XazonRezgi (Official Channel)

31 Aug 2024 18:42

​   #ҚОРА_МАРВАРИД

- Қасос...?! - бемажол шивирлади қиз ва титраб-қақшаганча сўзида давом этди,- қачонганча қасос олиб яшашим керак,  Стефан?  Айта оласанми? Юрагим ҳаловат топиши учун яна неча инсонни ўлдиришим керак? Чеки, чегараси борми бу ишларнинг?  Айтайми?!  Жонимга тегди буларнинг бари!?  Ҳар бир олган нафасимда ҳаво билан бирга  қон томчиларини ютаётгандек беҳузур бўлиб кетаяпман,  эшитаяпсанми, Стефан? 
    Гапнинг ростини мен чарчадим?! Барисидан чарчадим! Энг асосийси умид қилиб яшашдан чарчадим! Бу дунё ёмонларга шу қадар тўла экан-ки, бутун умр  курашсанг ҳам  уларни тугата олмас экансан!  Қайтага ўзингни бой берар экансан.  Мен ҳам уни бой бердим.  Ҳаётимдаги ягона илинж- Конрадни...
     Стефан...- алам билан заҳарханда кулимсиради Вероника,- биласанми биз Конрад иккимиз буларнинг барига қўл силтаб... узоқ-узоқларга қочиб кетишни режа қилгандик.  Ўзимиз учун оддийгина бир кулба тиклаб у ерда тинч ва осойишта, ҳалол меҳнат қилиб яшашни истагандик.  Болаларимиз кўп бўлишини орзулагандик...- қиз чуқур хўрсинди,- ана шунақа гаплар...

      Энди эса Конрад ҳам йўқ... Орзу ҳам ...  Бари у билан кетди. 
     Биласанми,  Стефан,  мен ҳозир ҳаммадан ҳам кўра кўпроқ ўлишни истаяпман.  Шундоққина жон берсам-у,  баридан бир йўла қутилсам.  Конрад билан боғлиқ ҳотиралардан ҳам.  Ҳеч бўлмаса дунёнинг нариги чеккасига кетсам ҳам майли эди...
     Вероника ўзига тасалли беришдан ожиз қолган Стефанга оҳирги сўзларни айтар экан,  бирдан сергак тортди...

      Уч кундан сўнг Вероника Клавдийнинг ҳузурида қатъият билан ҳозир бўлди.

   - Илтимос,  менга пойтахтдан чиқариб бошқа мамлакатларга уюштириладиган сафарга боришга руҳсат берсангиз.

     - Вероника,- қўлларини чорасиз ҳайрон  ёйди Клавдий,-  сени бу ерда олиб қолиш учун қанча ҳаракат қилганимни биласанми?  Сен ахир бу ерда сув ва ҳаводек зарурсан!?  Менимча қолишга сенинг ҳам қаршилигинг йўқдек кўринганди менга.  Билсам бўладими,  нима учун бирдан фикринг ўзгариб қолди? 

   - Фикрим ўзгаришига Конраднинг ўлими сабабчи бўлди.  Қотил уни заҳарланган ўқ билан бир бор ўлдирган бўлса,  мен уни шу қўлларим билан иккинчи бор ўлдирдим.  Гарчи бошқа иложим қолмаган бўлса ҳам сафдошимни ўлимида ўзимни айбдор деб ҳисоблаяпман.

    - Конрад ҳақида ўша куни эшитдим,- афсус билан бош чайқади Клавдий,- азамат йигит эди. Бироқ унинг ўлимида ўзингни айблашинг ножойиз. Сен ўз хизмат вазифангни бажаргансан, шу билан бирга бу йигит учун қилган  энг охирги яхшилигинг бўлган. 

  - Клавдий,  - оғир тин олди Вероника,- Конрад билан етти йиллик қадрдон эдик.  У мен учун шунчаки  сафдошдан ҳам ортиқроқ қадрдон эди.

Муаллиф: Хазонрезги

#давоми_эртага!

📌@xazon_rezgi             /41

XazonRezgi (Official Channel)

31 Aug 2024 17:09

​#ҚОРА_МАРВАРИД

Муаллиф: Хазонрезги

Ойиша...

    - Эшитаман,  Али...

    -Ойиша,  мен хизмат юзасидан яқин кунларда ҳукмдоримиз фармонлариға кўра бу ерларни бир неча кунға тарк этмоғимға тўғри келадур.  Ўша кунлар кўшкка онам ва синглим келиб қизимни боқишда сенга кўмак бериб турадирлар.

    - Али,  биздан ҳавотир олманг.  Мен,  Хайринисо онам,  онангиз Феруза Султон,  синглингиз Меҳрибон  билан Нурижаҳонни кўз қорачиғидек асраб-авайлаймиз.

   -Яхши бу ҳақда яна сўзлашиб олурмиз. Ҳозир қизалоғимни кўрамен-у, сўнгра ҳизматға йўл олурмен,- Музаффар Али маҳзун жилмайди,- қизалоғим менға оқ йўл тиламаса бўлмас.

     - Майли,  кетдик,- йўл бошлади Ойиша,- Нурижаҳоннинг ҳам уйғонадиган вақти бўлиб қолди. Хайринисо онам ҳам мени излашга тушгандирлар...

    - Ойиша...- кутилмаганда қизга овози товланиб мурожаат қилди Музаффар Али.

   - Ҳаа...- ортига ўгирилди Ойиша,  - менда яна қандай юмушингиз бор? 

   - Ойиша,  кўпдин сендан бир нарсани сўраймен дейман-у,  бироқ кўришғонда тилим тутиладир.  Яна ҳам ростиға кўчадиғон бўлсам шу нарсани айнан истамағоним учун бу мавзудин ўзимни олиб қочсам керак.

   - Алиии...- йигитга ҳайриҳоҳ назар ташлади,- сўроғингизни бемалол сўрайверинг. Мен ҳам кўнглимда борини жавоб бераман.

   - Ҳўб яхши,- паст овозда йўталиб диққатини жамлаган бўлди Музаффар Али,- шу десанг,  сендин Нурижаҳонга қарашни сўрабмен-у,  аммо унга қарашни ўзинг истайсанму,  йўқму буни сўрамабмен.  Ойиша,  сен жуда оз фурсатда мени ишончимни қозондинг, аёл киши эрсанг-да, дўст тутиндиқ.   Ўйлашимча бунда Аллоҳнинг бир яхши тадбири бор, йўқса неча йиллардин бери ёнимда юриб мен билан дўст бўлолмағон қанча алплар бор. Шул сабаб мен сўнғи кунларда  бир мулоҳазаға бориб эдим. 
      Ойиша...Мени яхшилаб эшит.  Дўстлигимиз ҳурмати,  агар бу жойларда қолишни истамасанг ўзинг истаған ерларға кетишинг мумкин.  Сенинг юрагинг шу қадар дилбар ва учқур сабо каби  ҳур-ки,  назаримда уни жиловлаб бир жойға банди қилиб қўйиш кечирилмас гуноҳдек... Шул сўзларға не дерсан?  Қандай қарорға келсанг ҳам уни ҳурмат қиламен.

    Ойиша бошини адл кўтарди: 

#давоми: 21:40 да!

