19988
Официальный новостной канал КГУ 🌐: karsu.uz
◾️QMU studentler úyindegi jaslar ushın koncert baǵdarlaması hám bayram dasturxanı shólkemlestirildi (3-bólim)
Ilaj dawamında student-jaslar gúlxan átirapında birlesip ózleriniń yoshlı qosıqların birgelikte atqardı. Haqıyqatında da, «Bir bolsaq – bir xalıqpız, birlessek – Watanbız!» súreni astında shólkemlestirigen bul ilaj, student-jaslardı bir maqset jolında birlestirip, bos waqıtların mazmunlı ótkeriw, sonday-aq óz-ara pikirlesiw hám doslıq baylanısların bekkemlew imkaniyatın berdi.
📸 Ilajdan tayarlanǵan fotoreportaj
➡️Tolıq oqıw
Bizdi sociallıq tarmaqlarda baqlap barıń:
◾️QMU studentler úyindegi jaslar ushın koncert baǵdarlaması hám bayram dasturxanı shólkemlestirildi (1-bólim)
🔘Búgin 16-sentyabr kúni Berdaq atındaǵı Qaraqalpaq mámleketlik universiteti rektoratı tárepinen studentler úyindegi jaslar ushın «Bir bolsaq – bir xalıqpız, birlessek – Watanbız!» súreni astında koncert baǵdarlaması shólkemlestirilip, bayram dasturxanı jayıldı. Ilajda universitet prorektorları, professor-oqıtıwshılar, fakultet dekan orınbasarları, tyutorlar hám student-jaslar qatnastı. Dáslep, universitet rektorı A.Reymov sózge shıǵıp, 2024/2025 oqıw jılınıń baslanıwı menen barlıq student-jaslardı qızǵın qutlıqlap, oqıwlarında tabıslar tiledi.
📸 Ilajdan tayarlanǵan fotoreportaj
➡️Tolıq oqıw
Bizdi sociallıq tarmaqlarda baqlap barıń:
⚡️QMUda xalıqaralıq ilimiy-texnik konferenciya bolıp ótti
Búgin 16-sentyabr kúni Berdaq atındaǵı Qaraqalpaq mámleketlik universitetinde “Aralboyı regionında arxitektura hám qala qurılısınıń turaqlı rawajlanıwı máseleleri" atamasında III xalıqaralıq ilimiy-texnik konferenciya bolıp ótti.
➡️Tolıq oqıw
📹 Ilajdan tayarlanǵan video rolikti názerińizge usınamız.
✅Telegram | 🌐Instagram | 📹karsu_news">YouTube | ✅Facebook
⚡️ Qoraqalpog‘istonlik yoshlar uchun qo‘shimcha qabul kvotalari
🔰 O‘zbekiston Respublikasi Prezidentining 2022-yil 31-avgustdagi PF–213-son Farmonida qoraqalpog‘istonlik yoshlar uchun qo‘shimcha kvota ajratilishi belgilangan.
✅ Mazkur Farmon ijrosi yuzasidan Davlat komissiyasining navbatdagi bayoni bilan qoraqalpog‘istonlik yoshlar uchun tumanlar kesimida tarmoq sohalari bo‘yicha oliy ma’lumotli kadrlarga bo‘lgan ehtiyojni inobatga olgan holda, bakalavriat ta’lim yo‘nalishlariga bazaviy to‘lov-kontrakt asosida 10 000 ta qo‘shimcha qabul parametri tasdiqlandi. Bunda ajratilgan qabul parametrlarining:
🔸 Toshkent shahridagi OTM va bakalavriat ta'lim yo‘nalishlari kesimidagi taqsimoti;
🔸 Qoraqalpog‘iston Respublikasidagi OTM va bakalavriat ta'lim yo‘nalishlari kesimidagi taqsimoti;
🔸 viloyatlardagi OTM va bakalavriat ta'lim yo‘nalishlari kesimidagi taqsimoti tasdiqlandi.
✅ 10 000 ta qo‘shimcha qabul parametri – kirish imtihonlarida 56,7 ball va undan yuqori ball to‘plagan, lekin talabalikka tavsiya etilmagan abituriyentlar hisobidan shakllantirildi.
👨🏻💻 Qo‘shimcha qabul parametrlari doirasida talabalikka tavsiya etilgan qoraqalpog‘istonlik yoshlar tavsiya etilganlik holatini my.uzbmb.uz sayti orqali shaxsiy kabinetidan bilishlari mumkin.
📋 Shuningdek, oliy ta’lim muassasalariga tanlov qaydnomalari yetkaziladi.
✅Telegram | 🌐Instagram | 📹karsu_news">YouTube | ✅Facebook
🟥Dıqqat, dıqqat! Kásiplik awqamları stipendiyasına tańlaw baslandı
Joqarı oqıw orınlarında oqıp atırǵan student-jaslarǵa arnalǵan kásiplik awqamı stipendiyasına 2025-jıl ushın hújjetler qabıl etilmekte.
Stipendiya tańlawına qatnasıwdı qálewshiler universitettiń Jaslar menen islesiw, ruwxıylıq hám aǵartıwshılıq bólimine xabarlasıwın soraymız.
Stipendiyaǵa talabanlar siltemede kórsetilgen ustav penen tanısıp shıǵıwı múmkin.
