37608
Официальный новостной канал КГУ 🌐: karsu.uz
⚡️Ekonomika fakultetinde Freelancerlik boyınsha seminar ótkerildi
Berdaq atındaǵı Qaraqalpaq mámleketlik universiteti Ekonomika fakulteti student-jasları qatnasında IT Park QR filialında Freelancerlik boyınsha seminar bolıp ótti. Onda Ekonomika fakultetı dekanı K.Kudiyarov, IT Park QR filialı qánigesi I.Ismailov, fakultet tyutorları hám student-jaslar qatnastı.
Dáslep Ekonomika fakultet dekanı K.Kudiyarov sózge shıǵıp,Qaraqalpaqstan Respublikasınıń 2024-jılda sanlı texnologiyaların rawajlandırıw boyınsha jol-kartasınıń 5-bántin orınlaw boyınsha sheshim-jobası hám ámelge asırılıp atırǵan jumıslar, zamanagóy informaciya texnologiyaları hám bul baǵdarda jaslarǵa jaratılıp atırǵan imkaniyatlar haqqında aytıp ótti.
Bunnan soń, IT Park QR filialı qánigesı I. Ismailov Freelancerlik hám rezident kompaniyaları boyınsha student-jaslarǵa keńnen túsinik berdi. Seminarda student-jaslar ózleriniń qızıqtırǵan sorawlarına juwaplar aldı.
👉@www_karsu_uz
⚡️«Ózbekstan- Ullı Britaniya bilimlendiriw forum»ı bolıp ótpekte
Usı jıldıń 4-5- mart kúnleri aralıǵında Tashkent qalasıda Xalıqaralıq Vestminister universitetinde «Ózbekstan- Ullı Britaniya bilimlendiriw forum»ı bolıp ótpekte. Forumda Berdaq atındaǵı Qaraqalpaq mámleketlik universiteti rektorı A.Reymov qatnaspaqta.
Forumnıń tiykarǵı maqseti Ózbekstanda, Ullı Britaniya hám de global kólemde joqarı bilimlendiriw ushın zárúr bolǵan baǵdarlar, usı tiykarǵı baǵdarlardı ámelge asırıwdıń jolları hám usılları, atap aytqanda transmilliy sheriklik arqalı ámelge asırıw máselelerin talqılaw bolıp tabıladı.
Sonday-aq, Joqarı bilimlendiriw tarawında birge islesiw hám de buǵan baylanıslı ámeliy tájiriybeler kún tártibindegi tiykarǵı máselelerdiń biri esaplanadı. Bul forumda Ullı Britaniyanıń joqarı reytinglerdi iyelep turǵan universitetleri hám bilimlendiriw tarawındaǵı xalıqaralıq shólkemleri wákilleri qatnaspaqta.
👉@www_karsu_uz
✨Studentler ligası
Usı jıldıń 1-3-mart kúnleri Qaraqalpaqstan Respublikası joqarı oqıw orınları student-jaslar arasında mini-futbol boyınsha jarıs bolıp ótti.
Onda Berdaq atındaǵı Qaraqalpaq mámleketlik universiteti komandası sıylı 1-orındı iyeledi.
Bizde óz gezeginde universitet jámááti student-jaslarımızdıń qolǵa kirgizgen jetiskenligi menen qutlıqlaymız hám aldaǵı oqıwlarında tabıslar tileymiz.
👉@www_karsu_uz
#ǴXQ_QMU_haqqında
#Qaraqalpaqstan_TV
#Hayal_qızlar_keńesi_iskerligi
⚡️QMUda Zulfiya Isroilovanıń tuwılǵan kúni múnásibeti menen ilaj ótkerildi.
👉@www_karsu_uz
⚡️QMU jámááti ǵalabalıq abadanlastırıw hám kóklemzarlastırıw ilajlarında belsendilik kórsetti
Xabarıńız bar, usı jıldıń 2-mart kúni Ózbekstan Máhálleler birlespesi Qaraqalpaqstan Respublikası basqarması baslaması menen respublikamız boylap abadanlastırıw hám kóklemzarlastırıw jumısları ótkerildi. Usı tiykarda Berdaq atındaǵı Qaraqalpaq mámleketlik universitetinde texnikalıq taraw xızmetkerleri hám belsendi student-jasları tárepinen universitet átirapında abadanlastırıw hám kóklemzarlastırıw jumısları alıp barıldı.