📌@xazon_rezgi          /39

XazonRezgi (Official Channel)

31 Aug 2024 17:05

Муаллиф:  Хазонрезги

#ҚОРА_МАРВАРИД
📚онлайн китоб

Каналга уланиш👇
/channel/xazon_rezgi

XazonRezgi (Official Channel)

31 Aug 2024 14:40

Дақиқа қадри

Ҳаво анча исиб кетди.Мўмина эрталаб ҳаво булутлигини кўриб сал қалинроқ кийинган экан, энди шу кийимини кўтариш ҳам оғирлик қилаётганди. Ҳафтанинг охири бўлгани учунми, дарс ўтаётганида руҳиятида ҳам, жисмонан ҳам қаттиқ чарчоқни ҳис қилди, ёки баҳор ҳавосининг таъсиримикан, ўз-ўзидан ҳаво етишмай юраги яна пала -партиш ура бошлади. Анча бўлганди эски дарди -юрак аритмияси қўзғамай қўйганди. У уйига етиб келгунча қора терга тушди.Болаларининг саломига ҳам бош ирғаб алик олди-ю, юзини муздек сувда ювиб, меҳмонхонадаги диванга ястаниб, сал тин олмоқчи бўлди. Бироз ётсам ўтиб кетар, деб ўйлаганди, лекин юраги худди сувда сузиб юргандек нотекис ва оғир урарди, бирдан ваҳима босиб ҳовлига чиқди. Шу пайт бахтига катта ўғли ўқишдан келиб қолди. Гап нимадалигини тушунди-ю, дарҳол отасига қўнғироқ қилди. Унга боласининг овози ҳам олисдан эшитилаётгандек туюлди. Ўғли шошилиб Яндекс иловасидан такси чақирди. Ишдан келиб ҳали кийимларини алмаштирмаган Мўмина ўғлининг етовида машинага ўтирди. Кордиология бўлимига кириб борганларида ишдан рухсат теккан чоғи, таниш йўлакда турмуш ўртоғи уларни кутиб олди ва ховлиқиб:
--Хайрият, докторинг кетиб қолмапти, бироз кутиб туринг дегандим, бирйўла ЭКГ қилдириб киринглар деди, қани қўлингни бер, юрақол, ҳозир ўтиб кетади,--деб, бир оғиз ҳам гапирмаётган аёлига қараб--сув ичасанми бор ўғлим, сув олиб кел, -дея чўнтак кавлаётганди, ўғли пулга қарамай югуриб кетди.
ЭКГ хонасининг ёнида доим навбат кутувчилар бўлар эди, негадир ҳеч ким йўқ. Ичкарида оқ халат кийган аёллар қизғин суҳбатга берилган. Бирдан кўтарилган гуррос кулгу анча давомли бўлди. Ҳаво етишмаётганидан Мўминага уларнинг овози момоқалдироқдай таъсир қилди. Чуқур -чуқур нафас олиб кўзларини юмди. Юраги нотекис ураётган шу паллада хаёлидан нималар кечгани ўзига аён...
Турмуш ўртоғи эшикни тақиллатиши билан кула -кула сумкаларига нималардир жойлаб, шиппакларини алмаштираётган аёллардан бири :
--Иш вақти тугади, соат иккидан ошди, -деди.
--Биламан, аммо аёлимнинг юрагини мазаси йўқ, илтимос, ёрдам қилинг... --дея гапини тугатмаган ҳам эди, афтидан, каттаси шекилли, қора қош аёл жеркиб:
--Бу ерда ҳамманинг юраги касал, бўлди вақтимизни олманг, шундоқ ҳам шанба куни бўлсаям соат 3 гача қолиб кетамиз, бизда ҳам тирикчилик бор, --деб хонани шарақ -шуруқ қулфлаб, йўл- йўлакай шеригига қараб жавраб кетарди --тавба, одамларгаям ҳайронсан, сал воҳлироқ келсин эди.
Хўжайини табиатан оғир -босиқ инсон, аммо бугунги вазиятда қони қайнаб кетди, шунда ҳам ўзини тезгина қўлга олиб, доктордан шу яқин атрофда хусусий шифохона бор йўқлигини сўради ва бор кучини тўплаб нафас олаётган аёлига яна битта волидол таблеткасини очиб бериб, ўғлига қараб:
--Машинани шу ерга олиб келаман,сен онангга ёрдамлаш, -деди-ю, отилиб чиқиб кетди.
Доктор берган манзил йўлнинг шундоқ нариги бетида экан. Клиника эшигининг тагигача машинада кириш мумкин, зиналари ҳам юраги хаста одам учун мўлжаллангандек қулай экан.
Ичкарида ҳар қадамда куллерда сув, Мўминани аҳволини пайқаб, иккита ҳамшира югуриб ёрдамга ошиқди. Рўйхатга олиб тўлов қилишга ҳам бир неча дақиқагина кетди. Бу ердаги муҳитми,ёки ёруғлик ва шинамликми, балки эътибор сабабми Мўмина ҳам сал ўзига келгандек бўлди.
Ҳаворанг ихчам халат кийган очиқчеҳра қиз Мўминани етаклаб, ЭКГ хонасига бошлади ва кушеткага ётишига ёрдамлаша туриб, орқа ўгириб халат ёқаларини тўғирлаётган шифокорга қараб :
--Дилором опа,чарчамай етиб келдингизми,-деб, сўрашган бўлди.
--Раҳмат, келдик. Қани, опажон, аҳволингиз яхшими, нима бўлди сизга, ҳозир бир зумда кўриб қўяман--деб, аппаратларни улаётган хушмуомала шифокорга қараб, Мўмина анграйиб қолди.
Унинг қаршисида салгина олдин важоҳатидан чўчигани, ўша қора қош аёл киприкларини пирпиратиб жилмайиб турарди.

Муаллиф: Маҳбуба Баҳодир қизи

/channel/xazon_rezgi

XazonRezgi (Official Channel)

31 Aug 2024 12:30

ТУЙҒУ

   Шайх Али Тантовий раҳимаҳуллоҳ айтадилар:
"Қизимни озроқ ловия ва гуручни бир мис патнисга солиб устига бақлажон, бодринг ва бир-иккита ўрик ташлаб чиқиб кетаётганини кўрдим. Ундан:
- Кимга элтаяпсан?- деб сўрадим.
У:
- Қоровулга, бувим айтдилар, деди.
Мен:
- Буёққа кел, дедим. Қизим келди. Унга:
- Бир-иккита ликопча олиб кел. Ҳар бир таомни алоҳида ликобчага сол. Патнисни тартибга сол. Бир қадаҳда сув, қошиқ ва санчқи қўй, дедим.
  У айтганимдай қилиб патнисни қоровулга бериб келди. Қайтишда менинг олдимга келиб сўради:
- Нега менга ундай қилишни буюрдингиз?
Мен дедим:
- Чунки таом бериш мол билан садақа қилишдир. Тартиб эса эҳтиром туйғуси билан садақа қилишдир. Биринчиси қоринни тўлдирса, иккинчиси қалбни тўлдиради.
  Биринчисидан қоровул ўзини биздан ортган таомга муҳтож тиланчидай ҳис қилади. Иккинчисидан эса ўзини яқин дўст, азиз меҳмонимиздек ҳис қилади. Шу иккинчиси Аллоҳнинг наздида ҳам, фақирнинг наздида ҳам буюкроғидир.
  Шунинг учун яхшилигингизни олийжаноблик ва муҳаббатга ўранг, сарфлаш ва хорлашга эмас.

