37608
Официальный новостной канал КГУ 🌐: karsu.uz
⚡️Studentlikten isbilermenlikke qaray….
Usı jıldıń 20-fevral kúni Ózbekstan Sawda-sanaat palatasınıń Qaraqalpaqstan Respublikası basqarması tárepinen Berdaq atındaǵı Qaraqalpaq mámleketlik universiteti Ekonomika fakultetiniń 20 dan aslam student jaslarına «Bizneske qaray dáslepki adım» atamasında seminar shólkemlestirildi.
Dáslep, Basqarma baslıǵı Kazbek Artıkov student jaslardı Basqarma iskerligi hám elimizde isbilermenler tárepinen islep shıǵarılıp atırǵan ónimler kórgizbesi menen jaqınnan tanıstırdı.
Bunnan soń, seminar dawamında Basqarma baslıǵınıń orınbasarı M.Qosnazarov isbilermenlik tarawı hám onda jetiskenliklerge erisiw sırları boyınsha jaslarǵa birqansha áhmiyetli maǵlıwmatlar berip ótti.
Ilajdı shólkemlestiriwden tiykarǵı maqset, bizneske qızıǵıwshı jaslardı qollap-quwatlaw, mámleketimiz tárepinen isbilermenlik tarawında jaslarǵa hám isbilermenlerge jaratılǵan múmkinshiliklerdi keń túrde úgit-násiyat etiwden ibarat.
👉@www_karsu_uz
⚡️Student-qızlar arasında "Zakovat" oyını bolıp ótti
Usı jıldıń 20-fevral kúni Yuridika fakulteti student-qızlarınıń bos waqtın mazmunlı ótkeriw, logikalıq oylaw qábiletin jáne de rawajlandırıw hám kitapqumarlıqqa bolǵan qızıǵıwshılıǵın arttırıw maqsetinde "Zakovat" intellektual oyını ótkerildi.
📚 Oyında Yuridika fakulteti hayal-qızlar máseleleri boyınsha dekan másláhátshisi uztazımız Gulbaxar Qazaqbaeva tárepinen dúzilgen qızıqlı hám logikalıq sorawlar oynaldı. Oyınnıń áhmiyetli tárepi sorawlar jáhán, ózbek hám qaraqalpaq ádebiyatınıń belgili wákilleriniń shıǵarmalarınan alınǵanlıǵı boldı.
Oyın juwmaǵında "Eyforiya" komandası 1-orın🥇,
"Altı qız" komandası - 2-orın🥈,
"Mysterios" komandası - 3-orın🥉dı iyeledi.
🏆Jeńimpazlar fakultet dekanatı tárepinen tayarlanǵan diplom hám estelik sawǵaları menen sıylıqlandı.
✍️ Maulenbergenova Gulmira
Yuridika fakulteti 2-kurs studenti, "Qizlarjon" klubı sárdarı
👉@www_karsu_uz
#Jas_jurnalistler_klubı
#Univer_NEWS
⚡️Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
👉@www_karsu_uz
⚡️QMU Shet tilleri fakultetinde kiber jınayatshılıqtıń aldın alıw boyınsha úgit-násiyat ilajı bolıp ótti
Berdaq atındaǵı Qaraqalpaq mámleketlik universiteti Shet tilleri fakultetinde kiber jınayatınıń aldın alıw hám oǵan qarsı gúresiw boyınsha úgit-násiyat ilajı bolıp ótti. Onda QR IIM operativ-izlew xızmeti kiberqáwipsizlik bólimi aǵa qánigesi J.Qıdırbayev, fakultet dekanı Dj.Kurbanbaev, dekan orınbasarı T.Kulniyazov, topar tyutorları hám student-jaslar qatnastı.
Ilajdı Shet tilleri fakulteti dekanı Dj.Kurbanbaev ashıp berdi hám basqarıp bardı. Ilajda sózge shıqqanlar búgingi kúnde dúnya júzinde háwij alıp atırǵan kiber jınayatları haqqında anıq fakt hám mısallar menen túsindirip, student-jaslar arasında kiber jınayatların boldırmaw hám onıń awır aqıbetleri boyınsha úgit-násiyat ilajların alıp bardı. Ilaj dawamında qatnasıwshılar taraw qánigelerine ózlerin qızıqtırǵan sorawlardı berip, tolıq juwaplar aldı.
