7103
إحنه غير حسين ما عدنه وسيله والذنوب اهـــواي چـفّـتـها ثجيله
قصائد محرم الحرام للسنة الهجرية ١٤٤٧
ليلة القاسم بن الحسن عليهما السلام
ربّيتك الهذا اليوم بيك الحسن وصّاني
………………………………………………………………………………...........................
ربيتك وردتك تعوضلي ارباي
وينك يسبّاح القلب يا رجواي
متوذر ومحروم من شرب الماي
عرس الشهادة بكربله يا وفّاي
شمعة شبابك بدماك تطفه وتهيج احزاني
………………………………………………………………………………............................
نيران شبت بالگلب والصيوان
طفّوا شمعتك والعرس صار أحزان
متحنّي بالدم مرمي فوگ التربان
يا روح روحي بگلبك الظل عطشان
بفگدك ييمه جسام ثكلى صرت خلّاني
……………………………………………………………………………..................................
بالحومه يا نبض الگلب تتوذر
والنار بعدك بالخيم تتوجر
آنه امك وبعدك يعيني أتيسر
للشام نطلع كل گلب يتفطر
من كربله لگاع الشام دمع الفگد أذّاني
………………………………………………………………………………................................
حسره اعله حسره الروح عاشت چم هم
معذوره بفراگك إذا أتألّــم
كل جرح منك جفني ظل ينزف دم
باچر سبي يا جاسم وما أسلم
بس الدمع بس الآه ظل يالولد عنواني
………………………………………………………………………………............................ ....
يا يمه ودّعتك بگلبي المتعوب
روحي بغيابك ياضوه عيوني اتذوب
شفت آنه المگدّر عليّ والمكتوب
آنه أمّك وإنته العزيز المخضوب
ثكلى وسبيّه جرحين واحد أشد من ثاني
………………………………………………………………………………..................................
مر الصبر بعدك جرعته بنوحي
هيهات ما تشفه يغالي اجروحي
لو ردت روحي هاك اخذهه روحي
عريس ردتك بس صرت مذبوحي
أتمنى ياخذني الموت يمّك أروحن آني
………………………………………………………………………………......................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي فاطمة العليلة عليها السلام
طيفك لو يــمـــر عينــي ... يمّك خــل يودّيـني
عليله وما خلص نوحي ... وينك بويه يحسيني
.........................................................................................................................
من آخر وداع وروحي محتاره
والفارگهــه أبوهه تنطر أخباره
عليك الگلب يسأل ما طفت ناره
بملامح وجهي حزنك تارك آثاره
دمع عيني على خدّي ... بده بقصةْ يتم يبدي
عليله وهذا إحساسي ... وينك بويه يحسيني
.........................................................................................................................
شگد أحسب ليالي وأنتظر ترجع
أصبر بلكي روحـــي بالصبر تقنع
أريد بصوتك إسمي اتردّده أسمع
جسد والروح تهوى الكربله تطلع
قَسَم وبأربع احروفك ... أموت إنچان ما شوفك
دخيلك يا ضوه عيوني ... وينك بويه يحسيني
.........................................................................................................................
وحشه البيت دونك يا ضوه بيتي
يعافــيــتــي بغيابك ماكو عافيتي
صحت يا كربله ابحالتي شسويتي
عند الله العِلم چم جرح خليتي
بقت تشتاگ الك روحي ... يبويه وبلسم جروحي
حياتي صعبه من دونك ... وينك بويه يحسيني
.........................................................................................................................
مكانك خالي بويه وحسرتي حسره
زغير هواي عمري وحزنك اشكبره
تشبّـــهنـي چنــت بالطاهره الزهره
بدت سود الليالي وشوفتك گمره
نهاري أظلم وحق عينك ... سؤالي بكل وكت وينك
غيابك ذبّل اجفوني ... وينك بويه يحسيني
.........................................................................................................................
هم ترجـــع بـعــد يا والدي الغالي
هم نگعد ســــوه والوكت يحلالي
يا يـــوم اليــمــــر تتلاشــى آمالي
بس طيف الحزن من أغفه يبرالي
وحشه بغيبتك دارك ... يبويه انگطعت اخبارك
وحدي لا تخليني ... وينك بويه يحسيني
.........................................................................................................................
أردد كــل وكــت يا والــدي بأسمك
روحي بكل مسه تشتاگ وتكلمك
عشت وحدي غريبه وشايله همّك
عــبــد الله ورقــيّـــه اثنينهـم يمّك
ما واحد بقه يمّي ... شلت وحدي ثگل همّي
بعيد الدرب يالغالي ... وينك بويه يحسيني
.........................................................................................................................
ختاماً يا أعز من روحي مهمومه
ما متعوده منـّك أبـقـــه محرومه
جفني ما غمض وجروحي ملچومه
عليله والدهـــــر خلاني مهضــومــه
كل عمري الك فدوه ... إنته للگلب سلوه
صحت والصدى جاوبني ... وينك بويه يحسيني
.........................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
طول الدهر عاشوراء تتخلد بمعناها
.............................................................................................................
دم الحُسين الكتب نهج الثوره
عاشر محرم بي تحقـــق نصره
واتكفّلت بعــــده العقيله الحرّه
فصل السبي وفوگ إرماح روس الزلم ويّاها
.............................................................................................................
واهم الظن بيوم ننسه المظلوم
أصلاً محرم عدنه باقي بكل يوم
بحسين هذا العمر بالخدمه يدوم
سر البقاء ومعناه دين الله بي يتباها
.............................................................................................................
شوف الخلود المن صُـفــه بالتالي
وينه يزيـــد ووين صــوتــه العالي
ما قارنت بـــس الحُســـيــن الغالي
وشگد كريم ومهيوب للباري روحه انطاها
.............................................................................................................
عرّج على درب السبايا الأصعب
ذاك إبتدت مـنّــــه حكاية زينب
تلگه النصر هوّه الجواب الأنسب
كلّه بسبيل المعبود قربان عترة طه
.............................................................................................................
فوگ الرمح بس كلّه غِيره الوفّاي
أكبر عزم من مسألة جـــــود وماي
عباس واحد بس وحــق الله هواي
كل الصفات الطيبات راعي الفضل معناها
.............................................................................................................
كلشي بسبيل الله توجّه للشام
روس النشامه والحرم والأيتام
رغم الحزن رغم القــهــر والآلام
كلمة شرف گال حسين وبهالنصر وفّاها
.............................................................................................................
أجيال بعد أجيال والدنيا اتدور
تروي البطولة من وقائع عاشور
صرختها ترفض كل عناوين الجور
هيهات للذلّه تصيح والذلّه مِنْ يرضاها
.............................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي فاطمة العليلة عليها السلام
يسألـني گـلبـــي والگلـــب دارك
يا بويه ليش انگطـعــت أخبارك
..................................................................................................
أحسب أيام وليالي إنتظاري الشوفتك
تدري مشتاگه يغالي روحي هسه رادتك
بويه تدريني عليله ليش طالـــت غيبتك
عيوني عالباب وأتاني بيّه شوگ الرجعتك
ظلمه حياتي بغير أنوارك
يا بويه ليش انگطـعــت أخبارك
.....................................................................................................
طيف لو منك لفاني شلون اشوفه بيا جفن
ما غمض لحظه بغيابك والگلب تدري يحن
يگظي بالحسره نهاري وأبقه كل ليلي أون
وحشه كل ليلي يبويه صعب كلش من يجن
وسط الگلب ما تنطفي نارك
يا بويه ليش انگطـعــت أخبارك
..................................................................................................
عادت المشتاگ يسأل من حنينه يبتدي
المن أسأل وآني طفله حايره يا والدي
عمري الك فدوه يغالي بكل سنينه أفتدي
لا تخليني أتاني بالمدينه الوحّدي
وحشه بغيابك ظلت اديارك
يا بويه ليش انگطـعــت أخبارك
..................................................................................................
كل مسافات البعيده تختصر شوگي الك
عن بُعد يا روح روحي هالمسيه أسألك
ما وصل مرسال منك لاني أگدر أوصلك
دوّرت حتى بصفنتي من بقيت أتأملك
بهذا السفر ما أعرف أسرارك
يا بويه ليش انگطـعــت أخبارك
..................................................................................................
تجرح خدودي دمعتي حيلي كله ينهدم
ما أظن ينصفني دهري والأماني تبتسم
هسه إحساس الغمرني چنّه إحساس اليتم
كلشي ميهمني بدونك انته بس انته المهم
حتى بمنامي أتبع آثارك
يا بويه ليش انگطـعــت أخبارك
..................................................................................................
حتى ريح الهاب أسأله وبلكت يرد بالخبر
ما دريت شصار بالطف لكن أشعر بالخطر
واليتم إحساسه واضح دمع وهموم وقهر
بس گلت لا سامح الله وما عرفت آنه القدر
بس الله يعلم حال أقدارك
يا بويه ليش انگطـعــت أخبارك
..................................................................................................