Абдулқодир Полвонов

@xazon_rezgi

XazonRezgi (Official Channel)

31 Aug 2024 10:33

КЕЧ ҚОЛДИМ... ДЕМАНГ!..

Қирқ яшар мактаб ўқитувчиси саратон хасталигигига чалинди. Шифокорлар узоғи 1 йил умрингиз қолди дейишди...

Ўқитувчини бир савол қийнарди: ўлганимдан кейин хотиним ва қизларим қандай кун кўради?

У инглиз тили ва адабиётидан дарс берарди, бестселлер бўладиган роман ёзиб, муаллифлик ҳуқуқини оиласига мерос қолдиришдан бошқа жўяли режа хаёлига келмади. Аввал умрида ҳеч асар ёзмаган бўлса ҳам, ҳозирги аҳволи ва қолган камгина вақти нуқтаи назаридан бошқа бирон бизнес бошлашга имкони ҳам йўқ эди. Хуллас, у роман ёза бошлади.

Мақсади юксак адабий дурдона яратиш эмас, шунчаки оммабоп асар ёзиш эди. Жон-жаҳди билан  киришди. Шу даражадаки, ҳаётини фақат бир йилу битта хонадан иборат деб тасаввур қилди. Ҳар куни асари устида ишлади, ҳеч нимани ўйламади: на касалини, на тузалишни. Муддат тугагунича ишни якунлай олса бас.

У бўлажак романи ўқувчиларини худди мактабдаги ўзининг ўқувчиларидек тасаввур қилди. Асари қаҳрамонларини ҳам ўқувчи болалардек деб билди, улардан илҳомланди, бутун ўқитувчилик тажрибаси давомида болалар билан бўлган мулоқоти, таъсирлари ва хулосаларидан фойдаланди.

Ўзига шартли равишда берилган йил ниҳоясига етар-етмас роман битди. Қаҳрамонимиз қўлёзмани нашриётга топшириб, шифокор қабулига борди. Шифокор эса рентген суратлари, қон таҳлиллари ва бошқа текширувлар натижаларини қайта-қайта кўриб, кўзларига ишонмади – саратон чекинганди! Бемор соғая бошлаганди.

Ўша ўқитувчи –  ҳозирда жаҳонга машҳур ёзувчи Энтони Бёрджес эди, унинг “Уйғотувчи апельсин” романи ҳақиқий бестселлер бўлди. Асар асосида кейинчалик Стенли Кубрик суратга олган фильм катта шов-шув ва жанжалларга сабаб бўлди, ҳатто бир муддат тақиқлаб ҳам қўйилди
(бу бошқа тарих).

Бёрджес ўша романдан кейин  яна 50 дан ортиқ китоб ёзди. Бу ҳам камдек мусиқа ёза бошлади: 175 та мусиқа асари яратди! Ҳатто симфоник оркестр ҳам Бёржерсга мусиқа буюртма қилган...

Ёзувчи мудҳиш ташхисдан кейин яна 34 йил яшади ва 1993 йилда ўпка саратонидан вафот этди (тақдир). Аммо бир саратондан бошқасигача у дунёга машҳур ижодкор бўлиб яшашга улгурди.

Ижод, севимли касб шундай – даволайди, юксалтиради. Ишга оёғингизни судраб келсангиз, истамай ишласангиз, ҳафсаласиз шуғуллансангиз – касб сизни емиради, ейди! Ҳар кимсага кўнглига ёққан касб билан шуғулланиш ва ундан манфаат кўриш бахти насиб этсин.

Қолаверса, ҳар биримизнинг ичимизда ҳали ўзимиз билмаган бир истеъдод мудраб ётган бўлиши мумкин.
Машҳур рассом Гоген 40 ёшидан кейин рассомчилик билан шуғуллана бошлаганини биласиз. Аслида ёш жуда шартли нарса, агар ўзингизда куч ва иқтидор сезсангиз, фаолият турини ўзгартириш учун 40-50-60 ёш ҳам кеч эмас!

Муаллиф: интернет

➡️ Каналга обуна бўлинг 👇👇👇
/channel/xazon_rezgi

XazonRezgi (Official Channel)

31 Aug 2024 05:24

Гўзал дийдор истасангиз...

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Яқинларим билан хайрлашаётганда хоҳ мактубда, хоҳ телефонда ва ёки юз кўришиб турган ҳолда бўлсин «Аллоҳга омонат!» дейишга одатланганман. Болалигимизда  онам хайрлашаётганда «Аллоҳга омонат бўлинг!», «Аллоҳнинг паноҳига!» деб видолашишни ўргатганлар.

«Аллоҳ омонатга хиёнат қилмайди. Яхши кўрганларинг билан хайрлашаётганда «Аллоҳга омонатсиз!» десанг, кейинги дийдорда уларни соғ-саломат кўрасан», деб уқтиргандилар.

Бола ақлим билан бу ўгит маъносини чуқур тушунмаганим аниқ, лекин ҳар гал қариндошларимиз билан соғ-омон хайрлашганимизда

«Аллоҳга омонатсиз» деган иборани яхши кўриб кетардим. Ҳали-ҳануз «Аллоҳга омонатсиз!» деганимда кўнглим хотиржам тортади.

Ибн Можа ривоят қилган ҳадиси шарифда: “Хайрлашаётганингизда, бир-бирингиздан айрилаётганингизда “Сени омонатга хиёнат қилмайдиган Аллоҳга омонат топширдим” денг”, дея марҳамат қилинади. Яқинда бу ҳадиснинг ҳикматини янада чуққурроқ англатувчи бир ҳодиса рўй берди.

Ҳар куни эрталаб укам билан гаплашиб бўлиб «Майли, Аллоҳга омонатсан, Ўзи паноҳида асрасин!» дейман. Уч кун олдин атрофни туман қоплаган эди. Автомобилда фалокатга учрабди. Тўғридан ва орқа тарафдан келаётган машиналарга ҳалал бермаслик учун четга ҳаракатланмоқчи бўлганида бошқарувдан чиққан улов ариққа ағдарилиб кетибди. Темир топилади, моддий йўқотишнинг ўрни тўлади. Энг муҳими, пачақланиб, буралиб кетган автомашина ичидан ўша атрофдаги одамлар укамни соғ-саломат тортиб олишибди. Даҳшатли фалокатдан фақат пешонасида кичик ғурра билан соғ-омон чиққан укамни паноҳида асраган Аллоҳга чексиз ҳамду санолар, шукроналар бўлсин! Зеро, “Аллоҳнинг Ўзи энг яхши муҳофазачи ва Унинг Ўзи раҳмлиларнинг энг раҳмлигидир” (Юсуф сураси, 64-оят).