👉@www_karsu_uz
⚡️Jańadan shólkemlestirilgen KAR ANONS telegram kanalına aǵza bolıń!
Bul kanal arqalı Siz Qaraqalpaqstanda ótkeriletuǵın festival, koncert, bayram seyilleri, teatr tamashaları, muzey kórgizbeleri, sport jarısları hám basqa da kóplegen mádeniy-kewilashar ilajlardan aldınnan xabardar bolasız.
Kanalǵa aǵza bolıw 👉 t.me/kar_anons
⚡️“Street law” klub aǵzaları tárepinen úgit-násiyat ilajı alıp barıldı
Berdaq atındaǵı Qaraqalpaq mámleketlik universiteti Ximiya-texnologiya fakultetinde “Street law” klub aǵzaları tárepinen jaslar arasında náshebentlik hám psixotrop zatlardıń tarqalıwınıń aldın-alıw hám kiber jınayatına qarsı gúresiw, olardı sergeklikke shaqırıw maqsetinde student-jaslarǵa huqıqıy úgit-násiyat jumısları alıp barıldı.
Dáslep ilajda sózge shıqqanlar búgingi kúnde náshebentlik zatlar menen baylanıslı jaǵdaylardıń aldın alıw, jaslar arasında salamat turmıs tárizin qáliplestiriw, sonday-aq, kiberjınayatlardıń aldın alıw hám oǵan qarsı gúresiw máselesinde «teńleske-teńles» principi tiykarında student-jaslarǵa keń túrde túsindirildi.
👉@www_karsu_uz
⚡️Studentler ámeliyatta
Berdaq atındaǵı Qaraqalpaq mámleketlik universiteti Kórkem-óner fakulteti vokal atqarıwshılıǵı hám saz ásbapları atqarıwshılıǵı qánigelikleri studentleri ámeliyat dáwirinde paytaxtımızdaǵı Esjan baqsı atındaǵı 1-sanlı balalar muzıka hám kórkem-óner mektebinde boldı. Ámeliyat dáwirinde fakultet oqıtıwshıları Raziya Orazalieva, Timur Aytakov, Baxadır Ótejanov, Islam Muratbaevlar student-jaslarǵa basshılıq etpekte. Bul jerde student-jaslar ustazlarınan alǵan teoriyalıq bilimlerin ámeliyatta elde bekkemlemekte.
👉@www_karsu_uz
#Jas_jurnalistler_klubı
#Univer_NEWS
⚡️Berdaq atındaǵı Qaraqalpaq mámleketlik universitetiniń "UNIVER NEWS" informaciyalıq baǵdarlaması
👉@www_karsu_uz
📣📣Dıqqat! Dıqqat!
Berdaq atındaǵı Qaraqalpaq mámleketlik universiteti rektoratı tárepinen universitet student-jasları (qızlar) arasında usı jıldıń 24-29-fevral kúnleri saat 14:00 de sporttıń voleybol túri boyınsha jarıs bolıp ótedi.
📍Mánzil: Qaraqalpaq mámleketlik universiteti sport sarayı.
📍Geolokaciya: https://maps.app.goo.gl/BpCAiCmYWcHLqy6Z7
👉@www_karsu_uz
#Quwnaqlar_hám_ziyrekler
⚡️Berdaq atındaǵı Qaraqalpaq mámleketlik universitetinıń Fizika fakultetinde student-jasları arasında "Quwnaqlar hám ziyrekler" kórik-tańlawı ótkeriledi.
👉@www_karsu_uz
⚡️QMUda taraw qánigeleri menen ushırasıw bolıp ótti
Usı jıldıń 17-fevral kúni Qaraqalpaq mámleketlik universitetinde student-jaslar arasında Kiber jınayatınıń aldın alıw boyınsha taraw qánigeleri menen ushırasıw bolıp ótti.
