XazonRezgi (Official Channel)
19 Aug 2024 18:40
#ҚОРА_МАРВАРИД
- Бўлди улар кетишди. Энди ўзингни соҳта бемор қилиб кўрсатишга ҳожат йўқ.
Хайринисо она шундай деб Верониканинг жавобини кутмай кулбага кириб кетди. Қиз эса унинг сўзларининг маъносига тушунмай турган жойида қаққайиб қотиб қолди. Бироқ тез орада ақл-ҳушини йиғиб Хайринисо онанинг изидан кулбага кирди. Она осойишта кўринишда ихлос билан китоб ўқиб ўтирар эди.
Вероника ундан сал берида тиззалаб ўтирганча Хайринисо онанинг оғзига тикилди. Хайринисо она қизни пайқамагандек китоб ўқишда давом этди. Орадан ярим соатга яқин вақт ўтгач Хайринисо она китобдан кўз узмаган ҳолда сўзланди:
- Сенда саройда қолмаслик учун шу қадар муҳим сабаб бор деб тушунишга ҳаракат қилаяпман, бироқ ўша сабабнинг нима эрканлигига ақлим етмай бошим қотди.
-Сарой ҳаёти мен учун эмас! - кескир жавоб қайтарди Вероника,- истамайман у ерда яшашни!
- Шундай дегин !? - алам билан жилмайди Хайринисо она,- тўғри ҳур сабони ҳар қандай қалъаға қамаб асраб бўлмас. У дарров ўзини ўзи озод этиш учун йўл ахтарадур. Афсуски кўп ҳолларда бундин бир натижа чиқмағай. Алал оқибат ҳур ва эрка сабо ўзига қалқон бўлғон деворларга изсиз сингиб кетадур.
Сен ўзингча бу ерга келганим тақдирдан деб ўйлайсенму? - Хайринисо она Вероникага қараб айёрона кулимсиради,- йўқ! Ўртага Яҳё Мирзонинг номи аралашғони кўп нарсани англатадур. Шулардин бири у сенинг ҳийлангдан воқифлигини ҳам.
- Она... - бўшашди Вероника.
- Сен қўрқма,- кулимсираб сўзлашда давом этди Хайринисо она,- Яҳё Мирзо кўп ҳам ёмон одам эмас. Камига табобатдин ҳам бирмунча хабардор киши у. Шу сабаб ясама иситма ҳуружи ва мана бундай чаён ўт кукуни ёрдамида қалбаки яра-чақа сирини истаган онида фош қилиш унинг учун хамирдан қил суғурғондек осон юмуш. Арқонни узун ташлағонга қарағанда у сенинг баҳонангда саройдаги қайсидир кимсаларни имтиҳондин ўтказаётғонга ўҳшайди. Ҳай майли, буларни қўя турайлик. Аввал уй ёнидаги ҳаммомга кириб бошингдан сув қуй. Сувга тинчлантирувчи гиёҳлар қўшғанмен. Шунда ўзингни қийнаб орттирган яраларинг сени ортиқча безовта қилмайди. Ювиниб бўлғоч, ўчоқ бошиға бор. У ердаги кўзаға дамлама сузиб қўйдим. Биламан, бир неча кундан бери уйқунг нотинч. Ўша дамламадан оҳириғача ичгин ва ўрнингга кириб чўзил.
Вероника Хайринисо онанинг амрига итоат қилиб ўрнидан турди. Бир-икки қадам босиб ортига ўгирилди:
- Нима учун мен билан бунчалик очиқ- ойдин гаплашмоқдасиз? Қочиб кетишимдан қўрқмайсизми?
Хайринисо онанинг буришган чеҳрасига нур таралди:
- Биринчидан ўзинг учун учун ҳозирча бегона бўлған бу юртда мен каби тили тилиға тушадиған иккинчи бир инсонни топишинг осон иш эмаслиги яхши тушуниб турибсен.
Иккинчидан, нигоҳларинг тоза сен қизнинг. Шу сабаб сенга ишондим. Мен камдин кам ҳолатларда адашғонмен. Энди бор ювиниш учун сув айни тобига келди..
Вероника бўҳчасидан тоза кийимларини олди-ю, мўъжазгина ҳаммомга кириб чўмилишни бошлади. Хайринисо она тайёрлаган гиёҳли сув яраларига малҳамдек туюлди. Ҳаммомдан чиққанда унинг кўзлари юмилиб бораётган эди. Қиз базўр ўчоқ бошига бориб она айтган илиққина дамламани чучмал таъмли бўлишига қарамай оҳиригача кўтариб ичди. Вероника бутун танасига қувват оқиб кираётганини ҳис қилганча ичкари хонага кириб чўзилди. Хонада Хайринисо она кўринмасди. Вероника ҳеч нарсанинг ташвишини қилмай ўзини уйқу салтанати сайрига топширди. Бу унинг Марья вафот этган кунидан бошлаб илк марта ҳотиржам кўзи илиниши эди.
Муаллиф: Хазонрезги
#давоми_эртага!
📌@ /12
Читать полностью…
XazonRezgi (Official Channel)
19 Aug 2024 17:10
#ҚОРА_МАРВАРИД
✍ Хазонрезги:
Саройни тарк этганининг учинчи хафтаси Вероникани шаҳардан ташқарига олиб чиқиб кетиш тадоригига тушдилар. Бу сафар у шаҳардан ташқарига одмигина кажавали аравада бир эркак ва бир аёл ҳамроҳлигида олиб кетилди. Мусулмонларнинг бомдод намози деб аталадиган ибодат вақтидан сўнг йўлга тушган арава дам олиб, дам олиб аср пайтига мўъжал қилинган манзилга етиб тўҳтади.
- Биз қаерга келдик? - сўради Вероника пешонасидаги маржондек терларни аста артар экан ёнидаги аёлдан.
- Ер юзидаги жаннатга,- жилмайди сўнгги икки ҳафта ичида синашта бўлиб қолган жувон- Роҳила,- бу манзилни Боғи Жаҳоннамо дерлар. Самарқанди азимдан таҳминан етти фарсаҳлик йўл. Ҳавосини ҳис қилаяпсизму? Бу ернинг нафақат сув, гиёҳ ва жониворлари, балки ҳавоси ҳам дардга малҳам, шифобахшдир. Вазир жаноблари сизни бежизга бу манзилга жўнатмаганликлари маълум. Улар бу ҳаракатлари билан ҳамон сизнинг тузалишингиздан умидвор эрканликларини билдириб қўйдилар.
Вероника Роҳиланинг сўзларига елка қисиб қўйди-ю, бўҳчаси билан аравадан тушиб ўзларига ҳамроҳ бўлиб келган йигит- Роҳиланинг оғаси кўрсатган салобатли ёнғоқ панасига ўтиб уларни кута бошлади.
Роҳиланинг оғаси Низомиддин тезда отни аравадан бўшатиб сайсхонага боғлади-ю, ўзи ёлғизоёқ йўл бўйлаб Вероника ва Роҳилани боғ ичига бошлаб кетди.
Низомиддин билан чорак соат юришгач қаршиларидан сароймонанд катта иншооат чиқди. Йигит уларни асосий дарвозага бошлаб кирмай бинони четлаб ўтиб ён тарафдаги бежиримгина кулба томонга бошлади:
- Хайринисо она! - овоз берди Низомиддин кулбадан ўн одим берида туриб,- Хайринисо она!
- Ҳозир! - кулбадан аввал овоз эшитилди, кўп ўтмай унинг оғзида муштдеккина, бироқ кўринишидан анчайин чайир кампир кўринди,- кел, болам, келаверинглар кўзимларимнинг гавҳари!
Аввал Роҳила, унинг ортидан Низомиддин кампирнинг бағрига отилишди.
- Она! Онажон!
Вероникага кейинроқ маълум бўлишича Хайринисо она бу оға-сингилларнинг ўгай онаси экан. Уларнинг туққан оналари болалар ёшлигида вабо касалидан дунёдан ўтгач, уларнинг бошини ана шу Хайринисо она силаган эркан.