Яқинларингиз билан хайрлашаётганингизда қайта дийдорлашишни истасангиз,  «Кўришгунча», «Хайр», «Бўпти, гаплашамиз» деб  эмас,

«Аллоҳга омонатимсиз!», «Аллоҳ ҳифзу ҳимоясида асрасин!» деб хайрлашинг. «Сизни Аллоҳ учун яхши кўраман!» денгки,  бу муҳаббат ҳаққи-ҳурмати яқинларингиз Аллоҳдан ўзини ва сизни муҳофаза қилишини сўраб дуолар қилсин. Аллоҳга омонат бўлинг!

/channel/xazon_rezgi

XazonRezgi (Official Channel)

31 Aug 2024 03:03

#хайрли_тонг

🍃Ассалому алайкум ва раҳматуллоҳи ва барокатуҳ

Яна бир азиз ва гўзал тонг муборак бўлсин...

🍃Ушбу Муродбахш тонг нафасидан баҳра олаётган барча- барчангизга бошлаётган кун ва бугунги эзгу-ишларингизга хайру барака  тилаймиз.

🍃Яхши инсонларни беғубор тонг нашидаси билан сийлаган Аллоҳга минг бора шукрона айтамиз.

🍃 Ризқингиз кенг, ҳар бир босган қадамингиз тавфиқ, тавбаларингиз қабул, дуоларингиз ижобат бўлсин!

Яқинларингиз ичра азиз бўлиб юришингизни тилаймиз.
Файзли шанба тонги хайрли бўлсин!

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 Aug 2024 18:05

​​😳Бу бўлган реал воқеа...

Агар юраги бўшлар бўлса, бу воқеани ўқимасин...😱

Ҳуллас бу воқеа бир оилада содир бўлган. Тунги соат 01:55 дан 02:00 га ўтар кечаси ҳамма ширин уйқуда.
Бирдан ювиниш хонасидан қандайдир овозлар эшитила бошлади, аввалига хеч ким эшитмади, кегин ота ўрнидан туриб, ювиниш хонаси томон кетди. Орадан 15 минут вақт ўтди, ота қайтиб чиқмади. Бундан ҳавотирга тушган рафиқа ҳам ювиниш хонаси томон кетди. Орадан анча вақт ўтди, иккаласи ҳам қайтмади.
Бундан ҳавотирланган катта ўғил ҳам ювиниш хонасига кириб кетиб қайтиб чиқмади. Шунда кичкина ўғил нима қилишини билмай у ҳам ювиниш хонасига аста яқинлашиб эшикдан қараган эди не кўз билан кўрсинки... 😨😳

ДАВОМИНИ ЎҚИШ УЧУН БОСИНГ 👇👇

XazonRezgi (Official Channel)

30 Aug 2024 17:05

Муаллиф:  Хазонрезги

#ҚОРА_МАРВАРИД
📚онлайн китоб

Каналга уланиш👇
/channel/xazon_rezgi

XazonRezgi (Official Channel)

30 Aug 2024 14:44

Бировнинг ҳаққи

@xazon_rezgi

XazonRezgi (Official Channel)

30 Aug 2024 13:09

Севмоқ - насиба иши.
Севилмоқ ҳам шундай!

Уғур ИШИЛАК

@xazon_rezgi

XazonRezgi (Official Channel)

30 Aug 2024 10:32

​#ибрат

ҲОТИМА
(бўлган воқеа)

Бу воқевий ҳикояни менга ҳамкасбим Муаттар гапириб берди .

- Опа , - деди у ишдан уйга қайтар эканмиз оҳиста тилга кириб , - эшитдингизми ? Мактабимизда ўқиган Халил ака деган йигитни отаси оламдан ўтибди.
Халил акани яхши танирдим . Акамнинг синфдоши ва мактабда ундан бошқа Халил исмли йигит бўлмаганлиги учун.

- Аммо ўша одамни кўмиш роса тўпалон бўлибди,- гапида давом этди Муаттар .

Беихтиёр йўлда таққа тўхтадим :

- Нимага ? - дедим ҳайратим ичимга сиғмай, - тинчликми ?

Муаттар тўлиб тошиб гапира кетди :
- Халил аканинг дадаси Абдусалом отанинг беш нафар ўғли бор . Абдусалом ота роса режали, ҳалол ва пок инсон эдилар. Бешшала ўғилларига ўзлари ва барча фарзанднинг топган-тутганини йилма- йил йиғиб бирин- кетин ватан тиклаган эканлар. Ўғиллар эса ўзларига атаб солинган уйларидан ота ва оналари учун икки хона ажратиб, барча қулайликларни тахт қилиб қўйишган экан. Шундай қилиб ҳар беш ўғилнинг уйида ота- она учун махсус хона жиҳозланган , улар навбати билан ҳар бириникида яшар эканлар .
Иттифоқо ота ўртанча ўғилникида оламдан ўтиб қолибдилар.
Шунда қолган тўрт ўғил "Отамнинг сўнгги суви менинг уйимга тўкилсин, уларга энг охирги эҳтиромни мен кўрсатай" деб талашиб кетишибди. Орага катталар тушиб ота тўнғич фарзанд Халил аканикидан чиқарилибдилар...

Муаттарга жавобан индамадим.

Кўнглимга беихтиёр "Хотимаси бу қадар ҳайрли бўлган отанинг васли учун жаннат ҳам нечоғлик муштоқдир- а ? " деган хаёл кечди...

Аллоҳ барчамизни ҳотимамизни ҳайрлик қилсин...
Амин ...

Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 Aug 2024 04:30

ОТА ДУОСИ
(воқеий ҳикоя)

Муножаат опа ўғли Элёр олиб келган кичиккина халтачадаги егуликларни кўриб ичи узилди .

- Ўғлим , -деди у ўзи олиб келган муштдеккина колбаса, пишлоқ , дудланган балиқни ликопчага жойлаётган катта ўғлига қараб,- бунча ўзингни қийнайсан ? Ўзинг ҳам жўжабирдек жон бўлсанг. Беш фарзандинг ейман, ичаман деб турган ёшда бўлса.
Аллоҳга шукр , укангнинг ишлари жойида , топиш тутиши барча ҳаражатимизга етиб , хатто ортиб қоляпти. Сен ўзинг шундоқ келсанг бўлди.

Элёр индамади. Бир хўрсинди-ю, ўзи билан олиб келган бир ликоб егуликларни олиб отаси ётган хонага йўл олди.

Отаси Мурод ака мана салкам саккиз ойдан буён оғир касал. Шифокорлар дастлаб буйрак етишмовчилиги деган ташхис қўйишганди. Ўнг тарафдаги буйрак олиб ташлангандан кейин олти ой ичида у кишининг асл касаллиги саратон эканлиги маълум бўлди . Кейинги ойларда саратон отанинг бир неча тана аъзоларида потирлаб юз кўрсата бошлади.
Дард берган Аллоҳ бандасига сабрни ҳам ўзи берар экан . Ота шунча ётса ҳам бир оғиз "Их" демади. Қайтага ётган ўрнида оиладагиларга далда бўлишга ҳаракат қилгани қилган.
Отанинг тўрт фарзанди унинг дардига куйиб кетди. Айниқса тўнғичи Элёр қоп- қарайиб ранги унниқиб кетди.
Уйи бўлак бўлишига қарамай ҳар тонгда ўзи келиб отасини овқатлантириб кетади , ишдан қайтишда ўзи билан шифокор дўстларини чақириб отани кўрсатиш пайида бўлади.

