Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

20 Feb 2025 13:19

👆👆👆👆 аввалги қисмлар

#ҚАСД

26- ҚИСМ

севиниб кутиб олди.

- Али ака , биласизми бугун бизникига ким келди?

- Кимлигини айтсанг биламан-да , Райҳона, айтмасанг қаердан биламан ?

Райҳона Лолахоннинг ташрифи ҳақида тўлиб-тошиб гапириб берди.

Али уни тинглар экан, гап орасида:

- Зап сенинг кўнглингдагидек иш бўлибди-да. Хўш , ўша аёл билан яна қачон учрашмоқчисан? Аммо бир ўзинг кўчага чиқма. Фазилат опамнинг вақтларига қараб бирга борсанглар мақсадга мувофиқ иш бўлади.

Райҳона Лолахон билан учрашуви тайин бўлмаганлиги учун Алига эътироз билдирмай қўяқолди.

Эртасига Али ишга кетиб кун чошгоҳга яқинлашгач , Райҳонада Лолахонга қўнғироқ қилиш фикри туғилди.
У тезда ичкарига кирди-ю , кеча Лолахон берган, устига кондиционернинг пульти бостириб қўйилган, қоғозни олди.
Қоғоздаги рақамларни терар экан, Райҳона "Ишқилиб Лолахон опа уйда бўлсинлар-да" деб қўйди ўзига ўзи.
Лолахон кўп куттирмай рақамга уланди:

- Алло ? Қулоғим сизда !

- Ассалому алайкум , Лолахон опа, бу мен Райҳонаман. Кеча Фазилат опам билан бизникига келган эдингиз-ку , ўша Райҳона...- деди Райҳона тез-тез гапира

- Ҳаа эсладим , Райҳонахон, эсладим. Яхшимисиз , соғлиқларингиз жойидами ?

- Раҳмат , опажон. Ҳаммаси яхши,- деди Райҳона ва тўғридан -тўғри мақсадга ўтиб қўяқолди ,-
опажон, кийимларимни бичдингизми деб қўнғироқ қилаётгандим,- у шундай деяр экан ўзини Лолахонни шошилтириб безор қилаётгандек ҳис қилиб , узрҳоҳ оҳангда кечирим сўрагандек бўлди,- узр опажон, бироз шошқалоқлигимни ўзим ҳам биламан.

- Ҳеч қиси йўқ , Райҳонахон. Мен ҳозир бир жойда эдим. Уйга бир соатларга бориб қоламан.
Ҳа айтганча ... Кеча бичимини олган либосларингиздан иккитасини "примерка"га тайёрлаб қўйганман.

- Лолахон опа. Мен тўғри тушундимми ? Бир соатларда сизникига борсам бўладими ?

- Албатта , бўлмасам-чи ? Бемалол келаверинг. Ўзим ҳам йўлингизга интизорман.

Райҳона Лолахон билан телефонда учрашишга келишиб олгач , йўлга тараддуд кўра бошлади.

Лолахон Райҳонанинг ўзини уйига бу қадар тез келиши учун рағбат билдиради деб ўйламаган эди. У аслида ҳеч қаерга бормаган , шунчаки кийим бичишга ҳафсаласи бўлмаганидан бирор иш қилмаганлиги , Мухторжоннинг хаёлида қўли ишга бормаганлиги сабаб Райҳонага "Ҳозир уйда эмас эдим" дея ёлғонлаган эди.
У "Бир соатларда уйга қайтаман" деганда ҳам шу вақт ичида Райҳонага тегишли бўлган матолардан иккитасини нари- бери бичиб, унга кўрсатишни мўъжаллаган эди.

Айтилган вақтда , яъни Райҳона ўзиникига ташриф буюрганда Лолахон ўз кўзлаган режасини бир нави амалга ошириб улгурган эди.
Райҳона Лолахонларнинг уйига ёлғиз ўзи келди . У Али огоҳлантиргандек Фазилат опани ўзига ҳамроҳ қилиб олмади. Фазилат опа ишда эканлигини билган Райҳона "Лолахон опанинг уйлари бир қадам нарида-ку , шунга бировни овора қилишим шарт эмасдир" деган хаёлга борган эди.

Лолахон Райҳонани очиқ чеҳра билан кутиб олди. У ҳомиладо ҳолида куннинг иссиғи бироз таъсирлантириб лоҳаслантирган келинчакка дарровда муздек шарбат тутди :
- Дарровда ичиб юборманг, тағин томоғингиздан олиб қўймасин ,- дея мулозамат кўрсатган бўлди Лолахон унга.

Райҳона унга ташаккур изҳор қилиб шарбат ичар экан , теварак - атрофга бир сидра қизиқсиниб қараб чиқди:

- Уйларингиз шинам экан. Айниқса мана бу тут дарахти ҳовлини ўз сояси билан муздеккина қилиб турар экан,- деди у ҳовлининг ўртасида қад керган қулочга сиғмас азим тут дарахтига ҳавасланиб боқар экан.

Лолахон ҳам беихтиёр баҳорнинг охирги ойида марвариддек оппоқ мевалари билан сийлайдиган балх тутига назар ташлади:

- Ҳааа айтманг , - деди у Райҳонанинг сўзларини маъқуллаб ,- бу дарахтни ўзим ҳам яхши кўраман , бироқ кузда ярим куним хазон супуриш билан ўтади-да . Аммо ёзда айтганингиздек жоннинг роҳати.
Тагига тангадек офтоб тушмайди .

- Лолахон опа , бу ерда хўжайинингиз билан турасизми ? Фарзандингиз ўғил бола шекилли ? - Райҳона ҳовли бурчагида турган ўғил болачалар велосипедига ишора қилди.

- Адамиз Россиядалар , - Лолахон ёлғонлаётганини Райҳона сезиб қолмаслиги

@Xazon_Rezgi / 78