37608
Официальный новостной канал КГУ 🌐: karsu.uz
📣 «Biznes klub»tıń úshinshi máwsimine start berildi!
🏃 Siz bizneske qızıǵasız ba? Onda bizlerdiń qatarımızǵa qosılıń.
📝 Jaslar orayı imaratında shólkemlestirilgen «Biznes klub»tıń úshinshi máwsimine dizimge alıw baslandı.
✅ Biznes klubta siz:
➡️ joybarlar menen islesiw;
➡️ bizneste innovaciyalıq oylawdı rawajlandırıw;
➡️ bizneste isenimli sherikler menen baylanısta bolıw;
➡️ perspektivası bar biznes ideyalardı oylap tabıw hám ámelge asırıw boyınsha maǵlıwmatlarǵa iye bolasız.
💻 Óz biznesin baslap, jetik qánige bolǵan biznes trenerler óz bilimin sizge usınadı.
💵 Eń tiykarǵısı biziń biznes klub BIYPUL!!
🖋 Dizimnen ótiw ushın:
https://forms.gle/gygKSMSAeg15S1HC9
📞 Tolıq maǵlıwmat ushın: (97) 664-10-01
Bizdi sociallıq tarmaqlarda baqlap barıń:
#Diqqat
⚡️“Siyosiy ma’rifat soati”
▫️Vazirlik va idoralar, Qoraqalpog‘iston Respublikasi Jo‘qorg‘i Kengesi, viloyatlar, Toshkent shahri, shuningdek, tuman, shahar hokimliklari rahbar va mas’ul xodimlari diqqatiga!
▫️Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim qilinadi.
Bizni kuzating
⚡️Tariyx fakultetinde Ózbekstan Respublikasınıń birinshi Prezidenti I.Kárimovtıń tuwılǵan kúni múnásibeti menen eslew keshesi bolıp ótti
🩷Búgin 30-yanvar kúni Berdaq atındaǵı Qaraqalpaq mámleketlik universitetiniń Tariyx fakultetinde Ózbekstan Respublikasınıń birinshi Prezidenti Islam Kárimovtıń tuwılǵan kúni múnásibeti menen eslew keshesi bolıp ótti. Ilajda fakultet professor-oqıtıwshıları, student-jasları qatnastı. Kesheni fakultet Jaslar máseleleri boyınsha dekan orınbasarı Q.Nájimov ashıp berdi hám alıp bardı.
🩷Onda "Arxeologiya" kafedrası docenti A.Alimbetov, "Sociallıq pánler" kafedrası docenti M.Maqsetovalar sózge shııp, Islam Kárimovtıń ǵárezsiz Ózbekstan mámleketin qurıw, mámleket ekonomikasın hám siyasatın bekkemlew, xalıqtıń abadanlıǵın arttırıw jolındaǵı xızmetleri haqqında aytıp ótti. Sonday-aq, marhum prezidenttiń jaslarǵa bolǵan itibarı, bilimlendiriw sistemasın rawajlandırıw jolındaǵı islegen miynetleri ayrıqsha atap ótildi.
🩷Ilaj dawamında qatnasıwshılar Ózbekstan Respublikası ǵárezsizligi jolındaǵı mashaqatlı processler, erisilgen jetiskenlikler hám Islam Kárimovtıń tariyxıy miyrası haqqında pikir alıstı. Bunday ilajlardı ótkeriwde maqset jaslarǵa milliy maqtanısh hám watansúyiwshilik sezimlerin sińdiriw, Ózbekstannıń ǵárezsizlik jolındaǵı tariyxıy processlerin tereń úyreniw menen birge, mámlekettiń rawajlanıwına óz úlesin qosıwǵa iytermeleydi.
Bizdi sociallıq tarmaqlarda baqlap barıń:
#Mirziyoyev #marosim #xotira #BirinchiPrezident
Prezident Shavkat Mirziyoyev 30-yanvar kuni poytaxtimizdagi Islom Karimov haykali poyiga gulchambar qo‘ydi.
Marosimda Oliy Majlis palatalari, Prezident Administratsiyasi va hukumat vakillari, ziyolilar, shahar jamoatchiligi ishtirok etdi.
Bizni kuzating
Shavkat Mirziyoyev: “Bosh maqsadimiz – milliy oʻzligimizni anglash va anglatish”
Bizni kuzating
#Jas_jurnalistler_klubı
#Univer_NEWS◾️
Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
Bizdi sociallıq tarmaqlarda baqlap barıń:
⚡️QMUda Qazaq ádebiyatına baylanıslı kitaplar kórgizbesi shólkemlestirildi
🔵Búgin 29-yanvar kúni Berdaq atındaǵı Qaraqalpaq mámleketlik universitetiniń Málimleme-resurs orayında qazaq ádebiyatına baylanıslı kitaplar kórgizbesi shólkemlestirildi. Bul ilaj universitet professor-oqıtıwshıları hám studentleri ushın úlken áhmiyetke iye bolıp, milliy ádebiyatqa qızıǵıwshılıqtı arttırıw hám ilimiy kózqarastan tallaw kónlikpelerin rawajlandırıwǵa xızmet etedi.