Bizdi sociallıq tarmaqlarda baqlap barıń:
⚡️QMUda Jaslar tárbiyasına juwapker qánigeler qatnasıwında seminar bolıp ótti
🔵Búgin Berdaq atındaǵı Qaraqalpaq mámleketlik universitetinde Jaslar tárbiyasına juwapker qánigeler qatnasıwında seminar bolıp ótti. Onda Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń bas qánigesi X.Nezamatov, Joqarı bilimlendiriw, ilim hám innovaciyalar ministrliginiń Qaraqalpaqstan Respublikası aymaqlıq basqarması bas qánigesi Z.Dáwletnazarova, respublikalıq úgit-násiyat toparınıń aǵzası, filologiya ilimleri boyınsha filosofiya doktorı, docent Q.Mámbetov hám fakultet dekanlarınıń hayal-qızlar máseleleri boyınsha másláhátshileri hám tyutorlar qatnastı. Seminardı universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi hám basqarıp bardı.
🔵Ilajda sózge shıqqanlar sociallıq-ruwxıy ortalıqtı salamatlastırıw, diniy keńpeyillik hám milletler aralıq tatıwlıqtı bekkemlew, bilimlendiriw mákemelerindegi studentlerdiń ishki tártip hám ádep-ikramlılıq qaǵıydalarına tolıq ámel etiwi, sonday-aq, jaslar arasında radikalizmniń aldın alıw jáne hayal-qızlar ushın úrp-ádet hám qádiriyatlarǵa sáykes milliy kiyimlerdiń zamanagóy formaların jaratıw máseleleri haqqında aytıp ótti. Seminar dawamında aldaǵı waqıtta birgelikte ámelge asırılatuǵın jumıslar dodalandı hám aldaǵı wazıypalar belgilep alındı.
Bizdi sociallıq tarmaqlarda baqlap barıń:
#Hayal_qızlar_keńesi_iskerligi
⚡️Studentler úyindegi qızlardıń jasaw jaǵdayları úyrenildi
🩷Berdaq atındaǵı Qaraqalpaq mámleketlik universiteti hayal-qızlar máseleleri boyınsha rektor másláhátshisi I.Seytnazarova universitettiń studentler úyinde bolıp, alıs wálayatlardan hám respublikamızdıń uzaq rayonlarınan kelip jaylasıp atırǵan student qızlardıń hal-jaǵdaylarınan xabar aldı.
🩷Bul jerde olardıń mashqala hám pikir-usınısların úyrenip, hár biri menen jeke sáwbetlesti. Sociallıq járdemge mútáj student qızlardıń jaǵdayları úyrenildi. Sáwbetlesiw barısında, student-jaslarımızǵa universitetimizde, oqıp bilim alıwı ushın barlıq múmkinshilikler dógerek-klublar jaratılǵanlıǵın aytıp ótti.
Bizdi sociallıq tarmaqlarda baqlap barıń:
⚡️Zayniyev Suxrobjon Islombek o‘g‘linıń pedagogika ilimleri boyınsha filosofiya doktorı (PhD) dissertaciya jumısın qorǵawı haqqında
✅Nizomiy atındaǵı Tashkent mámleketlik pedagogika universiteti izleniwshisi Zayniyev Suxrobjon Islombek o‘g‘linıń 13.00.02 - Tálim hám tárbiya teoriyası hám metodikası (biologiya) qánigeliginen “O‘quvchilarni biologiya fanidan masala va mashqlar yechish orqali olimpiadalarga tayyorlash metodikasini takomillashtirish” atamasındaǵı pedagogika ilimleri boyınsha filosofiya doktorı (PhD) dissertaciya jumısın qorǵawı Qaraqalpaq mámleketlik universiteti janındaǵı ilimiy dárejeler beriwshi PhD.03/30.12.2019.B.20.04 sanlı İlimiy keńes tiykarındaǵı bir mártelik İlimiy keńestiń 2024-jıl 24-sentyabr kúni 0900 daǵı májilisinde Qaraqalpaq mámleketlik universiteti Málimleme resurs orayınıń 3 qabatı konferenciya xanasında bolıp ótedi.
➡️Ma’nzil: 230112, Nókis qalası, Ch.Abdirov kóshesi, №1 jay.
☎️Tel.: (+99861) 223-60-47. e-mail: karsu_info@edu.uz
Bizdi sociallıq tarmaqlarda baqlap barıń:
⚡️QMUda Ata-analar menen ushırasıw bolıp ótti
🎤Búgin 14-sentyabr kúni Berdaq atındaǵı Qaraqalpaq mámleketlik universitetiniń akademik Ch.Abdirov atındaǵı mádeniyat sarayında ata-analar menen ushırasıwdıń ekinshi kúni dawam etti. Onda Nókis qalası hákimi A.Daniyarov, Nókis qalası ayrıqsha jaǵdaylar bólimi baslıǵı J.Djubanishev hám bir qatar juwaplı xızmetkerler qatnastı. Ushırasıwdı universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi hám basqarıp bardı.
🎤Ushırasıwda tiykarınan gúz-qıs máwsiminde záhárli gazlerden saq bolıw, qáwipsizlik ilajlarına qatań ámel etiw hám student-jaslardıń tárbiyasına biypárwa bolmaw máseleleri dodalandı. Dáslep Nókis qalası hákimi A.Daniyarov sózge shıǵıp, búgingi kúnde student-jaslardı jámiyette óz ornın tabıwda ata-analardıń ornı ayrıqsha ekenligi, sonday-aq, jáne bir áhmiyetli másele sıpatında gúz-qıs máwsiminde gaz iyisinen záhárleniwdiń aldın alıwda bársheni sergeklikke shaqırıp, bul baǵdarda hámme birge úgit-násiyat jumısların alıp barıw kerekligin aytıp ótti.
