خدمتك .. وتشفع بيوم المثول
لا ما يخيب اليجيك ... عاشگ أنا وروحي بيك
تنطيني من فضلك الموعظه
زاير واجيتك سيدي الرضا
.................................................................................
بذكرى رحيلك أنوح ... جمر المدامع يهل
نوح الگلب يالغريب... خلاني ليك أرتحل
مولاي شمس الشموس ... فگدك أبد مو سهل
ثامن ضوه وانطفيت... صعبه الضوه ينكتل
يالضامن وبالفؤاد... نوح وشجن للمَعاد
ناس التبغضك كلها مُغرضه
زاير واجيتك سيدي الرضا
................................................................................
خادم الإمام الرضا عليه السلام
عمار هليل الواسطي
ذكرى شهادة سيدي ومولاي الإمام علي بن موسى الرضا عليهما السلام
قصيدة (( ثامن جروح الآل ))
يوم المنيه وينطوي عمرك كتابه
ما نشفت دموعك على حسين ومُصابه
يالرضا ودمعك همّال
يا ثامن جــروح الآل
على حسين ومُصابه
على حسين ومُصابه
.................................................................................
أحاديثك يبو محــمـــد قريناها
بفضل النوح عالمذبـوح شفناها
بحياتك ما نسيت الطف مناياها
مناياها بوســط گلــبــك لگيناها
حتى بمنــيـتك ما نسيت
تبچي على الظامي بقيت
چم لوعه بيك وچم جرح يبن الإمامه
من كربله وگلبك تفطّر عاليتامه
يلشايل جروح اثگال
يا ثامن جــروح الآل
على حسين ومُصابه
على حسين ومُصابه
.................................................................................
رغم سم التگطع منه كل چبدك
لكن دمعتك ما فارگت خدك
على حسين الغريب المنذبح جدّك
بعدك عايش بطف كربله بعدك
كل لحظه تجري بيهه عين
تصرخ حبيبي يا حسين
لوعة مصابك گرّبت يوم المنيه
يبن الغريب ودمعتك ظلت سريه
مگطوعه عندك آمال
يا ثامن جــروح الآل
على حسين ومُصابه
على حسين ومُصابه
.................................................................................
شرايد منك الدس بطعامك سَم
يبو محمد هضيمه اليوم تتألم
دموعك بالنيابه اعليك تتكلم
غدروك وبقه بنص الگلب مأتم
آه إعله فگدك يالغريب
آه اعله حزنك يالحبيب
يالماترد كلمن يگصدك يبو محمد
الدنيه كلهه اعليك لبست ثوب الأسود
حزنك يهد ضيمه اجبال
يا ثامن جــروح الآل
على حسين ومُصابه
على حسين ومُصابه
.................................................................................
ما ناسي الحسين بلحظه من عمرك
تلهج بإسمه حتى بموت اليحضرك
يا شمس الشموس وينكسر ظهرك
يطفه الليله نورك بس يظل ذكرك
شمس الشموس وهاللقب
يفتخر بيك وبالنسب
مفجوعه أرواح التودك من مصابك
هالليله أملاك السمه كلهه اعله بابك
يا حال تبقه بيا حال
يا ثامن جــروح الآل
على حسين ومُصابه
على حسين ومُصابه
.................................................................................
غريب بطوس وتواسي غريب الطف
بيا حاله المنيه اعليك تتوصف
حكمة الله هاي وبيهه الله أعرف
بس أرواحنه بهالألم تتحسف
حيف اعله حالك يالرضا
سم الغدر تتمضمضه
چبدك تگطع يا غريب الله أكبر
ويلي اعله هضمك يا إبن موسى بن جعفر
يا محنه بعدك تنزال
يا ثامن جــروح الآل
على حسين ومُصابه
على حسين ومُصابه
.................................................................................