🔵Kórgizbede 500 atamadaǵı oqıw hám kórkem ádebiyatlar kórsetildi. Bul kitaplar arasında qazaq ádebiyatınıń klassikalıq hám zamanagóy úlgileri, ilimiy-ádebiy izertlewler hám zamanagóy awdarma shıǵarmaları orın aldı. Sonıń ishinde, 48 awdarma kitaplar arqalı xalıqaralıq ádebiy baylanıslar sáwlelendirilip, túrli xalıqlar ádebiyatınıń qazaq tiline awdarılǵan eń saylandı shıǵarmaları usınıs etildi.
🔵Ilajda universitettiń qazaq tili qánigeligi studentleri hám professor-oqıtıwshıları belsene qatnastı. Olar kórgizbe sheńberinde kitaplar menen jaqınnan tanısıp, jańa maǵlıwmatlarǵa iye boldı. Sonday-aq, ilaj dawamında ádebiyattıń jas áwlad tárbiyasındaǵı ornı, awdarma kórkem óneri hám zamanagóy ádebiy processlerdiń milliy mádeniyatqa tásiri dodalandı.
🔵Kórgizbeniń tiykarǵı maqseti studentlerdiń kitapqumarlıq mádeniyatın arttırıw, qazaq ádebiyatınıń eń saylandı shıǵarmaların keńnen úgit-násiyatlaw hám oqıw procesinde paydalanıw imkaniyatların sáwlelendiriwden ibarat bolıp tabıladı. Universitet Málimleme-resurs orayı tárepinen shólkemlestirilgen bul ilaj kitapqumarlıqtı rawajlandırıwǵa qaratılǵan keń kólemli joybarlardıń bir bólegi bolıp, studentler hám oqıtıwshılar ushın ádebiy miyrastı tereń úyreniw hám onnan nátiyjeli paydalanıw imkaniyatların jaratadı.
🔵Ilaj sońında professor-oqıtıwshılar hám student-jaslar tárepinen kitapqumarlıqtı úgit-násiyatlaw, ádebiyat hám awdarma processlerin keńeytiw boyınsha usınıslar berildi. Bunday kórgizbeler universitet jámááti ushın tek ǵana ilimiy-ámeliy áhmiyetke iye emes, al jaslardıń ádebiyatqa bolǵan mehirin arttırıw, olardıń kórkem hám ilimiy oy-pikirin rawajlandırıwda áhmiyetli rol atqaradı.
➡️Tolıq oqıw
Bizdi sociallıq tarmaqlarda baqlap barıń:
⛈Boksshı qızımız Ózbekstan chempionatında 2-orındı iyeledi
🤔Elimizde jas áwladtıń fizikalıq hám ruwxıy jaqtan salamat bolıp ósiwi, sonıń menen birge olardıń bos waqıtların mazmunlı shólkemlestiriw hám de jaslardı ǵalabalıq sportqa keńnen qamtıw boyınsha bir qatar reformalar ámelge asırılmaqta.
🤔Usı tiykarda 28-yanvar kúni Tashkent qalasında sporttıń boks túri boyınsha qızlar arasında Ózbekstan chempionatı bolıp ótti. Jarısqa Berdaq atındaǵı Qaraqalpaq mámleketlik universiteti Dene mádeniyatı fakultetiniń 1-kurs studenti Aysánem Sárwarova -66 kilogramm salmaq kategoriyası boyınsha qatnasıp, sıylı 2-orındı iyeledi hám gúmis medaldı qolǵa kirgizdi.
🤔Maǵlıwmat ushın; Aysánem Sárwarova finalda «Parij-2024» olimpiadası qatnasıwshısı Navbahor Hamidova menen bellesti.
Sportshımızdı qolǵa kirgizgen jeńisleri menen qutlıqlaymız hám aldaǵı ótkeriletuǵın jarıslarda tabıslar tileymiz.
Bizdi sociallıq tarmaqlarda baqlap barıń:
#OAV_biz_haqimizda
#Hurriyat_gazetasi
⛈Hurriyat gazetasining 2025-yil 29-yanvar kungi sonida Berdaq nomidagi Qoraqalpoq davlat universiteti rektori, akademik Axmed Reymovning "Talaba-yoshlar uchun yangi imkoniyatlar" maqolasi chop etildi.
