-
بوحدي اعاني من الالم ونار تسعر الوان كسرت ضلوعي ها ياحيدر طاح محسن عاالارض بدم تعفر وصوت جبرائيل من العرش كبر كبر بصوت العذاب اعله المصيبه طاحت الزهره وحبيب يون حبيبه وزمن جار،،، زمرة اشرار
هظيمه وياهظيمه إگبورهم ظلمه
اهل بيت الوحي والهادي والعصمه
ينادينه البقيع او واجب علينه
نشد احزامنه او نضاعف الهمه
نشيد أگبور سادتنا بعزم واصرار
ويهنياله الينال الجاه بالخدمه
بقيع الغرقد اليا زمن يبگه اتراب
مخازي وهاي وصمة عار عالامه
اليسكت عالظليمه ينحسب ظالم
وابداً مو اصيل وراضع أمن امه
وين اهل الحميه شيعة الكرار
تتوحد فرد راي وفرد چلمه
تفزع للبقيع وتبني بيه اصروح
الما يعرف قدرها واجب انفهمه
✍️كلماتي: الشاعر مصطفى النائلي
عسن بجفاك بويه الليل//// لاجن
وبناتك ياعلي بفرگاك /////لاجن
تمنيت المصايب هاي //// لاجن
ولا اسمع خبر ناعي الرزيه
اليوم املاك السمه باحزانها
راح حيدر وارتفع اذانها
&&&&&&&&&&&&&&&&&&&&&&&&
ارتفع صوت الأذان من السمه
انطبربالمحراب حامي الحمه
هالفجيعه وهالمصيبه مؤلمه
السماء ارتجت بسكانها
&&&&&&&&&&&&&&&&&&&&&&&&&&
طاح بالمحراب حيدر منطبر
وگلب زينب بالمصيبه منكسر
صاحت الحره عسن ضاع العمر
العروة الوثقى هوت باركانها
&&&&&&&&&&&&&&&&&&&&&&&&&&&
اهتزت اركان الهدى بهذا المصاب
طاح سور الدين دحاي الابواب
يالتواسي المصطفى علّي الجواب
اليوم للشيعه الحزن عنوانها
&&&&&&&&&&&&&&&&&&&&&&&&&&&
اليوم رب العرش اذن بالعزاء
طاح ابوالحسنين اتقه الاتقياء
ناده جبرائيل من سابع سماء
والجنان تفتحت بيبانها
&&&&&&&&&&&&&&&&&&&&&&&&&&&&
راس ابو الحسنين يا وسفه انثلم
صاح جبرائيل بيت الله انهدم
هذي اكبر فاجعه
وأكبر ألم
والهدايه شيعت قرأنها
&&&&&&&&&&&&&&&&&&&&&&&&&&&&&
يبو محمد الك وي الكرم جم لون
او شبعانه ابزمانك جانت الفقره
حاتم شنهي حاتم من نقيسه وياك
متعجب ذبحله الطائي جم مهره
مضيفك سيدي ليهسه يشهد ذاك
او الك وي الكرم والدله هم عشره
يبو محمد حرت شكتب الك مولاي
يا اول حفيد لطه او العتره
من نسل النبي انت او علي الكرار
او من نسل الزچيه فاطمه الزهره
الملايك بالولاده استبشرت هاليوم
فرحانه بقدومك زفت البشره
الما حبك خسر ٱخرته وي دنياه
يوم الب بعد ماتنفع الحسره
بشهر رمضان ميلادك اجه وبي خير
اوخيرك عل اليتامه يا سيدي اتنثره
________
✍️كلمات خادمكم : مصطفى النائلي
هوسات الى سيدي ومولاي الإمام المهدي عجل الله تعالى فرجه الشريف
💐💐💐💐💐💐💐💐💐💐💐💐💐💐💐💐💐💐💐💐
مهدينا إنولد او الناس فرحانه
او فرحانه الزچيه فاطمه إويانه
او إبهاي المسيه إمضويه دنيانا
ها ها ها
بخاتم اهل البيت الحجه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ابو صالح إجه عالدنيه مهدينا
شيعه او يضل هو المهدي والينا
او على لوح الأمل هالليله خطينا
ها ها ها
يمته نشوفك بيدك رايه
🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸
ب (15) شعبان حل يومه يا شيعه
ابو صالح المهدي او أمره إنطيعه
واجب هل خبر عالعالم إنذيعه
ها ها ها
او نتشارك كلنا ابهل فرحه
🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼🌼
ابولادة منقذ الأمه هاي الفرحة فرحتنا
يا مهدي ننادي اليوم كلنا بعالي صرختنا
تبارك انت كون اليوم النا إبهاي لمتنا
ها ها ها
يالمهدي او ندعي ابهل الليله
💝💝💝💝💝💝💝💝💝💝💝💝💝💝💝💝💝💝💝💝
شوكه انصير كلنا انصير للضالم
اليمنع هالمجالس هاي ثق نادم
بس إحنه نضل أنصار للقائم
ها ها ها
او الما راضي خلي ايولي
خدام الحسين المخلصين ارفق اليكم قناة الشاعر الكبير والملخص الحسيني الحقيقي الأستاذ والحبيب استاذي ومعلمي الأستاذ علاء الطرفي الكربلائي
ارجو منكم الانضمام الى قناته
رابط القناة 👇
/channel/ALtrfee82
اجمل ليله يا هالناس
ولادة ســيــدي الأكــبــر
نهني المصطفى المرسول
وامه فاطمه الكوثر
سعيد الليله لو تدرون
كل العالم استبشر
اوصف هالشعور شلون
وإدري بوصــفـــي يـتـعـذر
الأكبر صار روح حسين
الكون إبجيته اتنور
عـجـز حته القلم شيكول
إذا وجهه كمر أزهر
نسخه من علي الكرار
والمختار بعد اكـــثر
وكــلــش اعتذر يا ناس
مـــحــد يوصف الأكبر
✍️كلمات الحبيب الشاعر الحسيني مصطفى النائلي
اطش شمع الفرح بسمك يبو الباقر
او ابهاي الولاده سيدي هايم
اچيتك اطلب الحاچه واريد امراد
او لآن اني احبك لامت الوادم
يبن حسين الك احمل تهاني وشوگ
ردت هذا المسه تقبلني بس خادم
انثر الورد او الحنه هم او الياس
اهني ابهل الولاده كل بني هاشم
عذال اشكثر يا سيدي ايلومون
او ما اهتم انا لا والله للايم
المهم اني انقبل عندك كتبت اشعار
وتسجلني بسجلها الطاهره فاطم
اجيت ابمولدك انثر قصايد ليك
بشغف او بلهفه للمولد انا عازم
يبو الباقر صحت آنه لجن مكسور
مكسور او اجيت امن الذنب نادم
لچني اني اوعدك سيدي للموت
ابقه الخدمتك يا سيدي ملازم
بليلة مولدك شعت علينا انوار
كل حر وغيور الليله يتهنه
يا نور الإله او مخزن الاسرار
يبن حيدر علي يا سيد الجنه
يابن فاطمه ريحانة المختار
ابهذا مولدك دنيانا تتحنه
اچينه الحضرتك يا سيدي زوار
نزورك للصحن هالليله كل احنه
نحبك ياشفيع ودوم الك انصار
ومحبتك سيدي بكل مجلس اتلمنه
ما نترك خدمتك والله مهما صار
تهديد النواصب كله ميهمنه
بالجنه الموالي وما تمسه النار
لأن يوم الحشر بالرحمه تحضرنه
خدامك نضل طول العمر وياك
رغم خدمتنه هاي انكول قصرنه!
شكتبلك علي ابميلادك ابهل يوم!
قوافي الشعر كلها الليله محتاره !!
.
ابيت الله الولاده ابكعبة الاسلام
وليد الكعبه واسمك الله مختاره!
.
الليله الحضرتك كصدولك الزوار
هاليله ابضريحك جنه الزياره
.
ابو طالب ( المؤمن ) ياعلي فرحان
لان ابمولدك صار الضوه ابداره
.
يدري ابهل وليد ايناصر المختار
علي الكرار هيبه وبيده فقاره
.
جذب مثلك يجيب ويعجز التاريخ
يا سيف الاله وحكمه واسراره!
.
