Telegram-канал xazon_rezgi - XazonRezgi (Official Channel): Unsorted

XazonRezgi (Official Channel)

10 Jul 2024 07:52

Муаллиф: Хазонрезги

ОЛМАНИНГ ТАГИ ( ҳикоя)

Шалолада қизиқиш устунлик қилди. У қайта тармоққа уланиб дарҳол Зокирнинг профилига назар ташлади. Бахтига Зокир онлайн эмас экан. Шалола қўллари қалтираганча аста - секин Зокирнинг профилидаги барча расмларни очиб кўра бошлади...

Зокир шахсийсига оиласи ҳақида маълумот берадиган бирорта сурат жойламаган экан.

Шалола негадир бундан бирмунча енгил тортган бўлди. Аммо Зокирнинг шахсийси уни ўзининг ранго-ранг суратлари билан тўла экан...
Кейинги йилларда Зокир яна ҳам савлатли бўлиб кетибди. Мумтоз ва спорт услубида келиштириб кийим кийган, кўзлари ўйчан бу йигит йиллар давомида ҳар қандай қизнинг ҳушини олар даражада кўркамлашган эди.
Шалола Зокирнинг ҳам икки фарзанд кўрганидан хабари бор эди. Бироқ эндигина йигирма иккига кирган бу йигитни танимаганлар бу ҳақиқатга асти ишонмаган бўлар эдилар.
Шалола тармоқда Зокирни бир хафтача кузатди. Зокир ҳам уни эркак киши деб қабул қилгани учунми ёки гуруҳида йиғилган мингдан ортиқ обуначилар қаторида кўрдими қайтиб ортиқча эътибор бермади.
Шалола эса йигитнинг янада сўзамол , янада хуштавоъзе бўлиб кетганлигига гувоҳ бўлиб энтикиб кетди, шу билан бирга у кўзига йиллар синовида пишган , ўзини тутиб олган бўлиб туюлди.
Шалола шу кунлар давомида гуруҳ ташкил қилинган санадан бошлаб Зокирнинг ёзишмаларини ўқиб чиқди. Зокир ўзига мурожаат қилганларга шу қадар эҳтиром билан муносабатда бўлган экан-ки , йигитнинг аҳлоқига беш кетган ҳар қандай инсон беихтиёр унинг доимий мижозлари қаторидан жой олишни истаб қолиши тайин эди.

Шалола Зокирнинг гуруҳда ёзишини зор-интизор бўлиб кутадиган бўлиб қолганди. У Зокирнинг ҳар бир ёзган сўзларини соғинч билан қайта- қайта ўқир эди.
У тармоқдан чиққан вақтда эса ўзини эрига нисбатан худди ҳиёнаткордек ҳис қилар , гарчи Зокирга ўша бир оғиз "Ҳаа" деб жавобидан бошқа ўрталарида арзигулик ҳеч бир гап- сўз бўлмаган бўлса-да , юраги қаттиқ сиқилар эди.
Бу савдо оз ҳам эмас , кўп ҳам эмас , юқорида айтилгани каби нақд бир хафта давом этди.
Бугун Шалола пешиндан сўнг бироз дам олиш илинжида хонасига кирди- ю , одатига кўра юраги дукурлаб тармоққа уланди.
Зокирнинг гуруҳида олди- сотди авжида экан. Зокир ҳам айни вақтда онлайн бўлиб мижозларга гоҳ матнли смс ёзар , гоҳ овозли хабар қолдирар эди. Шалола ёзишмаларни ўқий туриб гуруҳга янги қўшилган юракча профилидаги қизнинг Зокирга нисбатан "Акажон, мен келдим" деб ёзган хабарига кўзи тушди. Зокир ҳам кўзлари шаҳлодан шаҳло ўн етти , ўн саккиз ёшлардаги, ҳусни бир қошиқ сув билан ютгудек хушрўй қизга нисбатан "Э қаерларда қолгандингиз , личга ўтингчи сизда муҳим гапим бор?" дея жавоб қайтарди. Қиз ҳам ўлиб турган экан шекилли дарров "Ман ёмонларнинг дастидан спамман, Акажон" дея лабларини чуччайтирган смайликни жўнатди. Зокир унга нисбатан "Мен ҳам" деди- у , бироқ кўп ўтмай линк жўнатди: "Бу ёқда кутаман!"
Ўртадаги суҳбатга юзларидан олов чиққанча гувоҳ бўлиб турган Шалола лип этиб Зокир узатган линкни ўз телефони ҳотирасига нусҳалаб олди. Унинг кўнгли алланималарни сезганича бор экан , зум ўтмай Зокир жўнатган линк гуруҳдан изсиз ғойиб бўлди.
Шалоланинг бахтига яқиндагина ўзи нусҳалаб олган гуруҳнинг обуна бўлмай ташқаридан ўқиб , кузатиш мумкин экан .
Шалола Зокир ва бояги қизнинг ёзишмаларини юрак ҳовучлаб ўқий бошлади.
Ёзишмалар шундан дарак берарди- ки : "Зокир эмиш-ки бўйдоқ. Анчадан буён кўнглидаги қизни қидирмоқда экан. Унга турмушга чиққан қиз дунёнинг энг бахтли аёли бўлади. Ўзи уйланадиган қизни кафтида эмас , бошида кўтариб юриши аниқ. Бунга шубҳа қилмаса ҳам бўлади..."
Шалоланинг борган сари асаби бузила бошлади. Зокирга ҳамоҳанг суҳбатдош қизнинг тинимсиз ва беўхшов, бемаъни ноз - ишвалари ( Шалолага айнан шундай туюлганди) гўёки намиқиб тутаётган ўтинга керосин сепгандек натижа берди:

@Xazon_Rezgi /3