Ilaj sheńberinde belsendi student-jaslar tárepinen jaslardıń ekologiyalıq mádeniyatın arttırıw, qorshaǵan ortalıqqa bolǵan dıqqat-itibarın kúsheytiw, ana tábiyattı asırap-abaylaw, ekologiyalıq jaǵdaydı jaqsılaw maqsetinde «Jasıl mákan» joybarın ótkerdi.
👉@www_karsu_uz
⚡️QMU Shımbay fakulteti jámááti abadanlastırıw hám kóklemzarlastırıw jumıslarına belsene qatnastı
Xabarıńız bar, búgin 2-mart kúni Ózbekstan Máhálleler birlespesi Qaraqalpaqstan Respublikası basqarması baslaması menen respublikamız boylap abadanlastırıw hám kóklemzarlastırıw jumısları ótkerildi.
Bul kóklemzarlastırıw jumıslarına universitetimizdiń texnikalıq taraw xızmetkerleri menen bir qatarda, universitettiń Shımbay fakulteti belsendi student-jasları da óz úlesin qostı.
Ilajda Shımbay fakulteti student-jasları tárepinen fakultet átirapı tazalıǵına itibar berilip, atız, jap-salmalar shıǵındılardan tazalandı. Mine usınday abadanlastırıw jumısları fakultet átirapındaǵı jer maydanlarında tereklerdiń shaqaları tártipke salınıp, ol jerde jańa náller ushın orın tayarlaw jumısları alıp barıldı.
👉@www_karsu_uz
#ǴXQ_QMU_haqqında
#jaslar_TV
⚡️QMUda “Ǵalaba xabar quralları hám sociallıq tarmaqlarda jańalıqlardı sáwlelendiriw: búgingi jaǵdayı, usınıs hám pikirler” atamasında aymaqlıq konferenciyası ótkerildi.
👉@www_karsu_uz
📣📣📣 Jurnalistika tarawına qızıǵıwshılar dıqqatına!
«Qaraqalpaqstan» telekanalı saz sáwbetli, dem alıs hám kino baǵdarlamaları redakciyasınıń kórsetiwlerinde, siyasiy baǵdarlarda, xabar hám jańalıqlarda baslawshılıq ushın kasting járiyalaydı.
Eger siz qaraqalpaq, ózbek, rus tillerinde óz pikirińizdi dál hám anıq bayanlay alatuǵın bolsańız hár kúni saat 9:00 den 18:00 ge shekem «Qaraqalpaqstan» telekanalında kastingde qatnasıwıńız múmkin.
Talabanlar 20-35 jas aralıǵında bolıwı kerek.
☎️Baylanıs ushın telefon (61) 226-52-92
👉@www_karsu_uz
#ǴXQ_QMU_haqqında
#Qaraqalpaqstan_TV
✨Quyash kalendarı haqqında Berdaq atındaǵı Qaraqalpaq mámleketlik universiteti Tariyx fakulteti oqıtıwshısı Gúlsara Tóreeva
👉@www_karsu_uz
#ǴXQ_QMU_haqqında
#Jaslar_TV
⚡️QMUda "EŃ BILIMLI KITAPQUMAR QÍZ" TAŃLAWÍ BOLÍP ÓTTI
👉@www_karsu_uz
#ǴXQ_QMU_haqqında
#Jaslar_TV
⚡️Berdaq atındaǵı Qaraqalpaq mámleketlik universitetiniń Yuridika fakultetinde "DÁWIR QÍZLARÍ" tańlawı ótkerildi.
👉@www_karsu_uz
⚡️Ózbekstan Máhálleler birlespesi Qaraqalpaqstan Respublikası basqarması bársheni usı jıl 2-mart shembi kúni respublikamız boylap abadanlastırıw hám kóklemzarlastırıw ilájlarına belsene qatnasıwǵa shaqıradı.