نورك بالامام المهدي يابو حسين
راح الدنيا كلها اتضوي بانواره
راح الدنيا كلها اتضوي بانواره
✍️كلمات خادمكم: مصطفى النائلي
فدوه انروحلك يحسين تدرينه
يخيمتنه الچبيره الساتره اعلينه
مانترك طريقك واحنه عاهدناك
لو برگابنه تنحـــــــد السچينه
يظل حبك هوانه وبيك مجنونين
ياشمعة عمرنه وثمرة اسنينه
الك بالروح حصه وحصه الك بالعين
والك وسط الگلب تمثال سوينه
يربان السفينه العبرتنـه ابحور
غيــــرك بالدرب منهو اليدلينه
كل يوم اليمر ننصب عزانه اعليك
ودموع ومواكب لطم سوينه
سجلنه بسجلكم يبن حامي الجار
وبسجل الزجيه خلي اسامينه
خدم نبقئ لذكركم من يهل عاشور
عليكم كل حزنه وكل بواچينه
من غيرك شفيع اهناك يوم الدين
انته اعله السراط اهناك تلگينه
يبعد اعيونه وتفداك كلها الناس
يباب الله اليدلي ابنادم ابدينه
✍️كلمات خادمكم: مصطفى النائلي
ثار الضلع قائم يظل أمره
والمهدي باجر حتماً يجبره
••••••••••••••••••••••••••••••••
يجبر كسرها المهدي من يظهر
وترد عـزيزة فـاطمة الكوثر
اعله الطغاة ابسيفه من يثأر
او بسيفه باجر يقتل الزمره
والمهدي باجر حتماً يجبره
••••••••••••••••••••••••••••••••••
ثار الضلع والسطره والدفعه
وثار الجنين ولوعة الصفعه
باجر يردهن خلفة البضعه
ابهل الأمر الزهره تنتظره
والمهدي باجر حتماً يجبره
•••••••••••••••••••••••••••••••••••
بساعة ظهوره هالضلع يشفه
وكلمن تسبب بي يگص چفه
بسيفه ويسلمه رگبته وحتفه
ويظهر گبرها فاطمة الزهره
والمهدي باجر حتماً يجبره
•••••••••••••••••••••••••••••••••••
اعلى الگبر باجر يدلينه
ونتعنه مشايه ويه مهدينه
واعلى الگبر نرفع ترى ادينه
وتزيل من الزهره كل حسره
والمهدي باجر حتماً يجبره
•••••••••••••••••••••••••••••••••••••
ومـن يـظهر الغايب يبشرها
وأول ظهوره الزهره يحضرها
يبني گبرها ويشفي خاطرها
ساعة ظهوره بيها جم عبره
والمهدي باجر حتماً يجبره
••••••••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي
انه فاطم يا علي دلحگ اعليه
اليوم حانت فزعتك يا ابو الحميه
طاح محسن ياعلي وبيك انتخي اليوم
وجهي غطيته بخجل بجفوف اديه
زمرة الكفار حركو عتبت الدار
زمرة الكفار تحمل بس اذيه
زحمه ياحمي الحمى من دفرو الباب
وآنه خلف الباب ما ظل حيل بيه
صرت اتنطر فقارك يا علي وين
جتفو سبع الوغى ابحبل الوصيه
آنه بنت المصطفى وانعصر حيف
همه اصحاب النبي الهجموا عليه
من وكع محسنها طاحت روحي وياه
ياحسافه التفت علينه المنيه
شلت نعشي اعله الچتفك انت يا حيد
هاي مو هينه يحيدر هل قضيه
من حفرت الكبر صارت لوعه واحزان
وكمت تنحب عالگبر صبح ومسيه
✍️كلمات خادمكم: الشاعر مصطفى النائلي
فرحتنا المحمد سيد الأكوان
أبد ماتنوصف بيها الفكر محتار
إنولد هالليله خاتم أنبياء الله
محمد هذا من عنده تشع أنوار
شعلنا شموع وبخور الحفل هاليوم
وبهاي الولاده امنوره عدنا الدار
محمد يامحمد هالهتاف يدور
مثل هذا الهتاف اليوم لاماصار
ابو الزهره محمد حگنه نفخر بي
شفيع الأمه منقذها صُفه المختار
✍️كلمات خادمكم: الشاعر مصطفى النائلي
اليوم ظلمه الدار بغياب الحسن
غابت انوارك وشمعاتك طفن
••••••••••••••••••••••••••••••••
طفن شمعاتك يبو محمد شفت
ردت ترجع الي لو لحظه ردت
اكبالي جبدك صار خويه بالطشت
ريت عمري اوياك يا خويه أندفن
••••••••••••••••••••••••••••••••••
جـــبدك اتــفطر اتــنازع بالالــم
نعشك ادري ينرمي خويه بسهم
لجن باجر وحدي أبقه ابلاخــيم
وتهجم اعلينه يغالي اهــل الفتن
••••••••••••••••••••••••••••••••••
غــاب نـــورك عني لا لا مو سهل
على افراگك خويه لتضن احتمل
اشلون باجر بــيه لو أصعد هزل
وحدي أبــقه ومن يــباري للضعن
••••••••••••••••••••••••••••••••
سره السم بجسمك وهذا صعب
خويه وفـراگك كسر بيه الگلب
تروح اختك يبو محمد وي غُرب
تمشي والعدوان تــــضرب بالمتن
••••••••••••••••••••••••••••••••
يــبو محمد حــيف ممــرود الجبد
اليوم يذبل يل الحسن عطر الورد
لان انــته اليوم رايــح مـــا تـــرد
وســفه يا وســـفه غدر بينه الزمن
•••••••••••••••••••••••••••••••••••••
الى خادم الحسين وخادم الزهراء
✍️الشاعر مصطفى النائلي
عسى انشل الطبر راسك//// ويهلك
يامن منخضب بالدم ////ويهلك (يعني وجهك)
انفجع عرش الله بمصابك//// ويهلك (ويهل الك)
دمع ودموم يا حامي الحميه
هذا حال ابنيتك بعدك يصير
بين محنه ونايبه وحسره المصير
بويه احسن يختلف هذا الفجر
بويه احسن بي راسك ينطبر
بويه شفت بعيني محلول الازار
بويه ساعتها اشتعل دلالي نار
وللصوايح صوت متبوع بانين
ينطبر بالسجده حبل الله المتين
ولنه جبرائيل بعنان السمه
صاح ياشيعه انطبر حامي الحمه
بيها يابويه انشعب مني الدليل
وصار دم امدامع عيوني يسيل
وسفه حيدر ياخذك مني النصيب
ويمسي مني الموت ياحيدر قريب
هالفرحه محلاها.. جبريل زفاها
بشراك يا طه… هل الحسن نوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
الليله بأسم شُبر... روح القدس كبر
يهني الوصي حيدر... والطاهره الزهره
كل فرحه نحييها... بسم الله نبديها
اسم الحسن بيها... ليلتنه مزدهره
لاح الأمل صبحه.. عشنه بسنه الفرحه
طاب المحب جرحه.. بالمولد وسره
**
ليلتنه معقوده... بالفرحه مشدوده
ويرتل انشوده... كل واحد او دوره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
من السمه رحمه.. لحيدر اجه نسمه
فدوه اله ولأسمه.. نهدي ورود احنه
جده النبي الخاتِم.. يهني اجه لفاطم
هذا الوحي قادم... او بالحسن بشرنه
باسمه انحيي المحفل... بالحسن نتآمل
جده النبي المرسل.. نتمنى يحضرنه
**
هالليله البشاره... بالحسن وانواره
ما نعرف اسراره. او الشيعه مسروره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
صاح الوحي او نازل. نور الحسن كامل
خل يسامع العاذل.. نور الحسن هل
ابهذا الخبر ناده.. جبريل للساده
والطالب امراده... ياخذه ابهالمحفل
يا محله جمعتنه... بسم الحسن فرحتنه
او الزهره سمعتنه.. نقراله او نتأمل
**
والزهره وياها. بميلاده نتباها
أمنه ومننساها… بالحسن مغموره
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹
للصفگه سمعونه.... او فدوات لعيونه
الناس اليلومونه.... لا ما نهم بيهم
ويله الذي إيضدنه. بالألف واحدنه
لا محد إيردنه… ونگص إياديهم
خل يسامع الشامت... هذا العهد ثابت
ما نحجي عالصامت... فرچه نسويهم
**
فرحتنا ممزوجه. ونقراله الأهزوجه
والخيل مسروجه... للغرقد إنزوره
🌹🌹🌹🌹🌹🌹🌹🌹🌹🌹🌹🌹🌹
نمشي على نهجه. هالليله نترجه
بس شوفت الحجه... من يحضر ويانه
او الزهره هم تحضر.. وياها الوصي حيدر
بالجنه نتبشر ... هالشيعه فرحانه
هم المحب ينزاح... والطيب كل اجراح
طير السعد مرتاح. يصفگ بجنحانه
**
صعبه فرحه نشرحه. هذا المحب جرحه
صاحت ترى الفرحه. هل الحسن نوره
*****
✍️الخادم الأقل شأناً : خادمكم مصطفى النائلي
الحسن ما صار أبد مثله أبو محمد
كريم او من عطائه الخير اله يشهد
ابو محمد حفيد المصطفه احمد
ها اخوتي ها
ضل يشهد حيدر بفعاله
🌸🌸🌸🌸🌸🌸🌸🌸🌸🌸🌸🌸🌸
مضيفه او دلته او صولات مشهوده
الحسن هذا الحسن من يوصل احدوده
شبل حيدر علي هالليله مولوده
ها اخوتي ها
فرحانه الزهره بميلاده
🌹🌹🌹🌹🌹🌹🌹🌹🌹🌹🌹🌹🌹
فرحت فاطمه وحيدر علي بچيتك
لان بي رحمة الله نزلت ابيتك
ابوك المرتضى والنعم تربيتك
ها اخوتي ها
من الباري تربيتك هاذي
💐💐💐💐💐💐💐💐💐💐💐💐💐
يبو محمد عطائك ما نمل منه
شيعه او مولدك بي احنه نتهنه
ذهب اسمك يبو محمد حرز جنه
ها اخوتي ها
ابيوم المحشر احضر. يابو محمد كون اهناك
✍️كلمات خادمكم: مصطفى النائلي
انولد ثاني علي لحسين ابو السجاد
شبيه المصطفى وحيدر علي الأكبر
ابميلاده الحسين اهوايه هم فرحان
او بعده بالمهد وتشبه ابحيدر
ابو السجاد اجه ل ليله ويشوف النور
او بيت احسين ابو اليمه يشع اكثر
ضوه ثاني اجه البيته ابوسط شعبان
شاف ابوجه الأكبر صوره من خيبر
او شاف ابگصته غيره مثل عباس
اشحلاته الأكبر او هوه ضوى مطشر
لحد الآن تذكر صولته اعله الجيش
او اشلون العساكر يمه من تزغر
بده احسين اعله راسه يقرأ الآيات
يبني يگله بالحومه ردت تزئر
طاحت وي ضربته شگد گصص للجيش
لسه من ضربته كل وجه اصفر
او بالعاشر علي الأكبر اله صولات
عله اجيوش ال اميه بيها وبيها ظل يفتر
دخل چن دخلت العباس على للميدان
من عنده الزلم و القاده تتحذر
اذا مره نزل بالحومه ابن احسين
يخلي القاده كلها اگباله تتطشر
شبيه اللي قلع باب الحصن كرار
مثل المرتضى حيدر علي الأكبر
من فيض الدمه خله الطفوف اتفيض
اذا تگلب الگاع تشوف طف احمر
لبو السجاد اجه الليله علي الأكبر
شبيه المصطفى وعل العالم اتنور
اهنيك واهني فاطمه ابهل يوم
وأهني المصطفى والمرتضى حيدر
حرت شكتب اشعار ابمولد الاقمار
القلم حتى القلم باوصافه متحير!
علي الأكبر بطل ومقلد العباس
الخله جيش اميه ابسيفه يطشر...
هله او مية هله بمولد ابو صالح
وأنه الناطر طلعته الجيَّته أمتاني
شايل بيدي ورده لسيدي او مولاي
التهاني ابمولده ضلت عله الساني
يدري اشگد اله ملهوف انا ابهاليوم
إمامي وحاشه لحضه هو ينساني
طالت غيبته ولابد يجي ويعود
البعد ابغيابه اشعر حيل اذاني
طشيت الفرح چن طشَّت الچكليت
ونشيد الحب قريته باعذب إلحاني
كتبت اعله الأمل يمته الفرچ مولاي
الفرچ يمته انادي ابصوتي ولساني
خامس هالعشر من هالشهر مولود
بنصف شعبان والله ذاب وجداني
احضر بالحفل واصرخ اريد ارضاك
يمهدي بالذنب غارگ صرت اني
ذنوبي اهواي او الليله اجه المولد
دعيت أشگد دعيت تزيلها أحزاني
ابقى عالعهد اني صحت مولاي
وعلى الموعد يبو صالح تلگاني
✍️كلمات خادمكم: مصطفى النائلي
انولد كافل خدر زينب ابو فاضل
سبع الگنطره ابهل الليله مولوده
شبل حيدر علي عباس ابو الغيره
كفيل الهاشميه الضحه بزنوده
اخو زينب يسمونه الگمر عباس
اذن هذا الگمر من يوصل احدوده
عله شاطي الفرات أشگد اله صولات
وصورتهن بقت لليوم مشهوده
تهز كاروكه زينب اخته ذيچ ام عون
روح بروح هيه اوياه مشدوده
صاح اني الكفيل او كافل الحوراء
اخو احسين وعضيده وزودي من زوده
الحومه ترتعب لو ينزل العباس
ويرد تبقى الجثث عالگاع ممدوده
اتگطعن منه چفينه او أنطه العين
دگ صدره لخيته او وفه بوعوده
تهابه اجيوش اميه والشمر وزياد
ابن سعد وشمرها وكثرة اجنوده
سيفه الحار ابو فاضل على العدوان
نزل بيهم غضب ووجوهم سوده
عالجسر ضل مطروح الكاظم اشلون
وين اهل هاشم وين خلهم يشيعون
✍️بقلمي
ياعلي ام الحسن سطروها
او وره بابك ياعلي عصروها
•••••••••••••••••••••••••••••••••••••••••
اليوم زمره مجرمه ليها اعتنت
العين. مزركِه اضلوع اتكسرت
هاي بضعة طه من عدها اشبدت
بعد ابوها صحبته بجِوها
•••••••••••••••••••••••••••••••••••••••••••
بالعمد بجوها اشباه الزلم
ابد مابيهم اصيل اولا شهم
منهو يرضى اضلوع فاطم تنهشم
درو بيك اموصِه هل هشموها
•••••••••••••••••••••••••••••••••••••••••••
دروا بيك اموصه يا حامي الحمه
هالأجو هاليوم عصروا فاطمه
انطبع بالبسمار اثار الدمه
الدار وسفه بالحطب حرگوها
••••••••••••••••••••••••••••••••••••••••••••
الله ليعينك علي بهذا المصاب
اشلون فاطم تندفن تحت التراب
لو دخلت الدار وتشوف الخضاب
تحس فوك الجتف كل احمولها
•••••••••••••••••••••••••••••••••••••••••••••
عكب ام حسين تبكه بالحزن
اعله الكبر ويلاه ياحيدر تون
لشوفت ام حسين كل لحظه تحن
وهاي هيه اتعس بدايه ابدوها
••••••••••••••••••••••••••••••••••••••••••••••
✍️الشاعر مصطفى النائلي
شيعّها فاطم حيدر بدمعه
من بيته ظلت طافيه شمعه
•••••••••••••••••••••••••••••••
شال النعش يبجي وجرت عينه
ابهاي المصيبه الله اليعينه
بيده دفنّها زهرة اسنـيـنـه
ويم الگبر حامي الحمه ينعه
•••••••••••••••••••••••••••••••
صعبه اعله حيدر فرگة الزهره
عگب الزچيه منكسر ظــهـره
ابخدها يشاهد أثر للسـطره
وام الحسن رادت تره اتودعه
••••••••••••••••••••••••••••••••••
ودعّها لاجن دمـعـته تـجـري
وينادي يل الزهره انكسر ظهري
للباري عگبج سلمت أمري
ولمن يون فاطم تره اتسمعه
••••••••••••••••••••••••••••••••••
لوما الوصيه وملتزم بيها
چان العصابه بسيفه يمحيها
وحته الأرض بيمينه يجفيها
وعلى الزجيه منحني ضلعه
•••••••••••••••••••••••••••••••••
داره علي يا وسفه محترگه
مو سهله عد حيدر ترى الفرگه
روح الوصي يا ناس مختنگه
وبعينه حيدر ضاگت الوسعه
•••••••••••••••••••••••••••••••••••
الى خادم الحسين وخادم الزهراء
📝الشاعر مصطفى النائلي
خادم الزچيه وافخر ابهاي
وابكل المجالس فاطمه اوياي
&&&&&&&&&&&&&&&&&&&&&&
خادم للزﭼـيه او بيه يدرون
وبحبها ام حسن هذا آنه مجنون
ميهمني الحـﭼـي وشما يڰولون
ومن انخه الزﭼـيه الكلفه الي اتهون
هاي ام الحسن بنت النبي هاي
وابكل المجالس فاطمه اوياي
&&&&&&&&&&&&&&&&&&&&&&&&
خدمتها ام حسن نعمه عليه
وافخر بل الخدامه للمنيه
حبها يا خلگ اصبح هويه
ماعوفن مجالسها الزچيه
بس الها اشتكي من ضيم دنياي
وابكل المجالس فاطمه اوياي
&&&&&&&&&&&&&&&&&&&&&&&&&&&
هنيـالي اصبحت خادمها كل عـام
وبسم الزهـره امشي ورافع الهـام
وحـگ اسم العقيله الكفلت ايتـام
أظـل خـادم لفاطم طول الايـام
وتـرخص الهـا روحي ويرخص ادمـاي
وبكل المجالس فاطمه اوياي
&&&&&&&&&&&&&&&&&&&&&&&&&&
انخـاهـا الـزﭼـيه ام الميامين
اظل خادم لبنها سلوة الـدين
التصب اعليه دم بكل سنه العين
ويظل صوتي ينـادي بـأسـم الحسين
الميت منـذبـح والماشرب مـاي
وبكل المجالس فاطمة اويـاي
&&&&&&&&&&&&&&&&&&&&&&&&&
أظل انصب عـزاها بلـوعه وآهـات
وأَجُـرْ طـور النعـي ابكل المقامات
وأحتـج عالكسر ضلـع السماوات
بمـواكب للعـزه تنـادي بهتافـات
كَسُرْ ضلعـﭻ يفاطم گَطَّـع إﭼـلاي
وبكل المجالس فاطمه اويـاي
&&&&&&&&&&&&&&&&&&&&&&
الى خادم الحسين وخادم الزهراء
✍️الشاعر مصطفى النائلي
متباركين في ولادة نبي الرحمه ومنقذ الأمه النبي محمد (ص)
Читать полностью…
يا رسول الله انكسر ظهري بلياك
شلون اتراب الگبر يالغالي ضماك
شلون ضماك الترب..... افراگك اهوايه صعب
عمه اسياط الشمر بمتوني
اليوم وافاني الأجل يعيوني
&&&&&&&&&&&&&&&&&&&&&&&
اليوم وافاني الاجل ابهالمسيه
عمه يا زينب اجه يوم المنيه
ابياوكت عمه اصبحت انا سبيه
طفله ما احمل عذاب الغاظريه
يم ابويه احسين اتدفنوني
اليوم وافاني الأجل يعيوني
&&&&&&&&&&&&&&&&&&&&&&&
يم ابويه حسين ريت الدفن وياه
لچن مجبوره اموت انه بلياه
يامحنه ويادلالي المكدر انساه
سلبوا مني تراچي وسفه اعداه
اعله المتن يا عمه هالطگوني
اليوم وافاني الأجل يعيوني
&&&&&&&&&&&&&&&&&&&&&&&
حيل مشتاگه لبويه والجفن هام
لفت اعليه المصايب وضيم الأيام
اني بنت حسين زحمه ادخل الشام
ابنص خرابه يا هضيمه يتامنه تنام
ابد ما غمض ترى اجفوني
اليوم وافاني الأجل يعيوني
&&&&&&&&&&&&&&&&&&&&&&&
گلبي من بعد الغوالي صار مكسور
بكربله عفته رميه الوالي مغدور
عمه يجرحني شفت هذا عاشور
الحزن بعيوني شفته صاير يدور
بالهجر عگب الأبو خلوني
اليوم وافاني الأجل يعيوني
&&&&&&&&&&&&&&&&&&&&&&&
بالخرابه اليوم احس حانت منيتي
اسمع اتناديني رقيه شو مشيتي
هيج وبلحظه رقيه انتي انتهيتي
سهام بس نكبات من لطف هديتي
ابهالجرح يا عمه هالكسروني
اليوم وافاني الأجل يعيوني
==========================
الى خادم الحسين وخادم اهل البيت {ع}
✍️الشاعر مصطفى النائلي