12771
نشر قصائد الشعراء والشاعرات + تلحين https://t.me/Wounds_AshuraOne
قصيدة الى الامام علي
#الشاعرة_العلوية_فضيلة_الموسوي
✧ــــــــــــــ ✦◈ ✦◈✦ ــــــــــــ✧
راح أبــونه الجان خيمتنة التلمنه
راح أبــونه وبــعده يطشر شملنة
✧ــــــــــــــ ✦◈ ✦◈✦ ــــــــــــ✧
منضرب گـالو علي براسه الصميدة
وسفه والضربه على الهامة مچيدة
وماكدر من دم جبينه يــرفع أيــدة
يـأذن أذان الـصبــح
وسفه راسه منجرح
وأحنة من بعدك يبويه ياهو ألنه
✧ــــــــــــــ ✦◈ ✦◈✦ ــــــــــــ✧
بسرعة فزعوله سوية أخواني كلهم
وصلو المحــراب يتــتهامل دمــعهم
لنه وسط النـاس متخــضب كبلــهم
وسفه گـــالو يالأبو
مرتمي طوله الحلو
ياهو وكت الفرض بويه يأذن النه
✧ــــــــــــــ ✦◈ ✦◈✦ ــــــــــــ✧
صاح الحسين الحسن تجي الشفيه
وعصب جـبينة ياخوية ابن الزجية
بداعت امك تجي راسه بين اديــه
طبرته تكطر دمه
وين عـنه فاطمة
جان شدينة جبينه بمعصب أمنه
✧ــــــــــــــ ✦◈ ✦◈✦ ــــــــــــ✧
صيح للــعباس خلي بسرعه يحضر
نشــيله انـه ويـتاك وهوه يالمشـكر
شلون لو زينب تشوفه ودمه يكطر
طــبرته ما تنحمل
ينكطع منها الامل
غيرة والي على بناتة منهو عدنه
✧ــــــــــــــ ✦◈ ✦◈✦ ــــــــــــ✧
شلون ياحيدر وسافه بسيف راسه ينضرب
وانت من نضرة عيونك هالدعيه يرتهب
بالغدر سيفه يرفعه وبصلاتك تنغصب
ضلمة الدنيه اصبحت
يوم بالدم خضبت
شيبتك يابو اليتامة التفزع النه
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيلة هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه
/channel/Wounds_AshuraOne
جديد #
فزاعية للأمير علي بن ابي طالب ع
_
اليوم اليوم _ مايل بيرغ الساده
ميت شيخهم _ وامكدره القاده
___
شال اليوم ابو كل اليتامه
عليه امنكبه وتبجي عمامه
يومك ياعلي يوم القيامه
( مكلوب الكون _ بتشييعه )
___
اهتز عرش الجلاله بطبرة الراس
وخلل بالكون صار وفزت الناس
المصيوب حيدر عوود عباس
( عالهامه _ خل تلطم هاشم)
____
يا سور الهواشم ضيعيناه
هذا الجان هيبتنه وفكدناه
علي مثل الحرز بس ماحويناه
( مضيعينه _ حماي الشيعه )
__
فكدك ياعلي هد حيل الإسلام
الكوفه تحن على ايامك يبو لثام
ابو للساده انته وقائد العام
( شيخ الشيعه _ محرابه ايون )
___
عليك اليوم ولدك دارت انكاب
وزينب ذكرت العصره الوره الباب
وصرخت يمه اجاج الغالي ابو اتراب
(و مطبوره _نصين الهامه )
___
بقلم مريم الصدر ✍️ العمل مهداة إلى صاحب الزمان عج وصدقه جاريه لوالدي وأخي رحمهم الله غير مبري الذمه من ينسب الكلمات لنفسه
لا أجيز حذف الاسم 🚫
/channel/Wounds_AshuraOne
گولات تعزیه للامام علي ع
وهاذ المات ــ هز رکن السماوات
ارتج الکون من گالوا علي مات
امشنه الیوم خنعازي العفیفات
امگابل کون ویه الهاشمیات
اترید ام عون ویاها مشرچات
ابوهه المات شیال الکلافات
ویه ام عون ونتنه اشتراکیه
کون ویاها نتگابل ابلطمیه
یسون الحچي شجعان دهریه
لو صار الحچي احچي ابعدالیه
{{ونتریاه ابیوم المحشر}}
ـــــــــــــــــــــــــ
تمت بعون الله تعالی
کلمات یاسمین الشموسي
نسالکم الدعاء
/channel/Wounds_AshuraOne
قصيده للامام علي عليه السلام. للاب
هيبه للوكت ردتك تضل ليــنه
غطاك الترب ماترجع أعليــــنه
●▬▬✿ــــ♥️۩♥️ــــ✿▬▬●
هيبه للوكت ردتك تبارينــــــــه
وسفه بساع ابونه غمضت عينه
حلم يرجع بعد وترد لياليــــــنه
شخصك غاب عنه ياهو يحمينه
●▬▬✿ــــ♥️۩♥️ــــ✿▬▬●
بعد فل الشمل طشار من رحتو
وعني للگبر يابوي حملتــــــــــو
بنيتكم غريبه ليش ماگــــــــلتو
بيتك خالي منك گود حاجــــينه
●▬▬✿ــــ♥️۩♥️ــــ✿▬▬●
لو عيد الفه وخطار يم بابــــــــك
شگلهم غاب عنه توجع احبابــــك
وولادك تون خ زيد عتابـــــــــــــك
حنين ومالفانه حيل ياذيــــــــــــنه
●▬▬✿ــــ♥️۩♥️ــــ✿▬▬●
ابونه الدللانه نريد كعداتــــــــــــه
حلوه ودافيه يامحله جلماتــــــــه
طولك غاب شو جنهن مضيعاتــه
بنياتك اجن للدار رد لينـــــــــــــه
●▬▬✿ــــ♥️۩♥️ــــ✿▬▬●
حلت بعيونك يانوم الگــــــــــبور
دلالي عليكم حيل مفطــــــــــــور
رد ياهيبتي وضويــــــــها هل دور
ضلمه بيوتكم جاليش ناســــــــينه
●▬▬✿ــــ♥️۩♥️ــــ✿▬▬●
✮شـا؏ـــرة اهل البيت الـﻋلويـه