👉@www_karsu_uz
#ǴXQ_QMU_haqqında
#Qaraqalpaqstan_TV
⚡️QMUda “Ǵalaba xabar quralları hám sociallıq tarmaqlarda jańalıqlardı sáwlelendiriw: búgingi jaǵdayı, usınıs hám pikirler” atamasında aymaqlıq konferenciyası ótkerildi.
👉@www_karsu_uz
⚡️Kásip-óner mektepleri menen birge islesiw
Ózbekstan Respublikası Joqarı bilimlendiriw, Ilim hám innovaciyalar ministrliginiń 2023-jıl 6-mart kúngi «Professional oqıw orınların metodikalıq hám ilimiy tárepten qollap-quwatlaw haqqında»ǵı 44-sanlı buyrıǵında belgilengen wazıypalardı orınlaw maqsetinde 2024-jıl 29-fevral kúni QMU Ekonomika fakulteti «Buxgalteriyalıq esap hám audit» kafedrası professor-oqıtıwshıları professor w.a. S.Bayjanov, professor w.a. B.Mırzanov hám doc. S.Utegenovalar Taqıyatas hám Xojeli kásip-óner mekteplerinde boldı.
Birge islesiw barısında Kásip-óner mektepleri pedagog xızmetkerlerinıń sabaqların analizlep, jetiskenlikleri hám kemshilikleri boyınsha kórsetpeler berdi. Oqıtıwshılarǵa sabaq proceslerin shólkemlestiriwdiń eń nátiyjeli usılları hám metodları hám de zamanagóy pedagogikalıq texnologiyalardan paydalanıw boyınsha da tiyisli kórsetpeler hám másláhátlerin berdi.
👉@www_karsu_uz
#Jas_jurnalistler_klubı
#Univer_NEWS
⚡️Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
👉@www_karsu_uz
⚡️Filosofiya tálim baǵdarı ámeliyatshıları pedagogikalıq ámeliyatta
Qaraqalpaq mámleketlik universiteti Tariyx fakulteti Filosofiya tálim baǵdarı 4-basqısh studentleri pedagogikalıq ámeliyat barısında paytaxtımızdaǵı 22-sanlı ulıwma orta bilim beriw mektebinde 1-mart Ózbekstan xalıq shayırı Zulfiya Israilovanıń tuwılǵan kúnine baǵıshlap "Báhár keldi seni saǵınıp!" atamasında bayram keshesin shólkemlestirdi. Keshede Zulfiya dóretiwshiligi boyınsha bayanat, qosıqlar atqarıldı.
Keshege mektep ruwxıy aǵartıwshılıq isleri boyınsha direktor orınbasarı G.Aymurzaeva, Tariyx fakulteti dekanı S.Sulaymanov, Oqıw isleri boyınsha dekan orınbasarı M.Sultaniyazov, Sociallıq pánler kafedrası baslısı A.Berdimuratova, ámeliyat basshısı N.Zaretdinova, topar basshısı R.Mámbetkarimov, tyutorlar B.Esemuratova, G.Esboǵanova, mektep oqıtıwshıları qatnastı. Keshe sońında sózge shıqqanlar bayramdı joqarı dárejede shólkemlestirgen ámeliyatshılarǵa aldaǵı oqıwlarında tabıslar tiledi.
👉@www_karsu_uz
#Tınıshlıq_hám_tatıwlıq_biybaha_baylıq
⚡️Berdaq atındaǵı Qaraqalpaq mámleketlik universitetiniń Geografiya hám tábiyiy resurslar fakulteti oqıtıwshısı, Geografiya ilimleri doktorı Polat Reymov
👉@www_karsu_uz
#Uni_academy
📣📣📣 Dıqqat “Uni academy” klubınnan jáne bir ájayip jańalıq❗️
⚡️Shet tillerin úyrenip atırǵan jaslar ushın “Uni academy” klubınıń rásmiy telegram botı iske túsirildi.
📝 Bul telegram botqa shet tilleri boyınsha ózińizdi qızıqtırǵan sorawlarıńızdı berseńiz boladı, hár bir sorawıńızǵa klubtıń tájiriybeli mentorları tárepinen juwaplar qaytarıladı.
