12771
نشر قصائد الشعراء والشاعرات + تلحين https://t.me/Wounds_AshuraOne
لاولاد السيدة زينب ع
طور دنية ملا باسم
ـــــــــــــــــــــــــــــــ
رحتو... يايمه مني بكربله
رحتو....وجلمة اليمه راحله
رحتو... ودموعي ضلت هامله
••┄┅══✼°••°✼══┅┄
منهم ابنيني يروحي شنسه واذكر فارگتهم... بلايه جيه
والده ويوجع فگدهم زاد وني اندبتهم.... كل مسيه
راحوا احبابي سويه وروحي راحت من شفتهم... علوطيه
روحي... شاغت وما هادت ابد
روحي.... لون ومناحه استعد
روحي.. متهيد من سهم البله
رحتو
••┄┅══✼°••°✼══┅┄
جلمة اليمه ابخيالي احله جلمه عون يبني ... وينك انت
وينه لمحمد شمعتي ها يگلبي وخاب ضني... بدمه شفته
عمري راح ويه الاودهم وجرح منهم ضل لجمني.... بگلبي شلته
ميطيب... احاه يا جرح الابن
ميطيب... ليليه اذكرهم واون
ميطيب... والگلب لو رايد هله... رحتو
••┄┅══✼°••°✼══┅┄
رايده روحي ييمه ساعه بيها بس اشمكم.. يا هوه الهاب
واكحل عيوني من اشوفن طول واحد من شخصكم.. ويحله العتاب
ليالي الفراگ افجعتني وصعبه يكضي عمري كله... وانتو غياب
الغياب... يوجع وجع ما ينحمل
الغياب.... امكم وعنكم ما امل
الغياب... شخله بدليلي واحمله... رحتو
••┄┅══✼°••°✼══┅┄
راحله عنكم ييمه ابتده يسري ولازم امشي... عليه مكتوب
مودعين الله عفتكم علوطيه وشاب رمشي... وروحي اتذوب
جم مصيبه الدهتني بيوم عاشر راح كلشي... واغلى محبوب
كلكم... يحبابي نمتوا علثره
كلكم... وانه غريبه ميسره
كلكم.... ما شفتوا حال العايله
رحتو
••┄┅══✼°••°✼══┅┄
اخر حجايه اكلكم من على الناگه الهزيله.... وصعب الوداع
الشكر لله يا بنيني بشرف للدين وعقيده... رحتو يسباع
لجن يألمني يمه من اشوفن طول ولدي... تشبكه الكاع
وانعه.... طول العمر عله الولد
وانعه.... يا عون يمه اشبعد
وانعه.... ليلي ونهاري معوله... رحتوا
✍🏻#نبضي_حسين
/channel/Wounds_AshuraOne
فزاعية لاولاد مولاتي العقيبة ع
ــــــــــــــــــــــــــــــــــ
روحوا وداعة الله اليوم
طبيتوا الحربيه
••┄┅══✼°••°✼══┅┄
منذورين للحومه
كلمن شايعه علومه
عون الحلوه رسومه
ومحمد هوه الريه
••┄┅══✼°••°✼══┅┄
يولادي اودعكم
يا يمه بحق جدكم
لنصر حسين اريدنكم
يمه هنانه مگضيه
••┄┅══✼°••°✼══┅┄
يمه فدوه لحسيني
اخاف عليه ضوه عيني
جنت احسبهن سنيني
واليوم الوداعيه
••┄┅══✼°••°✼══┅┄
الله وياكم بهالساع
حلوه منكم الاطباع
وفّيتو العهد يسباع
وانتو الوفه وطاريه
••┄┅══✼°••°✼══┅┄
واحدهم بكل حمله
ضهضب سيفه يسله
المنايه اله تحـــــــله
وشعشع جالبدر ضيه
••┄┅══✼°••°✼══┅┄
ضووا يا ضوه الگمره
يا دلالي وثــــــــمره
فدوه لثمر الزهره
يمه وراشده النيه
✍🏻#نبضي_حسين
/channel/Wounds_AshuraOne
نعي لاولاد مولاتي العقيلة زينب ع
ــــــــــــــــــــــــــــــــــــــــــــــــ
انه و بنيني فدوه لحسين
يرخص الغالي لجل هالدين
وتلوگ لولادي الميادين
••┄┅══✼°••°✼══┅┄
كل والده حگها عله الاولاد
يوافوها يوم العازه ينراد
عفيه ابنيني خطوا امجاد
••┄┅══✼°••°✼══┅┄
يا هوه الريه الطيب الساس
فزعتوا لبو اليمه وعباس
بيكم هلا يا رفعة الراس
••┄┅══✼°••°✼══┅┄
كل الهلا بنص المعاره
وعله العده من غرتوا غاره
بيكم عزم كل الغياره
••┄┅══✼°••°✼══┅┄
من جعفر الطيار جدكم
بيكم شجاعه الما تردكم
وهيبة علي تطگ بعرجكم
••┄┅══✼°••°✼══┅┄
نعمين يولادي الشفيه
ريحة علي حامي الحميه
بيكم يفجعوني سويه
••┄┅══✼°••°✼══┅┄
راحوا اولادي وشمعة البيت
حگ الربه بكربله اجنيت
لجل ابو اسكينه ولدي افديت
✍🏻#نبضي_حسين
/channel/Wounds_AshuraOne
كل الخدم تنهان شفناها بالعين
بس بكرامه تعيش خدام الحسين
اليوم جبتلكم قناة مأتم ام البنين (ع) لنشر القصائد مع الألحان وقصائد فزاعيه وكل شي يخص المجلس الحسيني للانظمام الئ القناة فقط اضغط على الرابط أدناه
👇👇👇
/channel/ertlgaaz
/channel/ertlgaaz
تم تنزيل قصائد متنوعه بالقناة اشتركي بيها قصائدها حزينه
انصحكم تشتركون بالقناة قصائد روعه بالقناة الشاعرة ام سيف الدين ناصرية
اشتركو منا قبل لانحذف الرابط
👇🏻👇🏻👇🏻👇🏻👇🏻
/channel/ma_x72w
/channel/ma_x72w
# للعليلة عليها السلام #
يبويه انت الهوى والماي والنعمه
شلون أكدر اعيش بغير هالرحمه
يبويه انت الهوى اليسري بشراييني
شلون تروح يحسين وتخليني
وعد منك اريدن كون تنطيني
لا تبطي عليّ وتعود هل اللمه
لا تبطي يبويه بسفرتك عني
ونيران البعد بالروح يجوني
موش من المرض منهن كثر وني
المريض اهله يشبلون شكثر زحمه
تره زحمه العليل اهله يعوفونه
وكلبه بالهجر والهم يكسرونه
يظل دمعه يصب ماتنشف عيونه
ذليل أولو يمر طاريهم ايلجمه
المرض ماينحمل والفركه جتاله
اليبارونه هله واحبابه هنياله
كلبي شكال وانت اتحمل كباله
العافوه كل هله المن يشتكي همه
يبوبه انت الدوه وتدريني اعليله
وتدري جروح كلبي اغميجه وثجيله
هدم حيلي وداعك واني انحيله
يضي عيني بغيابك دنيتي ظلمه
يبويه ارجوك اخذني ونشف دموعي
تره عيوني طفن من شلتوا يشموعي
اريد اوياك اموت وتطحن ضلوعي
حوافر خيل اميه هناك ملتمه
أم محمد علي الشيباني
/channel/Wounds_AshuraOne
#الرواية
وعندما عزم الإمام الحسين (ع) على السفر إلى العراق قال له محمد:
يا أخي أنت أحب الناس إليّ وأعزهم عليّ…
كما ورد أنه: لما بلغ محمد بن الحنفية مسير الحسين وكان يتوضأ وبين يديه طشت فبكى حتى اختلط مع دموعه...