✮ام بـــهاء الديـــن المــوســوي
/channel/Wounds_AshuraOne
قصيدة لشفاعة أميرالمؤمنين ع
من ديوان #انوار_الشفاعة_ج1
ماعندك شفيع بيوم الحســاب
بس حيدر علي يوقع هل الكتاب
مسجل بي سنينك
علي يحطه بيمينك
بس حيدر علي يوقع هل الكتاب
•───✧◐◐✧───•
يالعندك ذنوب وبيها محتار
تعال اتعنه واكصد علي الكرار
قبّـل عتبته واحچيلـه الأسرار
واعلن توبتك يم ابو الأحرار
وعوض ذيچ السنين
بدمعة اذرفها لحسين
مقبوله الأعمال بصحن ابو تراب
بس حيدر علي يوقع هل الكتاب
•───✧◐◐✧───•
مـاينفع عمل ماتُغفر ذنوب
اذا ميوقع كتابك المحبـوب
حظر حاجتك يلجاي متعوب
ميخليك حيدر تون واتلـوب
يكضي الحاجه بيده
ياالأسمه الصميده
تعال انخاه يالواكف على الباب
بس حيدر علي يوقع هل الكتاب
•───✧◐◐✧───•
لتغرك الدنيا وتمشي بيــها
مادامت لهلها اسأل عليــها
عوف الدنيا والأخره اشتريها
هناك تنال التريده وتجيــها
شفاعة علي الكرار
تبعد عنك النـار
عوف الدنيا واترك هاي الأسباب
بس حيدر علي يوقع هل الكتاب
•───✧◐◐✧───•
محد غير حيدر يوكف النــه
يزيل همومنه وهموم اهلنه
منـأيس وحيدر كـل املنــه
وبأسمه ندبنه يحل شددنـه
الشده بأيده سهله
متظل عدنه علـه
علي من نندب أبأسمه المرض طاب
بس حيدر علي يوقع هل الكتاب
•───✧◐◐✧───•
موالين اعله نهجك يبو السبطين
متهمنه الـفـتن والباعـت الدين
عشاك وخــدم نبقـــه وموالين
نوقــع عــالعهـد وياك باقـيـن
علي اصل الديانه
ظل عالي بأذانـه
علي للجنه ياخذ كل الأحبــاب
بس حيدر علي يوقع هل الكتاب
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/Wounds_AshuraOne
نهاية عزاء المجلس لأهل زينب
من ديوان #انوار_الشفاعه
لهل زينب / لطمچ حيل شيلي
هنا يالخادمه وأجرج تحصلي
•───✧◐◐✧───•
تحصلين الأجر من فاطمه الزهره
يلي بالعزه تنوحين وبعبره
لحسين الشهيد الرضرضو صدره
{ كل ونه ولطمه مذخوره }
•───✧◐◐✧───•
تنالين الشفاعه من تلطمين
يشيعيه بلطمتچ لاتبخلين
مذخوره الچ كل لطمه لحسين
{ اباب الجنه تلكيها }
•───✧◐◐✧───•
تلكين الأجر مكتوب كدامچ
بيوم الماينفعچ عمل بيامچ
تشفع فاطمه شديلهااحزامج
{علشالو منها عينيها }
•───✧◐◐✧───•
رباطات نهاية العزاء
ونعوف اهالينه ونعوف أهالينه
نلطم عالحسين نعوف اهالينه
•───✧◐◐✧───•
اللطمه محلاها اللطمه محلاها
وي زينب لطمنه اللطمه محلاها
•───✧◐◐✧───•
او كابليناها أو كابليناها
جينه امحزمين وكابليناها
•───✧◐◐✧───•
كله اعله ولياها كله اعله ولياها
الونه واللطم كله اعله ولياها
•───✧◐◐✧───•
لزينب واهاليها لزينب واهاليها
نختم هالعزه لزينب واهاليها
•───✧◐◐✧───•
نلطم اوياها نلطم اوياها
المالطمت لهلها نلطم اوياها
•───✧◐◐✧───•
يالزهره سجليني يلزهره سجليني
وانه الخادمه يلزهره سجليني
•───✧◐◐✧───•
يم حسن حفظيها يم حسن حفظيها
وكلمن لاطمه يم حسن حفظيها
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
/channel/Wounds_AshuraOne
قصيده للأمام علي عليه السلام
يمرجون السلف والساده محزونه
وباب الدار تابوته يخلونـــــــــــــه
●▬▬✿ــــ♥️۩♥️ــــ✿▬▬●
الكون اضلم عليه من شاعت اخباره
ابو الحسنين شال اليوم عــن داره
واولاده عليه مالومــــــــــه محتاره
بالمغيسل خذو خلهم يغسلونــــــه
●▬▬✿ــــ♥️۩♥️ــــ✿▬▬●
يغسلونـــــــــــــه علي ملتمه أولاده
هذه فراك بويـــــــــــه كلبي ماراده
وزينب تنتظر وتـــــــــــــريد نشاده
على حال الابو بالكت يخبرونــــــه
●▬▬✿ــــ♥️۩♥️ــــ✿▬▬●
نصبت فاتحه كومـــــــــــــن تلكنها
هيبته مشه وتنــــــــــــوح شوفنها
وحدها تـــــــــــــون زينب تـخلنها
عونه ساعداها تكول ممنونـــــــــــه
●▬▬✿ــــ♥️۩♥️ــــ✿▬▬●
ردناكــــــــــــم تجيه وللوكت هيبه
لو راح الابـــــــــو ياناس شيجيبه
نهيبه ياعلي شيلتــــــــــكم انهيبه
دكو لافته وأسمك يحطونـــــــــــه
●▬▬✿ــــ♥️۩♥️ــــ✿▬▬●
مالايــــــــــــك لك تمشي وتخلينه
يبو سيف المجرب ليش تاذيـــــنه
نخيتك ياعلي خل عينك أعليـــنه
يتامه اولادكم بل ضيم تنسونـــه
أولاده//تــــــــــــون اليومـــــــــــــه
●▬▬✿ــــ♥️۩♥️ــــ✿▬▬●
✮شـا؏ـــرة اهل البيت الـﻋلويـه
✮ام بـــهاء الديـــن المــوســوي
/channel/Wounds_AshuraOne
#الفزاعيه_بديوان_منابر_النور_الجزء_٤_.
