XazonRezgi (Official Channel)

20 Nov 2024 16:15

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Абдужаббор ака, - деди уч кундан сўнг уни ўз кабинетига чақирган Норпошша,- сизни бу ерга бежизга чақирмадим. Мен сизни шунча йиллардан буён асраб келган, юрагимни тинимсиз поралаган бир сирдан огоҳ этмоқчиман.
- Қулоғим сенда, - деди Абдужабборнинг диққати жам бўлиб, -гапиравер.
Норпошша қўлини костюмининг чўнтагига тиқиб алланима тугилган рўмолчани олиб Абдужаббор томонга сурди.
- Бу сизга тегишли.

Абдужаббор рўмолчани очиб бир вақтлар Барнога совға қилган онасининг зиракларини кўрди.

- Абдужаббор ака. Бўлиб ўтган ишларда Барно мутлоқо айбсиз эди. Унга Ҳакимга турмушга чиқишдан бошқа илож қолдиришмаган эди. Сизнинг тириклигингизни эшитгач эса қишлоққа сиғмади. Шаҳарга кетди. Кейинчалик Барнонинг изидан оила аъзолари ҳам кўчиб кетишди. Барно менга бу зиракларни топширган вақт "Вақти келганда Абдужаббор акамга ҳатто хаёлларимда ҳам ҳеч қачон у кишига ҳиёнат қилмаганимни айтиб қўйсанг" деганди.
Ака...-маҳзун ҳўрсинди Норпошша, -бу гапларни фронтдан қайтган вақтингиз айтмаганим учун кечиринг. Ўша вақтда Ҳакимни бир нима қилиб қўйишингиздан жуда қўрққандим. Ишонинг, бу сирни шунча йиллар ичимда сақлаш менга ҳам осон бўлгани йўқ...

- Мен юрак-юракдан Барнонинг айби йўқлигини ҳис қилиб яшаганман,- чуқур тин олди Абдужаббор,- негалигини айтайми? Ойим "Палаги тоза инсонлар ҳеч қачон инсонийлик чегарасидан чиқмайди" дердилар. Азиз муаллим ҳам, у кишининг рафиқаси ҳам ҳамиша чин инсон бўлишган. Палаклари тоза эди уларнинг. Бундай инсонлар энг сўнгги нафасларигача инсонийлик туйғуларига зинҳор ҳиёнат қилишмайди.

📌@xazon_rezgi /162

XazonRezgi (Official Channel)

20 Nov 2024 16:13

Бугун Абдужабборимизнинг оқланиб уйга қайтганини бирга нишонламасак бўлмайди шекилли. Ҳай майли, қаҳрамонимизнинг ҳаёт синовлари ва ташвишларини шунча вақт бирга кузатдик. Қувончли кунларидан ҳам баҳраманд бўлишга ҳақлисиз албатта...

XazonRezgi (Official Channel)

20 Nov 2024 15:37

#СЎНГГИ_НАФАСГАЧА

Муаллиф: Гулбаҳор р
Рахматуллаева (Хазонрезги)

#Орадан_уч_йил_ўтди

1949 йил 27 май

-Кунлар исиб баданга анча илиқ ўтиб қолди а? - деди бугун 27 қвадратдаги дарахт кесиш ишларига жалб этилган Анатолий, -ҳадемай ёз ҳам келиб қолади.

- Биз томонларда қулупнайга маза кириб қолган ҳозир,- ҳазин жилмайганча тамшанди Абдужаббор,- ҳадемай ҳандалак ҳам пишиб қолади.

- Ҳандалак дейсанми?- -қизиқсиниб сўради Анатолий, нима у ҳандалак ?
-Ҳандалакми? -кўзлари соғинч ила порлади Абдужабборнинг,- қовунни биласанми? Ҳа, яшша! Ҳандалак-қовуннинг боласи. Сувликкина. Жуда ширин.
Абдужаббор шундай деб овози титради:
- Анатолий ака... Уйимни бирам соғиндим-ки? Онамни, аёлимни. Айниқса ҳали бир бор кўрмаган қизалоқларимни...Уларни ҳар куни тушларимда кўриб чиқаман. Фотимамнинг ўнг қошида ҳоли бор. Зуҳрамнинг эса чап юзида кулгучи . Аёлим шундай деб ёзган.

- Қани ҳадеб сайрайвермай ишингни қилларинг?! -Абдужаббор ва Анатолий бошларида олашақшақдек чиғиллаётган назоратчи Евдокимнинг овозидан кўнгиллари беҳузур бўлди,- катта холангни чорбоғи эмас бу ер ястани-и-и-иб ўтиришларинг учун. Чаққон-чаққон қимирлаларинг. Бугун лагердаги шарт-шароитни ўрганиш учун ва уни қайта қуриш учун нақд Москванинг ўзидан катта қўмондон келган. Яна унинг олдида лаллайиб бизни уялтириб қўймаларинг.
Абдужаббор билан Анатолий азбаройи Евдокимнинг овозини эшитмаслик учун ишга шўнғидилар.
Улар Евдоким таъкидлаган "каттакон" га маҳбуслар кафтдек ялангликда тушлик қилаётган вақтида дуч келдилар. Бир четда жимгина насибаларини еб ўтирган маҳбуслар ёнларига мош рангдаги ГАЗ-67 машинаси келиб тўхтади. Ундан лагерь бошлиғи Фёдор Романов билан ҳарбий кийими ўзига ярашган басавлат генерал майор тушиб келдилар.
Абдужаббор ва яна ўттиз чоқли маҳбуслар бир қатор бўлиб тизилдилар.
-Салом . йигитлар! - ўктам овода маҳбусларга  мурожаат қилди генерал –майор, - барчангизга ёқимли иштаҳа! Қани тушликни давом эттираверинглар.
Генерал-майор жойлларига жимгина ўтириб тушликни давом эттираётган маҳбусларга зимдан назар ташлаганча лагеръ бошлиғига сўзини давом эттира кетди:

-Демак янги корпуснинг қурилишини шу ерга мўъжалляпсиз, шундайми ?
-  Хаа, -деди қўли билан чап томонга ишора қилди Фёдор Романов , энг асосий бино , яъни маъмурият биносини бу тарафга режа қилиб турган эдик. 
  -Яхши фикр . буни атрофлича яна бир ўйлашиб кўришимиз керак.
Генерал-майор аста гапирганча маҳбуслар томонга яқинлашди.

-  Маҳбус  1441!
-  - Мен !

Абдужаббор ўрнидан шаҳдам қўзғалди.

- Сен...Тўғрироғи кўк кўзларинг кўзимга жуда иссиқ қўриндинг. Айт-чи, қайси фронтда жанг қилгансан.
- Асосан Белоруссия фронтида, ўртоқ генерал-майор. Ундан сўнг...

- Тўҳта-чи?! Сен осиёликсан, шундайми?

- Ҳаа, Ўзбекистонданман.
- Мен бўлсам сени беларусь йигити деб ўйлагандим. Ёдингдами? -42-нчи йил? Гомелда сени ўзим тақдирлаганман. Ўз қўлларим билан. Ўшанда шеригинг билан унвони баланд немис офицерлари ва жуда катта қийматга эга бўлган ҳарбий ҳужжатларни қўлга киритган эдинглар. Сиз туфайли минг-минглаб инсонларнинг ҳаёти сақланиб қолинган ва фронтда туб бурилиш ясалганди.
- Сиз...
-Ҳа мен полк қўмондони Владимир Соколов бўламан. У вақтда подковник Соколов эдим.

Соколов шундай деб лагерь бошлиғига юзланди:
- Бу йигит билан ҳоли гаплашмоқчиман.