Onda QR IIM Jámiyetlik qáwipsizlik xızmeti Huqıqbuzarlıqlar profilaktikası basqarmasınıń baslıǵı R.Eshimbetov, QR IIM Operativ qıdırıw xızmeti, kiber qáwipsizlik bólimi baslıǵı D.Seytmuratov, bólimi qánigesi J.Qıdırbaev, QMU inspektorı I.Erejepov hám barlıq fakultet tyutorları qatnastı
Ushırasıwdı universitettiń jaslar máseleleri, ruwxıylıq-aǵartıwshılıq isleri boyınsha prorektor S.Alawatdinov ashıp berdi hám basqarıp bardı. Ushırasıwda sózge shıqqanlar búgingi kúnde «Kiber hújim» háwij alıp, bunıń aqıbetinde kópshilik adamlar bul kiber jınayatınıń qurbanına aylanıp atırǵanın turmıslıq mısallar menen túsindirip ótti. Sonday-aq, bul jınayattıń awır aqıbeti boyınsha jaslar arasında keńnen úgit-násiyat jumısların alıp barıw kerekligin aytıp ótti.
👉@www_karsu_uz
Bilimlendiriw mákemelerinde úgit-násiyat jumısları alıp barılmaqta
Qaraqalpaqstan Respublikasındaǵı bilimlendiriw mákemelerinde Ózbekstan Respublikası Huqıqtı qorǵaw akademiyası bakalavriatınıń «Tergew iskerligi» tálim baǵdarına oqıwǵa qabıllaw baslanǵanlıǵı boyınsha úgit-násiyat jumısları alıp barılmaqta.
2024-2025-oqıw jılı ushın Ózbekstan Respublikası Huqıqtı qorǵaw akademiyasına «Tergew iskerligi» kúndizgi tálim baǵdarına oqıwǵa qabıllaw ushın hújjetlerińizdi usı jıldıń 1-fevral sánesinen baslap 1-martqa shekem Ózbekstan Respublikası Joqarı bilimlendiriw, ilim hám innovaciyalar ministrligi janındaǵı Bilim hám mamanlıqtı bahalaw agentliginiń arnawlı elektron platformasınan – https://my.uzbmb.uz/ dizimnen ótiw arqalı tapsırsańız boladı.
👉@www_karsu_uz
#ǴXQ_QMU_haqqında
#Qaraqalpaqstan_TV
"Jaslardı hám biznesti qollap quwatlaw" jılı múnásibeti menen QMU Ximiya-texnologiya fakulteti tyutorları hám student-jasları "Ónerli jigit-qızlar" oqıw orayında sayaxatta boldı.
👉@www_karsu_uz
⚡️O‘zbekiston Respublikasining qonunlari, huquqiy-normativ hujjatlari bilan tanishib boring
O‘ZBEKISTON RESPUBLIKASI PREZIDENTINING
FARMON, QAROR VA FARMOYISHLARI
1. Quyi bo‘g‘inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to‘g‘risida Havola: https://lex.uz/docs/6734972 05.01.2024-yildagi PQ-5-son
👉@www_karsu_uz
Usı jıl 9-fevral kúngi “Qaraqalpaqstan Respublikasın kompleksli sociallıq-ekonomikalıq rawajlandırıw hám xalıqtıń bántligin támiyinlewdiń qosımsha is-ilajları haqqında”ǵı PQ-66-sanlı qararı tiykarında bir qatar jeńillikler berilmekte.
❗️Usı qarar tiykarında:
🔹 2024-jılda paxta jetistiriw ushın jeńillikli kredit muǵdarınıń asırılıwı (topıraqtıń bir bonitet ballına salıstırǵanda normativ ónimdarlıqtı (centner/gektar) 1,25 koefficentke arttırıw arqalı);
🔹Sharwashılıqta azıqlıq eginlerdi jetistiriw ushın 6 ay múddetke qaytarıw shárti menen 150 mln. sumǵa shekem Oraylıq banktiń tiykarǵı stavkasınan aspaǵan halda jeńilletilgen kredit ajıratıw;
🔹2024-2025-jıllarda 112 mıń gektar suwǵarılatuǵın jer maydanların lazerli tegislew arqalı awıl xojalıǵı ónimleri ónimdarlıǵın 5-10 procentke kóteriw rejelestirilgen.