🎤Ilajda taraw qánigeler tárepinen gúz-qıs máwsiminde qáwipsizlik ilajların kúsheytiw boyınsha usınıslar berilip, gaz plitaları hám ısıtıw sistemalarınan durıs paydalanıw, gaz qurılmaların turaqlı texnikalıq tekseriwden ótkeriw zárúr ekenligin atap ótildi. Ilaj dawamında kóplegen aymaqlarda baqlanıp atırǵan gaz iyisinen záhárleniw jaǵdayları boyınsha tayarlanǵan arnawlı video rolikler jıynalǵanlar názerine usınıldı. Ushırasıw juwmaǵında ata-analar hám universitet administraciyası óz-ara pikir alısıp, jaslar tárbiyasın jáne de nátiyjeli shólkemlestiriw hám olardı hár qıylı qáwip-qáterlerden qorǵaw boyınsha birgelikte islewge kelisip aldı.
➡️Tolıq oqıw
Bizdi sociallıq tarmaqlarda baqlap barıń:
◾️QMUda Jaslar tárbiyasına juwapker qánigeler qatnasıwında seminar bolıp ótti
🔂Usı jıldıń 13-sentyabr kúni Berdaq atındaǵı Qaraqalpaq mámleketlik universitetinde Jaslar tárbiyasına juwapker qánigeler qatnasıwında seminar bolıp ótti. Onda Ózbekstan Respublikası Din isleri boyınsha komitetiniń Qaraqalpaqstan Respublikası aymaqlıq basqarmasınıń hayal-qızlar máseleleri boyınsha jetekshi qánigesi X.Ibrayımova, respublikalıq úgit-násiyat toparınıń aǵzası, filologiya ilimleri boyınsha filosofiya doktorı, docent Q.Mámbetov hám fakutet tyutorları qatnastı. Seminardı universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi hám basqarıp bardı.
🔂Ilajda sózge shıqqanlar sociallıq-ruwxıy ortalıqtı salamatlastırıw, diniy keńpeyillik hám milletler aralıq tatıwlıqtı bekkemlew, bilimlendiriw mákemelerindegi studentlerdiń ishki tártip hám ádep-ikramlılıq qaǵıydalarına tolıq ámel etiwi, sonday-aq, jaslar arasında radikalizmniń aldın alıw jáne hayal-qızlar ushın úrp-ádet hám qádiriyatlarǵa sáykes milliy kiyimlerdiń zamanagóy formaların jaratıw máseleleri haqqında aytıp ótti. Seminar dawamında aldaǵı waqıtta birgelikte ámelge asırılatuǵın jumıslar dodalandı hám aldaǵı wazıypalar belgilep alındı.
Bizdi sociallıq tarmaqlarda baqlap barıń:
📣📣DÍQQAT, DÍQQAT
🎭“Quwnaqlar hám ziyrekler” tańlawınıń gezektegi máwsimin biz benen birge tamashalawǵa tayınsız ba?
Búgin 14-sentyabr kúni Nókis qalasında jaylasqan Oraylıq amfiteatrında “Quwnaqlar hám ziyrekler” tańlawınıń saylap alıw basqıshı bolıp ótedi.
Onda Berdaq atındaǵı Qaraqalpaq mámleketlik universitetiniń "Jayhun" komandası qatnasadı. Bársheni saylap alıw basqıshında universitetimizdiń "Jayhun" komandasın qollap-quwatlawǵa shaqıramız.🤗
◾️✊🔤🔤🔤🔤🔤🔤
📍Mánzil: Nókis qalası Oraylıq Amfiteatr
📅Waqtı: 14-sentyabr saat 17:00
❗️Kiriw biypul
Bizdi sociallıq tarmaqlarda baqlap barıń:
⚡️Babaeva Gulzira Sarsenbaevnanıń filologiya ilimleri boyınsha filosofiya doktorı (PhD) dissertaciya jumısın qorǵawı haqqında
Usı jıldıń 20-sentyabr kúni saat 11:00 de Qaraqalpaq mámleketlik universiteti janındaǵı ilimiy dárejeler beriwshi PhD.03/30.04.2022.Fil.20.07 sanlı Ilimiy keńes májilisi universitetimizdiń Málimleme resurs orayında bolıp ótedi. Májiliste Qaraqalpaq mámleketlik universiteti erkin izleniwshisi Babaeva Gulzira Sarsenbaevnanıń 10.00.06 – Salıstırma ádebiyattanıw, salıstırmalı til bilimi hám awdarmatanıw qánigeligi boyınsha «Nemis, o‘zbek va qoraqalpoq tillaridagi xushmuomalalik konseptining lingvomadaniy tadqiqi» temasındaǵı filologiya ilimleri boyınsha filosofiya doktorı (PhD) ilimiy dárejesin alıw ushın usınılǵan dissertaciya jumısınıń qorǵawı bolıp ótedi.
Bizdi sociallıq tarmaqlarda baqlap barıń:
⚡️Qutlıqlaw!
Ózbekstan Respublikası Ilimler Akademiyası akademigi, Ózbekstan Qaharmanı, birinshi dárejeli mámleketlik sıylıq laureatı, senator, V.I. Romanovskiy atındaǵı Matematika instituti direktorı, fizika-matematika ilimleri doktorı, ustazımız Shavkat Abdullaevich Ayupovtı búgingi tuwılǵan kúni menen qutlıqlaymız. Sizge uzaq ómir, tereń den-sawlıq, pedagogikalıq hám ilimiy jumıslarıńızda tabıslar, shańaraǵıńız aǵzalarına amanlıq hám úlken baxıt, Watanımız ilimin rawajlandırıwda pidayı miynetlerńizde talmas kúsh-ǵayrat tilep qalamız.
Húrmet penen, Berdaq atındaǵı Qaraqalpaq mámleketlik universiteti rektoratı hám matematika fakulteti jámááti.