ابو ذية:
شلون تروح يا شمعة نزلنه
وبيت احزان يا خويه نزلنه
يمر طاري الفكد بي نزلنه
يخويه بالوصل لتشح عليه
⚫⚫⚫⚫⚫⚫
تمنيتك يخويه تضـــل ياري
ودمعي علوجن يا خوي ياري
يا فكر البگه يحـــــــسين ياري
تفاركني وتروح الغاضريه
⚫⚫⚫⚫⚫⚫⚫
شعب للروح اخويه وين وجهه
ناوي ليا ارض لا وين وجـــــهه
دليلي بوحده لحسين وجـــــهه
انادي بكل وكت يبن الزچيه
⚫⚫⚫⚫⚫⚫
لنعيى مجرد
جاني الخبر رايح يغالي
يحسين خويه انشده بالي
ظلمه المدينه بلايه والي
يا تچوتي ونور الليالي
الفراك هذا انكتب تالي
علفرڰه گلي شلون اصبر
يحسين يا هيبة اهلنه
وداعك صعب خويه كتلنه
يغله الاهل يا ابو المحنه
ويا غيبتك طشرت شملنه
خالي مچانك ابنزلنه
حالي العدم يا خويه مگدر
نوح الحمامه انوحن عليك
يمرني الاسى لو يمر طاريك
خليني اكثره نوحي اعليك
ما اضن يخويه بعد الاكيك
يا كسرتي وهظمي باراضيك
وبعدك يخويه دهري اكشر
بهالسفره خويه خاب ضني
وبطلعتك نحلان جسمي
گالوا امسافر عِلــــَـه وني
علومك يغالي من لفني
صابن دليلي ودوهنني
وشح الوصل يا ابو الاكبر
اتوضه واتوجه عله صبري
كالولي سافر ضخر عمري
دمعي ويه ماي الوضو يجري
بكد البجي ونار البصدري
ضاك الهوه عليه اليسري
بممشاي خويه گمت اعثر
نبضي حسين
/channel/Wounds_AshuraOne
#الرواية
&&&&&&&&
بُنية زينب هذه وديعتي عندك إذا رأيت اخيك الحسين بأرض كربلاء وحيدا فريدا فشميه في نحره فانه موضع السيوف وقبليه في صدره فانه موضع حوافر الخيول فلما سمع بذكر أُمه الزهراء عليها السلام هاج به الحنين إليها.
**القريض:
عاود القلب حنينا قد تذكرت البتول
هي اوصتني حسينا حين همت بالافول
اخبرتني في الطفوف يا بنية الذهول
فستسقين شجونا ذاك والحزن يطول
لو رأيتي نور عيني حاسر الرأس كئيب
لا مغيث لا مناصر صحبه لا من مجيب
موضع النحر فشمي قبل ذبح للغريب
قبلي الصدر الشريف ذاك في يوم عصيب
في زمان سيحل الكرب والخطب الجليل
وخسوف وكسوف وبكاء وعويــــــــل
وحريم الله تسبى ويرافقن العليــــــل
حر قلبي يا بنية الزمي الصبر الجميل
♡♡♡♡♡♡♡♡♡♡
نعي مجرد
يحسين خويه ادنه ليه
من الوالده عندي وصيه
بوكت المحن بالغاضريه
اشمك ابدال امي الزچيه
✿┈┈◉┅🖤┅◉┈┈✿
جموع العده ملتمه لمه
خليني النحـــــرك اشمه
ساعه ويسيل النحر دمه
وفيت يا زهره ييمه
✿┈┈◉┅🖤┅◉┈┈✿
وثانيه وصيه حسين اخبرك
اقبلك يخويه بطهر صدرك
گبل الخيول وكسر ظهرك
يا خويه من عمري عله عمرك
✿┈┈◉┅🖤┅◉┈┈✿
شيگلها الحسين ع
زينب يخيتي وريحة امي
وفيتي الوعد يا عمة ابني
يلبيج يگوه خويه عزمي
لحيلي يخويه لا تهدمي
✿┈┈◉┅🖤┅◉┈┈✿
ذكرنه الحنينه وهاج حزني
تمنيت اشمنها وتشمني
بحضن الحنان امي تضمني
اگلها ييمه الضيم مسني
نبضي حسين
✿┈┈◉┅🖤┅◉┈┈✿
يكلهه يمه آآآه يمه
ييمه ليش وصيتي عليه
جن عندج عٍلم شيصير بيه
اشو جنهه دنت مني المنيه
وظن ١هذا الوعد بالغاضريه
✿┈┈◉┅🖤┅◉┈┈✿
مَر طرواج خنكتني العبره
ذكرت ايامنه الحلوه يزهره
وإتمنيت اشوفج ولو نظره
ظلت بالكلب يايمه حسره
•✦•┈✿•✦•✿••✦•✿••✦•••✦
بكلبي حسرتي من زغر سني
منج مشبعت لشبعتي مني
ييمه وداعتج مابطل وني
يبعد ظلوعي اظلوعج عمني
✍ أم محمد علي الشيباني
.