🔹Lazerli tegislew jumıslarına jumsalǵan barlıq GSM (janılǵı may materiallı) qárejetleri ushın 1 mln. swmnan subsidiya ajıratıw belgileniwi (Respublika byudjetinen);
🔹Beruniy, Ámiwdárya, Shımbay hám Qanlıkól rayonlarında awıl xojalıǵı texnikaları menen kompleks xızmet kórsetiwshi texnika-servis orayların mámleketlik-jeke sheriklik tiykarında shólkemlestiriw;
Bunda, «Ózagrolizing» jámiyeti tárepinen 160 dana awıl xojalıǵı texnikası 10 jıl múddetke 14 procent stavkada texnika-servis oraylarına lizing tiykarında beriliwi jolǵa qoyıladı;
🔹Awıl xojalıǵı texnikaları lizing múddetleri traktor hám kombaynlar ushın 10 jılǵa shekem, agregatlarǵa 5 jılǵa shekem uzaytıladı;
🔹Awıl xojalıǵı kárxanaları hám isbilermenlik subyektleri tárepinen óz mútájlikleri ushın sırt elden alıp kelinetuǵın súrim traktorları hám paxta teriw mashinaları bajıxana bajı tólemlerinen hám utilizaciya jıyımınan azat etilip, qosılǵan qun salıǵın 270 kúnge shekem keshiktirip tólewge ruxsat berilmekte.
🔹Balıqshılıq xojalıqları jumısın elede rawajlandırıw maqsetinde «Qaraqalpaqbalıq» birlespesi shólkemlestiriliwi, barlıq kóller usı birlespe balansına ótkeriw názerde tutılǵan.
🔹Qaraqalpaqstan awıl xojalıǵı hám agrotexnologiyalar institutına 2024-2025-oqıw jılınan baslap suw xojalıǵı hám melioraciya tálim baǵdarına 100 qabıllaw kvotası ajıratıladı.
👉@www_karsu_uz
⚡️Qurılıs fakulteti «Injenerlik kommunikaciyalar qurılısı» kafedrasında ilimiy seminar
Qaraqalpaq mámleketlik universiteti Qurılıs fakulteti «Injenerlik kommunikaciyalar qurılısı» kafedrasında professor oqıtıwshılar hám magistrantlar qatnasında “Ilimiy seminar” ótkerildi. Seminardı kafedra baslıǵı R.Baymanov kiris sóz benen ashıp berdi hám basqarıp bardı.
Dáslep kafedra úlken oqıtıwshısı Q.Baxiev “Atrof muhitni muhofaza qilish va tabiiy resurslardan oqilona foydalanish” temasında tayarlaǵan doktorlıq dissertaciya jumısına bayanat jasadı. Bul ilimiy jumısı boyınsha talqılawlar islenip seminar qatnasıwshılarına mısallar menen túsindirildi.
Bunnan soń, magistrant Sh.Tursinov “Suw menen támiynlew hám kanalizaciya sisteması nasos stanciyalarınıń energiya tejemliligin asırıw” temasında izleniwler islep, kóplegen maǵlıwmatlarǵa iye ekenligin tayarlap kelgen prezentaciya jumısında kórsetip ótti. Seminar qatnasıwshıları bayanatshılarǵa sorawlar menen birgelikte, pikir- usınısların bildirdi.
👉@www_karsu_uz
#OAV_biz_haqimizda
⚡️Oliy ta’lim, fan va innovatsiyalar vazirligining axborot hamkori “O‘zbekiston talabasi” jurnalining yanvar oyi sonida Qoraqalpoq davlat universiteti rektori, akademik Axmed Reymov bilan suhbat chop etildi.
➡️ Batafsil maʼlumot
👉@www_karsu_uz
⚡️QMU rektorı studentler úyindegi jaslardıń jasaw sharayatların kózden ótkerdi
Búgin 20-fevral kúni Berdaq atındaǵı Qaraqalpaq mámleketlik universiteti rektorı A.Reymov universitettiń 4-5-sanlı studentler úyinde bolıp, student-jaslardıń jasaw sharayatların úyrendi.
Dáslep bul jerde jumıs alıp barıp atırǵan juwapkerler hám pedagog tárbiyashılar menen birgelikte jataqxanalardaǵı jılıtıw qazanları tolıq quwatlılıqta, turaqlı islep turǵanlı, sonday-aq, xanalardıń belgilengen temperaturada jıllıǵı hám sanitariyalıq-gigienalıq talaplarǵa saylıǵı boyınsha kózden ótkerdi.
Bunnan soń, rektor A.Reymov student-jaslardıń jasaw sharayatların bir qatar kózden ótkerip, olar menen sáwbetlesti. Sáwbetlesiw barısında olardıń kúndelikli turmısında ushırasıp atırǵan mashqalaları, sonday-aq, pikir usınısların tıńladı. Sonıń menen birge, olarǵa bos waqıtların mazmunlı ótkeriw, universitetimizdegi dógereklerde til úyreniw, kitaplar oqıp barıw boyınsha óz pikir-usınısların bildirdi.
