-
بوحدي اعاني من الالم ونار تسعر الوان كسرت ضلوعي ها ياحيدر طاح محسن عاالارض بدم تعفر وصوت جبرائيل من العرش كبر كبر بصوت العذاب اعله المصيبه طاحت الزهره وحبيب يون حبيبه وزمن جار،،، زمرة اشرار
هاي المسيه الزهراء تنعى الصادق إبلوعه
••••••••••••••••••••••••••••••••••••
تنعى فاطمه الصادق ابحسرتها
عالصادق المسموم بس دمعتها
يوليدي ها يبني الولد صرختها
إبهاي المصيبه ام احسين وسفه اصبحت مفجوعه
••••••••••••••••••••••••••••••••••••
مفجوعه ام الحسن اعله الغالي
يم گبره الزچيه ظلت اتلالي
تنادي يالولد والدمع يبرالي
وعاشت الزچيه ابهاليوم. ها يالخلگ جم لوعه
••••••••••••••••••••••••••••••••••••
دمعتها عالوجن تضل مسفوحه
واجت للصادق اتضمد اجروحه
او كتبت اعله الكبر كامت لوحه
يبني يجي المهدي وبالثار.صرخته اتظل مسموعه
••••••••••••••••••••••••••••••••••••
هل الصادق دمعته من سمعها
وجن الغالي بيده نشف دمعها
وابهل المصيبه ايتذكر ضلعها
رغم الفجيعه الوياه. الصادق حنه ضلعينه
••••••••••••••••••••••••••••••••••••
امنيتي اشوفن گبتك يوليدي
واعله الصحن يبني اخلي ايدي
امصيبتك يمه التحز وريدي
واخر شي عندي اتمناه.. الحزن نطفي اشموعه
•••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي
اشتياگي الحضرتچ يم عون
اكثر من هلي وصحبتي وخلاني
وامنيتي اخدمچ يا اخت عباس
اكثر من ابوي وامي ووطاني
لان لوعت مصابچ ساكنه بالروح
ما فاركت عيني ونبض وجداني
افديلچ حياتي يا حياة الدين
يالصبرچ نغم وآيات قرآني
اظل الهج بذكرچ وانثر الأشعار
لحد آخر نفس ما يفتر الساني
يالذكرچ شرف يا بنت داحي الباب
ولهذا ابخدمتج ملتزم آني
✍️كلمات خادمكم: الشاعر مصطفى النائلي
هظيمه وياهظيمه إگبورهم ظلمه
اهل بيت الوحي والعلم والعصمه
ينادينه البقيع او واجب علينه
نشد احزامنه او نضاعف الهمه
نشيد أگبور سادتنا بعزم واصرار
ويهنيال الينال الشرف بالخدمه
بقيع الغرقد اليا زمن يبگه اتراب
مخازي وهاي وصمة عار عالامه
اليسكت عالظليمه ينحسب ظالم
وابداً مو اصيل وراضع أمن امه
وين اهل الحميه شيعة الكرار
تتوحد فرد راي وفرد چلمه
تفزع للبقيع وتبني بيه اصروح
الما يعرف قدرها واجب انفهمه
✍️كلماتي: الشاعر مصطفى النائلي
علي بالمحراب طبروا هامته
مخضب الكرار زينب شافته
••••••••••••••••••••••••••••••••••••••••
مخضب الكرار ابوها ومنطبر
تعنت للمحراب خاطر منكسر
تنادي ابوها اخلافك اشظل بالعمر
العقيله بحسره وبهم حاجته
••••••••••••••••••••••••••••••••••••••••
تعاين لجرحه العقيله وتنتحب
عليها فكد الولي مو هين صعب
عگب حيدر تنسبي لديرة غرب
نزف دمه اليوم زينب نظرته
••••••••••••••••••••••••••••••••••••••••
اشگد غميج الجرح زينب تنضره
هامة الكرار وسفه امطبره
ويلي من عكب الصميده اميسره
بصدره ام الخدر هيه شمته