Bizdi sociallıq tarmaqlarda baqlap barıń:
◾️QMUda 2024/2025-oqıw jılı ushın jańa wazıypalar hám rejeler belgilep alındı
✅Búgin Berdaq atındaǵı Qaraqalpaq mámleketlik universitetiniń májilisler zalında 2024/2025-oqıw jılı ushın universitet kafedraları aldında turǵan wazıypalar hám aldaǵı waqıtta ámelge asırılıwı tiyis bolǵan rejelerge baǵıshlanǵan májilis bolıp ótti. Májiliste universitettiń ilimiy isler hám innovaciyalar boyınsha prorektorı I.Turdımambetov, oqıw isleri boyınsha prorektor O.Duysenbaev, xalıqaralıq birge islesiw boyınsha prorektor T.Nurımbetov, tiyisli qánigelik kafedraları baslıqları qatnastı.
✅Májilisti ilimiy isler hám innovaciyalar boyınsha prorektor I.Turdımambetov ashtı hám basqarıp bardı. Májiliste universitette ótken oqıw jılında ámelge asırılǵan jumıslar nátiyjeliligi hám tiyisli kafedralar tárepinen aldaǵı waqıtta alıp barılıwı tiyis bolǵan wazıypalar dodalandı. Olardıń arasında bilimlendiriwdiń sapasın arttırıw, oqıw baǵdarlamaların zamanagóy talaplar tiykarında jańalaw hám studentlerdiń ámeliy bilimlerin bekkemlew baǵdarındaǵı jumıslar áhmiyetli orın iyeledi. Sonday-aq, ilim hám bilimlendiriw integraciyasın kúsheytiw, studentlerdi ilimiy jumısqa keńnen tartıw hám ilimiy izleniwlerdiń nátiyjeliligin arttırıw máseleleri de kóterildi.
✅Kafedralardıń zamanagóy ilim jetiskenliklerin ámeliyatqa engiziw, xalıqaralıq ilimiy birge islesiwdi rawajlandırıw hám óz tarawlarında innovaciyalıq izertlewlerdi ámelge asırıw ústinde islewi zárúr ekenligi atap ótildi. Bul arqalı tek ǵana studentlerge joqarı sapalı bilim beriw emes, al milliy hám xalıqaralıq kólemde universitettiń abırayın arttırıw hám ilimiy jámáát arasındaǵı birge islesiwdi kúsheytiw maqset etilmekte. Májilis dawamında kafedralar aldındaǵı áhmiyetli wazıypalar hám keleshekte ámelge asırılıwı kerek bolǵan rejeler kórip shıǵıldı...
➡️Tolıq oqıw
Bizdi sociallıq tarmaqlarda baqlap barıń:
◾️QMUda «Ata-analar kongressi» bolıp ótti
✅Búgin Berdaq atındaǵı Qaraqalpaq mámleketlik universitetiniń akademik Ch.Abdirov atındaǵı mádeniyat sarayında oqıw orınlarında hám shańaraqlarda jaslar tárbiyasına baǵıshlanǵan áhmiyetli ilaj - Ata-analar kongressi bolıp ótti. Onda Nókis qalası hákimi A.Daniyarov, Nókis qalası ayrıqsha jaǵdaylar bólimi baslıǵı J.Djubanishev hám bir qatar juwaplı xızmetkerler qatnastı. Ushırasıwdı universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi hám basqarıp bardı.
✅Dáslep Nókis qalası hákimi A.Daniyarov sózge shıǵıp, búgingi kúnde student-jaslardı jámiyette jetik shaxs sıpatında tárbiyalawda ata-analardıń ornı ayrıqsha ekenligi, sonday-aq, tárbiya procesinde ayrıqsha áhmiyetke iye bolǵan tárepleri sıpatında jaslardıń bilim alıwı, shańaraq hám oqıw ornı arasındaǵı birge islesiw, ata-analardıń perzentlerin internet hám sociallıq tarmaqlardan qorǵawı zárúr ekenligin atap ótti. Sonıń menen birge, jáne bir áhmiyetli másele sıpatında gaz iyisinen záhárleniwdiń aldın alıw máselesi kórip shıǵıldı. Ilajda kóplegen aymaqlarda baqlanıp atırǵan gaz iyisinen záhárleniw jaǵdayları boyınsha tayarlanǵan arnawlı video rolikler jıynalǵanlar názerine usınıldı.
✅Bul baǵdarda qánigeler tárepinen qáwipsizlik ilajların kúsheytiw boyınsha usınıslar berilip, gaz plitaları hám ısıtıw sistemalarınan durıs paydalanıw, gaz qurılmaların turaqlı texnikalıq tekseriwden ótkeriw zárúr ekenligin atap ótildi. Kongresste ata-analar, pedagoglar hám taraw qánigeler menen tálim-tárbiya processlerin jáne de jaqsılaw jolında áhmiyetli máseleler dodalanıp, ásirese qáwipsizlik máselelerine itibardı kúsheytiw hám student-jaslardı záhárli gazden qorǵaw ilajları boyınsha túsindirildi. Ilajda ata-analar ózleriniń qızıqtırǵan sorawlarına juwaplar aldı.
➡️Tolıq oqıw
Bizdi sociallıq tarmaqlarda baqlap barıń:
◾️QMU studentler úyindegi jaslar ushın koncert baǵdarlaması hám bayram dasturxanı shólkemlestirildi (2-bólim)
Ilaj sheńberinde universitet rektorı A.Reymov studentler úyindegi jaslar menen sáwbetlesip, olardıń jasaw sharayatların kózden ótkerip, pikir usınısların tıńladı. Óz gezeginde student-jaslar rektorǵa jaratılǵan imkaniyatlar hám kórsetilip atırǵan itibarı ushın óz minnetdarshılıqların bildirdi.