➡️Gazetani to‘liq o‘qish
Bizni kuzating
⛈Ámeliyat aldınan studentler menen ushırasıw
🤔Usı jıldıń 27-yanvar kúni Shet tilleri fakulteti Filologiya hám tillerdi oqıtıw (inglis tili) bakalavr tálim baǵdarınıń 2-3-kurs studentleriniń qánigelik ámeliyatına kirisiw aldınan Inglis til bilimi kafedrası professor-oqıtıwshıları hám studentler qatnasıwında ushırasıw bolıp ótti.
🤔Ushırasıwdı Inglis til bilimi kafedrası baslıǵı G.Djoldasova ashıp berdi hám ol studentler ushın ámeliyattıń áhmiyeti, olar ámeliyat dawamında ilimiy hám kórkem ádebiyatlar menen islesiw kónlikpelerin rawajlandırıwı hám olardıń keyingi ilimiy jumıslarında paydalı bolıwı boyınsha toqtalıp ótti.
🤔Sonıń menen birge, studentler ózleriniń ámeliyat dawamındaǵı wazıypaları, olarǵa qoyılatuǵın talaplar, ózleri izertlep atırǵan materiallarǵa sın pikir bildiriw jolları menen tolıq tanıstırıldı. Professor-oqıtıwshılar ámeliyatqa shıǵıp atırǵan studentleri ushın hár dayım másláhát beriwge, tiyisli jol-joba kórsetiwge tayın ekenligin bildirdi.
🤔Ushırasıw barısında student-jaslar óz sorawların berip ámeliyat boyınsha tolıq túsinikke iye boldı. Studentler keyingi ilimiy hám ámeliy jumıslarında óz áhmiyetine iye bolǵan, toparda islesiw, materiallardı hár tárepleme analizlew sıyaqlı kónlikpelerdi rawajlandırıw múmkinshiligin jaratıp beretuǵın qánigelik ámeliyatın basladı.
Inglis til bilimi kafedrası stajyor-oqıtıwshısı
Gulzar Chimbergenova
Bizdi sociallıq tarmaqlarda baqlap barıń:
⚡️Jańa metodikalıq qollanbanıń prezentaciyası bolıp ótti
🤔Búgin, 28-yanvar kúni Ózbekstan Respublikası Prezidentiniń 2024-jıl 6-maydaǵı PP-73-sanlı Pármanında belgilengen wazıypalardıń orınlanıwın támiyinlew maqsetinde "Joqarı oqıw orınları student-jasları arasında psixoaktiv zatlardıń nızamsız aylanısına qarsı gúresiw jumısların shólkemlestiriw mexanizmleri haqqında"ǵı metodikalıq qollanbanıń prezentaciyası bolıp ótti.
🤔Bul ilajǵa ZOOM platforması arqalı joqarı oqıw orınlarınıń Jaslar máseleleri hám ruwxıy-aǵartıwshılıq isleri boyınsha prorektorları, dekan orınbasarları, barlıq tyutorlar, "Qalqan" toparınıń aǵzaları, profilaktika inspektorları hám psixologlar qatnastı.
🤔Prezentaciya dawamında jaslarǵa psixoaktiv elementlerdiń zıyanlı tásirlerin túsindiriw, olardıń nızamsız aylanısına qarsı gúresiwdiń tásirsheń mexanizmlerin islep shıǵıw máseleleri dodalandı. Sonday-aq, bilimlendiriw mákemelerinde jaslar arasında salamat turmıs tárizin úgit-násiyatlaw, profilaktikalıq ilajlardı kúsheytiw hám bul baǵdardaǵı qadaǵalaw sistemasın jetilistiriw boyınsha ámeliy usınıslar berildi.
🤔Májilis qatnasıwshıları ushın usınılǵan metodikalıq qollanba bul máselede nátiyjeli jumıslardı alıp barıwda áhmiyetli hújjet sıpatında xızmet etetuǵını atap ótildi. Sonıń menen birge, qollanba tiykarında joqarı oqıw orınlarınıń turaqlı túrde seminar hám treningler ótkeriliwi rejelestirildi. Bul ilaj jaslar arasında psixoaktiv zatlardıń nızamsız aylanısına qarsı gúresiw boyınsha sistemalı qatnastı qáliplestiriw hám bul baǵdardaǵı jumıslardıń nátiyjeliligin arttırıwǵa qaratılǵan áhmiyetli qádem boldı.
➡️Tolıq oqıw
Bizdi sociallıq tarmaqlarda baqlap barıń:
⛈QMUda Matematika páninen "Rektor kubogi" olimpiadası shólkemlestirildi
🔘Berdaq atındaǵı Qaraqalpaq mámleketlik universiteti tárepinen studentler arasında matematikaǵa bolǵan qızıǵıwshılıqtı kúsheytiw, olardıń intellektuallıq potencialın arttırıw maqsetinde "Rektor kubogi" olimpiadası ótkerildi. Bul olimpiadaǵa universitettiń matematika fakulteti bakalavriat tálim baǵdarınıń eń qábiletli hám bilimli studentler qatnastı.