كل مسه ومصباح أدعي خالقي بهذا الدعاء
ترجع امن السفر سالم هذا بس هذا الرجاء
كلّش هواي المسافه شلون أوصل كربلاء
بويه تعّبتي غيابك هذا أصعب إبتلاء
شاء الآله بحكمه يختارك
يا بويه ليش انگطـعــت أخبارك
..................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة أنصار الحسين عليهم السلام
لا تحتار ... كلنا أنصار ... يابو الأكبر
...............................................................................................................................
وحياتك ما يهمنه الموت فدوه ارواحنه الإسمك
كل الدنــيـــا عفناهــــه عَزمنــه من فضل عَزمك
العمر دونك فلا يـــســـوه وحــق الطاهـــره أُمّك
عهد مكتوب الك بالـــدم فداء الگطــره من دمّك
دمك نور ... وإحنه السور ... يابو الأكبر
...............................................................................................................................
حياة الذل فلا نهوى إجينه ونصرك الغايه
كرامتنه بشــــهادتـــنــه نظل للموت وفّايه
باچر كربلــه تــشــهـــد شما بيد الگمر رايه
نصير اليوث بالميدان وحق السورة والآيه
تميل الگاع ... كلنا اسباع ... يابو الأكبر
...............................................................................................................................
حبيب ونافع وعابس زهير وكل شهم حاضر
نراوي إعداك بالحومه أصل المرجله باچـــــر
يبو الأكــبـــر ولا تهــــتــم نتاني بشوگ للعاشر
الك سمعاً وطاعه نگـــول وإنـــته القائد الآمر
إحنه جنود ... بيك نذود ... يابو الأكبر
...............................................................................................................................
رساله للخيم توصل يبو السجاد من عدنه
إذا مولاتنا زيــنـــب تســـــأل هذا كل ردنه
العقيله تطمئن ويّاك الگطع النَفَس واحدنه
حومةْ كربله تشهد تره وعاشــــور موعدنه
عد عيناك ... كلنا اوياك ... يابو الأكبر
...............................................................................................................................
الحياة بغير حبك موت نقسم قسم بعيونك
كل واحد يبو السجاد شافك صار مجنونك
شلون نعيش لا منعيش نموت بكربله دونك
الكرامه اوياك ضگناهه شلون نخون ماعونك
صرنه أحرار ... وإنته الثار... يابو الأكبر
...............................................................................................................................
يبن الوالـــي حبـيـنــاك حُب الزرع للمَطره
مو حُب مصلحه ودنيا يماي العين عالفطره
لآخر نفس منعوفـــك لو بالــــدم بقت گطره
النصر من الله سبحانــــه والتوفيق والقُدره
سهل الموت ... صحنه بصوت ... يابو الأكبر
...............................................................................................................................
وگفنه بكربله إستعداد ونـــدري المدد ربّاني
فدوه أعمارنه يحسين الك واحد وره الثاني
كل واحد يصيح بصوت آني حسين عنواني
كل واحد يصيح الروح لأبو السجاد قرباني
والقربان... بالشجعان ... يابو الأكبر
...............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
روحي تصيح بســمـــك وانتـــه غاليهه
حبيبي حـســــيــــن آخـر كلمه أحچيهه
..............................................................................................................................
آني أم البنــيــــن وما نفذ صبري
بــس رب العــبـــاد بحالتي يدري
خلص عمري بغيابك يا بعد عمري
هيچ الروح ظلت حيل ما بيهه
..............................................................................................................................
وحق ذاك الـوداع البينــك وبيني
أعز من ولدي كلهم يا ضوه عيني
أتاني طيوفك وبلــكــت تحاچيني
صعبه شوفتك بطيوفي أتانيهه
..............................................................................................................................
طحت يبني گبل ما دمعتي طاحت
أحس روحي حزينه وشكـثـر ناحت
رحت عنهه ومشيت وهيّه ما راحت
ظلت تنتظر ترجع يغاليهه
..............................................................................................................................
على حــر الجـمــر ظليــت منتظره
غدت أنفاسي حسره وتدفع بحسره
فداك أربـــع بنــيــني طالت الفتــره
حزن أيامي والحسره لياليهه
..............................................................................................................................
محتاره بـغــيابــك والدمــع من دم
إجاني بيا مصيـبــــه بشر ابن حذلم
نِعَـه الأولاد وآنـــي اعـــليـــك أتألم
نعاك وخلّه روحي القهر سابيهه
..............................................................................................................................
وحق دمع العـقــيله الفگــدت الكافل
ما قـصّـر تگـلـي اويــــــاي أبو فاضل
گلت أولادي فدوه حسيــــن يستاهل
لو عشرة الوِلد لجلك أضحيهه
..............................................................................................................................
على افــراش المـنــيّـه وروحي تنتظرك
فـــده عــمــري وحياتي سيـــدي العمرك
آنه امنــيــتــي گــبــري يـــجــاور الگبرك
ذابت مهجتي وماتت أمانيهه
..............................................................................................................................
خادم أم البنين عليها السلام
عمار هليل الواسطي
قصائد محرم الحرام للسنة الهجرية ١٤٤٧
يوم العاشر
هالله هالله حسين وينه بالسيوف امگطعينه
....................................................................................................................
ليلة اوداع الحبايب والشمل هالليله ملتم
عدهه موعد للمنايه باچر بعاشر محرّم
بالخيم قرآن تقره ونور ساطع بالمخيم
كلمن يودّع حبيبه بنبرة اموادع حزينه
هالله هالله حسين وينه بالسيوف امگطعينه
....................................................................................................................
آخ يا ليلة العاشر من گبل يوم الهضيمه
حسين ظل يمر عليهم هالمسيّه خيمه خيمه
والعطش نيرانه تلهب دار غربه وگاع هيمَه
كل گلب للباري يدعي ويّا ريحانت تبينه
هالله هالله حسين وينه بالسيوف امگطعينه
....................................................................................................................
چم وداع الليله عدنه هنانه ليلى وعلي الأكبر
غاد رمله تشوف جاسم چن بدر بالخيمه أزهر
والرباب تناغي ابنهه وتدعي ربنا الطفل يكبر
والسبط حاضن رقيه والگمر ودّع اسكينه
هالله هالله حسين وينه بالسيوف امگطعينه
....................................................................................................................
وگفوا أنصار العقيده استعرضوا والفوز باچر
لجل أبو السجاد ترخص بالحرب كل المناحر
اگبال خيمة العقيله هوّست بيض البواتر
والعهد لحسين باقي واحنه بالدم كاتبينه
هالله هالله حسين وينه بالسيوف امگطعينه
....................................................................................................................
آخ من حسبات باچر آخ من الغاضريه
مصرع الأكبر بدايه بكربله أول منيّه
باچر يوذرون جسمه بالمعاره آل أُميّه
حسين يتمدد ابطوله وبعد ما يخلص ونينه
هالله هالله حسين وينه بالسيوف امگطعينه
....................................................................................................................
شمعه العريس جاسم تطفه ويثكلوهه أمّه
ينكسر من هالمصيبه گلب أبو السجاد عمّه
حنته تنداف باچر هالبطل من فيض دمه
بيا ذنب يا ناس جاسم آل أميه ذابحينه
هالله هالله حسين وينه بالسيوف امگطعينه
....................................................................................................................
عالشريعه الدنيه باچر تنگلب واضح قهرهه
تطيح راية گمر هاشم آه يا طيحت گمرهه
بالسهم تنصاب عينه والعمد هامه يطرهه
أبو فاضل عالشريعه گطعوا ايساره ويمينه
هالله هالله حسين وينه بالسيوف امگطعينه
....................................................................................................................
والرضيع شلون نبلت حرمله تختمله عمره
والحسين شلون بعده لو يظل حاير بأمره
والمثلث صاب گلبه والشمر يطبر بنحره
والحرم وأطفال تركض والمخيم حارگينه
هالله هالله حسين وينه بالسيوف امگطعينه
....................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة سيدي ومولاي علي الأكبر ( عليه السلام )
ليلى تخاطب المعبود يا من تدري المگدّر
يمفرّح گلب يعگوب سِر گلبي بعلي الأكبر
.......................................................................................................................
يا رب الجلاله أدعوك وبگلبي الجروح هواي
وبجاه الحسين اليوم أريدك تستجب دعواي
هذا عاشر امــحـــرم وهــاي الغاضـــريه هاي
خيل ونايبه وعسكر ... سيوف ارماح ترس البر
بيدك أدري المگدّر
بحبيبك أشبه الوادم برز والحومته اتصدّر
.......................................................................................................................
طلع من خيمــتــه وگلبي طلع ويّاه يا ربي
آني الوالده وهوّه اوليدي وتچْوتي بدربي
ودّعني ومشه ومن راح أخذ روحي وأخذ گلبي
دعيت ومهجِتي طلبت ... وهاي عيوني دم صبت
الأشد اعليك ما صعبت
علي وفدوة رحت لٱسمه أريد اتحفظه من كل شر
.......................................................................................................................
آلهي وسيدي ومولاي يا من تقضي الحاجات
أريد إبني علي منك وأريد الليله يمي ايبات
تاخذني وترجّعني ابوادي كربله الحسبات
أريدن يطمئن بالي ... وإنته التعلم بحالي
وتعرف بالولد غالي
نخيتك والأمر أمرك بعونك روحي تتصبّر
.......................................................................................................................