📸 Ilajdan tayarlanǵan fotoreportaj
➡️Tolıq oqıw
Bizdi sociallıq tarmaqlarda baqlap barıń:
◾️QMU studentler úyindegi jaslar ushın koncert baǵdarlaması hám bayram dasturxanı shólkemlestirildi
🔘Búgin 16-sentyabr kúni Berdaq atındaǵı Qaraqalpaq mámleketlik universiteti rektoratı tárepinen studentler úyindegi jaslar ushın «Bir bolsaq – bir xalıqpız, birlessek – Watanbız!» súreni astında koncert baǵdarlaması shólkemlestirilip, bayram dasturxanı jayıldı. Ilajda universitet prorektorları, professor-oqıtıwshılar, fakultet dekan orınbasarları, tyutorlar hám student-jaslar qatnastı. Dáslep, universitet rektorı A.Reymov sózge shıǵıp, 2024/2025 oqıw jılınıń baslanıwı menen barlıq student-jaslardı qızǵın qutlıqlap, oqıwlarında tabıslar tiledi.
🔘Sonıń menen birge, jaslardıń bilim alıwı, kásip-óner úyreniwi, mámleketimiz tárepinen jaratılıp atırǵan imkaniyatlar, tarawda ámelge asırılıp atırǵan reformalar, ásirese, jaslardıń bilim alıw ushın kóbirek ózleriniń imkaniyatları jánede bilimlerin jetilistiriwge xızmet etetuǵın kitaplardı oqıp barıwı, bos waqıtların mazmunlı ótkeriw boyınsha óz pikir-usınısların bildirdi. Ilaj sheńberinde universitet rektorı A.Reymov studentler úyindegi jaslar menen sáwbetlesip, olardıń jasaw sharayatların kózden ótkerip, pikir usınısların tıńladı. Óz gezeginde student-jaslar rektorǵa jaratılǵan imkaniyatlar hám kórsetilip atırǵan itibarı ushın óz minnetdarshılıqların bildirdi.
🔘Ilaj dawamında student-jaslar ushın arnawlı koncert baǵdarlaması shólkemlestirilip, onda universitetimiz kórkem óner fakultetiniń talantlı studentleri tárepinen qosıqlar atqarıldı. Bunnan soń, student-jaslar gúlxan átirapında birlesip ózleriniń yoshlı qosıqların birgelikte atqardı. Haqıyqatında da, «Bir bolsaq – bir xalıqpız, birlessek – Watanbız!» súreni astında shólkemlestirigen bul ilaj, student-jaslardı bir maqset jolında birlestirip, bos waqıtların mazmunlı ótkeriw, sonday-aq óz-ara pikirlesiw hám doslıq baylanısların bekkemlew imkaniyatın berdi.
➡️Tolıq oqıw
©️QMU baspasóz xızmeti
Bizdi sociallıq tarmaqlarda baqlap barıń:
⚡️QMUda xalıqaralıq ilimiy-texnik konferenciya bolıp ótti
Búgin 16-sentyabr kúni Berdaq atındaǵı Qaraqalpaq mámleketlik universitetinde “Aralboyı regionında arxitektura hám qala qurılısınıń turaqlı rawajlanıwı máseleleri" atamasında III xalıqaralıq ilimiy-texnik konferenciya bolıp ótti. Onda Qaraqalpaqstan Respublikası Joqarı Keńesiniń sanaat-qurılıs, transport hám informaciya texnologiyaları máseleleri komiteti jetekshi qánigesi M.Toreniyazov, Mırza Uluǵbek atındaǵı SamMAQU Arxitektura boyınsha filosofiya doktorı, dotsent Sh.Abduraimov, ilimpazlar, professor-oqıtıwshılar, student-jaslar hám Zoom platforması arqalı sırt el joqarı oqıw orınlarınan miymanlar qatnastı. Konferenciyanı universitettiń ilimiy isler hám innovaciyalar boyınsha prorektorı I.Turdımambetov ashıp berdi hám alıp bardı.
Ol óz sózinde Konfernciyanıń maqseti hám wazıypaları sonday-aq, Aralboyı regionınıń arxitektura hám qala qurılısı tarawında turaqlı rawajlanıwın támiyinlew ushın jańasha hám aldınǵı kózqaraslardı úyreniw, sonıń menen birge, házirgi kúnde arxitektura hám qala qurılısı tarawında turaqlı rawajlanıw koncepciyası global mashqalalar hám ekologiyalıq qáwip-qáterler dáwirinde jáne de ayrıqsha áhmiyetke iye ekenligin aytıp ótti.
Bunnan soń, sózge shıqqanlar Aralboyı regionda Arxitektura hám qala qurılısınıń tiykarǵı maqseti - ekologiyalıq teńsalmaqlılıqtı saqlaǵan halda, xalıq ushın qolaylı hám turaqlı jasaw ortalıǵın jaratıw, sonday-aq, regiondaǵı klimat sharayatları hám ekologiyalıq jaǵdaydı esapqa alıp, turaqlı arxitektura joybarlarında tábiyǵıy resurslardı únemlew hám qayta tikleniwshi energiya dáreklerinen paydalanıw zárúr ekenligin aytıp, konferciya jumıslarına tabıslar tiledi. Haqıyqatında da, Aralboyı regionında turaqlı qala qurılısın ámelge asırıwda sociallıq infrastrukturalardı rawajlandırıw hám xalıqtıń talapların qanaatlandırıw áhmiyetli.
➡️Tolıq oqıw
©️QMU baspasóz xızmeti
Bizdi sociallıq tarmaqlarda baqlap barıń:
⚡️QMU studentleri «Xalıqaralıq Barsa-kelmes ekomarafonı»na qatnastı
🔂Xabarıńız bar, usı jıldıń 14-15-sentyabr kúnleri Qaraqalpaqstandaǵı kem ushırasatuǵın tábiyǵıy máskan – Barsakelmes aymaǵında (Aral teńizi jaqınındaǵı ataw) «Planetamız keleshegine úles qosamız» súreni astında xalıqaralıq ekomarafonı bolıp ótken edi.