🔘Ilajda Matematika fakulteti dekani J.Seypullaev shıǵıp sóylep, barlıq qatnasıwshılarǵa universitet rektoratı atınan minnetdarshılıǵın bildirdi hám jaslardıń ilimge bolǵan qızıǵıwshılıǵın qollap-quwatlawda bunday olimpiadalar úlken áhmiyetke iye ekenin atap ótti. Sonıń menen birge, keleshekte bul olimpiada kólemin keńeytip, aymaqlıq hám milliy dárejede ótkeriw rejelestirilip atırǵanın málim etti.
🔘Olimpiada da studentler individual túrde matematikalıq máseleler hám teńlemelerdi sheshiw boyınsha óz bilimlerin sınaqtan ótkerdi. "Rektor kubogi" olimpiadası jaslardıń óz qábiletin kórsetiwi, jańa bilim alıwı hám intellektuallıq rawajlanıwı ushın imkaniyat jarattı. Maǵlıwmat ushın; olimpiada qatnasıwshıları arasında joqarı nátiyjelerge erisken studentler aldımızda bolatuǵın xalıqaralıq olimpiadalarǵa (NCUMC-2025, OMOUS-2025, AKHIMO-2025, π olimpiadası) qatnasıw ushın jollamanı qolǵa kirgizedi.
Bizdi sociallıq tarmaqlarda baqlap barıń:
#Tyutor_iskerligi
⚖️Yuridika fakulteti "Ziyrek jaslar" keń tarmaqlı klubınıń "Bolajaq qánigeler" dógeregi aǵzaları Sudlarda óz ámeliyatın basladı
🤔Yuridika fakulteti tyutorı G. Qazaqbaevaǵa biriktirilgen 3-basqısh studentleri (jámi 132 student) Qaraqalpaq mámleketlik universitetiniń 2025-jıl, 21-yanvardaǵı №70 S/5 sanlı buyrıǵı menen usı jıldıń 27-yanvar sánesinen 22-fevral sánesine shekem Qaraqalpaqstan Respublikası Sudı, qala hám rayonlıq sudlarda ámeliyat ótep basladı.
🤔Bugin, yuridika fakulteti tyutorı hám klub basshısı G. Qazaqbaeva Qaraqalpaqstan Respublikası Sudında bolıp, is úyreniwdi baslaǵan dógerek aǵzalarınıń ámeliyatqa tolıq qamtıp alınıwı hám bólistiriliwi boyınsha tanısıw maqsetinde taraw qánigeleri hám studentler menen ushırastı.
🤔Ushırasıw barısında Qaraqalpaqstan Respublikası Sudında 27-yanvardan baslap hám oqıwdan tısqarı waqıtlarında sudya bolıwǵa qızıǵatuǵın Yuridika fakulteti studentleri bolajaq qánigelerdiń is úyreniw processi kózden ótkerildi hám tiyisli kórsetpeler berildi.
🤔Óz náwbetinde ámeliy baylanıs ushın Qaraqalpaqstan Respublikası Sudına Yuridika fakulteti atınan minnetdarshılıǵımızdı bildiremiz
✍️Dógerek aǵzası G.Koshmuratova
Bizdi sociallıq tarmaqlarda baqlap barıń:
#ǴXQ_QMU_haqqında
#Qaraqalpaqstan_TV
⚡️Ximiya-texnologiya fakulteti tyutorı G.Ibraymova baslaması menen student-jaslar paytaxtımızdaǵı Jaslar texnoparki hám A.Shamuratova úy muzeyinde sayaxatta boldı.
Bizdi sociallıq tarmaqlarda baqlap barıń:
#ogohlik
🔥 Is gazi va yong‘in xavfidan ogoh bo‘ling. Xavfsizlik qoidalariga amal qiling!
➖ nosoz, qo‘lbola isitish moslamalaridan foydalanmang;
➖ isitish pechlari va dudburonlarning sozligi, quvurlarning har xil mahsulotlar bilan berkilib qolmaganligini nazoratga oling;
➖ gaz plitalaridan xonalarni isitish maqsadida foydalanmang;
➖ xonalarni vaqti-vaqti bilan shamollatib turing;
➖ isitish pechlarini haddan ziyod qizdirib yubormang;
➖ gaz uskunalarini rezina shlanglar orqali ulamang;
➖ tashqi himoya qobiqlari shikastlangan elektr sim va kabellardan foydalanmang;
➖ isitish moslamalari yaqinida tez yonuvchi buyumlarni saqlamang.
Bizni kuzating
#Hayal_qızlar_keńesi_iskerligi
🏡Student qızlardıń jasaw sharayatlarınan xabar alındı
🤔Berdaq atındaǵı Qaraqalpaq mámleketlik universiteti Hayal-qızlar máseleleri boyınsha rektor másláhátshisi I.Seytnazarova hám hayal-qızlar máseleleri boyınsha dekan másláhátshileri menen birgelikte 9-sanlı studentler turaq jayında jasawshı Sanaat texnologiyası, Kórkem-óner hám Arxitektura fakultetleri student qızlarınıń jasaw sharayatlarınan xabar alındı.