تنعاك السمه والگاع مهضومه
موتك هالمسه حان ووصل يومه
الله يساعدك يا أخو المعصومه
بينه جروح هاي الليله ملچومه
وبمشهد الليله العزاء
خطاره أملاك السماء
بصحنك تقيمه واللطم هاي المسيه
يذكر غربتك وي غريب الغاضريه
حزنين ما ظن تنشال
يا ثامن جــروح الآل
على حسين ومُصابه
على حسين ومُصابه
.................................................................................
خادم الإمام الحسين عليه السلام
عمار هليل الواسطي
منهاج شهادة سيدي ومولاي الإمام الحسن المجتبى عليه السلام
القصيدة الأولى { ليل افراگ }
تعذبني ساعاتك ... يـا لـيـل الــفـراگ
من هسه للغالي ... ظل گلبي مشتاگ
رايح ضوه العين ... وين الحسن وين
........................................................................................
يا ليل الوداع شلون ظلامك من يطر فجره
بعد ما تنشف دموعي وبعد ما تخلص الحسره
إبن أمي الحَـســن هــذا بالسّـم ينخـتـم عمره
بمصـبــاحـك بعد يا ليل أودعـــه بآخر النظره
ما تخلص همومي ... ولا گلبــي يرتاح
ريت العمر گاظي ... وگبل الحسن راح
يا گطعةْ البينْ ... وين الحسن وين
........................................................................................
هضيمه والوسافه شلون بالسم ينمرد چبده
يا ليل الحسن مظلوم أخويه غدرته جُـعـده
يگلي لا تهم لجلي يحچي ودمْعـتــه إبخدّه
يومك مو مثل يومي يخويـه وشدّتك شِدّه
گلي بدمع جاري ... يحسين أحاچيك
بعاشورك وفگدك ... من هسه أواسيك
وتنادي يحسين ... وين الحسن وين
........................................................................................
أشاهد حالته اگبالي گلتله يا ضوه عيني
لا تحچي بحزن عاشور أحچي اوياك خليني
منك رايد أشبع شوف فدوه العمرك اسنيني
يبو محمد وحق جدنا وداعك خويه ياذيني
أمر الله يا خويه ... والباري يشهد
سم وذبح تگــظـي ... عترة محمد
ترجعلي امنين ... وين الحسن وين
........................................................................................
يا ليل اشبقه ابعمرك گبل ما يرحل الغالي
تمنيت أمي الزهره تجيني ووالدي الوالي
وحيد ابمحنتي ظليت حزن اليتم يبرالي
بمصباحك يليل الهَمْ يروح الحسن للتالي
لا عيني اتشــوفه ... ابحكم المنيّه
من ضي شمس باچر ... يبعد عليّه
وبگلبي نارين ... وين الحسن وين
........................................................................................
نار بگلبي لفراگه يليل وحالي ظل يصعب
ونار الثانيــه تسـعــر كلما شاهــدت زينب
تنوح اعله الحسن هيه وأبو فاضل مدامع صب
بالطف من نموت إحنه إختنا شلون تتغرّب
من الحسن ذكرى ... تحملهه الايام
يوگفلي بالعاشر ... بالحومه جسام
وبين الحبيبين ... وين الحسن وين
........................................................................................
يروح الغالي من إيدي وأنوح وگلبي يتفطر
تظل الذكريــات جــروح بيش الروح تتصبّر
بعد متعود لمّتنه كل لحظه جرح يكبر
أدفن مُهجتي بيدي وأظل عالغالي أتحسر
راح الأخو مني ... عشت بمصيبه
روحي بأثر فگده ... ظلت غريبه
واعدانه صوبين ... وين الحسن وين
........................................................................................
خادم الإمام الحسين عليه السلام
عمار هليل الواسطي
٢ صفر ١٤٤٨ هجري
قصيدة { نطلع مشايّة }
كل سنه يحسين نرفع رايه
عدنه موعد نوْصَلَك مَشّايه
مَشي مَشي يا أبا عبد الله
مَشي مَشي يا أبا عبد الله
...........................................................................................................