فزاعيه للأمام علي عليه السلام
گومي ستعدي للحزن
يازينب المهضومه
🏴🏴💔🏴🏴
اليوم ابوج اصوابه
يالطايح بمحرابه
وصاير دماه اخضابه
ومطبور راسه وطبرته ميشومه
🏴🏴💔🏴🏴
دگي حيل اعله الولي
وصيحي يبويه ياعلي
يابعد گومي وكل هلي
ابمسجد الكوفه فايضات ادمومه
🏴🏴💔🏴🏴
عوفي يزينب نومتج
وگومي تلگي خوتج
وطاحت يزينب هيبتج
وابن المرادي طبرته مسمومه
🏴🏴💔🏴🏴
كثرت عليج احزانج
وانتي كثيره اشجانج
تشارك بهم اخوانج
ورايح ابوج الجان الج جيدومه
🏴🏴💔🏴🏴
گومي ودگي اعله الصدر
يابت علي يم الخدر
اليـوم ابوهـه ينطبر
شايل علي ويصعب علينه يومه
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/Wounds_AshuraOne
الى قائد الغر المحجلين امامي على (ع)
👇👇👇👇👇
دك دمامها ورتجت الكوفه
يوم الله اكبر لعبت اسيوفه
〰️〰️〰️〰️
لابن عم الرسول اليوم ونينه
صدك هذا الخبر راسه مطبرينه
حسافات واسف ينضرب ولينه
(مصوبينه شلون الحيد)
〰️〰️〰️〰️
حزنانه السمه ولارض وياها
هذا بلمعارك زلم بجاها
ذو الفقار سيفه الدنيه رجاها
((حملاته عنوان تسولاف)
〰️〰️〰️〰️
يطر شطرين سيفه الكابله فنه
بسمك ياعلي عنوانه الجنه
تلوك بمجلسك محلاته الونه
( الشايل حيد من الساده)
〰️〰️〰️〰️
نتباها بولاية حيدره واسمه
. شلون على الجبين يسيل يا دمه
ابن عم النبي وشيخ العرب عمه
(( يشيعونه املاك الهيبه)
〰️〰️〰️〰️
يطبر هامتك غدار ابن منجم
جرحك ياعلي الكل محب يلجم
اسمك معجزه ولكل عدو يرجم
(اسمك بلوح معلكينه)
〰️〰️〰️
انته الحك ياحيدر وانته برهانه
بيوم الاخره نرجاك يحمانه
ابو الحمله علي ما يوم ردانه
(تجايه اسمك للشيعه)
〰️〰️〰️〰️
✍🏻بقلمي الفقير خادمه البتول المله ولشاعره ام نادين المحمداويه
/channel/Wounds_AshuraOne
#الهوسات_بديوان_منابر_النور_الجزء_٤_.
هوسات للأمام علي عليه السلام
علي يابو الحسن ياحاضر الشده
نايم بالكبر واعله الترب خده
اوليداته اتباجه وكاعده بسده
( شيعودك ياحيدر لينه )
❥━──➸➽❥💔❥━──➸➽❥💔
شيعودك يبويه وترجع علينه
نايم بلغري هليوم والينه
احنه ابعازتك ماترجع اعلينه
( ياهيبه اتريدك بتك )
❥━──➸➽❥💔❥━──➸➽❥💔
شيعود الابو والله الابو غالي
يبو الحسنين يالأمردت دلالي
تره الفركه يبويه اتمرمر احوالي
( ياذيني افراكك بويه )
❥━──➸➽❥💔❥━──➸➽❥💔
اشلون احمل افراكك يا علي الكرار
واشوفن من بعد عينك خليه الدار
يبويه فركتك بالكلب تلهب نار
( ياهيبه ارجع ياحيدر )
❥━──➸➽❥💔❥━──➸➽❥💔
ياوسفه علي ماتمم اصيامه
من دم راسه ابوي امغرك الاعمامه
اتمنى للمنيه اروح جدامه
( يابويه اترد سالم لينه )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/Wounds_AshuraOne
#الطميه_بديوان_منابر_النور_الجزء_٤_.