🤔Sonday-aq, olar menen sáwbetlesiw dawamında STJ na óz waqtında keliwleri, keshki waqıtları biymezgil júrmew, xanalarda tazalıqtı saqlaw boyınsha eskertilip ótildi. Sonıń menen bir qatarda student qızlarǵa ishki tártip intizamǵa ámel etiwleri, bos waqıtlarında usı STJ shólkemlestirilgen dógereklerge barıp óner úyreniwleri haqqında másláhátler berildi.
Bizdi sociallıq tarmaqlarda baqlap barıń:
⛈«Ijro.gov.uz» sistemasındaǵı qadaǵalaw tapsırmalarınıń orınlanıw nátiyjeliligi boyınsha seminar-trening bolıp ótti
🟢Búgin, 30-yanvar kúni Ózbekstan Respublikası Joqarı bilimlendiriw, ilim hám innovaciyalar ministrligi oraylıq apparatı hám joqarı oqıw orınlarınıń juwapker xızmetkerleri ushın 2024-jılda «Ijro.gov.uz» sistemasındaǵı qadaǵalaw tapsırmalarınıń orınlanıw nátiyjeliligi boyınsha seminar-trening bolıp ótti.
🟢Seminarda Berdaq atındaǵı Qaraqalpaq mámleketlik universitetiniń barlıq prorektorları, bólim baslıqları, juwaplı xızmetkerleri onlayn qatnastı. Ilajdı Joqarı bilimlendiriw, ilim hám innovaciyalar ministriniń birinshi orınbasarı Shaxrux Daliev basqarıp bardı.
🟢Seminarda shıǵıp sóylegen qánigeler "Ijro.gov.uz" sistemasındaǵı tapsırmalardıń 2024-jılı orınlanıw jaǵdayı, jol qoyılǵan mashqalalar hám kemshilikler, bul sistemanıń jáne de nátiyjeli islewin támiyinlew boyınsha ámelge asırılıwı kerek bolǵan ilajlar haqqında pikir alıstı. Sonıń menen birge, nızamshılıq hújjetleriniń orınlanıwın támiyinlewde "Ijro.gov.uz" sistemasınıń áhmiyeti, shólkemleraralıq birge islesiwdi bekkemlewdegi ornı hám sistemanı bunnan bılay da jetilistiriw baǵdarları keńnen dodalandı.
🟢Seminar dawamında atap ótilgenindey, "Ijro.gov.uz" sisteması mámleketlik uyımlar hám shólkemler arasında maǵlıwmat almasıwdı tezlestiriw, hújjetlerdiń óz waqtında orınlanıwın támiyinlew hám nátiyjelilikti arttırıwda úlken áhmiyetke iye ekenligi atap ótildi. Usı kózqarastan, sistema qatnasıwshıları tárepinen hújjetlerdiń orınlanıwın támiyinlew baǵdarında jáne de juwapkershilikli qatnas jasaw, ishki qadaǵalawdı kúsheytiw hám bar kemshiliklerdi saplastırıw boyınsha anıq usınıslar berildi.
🟢Ilaj juwmaǵında seminar qatnasıwshıları "Ijro.gov.uz" sistemasınıń nátiyjeliligin arttırıwǵa qaratılǵan bir qatar usınıslardı alǵa qoydı. Sonıń ishinde, sistema paydalanıwshıları ushın qosımsha treningler shólkemlestiriw, hújjetlerdiń orınlanıwı monitoringin kúsheytiw, sonday-aq, avtomatlastırılǵan qadaǵalaw mexanizmlerin engiziw arqalı jumıs nátiyjeliligin arttırıw máselelerine ayrıqsha itibar qaratıldı.
🟢Bul seminar "Ijro.gov.uz" sistemasındaǵı qadaǵalaw tapsırmalarınıń orınlanıw nátiyjeliligin arttırıw hám nızamshılıq hújjetleriniń tásirsheń orınlanıwın támiyinlewge qaratılǵan áhmiyetli ilaj boldı.
➡️Tolıq oqıw
Bizdi sociallıq tarmaqlarda baqlap barıń:
⚡️QMUda “Ideyadan startapqa shekem atamasında” seminar-trening ótkerildi
🤔Búgin 30-yanvar kúni Berdaq atındaǵı Qaraqalpaq mámleketlik universitetinde Nókis jaslar texnoparki qánigeleri tárepinen “InnoX – biznes inkubatorı” joybarı boyınsha studet-jaslar ushın “Ideyadan startapqa shekem atamasında” seminar-trening shólkemlestirildi.