آني بخيمتي وأسمع صليل سيوف بالميدان
وما أدري شنو شصاير بس أدري علي عطشان
أخافن هالعطش ياذيه من ايطب على الفرسان
فَتْ گلبه العطش بالطف ... وگدّامه العده تصطف
يربي أدعوك تتلطف
ويرد إبني عليّه اردود أريد وگلبي يتبشّر
.......................................................................................................................
يا رب العرش بحماك عبدك وانته انته الرَّب
ممكن كل وداع يهون بس فگد الإبن يصعب
أدعوك بگلب لهفان هيچي إفراگ ما جَرّب
تجلّت قدرتك يا رب ... كلشي اعليك ما يصعب
آلهي وعندك المَطْلب
ماي اعيوني إبني وراح وأشوف برجعته اتأخّر
.......................................................................................................................
ناحت والدمع جاري تدعي الخالق العالِم
صاحت يا آله الكون يامن وجهك الدايم
يا رب اتْعَبت برباه رَجّعلي علي سالم
بقيت اعله الجمر أنطر ... أدعي وأرتقب واصبر
يا كاشف شرور الضر
إكشف كربي يا الله وإنته بالدعاء أجدر
.......................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة قمر العشيرة العباس ( عليها السلام )
يا عباس بفيض المدمع ..أنتظرك يالكافل ترجع
بگلبي العطشان... يا خويه
طــف الأحــزان... يا خويه
........................................................................................................
يا خويه ومكفوله بعزمك يا عباس وروحي وياك
وانه اعله المحمل وعيوني تنظر وتصد العيناك
يالكافل ضعني لهلموطن محميه بزودك واحماك
والواك يفيي اعله العيله ويرف بالأمجاد الواك
منتظره تقدم برهانك ... منبع للغيره بوجدانك
وأدري العنوان ... يا خويه
طــف الأحــزان... يا خويه
........................................................................................................
للطف من حطينه اخيمنه وانعقدت يالغالي آمال
بعيونك شاهدت الفرگه هذا الحاصل واقع حال
ويا يوم العاشر وأحزانه موعد عندي ويا الآجال
چم لچمه تناطرني بفگدك يتأمل دمعي الهمال
من أتأمل يمي وبعدك ...وتريد الأيام تبعدك
هيبة إخوان ... يا خويه
طــف الأحــزان... يا خويه
........................................................................................................
عطشانه عيالي وحشمتك أدريك بوعدك وفاي
سلمتك جودك يا خويه بيمينك واطلبت الماي
عد عينچ گتلي ومتقصر يالكافل يا مي عيناي
تودعني وعبرات بصدري آنه وكلمن ظل اوياي
ياروح الروح بيا دمعه.. أشرح من تضيگ الوسعه
يابو الفرسان ... يا خويه
طــف الأحــزان... يا خويه
........................................................................................................
شتحمل شصبر شتأمل بغيابك يا ماي العين
لو شفت الموعد يتأخر أتوجه يا خويه الوين؟
ياعباس ظنوني احتارت من شفت تعنالي حسين
يا زينب گطعيهه آمالچ راح الكافل شتنطرين
گلي الكافل صابوا عينه .. يا زينب گطعوا چفينه
هيّج نيران ... يا خويه
طــف الأحــزان... يا خويه
........................................................................................................
ياريت ولا صارت خويه ولا حشمتك يا عباس
ولا شوفك بالحومه اموذر مهشوم بعامود الراس
روحي بهالحاله شتتصور تتكدر من الأنفاس
يا روح الروح وبغيابك تتشمت ظلت هالناس
من بعدك ياهو اليكفلني . مايخلص يالكافل وني
هجمت عدوان ... يا خويه
طــف الأحــزان... يا خويه
........................................................................................................
لوعايش وتشوف بعينك من هجمت گوم العدوان
اشتعلت بالنيران اخيمنه وينك يا هيبة عدنان
يا خويه فراگك دولبني ما يخمد جمر الأحزان
حرمه وبس السجاد الظل لا وليان ولا خوان
للخالق فوضت أحزاني.. أيتامي وضيعة ولياني
هذا القربان ... يا خويه
طــف الأحــزان... يا خويه
........................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة سيدي ومولاي مسلم بن عقيل ( ع )
نصر دمك نصر دينك
كتبته بثورة حسينك
تدگ صدرك لإبن عمك..
تضحي بروحك ودمك..
كتبته بثورة حسينك
......................................................................................................
على مد الزمن اسمك بقه نبراس للأحرار
يمسلم جيل يتبع جيل صغت دستور للثوار
سفارة لاگت لشخصك الك بالمرجله أدوار
شجاع وفارس ومهيوب مثل عمك علي الكرار
سفير حسين أبو الأكبر
مهمه وإلهه تتحضر
تسجل بالفخر إسمك..
تضحي بروحك ودمك..
كتبته بثورة حسينك
......................................................................................................
عقدت النيه للكوفه سفر بي نصرة الإسلام
وادم رادت الإصلاح بعد ما عبدت الحكام
بسم الله وصلت الهم حشود ورفعت الاعلام
اوياك اوياك يامسلم كلهه تصيح هالأيام
حشود تريدك اوياهه
بحضورك كلهه تتباهه
يهيبه وللنصر عزمك..
تضحي بروحك ودمك..
كتبته بثورة حسينك
......................................................................................................
يشهد مسجد الكوفه وراك شگد زلم صلت
توعيهه وتدليهه بدربهه شگد قبل زلت
الطاغي من عرف أمرك الوادم عنك اتخلت
حميه وغيره ماعدهه بفعلهه الباطل انذلت
الأمس كل همهه توصلهه
إلك واضح تخاذلهه
وحيد إنته عشت همك..
تضحي بروحك ودمك..
كتبته بثورة حسينك
......................................................................................................
يمسلم وادم الكوفه طبع بيهه الغدر أصبح
قبلك غدرت الكرار ولا عدهه عقل يرجح
من الموت ما خايف لأن تستشهد وتربح
خسارتهم چبيره هواي هاي الناس ماتنصح
وفت وياك فقط طوعه
البقيه أرواح مبيوعه
بطل والموت ميهمك..
تضحي بروحك ودمك..
كتبته بثورة حسينك
......................................................................................................
على قصر الإمارة شلون من فوگه هوه جسمك
تفيض الروح للباري ملائكة السمه تضمك
عطر دمك شهاده يفوح بس الطاهر يشمك
بقيت إنته وگظوا هُمه بقيت بصبرك وعزمك
محال إعداك تتصدر
يوارث من عزم حيدر
سطع أعلى السمه نجمك..
تضحي بروحك ودمك..
كتبته بثورة حسينك
......................................................................................................
انكتب تاريخ وبدمك كتبته وللأبد خالد
وعلى العاداك وصمة عار تظل مرسومه عالحاقد
أول دم نزف دمك عليك الباري ظل شاهد
رساله من يوديهه لأبو الأكبر منو يساعد
يخبره الصار بالكوفه
ذمم بالعار موصوفه
المفاخر تفخر برسمك..
تضحي بروحك ودمك..
كتبته بثورة حسينك
......................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة مولاتي فاطمة العليلة ( عليها السلام )
أتانيك ... عليلة وروحي محتاره
أتانيك ... دليلي مــا طفـت ناره
...................................................................................
من يوم الرحت ما نامت العين لا طيف الإجاني
أنا الطفلة العليلة بويه يحســـين عذبني زماني
ما أدري يغالي أتــجـــه وين هـــم هجرك لفاني
وينك يا صبر من گطعة البين جمر فگدك چواني
أحاچيك ... غيابك أجهل أسراره
أتانيك ... دليلي مــا طفـت ناره
...................................................................................
من رحت بضعن أهلي والأنصار لاحت هالمصيبه
لحظتها عرفت الزمن يندار وأبقه آني غريبه
ما أعرف يبويه شصار ما صار بالدنيا العجيبه
وجروحي يغالي كلهن إكبار مو آني الحبيبه
ألاگيك ... متى وتتحصل إزياره
أتانيك ... دليلي مــا طفـت ناره
...................................................................................
أنا المشتاگه روحي والدمع سال والونه خفيه
لو ظلت يماي اعيوني الآمال متى ترجع إليه
العبدالله ورقية أشتاگ والحال ضهدتني الرزيه
إرجع لن حمل طول الهجر مال ما ظل حيل بيه
أناديك ... يعود التارك إدياره
أتانيك ... دليلي مــا طفـت ناره
...................................................................................
زرت قبر الرسول وگتله يا جد ما واحد بقالي
سالت دمعتي چن جمره عالخد يا جدي سؤالي
هم يرجع ضعنه وگلبي يبرد هم يعود تالي
عذبني الهجر والراح ما رد بقيت أذكر دلالي
أوصّيك ... تگلي الضعن شخباره
أتانيك ... دليلي مــا طفـت ناره
...................................................................................
گلت يرجع الأكبر يامه تانيت يرجع لي وأشوفه
حسافه ما حضر وبنوحي ظليت گلبي زاد خوفه
بويه وداعت اعيونك تأذيت حزني بيك أعوفه
هم ترجع يشمعة روحي والبيت للروح الشغوفه
أخليك ... الأبو وسط الگلب داره
أتانيك ... دليلي مــا طفـت ناره
...................................................................................
بده احساس اليتم يابويه والله لا ما يگظي وني
سلمني الهجر للحسره والآه طفله وثگل حزني
لا مكتوب منك حتى أقراه خذاك الدهر مني
شخصك وين أشوفه وين الگاه همومي عذبنّي
أباريك ... اعله درب الضعن وآثاره
أتانيك ... دليلي مــا طفـت ناره
...................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
هلال شهر محرم الحرام
الشــهــر عاشور بــيــه النـــار لهّابه
جرحي يصيح آه يحسين ومصابه
لهلال شهر الحزن ..بيا حال گلبي يون
................................................................................
يهل شهر المواجع والجزع يبدي
وتظل بيه الجروح تجيب وتودّي
أواسي بدمعــتـــي للقائم المهدي
المصيبة امصيبته ودمعي يدگ بابه
لهلال شهر الحزن ..بيا حال گلبي يون
................................................................................
رايات السواد التعله فوگ الدور
تعلن بالمدامع عـــن شهر عاشور
أزل هذا الحزن وبكل گلب محفور
ملامح طلعته تبدي على اعتابه
لهلال شهر الحزن ..بيا حال گلبي يون
................................................................................
أشوف هلال شهر حسين آخ حسين
يخنگني الهوه وتجــري دمعهه العين
عاشــــور وصـفـــر بالذات هالشهرين
سهمهن بالگلب ما يخطأ اصوابه
لهلال شهر الحزن ..بيا حال گلبي يون
................................................................................
شــعـائـــر الله هــاي وكلمن أحياهه
يواسي أرباطعش معصــوم معناهه
باچــــر بالقــيـــــامـــة الزهرة تتباهه
بكل خادم حسيني ويسهل احسابه
لهلال شهر الحزن ..بيا حال گلبي يون
................................................................................
حسين وكل گلب يحييهه آماله
شما ظل الموالي دموعه هماله
شما يذكر مصابه وفجعة اعياله
بقيامتهه بيمينه يحمل اكتابه
لهلال شهر الحزن ..بيا حال گلبي يون
................................................................................
نربّي أجيالنه بطعم الحزن والآه
ننسى الدنيا كلها حسين ما ننساه
محلاه العمر بالخدمـــة إي محلاه
شهر عاشور يعرف ربعه واحبابه
لهلال شهر الحزن ..بيا حال گلبي يون
................................................................................
يظل گلبي يون وينوح عالمظلوم
من شرب العذب يا لوعتي محروم
أنا وعاشور عندي موعده بكل يوم
أعيشه بكل مصاب وأفهم أسبابه
لهلال شهر الحزن ..بيا حال گلبي يون
................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصيدة في ذكرى شهادة سيدي ومولاي الإمام جعفر الصادق عليه السلام
يالصادق بدمع العين عمرك طويت اكتابه
……………………………………………………………………...................
تاريخ حزنك بالمواجع حافل
ومرسال كل دمعه البقيعك واصل
گلبي بمصابك بالونين ايراسل
يوصل ونيني لمثواك والجفن فاتح بابه
……………………………………………………………………...................
انته النشر علم أهل بيتك مذخور
من الله يا هيبة البيت المعمور
يا سوء عاقبته الخليفة المدحور
حاز الخزي من عاداك باچر عسير احسابه
……………………………………………………………………..................
عاداك وانته العشت هم الغربه
معناهه عاده النبي وأغضب ربه
عشت بمراحل قاهره شكد صعبه
رغم الظلم علمك حاز وبكل أرض طِلّابه
……………………………………………………………………..................
گد ماچنت مهموم ماغمضت عين
ليليه تجري دموعك الطف حسين
مثله تعرف تنغدر لو يگصي البين
أصل الغدر راسه شلون رد وطلع بذنابه
……………………………………………………………………..................
يالصادق دموع الحزن أجريهه
أستذكر امصابك ودم أغديهه
واويلي عالمسموم من أنعيهه
دم ينسفح دمع العين صبح ومسه سچابه
……………………………………………………………………...................
إسوه إلك والروح كل لحظه تنوح
بكل گلب منكم گظه مليان جروح
مسموم چان إنچان مدمي ومذبوح
شاء الآله وسبحان ربنا وعظيم أسبابه
……………………………………………………………………....................
أنعاك يا مولاي ودموعي دموم
ياصادق العتره الإمام المسموم
ما أنسه عهدك وحق ربنا القيوم
گبرك الظل بس اتراب مشتاگ أشم إترابه
……………………………………………………………………...................
خادم الحسين عليه السلام
عمار هليل الواسطي
قصيدة في رثاء سيدي ومولاي زيد الشهيد عليه السلام
كاتب عهد وفــــاءه من دم الوريد
صوت المجد ينادي يا زيد الشهيد
تاريخ النصر ... بسمه يفتخر
.........
هذا تاريخ البواسل عن بني هاشم كتب
خذوا ميراث الشجاعة من علي ونعم النسب
زيد من هاي الفحول الثائرة ومامن عجب
واضح بثورة صموده نور ما يوم انحجب
ضد آل أميه ينتفض ضد الضلال
مؤمن ثباته من مدد رب الجلال
لا ما ينكسر ... بسمه يفتخر
.........
ابن زين العابدين ووارث الحكمة بفخر
من صفات أهل الإمامة وبفضل ربنا انتصر
عالم وزاهد وعابد ثائر وما ينكسر
رغم يعلم راح يُصلب بس على الموقف أصر
بالحكمة والعقيدة والحق والثبات
خط دمه هالشهادة معناهه الحياة
موقف للحشر ... بسمه يفتخر
.........
اعلن الثوره ونداءه يالثارات الحسين
ثار جده الظامي ذمّه وبرگبته هذا دين
يدري هالثورة العظيمة صرخة ضد الظالمين
قلة أنصاره وتحدّه غيرة متروس الجبين
لوما الخيانة والغدر ما ينهزم
حيف وآسف لن خانته شبه الزلم
ما قدم عذر ... بسمه يفتخر
.........
اتصوّب وما نزل عزمه وهامته منزفهه دم
حيث صابوه الأعادي بهامته طاح السهم
هنانه موقف موته واضح والطبيب الي حسم
گله أخيرك لو تموت لو تظل تحمل ألم
أعلنهه زيد بكل فخر هاي الدماء
للثورة تكتب هالنصر يعني البقاء
ميهمه العمر ... بسمه يفتخر
.........
شوف أحقاد آل آميه عالرسول وعترته
مثلوا حيف بحقدهم بالشهيد وجثته
راسه گطعوه وهضيمه هالفعل يا حسرته
صلبوا الجثّه اعله شجره بس بعدهه ثورته
من رفعوا الرأس برمح مو إنتصار
معنى هزيمتهم وضح والغدر عار
زيد وكل شي حر ... بسمه يفتخر
.........
يامن تزوره الضريحه شوف معنى الكبرياء
قبة صارت چنهه كعبة ومرقد بأسم الفداء
هذا زيد وهذا نصره ضامن أسرار البقاء
وين يالسامع هشام ووين آمية الجبناء
زيد الشهيد وكلنه زواره ونطوف
بكعبة ضريحه توحدت كل الصفوف
مرقد يزدهر ... بسمه يفتخر
.........
خادم الإمام الحسين عليه السلام
عمار هليل الواسطي
قصيدة ( جرحك البداية)
إي والرُفــع ويّـاك چـــف الولايه
من هالجرح مولاي تبدي النهايه
.................................................................................................................
جرحك يبو الحسنين أول علامه
مِنّه وبــعــد للدوم نبـقــــه يتامه
دين الله بيك إنصاب ينعه الإمامه
أصعب درب عالروح درب المنايه
.................................................................................................................
يـمـهــدّم الأصـنــام إنته وعضيدك
وبخيبر أكــبــــر بــاب قالعهه بيدك
يم بابــــك الأيـــتــام كــلـهه تريدك
ظلّت عليك اتنوح نوح السبايه
.................................................................................................................
سيف المُرادي شلون يختم حياتك
وجه الوجـــه ما جاك جاك بصلاتك
والسجده للرحمــــــن سجدة وفاتك
تستشهد بمحراب عند الله غايه
.................................................................................................................
بين الولاده وبين هاي الشهاده
تكمل يبو الحسنين كل العِباده
غصبن على العادوك موتك ولاده
وللشيعه يا كرار ما تِــنْــصه رايه
.................................................................................................................
ترحل جسد والروح عد كل الأيتام
يالغالي ما تنــســاك وبطــول الأيام
رغم بوداعـــك حيــل تاذيـهـه الآلام
ما ينتهي امن اليوم دهر الرزايه
.................................................................................................................
يا والد الأيتام ما تـنـســه واحد
تلبس لثامـــك دوم للفُـقــره فاگد
عن هالعمل خليت بس الله شاهد
كلهه بسبيل الله هاي النوايا
.................................................................................................................