•••••••••••••••••••••••••••••••••••••••••
وسفه حيدر هالمسه يضمه الگبر
يعين زينب الله ابهذا الأمر
عگب ابوها مجتفه بحبل اليسر
وقصر ابن إزياد وسفه دخلته
•••••••••••••••••••••••••••••••••••••••••
حين طاح الوالي ما ظل كل أمل
زينب أتنادي وگع وسفه الفحل
بسيف ابن مُلجم حيدر انجتل
وبصوت حيدر هالمسيه نادته
•••••••••••••••••••••••••••••••••••••••••••
الى خادم الحسين وخادم الأمام علي
✍️الشاعر مصطفى النائلي
يا خديجه/ النبي بعدج حزن
يا خديجه/ لان افراگج وطن
وحزنت اعليج السمه آه يا ام فاطمه
يا خديجه
•••••••••••••••••••••••••••••••••••
بيده طه اليوم يحفرلج لحد
يا خديجه وللمصايب يستعد
ذابل اليوم بوداعچ كالورد
ما رحم حاله يمن غبتي البعد
يا خديجه/ النبي حضرلچ چفن
يا خديجه/ اشموعه من بعدج طفن
حگه لو يبچي دمه آه يا ام فاطمه
يا خديجه
•••••••••••••••••••••••••••••••••••••••
ابهل المسيه مبتدي عام الحزن
أخلاف شخصچ صار ابو الزهره يون
حگه طه المصطفى الليله يحن
والنبي وياچ رايد يندفن
يا خديجه / اليوم محزون وصعب
يا خديجه/ شلون نمتي عالترب
وابرحيلج عالمه آه يا ام فاطمه
ياخديجه
••••••••••••••••••••••••••••••••••••
ايعينه الله المصطفى إبهاي المصيبه
وحالته صعبه ترى وكلش رهيبه
اينادي من ايدي مشت وسفه الحبيبه
داره من عكبج تظل حتماً غريبه
يا خديجه/ فاطمه تنحب ترى
يا خديجه/ بيوم نمتي عالثرى
والمصايب قادمه آه يا ام فاطمه
يا خديجه
•••••••••••••••••••••••••••••••••
شخصچ اليوم إبلحد صار إيتوسد
وتذرف عيونه الدمع صاير محمد
صحتي يا طه اجه يوم الوعد
لاچن ابگبري واظل اعله العهد
يا خديجه/ يهيل بيدينه التراب
يا خديجه/ينوح ساعات المصاب
تبچي عليج فاطمه. اه يا ام فاطمه
•••••••••••••••••••••••••••••••••••••••••
الى خادم الحسين وخادم السيده خديجه
✍️الشاعر مصطفى النائلي
ناذر حياتي لخدمتك يبن الزچيّه
يحسين هالليله ردت تنضر عليه
او ابيوم الـحـشر تاخـذ بديه
يحسين….. يحسين
خمسة عشر شعبان. مولد أمامي
هذا المسه ياناس. أعلن هيامي
🌹🌹🌹🌹🌹🌹🌹🌹🌹
أعلن هيامي هالمسه للحجه آني
هالليله تحله يا خـلـگ كل التهاني
اشگد جبيره فرحتي ابهاي الأماني
الحجه هالليله انولد صاحب زماني
وهالليله اهديه. حتماً سلامي
خمسة عشر شعبان. مولد أمامي
🌹🌹🌹🌹🌹🌹🌹🌹🌹
فرحه وچبيره وتمت بخير وسلامه
مهدينه هالليله انولد تاج الأمامه
وگلبي علن ها يا خلگ شوگه وهيامه
وعلى الخدود الليله موجوده ابتسامه
واجب عليه اليوم. بالصرخه انادي
خمسة عشر شعبان. مولد أمامي
🌹🌹🌹🌹🌹🌹🌹🌹🌹
يالحجه أنتطر آنه حتماً ظهورك
واجب يمهدي هالمسه انت حظورك
ابهذا الفرح يا سيدي شنهو شعورك
بشعبان يبن المصطفى ضوانه نورك
بشعبان افراح. طابت كلامي
خمسة عشر شعبان. مولد أمامي
🌹🌹🌹🌹🌹🌹🌹🌹🌹
افرح يكلبي ابهل الفرح هاي المسيه