🤔Bul ilaj student-jaslardıń innovaciyalıq pikirlewin rawajlandırıw, biznes ideyaların qáliplestiriw hám olardı tabıslı startaplarǵa aylandırıw boyınsha ámeliy bilim hám kónlikpelerdi arttırıwǵa qaratılǵan.
🤔Seminar-treningde Nókis jaslar texnoparkiniń innovaciyalıq joybarlar menen islesiw boyınsha qánigesi, sonday-aq, “Bolajaq ilimpaz” tańlawınıń jeńimpazı Jalalatdin Usnatdinov qatnasıp, búgingi kúnde student-jaslardıń innovaciyalıq ideyaların, olardıń kreativ pikirlewleri nátiyjesinde jaratılǵan islenbelerin qollap-quwatlaw boyınsha ámelge asırılıp atırǵan jumıslar boyınsha maǵlıwmatlar berip ótti.
🤔Seminar dawamında qánigeler startaplardı jaratıw basqıshlarındaǵı áhmiyetli máseleler boyınsha studentlerge tolıq túsinik berdi. Seminar qatnasıwshıları óz ideyaların usınıw, tájiriybeli mentorlar menen pikir alısıw hám óz joybarların ámelge asırıw boyınsha usınıslar alıw imkaniyatına iye boldı.
Bizdi sociallıq tarmaqlarda baqlap barıń:
⛈"Buxgalteriya esabı hám audit" kafedrasında ilimiy seminar bolıp ótti
🔵"Buxgalteriya esabı hám audit" kafedrasınıń gezektegi ilimiy seminari bolıp ótti. Onda kafedra baslıǵı Z.Tajekeev, professor-oqıtıwshılar, magistrantlar hám ziyrek studentler qatnastı. Seminardıń tiykarǵı maqseti professor-oqıtıwshılar, magistrantlar hám studentler tárepinen alıp barılıp atırǵan ilimiy-izertlew jumısların tallaw, olardı dodalaw, ilimiy baǵdarda jol-joba kórsetiw hám bilimlerdi jáne de jetilistiriwden ibarat boldı.
🔵Seminarda doc.w.a T.Ismailov Kárxanalar haqqındaǵı maǵlıwmatlardı «1S-buxgalteriya programmasına kirgiziw», sonday-aq, assistent A.Mamutova «Qurılıs kárxanalarında basqarıw esabınıń ózine tán tárepleri» atamasındaǵı ilimiy temaları boyınsha bayanat jasadı.
🔵Ilaj dawamında qatnasıwshılar óz ilimiy jumısları boyınsha pikir alısıp, áhmiyetli máseleler boyınsha sáwbetlesiw alıp bardı. Professor-oqıtıwshılar jas izertlewshilerge ilimiy izleniwlerin jáne de tereńlestiriw, ámeliy nátiyjelerge baǵdarlaw boyınsha usınıslar berdi. Bul ilimiy seminar kafedra aǵzaları hám studentler ushın úlken áhmiyetke iye bolıp, ilimiy izleniwlerdi jáne de rawajlandırıwǵa xızmet etedi.
Bizdi sociallıq tarmaqlarda baqlap barıń:
#Mirziyoyev #tanishuv #markaz #maʼrifat
– Islom sivilizatsiyasining, islom ta’limotining zamini – aslida ilm-fan, madaniyat, ta’lim va tarbiyadir.
Bizni kuzating
⚡️QMUda Qazaq ádebiyatına baylanıslı kitaplar kórgizbesi shólkemlestirildi
🔵Búgin 29-yanvar kúni Berdaq atındaǵı Qaraqalpaq mámleketlik universitetiniń Málimleme-resurs orayında qazaq ádebiyatına baylanıslı kitaplar kórgizbesi shólkemlestirildi. Bul ilaj universitet professor-oqıtıwshıları hám studentleri ushın úlken áhmiyetke iye bolıp, milliy ádebiyatqa qızıǵıwshılıqtı arttırıw hám ilimiy kózqarastan tallaw kónlikpelerin rawajlandırıwǵa xızmet etedi.
🔵Kórgizbede 500 atamadaǵı oqıw hám kórkem ádebiyatlar kórsetildi. Bul kitaplar arasında qazaq ádebiyatınıń klassikalıq hám zamanagóy úlgileri, ilimiy-ádebiy izertlewler hám zamanagóy awdarma shıǵarmaları orın aldı. Sonıń ishinde, 48 awdarma kitaplar arqalı xalıqaralıq ádebiy baylanıslar sáwlelendirilip, túrli xalıqlar ádebiyatınıń qazaq tiline awdarılǵan eń saylandı shıǵarmaları usınıs etildi.