📌Búgingi kúnde jámi 8 tildegi tiykarınnan:
🇬🇧Inglis tili, 🇷🇺 Rus tili, 🇹🇷 Turk tili, 🇩🇪 Nemis tili, 🇰🇷 Koreys tili, 🇨🇳 Qıtay tili, 🇯🇵 Yapon tili hám 🇫🇷 Fransuz tillerinde Sizdi qızıqtırǵan sorawlarıńızǵa juwaplar alsańız boladı.
✅ Sorawlar ushın telegram bot siltemesi:
👉 @Uni_Academy_soraw_juwap_bot
😎 “Uni academy” menen shet tillerin úyren hám ózińe imkaniyat esiklerin ash!
👉@www_karsu_uz
✨Zulfiyaxonim Isroilova tavalludi keng nishonlandi
Nukus garnizoni Maʼnaviyat va maʼrifat markazida Zulfiyaxonim tavalludining 109-yilligi munosabati bilan harbiy xizmatchilar va oʻquvchi yoshlar ishtirokida madaniy kecha boʻlib oʻtdi.
Tadbirda Zulfiyaxonim qalamiga mansub sheʼrlari Berdaq nomidagi Qoraqalpoq davlat universiteti talabalari tomonidan jonli ijro etilib, milliy kuy-qoʻshiqlar ohangiga raqsga tushishdi. Xalqimizning sevimli shoirasining sermazmun hayoti va mashaqqatli ijod yoʻli, uning ijodiy kamolotida oʻzbek va rus mumtoz adabiyoti, xalq ogʻzaki ijodiyoti va jahon adabiyoti anʼanalarining roli benihoya boʻlgani eʼtiroflandi.
Batafsil maʼlumot
👉@www_karsu_uz
#Jas_jurnalistler_klubı
#Imkaniyat_joybarı
#Men_baxıtlı_eldiń_baxıtlı_perzentimen
⚡️Aziya chempionı Berdaq atındaǵı Qaraqalpaq mámleketlik universiteti Dene mádeniyatı fakulteti 2-kurs studenti Perdebaeva Gúlistan Rawajovna.
👉@www_karsu_uz
#Jas_jurnalistler_klubı
#Univer_NEWS
⚡️Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
👉@www_karsu_uz
⚡️Ministr hám student-jaslar ushırasıwı
Qaraqalpaqstan Respublikası Ekonomika hám Finans ministrliginde studentlerdiń teoriyalıq bilimlerin ámeliyat penen tıǵız baylanıstırıw maqsetinde ministr hám student-jaslardıń ushırasıwı bolıp ótti. Onda Berdaq atındaǵı Qaraqalpaq mámleketlik universiteti Ekonomika fakulteti dekanı K.Kudiyarov, professor-oqıtıwshılar, ziyrek student-jaslar hám taraw qánigeleri qatnastı.
Ushırasıwdı Qaraqalpaqstan Respublikası Ekonomika hám finans ministri R.Sultanov ashıp berdi hám basqarıp bardı. Bunnan soń, Aymaqlardı ekonomikalıq analiz qılıw, jergilikli byudjetti qáliplestiriw hám byudjetler aralıq múnásibetler bólimi baslıǵı D.Urazımbetov tárepinen Qaraqalpaqstan Respublikasınıń 2024-jılǵı jergilikli byudjet parametrleri haqqında maǵlıwmat berip ótti. Ushırasıw barısında jstudent-jaslar ózleriniń qızıqtırǵan sorawlarına juwaplar aldı.
👉@www_karsu_uz
⚡️«Jaslarımız kúshi joqarı biznes rawajlanıwınıń girewi» atamasında ushırasıw bolıp ótti
Qaraqalpaqstan Respublikası málimleme kitapxana orayında 2024-jıl «Jaslar hám biznesti qollap-quwatlaw jılı» múnásibeti menen «Jaslarımız kúshi joqarı biznes rawajlanıwınıń girewi» atamasında ushırasıw bolıp ótti. Onda jıldıń eń belsendi jas isbilermeni, «Kelajak bunyodkori» medalı, «Biogumus» fermer xojalıǵı baslıǵı Sherzod Niyazimbetov, Qaraqalpaq mámleketlik universiteti Qurılıs fakulteti studentleri qatnastı.
