XazonRezgi (Official Channel)

02 Sep 2024 18:06

#Севги_тести❤️

Жуфтингиз сизга қанчалик мехр кўрсатиб этибор қилади ва сизга қай даражада ошиқлигини билишни истайсизми?😍🫀

Унда расмдаги жуфтликдан бирини танланг👇

XazonRezgi (Official Channel)

02 Sep 2024 17:06

​#ҚОРА_МАРВАРИД

    - Ҳа ҳаётим!  Ҳали сен билан жуда кўп ишларни амалга оширамиз!  Қарабсанки,  бутун дунё пойимизда тиз чўкади ! 

    Вероника Адель хоним ва император хос соқчилар бошлиғи Клавдий ўртасида бундай ҳуфёна муносабат борлигидан бехабар эди.  У сергак тортиб суҳбатнинг давомини эшитишга киришди.

- Адель, азизам! Бу иккимизнинг ғалабамиз! Агар сен "Вероника икки дунёда ҳам Конрадни ташлаб узоқларга кетмайди!" демаганингда менда бундай ажойиб режа тузиш ғояси туғилмаган бўларди!

- Ҳа Клавдий, Конрад учун ачиндим албатта. У келишган, азамат йигит эди, бироқ начора буюк ишлар қурбонларсиз амалга ошмайди.
- Ростини айтсам Вероника Конрадни шунчалар севади деб ўйламаган эканман. Йигитнинг ўлимига бир хафта тўлмай бу ерлардан бош олиб кетишга рози бўлганини қара-я?
- Уни шунга тайёр қилиб қўйган ўзинг-ку, Клавдий?! Аммо қойилман, йигитни "Ажал бўсаси" билан ҳалок қилиш фикри хаёлингга қаердан келганига? Яна камига сен уюштирган суиқасд шу даражада қойилмақом чиқибди-ки, Конрадни ўз қўли билан у дунёга кузатиб қўйган қиз шўрлик у лаҳзаларни ўзи истаса ҳам бир умр ёдидан чиқара олмайди.
- Бунинг учун бизга яқиндан ёрдам берган Алекснинг хизматларини унутиб қўймаслигимиз керак. Шоввозни хизматига яраша мукофотлашим керак.
- Ростдан ҳам, Алекснинг ўзи Конрадни камондан отиб, айбни ўлган талончига ағдариш фикри сендан чиқдими ёки унинг ўзиданми?

- Сен нима деб ўйлайсан, гўзалим,- қоронғида Клавдийнинг қаҳ-қаҳ уриб кулгани Вероникага эриш туюлди,- билсанг бу қизнинг нарҳи анча қиммат туради. Мана бугун уни сафарда хавфсизлигини таъминлаш мақсадида ёнига яна тўққиз нафар қизларни қўшиб жўнатишга қарор бердим.

- Сен танлаган қизлар офатижон бўлиши аниқ,- муғомбирона сўз қотди Адель,- сабаби Вероникадек гўзални муҳофаза қилиш учун анча тер тўкишга тўғри келади. Бир тарафдан яхши бўлибди, сафарга чиққан йигитлар зерикиб қолишмайдиган бўлишибди.

- Мен Андроний ва Себастьянга қатъий кўрсатма бердим. Токи Самарқандга етиб бориб Вероникани ҳукмдор ҳарамига топшириб қайтгунларига қадар у қизларга ҳатто бармоқ учини теккизишмайди. Барча иш битгач эса қизлар уларники. Ҳоҳлашса кўнгил ёзишсин, исташса баҳридан ўтишсин. У ёғининг менга қизиғи йўқ.
Буюк мақсадлар сари ана шундай қатъий қарорлардан қанчасини қабул қилишимизга тўғри келади...

Вероника бу ерда ортиқ ўзига иш қолмаганини билди. У кўксидаги ҳамёнга жойланган мактуб билан узукни пайпаслаб кўрганча қайдан келган бўлса шундай бесас ва из қолдирмай йўлига равона бўлди.

У хонасига етгунча бир қанча режалар туза борди. Вероника Клавдий ва Аделга қарши ҳеч қандай жавоб қайтармасликка қарор қилганди. Ҳозирча...

Кўп ўтмай йигитлар бўлинмаси ёнида пайдо бўлган Вероника эшик ташқарисидаги навбатчи соқчидан Алексни чақириб беришларини сўради. Бироз вақт ўтиб қаршисига чиққан Алексга ўзи узоқ сафарга кетаётганлиги учун хайрлашгани келгани ҳақида айтди:
- Сен Конраднинг яқин дўстларидан бири эдинг-а?
- Ҳаа, - деди Алекс довдираб,- биз ўн беш ёшимиздан бошлаб бирга эдик.

- Ҳозирда сендек содиқ дўстни топиш амримаҳол,- деди Вероника чуқур тин олиб,- ана шу содиқлигингни тан олган ҳолда сен билан хайрлашмай кета олмадим. Хайр Алекс, омон бўл!
Вероника оёқ учида кўтарилди- ю, Алекснинг ўнг юзидан бўса олди. Сўнгра йигитга "Кўришгунча" дея жилмайиб йўлига равона бўлди.
Верониканинг одимлари бу сафар жуда енгил эди. У Конрад учун қасос ола билган эди. Киз Алекснинг ўнг юзидан бўса олган вақт қоронғиликдан фойдаланиб йигитнинг чап қулоғига бармоғига тақиб олган мослама ёрдамида бир неча хафтадан сўнг таъсир қиладиган заҳар кукунидан билинтирмай сепиб юборишга улгурган эди. Заҳар кукуни бир неча кун инсон танаси ҳароратида қулоқ ичида намланиб мия томон силжиб борар ва миядаги ҳаёт учун керакли барча ҳужайра ва томирларни аста-секин емириб суюқ массага айлантириб ўз ўлжасини мислсиз азобга гирифтор қилар эди. Заҳарнинг номи "Интиқом алангаси" эди...

Муаллиф: Хазонрезги

📌@xazon_rezgi /45

XazonRezgi (Official Channel)

02 Sep 2024 16:29

AZIZ GO'ZAL AYOLLAT DIQQATIGA 🔊

𝐎𝐳𝐦𝐨𝐪𝐜𝐡𝐢𝐦𝐢𝐬𝐢𝐳?

🔥 𝑺𝑻𝑨𝑹𝑻 𝟒-𝑺𝑬𝑵𝑻𝒀𝑨𝑩𝑹𝑫𝑨𝑵!

✅𝑻𝑶’𝑮’𝑹𝑰 𝑶𝑽𝑸𝑨𝑻𝑳𝑨𝑵𝑰𝑺𝑯 𝑶𝑹𝑸𝑨𝑳𝑰 𝑺𝑶𝑮’𝑳𝑶𝑴 𝑶𝒁𝑨𝑴𝑰𝒁

✅ 𝑼𝒀𝑫𝑨 𝑩𝑶𝑹 𝑴𝑨𝑯𝑺𝑼𝑳𝑶𝑻𝑳𝑨𝑹𝑫𝑨𝑵 𝑰𝑺𝑻𝑬𝑴𝑶𝑳 𝑸𝑰𝑳𝑮𝑨𝑵 𝑯𝑶𝑳𝑫𝑨

✅ 𝑩𝑰𝑹 𝑶𝒀𝑫𝑨𝑵 𝟒 𝑲𝑮 𝑫𝑨𝑵 𝟏𝟎 𝑮𝑨𝑪𝑯𝑨 𝑻𝑬𝑹𝑰 𝑶𝑺𝑰𝑳𝑰𝑺𝑯𝑳𝑨𝑹𝑰𝑺𝑰𝒁 𝑺𝑶𝑮’𝑳𝑶𝑴 𝑶𝒁𝑨𝑺𝑰𝒁!