/channel/Wounds_AshuraOne
#الرواية
واني لا أذكر مصرع ابن فاطمة إلا خنقتني العبرة ، واذا نظرت الى عماتي وأخواتي ذكرت فرارهن يوم الطف من خيمة الى خيمة ، ومنادي القوم ينادي أحرقوا بيوت الظالمين .. »
ما انسه ابويه ولجله بونين
ويوجعني گلبي وتدمع العين
تخنگني عبراتي على حسين
مصابه الابو اعظم رزيه
شنسه من ابويه ويومه الصار
داروا عليه العـــــــــده الاشرار
مذبوح يا ويلي ابو الاحــــرار
وسحگت اعظامه الاعوجيه
نار الحشه تهيج من اذكره
لليوم اندبه وبيه حسـره
عزيز الزچيه امه الزهره
للموت وناتي شجيه
كلما اصد للفاطميات
اذكر العاشر واجر اهات
بين الخيم كلهن محيرات
ونار الخيم شبت سريه
ناده المنادي حرگوا الخيام
ذوله خوارج گوم ظلام
غارت الخيل وطشرت ايتام
وخل تنسبي كل فاطميه
شلون انسه كل هذي المصايب
منهن ونيني وشعري شـــــايب
بهمومي مثل الشمع ذايـــــــب
بهمومي الحد المنيه
نبضي حسين
/channel/Wounds_AshuraOne
#نعي طور اسمع عتابي
وداع السيدة زينب ع لاخيها العباس عندما غادرت كربلاء ومشت لليسر ع
لسان حالها ع
ـــــــــــــــــــــــــــ
يالملتزمني... منهو اليزتني
شو فارگتني... وينك يغالي
••┄┅══✼°••°✼══┅┄
انت كفيلي.... خويه ودليلي
يكثر عويلي... وبلايه والي
••┄┅══✼°••°✼══┅┄
ترضيني ردتك... معلمه اخيتك
مهظومه جتك.... يابو دلالي
••┄┅══✼°••°✼══┅┄
ادير النواضر... لصوبك واسافر
وبعيده باجر... عدوك برالي
••┄┅══✼°••°✼══┅┄
ترضه العقيله..... تركب هزيله
المدمع تسيله....يا حاله حالي
••┄┅══✼°••°✼══┅┄
وداعك هظمني.... عدوك شتمني
لا ما مهلني.... اودع الغوالي
••┄┅══✼°••°✼══┅┄
مسرع اخذنه.... تشفه بضربنه
وردت الكفلنه... ومجانه خالي
••┄┅══✼°••°✼══┅┄
خالي مجانه.... بعازة حنانه
شو ما اجانه.... وگليبي سالي
••┄┅══✼°••°✼══┅┄
سالي دليلي.. نهاري ويه ليلي
مضيعه كفيلي.. بدري اليلالي
✍🏻#نبضي_حسين
/channel/Wounds_AshuraOne
#نعي
وزن النعي مستفعلن مستفعلاتن
لسان حال الامام الحسين ع مع ولده علي الاكبرع
ــــــــــــــــــــــــــــــــــــــــــ
يوليدي يومك حنه ظهري
يشبيه جدي وضخر عمري
وعليك بويه شكثر صبري
ياهوه الريه وطيب الهاب
ياذيني فكدك والگلب ذاب
عطشان بويه زين الشباب
بوسط المعاره لمن امشيت
گلبي لزمته وظهري احنيت
سالم تردلي انته تمنيت
رديت لمك شايغة الروح
كلتلها ادعي وگلبي مجروح
خافن الاكبر مني ايروح
ليله دعتلك يا ضمدها
تدعي للباري يرد ولدها
امك يبويه عليك شدهه
ساعه واجيت ودعتنه
يلغالي وشعظمه صبرنه
وعماتك بفزعه اعتننه
؟ ــــــــــــــ
لسال حال عماته للاكبر ع عند وداعه
وزن التجليبة
اسم الله عليك عمه اسم الله من فكدك
يوم الضيج چنه ننظر لوجهك
يلتشبه الجدنه ومنهو ليشبهك
ريض يا علي خلينه نشمك
••┄┅══✼°••°✼══┅┄
يحله النوح هالساعه يغالينه
جينه نودعك ويصعب علينه
مثل طير الگطا يمك وحطينه
رد لينه يغالي بالله رد لينه
••┄┅══✼°••°✼══┅┄
شيعودك يعمه التمت الصوبين
وهاي العده تطلبنه يعمه بدين
كل هذا الفزع الزحف ضد حسين
يعملات الوكت وفجعته للبين
ـــــــــــــــــــــــــــــــــــــــ
اما حال ليلى ع وهي تودع ولدها الاكبر ع
وزن الفائزي
ـــــــ
ذايب دليلي يلولد وداعك اجه بساع
من طاري فگدك هالگلب يا يمه ملتاع
خليني اشمك يا حبيبي وعوف الوداع
••┄┅══✼°••°✼══┅┄
يا بعد طولي وفرحتي وشمامة امك
تگرب عليه يا علي خليني اضمك
ينجبر كسري بيا جبر لو گبر ضمك
••┄┅══✼°••°✼══┅┄
حلمي اشوفك يلولد عريس فد يوم
وانظر لطولك يا حبيبي وتجلي الهموم
احا على فگد الضنه الحلو الرسوم
••┄┅══✼°••°✼══┅┄
روح الله وياك لردت يبني الشهاده
والهم ييمه للگلب تعنه اوراده
والحزن ما ينفل ابد وانسه السعاده
✍🏻#نبضي_حسين
/channel/Wounds_AshuraOne
قصيدة ثكيله لأولاد مسلم ع
من ديوان #مواجع_الطف_الجزء_الثالث
{ قصيدة المستهل }
فريت السلف ماحصلتهم
حلوين المعاني ضيعتهم
أبراهيم وأخيه - ضاعو من أديه
فريت السلف ماحصلتهم
•───✧◐◐◐◐✧───•
كل يوم الصبح اكعد واتاني
ماواحد من اولادي اجاني
آآيفراكهم سلني وكضاني
كتلني فراكهم حيل
ابد مانايمه الليل
ليام الكبر ولدي ردتهم
•───✧◐◐◐◐✧───•
ضيعت العمر وأحله الليالي
بقيت اخلافهم مشدوه بالي
عيوني من الدمع ضلت تلالي
تصد عيني عله الباب
مــا اتحمل غيــاب
صحت بصوت مااحمل هجرهم
•───✧◐◐◐◐✧───•
لـو ونيت مــاينفع ونينـي
وتعمه خلافهم ياناس عيني
عليهم كل وكت زايد حنيني
احن ليام راحن
ويه اولادي ماتن
الدنيه بساع من ايدي خذتهم
•───✧◐◐◐◐✧───•
عين الما اشوف اولادي بيها
عساها بالعمه وزايد بچيها
ولا نور وضوه كون اليجيها
ذبلانه من الدموع
تذرف مثل الشموع
عميه تصير لوما شاهدتهم
•───✧◐◐◐◐✧───•
ضلت بس صورهم عالحياطين
شالو من وكت عـنـي العزيزين
ماخذهم زماني وين لاويـــن
شالو للمكابر
بقيت انه اكابر
المنيه بساع عن عيني لفتهم
•───✧◐◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
/channel/Wounds_AshuraOne
قصيدة ليلة 11/محرم
لسان حال مولاتنا العقيلة ع.