واجمل تهاني هالمسه لأبن الزچــــيه
خادم اظل ومـهـدوي لـحــد الـمـنـيـه
ابكل فرح يحضر علي حامي الحميه
وابهاي الأفراح. ذايب غرامي
خمسة عشر شعبان. مولد أمامي
🌹🌹🌹🌹🌹🌹🌹🌹🌹🌹
الى خادم الحسين وخــادم القائم
✍️الشاعر مصطفى النائلي
اجمل ليله يا هالناس
ولادة ســيــدي الأكــبــر
نهني المصطفى المرسول
وامه فاطمه الكوثر
سعيد الليله لو تدرون
كل العالم استبشر
اوصف هالشعور شلون
وإدري بوصــفـــي يـتـعـذر
الأكبر صار روح حسين
الكون إبجيته اتنور
عـجـز حته القلم شيكول
إذا وجهه كمر أزهر
نسخه من علي الكرار
والمختار بعد اكـــثر
وكــلــش اعتذر يا ناس
مـــحــد يوصف الأكبر
✍️كلماتي: الشاعر مصطفى النائلي
خلي البعض يحجون لا ما اطخ راس
خادم اظل لحسين خل تسمع الناس
✍️بقلمي
مشتاكه روحي اتريد اتزورك اليوم
يحسيني والعباس كلبي امتله اهموم
✍️بقلمي
شابحه اعيوني اعله بابك. يا موسى ابن جعفر
جيت انعه في مصابك. يل جبدك تفطر
هاي المسيه. بالكاظميه
ياكاظم الغيظ منهو يمتلك صبرك
حيرت الطغاة بشخصك وأمرك
صرت انته علامه ومحد يعبرك
اليزلف عن دربك منريده
---------------------------------
ياسجن اليذلك يبن داحي الباب
انته تعرف المضمون من الباب للمحراب
سموك الغريب وإلك صرنه احباب
خدامك احنه واحبابك
----------------------------------
كلماتي: الشاعر مصطفى النائلي
نكصدك ياشريف النسب ونزور
نخلي ارواحنه اعله الحزم ونزور
ننهره اليمنع العزيات ونزور
نرد اعله الجسرننصب عزيه
--------------------------------
لفه اعلينه شهر الدمع رجباه
راح الچان بالشدات رجباه
الدهر ياحيف كل الحيف رجباه
وفكدنه الچان للوادم تچيه
--------------------------------
علامه اعله الجسر طايح كاظمنه
راح الچان غيضه كاظمنه
لون تنخاه لتظن كاظمنه
ولارد اليزوره بحسن نيه
---------------------------------
كلماتي
بل الكاظميه اليوم دمعاتي
يم الحبيب اهناك حاجاتي
=========================
يم الحبيب الحاجه اعگدّها
حاشه الأيادي موسى يردّها
هالنعمه آني لازم احمدّها
ابكل وكت عالغالي آهاتي
==========================
بالكاظميه الحاجه مگضيّه
واني اعگدتها بخالص النيّه
رايد رضاته الغالي اعليّه
ويدري هوّه إبهاي مأساتي
==========================
رايد اكلّه انظر الحالي
من الأحزان انمرد دلالي
يبن الأطايب ضاعت أمالي
او تعجز توصفك هاي كلماتي
===========================
بل الحضره تبدي دمعتي تنزل
إبهاي المصيبه وحگها من تهمل
چن روحي مثل الطير من يجفل
عالغالي والمسموم وناتي
===========================
ابحبه هايم والله يدروني
وابحبه يدري الناس لاموني
ساكن بگلبي ودمعة اعيوني
واحسه ساكن وسط نظراتي
============================
الى خادم الحسين وخادم الزهراء
✍️الشاعر مصطفى النائلي
يخويه بيدي الاحبال... اسيره وي الاطفال
