-
مدرسة مادة الكيمياء للسادس العلمي..الأحيائي والتطبيقي مدرسة مادة الكيمياء باللغة الأنكليزية لمدارس المتميزين والمتميزات
https://youtu.be/mxycid6oUek?si=175lI9LOKyf-MY9J
Читать полностью…
https://youtu.be/uAuPqvxW9J8?si=i_-XUkAAEAyz4V6e
Читать полностью…
https://youtu.be/GVl3FjmM1cg?si=RST_Ce7L63fe8Q98
Читать полностью…
https://youtu.be/aCMiDz8OutU?si=INOjOxgBUJ0fpW7q
Читать полностью…
السلام عليكم احبتي طلاب الخامس العلمي المتميزين 🩵
إليكم محاضرات الفصل الرابع مادة الكيمياء شرح مفصل لجميع مسائل وقوانين الفصل
علما ان محاضرات الفصل الأول والثاني تم رفعها على اليوتيوب سابقا...وسيتم بعونه تعالى نشر محاضرات الفصل الخامس والسادس في الأيام القادمة
بالتوفيق أحبتي ونسالكم الدعاء 🩵
💠محاضرات الفصل الرابع كيمياء الخامس العلمي
للمتميزين باللغة الإنكليزية/ الأستاذة وجدان علي:-
💠المحاضرة الاولى:-
https://youtu.be/eR242ETz4gY?si=jMS7x0usuWRt4Y2b
💠المحاضرة الثانية:-
https://youtu.be/ox4NDGtYgrQ?si=Y_NzzvvsGd1kY4iW
💠المحاضرة الثالثة:-
https://youtu.be/ilu__Bzrayk?si=7r0PBs0VWQo19fsx
💠المحاضرة الرابعة:-
https://youtu.be/6-E4sH_5T00?si=vmqigsYCr13OzS9h
تبليغ ....تلغى جميع محاضرات الأستاذة لهذا اليوم (الحضوري والالكتروني )
Читать полностью…
ست اني قبل سنة تقريبًا جنت يم غير مدرس وشرح الفصل الثاني جنت كلش خايفه منه بوقتها وخايفه من الجداول وفرضيات الاتزان وجنت اكول عليه كلش صعب وما افهم فكرته، اليوم من خلصنا الفصل حسيت براحة كلش جبيرة بداخلي وحسيت بطمأنينة وحسيت بكمية المادة العلمية والحلوة الي دتوصل لعقلي وتخليني افهم بأمانة كلش جبيرة بدون حرف نقص بي، كلش فرحانة ست واندعيتلج هوايه وجدًا ممتنة لأن عبرت هذي الصعوبة الي جنت مخليتها بعقلي والفضل لرب العالمين ثم فضلج علينا ست اجيت اعبر الج عن فرحتي وان شاء الله ارفع راسج بالمية مالتي بيوم النتائج، انتي أمنا قبل لتكونين مدرستنا وشكد محظوظين احنا بهيج ام
احبج ست شكرًا جزيلاً
الاسم: محمد رعد كاظم
المدرسة: ثانوية القيروان للمتميزين
معدلي98.57 بدون اضافات ومع الاضافات يصير 100.4 ودرجتي بالكيمياء 99.
حقيقة ست التعب و الاخلاص الي بذلتيه يستحق الثناء وكان حرصچ علينه ومعاملتچ النه كابناء شي واضح نقدره في انفسنه... شكرا ست لكلشي قدمتيه ولتدريسنه الكيمياء بافضل الطرق الممكنة 🩵
حسين عادل
ثانوية الصدرين للمتميزين
معدلي ٩٩ بدون اضافات
درجة الكيمياء ٩٨
شكرا ست على كل شي قدمتيه ابد ماقصرتي من محاضرات و مراجعة و مواقف كلش حلوة ابد مارح تنسي و خصوصا بالاعادة و السنة الثانية انتي افضل سند چنتي من البداية الى الان و بامتحان الكيمياء لحد هسه اتذكر حچايتج انو تحتار شتترك و بالفعل احتاريت شترك.
أفضل انسانة و أستاذة كيمياء عرفتها بحياتي 🤍
السلام عليكم ست..