Ота билан бирга яшайдиган кичик ўғил ҳарчанд ўзига тўқ бўлмасин акасига индамайди. Билади-ки, акаси индаса ҳам гапга кўнадиганлар хилиданмас. Билади-ки , акаси худди у каби юрагининг оташига малҳам топа олмай ўзини тўрт тарафга отиб ётибди.

Ота яна икки ой яшади.

Икки ой ҳар икки ўғли ,ҳар икки қизини дуо қилди.

Айниқса тўнғичини дуо қилганда кўзида ғилт- ғилт ёш айланарди :

- Тупроқ олсанг олтин бўлсин , болам. Сендан мингдан-минг розиман. Менга қилганларинг фарзандларингдан қайтсин. Аллоҳ икки дунё саодатини насиб этсин.

Отасининг йили ўтгач , Элёр бош қизини узатди. Орадан олти ой ўтиб иккинчисини . Кейинги йил Фотима - Зуҳрасини.
Икки йил ичида тўрт қиз чиқарган , бирин- кетин бешик ва набира тўйлари қилган Элёрнинг рўзғоридаги баракани кўриб кўпчилик ажабланди:

"Тилладан тоғи борми бунинг ? "

Яқинда бир иш билан дўконга кирсам Элёр аканинг еттинчи синфда ўқийдиган кенжаси Тоҳиржон чўнтагидан бир сиқим ҳар хил майда пулларни чиқариб ҳажми гугурт қутисидан сал каттароқ пишлоқ сотиб олди.
Мен уни кузатиб турганимни кўриб қизарганча изоҳ берди :

- Адамла шу пишлоқни яхши кўрадилар ...

Мен унга бир жилмайдим- у индамадим. Болани ҳижолат қилгим келмади.

Қулоқларим остида Элёр аканинг отаси дуо қилаётгандек бўлди :

-Тупроқ олсанг олтин бўлсин , болам. Сендан мингдан-минг розиман. Менга қилганларинг фарзандларингдан қайтсин. Аллоҳ икки дунё саодатини насиб қилсин ...

Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

30 Aug 2024 01:50

Ассалому алайкум ва раҳматуллоҳи ва барокатуҳ!

Хайрли тонг, Азизлар!

Кунларнинг саййиди жума тонги муборак бўлсин!

Ҳар тонгимиз Бисмиллоҳ ила бошланиб, ҳар кунимиз Алҳамдулиллаҳ ила якунлансин. Барчамизга дунё ва оҳиратимизни саодатга боғлайдиган хайрли амаллар қилиш насиб этсин!!

Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин!!

Ҳамиша, ҳар ерда ва ҳар ишда омад ёр, Яратган эгам ўзи мададкор бўлсин, Иншааллаҳ!

Қалбимиз ва дуоларимиздаги азиз инсонларимизни Аллоҳим паноҳида асрасин!!

Аллоҳ ҳар биримизнинг хонадонимизга файзу-барокат, кетмас давлат, шукронаи неъмат ва тинчлик-тотувлик ато этсин!

Янги кунга "Бисмиллаҳ!"...

Каналга уланиш 👇:
https://t.me/joinchat/AAAAAFB59SM9yhwXJGeW_g

XazonRezgi (Official Channel)

31 Aug 2024 18:40

#ҚОРА_МАРВАРИД

   - Али,  кўнглимдагини сўрадингиз, жавобини олинг:
- Сиз юрагим ҳисларини мутлоқ тўғри баҳолабсиз. Ҳа, ҳақиқатда менинг юрагим,  тўғрироғи руҳим тонгги сабодек  беҳад қўнимсиз.  Уни соҳиби бўлган ўзим кўпда жиловлашга қийналаман-у,  ўзгаларнинг бас келишлари инчинун.  Бироқ менда ана шул қайсар эркинликдан ҳам кўра улуғворроқ бир туйғу бор.  Унинг номи садоқат.  Сиз сал аввал дўстлигимиз ҳақида тўхталдингиз.  Мендек дўстингиз ягоналигини айтдингиз.  Менинг ҳам бу юртда ягона дўстим сизсиз. Хайринисо онани она ўрнида, синглингиз Меҳрибон ва марҳума Моҳижаҳон Бегимни сингил ўрнида кўрганим рост. Оз фурсатда барчангизга жуда қаттиқ боғланиб қолдим. Тўғри, вақти келиб бу жойлардан насибам бошқа ерларга кўчар. Бироқ ҳозир айни шу ерда бўлишни истайман. Дўстим ва унинг оиласи ёнида. Кичкинтой Нурижаҳон билан. Кўнглим шуни тилайди. Руҳсат берсангиз албатта.

Музаффар Али Ойишага меҳр билан термулди:

- Сени менға йўллағон Аллоҳимға беҳисоб ҳамдлар бўлсун...

🔳 🔳 🔳
  
- Вероника, ўзингни қўлга ол!

Конрад ўлимининг эртаси куни Верониканинг аҳволидан ташвишланиб қиздан хабар олишга келган Стефан уни хаёллари паришон , умидсизликка таслим бўлган ҳолда учратди.

Вероника ўзига сўз қотган Стефанга телбавор тикилди.

- Сен энди Конрад учун ҳам яшамоғинг керак! Унинг учун қасос олишинг шарт! - қизнинг қаршисига ўтириб қатъият билан такрорлади Стефан.

Муаллиф: Хазонрезги

@xazon_rezgi /40

XazonRezgi (Official Channel)

31 Aug 2024 17:07

#ҚОРА_МАРВАРИД

🔳 🔳 🔳

Тонг қоронғусида ҳизматга отланган Музаффар Али ҳовли этагидан матога ўралган алланимани бағрига босганча қайтаётган Ойишани кўриб ҳайрон бўлди.

- Ойиша!? Тонг ҳали ёришмай бу ерларда нима қилиб юрибсен? - қизнинг йўлини тўсди Музаффар Али

Ойиша унга қараб ҳижолатли жилмайди:

- Узр... Сизнинг ҳам ўтингизни ёрдимми? Мен ўзим шундоқ... Нурижаҳон уйғониб қолгунча доғ сув тайёрладим. Гўдаклар бундай вақтида кўпроқ суюқлик ичадилар.

- Шундай дегин? - юзи ёришди Музаффар Алининг,- қизалоғим яхшими? Сени қийнаб қўйғони йўқму?!

- Нурижаҳон ажаб ақлли қиз. Кўзлари билан инсонга гапириб ётади. Кўпинча ўзим ҳам ҳайрон қоламан, наҳотки бир ойлик қиз шунчалар тийрак бўлса деб?!

- Ойиша, мени кечир. Сени ҳам кўп юмушға қўйдим...

- Нега кечирим сўрайсиз, Али? Сиз кечирим сўрашга арзийдиган қандай иш қилдингиз? - ҳайрон бўлди Ойиша.