📌@xazon_rezgi /159

XazonRezgi (Official Channel)

20 Nov 2024 14:59

🔴❤️‍🔥❤️‍🔥❤️‍🔥💛💛💛 BIZ ONLAYN ISHCHI OLAMIZ✅
❤️❤️❤️
🔴ISHIMIZ QONUNIY VA SIZGA STAJ YOZILADI☑️

🔴ISHIMIZ 💯 NOʻLDAN OʻRGATILADI☑️

🔴YOSHINGIZNI MASOFANI AXAMIYATI YOʻQ❌

🔴OYLIK HAR OYDA PLASTIK YOKI NAXT KOʻRINISHIDA☑️💙💙💙

🔴KAMANDAMDA FAQAT AYOL QIZLAR☑️

🔴ENG KUCHLI YORDAMGA TAYYOR LIDERLAR☑️

🔴OYLIK 100$ 1000$gacha☑️

🔴AZO BOʻLISH TEKIN☑️
🩷🩷🩷

🔴Assalomu aleykum hurmatli ayol qizla siz ham menga oʻxshab oddiy uy bekasimisiz unda bu ish aynan siz uchun turmush oʻrtogʻidan pul soʻrolmidigan yoki aksi pul ololmaydigan oʻz ehtiyoji uchun oʻz puliga ega va farzandlaris uchun xar qanday sharoit qilib bermoqchimisiz unda kamandamga qoʻshiling bizda hich qanday aldov yoʻq qayta qayta harid ham exson kunlari bor tugʻilgan kun sovgʻalari chet el sayohatlari bu goʻzallarim judayam zoʻr imkoniyat maqsadingiz bor lekin uni amalga oshirishga mablagʻ yetarli emasmi unda menga oʻxshab uydan chiqmagan xolda bola tarbiyasi bilan shugʻullanib MILLONLAR toping ish soatini oʻzingiz belgilaysiz yani kunni istalgan paytida faqat telegram orqali ishlimiz maqsadingiz yoʻlida faqat olgʻa intiling kelajagingiz uchun 1qadamni tashlash fursati yetdi maqsadi ayol qizlarni kutaman🥰🥰😊😊😊😊registratsiyadan oʻting va MILLONLAR sari qadam tashlang😇😇🙂
Kanalga ulanish
👇👇👇👇

/channel/MMS1OQO

👆👆👆👆

XazonRezgi (Official Channel)

20 Nov 2024 12:59

Bismilloh 🌸
Assalomu alaykum Aziz Obunachilar.
Bu kanalni ochishimdan maqsad.
O'zimni Bilimlarimni Arzon va Sifatliy Narxlarda O'rgatib Siz Azizlarni Bir Soxa Va Bilim Egasi Qilish.

Kimga qaysi Soxa qiziq Bo'lsa Sotib Olish Uchun Adminkaga Murojaat Qiling.

Kurslarga yozilish uchun: 📩 @Open_Bemehir 💯

XAMMA NARSANI Qiymat Darajasi Bo'lganidek.
O'rganmoqchi Bo'lgan Soxangizni Narxi Bor.

XazonRezgi (Official Channel)

20 Nov 2024 12:08

#ЎШАНДА ...
(ҳикоя)

Назира эрта тонгдан кўзини очди . Ҳар кунги одати . Аммо айнан ана шу одатига ҳилоф равишда ҳовлига чиқмади. Ётган ўрнида ташқарига қулоқ тутди...

Ташқаридан овоз келди :
Шип , шип ... Шип , шип ...

Янги келин ҳовли супураяпти. Ҳали тонг отгани йўқ . Ғира - шира ...

"Бола бояқиш,- ўйлади Назира ,- шу совуқда дийдираб кўча , ҳовли супуриши зарилми эди ?! . Уям бировнинг жондек азиз боласи . Онаси шўрлик ҳам ҳозир менга ўхшаб эрта сахардан хаёли ёлғизгина қизига кетиб жони саракдирмикин- а ? Ҳа ,онани яратмасин экан ?!
Вой , ишқилиб ўғли чиқдимикан ? Шу тўнғичини уйқуси ўзи бўйдоқлигидан қаттиқ эди. Кеча "Эрталаблари янги келин нарса чўчимасин , сен ҳам вақтлироқ туриб келин супир- сидир қилаётганда кўз- қулоқ бўлиб тур , озгина ёрдам берсанг эт- бетинг камайиб қолмайди " деб уришганида, ўғли чуқур уф тортиб "сўфи бетини ювмасидан супургига ёпишиб бало борми ? " деди- ю , қолди балога .
Назира ўй ўйлаб охирига етмас эди. Тўйдан олдин эҳ- ҳееей қанча аёл унга "ақл бўлишга" интилди . Ҳамманинг дарди бир : "Назира бўшмиш. Келинни бошига чиқариб олармиш бу феъли - атвори билан" .
Вой аёллар- ей . Тўйгача Назирага қанча тарбия соати- ю , қанча "мастер класс" ўтиб ташладилар . Тағин барчаси текингалигини айтмайсизми ?! Йўқ , адашибмиз ?! Текинга эмас экан ! Бу билан улар кўча -кўйда Назирани қайнона қилиб тарбиялаганликлари ҳақидаги керилиш ҳуқуқини қўлга киритар ва мазза қилиб мақтанар эканлар .

- Келинга қиздек муомала қилманг , суюлиб бошингизга чиқиб олади , кейин жойига қайтара олмай жонингиз ҳалак бўлиб кетади - деди бир овсини .
Назира индамади ,аммо овсининг кўнгли учун бошини "хўп" деган маънода ирғади . Юрагида эса "Фарзандларимнинг уччаласи ҳам ўғил бўлса . Қиздек муомала қилиш қандай бўлар экан? Билмасам ..." деб хаёл қилди- ю , хаёлининг охирига етмади .

- "Келин дегани бамисли супурги, қаерга қўйсам ўша ерда туриши керак " деди кеча бир қайнона "Оталар сўзи, ақлнинг кўзи" кўрсатувида . Сиз ҳам шу сўзларни ёдлаб олинг ва амал қилинг - Бу иккинчи овсинининг кўрсатмаси.
Назира унгаям "хўп" деб бош ирғади ва ўзича "шу билан олам- гулистон" дея ўйлади .
Эҳ бу кўрсатмалар . Назира уларни эслаб қолишга қийналиб кетаяпти- ку , новдадек келиннинг бажариши ҳали қанақа бўларкин ?!
Хуллас ўғли мана шу келини билан учрашувга чиққан кунидан бошлаб Назира обдон қайнона бўлиш илмини машқ қилди. Билмади ўхшадими , йўқми ?
Бир хафталик келинчак Муслиманинг кўзларининг жовдираб туришига қараганда Назира ўз ишини яхшигина уддалаяпти шекилли .
Назира шу топда бундан йигирма беш йил аввалги вақт - ўзининг янги келинчаклик даврларини эсга олди. Ўшанда ҳам айнан мана шундай куз фасли эди. Ўшанда ҳам хазонрезги мавсуми эди. Ўшанда ҳам Назира айнан шу келинининг ёшидаги оҳу мисол ҳуркакгина келинчак бўлган эди. Ёдида ... Янги келинликнинг биринчи хафтаси . Назира серфарзанд оилага келин бўлган эди. Уларнинг нонуштасини тайёрлаб "сен е , мен е " қилиб бўлишгунча дастурхон зумда бўшаб қолар эди. Ўша куни Назира охирги чойнак чойни дамлаб кирди- ю , ўзига дастурҳонни йиғиштиришдан бошқа иш қолмаганлигини кўрди . У иссиқ чойни секин хонтахта четига қўйди-ю, дастурхонни индамай йиғиштиришга тутинди . Хонада бағир- буғур авжида , аммо негадир қайнонаси кўринмай қолган эди .
Назира ҳамма ёқни саранжомлаб бўлгач ,ўз хонасига кирди. У қайниларининг кеча ювилган мактаб формаларига дазмол уришни мўъжаллаган эди .

XazonRezgi (Official Channel)

20 Nov 2024 10:30

Сумбула ...

