859
خادم اظل طول الدهر خادم اكتب عل النحر بدفترج سجليني. بخدمتج خليني خادم اظل طول الدهر للتوصل او المراسله مع خادم الحسين مصطفى النائلي 07719008836
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دَارُ وَحْيٍ صَانَهَا الْمُخْتَارُ
أَسَفًا قَدْ دَاسَهَا الْأَشْرَارُ
=====================================
أَيُّ صَحْبٍ بِالْعَدَا فَحْوَاهَا
غِلُّ صَدْرٍ أَظْهَرَتْ أَشْقَاهَا
حِينَ صَوْتٌ قَدْ عَلَا مِنْ فَاهَا
دَارُ فَاطِمَ مَا لَهَا أَسْتَارُ
=====================================
مِنْ وَرَاءِ الْبَابِ نَادَتْ فَاطِمُ
أَحْرَقَ الدَّارَ بِحَطَبٍ ظَالِمُ
مَا لِهَذَا الْكَسْرِ غَيْرُ الْقَائِمُ
كَيْفَ يُؤْذِي ضِلْعَهَا الْمِسْمَارُ
==============================================
أَقْبَلَ الْكَرَّارُ يَغْلِي مُسْرِعًا
وَرَأَى الزَّهْرَاءَ تَجْرِي الْأَدْمُعَا
طَخْيَةٌ وَالْعَرْشُ مِنْهَا صُدِّعَا
أَصْبَحَ الدَّمْعُ عَلَيْهَا نَارُ
==============================================
حَيْدَرٌ أَمْسَى رَهِينُ فَقْدِهَا
عَاشَ دُنْيَاهُ أَسًى مِنْ بَعْدِهَا
كَانَ فِي اللَّيْلِ يُمَاسِي لَحْدَهَا
كَانَ فِيهَا يَعْلَمُ الْأَسْرَارُ
=========================================
رَحْمَةً لِلنَّاسِ بَعْدَ الْمُصْطَفَى
فَاطِمٌ وَالنُّورُ مِنْهَا مَا طَفَا
كَانَتِ الزَّهْرَاءُ مَرْوًى وَصَفَا
وَهِيَ الْجَنَّةُ فِيهَا تَسْتَنَارُ
=========================================
مَاتَتِ الزَّهْرَاءُ وَهْيَ غَاضِبَةٌ
تَشْتَكِي لِلَّهِ فِعْلَ النَّاصِبَةِ
أَيُّ وَغْدٍ لِنَبِيٍّ صَاحَبَهُ
دَفَعَ الْبَابَ فَأَيْنَ الثَّأْرُ
========================================
✍️مصطفى النائلي
يمك يبو النوماس ذبيت العگال
اگضيها يالعباس متعسر الحال
✍️ مصطفى النائلي
ابن طه النبي الكاظم وسدها..
اچم شده الذي فضها وسدها..
لعد بغداد حاميها وسدها...
امان وبي اتلوذ الجعفريه
✍️ مصطفى النائلي
نولد طه النبي يا عالم ابهاليووم
الفرح عم بالمدينه ونزلت الرحمه
شع نوره ابربيع او طشت الاخبار
ابو الزهراء رحمه وللخلگ نعمه
الصادق والأمين وخير خلق الله
وحبيب الله هوه ومنقذ الأمه
المنذر والبشير او وسيد الكونين
وسراج الله المنير وصاحب الحكمه
ومنو مثله محمد قاب بالقوسين
وبذكره تطيب الألسن بنسمه
وبذكرى الولاده نبارك بكل طيب
لكل من بالولاده يفرح ابهمه
✍️ مصطفى النائلي
القصايد بالكتابه تبقه الك تذكار
عندك حيدره وأبداً فلا تحتار
شفيعك بالقيامه هذا ابو الحسنين
جسمك والزجيه ما تمسه النار
✍️ مصطفى النائلي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ها
حسين اللمه بصحنك تسوه الكون وكل مابي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
لسان حال مولاتي زينب عليها افضل الصلاة والسلام تقول
والماي
شسولف يا جرح شخفيك/// والماي ( الألم)
حسين أمطشر أعله الگاع /// والماي ( يعني تلم بي)
مشه عباس عن العين /// والماي
گطع چفينه برض الغاضريه
يامن جرحَّك دهرك ومنك ياجرح يبره
ماهوَّد دمع عيناك عبره تصبر بعبره
==============================================