- Нурижаҳонни пойтаҳтға ҳам, Бухорога- марҳума онасининг юртиға ҳам жўнашиға қаттиқ қаршилик қилғонимни айтамен-да. Сен дўстимсен, шу сабаб кўнглимдаги ҳеч бир сўзим сен учун маҳфий эмас. Биласен, қизимни пойтаҳтга жўнатишға кўнглим йўқлиги- биринчи аёлим Ҳумайрадин гумоним борлиғида. Бир вақтлар Моҳижаҳон Бегимга қилинғон суиқасдда ҳам унинг қўли бор деб гумон қиламен. Шул сабаб қизалоғим пойтаҳтда ул хотун бирлан бир том остида қолишиға кўнглим йўқ. Буҳоро эса биздин бирмунча узоқ, қизимни у ерға жўнатсам кўнглим тилағанда кунда бориб кўриб келишға имконим йўқ. Шул сабаб мен учун энг мақбул йўл қизимнинг шул ер-дўстимнинг назорати остида бўлмоғи.

Муаллиф: Хазонрезги

📌@xazon_rezgi /38

XazonRezgi (Official Channel)

31 Aug 2024 16:29

#Писхалогик_тест 🏞

Расмда биринчи бўлиб нимага кўзингиз тушди танланг 😳❗️

Ва ўзингизни қанчалик даражада кучли инсон эканлигингизни билиб олинг♻️👇

XazonRezgi (Official Channel)

31 Aug 2024 13:59

КУЙЛАК ТИКТИРАМАН ДЕБ НЕЧТА КАНАЛГА КИРИБ ЧИКДИМ БИЛМАЙМАН ЛЕКИН БИТТА КАНАЛНИ ТОПДИМ
💥Окшом
💥Кучага
💥Ишга
💥Кизалокларимизга
💥Муслималаримизга
ХОХЛАГАН ЁШГА  ХОХЛАГАН ЖОЙГА КИЙИШГА ФАСОНЛАР ЖАМЛАНГАН КАНАЛГА КИРИБ  ФАСОНЛАРИ ЧИРОЙЛИЛИГИДАН ЧИКИБ КЕТА ОЛМАДИМ
💥ФАСОНЛАР 💥
/channel/+w9bxFiK7X8w0NTli
/channel/+w9bxFiK7X8w0NTli
/channel/+w9bxFiK7X8w0NTli
💥ЧЕВАРЛАР ДУНЁСИ 💥
/channel/+s23ks9NXMGU5OWRi
/channel/+s23ks9NXMGU5OWRi
/channel/+s23ks9NXMGU5OWRi

XazonRezgi (Official Channel)

31 Aug 2024 11:59

УЙИНГИЗГА ЕТҚАЗИБ БЕРАМИЗ
😍

🔊ТАВАРЛАР СКИДКАДА УЛГИРИБ ҚОЛИЛАР❗️
😍ОШХОНА БУЮМЛАРИ ОПТОМ НАРХДА ЭНГ АСОСИЙСИ 1ДОНА ЗАКАЗ ҚИЛСАНГИЗ ҲАМ ОПТОМ НАРҲДА ОЛАСИЗ . КАНАЛГА УЛАНИНГ ЖУДА КЎП СИЗ ХОХЛАГАН НАРСАЛАР😍👏👍

Уйингиздан чиқмай туриб бизга заказ беринг ва бир кунга қолмай қулингизда бўлади.

ТУРКИЯ, ДУБАЙ, ЭРОН,ХИТОЙ ТАВАРЛАРИ ФАҚАТ БИЗДА😍

НАЛИЧИДА ХАММА ТАВАР БОР❗️

Заказлар буйича👇
T.me/ROYAL_JIHOZLAR

+998884981010

КАНАЛГА ЎЛАНИНГ 👇
/channel/+PSupvsKQ33AzMmRi
/channel/+PSupvsKQ33AzMmRi
/channel/+PSupvsKQ33AzMmRi

XazonRezgi (Official Channel)

31 Aug 2024 09:59

Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚
Arab Tilini noldan bepul oʻrganamiz📚

👉🚪Kanalga kirish🚪👈

XazonRezgi (Official Channel)

31 Aug 2024 03:59

🙋‍♀️ Қизлажонла!

🤦‍♀️ Силаниям ҳар куни нима овқат пиширсам экан? деган савол қийнаб юбордими?

🤷‍♂️ Уйдаги эркаклар бўлса доим "Билмиман"" деб жавоб беришади.

👩‍🍳 Яқинда дугонам тавсияси билан Осон Рецептлар каналига қўшилиб олиб муаммодан қутилдим.

💁‍♀️ Айниқса кундалик учун осон рецептлар жуда кўп экан. Сизга ҳам илиндим. 👇🏻/channel/+sfdDWRpqG28yMDNi

XazonRezgi (Official Channel)

30 Aug 2024 18:40

​#давоми

- Бўлди, қароқчиларнинг бари қиличдан ўтказилди, - деди бугунги юришни бошқараётган Алекс, - шундай бўлса ҳам эҳтиёт шарт яна бир бор теварак-атрофни кўздан кечириб чиқинг.
Сараскарлар атрофни кўздан кечириш учун тарқалдилар. Вероника ва Конрад ҳам тўрдаги чайлани кўздан кечиришни мақсад қилиб йўлга тушдилар. Вероника олдинда, Конрад эса уни ҳимоя қилиш мақсадида икки одим ортда борар эди. Кутилмаганда Вероника Конраднинг "Имм" дея инграган овозини эшитди ва жонҳолатда ортга ўгирилди. Конрад курагига санчилган камон ўқи таъсирида оғриқ азобида тиззалаб қолганди

- Конрааад! - орқа тарафдан Алекснинг ҳайқирган овози эшитилди. У қуюқ буталар ортида яшириниб ўқ узган талончи йигитни чопиб ташлаган эди.
Вероника кийикдек чаққонлик билан Конрадни тутиб қолди. Йигит унинг қучоғига йиқилди.

- Конрад! Конрад! - Вероника тошдек қотиб қолган йигитнинг танасини силкитар экан,- аҳволинг қандай? Бирор сўз десанг-чи?

Конрад гапиришга чоғланди, бироқ мажоли етмади. Верониканинг чап қўлига аллақандан илиқ суюқлик тегди, у Конраднинг қулоқларидан оқиб келаётган қон эди.

- Ҳе... ни,-сўкинди уларнинг ёнига етиб келган Стефан чуқур надомат билан, - ўққа "Ажал бўсаси" суртилган экан.

-Нимааа? - даҳшатдан Верониканинг кўзлари олайиб кетди ва дарҳол Конраднинг қўл-оёқларини пайпаслаб кўра бошлади.
"Ажал бўсаси" жуда ноёб заҳар тури бўлиб, у билан заҳарланган инсоннинг ҳаётда қолишига умуман имкони қолмас эди. Заҳар танага кириб қонга сўрилиши билан, танани фалаж қилиб қўяр, сўнгра ички ички аъзоларни бир-бир парчалаб чиқар эди. Бу ҳолат шу даражада азобли эди-ки, халқ орасида "Ажал бўсаси" ни олганлар бу дунёда турибоқ жаҳаннам азобини тота олган инсонлардир" деган гаплар юрарди.

Конраднинг қўл-оёқлари тошдек қотиб қолган, ҳаётлигидан нишон биргина кўзларида азобнинг мислсиз аломатлари зоҳир эди.

- Вероника...- алам билан шивирлади Стефан, - Конрадни қўйиб юборадиган вақтимиз келди. Унинг азобларини енгиллаштирмасак бўлмайди. Уни менга бер...