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

20 Nov 2024 09:40

Бир жуфт пайпоқ

Ота ўғлига икки мактуб қолдирди: «Бирини вафот этган куним оч, иккинчисини дафн этганингдан кейин», деб васият қилди. Вафот этгач ўғил илк мактубни очди. Хатда: «Ўғлим сендан бир истагим бор: мени пайпоқларим билан кўм».
Имом унинг ялиниб-ёлворишига қарамай, бу талабни қабул қилмади. Марҳумни истар-истамас пайпоқсиз кўмди. Дафн маросими тугагач, ўғил иккинчи хатни очди: «Қара ўғлим, бир жуфт пайпоқни ҳам ўзим билан олиб кетолмадим».

Рашод Нури Гунтегин

@xazon_rezgi

XazonRezgi (Official Channel)

20 Nov 2024 07:33

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

-Туззукмисан, Матлуба? Иссиғинг чиқмадими бугун? -меҳр билан сўради Абдужаббор

- Яхшиман,-кулимсираганча жавоб қайтарди Матлуба,- фақат ойижон "Бироз қувватга киргин" деб ўрнимдан туришимга изн бермаяптилар.
- Бугун иккинчи бригадаги қуриб қолган катта тут дарахтини кесиб саранжомладик. Шунга уйга келиб сендан хабар ҳам ололмадим. Аммо бир хаёлим сенда бўлаверса дегин. Ҳозир сени кўриб кўнглим ҳам ўрнига тушди. Ҳа айтганча, овқат қилдингларми? Мен ҳозир...

-Ойижон билан ош қилгандик. Менимча пишди ҳам
- Ўҳ-ҳў! Ош дейсанми? Унда мен ойимларга қарашиб юборай,- Абдужаббор кўтаринки кайфиятда ташқарига йўл олди.
- Ҳорманг, ойи?- деди у кафтини кафтига ишқалаб,- бугун ош экан-да?! Ҳиди одамни иштаҳасини қитиқлайли-я? Келинг, лаганни менга берақолинг?!
- Ҳа болам, ота бўлишингни эшитиб бошинг осмонга етдими? Менам набира суярканман деб қувончдан теримга сиғмай кетяпман,- юзларига табассум ёйилди Раҳима холанинг
Онасининг сўзларидан Абдужаббор эсанкираб қолди:
- Ҳеч нарсага тушунмадим, ойи?!Набира дейсизми? Яъни айтмоқчисиз-ки...
- Оббо қизим тушмагур-ей?! Бирам кўнгли дарё-ки бу қизни. Мен ундан суюнчи олгин десам шуниям эвидан чиқмаган шекилли- Раҳима хола шундай деб ўғлининг елкасига қоқди,- ҳа болам , Матлуба келиним оғироёқ бўлибди. Насиб қилса кузларга бориб ота бўласан.
Қани юр, болам, қолган гапни дастурхон бошида гаплашамиз.

Абдужабборнинг бахтдан боши айланарди. Ота бўлиш ҳақидаги хушхабар шунчалик умидбахш бўлса, фарзандини қўлига олганда ўзини қанчалар бахтли сезар экан-а? Худога минг шукрким унинг фарзанди тинчлик замонида туғилади. Бувиси, отаси, онасининг бағрида соғ ва ҳотиржам улғаяди.
Абдужаббор Освенцимда дунёга келиб бошлари мажақланган, челакдаги сувга чўктирилган, тийғончиқ музга улоқтирилган, тириклайин қорга кўмилган, итларга ем қилинган-ёруғ дунёга келиб кун куриб рўшнолик кўрмаган гўдакларни эслаб эти жунжикди:
"Йўқ! -қалбан ҳайқирди у,- менинг болам соғ ва саломат вояга етади. У ҳаётидан рози ва энг бахтли инсонлардан бири бўлиши керак! Шарт!".

📌@xazon_rezgi /156

XazonRezgi (Official Channel)

20 Nov 2024 07:33

Хазонрезги:
СЎНГГИ НАФАСГАЧА

Каналга уланиш 👇 :
https://t.me/joinchat/AAAAAFB59SM9yhwXJGeW_g

XazonRezgi (Official Channel)

20 Nov 2024 05:59

Эркак киши аёлини олдида ухламаса гуноҳми?

Эркак киши аёлини олдида ухламаса, яъни аёли бир ўзи хар доим ухласа эркак
кишига гуноҳми?

ЖАВОБ:👇🏼

XazonRezgi (Official Channel)

20 Nov 2024 03:00

#хайрли_тонг

🍂 Aссалому алайкум!
Чоршанба тонги муборак бўлсин

Оилангизни бахт, омад ҳеч қачон тарк этмасин.

Соғ–саломат уйғотган Роббимизга ҳамдлар бўлсин!

Бошланган янги кун, барчамизга омадли келсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

19 Nov 2024 17:52

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

1946 йил февраль

Четдан қараганда гўё барчаси ўз измига тушган, ҳаёт бир оқимда давом этаётгандек эди.

- Такасалтанг ўғлинг қани? - нонушта вақти қаҳр билан сўради Шермат раис,- яна туни билан кўчама кўча алаканинг итидек сандироқлаб юрибдими? Қачон одам бўлади бунинг ? Эл-юртни олдида мени қиа-қизил шарманда қилди-ку бу палакат! Сендан сўраяпман ўғлинг қани?

- Ич... Ичкарида... Хонасида. Ухлаяпти,- безиллабгина жавоб қайтарди Қумрихон.
- Ҳмм...- юзларидан қон қочди Шермат раиснинг,- сас-и-и-и-б ётибди дегин? Ҳей она бўлиб сен ҳам шу болага бир насиҳат қилсанг бўлмайдими бундоқ? Ё шунақа қўнқайиб у ёқ билан бу ёққа шип-шип бориб келаверасанми ?-Шермат раис ғижиниб афтини буриштирди,- туғдим деган билан ҳаммаям она бўлиб қолавермас экан-да? Туғишни ит ҳам билади!
Қумрихон нималардир деб эрига эътироз билдирмоқчи бўлди-ю, бироқ шунинг орқасидан бошига яна бир дунё гап тилаб олишини билиб тилини ютди
Шермат раис эса бас қилай демас зди:
- Сен бунақа бўзрайиб ўтирмасдан бу шўртумшуқ ўғлингга битта қиз топ. Мана бир йилдан бери сўққабош. Хотин кўрган эркак индамай кўниб юради дейсанми? Айтса, айтмаса бунинг ҳам шундоқ юргани йўқдир? Қаерда бева-бечорани кўрса сўлаги оқиб югураётган бўлиши аниқ. Ҳали шу бебилиска юришлари орқасидан битта палакатни бошламаса эди бунинг?!
Шермат раис "Ҳее ўлаа ҳамманг!" деганча эшикни бир тепиб чиқиб кетди. Унинг юраги нимадандир ҳижил, ўша ҳижилликнинг боисини топа ололмай бадтар ҳуноби ошар эди.
Шермат раис шу кетишда тўғри колхоз омборига борди. У омборхонадаги уруғлик картошкани совуқ уриб қўйишидан хавфда эди.
Ҳайриятки Ортиқалининг звеносидаги тўрт нафар йигит уруғлик картошкани қуруқ тупроқ билан яхшилаб кўмиб қўйишган экан.
Омборхонадан кўнгли тўлиб чиқиб кетаётган Шермат раиснинг йўлини қоровул Бунёд тоға тўсди:

- Шерматбой иним, сизни бир минутга мумкинми?

📌@xazon_rezgi /153

XazonRezgi (Official Channel)

19 Nov 2024 15:37

#СЎНГГИ_НАФАСГАЧА

Оқшомингиз осуда ўтсин

@xazon_rezgi

XazonRezgi (Official Channel)

19 Nov 2024 15:36

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

Кузга бориб Раҳима хола Абдужабборни уйлантириш тараддудига тушди.

- Болам, кўзим рчиқлигида тўйингни кўрсам,- деди Раҳима хола орзумандлик билан,- мени ҳам келин кўргим, набира суйгим келади. Биламан, Барнода кўнглинг бор эди. Биооқ минг афсус-ки...
Абдужаббор онасини кўп интиқ қилгиси келмади.
- Ўзингизни қийнаманг, ойи. Сиз нима десангиз шу. Кўнглингизга ёққан бир қизни танланг, мен унга уйланаман.
Раҳима хола жонланди:

- Вой болам, ўзимга ёққан қизни аллазамон танлаб қўйганман. Ҳмм!