هذا موعد ثابت ابطول الدهر
والسفر للجنّه يحسين السـفـر
مُلتقانه بيوم عشــريــن بصَفَر
عالعهد أحبابك الوفّايه
مَشي مَشي يا أبا عبد الله
...........................................................................................................
زَحِـف مليوني الك يبن البتول
هالزيـــاره حـيّــرت كل العقول
كلنا نمشي ونسأل الباري القبول
والتزورك بسمك امْسمّايه
مَشي مَشي يا أبا عبد الله
...........................................................................................................
يلّي حبك يبقه ساكــن كل گلب
يا حُسين وسهل يصبح كل صعب
والمواكب عامره ابطول الدرب
خِدْمَةْ الزوّار هيّه الغايه
مَشي مَشي يا أبا عبد الله
...........................................................................................................
ينطلق من كل أرض أشرف مَسير
كربلائـك تصــبــح البـيــت الچبير
الك يوفي الشيخ والطفل الزِغير
وأبو فاضل هوّه دَگ الثايه
مَشي مَشي يا أبا عبد الله
...........................................................................................................
كل رضيع يواسي طفلك بالطفوف
والزلم أنصارك اجتمـعــت صفوف
والنساء تواسي زينب من تشوف
حال زينب والجروح اهوايه
مَشي مَشي يا أبا عبد الله
...........................................................................................................
يا حسين وهذا عهد الزائرين
كلنا نمشي وبمحبتك مؤمنين
الله يرزقــنــا زيــــارةْ لربعين
من علامات اليحبّك هايه
مَشي مَشي يا أبا عبد الله
...........................................................................................................
من نزورك كـــلــنا نتوحّـد سوه
وابطريقك نِشمْ من نفس الهوه
ابشوگ يستقــبلـنـه شيّال اللّوه
يا هلا بكل قافله عنّايه
مَشي مَشي يا أبا عبد الله
...........................................................................................................
عالعهد يحسين كلنا انبايِعَكْ
إنته تأمر أمر واجب نِـتْـبَعَكْ
بيوم عاشر ليتنا كُـنّــا مَعَكْ
نشتري الموت ابفداك اشرايه
مَشي مَشي يا أبا عبد الله
...........................................................................................................
خادم الإمام الحسين عليه السلام
عمار هليل الواسطي
محرم الحرام/ ١٤٤٨ هجري
قصيدة { جرح السبي }
جرح السبي بگد غُربتي مو مثل الجروح
مسبيّه راحت عمّتي وحسيني مذبوح
زينب واليسر ... يا جرح العمر
مو مثل الجروح
............................................................
أنا العايش غريب وگلبي ملچوم
اعله بالي كربله والشام كل يوم
أنوح ودم دمعتي وأحمل اهموم
أشد حيلي بصبر والحيل مهدوم
كل لحظه صارت باليسر تبچيهه العيون
أتچتف بحبل الحزن وامشي اويا الضعون
گلبي ينفطر ... يا جرح العمر
مو مثل الجروح
............................................................
نهاري وليلي حسره وعمري آهات
مشيت بهذا حزني شگد مسافات
على أم الصبر تبچي السماوات
مشت ويا الضعن قرآن وآيات
والناگه يحديهه زجر يا هضمت البين
كافلهه صك عينه السهم گطعوله چفين
ظهري ينكسر ... يا جرح العمر
مو مثل الجروح
............................................................
صحت وازينباه وجرحي هم صاح
على الشافت شملهه اتطشر وراح
تشوف اخوتهه روس وفوگ الرماح
وبليل الخرابه شلون ترتاح
عاشت هضمهه بيا صبر وهواي الآلام
حتى بعبايتهه حرگ من نار الخيام
إلمن تنتظر ... يا جرح العمر
مو مثل الجروح
............................................................
غريبه عمّتي ويصعب هضمهه
أظن أكثر جرح بيهه لچمهه
شافوا طولهه وصاحوا بسمهه
ألم گلبي عليهه بگد ألمهه
معذوره عيني شما بچت ظل گلبي محروگ
شگد صعبه زينب عمّتي يوگفوهه بالسوگ
هاي أم الخدر ... يا جرح العمر
مو مثل الجروح
............................................................