Шу куни Вероника яна кўп нарсадан хабардор бўлди. У аҳамият бермаган эркан, Низомиддиннинг чап қўли ўнгидан бир қарич калта бўлиб шу сабаб ўзи истаса-да унча-мунча юмушни бажара олмас эркан. У бир қўли майиблиги учун ҳукмдор сайсхонасида отбоқарлик қилар, Роҳила эса эри ҳукмдор аскарлари сафида навбатдаги фатҳ сафарида иштирок этаётгани учун пойтаҳти азимда оғасининг қарамоғида қолган эркан.
Низомиддин ва Роҳила Вероника билан бирга уч кун Хайринисо она кулбасида қолиб кетишди. Бу уч кун ичида аёллар ичкари хонада, Низомиддин эса ташқаридаги лойдан ясалган супада тунади. Вероника ана шу уч кун ичида яна кўп нарсалардан хабардор бўлди. Роҳиладан ташрифларининг сабаби Верониканинг сирли касаллиги ҳақидаги хабарни эшитган Хайринисо она қизга зимдан нигоҳ ташлаб, ўтирган ўрнида бир қимирлаб қўйди.
- Онажон, - деди учинчи кун Роҳила эркаланиб Хайринисонинг елкасига бош қўйиб,- оғам билан менинг сафаримиз қариди. Энди йўлга тушмасак бўлмайди. Ҳадемай ҳукмдор ҳазратлари сафардан келадурлар. Куёвингиз ҳам алар билан бирға қайтиб қолурлар, ин шаа Аллоҳ. Уларни ўз кулбамизда алоҳида тадорик билан қаршилашни истардим. Шул сабаб бизга оқ фотиҳа берсангиз Сизға меҳмон қизимиз вазир аъзам жанобларидин омонат. Ул киши Вероникани бир муддат шу ерда бўлишини истадилар.
Хайринисо она мийиғида жилмайди:
- Яҳё Мирзонинг менгина мушфиқаға бул қадар ишонч билдирғанидин бошим осмонға етди. Ишончлари бош устиға. Сизларга эса оқ фотиҳа бермакдин ўзға иложим йўқ.
Хайринисо она Низомиддин ва Роҳилани узундан узоқ дуо қилди. Уларни кузатар чоғ ҳар иккисининг қўлига алоҳида тугун берди: "Булар шифобахш заминда туп қўйиб қуёшнинг заррин нурларини эмиб дармонга тўлган дараҳт меваларнинг қоқилари. Оз-оздан дамлаб ичиб юринг" .
Хайринисо она Вероника билан бирга Низомиддин билан Роҳилани кузатиб қайтгач қизга тагдор назар ташлади.
#давоми 21:40 да
📌@ /11
Читать полностью…
XazonRezgi (Official Channel)
19 Aug 2024 11:59
❗️АПТЕКАДАГИ ЗАХАР:
БУ ДОРИНИ УЙДА САҚЛАМАСЛИК КЕРАК!
Атига 1000 сўм турадиган бу дори, нафақат сизни, балки фарзандларингизни ўлимига сабабчи бўлиб қолиши мумкин. Бу дори хар бир уйнинг аптечкасида бор ва уни мунтазам ичишни тўхтатиш керак...
Ўзини ва оиласини соғлиғини ўйлаган хар бир инсон дорини номини ва сабабини билиши керак!
Батафсил👇👇
Читать полностью…
XazonRezgi (Official Channel)
19 Aug 2024 09:59
🔴 🟠🔴🔴🔴🔴🟠 🔴
Bu mening 2haftalik daromadim🟠
🟠Sizga ham shunday daromad topishni o'rgataman!
🟠100% Halol va Qonuniy
🟠 1Xbet, tarmoqli marketing emas!
Bu online biznes proyekt😉(ayol-qizlarimiz uchun)
1haftada bemalol foydaga chiqasiz😍
Ko'rib turganingizdek, o'quvchilarim kuniga 10$-100$gacha foyda qilishadi🟠
KIRIB O'ZINGIZ GUVOHI BO'LING🔴
/channel/+trDRxbKVSDcxOTM6
/channel/+trDRxbKVSDcxOTM6
/channel/+trDRxbKVSDcxOTM6
Читать полностью…
XazonRezgi (Official Channel)
19 Aug 2024 05:03
титраганча , - узр кеч қолдим. Қорнингиз ҳам очиб кетгандир ...
Сарвинознинг айтишича кеча ярим кечаси келинойисининг кўричаги ҳуруж қилиб қолибди. Акаси келинойисини касалхонага олиб кетганда Сарвинознинг эри уни жиянларига қараб туришга олиб келган экан
- Келинойим операциядан яхши чиқибдилар . Акам эрталаб жиянларимни қуда холамникига олиб кетдилар. Ўзлари шунақаси ишга кетар эканлар . Мени ҳам йўл - йўлакай уйга ташлаб кетгандилар. Уйга бориб қозонга товуқ шўрва солиб ... Уни қайнашини кутиб кўзим кетиб қолибди.
Шунда ... - Сарвинознинг қўллари қалтирай бошлади ,-шунда ойижоним тушимга кирибдилар . Улар "Қизим , отангдан хабар ол , нон -чойсиз қолиб кетмасинлар ..." дедилар .
Отажон ... Улар ўз вазифадорликларини ... у дунёда хам унутмабдилар ...
Шермат отанинг бўғзини аччиқ бир нарса куйдириб ўтди. Ўша нарса нима эди ?
Пушаймонликми , армонми, соғинчми ...
Ёки буларнинг барисими ...
Менимча охиргиси бўлса керак ...
Охиргиси...
Муаллиф: Хазонрезги
Каналга уланиш 👇:
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
19 Aug 2024 04:01
📌Бунга ишониш қийин, лекин 98% одамлар уйларини тўғри тозалашмайди.
🙋♀️Ётоқ хонаси, ошхона, ҳожатхона ва ҳоказоларни ҳар куни тозалаш керакми?
💁♀️Чунки кўпчилик Кунлик_Лайфхаклар ҳақида билмайди! Бу ерда сиз ҳар қандай вазият учун ҳаётни узгартирадиган нарсаларни топасиз,
💁♀️Телеграмда катта Лайфхаклар топлами Хар доим йонингизда булиши учун уланиб олинг.
/channel/+v8Ki5X8Vces5Y2Uy
/channel/+v8Ki5X8Vces5Y2Uy
Читать полностью…
XazonRezgi (Official Channel)
18 Aug 2024 18:41
#ҚОРА_МАРВАРИД
Муаллиф: Гулбаҳор Рахматуллаева (Хазонрезги)
Бу қиз ҳукмдоримиз учун неча минг-минг мил йўл босиб келтирилғонидан хабаринг борми? - овози таҳдидли янгради Моҳим бекачнинг.
Бироқ Ризвон ҳам сўзини ўтказишда саройда ўз ўрнига эга эди:
- Бундай қизларнинг юз ва ҳаттоки минг нафари ҳам ҳазрати ҳукмдоримизнинг ҳаётларини бир дақиқаға таҳликага қўйушга арзимайди.
Тамом!
Масала Ризвоннинг оҳирги сўзи билан ҳал бўлди! Моҳим бекачнинг боши иккита бўлса экан-ки, бири бўлмаса бири билан ҳукмдорнинг ҳаёти ила ўйнашса!
Моҳим бекач тезда ҳукмдорнинг биринчи аёли, саройнинг бош маликаси Шодия Оғониинг ҳузурига йўл олди. Шодия Оғо Моҳим бекачни узоқ эжакиланиб эшитиб ўтирмади.
- Қизни тез фурсатда саройдан чиқаруб юборинглар!- деди у сўзни калта қилиб.