اني حسين علي عبد الكاظم من متميزين واسط ومعدلي بعد الإضافة 99.76 شكرا جزيلا على كلشي وماقصرتي ويانه ابد وجنتي حريصة علينه بكلشي من ناحية التدريس والواجبات والاسئلة الصعبة😅
وانتي اكثر مدرسة انطت المادة حقها وماخليتينه نحتاج احد ولو درجة الكيمياء مو بالاستحقاق 95 بس الحمدلله على كل حال اهم شي سوينه العلينه وان شاء الله نجيكم قريباً ❤️
مرحبا ست،انا زينب حارث
من ثانويه نينوى للمتميزات
معدلي بدون اضافات 98.43
ودرجتي بالكيمياء 98❤️
الف الحمدلله تقريبا كل الكليات العراق الا وحده اكدر افوتها.
جنت كلش خايفه من الكيمياء بس الحمدلله بفضل توفيق الله ثم تعبج ويانه هو الي وصلني الى الاني بي هسه.
كنتي داعمه نفسيه النا قبل لا تكونين داعمه دراسيه،كنتي ام قبل لا تكونين مدرسة.
اگدر اگول وبكل ثقه الكيمياء كانت اسهل ماده بالنسبه الي ع طول مده السادس وحتى ليله الامتحان،الكل گعد يفكر شلون حيدرسها ليله الامتحان بيوم ونص الا طلابج خلصوها وباقي وقت،وبافضل الحصائل.
طالبتكي زينب❤️❤️
مؤمل حميد
متميزين الديوانية
100.8 مع الاضافات
100 كيمياء بفضل ست وجدان
السلام عليكم ست شلونچ ان شاء الله تكونين بخير ست اني احمد تحسين الحمد لله معدلي 98.57 مع الأضافات يصير 100.5 والله ست چان الچ فضل كلش چبير بالنسبة الي بالسادس و مراح انسى طول عمري ❤️❤️
Читать полностью…
هلو ست اني أسلْ محسن
ثانوية الرباب للمتميزات /واسط.
دخلت عندج بشهر 12 يوم 4 ببداية الفصل الرابع وبفترة قليلة صرتي اعظم مدرسة مرت عليه🫶🏻✨
ما جنت فاهمه اول تلث أفصل وفهمتهن من المراجعة المركزه مال2022اللي نشتريهم قبل امتحانات نصف السنة
وهسه كملت الأمتحانات على خير الحمد لله رغم صعوبة الأسئلة هالسنة وطلع معدلي 97,86ومع الإضافة يصير99,99 وإن شاء الله يقبلوني طب واسط بمحافظتي🥺🫶🏻
ست لو شگد أحجي ما أوفي حقج صدك مُدرسة وأُم وتتعبين ويه الطالب لحد ما تدخل الفكره براسه،وهسه ما خليت طالب ما كتله إدخلْ عند ست وجدان 🤍.
ودرجتي بالكيمياء96😅 ست الصراحة جنت خجلانه منج فما راسلتج ومنتظرة القبول إن شاء الله 💞
جزيل وكثير الشُكر إلج ست ،الكيمياء من أصعب المواد وصارت حلوة وممتعة وياج ست ما قصرتي الله يحفظج🤍،وإن شاء الله الموفقية والمعدل العالي لطلاب2024✨💕.
الاسم :مجتبى ثامر شمال
المدرسه :ثانوية واسط للمتميزين
المعدل (دون اضافات) : 99.86 (الاول على العراق )
اللقب : The best
ابرز الانجازات : 6 سنوات متتالية لم اتزحزح عن المركز الاول بإرادة الله وحده
ست سنوات في ثانوية التقيت فيها باخوتي الاحبه وقضيت معهم اجمل اللحظات ليكونوا خير رفقة وخير صحبة خلال هذه الفتره المنقضيه .
وان أوان المكافآت والفرحات.
فخيرا ارجو لكم اخوتي الاعزاء ....
وأما بعد....
وبعد شكر الباري (عز وجل) على ما أنعم به من خير ،ورحمته التي لا تنضب ،وفضائله الشامله ومننه الجليله..