،،،،،،،،،،،،،،،،،،،
المستهل وزن خايف عليها النصوص وزن المنسجم
لحن جرح المدينة... ملا باسم الكربلائي
ــــــــــــــــــــــــــــــــــــــــــــــــــــــــ
وحشه المسيه.... بالغاضريه
••┄┅══✼°••°✼══┅┄
وحشه عليه واخوتي فوگ الثره نيام
طحنتي رحة كربله وهظمتني الايام
راح العزيز وبلگلب جرحه فلا يلتام
انفاسي هاليله دمه وضيم وحرك الخيام
دموعي جريه بالغاضريه
••┄┅══✼°••°✼══┅┄
عاشر محرم من گضه مني گضت الروح
شحسب واعدن جم اخو غاب ودليلي بنوح
واعظم مصابي وبلوتي حسين الغده مذبوح
ما ابطل الون واندبه ويه حمام الدوح
ونتي خفيه.... بالغاضريه
••┄┅══✼°••°✼══┅┄
من هود الليل اطلعت لبن امي اكصدته
عطشانه روحي لشوفته للوالي رايدته
وتعثرت بين الجثث بهمومي اوصلته
ريجي يبس من القهر والركض الركضته
شفته رميه.... بالغاضريه
••┄┅══✼°••°✼══┅┄
يا شوفته تهد السبع تطبقهن عله الگاع
شجمع وألم من الجسد من وذرته الضباع
كل هظمي بچفه المضه وهسه الهظم انواع
توجعني گطعة خنصره منها دليلي التاع
ضايع عليه بالغاضريه
••┄┅══✼°••°✼══┅┄
شرجع شگولن للحرم ومذهوله الاطفال
مرعوبه من طف نينوى ومرافجه الچتال
بهيمه صفينه بلا حرس ومضيعه الكفال
يا حسرتي ويا لوعتي هدت شموخ اجبال
بليل الرزيه.... بالغاضريه
••┄┅══✼°••°✼══┅┄
ليلي اصلي جالسه ينشد سبب العليل
يا عمه حيلي انخمد ما ضل الي كل حيل
من عاشر المرني امس مات الجدم وثگيل
وضلوعي صفن بالقهر يا معدن التنزيل
عينك عليه... بالغاضريه
✍🏻#نبضي_حسين
/channel/Wounds_AshuraOne
#ليلة الأصحاب
#وزن النعي
▪︎عن ذلك الغلام :
▪︎....وجدّ بالقتال إلى أن قُتل وقبل ان تفارق روحه بدنه قال: سيّدي حوّلوا رحل أمّي إلى رحالكم, إنّها صارت غريبة وحيدة :
اوصيك مولايه يلحنين
گلبي على امي وقرة العين
بعدي غريبه وتمشي لاوين
ربتني وسهرت ليالي
وحگ الربه اثمانه غالي
ون الحنينه شده حالي
منها الدليل بهظم مجروح
تشد بفگادي معصب النوح
بالي عليها ودمعي مسفوح
جاني الاجل واني برجاكم
خلوه رحال امي معاكم
هذا العمر كله فداكم
#يجاوبه الامام ع يقرعينه ، يطيب خاطره :
تهني حبيبي ولا يضل بال
بحمانه امك ويه العيال
للجنه اكصد حط الرحال
بعدك زغير ورحت للموت
لدرب الشهاده ناوي تفوت
ونينك اسمعه وخافي الصوت
اطمن على امك يا حبيبي
يلمنحرم شم العذيبي
ويا روحتك كثرت نحيبي
✍🏻#نبضي_حسين.