Моҳим бекач эндиги сафар оёғини қўлига олиб вазири аъзам Яҳё Мирзонинг ҳузурига ошиқди. Аҳир қизнинг бу саройга келиши шаҳсан Яҳё Мирзонинг саъй ҳаракати билан бўлган эди.
Шодия Оғодан фарқли Яҳё Мирзо Моҳим бекачни атрофлича эшитди. Яҳё Мирзо бундан икки кун аввал Марьянинг ўлими юзасидан Моҳим бекачни шаҳсан чақириб ўзи сўроқ қилган эди. Вероника билан боғлиқ навбатдаги воқеа эса Мирзонинг асабини бузилишига сабаб бўлганди.
- Маъқул,- деди ваниҳоят Яҳё Мирзо ўйчан қиёфада,- қиз саройдан бутунлай чиқариб юборилади, бироқ масала шу билан ҳал бўлмайди. Шуни яхши билки, ҳар икки қизнинг иши ниҳоясига етказилмай қолмайди. Биринчи қизнинг ўлими, иккинчисининг бу аҳволга тушиши шундай қолиб кетмайди. Айбдорлар топилади ва ўз жазосини олади. Бундан ҳотирингиз жам бўлсун.
Моҳим бекач Яҳё Мирзога қарши сўз демади. Гарчи вазир жаноблари алоҳида таъкидламаса ҳам ҳар икки ажам қизи учун ўзининг берадиган жавоблари бисъёр эканлигини у дилдан ҳис қилар эди.
🔳 🔳 🔳
Вазири аъзам билан бўлган суҳбатдан сўнг Моҳим Бекач Саодат Бахт Бегимни барча сирдан воқиф қилмаса бўлмаслигини фаҳмлади. Моҳим бекач учун ҳукмдорнинг суюкли аёли олдида шу баҳона ўз мавқени янада мустаҳкамлаш учун қулай имкон эди бу.
Саодат Бахт Бегим Вероника билан Марьяни илк бор учратиб, уларни нима учун ҳарамга олинмагани ҳақида ғазаб отига минган вақтда Моҳим Бекач уни жўялик сўзлари билан шаштидан туширган эди:
- Маликам,- деган эди Моҳим Бекач муроса оҳангида,- биласиз ҳарамда дўстдан кўра ғанимларингиз кўп. Бу қизлар ҳарамга олинса бу ғанимларингизга қўл келадур. Аллоҳ кўрсатмасун, алар қизларнинг жонига қасд қилиб ҳукмдоримизга сизни айбдор қилиб кўрсатишлари мумкун. Шул сабаб "Балодин ҳазар" дерлар. Ўтинчим сиз бу фитналардин йироқ бўлинг. Биламен, ҳазрати ҳукмдоримиз сиз ҳақда тўқилган бўҳтон-у иғволарга ишонмаслар. Бироқ шу баҳона орада юзага келадирғон танг вазият ҳам сизнинг оромингизни бузиши тайин. Камина қулингиз учун эрса сизнинг тинч ва ҳотиржамлигингиз олий саодатдир.
Саодат Бахт Бегим ўша куни Моҳим Бекачнинг мулоҳазасини жим туриб эшитган бўлса-да, қайтиб ажам диёрининг қизларини ҳарамга чорламади. Бу эрса ўз навбатида Моҳим Бекач сўз пайконидин отган ўқ мўжалланган манзилига бориб текканидан дарак эди. Орада Марьянинг бевақт ўлими ва Верониканинг сирли касалликка чалиниш воқеаси Моҳим Бекач ҳақидаги баҳони Саодат Бахт Бегим қаршисида яна бир поғона баландга кўтариши аниқ эди.
🔳 🔳 🔳
Яҳё Мирзонинг буйруғи билан Вероника тун ярмида вазири аъзамга тегишли таҳтиравонга ўтказилиб саройдан олиб чиқиб кетилди. Вероника тонгга яқин ўзини шаҳар четидаги чоғроққина ҳовлида кўрди. Икки ҳафта давомида ўша ҳовлидаги пастак ҳужрада сақланган Вероникага кун ора келиб қараб турган табиба аёл ўз билгичига кўра дори-дармон қилиб турди. Бу орада қизнинг иситмаси ортга чекинган бўлса ҳам қўл, бўйин, юз қисмларидаги яралар буткул йўқолмади. Улар табиба аёл берган суртма дорилар таъсирида бироз қуриб, суви қочгандек туюлар, табибанинг "Бу ёғига насиб, бемор тузалиш йўлига ўтди" деган хулосага келиши билан яна бошдан яллиғланиб қайтадан бўрта бошлар эди.
#давоми_эртага!
📌 @ / 10
Читать полностью…
XazonRezgi (Official Channel)
18 Aug 2024 17:12
#ҚОРА_МАРВАРИД
МАРЬЯ
/channel/xazon_rezgi
Читать полностью…
XazonRezgi (Official Channel)
18 Aug 2024 16:29
TURMUSH OʻRTOQNING SEVGI ENERGIYASIGA ULANISH amaliyoti.
💁♀ Bu amaliyot orqali:
➕ Turmush oʻrtoqning mehriga muhabbatiga sazovor boʻlasiz.
➕ Turmush oʻrtoqning sovuq munosabatidan halos boʻlasiz.
➕ Er xotin munosabatlarni garmoniyaga keltirasiz.
➕ Jinsiy munosabatlarni garmoniyaga keltirasiz.
➕ Turmush oʻrtogʻingizning sevgi energiyasiga ulanasiz.
‼️ Goʻzal xonimlar turmush oʻrtogʻingizni sevimlisiga aylanishni istasangiz, qani tezda oʻtib olingchi!
/channel/+YFFotfVMNWQ0ZmMy
/channel/+YFFotfVMNWQ0ZmMy
/channel/+YFFotfVMNWQ0ZmMy
Читать полностью…
XazonRezgi (Official Channel)
18 Aug 2024 11:59
Дарахт остидаги аҳлат уюмлари остини ковлаётган посбон ногоҳ белкуракка илашиб чиққан чарм сумкани қўли билан яхшироқ тортди. Қумга беланган сумка аёлларга тегишли эди. Уни ичини очар экан чиришга улгурган хужжатлар орасидан паспортни авайлаб олди. Паспортдаги исмни ўқиб титраб кетди.
-Йўўўўўқ...
Посбон ерни янада чуқур ковлай кетди. Суякларга тегиб кетмаслик учун жуда эҳтиёт бўлиб ковларди. Юраги эса жуда-жуда оғриб кетаётганди...
/channel/+lw85f9S1dEUwNDdi
Давоми👇👇👇👇
Читать полностью…
XazonRezgi (Official Channel)
18 Aug 2024 09:59
- O'rtoooo shunde chroyli koynelani qattan olasan 😅❤️?
- Online magazindan olaman u yerda juda arzon va sifatli tovarlar bor tezzz sen ham qoshlb ol 😍🙈👇
┏━━━━━━━━━━━━━━┓
彡👉🏻❤️🔥 K I R I SH ❤️🔥👈🏻彡
┗━━━━━━━━━━━━━━┛
- Tezzz qoshlila qzla joyla chegaralangan👆😅💋
Читать полностью…
XazonRezgi (Official Channel)
18 Aug 2024 03:59
🙋♀️ Силаниям ишдан келиб ужинга нима қилсам экан деб доим бошила қотадими?
😒 Қайнонам ҳам, эрим ҳам “Билганизни қилинг” дейишади.
Лекин эрим оч қолиб кетса борми маҳлуққа айланиб қолади. 👹
🥹Яқинда дугоналар гуруҳига кимдир Ойимнинг Рецептлари деган канални ташабди. Ўша каналга қўшилдиму азалий муаммодан қутилдим.