حان الوقت احبتي لتعلموا سبب قوتي وشدة شكيمتي، سبب استمراري وارادتي ،مصدر شعاعي ونور مهجتي الا وهي أمَي ومدرستي وسيدتي ، نعمة من نعم الرحمن ،كيانٌ يبعث في نفس من سكن في فؤاده الأمن والامان ،حتى كان خير برهان على سمو رونق من عرفت بملكة الكيمياء .
أستاذتي (وجدان علي) الغاليه :فلتفرح المحاليل ولتتغنى العضويات ،ولترقص الهاليدات، وليبتهج واضعوا كتاب الكيمياء أنه على الرغم من جهلهم فيما وضعوا إلا أن هنالك وبعد طول انتظار شخص جدير بحمل قبس هذا العلم البليغ إلى اجيال المستقبل ،امينٌ في نقل المعلومات ،حريصُ حرص الأمهات ،رفيع الخلق وكريمٌ في الحب والعطاء والإحسان .
امي العزيزه :إن وجدت في هذي الكلمات المتواضعة قصرا أو بخسا في حقك فاعذري جهلي ،لان ما تعلمته في كتاب الحياة من الحان لا تجرؤ على وصفك بما تمتلكين من روعة وزُهُوٍ ليس بسيان عند بني الإنسان .
واعلمي سيدتي أن تراكيب الكلمات بالكاد تعبر وبتواضع تام عن ما يحمل القلب لك من امتنان.
كم أحسد طلابك الآن على ما سيشعرون به من الاطمئنان حينما يعرفون من انت حق العرفان .
وفي الختام ....
احمد اله الأكوان عليك يا فرحةً في زمن الاحزان .
هذا الكلام لامي العزيزه واستاذتي الغاليه وجدان علي،
_السبب الذي جعل هذا الطالب المتواضع قمة تطمح إليها الاذهان _
ولم ولن يليق هذا المكان الذي تشغلينه في قلوب ابنائك لغيرك من الاقران .
دمت يا سيدتي هرماً راسخاً ونخلة شامخة بحق الرحمن .
لك فقط يا أمَي وفقط لك...
https://youtu.be/kY8O7GdMzFs?si=xiGCWIEpw--Vn7gn
Читать полностью…
إلى احبتي طلاب الخامس العلمي / المنهج العربي 🩵
إليكم محاضرات الفصل الرابع مادة الكيمياء شرح مفصل لجميع مسائل وقوانين الفصل
وسيتم بعونه تعالى نشر محاضرات الفصل الخامس والسادس في الأيام القادمة
بالتوفيق أحبتي ونسالكم الدعاء 🩵
https://youtu.be/38R_qCkBlCs?si=vkVBSW_b2XRh5sD8
Читать полностью…
محاضرات الخامس العلمي / المنهج العربي / الفصل الثاني
بالتوفيق ان شاءالله احبتي🩵
تبليغ ..تلغى جميع محاضرات الأستاذة لهذا اليوم
Читать полностью…
بفضل الله...ختمنا الفصل الثاني للمتميزين 🩵...وغدا الفاينل بأذنه تعالى ..
والسبت الفصل الثالث💪
تهياوا احبابي 🙂
مرحبا 👋
اني نصري، هذه قصتي وية ست وجدان:
نهاية شهر التاسع قررت اسجل كيمياء خصوصي، بعد أن قضيت العطلة بالشغل، اصدقائي نصحوني اسجل يمها رح حجيت وية ست اتذكر حجت هواي كلمات انكليزي
(How are you, Tomorrow, Thursay, You are late, between 👀)
المهم خلصت التراكمات، بعدها تزاعلنا
بنهاية الفصل 6 لأن ممتحنت فاينل، ودرستني بلغة الأشارة 😂.
ست وجدان تعلمت منها هواية خارج
الدرس!