لطميه للأمام علي عليه السلام
بنتك يا علي عدمن مخليهه
زينب غاليه وصيتمن بيهه
❥━──➸➽❥💔❥━──➸➽❥💔
زينب غاليه وليوم مهضومه
ابوهه بلترابه خربت ارسومه
يهد الحيل ابو الحسنين وعلومه
مايرجع بعد من شال واليهه
❥━──➸➽❥💔❥━──➸➽❥💔
زينب غاليه ولبين اذاهه
مهضومه وحزينه اليوم خلاهه
تون اعله الأبو ما هود ابجاهه
اخذ منهه الحنين وظيم غاطيهه
❥━──➸➽❥💔❥━──➸➽❥💔
عدمن ودعتهه وشلت من عدهه
بعدهه اتجر حزن للزاجيه وجدهه
ارجع يا علي زينب الوحدهه
عكبك من يمر وينشد عليهه
❥━──➸➽❥💔❥━──➸➽❥💔
مصيبتهه جبيره اليوم يا كرار
زينب بلحزن واتصد خليه الدار
بويه بلكلب فركتك تسعر نار
حزنانه وتريد الي يواسيهه
❥━──➸➽❥💔❥━──➸➽❥💔
شايل يا علي وماترد لعيالك
والديران ضلمه وطافيه انوارك
ارجع يا علي وحشه بكت دارك
كلنه اليوم بت حيدر نعازيهه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/Wounds_AshuraOne
قصيدة جديدة بحق الامام علي عليه السلام (هذه طريقة ثالثة للقصيدة)
يبوية يالنمت بأرض النجف
يبوية دمعي بعدك مانشف
بالدمعة غرگت عيني وليلي انترس بونيني
يبوية يبوية
======================
منصوبة ظلت فاتحة وروحي عليك امجرحة ماسكت صوت النايحة ابمصابك
شيطفي نيران البُعد لگبرك اذا عيني تصد يمرد بقى بگلبي مرد غيابك
خيمتنا وســــندنا والابــــو غالي
من بعدك يحيدر حالي مو حالي
اشوف البيت بعدك موحش وخالي
اشوفن صورتك گام ايتراوالي
يبوية البُعد يـــدمي الگلب
يبوية مو سهل كلش صعب
اشتاكَ الك تدريني وليلي انترس بونيني
يبوية يبوية
=====================
اترس اعيوني ابصورتك چنت واحبن شوفتك يا بوية عازة عازتك مصيبة
فگد الابو يحني الظهر وغيابة چم خاطر كسر لجلك يون حتى الحجر يهيبة
راح الچان الية بدنيتي سلوة
عن عيني تغيب رسومك الحلوة
تشتم ريحتة لو عافك التهوة
لو غاب الابو مالك بعد تچوة
يبوية چنت الي تچوة وسند
يبوية ابغبيتك گلبي انمرد
بعدك حزن غاطيني وليلي انترس بونيني
=======================
اشتاكَ الك صبح ومسة يالعشرتك ما تنسة صارت حياتي بائسة برحيلك
مثلك يحيدر ما يصح گلبي بغيابك منجرح ما ينگطع حد الصبح عويلك
چانت راحتي من اسمع بصوتك
صاباني الدهر بوية بخبر موتك
على متني اشيلن وسفة تابوتك
كاتلني يحيدر بوية بسكوتك
يبوية دوم احن واشتاكَ الك
يبوية يا علي دار الفلك
گصرن يبوية سنيني وليلي انترس بونيني
=====================
اتحسر سنين الگظت.. ومن ذكرياتي اصبحت.. روحي يحيدر ما صحت عليلة
بليلي بدر وجهك رحل.. واظلم حياتي من افل.. حزنك يبوية للازل.. اشيلة
محرابك حزين او زايد اونينة
المفجوع ابغيابك الله اليعينة
يبوية فراگك ابهاليوم ماذينة
يعينة الله العزيزة ايغيب عن عينة
يبوية ناسك حزينة ابهالمسة
يبوية كلها اعله بابك جالسة
انريد الابو اتحاچيني وليلي انترس بونيني
====================
أسألكم الدعاء رائد الاسدي
/channel/Wounds_AshuraOne
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما تحاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
/channel/Wounds_AshuraOne
لطمية للأمام علي عليه السلام (( عله الهامات ))
عالهامات گومن نلطم الليله
ابو اليمه تصوب وانهدم حيله
نذكر هامته ونلطم عله الهامه
ماكمل صلاته وفارگ اصيامه
لايوگف بعد لاينگل اجدامه
(( وحسين اشلون يتچيله ))
بالگوه الحسن وحسين تچوله
بينه اصواب راسك كون گالوله
وزينب ماتنام الليل مذهوله
(( كلساع تنوح وتبچيله ))
كلساع وتون اگبال والدهه
تعاين طبرته وماتگدر تشدهه
الله ايعينهه والله اليساعدهه
(( وتشوفه ايودع بالعيله ))
من هسه الحنين ايوادع اعياله
تنزف طبرته وكلش خطر حاله
عين ام الحزن للصبح هماله
(( وامضيعه الچانت تشكيله ))
ضيعته الشفيه اتگول ضيعته
للعازه الچبيره وللحمل ردته
باچر مايضل ويعوف عايلته
(( بالضيم ايخلي امداليله ))
نشبع ضيم باچر من يشيلونه
ادفنوني اگلهم لاتدفنونه
بلكت من احشمه يفتش عيونه
(( ريضلي وبطل هالشيله ))
لاترحل يبويه اتريض شويه
حيلي اوياك اخذته وحيل مابيه
لبو اليمه علي شدن اللطميه
(( يستاهل حماي ادخيله ))
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
نشر قصائد الشعراء والشاعرات + تلحين
/channel/Wounds_AshuraOne
لطمية للأمام علي عليه السلام ( عد اهل العمايم )
عد اهل العمايم ... فاجعه الليله
ابو الحمله تصوب وانهدم حيله
مفجوعين والتموا فرد لمه
وكلهم گاعدين اگبال ابو اليمه
يادكتور گالوا بالك اتلچمه
عالج هامته واضماد سويله
عد اهل العمايم ... فاجعه الليله
يادكتور ضمد هامته ابهيده
والدنه حنين ويسلم انريده
يگلهم هاي هيه ولادوه ايفيده
خل المرتضى ايودع مداليله
عد اهل العمايم ... فاجعه الليله
خل زينب تطب للمرتضى اتودعه
بس اليوم عدهه وباچر اتضيعه
مايرهم علاج الطبرته الوسعه
وبعضامه الألم يمشي ومفاصيله
عد اهل العمايم ... فاجعه الليله
من راسه الالم ينزل عله اضلوعه
ايريد ايموت واهل الدين مجموعه
اجت زينب لبوها اتنوح مفجوعه
تعثر بالمصايب طاحت انحيله
عد اهل العمايم ... فاجعه الليله
تعثر بالمصايب لاتلوموها
اجوهه حسين وعضيده يگوموها
ابو الحملات گال احذاي خلوها
وضل يبچيلهه حيدر وتبچيله
عد اهل العمايم ... فاجعه الليله
يگلهم هاي زينب غاليه اعليه
من يوم ام حسن لليوم محنيه
باچر من اروحن تنفجع بيه
وبالطف ياهضم دلالهه ايشيله
عد اهل العمايم ... فاجعه الليله
كل ضيم ومرار بكربله تشوفه
امگطع بالسيوف حسينهه اتعوفه
ياخذهه الشمر ويروح للكوفه
ومن فوگ الهزل عباس تشچيله
عد اهل العمايم ... فاجعه الليله
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
نشر قصائد الشعراء والشاعرات + تلحين
/channel/Wounds_AshuraOne
فزاعيه حماسيه لاستشهاد امير المؤمنين ع السلام (شيخ الفراضه)
شايل وين ياشيخ الفراضه
الساده هوسو طلعو عراضه
................