➡️Tolıq oqıw
Bizdi sociallıq tarmaqlarda baqlap barıń:
#Xosh_xabar
⚡️Yuridika fakulteti studenti boks boyınsha Ózbekstan chempionatında bronza medaldı qolǵa kirgizdi
✅Boks boyınsha Ózbekstan chempionatınıń hayal-qızlar arasındaǵı bellesiwlerinde Berdaq atındaǵı Qaraqalpaq mámleketlik universiteti Yuridika fakulteti 2-kurs studenti Zarafshan Xojambergenova +81 kg salmaq kategoriyası boyınsha sıylı 3-orındı iyeledi.
✅Bizde óz gezeginde universitet jámááti Zarafshan Xojambergenovanıń qolǵa kirgizgen jetiskenligi menen qutlıqlaymız hám aldaǵı oqıwlarında tabıslar tileymiz.
Bizdi sociallıq tarmaqlarda baqlap barıń:
⚡️Студенты 3-курса факультета иностранных языков Каракалпакского Государственного Университета начали практику в академическом лицее №1 и школах города Нукус
🤔27 января 2025 года студенты 3-го курса кафедры английского языка и литературы факультета иностранных языков Каракалпакского Государственного Университета приступили к своей педагогической практике в академическом лицее №1 при КГУ и нескольких средних школах города Нукус. Практика студентов является важной частью учебного процесса, предоставляя им уникальную возможность применить теоретические знания на практике. В ходе практики студенты будут работать под руководством опытных преподавателей, а также взаимодействовать с учащимися старших классов, помогая им в изучении английского языка и развитии коммуникативных навыков.
🤔Этот этап обучения имеет большое значение для формирования профессиональных компетенций будущих преподавателей иностранных языков, а также способствует укреплению связей между университетом и образовательными учреждениями города. Студенты смогут не только передавать свои знания, но и получить бесценный опыт работы в школе, что станет важной ступенью в их профессиональном становлении.
🤔Кроме того, студенты будут активно участвовать в школьных мероприятиях, помогать в организации уроков, проводить дополнительные занятия, а также получать отзывы и рекомендации от педагогов, что в дальнейшем поможет им усовершенствовать свои навыки и повысить качество преподавания. Процесс практики продлится в течение месяца, и все участники с нетерпением ожидают тех возможностей, которые открываются перед ними в рамках этого важного этапа обучения.
Стажер-преподаватель кафедры английского языка и литературы Кеулимжаева Г.К.
✅Telegram | 🌐Instagram | 📹karsu_news">YouTube | ✅Facebook
#Hayal_qızlar_keńesi_iskerligi
⚡️Student qızlardıń jasaw sharayatları úyrenildi
🟢Berdaq atındaǵı Qaraqalpaq mámleketlik universiteti Qurılıs fakultetiniń Hayal-qızlar máseleleri boyınsha dekan másláháshisi A.Kalıknazarova tárepinen fakultette oqıp atırǵan, alıs aymaqlardan kelip, ijarada jasap atırǵan student qızlardıń jasaw sharayatları úyrenildi.
🟢Bul baslamanıń tiykarǵı maqseti - student qızlardıń turmıs sharayatların orınlarda kózden ótkeriw, olardıń dus kelip atırǵan mashqalaların úyreniw hám sociallıq, huqıqıy hám psixologiyalıq jaqtan qollap-quwatlawdan ibarat bolıp tabıladı.
🟢Úyreniw dawamında studentlerdiń ijarada jasaw sharayatları, oqıw procesi menen baylanıslı pikir-usınısları tıńlandı. Sonday-aq, qızlarǵa universitet tárepinen jaratılıp atırǵan sharayatlar, turaq jay menen baylanıslı máseleler, sociallıq járdem imkaniyatları, huqıqıy másláhátler hám jeke qáwipsizlik qaǵıydaları boyınsha túsinikler berildi.
🟢Bul úyreniw jumısları student qızlardıń mashqalaların orınlarda sheshiw, olardı sociallıq hám ruwxıy jaqtan qollap-quwatlawǵa qaratılǵan bolıp, úyreniw jumısları turaqlı dawam ettiriliwi rejelestirilgen.
Bizdi sociallıq tarmaqlarda baqlap barıń:
🧠💡📚
📣Endi kitob o‘qish juda qulay!
😊 Buning uchun “Mutolaa” mobil ilovasini yuklab, minglab roman, qissa, hikoya va she’rlarni elektron shaklda o‘qish yoki audio shaklda tinglashingiz mumkin.
Ushbu asarlar professional dublyaj aktyorlari tomonidan ovozlashtirilgan. Eng muhimi, audiokitoblar istalgan vaqt, istalgan joyda hamrohingiz bo‘ladi.
Yuklab olish uchun ilovalar bu yerda:
📱Play Market / App Store
Bizni kuzating
📣📣📣DÍQQAT DAǴAZA!📣📣📣
🤔Berdaq atındaǵı Qaraqalpaq mámleketlik universiteti Málimleme-resurs orayında usı jıldıń 29-yanvar kúninen 1-fevral kúnleri aralıǵında "Qazaq tilindegi kórkem ádebiyatlar" kórgizbesi shólkemlestirilmekte.