صرت آنه سبيه… صرت آنه سبيه
=============================
على الناگه سبيه… يبو فاضل ولوني
هضيمه بيدي الاحبال...يخويه وجتفوني
ردت تفزع يكافل... لمن هُمه اجوني
صحت وينك يعباس….على متني اضربوني
غريبه ادخل الشام.. هضيمه بهاي الأيام
لفت ليه المنيه. لفت ليه المنيه
================================
غريبه ادخل الشام. يبو فاضل عجيبه
عشت عُمري بالجروح. رغم آنه الحبيبه
اصبح وامسي عباس. كل يوم ابمصيبه
وعكب موتك يعباس.. الحاله رهيبه
منيتي حانت اليوم. عشت عُمري بالهموم
وحامي عن رقية. وحامي عن رقية
================================
تواري نعشي هل اليوم. اريدك يا كفيلي
صحت ابصوت عباس. إلك ذاب دليلي
ترى ابهاي المسيه. يخويه يجن ليلي
المنيه حانت اشلون. واخذ ياخويه حيلي
المنيه دارت اشلون. غمضت آنه الجفون
بعد منهو اليه . بعد منهو اليه
================================
غمضت آنه الجفون.. يخويه هل المسيه
من ضيم السلاسل.. زرگة لسه اديه
انه بكلبي يعباس. احمل جم اذيه
ردت بلحظة الموت. تلحگ خويه اليه
يعباس اختك اني... شفت موتي ولاني
ردت تنضر عليه. ردت تنضر عليه
================================
ردت اتجيب الحسين. وتجي يم گبري انته
لون چبته يـكـفال.. اعيوني تغفه حته
عگب فرگاگم اليوم. يخويه آنه ميته
صحت ابصوتي اني. وين الكفل اخته
كفيلي عندي اعتاب. تواريني بالتراب
نظراتك عليه… نظراتك عليه
================================
الى خادم الحسين وخادم الزهراء وابناء الزهراء
✍️الشاعر مصطفى النائلي
على الصادق هالمسه مهظومه
فاطمه الزهره المظلومه
•••••••••••••••••••••••••••••••••••••••
اليوم مهضومه ام حسن ابهالمصاب
اشلون گبر الصادق يظل بس تراب
وحگ ضلعي اتنادي وابني والحجاب
بغضاً بحيدر علي مهدومه
••••••••••••••••••••••••••••••••••••••••
فاطمه ابهالليله تحضر للعزاء
على امصاب الصادق اتهل بالبكاء
مثل جده حسين من ظل عالعراء
حين ذبحوا إخوته او گومه
••••••••••••••••••••••••••••••••••••••••
دمعة الزهراء عالصادق تسيل
شلون بالسم مات بن طه الخليل
هذا أبن المصطفى وحامي الدخيل
يا هضيمه اشلون حل يومه
•••••••••••••••••••••••••••••••••••••••••
الصادق العتره يعالم هالغريب
كل مسية اغروب ينحب عالسليب
تالي سم بحشاه يسري هالحبيب
ومات وانگطعت علينه اعلومه
••••••••••••••••••••••••••••••••••••••••••
لبو الكاظم فاطمه تحضر تره
تشوف گبره منهدم بن حيدره
وتذكر الغالي لمن ظل اعله الثره
ابلا غسل وابلا چفن بالحومه
••••••••••••••••••••••••••••••••••••••••••••••••
الى خادم الحسين وخادم اهل البيت
✍️الشاعر مصطفى النائلي
محبتك سيدي ومولاي عالفطره
واليهوه الورد يتولع ابعطره
تولعت ابخدمتك يبو اليمه حسين
اواسي ابخدمتي والدتك الزهره
شفت الي يخدمك يترفع شأنه
او ما بين الخلايق يتسع قدره