الأشد يا جرحي موقف حسره وونين
لا يرضاه شهم لا مِلّه لا دين
بديوان الضلاله الموعد يحين
وزينب وينهه ووين الدواوين
ما تطفه ناري بالدمع من الجره وصار
من ربنا أنتظره الفرج حتى آخذ الثار
للباري الأمر ... يا جرح العمر
مو مثل الجروح
............................................................
خادم الإمام الحسين عليه السلام
عمار هليل الواسطي
محرم الحرام/١٤٤٨ هجري
القصيدة كاملة
ليلة ٦ محرم الحرام ١٤٤٨ هجري
الحاج ملا باسم الكربلائي
عمار هليل الواسطي
حسينية أم الحسن (ع) /الفاو/البصرة
أهازيج عيد الغدير الأغر
بايعت عن رأي عقــلي وبالنـيابه عن هلي
بايعت فحل الفحول المرتضى حيدر علي
أستمع نبضات گلبـــي ثــاري ينبض ما يلي
لو حيدر لو مامش غيره
.............................................................................................
شلون فرحه شلون عيد هذا عيد الله الچبير
نصّــبــك ربــنا ونبــيــنا يا عـلـــي إنته الأمير
الناصبي مَـيــنـام ليلـــه ينتظر بئس المصير
والمبغض خلي يطم روحه
.............................................................................................
ها أنا رافع يمــينــي يا إمامــي البيعـتك
يا علي يا روح روحي ويا أمان الشيعتك
يا ملاذي ونبــض گلبــي وراية الله رايتك
والجنّه بحبك مضمونه
.............................................................................................
خادم الإمام الحسين عليه السلام
عمار هليل الواسطي
ذو الحجة ١٤٤٧ هجري
حزيران ٢٠٢٦ ميلادي
المقدمة
بي تاه
بجنون الشوگ گلبي بعلي بي تاه
أحبه ودونه روحــي تصير بي تاه
رب العرش رافع صيت بيته
بسم حيدر علي حامي الحميه
****
مِن جاه
حب المرتضــى بالحـشــر مِن جاه
ينال الشيعي منه الصيت من جاه
علي وعيد الغدير اليـــوم مِن جاه
علنت البيعه لجله بصافي نيّه
****
والاه
ترك گلبي الحزن والضيم والاه
بغدير المرتضـــى الرحمن والاه
نبي الرحمــة يوالــي الذي والاه
حديث وسند عيد الغديريه
****
عاداه
غرامي بحيدر أصبح طــبع عاده
وگلبي اعله الجنون الشوگ عاداه
علــي وربــنـــا يعـادي الذي عاداه
المؤمن حب علي عنده هويه
****
خادم الإمام الحسين عليه السلام
عمار هليل الواسطي
قصيدة ( رسائل من الحجّة المنتظر )
يلّي الكربله تمشون من المهدي هالمطلب
رسائل بيها تتلگون ضعن أم الصبر زينب
.......................................................................................................................
الرسالة الأولى للخِدّام وعـيــن الباري ترعاكم
وجوب الحزن والعبرات خطوه بخطوه ويّاكم
الصلاة بالوقت مطلوبة وأنا ما عوف ممشاكم
عيون التبچي لجل حسين ... لا تنظر على المو زين
عنكم ما أدير العين
رفعة راس للإسلام بيكم والأجر يُحسب
.......................................................................................................................
الرسالة الثانية تعرفون هواي عيون تترصد
تدوّر عنكم الزلّات حــتــى أصواتهــم تشـتـد
أنا بهاي المسيرة أطلــب أريــد گلوب تتوحد
ضد التفرقة كلنه ... ضد الظلم والفتنه
طريق يودّي للجَنّه
يهل الخير كل الخير بيكم كل شي ما يصعب
.......................................................................................................................