أصعب نهايه تصير من شخصك يروح
جرحك وحق عيــنــــاك مصدر للجروح
كل اليـــتامــــه اليــوم ناظرهه مشبوح
وهذا الجرح للموت هوّه البدايه
.................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
فداك الأربعه يحسين وأتمنى بعد عشره
أريد بوجه الأبيض غاد ألاگي أُمّك الزهره
............................................................................................................................
قليل شما أقدّملك فداك أولادي واني أمهم
لو عندي بعد عشره وحــــق إسمك أقدّمهم
فداك الروح وانته الروح أخوهم وانته سيدّهم
هديتي وهذا قرباني ... وأم الوفه عنواني
شرط واحد وره الثاني
گدّامك يماي العين تطيح اولادي عالغبره
............................................................................................................................
هذوله إربات داحي الباب مثلك يا شبل حيدر
خاف جيوش أميه تعيل يقلعوهم مثل خيبر
شيّال العلم بيهم كفيل الحره يتصدّر
غيور ويعرف احساسك ... والعباس عباسك
گبل ما تاخذ أنفاسك
يگلب كربله اعله الجيش يخلي اليمنه عاليسره
............................................................................................................................
وحقّك يلسكنت الروح أقسم بالزچيه أمّك
تمنيت أرحل بضعنك وأظل بكربله يمّك
أبد ما شلت هم ولدي شلت بگلبي بس همّك
لذلك باچر الأولاد ... عد عينك يبو السجاد
موعد كربلائك غاد
توگف عد مصارعهم وبيهم أبقى مفتخره
............................................................................................................................
ما يسوه العمر دونك يبن المرتضى الوالي
شما غالين أولادي لجــلــك يرخص الغالي
عليهم عاقده بالطف يبو السجاد آمالي
أتنطر خبر عنهم ... كلهم فدوه الك كلهم
ما يرجع إلي منهم
شهاده وهذا موعدهه خبرهم وآنه منتظره
............................................................................................................................
باچر من تغير إعداك والحومه تضج فرسان
تلگه أولادي گدامك فزعت زلم بالميدان
وحق عباس أبو الغيره باچر ترجف العدوان
زلزال الغضب ولدي ... من المعركه تبدي
حومه تجيب وتودّي
يرعبون العده بالطف نفس شمرت علي الشمره
............................................................................................................................
عهد ويّا أمك الزهره أريد بولدي أوافيهه
وبيوم الحشر لمّن تواسيني وأواسيهه
أگلهه الأربعه فدوه هديه ومني اقبليهه
هذا العهد يحسيني... دائم بينك وبيني
أوافي اوياك خليني
أنتظره ترد اردود ليل وشوفتك گمره
............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
فرض الحـزن هـذا مُحرّم
والعاف درب حسين يندم
...........................................................................................................
يلّا النــشــامى يــا مُــوالــيـن
كلنا اعله درب حسين ماشين
إحيــو الشــعائــر يا مُحـبـيـن
عاشور يعــنــي ثــــورة الدين
من كربلاء الواعــي يفهم
والعاف درب حسين يندم
...........................................................................................................
ننشر ســواد أحــزان الگلوب
ما عدنه غير حسين محبوب
بهاي المصيبه اگلوبنه تذوب
فرض الخِدامه هسه مطلوب
رب العرش بالخادم أعلم
والعاف درب حسين يندم
.............................................................................................................
إي والرُفـــع بالطـــف لواءه
للمـــوت ما نــتـــــرك عزاءه
كل يـــوم يتجـــدد ولاءه
كل أرض هــيّــــه كــــربلاءه
كل خادم امن السبط مُلْـهَم
والعاف درب حسين يندم
...........................................................................................................
يالتـخـدم إحـــذر لا يـغيروك
بالخدمه تبــقــه مـــا يريدوك
عوف النقد عــــوف الينقدوك
شد حيلك وخـلـهــم يشوفوك
ظل عالي صرحك ما تهدّم
والعاف درب حسين يندم
...........................................................................................................
بهذا الطريق أجيـال وأجيـال
من هالمجالس نعقد آمال
غايبنه يظهر والبُـعد طال
كل الخدم أقوال وأفعال
والعاف درب حسين يندم
...........................................................................................................
لو هَــل محرم نجري الدمــوع
لهاي المصيبه نحـــنــي الضلوع
نذوب بألمنه مـــــثــل الشموع
كل گلب بينه يبقه مفجوع
والدمع مو من ماي من دم
والعاف درب حسين يندم
...........................................................................................................
هــاي اللـيـالــي بدمــعـــة العين
نــتــقــرّب الربــنـــا بالحــســيــن
إبــدي العــزا ولتــگـلّــي بعــديــن
هـــاي النِــعــم تـتـحــصّــل امنين
بحسين ربنا اعلينه أنْـعَـمْ
والعاف درب حسين يندم
...........................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الخدمة الحسينية المقدسة
بالعيون ... مرسومه لمصابك صور
بالعيون ... دمــعـــةْ مُحرّم وصَفَر
..............................................................................................................................
يحسين كلنا ابخدْمتك بعدنه
نكتبلك بدمـــع الوفـه عهدنه
يا روح روح التسكن بجسدنه
كل عـــام أكــثـر يرتفع عددنه
بالعيون ... تلگه الحزن تارك أثر
بالعيون ... دمــعـــه المحرّم وصُفر
..............................................................................................................................
خدمه بكرامه ما رضينه الذلّه
فـــدوه الك هذا عُمــرنه كلّه
بهاي الشعائر للمــجــد نوصلّه
والما تعــجــبـــه هالشعائر خَلّه
بالعيون ... من مستهل هذا الشهر
بالعيون ... دمــعـــه المحرّم وصُفر
..............................................................................................................................
شهرين بيهن چم جرح يكابر
بنوح العــوالـــم كربله نسافر
بحزن الليالي ترسم المشاعر
من هسه نبدي والنهار العاشر
بالعيون ... چم حسره من هذا السفر
بالعيون ... دمــعـــه المحرّم وصُفر
..............................................................................................................................
وبكل محرّم وصفر مواجع
والـنــار شيطفّيهه بالمدامع
بكل عين يصغر هالفضاء الواسع
وبكل گلب عاف الحزن منابع
بالعيون ... نوح وصدى وصفنة قدر
بالعيون دمــعـــه المحرّم وصُفر
..............................................................................................................................
عاشور يرفع للمجالس رايه
بيك البدايه وعندك النهايه
حد ما تجيك الكربله المشّايه
وفّايه يحسين الخدم وفايه
بالعيون ... إنته المقر والمُستَقر
بالعيون دمــعـــه المحرّم وصُفر
..............................................................................................................................
من الطفوله وما تركنه دربك
والترضى عنّه يعني يرضي ربك
شگد غالي عدنه وبينه ثابت حبك
تسكن گلبنه وكلنه فدوه الگلبك
بالعيون ... فوگ الرمح صرخة نحر
بالعيون دمــعـــه المحرّم وصُفر
..............................................................................................................................
تخلص سنه ونحسب سنه العاشورك
يبن الولي ونور الله مــصــدر نورك
غصبـــن على العــاداك عالي سورك
ونزورهه الجنّه إذا نزورك
بالعيون ... ننطر أملنه المنتظر
بالعيون دمــعـــه المحرّم وصُفر
..............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة أنصار الحسين عليهم السلام
كلمة شرف ننطيك يبن الزچيه
والموعد بعــاشـــور بالغاضريه
..................................................................................................................................
بالحومه ما تحتار عد عينك إحنه
بسمك يبو السجاد يالغالي صحنه
گد ما خذانه الشوگ عالفطره رحنه
إحنه لجل عيناك نهوى المنيّه
..................................................................................................................................
يتراجف الميدان من يجي العاشر
وعدوان أُميه تحير عدهه العساكر
سعفه بمهب الريح حالتهه باچــــر
أين المفر نصيح يا آل أُميّه
..................................................................................................................................
والرُفع سبعه اشداد نگلبهه بيهم
باچر تميل الگـــاع لمّــــن نجيهم
بعون الله بالميدان يسكت حچيهم
باچر نرد صفين والخيبريه
..................................................................................................................................
بعيونك بعاشور يبن الولي تشوف
حيَّ اعله نصرك غاد نتحزم صفوف
شبه الرجال إعداك لازمهم الخوف
عدنه الشجاعه أنواع مثل السجيّه
..................................................................................................................................
من راية العــبـــاس ناخـذ عزمنه
حي الله أبو النوماس رافع عَلَمنه
وشما تكون إعـــــداك لا ما تِـهِمنه
عدنه الشهادة اوياك أكبر قضيّه
..................................................................................................................................
نقسم قسم للموت كل إحنه أنصار
غيرك يبو الســجـــاد ثق لا مَنختار
عشنه بكرامه اوياك وبفضلك احرار
تفديكم الأرواح يهل الحميّه
..................................................................................................................................
لا ما نطخ الراس لو ضدنه صوبين
بغيرك يبو الأمجاد ما تنملي العين
نبض الگلوب يصيح عونك يالحسين
ونقدّم الأعمار لجلك هديّه
..................................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة القاسم بن الحسن عليهما السلام
عرس الشــهاده بكربلـــه بعاشر محرم
يالقاسم شموع العرس تتحنّـــه بالدم
........................................................................................................
