Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

15 Oct 2024 17:21

#СЎНГГИ_НАФАСГАЧА
Муаллиф: Гулбаҳор Рахматуллаева (Хазонрезги)

Хўўўп, акааа! Ҳотиржам бўлинг! Раҳима, холамлардан хавотир олмааанггг!

   Кўп ўтмай Матлубанинг овози эшитилмай қолди.
   Абдужаббор ўзи ва барча қишлоқдошлар йигитларни кузатиб чиққанлар то кичрайиб кўринмай қолишгунга қадар ортда қолаётган йўлдан кўзини узмади.
    У айни дамда ўзини юрагининг бир парчаси ана шу киндик қони томган она заминда узилиб қолиб кетгандек ҳис қилаётгандек эди...

     Шу кетишда Абдужаббор, Муҳаммаджон ва барча узоқ-яқин танишлари Тошкентдаги темир йўл вокзалига етказиб борилдилар.
     Абдужаббор йўлга тушганда "Бизга қурол берадилар-у ва биз тўғри уруш бўлаётган жойларга кетамиз" деб ўйлаганди. У тез орада ўзининг бутунлай хато хаёл қилганлигини англаб етди. Вокзалдаги йигитлар иккинчи кун уч қайта рўйҳатдан ўтказилгандан сўнг, вагонларга жойлаштирилиб Қозоғистонга жўнатилди. У ерда йигитларни ҳарбий тайёргарлик машқлари кутиб турар эди.

   🔳 🔳 🔳

   Кўп ўтмай Янги турмуш қишлоғида гап тарқалди. Юқоридаги каттаконлар Шермат раиснинг урушга кетиш ҳақидаги илтимосига рад жавоби беришганмиш. Шермат раисга урушга бормаслик учун "бронь" деган ҳужжат топширилибди. "Сиздек шижоатли инсонлар фронт ортидаям сув ва ҳаводек зарур. Жанггоҳлардаги аскарларимиз ғалаба қозонишлари учун меҳнат фронтидагиларнинг далдаси энг муҳим роль ўйнайди" дейишганмиш каттаконлар.
    Қишлоқ аҳли бу хабарни эшитиб бир учи ҳурсанд ҳам бўлишди.
"Раиснинг тили заҳар бўлгани билан иши унумли . Қолаверса замон нотинч бўлиб турган бундай вазиятда қаттиққўл бўлишнинг ҳам ўз ўрни бор. Инсонлар бошини бирлаштириб туришнинг энг асосий шартларидан бири шу" деган қарорга келишган эди қишлоқ аҳли.
     Уруш бошланганига бир ой бўлмаёқ қишлоқдаги кўзга кўринадиган эркак зоти фронтга жўнаб бўлди. Азиз муаллим ҳам Абдужабборлар кетганидан уч кун ўтиб урушга жўнади.
      -Энди, синглим,- деди Шермат раис Азиз муаллимни фронтга кузатиб ўпкаси тўлиб турган болалари билан турган Эътиборхонга қараб,- эртадан қизингиз далага чиқса яхши бўларди. Уйда обидийда қилиб ўтиргандан фойда йўқ,- у кейинги сўзларини Барнога қараб давом эттирди,-агар отангни ва қайлиғингни тезроқ ва соғ-омон уйга қайтишларини истасанг астойдил меҳнат қилишга кириш. Ҳадемай далага кечки картошка экамиз. Сен етиштирган ҳосил қанча аскарларимиз учун қалқон бўлишини, душманга қақшатгич зарба беришини асло унутма! Шифокор бўлишга тайёргарлик кўраётганингни яхши биламан. Ўша кунлар тезроқ келиши учун ҳам ҳозирдан ҳаракат қилишимиз керак.

#давоми_бор

@xazon_rezgi /44