ما هود دمع عيناك. يبن احسين يوم الطف
ألمن تبچي يالمجروح. عالمذبوح لو للچف
لو عن گيدك البالنوگ.. صعبه الحاله تتوصف
جروحك صعبه ما تنعد
اشلون ابسلسله امگيد
وخيامك صعبه من تنهد
على المذبوح فوك الكاع. دمعتك عالوجن حمره
==============================================
دهرك جرحَّك بحسين. من شفته برمح راسه
مصيبه وزلزلت بالكون.. الشمر حين الذي داسه
كأنك تشعر ابذبحه..... من اختنگت انفاسه
مصيبه راتبه وكبره
حسينك منكطع نحره
وتنحب عمتك الحره
صعبه تنظر اعله الرؤس. وحدك انت كل مره
=========================================
جرح يوم السبي آذاك.. تحاچي عمتك الكافل
تگله ابظلم ابن ازياد.. سبانه يا ابو فاضل
سمعتها ابحرگه وا ويلاه.. ودمعك عالوجن هامل
تهل ابدمعك المسچوب
وتذكر عمك المخضوب
ذاك العالرمل مصيوب
وتنادي بعبره انت اليوم.. صعبه اعلينا هالذكره
=====================================
المدينه ظلَّمت وتنعاك..... وتندب ويلي يالسجاد
خبر موتك سلب للروح. عليها كل حزن ينعاد
ناس الي اذبحو عودك سم دسولك الأحقاد
رحيلك فاجعه وكسره
مسموم إمن أهل غدره
عليك أحنه بألف عَبره
واجب كل موالي اعليك. ينصب مأتم او يقره
=======================================
✍️مصطفى النائلي
يا ابا عبدالله. يا ابا عبدالله
======================================
حسين يا اول عشگنه امن المهد حد اللحد
انت حبك في گلبنه وعنه ابد ما نبتعد
نريد بس احنى الشفاعه اهناك وبيوم الورد
واليخدمك يا حبيبي اتگول توه منولد
انت عايش بالگلب. انت حبك اغله حب
يا ابا عبدالله. يا ابا عبدالله
======================================
احنه عاهدناك احنه وحاشه عنك ما نزل
ما نعوفه حسين دربك لو يقتلونه قتل
راحه نشعر بالخدامه وهذا واقع بالفعل
ذوله خدامي تنادي بيوم تفتح للسجل
نريد مرضاتك تره. وعلي يبن الطاهره
يا ابا عبدالله . يا ابا عبدالله
=======================================
كل زمن يحسين تبقى ساكن ابنص الظمير
عله منهاجك يغالي اليوم كل شيعي يسير
يرتفع شانه اليخدمك هذا عند الله چبير
انت قائدنه وابونه سيدي وانت الأمير
انت سلطان النفوس. انطيت للعالم دروس
يا ابا عبدالله. يا ابا عبدالله
=======================================
مثل عباس الچفيل اليوم ما شفنه اخو
ضحه بيمينه وشماله ابو الغيره اشگد كفو
من وگع فوك الشريعه صاح يحسين العفو
انت گلبك يبو اليمه للاخو اعظم دفو
مثله ماكو بالزلم. ذاكه عباس الشهم
يا ابا عبدالله يا ابا عبدالله
=====================================
من گصد صوب الشريعه الگمر راعي اللوه
الجيش من خزرة اعيونه كافلك ثق انطوه
ضيع المشراد بيهم گطع عباس الهوه
وغيرك انت حسين أبداً هالگلب لا ماهوه
انت حبنه الاولي. ياابن طه وعلي
يا ابا عبدالله يا ابا عبدالله
======================================
عهد ما نترك طريقك حتى لو زرعوه جمر
يبقه حبك بينا عايش سيدي فدوه العمر
شمحله هاي الخدمه هيه وبالخدامه نفتخر
نريد تحضرنه يغالي لو بده اهناك الحشر
سيدي انت العشگ. انت بس حبك صدگ
يا ابا عبدالله.. يا ابا عبدالله
=========================================
✍️ مصطفى النائلي
قصيدة: شيخ الانصار . نخاهم. شيخ الانصار
اداء الرادود: عبدالله الطفيلي
✍️كلمات خادمكم: مصطفى النائلي
ام البنين وجرحي آذاني
يوم المشوا عن داري ولياني
كل دمعي همل بس شوف الحصل
يوم المشوا عن داري ولياني
======================================
كل ولياني راحوا هالمسيه
بقيت لوحدي شيصح بديه
لا عباس ظل ولا اخيه
ولا زينب بقت لي إولا رقيه
كل غبشه گلبي ايصبح اعتابه
چي اهله راحوا عنه واحبابه
ما ظل كل امل شوف الحصل
يوم المشوا عن داري ولياني
=======================================
بالحايط صورهم ترست البيت
اروحن يمهم اني اشگد تمنيت
من يوم الچفوني دمعه ظليت
أرجع يا حسين ابعبرة ناديت
أرجع ييمّه الفرگه مو سهلّه
أبحسره كل خل ينتظر خلّه
لو مره رحل بس شوف الحصل
يوم المشوا عن داري ولياني
=======================================
احجي ويه روحي لو يردون
احباب الگلب ويمي يبقون
جان انطيت عمري وشوف العيون
لجن عافوني وحدي وما يرجعون
ابوحدي ابقى هذي لا صعبه
واليفگد أهله ينكسر گلبه
وصابتني العلل بس شوف الحصل
========================================
حنيني يهزني ادري آنه كل يوم
لوليدي الحسين المات مظلوم
عنه اشگد ردت اخبار واعلوم
وعن الحره ورقيه أسألت دوم
مشدوه بالي من مشوا عني
والهم سهرت الليل ابوني
الغالي ما يظل بس شوف الحصل
يوم المشوا عن داري ولياني
=========================================
الضعن لمن طلع جن طلعت الروح
وجن كلبي يگلي احسين مذبوح
صوتي من بعدهم صار مبحوح
وبوني احس تزداد الجروح
روحي يروحي اجروحي مذبوحه
راح العزيز إو ثگلت اجروحه
ما يرهم بدل بس شوف الحصل
يوم المشوا عن داري ولياني
=======================================
✍️مصطفى النائلي
علي الاكبر جزاه اللوم .. ماگصر ابتكليفه ..
شبيه المصطفى المختار .. نوره يسطع وسيفه .
==========================================
من طب ساحة الميدان .. وعلوم المنايه اتحوم .. شهاب وحدر اعليهم. ونزلت صاعقه أعله الگوم ..
ضنوا حيدر الكرار .. او بالطف انبعث هاليوم ..
لاچن حيدر اشجابه ..
العساكر منه مرتابه ..
اليطبر يصيح يأيابه .
يوزع بالتساوي الموت .. من عدهم أخذ حيفه
==========================================
من عدهم اخذ حيفه .. شبل احسين المصيت ..
سيفه يجندل الفرسان .. كدامه الزلم هجت ..
تناوش راس ابن غانم.. وزتاه الجهنم زت..
رد يتبختر بزوده..
ويريد الماي من عوده..
ولا گطره الذي بجوده . حط ثغره أعله ثغر احسين . بلجن تصح ترشيفه
=========================================
العطش سهم العطش چتال ..بيس بي وماانصف ..
حر ونبل يتساگط .. مثل يوم القيامه الطف ..
تشب بگلوبها النيران .. وحلوگ الزلم تنشف .
وچم صوله اله وصوله ..
الأكبر غيره ورجوله .
الصعايب عنده محلوله ..
مثل الشهد عنده الموت .. للحگ فاتح امضيفه
===========================================
نبجي ونجري الدمعات .. نون ونجذب الحسره ..
عله فكد العزيز الراح .. متوذر عله الغبره ..
ننصب مأتمه وكل عام. نجدد باللطم ذكره ..
عليه اگلوب محترگه ..
توج بلوعة الفرگه ..
تموج وبالنفس شهگه ..
ودع دنيته عطشان . بهجير المعركه وصيفه .