شايل وين هالليله يبو حسين
سدوها المضايف والدواوين
واگلبوا ادلالكم كسروا الفنجاين
موتشييع سووها انتفاضه
شايل وين ياشيخ الفراضه
شدوها// اعليه اللثمه
..............
عدها طلابه ناسك رايدينك
والكلفات محلوله بيمينك
صدك هالعيد موش امعايدينك
هذا الضاربك عرش الله غاضه
يردونه //الثار الليله
..............
الثار الثار يردونه الهواشم
چف الطابرك مايبقه سالم
والليله الحسن للثار عازم
والعباس صالحهم ابراضه
خلوني// امجرب سيفي
..................
ابراسه اليوم اجرب سيفي اريده
ضرباتي يعرفوها شديده
ضربة حيدره معروفه بيده
ابراسي الحار هذا الثار هاضه
بچفوفه// السيف اتنومس
..................
اليوم اولاد حيدر صاحو الثار
جمر بگلوبهم شيخمد النار
شلون تشيل من عدهم يكرار
يريدونك تچيه ازماط عاضه
يعوضونه //شلون الشال
...................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء والفاتحه لامواتنا وامواتكم والدعاء
/channel/Wounds_AshuraOne
هوسات شجاعة للامام علي ع
المخرس الزلم یاهو الیوصل احذاله
وعلي من ابعید الیشوفه ایتراوله
ابن ملجم لو ما غدر صدگ ما تدناله
{{لو ما یسجد// چا شگفاها}}
ــــــــــــــــــــــــــــ
القالع باب خبیر والشمس ردهه
الغیره والشجاعه یم علي حدهه
ابدیوان البخت رایة علي انشدهه
{{مگضیه // الشده العدنه}}
ـــــــــــــــــــــــــ
حیدر یا عجید الشور یمعدل ثنایاها
اتلوگ الغیره بس اعلیک یمک یعله طرواها
الحد امغیم و ینعاک شال الهز منایاها
{{الحد امغیم برکانه}}
ـــــــــــــــــــــــــــ
زلزلهه المنایه بیوم طب وبیده فقاره
لا وین المفر یا صوب بس ادموم تتجاره
الک صیت والک هیبه شیخ وصاحب الشاره
{{دگیت الحگ// فوگ الثایه}}
ـــــــــــــــــــــــــــ
دگ برکانهه وهوس وین الامه جایبته
خل یدنه عدي الیوم احني سیفي برگبته
وین الواگف ایزامط وحط ایده اعله خاصرته
{{بچیته //بحدود الملعب}}
ـــــــــــــــــــــــــــــــــ
تمت بعون الله تعالی
کلمات یاسمین الشموسي
نسالكم الدعاء
/channel/Wounds_AshuraOne
#من_ديوان_فاتح_خيبر_ج١
*مجلس نعي للإمام علي عليه السلام*
❥━──➸➽❥❂❥━──➸➽❥❂
صلى الله عليك يا سيدي ومولاي يا رسول الله وعلى آل بيتك المظلومين صلى الله عليك يا سيدي ويا مولاي يا امير المؤمنين...ما خاب من تمسك بكم وأمن من لجأ اليكم يا ليتنا كنا معكم سادتي فنفوز والله فوزاً عظيما.
*القريض:*
❥━──➸➽❥❂❥━──➸➽❥❂
يا ليالٍ أنـــــــــزل الله بهـا
سورَ الذكرِ على أكـــرمِ هـادِ
مُحيتْ فيكَ على رغـمِ الهدى
آيةٌ في فضِلها الذكـرُ ينادي
قتلوهُ وهو فــي محــرابـــهِ
طاويَ الأحشـاءِ من ماءٍ وزاد
سلْ بعينيه الدّجى هـل جفّــتا
عن بكاءٍ أو ذاقتا طـعمَ الرقـاد
❥━──➸➽❥❂❥━──➸➽❥❂
كأني بلسان حال مولاتي زينب عندما ساروا بنعش ابيها امير المؤمنين:
نعي مجرد
يشيال نعي الوالي رده
تانيني خلني شويه عده
يالماخذه توسده بلحده
❥━──➸➽❥❂❥━──➸➽❥❂
ياريتني انخمدت انفاسي
ولا اشوف كل هاي المأسي
ضيعت ابوي واعز ناسي
❥━──➸➽❥❂❥━──➸➽❥❂
وضيعت كل عزي ودلالي
فكده ولا مر اعله بالي
يا لوعتي ويا هظم حالي
❥━──➸➽❥❂❥━──➸➽❥❂
الأيتام اجت كلها اعله بابك
تذرف دمه بويه لمصابك
برجاك تنتظرك احبابك
❥━──➸➽❥❂❥━──➸➽❥❂
يالغربت لا تظن ننساك
كلنه نروح يالوالي فداياك
وجبريل صاح بصوت وانعاك
❥━──➸➽❥❂❥━──➸➽❥❂
يا رحمة الله وداحي الباب
عندك يتامه وعندك احباب
جرحك لجمنه يبو الاطياب
❥━──➸➽❥❂❥━──➸➽❥❂
انا لله وانا اليه راجعون لاحول ولا قوة الا بالله العلي العظيم وسيعلم الذين ظلموا آل بيت محمد اي منقلب ينقلبون والعاقبة للمتقين اجركم الله يا شيعة بمصاب سيدنا ومولانا امير المؤمنين عليه السلام.