💃 Ишдан қайтгунимча осон ва тезпишар рецептни топиб қўяману, келиб 5 минутда пишириб ташлайман. Барча осон ва сара рецептлар шу каналда экан.👇🏻
Читать полностью…
XazonRezgi (Official Channel)
17 Aug 2024 18:41
#ҚОРА_МАРВАРИД
Муаллиф: Гулбаҳор Рахматуллаева (Хазонрезги)
Вероника жон ҳолатда қизнинг бошини қучоғига олди. Унинг юзларини силаган эди қўлига илиқ шилимшиқ нарса илашди. Вероника бу нарсанинг қон эканлигини шуури билан англаган онда бор овози билан ҳужрани бошига кўтарганча бақирди:
- Ёрдам бериииинг!
Бир зумда ҳужра ичи- ташини одам босиб кетди. Дарҳол ҳужра ичида ўнлаб ёқиқ фонуслар олиб кирилди. Ичкарига кирган ёрдамчи бекалар сарой табибига одам жўнатдилар.
Вероника талотўпда қўлидаги узук кўзини этагига ишқалаб бироз бурди-ю, ичидаги кукун ҳолидаги зидди заҳардан Марьянинг оғзига киши билмас сепиб юборди.
- Сув беринг, илтимос, сув узатинг!
Верониканинг талабига кўра Ниҳола унга ярим пиёладан ошиқроқ сув тутди. Вероника тезлик билан Марьянинг оғзидан сув қуя бошлади. Шу пайт Моҳим бекачнинг ўнг қўли ҳисобланмиш Руҳсор ойим Верониканинг қўлига шаҳд билан уриб пиёлани учириб юборди:
- Қизни захарлаган бўлишлари мумкин,- деди Рухсор ойим ғазаб билан,- бундай вақтда унга сув ичириш мумкин эмас.
Вероника Марьянинг лабларидан икки-уч қултум сув кетганини чамалади-ю, ўзидан кўнгли тўлдиб Руҳсор ойимга жавоб қайтармади.
Оралан беш дақиқа ўтар ўтмас Марьянинг юзлари кўкимтир рангга кира бошлади. У энди ортиқ ҳирилламас, балки оғзини каппа-каппа очиб нафас ола бошлаганди.
- Марья,- деди икки кўзи жиққа ёшга тўлган Вероника шивирлаганча нима воқеа бўлаётганини англай бошлаб,- илтимос, ҳаётга қайт. Мени ёлғиз ташлаб кетма. Марья! Марья!
Вероника энтикиб қисқа- қисқа нафас олаётган Марьяни силтай бошлади.
- Ҳей қиз! Жон бераётган инсонни бундай силтамайди, ҳозир бир нимани бошлайсан. Жойига ётқиз уни!
Руҳсор ойимнинг овози таҳдидли янгради. Унга сари Вероника баттар жазавага тушди.
- Йўқол ҳамманг!- деди у ўз тилида чинқирганча,- бечора шу ёшга кириб кун кўрмаганди. Шуям камлик қилди сенларга! Бошига етдиларинг уни!
Шу пайт Марья қаттиқ ўқчиди. Унинг оғиз-бурнидан варақлаб отилиб чиққан қон Верониканинг юз-кўзини ҳам алвон тусга белади.
Марьянинг кўзлари рангсизланиб хиралаша бошлади. Сал аввал чангак бўлиб турган қўл оёқлари бўшашиб илвираб осилиб қолди.
-Марья...- умидсиз шивирлади Вероника
🔳 🔳 🔳
Марьянинг жони узилганидан кўп ўтмай етиб келган сарой табиби қизнинг ҳидсиз ва мазасиз ва лекин ўта кучли заҳардан ўлганини тасдиқлади. Унинг сўзларини эшитган Вероника табибга таассуф билан тикилди. Верониканинг хаёлидан:
"Қизни ўлимини уюштирган инсон жуда устамон экан. Сен айтган заҳарни тўлиқ таъсир қилиши учун Чин чиннисининг кукунидан қўшган ва бу иши билан қизнинг ўлимини тўлиқ таъминлай олди" дея ўйлади. У Марьянинг ўлимида сарой мулозимларидан энг устомонлари танлангани, бу ишда асосий гумон сарой ошхонасига тушиши кераклиги ва сабабчилар сувдан қуруқ чиқиб кетишни
олдиндан пухта режалаштирганликларни теран ақли билан фаҳмлаб турарди.
Аслини олганда Вероника Марьяга ичирган зиддизаҳар ҳар қандай ўткир оғуни кучини бартараф этишга қодир эди. Марья ичган заҳарга Чин чиннисининг майда қилиб туюлган кукуни қўшилгани сабаб меъда ва ичак йўлларидаги шиллиқ қаватни тешиб ўтиб ҳаёт учун муҳим бўлган аъзолар фаолиятини ишдан чиқарган ва қизнинг ўлимига сабаб бўлган эди. Вероника оғуга қўшилган чинни кукуни ҳақда
дугонасининг ҳаётининг оҳирги дақиқаларида кучли қон кетиш билан жон таслим қилгани туфайли таҳмин қилган эди.
🔳 🔳 🔳
Бош вазир Яҳё Мирзонинг кўрсатмасига биноан Марьянинг ўлими бўйича саройда суриштирув ишлари жадаллик билан бошлаб юборилди.
Бўлиб ўтган воқеа Яҳё Мирзонинг ғазабини қаттиқ жунбушга келтирган эди. У Константинополь императорининг ҳадяси бўлмиш қизнинг ҳаётини поймол бўлишига йўл қўйган сарой аёнларининг ҳар бирини аёвсиз жазога тортишни режа қилган эди.
📌#давоми_эртага
@ /8
Читать полностью…
XazonRezgi (Official Channel)
17 Aug 2024 17:05
Муаллиф: Хазонрезги
#ҚОРА_МАРВАРИД
📚онлайн китоб
Каналга уланиш👇
/channel/xazon_rezgi
Читать полностью…
XazonRezgi (Official Channel)
19 Aug 2024 17:05
Муаллиф: Хазонрезги
#ҚОРА_МАРВАРИД
📚онлайн китоб
Каналга уланиш👇
/channel/xazon_rezgi
Читать полностью…
XazonRezgi (Official Channel)
19 Aug 2024 12:56
Инсоннинг қўли гул
@
Читать полностью…
XazonRezgi (Official Channel)
19 Aug 2024 11:43
#ҳикоя
ШАФТОЛИ
- Болам , чида ҳомиладорлик дард эмас ,- Она гўшакга гапирар экан , чуқур уф тортди .
- Нима қилай , ойижон . Турсам ҳам , юрсам ҳам кўз ўнгимдан кетмаяпти . Бутун хаёлим фақат шунда бўлиб қолди.
- Болам , биз ҳам ха деса эшигингни тақиллатиб, салом бериб кириб бораверолмаймиз- ку. Айб бўлади , ахир. Ўзи борганимизга уч кун бўлмади.
Эрингга айт дардингни. Эр дегани шунақа вақтда хотинига яхшироқ эътибор бериши керак.
Нодира опа шундай деди- ю , барибир қизига юраги ачиди. Қизи Шоира ҳомиладор. Ҳомиладорлиги жуда оғир кечяпти. Умуман қозон овқат ея олмаяпти. Унда, бунда кўнгли хўл мева тусайди халос . Уч кун олдин ҳар хил мевалардан икки яшик қилиб олиб бориб ташлашган эди. Ўшанда қизини кўриб Нодира опанинг юраги эзилиб кетди. Бояқиш Шоиранинг рангини кесакдан фарқи қолмабти. Жилмайса , милклари оппоқ бўлиб кўринади . Қудаси Ҳанифахон эса ...
Тавба шу аёл ҳам хомиладор бўлган- ку?! Нега тушунмас экан- а ?! Келиннинг уйидагилари бекорга олиб келмагандир шунча нарсани деса бўлади- ю ?! Унинг ўрнига "Вой яхши бўлди , синглим туғилган кунининг таванига нима қиламан деб турувдим" дея меваларнинг бир яшигини олиб жўнабди. Қолганини "Қуда холангларни дуо қилинглар" деб ўртада оила аъзоларига едириб юборибди. "Хой келин , манави тўртта олма , тўрт бош узумни уйингизга обкириб қўйинг, кўнглингиз тусаса ерсиз" дейишга шунчалик кўп фаросат керакмикан- а ?!...
- Айтдим , ойижон. Айтдим. - ҳиқиллади Шоира, -улар ҳам сўраганимни олиб келадилар- у, ойижонга берадилар . Ойижон бўлса ...
Куёвингиз "Биз ўғри томоқ бўлиб ўсмаганмиз , ана ҳамма билан е "- дейдилар у-бу нарса десам ...
- Шоира , шу айтган шафтолингни олиб борганим билан қўлингга тегмаганидан кейин ...
Нодира опа бўғилди. Деразадан келини Дилдорага кўзи тушиб овозини пасайтирди :
- Бўпти , бир иложи топилар...
Нодира опа Шоира билан ҳайрлашгач , анча ўзига келолмади. Нима қилишни билмай боши қотди . Қизига "уйга кел" деса , келиш - кетиш график асосида . Йигирма кундан бир кун олдин хам жавоб йўқ . Бу ёқда ёз . Қизи таътилда . У институтидаги ўқишида бўлгандаям бошқа гап эди .
Нодира опа нима қилишни билмай оғир ўйга чўмганди ...
* * *
Шоира гўшакни қўйгач, беихтиёр ёдига бундан уч йиллар аввал қизлик уйида бўлиб ўтган бир воқеа тушди. Ўшанда эрта баҳор эди. Ошхонада ҳандалакдек турган қовунни кўриб энди қўлига олиб кесаман деганда ойиси келиб қолиб "тегма" деб койиган эди. "Буни аканг келинойингга олиб келган , сен ейишинг шарт эмас , аммо Дилдора келин ойинг емаса бўлмайди" деганини эслади . Ўша куни Шоиранинг асаби бузилиб турган эди , аламини беайб келинойисидан олиб, онаси кетиши билан қовунни бир ўзи тинчитиб қўйганди .
Аммо оила аъзоларидан ҳеч ким ўша қовунни сўроқламаганини бугун эсласа, келинойисининг сабр- у тоқатига тан беради .
Шоиранинг хаёли яна шафтолига кетди. Қип- қизил бўлса , муздек бўлса ... Тўйгунича еса. Нечтасига тўяркин... Ким билсин ...
Ич- ичидан йиғи кела бошлади : " Лоақал бир дона бўлсайди ..."
Шоира ўзини у ёққа ташлади , бу ёққа ташлади. Кир ювганда ҳам , уй тозалаганда ҳам , овқат пиширганда ҳам... Фақат шафтоли ... Шафтоли...
Шоира маставага гуруч солмоқчи бўлиб турганда, эшик қўнғироғи жиринглади .
Ташқаридан қайнонасининг овози эшитилди :
- Ваалейкум ассалом , кираверинг , қудамгилар яхшими ?
Шоира ошхонадан чиқиб, қўлида тўртта патир кўтариб олган келинойиси Дилдорага кўзи тушди .
- Ҳаммалари яхши. Аммо мени бу ерга келганимни билишмайди. Мен малака оширишда эдим . Бирровга киргандим. Шоирахонда бир китобим бор эди . Зарур бўлиб қолди- да ...
Шоира ҳеч нарсага тушунмай анграйиб турарди . Дилдора илдам келиб Шоира билан кўришди ва уни келинлик уйига етаклади :
- Илтимос , Шоирахон , жуда шошиляптувдим , китобни олиб беринг.
Ичкарига киргач , эшикни ёпган Дилдора елкасидан сумкасини олди ва қора халтага ўралган ниманидир чиқариб камод тортмасига шошилинч жойлади .
Хонани шафтолининг хушбўй иси тутиб кетди...
Хазонрезги
Манзилимиз👇
@
Читать полностью…
XazonRezgi (Official Channel)
19 Aug 2024 06:23
#Мухлис_минбари
#ҚОРА_МАРВАРИД ни ўқиб
Маъмура Жиянова:
Раҳмат асар учун! Ҳозиргина ўқиб тугатдим. Гулбахор опамни ижодига омад тилайман! Ижоди бунданда гуллаб яшнасин. Опам барча асарларида аёлларни шунақа мафтункор қилиб тасвирлайдики тўғриси лол қоламан, мана Ойиша (Вероника) ни шундай тасвирланган, мукаммал, самимий, хуллас бир аёлга нима керак бўлса барчаси мужассам. Гулбахор опамни ўзини мен шунақа инсон деб ўйлайман, ҳамма нарсадан яхшилик излайдиган ва яхшилик топадиган, самимий, меҳрли, очиқкунгил, мукаммал аёл.
Яна динимизни Ислом динини шундай юксакка чиқариб қуядики, бу асарларни ўқиган инсон бошқа динда бўлса ҳам шу динимизга меҳр қўйиб қолса керак деб ўйлайман. Мен ўзим ҳам беш вақт намоз ўқиб юрганим билан кўп нарсаларни билмаслигимни англаяпман,Гулбахор опамни асарларини ўқиб ўзимга кўп нарса олдим, кичик асарларида ҳам бир дунё маъно мужассам. Шу каналдан ўқигандим Ёсин сураси ҳақида ҳикояни уша пайтлар фарзандим касал жудаям қийналган пайтим эди мен ҳам ҳар куни Ёсин сурасини ўқий бошладим, албатта имконим етганича чатга фикрларимни ҳам ёзиб қолдирганман фарзандим яхши бўлаётгани ҳақида, мана Оллохга шукр фарзандим соғлиги яхши томонга ўзгараяпти,Ёсин сурасини ўқишни ўзимга одат қилиб олганман, Оллохга ишончим ортаяпти менга Оллохни танитган Гулбахор опамга мингдан минг раҳматларимни етказиб қуйинг, имконим бўлганда ёнига бориб суҳбатларини олардим, бу ҳам амалга ошиб қолар насиб, Оллохдан сўраб юраман. Сизга ҳам раҳмат ҳикояни ўқишимга сабабчи бўлганингиз учун! Сизларга Оллохдан сўрайдиганим аввало соғлик зероки соғликдан устун нарса йўқ, барча яхши ниятларингиз амалга ошсин, доим Оллох мададкор бўлсин! Раҳмат!
Читать полностью…
XazonRezgi (Official Channel)
19 Aug 2024 05:02
ВАЗИФА ( ҳикоя)
Шермат ота жуфтини ерга қўйганига бугун тўртинчи кун ...
Аёли жуда нуроний кампир бўлганча ҳам йўқ эди. Энди эллик етти ёшга кирган эди.
Бундан уч кун аввал ҳар доимги вазифаси эрининг оёқларини тонг сахарла уқалаб бўлгач, ўша пойгакда бошини ёстиққа омонат қўйди- ю , кўзи илинибди . Шу бўйи қайтиб уйғонмади.
Аза уч кун деганлари рост экан ...
Бор гап экан.
Шермат ота ҳам уч кун давомида одамларнинг келди- кетди оёқлари узилмаган хонадонда аёли Сабриянинг йўқотиш аччиғини бу қадар оғир бўлишини ҳис қилмаган экан ...
Кеча асрдан кейин хонадон кўнгил сўровчилардан бўшаганда бир ҳувиллади.
Барчаси тунда бошланди:
- Сабри , чой узат ,томоғим қақраб кетди ,- деди Шермат ота бир ухлаб туриб , аммо жавоб бўлмагач одати бўйича тўнғиллади,- нима бало ўлиб қолдингми ?
Шермат отанинг ёдига бирдан аёлининг ҳақиқатдан ҳам "ўлиб қолгани" тушди. Ётган жойида юраги эзилди. Аёлининг ўрни шу қадар билинди- ки ...