=====================================
✍️مصطفى النائلي
الزهره يالكرار من عصروها
فضه وحسين وحسن سندوها
============================================
فضه ويه حسين سندو فاطمه
من بعد كسر الضلع حامي الحمه
اليوم دارك يا علي هل المظلمه
بگلبك الزهراء اضن دفنووها
============================================
فاطمه يوم المشت تركت جرح
جرح راسك يا علي وجرح الذبح
كون هالليله تطول بلا صبح
ولدك امهم فاطمه ايشيعوها
============================================
ادري صعبه اهواي لو شفت الضلع
منكسر يا ويلي واتشوف الوضع
بالظهر بسمار حيدر. منطبع
شلون گدامك شفت كسروها
============================================
شلون گـدامك عليها اتجـاسرت
الزمره والنيـران بـديـارك دوت
خلافك الزهراء هي اتعذبت
على خدها ابيا ذنب صفعوها
============================================
يبو احسين وما بقه عندك صبر
شلون بيدك هالمسه تحفر گبر
لروحك الزهره الزجيه ابهالعمر
وللعقيله ابهل الهضم عينوها
============================================
✍️مصطفى النائلي
قصيدة گعديه لمولاتي الزهراء
اشوصت حيدر هيه الزهره
بس انت ابدفني اللي اتحضره
خصمك خله. مايندله
بس انت ابدفني اللي اتحضره
=============================================
وصت الزهره الزچيه حيدره أبهاي الوصيه
اخفي گبري يبن عمّي لو اجت ليّه المنيه
ادري صعبه هواي هايه لمن اتروح الزجيه
هذا الأمر ادري صعب... ايگطع انياط الگلب
لمن تلّحدني الترب ..... روحك بهاي المسيه
شمصابك حيدر هالليله
نعش الزهره اليوم تشيله
هاي العله. ما يندله
بس انت ابدفني اللي اتحضره
========================================
فارگت حيدر وليها فاطمه وراحت شهيده
يا علي صارت تنادي ام حسن عنك بعيده محسن أشلون و تشوفه صاير اخضابه بوريده
ياخذ عزيزك هالزمن… يا حيدره يا ابو الحسن
و الزهره چانتلك وطن….. حيدره وهي نشيده
اتعود ما يوم ايفارگها
او لاداره الوادم تحرگها
الحاله تقتله.... اچبيره العله
بس انت ابدفني اللي اتحضره
========================================
من عگبها الزهره صارت مظلمه والله المدينه
عافت الكرار وحده خافي حسراته او انينه
ابهالفجيعه من يصبره ربنه هوه اللي يعينه
صاير مثل غصن الشجر... ظهره على الزهره انكسر
مو هين اعليه هالخبر... بالترب دافن حنينه
ضلع الزهره اليتراواله
حيدر منها اتغير حاله
البيه يتسله ... ابفگده العله
بس انت ابدفني اللي اتحضره
=========================================
حيدر اويه احسينه ناحوا فاطمه او زينب اجتهم
عن فگد فاطم اضنها الحره كامت و أسئلتهم
امي ليش انرض ضلعها وبالبچي زايد ألمهم
وتنادي حگها بت علي.... هالليله وتناجي الولي
منهو بعد بويه إلي.... بدمعه زينب اسمعتهم
والليله اتصيح ابكل عبره
راحت مظلومه امي الزهره
والدمع أتهله ….. ما يندله
بس انت ابدفني اللي اتحضره
========================================
✍️ مصطفى النائلي
زينب طاح ياوسفه كفلها
أخوها وعالنهر قدم كفلها
حزنها الكون ماظنه كفلها
وغطت بالألم للغاضريه.
✍️مصطفى النائلي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
فرحتنا المحمد سيد الأكوان
أبد ماتنوصف بيها الفكر محتار
إنولد هالليله خاتم أنبياء الله
محمد هذا من عنده تشع أنوار
شعلنا شموع وبخور الحفل هاليوم
وبهاي الولاده امنوره عدنا الدار
محمد يامحمد هالهتاف يدور
مثل هذا الهتاف اليوم لاماصار
ابو الزهره محمد حگنه نفخر بي
شفيع الأمه منقذها صُفه المختار...
✍️ مصطفى النائلي
آنه حب حيدر علي يسري بدماي ..
عله الفطره وبيه عيني امكحله ..
من الطفوله وابد مااترك هواه ..
لا وحگ المصطفى سيد المله ..
حب علي هو طريقي للنجاة ..
تفرج اهمومي ويحل كل معضله ..
هذا ابو الحسنين مگصودي ومناي ..
وعله. اشفافي ذكره أصبح بسمله..
ابو الفقره وللنفس كلش قريب ..
هذا البجاله اليتامه امدلله ..
بعالي حسي صوتت حيدر امير ..