👉@www_karsu_uz
⚡️Studentler turar jayında sporttıń shaxmat hám shashka túrleri boyınsha jarıs ótkerildi
Xabarıńız bar, fevral ayı «Jaslar arasında náshebentlik hám psixotrop zatlar tarqalıwınıń aldın alıw» aylıǵı dep belgilengen. Usı múnásibet penen usı jıldıń 19-fevral kúni Studentler turar jayında jasawshı Dene mádeniyatı fakulteti studentleri arasında sporttıń shaxmat hám shashka túrleri boyınsha jarıs ótkerildi. Jarısqa jámi 25 ten aslam student-jaslar qatnastı. Jarıs qızǵın bellesiwlerge bay bolıp, jaslardıń oylaw qábileti, olardıń bos waqıtların qay dárejede ótkeriwi, aqıldı shınıqtırıw jolları, ilimiy intellektuallıq potencialı sınaldı. Jarıs dene mádeniyatı teoriyası hám metodikası assistenti, tóreshi A.Qazaqbaev hám tyutorlar tárepinen ádil bahalanıp, jarıs jeńimpazları anıqlandı hám de shólkemlestiriwshiler tárepinen tayarlanǵan diplomlar hám estelik sawǵaları menen sıylıqlandı.
Tolıq maǵlıwmat
👉@www_karsu_uz
#Jas_jurnalistler_klubı
#Imkaniyat_joybarı
#Men_baxıtlı_eldiń_baxıtlı_perzentimen
⚡️Berdaq atındaǵı stipendiya jeńimpazı, Qaraqalpaq mámleketlik universiteti Qaraqalpaq filologiyası hám jurnalistika fakulteti 4-kurs studenti Jartıbaeva Biybisara Quwanıshbay qızı
👉@www_karsu_uz
📣📣Dıqqat! Dıqqat!
Berdaq atındaǵı Qaraqalpaq mámleketlik universiteti rektoratı tárepinen universitet student-jasları (qızlar) arasında usı jıldıń 24-29-fevral kúnleri saat 14:00 de sporttıń voleybol túri boyınsha jarıs bolıp ótedi.
📍Mánzil: Qaraqalpaq mámleketlik universiteti sport sarayı.
📍Geolokaciya: https://maps.app.goo.gl/BpCAiCmYWcHLqy6Z7
👉@www_karsu_uz
⚡️QMUda bilimlendiriw sapasın arttırıw hám jaslar tálim-tárbiyası máselelerine baǵıshlanǵan májilis bolıp ótti
Húrmetli Prezidentimiz óz shıǵıp sóylewinde, “Ilim, bilim tálim hám tárbiya, mánawiyat biz ushın tiykarǵı máselelerdin biri” dep aytıp ótken edi. Haqıyqatında da jaslardıń kámil insan bolıp jetilisiwinde Ilim, bilim tálim hám tárbiya, mánawiyat oǵada áhmiyetli esaplanadı.
Usı tiykarda búgin Berdaq atındaǵı Qaraqalpaq mámleketlik universitetinde bilimlendiriw sapasın arttırıw hám jaslar tálim-tárbiyası máselelerine baǵıshlanǵan májilis bolıp ótti. Onda prorektorlar fakultet dekanları, kafedra baslıqları hám barlıq bólim baslıqları qatnastı.
Májiliste dáslep universitet rektorı A.Reymov shıǵıp sóylep, búgingi kúnde mámleketimiz tárepinen bilimlendiriw tarawınıń basshı hám pedagog xızmetkerleriniń abıroyın kóteriw, olardıń nátiyjeli miynet etiwi ushın zárúr shártsharayatlar jaratılǵanlıǵı, bunday jaratılǵan imkaniyatlardan nátiyjeli paydalanıp..
Tolıq maǵlıwmat
👉@www_karsu_uz
❗️Záhárli gaz – insan salamatlıǵı hám ómiri ushın úlken qáwip
Hawa temperaturasınıń suwıp ketiwi sebepli xalqımızdı záhárli gazden abaylı bolıwǵa shaqıramız!
Úyińizdegi gaz úskeneleriniń saz halda ekenligine bárqulla itibarlı bolıń.
