Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

26 Nov 2024 15:16

#СЕНСАН_СЕВАРИМ

Жаҳонгир сўзлашдан тўхтаб қизга қараганда Шаҳнозанинг ўзига тикилганча суратдек қотиб қолганини кўриб "Ортиқча гап гапириб юбормадимми?" деб ҳижолат бўлиб кўзини четга олди.

- Бу ... Бу ...- деди қиз ҳамон ўша ҳайрат билан.

- Шаҳноза ...

- Бу дил изҳори эдими ,- юзлари лов ёнди қизнинг ,- мен нотўғри тушунмадимми ?

- Мен ...- каловланди йигит ,- узр дилимда борини айтиб юбордим, бироқ бундан пушаймон эмасман. Балки эртадан юзимга қарамасдирсиз , балки бир умр мендан юз ўгириб кетарсиз . Аммо ўшандаям ҳозир айтган гапларимдан пушаймон бўлмаслигим аниқ.

- Йўқ, сиздан хафа эмасман , - аранг шивирлади қиз ,- бироқ ҳозир бари кутилмаганда бўлди . Энди эса кетмасам бўлмайди.

Шаҳноза аста ўгирилиб кета бошлади , бироқ кўп ўтмай ортига бурилди :

- Эртанги кун ўқишим индинга кўчирилган . Индинга келаман. Индинда кўришгунча.

Жаҳонгир қизнинг ортидан бир олам меҳр билан интизор боқиб қолди. Гўёки Шаҳноза ўзи билан унинг юрагини қўшиб олиб кетгандек ҳувиллаб қолган эди йигит.

▪️▪️▪️

- Ассалому алайкум , дадажон. Бугун анча яхшисиз. Ҳовлига ҳам чиқибсиз-?

Ғулом ака қизининг сўзларидан ўзини базўр босди :

- Аксинча,- деди у саломга алик олар экан, оғир хўрсиниб,-қайтага бугун ўзимни ҳар кунгидан ёмонроқ ҳис қилдим. Бошимни кўтардим дегунча кўзларимнинг атрофини қоп-қора ҳалқачалар эгаллаб олаяпти.
- Анчадан буён ётоқдасизда , дада, шунга қувватингиз ҳам қолмаган,- отасини юпатишга шошилди Шаҳноза,- бу ўткинчи ҳолат , ҳадемай ўтиб кетади

- Менга эса бундай туюлмаяпти. Назаримда худди кўпга бормайдигандек кўринаяпман.

- Нафсингизни иссиқ қилинг , дада,- бўғзига аччиқ алланима тиқилди Шаҳнозанинг,- юзларингизга қон югуриб аҳволингиз тобора яхшиланаётгани кўриниб турибди-ю.

- Шам ҳам пов этиб ўчишидан олдин , лов этиб охирги кучи билан ёниб қолишга ҳаракат қилар экан.
Мендаям шунақа бўлса-чи ? - Ғулом аканинг мижжаларига қаторасига ёш тизилгандек бўлди.

Шаҳноза дадасига жавоб бера олмай унга жовдираб тикилди.

Ғулом ака пайтдан фойдаланишга ҳаракат қилди :

- Мен ўлимдан қўрқмайман. Ўлим ҳамманинг ҳам бошида бор. Юрагимни ғижимлаган ҳолат, мен ҳам онанг Раъно сингари сени келинлик либосида бир бор кўра олмай совуқ қабрни қучаманми деб жоним ҳалак.

- Ундай деманг , дада , ҳали узоқ умр кўрасиз.

- Оиламизда бир аёл киши бўлса-ки, сенга бу гапларни гапирса . Ўтган сафар тўй хақида гапириб таъзиримни едим. Айтмасам яна ўзимга жабр. Сени эгангга топширмай ҳотиржам кўз юма олмасам. Баъзан ўйлаб ўйимга ета олмайман. "Ўша куни заҳарлашганда ўлиб кетсам қанийди" деган хаёллар ҳам васваса қилади.
Шаҳноза қизим ... "Қаҳрамонга турмушга чиққин" десам мени ёмон кўряпсан . Бу ҳақда ҳеч қачон ҳеч кимга айтмайман деб ўйлагандим. Аммо энди ўртадаги сирни очмасам бўлмайдиган кўринади.
Шаҳноза қизим. Бери кел. Ўтир ва сўзларимни бўлмасдан тингла.
Бу ҳақда гапириш менга ҳам оғир.
Хуллас, сенинг Қаҳрамонга турмушга чиқишингни бекорга истамаётган эдим. Бунинг бир сабаби бор эди. Агар йигит сенга маъқул тушса ва турмуш қурсанглар , шу орқали бир умрлик виждон азобидан қутиламан деб ўйлагандим.
Қаҳрамоннинг отаси билан орамиздан қил ўтмас дўст эдик. Бугунги кундаги Ғулом бизнесининг асоси аввал бошдан Қаҳрамоннинг отаси- Козимга тегишли бўлган. Бизнесга бор сармояни унинг отаси тиккан эди. Мен эса Козимнинг қўлида оддий бир ёрдамчи эдим.
Бизнесим бошлангандан сўнг уч йилларда гуллаб - яшнай бошлаганда Қаҳрамонни онаси кўзи ёриш вақтида оламдан ўтди.
Козим аёлини жуда севар эди. Унинг ўлимини кўтара олмай бамисли бир девона бўлди.
Орадан йиллар ўтса-да , у ўғлидан бошқа ҳеч ким билан иши бўлмай юраверди. Савдони ҳам , ишни ҳам ташлаб қўйди. Мен эса бизнесни юритиб , Козимни оиласига ҳам рўзғорлик қилиб бериб юравердим.
Орада онанг Раънога уйландим. Шундан сўнг мен ҳам оилам , аёлим билан андармон бўлиб қолган эдим.
Хуллас , Козимнинг бошида ўсимта борлигини билганимда чорасиз бир аҳволга тушиб қолдим.

@Xazon_Rezgi /18