كربلاء وموعد الحومه يناطر
الك يا شبل الحسن لو صار عاشر
من وصية والدك تقراهه باچر
توفي عمك ما تهاب امن المخاطر
عندك مهمه بكربله والباري أنعم
يالقاسم شموع العرس تتحنّـــه بالدم
........................................................................................................
من طلعت امن الخيم عمّك تگله
ارخصني عمي يلّي ما ترضالي ذله
تودعك رمله وبچت معذوره رمله
لو بچت دم هالمصيبه ماهي سهله
امودّع تگـلّـك بالسلامه النَصرت العَم
يالقاسم شموع العرس تتحنّـــه بالدم
........................................................................................................
فارس وللموت طالع ما يهمّك
كثرت العدوان لو تلگاهه يمك
اترخصت من الحسين وصاح عمك
هلا يا شبل الكريم ودمّه دمّك
ناوي الشهاده وبالشـــهاده دوم تحلم
يالقاسم شموع العرس تتحنّـــه بالدم
.......................................................................................................
ابعمرك وخل يفتخر كلمن بعمرك
للشباب إنته مثال وعالي قدرك
تفتدي هاي القضيه وهذا نصرك
رايح العرس الشهاده تفدي نحرك
ولكل جَرح تدري الحُسين يصير بلسم
يالقاسم شموع العرس تتحنّـــه بالدم
........................................................................................................
ساعة الصارت عليك اعداك صوبين
منك اقتربت منيتك يا ضوه العين
سلّمت آخر سلام بگطعة البين
وبالدمع رد السلام اعليك الحسين
ودموعه من عينه جرت ساعت السَلّم
يالقاسم شموع العرس تتحنّـــه بالدم
.....................................................................................................
للشهاده دروس يلدمّك كِتبهه
ألف هنياله البذل نفسه بدربهه
نعم أمك ذاب بالحسره گلبهه
بس وصية والدك هذا طلبهه
عطر الشهاده إمن النحر يالغالي ينشم
يالقاسم شموع العرس تتحنّـــه بالدم
........................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة مولاتي أم البنين عليها السلام
يا موت إخذ روحي ... حتى الگه مذبوحي
مشتاگه لحسين
.............................................................................................................................
آني أم البنيــن وهالطلب منّـي
طال الإنتظار وما خلـص ونّـي
أرحّب بيك أنا يا موت صدّگني
ما دامك تجي ولحسين تاخذني
من تاخذ اسنيني ... توصّلني لحسيني
وسنيني لحسين
.............................................................................................................................
صبرت وكابرت والشوگ مو عابر
يگظي اليــوم أگولــن أنتظر باچر
مشه ضعن الأحبّة وگلبي ظل صابر
على جمر الحزن صبـح ومسه يناطر
كل عمري أنتظره ... حسره بعد حسره
حسراتي لحسين
.............................................................................................................................
مو بس أربعة لو عشرة أولادي
أنذرهم سوه الريحانت الهادي
چانت شوفته آمالـــي ومْرادي
الدنيه بوادي كلها ودمعتي بوادي
أزرع ورد دربه ... لن فرگته صعبه
كل نذري لحسين
.............................................................................................................................
نعم يا موت نار بمهجتي الأشواگ
إخذ روحي الگظت من كثر ما تشتاگ
شحسبهه الجروح جروحي كلها اغماگ
مل مني الصبر والكون الأوسع ضاگ
من سافر الغالي... حال الحزن حالي
أحزاني لحسين
.............................................................................................................................
خلهه تموت روحي وما تظل اتنوح
من عاشر محرم ميته بيّه الروح
عشت بس الجسد ومناطره المذبوح
أنفاسي مواجع وانتظاري جروح
من تنتهي ايامي ... تاخذني للظامي
أيامي لحسين
.............................................................................................................................
تقرّبني يموتي لو إلك جيّه
من العاف أكثر من جرح بيّه
حسين وبالدمع أنعاه ليليّه
عزيز الطاهره الراضيّه المرضيّه
يا موتي نمشيله ... والموعد الليله
ملهوفه لحسين
.............................................................................................................................
چانت أُمنيه لو گبري يم گبره
نسيم الهاب منّه يزورني بعطره
حسين العنده ظلّت بالگلب حضره
شگد مشتاگه أشوفه هواي منتظره
ما ترجع ظنوني ... لو شفته بعيوني
وعيوني لحسين
.............................................................................................................................
خادم الإمام الحسين عليه السلام
عمار هليل الواسطي
قصائد محرم الحرام للسنة الهجرية ١٤٤٧
ليلة الوداع
هالليله يحسين اوياك ... باچر اشيحمل فرگاك
تحاچيني يا ماي العين
هالليله بس باچر وين ... باچر اشيحمل فرگاك
................................................................................................
يبن أمي هالليله بدمع نتوادع ومن يدري
باچر يخويه بكربله شيصير يا ضي عمري
أصبر واشوفك يا شهم توصيني خويه بخدري
تدريني أظل امحيره صبرك تشد بي صبري
ريت الصبح لا مرني ... ينگطع باچر ظني
يا خويه تحصلّي منين
هالليله بس باچر وين ... باچر اشيحمل فرگاك
................................................................................................
مكفوله جيت الكربله براعي الفضل يدروني
هاي اخت عباس الگمر وامدللـه ايسموني
وعيونه تربي المحملي سهرانه لجل عيوني
شيصير بيه لو شفت مكطوعه منه ظنوني
باچر تغمض عينه ... ويتكطعن چفينه
محلاهه ذيچ الچفين
هالليله بس باچر وين ... باچر اشيحمل فرگاك
................................................................................................
بين الخيم يا مهجتي شفتك وگلبي تفطر
تتفگد الليله الأهل وللمعركه تتحضر
طالت يخويه صفنتي بس بالصبر أتصبر
لحظة الشفتك يا شهم گاعد تحاچي الأكبر
يحچيلك وتحچيله... والليله آخر ليله
والموت ينطر روحين
هالليله بس باچر وين ... باچر اشيحمل فرگاك
................................................................................................
أصعب بعد يا سلوتي شفت الرباب بعيني
تناغي الطفلهه بالمهد چن هاجسي يحاچيني
باچر النبله بمنحره بينه تحول وبيني
شيصبر أمه عالبعد العبد الله فدوه سنيني
هذا الرضيع شذنبه... والعطش فطّر گلبه
وبيا بخت يگصي البين
هالليله بس باچر وين ... باچر اشيحمل فرگاك
................................................................................................
عادت الأم اعله الولد هيه التنشف دموعه
رمله لعد جاسم إجت تعلگ لعرسه شموعه
ما تدري باچر حنته دمه وتظل مفجوعه
ونتهه باچر عالابن مخفيه ما مسموعه
گعدت الليله يمه ... اتقبّله واتشمّه
ليل وجمع هالگلبين
هالليله بس باچر وين ... باچر اشيحمل فرگاك
................................................................................................
يا خويه هالليله بقت يمي وأشوفك حاضر
خل تشبع عيوني بعد ويصبر دليلي الشاجر
باچر مثل هذا الوكت المن الروح تباصر
أحاه يفراگ الأخو أحاه يفجعة باچر
وياك گلبي الليله ... باچر منو يشد حيله
يمي وأشوفك يحسين
هالليله بس باچر وين ... باچر اشيحمل فرگاك
................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة سيدي ومولاي القاسم بن الحسن ( ع )
رحت وخذاك الموت من بين إديّه
وتـلاگــن بــفــرگاك عــرس ومنــيّــه
.....................................................................
ريشه بمهب الريح روحي بمصابك
أطفيها بالدمـــعــات شمعة شبابك
يالحنّتك تــنــداف من دم خِضابك
دارت عكس دنياي بالغاضريه
.....................................................................
نص دينك وتـمّـيـت والثاني نِـصّه
كمّلته من إدماك والحومه فرصه
سيوف العده بعاشور هم الهه حصّه
كل طعنه طاحت بيك يوليدي بيّه
.....................................................................
عمك ينوح اعلــيـك يوليدي شفته
شاف الحسن مذبوح ماشافك انته
تشبه لهيب إظماه طلعـــت حسرته
چم لچمه راح ايشوف روح الزچيّه
.....................................................................
صـدگـنــي يا جســام گلـبـي عِلَمني
رحت وگلــــت للروح ما يرجع إبني
عيوني ابمسير ادموع يمّـــك خذنّي
أتعثر بممشاي طحت ابرزيّه
.....................................................................
مثل الشمع ظليت حيره اختياري
هم أبچي من فرگاك هم بيه ناري
مو بيدي يا جسام حكمي وقراري
بيد الله والمقسوم واجب عليّه
.....................................................................
عگبك لفاني النوح والحسره عاده
حد عمرك المكــتوب والباري راده
انته الجمعت اثنين عرس وشهاده
وآنه الجمعت اثنين ثكلى وسبيّه
.....................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة أنصار الحسين ( عليه السلام )
أنصارك وبحمـاك بالغاضريّه
لآخر نفس ويّاك يبن الزچيّه
.......................................................................................................................