Ózińiz hám shańaraq aǵzalarıńızdı záhárli gaz hám órt qáwpinen qorǵań.
*********
❗️Is gazi – inson sog‘lig‘i va hayoti uchun jiddiy xavf
Havo haroratining sovishi munosabati bilan aholini is gazidan ehtiyot bo‘lishga chaqiramiz!
Xonadoningizdagi gaz jihozlari soz holatda ekanligiga doim e’tiborli bo‘ling.
O‘zingiz va oila a’zolaringizni is gazi va yong‘in xavfidan himoya qiling.
👉@www_karsu_uz
#Qaraqalpaqstan_TV
⚡️Aral teńiziniń qurıǵan ultanın jasıl aymaqqa aylandırıw boyınsha jumıslar baslandı.
👉@www_karsu_uz
🗣 Hayal-qızlar arasında "Zakovat" intellektual turniri ótkeriledi!
⚡️ 8-mart — Xalıqaralıq hayal-qızlar kúni múnásibeti menen Milliy mass-medianı qollap-quwatlaw hám rawajlandırıw jámiyetlik fondı hám "Zakovat intellektual klubı" NNT birgelikte Hayal-qızlar arasında "Zakovat" intellektual turniri shólkemlestirilmekte.
➡️ Turnirde Ózbekstan Respublikasınıń barlıq aymaǵında jasawshı hayal-qızlardan shólkemlesken komandalar qatnasıwı múmkin.
✅ Turnir 2 basqıshta bolıp ótedi:
➡️ Aymaqlıq saylap alıw basqıshı;
➡️ Respublika basqıshı.
📆 Usı jıldıń 24-fevral kúni turnirdiń aymaqlıq saylap alıw basqıshı, 3-mart kúni respublika basqıshı bolıp ótedi.
🎁 Respublika basqıshında jeńimpaz bolǵan komandalar qımbat bahalı sawǵalar menen sıylıqlanadı.
📝 Turnirde qatnasıw ushın komandalıq yáki jekelik tártipte dizimnen ótiw talap etiledi.
Tolıq maǵlıwmat
👉@www_karsu_uz
📣📣📣Eʼlon !!!
Oʻzbekiston Respublikasi Prezidentining “09- may - Xotira va qadrlash kuniga tayyorgarlik koʻrish va uni oʻtkazish chora-tadbirlari toʻgʻrisida”gi qarori loyihasi muvofiq Mudofaa vazirligi huzuridagi “Gʻalaba bogʻi” yodgorlik majmuasi “Shonsharaf davlat muzeyida 3-may sanasida ”Ajdodlar izidan" Harbiy-tarixiy jamiyati, Oʻzbekistonda Shanxay hamkorlik tashkiloti Xalq diplomatiyasi markazi bilan hamkorlikda “Ikkinchi jahon urushi: yangi tadqiqotlar va tarixiy maʼlumotlar” mavzusida oʻtkazilayotgan respublika ilmiy-amaliy konferensiyasini oʻtkazish rejalashtirildi.
Batafsil axborot xati ilova qilinadi.
👉@www_karsu_uz
⚡️«Jaslar arasında náshebentlik hám psixotrop zatlar tarqalıwınıń aldın alıw» atamasında úgit-násiyat ilajı bolıp ótti
Fevral ayı «Jaslar arasında náshebentlik hám psixotrop zatlar tarqalıwınıń aldın alıw» aylıǵı dep belgilengen. Usı múnásibet penen taraw qánigeleri menen birgelikte «Jaslar arasında náshebentlik hám psixotrop zatlar tarqalıwınıń aldın alıw» atamasında ilaj bolıp ótti. Onda Matematika fakulteti tyutorı Sh.Shamshetov, Qaraqalpaqstan Respublikası qánigelestirilgen narkologiya ilimiy-ámeliy orayı shıpakerleri narkolog P.Seytekov, feldsher Q.Atamuratov, QMU inspektorı I.Erejepov hám student-jaslar qatnastı. Ilajda sózge shıqqanlar student-jasları arasında náshebentlik zatlar menen baylanıslı jaǵdaylardıń aldın alıw, olar arasında salamat turmıs tárizin qáliplestiriw, sonday-aq, náshebentlik zatlardı qollanıw hám spirtli ishimliklerdi ishiwdiń zıyanlı aqıbetleri boyınsha faktler tiykarında keń túsinikler berip ótti.