-Дарров-а, ойи? - ҳайрон бўлди Абдужаббор,- бунчалар тез?

- Ҳа-да, болам. Мен у қизни анчадан буён кўз остимга олиб юргандим. Уни сен ҳам танийсан.

- Мен ҳам танийман?! - кулимсиради Абдужаббор,- демак у қиз қишлоғимиздан? Тўғри топдимми?
- Тўппа-тўғри топдинг! У қиз кўз ўнгингда ўсган. Синашта. Мен Қундузхоннинг қизи Матлубани айтяпман. Ўзимизнинг Матлуба бор-ку ўшани?!
Онасининг сўзларидан Абдужаббор бирдан бўшашди:
- Вой, ойи., Матлуба ҳали ёш эмасми?! Ундан кейин...
- Сираям ёш эмасда, ўғлим. Ўтган хафта ўн тўққизга тўлди.
Абдужаббор. Болажоним. Билсанг сен урушдалик вақтингда мана шу Матлуба коримга яради. Сен ҳақингда ёмон хабар тарқалганда ёнимга кириб далда бўлди. Узоқ хафталар бетоб бўлиб ётиб қолганимда қиз бола боши билан мени оқ ювиб, оқ таради, кечалари билан бошимда бедор ўтириб чиқди, оғзимга бир қошиқ иссиқ тутган ҳам шу. Абдужаббор. Сен йўғингда Матлуба сен бўлди. Мен Матлубани ўз қизимдек яхши кўраман. Ўзимча уни оғир кунларимда Яратган эгам юборган "Нажот фариштаси" бўлса керак деб ўйлаган пайтларим кўп бўлган.
Раҳима холанинг сўнгги сўзларидан Абдужабборнинг кўзлари тиниб кетди...

📌 @xazon_rezgi /151

XazonRezgi (Official Channel)

20 Nov 2024 16:15

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

1949 йил 5 август

- Фотима! Фотима-ююю! Қаердасан, қизим?! Яна сув ўйнаяпсанми? Зуҳра икковинг бир жойда ўйнасаларинг бўлмайдими?
Куним сени қидириш билан ўтади-я?! Овқат сузгунимча бир зумда йўқ бўлиб қолганиничи бунинг?

Зуҳрани бағрига босганча гапира-гапира ишком оралаб дарвозахона олдига чиқиб келган Матлуба ерга тиззалаганча Фотимани бағрига босиб тинмай ўпиб йиғлаётган Абдужабборни кўриб таққа тўхтади. У ҳам эрига тикилганча сўзсиз йиғлай бошлади...
Абдужаббор Фотимани даст кўтариб ўрнидан турди-ю бир қўлини Зуҳрага узатди. Зуҳра ҳам отасидан ётсирамай уни бўйнидан қучди.
- Абдужаббор акааа...- тили базўр айланди Матлубанинг.
- Ҳа қайтдим,- Матлубага меҳр билан тикилди Абдужаббор,- бутунлай қайтдим. Мени оқлашди
Абдужаббор шундай деб ичкарига аланглади:
- Ойим...Ойим қанилар?!
- Ойижон айвондалар. Ҳозир овқат сузиб Фотимани излаб чиққандим. Юрақолинг, улар бизни кутяптилар...

Шу куни Фаровон турмушда тўй бўлиб кетди. Колхоз раиси Норпошша Ғуломова Абдужабборни қишлоққа қайтгани суюнчисига Раҳима холанинг "Қўявер, қизим, ўзимиз қиламиз" деган хай-ҳайига қарамай катта дошқозон ўрнатиб ош дамлатди.
- Раҳима ойи, ана ўзингиз айтиб турибсиз-ку, қизим деб?! Абдужаббор акам ўзимни акам. Акам келганларига бир ҳурсандчилик қилайлик. Ойимларга ҳам тайинладим. Ҳализамон ўғлимни ҳам олиб келиб қоладилар. Кичкинтойлар ҳам бир яйрашсин.
Норпошша икки ярим йил аввал фронтдан дудуқланиб қайтиб келган қўшни йигит Муроджонга турмушга чиққан, ҳозирда бир ярим яшар дўмбоққина ўғли бор эди.
Абдужаббор ўзи қамоқхонада эканлигида қишлоқда шунча ўзгариш бўлиб кетганлини билиб ҳайрон қолди, зеро қамоқхонага оила аъзоларидан фақат ҳол-аҳвол сўралган хатлар киритилар, ортиқча воқеа-тафсилотлар ҳақида хабар ёзиш манъ қилинган эди.
Шермат раиснинг ўлимидан сўнг қишлоқ аҳли бир овоздан Норпошшани раис қилиб сайлашибди. Шундан буён Норпошша қишлоқ аҳлининг оғизида "Опа" деган номни олган экан. Бир икки хазилкаш тенгқурлари эса уни ўзига "Норпошша ака" дея мурожаат қилар эмиш.
Абдужаббор янада ўктам, мард ва забардаст кўринган бу аёлга қараб завқи келди, кўнгли кўтарилди. Юрак-юракдан у билан фахрданди.
Шермат раиснинг тақдири ҳақида эшитиб эса тақдирнинг адолати олдида лол қолди.
Уни ўз пуштикамаридан бўлган ўғли Ҳаким кайфда пичоқлаб қўйибди. Қўшнилар ўша куни Шермат раисникида бўлган тўполонда раиснинг "Иккинчи оёғингни ҳам синдириб майиб қиламан" деган дағдағасини эшитишган экан. Ҳаким ҳозир Тошкентдаги руҳий ҳасталар шифохонасида эмиш. Орқаваротдан етиб келган гап-сўзларга қараганда Ҳаким тиббий комиссия томонидан кишилик жамияти учун хавфли деб топилганмиш. Энди у шифохонада бир умр шифокорлар назоратида бўлар эмиш. Қумрихон билан Ҳайдаралини қишлоқ аҳли ўз ҳолига ташлаб қўйишмабди. Қумрихон Норпошшанинг ўрнига унинг звеносида звеновой бўлиб ишлаётган экан. Бир ойча аввал Ҳайдарали ўзининг суйган қизи- шу қишлоқлик Салим устанинг қизига уйланибди.

📌@xazon_rezgi /161

XazonRezgi (Official Channel)

20 Nov 2024 15:39

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Сени Ватан хоини деган айблов билан шунча йилга ҳукм қилганларига ҳеч тушуна олмаяпман,- деди Соколов қошлари уюлганча,- қани тафсилотларни батафсил гапириб бер-чи?
-Ўша сиз билан бўлган учрашувдан сўнг кўп ўтмай вазият тақозоси билан партизанлар сафига қўшилдим. Куз ойида эса... Хатиндаги немис офицер ва солдатларини овқатдан оммавий захарлангани ҳақида эшитганмидингиз?
- Ҳа! Ҳа! - жонланди Владимир Соколов,- оббо шоввоз-ей! Ўша ишда ҳам қўлим бор дегин?!

-Ҳа... Асирга ҳам айнан ўша операция чоғида тушиб қолган эдим. Кейин Освенцимга олиб кетилдик. У ерда бир йилча бўлгач, Шиндлернинг корхонасига жўнатилдим. 1944 йилнинг кузида эса корхонадан кетиб ўзимизникиларга қўшилдим. Ғалабани Берлинда кутиб олдим.

- Шунча бўлиб ўтган ишлардан сўнг мукофотим шу ер бўлди дегин?
Абдужаббор чуқур тин олди :
- Барчаси жуда тез бўлиб ўтди. Мени уйдан олиб кетишлари ҳам, суд жараёни ва ҳукм чиқарилиши ҳам, энг қисқа фурсатларда бу ерга келтирилишим ҳам.
Энг асосийси эса менинг хоин эмаслигимни тасдиқлайдиган бирорта гувоҳим бўлмади. Освенцимда ўтказган қора кунларим ватанимга қадар таъқиб қилиб келди. Мен эса унга қарши ҳеч қандай чора кўра олмадим.