Keshe miymanı Sh.Niyazimbetov óz tájiriybesinen kelip shıǵıp, bul kásipti tańlawda kóbirek nelerge itibar qaratıw kerekligi, házirgi kúndegi isbilermenlik tarawındaǵı jetiskenlikleri menen bólisti. Jaslarımızdı óziniń júrgizip atırǵan «Biogumus» fermer xojalıǵı, sırt ellerge eksport etip atırǵan ónimleri, turizm tarawındaǵı jumısları menen qatnasıwshılardı tanıstırdı, bul tarawlardaǵı ózine jarasa qıyınshılıqları hám jetiskenlikleri boyınsha jaslarǵa motivaciya berdi.
👉@www_karsu_uz
⚡️QMUda Aziya chempionı Gulistan Perdebaeva menen ushırasıw keshesi bolıp ótti
Aldın xabar bergenimizdey, usı jıldıń 24-fevral kúni Baxreyn mámleketiniń Manama qalasında qılıshpazlıq sportı boyınsha Aziya chempionatı ótkerilip, chempionatta Ózbekstan saylandı komandası sıylı l orındı iyeledi. Ózbekstan saylandı komanda quramında Qaraqalpaq mámleketlik universiteti 2-kurs studenti Gúlistan Perdebaeva da qatnastı. Búgin 2-mart kúni Qaraqalpaq mámleketlik universitetinde Aziya chempionı G.Perdebaeva menen ushırasıw ótkerilip, onda professor-oqıtıwshılar, student-jaslar qatnastı.
Ushırasıwdı universitet rektorı A.Reymov basqarıp bardı. Ol óz shıǵıp sóylewinde, Húrmetli Prezidentimizdiń sport tarawına degen ayrıqsha itibarı, tarawdıń materiallıq-texnikalıq bazasın bekkemlew, olardı hár tárepleme qollap-quwatlawdı kúsheytiw maqsetinde alıp barılıp atırǵan reformaları, álbette, tarawdıń rawajlanıwına, ásirese student jaslarımızǵa keń múmkinshilikler jaratılǵanlıǵın aytıp ótti.
Tolıq maǵlıwmat
👉@www_karsu_uz
⚡️Arxitektura fakultetinde student-jaslar ushın sheberlik sabaǵı ótkerildi
Usı jıldıń 1-mart kúni QMU Arxitektura fakulteti “Qala qurılısı hám xojalıǵı” kafedrasında ilimiy izleniwshiler ushın master klass shólkemlestirildi. Ushırasıwda “Qala qurılısında házirgi kúndegi mashqalalardıń kelib shıǵıwı” atamasında “Qala qurılısı” kafedrası professorı Samarqand mámleketlik Arxitektura qurılısı universiteti professorı I.Shukurov master klass ótkerdi. Onda fakultet professor-oqıtıwshıları, doktorantlar, erkin izleniwshiler, magistrantlar hám studenler qatnastı.
Ushırasıw dawamında házirgi kúndegi Qala qurılısındaǵı mashqalalardıń kelip shıǵıwı hám onıń aldın alıw, mashqalalarǵa sheshim tabıw, usı mashqalalar tiykarında maqalalar jazıw, Scopus bazasında maqalalardı qalay jaylastırıw kerek ekenligi haqqında keńnen túsinik berdi. Ushırasıwda qatnasıwshılar ózlerin qızıqtırǵan sorawlarına juwaplar aldı.
👉@www_karsu_uz
#Jas_jurnalistler_klubı
#Univer_NEWS
⚡️Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
👉@www_karsu_uz
⚡️QMUda belgili xudojnik, reńli súwret ustası Akmal Nuriddinov penen ushırasıw keshesi ótkerildi
Búgin 1-mart kúni Berdaq atındaǵı Qaraqalpaq mámleketlik universitetinde Ózbekstan xalıq xudojnigi, reńli súwret ustası, Ózbekstan Kórkem óner akademiyası akademigi, Ózbekstan Kórkem akademiyası baslıǵı, Nuriddinov Akmal Vahobovich penen ushırasıw keshesi bolıp ótti.