امنيتي بحضرتك يا ابو السجاد
انصبلك عزه او انعاك بالحضره
او بإيدي اهز شباچك المهيوب
واصيح اكتبني خادم يا ابو العتره
واحلفك بالعفيفه زينب الحوراء
ما تنسانه يوم العطش والحسره
✍️كلمات خادمكم: الشاعر مصطفى النائلي
ياعلي هاليوم زينب صاحت
عالنعش مولاي وسفه طاحت
••••••••••••••••••••••••••••••••••••
صاحت الليله رحل مني علي
صوت زينب عالنعش ظل يعتلي
بويه ارجع بويه ارجع يالولي
عالولي الحوراء والله ناحت
•••••••••••••••••••••••••••••••••••••
ناحت ابدمعه جريه اعله النعش
شلون جسمك يالولي اتراب انفرش
بفجر تاسع هالعشر لمّن غبش
الحزن لافي عليها حيل ونادت
•••••••••••••••••••••••••••••••••••••
اليوم عالحره يشح حته النفس
وابغيابك يا علي كامت تحس
انته يالجفك علي يرجع الشمس
كسرة الحره ابغيابك بانت
•••••••••••••••••••••••••••••••••••••
شلون رايح يا علي ابهذا الصبح
وانت عايف زينب انت للجرح
باجر اتشاهد سبي وراس برمح
مجتفه وي آجنود آميه راحت
••••••••••••••••••••••••••••••••••••••
مجتفه وي اجنود اميه بالسبي
تحترگ باجر يزينب هالعبي
بليل عاشر نادتك حيدر ابي
بالخرابه شلون ترضه نامت
•••••••••••••••••••••••••••••••••••••••••
✍️الشاعر مصطفى النائلي
تنشد اليتامه. وين ابو الشهامه
ربي رده سالم. والدمع علامه
•••••••••••••••••••••••••••••••••••
تنشد إعليك اليتامه ابهل المسيه
وكلها تصرخ ياعلي حامي الحميه
هاذه الجرح يا حيدره يحمل اذيه
والعلامه اليوم عدنه عالمنيه
اليتامه صاحت ياعلي نادت
حزني ليه قادم والدمع علامه
•••••••••••••••••••••••••••••••••••••
اليوم بل المحراب يا حيدر منيتك
يادمه الهامه علي صابغ لحيتك
اليتامه الليله فزعو لعد بيتك
انته تطعمهم جنت والله بديتك
تسمع البچيهم انته يا وليهم
ابرحيلك انته عالم والدمع علامه
•••••••••••••••••••••••••••••••••••••••
إعليهم الليله يبو الحسنين صعبه
لو عفتهم يا علي ايعيشون غُربه
كل شخص منهم علي مكسور گلبه
وكل شخص منهم تحت فيّيك تربه
ياعلي يحيدر الگلب تفطر
الهضم دليلي قاسم والدمع علامه
•••••••••••••••••••••••••••••••••
يا هضيمه شلون من رحت امن اديهم
رغم انته يل الولي خيمه عليهم
جنت كل مغرب يبو الحمله تجيهم
رحت يل الغالي لجن تبقه وليهم
يالولي كسرهم عالجرح نظرهم
تبجي مهضومه المعالم والدمع علامه
••••••••••••••••••••••••••••••••••••
بقت بل المحراب يل الغالي العلامه
تبچي و اتون ياعلي إبهاي اليتامه
وانعرف هاليوم متكمل صيامه
لون اتروح يبقون ابــظُلامه
فرگتك هضيمه زينبك يتيمه
باالحد ياوسفه نايم والدمع علامه
▧▧▧▧▧▧▧▧▧▧▧▧▧▧▧▧¤¤¤¤¤
الى خادم الحسين وخادم الأمام علي
✍️الشاعر مصطفى النائلي
حيدر علي الكرار راح المسيه
زينب تون وتصيح حامي الحميه
°°°°°°°°°°°°°°°°°°°°°°°°°°°°°°°°°°°°
زينب تون وتصيح ابهل المصيبه
بويه رحت اشلون هاي العجيبه
عگبك يحامي الجار اصبح غريبه
وبالطف يبويه اتشوف بنتك سبيه
°°°°°°°°°°°°°°°°°°°°°°°°°°°°°°°°°°°°°
هاي المسيه اتشوف زينب يتيمه
جنت الها يابو حسين انت خيمه
راسك يطبره اشلون هاي الهضيمه
واتمنه كون اوياك تلفي المنيه
°°°°°°°°°°°°°°°°°°°°°°°°°°°°°°°°°°°°°
اليوم انطبر يا حيف راس الأمامه
او بطبرتك چن حان يوم القيامه
ودمك يسيل اشلون يابو اليتامه
شنو اليصح هاليوم بويه ابإديه
°°°°°°°°°°°°°°°°°°°°°°°°°°°°°°°°°°°°°°
فگدك يحامي الجار كلش كسرني
او باجر شمر بحبال بويه يجرني
ابعاشر اخوي حسين محد حضرني
وحدي بقيت اهناك برض الغاضريه
°°°°°°°°°°°°°°°°°°°°°°°°°°°°°°°°°°°°°°°
اتمنه كون اوياك ادفنها روحي
يا بويه وهاليوم زادت جروحي
باجر على حسين يا بويه نوحي
وردتك ولو لحضات تحضر إليه
°°°°°°°°°°°°°°°°°°°°°°°°°°°°°°°°°°°°°°°°°°
إلى خادم خدام الحسين وخادم العتره الطاهره
✍️الشاعر مصطفى النائلي
يمهدي هالمسيه
رفعت اثنين اديه
ردت تحضرني مولاي
رفعت اثنين اديه
🌺🌺🌺🌺🌺1🌺🌺🌺🌺🌺
ردت تحضرني يا مولاي هل اليوم
منتظرك عمر او كليبي ملجووم
كل يوم اليمر تترسني اهموم
اعله دربك سيدي منتظر العلوم
باسمك الهج اني سيدي دوم
وابوجهي الفرح هل صار مرسوم
ترى طال انتظارك
متى ترجع لدارك
وتجي وبيدك الماي
رفعت اثنين اديه
🌺🌺🌺🌺🌺2🌺🌺🌺🌺🌺
الفرح بيك اكتمل يبن الأطايب
على دارك ترد يمته يغايب
دليلي ابغيبتك يحمل مصايب
وترى إبهاي المسيه گلبي ذايب
يمهدي وانته إلي اغله الحبايب
صفيت اعله الدرب عيني تراقب
الفرح بسمك كتبته
فقط اسمك عشكته
وتظل للموت اوياي
رفعت اثنين اديه
🌺🌺🌺🌺🌺3🌺🌺🌺🌺🌺
ناذر عُمري يل المهدي لجيتك
واريد هل المسه بس نظرتك
من صغري يمهدي آنه عشگتك
ساكن انته روحي آنه شفتك
عندي امنيه ابقى ابخدمتك
من زغري حفظت اسمك عرفتك
ساكن بالگلب دوم
يمته تفرج الهموم
وانت دوم وفاي
رفعت اثنين اديه
🌺🌺🌺🌺🌺4🌺🌺🌺🌺🌺
فرحان اني يل المهدي المسيه
لان نورك يشع اعله البريه
اقسم ابعلي حامي الحميه
ما عوفك ابد حد المنيه
ابقى ابخدمتك يبن الزچيه
واريدك هل المسه تنظر عليه
وحگ حيدر اميري
سكن حبك ضميري
يمهدي ضيم دنياي
رفعت اثنين اديه
🌺🌺🌺🌺🌺🌺🌺🌺🌺🌺🌺🌺🌺
الى خادم الإمام الحجه المنتظر وخادم الحسين
✍️الشاعر مصطفى النائلي
يالمهدي هاليوم. رايد اشوفك
تدريني مولاي. عاشگ حروفك
💌💌💌💌💌💌💌💌💌💌💌
عاشگ حروفك سيدي ويمته تجيني
ولجيتك يبن الحسن ناذر سنيني
يالساكن بروحي الك ملهوفه عيني
ابكل مسه يا سيدي يكثر حنيني
وروحي هاليوم. رادت تروفك
تدريني مـولاي. عاشگ حروفك
💌💌💌💌💌💌💌💌💌💌💌
هذا المسه يشرح الك شوق انتظاري
ما تطفه إلا بجيتك يالمـهـدي ناري
للمـوت يـبقى سـيـدي هـذا شعاري
خادم الك اني اظل هذا قراري
وجبريل مولاي. حتماً يطوفك
تدريني مولاي. عاشگ حروفك
💌💌💌💌💌💌💌💌💌💌
للعالم ابهذا المسه توصل رساله
بدرك تره يا سيدي صار اكتماله
وابهل الحفل بارك تره رب الجلاله
وللمصطفى طه النبي اعظم سلاله
عمري الك منذور. وحاشه اعوفك
تدريني مـولاي. عاشـگ حروفك
💌💌💌💌💌💌💌💌💌💌
بشعبان نورك من يهل ابهل الولاده
يالمهدي وبأسمك تره هاي السياده
گلبي نذرته لجيتك هــذا وداده
كل يمر ذكرك عليّ أعظم عباده
يمته يمهدي اتعود. وانظر طيوفك
تدريني مــولاي. عــاشــگ حروفك
💌💌💌💌💌💌💌💌💌💌💌💌
الى خادم الحسين وخــادم القائم
✍️الشاعر مصطفى النائلي
هالليله افراح. يفرح يگلبي
بمولد علي السجاد. اعيوني تربي
🌹🌹🌹🌹🌹🌹🌹🌹🌹🌹🌹🌹
هالليله ادري بمولدك ناذر تره اسنيني
يا سيدي وهذا المسه ظلت ترف عيني
بخدمتكم اني سيدي هالليله خليني
بيوم الحشر تشفع الي ورايد تنجيني
ويطيب الجراح. واشرحله حبي
بمولد علي السجاد. اعيوني تربي
🌹🌹🌹🌹🌹🌹🌹🌹🌹🌹🌹🌹🌹
شخصك انه يا سيدي من صغري حبيته
وحته النبض بأسمك يدگ هالليله خليته
بالخدمه اشعر سيدي كل عمري انطيته
كلبي اجه يبارك الك وانته اللي جازيته
عطر الزهره فواح. ويضوي دربي
بمولد علي السجاد. اعيوني تربي
🌹🌹🌹🌹🌹🌹🌹🌹🌹🌹🌹🌹🌹
بميلادك اشعر هالمسه طابت جراحاتي
عالمنبر اقرالك شعر تسمعها آهاتي
شكتب عليك انه المسه خجلانه كلماتي
وصوت يوصل للسمه بي نبرت آهاتي
نورك يشع وضاح. بوسط گلبي
بمولد علي السجاد. اعيوني تربي
🌹🌹🌹🌹🌹🌹🌹🌹🌹🌹🌹🌹🌹
كل التهاني بمولدك اهناكه مكتوبه
يالساكن بگلبي وصرت هالليله محبوبه
بثوب الفرح كاشخ انه والكشخه مطلوبه
من مولدك يبن النبي راح أعلن التوبه
وتضحي الأرواح. بالشوق تربي
بمولد علي السجاد. اعيوني تربي
🌹🌹🌹🌹🌹🌹🌹🌹🌹🌹🌹🌹🌹🌹🌹
الى خادم الحسين وخادم الأمام السجاد
✍️الشاعر مصطفى النائلي
يم صحن ابو الأحرار كاتب هويتي
خادم الك يحسين ولحد منيتي
✍️بقلمي
اهمومي يمك دوم بالحضره تنزاح
ومن دخل صحن عباس هالريه ترتاح
✍️بقلمي
هاي المسيه . بالكاظميه
اعلن حدادي. وألبس سوادي
بالكاظميه
======================
اعلنت ابهالمسيه آني. على المسموم بالحضره
ردت ابحضرته اصرخ . يبن جعفر ردت نظره
احلفك سيدي بأمك. الزچيّه فاطمه الزهره
تقبلني الك خادم. اخدمك واخدم العتره
خادم حضرتك. رايد نظرتك
بالحضره انادي. اعلن حدادي
بالكاظميه
ياغريب. بالسجن خلصت عمرك
يا غريب. متت بس ما مات صبرك
يا غريب. يا غريب
****
خلصت عمرك ســجـــين ابلايه اسباب
عالجسر ناده المنادي ويـــــن الاحباب
اللــيله كل شــيــعي ينادي بعتبة الباب
آه يا مـــوســـى ابن جعفر هذا المصاب
ياغريب. گون ترضى انت عليه
ياغريب. جيت ازور الكاظميه
يا غريب . يا غريب
****
عالجسر ناده المنادي خل يحضرون
لموسى ابن جـــعــفــر الشيعه خل يشيعون
ادري مــــن گـــد البواچي حمره العـــيـــون
شــــيــعة الــكاظــم تـــجـــي خليهم يـــــزورون
ياغريب. شيعتك حضرت تشيعك
ياغريب. عالجسر حتماً تودعك
يا غريب. يا غريب
****
جيت ازورك مـــعــتني للكاظميه
كون ترضــى هالمسه انت عليه
بكل جرح يا سيدي الگه الوطيه
شلون انسى الگيد وانسى الغاضريه
ياغريب. كل مسه مأتم اسوي
ياغريب. الثار بيد المهدي يدوي
ياغريب. ياغريب
***
بكل مصيبه سيدي الگالك امصاب
حيل طالت سيدي مولانه الغياب
انت يامولاي عدنه اغلى الاحباب
انت غالي سيدي ها يبن الاطياب
ياغريب. عدنه غايب طال بعده
ياغريب. بلكي النه هم ترده
ياغريب. ياغريب
***
ادري كل شيعي بقه ينادي يمسموم
وادري من كثر السلاسل تنزف ادموم
على اهلك سيدي صدگني مهظوم
سره السـُم اعله جسمك وانت مظلوم
ياغريب. حيل جرحتني المصيبه
ياغريب. عـــني ترحــل ياعجيبه
ياغريب. ياغريب
******
الى خادم موسى ابن جـــعــفــر وخادم الحسين
✍️الشـــاعـــر مــصــطـــفـــى النــائـــلــــي
يالبالسجن مظلوم. جبدك نزف بسموم
منه تسيل ادموم. سم المنيه
==============================
مولاي الك هالصوت. صوت بمناحه وموت
يالبلسجن بسكوت. جبدك تفطر
سم الغدر بحشاك. والطاغي من سماك
سهم الالم اذاك. گلبك تكسر
منك يشوف الحال. حال اليهد اجبال
شاف الدمع من سال. حالك تغير
وسط السجن وتنوح. گلبك نزف بجروح
منك تجود الروح. هاي المسيه
هاي العقيله اخت الحسين
========================
ماتت هضيمه ابلايه خوان
عليها الغريبه الأجل حان
ماتت وحيده ابلايه دفان
ومنها تهمل ضلت العين
==========================
اتريد اخوها حسين هل اليوم
ايواري نعشها رغم الهموم
من الالم ما تكدر اتكوم
اسياط المتن اثر على الأيدين
==========================
كل لحظه تلهج بسم عباس
يحضر إلها ابو النوماس
ماتت هضيمه ام الاحساس
ما حضر الها ابو الچفين
=========================
وسفه گبرها ابديرة الشام
عاشت عمرها بوسط الآلآم
ماتت حزينه ويه الأيتام
بنص الخرابه تلتفت وين
=========================
لسه ابمتنها امأثره السياط
اتذكرت عبدالله من شاط
من مهده كاطعو حته الكماط
زينب تموت الليله مرتين
==========================
الى خادم الحسين وخادم الزهراء
✍️الشاعر مصطفى النائلي
بالشام زينب امست ابغربه
ما حضروا اخوتها ترى صعبه
••••••••••••••••••••••••••••••••••••
صعبه عليها اخوتها ما جوها
بديار غُربه الحره دفنوها
اتمنت لون هُمه يحضروها
كل منهم ينهضم گلبه
•••••••••••••••••••••••••••••••••
ماتت حزينه الحره مهظومه
امن اخوتها زينب وسفه محرومه
حان الأجل ليها او اجه يومه
اخت الگمر المدمع اتصبه
••••••••••••••••••••••••••••••••••
گبل المنيه اتريد كافلها
للگبر زينب بيده ينزلها
واعله المتن اجنازتها يحملها
ماتت غريبه الحره يا عجبه
•••••••••••••••••••••••••••••••••
بل الشام وافتها منيتها
يا وسفه ما حضروا اخوتها
عگب اخوتها صعبه دفنتها
الموت برض الغربه اتحسبه
==========================
الى خادم الحسين وخادم الزهراء
✍️الشاعر مصطفى النائلي