- Ғам чекма, йигит! - Абдужабборнинг елкасига дўстона қоқди Соколов, - мана мен бўламан сенинг гувоҳинг! Қанча маълумот, қанча далил керак бўлса менда бор. Насиб қилса тез кунларда ватанингга қайтиб борасан. Бу сафар ҳақиқий қаҳрамон бўлиб.
Шуни унутма-ки, олтинга ташқаридан ҳар қанча таъсир кўрсатмасинлар, унинг қийматини туширишга уринмасинлар у ҳеч қачон зангламайди. Темирга эса ҳарчанд оро бермасинлар унинг занглаш ҳусусиятидан асраб қолиб бўлмайди...

Владимир Соколов билан бўлиб ўтган суҳбатдан сўнг бир ой ўтиб Абдужабборнинг бўйнидаги барча айбловлар олиб ташланди.

📌@xazon_rezgi /160

XazonRezgi (Official Channel)

20 Nov 2024 15:35

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

Тунга ҳамоҳанг қоп-қора эмка Абдужабборни аввал район марказига, у ерда икки соатча бўлишгач эса тўғри Тошкентга олиб кетди. Абдужаббор қишнинг иззиллама тунида уйдан эгнига илиб чиққан тўнига ўралганча қунишиб борар, ёнидаги ходимлардан ўзига қандай айблов қўйилгани ҳақидаги саволларга жавоб ололмай асаби борган сайин таранглашиб борар эди.
Абдужаббор ўзига қўйилган айблов ҳақида эртаси куни кун ёришганда хабар топди.

" Ватан хоини! "

Нақадар аянчли айблов...

НКВД терговчиси майор Ҳомид Усмонов Абдужаббор билан бўлган илк тергов жараёниданоқ у кабилардан қаттиқ нафратланишини яшириб ўтирмади:
- Шамол бўлмаса дарахтнинг барги қимирламайди. Сенинг бу ерга олиб келтирилганинг бекорга эмасдир. Сенга битта маслаҳат: яхшиси бор айбларингга ўзинг чин дилингдан иқрор бўл. Бу айблов юзасидан чиқариладиган ҳукмни бирмунча енгиллаштиради.

Абдужаббор қилмаган қайси айбини тан олиши керак эди?!

Тинимсиз елиб-югуриш, уринишлардан сўнг амакиваччасининг Тошкентдаги ҳибсхонада сақланаётганидан хабар топган Абдулатиф Абдужабборнинг суди бўлаётган куни пойтахтга етиб келди. Ва ёпиқ тартибда ўтказилган суд қароридан кечга бориб хабар топди:
-1942-1944 йиллар давомида душман ихтиёрига асир тушган Абдуқодиров Абдужаббор Абдуқаюмович ўзига қўйилган айбловга қарши рад этувчи ҳеч қандай, дадилларни келтира олмаганлиги сабабли, унинг ҳатти-ҳаракати давлатга нисбатан хоинлик сифатида баҳолансин ва унга нисбатан 18 йиллик қатъий режимдаги қамоқ жазоси тайинлансин! Ҳукм қатъий, шикоятга ўрин йўқ!
Абдужабборни эртаси куни тонгдан жазо муддатини ўташ учун Россиянинг Свердловскдаги қамоқхоналар ва лагерлар ГУЛАГ (Главное управление лагерей) тизимининг бир қисми сифатида 1930-йилларидан бошлаб фаолият юритган ва минглаб маҳбуслар сақланган Свердловск лагерига жўнатдилар.

Абдулатиф ортига шумхабар ва бўш қўл билан қайтди.

Раҳима хола ва Матлуба қишлоқда бўзлаганча қолиб кетавердилар...

Шу бўйи Абдужаббор яна дому дараксиз кетди...

Кузнинг ўртасига бориб Матлуба эгиз фарзанд кўрди. Қизалоқларга Фотима ва Зуҳра дея ном бердилар...

📌@xazon_rezgi /158

XazonRezgi (Official Channel)

20 Nov 2024 13:31

Бир киши ҳайвонот боғи очиб, унга кириш нархини 200 доллар қилиб белгилабди. Аммо, неча кун ўтмасин, негадир ҳеч ким унга киришни хоҳламабди. У киши нархни 100 долларга туширибди, аммо ҳайвонот боғига ҳеч ким келмасмиш. Нарх 50 долларга пасайтирилибди. Шунда ҳам бирорта меҳмон бош суқмабди.

Шундан кейин ҳайвонот боғининг эгаси унга киришни бутунлай бепул қилибди. Ичкари одамлар билан тўлгач, у қафасдаги шерни қўйиб юборибди ва чиқиш нархини 500 доллар қилиб белгилаб қўйибди.

Қиссадан хисса шуки, ҳар хил бепул, текин нарсалар ҳақида эшитсангиз, дарров чув тушманг, балки улар ҳам шерни қафасдан чиқариб, сизни кутиб туришгандир...

@xazon_rezgi

XazonRezgi (Official Channel)

20 Nov 2024 12:08

​#давоми

Назира энди бир сидра кийимга дазмол босган ҳам эдики , ортидан оҳиста "болам" деб чақирилган товушни эшитган эди ўшанда. Хаёл олиб қочган экан , чўчиб тушганди. Кейин эса ўгирилиб қайнонасини кўргач, ўз ҳолатидан уялиб "лавлагиси чиқиб" кетганди.
Базўр "келинг , ойижон" дея олган эди , халос .
Бир хафталик қайнонанинг аҳволи уникидан кам эмас эди. У хам дув қизариб қўлидагини тортинганча Назирага узатганди ўшанда:

- Болам , мана буни еб олинг. Дазмолни кейин қиласиз.

Шундагина Назира қайнонаси қўлидаги тақсимчада иккита чала қилиб қовурилган тухум ва тўртта япроқ қилиб кесилган бўлка нонни кўрган эди. Назира эътироз билдиришга улгурмай қайнона - онаси шарт ортига бурилиб хонадан чиқиб кетган эди.
Назира ҳозир қайнонасининг ўзига биринчи маротаба таом илинган кунини эслар экан , ширин тамшаниб қўйди, димоғига ўша - бундан йигирма беш йил олдинги қўлига тутқазилган қовурилган тухумнинг ҳиди келиб кетди . Қайнонаси бу одатини неча йиллар канда қилмади . Хатто орадан йиллар ўтиб уйи - жойи бўлак бўлганида ҳам ,унинг "Болам " деб... неларнидир енг учида илиниб келиш одати йўқолмади. Шуларни эслар экан , Назира юраги дукурлаганча шивирлади "Ўзимнинг Ойижоним"...
Бирдан Назиранинг кўнгли ёришиб кетди . Шунча кундан буён "зўр қайнона " бўлишга қаратилган ҳаракатини энди йиғиштирса ҳам бўлиши кераклигини англади. У зўр қайнона бўлиши шарт эмас , шунчаки "ойижон"исига ўхшаса бўлди экан ...

- Болам ...

Ҳовлидаги супуриндиларни ахлат челакка солаётган Муслима ялт этиб бошини кўтарди . Дик этиб қаддини ростлади . Беихтиёр қўлини кўксига қўйди :

- Лаббай, ойижон ...

- Қўлингизни чайинг-да , бу ёққа қараворинг ...

Назира ортига бурилди .

Бир оздан сўнг хонага кирган Муслима ҳайрон бўлди . Назира уни қўярда - қўймай дастурҳон атрофига ўтказиб , нонушта қилишга "мажбурлар" эди .

- Уялмасдан катта- катта енг . Ҳали ишимиз кўп . Бугун бир қовоқ сомса қилайлик . Кейин ,- Назира куни кеча кўрган муштипар-ҳокисорини эслаб энтикди - кейин ойижонни кўриб келамиз . Улар қовоқ сомсани жуда яхши кўрадилар ...