معدلي 97.2 بدون اضافات كيمياء 98
المدرسة: كلية بغداد الأعظمية
شكراً 🌹
رضا معمر مجيد
طالب ثانوية واسط للمتميزين
معدلي 99.57 و مع الاضافه 101.57
و درجتي بالكيمياء 99 و لو كلش قليله بحقج ست يا افضل مدرسه شفتها بحياتي شكد جنت اسولف بيج بفترة السادس كلها و الكيمياء الي جنت اشوفها اصعب ماده صرت اموت عليها و إن شاء الله جاي يمكم بطب بغداد
U.O.B.C.O.M🔥❤️🔥
السلام عليكم ست اني جعفر بشار
ثانويه واسط للمتميزين معدلي (٩٧) بدون اضافات و(٩٩) ويه الاضافات ودرجتي بل كيمياء ٩٥ ست حرفيا صرتيلنه ام ثانيه يعني جنتي اكثر من مدرسه من اكول ام يجوز حسبالهم الناس ابالغ بس هذا الواقع صح رزلتينه وحجيتي علينه وضيم وينك وصخام بوجهك بس جانت هاي لمصلحتنه وما اعرف شحجي وياج صح ما متشاوفين وبس من الاجهزه نشوف بعض بس جنتي كلش قريبه علينه ادعي الله ان يعلي مقامج و يحفظج ويوفقج وطول العمر يا رب وان شاء الله يطلعلي قبول حلو على القناه مال متميزين وكل هذا الحجي قليل بحقج ست يا اعظم ست وام❤️❤️❤️
الاسم:حسن هادي طاهر
المعدل:99.57 (بدون اضافة)
درجة الكيمياء:99
التسلسل:الثالث على العراق
المدرسة؛ثانوية المتميزين واسط
الحمدلله والشكر ست هذا المعدل كله بفضل رب العالمين اولا وفضلج ثانيا ماكدر انسى تعبج وكلشي سويتيه ويانه وماعرف شلون اجازيج وكلشي اسويه قليل بحقج ويارب نجازيج بالافراح ❤️
الاسم : محمد علي عبد عكار(ايليا)
المحافظة :واسط
المدرسة: ثانوية واسط للمتميزين
معدلي 99.61 مع الاضافات واعرف انو اني مقصر بحقج المفروض الاول على العراق بتعبج التعبتيه علينا بس قدر الله وما شاء فعل
الف شكر الج ست
هلو ست
اني احمد عبد الستار
ثانوية الانبار للمتميزين
معدلي 99.71
شكرا هواي ست على كل تعبج ويانا و ان شاء الله ما ضاع ، احلى دورة جانت بالسادس دورة الكيمياء و اكثر مادة حبيناها و ضبطناها و هذا كله بفضل الله ثم فضلج شكرا هواي على كلشي جنتي النا ام مو بس مدرسة و ان شاء الله كان النا اثر حلو تظلين تتذكرينا بي دائما 🤍
السلام عليكم ست
اني احمد حميد حبيت افرحج بمعدلي الي هوة 98.29 بدون اضافة ووية الاضافة تصير 100.2 والحمد لله.. ودرجتي بالكيمياء 99 الي لو ما انتي مجان جبت هيج درجة ورحم الله والديج ابد ما قصرتي ويانا بيوم،امتحانات ومراجعة شاملة
ربي ينطيج الصحة والعافية
السلام عليكم ست..
الحمد لله.. معدلي النهائي 100.86..
يعني باذن الله انقبل بكل جامعات العراق ..
شكراً جزيلاً على تعبج ويانا.. راجعتيلنا وعدتي المادة كلها وامتنحتينا الف مرة علمود تتاكدين وتتطمنين علينا..
انتي خير استاذة وخير ام وخير قدوة بالاخلاق والاجتهاد ربي الصحة وراحة البال ويحفظج ويحفظلج زهراء وتفرحين بيها ك احسن دكتورة يارب..
thanks for everything..🖤
اقروا هذا الدعاء بعد صلاة الفجر ثلاث مرات :
اللهم اني اتوجه اليك بنبيك نبي الرحمة واهل بيته الذين اخترتهم على علم على العالمين
اللهم لين لي صعوبتها وحزونتها واكفني شرها فأنك الكافي المعافي والغالب القاهر .
اللهم توفيقك لهم بحق محمد وال محمد
استودعكم الله الذي لا تضيع عنده الودائع