Одатда бу вақтда Сабрия опа уйғоқ бўларди. Эрига дарровда чой тутарди. Кейин уни оёқларини уқалашга тушар эди , чунки эри айнан шу оёқ оғриқ туфайли уйғониб кетган бўларди . Шермат ота ҳисоблаб ҳам кўрмаган экан . Аёли уни оёқларини неча соат босиб ўтиришини... Шуни яхши билар эдики , то кўзи қайта илингунча бу ишни қиларди.
Сўнг ... Аёли қайта ухламасди. Секин ошхонага чиқар , то келини уйғонгунга қадар бирон нарса пишириб нонуштага тайёргарлик кўрар эди.
Келиннинг ҳам қўли ширин эди, аммо тажанг эр фақат аёли Сабриянинг қўлидан овқат ерди.
Аёли "Йўқдан бор қиладиган" лар тоифасидан эди. Саранжом , саришта , пазанда ,чевар ... ва ўз "вазифаси"ни яхши уддалайдиган ...
Унинг "вазифаси" эса Шермат ота хар кунда таъкидлайдиган каби "эрнинг ҳизматини ўз ўрнида қилиш" эди. Сабрия бу борада ҳеч қачон эрига гап қайтармаган эди. Хаттоки ёлғиз қизи Сарвинозни турмушга берган кунида ҳам эрининг "эслатмаси" билан куёвникига бормай тўйхонадан уйга қайтиб келган эди. Икки кўча нарига тушган қизи ҳам онаси каби бор аламини юм- юм йиғисидан олиб қўяқолган эди. Орадан йил ўтиб эгиз фарзандли бўлганида ҳам онаси қизининг уйига хабар олиш учун ҳар отланганида ота демаганнинг аёлига айтган сўзлари кескир қиличдек ҳавони кесар эди : "Икки соат ! Икки соатда уйда бўлишинг шарт ! Вассалом"
Шўрлик аёли ... Ғиқ этмабди- я...
Турмушга чиққанидан буён умрида биринчи марта эридан сўроқсиз қилган сафари ҳам шу омонат жонини жон олувчи фаришталарга топшириши бўлибди.
Шермат отанинг юраги ғижимланди.
"Аллоҳим , - дея ўйлади у ўпкаси тўлиб ,- аслида сенинг мулкинг бўлган бандангга хўжайинлик даъвосини қилган мен гумроҳни кечир. Нима қилай , барига шу кўнглим айбдор. Мен ... Мен Сабрияни жуда қаттиқ суйдим. Уни ўспиринлик чоғидан суйгандим. Бахтимга тақдир Сабриямни менга раво кўрди. Аммо нима учундир уни ҳаммадан қизғанавердим. Сабрия сенинг энг чиройли , хушсурат , исми жисмига мос сабрли ижодинг эди , Аллоҳим ... Мен мудом уни йўқотишдан қўрқиб яшадим. Ширин гапларни вақти келганда гапираман дедим. Бугун эса ...Ўша вақти эса ўтиб кетиб бўлибди ..."
Шермат отанинг соқолига ёш томди.
У ётоғидан туриб таҳорат олиб келди , сўнг бомдодни ўқишга тутинди.
Бомдоддан сўнг яна кўзи илинибди ...
Шермат ота уйғонгач овқатланадиган хонага чиқиб ҳали ҳам нонушта тайёрланмаганлигини кўриб ўксинди.
" Сабрия ...
Ҳали қадрингга кўп етаман ..."
У дилидан тан олиб турар эди.
Ўзи ...
Унинг ўзи келин пиширган овқатларни , тайёрлаган нонушта- ю , тушликларни рад этган ...
Келини ҳам ўз "вазифаси"ни тушуниб олган эди. У ҳам қайнонасининг эрга ҳизмат кўрсатиш энг биринчи вазифаси эканлигини ўқиб олган эди .
Бошқа вақт бўлганда Шермат ота одати бўйича келинини чангини чиқариб болахонадор сўккан , кимнинг жойи қаерда эканлигини кўрсатиб қўйган бўлар эди.
Аммо ҳозир индашга , лом- мим дейишга ҳафсала қилмади. У мунғайганча ошхонани тарк этди.
У ўз хонасига қараб йўл олганди . Шу вақт кўча эшиги ғирчиллаб очилди.
Остонада ёлғиз қизи Сарвиноз халта қучоқлаб турар эди.
- Отажон ,- деди у овози
Читать полностью…
XazonRezgi (Official Channel)
19 Aug 2024 01:10
☀️🌤#хайрли_тонг
Ассалому алайкум, дилдош, кўнгилдош.
Аллоҳнинг бетакрор ҳадяси бўлмиш яна бир мунаввар тонг сиз- у бизга муборак бўлсин.
Умр китобимизнинг "бугун" дея очилаётган янги саҳифаси энг чиройли тақдир ила битилсин.
Оилавий ҳотиржамлик , тинчлик - омонлик , тан- сиҳатлиги доимий ҳамроҳимиз бўлсин.
Хафта аввали душанба куни файзли , баракали , мазмунларга тўла бўлиб ўтсин ...
Каналга уланиш 👇 :
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
18 Aug 2024 18:02
⭐️ 21 - АСР ТОПИШМОҒИ
Жавоби топилмаган «машхур» савол!
Шундай сўз борки,
Унда ҳамма нарса бор,
Ундан 1 ҳарфни олиб ташланса
кўнгил оғрийди.
Яна 1 ҳарф олинса
инсон мухтож бўлади.
Яна 1ҳарф олинса уят бўлади.
Савол: у қайси сўз?
⏰ Ўзингизни синаб кўринг👇
Читать полностью…
XazonRezgi (Official Channel)
18 Aug 2024 17:10
#ҚОРА_МАРВАРИД
Муаллиф: Гулбаҳор Рахматуллаева (Хазонрезги)
Марьянинг ўлимидан сўнг Вероника чуқур қайғуга ботиб қолди. У Марьяни дафн қилиб қайтганларидан сўнг икки кеча кундуз таомланмай қўйди. Оҳири бу ҳақда хабар топиб қизнинг ҳужрасига қадам босган Моҳим Бекач ўзини кутиб олиш учун ўрнидан қўзғалмаган Верониканинг бу қилиғидан ғазаб отига минди.
- Сен қиз кимлигингни ва қаерда эканлигингни унутиб қўйғонга ўхшайсен? - деди Моҳим бекач Верониканинг сочларига чанг солишга тайёр ҳолатда,- бу нима муомала? Бу не юзсизлик? Тур ўрнингдан!
Верноника ётган жойида оғир қўзғалди-ю, аммо ўрнидан туришга рағбат кўрсатмади.
- Олинглар уни!- овози таҳдид ила янгради Моҳим бекачнинг,- мен буни қандоқ ўзига келтириш чораларини билурмен!
Моҳим бекачнинг буйруғи билан Вероникага ёпишган икки нафар қиз дарҳол ўзларини четга олишди:
- Бу қиз аланг-оташ бўлиб ёниб ётибди,- деди қизлардан бири овози титраганча.
- Бекам,- деди иккинчи қизнинг кўзлари даҳшат ичра олазарак бўлганча,- у қизнинг қўлларида аллақандай сувли тошмаларга кўзим тушгандек бўлди.
- Нима? - Моҳим бекачнинг лабларидан олов отилгандек бўлди ,- бу яна нимаси бўлди? Агар бу қизға ҳам бир нима бўлса барчаларингни товонларингдан остирамен!
Чодрасини олларинг у ёққа! Оч юзини!
Верониканинг юзидан юлқиб олинган чодра ҳужрадагиларга кўп нарсани ошкор қилиб қўйди. Қиз юзининг ўнг тараф бўйин қисмидан то пешонасига қадар тошган қип-қизил ярачалар сув боғлаб, билчиллаб ётарди!
- Ё, Аллоҳ, ўзинг асра!- Моҳим бекач моҳҳовга дуч келган каби ҳазарланиб ўзини ортга олди,- тезда Ризвонни чорланг!
Моҳим Бекачнинг ўзи тезда ҳизматчилари билан ҳужрани тарк этди.