✅ 𝑵𝑨𝑻𝑰𝑱𝑨 𝑲𝑨𝑭𝑶𝑳𝑨𝑻𝑳𝑨𝑵𝑨𝑫𝐈 💯

✅ 𝑱𝑶𝒀𝑳𝑨𝑹 𝑺𝑶𝑵𝑰 𝑪𝑯𝑬𝑲𝑳𝑨𝑵𝑮𝑨𝑵

TEZDA BIZGA QO'SHILING SILKANI PASTDA QOLDIRAMAN👇👇👇

/channel/+iTjr6a46OI81Y2Zi
/channel/+iTjr6a46OI81Y2Zi

XazonRezgi (Official Channel)

02 Sep 2024 14:54

Ақл.

Бу дунёда энг тўғри тақсимланган нарса - ақл. Чунки шу пайтгача хали хеч ким ақли камлигидан шикоят қилмаган.

@ Мишель Монтeн

/channel/xazon_rezgi

XazonRezgi (Official Channel)

02 Sep 2024 11:31

#Ҳаётий ҳикоя
ВАТАН  ТАНЛАНМАЙДИ.

«Ватан танланмайди. Қаерда туғилиш, Ватан қилиш — Аллоҳнинг сизга инъоми.

Мустақиллик бўлиб, йўллар очилган пайти Абдусамад ота қариб қолган, бир ўзи узоқ сафарга чиқа олмай қолганди. Танаси бошқа дард билмас, деганларидек катта-катта тижорат эгалари бўлган ўғиллари турли баҳоналар билан уни ўз юртига олиб боришмас эди. Анча «инжиқлашиб» қолган отадан ўғиллари сўрашибди:

― Ота, сизга нима етишмаяпти?

― Ўз уйимни соғиндим.

― Данғиллама ҳовлида турсангиз, атрофингизда хизматкорлар гирдикапалак бўлса. Алмисоқдан қолган ўша кулбани нима қиласиз?

― Менинг уйимда сўрилар бор эди. Сўри ёнидаги дарахт соясида дам олардим.

― Ота, ҳаммасини шу ерда қилиб берамиз.

Ўғиллар сўри ясатишибди. Сўри атрофига дарахтлар ўтқазишибди. Отага на мева, на соя берадиган бу дарахтлари ҳам ёқмабди. Ўғиллар Туркиядан мевали дарахтлар олиб келтириб ўтқазишибди. Ота:

― Сўри остидан анҳор оқарди. Сувлари шилдираб турарди. Тарвузни дуррага боғлаб анҳорга ташлаб қўярдим, кечқурун сўйиб ердик…

Ўғиллар сўнгги технологияни ишга солиб суви доимо айланиб турадиган сунъий анҳор барпо этишибди. Оталари тасвирлагандек анҳорга тошларни солиб, шилдирайдиган қилишибди. Албатта маълум ҳажмдаги сув айланиб тургани билан анҳор бўлолмайди. Ота:

― Бизнинг анҳорнинг шабадаси бўларди, сув бўйида ўсган ялпизнинг ҳиди хонадонимизни тутарди. Шомдан кейин дарахтларни аста шитирлатган шабадани соғиндим.

Ўғиллар махсус кондиционер ва вентиляцион тизим барпо қилиб, шабадани йўлга қўйишибди. Ялпиз ҳидли ҳаво пуркагичлардан фойдаланишибди. Ота соғинганларини тополмай борига сабр қилар, лекин қалби таскин топмаётгани юзидан аён эди. Ўғиллари:

― Ота, ҳаммасини ўша уйингиздек қилиб бердик. Яна нега маъюссиз?

― Асрдан кейин ҳовлига анҳордан сув олиб сепардик. Сув сепилган тупроғимнинг ҳиди… Ўша ҳидни соғиндим…

Ўғиллар учун бошқа илож қолмабди. Отани олиб, ўз юрти томон йўл олишибди. У жойлар ўзгариб кетган, лекин ўша анҳорли хонадон, бир хоналик эски кулба сақланган экан. Ота кўз ёш тўкиб, соғинган жойларини кўзга суртибди. Тадбиркор ўғиллар уч кундаёқ зерикиб, «кетайлик»ка тушишибди. Ота эса ҳеч кетгиси келмас, ҳар куни зиёратига келган одамларнинг суҳбатларидан ҳузур оларди. Ўғиллар ўз юртларига қайтишибди. Ота эса Марғилонда қолибди. Бир ойдан сўнг катта ўғли келиб, олиб кетишга ҳаракат қилибди. Ота кўнмабди. Уч ойдан сўнг ота ўша анҳор устидаги сўрида жон таслим этибди…»

Ватанни севиш — инсоннинг фитратидаги туйғу. Уни ҳеч ким тортиб ололмайди.

Давронбек Тожиалиев

/channel/xazon_rezgi

XazonRezgi (Official Channel)

02 Sep 2024 09:59

Duo yodlashni yaxshi ko‘rasizmi? 🤷🏻‍♂

Unda bizning @Kunlik_Duolarim 🤲🏻 kanalimizga obuna bo'ling! Duolarni kunda tashlab boramiz!

Obuna bo‘ling: 👇🏻

@Kunlik_Duolarim 🤲🏻
@Kunlik_Duolarim 🤲🏻

XazonRezgi (Official Channel)

02 Sep 2024 01:34

#хайрли_тонг                                                      
Ҳар биримизнинг бисотимизда жудаям бебаҳо бўлган, пул билан ўлчаб бўлмайдиган, аммо ҳар доим, ҳар лаҳзада бошқаларга ҳеч бир тўловсиз, беминнат улашсакда, ҳеч қачон камайиб қолмайдиган бойликларимиз бор. Бу яхши сўз ва меҳрдир!
Атрофингиздагилардан шу неъматларни дариғ тутманг Қадрдон.

Ассалому алайкум!
Янги кун-янги имкон муборак бўлсин!

/channel/xazon_rezgi

XazonRezgi (Official Channel)

01 Sep 2024 18:00

#Байрам_акцияси

Ассалому алайкум, яхшилар

Xazonrezgi (Official Channel) жамоаси сизларни энг улуғ, энг қутлуғ байрам билан қутлаб, совға, тариқасида #ҚОРА_МАРВАРИД қиссасининг тўлиқ қисмини арзонлаштирилган нарҳда тақдим этади. Энди сиз севимли қаҳрамонларингиз тақдири билан ❌20.000 сўм эмас, балки ✅15.000 сўм эвазига хабардор бўлишингиз ва дам олиш кунларини мароқли ўтказишингиз мумкин.
Мурожаат учун 👉 @Yusupova_Sabo

XazonRezgi (Official Channel)

01 Sep 2024 17:48

​#ҚОРА_МАРВАРИД

Мен она эдим... Уч боламни олиб кулбамизға беркинганим ёдимда.

Бироқ тинимсиз еб, ичиб, куч тўплаб пишқириб кетган босқинчи барзанғиларға менингдек ожизанинг кучи етармиди?
Кулбамиз эшигини синдириб кирган малъунларга энг аввал мен қўлимга илинган нималар биландир рўбаро бўлдим. Кўзларимнинг оҳирги кўрғони ҳанжар дамини ялтирағони бўлди.

Мен ҳушимға бир хафталарда келгандим ўшанда...

Кейинчалиқ маълум бўлишича менга урилғон ҳанжар юрагимдан бир озгина тепаға қадолған ва умр шаъмим шул сабаб сўнмасдин қолғон экан.
Ўшал қирғинбаротда ҳар икки оиламиз аъзоларидан биргина уйи шаҳарнинг бошқа четида бўлғон турмушға чиққон опамдин бошқа барчалари шаҳидлиқ жомидин шарбат тотиб бўлғон эканлар.
Энди мен- етим, бева, уч фарзандидан бир кунда айрилғон мазлума эрдим.
Бошға тушгонини кўз кўрмай қолмас эркан. Бошимға ёғилган бу кулфатлар туфайли йиғладим, сиқтадим, бироқ қани қўлимдин бир иш келса.
Кўп ўтмай дунёдаги ёлғиз дардкашим опам мени ўз уйиға олиб кетди.
Аммо у ерга боргач узоқ фурсат ўтмай бир дардим икки бўлди. Опамнинг эри менга ошиқ бўлиб ўзига учунчи хотин қилиш тадоригиға тушғон эди. Воқеадан хабардор бўлган опам куйди, ёнди, қовжиради, сўнг бошқа чораси йўқлиги ва менинг ҳаётим шу тадбир бўйича тинчишини ўйлаб тақдириға тан берди. Мени ўзига кундош бўлишимға кўнди.
Мен эса опамнинг шунча қилғон яхшилиға бу тариқа жавоб қайтара олмас эдим.
Гарчи опам ва унинг эриға қаршилиқ сифатида бирор сўз айтмағон бўлсам-да, бор-йўқ нима нарсаларимни йиғиб бир кечада уларнинг уйидин чиқиб кетдим. Бошим оғиб юриб-юриб уч йил деганда шаҳри азим Самарқандға етиб келдим. Ўша вақтлар табобатга қаттиқ қизиққанимдин ул ерлик бир табиб кампирға шогирд тушдим. Беш йиллар давомида ул ҳакиманинг даргоҳида илм ўргандим. Сўнгра табибам менга оқ фотиҳа берди. Мен устозамнинг дуосини олиб ўз билганимча беморларни гиёҳлар ёрдамида даволай бошладим. Одамларнинг хизматини қила номим танилиб қолғоч, кунлардин бир кун ҳукмдоримизнинг оталарининг саройларига аёллар табиби мақомида хизматға қабул қилиндим.
Бора-бора сарой аёнлари орасида ишонч қозонғоч , табибалик билан бир қаторда бошға ишларға ҳам жалб этилдим. У кезлари ёшим қирққа яқинлашиб қолиб эди.
Ҳа энди бу ёғи ўзингга аён. Қайта турмуш қурмадим. Орада Кешдаги опамнинг хабарини даракладим. Улар мен хонадонларини ташлаб чиқиб кетғоч икки йил ўтиб Ҳақ ҳузуриға йўл олғон эканлар. Менга келган хабарларға кўра қорин оғриғи билан боғлиқ қандайдир касаллик жигаримнинг ҳаётиға нуқта қўйғон эмиш.
Хизмат юзасидин ҳукмдор саройида қанчадан қанча аёнлар билан танишлиғимға қарамай ҳеч бири билан яқин қадрдон бўлмағонман. Токи Яҳё Мирзо билан танишғонимға қадар. Мирзо билан опа-ука тутинғанимға ҳам салкам ўттиз йилдан ошиқ вақт ўтибди. У пайтлар Мирзо оддий сарбоз эди. Бир куни сайсхонада бир сарбозни илон чақиб олгани, аҳволи оғирлиғи ҳақида хабар келганди. Ўшанда Аллоҳнинг иродаси бирлан бор маҳоратимни ишға солиб йигитчани нариги дунё остонасидин қайтариб олиб эдим.
Шу-шу мен опа-ю, Яҳё Мирзо ука бўлди.
Эҳҳ... Яҳё Мирзо бирлан шунча йиллардин бери бирғаликда не-не воқеа-ҳодисаларни бошдан кечирмадик дейсан. Буларнинг бари алоҳида ҳикоя, алоҳида қисса. Бир бошдин сўзлайин десанг неча кун-у, неча ой керак бўладур. Энг асосийси эса берган саволинға жавоб ола билдинг деб ўйлаймен.

- Она...

Ойиша ҳўрсинганча Хайринисо онанинг елкасига бош қўйди...


🔳 🔳 🔳

Клавдийнинг сўзи ўтиб Вероника сафарга кетадиган бўлди. Қизни элчи Андроний гуруҳи билан Ўрта Осиёга юборилишга шай қилинди. Сафарга кетишдан икки кун аввал Вероника Стефан билан бирга Конраднинг қабрига бориб видолашиб қайтди.

"Мени кечир, Конрад, -деди Вероника марҳум севгилисига хаёлан мурожаат қилиб,- бу ерларда мени ортиқ тутиб туришга арзугилик сабаб қолмади. Энди бу ерлардан кетишга мажбурман. Умид ўлган маконда бошқа ҳеч бир туйғуга ўрин қолмас экан. Менинг умидим эса сен эдинг...

📌@xazon_rezgi /43

XazonRezgi (Official Channel)

01 Sep 2024 17:47

Муаллиф:  Хазонрезги

#ҚОРА_МАРВАРИД
📚онлайн китоб

Каналга уланиш👇
/channel/xazon_rezgi

XazonRezgi (Official Channel)

01 Sep 2024 04:40

🇺🇿 Мустақиллик байрами муборак бўлсин, азиз юртдошлар!

Юртимиз тинч, осмонимиз мусаффо, халқимиз дастурхони тўкин-сочин бўлсин!

Тинчлигимиз абадий бўлсин!

/channel/xazon_rezgi

XazonRezgi (Official Channel)

31 Aug 2024 18:42

​   #ҚОРА_МАРВАРИД

- Қасос...?! - бемажол шивирлади қиз ва титраб-қақшаганча сўзида давом этди,- қачонганча қасос олиб яшашим керак,  Стефан?  Айта оласанми? Юрагим ҳаловат топиши учун яна неча инсонни ўлдиришим керак? Чеки, чегараси борми бу ишларнинг?  Айтайми?!  Жонимга тегди буларнинг бари!?  Ҳар бир олган нафасимда ҳаво билан бирга  қон томчиларини ютаётгандек беҳузур бўлиб кетаяпман,  эшитаяпсанми, Стефан? 
    Гапнинг ростини мен чарчадим?! Барисидан чарчадим! Энг асосийси умид қилиб яшашдан чарчадим! Бу дунё ёмонларга шу қадар тўла экан-ки, бутун умр  курашсанг ҳам  уларни тугата олмас экансан!  Қайтага ўзингни бой берар экансан.  Мен ҳам уни бой бердим.  Ҳаётимдаги ягона илинж- Конрадни...
     Стефан...- алам билан заҳарханда кулимсиради Вероника,- биласанми биз Конрад иккимиз буларнинг барига қўл силтаб... узоқ-узоқларга қочиб кетишни режа қилгандик.  Ўзимиз учун оддийгина бир кулба тиклаб у ерда тинч ва осойишта, ҳалол меҳнат қилиб яшашни истагандик.  Болаларимиз кўп бўлишини орзулагандик...- қиз чуқур хўрсинди,- ана шунақа гаплар...

      Энди эса Конрад ҳам йўқ... Орзу ҳам ...  Бари у билан кетди. 
     Биласанми,  Стефан,  мен ҳозир ҳаммадан ҳам кўра кўпроқ ўлишни истаяпман.  Шундоққина жон берсам-у,  баридан бир йўла қутилсам.  Конрад билан боғлиқ ҳотиралардан ҳам.  Ҳеч бўлмаса дунёнинг нариги чеккасига кетсам ҳам майли эди...
     Вероника ўзига тасалли беришдан ожиз қолган Стефанга оҳирги сўзларни айтар экан,  бирдан сергак тортди...

      Уч кундан сўнг Вероника Клавдийнинг ҳузурида қатъият билан ҳозир бўлди.

   - Илтимос,  менга пойтахтдан чиқариб бошқа мамлакатларга уюштириладиган сафарга боришга руҳсат берсангиз.