👉@www_karsu_uz
⚡️Geodeziya, kartografiya va kadastr taʼlim yo‘nalishi talabalari ishlab chiqarish va diplomoldi amaliyotida
Qoraqalpoq davlat universiteti Geografiya va tabiiy resurslar fakulteti geodeziya,kartografiya va tabiiy resurslar kafedrasi mudiri Ya. Xudaybergenov va o‘qituvchisi A. Primbetov, tabiiy geografiya va gidrometeorologiya kafedrasi o‘qituvchisi O. Sultasheva rahbarligi ostidagi geodeziya, kartografiya va kadastr va gidrometeorologiya taʼlim yo‘nalishlari 4-kurs talabalari O‘zbekiston Respublikasi Iqtisodiyot va moliya vazirligi huzuridagi Kadastr agentligi, Davlat kadastrlari palatasi Qoraqalpog‘iston Respublikasi boshqarmasi, Respublika Aerogeodeziya markazi Qoraqalpog‘iston Respublikasi bo‘limi, “O‘ZDAVYERLOYIHA” davlat ilmiy-loyihalash instituti “QRYERLOYIHA'” Qoraqalpog‘iston Respublikasi bo‘limi, Qoraqalpag‘iston Respublikasi Gidrometeorologiya boshqarmasi va Irrigatsiya va suv muammolari ilmiy-tadqiqot instituti Qoraqalpag‘iston hududiy markaziga borib o‘rganildi.
Batafsil
👉@www_karsu_uz
Prezidentimizdiń usı jıl 9-fevral kúni qabıl etilgen PQ-66-sanlı qararı tiykarında:
🔹Ózbekstan Respublikasınıń Qıtay Xalıq Respublikasındaǵı elshixanasında Qaraqalpaqstan Respublikasınıń ayrıqsha wákili lawazımı engiziledi;
🔹Usı jıl 1-aprelden baslap Qaraqalpaqstanǵa turistler aǵımın kóbeytiw hám olarǵa qolaylı sharayat jaratıw maqsetinde Stambul-Nókis-Tashkent hám Samarqand-Nókis-Stambul jónelisleri boyınsha avia-qatnawlar jolǵa qoyıladı.
Sonday-aq, jańadan satıp alınıp atırǵan L-410 markalı samolyotı ishki reysler ushın beriledi.
Tolıq maǵlıwmat
👉@www_karsu_uz
🖌Usı jıldıń 9-fevral kúni Prezidentimiz tárepinen jáne bir tariyxıy «Qaraqalpaqstan Respublikasın kompleks sociallıq-ekonomikalıq rawajlandırıw hám xalıqtıń bántligin támiyinlewdiń qosımsha is-ilajları haqqında»ǵı qararǵa qol qoyıldı.
❗️Usı qarar menen tek ǵana Qaraqalpaqstan ushın bir qatar imkaniyatlar berilgen. Atap aytqanda:
🔹kishi biznesti qollap-quwatlaw kompleksli baǵdarlamasına 320 mlrd. sumlıq kredit qarjıları baǵdarlanadı;
🔹«Isbilermenlikti rawajlandırıw kompaniyası» AJ tárepinen isbilermenlik subyektlerin qollap-quwatlaw ushın 50 mlrd. sum qarjı baǵdarlanadı;
🔹Sociallıq salıq tólep atırǵan ózin-ózi bánt etken shaxslarǵa «Bizneske birinshi qádem» bank plastik kartaları arqalı 5 mln. sumǵa shekemgi muǵdarda bir jıl múddetke mikroqarızlar beriw ushın kommerciyalıq bankler tárepinen 60 mlrd. sum qarjı baǵdarlanadı;
🔹Hár jılı «Keleshek kǝsipleri» joybarı sheńberinde 1 yarım mıń jaslar sanlı texnologiyalarǵa hám shet tillerine oqıtıladı. Bunda sanlı texnologiyalardı úyreniw ushın «Jaslar dápteri» fondı esabınan subsidiya ajıratıw múddeti Qaraqalpaqstan Respublikası ushın bir jılǵa shekem uzaytıladı;
🔹2024-jılda kishi sanaat zonaları, jaslar, isbilermenlik hám sanaat zonaları infrastruktura obyektleri ushın 5 mlrd. sum qarjı ajıratıladı.
👉@www_karsu_uz