/channel/Wounds_AshuraOne
لاولاد السيدة زينب ع
طور يمه اطمنج عليه
ـــــــــــــــــــــــــــــــــ
يمه ليهمج يزينب
احنه ولدج ومنتعب
باجر تشوفينه... تعرفينه..وفينه... زلم النايبه
لحسينج نشوفه.. بطفوفه..منعوفه.. عدوه نحاربه
••┄┅══✼°••°✼══┅┄
يمه مديونين الج لازم نوافي
اليوم منه عايني نسددج صافي
عون ومحمد اسود وردنه شافي
حان يوم الملحمه ودنيا نجافي
اليوم يوم الغاضريه... ما نضل لهلمسيه
ييمه انعوفج... ونشوفج... بجفوفج... تخطين المجد
وياج وفايه.. وحجايه.. الغايه... عهدج ما نرد
والوفه من عدنه مطلب
احنه ولدج ومنتعب
••┄┅══✼°••°✼══┅┄
يمه حگج لو علگتي بوفه شمعه
هذا ابو اليمه ييمه وهوه البضعه
احنه اولادج ييمه وبينه فزعه
حسين يا خير الرجال امره نسمعه
جنوده وحدره ليمينه
جينه وياه ونعينه
يايمه انطيعه... منبيعه... ونشيعه... خبر الملحمه
من جدنه اوزوده .. لحدوده... اجنوده... ضنوة فاطمه
الحومه صارت النه ملعب
احنه ولدج ومنتعب
••┄┅══✼°••°✼══┅┄
صگور بلحومه ييمه وما نبالي
عدنه ابو الاكبر ييمه اغلى غالي
عهد وياج الكتبتي بالليالي
بسهرج وهز المهد دمعج يلالي
سهرج ودمعج لخوتج
يمه لبينه نخوتج
نشفيهن دموعج... موضوعج... وشموعج...بنورج لاهبه
بكربله سنينج.. وابنينج... بعينج... وافوا للربه
سباع عندج و متغلب
احنه ولدج ومنتعب
••┄┅══✼°••°✼══┅┄
سباع يمه وما تخوفنه المنايه
بينه زود ومرجله ولدج كفايه
الحومه عدنه جن عسل لا احلى هايه
وي عجيج الخيل وسيوف ورمايه
الخال ورثنه الشجاعه
حسينج الحلوه طباعه
منه تعلمنه... كل فنه... واعرفنه.. معنى المرجله
ما خضع الظالم... ميساوم.. ويقاوم
هنانه بكربله
من عذب مدرسته نشرب
احنه ولدج ومنتعب
••┄┅══✼°••°✼══┅┄
من عذب مايه شربنه ابو الغيره
ويه عباسه الگمر بدر العشيره
بكربله ترخص دمانه والنه سيره
الكون كله بينه يسمع يا اميره
يسمع بطاري بنينج
اليوم الا نگرها عينج
والقسم نبره... يا حره... بالزهره
ومحسنها سوى
نرويها بدمانه... عطشانه... لهفانه
صحرة نينوى
صعبه علينه متصعب
احنه ولدج ومنتعب
✍🏻#نبضي_حسين
/channel/Wounds_AshuraOne
مربعة بوزن التجليبة
لمولانا عون ابن عبد الله بن جعفر الطيار ع
وامه الحوراء زينب ع
،،،،،،،،،،،،،،،،،،،،،،،،،،،،،،،،،،،،،،،
يكولون الولد ثلثينه لخاله
وعون المرجله وارثها بفعاله
ــــــــــــــــــــــــــــــــــــــــــ
ربيته وضخرته لعازة سنيني
بيه زود الكفيل وشمرة حسيني
علميلات ما يرضه ضوه عيني
راضع مرجله والحومه تحلاله
•🖤•♡🖤•♡🖤♡•🖤•♡🖤•
الرببيته ورضعته صافي احليبي
بيه اتباهه هليوم لضخر شيبي
ولامة الحرب اتلوگله اگليبي
ناصر لبو اليمه وصادقه اقواله
•🖤•♡🖤•♡🖤♡•🖤•♡🖤•
صدق بالقول ابني وبرز للحومه
بجعفر يرتجز الشايعه اعلومه
جناحين اله بالجنات مضمومه
الطيار النطاهه اليمنه وشماله
••┄┅══✼°••°✼══┅┄
نعمين الولد يتباهه اوحگه
لو طب المعاره يحله الملگه
يفزع لخواله ومحد يلحگه
يروي بكربله فنون خيّاله
••┄┅══✼°••°✼══┅┄
خيّال وشجاع المرجله ساسه
نازل للمعاره بغيره واحساسه
ما يرضه ابذله ورافعه راسه
يا ليث الهواشم والعزم شاله
••┄┅══✼°••°✼══┅┄
بيه كل العزم والغيره لدينه
جاي لكربله وي خاله يعينه
ايد بايد وي خيه نطه سنينه
وگلب الوالده اشصاير بحاله
✍🏻#نبضي_حسين
/channel/Wounds_AshuraOne
للمفردات الأهوازيه الراقيه التي تكسر القلوب والأبداع المميز المأخوذ من عمق المصيبة
تجدونها في قناة الشاعرة الأهوازيه ياسمين الشموسي
تعالي شاهدي الألم والحزن بقصائدها
من هذا الرابط اشتركي قبل لانحذفه
👇🏻👇🏻👇🏻👇🏻👇🏻
/channel/yasaminalshamousi
/channel/yasaminalshamousi
شرح عن طوك الجديد ٢٠٢٥
مع جهاز سسكو
⬇️ للتواصل والاستفسار ⬇️
@ABRAR5325
@ABRAR5325
كروب اجهزة يفيد ملايات👇👇
/channel/+n-BgqsOHygw5OWNh
نرجو الأنتباه ان يكون النشر مره واحده القناة فيها دعم
Читать полностью…
مقتطفات من داخل تجمع ⛺️خيمة عزاء اهل البيت ع عالواتساب
صباحكم مهدوي حسيني اخواتي الخادمات
مابقى شي حبايب على محرم
كملتو شغلكم قصائدكم
اهتمو بصحتكم حتى تكملون المسير شهرين مو يوم يومين
بذلو الغالي والنفيس لأجل اهل البيت
حظرو رايااات رفعوها على داركم
اختارو عبارات حزينه عالرايه
لافتات عريضه دكوها عالحياطين
كون بيها نصرة لمولانا الحجه عج
خلو طاقة ايجابيه عدكم بأنكم قادرين على المجالس حتى لو مريضات روحو زحف للحسين 😭😭😭
يستاهل ابو السجاد
👈🏻 عبايتج وجواريبچ جنطتچ كتبچ لاقطتچ جهازچ حظريهن وكأنما عندچ سفر
كلنا مسافرين الى الحسين ع
👈🏻فرو الى الحسين💔
اهتمو للخدمة حتى تتوفقوووون
الحسين يختار خدامه المخلصين
يرفع وينزل بكيفه 👌🏻👌🏻 فدوه رحتله
👈🏻كبار ونزلهم للكاع وصغار ورفعهم للعالي
خط احمر طريق الحسين ع
👈🏻هلله هلله خواتي العزيزات مااوصيكم بعد
👈🏻الحفاظ على هيبة المجالس خلي المجلس عِبرة وعَبرة
👈🏻حتى التغلط عليچ بشهر الحسين سامحيها محبة بالحسين
👈🏻التاخذ مجلسچ كليلها بالعافيه رزق الخدمه بيد ابو السجاد
👈🏻امشي صح تنالين خير الدنيا
والاخره
اختكم خادمتكم
الشاعرة أم علي الإماره
@um_ali313
#الرواية: خرجت زينب من الفسطاط و هي تنادي : وا أخاه ، وا سيداه ، وا أهل بيتاه ، ليت السماء أطبقت على الأرض ، ليت الجبال تدكدكت على السهل ، اليوم مات جدّي اليوم ماتت أمي .
🟰🟰🟰🟰🟰🟰🟰
**ابو ذية
ودامي
اجيت لمصرعك عاري ودامي
قوتي الصبر يا خويه ودامي
ريت لمصرعك تحضر ود امي
تكابلني يخويه بهالرزيه
ورضها
ليت انطبكت اجبال ورضها
مصيبه المحد يحملها ورضها
خيل السحكت الجسمك ورضها
تمنيت السحك يا خويه ليه
جدنه
يومك يالاخو چن يوم جدنه
لوبيدي العمر يا خويه جدنه
مصابك منه دربي ما وجدنه
وصلتك يالاخو واصفك بديه
**قريض
دك حصن الصبر في مرأى الحسين
منـــــظر المذبوح ادمى المقلتين
ليتها اطبقت السبع الشداد
والجبال دكت تعلن الحداد
اسفا مولاي يا نهج الرشاد
يبن امي قطعوا منك الوتين
بخفي الصوت والحال عسير
اندب المصطفى والدمع غزير
هذا يا جدي حسين في الهجير
كالاضاحي ذبح ابن الاكرمين
تمطر العين دموعا ودمـــاء
اي رزء حل فيك كربـــــلاء
وعلى ارضك نسل الادعياء
ذبحوا الدين وعدل الثقلين
حر قلبي فقد سبط الرسول
مهجة الزهراء والبضعة البتول
صفت الاملاك تنعى بذهول
لتعزي المصطفى والمرسلين
نكبة الاسلام في يوم عصيب
به طه امسى محزونا كئيب
به شيب المرتضى عاد خضيب
كسرت اضلاع ام الحسنين
نبضي حسين
/channel/Wounds_AshuraOne
#الرواية
صاح عمر بن سعد بأصحابه : ويلكم إنزلوا و حزّوا رأسه ، و قال لرجل : ويلك إنزل إلى الحسين و أرحه . فأقبل عمرو بن الحجاج ليقتل الحسين فلمّا دنى ونظر إلى عينيه ولّى راجعاً مدبراً ، فسألوه عن رجوعه ؟ قال : نظرتُ إلى عينيه كأنهما عينا رسول الله . و اقبل شبثُ بن ربعي فارتعدت يده و رمى السيف هارباً ، فعند ذلك أقبل شمرٌ و جلس على صدر الحسين
#نعي
____
بس ابن جوشن مارحم بيه
حز ركبته ولارجفن ايديه
وجده النبي العدنان يدريه
〰️〰️〰️〰️〰️〰️〰️〰️
جده المختار ويعرفه
لاهابه ولارجف جفه
نور السمه والكاع طفه
〰️〰️〰️〰️〰️〰️〰️〰️
تربع يويلي فوك صدره
بسيفه كطع لحسين نحره
مو طبره وحده اثنعش طبره
〰️〰️〰️〰️〰️〰️〰️〰️
وكت الذبح ناده لجده
وصوته للمخيم تعده
فزعن خواته بساع عنده
〰️〰️〰️〰️〰️〰️〰️〰️
طلعن خواته من الخدور
يلطمن عله الروس وعالصدور
من الكفه شافنه منحور
〰️〰️〰️〰️〰️〰️〰️〰️
بيا حال شافنه ولكَنه
والشمر عد راسه تثنه
صاحن يظالم كوم عنه
〰️〰️〰️〰️〰️〰️〰️〰️〰️
ما ينوصف حال النساوين
بالمعركه من شافن حسين
ويمه اخوته كلهم مطاعين
〰️〰️〰️〰️〰️〰️〰️〰️〰️
اخوهن عله التربان ياحيف
ويهوس الملعون بالسيف
متنومس بجتله عله الكيف
〰️〰️〰️〰️〰️〰️〰️〰️
✍️. أم محمد علي الشيباني
〰️〰️〰️〰️〰️〰️〰️〰️
صاح ابن سعد الكل يسمعوه
راس الحسين اطلب تحزوه
كطعوا ونينه هسه گطعوه
••┄┅══✼°••°✼══┅┄
كلمن دنه الذبحة حسين
منه يفر ميصدله بالعين
بس الشمر ما هابه هالحين
••┄┅══✼°••°✼══┅┄
شمر الضبابي انشلت ايده
من ابو اليمه يحز وريده
خلاه يون ونه شديده
✍🏻نبضي حسين
〰️〰️〰️〰️〰️〰️〰️〰️〰️
شلت يمينك يالضربته
ابن الصميده ماعرفته
بديرت غرب محتاره اخته
✍🏻ام مصطفى
••┄┅══✼°••°✼══┅┄
طاح الولي مجروح وكلمَن لِفاله
يشوف النبي بعيناه خايف تِدناله
هاذا ابن البتول اليوم جاله قتاله
شسوى الشمر ملعون ساعة إجاله
بصدره قعد ويلاه وحزّ برقبته
لبوجهه نور الله يشعّ ابجبهته
وراسه برمح خلاه ومشقوقه شِفته
وحضرتله امه تصيح تنحب ذبحته
#اعظم الله أجوركم مما يُروى ان مولاتنا الزهراء حضرت عند ذبح ولدها ، يقول ذلك اللعين وبينما انا على صدر الحسين واذا سمعت منادية تنادي ووالده ... واحسينااااه
#نصاري
وصلته والرمل غاطي جروحه
وكبده ويه السهم طالع خطية
صحت آيالولد يُمه الرمل حار
عباتي انشرها فييّلك خطيّه
#الوزن بحر طويل
قبرها عافت الزهره واول زائرة لحسين
حنّت بالدّرب صاحت دلوني على جسمه وين
سمعته يونّ قبل ذبحه ولفيته والقلب لهفان
رِدت أحكي وي إبني وقِله يا جرح تعبان
شداوي يُمه من الجروح واقرالَك سور قرآن
وصلته والنّحر دامي ومن كبده شفت ثلثين
صِرت ادعي على الظالم إشعندك يا شمر وياه
شفاهه من العطش يِبْسَت ما واحد إلِه رَواه
وصدره منسحق مرضوض إشسوت بيه خيل اعداه
وتراوت حُرمه لي عالتل عمرها جاوز الخمسين 💔
وشفتها من إجَت عنده واخوها حَضْنِته مذبوح ( يا زينب )
يخويه احترقت الخيمات تِقلّه بالبكا والنوح
حِرّت بْنُوحي يا يّمه وقلبي لزينبك مجروح
هيه تصِيح تعاليلي وانا ونّي على الإثنين
#هنا زينب ع تنادي ، تستغيث بأمها ، تتذكر وعدها بالحضور في كربلاء:
يُمه وينك عوفي قبرك يالحنينه
يُمه وينك خويه الِحسين ذابحينه
يُمه وينك وصِلته بس ساكت ونينه
يُمه وينك اذكر ايام المدينه
يُمه وينك عالوعد قِلت تجينه
يمه وينك بحق الحسين إحضرينه
#تجاوبها الزهراء عليها السلام
انا يَمك وابكي لاحوالِك غريبه
انا يَمك وانظر اهوال المصيبه
انا يَمك وامسح الشيبه الخضيبه
(انا يمك يا زينب مو بعيده )
🖊خادمة ابي الفضل
تمت بحمد الله بأقلام شاعرات مهدويات الهوى
/channel/Wounds_AshuraOne
نعي لسان حال مولانا زين العابدين ع
#الرواية:
روى عن عمر بن زين العابدين عليه السلام أنه قال : لما قتل جدي الحسين المظلوم الشهيد لبس نساء بني هاشم في مأتمة ثياب السواد ، ولم يغيرنها في حر أو برد . وكان الإمام زين العابدين يصنع لهن الطعام في المأتم ) .