قال الراوي: عندما رجع الحسن والحسين عليهم السلام من دفن امير المؤمنين ومن معهما من خواصهما وأهل بيتهما ، فمرّوا على خربة من الكوفة، فسمعوا أنيناً، ثم: فقفوا اثره، فإذا به رجل قد توسد لبنة وهو يحن حنين الثكلى الوالهه.
فوقف عنده الحسن والحسين وسألاه عن حاله:
فقال إني رجل غريب لا أهل لي وقد أعوزتني المعيشة، وأتيت إلى هذه البلدة منذ سنة، وكل ليلة يأتيني شخص إذا هدأت العيون بما أقتات من طعام وشراب، ويجلس معي يؤنسني ويسليني عمّا أنا فيه من الهم والحزن، وقد فقدته منذ ثلاثة ايام.
فقالا عليهم السلام له وهما يبكيان: صِفْه لنا .
فقال: إني مكفوف البصر ولا أبصر.
فقالا: ما اسمه ؟.
قال: كنت اسأله عن اسمه فيقول: إنما أبتغي بذلك وجه الله والدار الآخرة.
فقالا له: أسمعنا من حديثه.
قال: دأبة التسبيح والتقديس والتكبير والتهليل، وإن الأحجار والحيطان تسبّح تسبيحه، وتكبر بتكبيره، وتهلل بتهليله، و تقدّس بتقديسه.
فقالا له: هذه صفات أبينا أمير المؤمنين (عليه السلام).
وقد أفجعنا فيه أشقى الأشقياء ابن ملجم المرادي، وها نحن راجعون من دفنه ... ساعد الله قلبهم كأني بلسان حالهم:
نعي مجرد:
❥━──➸➽❥❂❥━──➸➽❥❂
ردينه من دفنت ابونه
بيه الكفر وسفه فجعونه
زغار كلنه ويتمونه
❥━──➸➽❥❂❥━──➸➽❥❂
يتامه صبحنه عگب عيناه
ابونه النوده ضيعيناه
بعيد حمل وين نلگاه
❥━──➸➽❥❂❥━──➸➽❥❂
يا دارنه وحشه وخليه
من بعد سيف الله ونبيه
ما ترد لمتنه سويه
❥━──➸➽❥❂❥━──➸➽❥❂
منك بعد ما نستمع صوت
منك خذاك بسرعه الموت
صاباك وسفه سيف طاغوت
❥━──➸➽❥❂❥━──➸➽❥❂
ما اظن يبويه تعود الايام
جرحنه جبير وصعب يلتام
وكفت ابابك تبجي الأيتام
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
/channel/Wounds_AshuraOne
قصيدة ندبه للأمام علي ع
من ديوان #انوار_الشفاعه_ج1
نـنـدب الكرار اجينــه الليلــه
هموم عدنه وعاكدين الشيلـه
بااسمه كل هم ينجلي
بس ننــادي يــا عــلي
نـنـدب الكرار اجينـه الليلـــه
•───✧◐◐✧───•
نندب الكرار ونصيح المـــدد
هـوه للمهموم مولايه سنــــد
مجربينه هواي يحضر بالشدد
علي حماي الدخيل
يمه يتشافـه العليل
ايطيب المعلول بس يمشيلــه
•───✧◐◐✧───•
مايقصر حيدر اويه احبابـه
المعتنيله وجايلـه يم بابـه
يذرف الدمعه حزن سچابه
بحظرته يصب الدمع
والعتب مــا ينكطــع
وللتعنالــه علي ايحييلـــه
•───✧◐◐✧───•
ابو الحمله امراد ينطي للطلب
ومايرد مهموم جايبلــه عتــب
وناح يم شباچه والمدمع يصب
جايلــه بونــه وألم
وجايب اوياه الهظم
وظل يردد حاجته ويشكيلــه
•───✧◐◐✧───•
بحضرة الكرار يتشافه العليل
مايقصر حيدر وحمله يشيل
المعتني وينخاه ويريد الدليل
يمه يلكه جوابـــه
المعتني ودك بابـه
بس يروح بصحنه اويحجيله
•───✧◐◐✧───•
ياعلي يلبسمه همنــه ينجلي
اليوم ناخينــه اجينه يــالولي
مايخيب الصاح حيدر ياعلي
نهتــف بـأآه اونيــن
احظرنه يابو الحسنين
احبابك تناجيك اجت ادخيله
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/Wounds_AshuraOne
قصيدة جنوبيه لفاتحة الأمام علي
من ديوان
#مواجع_امير_المؤمنين ج 1
{وين الهزت الكاع }🔥🔥🙅♀️
بهوستها _ وين الهزت الكــاع
وننصب فاتحه لچبيـر الأسباع
•───✧◐◐✧───•
ننصب فاتحه جينــه نساوين
مكابل بالطم سوي لبو حسين
شايل ياحسافه الشيد الديــن
{ حار الميدان / نسويله }
•───✧◐◐✧───•
ميدان وعراضه اليوم سويله
واحزام لعلي الكرار شديلـــه
وجيبي وياچ مله خلها تنعيله
{ بدموع العين / ابچي وياها }
•───✧◐◐✧───•
بدموع ولطم شدي اللطميه
انــه وياچ نتكـابـل يشيعيــه
نواسي بت علي زينب العلويه
{ انتـي حبيبتها / عينيها }
•───✧◐◐✧───•
عيني أم الخدر وتكابلي وياهـــا
تون اعله الصميده عالي بچاها
يايــوم العزيز هـــواي أذاهـــا
{ الدلل زينــب / ونيلــه }
•───✧◐◐✧───•
مذخور العزه وزينب تجازيچ
هنا يل لاطمه تشفع لهاليــچ
ولو لاحچ هظم تحظر تواسيچ
{ بس لو ونيتي / لولياها }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/Wounds_AshuraOne