🤔Bul kórgizbede qazaq tilinde jazılǵan kórkem shıǵarmalardıń bay hám hár qıylı toplamı usınıladı. Ádebiyat ıqlasbentleri ushın bul ilaj tek ǵana qazaq ádebiyatı menen jaqınnan tanısıw emes, al jańa shıǵarmalardı oqıw hám ilimiy izleniwler ushın imkaniyat jaratadı.
🤔Bárshe kitapqumarlardı bul kórgizbege mirát etemiz! Kelin, kórkem ádebiyatlar dúnyasında óz ornıńızdı tabıń!
QMU Málimleme-resurs orayı
Bizdi sociallıq tarmaqlarda baqlap barıń:
#Psixolog_iskerligi
Berdaq atındaǵı Qaraqalpaq mámleketlik universiteti psixologi G.Reymbaeva tárepinen Fizika fakulteti student-jaslarına "Stress hám unamsız emociyalarǵa qarsı psixologiyalıq immunitetti kúsheytiw" atamasında seminar trening shólkemlestirildi.
Bizdi sociallıq tarmaqlarda baqlap barıń:
⚡️QMUda Taraw qánigeleri menen ushırasıwı ótkerildi
🟡Búgingi kúnde jaslar arasında juqpalı keselliklerdiń aldın alıw, sonıń ishinde, arttırılǵan immunitet jetispewshiligi sindromı (AIJS) hám arttırılǵan immunitet jetispewshiligi virusı (AIV) infekciyası haqqında úgit-násiyat jumısların alıp barıw áhmiyetke iye. Usı tiykarda búgin, 28-yanvar kúni taraw qánigeleriniń qatnasıwında ushırasıw shólkemlestirildi.
🟡Bul ushırasıwda AIJSna qarsı gúresiw orayı bólim baslıǵı Gulzira Abilzaeva, oray shıpakeri Muxammed Izegenov hám oray xızmetkerleri Quwatbay Bekturganov, Sayora Jarievalar qatnastı. Dáslep taraw qánigeleri tárepinen AIJS hám AIV infekciyasınıń tarqalıw sebepleri, qáwip faktorları, kesellikten saqlanıw usılları hám onıń sociallıq aqıbetleri haqqında tolıq túsinik berildi.
🟡Ushırasıw dawamında studentler ózlerin qızıqtırǵan sorawlar menen múrájat etip, qánigelerden kerekli maǵlıwmatlardı aldı. Ásirese, juqpalı keselliklerdiń aldın alıwda gigiena qaǵıydalarına ámel etiw, salamat turmıs tárizin alıp barıw hám qáwipli jaǵdaylardan óz waqtında saqlanıw áhmiyetli ekenligi atap ótildi.
🟡Ilaj sońında universitet studentleri arasında usınday úgit-násiyatlaw ilajların turaqlı ótkeriw zárúr ekenligi atap ótilip, barlıq qatnasıwshılar salamat turmıs tárizi boyınsha arnawlı tarqatpa materiallar berildi.
Bizdi sociallıq tarmaqlarda baqlap barıń:
#qonunchilik_yangiliklari
☄️Nukus davlat texnika universiteti tashkil etiladi
“Nukus davlat texnika universitetini tashkil etish to‘g‘risida”gi Prezident qarori (PQ-25-son, 24.01.2025-y.) tasdiqlandi.
Bizni kuzating
#Qutlıqlaw
✅Usı jıldıń 24-yanvar kúni Ózbekstan Respublikası Sudyalar joqarı keńesi janındaǵı Sudyalar joqarı mektebiniń PhD.37.27.02.2020.Yu.107.01 sanlı Ilimiy keńesinde 12.00.03 - Puqaralıq huqıqı, Isbilermenlik huqıqı, Shańaraq huqıqı, Xalıqaralıq jeke huqıq qánigeligi boyınsha Puqaralıq hám biznes huqıqı kafedrası assistenti KAZAKBAEV TUWELBAY KERIMBAEVIChtiń «Korporativ shártnamanı puqaralıq-huqıqıy tártipke salıw» temasındaǵı yuridika ilimleri boyınsha filosofiya doktorı (PhD) ilimiy dárejesin alıw ushın tayarlaǵan dissertaciyasın tabıslı qorǵap shıqtı. Bizde óz gezeginde universitet jámááti KAZAKBAEV TUWELBAY KERIMBAEVIChti ilimiy jumısın tabıslı qorǵap shıqqanlıǵı menen shın júrekten qutlıqlap, aldaǵı jumıslarında tabıslar tileymiz!
Bizdi sociallıq tarmaqlarda baqlap barıń: