Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

26 Aug 2024 18:41

#ҚОРА_МАРВАРИД

- Аср намози вақти бўлди. Юринг намозни менинг хонамда ўқиймиз.

Ойиша Меҳрибоннинг таклифи ўзи учун айни муддао бўлгани учун унга миннатдорчилик билдириб йўлга тушди.

🔳 🔳 🔳

Ойишанинг юрак ҳижиллиги ҳуфтон намозини ўқиб бўлганидан сўнг ҳам босилмади. Хайринисо она бугун қаттиқ толиққан экан, ҳуфтон намозидан сўнг ўрнига чўзилди-ю зумда кўзи илинди. Ойиша шарпасиз ўрнидан туриб аста кийинди-ю ётиғи тагидан кеча Хайринисо она совға қилган дудама ҳанжарни олиб енгининг орасига яширди.
У овоз чиқармай айвонга чиқар экан, кўзи узоқда Музаффар Алининг елкасига бош қўйиб турган Моҳижаҳон Бегимга тушди.
Ойиша ой шуъласида айвоннинг кенг ёғоч устунлари бўйлаб сассиз ҳаракат қилганча уларга яқинлаша бошлади.

- Хайринисо она кўчиб келғонларидин сўнг кўнглим анча таскин топди, -деди Моҳижаҳон Бегим,- аларни кўшкда яшашға кўндирғонингиз учун ташаккур, ҳожам

- Мен учун сен ва туғилажақ боламизнинг саломатлигиндин ортиқ ҳеч нарса керакмас, - Моҳижаҳон Бегимнинг елкасидан оҳиста қучди Музаффар Али,- совуқ қотиб қолибсан-ку, қани ичкариға кирақол, мен тезда изингдан етиб бораман.
Моҳижаҳон Бегимнинг эрининг раъйини қайтармай ортига бурилиб ичкарига йўл олди. Ойиша ҳовли томонга қулоқ солганча аста Музаффар Алига яқинлаша бошлади. Шу пайт у таҳмин қилганидек ҳовли этагидан билинар билинмас шитир-шитир саси эшитилди. Ойиша чаққонлик билан отилиб Музаффар Алини четга итариб юборди. Йигит эс-ҳушини йиғиштириб олмай айвон устунига ҳовли тарафдан отилган ҳанжарнинг "тўқ" деган овоз чиқариб санчилгани эшитилди. Ойиша пастдан йўлланган ҳамлага жавобан айвондан туриб енги орасига яширган ҳанжар билан овоз эшилган томонга зарба йўллади.

- Ииииҳҳҳ... - бўғиқ овоз эшитилди ҳовлидан,- единг лаънати!

-Кимсен?! - Музаффар Али ўрнидан туриб Ойиша томонга яқинлаша бошлади.
Ойиша Музаффар Алига жавоб қайтармай айвон тўсиғидан сакраб ошиб тушди ва бироз аввал ўзи мўжалга олган йигит кўксидаги ўз ҳанжарини шарт суғурди-ю кўздан йўқолди.

Кўп ўтмай теварак-атроф тўс-тўпалон бўлиб кетди. Ҳовлидаги девор яқинида ғужанак бўлганча жон таслим қилган йигитчани дарровда танидилар. У кеча шаҳардан бозорлик олиб келган ҳизматчилар орасида келган экан. Бироқ йигитга қарши зарба берган Музаффар Алининг ҳаётини сақлаб қолган инсон топилмади.
Бўлган воқеадан тонгда хабардор бўлган Хайринисо она Музаффар Алига суиқасд уюштирилган ҳанжарни кўриб дарровда бир ҳулосага келди.
- Бу ҳанжар сенга аталмағон. Унинг эгаси бошқа инсон, яъни аёлинг Моҳижаҳон Бегим. Менга ундай ҳайрон бўлиб қарама. Агар қотил сени ўлдирушни истаганида ўзи учун энг қулай пайт, от устида тонгги сайрга чиқадиган вақтингни мўъжал қилган бўларди, жонини қийнаб тун қоронғусида таҳминан мўъжалга олиб ўтирмай. Қолаверса от устидағи инсонни маҳф этишнинг минг бир усули бор. Эмди ҳанжарға қара. Унинг сиртиға мўл миқдорда заҳар суртилибди. Қотил бу билан қандай бўлмасин ўз ўлжасини ўлимини таъминлашни истағон. Бу ҳанжар санчилиб эмас, шунчаки тирнаган тақдирда ҳам унинг домиға тушғон инсон тирик қолмас эди.

- Мен қотилни шахсини суриштириш учун пойтаҳтға одам жўнатдим,- ғазабдан оғир ҳансираганча деди Музаффар Али

- Бундин бир иш чиқадир деб ўйламаймен. Мени айтди дейсан қотил йигит фалон-фалон яқиним бор деб сўйлаб кетғон тақдирдаям сўзларининг бари ёлғон бўлиб чиқадир.

- Она, мени бошқа нарса қизиқтиряпти. Мени ўлимдин қутқарғон жон халоскорим ким эркан? Нима учун шундай таҳсинға лойиқ иш қилган киши ўзини танитмай кўздин йўқолди?

- Буни сабабин мен қайдин билай, болам? -бемажол қўл силтади Хайринисо она,- билганим шуки, у вақтида улгурмаганида ҳозир иккимиз бу ерда омонлиқда суҳбатлашиб турмағон бўлур эдик.

Хайринисо она хоналарига кирганда Ойиша дераза яқинида тўшалган кўрпачада китоб ўқиб ўтирган эди.

#давоми_эртага!

Муаллиф: Хазонрезги

📌@xazon_rezgi /27