قصيده للأمام علي عليه السلام
. تقره للفواتح
وين يريد ابونه شال عن داره
يانــــــــوم الگبور أضيع اخباره
●▬▬✿ــــ♥️۩♥️ــــ✿▬▬●
شايل من وكت وولادك يــــتامه
نون اعله الابو والليل منــــامــــه
يبو ضحكت الحلوه عليك محتامه
ضيعنا النحجي//بـــــــــــــزوده
●▬▬✿ــــ♥️۩♥️ــــ✿▬▬●
نايم بالكبر والنوم مووكـــــــــــته
وتعيش بهضم لو شال يابتـــــــــه
هيبه للزمن ياناس رايدتـــــــــــــه
ردناك اضل//هيبه عليـــــــــــــنه
●▬▬✿ــــ♥️۩♥️ــــ✿▬▬●
ردناكم تجيه للزمن يابـــــــــــــه
حمل للنجف جاليش سد بابـــــه
نهيبه شيلته يهظمنه ياغيابـــــه
ماردنا//غيابك بويـــــــــــــه
●▬▬✿ــــ♥️۩♥️ــــ✿▬▬●
مانلتم سوه وطشر ديــــــــــارك
الموت بساع گلي شعنده مختارك
تسعر بالگلب ماتنطفي نــــــــــارك
بضلوعي//يانارك بويـــــــــــــه
●▬▬✿ــــ♥️۩♥️ــــ✿▬▬●
وتسعر بالگلب گلي شيطفــــيها
عشرتكم الذيذه گوم رد بيـــــها
بنيتك بالهضم المن تــــــــخليها
تخـــــليها بهظم والروح محتاره
●▬▬✿ــــ♥️۩♥️ــــ✿▬▬●
✮شـا؏ـــرة اهل البيت الـﻋلويـه
✮ام بـــهاء الديـــن المــوســوي
/channel/Wounds_AshuraOne
هوسات الميدان الجزء الاول
هوسات لضربه الامام ع
اسف وكل الاسف ياعلي تنصاب
وكلب زينب عليك اليوم عطاب
تبجي هل يتامه وتلطم الحباب
(مضرب اليوم على الهامه)
〰️〰️〰️〰️
كالولي علي مصيوب بلهامه
والوالي اضن ميتم صيامه
راحت زهلالتنه وراحت ايامه
( (شايل يالوالي رد لينه)
〰️〰️〰️〰️
شلون الدين ينزف ولعمامه طيح
على الشيبه الجليله دمك يسح
مهتز العرش وهبت الريح
(كبر جبريل وينعاله)
〰️〰️〰️〰️
زينب صاحت وكلثوم وياها
صدك شال الولي للنجف خلاها
يفراك الابو كتال بجاها
(حزنانه بتك يلهيبه)
〰️〰️〰️〰️
المراداي عليك اجسر اشلون
تبجي مكدره هل يوم ام عون
تعاين طبرته واصفر غده الون
(على مصابه عازوها الليله)
✍🏻 بقلمي الفقير خادمه البتول المله ولشاعره ام نادين المحمداويه ملكه الحسجه الجنوبيه
/channel/Wounds_AshuraOne
#القصيدة_في_ديوان_دمعه_فاطميه_الجزء_الرابع...
#للشاعرة_دمع_الفواطم..
صاحبة ديوان كف الخيرات لقضاء الحاجات...
خاص...بالامام علي ع
لطمية مربعة او فزاعية.....للامام علي ع...
الف يا حيف...حيدر حمل وشال
وزينب لاطمه والدمع همال
====()()()====
زينب لاطمه واعليه محزونه
شلهم يالعده او بيمن يطلبونه
ابوي اليوم شال وغمض اعيونه
ياهو اللي يرد البينه لو عال
الف يا حيف..
====()()()====
زينب لاطمه واتصيح يا حيف
شايل يا سبع المخاوي السيف
يمربي اليتامه او كارم الضيف
جاياهو اليشيل الحمل لو مال
الف يا حيف..
====()()()====
شال اليوم حيدرنه الكرار
لو اغضب على العدوان صب نار
يومك يا علي مثله فلا صار
يومك يا علي يوجع الدلال
الف يا حيف..
====()()()====
شال او عافنه هاليوم ابو احسين
عليه امكدره وتبجي الدواوين
عليه اليوم يبجي او محزن الدين
شايل يالولي واكطعت الامال
الف يا حيف…
====()()()====
عليك الحيف يا راعي الكلفات
عيوني اعليك ما نامت مسهرات
الك بالروح يا صنديد ونات
بعلمك يا سبع هدمت الجبال..
الف يا حيف...
#الشاعرة_دمع_الفواطم
بتاريخ 2 //4 //2023
/channel/Wounds_AshuraOne
#الفزاعيه_بديوان_أقل_الوفاء_في_مصائب_الزهراء_الجزء_١٥_.
فزاعيه للأمام علي عليه السلام
عنه حيدر الكرار
شال اليوم من داره
🏴🏴💔🏴🏴
تبجي ومحزنه هلدار
عنهه شال ابو الاطهار
شايل عنهه حامي الجار
ومنهه اضلمت انواره
🏴🏴💔🏴🏴
داره خاليه هليوم
وتنعه حيدر المعلوم
يلمنه تهاب الكوم
يلبلسيف طباره
🏴🏴💔🏴🏴
داره محزنه وتنعى
شايل مابعد رجعه
كل شيعي يهل دمعه
عليه اينوح خطاره
🏴🏴💔🏴🏴
الكوفه بكت مرجونه
وكل الناس محزونه
والايتام يردونه
تلوذ اليوم بكتاره
🏴🏴💔🏴🏴
اليوم الشيعه يردونه
يبجون وينعونه
عليه الكوفه محزونه
وناره الحزن وجاره
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/Wounds_AshuraOne
#النعي_بديوان_أقل_الوفاء_في_مصائب_الزهراء_الجزء_١٥_.