گول وفعل للموت والغيره عدنه
كلمة شرف ننطيك بالطف عهدنه
يحسين الك أنصار بالحـــق بعدنه
ننزل حجر سجيل فوگ آل أُميّه
.......................................................................................................................
عابس حبيب وجون نوفيلك الدين
أنصارك وحــيّــاك تأمرنــــه يحسين
عن الخدِر والله ما تــغـــمــض العين
واعله المخيم سور للهاشميّه
.......................................................................................................................
غيره وحميّه وزود أنصارك أنصار
خل كربلاء اليوم تنـقـلـهه الأخبار
صح بالعدد سبعين نرفعهه الأشبار
بس نفزع بعاشور واحدنه مِيّه
.......................................................................................................................
كلمن حضر بحماك وبگلبه حاله
من دمّه يرسم غاد لوحة جماله
والناصـِــر بـعــاشــور جلَّ جلاله
نصر الخلود يصير أشرف قضيّه
.......................................................................................................................
بالدم يبو السجاد يا رفــعة الراس
وقّـعـنه كلنه إوياك ونثبّت الساس
إي والرفعهه بزود بچفوفه عباس
رايتنه للأمجاد تنطي الهويّه
.......................................................................................................................
يبن الصميده اعليك معقوده الآمال
إنته المدد يحسيــن يا فخر الرْجال
بالحومه والعــبــاس تلگانــــه زلزال
ونكرر بعاشور الخيبريه
.......................................................................................................................
خل يكتب التاريخ صفحات الأمجاد
وتقراها بالأجـــيــال أحـفـــاد الاحفاد
وبكربله نــفــديـــك يــا أبــــو السجاد
دمنه وغلات الروح أبسط هديّه
.......................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
ليلة مولاتي أم البنين ( عليها السلام )
ما يرجــع بـعـد واتأكـدت زيـن
خلّي الموت ياخذنـــي للحسين
.....................................................................................................................
حياتي إبلا حُسـيــن تألمـت بيهه
وحشه أيامـهــه وصـعبــه لياليهه
لأن كل لحظه روحي تريد غاليهه
ذبلت ماكو غيـــر حسيــن يرويهه
بس المــوت يجمع بين روحين
خلّي الموت ياخذنـــي للحسين
.....................................................................................................................
من آخر وداع وگلبــي ظل حاير
يگظي اليوم أگولـــن أنتظر باچر
ما تِـقــنــع الروح بكلمــة امسافر
ثلاث سنيــن گـــوه ظلــت اتكابر
مَدام الوكــت فارَگ بيــن گلبين
خلّي الموت ياخذنـــي للحسين
.....................................................................................................................
هجير الروح ما يطفه بمدامــع دمْ
وظنون البُـعد حيره وعذاب وهَـــمْ
إجانــــي بيا مصيبه بشر ابن حذلم
نعه أربع بنــيــنــي وگـــتله ما أهتم
گتله حسين روحي ومهجتي وين
خلّي المـــــوت ياخذنـــي للحسين
.....................................................................................................................
لبس عمري السواد وما خلص حزني
تمنيـــت الأجـــل لحســـيــن ياخذني
هِـدَم حيلي رحيله وما خلــص ونّــي
عشت محتاره بــعــده والظهر محني
شيّبني الحزن گد عمري عمرين
خلّي الموت ياخذنـــي للحسين
.....................................................................................................................
قليل شمــا فديــته حسيــن يستاهل
أنذر كـــل بــنــيــني والگــلــب قابــل
لو عـشــــريــن زلـمــه مثل أبو فاضل
فـــدوه للســبـــط كافـــل وره كافــــل
مثل حســيـــن ما ينعاد مرتين
خلّي الموت ياخذنـــي للحسين
.....................................................................................................................
وحق أربـــع بنــيــنــي الموتي منتظره
بأمر جــل جــلاله وآنـــي عِــــد أمـــره
كل لحظه چـــنــت للأجـــل مِـتـحَضره
موعد عـــــنـــدي وَي ريحــانــة الزهره
مثل هالنعمه بالله تحصل إمنين
خلّي الموت ياخذنـــي للحسين
.....................................................................................................................
إلى حــد إحتـضـاري وروحي ملهوفه
گلب ولســــان أقــــره بأربـــع احروفه
وحق عباس أخــــوه وگطعت إچفوفه
تعمه اعيوني إذا ما تـــــرجـــع إتشوفه
إمامي ونور وجهه ضوه لكل عين
خلّي المــــوت ياخذنـــي للحسين
.....................................................................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصائد محرم الحرام للسنة الهجرية ١٤٤٧
الخدمة الحسينية المقدسة
خِدّامك يبن الزهرة .. صرنه اويا أحزانك عِشره
..........................................................................
نحسب ونعد ليامك
نتباهه نظل خدامك
لا ما ننساهه آلامــك
حزنك بالروح اشكبره
..........................................................................
نكتب عهــدك بدمانه
انحسبك عايش ويانه
عد عيــنــك ثق تلگانه
عاشورك خالد نصره
..........................................................................
جيل الجيل تظل رايه
مرفوعه وحبــك غايه
يحسين إحنه الوفّايه
نافذ عهدك كل فتره
..........................................................................
عِشرة وتجمعنه الدمعة
تحضر مجلسنا البضعة
يوم الطف أعظم فجعة
أحزان ونوح وحسره
..........................................................................
نعيش بحزنك إحساسك
ونوافـــي ونرفـــع راسك
طــلاب وعـــد عــباســـك
نتعلم منه الفطره
..........................................................................
نهواك وربنا العالِم
ونتأمل يــوم القائم
بيش يجازيك الخادم
نعجز يا نور العتره
..........................................................................
يا سيــدنه ومــولانه
عاشورك بينه أحزانه
دوم بأمـــــرك تلگانه
بإذن الله ورب القدره
..........................................................................
خادم الإمام الحسين عليه السلام
عمار هليل الواسطي
قصائد محرم الحرام ٢٠٢٥
قصيدة { أحتار }
في ذكرى شهادة سيدي ومولاي الإمام جعفر الصادق عليه السلام
أحتار ... نار بداري تلهب شافت العين
أحتار ... من أذكر مخيم جدّي الحسين
………………………………………………………………………………………………………………………………………………
كل فاگد يلچمه الحـزن ... للذكـــرى تدمع عينه
بالأخص لو فارگ محب ... يسوه العمر واسنينه
بلسانه بس كــلـمه تظل ... أحـاه يَـكِـلـمــةْ ويـنه
والذكرى آني ودمْـعِـتي ... الطَــفْ كربله اتودِينَه
أعبار.. ترجع بالسنين الگَـطْـعَت البين
أحتار ... من أذكر مخيم جدّي الحسين
………………………………………………………………………………………………………………………………………………
يدروني جدّي المنذبح ... عـطـشـان ويعــادوني
والحرگ الخيام بحقد ... بـهـذا الفـعــل رجعوني
من إسمعت صوت الحرم ... تـصـــرخ تغيّر لوني
چن شفت زينب عمّـتـي ... وداعت علي بعيوني
والنار ... ما خلت أثر من الصواوين
أحتار ... من أذكر مخيم جدّي الحسين
………………………………………………………………………………………………………………………………………………
عالدار من جمعوا حطب ... نار الحقد مضرومه
إسْتذكرت واشچم جرح ... بي مُـهْـجـتي مهمومه
إسمين صحت بحسرتي ... وبـنـبـــرتي الملچومه
يـحـسـيـــن مره وثانـيه ... يا فاطمــــه المظلومه
أقدار... دارت بالعكـس حسره بحسرتين
أحتار ... من أذكر مخيم جدّي الحسين
………………………………………………………………………………………………………………………………………………
اللّه اليساعد مُـهجتك ... يا جــدّي يــوم الـعاشـر
بس اعله نيران الخيم ... مـعـذور يِـعــمَه الناظـــر
لا طفلي ذبحوه بين إدي ... لا صدري داسه الحافر
شيسوي گلبي اشما صـبـر ... مو مـثــل گلبك صابر
آثار ... مكتوب بدمع ما بين گلبين
أحتار ... من أذكر مخيم جدّي الحسين
………………………………………………………………………………………………………………………………………………
أيامي ما شافــن فرح ... كلهن حــــزن مِتواصل
حتى الليالي بلا ضوه ... من حد خسوف الكافل
عمري طـفـوف وكربلـه ... بُـعد الزمـــن مـو فاصل
عايش محرّم والدمع ... ترْجم عــذابـــي الحاصل
تذكار ... شايف هالمسه ما بين نارين
أحتار ... من أذكر مخيم جدّي الحسين
………………………………………………………………………………………………………………………………………………
أيامي مـعـدوده صـفـت ... حزني وصَـف أيـامـي
لا دمعه گطعت حسرتي ... لا دوه يـفـيــــد الآمي
نار الّي بالدار إسعرت ... رســمــت خـيـــم گدامي
آني أدري بالسم أنكتل ... بس ردت أموتن ظامي
إيثار ... روحي ومهجتي وعيوني الاثنين
أحتار ... من أذكر مخيم جدّي الحسين
………………………………………………………………………………………………………………………………………………
أنفاسي خطــوات الأجل ... ما نشف جفني الدامع
كل دمعه صوره من هلي ... هيچ الوحـيـــد يباوع
يقترب مـوتــي وأنـتـظر ... لأحبــابــي راجع راجع
بلكت تــهـوّد حـسْـرتــي ... ويرحل ونيــني الفازع
للثار ... جرحي وكربله بالروح جرحين
أحتار ... من أذكر مخيم جدّي الحسين
………………………………………………………………………………………………………………………………………………
خادم الحسين عليه السلام
عمار هليل الواسطي
قصيدة { دنيا العجائب}
في ذكرى شهادة سيدي ومولاي الإمام جعفر الصادق عليه السلام
ما نصفتك يا حيف دنيا العجايب
يالأســســـت للدين فخر المذاهب
.................................................................................................................................