- Баринг бориб ҳаммомга тушиб кийимларингни алиштирларинг,- деди Моҳим бекач қизларига, сўнг ташқаридаги соқчиларга юзланди,- Ризвон келиб қизни кўргач менга учрашсин.
Ризвон аслида сарой бош табиби Ёрмуҳаммаднинг аёли бўлиб, унинг ҳам табобатдан анча-мунча хабари бор эди. Ризвон аёллар ҳобгоҳига кириб беморни кўздан кечирганда Ёрмуҳаммад эшик ортида аёлига маслаҳат бериб турар эди.
Ризвон Моҳим бекачни узоқ куттирмади.
- Қизга аниқ ташҳис қўйишга қийналдик, бироқ шу билан бирга баъзи бир жўялик мулоҳазаларимиз йўқ эрмас,- деди у Моҳим бекачдан анча нарида қўл қовуштирганча.
- Гапни чувалаштирмай мақсадга ўт,- Моҳим бекач юраги тошганини яшириб ўтирмай,- айт-чи, қизга нима бўлғон деб таҳмин қилдингиз?
- Таҳминимиз иккита,- деди оғир-босиқлик билан Ризвон,- биринчиси шулки, унинг дугонаси заҳарланган вақт бунинг ҳам таначига ўша заҳардан маълум миқдордагиси тушиб қолган бўлиши эҳтимоли катта.. Айтишларича дугонаси унинг қўлида жон берган. Заҳар миқдори жуда кичик бўлганлиги сабаб Вероникани ўлим ҳолатиғача олиб келмағон, бироқ умрининг оҳиригача бадбашара қилиб қўймоғи ҳеч гапмас.
- Хўш иккинчи таҳмининг қандай? - ўзини босиб олиб сўради Моҳим Бекач
- Иккинчи таҳминимиз биринчисига кўра қалтис ва ноҳушроқ. Бу қиз танасида узоқ вақтдан буён яшаб келаётган ёт таначалар туфайли юзага келадиган касаллик. Асосан ажам юртларида учрайди. Вақти соати келганда тана ташқарисида намоён бўлади. Ўлимга олиб бориши мумкин. Энг енгил кечганда эса инсон танаси батамом фалажланиб қолиши мумкин. Танаси, қўл-оёғидан тортиб тилиғача рўй бериши мумкин бу ҳолат.
- Юқумлими?
- Бу ҳақда аниқ бир нарса дея олмайман. Энг мақбул ечим қизни саройдан чиқариб юбориш ва...- Ризвон ерга қаради,- хуллас мени тушундингиз деб ўйлайман.
- Айтмоқчисан-ки, қизнинг баҳридан ўтишимиз керак, шундайми?- Ризвонга қаттиқ тикилди Моҳим бекач.
Ризвон "Бошқа иложи йўқ" деган каби қўлларини икки ёнга чорасиз ёйди.
📌#давоми 21:40 да
@ /9
Читать полностью…
XazonRezgi (Official Channel)
18 Aug 2024 14:26
#ҳаётий_ҳикоя
ОҚИБАТ
Ака тиришқоқ эди. Ака яхши топарди . Ука эса яхшигина боқибеғам эди. Тўғри-да , жонини койитиб нима? Акаси бор-ку ?! Хамма нарса ҳоҳлаган вақтида муҳаййё .
Ака бирон марта ўзига ўзи савол бермасди ."Нима учун фақат мен ҳаракат қилишим, ишлаб топишим , таъминлашим керак?" деб . Бахтига аёли ҳам ўзига ўхшаган диёнатли чиқди.
Шу зайлда кунлар ўтди . Ука ҳам уйланди, бола-чақа орттирди. Тенг-тенги билан, ўхшатмасдан учратмас деганларидек, келинпошша худди уканинг ўзи, яъни аёл нусҳаси бўлди.
Йиллар ўтди. Кайвонилар айтганларидек, замона айланиб "бошлар оёқ , оёқлар бош " бўлди. Ҳақиқатдан ҳам ... оёқлар бош бўлди.
Кунларнинг бирида ака оғир касалга учрагани маълум бўлиб қолди. Ҳарчанд беркитмасин бу ошкор бўлиб кетди. Аввал бошда билинмади, аммо вақт ўтган сари аканинг бор жамғарган пулларининг охири кўрина бошлади. Ҳеч ким касал бўлмасин экан. Касаллик ўзи бир дард бўлса, бошқалардан бетни шилиб бирон бир ёрдам сўраш иккинчи дард бўлар экан.
Ака касалхонада. Ука хабар олиб турибди . Эл қатори. "Бирон нарса керак бўлса айтинг?" дейди тил учида. Унинг бу мулозамати аканинг кўзини ёшлайди. "Шунча қилган меҳнатимни билди-я ?" дейди ўзича рози бўлиб ва ҳеч нарса керакмаслигини , керак нарса бу унинг ўзи, яъни ука эканлигини айтади. "Худога шукр !" Бу уканинг сўзлари . Ука руҳсат олиб ортга қайтади.
Бўлмади. Аканинг аҳволи оғирлашганда , унинг аёли минг истиҳола билан унинг ёнига қарз сўраб борди.
-Икки хафтада қайтарамиз, боқувдаги иккита буқамиз бор-ку , ўшаларни сотиб пулини олиб келиб беради жиянларингиз,- дейди янга ўғилларини тўйига атаб бораётган буқалари эсига тушиб ва баҳона топганидан қувониб.
Ука айтилган миқдордаги пулни индамай олиб чиқиб янгасига тутқазди. Янга қувонганича касалхонага жўнади.
Аканинг аҳволи шунча муолажадан кейин ҳам ўнгланиши қийин бўляпти.
Эрта сахардан жиринглаган эшик қўнғироғидан янга бир сакраб тушди:
"Ишқилиб тинчлик бўлсин-да!? Катта ўғли отасининг олдида эди..."
Эшикни очганда қайнисининг авзойини кўриб талмовсиради. Ўзида йўқ ука эса салом-аликсиз :
- Кеннойи , сизларда лафз борми ўзи ? Нима дегандингиз ? Кеча кечгача кутдим. Ахир кеча мол бозорга тушиб новвосларингизни сотиб, қарзингизни қайтаришингиз керакмасмиди ? Ўзингникидан топ деганлари шу экан-да а? Мен яна бир хафта мол бозор очилиб , молингизни сотиб, пулимни қилиб беришиингизни кутолмайман. У ер- бу ердан тўғрилаб беринг . "Аборот"дан қолиб кетяпман ахир,- деди- ю, терс бурилиб , йўлига равона бўлди.
Эшикка беҳол суянганча , қайнисининг ортидан термулиб қолган янганинг кўзларидан милт-милт ёш қуйиларди. Янга бир ўзи йиғламаётганди . Унинг ёнида неча йиллик ҳамроҳ -"ОҚИБАТ" кўз ёш тўкарди...
Хазонрезги
Каналга обуна бўлиш 👇
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
18 Aug 2024 11:52
"Батаҳқиқ, Биз инсонни энг яхши суратда яратдик" (Тийн сураси, 4 оят)
1. Одам мияси сиғими 4 терабайтдан кўпроқ.
2. Чақалоқ 7 ойликкача бир вақтнинг ўзида ҳам сутни ютиб, ҳам нафас ола билади.
3. Одам бош чаноғи 29 хил суяклардан иборат.
4. Миядаги асаб пулси соатига 274 км тезликда ҳаракатланади.
5. Бизнинг миямиз бир кунда ҳосил қиладиган электр импулси дунёдаги жами телефонлар ҳосил қиладиган импулслардан бир баробар кўпроқни ташкил этади.
6. Инсон юраги ҳаёти давомида 182 миллион литр қонни ўзидан ўтказади.
7. Чарльз Осборн деган одамни 68 йил тўхтовсиз хиқичоқ тутган экан.
8. Одамнинг ўнг қўли чапига нисбатан 9 йил кўпроқ яшай олади.