Вероника дастлаб Стефаннинг сўзларига тушунмади, бироқ кўп ўтмай қучоғида ҳаракатсиз ётган севгилисини бу дунёда ушлаб туришнинг ҳар сонияси Конрад учун қанчалар азоб бўлаётганини ҳис қилди.

- Ўзим, -шивирлади Вероника Стефанга алам билан сўнг Конраднинг кўзларига лаб босди,- алвидо, севгилим. Сени ҳеч қачон унутмайман...
Вероника Конраднинг қучоғидан авайлаб майсалар устига қўйди ва унинг бошини қўллари билан тутди. У Конраднинг кўзларига сўнгги бор тикилганга... зарб билан бўйнини қайириб синдириб ташлади...

Вероника Конраднинг очиқ қолган кўзларини кафтлари билан сийпалаб юмди. У ўрнидан турар экан бўлинма аскарларининг барчаси ёнида Конраднинг сўнгги ҳурматини бажо келтириш учун йиғилганликларини кўрди.

Вероника пойтаҳтга Конрадсиз ва юраксиз қайтди...

Муаллиф: Хазонрезги

#давоми_эртага!

📌@xazon_rezgi /37

XazonRezgi (Official Channel)

30 Aug 2024 17:10

​#ҚОРА_МАРВАРИД

Муаллиф: Хазонрезги

Конраднинг муҳаббати туфайли Верониканинг рутубатли оламига бир кафт нур сизиб киргандек бўлди. Ана шу бир кафт нур қизнинг бахт туйғусини тотишга етарли бўлди. Йигит ҳақда хаёл суришнинг ўзиёқ унга олам- олам қувонч бағишлар, бироқ ҳаётлари атиргул гулбаргидек омонат эканлиги, қачонлардир муваққат бу бахтлари йўқсизлик чоҳига тушиб барчаси бир лаҳзада барбод бўлиши аниқлигига кўзи етса-да, қайсар юраги булар ҳақда ўйлашни истамас эди.

Клавдий Вероникани эҳтиёт қилиш чораси сифатида бўлинма билан жазолаш тадбирларига чиқишига таъқиқ қўйиб қўйди. Вероника унинг бу ишига ортиқча эътироз билдирмади, зеро қизнинг ҳаётида энди Конрад бор ва йигитнинг хаёли у учун энг ширин тасалли эди.
Икки ёш кечалари фурсат топиб ҳуфёна учрашишар, бу учрашувларда тунни тонгга улаб диллашар, ишқ ифоридан сармаст бўлишар эди. Муҳаббат уларни ўзига шу қадар асир қилиб улгурган эди-ки, улар энди пойтаҳтни, ҳаётларини тиккан касбларини ташлаб узоқ-узоқларга қочиб кетиш ҳақида ҳам ўйлай бошлаган эдилар.

Ҳаш-паш дегунча орадан бир ярим йил муддат ўтди.

Адель Клавдийга Вероникани ўзи айтандек Моварауннаҳр юраги бўлмиш шаҳри Самарқандга юборилиш учун тайёр эканлиги, қиз ислом дини, у шаҳардаги маҳаллий аҳолига тегишли урф-одатларни ҳамда тилни тўлиқ ўзлаштиргани ҳақда баёнот берди.

- Жуда соз ! - муғомбирона илжайди Клавдий,- сени юксак тақдирлаш кутиб турибди, Адель! Ҳозирча мана буни қабул қилиб ола тур!
Клавдий хона бурчагидаги маҳфий туйнукдан мўъжазгина сандиқча олиб аёлнинг қаршисида очди. Сандиқча дур-у жавоҳир, лаъл, зумрад, тилло тангалар билан лиқ тўла эди.

- Мен энди шу бугундан бошлаб сафар ҳозирлигини кўраман,- деди Клавдий Аделга, -сен билан бу ҳусусда яна бир бор учрашиб бафуржа маслаҳатлашиб оламиз.

- Хўп, - гапни қисқа қилди Адель,- энди менга руҳсат...

- Яхши, - деди Клавдий Аделни кузатиб қўяр экан қулоғига сирли шивирлади,- фақат сендан битта илтимос, аввал бошдан илтимос қилганимдек режаларимиз ҳақида Вероника ҳеч нарсани билмаслиги керак...
Адель айёрона жилмайганча Клавдийнинг ўтли нафаси остидан чаққонлик билан сирғалиб чиқиб кетди.

Орадан икки кун ўтиб Клавдий Вероникани ҳузурига чақирди:

- Сени нима мақсадда чақирганимни биласанми?- қизга бошдан оёқ синчков назар ташлади Клавдий.

- Айтсангиз биламан,- ҳотиржам жавоб қайтарди Вероника.

- Аделнинг айтиши бўйича сен ўзлаштиришинг керак бўлган барча илмни эгаллаб бўлибсан, яъни ҳуфялар тайёрлаш мактабини тамомлабсан.

Вероника ўтирган жойида бир қимирлади-ю, бироқ индамади.

- Билсанг бу мактабни тамомлаган битирувчилар ён-атрофдаги қўшни мамлакатларга ҳуфя сифатида ишга жўнатилади, бироқ биз, айниқса мен, сени бошқа давлатга жўнатиш фикридан қайтдик, сабаби сен билан жуда қадрдон бўлиб қолганмиз. Қолаверса шу ерда ҳам сенинг ҳизматларинг тенгсиз биз учун.

Клавдийнинг иқрорини эшитиб Верониканинг кўзларида ҳурсандчилик аломатлари чақнагани гап эгасининг назаридан четда қолмади.

- Бир гап айтайми, Вероника? - қизнинг елкасига дўстона қўл ташлади Клавдий, - биз сени асраб, авайлаш ниятида ҳукмни ижро қилиш тадбирларига иштирокингни бир неча ойдан буён чеклаб қўйган эдик. Айни чоғда эса менинг димоғим чоғ. Албатта бунга сабабчи сенсан. Шу муносабат билан пойтахтимизнинг шимолий шарқий дарвозасидан чиқиб ўн беш мил нарида ястанган ўрмонга уя қурган яна бир талончилар тўдасини маҳв этиш учун бугун йўлга отланган бўлинма сафига қўшилиб чигалларингни ечиб келишга руҳсат бераман. Албатта ўзингни асраш ва соғ-омон қайтиб келиш шарти билан.

Вероника ва ниҳоят бўлинма биносидан ташқарига чиқиш, шу билан бирга навбатдаги тадбирда иштирок этиши мумкинлиги ҳақида эшитиб ҳар икки елкасига қанот битиб кетгандек бахтли сезди ўзини. Унинг асосий ҳурсандчилигининг сабаби эса Конрад билан бирга шаҳар ташқарисига чиқиш хушхабари эди!

#давоми 21:40да!

📌@xazon_rezgi /36

XazonRezgi (Official Channel)

30 Aug 2024 16:29

‼️ JUDAYAM YEGINGIZ KELGAN MAHSULOTNI TANLANG VA ORGANIZMINGIZDA NIMA YETISHMAYOTGANINI BILIB OLING!

XazonRezgi (Official Channel)

30 Aug 2024 13:59

Соат тунгги 3 да эрига телефон келади бу ерга кел сенинг хотинингн хийонат килябди!

Эри туриб қараса хотини ёнида ётади, номерда адашишди деб яна ухлашни давом этади.
Эртанги куни соат кечги 2 да яна қўнғироқ бўлади.
- Хой эркак, бу ерда сени хотинингн хийонат килябди тушуняпсанми?
Ажабо, ахир хотиним ёнимда ётибти.
Учинчи куни яна қўнғироқ бўлди, эркак сўради: -Қани Қайерда?!
Ўрнидан туриб манзил бўйича борди у йерда...🤭

XazonRezgi (Official Channel)

30 Aug 2024 11:59

Эримни текшириш учун кеча иккинчи профилимдан у кишига ёздим😱

Яқиндан танишиб олдик, сухбатлашдик, жуда меҳрибон инсон эканлар. Буни қаранг-ки, бир гапларини эшитиб тамом бу́лдим...😰

ДАВОМИНИ У́КИШ👇👇👇

XazonRezgi (Official Channel)

30 Aug 2024 09:59

                     
Яхшилик қилиш учун қўлингиздан келган барча имконингиздан фойдаланинг. Эвазига ҳаёт ҳам ҳамиша сизга кутилмаган совғаларни ҳозирлаб қўяди...
Калбга хуш ёкувчи дил изхорлари ,хикоялар ва куй тароналарни четлаб утманг азизлар.💝💝💝💝💝💝💝

XazonRezgi (Official Channel)

30 Aug 2024 03:59

😪 Ҳар куни уй тозалашдан, йиғиштиришдан чарчадизми?

Бу каналга обуна бўлганимда мен ҳайратда қолдим 🤷‍♀, ҳаммага тавсия қиламан! 😍

💁 Бу ерда барча бекажонлар доимий дуч келадиган ошхонани тозалаш, уйларни саранжомлаш ва ҳар хил кундалик қийинчиликлар учун лайфхаклар, тозалаш ва саранжомлаш бўйича тез ва осон ечимлар ҳамда фойдали маслаҳатлар бериб борилади.

Сиз ҳам тез уланиб олинг, ҳавола тез орада ўчади 👇👇
/channel/+MgO3-JlHm2pkOWMy

XazonRezgi (Official Channel)

29 Aug 2024 18:40

​#ҚОРА_МАРВАРИД

Муаллиф: Гулбаҳор Рахматуллаева (Хазонрезги)

Музаффар Али Моҳижаҳон Бегимнинг ерга топшириб қайтганларидан сўнг тўғри қизалоғининг ҳузурига йўл олди.

- Қизалоғим менинг, -деди у мурғаккина вужудни бағрига босиб, - Нурижаҳоним... Энди иккимиз бир-биримизга суянчиқ бўлиб қолдуқ бу ёруғ дунёда. Сен ором ол. Токи мен ҳаёт эканмен сени ҳеч бир кимса хафа қилолмас.

Музаффар Али эшик ёнида турган энага аёлга буюрди:

- Бу ерға Ойишани чорлаб кел.

Ойиша тез орада хонада ҳозир бўлди. Музаффар Али икки кунлик гўдакни Ойишага тутқазди:

- Қизалоғимни ёлғиз сенгагина ишонаман, Ойиша,- деди у дўстининг кўзига ўтинч билан тикилиб,- мени ўлимдан асраб қолғонинг каби уни ҳам эҳтиёт қил.

Ойиша Нурижаҳонни авайлаб қўлига олар экан Музаффар Алига аста сўз қотди:

- Ишончингиз учун раҳмат, Али. Қўлимдан келганча ҳаракат қиламан.

Уларнинг суҳбатига эшик ортида гувоҳ бўлиб қолган Яҳё Мирзо ортиқча гап-сўзларсиз ўзини четга олди.

Шу билан Ойишанинг пойтахтга қайтиш-қайтмаслик масаласи ва тақдири ҳал бўлганди.

Эртаси куни Яҳё Мирзо, Феруза Султон ва бошқа яқин қариндошлар пойтахтга жўнаб кетдилар.

🔳 🔳 🔳

Айни дамда Музаффар Алининг кўнглидан нималар кечаётгани Ойишага яхши таниш эди. Севган инсонидан ажралиш нима эканлигини у ўз танасида яшаб кўрган эди.

Талончилар бошлиғи Патрик ва унинг тўдасини тор-мор қилишган куни Конрад ва Вероника йўлларида учраган ҳар қандай тўсиққа қарамай бирга бўлишга қарор қилишганди.

"Бу ёғи тақдирдан, -деган эди Конраднинг кўзлари,- атроф тўла уруш, ҳунрезлик, талончилик... Яна қанча яшашимиз ёлғиз Парвардигорга аён. Бугун бормиз, эрта балки йўқ. Шу сабаб нима учун бизга берилган умрда ақалли бир ой, бир кун, ё бир соат муҳаббат туйғусини тотиб кўришдан ўзимизни мосуво қилиб яшашимиз керак? Мен сени неча йиллардан буён севдим, изладим ва ниҳоят топганимда қўлларингдан ушлашга, кўзларингга термулишга ҳаққим йўқ. Бу касбда биз эркакларга кўнгил хушлашга руҳсат бор ва лекин сен кимсан "Қора марварид" шахсан салтанат ихтиёридаги энг биринчи рақамли ҳуфя бўлганинг учун бу борада барча таъқиқ сенинг чекингга тушган... "

"Ҳа,- маҳзун жилмайди қизнинг кўзлари, - менинг асло севиш, севилишга ҳаққим йўқ. Юрагим ўрнида тош, томирларимда эса қасос ва исён оқади. Бироқ не ажаб-ки, сен туфайли ўша тош юрагимда муҳаббат куртаги униб чиқди. Ва буларнинг бари менинг ихтиёримдан ташқарида бўлди. Майли, эртага не бўлиши тақдир ҳукмидаги иш, айни дамда эса менга жуда кераксан. Сенга муҳтожман, Конрад...

Жуда муҳтожман..."


" Биз жуда эҳтиёт бўлмоғимиз лозим,- ҳўрсинди йигит лаблари,- муҳаббатимиз ошкор бўлса иккимизни нима кутаётганини ҳатто таҳмин ҳам қила олмаймиз..."

" Мен учун муҳими эса сенинг бу дунёда борлигинг... Агар бирор гап бўлиб муҳаббатимиз ошкор бўлса сендан асло тонмасман. Юрагимга ишқ деган оловни солиб сен ила мени баҳтиёр қилган Парвардигордан чексиз миннатдорман..."

- Конрад! - сал наридан Стефаннинг чорлови эшитилди, - у ҳар икки севишганга яқинлашиб огоҳлантирган бўлди,- йигитлар йўлга шай. Улар сизни кутишяпти. Ортга қайтишимиз керак.

📌@xazon_rezgi /35

#ҚОРА_МАРВАРИД...- Верониканинг келгуси тақдири қандай кечади? Конрад иккиси жангу-жадалларга тўла ҳаётда ўз муҳаббатларини сақлаб қола олишадими? Ёки...

Асарнинг давоми сизга қизиқ бўлса @xazon_rezgi каналидан узоқлашманг ва ҳар кеч севимли қаҳрамонлар тақдиридан биргаликда бохабар бўлинг!

📌#давоми_эртага!