     - Вероника,- қўлларини чорасиз ҳайрон  ёйди Клавдий,-  сени бу ерда олиб қолиш учун қанча ҳаракат қилганимни биласанми?  Сен ахир бу ерда сув ва ҳаводек зарурсан!?  Менимча қолишга сенинг ҳам қаршилигинг йўқдек кўринганди менга.  Билсам бўладими,  нима учун бирдан фикринг ўзгариб қолди? 

   - Фикрим ўзгаришига Конраднинг ўлими сабабчи бўлди.  Қотил уни заҳарланган ўқ билан бир бор ўлдирган бўлса,  мен уни шу қўлларим билан иккинчи бор ўлдирдим.  Гарчи бошқа иложим қолмаган бўлса ҳам сафдошимни ўлимида ўзимни айбдор деб ҳисоблаяпман.

    - Конрад ҳақида ўша куни эшитдим,- афсус билан бош чайқади Клавдий,- азамат йигит эди. Бироқ унинг ўлимида ўзингни айблашинг ножойиз. Сен ўз хизмат вазифангни бажаргансан, шу билан бирга бу йигит учун қилган  энг охирги яхшилигинг бўлган. 

  - Клавдий,  - оғир тин олди Вероника,- Конрад билан етти йиллик қадрдон эдик.  У мен учун шунчаки  сафдошдан ҳам ортиқроқ қадрдон эди.

Муаллиф: Хазонрезги

#давоми_эртага!

📌@xazon_rezgi             /41

XazonRezgi (Official Channel)

31 Aug 2024 17:09

​#ҚОРА_МАРВАРИД

Муаллиф: Хазонрезги

Ойиша...

    - Эшитаман,  Али...

    -Ойиша,  мен хизмат юзасидан яқин кунларда ҳукмдоримиз фармонлариға кўра бу ерларни бир неча кунға тарк этмоғимға тўғри келадур.  Ўша кунлар кўшкка онам ва синглим келиб қизимни боқишда сенга кўмак бериб турадирлар.

    - Али,  биздан ҳавотир олманг.  Мен,  Хайринисо онам,  онангиз Феруза Султон,  синглингиз Меҳрибон  билан Нурижаҳонни кўз қорачиғидек асраб-авайлаймиз.

   -Яхши бу ҳақда яна сўзлашиб олурмиз. Ҳозир қизалоғимни кўрамен-у, сўнгра ҳизматға йўл олурмен,- Музаффар Али маҳзун жилмайди,- қизалоғим менға оқ йўл тиламаса бўлмас.

     - Майли,  кетдик,- йўл бошлади Ойиша,- Нурижаҳоннинг ҳам уйғонадиган вақти бўлиб қолди. Хайринисо онам ҳам мени излашга тушгандирлар...

    - Ойиша...- кутилмаганда қизга овози товланиб мурожаат қилди Музаффар Али.

   - Ҳаа...- ортига ўгирилди Ойиша,  - менда яна қандай юмушингиз бор? 

   - Ойиша,  кўпдин сендан бир нарсани сўраймен дейман-у,  бироқ кўришғонда тилим тутиладир.  Яна ҳам ростиға кўчадиғон бўлсам шу нарсани айнан истамағоним учун бу мавзудин ўзимни олиб қочсам керак.

   - Алиии...- йигитга ҳайриҳоҳ назар ташлади,- сўроғингизни бемалол сўрайверинг. Мен ҳам кўнглимда борини жавоб бераман.

   - Ҳўб яхши,- паст овозда йўталиб диққатини жамлаган бўлди Музаффар Али,- шу десанг,  сендин Нурижаҳонга қарашни сўрабмен-у,  аммо унга қарашни ўзинг истайсанму,  йўқму буни сўрамабмен.  Ойиша,  сен жуда оз фурсатда мени ишончимни қозондинг, аёл киши эрсанг-да, дўст тутиндиқ.   Ўйлашимча бунда Аллоҳнинг бир яхши тадбири бор, йўқса неча йиллардин бери ёнимда юриб мен билан дўст бўлолмағон қанча алплар бор. Шул сабаб мен сўнғи кунларда  бир мулоҳазаға бориб эдим. 
      Ойиша...Мени яхшилаб эшит.  Дўстлигимиз ҳурмати,  агар бу жойларда қолишни истамасанг ўзинг истаған ерларға кетишинг мумкин.  Сенинг юрагинг шу қадар дилбар ва учқур сабо каби  ҳур-ки,  назаримда уни жиловлаб бир жойға банди қилиб қўйиш кечирилмас гуноҳдек... Шул сўзларға не дерсан?  Қандай қарорға келсанг ҳам уни ҳурмат қиламен.

    Ойиша бошини адл кўтарди: 

#давоми: 21:40 да!

📌@xazon_rezgi          /39

XazonRezgi (Official Channel)

31 Aug 2024 17:05

Муаллиф:  Хазонрезги

#ҚОРА_МАРВАРИД
📚онлайн китоб

Каналга уланиш👇
/channel/xazon_rezgi

XazonRezgi (Official Channel)

31 Aug 2024 14:40

Дақиқа қадри

Ҳаво анча исиб кетди.Мўмина эрталаб ҳаво булутлигини кўриб сал қалинроқ кийинган экан, энди шу кийимини кўтариш ҳам оғирлик қилаётганди. Ҳафтанинг охири бўлгани учунми, дарс ўтаётганида руҳиятида ҳам, жисмонан ҳам қаттиқ чарчоқни ҳис қилди, ёки баҳор ҳавосининг таъсиримикан, ўз-ўзидан ҳаво етишмай юраги яна пала -партиш ура бошлади. Анча бўлганди эски дарди -юрак аритмияси қўзғамай қўйганди. У уйига етиб келгунча қора терга тушди.Болаларининг саломига ҳам бош ирғаб алик олди-ю, юзини муздек сувда ювиб, меҳмонхонадаги диванга ястаниб, сал тин олмоқчи бўлди. Бироз ётсам ўтиб кетар, деб ўйлаганди, лекин юраги худди сувда сузиб юргандек нотекис ва оғир урарди, бирдан ваҳима босиб ҳовлига чиқди. Шу пайт бахтига катта ўғли ўқишдан келиб қолди. Гап нимадалигини тушунди-ю, дарҳол отасига қўнғироқ қилди. Унга боласининг овози ҳам олисдан эшитилаётгандек туюлди. Ўғли шошилиб Яндекс иловасидан такси чақирди. Ишдан келиб ҳали кийимларини алмаштирмаган Мўмина ўғлининг етовида машинага ўтирди. Кордиология бўлимига кириб борганларида ишдан рухсат теккан чоғи, таниш йўлакда турмуш ўртоғи уларни кутиб олди ва ховлиқиб:
--Хайрият, докторинг кетиб қолмапти, бироз кутиб туринг дегандим, бирйўла ЭКГ қилдириб киринглар деди, қани қўлингни бер, юрақол, ҳозир ўтиб кетади,--деб, бир оғиз ҳам гапирмаётган аёлига қараб--сув ичасанми бор ўғлим, сув олиб кел, -дея чўнтак кавлаётганди, ўғли пулга қарамай югуриб кетди.
ЭКГ хонасининг ёнида доим навбат кутувчилар бўлар эди, негадир ҳеч ким йўқ. Ичкарида оқ халат кийган аёллар қизғин суҳбатга берилган. Бирдан кўтарилган гуррос кулгу анча давомли бўлди. Ҳаво етишмаётганидан Мўминага уларнинг овози момоқалдироқдай таъсир қилди. Чуқур -чуқур нафас олиб кўзларини юмди. Юраги нотекис ураётган шу паллада хаёлидан нималар кечгани ўзига аён...
Турмуш ўртоғи эшикни тақиллатиши билан кула -кула сумкаларига нималардир жойлаб, шиппакларини алмаштираётган аёллардан бири :
--Иш вақти тугади, соат иккидан ошди, -деди.
--Биламан, аммо аёлимнинг юрагини мазаси йўқ, илтимос, ёрдам қилинг... --дея гапини тугатмаган ҳам эди, афтидан, каттаси шекилли, қора қош аёл жеркиб:
--Бу ерда ҳамманинг юраги касал, бўлди вақтимизни олманг, шундоқ ҳам шанба куни бўлсаям соат 3 гача қолиб кетамиз, бизда ҳам тирикчилик бор, --деб хонани шарақ -шуруқ қулфлаб, йўл- йўлакай шеригига қараб жавраб кетарди --тавба, одамларгаям ҳайронсан, сал воҳлироқ келсин эди.
Хўжайини табиатан оғир -босиқ инсон, аммо бугунги вазиятда қони қайнаб кетди, шунда ҳам ўзини тезгина қўлга олиб, доктордан шу яқин атрофда хусусий шифохона бор йўқлигини сўради ва бор кучини тўплаб нафас олаётган аёлига яна битта волидол таблеткасини очиб бериб, ўғлига қараб:
--Машинани шу ерга олиб келаман,сен онангга ёрдамлаш, -деди-ю, отилиб чиқиб кетди.
Доктор берган манзил йўлнинг шундоқ нариги бетида экан. Клиника эшигининг тагигача машинада кириш мумкин, зиналари ҳам юраги хаста одам учун мўлжаллангандек қулай экан.
Ичкарида ҳар қадамда куллерда сув, Мўминани аҳволини пайқаб, иккита ҳамшира югуриб ёрдамга ошиқди. Рўйхатга олиб тўлов қилишга ҳам бир неча дақиқагина кетди. Бу ердаги муҳитми,ёки ёруғлик ва шинамликми, балки эътибор сабабми Мўмина ҳам сал ўзига келгандек бўлди.
Ҳаворанг ихчам халат кийган очиқчеҳра қиз Мўминани етаклаб, ЭКГ хонасига бошлади ва кушеткага ётишига ёрдамлаша туриб, орқа ўгириб халат ёқаларини тўғирлаётган шифокорга қараб :
--Дилором опа,чарчамай етиб келдингизми,-деб, сўрашган бўлди.
--Раҳмат, келдик. Қани, опажон, аҳволингиз яхшими, нима бўлди сизга, ҳозир бир зумда кўриб қўяман--деб, аппаратларни улаётган хушмуомала шифокорга қараб, Мўмина анграйиб қолди.
Унинг қаршисида салгина олдин важоҳатидан чўчигани, ўша қора қош аёл киприкларини пирпиратиб жилмайиб турарди.

Муаллиф: Маҳбуба Баҳодир қизи

/channel/xazon_rezgi

XazonRezgi (Official Channel)

02 Sep 2024 17:20

​#ҚОРА_МАРВАРИД

Энди Алексни Конраддан кўра бир неча ўн баробар кучли бўлган қийноқли ўлим кутаётган эди. 

      Вероника хонасига қайтганда сафар учун ҳозирлаган анжомларидан кўпи энди ўзига керак эмаслигини фаҳмлади.  Қиз энг асосий қарорга келиб улгурган эди: 
     У Самарқандга бориб ҳукмдор ҳарамига жойлашгач,  бир эвини топиб саройни тарк этади,  ҳеч қачон икки мамлакат ўртасида ҳуфялик қилмайди,  ҳеч қачон  "Ватан равнақи учун!"  дея ясама оғиз кўпиртирадиган,  аслида эса фақат ўз нафсининг қули бўлган  Клавдий ва Адель хонимлар манфаати учун югурдак бўлмайди!


Ҳеч қачон! 

🔳 🔳 🔳

    Баҳор келиб салтанат ҳукмдори янги фатҳ учун қизғин тайёргарлик кўришни бошлади.
    Ҳар тарафлама пишиқ,  пуҳта бўлишига ҳаракат қилинган тайёргарлик ишлари уч ойга довур давом этди.
      Бу сафарги фатҳда вазири аъзам Яҳё Мирзонинг адолатпарварлиги билан довруғ таратган ўғли Музаффар Али маҳсус сипоҳийлар бўлинмасини бошқариш учун  ўн беш минг кишилик қўшинга бош саркарда этиб тайинланган эди.

~~~

     Ва ниҳоят қўшиннинг  уч кундан сўнг йўлга тушиши ҳақидаги хабар Боғи Жаҳоннамога ҳам етиб келди. Хабар ортидан қизи билан хайрлашгани Музаффар Алининг ўзи ҳам изма-из ташриф буюрди...

    Бу вақтга келиб Меҳрибонни турмушга беришганлиги сабаб Феруза Султон ҳам пойта тдах эди.  Кўшкда Хайринисо она,  Ойиша,  кичик Нурижаҳон ва уларнинг ҳизматидаги йигирмага яқин хизматчи қолган эди. 

    Музаффар Алининг кўшкда дастлаб Хайринисо она  ва қизи Нурижаҳон кутиб олишди.

   Музаффар Али қизини эркалаб ўйнатар экан,  Хайринисо онага кўз қири билан боққанча аста сўз ташлади: 

    - Ойиша кўринмайдур,  она? 

Хайринисо она шошилмай жавоб қайтарди:

    - Ичкари боғдағи боғбон йигитнинг аёлини тун ярмида тўлғоқ тутиб қолмиш эркан, у аёл беҳад қийналаётғони сабаб тонг сахардин Ойишани олиб кетиб эдилар.

    - Ойишани ёлғиз ўзи кетдиму?-Музаффар Алининг овози баландлагани ўзига билинмади,- ахир унинг муҳофазасига тўрт алпни ажратиб кетиб эдим-у?

      - Ойиша узоқға кетғони йўқ, болам. Бу ерға анча яқин унинг  борар манзили. Қолаверса бу ерликларнинг бари уни қўли енгил табиба эрканлиғидин  ўз қизи,  опаси,  синглисидек яхши кўриб қолғон.  "Табиба Ойиша"  деб  эркалаб суюшади уни.
     Тўрт алпингни эрса Ойишанинг ўзи "Шу ерда бўлишса кўнглим тинч юрадурмен"  дея кўшкда бизни қўриқлағони қолдириб кетғон эди. 

    Хайринисо она шундай дея кўшк айвонидан ташқарига ишора қилди: 

   - Ана Ойишанинг ўзи ҳам келиб қолди. Бекорға ҳавотир қиладурсен, сен...

   Музаффар Али  Хайринисо она ишора қилган тарафга қараб кўзлари қамашди, ҳайратдан лол бўлиб қолди. 
    Ойиша  оқ-кулранг саманни ажиб ўктамлик ила йўрттириб келар, қизнинг ўзига ярашиқли тун қораси каби либоси шамолда ҳилпираб  кўрган кўзни олар эди.
     Гўёки ортидан бутун борлиқни эргаштириб келаётгандек тассурот уйғотган дилбар қизга қараб  йигитнинг  юраги "шиииғ"  этиб кетди. Ҳуддики,  бутун танасидаги етмиш минг томирлар  бўйлаб ҳаракатланаётган қонининг гупурлагани ўзига ҳам эшитилгандек бўлди Музаффар Алига.  Бу ҳолат унинг бир зумга кўзини тиндирди,  бошини енгил айлантирди. 
    Йигитнинг бу каби ҳолатга иккинчи бор тушиши эди.  Биринчи сафар Аллоҳ раҳматига олган Моҳижаҳон Бегимни илк бор учратганида бўлган эди.  Иккинчи сафар эса "Қиёматлик дўстим"  деб билган,  бир неча ойлардан буён чин дилдан ўзи ҳурмат қилган,  ҳурматини жойига қўйиб келган Ойишага нисбатан айни шу топда ўша туйғуни ҳис қилиб турган эди у...

Муаллиф: Хазонрезги

#давоми 21:40 да

📌@xazon_rezgi /46

XazonRezgi (Official Channel)

02 Sep 2024 17:05

Муаллиф:  Хазонрезги

#ҚОРА_МАРВАРИД
📚онлайн китоб

Каналга уланиш👇
/channel/xazon_rezgi

XazonRezgi (Official Channel)

02 Sep 2024 14:59

Миллиардер, “Apple” компанияси асосчиси Стиб Жобс 56 ёшда ошқозон ости бези саратони касаллиги туфайли вафот этган. Унинг сўнгги сўзлари:
— ҳозир мен касалхонада ётиб, бутун умримни эсласам, менда мавжуд бўлган барча бойлик ўлим олдида ҳеч нарса эмаслигини ҳис қиламан;
— ўзингизга муносабатингизни яхшиланг ва бошқаларга ҳам ҳурматда бўлинг;
— вақт ўтган сайин 30$ ёки 300$ турадиган соатлар бир вақтни кўрсатишини ҳис қила бошлайсиз;
— биз 150 000 $ ёки 30 000 $ лик машина билан юрсак ҳам мақсад ва масофа бир хил эканлигини, 300$ ёки 10$ шаробни ичсак ҳам бир хил “маза”ни ҳис қилишни бошлаймиз;
— Сиз яшаётган 300 кв метр ёки 3000 кв метрли уй ичида барибир ёлғизсиз ва бошқалар билан тенгсиз. Сизнинг ҳақиқий бахтингиз бу дунёдаги моддий нарсалар ўткинчи эканлигини ҳис қилиш;
— Самолётга биринчи класс ёки эконом классга чиқсангиз ҳам, парвоз қилаётган самолетингиз қуласа сиз ҳам у билан бирга қулайсиз;
— ҳақиқий бахт дўстингиз ёки бирор инсон билан чин дилдан суҳбатлашганингиздадир!

Муаллиф: интернет

@xazon_rezgi

XazonRezgi (Official Channel)

02 Sep 2024 13:59

🔤🔤🔤🔤🔤🔤2️⃣0️⃣2️⃣4️⃣

🎓 Toshkent viloyati, Olmaliq shahrida joylashgan “Ipak Yo‘li Innovatsiyalar Universiteti”da qabul jarayoni davom etmoqda!

📌Afzalliklar:
- Tajribali o'qituvchilar: Soha mutaxassislari bilan o'qish imkoniyati
- Zamonaviy o'quv inshootlari: Eng so'nggi texnologiyalar bilan jihozlangan xonalar
- GRANT uchun kvota ajratilgan;
- Yotoqxona bilan taʼminlanadi;
- Kontraktni oʻquv yili davomida boʻlib toʻlash mumkin.

✅ Bizning missiyamiz: “Har bir talabani o'z maqsadlariga erishishda qo'llab-quvvatlash” deydi universitet rahbariyati.

🟢Murojaat uchun⬇️

    ☎️  +99871-205-86-22
    📞 +99899-490-24-41
    📞+99899-790-24-41
    📞+99899-760-24-41
    📞+99899-480-24-41

📱Telegram|📱 Instagram|   
📱Facebook| 📱iyi_universityy?si=pNsnxuagmxaSkPXC">You tube| 
🌐 Rasmiy sayt

❗️Online ariza topshirish:https://iyiu.uz/ 

Unversity bot: @iyiu_uzbot

Litsenziya  (№ 056010, 28.12.2022 y.)

📍Manzil: 40.8644704,69.5891399,21z/data=!4m4!3m3!8m2!3d40.864545!4d69.589052?entry=ttu">Toshkent viloyati, Olmaliq shahar, Oydin MFY, Ehtirom koʻchasi 4/2 "B" uy

🎓 http://iyiuniversity.taplink.ws

XazonRezgi (Official Channel)

02 Sep 2024 10:59

Тикувчиликни тез ва осон у́рганмок,чимисиз...
Манашундай ку́йлакларни у́зингиз тикиб олмок,чимисиз...
Унда каналимиз сиз учун...

🔸Энг сўнги бежирим фасонлар,
🔸Энг зўр видеодарслар,
🔸Энг чиройли андозалар,
🔸 Прафессионал тикувчилар
дарсларидан жамланмалар,

ХАММАСИ МУТЛОКО ТЕКИН!!!

❣️👉❣️Каналга қўшилиб олинг❣️👈❣️

XazonRezgi (Official Channel)

02 Sep 2024 06:29

📕Онлайн асар

#БАРС
қисса

Муаллиф : Хазонрезги
Тайёрлади: Айруза Абубакирова

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

01 Sep 2024 18:44

Асарни тўлиқ шаклини сотиб олиш учун админга мурожаат👇👇👇

XazonRezgi (Official Channel)

01 Sep 2024 17:49

​#ҚОРА_МАРВАРИД

Тақдир бўлса бу ерларга балки қайтарман.  Балки ҳеч қачон қайтмасман.  Билмадим. Олдиндан бир нарса дея олмайман.  Билганим шуки,  сенинг дардингни бироз унутмоқ учун,  юрагимдаги оловни ҳаминқадар пасайтирмоқ учун олис-олис манзилларни мўъжал қилдим.
 Йўқ! Бу билан сени унутишга ҳаракат қилмоқчи эмасман. Ҳеч қачон унутмайман ҳам! Сен ҳамиша қалбимда бўлиб қоласан!
Энди кетишим керак...
Алвидо,  севгилим. 
У дунёдаги дийдоргача алвидо...

Вероника бўлинмага қайтгач уни Клавдий йўқлаётгани ва эртага сафар олдидан энг оҳирги машғулотни ўтиши лозимлиги ҳақидаги хабарни етказишди.
Вероника эртаси тонгдан ҳарбий устозлари қабулида ҳозир бўлди. У ўзи ҳуфя қилиб жўнатилаётган мамлакат, у ернинг одамлари, қандай ва қайси маълумотларни олиш, маълумотларни қай тартибда Константинополга юбориш ҳақида батафсил тушунча ва топшириқларни қабул қилиб олди.
Барча устозлари Вероника билан хайрлашгач, қизга сафар олдидан яхшилаб ҳордиқ чиқариб олиш учун руҳсат берилди.
Вероника хонасига қайтиб сафар учун тайёрлаган анжомларини яна бир бор кўздан кечириб бўлгач, руҳи ҳамда танасига дам бермоқ учун ўрнига чўзилди. Шу кўйи унинг кўзи илинди...

Тушида маҳзун жилмайиб турган Конрад ўзига бир қучоқ оппоқ бўлиб гуллаган мойчечак тутаётган эмиш.

- Мени кечир,- гулларни олар экан шивирлади қизнинг лаблари титраганча,- кетишдан бошқа илож топа олмадим.
- Сен энг тўғри қарорни қабул қилдинг,- Верониканинг елкасига ўнг қўлини қўйганча далда берди йигит,- бу ерлардан кет ва ўз бахтингни излаб топ.

- Менинг бахтим сен эдинг...- кўзларидан ёш қуйилиб кела бошлади қизнинг

- Сен шундай деб ўйлагансан,- ҳўрсинди йигит,- ўзим ҳам шундай деб ўйлагандим... Аммо шуни яхши билки, токи ҳаёт экансан, бахтли бўлишингга ҳали имкон бор.
Конрад аста бурилиб кета бошлади. Вероника унинг рўпарасида пайдо бўлган узун нурли йўлак бўйлаб сингиб кетаётганини кўриб изидан талпинди:

-Кетма, Конрад! Мени ташлаб кетма...

-Кетма! Кетма! - Вероника ўз овозидан ўзи уйғониб кетди

"Конрад...-изтироб билан шивирлади қиз,-мени кечир..."

Вероника атрофга шом қоронғилиги чўка бошлаганини кўриб хаёлларини жамлади-ю, ўрнидан ирғиб турди. У ватандаги сўнгги кечада ўзига бир неча йиллардан бери устозлик қилиб келган Адель хонимга бирга кечган кунларини эслатиб турадиган совға қолдиришни режа қилган эди. Адель ётоғи рўпарасидаги деворнинг маҳфий туйнугини очиб у ердан мўъжазгина қути олди-да, ичидан қимматбаҳо олмос кўзли узук чиқарди. Ушбу узук бир неча йил аввал талончи Патрик тўдаси тор-мор қилингани учун Вероникага шахсан император томонидан тақдим этилган эди.
"Тонг қоронғусида йўлга тушаман. Узукни ҳозир Адель хонимнинг хонасига бир парча мактуб билан қўйиб чиқаман. Хоним уни тонг отгач топади,-жилмайганча ўйланди Вероника, - ўйлайманки, ушбу узук Адель хонимнинг мен учун қилган хизматларига муносиб совға бўлади"

Вероника бу сафар енгил кийинди. У мушукдек чаққон ҳаракатлар билан тез орада Адель хонимнинг хонадони яқинида пайдо бўлди. Бу вақтга келиб тун қоронғилиги теварак-атрофни ўз чодраси билан батамом буркаб олишга улгуриб бўлган эди.
Вероника қўлидаги маҳсус анжом ёрдамида хонадон деразасини овозсиз очди ва эпчиллик билан ичкарига кириб олди.
Вероника Адель хонимнинг уйига аввалам кўп бора келган, хонадаги жиҳозлар ўрни унга беш қўлдек таниш эди. У устозига аталган совғасини ичкари ётоқхонадаги пардоз столининг устида қолдирмоқчи бўлди. Ҳисоб-китобга кўра бу вақтда Адель хонимнинг уйида бўлмаслигини эътиборга олган Вероника ётоқхона эшигининг тутқичига қўл чўзди.
Верониканинг қўли эндигина тутқични ушлаб тортмоқчи бўлган ҳам эди-ки, ичкаридан Адель хонимнинг жарангдор кулгиси эшитилди:

- Бас қил, Клавдий! Биласанми нима? Шу чоққача мен ўзимни анчайин иқтидорли устоз деб билардим. Аммо мендаги иқтидор сендаги устомонлик олдида йўқ бўлиб кетди. Қойилман сенга!
Тан бердим, тан!

Муаллиф: Хазонрезги

#давоми_эртага!

📌@xazon_rezgi /44

XazonRezgi (Official Channel)

01 Sep 2024 17:48

​#ҚОРА_МАРВАРИД

-Сени тўғри тушунишга ҳаракат қиламан,  Вероника.  Шу билан бирга бизнинг ишимизда ортиқча кўнгилчанлик мағлубият билан тенг эканлигини таъкидламоқчиман.

-Ҳақ эканлигингизни тан олмай иложим йўқ,-ўжарлик билан ўз сўзида туриб олди Вероника,- айнан шунинг учун ҳам мени сафарга жўнатишингизни сўраб келдим. Менимча фақат назарий маълумот билан чекланмай, балки барини амалиёт билан уйғун равишда ўрганиш вақти келди.

- Юрагинг шунга чопаётган бўлса бошқа иложим ҳам йўқ,- ва ниҳоят таслим бўлди Клавдий,- сен учун яна бир бор ҳаракат қилиб кўрганим бўлсин. Ёдингда тут, қўмондонга сўзим ўтса уч кундан сўнг сафарга жўнашинг мумкин.

- Демак, уч кундан сўнг сафарга кетар эканман,-деди Вероника "масала ҳал" деган оҳангда,-бориб нарсаларимни йиғиштирай

- Кетишинг ҳал бўлиши билан энг оҳирги дарсни ўтасан,- деди Клавдий қизга меҳрибонлик билан,- кўзланган манзилга борганда ўзингни қандай тутишинг, вазифани кимлардан олишинг, неча кунда алоқага чиқишинг, хуллас барини келишиб олишимиз керак бўлади.

- Жуда соз, -деди Вероника ортиқча сўз қўшмай, -ҳаммаси сиз айтгандек бўлади...

🔳 🔳 🔳

- Гўзалим менинг Нурижаҳоним, -Ойиша қизалоқни эркалар экан дераза ёнида тасбеҳ ўгириб ўтирган Хайринисо онага сўз қотди,- она, бу қизни кўринг, барча гапга тушунади-я?

Хайринисо она тасбеҳни токчага қўйиб Ойишага ўгирилди:

- Зукко, зеҳнли, билим ва фаросатли инсонларнинг фарзандлари шундоқ бўлур,- деди ҳўрсиниб, -Музаффар Алини билурсен, Моҳижаҳон Бегим билан унча кўп таниш бўлмағон бўлсанг-да, аммо қандоқ расо ақл соҳибаси эрканлигидин хабардор бўлдинг.

-Она, бир сўз сўрасам дилингиз оғримайдими? - Хайринисо онага меҳр билан термулди Ойиша

- Дилим оғримайдуми?! Мен қайдин билай дилим оғриш, оғримаслигини? Қани сўрағин-чи, ўшанда билурсен?

- Онажон, Низомиддин оға билан Роҳила опамни она ўрнида она бўлиб вояга етказган экансиз? Ўзингиз турмушга чиқмаганмисиз? Чиққан бўлсангиз ўз фарзандларингиз бўлганми? Бўлишган бўлса ҳозир қаерда улар? Шуларнинг барчаси ҳақда билгим келганди.