9. Инсон ўзи кўрадиган тушларнинг 99 фоизини эрталабоқ унутади.
10. Инсон организмидаги қон томирларнинг жами узунлиги 100 минг километрга тенг.
11. Баҳорда нафас олиш даражамиз куздагига нисбатан 1,5 баробар юқорироқ бўлади.
12. Одам тана ҳароратининг 80 фоизи бошдан чиқади.
13. Одам дунёдаги чалқанча ётиб ухлай оладиган ягона жонзотдир.
14. 4 яшар бола бир кунда ўртача 450 марта ота-онаси ёки яқинларига савол беради.
15. Киндикнинг илмий атамаси умбиликусдир.
16. Чапақайлар дунё аҳолисининг атиги 7 фоизини ташкил этади.
17. Олма ва банан ҳиди озишда ёрдам беради.
18. Агар одам бошидаги сочларнинг бир умрлик узунлиги ҳисобланса, 725 километрга етади.
19. Одам организмида яшовчи бактерияларнинг соф вазни 2 килограммга тенг.
20. Организмдаги кальцийнинг 99 фоизи тишларимиздан жой олган.
21. Агар организмимиздаги жами темир моддасини бир жойга тўпласак, соатнинг жажжигина винтини ясашгагина етади.
22. Акса уришга мажбур этувчи вирусларнинг 100 хил тури бор.
23. Ҳаёти давомида одам териси 1000 марта янгиланади.
24. Қўлдаги бармоқларда тирноқ оёқдаги бармоқларга нисбатан 4 карра тезроқ ўсади.
25. Одам организмидаги мушакларнинг энг бақуввати тили ҳисобланади.
26. Одам юрагининг ҳажми ўз мушти билан баробар, вазни эса 220-260 граммга тенг.
27. Ўрта яшар одамлар бир кунда 23000 марта нафас олиб чиқаради.
28. Кўзларимиз 10 миллионтагача рангни таний олади.
29. Самолётда учиш жараёнида одам сочи ердагига нисбатан икки карра тезроқ ўса бошлайди.
30. Одам суяги пўлатга нисбатан беш карра мустаҳкамроқдир.
Муаллиф: интернет
@
Читать полностью…
XazonRezgi (Official Channel)
18 Aug 2024 04:40
Аллоҳ кечиктирдими, демак, гўзаллаштирябди...
Кут сабр қил...
Усмон Сунгур Экен «Ё насиб»
@
Читать полностью…
XazonRezgi (Official Channel)
18 Aug 2024 01:30
#хайрли_тонг
Ассалому алайкум ва роҳматуллоҳи ва барокатуҳ!
Якшанба тонги муборак бўлсин.
Соғ–саломат уйғотган Роббимизга ҳамдлар бўлсин!
Каналга уланиш 👇:
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
17 Aug 2024 17:11
#ҚОРА_МАРВАРИД
Муаллиф: Гулбаҳор Рахматуллаева (Хазонрезги)
Верониканинг сўнгги ойда безак бериши керак бўлган учинчи либоси эди бу. Вероника бу каштани шахсан Саодат Бахт Бегимнинг буюртмасига кўра тикаётган эди. Шундай либос учун ишланган каштани ҳукмдорнинг қизи Хонзода Султон тасодифан кўриб қолганда, Вероника унга ҳадя қилишга мажбур бўлган эди.
Хонзода Султон ҳадяни олганидан сўнг, тез орада ўз волидаси Ҳадича Бегим учун бу таҳлит каштали либосни қайта буюртирган эди. Ҳукмдор никоҳидаги иккинчи аёл бўлмиш Ҳадича Бегим Вероникадан навбатдаги буюртмани қабул қилиб олгач, қизни сахийларча сийлаган, унинг қўлидан чиққан мунчоқ кашталик либос сарой ичкарисида оғиздан оғизга тушиб тез орада тилларда достон бўлиб кетган эди. Вероникага навбатдаги буюртма учун навбатга тизилганларнинг сафи ҳақидаги узуқ-юлуқ миш-мишлар ҳаддидан ошиб тарқалган бир вақтда, иттифоқо, орага Саодат Бахт Бегим номи тушди-ю, барча миш-мишлар бир зумда бости-бости бўлди.
Бу Саодат Бахт Бегим билан Верониканинг иккинчи учрашуви бўлиб, бундан ўн беш кун аввал бўлганди. Саодат Бахт Бегим у сафар ҳам кутилмаганда пайдо бўлган эди.
- Ҳмм,- деган эди Саодат Бахт Бегим Вероника ва Марья жойлашган ҳужрада кутилмаганда мулозаматсиз пайдо бўлиб бурчакдаги анжомларни кўздан кечирар экан, - шундай қилиб чеварчиликдан хабарим бор дегин?
Вероника билан Марья тезда оёққа қалқиб қўлларини кўксига қўйганча Саодат Бахт Бегимга таъзим бажо келтирдилар.
Саодат Бахт Бегим Вероника чизган нақшли варақларни бирма-бир саҳифалар экан қизларга қарамай сўзида давом этди:
- Бағоят мафтункор... Шунингдек ажиб фусункор ҳам...-у шундай деб Вероникага юзланди,- менинг учун ҳам шундай тикиш тикиб беришингни сўрасам ҳаддимдан ошган бўлмасменми?
- Буюринг, маликам,- оғир ютинди Вероника қўлини кўксидан олмай ҳамон боши эгик ҳолда,- сиз истасангиз кифоя...
-Маъқул...-сузук кўзлари билинар билинмас жилоланди Саодат Бахт Бегимнинг,- унда менга ложувард рангли матога кумуш нозик мунчоқларидин нақшли кашта ишлаб берурсан. Фақат бу нақшлар либоснинг енг, кўкрак ва этак қисмларида бўлишини истаймен. Сен қандоқ ашёлар қанчадан керак бўлишини айтсанг, тез орада муҳайё қилурлар. Унутма, либос бир ой ичинда тахт қилинмоғи лозим.
Шу кундан эътиборан Вероника қаттиқ ишга киришди. У Саодат Бахт Бегимнинг буюртмасини бажараётгани сарой аҳли орасинда тарқалиб кетгани аниқ эди, шул сабаб маликалардан бошқа ҳеч бирлари Вероникани безовта қилишга журъатлари етмади.
Вероника қадалиб ўтирганча кашта учун ҳали ипак, ҳали мунчоқ қадайверганидан кўзлари толиб кетар, унга раҳми келган Марья дугонасига қўлдан келганча ёрдамга ошиқар эди. Бугун ҳам тонг сахардан тиним билмай тикиш ишлари билан банд бўлган Вероника кечга бориб толиқиб қолди. Айниқса аср вақтида қилган танаввули икки карч қовун унинг меъдасини сезиларли безовта қилиб, шомга яқин бироз иситма варажасини ҳам юзага келтирди. Шундан сўнг Вероника ўз билгисича доғ сув ёрдамида меъдасини тозалаб ташлаган бўлди, аҳволи бироз енгиллашгач ўрнига чўзилди. Кўп ўтмай қизнинг кўзи илинди. Бу орада Марья таомланишга ўтирган эди.
Вероника кўзи илинганига ҳеч қанча бўлмай ноодатий шовқиндан уйғониб кетди. Вероника шам ёруғи ғира-шира ёритаётган ҳужрада овоз келаётган томонни тусмоллаб қулоқ тутди. Овоз Марьянинг тўшаги тарафидан келарди. Вероника Марья ҳир-ҳир қилиб овоз чиқариб ётган тарафга эмаклаганча ўзини отди. Қизнинг қўл-оёқлари чангак бўлиб кесакдек қотиб қолган, фақат кўксигина темирчининг босқонидек нотекис кўтарилиб тушар, овоз ҳам қизнинг бўғзидан келаётган эди.
- Марьяяя!
#давоми 21:40 да
📌@ /7
Читать полностью…
22745