♡♕♡♕♡♕♡♕♡♕♡♕♡♕♡♕
ابوذية
اعده
نصبن فاتحه والزاد اعده
هذا اليوم لعزازي اعــــده
چم جرح وجرح بيه اعده
چثيره اجروح خنعدهن سويه
ولماي
ونچن بالعزه وي وني ولماي
ما يفتر ونيني وبيه ولمــاي
اوزع بالعزه الزاد ولمــــــاي
تهمل بالدمع عيني جريه
مرات
ايام الطفوف عليه مُــــــــرات
وكل لحظه بعذاب اعليه مرت
دنياي اعكست شو چنها مراة
تروايني الهظم كل ساعه اليه
🏴🏴🏴🏴🏴🏴🏴🏴
نصاري
خلي نقيم يا عمـــــه العزيه
ولبسن سود الهدوم المسيه
ارد انعه ذبيـح الغاضريــــه
وحشه بلايه ابويه الثنـــــيه
وني ما ابطله للمنيــــــــه
🏴🏴🏴🏴🏴🏴🏴🏴
واذكر يا مصيبه ويا رزيـــه
روحة عمي واخواني سويه
لو طفل انذبح بالغاضريــــه
لو نندب لخوله وصفيـــــــه
ويا غصتها العزيزه رقيـــــــه
🏴🏴🏴🏴🏴🏴🏴🏴
نصبن فاتحه خلني انعــــــه
اطبخ للثواب اوبيدي اوزعه
اتفرغن للعزه وذكرن الفجعه
بعبرات السبي اجريها دمعه
وتحضر للعزه جدتي البضعه
✍🏻#نبضي_حسين
/channel/Wounds_AshuraOne
مكتبة عاشوراء المميزه
تعالي وياي لمكتبة عاشورا۽
تلكين بيها اروع واجمل الكتب نزلت للمناسبات الرجبيه
لحجز الدواووين من هنا
@ABRAR5325
للأشتراك بالمكتبه اضغطي علرابط👇
/channel/AiDoiwwn19878
#نعي لسان حال السيدة ام البنين ع عندما اتت لدار الحسين ع بعد رجوع السبايا ع الى المدينه
ـــــــــــــــــــــــــــــــــــــ
جيت يمه لدراك بگلبي الونين
انشد من الدار وينه الحسين
جاوبتني بنوح يا أم البنين
راح ابو اليمه ذبيح بكربله
••┄┅══✼°••°✼══┅┄
وين زينب وين بنت الطاهره
سولفيلي يمه شنهو الي جره
رجعتي يبنيتي بقهر ومحسره
مغيره الالوان دمعج سايله
••┄┅══✼°••°✼══┅┄
وين ابو اليمه عزيزي ما أجه
روحي شاغت عالسبط ولايجه
انت جنتي بكربله ومتورجه
احجيلي يمه الصار ابني شعطله
••┄┅══✼°••°✼══┅┄
شتجاوبها مولاتنا العقيله
ــــــــــــــــــــــــــــــــــــــــــ
يمه هذا الصار راح مدللج
شحجي عن حسين وشأشرح الج
منذبح والخيل طاحتله دبج
رضو عضامه ومصابه شيحمله
••┄┅══✼°••°✼══┅┄
يمه وعباس ما قصر ابد
صاحب الوانه وفه ويانه الوعد
دون ابو اليمه يقاتل الاسد
اربعه بنينج شجاعه ومرجله
✍🏻#نبضي_حسين
/channel/Wounds_AshuraOne
بعدها صغــيرة خل تعيش حياتــها وطفولتــها.؟
هواية نسمع مثل هذا الكلام خلينا نرد عليه بالمنطق والعقل :
اول شي محد گال العباية تمنع الطفلة من حياتها وطفولتها تره هيَ مو سجن؟
ثاني شي التعلم في الصغر كالنقش على الحجر
يعني احنا ليش مانعلم اطفالنا من همة صغار ع شي الزين الي يرضي الله وصاحب الزمان؟
ليش نهملهم ونعلمهم عالغلط وبعدين من يكبرون وينحرفون يذبون كل الصوچ بيهم ،الولد يفسد والبنية تكره الحجاب والعباية وتلبس لبس ممستور ،
غير بسببكم انتوا الاهل ماعلمتوهم ع شي الصح من البداية..؟
تره تربية الاهل للاطفال الها دور كلش چبير وتأثر على حياة الطفل من يكبر ، مو بس ننطيهم اكل وملابس والعاب.
فـ علموا صغيراتكم على أرتداء العباءة لتزيدهم بها حباً وتمسكاً..🧕
/channel/um_ali313
قصيدة ليلة العاشر
طور دنية ملا باسم
النصوص شيعتي+فاعلاتن
الربوط فعلن+ حدي
ـــــــــــــــــــــــــــــــــــــــــــــــــــــ
فجرك... عاشر فجعني ابطلعته
فجرك... لا صارت علَي طرته
فجرك.. بيد الله اخوتي وداعته...