- Турмушға чиқғонман мен,- бирдан овози титради Хайринисо онанинг, - фарзандларим ҳам бўлғон. Каттаси қиз , ўртанчаси ўғул, кенжатойим ҳам қиз эрди. Улар ҳозир бу ердин анча узоқда. Кўрмағонимға салкам қирқ йилча бўлуб қолди . Улар барчамиз борадиғон манзилға мендин олдин йўлға чиқишғон. Оталари билан.

Мен асли қўҳна Кешнинг қизи эдим. Отам оддий косибчилик бирлан камтарона кун кўрар эрдилар. Оиламиз унчалик ҳам катта эрмас эрди. Отам, онам, опам, мен ва укам. Вақти келиб вояга етганимда опамдин сўнг отам мени ўзи каби қўли қадоқ, ҳалол қўшни косиб шогирдиға узатди.
Куябимға никоҳимиздин сўнг, вақт ўтиб, кейинроқ кўнгил бердим. Келинлиқ оилам анчайин катта рўзғор эди. Куябимдин ташқари унинг яна уч нафар укаси ва яна шунча синглиси бор эди. Мен ҳам аста-секин шу оилаға киришиб кетдим. Бирав билан юмушимиз йўқ, ўз аравамизни тинчгина тортиб кимдин кўп, кимдин кам яшаб юриб уч фарзандлик бўлдик. Каттам олти, ўртанчам беш, кичигим уч ёшга тўлғонда...
Ўшанда юртимизға ўрнашиб қолғон энг оҳирғи мўғул босқинчилари билан ҳокимият талашиб узил-кесил жанглар бўлиб турғон пайтларда ёғий тараф сарбозларидан бири кутилмаганда куябимнинг синглиси Гавҳарға кўз олайтиради. Гавҳар бениҳоя хушсурат қиз бўлиб, эндигина ўн олти ёшни қаршилағон эрди. Ул сарбоз Гавҳарни зўрлик билан уйдан олиб чиқиб кетаётган вақт, номус исканжасидаги бечора қиз сарбознинг қўлидин қаттиқ тишлайдир. Оғриққа чидолмаған сарбоз қизни сўйиб қўяди. Шу куни мўғуллар бирлан навбатдаги қирғинбарот бизнинг оиладан аланға олғон эди.
Албатта Гавҳарнинг акалари бўлмиш куябим ва бошқалар сингилларининг шундоққина жувонмарг бўлиб кетишлариға жим қараб турмагандилар.
"Қонға-қон, жонға-жон!"
Ўша кунги қирғинбаротда ҳар икки тараф тутдек тўкилди. Душман тараф биравни қари, бошқасини ёш демай бир бошдин қиличдин ўтказди.
У кунлар шундоққина кўз ўнгимда...

Муаллиф: Хазонрезги

📌@xazon_rezgi /42

XazonRezgi (Official Channel)

01 Sep 2024 06:27

👆Мазза қилиб томоша қилдим...
📌Сизлар ҳам албатта кўринг

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

01 Sep 2024 04:40

Ассалому алайкум, яхшилар...

Сизлар билан ҳаловат бекати-куз фаслининг илк ойида кўришиб турганимдан бағоят мамнунман...

Куз-саҳоват, тантилик, тўкин-сочинчилик, меҳр- оқибат фасли. Илойим ушбу фаслда барчамиз ўйлаган ниятларимизга етишиб юрайлик ...

✍@Xazon_rezgi 🍂

XazonRezgi (Official Channel)

31 Aug 2024 18:40

#ҚОРА_МАРВАРИД

   - Али,  кўнглимдагини сўрадингиз, жавобини олинг:
- Сиз юрагим ҳисларини мутлоқ тўғри баҳолабсиз. Ҳа, ҳақиқатда менинг юрагим,  тўғрироғи руҳим тонгги сабодек  беҳад қўнимсиз.  Уни соҳиби бўлган ўзим кўпда жиловлашга қийналаман-у,  ўзгаларнинг бас келишлари инчинун.  Бироқ менда ана шул қайсар эркинликдан ҳам кўра улуғворроқ бир туйғу бор.  Унинг номи садоқат.  Сиз сал аввал дўстлигимиз ҳақида тўхталдингиз.  Мендек дўстингиз ягоналигини айтдингиз.  Менинг ҳам бу юртда ягона дўстим сизсиз. Хайринисо онани она ўрнида, синглингиз Меҳрибон ва марҳума Моҳижаҳон Бегимни сингил ўрнида кўрганим рост. Оз фурсатда барчангизга жуда қаттиқ боғланиб қолдим. Тўғри, вақти келиб бу жойлардан насибам бошқа ерларга кўчар. Бироқ ҳозир айни шу ерда бўлишни истайман. Дўстим ва унинг оиласи ёнида. Кичкинтой Нурижаҳон билан. Кўнглим шуни тилайди. Руҳсат берсангиз албатта.

Музаффар Али Ойишага меҳр билан термулди:

- Сени менға йўллағон Аллоҳимға беҳисоб ҳамдлар бўлсун...

🔳 🔳 🔳
  
- Вероника, ўзингни қўлга ол!

Конрад ўлимининг эртаси куни Верониканинг аҳволидан ташвишланиб қиздан хабар олишга келган Стефан уни хаёллари паришон , умидсизликка таслим бўлган ҳолда учратди.

Вероника ўзига сўз қотган Стефанга телбавор тикилди.

- Сен энди Конрад учун ҳам яшамоғинг керак! Унинг учун қасос олишинг шарт! - қизнинг қаршисига ўтириб қатъият билан такрорлади Стефан.

Муаллиф: Хазонрезги

@xazon_rezgi /40

XazonRezgi (Official Channel)

31 Aug 2024 17:07

#ҚОРА_МАРВАРИД

🔳 🔳 🔳

Тонг қоронғусида ҳизматга отланган Музаффар Али ҳовли этагидан матога ўралган алланимани бағрига босганча қайтаётган Ойишани кўриб ҳайрон бўлди.

- Ойиша!? Тонг ҳали ёришмай бу ерларда нима қилиб юрибсен? - қизнинг йўлини тўсди Музаффар Али

Ойиша унга қараб ҳижолатли жилмайди:

- Узр... Сизнинг ҳам ўтингизни ёрдимми? Мен ўзим шундоқ... Нурижаҳон уйғониб қолгунча доғ сув тайёрладим. Гўдаклар бундай вақтида кўпроқ суюқлик ичадилар.

- Шундай дегин? - юзи ёришди Музаффар Алининг,- қизалоғим яхшими? Сени қийнаб қўйғони йўқму?!

- Нурижаҳон ажаб ақлли қиз. Кўзлари билан инсонга гапириб ётади. Кўпинча ўзим ҳам ҳайрон қоламан, наҳотки бир ойлик қиз шунчалар тийрак бўлса деб?!

- Ойиша, мени кечир. Сени ҳам кўп юмушға қўйдим...

- Нега кечирим сўрайсиз, Али? Сиз кечирим сўрашга арзийдиган қандай иш қилдингиз? - ҳайрон бўлди Ойиша.

- Нурижаҳонни пойтаҳтға ҳам, Бухорога- марҳума онасининг юртиға ҳам жўнашиға қаттиқ қаршилик қилғонимни айтамен-да. Сен дўстимсен, шу сабаб кўнглимдаги ҳеч бир сўзим сен учун маҳфий эмас. Биласен, қизимни пойтаҳтга жўнатишға кўнглим йўқлиги- биринчи аёлим Ҳумайрадин гумоним борлиғида. Бир вақтлар Моҳижаҳон Бегимга қилинғон суиқасдда ҳам унинг қўли бор деб гумон қиламен. Шул сабаб қизалоғим пойтаҳтда ул хотун бирлан бир том остида қолишиға кўнглим йўқ. Буҳоро эса биздин бирмунча узоқ, қизимни у ерға жўнатсам кўнглим тилағанда кунда бориб кўриб келишға имконим йўқ. Шул сабаб мен учун энг мақбул йўл қизимнинг шул ер-дўстимнинг назорати остида бўлмоғи.

Муаллиф: Хазонрезги

📌@xazon_rezgi /38

XazonRezgi (Official Channel)

31 Aug 2024 16:29

#Писхалогик_тест 🏞

Расмда биринчи бўлиб нимага кўзингиз тушди танланг 😳❗️

Ва ўзингизни қанчалик даражада кучли инсон эканлигингизни билиб олинг♻️👇

XazonRezgi (Official Channel)

31 Aug 2024 13:59

КУЙЛАК ТИКТИРАМАН ДЕБ НЕЧТА КАНАЛГА КИРИБ ЧИКДИМ БИЛМАЙМАН ЛЕКИН БИТТА КАНАЛНИ ТОПДИМ
💥Окшом
💥Кучага
💥Ишга
💥Кизалокларимизга
💥Муслималаримизга
ХОХЛАГАН ЁШГА  ХОХЛАГАН ЖОЙГА КИЙИШГА ФАСОНЛАР ЖАМЛАНГАН КАНАЛГА КИРИБ  ФАСОНЛАРИ ЧИРОЙЛИЛИГИДАН ЧИКИБ КЕТА ОЛМАДИМ
💥ФАСОНЛАР 💥
/channel/+w9bxFiK7X8w0NTli
/channel/+w9bxFiK7X8w0NTli
/channel/+w9bxFiK7X8w0NTli
💥ЧЕВАРЛАР ДУНЁСИ 💥
/channel/+s23ks9NXMGU5OWRi
/channel/+s23ks9NXMGU5OWRi
/channel/+s23ks9NXMGU5OWRi