الرسالـة الثالـثـة بيهــه أخــص كل مـؤمــنــه حُرّه
الحجاب أول شرط عندي حجاب الجسم والنظره
لأن كل وحـــده يالطيبات تمــثّــل فاطمــة الزهره
الستر معلوم يتوجّب ... يلّي اتواسن الزينب
الرب الكون نتقرب
تره أم الصبر والأحزان إذا شافت خطأ تتعب
.......................................................................................................................
الرسالة الرابعة أذكر بعض البيدهم أقلام
إحــذر تـظـلم الزوّار لا تـنــقـــد نقد هدّام
كافي بكل سنة هجمة وأنا المسؤول عالخِدّام
يهاجمني اليهاجمهم ... أهل غيرة وأباركهم
شتريدون من عدهم
تره المشّاية بالكلفات مثل السيف المجرّب
.......................................................................................................................
الرسالة الخامسة منّي شكر خاص وألف تقدير
لأصحاب المواكب هاي فزعة وللحسين تصير
بسبيل الباري خدمتهم وكرمهم ماكو بي تقصير
كفو منهم بهالغايه ... أجرهم أجر مشّايه
كل موكب رفع رايه
أدعو الخالق الرحمن يحفظه ويكبر الموكب
.......................................................................................................................
الرسالة السادسة ذمّه وطلب من عندي ويخصكم
ردت بالفرج تدعــولــي ابمشيكــم و بمجالســكــم
مثل ما إنــتــو منــتـظريــن أنا المِـنـتـظِر شوفتكم
أشد حيلي تره بيكم ... وبالصعبات أباريكم
وأبد ما لحظه ناسيكم
إذا تصفه نواياكم ظهوري هواي يتقرّب
.......................................................................................................................
خادم الإمام الحسين عليه السلام
عمار هليل الواسطي
١٤٤٨ هجري / ٢٠٢٦ ميلادي
قصيدة ( لا يوم كيومك يا أبا عبد الله)
ليلة شهادة الإمام الحسن المجتبى ع
أكثر من همّي اهمومك ... ولا يوم اليشبه يومك
......................................................................................................................
يا خـويـه الشـايــل هـمّـي ... وتجري ادموعك يبن أمّي
يكفي بموتـــي تظل يمّي ... وبموتك صعبه اعلومك
......................................................................................................................
بالسِــمْ يتگطّع چَبدي ... لكن ما أبقه الوحدي
اتشيّعني وتحفر لِحدي ... ذخري ومَتقصّر دومك
......................................................................................................................
ويلي ولو صار العاشر ... وتنادي هل من ناصر
صدرك ينداس بحافر ... وتتسلّب حتى اهدومك
......................................................................................................................
مـا تـتـوصــف الآمــك ... ناسك ماتو گدّامك
والنار تشب بخيامك ... بدمّك مخضوبه ارسومك
......................................................................................................................
گلبك ساعات المصرع... ابسهم امثلث يتگطّع
خويه ومن ظهرك يطلع ... يالفاگد بالطف گومك
......................................................................................................................
كل هذا وربنا العالِـــم ... بلحظة موتي وبي حالِــم
أفديك بأبني القاسم ... نجمه وتطفه اويا انجومك
......................................................................................................................
زينب يمّي اتّون ليّه ... تودعني وتنحب هيّه
بالطف تطلع مسبيّه ... وعالغبره يطوّل نومك
......................................................................................................................
خادم الإمام الحسين عليه السلام
عمار هليل الواسطي
١٤٤٨ هجري / ٢٠٢٦ ميلادي
قصيدة ( غربة الشام )
يا حَبيبي يا حُسَينْ ... نُورَ عَيني يا حُسَينْ
.................................................................................................................
يا خويه من شام الغُرب والأحزان
ناديت يبن أمــي الذبيح العطشـان
آني انسبـيـت وإنتـه فــوگ التربان
ولمصيبتك ناحــت يخويـه الأكوان
وَبَكَتْكَ كُلُّ عَينْ ... نُورَ عَيني يا حُسَينْ
.................................................................................................................