فجرك
••┄┅══✼°••°✼══┅┄
ساعة افراگ الاحبه مرمرتني
احساسي هايم..... واحضنتهم
آ يحالي ودعتهم آ يروحي وگلبي
يحمل..... من شفتهم
اشكد مصيبه هايه صعبه ليلي كله
مگابلتهم ... ودعتهم
صبري …ماينحسب ذاگ العمر
صبري... كل يوم اقاسيه شكثر
صبري.. اظلم يصبحي بجيته
... فجرك
✍🏻هدى المطر
••┄┅══✼°••°✼══┅┄
ليل الموادع كسرني ويه اخوتي ما اريده... ورگّد الحيل
صعبه يا هايه المسيه ونتي بيها الشديده.. ودمعتي تسيل
شلون لو باجر اجاني وشملي طشار اوحيده...وحملي ثجيل
وحسين... ما شوفه معقوله بعد
وحسين... هلليله جن حل الوعد
وحسين.... باجر ويايه فرگته
فجرك
✍🏻#نبضي_حسين
••┄┅══✼°••°✼══┅┄
عمري الجاي بمناحه بلايه اعزيز الوديعه. وين صبري
هايه اخر ليله اشوفه و العمر من بعده
ضيعه... شيگضي عمري
ويه ريحانة محمد الليله الخيام بفجيعه... بحيره امري
الليله... يهظمني اوداع السبط
الليله... وروحي حمامه وما تحط
الليله... وتحوم يمه رادته.... فجرك
✍🏻#نبضي_حسين
••┄┅══✼°••°✼══┅┄
اغروب لموداع هِدمني روحي مچلومه ابكياني... يا زماني
لو مشيتو ابلايه رجعه والله حيره هذا دهري... عذباني
روحي مهضومه وتعاتب يلنويتو
تودعوني... بهالثواني
أوداعي .. ابچي وتحدر دمعتي
وداعي... وشكد عظيمه بلوتي أوداعي ..اباب المخيم طلعته... فجرك
✍🏻 هدى المطر
••┄┅══✼°••°✼══┅┄
اخر اللحضات تگضي بالمناحه ويه اخوتي.... وروحي تلوب
عسن لا باجر يجيني ويبدي الفراگ ومحنتي.. عليه مكتوب
والعميد بلايه ضله شلون بينه ولا كفيلي... وشمعتي تذوب
شمعه.... عمري بمصابه انطفه
شمعه.... گلبي بحنينه وعاطفه
شمعه.... ذايب دليلي بونته.... فجرك
✍🏻#نبضي_حسين
••┄┅══✼°••°✼══┅┄
جنحي مكسور وحزينه لو مشيتو بگلبي لوعه.... بنتظاره
مالي حيل و بس وحيده بالمخيم من يطفيه....داوي ناره
اشلون حالي من بعدكم ياغربتي ويه اليتامه.... مالي چاره
هدني .... يوداع اخوتي الكل جمع
هدني ….حبـــــــل الأخوه ينگطع
هدني....كل نفس يلفظ حسرته
.. فجرك
✍️هدى المطر ام محمد
ــــــــــــــــــــــــــــ
تمت باقلام الشاعرات
هدى المطر
نبضي حسين
/channel/Wounds_AshuraOne
قصيدة بحق مولانا مسلم بن عقيل ع
ــــــــــــــــــــــــــــــــــــــــــــــــــــــــــــــــــ
مسلم يا ثقة الحسين..
ومبعوثه لأهل كوفه
بيه امحيره الالباب
نبحث دوره ونشوفه
منهو الكال جان اوحيد
قائد بالحرب صنديد
سواها معاره الحيد
حضر للطفوف ارجال... وعد جنوده وصفوفه
••┄┅══✼°••°✼══┅┄
وي عمه شكثر حارب وصفين شلعب بيها
علميمنه ويه الحسنين افعاله الكتب ترويها
فتش عنها وابحث زين حتما راح تلگيها
فتوحات النصر شاهد
مثل طود وثبت صامد
مسلم هيبه او قائد
وهذا انكتب بالتاريخ موش اوهام سالوفه
••┄┅══✼°••°✼══┅┄
يلمستمع للاقوال تمعن بيه اليحجونه
كالوا خانته اصحابه وظل يدير بعيونه
وبرض الكوفه ضل محتار وكل ربعه يغدرونه
هايه اقوال مكذوبه
لهل احقاد منسوبه
يشمس الله المامحجوبه
نور الله سطع وهناك
الحقيقه اصبحت مكشوفه
••┄┅══✼°••°✼══┅┄
تحرر من قيود افكار ما نصفت ابو طاهر
اتصوره النه ذليل اوحيد وبالكوفه بلا ناصر
غريب امضيع ادروبه ويم طوعه اجه حاير
لا ما جارته طوعه
هيه لأمره متبوعه
بتنظيماته مجموعه
آوت جنده وازلامه عدها وخدمت اضيوفه
••┄┅══✼°••°✼══┅┄
مسلم من اجه الكوفه عنده اعوان طيبة ساس
عمل سري اله وتنظيم صفوفه مرتبه الفرناس
قيادي محنك ومعروف ومن حيدر علي ينقاس
جم معركه جان ايقود
للاسلام حامي احدود
بلكوفه يعود اردود
وابن مرجانه اتحير.. بامره وما غده يشوفه
••┄┅══✼°••°✼══┅┄
اطمن هذا مسلمنه البيه الزود بلكلفات
مو عن عاطفه من حسين مو رتبه نطاه رتبات
مبعوثه الخصوصي الهم كفو ومعروف بالشدات
لبو اليمه كفايه بيه
ابو طاهر ثقه مخليه
هذا اوله وتايله
كتائب حشّد ولحسين تزهي اسماء بطفوفه
••┄┅══✼°••°✼══┅┄
ابن عوسجه من جنده وحبيب الشيخ للانصار
اواحد ضاخره لحسين لا بد ما يجي للثار
واسمه لامع ومعروف فتى ثقيف اه المختار
هواي اعداد مدروجه
ابطال وخيل مسروجه
وده لكربله فوجــــــه
المصادر تروي والتاريخ حافظ كلشي برفوفه
✍🏻#نبضي_حسين
تدقيق ام محمد علي الشيباني
/channel/Wounds_AshuraOne
اصدارات. 2025
صدر حديثا ديوان
حار الميدان ج 1
الشاعرة ام حسين العسكري
خاص بالفزاعي والمربع والحماسي
للعليله ع وأولاد مسلم والحسين ع
⬇️ للتواصل والاستفسار ⬇️
@ABRAR5325
@ABRAR5325
كروب اجهزة يفيد ملايات👇👇
/channel/+n-BgqsOHygw5OWNh