يا ســادس الأطهار ليلة مصابــك
مشتاگه هاي الناس تشتــم تُرابك
مامن ضريح شلـــون توگف إبّابك
يالصادق وعانيت من هالمصايب
.................................................................................................................................
حي ميت وعانيــت منهـم يمـولاي
معلومه والأسباب يا سيـدي اهواي
واليــبـغــض الكـــرار مينصفك بهاي
والغدر والأحقاد طبع النواصب
.................................................................................................................................
يالشرّعت دستـــور واضــح للأجيال
جعفري المذهب صار مضرب للأمثال
وبعصرك اشجازوك والحاقــــد إشنال
حرگوا عليك الدار يبن الغوالب
.................................................................................................................................
حرگوهه ألف يا حيف وبـغــدر سَمّوك
والظلموا السبــقــوك حـتــمــاً يظلموك
ظنــهـــم ابهالأفــعــال گـــدروا يهزموك
بس الحقيقه تفوز رغم النوايب
.................................................................................................................................
بسْمَرَت مــنـهـا حلوگ خِرست لِسنهه
مجدك بقه وميــمــوت بالغصب عنهه
بس شــيـعــتــك لليــــوم دايم حزنهه
حيف القبر هدموه فوگ الترايب
.................................................................................................................................
مو عجب طـبــع إعــداك ظلّت تـنافـق
شلون الثره يـنـقـــاس وي جبل شاهق
غـصــبــــن عليهم عاش جعفر الصادق
واليفتهم معناك يحچي التجارب
.................................................................................................................................
بالحشر غاد يصير لخصومك احساب
كلش صعب وهناك تكشفهه الأسباب
والقاضي ربنا يصير يحكم عالأذناب
كل ناصبي بالنار الله اليحاسب
.................................................................................................................................
خادم الإمام الحسين عليه السلام
عمار هليل الواسطي
قصيدة ( رحيلك ) طور كربلائي
برحيلك ضجّت الأكوان يحيدر والأجل زارك
نــعــم يالتـِكـــرم الخطار ملك الموت خطارك
………………………………………………………………………………………………………………………………………………
وجود الكون والمضمون أصبح يا علي بچفّك
والموجود كلّه يعود وصفـــه إمطابق الوصفك
كيان الدين يا بو حسين واگف هالمسه ابصفّك
لحظات وهمست بصوت
يحيدر من دعيت الموت
إجاك برهبه راد ايفوت
ترخّص منك ومرخوص گتله وأمّن بدارك
………………………………………………………………………………………………………………………………………………
يسيف إتهاب منه إرگاب كلهه إتصيحله ادخيلك
حيلك ينـهـــدم والنــاس شــدّت حــيـلهه بحيلك
راح الراح من مـصــبــاح باچـــر وإنـخـتـــم ليلك
نظام الدنيه يتغيّر
سماهه تصب دمع أحمر
كلهه تصيح يا حيدر
دخيلك لا تفارگنه عليك بجوهر أسرارك
………………………………………………………………………………………………………………………………………………
وحشه البيت واشخليت رحيلك يا علي الأصعب
الحسن وحسين مجره العين دم وخدهم تخضّب
زينب يتّماهه البين أحاه يا هضم زينب
بثوب أسود تلاگي العيد
بس يا عيد وإنته ابعيد
هضيمه وحيف يا صنديد
جمر حزنك فلا يخمد وأبد ما تنطفي نارك
………………………………………………………………………………………………………………………………………………
خضيب الهام والأيتام يم بابك تجر حسره
تودعك يا علي الليله نار گلوبهــــه أموجره
عليهم آخر اللحظات چانت يا علي النظره
توصّي أُولادك إعليهم
يتامه وإنته واليهم
صعب لمن تخليهم
بهضم يا والد الأيتام على الخد تجري أعبارك
………………………………………………………………………………………………………………………………………………
يحامي الجار وشتختار أمرك نافذ وصاير
ملك الموت إجه اعله الصوت واگف يمك وحاير
گلتله اتوكل اعله اللّه وإخذ روحي بگلب صابر
أمر اللّه وعَلَيْ واجب
أنفذ والگلب حاسب
لهذا اليوم وامراقب
أفوض أمري للباري روحي بأمره تتبارك
………………………………………………………………………………………………………………………………………………
يعالي الهام والإسلام نعاك بعالي حسراته
والقرآن يالقرآن يمك يبچي آياته
الليله أنبياء اللّه كلمن عاش مأساته
حضرت كلهه أحبابك
وگفت يا علي إبْابك
مدمع دم على اخضابك
بچت وإختنگت بعبره وأمست مظلمه إديارك
………………………………………………………………………………………………………………………………………………
للمحشر تظل هالنار بگلوب الخلگ يا نار
ما تطفه بدمع جاري وحق طيحتك يا كرار
طبرتك جدّدت بيهه نار الضلع والبسمار
إمودّع يا علي الوالي
يضي نجومهه العالي
الغالي ويفگد الغالي
مو عجبه لون للموت بي يلهب وگد نارك
………………………………………………………………………………………………………………………………………………
خادم الحسين عليه السلام
عمار هليل الواسطي
قصيدة ( آخر أذان )
بصوتك يحيـــدر يرتفـع آخر أَذان
معناها يوم اموداعك يالغالي حان
………………………………………………………………………………………………………………………………………………
صوتك أَمان لكل محب عاش بأمانك
نبراتـك البــيــهــن طعم يشبه حنانك
والناس تدري تـعـوّدَتْ تـــســمــع أَذانك
حتى الفرض يحزن إذا يفــرغ مكانك
حتماً يحيدر نستمـــع نوح المكان
معناها يوم اموداعك يالغالي حان
………………………………………………………………………………………………………………………………………………
بعيونهم مــات الضــوه وبالروح حُرگه
أحـبـــابـــك اشتصبر بعد والفرگه فرگه
بــاب الفــقــيـر اتـعـوّد بـچـفّـك تـــدگّه
ملگاك هالــلـيـلـه جـــرح واشـلون ملگه
حتى الهوه الليله اختنگ يابو الحنان
معناها يــــوم اموداعــك يالغالي حان
………………………………………………………………………………………………………………………………………………
قصة الجرح تدري الجرح يكتب قضيّه
قصةْ عَـــدِل حاكـــــم فلا خان الرعيّه
لهذا السبب گاع وسمه مفجــوعه هيّه
تعرف بجرحك يــنــفــتـــح باب المنيّه
إنته الأمان ولو رحت راح الأمان
معناها يوم اموداعك يالغالي حان
………………………………………………………………………………………………………………………………………………
مو بس تصب دم الدمع تعمه النواظـر
يالما كسرت بدولــتـــك للنــاس خاطر
أيتامك تريدك تجي شـيـصـيــــر باچر
لو تدري عنــهــــه للأجــل نيتك تسافر
أمر الله يالغالي إنكتب آن الأوان
معناها يوم اموداعك يالغالي حان
………………………………………………………………………………………………………………………………………………
يم بابك الليله قصص تكــتــب يتاماك
عن ذكرياتك يا علي العاشــتـهــه ويّاك
حتى الاملاك إتواجدت بالمدمـــع هناك
ما شافتك طايح أبد مـعــذوره الأملاك
وتنادي كل هذا الألم وين النه چان
معناها يوم اموداعك يالغالي حان
………………………………………………………………………………………………………………………………………………
كلمن حضر گلبه إنفطر والحسره بالروح
وين الأبو اسمعنه الأبو هالليله مجروح
تصرخ دخيلك يا علــــي لا تمشي وتروح
أنفاسهه حــســره وألــم يم بابــــك تنوح
أكوانها انفجعت الك إنس اويا جان
معناها يوم اموداعك يالغالي حان
………………………………………………………………………………………………………………………………………………
آخر أَذان ومِــن بــعــد تسـبــيح الالام
نيران تــتــوجـــر حزن بگلوب الأيتام
بعد النبي بيا فاجعه ينـصـــاب الإسلام
كلشي نعاك بطيحتك ناســـــك و الأيام
وكلنه نجدد هالحــزن وبكل زمان
معناها يوم اموداعك يالغالي حان
………………………………………………………………………………………………………………………………………………
خادم أمير المؤمنين علي (ع)
عمار هليل الواسطي