🔂Ótkerilgen ekomarafonǵa Berdaq atındaǵı Qaraqalpaq mámleketlik universiteti Dene mádeniyatı hám Biologiya fakulteti professor-oqıtıwshıları hám studentleri belsene qatnastı. 5 km aralıqqa juwırıw marafonına qatnasqan universitettiń Dene mádeniyatı fakultetleri studentleri Esengeldi Tileuimbetov sıylı 1-orın, Ayzada Pirlepesova 3-orındı jeńip alıwǵa miyassar boldı.
🔂Maǵlıwmat ushın; Ózbekstan, Hindistan, Keniya, Togo, Sudan, Iordaniya, Ispaniya, Kanada, Daniya, Belarus, Rossiya sıyaqlı 11 mámleketten 250 professional hám háwesker spotshılar qatnastı. Qatnasıwshılar arasında Nike kompaniyasınıń musılman hayallar arasında juwırıwdı úgit-násiyatlawshı elshisi Farah Majid hám Adidas wákili Ǵani Sulaymon da boldı.
➡️Tolıq oqıw
Bizdi sociallıq tarmaqlarda baqlap barıń:
#Tyutor_iskerligi
🩷Berdaq atındaǵı Qaraqalpaq mámleketlik universiteti Fizika fakulteti tyutorı E.Babajanov ózine biriktirilgen topar student-jasları menen birgelikte Taqıyatas rayonındaǵı balalar úyinde boldı. Bul jerde tyutor hám studentler balalarǵa mehir kórsetip, xojalıq ónimleri, hám gigiena quralların tapsırdı. Bul baslama olardıń shın kewilden islegen iygilikli isleriniń kórinisi bolıp tabıladı.
🩷Ilaj dawamında fakutet studentleri balalar menen qızǵın sáwbet shólkemlestirip, olardı qollap-quwatlaw, keleshekte de olar ushın ilajlar shólkemlestiriw rejelerin bildirdi. Bunday qayırlı isler jámiyetimizde miyrim-shápáát hám awızbirshilikti bunnan bılay da bekkemlewge úles qosatuǵını sózsiz.
Bizdi sociallıq tarmaqlarda baqlap barıń:
⚡️ВЕСТИ С ПЕДАГОГИЧЕСКОЙ ПРАКТИКИ СТУДЕНТОВ 4 КУРСОВ КАФЕДРЫ АНГЛИЙСКОГО ЯЗЫКА И ЛИТЕРАТУРЫ
🔂Важным компонентом образовательного процесса выпускных курсов является педагогическая практика студентов в образовательных учреждениях, которая логически завершает их профессиональную подготовку в качестве преподавателей. С 10 сентября 2024 года студенты 4-курса кафедры Английского языка и литературы вышли на педагогическую практику в образовательные учреждения города Нукус и некоторых районов.
🔂Первая неделя практики началась с установочной конференции и посещением школ и лицея, встречей с администрацией и учителями; знакомства с базой практики, ее традициями и особенностями организации образовательного процесса, с учебным и материально-техническим оснащением учреждения, документацией, режимом работы, а также изучением личностных характеристик учащихся; стиля работы учителя и функций классного руководителя класса, к которому прикреплен студент для прохождения практики.
➡️Подробнее
✅Telegram | 🌐Instagram | 📹karsu_news">YouTube | ✅Facebook
#BiznesMarafon
👥 Kóplegen jaslardıń talap hám usınısların esapqa alǵan halda «Biznes marafon»nıń 5-máwsimine start berildi!
📊 Bizneske qızıǵıwshılıǵı bolǵan bársheni:
🗓 19-sentyabr kúni saat 15:00 de Nókis qalasındaǵı «Aqquw» kompleksinde jaylasqan Qara úyde kútip qalamız!
🔎 Marafonda Ózbekstannıń jetekshi isbilermenleri menen pikir almasıw hám biznes ideyalardı ámelge asırıw ushın qımbatlı másláhátlerin alıw imkaniyatına iye bolasız.
👇 Qatnasıw ushın tómendegi bottan dizimnen ótiń!!!
📁 @biznesmarafon_bot
©️ Ózbekstan jaslar awqamı Qaraqalpaqstan Respublikalıq Keńesi
Bizdi sociallıq tarmaqlarda baqlap barıń:
📣DÍQQAT DAǴAZA!
Húrmetli student-jaslar hám magistrantlar! 👨🎓
Berdaq atındaǵı Qaraqalpaq mámleketlik universiteti Sizlerdi «Eń jaqsı oylap tabıwshı» tańlawına shaqıradı! 🏆
📆 Sáne: 2024-jıl 28-sentyabr
Maqset: Jaslardıń innovaciyalıq dóretiwshilik qábiletlerin ashıw, intellektuallıq dárejesin kóteriw, izleniwshilik sheberliklerin rawajlandırıw hám olardı qollap-quwatlaw hám xalıq xojalıǵında paydalanıw.
👥 Tańlaw shártleri: Tańlaw eki nominaciyada bolıp ótedi: “Innovaciyalıq islenbeler” hám “Informaciyalıq texnologiyalar (IT) tarawı islenbeleri” nominaciyaları boyınsha ótkeriledi.
1. “Innovaciyalıq islenbeler” nominaciyası boyınsha xalıq xojalıǵınıń mashqalaların sheshiwge (Máselen: Tábiyiy gazdı hám elektr energiyasın únemlew, suw resursların tejew, jer astı mineral suwların ishimlik suwına aylandırıw hám taǵı basqa da búgingi kúndegi xalıqtıń turmıs keshiriwi ushın zárúr bolǵan islenbeler) qaratılǵan innovaciyalıq tayar islenbeler yaki startap joybarları menen qatnasadı.