نعي للأمام علي عليه السلام
اكعد يبويه جاينه العيد
ما عيد اخلافك يصنديد
عليك روحي بويه متهيد
لو تدري يبويه روحي شتريد
اتريد الامعاتب ويه الابعيد
🏴🏴💔🏴🏴
اتريد المعاتب ويه الاحنين
نساني العزيز وغمض العين
لتطول الغيبه يبو حسين
🏴🏴💔🏴🏴
لتطول الغيبه يوالي
عكبك تره بلهظم حالي
كلبي رخص والدمع هالي
🏴🏴💔🏴🏴
يبويه عيوني تربي عليك
ابعازت حنانك وين الاكيك
ترانه يبويه جايه ليك
اخبرك على احوالي وابجيك
لو شلت يبويه وين الاكيك
تدري يبويه امعلمه عليك
🏴🏴💔🏴🏴
اصوابك كلف صوب الدلال
اكعد يبويه وعاين الحال
اكعد يمن للحمل شيال
🏴🏴💔🏴🏴
منهوا اخلافك يعايدني
نايم ابكبرك يجد ابني
لفه العيد وانه كثر حزني
🏴🏴💔🏴🏴
*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/Wounds_AshuraOne
قصيدة بحق الامام علي عليه السلام عن الامام الحسين عليه السلام (جديد رمضان ٢٠٢٤)
فگد الابو مصيبة زاد الگلب نحيبة
دم الدموع ابفرگتك يغالي
حسين انة يمك لوتشاهد حالي
=======================
بوية حاچيني يانضر عيني اصفر تبدل بوية اشوفون لونك
بعدك شعندي. يابعد چبدي. ظلمة الحياة اعلية احس
بدونك
ما الك جية. عينك اعلية. شلون اصبر وعيني تصد لعيونك
يالدافي حضنك. ياذيني ونك. كل ساعة انشدك يا عزيزي شلونك
حاچيني اخير حچاية دلالي تايه راية
بعدك انوح واسهر الليالي
حسين انة يمك لو تشاهد حالي
==========================
ساعة احضننك. ساعة اشمنك. اتمنى وي موتك تغمض عيني
دمعتي لعودي.. حفرت خدودي.. لكل ذكرى منك ما ابطل ونيني
اولادك احنة. يا بوية صحنة. صار البچي ما بين اخوتي وبيني
خيمتنا طاحت. وايامة راحت. بعدة اليتم جاني ومظلمة سنيني
فگدة بدليلي حسرة تجرحني منة الذكرة
حزن ودمع من فرگتك بقالي
حسين انة يمك لو تشاهد حالي
===================
كبرت جروحي ..ما تهدة روحي..الماعندة والد حگة يلزم ظهرة
كل مغربية.. تگبل علية.. غرگانة عيني من مسيل العبرة
انضر مكانك..واذكر حنانك.. وسط الگلب يالغالي تسعر جمرة
عيني اعله بابك.. واشتم ثيابك..گلب الفگد غالي بعد شيصبرة
تكتلني ريح اهدومة ما انسى ابوي ويومة
صب الدمع بعد الابو حلالي
حسين انة يمك لو تشاهد حالي
=======================
بيدية شلتك.. بوية ودفتنك.. الله اليعينة الشال ابوه بأيدة
متروسة حيرة..اللحظة الاخيرة..ما امشي عنة ابقى گلبي يريدة
بگلبي صبتني.. يالفارگتني.. حيل ارد اونن ما اون بهيدة
طيفك يجيني.. يكثر حنيني.. صبح ومسة گلبي الحزن ترديدة
ضلمة الحياة بدونك فارگني نور عيونك
حتى الحجر بعد الابو بچالي
حسين انة يمك لو تشاهد حالي
====================
اسالكم الدعاء رائد الاسدي
/channel/Wounds_AshuraOne
نعي الى الأمام علي عليها السلام
****
نفطر سوه برمضان جنه
عافوني ليش اهل المحنه
للمكبره امحملين اهلنه
وكلبي انكطع سباح منه
باجر يبويه يجبل العيد
والناس كلها اتعيد اتريد
اصفك بكيت الايد بالايد
وشيفيد بويه العتب شفيد
باجر تروح ويظلم البيت
وتاخذني المنيه وياك ياربت
انه زينب يبويه بصوت ناديت
ومثل ونت الدوح اعليك ونيت
انه ويالحزن ما كطع وداي
وعلي بويه اموت اوياك وداي
انه اويالمصايب صرت وداي
تعال وشوف وكتي اشعمل بيه
دمع العين اصبه اعليك وجره
ويبويه اكلوبنه امن الضيم وجره
مصابك ما سده اعله انسان وجره
كلف جرحك يحماي الحميه
تحن روحي وعله الطيبين ولها
وبعد بيمن اصبر الكلب ولها
جرت من دم دموعي اعليك ولها
عتب وتكول ما مروش بيه
**
الشاعر
تحسين الخفاجي
/channel/Wounds_AshuraOne
فزاعية للأمام علي عليه السلام (( بالمحراب تلگونه ))
حيدر طاح يهل الدين
بالمحراب تلگونه
طشر هامته الملعون
صار اظلم حزين الكون
طلعوا شيعته يركضون
واليهم يريدونه
صاحو وين والينه
لايمشي ويخلينه
بالمسجد امصوبينه
والدم تارس عيونه
بعيونه يصب دمه
يكلف حال ابو اليمه
ابابه الناس ملتمه
گالوا حيدر اشلونه
ينشدون الحسن عنه
وكلمن يجهر الونه
زينب ايست منه
ونادت لاتلچمونه
اجروحه براض شدوها
كلشي ولاتلچموها
روحي الوالدي انطوها
ولاتمشون بضعونه
لاتمشون دفانه
خل يبات ويانه
ابو الحملات ملفانه
يوحش بيتنه بدونه
يوحش بيتنه اخلافه
بعد هيهات يتعافه
يبچي حسين ماشافه
بالگوه يسكتونه
✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر
نشر قصائد الشعراء والشاعرات + تلحين
/channel/Wounds_AshuraOne
تم نشر قصائد جددة بقناة الحجيه ام علي من اروع القصائد تعالو وياي لقناة الشاعرة الحجيه ام علي البصره تحصلون بيها كولشي جديد
ماعليج بس تشتركين من هنا
👇🏻👇🏻👇🏻👇🏻👇🏻
/channel/ahzan2018
/channel/ahzan2018