بـسـيـاطـهــم يا مُهـجـتي ضربونـي
ولو صحت إحضر يا علي يشتموني
جَــدّي النــَّبــي وبحـبــالهـم چتفوني
بيش الـعــده وشـعــدهــم يطلبــوني
صاحَ جُرحي يا حُسَينْ .. نُورَ عَيني يا حُسَينْ
.................................................................................................................
حالــة عـلـي السـجــاد ما تـتـوصّف
مَحني الظهر مكسور من يوم الطف
حزّت رُگُـبْـتَــه الجامـعـــة وامچتّف
من هالقيود اجــروحه أبد ما تنشــف
ويُناديْ يا حُسَينْ .. نُورَ عَيني يا حُسَينْ
.................................................................................................................
خويه الحَــرم تبـچــي وتون ليليّـه
ما بــيــن ثكلــى وأرمـلـه ومسبـيّـه
وهـــاي اليــتامـــى كلهــه لاذت بيّه
درب الســبـــي ما يـنـعــرف تالــيّـه
أَيْنَ نَمضي يا حُسينْ .. نُورَ عَيني يا حُسَينْ
.................................................................................................................
تـنـشــد رقـيـه اعليــك يا مـاي العيـن
وتگلــي عَـمّــه والــدي ســافــر ويـــن
يمنعوهه تبچي إعداك يا خويه حسين
محــتــاره ظلـيــت وگـطــع بـيّـه البين
جارَ دَهري يا حُسَينْ .. نُورَ عَيني يا حُسَينْ
.................................................................................................................
مظــلـم نـهــار الشـــام آه امن الشـــام
والليل وحــشـــه ولا رضــت عين تنام
كل ساعه ويرعبــونــه ذولــه الظــــلّام
وسياطــهـــم تــلـچــم اجــروح الأيتام
خَطَّ دَمْعي يا حُسينْ .. نُورَ عَيني يا حُسَينْ
.................................................................................................................
لازم أكــابــر عالحــزن مـهــمــا صــار
فوّضــــت أمـــري للـعــزيــز الجــبــار
ما أطـــخ راســـي وآنـــي بنت الكرار
والباري أقوى بقدرتـــه امـــن الأشرار
وهْوَ حَسْبي يا حُسينْ .. نُورَ عَيني يا حُسَينْ
.................................................................................................................
خادم الإمام الحسين عليه السلام
عمار هليل الواسطي
١٤٤٨ هجري / ٢٠٢٦ ميلادي
قصيدة ( السلام على شهيد كربلاء)
السَّلامُ عَليكَ يا شَهيدَ كربلاءْ
....................................................................................................................
سلام أم الخــدر والصــبــر والآلام
يوصــل كربــلاءك من مَــرار الشام
بسم ضعن السبايه وحسرة الأيتام
بسم كل عين بعدك ساهره ومتنام
السَّلامُ عليكَ يا غريبَ الغُرباءْ
السَّلامُ عَليــكَ يا شَهيدَ كربلاءْ
....................................................................................................................
سلام امن العليل بروح ملهوفه
برگبته الجامعة ومقيّده چفوفه
حيّ بعدك يريت وعينك اتشوفه
انهدم حيله يشاهد عمْته مچتوفه
السَّلامُ عليكَ يا سَليلَ الأتقياءْ
السَّلامُ عَليــكَ يا شَهيدَ كربلاءْ
....................................................................................................................
من بعد السلام الحــال غير الحــال
بس غمضت اعيونك ضاعت الأمال
شبه ارجال أميه وماكــو كل رجـّال
طغو واتجاسروا عالحرم والأطفال
السَّلامُ عليكَ يا وَريثَ الأنبياء
السَّلامُ عَليــكَ يا شَهيدَ كربلاءْ
....................................................................................................................
المثل زينب عفيفة يا شريف الذات
يضربوهه بسياط وعالهضيمه تبات
تطب للسوگ وسفه وتسمع الشمّات
يلاگوهه بطبول الفرح والضحكات
السَّلامُ عليكَ يـا أبا الشُـهَــداءْ
السَّلامُ عَليــكَ يا شَهيدَ كربلاءْ
....................................................................................................................