Муслима ҳам шу топда қайнонасинин юзига бунчалик офтоб балқиб кетишига сабаб бўлган "Қайнона - бувижон" ни яхши кўриб кетди ...


Муаллиф : Хазонрезги

Муаллиф номини ўчирманг❗️

Каналимизга обуна бўлинг👇
https://t.me/joinchat/AAAAAFB59SM9yhwXJGeW_g

XazonRezgi (Official Channel)

20 Nov 2024 10:59

Tug'ruqxonada tug'ruqdan so'ng uch kishilik palataga ko'chirishdi. Xonada farzandli bo'lgan onalar bor edi. Bir ona esa tug'ilganiga endi bir kun bo'lgan go'dagini qarg'ardi.
-"O'chir ovozingni, kasofat, bolani qattiq siltaydi. Bola qattiq yig'laydi.
-Nega bolangizni qarg'aysiz?! U hali go'dak bo'lsa...gapim og'zimda qoldi.
-Sizga nima? Tug'ilmayam o'lsin, uchinchisi, buyam qiz bo'ldi, erim ajrashaman dedi.
-Tavba deng. Insofingiz bormi? Allohning ne'matini ham shuncha uvol qilasizmi? Axmoq ekansiz, eringiz ham g'irt axmoq! Jannatni ham oyoq osti qilarkanmi?...- hanuz jahlim bosilmasdi..
- Muncha aql o'rgatdingiz, juda mehribon bo'lsangiz qani bolangiz? Qaramaysiz, yoningizdamas..??? Davomini o'qish

XazonRezgi (Official Channel)

20 Nov 2024 09:59

😱Farzandingizga telefon berib, uning rivojlanishida orqada qolishiga sababchi bo'lasiz

Ko'p vaqtini ekran qarshisida o'tqazadigan bolalar nutq, motorika va ijtimoiy moslashuvda muammolarga duch keladi. Ular o'ziga ishonmaydigan, yopiq xarakterli bo'lib ulg'ayadi.

Bunaqa holat bo'lmasligini oldini olish mumkun!

Kuniga atiga 30-40 daqiqa bolangiz bilan o'yin o'ynasangiz kifoya. «Baxtim farzandim» kanalida eng qiziqarli va noodatiy o'yinlar to'plami bundan tashqari bolalar uchun retseptlar, bola tarbiyasi uchun maslahatlarni topasiz

Baxtim farzandim kanaliga obuna bo'ling va farzandingiz salohiyatini maksimal darajada rivojlatiring!

XazonRezgi (Official Channel)

20 Nov 2024 07:33

#СЎНГГИ_НАФАСГАЧА
Муаллиф: Гулбаҳор Рахматуллаева (Хазонрезги)

Абдужаббор уйга кириб келганда юзлари янги хабар таъсирида қувончдан ўзгача жилоланиб турарди.
Матлуба эрининг бор гапдан хабар топганини ҳис қилиб уялганча ерга қаради.
-Келақол, болам. Онанг ўргилсин сенлардан,-дастурхон бошида Раҳима хола дуога қўл очди,- қани омин! Келаётган болам отали-онали, изли-қутли, ризқли-насибали бўлсин. Қодир эгам гўдаккинамни ўз сутига эга қилсин. Матлуба қизим уни эсон-омон бағрига босиб олсин. Мен ҳам қариган чоғимда сизларни роҳатларингни кўрай. Ортимда қолинглар илойим. Аллоҳу акбар...

Оила аъзолари энди бир-икки ошам ошдан еган ҳам эдилар-ки, кўча дарвозасининг шитоб билан тақиллагани эшитилди.

- Шу пайтда ким бўлса экан?
Онасининг саволига Абдужаббор ҳотиржамлик билан жавоб қайтарди:
- Ҳозир биламиз-да, ойи? Бориб хабар олай-чи?
Абдужаббор устига тўнини ташлаб кўчага чиққанда кўзи бири граждан, иккинчиси ҳарбий кийимдаги кишиларга тушди:
- Ассалому алайкум. Келинглар хизмат?!
- Абдуқодиров Абдужаббор шу ерда яшайдими? -ҳарбий кийимдаги эркак Абдужабборнинг саломига алик олмай совуққина сўради.
- Ҳаа, -ҳайрон бўлганча жавоб қайтарди Абдужаббор,- Абдуқодиров Абдужаббор мен бўламан.
- Биз НКВД ходимлари Улуғ Ашрапов ва Аҳрор Лутфуллаевлар бўламиз,- Абдужаббор уларнинг ой нурида кўрсатган шахсни таслиқловчи ҳужжатларига кўзи ўтмади,- ҳозир биз билан кетишингизга бирга тўғри келади.
-Тинчликми, нима гап?!
- Борганда биласиз! - қуруққина жавоб қайтарди Лутфуллаев деганлари

- Яхши, унда мен ойимлар ва вёлимни бир оғиз огоҳлантирай.

- Бунга ҳожат йўқ. Зудлик билан кетишимиз керак.
- Ҳа болам, ким экан?! Меҳмонни уйга таклиф қилмайсанми?
Абдужаббор дарвозахонадан эшитилган онасининг овозини эшитиб уни ҳотиржам қилишга шошилди:
- Ойи! Мен иш билан бир жойга бориб келишим керак экан.Сизлар ҳавотир олманглар. Бемалол дамингизни олаверинглар.
- Ҳаҳ, болам-а?! Ишинг ҳам бор бўлсин,- кўнгли тинчиб сўзланди онаизор,- майли борадиган жойингга эсон-омон бориб келгин.

-Хўп, Ойи...

Абдужаббор ҳар икки ходим ҳамроҳлигида ГАЗ-М1 русумли "эмка" хизмат машинасига ўтирди. Гарчи у гап нимада эканлигини билмаса-да, НКВД ходимларининг "йўқлови" яхшиликка олиб келмаслигини қалбан ҳис қилар ва бунга сайин тобора дили сиёҳ бўлиб борар эди.

📌@xazon_rezgi /157

XazonRezgi (Official Channel)

20 Nov 2024 07:33

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

Шўртак қурт дейсанми,  қизим?!  - кутилмаганда юзлари ёришиб ҳурсанд бўлиб кетди Раҳима хола,- вой қурт сендан айлансин-а , ҳозир сенга ўзим бир халтасини топиб келмасамми? 

   Матлуба  қайнонасининг нима учун бунчалар ҳурсанд бўлиб кетганига ҳайрон бўлди.  Раҳима хола нимчасини эгнига илганча  шошилиб ташқарига чиқиб кетди. 
   Орадан бир соат ўтар-ўтмас ўзи айтгандек бир халта эмас,  аммо бир ҳовучча чиқадиган қурт топиб келди.

  - В-о-о-ей?!  - деди у кулимсираганча,  -бир вақтлар шу қуртларга одам зоти қиё боқмасди. Ҳозир бирам тансиқ бўлиб кетибди-ки?  Қандан қаёққача бориб келибман-а шу бир ҳовуч қуртга?!  Айтишади-ку,  бир хор бўлган бир азиз бўлади деб.  Сен буларни еб турчи,  тугагунча яна топиб келаман. Жуда бўлмаса Абдужабборга айтамиз. 
Матлуба бир дона қурт олиб ҳузурланиб шима бошлади:
- Олинг, ойи, сизам.
Раҳима хола Матлубага меҳр билан тикилди:
- Ўзинг тўйиб, тўйиб еб ол, болам. Юкли аёл кўнгли тусаган нарсасини тўйиб-тўйиб ейиши керак.
- Юкли аёл дейсизми, ойижон?! У дегани...-оппоқ юзлари дув қизарди Матлубанинг.
- У дегани ҳадемай фарзандлик бўласизлар дегани, болажоним. Ҳали Абдужаббор келиб бу хабарни эшитса борми?
Мен яхшиси унинг қайтишига чиройли қилиб бир ош дамлаб қўяй.
-Ойижон, ўзим дамлайман ошни,- ўрнидан қўзғалди Матлуба
- Ҳеч-да, - бош чайқади Раҳима хола,- сен ётиб дамингни ол. Ошнинг ҳаракатини ўзим қиламан.
- Йўқ деманг, ойижон. Ўзимни анча яхши ҳис қилаяпман.
- Майли болам. Унда сабзи-пиёзни шу ерга олиб келаман. Шу ерда арчиб тўғраб оламиз. Совуқда кўчага камроқ чиққин хўпми?!
Ош дамланган вақтга Абдужаббор ҳам келиб қолди.
Раҳима хола Матлубага "Айт!" дегандек им қоқди-ю, ўзи ўчоқбошига йўл олди.


