XazonRezgi (Official Channel)
08 Aug 2024 17:39
Оқшомингиз осуда ўтсин ...
Каналга уланиш👇:
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
08 Aug 2024 16:29
😁😍🅰☺️🥹😊😍 DAN
KILOLI VA DONALI TOVARLAR
MEGA OPTOMI
HAMMA PULGA SOTAYATGAN KANALNI TOPDIM QZLAR 🙂
HAMMA TEZ KIRIB OLSIN
/channel/+-fIoe6N5gpwwMzVi
/channel/+-fIoe6N5gpwwMzVi
/channel/+-fIoe6N5gpwwMzVi
Hamkor kanal 👇
/channel/+hFql4iLjEjI0Nzky
Читать полностью…
XazonRezgi (Official Channel)
08 Aug 2024 13:15
#Шунақаси ҳам бўлади...
Ҳар бир чумолида "ижтимоий жиғилдон" деб номланган овқат сақлайдиган маҳсус орган бор. Чумолилар имкон қадар уни ширин энергетик заҳира билан тўлдириб юришади. Йўлда қорни оч, чарчаган биродари учраса, ўша жиғилдонидан овқат чиқариб, тўйгунича меҳмон қилади.
Бу жиғилдонда озуқа анчагача айнимай сақланиб тура олади. Чумолилар овқат топиш осон ҳолларда бу ердаги заҳирага тегмайди. "Ўртоқларимнинг улуши" деб сақлаб юради.
Бу нарса чумолиларга катта устунлик беради. Улар узоқ жойларга ҳам бехавотир емиш излаб кетаверади, мабодо иши юришмай оч қолсаям йўлда биронта шеригини учратишини ва унинг "эҳсон халта"сидан озиқланиши мумкинлигини билади.
Қизғаниш деган нарса йўқ, шеригини сийлаган чумоли бирпас туриб ўша овқатга ўзи зор бўлиб қолсаям, шартта бошқа бирор биродарининг мўйловини қитиқлаб, "овқатингдан бер" деб илтимос қилади ва қорнини қисман бўлсаям тўйдириб олади...
Вербер Бернар, "Чумоли куни»
/channel/xazon_rezgi
Читать полностью…
XazonRezgi (Official Channel)
08 Aug 2024 10:35
ТЎҒРИ СўЗ
Ривоят қилишларича, қадим замонда бир подшоҳнинг иккита вазири бор экан. Бири бошига қилич келса ҳам ҳақиқатни айтадиган тўғрисўз экан. Иккинчиси эса тилёғлама, мунофиқ одам экан.
Кунлардан бирида подшо туш кўрса, битта бармоғи узилиб тушганмиш. Таъби хира бўлиб уйғонибди. Иккала вазирини чақириб, кўрган тушининг таъбирини сўрабди.
— Шоҳим, — дебди биринчи вазир, — аввало, кўрган тушингиз яхшиликка бўлсин. Худо хоҳласа шундай бўлади ҳам. Башарти мўътабар бармоғингизга бирон шикаст етган тақдирда ҳам шукрона қилмоқ керак бўлади. Негаки Оллоҳнинг хоҳишисиз бандасининг бир тола сочи ҳам тўкилмайди...
Табиийки, бу "совуқ" гап подшога ёқмабди.
— Сен нима дейсан? — деб сўрабди иккинчи вазирдан.
Иккинчи вазир ўз мухолифини йўқотиш фурсати етганини тушуниб, қувониб кетибди.
— Олампаноҳ! — дебди таъзим қилиб. — Муборак бўлсин, кўп хосиятли туш кўрибсиз! Мўътабар тушингизнинг таъбири шуки, яқин орада бирон итингизми, отингизми, хизматкорингизми ўлади. Сизнинг азиз жонингиз асло азият чекмайди... Аммо манавининг гапи мени ҳайрон қолдирди, — дебди биринчи вазирга қараб. — Қачон қараса, сизга ёмонликни раво кўради!
Подшо дарғазаб бўлиб, биринчи вазирни олис ерга бадарға қилиб юборибди. Буни қарангки, орадан кўп ўтмай қиличини қинидан суғураётганда эҳтиётсизлик қилиб чап қўлининг жимжилоғини кесиб олибди. Қилич ўткир экан, жимжилоғи узилиб тушибди.
— Кўрдингизми, олампаноҳ — дебди иккинчи вазир. — Анави баттол қора ниятига етди. Худди шуни башорат қилган эди!
Подшо биринчи вазирни топтириб келиб, зиндонбанд қилибди.
Орадан тағин анча фурсат ўтиб, подшоҳ аъёнлари билан шикорга чиқибди. Катта ўрмон четида чиройли бир оҳуга дуч келибдилар. Шоҳ кийик ортидан от солибди. Бошқалар унга эргашибди. Оҳу эса елдек учиб, ўрмон оралаб кетибди. Овчилар ҳам кетидан қувиб бораверибдилар. Охири подшо билан иккинчи вазирдан бошқа ҳамма орқада қолиб кетибди. Шоҳ билан вазир қуёш ботгунча оҳу кетидан от елдириб, ўрмонда адашиб қолибдилар. Қоронғу тушибди. Сўнг тўлин ой чиқиб, атроф ёришибди. Бундай қарашса, ҳар тарафдан ярим яланғоч, найза кўтарганлар ўраб олганмиш. Булар ёввойи қабила бўлиб, ой тўлган кеча ким ўрмонга биринчи бўлиб кирса, қурбонлик қиладиган одати бор экан.
— Манавининг оти биринчи бўлиб кирди, — дебди ёввойилардан бири подшони кўрсатиб.
— Сўйинглар! — деб амр қилибди қабила бошлиғи. Ёввойилар подшога ташланган пайти биттаси тўхтатиб қолибди.
— Буни қурбонлик қилиб бўлмайди, — дебди қабила бошлиғига. — Нуқсони бор экан!
— Қанақа нуқсон? — деб сўрабди қабила бошлиғи.
— Битта бармоғи йўқ экан!
Қабила удумига кўра "қурбонлик"нинг тўрт мучаси соғ бўлиши шарт экан.
— Бўлмаса, унисини сўйинглар! — дебди бошлиқ.
Шундай қилиб, ёввойилар иккинчи вазирни ўлдириб, эртасига подшони ўрмондан чиқариб юборибдилар...
Подшо саройига қайтиши билан биринчи вазирни озод қилиб, ҳузурига чорлабди. Бўлган воқеани айтиб, бунинг остида қандай синоат борлигини сўрабди.
— Шоҳим, — дебди биринчи вазир. — Ҳаммаси Оллоҳнинг иродасига боғлиқ, мабодо бармоғингиз шикастланса ҳам шукрона қилмоқ керак, деганим бежиз эмас эди. Бармоғингиз кесилгани Сизнинг жонингизни асраб қолди. Тўғри сўз айтганим эса менинг жонимга оро кирди. Бармоғингиз кесилгач мени зиндонга солмасангиз, овга иккинчи вазир билан эмас, мен билан борардингиз. Унда ёввойилар мени ўлдирган бўларди. Кўрдингизми шоҳим, нимаики бўлмасин, Худога шукрона қилмоқ керак!
Ўткир Ҳошимов
/channel/xazon_rezgi
Читать полностью…
XazonRezgi (Official Channel)
08 Aug 2024 01:00
Она фарзандини дунёга келтираркан 72та суяк синишга тенг оғриқни танасида ҳис қилар экан…
Аёлларни асранг эркаклар! Ожизалиги учун эмас, мўъжизалиги учун...
Янги кун, яхши кун муборак, азизлар...
Ассалому алайкум вараҳматуллоҳи вабарокатуҳ
Каналга уланиш👇:
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
07 Aug 2024 16:29
Siz ham birgina KURYERLAR + OPTOM KANALLAR orqali biznes boshlab, oyiga $1000 💸 topishni istaysizmi ?
Читать полностью…
XazonRezgi (Official Channel)
07 Aug 2024 12:36
#ибрат
Мустаҳкам оила фақатгина бойлик ва севгидан иборат эмас.
Баьзан мустаҳкам оила бутун бошли империяни яратишга қодир. Бугун худди шундай оилалардан бири Генри Форд ва Клара Фордлар ҳақида гапириб бераман.
19 асрнинг 90 йилларида АҚШнинг Мичиган штати Детройт шаҳрида оддий бир жуфтлик Генри ва Клара Форд яшашган: эр ҳафтасига 11 доллар топадиган оддий механик ва унинг аёли Клара.
Йигитнинг орзуси ўзиюрар мотор двигателини ихтиро қилиш эди, у пайтда ҳалиям от-арава русум бўлган эди. Шуни яратиш илинжида 10 соатлик иш кунидан кейин эр эрта тонггача ўз омборхонасида ишлар эди.
Йигитнинг ота-онаси фермер эди, улар унга жуда кўп вақти ва ҳаракатлари бефойда кетишини айтишар эди. Қўшнилари эса бора-бора уни “тентак механик” дея чақира бошлашади.
Лекин Клара Форд барчаси иш беришига ишонар эди, фақат угина эрининг муваффақиятига ишонар эди. Жуфтлик омборхонада ҳам бирга ишлашар эди, қоронғи туша бошлагач Клара эрига ёруғда ишлаши учун керосин лампасини тутиб турар эди. Қўллари совуқдан титрар, тишлари совуқдан бир-бирига тегмас эди, лекин Клара эрига ишонар эди, бир кун келиб мотор ишлашига шубҳа ҳам қилмас эди.
Уч йил ўтиб 1893 йилда йилда Форд жуфтлигининг илк мотори ишлади. Ўша пайтда Форд эндигина 35 ёшни қарши олаётган эди.
Бир кун эрталаб қўшнилар мотор овозидан ўйғонишди, ўшанда жуфтлик ўзи юриб бораётган илк машинани кўришди. Генри ва Клара кўча бошигача бўлган йўлни биргаликда босиб ўтиб яна ўйга қайтишди.
Бу кун гигант автомобилсозлик саноатининг бошланиши бўлиб тарихга кирди. Агар Генри Форд автомобилсозликнинг отаси дея тан олинган бўлса, Клара Форд шубҳасиз унинг онаси.
Орадан 50 йил ўтиб, инсон қайта туғилишига ишонувчан, Генри Форддан сўрашади: “Агар қайта туғилсангиз, ким бўлар эдингиз?”. Шунда Генри Форд: “Менинг ким бўлишимнинг умуман фарқи йўқ, энг асосийси ёнимда хотиним Клара бўлсин”, - дея жавоб берган экан.
Севган аёлининг ишончи эр киши учун энг қийин вазиятлардан чиқиб кетишига ва вазиятни ўз измига бўйсиндиришига хизмат қилади.
Шунақа гаплар...
✍интернет
@
Читать полностью…
XazonRezgi (Official Channel)
07 Aug 2024 10:35
#ибрат
Бир донишманддан сўрашибди:
— Аллоҳ ҳар кимни қандайдир мақсад учун яратган бўлади. Хўш, ўша мақсадни қандай билиб олсак бўлади?
Донишманд жавоб қилибди:
— Аллоҳ ўша ишни бандага осон ва ёқимли қилиб қўяди.
Қилаётган ишингиз сизга мушкул ва ёқимсизми, демак бу сиз учун эмас!
@
Читать полностью…
XazonRezgi (Official Channel)
07 Aug 2024 01:01
☀️ Хайрли тонг!
🌸 Ассалому алайкум! Чоршанба тонги муборак бўлсин!
🌼Бугунги бошланаётган янги кунингиз файзли ва барокатли бўлсин!
💐Сиз ва яқинларингизни яхши кайфият асло тарк этмасин!
/channel/xazon_rezgi
Читать полностью…
XazonRezgi (Official Channel)
06 Aug 2024 17:42
МЕН БЎЛМОҚ ИСТАЙМАН...
Муаллиф: Хазонрезги
Ижрода: Зиннура
Муаллиф: Хазонрезги
Каналга уланиш👇:
https://t.me/joinchat/AAAAAFB59SM9yhwXJGeW_g
Читать полностью…
XazonRezgi (Official Channel)
06 Aug 2024 17:07
🌿 Кекса аёл кафега кирди. Официант қиз унга таомнома келтирди ва нима буюртма қилишини сўради.
Онахон сўради:
- Бир бўлак торт қанча туради?
- Уч евро,- дея жавоб берди официант.
Кекса аёл чўнтагидан бир ҳовуч майда-чуйда пул чиқарди ва оҳиста санай бошлади. Сўнг яна сўради:
- Бир бўлак оддий кекс қанча?
Официант қиз аёлга ғазаб билан тикилди. Кўп столга қараши керак эди,шунинг учун бироз шошаётганди. Бесабрлик билан жавоб берди:
- Икки евро!
- Яхши.Унда бир бўлак оддий кекс оламан!- деди онахон.
Официант қиз жаҳл билан кексни олиб келди ва ҳисоб варақасини стол устига ташлади. Кетаётиб «Қурумсоқлар» дея ўзича ғудраниб қўйди.
Кекса аёл ширинликни еб бўлиб оҳиста қўзғалди. Пулни стол устига қўйиб,кафедан чиқди. Официант қиз столни тозалаш учун келиб, кекса аёлнинг бир евро чойчақа ташлаб кетганини кўрди. Кўзлари ёшланди. Аёл қизга чойчақа бериш учун оддий кекс еганди.Лекин у онахондан узр сўрашга кечикканди...
©интернет
/channel/xazon_rezgi
Читать полностью…
XazonRezgi (Official Channel)
06 Aug 2024 13:18
#Драбллар
Ёлғончи
- Қўрқма қизалоғим, мен яхшиман, - дея юпатди иситма аралаш ҳансираётган аёл. Беш-олти ёшлар атрофидаги қизча йиғлашдан тўхтаб бир муддат онасига тикилди. Аммо яхшилигига ишонмади шекилли яна йиғлай бошлади. Шу пайт дадаси келиб қолди. Юзига умидвор тикилиб турган қизалоғига нима дейишини билмай бир оз ўйланиб турди.
- Онам ўладими? - сўради қизча тўсатдан.
- Ким айтди бу гапни?
- Кеча ўлсам, уйлансангиз ҳам қизимни зинҳор болалар уйига берманг, менга ўхшаб меҳрга зор бўлмасин, дедилар-ку.
- Онанг ёлғон гапирибди, ҳали узоқ яшайди.
Қиз болалигидаги шу хотираларни эслаб меҳрибонлик уйи деразасига тикилар экан, ҳақиқий ёлғончи ким эканлиги ҳақида ўйларди.
Саида Ибодинова
/channel/xazon_rezgi
Читать полностью…
22745