مظـلـم كل نـهـار الشـام مابـي نور
غربه بلا مُعيـن ولا حِمه ولا ســور
إنحنى ظهر العقيلة والزمان يدور
مثل ظهرك على العباس هم مكسور
السَّلامُ عليكَ ظامِئاً من دونِ ماءْ
السَّــلامُ عَليــكَ يا شَهيــدَ كربلاءْ
....................................................................................................................
تصلّي من جلوس أم الصبر حقهه
الزمن عنّك يبــو السجــاد باعدهه
تجــمــع باليــتــامى وكلسع تعدهه
تكابر عالدمــع عــن لا يمس خدهه
السَّلامُ عليكَ يا ذَبيحاً في العَراءْ
السَّلامُ عَليــكَ يا شَهيدَ كربلاءْ
....................................................................................................................
ليالي الشام صعبه وراحه ما بيهه
ورقيّه ابْـنَـيّـتَك تدري شحصل ليهه
شما تشتاگ الك تـــبــدي بواچيهه
تسكّتــهــه العــده بسياط طاغيهه
السَّلامُ عليكَ ومِنَ العَرشِ النِداءْ
السَّلامُ عَليــكَ يا شَهيدَ كربلاءْ
....................................................................................................................
خادم الإمام الحسين عليه السلام
عمار هليل الواسطي
١٤٤٨ هجري/ ٢٠٢٦ ميلادي
قصيدة ( راحت احبابي)
لسان حال مولاتنا زينب عليها السلام
راحت أحبابي ... وابتده مصابي
بكربـلــه الدنيا عجيبه
وحشه هالليله وغريبه
....................................................................
زينب آني ودولبتــني الغاضريه
آخ يا ليل اهدعش شمسوي بيه
سلمــت وليانــي لچفوف المنيه
دارت الدنيا عكس بالطف عليه
حرگوا اخيامي ... روعوا أيتامي
وابتده درب المصيبه
وحشه هالليله وغريبه
....................................................................
وين أخويه حسين تنشدني النواظر
أجمع اعياله وسبي ينطرنه باچر
هجمت اعلينه سوه خيل وعساكر
هسه وحشه والعليل اوياي حاير
أمشي واتعثر ... وين أبو الأكبر
الراح للموت اشيجيبه
وحشه هالليله وغريبه
....................................................................
يا فجر يطلع بعد شيحمله ليلي
عالنهر يا ناس ظل طايح كفيلي
چفوفه مگطوعه وهدم عباس حيلي
طاحت الرايه وترك حسره بدليلي
كافلي مدمي... هسه مو يمي
والله يا هالناس نيبه
وحشه هالليله وغريبه
....................................................................
الله يشهد فكري بهمومـــي تحيّر
يا جرح وين أتجه وجروحي تكبر
بين عبد الله وعرس جاسم والأكبر
حتى إبني اعله الثره طاح وتوذّر
بلا ضوه العتره ... ماتت الگمره
والضوه جثه سليبه
وحشه هالليله وغريبه
....................................................................
جيش أميه والرذائل من صفاته
ذوله أشبــاه الزلــــم كلهم شماته
ظنهم بصبري بعد يفقد ثباته
هيه هاي الناس لن كلمـــن وذاته
ما يغيروني... اشما يعذبوني
والقدر كلمن نصيبه
وحشه هالليله وغريبه
....................................................................
من فجر باچر بعد ماكو سلامه
ننسبي آني وعليلي واليتامه
عالرماح أنظر زلمنه هامه هامه
وين أكو أكثر بعد من هالظُلامه
للسبي أطلع ... نوحي والمدمع
بهاي الأجواء الكئيبه
وحشه هالليله وغريبه
....................................................................
خادم الإمام الحسين عليه السلام
عمار هليل الواسطي
١٤٤٨ هجري / ٢٠٢٦ ميلادي