@xazon_rezgi /155

XazonRezgi (Official Channel)

20 Nov 2024 06:32

Тарих “Хатоси”

Тўққизинчи аср. Муҳаммад ал – Хоразмий алгебра фанига асос солди.
Ўнинчи аср. Абу Наср Фаробий Аристотелнинг “Метафизика” асарига энг мукаммал шарҳ ёзиб, “иккинчи устоз” унвонини олди.
Ўн биринчи аср. Абу Райҳон Беруний Ер билан Ой ўртасидаги масофани ўлчади. Ибн Сино медицина Қомуси – “Тиб қонунлари”ни яратди.
Ўн тўртинчи аср. Соҳибқирон Амир Темур Евроосиёнинг ярмини тасарруфга олди. Аҳли илм бошини силаб, ўлмас обидалар яратди.
Ўн бешинчи аср. Улуғбек 1019 юлдузнинг ҳаракат жадвалини тузди. Алишер Навоий ўлмас “Хамса”сини ёзди.
Ўн олтинчи аср. “Бобурнома” оламга тарқалди.
Ўн еттинчи аср. Шоҳ Жаҳон дунёдаги етти мўжизанинг бири – “Тожмаҳал”ни бунёд этди.
Йигирманчи аср. Ўзбек – совет олимлари мисли кўрилмаган “ихтиро” қилдилар: тарих “хато”сини тузатиб, ўтмишда биз ёппасига “саводсиз” бўлганимизни исботлаб бердилар...

Ўткир Ҳошимов “Дафтар ҳошиясидаги битиклар”


/channel/xazon_rezgi

XazonRezgi (Official Channel)

20 Nov 2024 04:59

⁉️ САВОЛНИ ЖИННИСИ 😁

Биз уни хар куни 2 маротаба татиб кўрамиз лекин емаймиз 🤔

Савол: У нима?

Ха сиз топдингиз, лекин буни текшириб кўриш керак 👇

ТЎҒРИ ЖАВОБ 👈

XazonRezgi (Official Channel)

19 Nov 2024 17:52

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

-Тинчликми? -қошлари чимирилди Шермат раиснинг,- нима гап?!

- Шу десангиз,- атрофга ўғринча бир аланглаб олиб овозини пасайтирди Бунёд тоға,- биласиз сиз билан неча йиллик қадрдонлигимиз бор. Шунинг ҳурмати юзасидан...

- Мақсадга ўтинг, Бунёд ака,-деди Шермат раис "Вақтимни олманг" деган маънода,- биласиз ҳар бир дақиқам ҳисоблолиғ.
- Биламан, биламан, иним. Аммо шоҳига болта урса туёғи зирқирайди деганларидек сизнинг шаънингизга келадиган ҳар бир гап мениям, четлаб ўтмайди. Хуллас гап шундаки, кеча бу ерга ишлашга келган йигитларнинг ўзаро гапларининг бир учи қулоғимга чалиниб қолди. Улар биргалашиб райком бовага боришмоқчимиш.
- Нима учун?!- Шермат раиснинг диққати жамланди.
- У йигитлар райком бовадан сизни раисликдан олиб ўрнингизга Абдужабборни қўйиб беришни сўрармишлар.
- Шунақа денг?!- ғазаби қайнаб кетди Шермат раиснинг,- нима мен уларнинг чучварасини хом санабманми? Ё оналарини талоқ қилибманми?! Айбим нима экан?
- Улар "Ҳозир чиройли муомала билан иш юритадиган замон. Бу раис ўз кўнглида Амир Олимхон. Ҳаммага боқиб олган боласидек баланддан келади. Энди бунақа муомалани замон кўтармайди.Бизга уруш кўрган, қон кўрган Абдужаббордек фронтовик одам маъқул . У ёш бўлсаям ўзини босиб олган. Кекса-ю ёшни кўнглини бирдек ола билади. Колхозимиз ҳам унинг қўл остида гуллаб яшнаши аниқ" дейишди.
- Зўр гап бўлибди! -кўзлари совуқ йилтиради Шермат раиснинг,- майли Бунёд ака, қўяверинг. Ўзим ҳам "Раисликдан бўшасаммикан" деб юргандим. Ит тинади, қуш тинади, менда тиним йўқ. Ҳамма хотинини қучоғида иккинчи уйқуни уриб ётганда мен бутим бичилиб райкомда ҳисобот топшириб, камига гап эшитиб ўтирган бўламан.
Йигитлар тўғри ўйлашибди. Амал курсиси билан тобутнинг эгаси бўлмайди дейишади. Менгаям бу амални боғлаб қўйган жойи йўқ. Керак бўлса райкомга боришларига ҳам ҳожат йўқ. Ўрнимни Абдужабборга ўзим жон-дилим билан бўшатиб берганим бўлсин.
- Йўғ-ей, ундай қилманг, Шерматбой?! Бу фикрингиз ярамайди. Қайтинг бу фикрингиздан?!

Шермат раис Бунёд тоғанинг елкасига дўстона қоқиб қўйди-ю, ортиқча бир сўз демай шаҳдам қадамлар билан омборхонани тарк этди.
У ташқарига чиққач афти буришиб оёқ остига чирт этиб тупурди:
"Кўнгиллари раис бўлишни тусаб қолибдими бу жинқарчани!?-ўйлади у нафрат билан,- э нотовон кўнглингга қўтир жомашов. Сен лакалов ким билан ўйнашаётганингни билмаяпсан шекилли. Кетим билан битта боссам қайтиб ўнгланмайдиган бўлиб инжириғинг чиқиб кетади. Ҳали Шермат раисни ўзингга тенг кўрадиган бўлиб қолдингми, мишиқи?! Шошмай тур... "

🔳 🔳 🔳

Бир неча кундан буён Матлубанинг тоби йўқ. Ҳали дағ-дағ қалтираб танасига иссиқ ўтмайди, ҳали бошидан оёғигача ёниб лоҳас бўлиб қишнинг кунида эшик-деразаларини бараварига очиб бутун уйни музлатиб юборади. Бугун эрталабдан қаддини қўтара олмай тушликка овқат солишгаям ярай олмади.
-Матлуба, сенга ўзим бир қайноққина мастава пишириб берай,- деди Раҳима хола келинининг оппоқ оқариб кетган юзларига ачинганча қараб, - қатиқ, мурчлаб ичиб дув-дув терласанг ўзингга келиб қоласан.
- Ойижон, овора бўлманг,- инқиллади Матлуба,- овқат ичгим келмаяпти. Овқатни ўйласам кўнглим айниб кетяпти. Ундан кўра икки дона шўртаккина қурт бўлса қанийди?!

📌 @xazon_rezgi /154

XazonRezgi (Official Channel)

19 Nov 2024 17:00

ЖАННАТДА ЭРКАКЛАРГА ҲУРЛАР
АЁЛЛАРГАЧИ ?

🌙 Жаннатда эркаклар учун ҳурлар вада қилинган. Аёлларга ҳукм қандай , эркак ва аёл эр-хотин бўлмайдими ?

ЖАВОБ👇

XazonRezgi (Official Channel)

19 Nov 2024 15:36

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

Нажот фариштаси...