وما يهمني العنده ويا مشكله..
بگبري إنامن وأنه مرتاح الضمير ..
مايخاف الي علي متكفله ..
اني امنيتي اعيش ابهالحياة ..
عبد عنده وأفخر بهل منزله. ..
✍️مصطفى النائلي
يبو الزهراء زهرائك بكت تنعه ..
يبويه اتصيح عگبك ضاگت الوسعه ..
=========================================
بغيابك فاطمه خاطرها يتكسر ..
يطه المصطفى وصار الوجه اصفر ..
وحشه الدنيه صارت والسمه اتغير ..
يازينت الدنيا وياحلو الطلعه ..
========================================
يبو القاسم تبدل بعدك الواقع .
انقلبت امتك وأصبح علي رابع .
وتوله الخلافه البالملك طامع ..
وجن ما بلغت دين الله وشرعه .
=======================================
اصحاب السقيفه ماهم اصحابك ..
حتى ابدفنتك ماوصلو البابك ..
وتبين حقدهم كله بغيابك..
وحتى عله امصابك منعو الدمعه .
=======================================
و الزهره الزجيه اهوايه ضلموها ..
والدار بحطب يا وسفه حرگوها..
والضلع انكسر حين الي عصروها ..
ومحسنها سكط بالعصره والدفعه
=======================================
بزمانك ثبتت يحمد أصول الدين
اوعلى نهجك يطه المصطفى ماشين
أشرار التضدك هم بقت للحين
من خد الزجيه صابته الصفعه...
=======================================
✍️مصطفى النائلي
شيعه احنى واجينه نرفع الرايه
وعهد يبقى علينا نمشي مشايه
بحب حسين اجزم كلنه مجنونين
وفقط لابن الزچيه نبقى وفّايه
شكثر وادم حجت بس ما ندير البال
صعبين ابشكل ما نخلف احجايه
علمنه الحسين نضحي بزغر شاب
وأله ضحينه دمنه ونفخر ابهايه
غايتنه الوحيده نلزم الشباج
ويم صحنه عزانه يبدي بقرايه
نبجي اعله الذبيح ابنص حضرته اليوم
يم حسين تسهل اندري كل غايه
شرف عدنه الممات بحب ابو السجاد
والموته بطريقه تنشري اشرايه
✍️ مصطفى النائلي
كل سنه يحسين الك مشايه
بأربعينك عالعهد وفايه
=======================================
ابدمنه سجلنه عهد حد الممات
نگصد الگبرك يبو اليمه حفاة
انت حبك سيدي يعني الحياة
ويعني دين ومرجله وصرمايه
========================================
حبك إِيْظَلْ يا حسين ابهالگلب
واحنه من عزمك تحدينه الصعب
الحضرتك هاليوم لو احنى نطب
اهناك بالحضره نقيم اقرايه
======================================
داخل الحضره ونردد هالنداء
بنور وجه احسين شَعَّت كربلاء
وتهتف اويانه الارض وي السماء
انت يحسين الهدف والغايه
=======================================
على دربك چنه نمشي اعله السهام
رغم جور السلطه وأزلام النـظام
نعتني انزورك يبن خير الأنـام
حته تعرف شيعتك وفّايه
=======================================
ابكل ظرف نحيي الشعيره وما نمل
احنى يا مولاي اهل گول وفعل..
لا نخاف ولا نبطل لا نجل ..
الموت لجلك نشتريه اشرايه
======================================
✍️مصطفى النائلي
نزال زنجيل الى استشهاد الامام علي السجاد عليه السلام ( زين العابدين)
صاح تربات الفحل.. علي السجاد ابأمل
اليوم ابدرب السبي . اليوم ابدرب السبي
=====================================
صاح تربات الهواشم ما يهمني أي حبل
ولا يهمني السوط أبداً لا ولا حتى الهزل
احنه اهل الزود احنه والفعل واهل الفعل
واليعادينه ابحجينه اليوم لازم ينسحل
صاح اسمع يا يزيد.. هذا حجيك ما يفيد
اليوم ابدرب السبي . اليوم ابدرب السبي
======================================
علي السجاد ابخطبته ذل تره اهل الكفر
صاح معروفه شيمكم هيه والله بس غدر
احنه نهوه الموت كال ابصوته وبنص القصر
احنى ازغر طفل بينه ضحى لحسين العمر
بصوته زلزلهم تره. جنه جده حيدره
اليوم ابدرب السبي. اليوم ابدرب السبي
===========================================
اهتزت الشام وقصرها من بده بالبسمله
صاح يبقى حسين ثوره خالده بطف كربله
هذا ابن خير الأنام وعمه راعي المرجله
چنه حيدر لا محال وسوه بيهم زلزله
ذكره ظلت خطبته.. ليش طفوا شمعته
اليوم ابدرب السبي… اليوم ابدرب السبي
==========================================
اليوم برض الشام اسس ثوره ظلت خالده
علي السجاد وخطبته امن الإله امأيده
الضعن يوم السار حتماً هوه اصبح قائده
وزلزل اعليهم قصرهم آل آميه هالعده
ما يهم ببهم علي. هذا ابن ذاك الولي
اليوم ابدرب السبي. اليوم ابدرب السبي
======================================
رغم گيد ابأيده خله اليوم يتراجف يزيد
صاح انتوا يا آميه صرتوا للدرهم عبيد
هذا ابن طه وعترته ليش محزوز الوريد
وعالرماح انشال نحره وخنصره ما عنده ايد
ابيا ذنب صدره انسحن. وكل بناته ينسبن
اليوم ابدرب السبي. اليوم ابدرب السبي
=======================================
✍️مصطفى النائلي
اليوم طب العباس حربه وگصد يفنيها
اليوم طب العباس والرؤس يحصد بيها
========================================
نزل عالحومه ابو فاضل بالغضب
مثل حيدر گام يحصد بالرگب
بيمنته العباس سواهم حطب
عاد بيهم فعل چتال العرب
اليوم طب العباس حربه وگصد يفنيها
اليوم طب العباس والرؤس يحصد بيها
========================================
تاه مشراد الزلم لمن دخل
يضرب وميهاب هذا ابن الفحل
اليشرد امن الجيش بالگاع انسحل
وعالنهر سوه مناحر هالبطل
اليوم طب العباس حربه وگصد يفنيها
اليوم طب العباس والرؤس يحصد بيها
=======================================
تخط رجله امن الفرس يوم النزال
صاح كلكم نسه او ما بيكم رجال
اليدنه يمه ايموت هذا او لا محال
ابو فاضل هذا ويقود القتال
اليوم طب العباس حربه وگصد يفنيها
اليوم طب العباس والرؤس يحصد بيها
=======================================
ابو فاضل حيل توجع ضربته
اشلون وام الخدر هي اتنخته
مثل حيدر عالعساكر طلعته
وعاد خبير لا محال ابصولته
اليوم طب العباس حربه وگصد يفنيها
اليوم طب العباس والرؤس يحصد بيها
========================================
مگبره للرؤس سوه هالگمر
جثث وبصفهه جثث فوك النهر
اليلوحه ابسيفه يگطعله نحر
وجان بجفوفه الكمر اكبر بحر
اليوم طب العباس حربه وگصد يفنيها
اليوم طب العباس والرؤس يحصد بيها
========================================
✍️مصطفى النائلي
بيا مصيبه انئبنه الزين العباد ..
اجروح كثره والها مايرهم اضماد .
=========================================
اجروح ما صارت مثلها ولا تصير ..
من تصد الها العقل منك يحير .
ايعين الله اللم جسد عوده بحصير .
من حوافر خيلها وذاك الطراد .
==========================================
هالمصايب شافهه بعينه العليل ..
عاش ذبح أهله وسلبها والعويل .
اميسر ومن رگبته دمه يسيل ..
وبسبي اعياله يطوفون البلاد
========================================
من عله الناگه دمعته تشتجي .
بعد فگد الأهل گلي اشيرتجي .
مايرد الراح نوح ولابچي .
وعله حزنه حزنة السبع الشداد .
======================================
لوعة الطف صدگ ابدا ماتهيد .
يوم جدامه الشمر حز الوريد .
وامسى ابوه ابغربه عن داره بعيد .
جمرته ماتنطفي اليوم المعاد .
=====================================
✍️مصطفى النائلي
ام البنين وجرحي آذاني
يوم المشوا عن داري ولياني
كل دمعي همل بس شوف الحصل
يوم المشوا عن داري ولياني
======================================
كل ولياني راحوا هالمسيه
بقيت لوحدي شيصح بديه
لا عباس ظل ولا اخيه
ولا زينب بقت لي إولا رقيه
كل غبشه گلبي ايصبح اعتابه
چي اهله راحوا عنه واحبابه
ما ظل كل امل بس شوف الحصل
يوم المشوا عن داري ولياني
=======================================
بالحايط صورهم ترست البيت
اروحن يمهم اني اشگد تمنيت
من يوم الچفوني دمعه ظليت
أرجع يا حسين ابعبرة ناديت
أرجع ييمّه الفرگه مو سهلّه
أبحسره كل خل ينتظر خلّه
لو مره رحل بس شوف الحصل
يوم المشوا عن داري ولياني
=======================================
احجي ويه روحي لو يردون
احباب الگلب ويمي يبقون
جان انطيت عمري وشوف العيون
لجن عافوني وحدي وما يرجعون
ابوحدي ابقى هذي لا صعبه
واليفگد أهله ينكسر گلبه
وصابتني العلل بس شوف الحصل
========================================
حنيني يهزني ادري آنه كل يوم
لوليدي الحسين المات مظلوم
عنه اشگد ردت اخبار واعلوم
وعن الحره ورقيه أسألت دوم
مشدوه بالي من مشوا عني
والهم سهرت الليل ابوني
الغالي ما يظل بس شوف الحصل
يوم المشوا عن داري ولياني
=========================================
الضعن لمن طلع جن طلعت الروح
وكأن كلبي يگلي احسين مذبوح
صوتي من بعدهم صار مبحوح
وبوني احس تزداد الجروح
روحي يروحي اجروحي مذبوحه
راح العزيز إو ثگلت اجروحه
ما يرهم بدل بس شوف الحصل
يوم المشوا عن داري ولياني
=======================================
✍️مصطفى النائلي
ليلة 5 محرم ليلة مسلم ابن عقيل محرم 1448
ابو طاهر مسلم ونعمينه
راية احسين وترف بيمينه
======================================
گصد للكوفه لجل غايه وهدف
وياسفير المثله حصل هالشرف
كعبه گبره ونوره يسطع للنجف
قدم الروح العزيزه الدينه
=========================================
امتثل لحسين وسعى بهذا الأمر
بگاع رخوه وجدمه تسحگ عالجمر
مثل أصبح بالجلاده وبالصبر
بلغ واده العليه تبيينه
========================================
صلت الكوفه وراه وكبرت
وبقدوم احسين كلها اتباشرت
لاجن اتباع آل اميه اتآمرت
كأن ماودت اطروش اعلينه
==========================================
بالذهب والمال تتغير نفوس
ومستعده اعله القيم كلها تدوس
عدنه بعض البشر ارده من المجوس
ينسه لوشاف الفلوس بعينه
=======================================
مثل طوعه وهاني ماكو بهالزمان
ايس ولا تاخذك منه امان
الحيد أمام المال يتحول جبان
ومايهم من ينلطخ بالشينه
=======================================
ينلطخ بالشين ميهمه الشمر
الباع مسلم باعنه بارخص سعر
مظلمة مسلم لحد يوم الحشر
مستمره وننتظر مهدينه
=====================================
✍️مصطفى النائلي
علي الاكبر صوّل ابميدانها
شهر سيفه ورعب كل فرسانها
======================================
صال جن صولة علي ابيوم الطفوف
بسيفه الاكبر گام يحصد بالألوف
منه رجفت هالعساكر والصفوف
ال اميه وذبح كل شجعانها
======================================
سوه بالطف مجزره لهاي الرگاب
علي الاكبر هالبطل لا ما يهاب
مثل حيدر صولته وكت الصعاب
والعساكر شمرت ذرعانها
======================================
شردت اگباله العساكر هالبطل
خوف صاباها وبده بيها الخلل
هذا الاكبر جن علي خير العمل
والحرب شدت اله نيرانها
======================================
اخذ شمره من الگمر عمه الكفيل
ودخل ارض المعركه وصار الصليل
طشر بكيفه العده ودمهم يسيل
وصاح نحن الطف تره شبانها
======================================
رجع صوب الخيمه بس جايب نصر
حسين بوليده علي ظل يفتخر
بعدك اني يالولد ابقى انتظر
والشهاده النه انكتب عنوانها
========================================
✍️مصطفى النائلي