Dáslep ilaj universitettiń Kórkem óner fakulteti professor-oqıtıwshıları, student-jasları tárepinen túrli tematika hám janrlarda dóretken kartinalarınıń kórgizbesi menen baslandı. Ushırasıwdı universitet rektorı A.Reymov alıp bardı hám qatnasıwshılarǵa xudojniktiń dóretiwshiligi haqqında keń túrde maǵlıwmatlar berdi.
Bunnan soń, Ózbekstan xalıq xudojnigi Akmal Nuriddinov sózge shıǵıp, óziniń ómir jolı, dóretiwshilik miynetleri haqqında jıynalǵanlarǵa aytıp ótti. Ushırasıw keshesinde qatnasıwshılar kewilli sáwbetler qurıp, ózlerin qızıqtırǵan sorawların pikir-usınısların bildirdi.
Tolıq maǵlıwmat
👉@www_karsu_uz
⚡️O‘zbekiston xalq shoiri Zulfiyaxonim Isroilovaning bu yil 109 yilligi keng nishonlanmoqda
Berdaq nomidagi Qoraqalpoq Davlat Universiteti Axborot-resurs markazida "Kitapqumarlar klubi" a’zolari tarafidan O‘zbekiston xalq shoirasi Zulfiya Isroilovaning tavallud ayyomiga bag‘ishlangan bayram tadbiri o‘tkazildi.
Tadbirda guruh a’zolari tarafidan Zulfiya ijodiga oid she’rlar va hayotiga bog‘liq sahna ko‘rinishlar ko‘rsatib berildi. Bayram oxirida viktorina o‘tkazilib, unda faol ishtirok qilgan ishtirokchilar munosib taqdirlandi.
👉@www_karsu_uz
⚡️STUDENTLER DÍQQATÍNA!
Húrmetli universitet student-jasları! Sizlerdi “Ózbekstan ulıwma úyimiz” súreni astında milletleraralıq tatıwlıq hám keńpeyillik festivalı sheńberinde Qaraqalpaq mámleketlik universitetinde bolıp ótetuǵın “Salamat áwlad tárbiyasında milletleraralıq tatıwlıqtıń ornı” atamasındaǵı konferenciyaǵa mirat etemiz.
Konferenciyanıń maqseti: Student-jaslardıń qálbinde milletleraralıq tatıwlıq hám ulıwma insaniy qádiriyatlarǵa bolǵan sanalı qatnastı qáliplestiriw, jaslardıń ilimiy-izertlew jumısları menen shuǵıllanıwı hám usı tarawda tájiriybe, pikir almasıwına sharayat jaratıw, sonday-aq, bolajaq jas ilimpazlardı perspektivalı ilimiy baǵdarlarǵa tartıw.
Konferenciya ótkeriletuǵın ornı – Berdaq atındaǵı Qaraqalpaq mámleketlik universiteti Ruwxıy-aǵartıwshılıq zalı.
Konferenciyanıń rásmiy tilleri: qaraqalpaq, ózbek, rus.
Tolıq maǵlıwmat
👉@www_karsu_uz
⚡️QMUda áskeriy institutqa oqıwǵa shaqırıw boyınsha ushırasıw bolıp ótti
Xabarıńız bar, Ózbekstan Respublikası Qorǵanıw ministrligi informaciya-kommunikaciya texnologiyaları hám baylanıs áskeriy institutı haqqında Ózbekstan Respublikası Prezidentiniń 2019-jıl 17-yanvardaǵı «Informaciya-kommunikaciya texnologiyaları hám baylanıs baǵdarında kadr ofitserlerdi tayarlaw sistemasın jetilistiriw haqqında»ǵı PQ-4122 -sanlı qararı qabıl etildi.
Usı tiykarda búgin 29-fevral kúni Berdaq atındaǵı Qaraqalpaq mámleketlik universitetinde Ózbekstan Respublikası Qorǵanıw ministrligi informaciya-kommunikaciya texnologiyaları hám baylanıs áskeriy institutına universitet student-jasları arasınan talabanlardı oqıwǵa shaqırıw boyınsha ushırasıw bolıp ótti. Onda universitetimizdiń Matematika hám Fizika fakultetinıń student-jasları qatnastı. Ushırasıwdı universitetimizdiń oqıw isleri boyınsha prorektorı O.Duysenbaev alıp bardı.
Tolıq maǵlıwmat
👉@www_karsu_uz