Аҳир Абдужабборнинг ҳаётини сақлаб қолган фидокор Алена ҳам ўзидан яхшилик кўрган инсонлар томонидан шу номни олган эди.
Бу ёқда эса Матлубани онаси шу ном, билан сийлабди. Демак,  Матлуба ҳам Аленадек чин инсон бўлиб етишибди-да?! 
   - Ҳа болам,  ўйланиб қолдинг?  - ўғлига ташвишли тикилди Раҳима хола,- ё танловим сенга маъқул келмадими? 
   Абдужаббор бош силкиди: 
   - Ундай эмас,  ойи.  Сиз нима десангиз шу.  Фақат Матлубангиз рози бўлса бўлди.
   - Нага рози бўлмас экан,  болам?  - эрка овозда ўктамлик билан жавоб қайтарди Раҳима хола,  -мени боламнинг кимдан кам ери бор экан? 
     - Шуни айтинг,  ойи?!  -кайфияти кўтарилди Абдужабборнинг ҳам,- сизнинг ўғлингиз қандоқ-ки? 

🔳 🔳 🔳

Раҳима холанинг овсини Сабоҳатни ёнига олиб совчиликка чиқиши Қундузхонни шошириб қўйди. У Абдужаббор учун қизлари Матлубани сўрашлари мумкинлиги ҳақида сира ўйлаб кўрмаган экан. Аммо тезда ўзини қўлга олиб "Менга қолса қизимни берсам сиздек инсонларга бераман-да. Бироқ уни бошида отаси бор. У кишининг юзларидан ҳатлаб ўтиб бирон сўз айтолмайман. Қолаверса Матлубанинг кўнглига ҳам қарашимиз керак. Турмуш ўртоғи билан бир умр муроса-ю мадора қиладиган унинг ўзи" деди.

Матлуба эса...
Қизгина эса бу вақтга келиб Абдужабборга аллақачон кўнгил қўйиб улгурган, бироқ ҳисларини юрагини туб-тубида ҳаммадан пинҳон сақлар эди. Унинг юрагидаги муҳаббат куртаклари илк бор ўша Абдужаббордан "Бедарак кетган" деган хабар келганда ва орадан кўп ўтмай Барнонинг Ҳакимга турмушга чиқиши ҳодисаси билан бошланган эди.
Орадан икки йил ўтиб Абдужабборнинг дараги чиққанида дунёларга сиғмай қувонган ҳам шу Матлуба эди. Йигит фронтдан қайтганда эса Матлубанинг оёқлари Раҳима холаникидан тортилди. Қиз Абдужабборга дуч келса кўзлари юрагининг тўридаги ҳисларни ошкор этиб қўйишдан қаттиқ чўчир эди.
Раҳима холанинг совчи бўлиб чиққанини эшитган қизнинг отаси гапни чўзиб ўтирмади:
-Қизим нима леса шу...
Матлуба эса "Ўзларингиз биласизлар" деган чиройли жавоб орқали Абдужабборга турмушга чиқишга розилигини билдирди.
Орадан ўн кун ўтиб сентябрнинг илиққина хушҳаво оқшомида Абдужаббор ва Матлубанинг тўйлари бўлиб ўтди.
Чимилдиқда Матлуба билан ёлғиз қолган Абдужаббор қизнинг юзидаги рўмолини кўтариб илк бор унга зимдан разм солди.
- Ииеее? Бу нимаси?!- сўради Абдужаббор ҳайрон бўлган овозда.
Матлуба ўтирган ўрнида бир сапчиб тушди:
- Ҳа менга бир нарса бўлибдими?
- Ҳаа,- кўзларини тўлдириб қаради Абдужаббор,- мен билган пучуқ қиз қани? Унинг ўрнида сочлари қирқкокил ўрилган, юзлари сутга чайиб олингандек оппоқ, қош-кўзлари пиликдек, лаблари ғунча бир пари қиз ўтирибди.
- Ёқмадими? - кулимсираб бурнини қийшайтирди Матлуба
- Ёқди,- жавоб қайтарди Абдужаббор ҳам жилмайганча ,- айниқса мана шу бурнини қийшайтириши. У менга пучуғимни эслатиб юборди.
Абдужаббор шундай дея туриб жиддий тортди:
- Матлуба! Сенга катта раҳмат. Мен йўғимда ўрнимни босиб онамга қиз бўлиб турганинг учун. Синовли кунларида ёнларида далда бўлганинг учун. Барча-барчаси учун раҳмат. Сен... Сен менинг фариштамсан... Дунёдаги энг кўнгли тоза фаришта...

Матлуба Абдужабборга жавоб қайтармади. Унинг юзлари бахтдан лов-лов ёнар эди.

📌@xazon_rezgi /152

XazonRezgi (Official Channel)

19 Nov 2024 15:35

#СЎНГГИ_НАФАСГАЧА

Муаллиф: Гулбаҳор Рахматуллаева (Хазонрезги)

- Келинг, Шерматжон! Айвонга ўтинг!
Ҳовлида Абдужаббор билан бағир бериб кўришаётган Шермат раис қўлини кўксига қўйди:
- Келаси сафар, опа! Ҳозир жуда вақтим зиқ. Бир соатда райкомда партбюро бошланади. Биласиз партбюрога кеч қолиш мумкин эмас. Аммо лекин геройимизни бир кўриб кўтмасам бўлмасди. Оббо азамат-ей?! Шундай қилиб тегирмондан бутун чиқибсан-да?! Яша, шоввоз?!- Шермат раис Абдужабборнинг елкасига дўстона қоқиб қўйган бўлди,- эндиги режаларинг қандай?
Абдужаббор "Билмасам" дегандек елка қисди.
- Бу фронтовик одамнинг жавоби эмас,- деди раис унга синчковлик билан тикилиб,- агар ҳали аниқ режаларинг бўлмаса сени эртага колхоз правлениясида кутаман. Қолган гапларни ўша ерда гаплашамиз.
Шермат раис хайрлашиб чиқиб кетгач Абдужаббор онасига маъноли тикилди. Унинг қарашларини ўзича, тушунган Раҳима хола ўғлига далда берган бўлди:
- Қўявер, болам... Яхшиниям, ёмонниям- ҳаммамизнинг Худойимиз бир. Сен Худо дегин-у қолган барчасини Яратганнинг измига ташлаб қўявер. Яратган эгам чевар зот. Бандалари учун нима хайрли эканлигини ўзи билади...

Шундай қилиб Абдужаббор Қизил деҳқон колхозида кетмончилик қила бошлади.
Ишга чиққанининг эртасига у далада Норпошшани учратиб қолди.
- Норпошша , ўзингмисан?
- Ассалому алайкум, Абдужаббор ака. Ўзимман ака, ўзиммман. Мен бўлмай ким бўлсин?
- Ваалейкум ассалом, синглим. Узр анчадан буён кўрмаганимга танимай қолибман. Ундан кейин ўзинг ҳам анча ўзгарибсан.
- Яхши тарафгами, ишқилиб? Йўқ дея кўрманг, нақд хафа бўламан-а? - шарақлаб кулди Норпошша .
-Албатта яхши тарафга-да, -майин жилмайди Абдужаббор,- гапим рост. Қалай юмушлар билан чарчамаяпсанми, Пошшахон?

- Чарчаш йўқ, ака. Мана кетмонни қурол қилиб ернинг додини бериб ётибмиз.
- Ҳафсалангга балли, синглим! Фақат ернинг додини бериш эмас, тилини топиш керак. Ерга меҳр берсанг, ер сени боқади
Норпошша жиддийлашди:
- Гапингиз рост, Абдужаббор ака. Ҳақиқатда ҳам шу ер уруш вақтида бизни едирди, ичирди, кийинтирди.
Норпошша билан Абдужаббор дала юзида яна бир муддат гаплашиб қолдилар. Суҳбат орасида Норпошша Абдужабборга бир неча бор Барно ҳақида гапиришга чоғланди-ю, бироқ ўзини босди. Орага Барно мавзуси қўшилмай уларнинг ҳар иккиси хайрлашиб ўз йўлларига кетдилар.

📌@xazon_rezgi /150