2. “Informaciyalıq texnologiyalar (IT) tarawı islenbeleri” nominaciyası boyınsha xalıq xojalıǵınıń qandayda bir tarawların sanlastırıwǵa arnalǵan tayar programmalar, mobil qosımshalar (prilojenie) hám onlayn platformaları menen qatnasadı.
Tańlawǵa qatnasıwdı qálewshi talabanlar jeke ózi yaki óz toparı menen birgelikte innovaciyalıq islenbeleri menen qatnasıw huquqına iye.
💰 Hárbir nominaciya boyınsha sıylıqlar:
🥇 1-orınǵa: 7 million swm
🥈 2-orınǵa: 5 million swm
🥉 3-orınǵa: 3 million swm
📝 Qatnasıw ushın kerekli bolǵan hújjetler:
1. Fakultet usınısı;
2. Pasport nusqası
3. Maǵlıwmatnama (Obyektivka)
4. Joybar prezentaciyası (elektron hám qaǵaz túrinde)
5. Jaratılǵan islenbeniń ózi
📅 Hújjet tapsırıw ushın sońǵı múddet: 2024-jıl 25-sentyabr, saat 17:00
📍 Hújjetlerdi tapsırıw ornı: Ilimiy innovaciyalıq islenbelerdi kommerciyalastırıw bólimi.
☎️ Baylanıs: Jangabaev Jumabek, +998 90 653 74 91 telegram nomerine baylanıssańız boladı.
✅Telegram | 🌐Instagram | 📹karsu_news">YouTube | ✅Facebook
#Tyutor_iskerligi
⚡️Qaraqalpaq mámleketlik universitetinde birinshi kursqa qabıl etilgen student-jaslar ushın universitet boylap tanıstırıw hápteligi bolıp ótpekte. Usı tiykarda Fizika fakulteti fizika qánigeligi 1-kurs student jaslarına topar tyutorı tárepinen universitet penen tanıstırıw ilajları alıp barıldı.
📹 lajdan tayarlanǵan video rolikti názerińizge usınamız.
Bizdi sociallıq tarmaqlarda baqlap barıń:
◾️QMU hám NKI "Qalqan" toparları arasında memorandum dúzildi
✅"Leader Month" joybarı sheńberinde Berdaq atındaǵı Qaraqalpaq mámleketlik universiteti hám Nókis kánshilik institutınıń "Qalqan" toparları arasında birge islesiw memorandumı dúzildi. Bul memorandumdı dúziwdegi tiykarǵı maqset birge islesiw arqalı tájiriybe arttırıw bolıp tabıladı.
✅Ushırasıw sheńberinde jaqında ǵana jumıs iskerligin baslaǵan Nókis kánshilik instutınıń "Qalqan" toparınıń aldıǵa qoyǵan is-rejeleri menen tanıstırıldı, sol menen bir qatarda kóp jıllardan berli universitet "Qalqan" toparı iskerlik alıp barıp atırǵanlıǵı hám usı kúnge shekemgi ámelge asırǵan is-ilajlarına bir qatar toqtap ótildi.
✅Usı kúnniń ózinde QMU "Qalqan" toparı tájriybesine tiykar NKI studentler úyi átirapında tártipti saqlaw hám ishki tártip qaǵıydalarına qatań túrde ámel etiwge baylanıslı ámeliy sabaqlıqlar alıp barıldı.
Bizdi sociallıq tarmaqlarda baqlap barıń:
◾️QMU Shımbay fakultetinde jańa oqıw jılınıń baslanıwı múnásibeti menen ushırasıw bolıp ótti
🔘Aldın xabar bergenimizdey, usı jıldıń 13-sentyabr kúni Berdaq atındaǵı Qaraqalpaq mámleketlik universiteti Shımbay fakultetinde jańa oqıw jılınıń baslanıwı múnásibeti menen fakultet student-jaslar menen ushırasıw bolıp ótti. Onda universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov, Hayal-qızlar máseleleri boyınsha rektor másláhátshisi I.Seytnazarova, Jaslar jetekshisi D.Abadanov, Jaslar menen islesiw, ruwxıylıq hám aǵartıwshılıq bóliminiń metodisti S.Pirniyazov hám jaslar awqamı belsendileri miymanda boldı. Ushırasıwdı fakultet dekenı A.Najimov ashıp berdi hám alıp bardı.
🔘Dáslep ushırasıwda sózge shıqqanlar student-jaslar ushın mámleketimiz tárepinen berilip atırǵan imkaniyatlar jeńillikler haqqında aytıp ótti. Atap aytqanda mámleket tárepinen ajıratılıp atırǵan stipendiyalar, jaqsı ózlestirip atırǵan, ilimiy jámiyetlik jumısta belsene qatnasıp atırǵan studentlerge qosımsha sıylıqlar beriw sisteması jolǵa qoyılǵanlıǵı haqqında maǵlıwmatlar berip ótti.
🔘Haqıyqatında da universitette student-jaslardıń bos waqıtların mazmunlı ótkeriwi ushın sport hám ruwxıylıq-aǵartıwshılıq baǵdarında hár qıylı ilajlar, dógerekler hám jarıslar shólkemlestirilip, onda student-jaslar óz qábiletlerin kórsetiw hám rawajlandırıw ushın kóplegen imkaniyatlarǵa iye bolmaqta. Ushırasıw dawamında studentler ózlerin qızıqtırǵan sorawlarına juwaplar aldı. Bul ushırasıw jaslar ushın aldaǵı waqıtları til úyreniw sport penen ilimiy jumıs penen shuǵıllanıwda úlken járdem hám motivaciya boldı.
➡️Tolıq oqıw
Bizdi sociallıq tarmaqlarda baqlap barıń:
#Studentler_ámeliyatta
🔂Universitetimizdiń studentleri teoriyalıq bilimlerin ámeliyat penen bekkemlew maqsetinde túrli óndiris kárxanalarında ámeliyat ótkermekte. Usı tiykarda Berdaq atındaǵı Qaraqalpaq mámleketlik universiteti Sanaat texnologiyası fakulteti Jeńil sanaat buyımları konctruksiyasini islew hám texnologiyası tálim baǵdarı 4-basqısh studentleri 2024-2025 oqıw jılında "Shomanay Eko teks" kárxanasında mamanlıq ámeliyat processlerin ótemekte.
🔂Bul process studentlerge óz qánigelikleri boyınsha toplaǵan bilim hám kónlikpelerin real jumıs procesinde sınaw imkaniyatın jaratadı. Ámeliyat dawamında studentler jetekshi qánigeler menen birge islesiw, olardıń tájiriybesin úyreniw hám taraw sırların ózlestiriw imkaniyatına iye bolmaqta. Kárxanalar bolsa óz gezeginde jas, bilimli hám maqsetke umtılıwshı kadrlar menen jaqınnan tanısıw imkaniyatına iye boladı.
🔂Ámeliyat procesinde studentler zamanagóy texnologiyalar, óndiris processleri, menedjment sistemaları menen jaqınnan tanısıp, ózleriniń kásiplik potencialın arttıradı. Bul tájiriybe olardıń keleshektegi jumıslarında bekkem tiykar jaratıp beredi. Sonday-aq, ámeliyat studentler hám kárxanalar arasında áhmiyetli baylanıstırıwshı qural bolıp, bul birge islesiw tek ǵana studentlerdiń kásiplik rawajlanıwına emes, al mámleketimiz ekonomikasınıń bunnan bılay da rawajlanıwına da úles qosadı.
Bizdi sociallıq tarmaqlarda baqlap barıń:
#Hayal_qızlar_keńesi_iskerligi
⚡️QMUda "XON ATLAS" hápteligi sheńberinde "Milliy kórinis, milliylikti saqlaw" atamasında ilaj ótkerildi
📹 Ilajdan tayarlanǵan video rolikti názerińizge usınamız.
Bizdi sociallıq tarmaqlarda baqlap barıń:
◾️QMUda «Ata-analar kongressi» bolıp ótti
Búgin 13-sentyabr kúni Berdaq atındaǵı Qaraqalpaq mámleketlik universitetiniń akademik Ch.Abdirov atındaǵı mádeniyat sarayında oqıw orınlarında hám shańaraqlarda jaslar tárbiyasına baǵıshlanǵan áhmiyetli ilaj - Ata-analar kongressi bolıp ótti. Onda Nókis qalası hákimi A.Daniyarov, Nókis qalası ayrıqsha jaǵdaylar bólimi baslıǵı J.Djubanishev hám bir qatar juwaplı xızmetkerler qatnastı. Ushırasıwdı universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov ashıp berdi hám basqarıp bardı.
📹 Ilajdan tayarlanǵan video rolikti názerińizge usınamız.
➡️Tolıq oqıw
Bizdi sociallıq tarmaqlarda baqlap barıń:
◾️QMU Shımbay fakultetinde jańa oqıw jılınıń baslanıwı múnásibeti menen student-jaslar menen ushırasıw bolıp ótti
🔘Búgin Berdaq atındaǵı Qaraqalpaq mámleketlik universiteti Shımbay fakultetinde jańa oqıw jılınıń baslanıwı múnásibeti menen fakultet student-jaslar menen ushırasıw bolıp ótti. Onda universitettiń Jaslar máseleleri hám ruwxıylıq-aǵartıwshılıq isleri boyınsha prorektorı S.Alawatdinov, Hayal-qızlar máseleleri boyınsha rektor másláhátshisi I.Seytnazarova, Jaslar jetekshisi D.Abadanov, Jaslar menen islesiw, ruwxıylıq hám aǵartıwshılıq bóliminiń metodisti S.Pirniyazov hám jaslar awqamı belsendileri miymanda boldı. Ushırasıwdı fakultet dekenı A.Najimov ashıp berdi hám alıp bardı.
🔘Dáslep ushırasıwda sózge shıqqanlar student-jaslar ushın mámleketimiz tárepinen berilip atırǵan imkaniyatlar jeńillikler haqqında aytıp ótti. Atap aytqanda mámleket tárepinen ajıratılıp atırǵan stipendiyalar, jaqsı ózlestirip atırǵan, ilimiy jámiyetlik jumısta belsene qatnasıp atırǵan studentlerge qosımsha sıylıqlar beriw sisteması jolǵa qoyılǵanlıǵı haqqında maǵlıwmatlar berip ótti.
🔘Haqıyqatında da universitette student-jaslardıń bos waqıtların mazmunlı ótkeriwi ushın sport hám ruwxıylıq-aǵartıwshılıq baǵdarında hár qıylı ilajlar, dógerekler hám jarıslar shólkemlestirilip, onda student-jaslar óz qábiletlerin kórsetiw hám rawajlandırıw ushın kóplegen imkaniyatlarǵa iye bolmaqta. Ushırasıw dawamında studentler ózlerin qızıqtırǵan sorawlarına juwaplar aldı. Bul ushırasıw jaslar ushın aldaǵı waqıtları til úyreniw sport penen ilimiy jumıs penen shuǵıllanıwda úlken járdem hám motivaciya dáregi boldı.
Bizdi sociallıq tarmaqlarda baqlap barıń: